دردشة حوامل مصر - دردشة بنات مصر - تجمع حوامل مصر [الأرشيف] - الصفحة 11

دودى اشرف

10-23-2010, 10:21 AM

حد هنا ولا ادخل انام .؟
دودو حكايتك جميلة ... بس لو قريتى حكاوينا هتلاقى معظم حكاية جواز كل واحدة متشابهه
ربنا يخليلك لوجى يا قمر وتفرحى باللى جاى بالسلامة ان شا ءالله ويهنيكى .

ملك حكايتك فعلا زى الافلام بس جميلة وتشبه القصص هههههههههههه ... ومستنيين باقى الحكاية يا قمر ... ربنا يسعدكم على طول يارب يا قمر ويجى عتريس بقى يملا عليكم حياتكم ان شاء الله ... وحكايتك فى الاول تشبه شوية حكاية صحبتى الانتيم اللى كانت سبب فى جوازى من جوزى بس هى متجوزتش اللى كان بيحبها ده .. كان جارها برضه وكان بيستناها على السطوح يشوفها وهى راجعة وكان بيذاركلها والحاجات دى يعنى وكان كله عارف انه بيحبها .. ولانها كانت صغيرة مكانتش عاجبها اوى يعنى وبعد لما كبرت عرفت انه كان كويس ههههههههههههههههههه .. بس هو اتجوز وهى اتجوزت خلاص ومعاها احمد سنه ونص ربنا يخليهولها يارب وعقبال منشوف ولادنا ان شاء الله كلنا .

دودى اشرف

10-23-2010, 10:22 AM

اه يا دودو شوفتى الشطارة ... ده بقى كورس من سمية ... بعتتلى الطريقة وانا عيشت بقى هههههههههههههههههه

دودى اشرف

10-23-2010, 10:23 AM

حد هنا يا بنااااااااااات ولا اقوووووووووووووووم .... يعنى اليوم اللى اصحى فيه بدرى قولت اكلمكم الاقيكم نايمين .. مع انى توقعت والله قلت السهرا امبارح كانت صباحى معاهم .. بس قلت هلاقى حد اتكلم معاه ... بقى كده برضه

دودى اشرف

10-23-2010, 10:30 AM

سمية ... ازيك يا قمر .. ان شاء الله تروحى انهارده وتطمنينا .... بس انتى مقلتيش فى حكايتك انتى حبتيه من اول مرة يعنى ولا ايه ... وهو جه على طول كده من غير ما تشوفه بعض ولا كان شافك قبل كده ... اصل الحاجات مهمة اوى عندى هههههههههههههههههههههههههههه ... اصل انا برضه كنت برفض الطريقة دى زى دودو بس فى الاخر اتجوزت بيها .. ههههههههههههه .. بس بحمد ربنا ان نصيبى فى الاخر جه مع جوزى ... زى ما بيقولوا ربنا عوض صبرى خير بيه الحمدلله رب العالمين ربنا يديمها عليا نعمة ويقر عينا بجنينا ياااااااااااارب اجمعين

دودى اشرف

10-23-2010, 10:30 AM

طيب واضح انى بهاتى مع نفسى ... انا هقوم اهىء اهىء اهىء اهىء ... سلااااااااااااااااااااااااااااااام

ام يحيي 2011

10-23-2010, 12:44 PM

تسلمى دودو على الأهتمام والرد يارب بس تجى بألف سلامه ونفرح بشفتها

وتسلمى أن رايحه للدكتوره قريب بأذن الله أبقى أسألها

فى حد هنا ولا ايه

شفتوا وحشتونى ودخلت قبليكم وصحيت قبليكم كمان

نولارا

10-23-2010, 01:22 PM

انا هنا انتوا صاحيين ولا نمتوا

نولارا

10-23-2010, 01:35 PM

ملك
حكايتك حلوه قوى شكلها هتنافس حكايتى على المركز الاول
ما احنا عايزين نعمل مراكز بقى وترشيحات وكده
كملى وانا هحاول اكتب بس يارب احمد ما يلخبطنيش

