مشاهدة النسخة كاملة : دردشة حوامل مصر - دردشة بنات مصر - تجمع حوامل مصر
برنسيسه المنتدى
07-01-2010, 10:02 PM
دردشة حوامل مصر - دردشة بنات مصر - تجمع حوامل مصر دردشة حوامل مصر - دردشة بنات مصر - تجمع حوامل مصر دردشة حوامل مصر - دردشة بنات مصر - تجمع حوامل مصر دردشة حوامل مصر - دردشة بنات مصر - تجمع حوامل مصر
السلام عليكم ورحمه الله وبركاته
ازيكم ياكرومبات عاملين ايه
حبيت انهارده اعمل تجمع لحوامل مصر
ام الدنيا
يلاه نتجمع ونساعد بعض بخبراتنا
منتظراكم ياقمرات
برنسيسه المنتدى
07-02-2010, 02:18 PM
معقوووووووووووووووول
!!!!!!!!!!
فينكم يامصررررررررررررين
smhaa
07-02-2010, 06:19 PM
مبروووووك التجمع
انا ليبية بس نسايبنا من مصر وانا عندي بيت في مصر وبروح في السنة مرتين وثلاتة لمصر الحبيبة
وكنت حامل واجهضت للاسف
بس ياااارب ارجع احمل ورح ادخل معكم زي ماانا بالتجمع الليبي
مبروووووووووووووووك التجمع
برنسيسه المنتدى
07-02-2010, 07:08 PM
الله يبارك فيكى ياعسل تنورى التجمع ياجميل ربنا يعوض عاليكى ويكرمك
MONMON541
07-02-2010, 09:02 PM
الفكرة حلوة ,انا معاكو ,انا فى السادس
MONMON541
07-02-2010, 09:05 PM
حد يعرف دكتور او دكتورة نسا كويسين ,واية احسن مستشفى للولادة بالقاهرة؟
سمسمه عمرو
07-02-2010, 09:32 PM
السلام عليكم ورحمة الله وبركاته
ازيكم يا حواااااااامل مصر انا يشرفنى انضم ليكم انا فى التانى ادعولى اخلص من الوحم وارتاح شوية
برنسيسه المنتدى
07-02-2010, 10:01 PM
اهلا يامون مون منوره ياعسل انا مش من القاهره فبتالى مش هقدر افيدك ان شاء الله بنوته تكون من القاهره وتفيدك
سمسمه ياجميل احنا اللى يكون لينا الشرف اكيد ياعسل
ربنا يكملك على خير يارب
اول حمل ليكى ولا التانى؟
smhaa
07-03-2010, 12:15 AM
مشاء الله سمسمة قربتي تدخلي الثالت
ربي يثبته ويتمم لكي على خير
الحمد والشكرلله
07-03-2010, 04:57 AM
انا مصريه ولسه مخلصه التانى وبدات فى التالت...ياريت تقبلونى معاكم
برنسيسه المنتدى
07-03-2010, 11:54 AM
اهلا بيكى ياقمر تنوووووووورى طبعا
ربنا يكملك على خير
برنسيسه المنتدى
07-03-2010, 11:55 AM
طيب يابنات اعرفكم بنفسى
اسمى ريم
عندى 20 سنه
حملت بعد سنه جووووووووواز الحمدلله
وفى اول الشهر الرابع
من مصر ( الاسكندريه )
يلاه كلكم عرفونى بنفسكم
برنسيسه المنتدى
07-03-2010, 07:50 PM
فينكم ياقمررررررررات
برنسيسه المنتدى
07-15-2010, 06:45 PM
فينكم يابناااااااااات
يارب ترزقني بطفل أضمه
07-16-2010, 01:52 AM
الله يتمم عليكم يارب ويهون عليكم انشالله
سمسمه عمرو
07-16-2010, 02:46 AM
ازيكم يا بنات انا ســـــارة 20 سنه متزوجه من 5 شهور وحامل فى اول التالت
مصرية من القاهرة وعايشه فى قطر مع زوجى
ومبسوطه ان فيه تجمع لحوامل مصر
ادعولى انا هروح يوم الاحد اعمل اشعه تليفزيونيه علشان اعرف الحمل فى الرحم ولا ( لا قدر الله خارج الرحم)
ادعولى ربى يثبت حملى وولادتى
ويسهل حمل وولادة كل الحوامل يارب
برنسيسه المنتدى
07-16-2010, 01:26 PM
ربنا يكملك على خير ياساره ياقمرايه ان شاء الله يكون جوه الرحم وربنا يثبت حملك ان شاء الله
نولارا
07-16-2010, 01:51 PM
كان فين التجمع ده من زمان ياريم
انا من طنطا 23سنه
بس خلاص خلصت حمل
وولدت الحمد لله
ربنا رزقنى باحمد 2شهر
عقبالكوا ربنا يتمم حملكم على خيرويرزقكم الذريه الصالحه
حنين الجنة
07-16-2010, 01:57 PM
ما شاء الله ما اكثر الاسكندرانيات هنا
منورين
وانا زى نورا كده خلصت حمل وبنتى عندها 4 شهور
واى استفسار انا جاهزه يا بنات باللى اقدر عليه
للامام
نولارا
07-16-2010, 02:19 PM
مصريه اخبارك واخبار جنه
ايه
مجتلناش الفكره دى لما كنا حوامل
يلا المره الجايه ان شاء الله
برنسيسه المنتدى
07-16-2010, 05:34 PM
منووووووورين يا احلى بنات عاملين ايه
مميرسى يامصريه ياعسل ربنا يخليلكم اطفاااااااااااااالكم
سمسمه عمرو
07-21-2010, 04:24 PM
ايه يا مصريين فينكم؟؟؟؟؟؟؟؟؟؟؟
هو الاسم انكم عاملين تجمع للمصريين بس؟
فين التفاعل يا جماعهانا زعلانه اوى على فكرة
http://2.bp.blogspot.com/_2Tje-jQ_idw/S0V8jxzPhmI/AAAAAAAAB6s/0FchE5in3AA/s400/9332_1147365319909_1100843840_30368105_6748892_n.j pg
شهيدة
07-21-2010, 11:13 PM
ازيكم يا حوامل مصر؟
ممكن انضم لكم
برنسيسه المنتدى
07-22-2010, 12:15 PM
ممكن طبعا
سمسمه ازيك ياحبيبتى عامله ايه
شهيده اخبارك ايه ياعسل
سمسمه عمرو
07-22-2010, 08:42 PM
انا الحمد لله يا برنسيسه
هو فين البنات؟؟؟؟؟؟؟؟؟؟؟
برنسيسه المنتدى
07-22-2010, 09:17 PM
مش عارفه فينهم
يارب دايما تكونى بخير
سمسمه عمرو
07-22-2010, 10:09 PM
يارب طب خلينا احنا ندردش يمكن حد يعبرنا
انا خايفه اوى من الولادة انا دة اول حمل ليا ولسه فى التالت وخايفه
بس اللى مهون عليا انى بشوف صور نمو الجنين بكون متعلقه بيها جدااااً وبقول لما آخده فى حضنى ان شاء الله مش هحس بأى تعب
بس عندى سؤال
هو اللانشون بيضر الجنين؟؟؟؟؟؟؟
انا سمعت المعلومه من واحدة كبيره فى السن علشان كدة مش مصدقه
ياريت لو حد يعرف يفيدنى
سمسمه عمرو
07-23-2010, 12:12 PM
ينفع كدة ؟؟ ماحدش معبرنى خالص؟؟؟؟؟؟؟؟؟
ماشى؟؟؟؟؟ انا زعلانه خااااااااااااااالص
واتفضلوا صالحونى بقى
برنسيسه المنتدى
07-23-2010, 12:12 PM
متقلقيش ياعسل من الولاده انا بردو اول حمل ليا وفاضلى 4 ايام وادخل الشهر الخامس
واللانشون الدكتور بنفسه مانعنى منه واى لحوم نايه ومن الشيبسى
برنسيسه المنتدى
07-23-2010, 12:13 PM
ههههههههههههههههههههههه متزعليش ياقلبى انا رديت عاليكى اهو
نولارا
07-23-2010, 04:56 PM
ازيكم يااجدع حوامل
عاملين ايه انتوا والنونو
يارب تكونوا بخير
عقبال ما تسمعوا واءواءتهم
وما تعرفوش تناموا زيناااااااااااا
برنسيسه المنتدى
07-23-2010, 06:06 PM
هههههههههههههه يارب ياعسل انا نفسى اغمض عينى وافتحها
القى ابنى او بنتى جنبى
شموسه
07-24-2010, 09:44 AM
مبروووووووووووووووووووووووووك
على التجمع
برنسيسه المنتدى
07-24-2010, 12:08 PM
الله يبارك فييييييييييييكى ياعسل
حنين الجنة
07-24-2010, 01:10 PM
مصريه اخبارك واخبار جنه
ايه
مجتلناش الفكره دى لما كنا حوامل
يلا المره الجايه ان شاء الله
جنه كويسه الحمد لله
بوسيلى احمد
احنا معملناش تجمع واحنا حوامل علشان كنا يادوب 3 مصريات
وكانت سويت انجل بحرينية مصرية
البيبي الجاى ان شاء الله نبقى هنا hwaml02
حنين الجنة
07-24-2010, 01:21 PM
برنسيس
خلصتى وحم صح ؟
الشهر الخامس متعب شوية هتحسي بألم تنفس
والم فى الجناب لان البيبي هيبدا يكبر
شموسه
07-24-2010, 01:23 PM
مصريه اشلون جنه
واشلونج انتي
حنين الجنة
07-24-2010, 01:34 PM
تمام شموسه حبيبتى
انتى طمنينى نوال خفت من الالم اللى كان فيها ولا بعد ؟
شموسه
07-24-2010, 01:42 PM
الحمدالله على سلامتها
لا والله كل يوم مصكر خشمها
شريت ماي بخاخ البحر ومانفع لازم كل يوم انظفه
تعالي عادي كل يوم اسويلها ارش بخاخ ماي البحر بخشمها وبعدين اشفطه بالشفاطه وانظفه بالقطن حق الاذاني
في خطووووووووره ولا لا؟؟؟
حنين الجنة
07-24-2010, 01:48 PM
والله ما عندى معلومه
اصلا اول مرة اعرف عن شئ اسمه بخاخ البحر
الله يشفيها يارب
شموسه
07-24-2010, 01:56 PM
امين ومشكوره
حبي لي جنه
باااي
برنسيسه المنتدى
07-24-2010, 02:50 PM
برنسيس
خلصتى وحم صح ؟
الشهر الخامس متعب شوية هتحسي بألم تنفس
والم فى الجناب لان البيبي هيبدا يكبر
اه الحمدلله راح بس انا كمان وحمى مكنش تقيل وجامد كان خفيف يعنى
بس اللى تاعبنى دلوقتى الحديد بيخلينى ارجع كل ما اخدو هبطلو لغايت ما اروح للدكتور
طيب كويس انك عرفتينى لانى كنت هقلق هههههههههه
السلام عليكم
انا سجلت مخصوص لما لاقيت التجمع ده
انا عندى 23 سنه من القاهره انا مش حامل لسه بس عندى امل اكون الشهر ده ان شاء الله واتمنى اتعرف عليكم
برنسيسه المنتدى
07-25-2010, 11:07 AM
اهلا بيكى يا جوجو ربنا يكرمك ياااااااااااارب وتحملى الشهر ده
انا اسمى ريمو
سمسمه عمرو
07-25-2010, 05:03 PM
رجعتلكو تانى يا حوامل مصر
انا بس تعبانه شوية من الوحم اعذرونى الفترة دى صعبة اوى
ادعولى اخلص وحم وارتاح شويه
وحشتووووووووووووووونى
برنسيسه المنتدى
07-25-2010, 05:12 PM
ربنا يهون الايام عاليكى ياعسل ويكملك على خير ياااااااارب
حنين الجنة
07-25-2010, 05:32 PM
حبيبتى برنسيس
اسألى الدكتورة على الترجيع علشان ما يحصلش جفاف لا قدر الله
الحديد مهم جدا خلى بالك
النسبة للهيمجلوبين فى الدم المفروض تكون 12
اقل من كده فقر دم
يعمل نزيف وقت الولادة لا قدر الله
العسل الاسود رااائع عن تجربة رفع الحدي من 9 الى 12
بس من غير اسراف فيه علشان سكر الحمل
برنسيسه المنتدى
07-25-2010, 05:47 PM
انا الحقيقه بقالى يومين مبطله اقراص الحديد بسبب الترجيع والحمدلله راح
وانا ميعادى مع الدكتور يوم السبت القادم ان شاء الله
وبراكيلى عشان انا امبارح حسيت بحركه النونو الحمدلله
حنين الجنة
07-25-2010, 05:52 PM
مبروك
ولسه الشقاوة كلها هتبان
ربنا يتمم لك على خير
حنين الجنة
07-25-2010, 05:52 PM
ماقولتيش هتسمى البيبي ايه ان شاء الله ؟؟؟؟؟
نولارا
07-25-2010, 06:23 PM
اخباركم ايه يااحلى حوامل
اخبارك ايه يام جنه وجنه عامله ايه
يارب تكونوا بخير
مصريه جنه ابتدت تتقلب ولا لسه؟؟؟؟؟؟؟؟؟؟؟؟؟؟؟
حنين الجنة
07-25-2010, 06:33 PM
اهلا يا نورا
وحشتينى
لسه جنه مش بتتقلب
بس بتحرك نفسها بطريقة غريبة
احطها يمين الاقيها شمال
ازى احمد
بطلتى تنيميه على بطنه ولا لسسه
نولارا
07-25-2010, 09:08 PM
لسه يامصريه لما احطه على ضهره يادوب دقيقتين ويصحى يعيط
ويقريف لحد ما ينام تانى
مغلبنى معاه
لكن لاحظت انه لما بيصحى وهواعلىبطنه بيحاول يتقلب على ضهره
لكن لسه مش بيعرف ولما بيتعب ويزهق بيعيط عشان اشيله
حنين الجنة
07-25-2010, 09:35 PM
يا حبيبتى والله خطر عليه ممكن لاقدر الله قلبه يقف
وبعدين الطفل بيتعود على ماتعوديه
نولارا
07-25-2010, 09:50 PM
انتى ما تعرفيش احمد ابنى دماغه ناشفه
هوا اللى بيربينى ويعودنى مش انا
برنسيسه المنتدى
07-28-2010, 01:25 PM
اززززززززززززيكم ياقمرررررات
حنين الجنة
07-28-2010, 01:27 PM
الحمد لله
انتى ازيك والبيبي ؟
برنسيسه المنتدى
07-28-2010, 04:48 PM
الحمدلله ياعسل
انتى عامله ايه
سمسمه عمرو
07-28-2010, 04:55 PM
انا بس عندى سؤال انا داخله على الرابع كمان اسبوعين تقريبا ولسه لحد دلوقتى بطنى ما كبرتش؟؟؟!!!!!