نولارا

10-23-2010, 01:49 PM

بسم الله
انا جوزى يبقى قريبى من بعيد
وفى نفس ذات الوقت مدرس الانجليزى بتاعى
كان بيدينى من وانا فى 6 ابتدائى وكان هو فى 2 كليه اداب
بس كان بيشتغل وهو فى الكليه لان والده متوفى وهو بعتمد على نفسه هو واخواته
المهم لانى كنت صغيره كنت لسه مش عارفه يعنى ايه حب بس كنت بحب يوم الحصه قوى
عدت الايام وفضل يدينى لحد 3 ثانوى
بانت انتيجه ونجحت وجه باركلى انا كنت حاسه انه بيميزنى فى المعامله بس مش متاكده وعرفت بقى انى بحبه ما انا كبرت بقى وبقيت انسه
دخلت كليه الهموم قصدى العلوم وقدر الله وحصلى دروب اول سنه لانى مكنتش حابه القسم اللى انا فيه
عرف هو بالموضوع وجه زارنا واقترح عليا انى احول اقتصاد لانها قريبه من طنطا
وعلوم كانت فى مصر اتاريه كان عاوز يتقدم ونتجوز وانا لسه فى الكليه
بس انا ما اخدتش بالى من نيته وقلتله لا انا مش بحب اقتصاد وهفضل فى علوم بس هاغير القسم
وفعلا غيرت القسم بتاعى وحولت بيولوجى وكل واحد فينافى حياته العاديه
انا كل اسبوع ارجع البلد كنت بتمنى اقابله وهو منتظر انى اخلص كليتى
بس وانا فى اول ترم فى سنه 3 لقيته بتصل بيا على الموبايل كان هوا كمان بيشتغل فى معهد فى مطروح وبينزل البلد كل اسبوع
اتصل بيا هو فى مطروح وانا فى سكن الطالبات فى القاهره
طلب انه يقابلنى انا معرفتش اقوله ايه
بس لنا اتصل تانى قلتله ما ينفعش نتقابل من غير ما اقولهم فى البيت ومينفعش فى البيت اقولهم انه جاى يقابلنى
وطلبت منه يقول سبب المقابله

نولارا

10-23-2010, 01:58 PM

قالى هاتصل بيكى بعدين لما ارتب افكارى
المهم اتصل تانى يوم
قالى اخبار الكليه ايه والكلام العادى ده بعدين قالى
(انا بقالى كتير بدور على انسانه تكمل معايا طريق حياتى ومش هلاقى انسب منك
والفتره اللى فاتت كنت متابع اخبارك
وكل ما اعرف ان حد متقدملك امسك قلبى بايدى
بس لقيت الكليه عذر كويس والجماعه فى البيت رافضيين موضوع الخطوبه وانتى فى الكليه
فاطمنت
بس انا مش قادر استنى اكتر من كده عاوز بقى نكمل مع بعض طريقنا
وخفت اروح البيت على طول يكون فيها احراج ليكى لانى المدرس بتاعك
فحبيت اعرف منك انتى موافقه ولا لاء )
طبعا انا ده كله وشى احمر ومذبهله وضربات قلبى زادت وساكته خالص
والبنات صحابى فى الاوضه ملمومين حواليا لانى كنت حكيت لهم عنه
هوا لقانى ساكته قالى (طيب انا هقولك تصبحى على خير دلوقتى ومستنى ردك بكره )

نولارا

10-23-2010, 02:11 PM

طبعا بعد ما صحابى قعدوا يقررونى عن المكالمه قالولى حرام عليكى لازم تردى عليه دلوقتى
وانا كمان كان نفسى اقوله انى موافقه فبعتله رساله مكتوب فيها( انا موافقه )
اتصل بعدها على طول وكان فرحان وقالى برضه (انا جايلك بكره )
بكره دا كان يوم الاربع كان هو بيرجع البلد يوم الاربع وانا برجع الخميس
ويوم الاربع جه من مطروح على القاهره على طول ومعرفش يوصلى الكليه من زحمه المواصلات كله اجازه ومسافريين
كنت انا خلصت المحاضرات والسكاشن فقلتله انا جايالك رمسيس
كنت انا وصاحبتى الانتيم
رحنا لقيناه واقف عند محطه المترو عرفتهم على بعض وهى استاذنت عشان رايحه فرح
وكمان عشان تسيبنا لوحدنا
قعدنا على السلالم عند المترو
وبعدالسؤال العادى عن الكليه والشغل والكلام ده
قالى كان نفسلى اشوف رد فعلك على طول مش فى الموبايل
اتكلمنا شويه واتفقنا انى لما اوصل البيت بكره ارن عليه
قلتله انا ليا معاد ارجع السكن فقام وصلنى لحد السكن وقالى خدى بالك من صحابك
فقلتله انهم كلهم كويسين ومحترمين
وطلعت وهو رجع على طنطا واتصلت بيه اتطمنت انه وصل البيت قضى اليوم كله مواصلات خرج من 10 الصبح من مطروح وصل القاهره 5 العصر قعدنا سوا لحد 7 ووصل طنطا 10 بالليل بس طبعا على قلبه زى العسل

نولارا

10-23-2010, 02:24 PM

وصلت بيتنا يوم الخميس ورنيت عليه
بعدها بساعه جه عندنا طبعا انا ولا كانى اعرف حاجه
مرات اخويا فتحتله واخويا قعد معاه وبعدين هو طلب منه ان امى تحضر الكلام
فااخويا نزل نادى على امى وبعدين اتكلموا وهو مشى ونزلوا اخويا وامى
امى قالت لاخويا انت ايه رايك
قالها هو انا اللى هاتجوزه قالتله طيب ليه قلتله الترم الجاى مش قلنا لما تخلص كليتها
وبعدين قالتلى انتى ايه رايك
قلتلها فى مين
قالتلى فى خالد
الصراحه كنت عاوزه اسبك الدور واقولها ازاى يعنى وازاى توافقوا منغير ما تسالونى بس ما قدرتش سكت وضحكت وخلاص
جه ياخد الرد تانى يوم اخويا قاله السنه الجايه قاله بس انا هبقى عاوز اطمن عليها ومش هتفرق كام شهر
المهم اخويا وافق واتخطبنا سنه و3 شهور
وتجوزنا بعد امتحانات سنه 4 على طول يوم 3\7\2009
بقالنا سنه و3شهور متجوزين
ومعانا احمد ربنا يحميه عنده 5شهور ونص
جوزى اسمه خالد
ليسانس اداب
33سنه
طبعا عرفتوا هو بيشتغل ايه
انا
بكالوريوس علوم
24 سنه
بشتغل ما ما وزوجه هههههههههههه

نولارا

10-23-2010, 02:25 PM

يالا لما تصحوا قولولى ايه رايكم فى الحدوته
حلوه ولا ملتوته

دودى اشرف

10-23-2010, 02:58 PM

السلام عليكم ورحمة الله وبركاته ... ازيكم يا كسلانيييييييييييييييين ... انتوا ماشيين معايا بالعكس ولا اييييييييه ... اصحوااااااااااااااا هههههههههههههههههههههههه
نولارا يا قمر ... حكايتك حلوة برضه يا جميل ايه قصص الافلام دى بس يا جماعة ... انا الحقيقة عشت الروايات دى زماااااان بما انى اكبركم يعنى بس كلها كانت فشنك ولعب عيال ههههههههه .. ربنا يهنيكم جميعا ياااااااارب ... وتشوفوا اولادكم مكانكم بقى ان شاء الله ....
نولارا كنت سألتك قبل كده انتى منين فى طنطا علشان ليا قرايب فى طنطا

نولارا

10-23-2010, 03:00 PM

ايوا يادودى انا عارفه شارع البحر والبورصه وسعد الدين
بس انا مش من طنطا نفسها بينى وبينها مواصلتين حوالى ربع ساعه

دودى اشرف

10-23-2010, 03:02 PM

محدش هنا برضه ... هو فى ايه انهارده انا داخلة اكلم نفسى من الصبح ولا ايه ؟؟؟؟

دودى اشرف

10-23-2010, 03:04 PM

نولارا اخيرا حد رد عليا ... هيييييييييييييييييييييييييه ..ههههههههههههههه
اه فاكراكى من طذنطا نفسها يا قمر ... اجدع ناس برضه
احتمال اختفى فجأة لان النور قاطع عندى واللاب توب هيفصل شحن لو النور مجاش كمان شوية

دودى اشرف

10-23-2010, 03:05 PM

انتى اللى مصورة احمد الصورة دى ولا ايه؟؟؟؟ اصلها ماشاء الله عاملة زى بوسترات الصور بتاعت الاطفال .. ربنا يحيميهولك يارب وتخاويه ان شاء الله

دودى اشرف

10-23-2010, 03:12 PM

نولارا .. انتى قفلتى انتى كمان ولا ايه ... اهىء اهىء اهىء

نولارا

10-23-2010, 03:20 PM

معلش بنشغل مع احمد كل شويه ايوا انا اللى مصوراه على السرير بتاعنا والله

MALAK2010

10-23-2010, 03:30 PM

انااااااااااااااااااااااااا جيت

توتة السيد

10-23-2010, 03:31 PM

يأمرون الناس بالبر وينسون انفسهم ههههههههههههه

عمالة اقول لدودي بلاش مذاكرة وادلي علي طول وانا ليه نص ساعة بقرأ اللي فاتني ههههههههههه

في حد موجووووووووووووووووود

توتة السيد

10-23-2010, 03:32 PM

اهلا ملاك العسل

قصتك جميلة جدا ربي يسعدكم يارب ويفرح قلبكم بالنونو الجميل

نولارا

10-23-2010, 03:32 PM

ملك وتوته انا هنااااااااااا

توتة السيد

10-23-2010, 03:33 PM

نولارا ايه الحكايات الجامدة دي بجد جميلة قوي

ربي يسعدكم ويخليلكم احمد السكر بجد هو اللي في الصورة ما شاء الله

اللهم بارك له وفيه حبيبتي

MALAK2010

10-23-2010, 03:33 PM

نولارا :حكايتك لطيفة اوووووووووووووووى حاسة انك كنت بتحبية قبل ما يتقدم لانك فاكرة كل حاجة بالتفصيل
عارفة ما شاء الله حاسة وانتى بتكتبى ان (الكلام )نفسة فرحان وبيحب وان قلبك بيدق وانتى بتكتبى ربنا يهنيكى يا حبيبتى ويباركلك فى احمد

وبالنسبة للتصويت لاحسن قصة ماشى نعملها بس انا يبدوبك مخلصة جزء العذاب والضنا بتاعى ولما اشوف راى البنات اكمل ولا زهقوا منى ههههههههههه