هى البطن تكبر فى الشهر الكام؟؟؟؟؟؟؟؟؟؟
نفسى بطنى تكبر بقى وابقى كرومبه
برنسيسه المنتدى
07-28-2010, 05:14 PM
هههههههههههههههههه هتكبر متقلقيش
انا فى الشهر التانى كان عندى انتفاخ ولا اكنى فى الشهر الخامس او الرابع
ونزلت تانى فى الشهر التالت والرابع
وادينى فى اول الخامس بدئت تبان شويه
وانا كمان عشان صدرى كبر جدا مع الحمل فا مش مبين بطنى
سمسمه عمرو
07-28-2010, 09:40 PM
وحياتك مافى حاجه اتغيرت فيا خااااااااااااااالص
وكل ما اروح العيادة اللى بتابع فيها هنا فى قطر ماحدش بيصدق انى متجوزة اساساً لانى قصيرة وصغنونه وكل ما اقولهم حامل فى 3 شهور يضحكوا عليا
اهىء اهىء اهىء
يرضيكوا كدة.؟.؟؟؟؟مفيش ولا دكتورة روحتلها الا لما تسألنى قبل اى حاجه انتى كام سنه؟ وفى بعض الاماكن لازم اقدم صورة قسيمة الزواج والا ممنوع الكشف (إثبتى يا حلوة انك متجوزة)
ههههههههههههه الواحد تعب يمكن لما بطنى تكبر يصدقوا
انا وانا حامل بلبس كعب عالى علشان يصدقوا بس انى آنسه مع انى عارفه انه غلط بس غصب عنى بيستهفأونى لما بكون لابسه على الارض
انا عاوزة حد ياخد لى حقى ماليش دعوة ): ): ): ): ):
سمسمه عمرو
07-28-2010, 09:42 PM
ما اقصدش آنسه انى ما اتجوزتش لالالالا انى عندى 20 سنه يعنى ماتفهموش غــــــــــــلط
برنسيسه المنتدى
07-28-2010, 10:05 PM
هههههههههههههههه معلش ياعسل
انا بقى عندى 19 و4 شهور ههههههههههههههههههههه
بس انا مش قصيره طويله يعنى طولى 163
سمسمه عمرو
08-01-2010, 11:56 PM
يا بختك الطول بينفع بردو
انا عندى بالظبط
19 سنه و7شهور ويوم
يعنى داخله قريب فى العشرين
بس تشوفينى تدينى اعدادية بالعافيه
بقلظة
08-05-2010, 07:45 AM
السلام عليكم
انا أمل من مصر
ممكن يكون لي صديقات من المنتدي
احبكم في الله
نولارا
08-06-2010, 02:35 PM
ايه يامصريات
كسلانيين كده ليه
امال لما تولدوا ان شاء الله والنونو يشغلكم هتعملوا ايه
املاهلا بيكى انا نورا معايا احمد 3شهور
انتى مقولتيش انتى حامل وفى الشهر الكام؟؟؟؟؟؟؟؟
سمسمه عمرو
08-07-2010, 12:37 AM
نورتى المنتدى يا امل
مش كسلانين ولا حاجه يا نولار بس معظمنا فى فترة الوحم وانتى عارفه فترة صعبة شوية
ان شاء الله نشوف التفاعل
نولارا
08-08-2010, 07:10 PM
فكرتينى ياساره
انا وحمى كان فى رمضان اللى فات كنت بكره السحور
لان جوزى كان بيخلينى اكل بالعافيه
وبعدين كنت برجع كل اللى اكلته
ربنا يتمم لكم على خير يارب وتقوموا بالسلامه انتوا والنونو
بقلظة
08-10-2010, 08:23 AM
انا يا نولار اسمي امل عمري 30 سنة حامل في الشهر الرابع وانتي؟
وياريت نتعرف اكتر علي بعض
نولارا
08-10-2010, 05:07 PM
انا اسمى نورا(ام احمد)
عندى 23سنه
مصريه من طنطا
بقلظة
08-10-2010, 10:51 PM
سعيدة بمعرفتك نورا
انتي حامل في الشهر الكام؟
هو هنا مفيش اخوات غيرنا
شموسه
08-10-2010, 10:55 PM
كل عام وانتم بخير
مبارك عليكم
رمضاااااااااااااان
Naano
08-11-2010, 02:06 AM
مبروك على التجمع
انا فى اول الثالث
ازيكم ياحوامل مصر ايه الاخبار
مش عايزه حد يشتكى من الوحم حوامل مصر قدها وقدودhwaml7
انتوا عارفين الستات ف مصر بتجيب مدرسه ورا بعضها وميهمهاشhwaml11
ربنا معاكم يارب ويقومكم بالسلامه
نولارا
08-11-2010, 07:00 PM
حامل ايه بس ياامل
احمد لسه عنده 3شهور
اكيد فى غيرنا
هما بس مش بيدخلوا المنتدى كتير
حتى انا مش بدخل غير لما يكون احمد نايم
وجوزى مش فى البيت لانه بيكون مستحوذ على الكمبيوتر
سمسمه عمرو
08-16-2010, 06:26 AM
رجعتلكم يا بنات
انا زعلانه اوى اوى اوى
كنا هننزل مصر فى العيد بعدين ظروف شغل زوجى منعتنا
ولما جينا نحجز تذاكر الطيارة للاسف ما لقينا تذاكر عودة كله (full)
ومفيش الا بعدها بشهر وبردوا ظروف شغل البيه ما تسمحش انه يقعد شهر فى مصر
ادعولى حد يلغى حجزة وانزل مصر قريب
مصر وحشتنى اوووووووووووووووى
شهيدة
08-23-2010, 07:13 PM
ازيكم يا حوامل مصر؟
معاكم ان شاء الله
آية منصور
08-24-2010, 02:10 AM
السلام عليكم
ازيكم يا حوامل ؟؟
أنا مصرية زيكم
و حامل في آخر الشهر الثامن
دعواتكم بالتيسير
برنسيسه المنتدى
08-24-2010, 02:46 PM
ربنا يقومكم جميعا بالف سلامه يااااااااااااااااااااارب ويقومنى بالف سلامه
حبيبي
08-24-2010, 02:54 PM
شخبارك ابرنسيسه ازيك وزي البيبي مع رمضان
انا مش مصريه بس شفتك لوحدك اولت اونسك هههههههههههه
انا اسعوديه من الاحساء
مدام فاطمة
08-24-2010, 03:26 PM
انا لسه عضوة جديدة انا في السابع ادعولي الحمل تاعبني جدا
دودى اشرف
08-27-2010, 03:32 PM
hwaml95 السلام عليكم وكل سنة وانتوا طيبين ورمضان كريم على اهل مصر كلهم والامة الاسلامية ...مبرووووووووووووك على التجمع ... انا عضوة جديدة وقلت اشترك معاكم ومبروك لكل الحوامل وان شاء الله نقوم جميعا بالسلامة وربنا يرزق كل الناس بالذرية الصالحة ان شاء الله .... انا حامل فى الشهر التالت وربنا يتملنا جميعا حملنا على خير.hwaml7
ملاك بلا أجنحة
09-11-2010, 12:45 AM
السلام عليكم احبائى المصريات
فكرة جميلة جدا وروعة بجد تسلمى غاليتى
برنسيسة المنتدى
وأنا ان شاء الله معاكم
وادعولى أنا فى الشهر الرابع
تحياتى لكم جميعاأخواتى الغاليات فى أنتظاركم بأذن الله
وكل عام وأنت بخير
dr.princess
09-11-2010, 01:08 PM
ازيكم يا حلوين
انا اول مرة اشوف تجمع حوامل مصر فقلت اشارك معاكم
انا مصرية بس دلوقتى مع جوزى فى المدينة المنورة
انا صيدلانية ومن المنصورة
قطةحبيبي
09-12-2010, 07:48 PM
برنسيس انا كمان من المنصورة
وحامل دلوقتي في الشهر الرابع وتعبانة شوية وخصوصا بطني بحس بتقل وكمان بدخل الحمام كتير
انا كمان في ينبع السعودية مع زوجي طبيبة برده فرصة سعيدة
اهلين ملاك بلا اجنحة انا كطمان في الرابع زيك شفتي بقي واول مرة برده ادخل واشوف التجمع الفظيع ده قلت لازم اشارك لانى عاوزة بجد اتكلم مع حد
قطةحبيبي
09-12-2010, 07:51 PM
حد يا جماعة يقولى بيحس بايه في الشهر ده
وهل حسيتي حركة الجنين ولا لسة انا بحس انى بحسها زي فقاعات كده بتتحرك في بطنك
بس اوقات الامر بيختلط عليا وافتكره انتفاخ
واخبار الحموضة ايه معاكم معدتي بتتعبني جدا والامساك كتير
dr.princess
09-12-2010, 09:30 PM
قطة حبيبى
فرصة سعيدة انى شفتك انا مش بس عايزة اتكلم مع حد انا همووووت واتكلم مع حد جوزى بيشتغل 12 ساعة اسبوعين الصبح واسبوعين بالليل اخر لخبطة
انا محبوسة فى البيت حبسة مايعلم بيها الا ربنا من اول ما عرفت انى حامل ومن قبلها كمان علشان ظروف شغل جوزى هو صيدلى برده وكمان ماما قلقانة عليا علشان لوحدى فبتوصى جوزى اننا مانخرجش
انا لسه فى اول الحمل خالص تقريبا شهر او اربعين يوم لسه هروح كمان يومين اول مرة اكشف علشان اتطمن شوية
وكمان كان فى امل اشوف شغل بس شكل الموضوع ده كمان هيتأجل علشان الحمل
المهم بس ربنا يتمم الحمل على خير انا وكل البنات
بس مش عارفه ليه موضوع المغص ده بيجيلى كتير وموضوع دخول الحمام ده حدث ولا حرج بصحى من النوم كل ساعتين تقريبا ومفيش نفس خالص للاكل ولما اكل حاجة معدتى تتقلب وانتفاخ رهيييب وغازات
توتة السيد
09-14-2010, 12:23 AM
اهلا ببنت بلدي الجميلة مبروك التجمع ولو انها متأخرة شوية بس معلش
ربي يتمم حملكم وحملي بالف خير ويقومنا بالسلامة احنا والبيبيهات بتاعتنا
MALAK2010
09-14-2010, 07:50 AM
صباح الخير يا بنات بلدى
انا مبسوطة بالتجمع دة اوووووووى
انا متابعة المنتدى من شهر وكنت فى تجمع الامارات
انا مهندسة من المنصورة ومع جوزى فى الامارات من حوالى 4 شهور
البلد ما شاء اللة حلوة بس كنت حاسة بغربة اوووووووى
بس بنات تجمع الامارات هونوا عليا شوية
عارفين احساس انى بكلم بنات بلدى احساس حلو او على الاقل فاهمة لغتكم
نسيت اقولكم انى لسة ما بقتش حامل يارب يرزقنى يالذرية الصالحة قريب ان شاء اللة قولوا امييييييييييين
عاوزة اسالكم سؤال بما انكم تعرفوا اكتر منى:
ضرسى وجعنى امبارح ورحت للدكتورة وطلع خراج ونضفتة بس قالتلى ضرورى اخد مضاد حيوى لمدة 5 ايام وانا الايام دى ايام تبويض ينفع اخد ولا ممكن يأثرعلى التبويض انا بسمع انة بيقتل الحيوانات المنوية فدونى لان الشهر اللى فات تعبت وجالى دور برد شديد واخدت برضة مضاد حيوى والدورة فى الشهر دة اتاخرت 6 ايام على غير العادة تفتكروا المضاد الحيوى سبب فى اللخبطة اللى جرت والمضاد الحيوى بياثر على التبويض فيدوووووووووونى
توتة السيد
09-14-2010, 12:43 PM
غاليتي ملاك 2010
انا عملت بحث في جوجل
طلع عندي ان المضاد الحيوي المفروض ما يتخدش في فترة التبويض
وبيسبب تأخر الدورة كمان هذا ما قدرت احصله من معلومات حبيبتي
حاولي ماتاخديش المضاد غير بعد فترة التبويض وربنا يكرمك يارب
بالذرية الصالحة اللي تسعد قلبك واتمني اني اكون فدتك بشئ
حنين الجنة
09-14-2010, 01:10 PM
احمدى ربنا انك فى بلد عربي
والله الغربة اللى بجد هى اللى باوروبا
اتمنى لكم حمل سليم معافى
اى استفسار اندهوا عليا هتلاقونى بتمشى فى المنتدى
RANA ROSE
09-14-2010, 02:56 PM
هاى ياجماعة ربنا يتملكوا جميعاً على الف خير انا رنا ومصرية بس متغربة في السعودية وحامل في الثامن بس اكيد كرومبببببببببببة كبيرة...