توتة السيد

10-23-2010, 03:34 PM

دودي ياحبي انتي موجودة معلش اصلي سهرنا جامد امبارح والواحد فيص هههههههههههه

توتة السيد

10-23-2010, 03:36 PM

كمليلنا ياملاك الحكاية بجد سكر ونفسي اعرف باقي التفاصيل

MALAK2010

10-23-2010, 03:36 PM

توتة :ازيك يا حبيبتى عاملة اية وازاى النونو
كدة تسهروا من غيرى كل دة انا هشتكى لازواجكم ههههههههههههه

نولارا

10-23-2010, 03:43 PM

ايوا ياملك كنت بحبه هوا انا مفقوسه قوى كده
يالا كملى حكايتك
توته
كل ما افتكر اسالك انسى
مين البنوته اللى فى صورتك الرمزيه؟؟؟؟؟؟؟؟؟

توتة السيد

10-23-2010, 04:00 PM

اسفة ملاك حبيبتي النت هنج عندي انا بخير الحمد لله ربنا يخليكي ولنونو الحمد لله بخير وبيسلم عليكي هههههه اه والله سهرنا امبارح لحد ماحسيت ضهري انقسم من القعده ههههههههههه

توتة السيد

10-23-2010, 04:02 PM

والله يانولارا ياحبي انا نفسي ماعرفش انا كنت بعمل بحث

علي صور اطفال وجت الصوورة دي بجد عجبتني جامد وحطيتها صورة رمزية

توتة السيد

10-23-2010, 04:04 PM

انتو مشيتوا

ام عبدالمجيد00

10-23-2010, 04:18 PM

هاي يا بنات توته وسميه تسلمو علي الردود *كل البنات ازيكم انا يا سميه من اسكندريه بس عايشه في قطر ..عندي ولد عندو 9 سنين وشهور وحامل فاول التالت ربنا يتمم علي خير يارب للكل

توتة السيد

10-23-2010, 04:20 PM

ازيك ياام عبده اخبارك ايه ربنا يخليهولك حبيبتي اخبار الحمل ايه معاكي

توتة السيد

10-23-2010, 04:33 PM

انتو رحتو فيييييييييييين

توتة السيد

10-23-2010, 04:34 PM

طيب انا هقوم ورجع تاني يمكن يكون حد دخل

somia

10-23-2010, 05:23 PM

انا هناااااااااااااااااااااا

MALAK2010

10-23-2010, 05:26 PM

ازيك يا حبيبتى صح النوم يا وحشين يا اللى سهرتوا من غيرى
هتروحى امتى للدكتورة طمنينى

dr.princess

10-23-2010, 05:30 PM

لقد جئت لقد جئت
انا قلت الحق ملك قبل ما تقفل وبعدين ابقى اشوف رغيتوا فى ايه من غيرى

رنا خالد

10-23-2010, 05:32 PM

حكايات حب رائعه بجد كل واحده قصتها اجمل من التانية
ربنا يخليلنا ازواجنا ويبارك لنا فيهم
ويفرح عينا بشوفة اولادنا امين يارب ياريت بقي النهارده نسهر كلنا سهره حلوه زي بتاعة امبارح دي
كانت سهره صباحي ههههههه

somia

10-23-2010, 05:32 PM

انا لغاية دلوقتي مش عارفة اعمل ايه انا من صبحية ربنا بعيط ..
اصلي نازل عليا دم

MALAK2010

10-23-2010, 05:33 PM

انا هقعد شوية جوزى خرج ومش هيجى الوقتى وحشتينى يا حبيبتى اوى بس عاوزاكى تشوفى اعترفاتى وتقولى رايك علشان حضرت الجزء التانى ههههههههههه
اصل اعترفت انا ونورا و د× و

dr.princess

10-23-2010, 05:33 PM

دودو
مبروووووووووووك انك بدأتى الرابع
ان شاء الله أيام وأحصلك باذن الله تعالى

MALAK2010

10-23-2010, 05:35 PM

انا لغاية دلوقتي مش عارفة اعمل ايه انا من صبحية ربنا بعيط ..
اصلي نازل عليا دم

زعلتينى اووووووووووووى يا قلبى بس انا اعرف ناس كتير حصل لهم كدة وارتاحوا وربنا ستر بس اسالى الدكتورة بالتليفون واذا قالتلك تعالى روحى بس بلاش تتحركى يا حبيبتى وان شاء الله خير يارب

dr.princess

10-23-2010, 05:37 PM

سمية
ياحبيبتى انتى عملتى مجهود زيادة ولا ايه قدر الله وماشاء فعل
بس اهم حاجة دلوقتى لما تروحى تكشفى تقولى للدكتورة وطمنى بالك خالص اختى حملها الاول كان طول الحمل بينزل عليها حاجات كده وابنها ماشاء الله تبارك الله زى الفل
اهم حاجة ترتاحى وتنامى وبلاش القعدة خالص وان شاء الله معدش ينزل تانى

somia

10-23-2010, 05:39 PM

اديني قاعدة فمكاني فردة ظهري من الصبح بس للاسف الدكتورة مش عارفة اكلمها لانها قافلة الموبيل شكلها عندها عملية

MALAK2010

10-23-2010, 05:42 PM

بصى يا سمية انا اسمع انك تنامى على ضهرك وترفعى رجلك على مخدة او اى حاجة ترفعيهم شوية عن جسمك جربى كدة وربنا يطمنا عليكى

يكفيــــMوجووودكMــــني

10-23-2010, 05:42 PM

السلااااااااام سمية سلامات حبيبتي

يمكن المشيمة ناااازلة ارفعي رجلك شوي فوق ولاتتحركين من الفراش والله يقومك بالسلااامة

انا صارلي كذا بحملي وبعدين مع الراحة ارتفعت وتم حملي بسلامة والحمدلله

somia

10-23-2010, 05:42 PM

انا كل اللي عملته فضيت جردل المسح لانه كان مركون وكنت خايفة افضيه فقلت هيعملي ريحة وحشة فقمت فضيته ونظفته بس كده ادي كل اللي انا عملته

MALAK2010

10-23-2010, 05:44 PM

يكفينى وجودك :عرفينا عليكى بحس انك غامضة بتدخلى فجأة وبتخرجى فجأة انتى بتتنقلى بين التجمعات ولا اية

MALAK2010

10-23-2010, 05:45 PM

لولو: انتى فييييييييييييييين

somia

10-23-2010, 05:47 PM

ربنا يسترها ان شاء الله بس انتوا ادعوا لي كثير

MALAK2010

10-23-2010, 05:49 PM

ربنا يسترها ان شاء الله بس انتوا ادعوا لي كثير

ربنا يثبت حملك ياااااااااااااااااااااااارب
ويطمن قلبك ويتم عليكى يااااااااااااااااارب

dr.princess

10-23-2010, 05:49 PM

ملك انا هنا ياقلبى
كنت بقرأ فى اعترافاتكم انتى و دودو

dr.princess

10-23-2010, 05:51 PM

سمية ماتقلقيش يابنتى والله بتحصل لناس كتير وبتكمل حمل من غير مشاكل واوقات كتير تبقى مرة كده وخلاص
بس بيبقى زى تحذير كده انك متتعبيش نفسك وبس

MALAK2010

10-23-2010, 05:51 PM

بنقلدكم اشمعنى الاعترافات الليلية عملنا اعترافات صباحية

بس اية رايك فى الفيلم الهندى بتاعى

رنا خالد

10-23-2010, 05:53 PM

ماتخافيش ياسمية في ناس بينزل عليهم دم خلال فترة حملهم
اهم حاجه الراحه التامه ولازم لازم تاخدي مثبت قوي يفضل يكون حقن مش برشام بس اتصلي بدكتورتك وبلغيها بالي حصل وهي هاطمنك اكتر بأذن الله
وربنا يتمم حملك علي خير ويفرح قلبك يارب

dr.princess

10-23-2010, 05:57 PM

ملك حكايات جميلة خالص ماشاء الله
بس محبتش اعلق عليها عشان الوقت مش مناسب وسمية مزاجها وحش

somia

10-23-2010, 05:59 PM

اديني عمالة بحاول اكلمها بس لغاية دلوقتي تليفونها مقفول ربنا يستر

انا قريت الاعترافات الصباحية بجد ولا الف ليلة وليلة

MALAK2010

10-23-2010, 06:00 PM

اه ما انا كنت هكمل بس بصراحة مش وقتة لما نطمن على سمية انا والله خايفة عليها ربنا يطمنا

somia

10-23-2010, 06:01 PM

لولو اتكلمي يا بنتي عادب اهه حاجة تنسيني اللي فيا ده شوية

MALAK2010

10-23-2010, 06:01 PM

اديني عمالة بحاول اكلمها بس لغاية دلوقتي تليفونها مقفول ربنا يستر

انا قريت الاعترافات الصباحية بجد ولا الف ليلة وليلة

طيب اتصلى على العيادة ممكن تكون فى الكشف مش بتفتح موبايلها واعرفى ظروفها اية فى عملية ولا فين

somia

10-23-2010, 06:02 PM

نولار صحيح هوه اللي في الصورة الرمزية ده أحمد؟؟؟؟؟؟؟؟؟؟؟؟؟؟

somia

10-23-2010, 06:05 PM

انا خايفة اقوم للتليفون الغرفة التانية وبعدين السكرتير راجل فمش عايزاه يسمع صوتي وهوه غريب كده لاني بحب اما اكلم راجل اخشن صوتي وانا اصلا فمنيش نفس اتكلم عشان اخشن صوتي

somia

10-23-2010, 06:16 PM

ملاك كملي حكايتك انا عايزة اي حاجة تخرجني من مود الكابة ده انا مش قادرة خلاص افكر فاتكلموا عادي عشان اتلهي معاكوا على ما اطمن