dr.princess
09-14-2010, 06:55 PM
صباح الخير يا بنات بلدى
انا مبسوطة بالتجمع دة اوووووووى
انا متابعة المنتدى من شهر وكنت فى تجمع الامارات
انا مهندسة من المنصورة ومع جوزى فى الامارات من حوالى 4 شهور
البلد ما شاء اللة حلوة بس كنت حاسة بغربة اوووووووى
بس بنات تجمع الامارات هونوا عليا شوية
عارفين احساس انى بكلم بنات بلدى احساس حلو او على الاقل فاهمة لغتكم
نسيت اقولكم انى لسة ما بقتش حامل يارب يرزقنى يالذرية الصالحة قريب ان شاء اللة قولوا امييييييييييين
عاوزة اسالكم سؤال بما انكم تعرفوا اكتر منى:
ضرسى وجعنى امبارح ورحت للدكتورة وطلع خراج ونضفتة بس قالتلى ضرورى اخد مضاد حيوى لمدة 5 ايام وانا الايام دى ايام تبويض ينفع اخد ولا ممكن يأثرعلى التبويض انا بسمع انة بيقتل الحيوانات المنوية فدونى لان الشهر اللى فات تعبت وجالى دور برد شديد واخدت برضة مضاد حيوى والدورة فى الشهر دة اتاخرت 6 ايام على غير العادة تفتكروا المضاد الحيوى سبب فى اللخبطة اللى جرت والمضاد الحيوى بياثر على التبويض فيدوووووووووونى
ايه ده احنا المفروض نعمل تجمع جوا التجمع للمنصورة انا وانتى وقطة حبيبى
وتوتة السيد من سوهاج مش بعيد عننا اوى يعنى هههههههههههههه
اولا الف سلامة عليكى حبيبتى
ثانيا انا بصراحة مش متأكدة اذا كان المضاد الحيوى بيأثر على التبويض وحدوث الحمل ولالا
بس اللى كنت عايزة اقوله ان دلوقتى فى اولويات الاهم فالمهم
سنانك دلوقتى اهم انك تاخدى بالك منها لانى عندى تجارب قاسية جدا فى موضوع الاسنان ده ولازم لازم انك تاخدى المضاد الحيوى علشان يعالج تنظيف الخراج وعلشان مايحصلش اى مضاعفات ولو كمان دواء مضاد للالتهاب لازم تاخديه
ولو ربنا مقدر ليكى الحمل هيحصل هيحصل لو حتى ايه حصل
انا رحت عملت عمرة رمضان فى قلب ايام التبويض شوفى بقى المواصلات رايح جاى والعمرة ومرتحناش حتى ساعة علشان ظروف شغل جوزى يعنى كله جرى فى جرى وبعد مارجعت جالى دور برد جامد اوى واخدت كورس محترم جدا مضاد حيوى 1 جم ودواء للسخونية وللصداع وقطرة للاذن ومش فاكرة حاجة تانية ولالا ومكنتش فاكرة انه ممكن يحصل حمل الشهر ده وسبحان الله حصل الحمل مع كل الدواء والتعب
ربنا يارب يكتبلك الحمل عن قريب انتى وكل المسلمات
نولارا
09-14-2010, 08:18 PM
اهلا بالبنات الجداد
توته السيد
والدكتوره
وملاك 2010
ورنا روز
لو عايزين تسالو على اى حاجه انا ومصريه موجودين
احنا اكبر منكم لان احنا ولدنا خلاص وبقينما امهات
توتة السيد
09-14-2010, 10:31 PM
نولارا حبيبتي اهلا بيكي وربي يخليلك ولادك
ياغاليه تسلميييييييييين
توتة السيد
09-14-2010, 10:40 PM
حبيبتي الغالية الدكتورة هههههههههه اكيد مش بعيد قوي ربنا يخليك ياعسل
MALAK2010
09-15-2010, 04:17 PM
السلام عليكم ازيكم عاملين اية
dr.princess: الاول مبرووووووووووك على الحمل وعقبالى ان شاء اللة
ثانيا شكرا على ردك على فكرة خلانى اهدا كتير ان كنت قلقانة بس الحمد للة ربنا يعملى اللى فية الخير ان شاء اللة صحيح لو ربنا اراد هكون حامل حتى لو اخدت اى دوا
نولارا: تسلميلى يا جميل وان شاء اللة لما احتاج اى سؤال هبعت علطووووووووووول
mama-nono
09-16-2010, 07:47 AM
إزيكو كلكو يا بنات بلدي
واحشنى أوى و واحشاني مصر
و ربنا يخليكي يا برنسيسة إنك عملتلنا تجمع مصري
انا mama-nono
لسة مش ماما أوي يعنى بس في الطريق
حامل في الشهر التالت (أول أسبوع)
وعايشة بالإمارات و أنا مصرية من بورسعيد (احلا مكان في الدنيا)
وحاسة بوحدة فظيعة عشان الغربة و كده
لكن إنشاءالله إنتو صحابي حبايبي تهونو عليا
و تقبلو مروري
MALAK2010
09-16-2010, 08:59 AM
صباح الخير يا حبايبى
عاملين اية ياااارب تكونوا بخير
mama.nono: الف مبروووووووووووك على الحمل ويارب يكملك على خير
انا كمان فى الامارات فى الشارقة وحاسة بغربة مفيش زى مصر يا بنتى انا بقالى 3 شهور ومفتقدة مصر اوووووى الشارقة حلوة ما شاء اللة بس مصر فيها اهلنا على الاقل فى حد يسال عليكى ويزورك هنا كل واحد فى حالة والدنيا هاااااااااااااادية وكلة انجليزى فى انجليزى لما زهقت مش احنا فى بلد عربى برضة؟؟؟؟
انتى فى اى امارة ؟ ؟؟ وبتشتغلى ولا لاء انا مش بشتغل
mama-nono
09-16-2010, 09:26 AM
اهلا يا malak2010
نفس شعوري والله يا حبيبتى انا هنا حاسة بوحدة رهيبة و مش بحس بطعم العيد أو رمضان أو اى حاجة
انا في أبوظبي
انا بسمع ان الشارقة فيها مصريين كتير
أمال لو عشتى بقا في دبي ولا الشارقة تحسي بإيه خخخخخخخخخخخ
عموما
خلى بالك من نفسك و من البيبي و صبري نفسك زي ما بعمل و أيام هتعدي إنشاء الله
و ربنا معاكى
:)
MALAK2010
09-16-2010, 11:30 AM
mama nono:انتى بتقولى ان الشارقة فيها مصرييين كتيير امال مش بشوفهم لية قليل
حتى لو فى مصريين الكل مشغول ومحدش فاضى لحد انا ليا جارة مصرية الباب جنب الباب ولسة ماشوفتهاش لغاية الوقتى ومعرفش شكلها هتسالينى ازاى عرفت انها مصرية اقولك سمعتها بتزعق لولادها وانتى عارفة زعيق المصرية مميز هههههههههههههه
انا اتعرفت على زوجة صاحب جوزى بس زيارات قليلة للمناسبة ومكالمة كل فين وفين
على فكرة انا لسة ما بقتش حامل ادعيلى لان الحمل هو اللى هيصبرنى علشان شوية ويكون حد معايا يوأوأ ويسلينى على ما جوزى يرجع من الشغل ادعيلى يكون قريب ان شاء اللة
dr princess: ازيك يا جميل عاملة اية انتى عايشة فى المدينة المنورة ولا مكة ممكن لو كنتى فى المدينة تدعيلى بالحمل والذرية الصالحة وانتى فى الروضة (امانة)
واذا كنتى فى مكة تدعيلى فى اى مكان او ياريت فى حجر سيدنا اسماعيل (امانة) واذا ماقدرتيش خلاص مش هزعل
نولارا
09-16-2010, 06:56 PM
اهلا بيكى ياتوته على فكره انا ام لاول مره عندى احمد ربنا يخليه ليا ولباباه
ملاك ربنا يرزقك بالذريه الصالحه يارب عاجلا غير اجل
حنين الجنة
09-16-2010, 07:20 PM
اكثر ناس متفرقين بالغربة هما المصريين
كل واحد بيقول يالله نفسي
ولو تشوفوا باقى الجنسيات ماااااا شاء الله ولا قوة الا بالله
بيتلموا على بعض زى النمل
حسرة علينا يا حسرة علينا
MALAK2010
09-16-2010, 07:36 PM
نولارا:ربنا يسمع منك وشكرا على الدعاء
مصرية مغتربة: عندك حق المصريين مش فاضيين لبعض الكل مشغول بلقمة العيش عارفة هنا فى الشارقة نسبة الهنود كتيرة اووووووووووووووووى تشوفيهم وهم ماشين فى الشوارع بيمشوا فى تجمعات كبيرة ما شاء اللة
انتى ربنا يقويكى على الغربة وكمان فى انجلترا
dr.princess
09-16-2010, 09:11 PM
ازيكم يا بنات اخباركم ايه وحشتونى
malak2010 انا فى المدينة المنورة
والله حبيبتى انا مش بخرج خالص الايام دى ومرحتش المسجد النبوى من 2 رمضان
بس ان شاء الله اول ما اروح هدعيلك هناك فى الصلاة بس الروضة بتبقى زحمة مووووووت و علشان الحمل هيبقى صعب وانتى عارفة الستات مش بتتفاهم ممكن تاخديلك بوكس فى اى مكان ( دخول الروضة بمواعيد ساعتين الصبح وساعتين ونص بعد صلاة العشاء مش زى عند الرجال مفتوحة طول اليوم )وكمان بتبقى الاولوية للضيوف ( جايين يومين وماشيين )
انا دخلتها مرة واحدة من اول ماجيت من 5شهور ونص وكان تقطيع صليت ركعتين وانا ساجدة على الست اللى قدامى والناس واقفة فوقك ركعتين وبس وتلاقى نفسك اوت
بس ان شاء الله لما زحمة المعتمرين تخف وكمان ارجع اخرج تانى باذن الله هدخل اصلى هناك وادعيلك وادعيللى ولكل المسلمين
dr.princess
09-16-2010, 09:38 PM
صحيح يا بنات نسيت اقولكم
انا اخيرا رحت اول امبارح علشان اتابع الحمل
الست الكتكوتة الدكتورة قلبتنى قلبة سودة ماخدتش 5 دقايق دى لو بتكشف على بطيخة ماكنتش لحقت تعرف حمرا ولا قرعة
الدكتورة متكلمتش كلمتين على بعض اول ما دخلت الممرضة سجلت الاسم والجنسية والسن ومعاد اخر دورة وقاست الضغط والوزن
والممرضة جهزتنى علشان الدكتورة تعمل السونار ( نيمتى وحطت الجل ) والدكتورة تعبت صراحة حركت الجهاز على بطنى وقالتلى اه هو يادوب شهر ونص ( العلم عند الله طبعا بس هو اقل من شهر ونص طيب انا راضية ذمتكم اخر دورة خلصت 1/8/2010 هى كده حاسبالى من اول يوم بعد الدورة مش عارفة ازاى)
المهم قالتللى خدى folic acid قلتلها انا وجوزى صيادلة فانا بدأته فعلا وكتبتلى دواء navidoxineعلشان القىء وقلتلها انى باخد فيتامينات materna قالتلى لا وقفيها مش عارفة ليه صراحة توتة السيد حبيبتى بتقولى المفروض بيتاخد من اول الرابع بس انا شايفة انها مفيدة فى كل الاحوال وخلاص مع السلامة روحى
قلتلها بس كده مش فى تحاليل وحاجات هبلة كده بتتعمل قالتلى انتى تجيلى بعد 10 ايام نتطمن تانى على البيبى نعمل سونار وتعملى التحاليل
انا كنت كاتبة ورقة بالحاجات اللى عايزة اسئلها عليها مفتكرتش الا حاجتين حاجة مؤدبة وحاجة قليلة الادب طبعا اكيد مش هنسى دى
الحاجة المؤدبة سئلتها عن السمك والتونة اكلهم عادى ولا ايه قالتلى كلى كل حاجة مفيش حاجة ممنوعة
والحاجة القليلة الادب قالتللى خير الامور الوسط وبالراحة ومش كتير
توتة بتقولى ان كشف الخمس دقايق هو ده العادى
انا حضرت كشف حمل لاختى عند دكتورة عندنا فى المنصورة كان كشف كشف على حق وتاخد وتدى كده وتسألها عن اخبارها وصحتها وايه الجديد سواء حلو او وحش واعملى ده ومتعمليش ده بس الكشف بتاعى ده مدخلش ذمتى ببصلة والله
معلشى طولت اووووووى اصل انا لكاكة شويتين
ام شمس
09-17-2010, 06:42 PM
انا عراقيه واهلي يسكنون في مصر في 6 اكتوبر واحتمال اذا سمحتلي الفرصه ان تكون ولادتي بمصر فااريد اعرف عن مستشفى قريب يكون من المنطقه اللي يسكنون بيها اهلي واريد اسم طبيب او طبيبه حتى اراجعهم وكم تكلف الولاده الطبيعيه في احسن مستشفى بمصر
dr.princess
09-18-2010, 10:59 AM
والله ام شمس معنديش اى فكرة
ان شاء الله البنات اللى عارفة اكيد بتفيدك
وربنا يرزقك بالولادة السهلة واحنا كمان ياااااااااارب
MALAK2010
09-18-2010, 11:27 AM
السلام عليكم يا حبايبى عاملين اية
عاوزة اسالكم سؤال مهم ياترى بجد فى اعراض حمل مبكرة يعنى قبل التحليل وممكن بعد ايام من يوم التبويض اية رايكم كل واحدة تحكيلى تجربتها واية اللى كانت حساة وامتى ؟؟
يعنى فى ناس بتقول ان الصدر(الم فى الصدر) اول حاجة بيتاثر وبيبان بعد التبويض باسبوع
صحيح الكلام انا عارفة ان فى حاجات صح وحاجات غلط وممكن يكون وهم بس عاوزة اعرف منكم انا لسة متجوزة وما عنديش خبرة وصحيح من طفل للتانى بتختلف الاعراض
يلا قولوا الاعراض لو كان فى وامتى وبتفضل لغاية امتى
MALAK2010
09-20-2010, 09:13 AM
صباح الخير يا حبايبى يلا ناخد مع بعض حسنات ان شاء اللة
آية الكرسى
(اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ)
من قرأها لا يزال عليه من الله حافظ ولا يقربه شيطان حتى يصبح
وقال رسول الله صلى الله عليه وسلم
(من قرأها دبر كل صلاة مكتوبة لم يمنعه من دخول الجنة إلا أن يموت)
{ آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ كُلٌّ آمَنَ بِاللّهِ وَمَلآئِكَتِهِ وَكُتُبِهِ وَرُسُلِهِ لاَ نُفَرِّقُ بَيْنَ أَحَدٍ مِّن رُّسُلِهِ وَقَالُواْ سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ {285 لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ }286
سورة البقرة
من قرأها فى ليلة كفتاه
ومن قرأ ( قل هو الله أحد ) و ( المعوذتين )
حين يصبح وحين يمسى ثلاث مرات تكفيه من كل شىء
أذكار الصباح
1- أَصْـبَحْنا وَأَصْـبَحَ المُـلْكُ لله وَالحَمدُ لله ، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير ، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ، وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه، رَبِّ أَعـوذُ بِكَ مِنَ الْكَسَـلِ وَسـوءِ الْكِـبَر ، رَبِّ أَعـوذُ بِكَ مِنْ عَـذابٍ في النّـارِ وَعَـذابٍ في القَـبْر.[مسلم 4/2088]
2- اللّهُـمَّ بِكَ أَصْـبَحْنا وَبِكَ أَمْسَـينا ، وَبِكَ نَحْـيا وَبِكَ نَمُـوتُ وَإِلَـيْكَ النُّـشُور. [الترمذي 5/466]
3- اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ .[البخاري 7/150]
4- اللّهُـمَّ إِنِّـي أَصْبَـحْتُ أَُشْـهِدُك ، وَأُشْـهِدُ حَمَلَـةَ عَـرْشِـك ، وَمَلائِكَتِك ، وَجَمـيعَ خَلْـقِك ، أَنَّـكَ أَنْـتَ اللهُ لا إلهَ إلاّ أَنْـتَ وَحْـدَكَ لا شَريكَ لَـك ، وَأَنَّ ُ مُحَمّـداً عَبْـدُكَ وَرَسـولُـك .(أربع مرات ) [أبو داود 4/317]
5- اللّهُـمَّ ما أَصْبَـَحَ بي مِـنْ نِعْـمَةٍ أَو بِأَحَـدٍ مِـنْ خَلْـقِك ، فَمِـنْكَ وَحْـدَكَ لا شريكَ لَـك ، فَلَـكَ الْحَمْـدُ وَلَـكَ الشُّكْـر .[أبو داود 4/318]
6- اللّهُـمَّ عافِـني في بَدَنـي ، اللّهُـمَّ عافِـني في سَمْـعي ، اللّهُـمَّ عافِـني في بَصَـري ، لا إلهَ إلاّ أَنْـتَ . (ثلاثاً)
اللّهُـمَّ إِنّـي أَعـوذُبِكَ مِنَ الْكُـفر ، وَالفَـقْر ، وَأَعـوذُبِكَ مِنْ عَذابِ القَـبْر ، لا إلهَ إلاّ أَنْـتَ . (ثلاثاً) [أبو داود 4/324]
7- حَسْبِـيَ اللّهُ لا إلهَ إلاّ هُوَ عَلَـيهِ تَوَكَّـلتُ وَهُوَ رَبُّ العَرْشِ العَظـيم . ( سبع مَرّات حينَ يصْبِح وَيمسي) [أبو داود موقوفاً 4/321]
8- أَعـوذُ بِكَلِمـاتِ اللّهِ التّـامّـاتِ مِنْ شَـرِّ ما خَلَـق . (ثلاثاً إِذا أمسى) [أحمد 2/290، وصحيح الترمذي 3/187]
9- اللّهُـمَّ إِنِّـي أسْـأَلُـكَ العَـفْوَ وَالعـافِـيةَ في الدُّنْـيا وَالآخِـرَة ، اللّهُـمَّ إِنِّـي أسْـأَلُـكَ العَـفْوَ وَالعـافِـيةَ في ديني وَدُنْـيايَ وَأهْـلي وَمالـي ، اللّهُـمَّ اسْتُـرْ عـوْراتي وَآمِـنْ رَوْعاتـي ، اللّهُـمَّ احْفَظْـني مِن بَـينِ يَدَيَّ وَمِن خَلْفـي وَعَن يَمـيني وَعَن شِمـالي ، وَمِن فَوْقـي ، وَأَعـوذُ بِعَظَمَـتِكَ أَن أُغْـتالَ مِن تَحْتـي . [صحيح ابن ماجه 2/332]
10- اللّهُـمَّ عالِـمَ الغَـيْبِ وَالشّـهادَةِ فاطِـرَ السّماواتِ وَالأرْضِ رَبَّ كـلِّ شَـيءٍ وَمَليـكَه ، أَشْهَـدُ أَنْ لا إِلـهَ إِلاّ أَنْت ، أَعـوذُ بِكَ مِن شَـرِّ نَفْسـي وَمِن شَـرِّ الشَّيْـطانِ وَشِـرْكِه ، وَأَنْ أَقْتَـرِفَ عَلـى نَفْسـي سوءاً أَوْ أَجُـرَّهُ إِلـى مُسْـلِم. [صحيح الترمذي 3/142]
11- بِسـمِ اللهِ الذي لا يَضُـرُّ مَعَ اسمِـهِ شَيءٌ في الأرْضِ وَلا في السّمـاءِ وَهـوَ السّمـيعُ العَلـيم . (ثلاثاً) [أبو داود 4/323]
12- رَضيـتُ بِاللهِ رَبَّـاً وَبِالإسْلامِ ديـناً وَبِمُحَـمَّدٍ صلى الله عليه وسلم نَبِيّـاً . (ثلاثاً) [أبو داود 4/318]
13- سُبْحـانَ اللهِ وَبِحَمْـدِهِ عَدَدَ خَلْـقِه ، وَرِضـا نَفْسِـه ، وَزِنَـةَ عَـرْشِـه ، وَمِـدادَ كَلِمـاتِـه . (ثلاثاً) [مسلم 4/2090]
14- سُبْحـانَ اللهِ وَبِحَمْـدِهِ . (مائة مرة)[مسلم 4/2071]
15- يا حَـيُّ يا قَيّـومُ بِـرَحْمَـتِكِ أَسْتَـغـيث ، أَصْلِـحْ لي شَـأْنـي كُلَّـه ، وَلا تَكِلـني إِلى نَفْـسي طَـرْفَةَ عَـين .[صحيح الترغيب والترهيب 1/273]
16- لا إلهَ إلاّ اللّهُ وحْـدَهُ لا شَـريكَ لهُ، لهُ المُـلْكُ ولهُ الحَمْـد، وهُوَ على كُلّ شَيءٍ قَدير . (مائة مرة) [البخاري 4/95 ومسلم 4/2071]
17- أَصْبَـحْـنا وَأَصْبَـحْ المُـلكُ للهِ رَبِّ العـالَمـين ، اللّهُـمَّ إِنِّـي أسْـأَلُـكَ خَـيْرَ هـذا الـيَوْم ، فَـتْحَهُ ، وَنَصْـرَهُ ، وَنـورَهُ وَبَـرَكَتَـهُ ، وَهُـداهُ ، وَأَعـوذُ بِـكَ مِـنْ شَـرِّ ما فـيهِ وَشَـرِّ ما بَعْـدَه . [أبو داود 4/322]
ميرنا
09-21-2010, 10:55 AM
السلام عليكم ياخواتى المصريات
نبى نسالكن سوال انا من ليبيا ومعنديش اطفال ونبى نسوى حقن مجهرى عند الدكتورة حسان النعمان فى الاسكندرية فى اسموحة ياريت لى تعرف الدكتوراتقولى هل هو شاطر او دلونى على احسن دكتور فى الاسكندرية عمرى 39 سنة وخايفة من النتيجة *
هاى انا امانى من القاهرة حامل بالشهر السادس
حد يعرف دكتور او دكتورة نسا كويسين ,واية احسن مستشفى للولادة بالقاهرة؟
انا بتابع مع دكتورة رشا كامل فى مستشفى الندى فى المنيل هى احسن مستشفى للولادة فى القاهرة
صحيح يا بنات نسيت اقولكم
انا اخيرا رحت اول امبارح علشان اتابع الحمل
الست الكتكوتة الدكتورة قلبتنى قلبة سودة ماخدتش 5 دقايق دى لو بتكشف على بطيخة ماكنتش لحقت تعرف حمرا ولا قرعة
الدكتورة متكلمتش كلمتين على بعض اول ما دخلت الممرضة سجلت الاسم والجنسية والسن ومعاد اخر دورة وقاست الضغط والوزن
والممرضة جهزتنى علشان الدكتورة تعمل السونار ( نيمتى وحطت الجل ) والدكتورة تعبت صراحة حركت الجهاز على بطنى وقالتلى اه هو يادوب شهر ونص ( العلم عند الله طبعا بس هو اقل من شهر ونص طيب انا راضية ذمتكم اخر دورة خلصت 1/8/2010 هى كده حاسبالى من اول يوم بعد الدورة مش عارفة ازاى)
المهم قالتللى خدى folic acid قلتلها انا وجوزى صيادلة فانا بدأته فعلا وكتبتلى دواء navidoxineعلشان القىء وقلتلها انى باخد فيتامينات materna قالتلى لا وقفيها مش عارفة ليه صراحة توتة السيد حبيبتى بتقولى المفروض بيتاخد من اول الرابع بس انا شايفة انها مفيدة فى كل الاحوال وخلاص مع السلامة روحى
قلتلها بس كده مش فى تحاليل وحاجات هبلة كده بتتعمل قالتلى انتى تجيلى بعد 10 ايام نتطمن تانى على البيبى نعمل سونار وتعملى التحاليل
انا كنت كاتبة ورقة بالحاجات اللى عايزة اسئلها عليها مفتكرتش الا حاجتين حاجة مؤدبة وحاجة قليلة الادب طبعا اكيد مش هنسى دى
الحاجة المؤدبة سئلتها عن السمك والتونة اكلهم عادى ولا ايه قالتلى كلى كل حاجة مفيش حاجة ممنوعة
والحاجة القليلة الادب قالتللى خير الامور الوسط وبالراحة ومش كتير
توتة بتقولى ان كشف الخمس دقايق هو ده العادى
انا حضرت كشف حمل لاختى عند دكتورة عندنا فى المنصورة كان كشف كشف على حق وتاخد وتدى كده وتسألها عن اخبارها وصحتها وايه الجديد سواء حلو او وحش واعملى ده ومتعمليش ده بس الكشف بتاعى ده مدخلش ذمتى ببصلة والله
معلشى طولت اووووووى اصل انا لكاكة شويتين
دا العادى يا توته انا بردو الدكتورة بتاعتى كده وكتبتلى نفس الحاجات بتاعتك والماترنا من اول الرابع
السلام عليكم ورحمه الله وبركاته
ازييييييييييييكم يا احلى حوامل فى الدنيا
انا لسه واخده بالى من تجمع الحوامل المصريات قلت اكيد هترحبو بيا
لانى رحت التجمع بتاع الشهر الاول والتانى والتالت ومحدش عبرنى :(
قلت هنا ان شا الله الاقي اخوات حلويييييين
ونعين بعض يارب ونستفيد ونتسلى كمااااااااااان
يارب يتمم حملنا جميعا على خيييير
على فكره الدكتوره بتاعتى كتبتلى الماترنا من اول الحمل بس يمكن لان انا عندى نقص حديد وقالتلى كمان استمر عليه فى الرضاعه
نولارا
09-22-2010, 03:48 PM
]د×و
اهلا بيكى
انتى منين بالضبط؟؟؟؟؟؟؟؟؟؟؟؟
اهلا بيكى اختى نولارا
انا من القاهره بس متزوجه وعايشه فى السعوديه
وانتى منين يا قمر
ممكن تنادينى دودو :)
فينكم يا بنات مصرررررررررررررر
انتى كسلانيين ولا ايه
السلام عليكم ياخواتى المصريات
نبى نسالكن سوال انا من ليبيا ومعنديش اطفال ونبى نسوى حقن مجهرى عند الدكتورة حسان النعمان فى الاسكندرية فى اسموحة ياريت لى تعرف الدكتوراتقولى هل هو شاطر او دلونى على احسن دكتور فى الاسكندرية عمرى 39 سنة وخايفة من النتيجة *
وعليكم والسلام ورحمه الله وبركاته
اهلا بيكى اختى
ربنا يرزقك يارب بالزريه الصالحه يارب عن قريب
بصراحه انا مصريه وعايشه بالسعوديه
وللاسف معرفش دكاتره اسكندريه
لكن ممكن ادلك على دكتور شاطر اوى وكبير فى القاهره
مرات اخوى واختى وصديقتى عالجهم والحمد لله عندهم اطفال عقبالك يارب
هو اسمه محمود نيازى وعيادته فى المهندسين
يارب تنولى كل اللى ببالك
نولارا
09-22-2010, 10:56 PM
ماشى يادودو
انا من طنطا
كنت حامل والحمد لله ربنا رزقنى باحمد
عنده دلوقتى 4شهور ونص
عقبالك يااااارب
ماشاء الله يا نولارا
ربنا يحميهولك يارب وتفرحى بيه يااارب
اتشرفت بيكى يا قمر
dr.princess
09-23-2010, 10:09 AM
صباح الخير يا بنات
معلشى اتأخرت عليكم مش عارفه مالى كده بقيت بأنام كتيييييييييييييير انا يادوب بألحق أطبخ قبل ما جوزى يرجع من شغله
انا حاسه انى قرصتنى ال Tsi Tsi Fly ( ذبابة النوم اخدناها ايام الكلية ) الذبابة دى اللى بتقرص الناس فى الغابات الاستوائية ويفضلوا نايمييييييييييييين ربنا يعافينا
المهم انى لحقت اسلم عليكم قبل ما أدخل أنام تانى
تصبحوا على خير بقى دلوقتى
موكا القمر
09-23-2010, 11:06 AM
السلام عليكم ورحمة اللة وبركاتة على كل واحدة شايلة بطيخة اول مرة اشوف المنتدى دة وفرحت جدا مش عارفة لية يارب تكونو كلكو بالف خير انا ام لبنوتة وحامل فى اخر الخامس ايام ويخلص ومش باين بنت ولا ولد ادعولى ربنا يرزقنى بلولد الصالح بس ان حاسة انها بنت مش عارفة ادعولى وخلاص انا ونصيبى تشرفت انى معاكم فى المنتدى تحياتى لكل ام سلالالالالام
نولارا
09-23-2010, 11:09 AM
صباح الخير يابنات
احمد بيسلم عليكم كلكم
برنسيس
عادى اناكنت بنام كتير جدا فى الحمل
بعدالولاده هتتمنى تنامى ساعتين على بعض
انا احمد قايم معايا بالواجب فى موضوع النوم ده
نولارا
09-23-2010, 11:11 AM
موكا
ربنا يرزقك بالولد الصالح ياااااااارب
ويرزقنا برهم
موكا القمر
09-23-2010, 11:38 AM
سارة الجميلة ربنامعاكى يارب وانشاء اللة حملك يكمل على خير وتجيبى اللى ربنا كتبهولك زى القمر وفى صحة كاملة وخلقة تامة ان شاء اللة مش عارفة انا رديت عليكى فى الوقت المناسب ولا لاء اصل انا لسة مشتركة انهردة ربنا معاكى انا من المنصورة بااى
موكا القمر
09-23-2010, 11:41 AM
ربنا يخليكى ياقمر ربنا يسمع منك ان شاء اللة انا بنتى ملك وبدلعها موكا
موكا القمر
09-23-2010, 11:48 AM
يابنات عندكو اسامى جديدة لبنات لانى حسة انى حامل فى بنت
موكا القمر
09-23-2010, 11:55 AM
يانولارا دة اسمك حقيقى ولا حركى هو اسم جميل فعلا بس اية معناة تشرفت بمعرفتك انا من المصورة
موكا القمر
09-23-2010, 12:14 PM
عاملين اية ياحوامل
صباح القشطه عليكم يا كرومبات
برنسيس ....حمد الله عالسلامه النوم عادى فى الحمل يا عسل
نولارا ....ايه اخبار حماده ربنا يخليهولك يارب
موكا ....اهلا بيكى نورتى انا كمان جديده واكتشفت المنتدى من كم يوم
ربنا يخليلك ملوكه العسل
انا عندى بنوته بردو ربنا يحميهالى يارب واجيب لها اخ او اخت يسليها هههههه
نولارا
09-23-2010, 03:48 PM
موكا
انا اسمى نورا ولما جيت اسجل بالمنتدى بكتب بسرعه فطلعت نولارافعجبتنى وسبتها
دودو
احمد مجننى ومش عارفه انام براحتى خااااااالص
كنت فاكراكى صغنونه عندك بنوته ؟اسمها ايه؟؟؟؟؟؟؟؟؟؟؟؟؟؟؟
dr.princess
09-25-2010, 09:11 AM
ازيكم يا بنات انا جيييييييييت
ازى البنات الجديدة موكا نورتينا اول ما شفت اسمك افتكرت الكابتشينو بالموكا ( طعمه يجنن طبعا علشان محرومة منه )ربنا يكمل الحمل على خير وارجع اشربه براحتى
على فكرة انا كمان من المنصورة وكنت صيدلة المنصورة
وكمان قطة حبيبى دكتورة من المنصورة بس معدتش بشوفها فى المنتدى خالص
نولار النوم ده بقى حاجة صعبة عندى ده انا بقيت بشيل هم انى هقوم اطبخ ازاى يعنى المفروض انى اعمل النهاردة كفتة حاتى قبل ما جوزى يرجع الساعة 6.5 وقاعدة بفكر اذا كنت هلحق اعملها بعد ما اصحى ولا لا
حتى كمان كنت عايزة كيكة مخططة بالشيكولاتة (طبعا مش ليا ممنوعة برده) هعملها لجوزى ولناس اصحابنا جايين زيارة وطبعا طبعا اجلتها لبكرة عشان انام
د×و موكا ربنا يخليلكم البنات
نولار ربنا يخليلك احمد
يللا بقى اسيبكم علشان انام والحق اصحى اعمل الكفتة دعواتكم
موكا القمر
09-25-2010, 10:56 AM
السلام عليكم ياكل حوامل وامهات مصر
موكا القمر
09-25-2010, 11:05 AM
دودو الجميلة ربنا يكملك على خير انا كمان كنت فى اول حملى بنااااااااام كتير بس بعد كدةبقيت انسانة طبيعية وعندى ملك ربنا يحميها مبتنمش ابدا ابدا علشان كدا انا مباقتيش بنام وانتى كمان الحقى نامى دلوقتى لانك بعد كدا هتتمنى النوم مش هتعرفى ربنا معاكى
موكا القمر
09-25-2010, 11:07 AM
نولارا فعلا اسم جميل ممكن اسمية لو ربنا رزقنى ببنت
تسلمو يا حلوييين
نولارا ربنا يخليلك احمد ويكبر وتعرفى تنامى يارب
انا بنتى اسمها لوجين وعمرها سنتين
برنسيس ان شاء الله تلحقى تعملى الكفته وتطلع حلوة يارب
على فكره انا مشرفه مطبخ فى منتدى تانى لو عزتو اي وصفه انا فى الخدمه :)
بس صحيح ليه محرومه من الكيك هو مش مضر ولا حاجه!!