somia

10-23-2010, 06:31 PM

انتوا رحتوا فييييييييييييييييين؟؟؟
متسيبونيش لوحدييييييي

MALAK2010

10-23-2010, 06:34 PM

انا هنا بس افتكرتكم خرجتوا
وانا قاعدة لوحدى اهئ اهئ

توتة السيد

10-23-2010, 06:37 PM

سومة الف مليون سلامة عليكي حبيبتي اسم الله عليكي الف مرة

ماتخفيش ان شاء الله ربنا يسترها ماتقلقيش وتعيطيش علشان نفسيتك ماتتعبش حبيبتي

وارتاحي وزي ماقلولك البنات ارفعي رجليكي شوية واتصلي برضه بالدكتورة علشانتطمنك

وبعدين بلاش تعب سيبي الجرد في حاله او خلي جوزك يرفعهولك ويفضيه انتي ماتشيليش حاجة خالص معلش ربنا هيسترها ماتقليقيش بس بالله عليكي تطمنينا حتي لو اتصلتي بالدكتورة واو رحتيلها

توتة السيد

10-23-2010, 06:40 PM

هلا بالحلوين الموجودين

توتة السيد

10-23-2010, 06:41 PM

علي فكرة ياسومة انا اسفة ماقدرتش اقعد اكمل قصتك امبارح بس انا قريتها كلها انهارده

قصة زي العسل اكيد زي صحبتها عسل ربي يسعدك حبيبتي ويخليكم لبعض ويطمن قلبك

حبيبتي

توتة السيد

10-23-2010, 06:42 PM

انتوا مشيتوا ولا ايه

somia

10-23-2010, 06:42 PM

ان شاء الله اول ما هطمن هاطمنكم
ملاك عشان خاطري كملي حكايتك عشان اتلهي بيها عن اللي انا فيه

somia

10-23-2010, 06:44 PM

تتوتة مفيش مشكلة يا بنتي
ملعشي بتاخر بالرد لاني تعبانة قوي فعلى ما بكتب

somia

10-23-2010, 06:46 PM

انتوا بتختفوا فييييييييييييييييييييييييييييييين؟؟؟؟؟؟؟؟؟؟؟؟؟؟؟؟؟ ؟ظ

توتة السيد

10-23-2010, 06:49 PM

سومة حبيبتي الف سلامة عليكي في حاجة طيب وجعاكي ولا بس الحكاية دي

somia

10-23-2010, 06:52 PM

ظهري هينفجرو دماغي مصدعة وجسمي كله مدغدغ جايلي الم زي الدورة وعيني طبعا مورمة من العياط

توتة السيد

10-23-2010, 06:56 PM

ياحبيبتي الف سلامة بس بلاش عياط كده هتتعبي اكتر

برضه الدكتورة لسه ماردتش

MALAK2010

10-23-2010, 07:06 PM

ظهري هينفجرو دماغي مصدعة وجسمي كله مدغدغ جايلي الم زي الدورة وعيني طبعا مورمة من العياط

جسمك وجعك من كتر الزعل
قومى يا حبيبتى اقراى سورة يس وان شاء الله ربنا هيسترها

يكفيــــMوجووودكMــــني

10-23-2010, 07:09 PM

اللي تقول اني غامضة حبيبتي انا ادخل كذا واذا شفت سؤال اعرف اجابته اوصار لي

نفس الشي اجاوب وآسفه اذا كنت ثقيله

MALAK2010

10-23-2010, 07:11 PM

اللي تقول اني غامضة حبيبتي انا ادخل كذا واذا شفت سؤال اعرف اجابته اوصار لي

نفس الشي اجاوب وآسفه اذا كنت ثقيله

انتى لية بتقولى انك تقيلة بالعكس انا بقولك عرفينا بنفسك وقبل كدة قولتلك انك دخلتى فى وقتك
انا عاوزة اعرفك اكتر لو حابة اتفضلى انا قاعدة شوية

توتة السيد

10-23-2010, 07:12 PM

لا ياعيوني مين قال انك ثقيلة احنا بس عايزين نتعرف عليكي

يكفيــــMوجووودكMــــني

10-23-2010, 07:17 PM

الصراحة خجلتوني

انا من السعوديه

عمري 17 سنة

عندي ولد عمره 5 شهور اسمه راكاااان..

توتة السيد

10-23-2010, 07:18 PM

انتوا بتختفو بتروحو فين

توتة السيد

10-23-2010, 07:19 PM

ما شاء الله انتي صغيرة قوي ربنا يخلهولك حبيبتي واسمه ما شاء الله جميل

ربي يسعدك حبيبتي

MALAK2010

10-23-2010, 07:23 PM

الصراحة خجلتوني

انا من السعوديه

عمري 17 سنة

عندي ولد عمره 5 شهور اسمه راكاااان..