موكا ازيك حبيبتى وازى ملوكه ربنا يتمم حملك يارب على خير
اه والله على رائيك هنبقا زى نولارا والنونو مش هينيمنا الليل هههههههههه
انا بطبخ مندى الدجاج يم يم
بس جوزى اتصل وقال هيتاخر وانا جعانه اصلى مافطرتش :(
روان85
09-26-2010, 04:27 AM
كنتم فين من زمان سايبنى لايصه فى المنتدى كده ينفع انا كنت هتجنن ياناس اقول ايه مفيش مصريين ولا ايه
انا بقى كنت حامل وحصلى اجهاض ودلوقتى حامل فى الاسبوع التانى من الشهر الرابع ادعولى علشان انا بعانى من ظهرى جدا
اهلا اهلا بيكى روان نورتى الشات
تحسي انه فعلا مش باين انا كمان لاقيته بعد فتره من تسجيلى
وكمان اقولك سر
البنات الحوامل المصريات دول طلعو كسوللييييين بشكل
بيدخلو كل فين وفين :(
بلاقى الشات بتاع كل البلاد عمران كده ومليان وانا لا
بس ممكن هم معزورين اغلبهم فى الشهور الاولى وطبعا الوحم عامل عمايله :)
المهم اتشرفت فبيكى وربنا يتمم حملك على خير ياااارب
dr.princess
09-26-2010, 09:19 AM
د×و الكيكة مش ممنوعة ولا حاجة
بس انا عايزة اعملها بالشيكولاته وطبعا ممنوعة فى الحمل فيها كافيين زيها زى الشاى والنسكافيه والقهوة والكاكاو بالظبط
عملت الكفتة امبارح طلعت تجنن
روان نورتى المنتدى واهلا بيكى معانا وربنا يكمل حملنا على خير
معلشى احنا كسولين شوية او انا اتكلم عن نفسى بس زى ما قالت د×و اول حمل ولسه فى الشهر التانى ومتبهدلة نوم ودوخة وطبعا كله كوم ومعدتى المقلوبة طول اليوم دى كوم تانى مبقتش عارفة اكل حاجة ربنا يصبرنا ويتمملنا على خير
بنات نادونى دودو عشان تسهلو على نفسكم :)
برنسيس مش ممنوعه لدرجه انك ماتكليش الكيك انا باكل شوكلاته عادى لما نفسها تروح لها وسعات اشرب نسكافيه بردو بس كل فين وفين
وكنت بعمل كده فى بنتى عادى والله
بس لو انتى طبعا حابه كده ومش مسببلك ازمه خلاص تمام
وعلى رايك ربنا يعدى شهور الوحم دى على خير الواحد تعب بجد:(
dr.princess
09-26-2010, 03:49 PM
دودو والله فى الاول كنت متضايقة بس دلوقتى بدأت اتعود
انا بس مش عايزة اقرب منها لان اختى فى حملها الاول كانت بتشرب شاى ونسكافيه كتير و ابنها طلع عصبى جدا ونشاطه زايد اوى بتهيألى انها من المنبهات دى والعلم عند الله
فقلت بلاش احسن انا هنا لوحدى مين هيساعدنى
وهانت ان شاء الله كلها ايام وشهور الوحم تخلص
ههههههههه يا عينى خايف البيبى يطلع عصبى
لا ربنا يارب يديكى نونو جميل وديع وهادئ يارب مع انه فى زماننا ده الاطفال ربنا وحده يعلم بيهم ههههههه
انتى مغتربه يا برنسيس زيي يعنى
انا عايشه فى السعوديه بقالى سنه ونص اهو
فعلا الغربه صعبه اوى
ربنا يعين
حبيبة الرحمن
09-26-2010, 07:01 PM
السلام عليكم ورحمة الله وبركاته
أنا حامل فى الشهر السادس وتعبانة جدا
عندى حرقان فى معدتى لو حد عنده فكرة عن
فوار اسمه رانى هو بيريحنى جدا لكن مكتوب
انه بيوصل للجنين وانا خايفة جدا
لو حد عنده فكرة يطمنى
dr.princess
09-27-2010, 09:00 AM
هههههههههههههه دودو والله عندك حق العيال اليومين دول بقوا صعبين اوى بس اعمل ايه انا قلت اخد بالاسباب وخلاص
طيب اختى فى الولادتين كانت بتفضل عندنا فى البيت بالشهور قبل الولادة وبعدها وحتى لما كانت ترجع بيتها انا مكنتش بسيبها وكمان حماتها موجودة وماما وكمان حماها احيانا بس انا لوحدى هنا حتى لو جبت ماما وقت الولادة هتفضل شهر او اتنين وهتسيبنى ربنا معانا احنا المتغربين
انا اتخطبت شوية وخطيبى سافر وبعدين اتشحنت وجيتله هنا المدينة المنورة عروسة من 6 شهور
denar
09-27-2010, 08:53 PM
ازيكم جميعا انا مصرية عايشة فالسعودية انا فاخر التالت ربنا يعدى الشهور دى على خير
دودى اشرف
09-27-2010, 11:51 PM
السلام عليكم ورحمة الله وبركاته... ازيكم يا احلى مصريات ... انا مصرية من القاهرة وقاعدة فى الكويت بقالى 5 شهور .. وحامل فى اخر الرابع ..ربنا يثبت حملنا جميعا ويتملنا على خيران شاء الله .... انا كمان مبسوطة جدا انى لاقيت تجمع مصرى لانى مشتركة فى تجمع كله عرب والحقيقة معظم الكلام مش بفهمه بس هما لذاذ جداا واستفدت منهم بصراحة ... بس طبعا بنات بلدى اسهل التعامل معاهم وفاهمين بعض اكتر اكيد ... المهم مفيش حد عايش فى الكويت معايا hwaml79
دودى اشرف
09-28-2010, 05:22 PM
السلام عليكم ... ازيكم يا امهات ... فعلا باين على التجمع ده كسلان اوى .... مفيش حد خالص ... كل ما ادخل مالاقاش حد .. انشالله يكون الجميع بخير
dr.princess
09-29-2010, 09:19 AM
denar دودى أشرف نورتوا المنتدى
وربنا يتمم حملكم وحملنا على خير
اوقات بينام التجمع شوية بس بيرجع يصحى تانى بس والله البنات هنا زى العسل وهتحبوهم خالص
انا عن نفسى مش بفتح الا قليل لانى معظم الوقت بكون تعبانة وفى اكتر من واحدة زيى فى اول الحمل ومتبهدلين
يللا نعتمد عليكم بقى يا بنات
MALAK2010
09-29-2010, 10:57 AM
http://forum.hwaml.com/imgcache2/hwaml.com_1285747078_746.jpg
http://forum.hwaml.com/imgcache2/hwaml.com_1285747078_157.jpg
dr.princess
09-29-2010, 05:31 PM
malak2010 فينك من زمان
ايه اخبار اسنانك دلوقتى يارب يكون كله بقى تمام
على فكرة انا اخيرا دخلت الروضة اول امبارح وكانت فاضية ما شاء الله المسجد النبوى كله فاضى انا اول مرة اشوف المساحات الفاضية دى كلها شهر ويبدأ موسم الحج وترجع تتزحم من تانى
دخلت الحمد لله الروضة وصليت ركعتين ومانسيتكيش والله دعيتلك انتى وكل البنات اللى فى المنتدى
ربنا يتقبل ان شاء الله الدعاء
MALAK2010
09-30-2010, 07:47 AM
بجددددددددددددددد جزاكى اللة كل خير ياااااااااااارب يتقبل منك ياااااااااارب
اصل النهاردة المفروض معاد الدورة يااااااارب اطلع حامل ادعيلى
انا بدخل علطوووووووووووووول ومتابعاكم وبطمن عليكم بس انتوا مكسلين اوى وقلت انتوا مش هتفتكرونى
انا والهى درسى بيوجعنى جدا كنت رحت للدكتورة وعطيتنى مضاد حيوى 1جم فى اليوم ودوا مضاد للالتهاب لمدة 5 ايام بس معملش حاجة تقريبا هى شخصت غلط اتصلت عليها قالتلى اعمل اشعة بس خفت لاكون حامل فقلت استنى لغاااااااااااااااااااية ما اشوف اذا كنت حامل ولا لاء
انا ان شاء اللة هنزل مصر كمان 3 اسابيع وهكشف على سنانى
انتى غيرتى صورتك ليييييييييييييييية بدانا خلاص نحس ان احنا امهات ههههههههه ربنا يقومك بالسلامة يااااااارب
MALAK2010
09-30-2010, 08:06 AM
http://forum.hwaml.com/imgcache2/hwaml.com_1285823209_170.jpg
dr.princess
09-30-2010, 09:56 AM
malak2010 ربنا يكتب الخير ان شاء الله ماتقلقيش بس دى أهم حاجة ( دايما الدكاترة تقول القلق بيأثر فى حدوث الحمل وانا حسيت بكده )
انتى عارفة انا من أول يوم جواز وانا عايزة أحمل وأول دورة لما نزلت اتضايقت مع انى متجوزة قبل معادها بيومين يعنى عارفة انه مش هيحصل حاجة بس هى الدماغ حكمت بقى
وبدأت أحس انى مش هحمل ابدا وان لازم أكيد هيطلع فى مشكلة عندى أو عند جوزى وهتبهدل بقى وعشت فيلم عربى وجالى احباط رهيب وأفضل الايام اللى قبل الدورة فى كابوس انها تنزل وعشت أيام اكتئاب وكله طلعته على جوزى ماهو الوحيد اللى بشوفه وده كله وانا متجوزة فى 26/3 يعنى بنتكلم فى أيام ( دماغ جزمة جزمة يعنى )
وسبحان الله الشهر اللى عملت حسابى انه مش هيحصل فيه حاجة ورحت اشتريت علبتين أولويز ( كل واحدة 30 حبة يعنى تكفى محافظة ههههههههه وبقول لنفسى ولا يهمنى تيجى ماتجيش تتنيل على عينها متفرقش معايا) حصلت كل حاجة ههههههههههههه
فخلى تكالك على ربنا والخير هيكتبه ان شاء الله
وان شاء الله لما تنزلى مصر تظبطى موضوع سنانك وترتاحى من الوجع ده
بس والله كنت فاكراكى يعنى يوم الاثنين صلينا العشاء فى الحرم ( المسجد النبوى ) ولفينا شوية ولقيت جوزى بيقولى يللا شوفى كده زمان الروضة فاضية ( بيفتحوها للنساء بعد العشاء بشوية ) ادخلى صلى ركعتين
ووالله اول ما قالى افتكرتك على طول ودعيتلك بالحمل ودعيت برضه لباقى البنات
وان شاء الله تبشرينا بالأخبار الحلوة
انا قلت اغير الصورة بقى علشان ادخل فى المووود شوية هههههههههههه
MALAK2010
09-30-2010, 10:17 AM
ربنا يخليكى ليا يااااارب hwaml29 انا مش متعشمة زى كل مرة مش عارفة باين ياست hwaml96
بس عارفة ان كل اللى بتحكية حصلى انا فعلا بدات احس ان فيا حاجة تمنع الحمل وقولت اول ماانزل مصر هروح لدكتورة اطمن بالرغم انى مكسوفة اروح لدكتورة نساء بس علشان اطمن ان شاء اللة
انا بقى متجوزة من13-5 يعنى مكلتش 5 شهور هههههههههه
وكمان من عشر ايام يعنى قبل معاد الدورة بعشر ايام حللت دم علشان كنت عاوزة اعمل الاشعة على اسنانى وطلعت سالب بس طبعا دة مش مقياس
بس لما انتى قلتيلى انك افتكرتينى ودعيتى فى الروضة فرحت hwaml23وجالى امل ممكن تكونى مثلا بشرة خير او بتلكك هههههههههههه
dr.princess
09-30-2010, 10:45 AM
ههههههههههههه مين عارف يوضع سره فى أضعف خلقه
انا كمان كنت مصدعة جوزى من الشهر الثالث وبقوله يللا نروح انا لازم أكشف واتطمن قالى بعد سنة ولما زهق من الزن قالى بعد 6 شهور ياعينى الراجل ده اتبهدل معايا اوى ( الله يسامحها حماتى هى اللى شككتنى فى نفسى بتسألنى عن الحمل من تانى اسبوع وكل ما نكلمها على النت يعنى كل 3 ايام بتسأل )
على العموم يا ستى لو انتى عايزة تتطمنى انا عندى دكتورة كويسة اوى فى المنصورة اختى متابعة عندها من كام سنة ودكتورة محترمة جدا جدا
انا حتى كشفت عندها قبل ما اتجوز علشان انا كنت مسافرة لجوزى عروسة وماما قالتلى نتطمن بس ان كل حاجة مظبوطة وفى مكانها هههههههههه ( اختى ليها صاحبتها عندها رحم مقلوب والدكتورة قالتلها طريقة معينة عشان يحصل حمل وماما بتقول فى ناس عندهم رحمين مش عارفة ربنا يعافينا )
لو عايزة اسمها ابقى اقولك واوصفلك مكان العيادة والمواعيد لو حبيتى بس لما اصحى من النوم بقى تصبحى على خير
MALAK2010
09-30-2010, 11:01 AM
انتى فعلا صحيتى كتير النهاردة هههههههههههههههههه
ابعتيلى اسمها ومكانها وربنا يسهل بس اللى قلقنى انى مش عارفة هكلمها اقولها ية ولا هتكشف ازاى اية الاحراج دة
نولارا
09-30-2010, 02:32 PM
برنسيس ربنا يتمم حملك على خير يارب ونوم العافيه
ملاك ربنا يرزقك بالذريه الصاله يارب
ومتقلقيش هتكشف بالسونار العادى او المهبلى
ويااااارب ما تحتاجيها وتكونى حامل وتعرفى الخبر قبل ماتنزلى مصر
وتروحى بس للدكتوره عشان تتابعى الحمل
MALAK2010
09-30-2010, 02:44 PM
http://forum.hwaml.com/imgcache2/hwaml.com_1285847046_660.jpg
يسمع منك ربنا
نولارا
09-30-2010, 03:06 PM
ويكونوا تؤام زى اللى فى الصوره الرمزيه بتاعتك يااااااااااااارب
برنسيسه المنتدى
09-30-2010, 03:11 PM
اززززززززززيكم ياقمرات اخباااااااركم ايه
نولارا
09-30-2010, 03:14 PM
ياااااااااه اشرقت الانوار
انتى بتختفى فين؟؟؟؟؟؟؟؟؟؟؟
MALAK2010
10-01-2010, 09:07 PM
انا الحمد للة حاااااااااااااااااااااااااااااامل
اللهم لك الحمد كما ينبغى لجلال وجهك وعظيم سلطانك
dr.princess:ياوش الخير ربنا يخليكى ليا ياااااااااااااااااااااااااااارب
نولارا: ربنا يخليكى ليا شفتى دعوتك الحمد للة
MALAK2010
10-01-2010, 10:22 PM
http://www.alfaseeh.com/vb/attachment.php?attachmentid=313&d=1237368837
دودى اشرف
10-01-2010, 11:27 PM
denar دودى أشرف نورتوا المنتدى
وربنا يتمم حملكم وحملنا على خير
اوقات بينام التجمع شوية بس بيرجع يصحى تانى بس والله البنات هنا زى العسل وهتحبوهم خالص
انا عن نفسى مش بفتح الا قليل لانى معظم الوقت بكون تعبانة وفى اكتر من واحدة زيى فى اول الحمل ومتبهدلين
يللا نعتمد عليكم بقى يا بنات
منور بيكم ... ميرسى يا قمر ... وربنا معاكم ويتملكم ويتملنا جميعا على خير يااااااااارب ان شاء الله .... اكيد البنات زى العسل... علشان بس من مصر..
hwaml12
دودى اشرف
10-01-2010, 11:32 PM
بجددددددددددددددد جزاكى اللة كل خير ياااااااااااارب يتقبل منك ياااااااااارب
اصل النهاردة المفروض معاد الدورة يااااااارب اطلع حامل ادعيلى
انا بدخل علطوووووووووووووول ومتابعاكم وبطمن عليكم بس انتوا مكسلين اوى وقلت انتوا مش هتفتكرونى
انا والهى درسى بيوجعنى جدا كنت رحت للدكتورة وعطيتنى مضاد حيوى 1جم فى اليوم ودوا مضاد للالتهاب لمدة 5 ايام بس معملش حاجة تقريبا هى شخصت غلط اتصلت عليها قالتلى اعمل اشعة بس خفت لاكون حامل فقلت استنى لغاااااااااااااااااااية ما اشوف اذا كنت حامل ولا لاء
انا ان شاء اللة هنزل مصر كمان 3 اسابيع وهكشف على سنانى
انتى غيرتى صورتك ليييييييييييييييية بدانا خلاص نحس ان احنا امهات ههههههههه ربنا يقومك بالسلامة يااااااارب
السلام عليكم ... يارب يرزقك بالذرية الصالحة ان شاء الله ... وتبقى حامل الشهر ده باذن الله ... اقرأى سورة مريم وربنا يكرمك باذن الله .. وان شاء الله تقولى قريب انك عملتى تحليل وطلع ايجابى.. ربنا يوفقك
دودى اشرف
10-01-2010, 11:43 PM
الف مبروووووووووووووووووووووك ملاك ... انا شوفت الخبر بعد مرديت عليكى .. اصل بقالى كام يوم مش بدخل... فرحتلك جدااااااا...وربنا يتملك على خير يااااااااااارب ويجعلها ذرية صالحة باذن الله ... اصل انا مجربة برضه الانتظار ده مع انى برضه مكنتش متجوزة بقالى كتير انا بقالى 6 شهور بس متجوزة ومن اول شهر برضه واحنا مترقبين الموضوع وفضلنا كده لحد شهرين ...لان انا اتجوزت والدورة كانت عندى اول يوم جواز ... وجاتلى بعدها 3 مرات والمرة الرابعة بقى محطتهاش فى دماغى وقلت خلاص انا هحسبلها هى بتيجى كل اد ايه الاول واشوفها منتظمة ولا لأ ... والحمدلله فى نفس الشهر حصل الحمل ... فعلا لما بتسيبيها على الله ربنا بيكرم ... وربنا يطعم كل محتاج ياااااااااااااارب ..
MALAK2010
10-02-2010, 08:23 AM
دودى اشرف:ربنا يبارك فيكى هو فعلا انا كنت مش بفكر فيها زى كل مرة لان جوزى حللى قبل الدورة بعشر ايام علشان اعمل اشعة سنانى وطلع سالب فقلت خلاص انا هعمل اية هقطع نفسى ههههههههههه او باين زهقت من الاكتئاب اللى كان بيحصلى الحمد للة
dr princess:انتى فين يا جميل ادخلى بقا علشان تعرفى انك مش اضعف خلقة ولا حاجة انتى بقى لكى بركااااااااااااااااااات هههههههههههههه عارفة كان اكتر حاجة بسطانى ان ربنا ذكرك بيا فى مكان زى الروضة كون بقا حصل حمل او لاء كفاية انها دعوة بظهر الغيب وانتى ولا تعرفينى ولا حاجة
بما انك صيدلانية ماتعرفيش اعمل اية الوقتى اخد اية انا باخد فوليك اسيد واروح امتى للدكتورة؟؟؟؟؟
نولارا :يلا بقى ادخلى علشان تباركيلى
MALAK2010
10-02-2010, 08:26 AM
http://www.omanya.net/vb/attachment.php?attachmentid=51929&d=1240291903
دودى اشرف
10-02-2010, 10:14 AM
صباح الخييييييير يا امهاااااااات ... عاملين ايه؟ انشالله تكونوا بخير
dr.princess
10-02-2010, 10:46 AM
malak2010
والله والله والله فرحتلك جدا جدا وربى يعلم الف الف مبرووووووووووووووك وربى يتمملك على خير
شفتى بقى ياستى علشان اقولك ماتقلقيش والخير هيكتبه ربنا
بصى ياستى انا هقولك النصايح اللى أختى قالتهالى على اعتبار انها حملت قبل كده وصيدلانية برده
بصى ياستى هى قالتلى ماتروحيش تكشفى الا بعد 40 او 45 يوم من معاد اخر دورة علشان كيس الجنين يبان كويس
ولحد وقت الكشف قالتلى انى لازم اخد فوليك اسيد حبوب وطبيعى كده كده الدكتورة هتكتبهولك يعنى تكسبى وقت أحسن
وطبعا مش هوصيكى شغل البيت قللى منه خالص يعنى على اقل من راحتك قدامك اليوم طويل وابعدى عن اى هدوم تضغط على بطنك
وبالنسبة لموضوع سفرك لمصر لازم تأجليه
وفى حاجات تانية عايزة اقولك عليها بس هبعتهالك على الخاص أحسن
دودى اشرف
10-02-2010, 10:59 AM
محدش رد عليا يا بنات ... فى حد فى الكويت معايا ولا ايه؟؟
dr.princess
10-02-2010, 11:03 AM
دودى صباح الخير
والله مش عارفه فى حد من البنات فى الكويت ولالا كل اللى شفتهم كانوا فى الامارات او السعودية
ماقولتيش انتى فى الشهر الكام دلوقتى ؟؟
دودى اشرف
10-02-2010, 11:05 AM
انا الحمدلله دخلت الخامس بقالى يومين تقريبا .. عقبال ما ربنا بتمملنا جميعا على خير ان شاء الله
دودى اشرف
10-02-2010, 11:06 AM
وانتى برنسيس فى الشهر الكام ان شاء الله ؟
dr.princess
10-02-2010, 11:07 AM
malak2010
هو انا نسيت أقولك انى ليا بركات يابنتى دى العيلة كلها كده ده احنا على وشك تغيير اسم العيلة هههههههههههههههه
سبحان اللى فكرنى بيكى فى الروضة وسبحان اللى فكرنى ادعيلك
يللا بقى ماتنسينيش من الدعوات واحدة بواحدة بقى هههههههههههههههه
دودى اشرف
10-02-2010, 11:11 AM
حيث كده بقى يا برنسيس ... بما انك الحمدلله واصلة وليكى كرامات.. هههههههههه ... ادعيلى ربنا يسهل ولادتى احسن انا من دلوقتى خايفة مووووووت... وطبعا تدعى لكل الامهات .. وجزاكى الله خيراً
دودى اشرف
10-02-2010, 11:14 AM
كنت عاوزة اسألك على اماكنبة السفر فى الشهر الثامن عادى ولا فيها خطورة ؟ ... لانى ان شاء الله المفروض هنزل اولد فى مصر لانى لوحدى هنا ... فا جوزى عاوز ينزلى قبل الولادة بشهر ...فكنت عاوزة اعرف عادى ولا فى مشكلة ؟
dr.princess
10-02-2010, 11:28 AM
ههههههههههههههههه يللا يابنات الحقوا عرض الدعوات اصل شوية وهدعى بفلوس
ربنا يا ستى يسهل عليكى وعلينا الولادة وعلى رأى واحدة صاحبتى يجعلها ربع ساعة سهلة ههههههههههه
وعلى موضوع السفر ده والله انا مش عارفة بس احساسى ان ممكن يبقى فيها قلق
انا ليا واحدة صاحبتى سافرت وهى فى السادس بس مش عارفة نظام الثامن هيبقى ايه حتى انا سمعت مرة ان شركات الطيران بترفض بس برده مش متأكده يعنى كلام مش موثوق
وانتى لازم تسألى الدكتورة اللى انتى متابعة معاها ان كان عادى ولا لا
دودى اشرف
10-02-2010, 11:38 AM
ميرسى يا قمر على ردك .... ومتنساش بقى فى دعواتك قبل متعملى تسعيرة ... ههههههههههههه .. خليها اول مرة مجاناً .
somia
10-03-2010, 06:08 AM
ههههههههههههههههه يللا يابنات الحقوا عرض الدعوات اصل شوية وهدعى بفلوس
متنسيناش في الدعوات في الروضة معاكي ربنا يرزقني بتوأم محمد وعائشة.. يا رب أكون لحقت الدعوات المجانية ولو ملحقتش معلشي مشيهالي المرة دي كدة hwaml02
somia
10-03-2010, 06:13 AM
حد يعرف دكتور او دكتورة نسا كويسين ,واية احسن مستشفى للولادة بالقاهرة؟
بالنسبة للدكتورة أعرف دكتورة كويسة جدا عملتلي عملية تفريغ الحمل العنقودي وده مش أي دكتورة تنفع تعملها و تابعت معاها بعديها وهيه أصلا أستاذة في القصر العيني اسمها دكتورة دعاء صلاح الدين لو عايزة ممكن أديكي رقمها وعنوان عيادتها..
أما المستشفى فأنا عملت العملية فالقصر العيني الفرنساوي وكان أكثر من رائع وباذن الله أما ربنا يأذن وأحمل باذن الله هولد هناك..