اهلا بيكى يا جميل وربنا يخليلك ابنك ياااارب

بس بصراحة انا مستغربة حاجة لو مش عاوزة تردى خلاص اعتبرينى ماسالتش
انتى عمرك صغير اوى على الجملة اللى كتباها فى التوقيع
(
يحسبون الصمت مثل اول علامة رضا .. يعلم الله ماسكت لهالزمن إلا قهر

somia

10-23-2010, 07:23 PM

شفتوا الحلاوة اللي انا فيها ..
الدكتورة برة مصر في مؤتمر

يكفيــــMوجووودكMــــني

10-23-2010, 07:24 PM

مشكورة حبيبتي الله يخليك..

عندك عيال ؟؟

somia

10-23-2010, 07:24 PM

الصراحة خجلتوني

انا من السعوديه

عمري 17 سنة

عندي ولد عمره 5 شهور اسمه راكاااان..
بسم الله ما شاء الله 17 سنة احنا على كده عواجييييييييييييييييز...هههههههههههه

MALAK2010

10-23-2010, 07:26 PM

شفتوا الحلاوة اللي انا فيها ..
الدكتورة برة مصر في مؤتمر

برة مصر؟؟؟؟
ياااااااااااااربى

جوزك موجود معاكى؟؟؟
مش بتقولى ان تحتك حماتك ممكن تخلى اخت جوزك تسال الدكتورة اللى بتابع عندها تعملى اية ولو ضرورى اوى تروحيلها

يكفيــــMوجووودكMــــني

10-23-2010, 07:27 PM

ملااااك ابد بس عجبتني وحطيتها في توقيعي

سمية الله يعينك صدقيني الراحة فوق كل شي

وبعدين لساااااااااتك شباااااااااااااب مش عجوزة خخخخخ

توتة السيد

10-23-2010, 07:28 PM

تسلمي حبيبتي انا حامل في اول حمل دعواتك معانا

توتة السيد

10-23-2010, 07:29 PM

مؤتمر لا طيب ماتسكتيش شوفي غيرها موقتا طيب

علشان تطمني واذا كان عايزة مثبت تديلك اوعي تقعدي لحد ماتجي من المؤتمر

MALAK2010

10-23-2010, 07:31 PM

ام راكان هى فعلا جملة حلوة بس ساعات الواحد بيكتب حاجات بتعبر عن حاجة فية علشان كدة سالتك انتى صغيرة وازاى حاسة بالحاجات دى

توتة السيد

10-23-2010, 07:33 PM

وبعدين ياسومة انتي في مصر يعني الدكاترة علي قفي من يشيل وبسهوله تلاقي دكتورة تانية

يكفيــــMوجووودكMــــني

10-23-2010, 07:34 PM

توووووووووتة ياااااااارب يسهل ولادتك ويجعلها زي ولادتي واسهل يااااارب
انتي وكل الحوااااامل..

ملاااااااااك هههه لو ماعجبتني كان ماحطيتها...

اغيرها؟؟؟؟؟؟؟؟

توتة السيد

10-23-2010, 07:37 PM

تسلمي حبيبتي ربنا يخليكي ويخليلك راكان

طيب لو طلبت منك حبيبتي تحكيلنا قصة ولادتك ممكن

توتة السيد

10-23-2010, 07:38 PM

ايه الاخبار ياسومة عملتي ايه او هتعملي ايه

يكفيــــMوجووودكMــــني

10-23-2010, 07:41 PM

http://forum.hwaml.com/t22835.html

هذي قصة ولادتي

توتة السيد

10-23-2010, 07:43 PM

مشكورة حبيبتي تسلمي

يكفيــــMوجووودكMــــني

10-23-2010, 07:47 PM

العفوووووووووو

توتة السيد

10-23-2010, 07:47 PM

قصة جميلة جدا ياام ركان

هههههههههههه وحلوة قوي انتي متزوجة ههههههههه

الحمد لله كانت سهلة عقبالنا وكل الحوامل ياااااااارب

ويخليلك ركان القمر حبيبتي

يكفيــــMوجووودكMــــني

10-23-2010, 07:49 PM

ههههههههههههههه

تسلمي حبيبتي......