معلشي اتأخرت علكي في الرد بس أصلي لسه شايفة الموضوع دلوقتي
dr.princess
10-03-2010, 06:53 AM
somia
يا ستى انتى على راسى ده انا ادعيلك وانسى نفسى مش مشكلة انتوا زى اخواتى والله ربنا يعلم
وان شاء الله ادعيلك انتى والبنات المرة الجاية لما ادخل الروضة ولو مدخلتش قريب مش هنساكى من الدعاء فى الصلاة فى المسجد النبوى ممكن بكرة او بعده باذن الله
وربنا يكرمك ان شاء الله بالحمل العاجل والذرية الصالحة واهلا بيكى معانا فى التجمع نورتينا
( على فكرة انا بحب اسمك جدا )
MALAK2010
10-03-2010, 07:49 AM
http://forum.hwaml.com/imgcache2/hwaml.com_1286081359_889.jpg
MALAK2010
10-03-2010, 08:06 AM
صباح الخير يا حبايبى hwaml7 وحشتووووووووووونى
معلش معرفتش ادخل امبارح لان بيبقى اجازة لجوزى
dr princess:ازيك يا وش الخيرhwaml84 ههههههههههههههه اية النصايح الجميلة دى همشى عليها بالظبط ههههههههههه حماتى برضة نصحتنى بالنصيحة دى hwaml86ربنا يخليكى ليا
الظاهر انا عملت روااااااااااااااج hwaml30فى الدعوات انتى نظامك اية الوقتى بالحجز ولابالمعزة
طبعا انا خارج النظام دة انا اللى مكتشفاكى ههههههههههههه
انا باخد الفوليك اسيد من شهر الحمد للة وبحاول ادور على مكان اتابع فية لان زى ما انتى عارفة معرفش حد هنا لسة
لو حد من الشارقة يعرفنى اتابع فين؟؟؟؟؟؟
مش هنزل مصر للاسف hwaml78ماما وحشتنى اوووووووووووووى هستنى ان شاء اللة للسادس ربنا يهون
الواحد لما يكون فى مصر عارف الدكاترة الشاطرة اما هنا لسة هجرب بس بتهيألى لو الحمل ان شاء اللة مستقر مش محتاج دكتورة شاطرة
قوليلى هو الدوخة والنوم والقئ والحاجات الحلوة دىhwaml42 بتحصل فى الاسبوع الكام او فى اليوم الكام
dr.princess
10-03-2010, 08:41 AM
malak2010
وحياة اغلى حاجة عندك ياشيخة ماتستعجلى على الحاجات دى انا كنت بقول زيك بس بكرة تندمى
انا بعد ماعرفت انى حامل فضلت تقريبا اسبوعين مغص جامد تقريبا طول اليوم وانتفاخ وغازات ماقولكيش
وبعدها بدأت فى المرحلة الحلوة اللى انتى بتتكلمى عليها طول اليوم دوخة وغثيان وخمول ونوووووووووم ومعدتى مقلوبة طول اليوم ومن اى حاجة بطنى اوقات كتير توجعنى من الجوع ومش عارفة أكل حاجة خايفة ان معدتى تتقلب لغاية ما كرهت الاكل وفى اكل كتيير فجأة تلاقيكى مش طايقاه ولما رحت للدكتورة بعد اسبوع من اول زيارة علشان اعمل التحاليل لقيتنى خسيت كيلو
انا عارفة انى ارحم من ناس كتير يعنى ماما مثلا فى اختى فضلت ترجع ال 9 شهور لدرجة انها بتقول انها كانت مولودة مكرمشة من الضعف وطبعا الحامل فى حالات الترجيع ده بتخس خالص ( فالحمدلله على النعمة )
وكل واحدة حملها بتختلف عن الثانية فى حملها وربنا بيقدرها
وربنا يكمل حملك وحملنا على خير
MALAK2010
10-03-2010, 08:50 AM
هههههههههههههههههههههه
الف سلامة عليكى ياحبيبتى والوقتى حاسة برضة بكدة ولا خلاص؟؟؟؟؟؟؟؟؟؟ظ
وبعدين مش لازم يحسسك بوجودة هو بيلعب مثلا هههههههههه
بس تحاليل اية اللى بتتعمل؟؟؟؟؟؟؟؟؟
dr.princess
10-03-2010, 08:54 AM
malak2010
صحيح انتى اللى مكتشفانى يبقى ليكى نسبة فى الفلوس ههههههههههههههههه
يا ستى وقت ما عايزانى ادعيلك انتى تشاورى بس
انا افتكرت انى قلتلك على دكتورة النسا اللى فى المنصورة فقلت اقولك عليها لو عايزة تروحيلها لما تنزلى مصر علشان لو حصل اى حاجة ومتكلمناش وقتها
اسمها الدكتورة مديحة المنصورى وعيادتها جنب الوكالة اللى فى شارع المختلط وجنب استديو هيلتون
هى دكتورة منقبة محترمة اوى كبيرة تقريبا 50 سنة ولدت اختى الولادة الاولى من 4سنين ونص فى مستشفى صغيرة فى شارع 10 والولادة الثانية فى مستشفى مجمع الايمان من تقريبا 9شهور واختى بتشكر فى ولادتها
وانا رحت مع اختى فى متابعة حملها بالها طويل وتخاف على الواحدة كده ومش بتستعجل فى الكشف وطبعا بتولد طبيعى فى العيادة بس القيصرى فى مستشفى
اما المتابعة هنا بره مصر اى كلام دقيقتين وتقلب ومش بتقول اى حاجة
فانتى لو عندك حاجة ابقى اسئلي الدكتورة اللى هتتابعى عندها لانهم مش بيقولوا اى حاجة ولا اى نصايح للحامل
MALAK2010
10-03-2010, 09:01 AM
تسلميلى يا حبيبتى
بس ما تنسيش النسبة هههههههههههههه
انا هتابع طبعا هنا لانى مش نازلة مصر
انا خايفة لانى معرفش حد ربنا يسهل واعرف مكان كويس اتابع فية
MALAK2010
10-03-2010, 09:01 AM
تسلميلى يا حبيبتى
بس ما تنسيش النسبة هههههههههههههه
انا هتابع طبعا هنا لانى مش نازلة مصر
انا خايفة لانى معرفش حد ربنا يسهل واعرف مكان كويس اتابع فية
dr.princess
10-03-2010, 09:02 AM
malak2010 الله يسلمك حبيبتى
طبعا لسه حاسه بيها انا لسه فى اول الثالث مع انى باخد حبوب للترجيع ,اليوم اللى مخدتهاش فيه رجعت فاخدها تانى وبرده معدتى مقلوبة وغثيان يعنى الحبوب دى شايلة عنى كتييير
وبعدين على رأيك ده احنا بنتربى من جديد
بيتعمل تحليل دم وبول
ومنهم طبعا بيعملوا صورة دم كاملة وتحليل هيموجلوبين واملاح وزلال وسكر الحمل وحاجات كتيير تقريبا صفحتين تحاليل اخدتهم وطبعا الدكتورة بتشوف التحاليل علشان لو فى مشكلة فيها او كده
MALAK2010
10-03-2010, 09:05 AM
ربنا يقومك بالسلامة انتى هتنزلى تولدى فى مصر ان شاء اللة ولا هتعملى اية؟
بس انا مش فاهمة موضوع شهور الحمل كنت اعرف ان الشهر 4 اسابيع بس فى الحمل حاجات مختلفة
dr.princess
10-03-2010, 09:14 AM
malak2010 والله لسه مش عارفة اذا كنت هنزل مصر اولد ولا هجيب ماما هنا لسه مش مستقريين على حاجة
اما بالنسبة لشهور الحمل فانا معرفش اى حاجة غير ان الدكتورة حسبتلى الحمل من اول يوم خلصت فيه الدورة
اصل تقريبا الدكتورة بتاعتى عاملة عداد للكلام وبتدفع فلوس او حاجة على الكلام الزيادة مبتفتحش بقها خالص عاملة زى فؤاد المهندس كلمتين وبس هههههههههههههه
نولارا
10-03-2010, 10:49 AM
صباح الخير على احلى حوامل فى الدنيا
ملاك
الف الف مبروك ياحبيبتى والله عنيا دمعت لما حسيت انتى قد ايه فرحانه من الكلام اللى كتبتيه
ربنا يتملك على خير يارب وتفرحى بالنونو ويطلع عينك زى ما سى احمد مطلع عينى كده
اى سؤال او حاجه عاوزه تسالى عليها نحن هنا
برنسيس
اخبارك ايه
شكلك بقيتى بتصحى فترات طويله اهوولا بس عشان تلمى فلوس الدعوات
يلا ربنا معاكم يااااااااارب
MALAK2010
10-03-2010, 10:58 AM
صباح الخير يا نولارا
اخيرا دخلتى كنت عاوزواكى تعرفى اول ما قولت الخبر علشان تفرحيلى الحمد للة
ربنا يخليكى ليا اى سؤال هقولة علطوووووووووووووول بس انتوا ادخلوا علطول ماتغبوش اوى كدة
نولارا
10-03-2010, 11:07 AM
هحاول والله بس طول اليوم مشغوله مع ابنى
وبليل جوزى بيحتكر الكومبيوتر
dr.princess
10-03-2010, 03:54 PM
نولارا
والله بقيت بحاول اقلل النوم شوية علشان محسش بالخمول بالشكل الغريب اللى انا فيه ده
وبعدين على موضوع الدعوات يللا خلينا نساعد شوية مع الراجل الغلبان اللى بيشتغل طول اليوم ده ههههههههههههه
somia
10-03-2010, 06:38 PM
hwaml7somia
يا ستى انتى على راسى ده انا ادعيلك وانسى نفسى مش مشكلة انتوا زى اخواتى والله ربنا يعلم
وان شاء الله ادعيلك انتى والبنات المرة الجاية لما ادخل الروضة ولو مدخلتش قريب مش هنساكى من الدعاء فى الصلاة فى المسجد النبوى ممكن بكرة او بعده باذن الله
وربنا يكرمك ان شاء الله بالحمل العاجل والذرية الصالحة واهلا بيكى معانا فى التجمع نورتينا
( على فكرة انا بحب اسمك جدا )
أختي جزاك الله خيرا كثيرا ومعلشي طلب صغنون كمان ادعيلي أجي أعمل عمرة أزور المدينة ومكة عما قريب لاني بجد مشتاقلهم جدا
بالنسبة لاسم سمية هوه طبعا مش اسمي الحقيقي بس أنا بحبه جدا من وانا كنت صغيرة وبسجل فأي منتدى بدخله بيه
dr.princess
10-04-2010, 06:57 AM
somia
ان شاء الله ادعيلك تيجى عمرة عن قريب (غالبا مش هروح قبل الخميس ان شاء الله)
والله تقريبا كل اللى اعرفهم بيحبوا اسم سمية هو اسم فعلا جميل
somia
10-04-2010, 07:28 AM
somia
ان شاء الله ادعيلك تيجى عمرة عن قريب (غالبا مش هروح قبل الخميس ان شاء الله)
والله تقريبا كل اللى اعرفهم بيحبوا اسم سمية هو اسم فعلا جميل
جزاك الله خيرا برنسس.. بس أنا خلاص اتعشمت وعشمت جوزي انك هتدعيلي فالروضه بالحمل دعوة بظهر الغيب ولعلمك خليتي عندنا أمل كبير واحتمال كبير معملش التحليل الا لما تقوليلي انك دعيتيلي تفاؤلا بهذا المكان المبارك..hwaml7
سهل الله لك حملك ويسر لك ولادتك وجعله لك ذرية صالحة
dr.princess
10-04-2010, 07:45 AM
somia اللهم اميييييييييييييييين
معلشى اختى هتأخر ليوم الخميس بس معدتش بخرج كتيير علشان مايبقاش فى قلق على الحمل لان اختى وخالتى كان عندهم مشاكل كتييير فى ثبوت الحمل فبقيت بخاف شوية
وان شاء الله هدعيلك بس فى كل الاحوال اللى ربنا كاتبه ان شاء الله بيكون الخير وخدى بالأسباب وان شاء الله ربنا يكتبلك الحمل عن قريب
somia
10-04-2010, 07:50 AM
برنسس.. ربنا يثبتلك حملك ويطمنك عليه..
بالنسبة ليوم الخميس مفيش مشكلة.. هوه حد يطول دعوة فالحرم النبوي ولا الروضه ويتشرط!!!
جزاك الله خيرا
MALAK2010
10-04-2010, 08:25 AM
somia:ازيك يا حبيبتى ربنا يااااااارب يرزقك الذرية الصالحة ويفرح قلبك
بس عليكى بالاستغفار كتييييييييييييييييييييييير فى كل وقت وان شاء اللة ربنا هيعطيكى
dr.princess:اية الشغل دة انتى مش هتلاحقى على الطلبات عاوزين ندور على حد يساعدك ههههههههههههههههههه انا اللى عملت فيكى كدة هههههههههههه
بس افتكرى تدعى لنفسك
يارب يطمنا عليكى ويثبت حملك ويقومك بالسلامة قولوا آآآآآآآآآآآآآآآمين
ربنا يقدرك على فعل الخير انتى ما شاء اللة فى مكان من احسن اماكن الدنيا
عارفة انتى بتفكرينى باعز صاحبة ليا بس انا ماعتش بشوفها لانها فى الكويت وانا فى الامارات كانت لذيذة زيك كدة ومش بتبطل تنكيت كانت عسولة زيك
انا شفت اماكن اتابع فيها وحجزت فى واحد يارب يطلع كويس بس جوزى مش عاوز يستنى لغاية ماالحمل يكمل اربعين عاوز يطمن
انا هروح ان شاء اللة السبت الجاى يعنى اكون كملت 35 ينفع ولا اية
MALAK2010
10-04-2010, 08:28 AM
حد يعرف يعمل التوقيع بتاع لجنين المتحرك كل ما اعملة مش بيظهر عندى ويسيب مساحة بيضا بس مش بينزل فيها
افيدوووووووووونى
dr.princess
10-04-2010, 09:10 AM
malak2010
انا هبقى اشغل جوزى معايا والنص بالنص بقى ههههههههههههههههه اهو غلبان برده ومستحملنى وانا كابسه على نفسه هههههههههههههههه
ربنا يخليكى انتى أحرجتينى بذوقك وفكرتينى بصاحبتى ( أم جودى )كانت معايا فى الكلية ونفس اسمى فكانت معايا فى كل حاجة بحبها اوى بس اتجوزت فى القاهرة وبعدت عنى فكنا بنقضيها تليفونات وبشوفها كل فين وفين ودلوقتى طبعا نفس النظام وحشانى اوى بت مسخرة دمها زى العسل وكان باباها محترم اوى ودمه خفيف اوى فكنت بقولها انا هتجوز ابوكى وابقى مرات ابوكى افرحى يابت هههههههههههه
يارب يجمعنا بيهم على خير تانى
dr.princess
10-04-2010, 09:16 AM
malak2010
عادى حبيبتى روحى اتطمنى
فى كل الاحوال الدكتورة قالتلى اروحلها بعد 10 ايام نعمل سونار تانى ونتطمن تقريبا كان قصدها تشوف حجم الكيس بيكبر ولالا
ولو عايزة تعملى الفلاش المتحرك ده بس قوليلى ميعاد اخر دورة وانا اعملهولك مفيش مشاكل
MALAK2010
10-04-2010, 09:25 AM
يااااااااااااااااارب
هو اول كشف عند الدكتورة بيبقى ازاى ؟؟؟؟
فى سونار ولا مفيش
بيقولى خلية تعملك اوتكشف من على البطن مش فاهمة ايى الضرر
انا محتاسة مفيش عندى خلفية وخايفة اروح لحد مش شاطر تبقى حكاية ههههههههههه ربنا يستر
افيدوووووووووونى
MALAK2010
10-04-2010, 09:27 AM
انا عملت الفلاش المتحرك ورحتمكان تعديل التوقيع وفى زرار ضغطت علية شكل المروحة وحطيت الموقع وبعدها دخلت الابعاد بس بيجبلى الابعاد فاضية ومفيش فية البيبى ههههههههه ربنا يستر اية الفال الحلو دة
dr.princess
10-04-2010, 09:30 AM
بتهيألى مفيش مشاكل من السونار حتى لو الدكتورة مش شاطرة هى هتعمل ايه يعنى بتحط جل على البطن من تحت وتمشى عليها حاجة كده زى القلم متصلة بالجهاز فالصورة تبان يعنى مش حكاية
المرتين اللى رحتهم هى عملتلى سونار
MALAK2010
10-04-2010, 09:32 AM
انا اخر دورة 2-9
لا فى بيعمل على البطن وفى بيعمل من تحت فاهمة؟؟؟
بس بيقولوا تحت خطر وممكن يسبب اجهاض لا سمح اللة مش عارفة
MALAK2010
10-04-2010, 09:34 AM
http://forum.hwaml.com/imgcache2/hwaml.com_1286174100_716.jpg
خلاص انا وانتى نبقى اصحاب على مانبقى نتقابل مع اصحابنا اية رايك
dr.princess
10-04-2010, 09:47 AM
Malak2010
انا عملتهولك بس كل ما بكتبلك الرابط بتطلع الفلاش
WIDTH=300 HEIGHT=300 (http://forum.hwaml.com/[flash=http://babystrology.com/tickers/baby-ticker-glass.swf?parent=Mommy&year=2011&month=6&day=11&babycount=1]WIDTH=300%20HEIGHT=300)
dr.princess
10-04-2010, 09:53 AM
MALAK2010
الرابط اهو
http://babystrology.com/tickers/baby-ticker-glass.swf?parent=Mommy&year=2011&month=6&day=11&babycount=1 (http://forum.hwaml.com/redirector.php?url=%68%74%74%70%3a%2f%2f%62%61%62% 79%73%74%72%6f%6c%6f%67%79%2e%63%6f%6d%2f%74%69%63 %6b%65%72%73%2f%62%61%62%79%2d%74%69%63%6b%65%72%2 d%67%6c%61%73%73%2e%73%77%66%3f%70%61%72%65%6e%74% 3d%4d%6f%6d%6d%79%26%61%6d%70%3b%79%65%61%72%3d%32 %30%31%31%26%61%6d%70%3b%6d%6f%6e%74%68%3d%36%26%6 1%6d%70%3b%64%61%79%3d%31%31%26%61%6d%70%3b%62%61% 62%79%63%6f%75%6e%74%3d%31)
وتدخلى على البتاع اللى شبه المروحة تدخلى الابعاد 300 ثم 300 مش 200 ثم 300
وبعدين ما احنا بقينا اصحاب هو احنا لسه هنستأذن ههههههههههههه
اما بالنسبة لموضوع الكشف ليه اصلا تعمل من تحت هو احنا راحيين نولد
فى ناس بتعمل من تحت بس لانه اسرع وبيختصر الوقت وانا شايفة انه مالوش لازمة اللى مش هيتشاف النهاردة يتشاف بكرة
dr.princess
10-04-2010, 10:08 AM
يللا كفاية الجرعة دى النهاردة
تصبحوا على خير
MALAK2010
10-04-2010, 05:34 PM
http://forum.hwaml.com/imgcache2/hwaml.com_1286198988_165.jpg
موكا القمر
10-04-2010, 06:54 PM
السلام عليكم ورحمة اللة وبركاتة على حوامل مصر ام الدنيا عاملين اية كلكووووووووووو
موكا القمر
10-04-2010, 09:54 PM
ازيكو يابنا ت عاملين اية لية محدش بيرد عليا كام مرة بدخل وبسال ومحدش بيعبرنى لية مش عارفة على العموم انا معاكم ابيتم اولم تبو ههههههههههه
السلام عليكم ورحمه الله وبركااااته
ازيكم يا كرمبات عاملين ايه
وحشتونى والله
النت عندى كان وحش اوى الايام اللى فاتت
ها عاملين ايه؟؟
ماشاءء الله حاسه التجمع نشيط وفى ناس جديده
الف مبروك يا امهات المستقبل ربنا يتمم حملكن اجمعين على خييييييييييييييييير يارب
dr.princess
10-05-2010, 07:07 AM
موكا القمر لالالا ازاى محدش يعبرك لا اكيد ياستى انتى على راسنا
بس احتمال تكونى بتدخلى ومحدش موجود
دودو انتى هتقوليللى على النت الوحش بيظبطنى واحنا بنكلم ماما وحماتى عندهم النت وحش اوى
الاهم انه بيتحسن وبتدخلى تطمنينا عليكى يارب تكونى كويسة انتى والنونو
MALAK2010
10-05-2010, 07:42 AM
صباح الخير يا حوامل مصر عاملين اية يااااااارب تكونوا بخير انتوا والبيبيهات
موكا القمر :اهلا بيكى يا جميل وماتقلقيش انا اللى هرد عليكى علطوووووووووووول ماتشليش هم
د×و: ازيك يا جميل ربنا يقومك بالسلامة انتى عايشة فى مصر ولا مغتربة زينا
dr princess:ازيك يا صاحبتى ههههههههههه البيبى عامل اية ماقولتليش نفسك ان شاء اللة فى بنت ولا ولد واتفقتوا على الاسامى ولا لسة
يوم الخميس جاى اهو شدى حيلك فى الدعاوى
التوقيع برضة مش راضى يظهر اعمل اييييييييييييييييييييية
MALAK2010
10-05-2010, 07:45 AM
موكا :انا كنت رديت عليكى قبل كدة فى تجمع الامارات بس انتى مادخلتيش
انتى فى اى امارة؟؟؟ ياريت تكونى من الشارقة
MALAK2010
10-05-2010, 07:52 AM
http://forum.arjwan.com/imgcache/24499.imgcache
dr.princess
10-05-2010, 08:27 AM
malak2010
والله ياقلبى البيبى مطلع عينى صاحية من النوم معدتى مقلوبة على الاخر مع انى باخد حبوب للترجيع كل يوم بالليل مش عارفة اعمل ايه اكتر من كده
والله جوزى نفسه فى ولد بيقول ان لما يبقى الكبير ولد يبقى احسن وياخد باله من اخواته البنات وكده يبقى راجلهم يعنى وغالبا 95% محمد ان شاء الله
اما انا والله كان نفسى فى بنت بس دلوقتى مش فارق معايا المهم يكون سليم معافى وكل اللى يجيبه ربنا خير واحنا لسه مختلفين على اسم البنت
وانتوا نفسكم فى ايه واختارتوا أسماء ايه ؟؟؟؟
وبالنسبة ليوم الخميس يللا يا بنات باقى من الزمن يومين همتكم معايا شوية عايزة أغير الحلق هههههههههههههههه
dr.princess
10-05-2010, 08:30 AM
malak2010
والله مش عارفة ليه التوقيع مش عايز يبان عندك
هو فى الاول غلبنى شوية بس ظبط فى الاخر
dr.princess
10-05-2010, 09:02 AM
والله يا بنات محتاجة دعواتكم
بندور على سكن جديد ومش لاقيين حاجة كويسة
كل ما جوزى يروح يشوف حاجة يلاقيها مش نظيفة وطبعا ايجارها عالي اوى
فادعولى ربنا يهون علينا ونلاقى سكن نظيف وسعره كويس خصوصا اننا دافعين الايجار لاخر ذو القعدة فى البيت ده (الايجار بيدفع مقدم 6 شهور فباقى شهر ولازم نمشى )ولازم ننقل علشان جوزى اتنقل فرع تانى للصيدلية بعيييد
MALAK2010
10-05-2010, 09:04 AM
بصى يا ستى انا وجوزى غير كل الازواج مش بنتكلم فى نوع البيبى ممكن اتكلمنا بصفة عامة ايام الخطوبة هو بيقول بلاش مقاطعة وانا بصراحة من النوع الشكاك اصل لسة مارحتش للدكتورة فخايفة اتكلم ربنا يستر وانتى شايفة اهو التوقيع مش راضى يظهر هههههههههههه
بس عموما جوزى بيحب البنات جداااااااااااااا بس برضة بيقول الولد لما يكون الكبير بيبقى افضل وفى الغالب ان شاء اللة (يس) طبعا دة الاسم اللى جوزى مختارة وهو عاجبنى صحيح كبير على طفل بس حلو مفيش حد عندنا اسمة يس ولا حمايا ولا ببايا اصل اليومين دول موضة تسمية الاطفال على اسم والد الزوج
اما لو بنت ان شاء اللة فهتبقى(ملك)اصلى بحب الاسم دة اووووى وجوزى كمان عاجبة اوى
اما لو بنت
MALAK2010
10-05-2010, 09:07 AM
ربنا يوفقكم يا حبيبتى وتلاقوا حاجة كويس وتناسبكم هى فعلا المدة بسيطة بس صدقينى ممكن تلاقى بين لحظة والتانية
وبعدين الروضة راحت فين يلا ادخلى وادعى وربنا يستجيب ان شاء اللة وابقى طمنينى
dr.princess
10-05-2010, 09:14 AM
malak2010
يا ستى بلاش تشاؤم تفائلوا بالخير تجدوه
جوزى برده مش بيحب يتكلم خالص بس انا زنانة وبغصب عليه يتكلم غصب عنه هههههههههههههه
وبالنسبة لاسم يس مش كبير ولا حاجة بالعكس اسم حلو خالص وجوزى انا كمان بيفكر فيه وقالى عليه من يومين (هو عايز يسمى اسم من اسماء المصطفى عليه الصلاة والسلام) فلو مش محمد هيبقى يس حسب وقتها بقى ربك يسهلها
اما ملك فأنا مستحيل أسميه ابدا مش بحب الاسم ده خالص سبحان الله بس اختلاف الرأى لا يفسد للود قضية
dr.princess
10-05-2010, 09:42 AM
malak2010
والله انا دعيت اخر مرة كنت فى الروضة بس ربنا لسه ماكتبش وان شاء الله لما اروح المرة الجاية هدعى أكيد
MALAK2010
10-05-2010, 10:19 AM
dr.princess:
مش بتحبى اسم ملك لييييييييييييية؟دة اسم رقيق اوى
خلاص ان شاء اللة لوجبنا ولد احنا الاتنين نسمى يس
نسيت اقولك انا لو ماجبتش ولد حمايا هيتبرى منى هههههههههههههههه بيحب الولاد اووووووووووى مع انة جايب اول اتنين بنات اظاهر اتعقد فيظبط الموضوع دة فيا هههههههههه
dr.princess
10-05-2010, 10:34 AM
malak2010
خلاص متفقين انا هفضل ازن على جوزى (كالعادة) واصمم على يس
بس والله مش عارفة ليه ملك مش ظابطة معايا لاانا ولا اختى كمان
اما بالنسبة لموضوع البنات ده فانا لو جبت بنت ماما هتعملى فرح بتحب البنات موووت ( اختى عندها ولدين ) وماما متعقدة بتقول البيت اللى مفيهوش بنات يبقى بيت ميت ومالوش روح وكمان حماتى وحمايا بيحبوا البنات اوى بتهيألى معندهمش مشكلة ( جوزى عنده اختين بس وهو الكبيرة عندها بنتين وولد والصغيرة عندها بنت ) ودايما يقولولى ركزى مع البنات الحلوة دى علشان تيجيبى عيال حلوة كده مع انى مش محتاجة هههههههههههههههه ( شكلى هقع وقعة سودة )
MALAK2010
10-05-2010, 10:38 AM
ههههههههههههههههههه
اتفقنا فى يس ان شاء اللة
طيب اية اسامى النات اللى بتحبيها؟؟؟؟
حمايا بيكلمنى كل شوية يطمن على الامانة بتاعتة ههههههههههههههههههه
جوزى بيقولى كلها شوية ويكلمك فى موضوع الاولاد ههههههههه
dr.princess
10-05-2010, 10:53 AM
malak2010
والله انا بحب اسم بسملة اوى من زماااااااان بس جوزى مش مقتنع بيه بالمرة يعنى غالبا مش هنسميه
فانا قلتله نتفق انت تسمى الاولاد وانا البنات يعنى بالنص علشان محدش يزعل هههههههههه
وبرده بحب لجين علشان بحب الفضة مووووووووووووووووت بس برده عارفة انه مش هيعجبه
ومعدتش شاغلة بالى بالاسماء لغاية لما ربنا يسهل ونعرف ولو طلعت بنت شكلها هتبقى فيه مجازر فى البيت ههههههههه
بس برده انا مصممه على بسملة
نولارا
10-05-2010, 01:51 PM
اخباركم ايه يابنات
ملك
مبروك على التوقيع ياقمر
برنسيس
يارب تلاقوا شقه كويسه يارب
اخبار النونو ايه معاكى ؟؟؟؟؟؟؟؟؟؟؟؟
موكا ودودو
اخباركم ايه
نولارا
10-05-2010, 01:53 PM
احمد بيسلم عليكوا وبيقول لكو ادعوله يخف طالعله حبوب مبهدلاه
مش عارفه نكشف اطفال ولا جلديه
وامى بتقول اكشفوا باطنه
محتاااااااااااااااااااااااااااااااااااره
ماشااااااااااااااااااااااا الله انتو صاحين بدرى الحمد لله لقيتكم
عاملين ايه ؟؟
برنسيس ربنا يكرمكم يااارب بسكن حلو ومريح نفسيا قريب يااااارب
ملك عامله ايه حبيبتى يارب تجيبى ياسين عشان خاطر حماكى هههههههههه مش عاوزين خناقات
واسم ملك جميل اوى سيبك من برنسيس ههههههه (( بهزر طبعا))
انا عندى بنت لوجين يلا يا برنسيس لو جبتى بنوته سميها لوجين بردو عشان نبقى انا وانتى ام لوجين :))
على فكره يا ملك انا متغربه فى السعوديه فى المنطقه الشرقيه
ولو سالتونى نفسي فى ولد ولا بنت حقيقي مش فارقه معايا خاصه ان جوزى بيموت فى البنات ومش بستظرف الولاد
وكمان اصلى واقعه فى مشكله انى لو جبت ولد لازم يسميه حسين على اسم والده الله يرحمه (هو اسم حلو طبعا اسم الحسين رضي الله عنه بس طبعا كبير على نونو وكمان خايفه حد يقولى يام حسييييييييين ههههههههههه)
بس طبعا كله نعمه من ربنا هو احنا هنتأمر كمان هههههههههه
صباحكم فل يا حلووووين
ازيك يا نولارا وحشانى يا قمر
الف مليون سلامه على احمد متهيالى اكشفى اطفال فى الاول وهو لو محتاج جلديه او باطنه هيقولكم
حاولى متتاخريش واكشفى على على طول عشان تعرفو السبب ويتعالج بسرعه ان شا الله
ابقى طمنينا عليه
MALAK2010
10-05-2010, 02:08 PM
http://forum.hwaml.com/imgcache2/hwaml.com_1286276903_449.jpg
نولارا: الف سلامة على احمد ربنا يشفية يااااااااااااارب وتطمنى علية
اية رايك فى التوقيع جميل مش كدة يارب يتم علينا كلنا
نولارا
10-05-2010, 02:11 PM
دودو
الله يسلمك يارب
اخبار لوجين ايه هى عندها كام سنه
ملك
الله يسلمك ياقمر
ايوه التوقيع جميل جدا
نولارا
10-05-2010, 02:12 PM
عقبال ما تعملى شريط للنونو
محجبه
10-05-2010, 02:12 PM
ههههههههههههههههههه
اتفقنا فى يس ان شاء اللة
طيب اية اسامى النات اللى بتحبيها؟؟؟؟
حمايا بيكلمنى كل شوية يطمن على الامانة بتاعتة ههههههههههههههههههه
جوزى بيقولى كلها شوية ويكلمك فى موضوع الاولاد ههههههههه
كيف حالكو يابنات كل سنه وانتو طيبين
يابنات بون مانخصص ابنات اللي يكتبون لفظ الجلاله الله يكتبو بالتاء المربوطه حرام عليكم لانها دلاله على التانيث والله تكتب هكذا
نصيحه لوجه الله
MALAK2010
10-05-2010, 03:06 PM
د×و :ازيك يا قمر شكرا على وقوفك معايا علشان ملك هههههههههههههههههه
ربنا يسهل واولد بالسلامة بنت ولد مش فارق كل اللى يجيبة ربنا انا راضية بية
اسم حسين انتى مستغرباة ؟؟
احمدى ربنا انة طلع حسين فى اسامى اكبر من كدة بكتير للاطفال ولازم يسموها علشان والد الزوج
اعرف واحدة مسمية ابنها اللى لسة مولود (خطاب) انا ماليش دعوة اسم خطاب حلو ولا لاء بس كبييييييييير اوى على بيبى
MALAK2010
10-05-2010, 03:08 PM
محجبة:
http://forum.hwaml.com/imgcache2/hwaml.com_1286280528_962.gif
dr.princess
10-05-2010, 03:44 PM
نولارا
الف سلامة على احمد بس اهم حاجة مكان الحبوب فين هو اللى يحدد تكشفى جلدية ولا باطنة
يعنى حبوب مكان الحفاض ولا فى بطنه ولا فين
شكرا على دعواتكم نولارا دودو
dr.princess
10-05-2010, 03:51 PM
دودو
بقى كده بتتفقى مه malk2010 عليا دلوقتى بقى انا هتفق معاها عليكى
ماله اسم حسين والله جميييييل انا بحبه اوى بصراحه انا بحبه اكتر من حسن ( واحدة صاحبتى مسميه فتحى على اسم عمه اللى هو عايش اصلا طيب لييييييييييه )
اسم لجين والله جميل ربنا يباركلك فيها ياااااااااارب
dr.princess
10-05-2010, 03:55 PM
malak2010
مبرووووووووووووك على التوقيع علشان متعديش تتلككى وتقولى التوقيع فاضى
ربنا يطمن قلبك يااااااااارب ويكمل الحمل على خييير
ههههههههههه
والله حببتونى فى اسم حسين
يلا لسه لما نشوف ولو بنت عاوزة ادور على اسم جديد كده زى لوجين
ربنا يقومكم كلكم بالسلامه يااااارب
مالو ملك بس يا برنسيس والله جميل اوى وانا فكرت فيه قبل ما اسمى لوجى :)
بس هى فعلا ازواق
طمنينا على احمد يا نولارا ربنا يشفيه يارب
لوجى ماشا الله تمت سنتين عقبال ما تشوفو اولادكم اللى فى بطنكم لسه :))
vBulletin® v3.8.8, Copyright ©2000-2025, TranZ by Almuhajir