توتة السيد

10-23-2010, 07:54 PM

البنات خرجوا ولا ايه سوووووووووووومة موجودة طمنينا ملاك ظاهر مشيت

ام ركان حبيبتي انتي متزوجة من امتي

يكفيــــMوجووودكMــــني

10-23-2010, 07:56 PM

صارلي الحين سنة و4 شهور

توتة السيد

10-23-2010, 08:00 PM

ربنا يبارك في اعماركم حبيبتي ويخليكم لبعض

زوجك قريبك ولا بعيد

somia

10-23-2010, 08:01 PM

معلشي يا حماعة هاضطر اخرج دلوقتي
دعواتكم معايا

توتة السيد

10-23-2010, 08:07 PM

ماشي ياسومة بس طمنينا عليكي وربنا معاكي

يكفيــــMوجووودكMــــني

10-23-2010, 08:13 PM

سووووووووووووومة الله معاك وطمنينا عنك..يالغاليه

توتة ام زوجي تصير بنت خاااااااالي الله يرحمه

somia

10-23-2010, 08:23 PM

مؤتمر لا طيب ماتسكتيش شوفي غيرها موقتا طيب

علشان تطمني واذا كان عايزة مثبت تديلك اوعي تقعدي لحد ماتجي من المؤتمر
المشكلة انها الوحيدة اللي عارفة سجلي المرضي كله يعني من اول الحمل العنقودي لغاية دلوقتي ..
وانا كده كده باخد مثبت بس تقريبابرشامة امبارح بالليل اترجعت مع الاكل فخدت المثبت تاني وبكرة ان شاء الله هروح اعمل سونار عشان اطمن المشكلة لانه كويس جدا فزجمة قوي ومفيش مستعجل فلازم اروح من بدري احجز فبالتالي اخت زوجي هروح تحجزلي بكرة الصبح وانا باذن الله هابقى اروح باليل على المعاد علطول

توتة السيد

10-23-2010, 08:27 PM

مععقول ام ركان حماتك تبقي بنت خالك ما شاء اللله كلكم صغيرين ربي يسعدكم

توتة السيد

10-23-2010, 08:28 PM

يعني هتروحي بكرة ان شاء الله يسومة معلش ربنا يطمنك

بس قوليلي مافيش دم نازل تاني الحمد لله هي النقطة اللي بدري بس

وضهرك خف شوية طمنينيني حبيبيتي

somia

10-23-2010, 08:30 PM

ام راكان ربنا ريباركلك بس انا ما اظن اني بقدر اصبر مثلك يوم ولادتك انا نفسي ربنا يكرمني علطول يعني اروح المستشفى اولد علطول ...هههههههههههههه
بس ربنا يطمني عليه الاول وانها هتبقى ان شاء الله ولادة مش حاجة تانية

somia

10-23-2010, 08:34 PM

توتة الحمد لله الدم خف دلوقتي بقى سوري افرازات بس اما اللي نزل الصبح للاسف مكنتش نقطة دول كتنوا شوية محترمين يوقعوا قلب اي حد غلبان زيي..هههههههههه
معلشي اصل انا ابتديت اخرف من التعب فهتلاقوني بتريق على نفسي كثير

somia

10-23-2010, 08:40 PM

انتوا فيييييييييييييييييييييييييييين؟؟؟

somia

10-23-2010, 08:42 PM

يا جماعة رحتوا فين؟؟؟؟؟؟

توتة السيد

10-23-2010, 08:43 PM

سلامة قلبك ياسومة ياحبيبتي ماتخفيش ان شاء الله ربك هيسترها ومافيش الا الخير بفضله سبحانه

بس النتي ماتجهديش نفسك خالص حتي بعد ماتتطمني حبيبتي شغل البيت قاعد وهو بيخلص ابدا

اسلبطي ونتهزي الفرصة وخدي راحة من شغل البيت في فترة الحمل والوحم دي

توتة السيد

10-23-2010, 08:43 PM

انا معاكي موجودة حبيبتي

somia

10-23-2010, 08:45 PM

ربنا يسترها يا توتة واطمن بكرة لحسن انا خلاص دماغي هتنفجر من التفكير

somia

10-23-2010, 08:46 PM

توتة صحيح انتي قررتي هتسمي النونة ايه باذن الله ولا لسة؟؟؟

somia

10-23-2010, 08:48 PM

بقلك انا عمال ينزل دوقتي عليا زي مية او افرازات لونها اصفر غامق... متعرفيش ايه ده.؟؟؟

توتة السيد

10-23-2010, 08:51 PM

ان شاء الله تطمني حبيبتي وماتفكريش سبيها لله

توتة السيد

10-23-2010, 08:52 PM

ان شاء الله سبحانه هسميها نوران ايه رائيك

توتة السيد

10-23-2010, 08:54 PM

لا ياعمري والله معندي علم بس طيب مافيش دكاترة تاني تعرفوها انا والله رأي تروحي لدكتورة دلوقتي

somia

10-23-2010, 08:59 PM

نوران ماشاء الله اسم حلو

توتة السيد

10-23-2010, 09:02 PM

الله يحلي دنياتك حبيبتي تسلمي ويطمن قلبك يارب

somia

10-23-2010, 09:06 PM

اااااااااااااااااااااااامين .. انا هدور دلوقتي على اي حد اعمل عنده سونار عشان اطمن مش قادرة استنى لبكرة

توتة السيد

10-23-2010, 09:09 PM

ايوة كده صح انا كنت بقول كدة من الصبح شوفي حد يروح معاكي لو كان زوجك في الشغل وروحي الساعة لسه 8 عنك يعني الدكاترة كلهم موجودين واطمني حبيبتي احسن ربي يطمن قلبك وابقي طنينا

somia

10-23-2010, 09:17 PM

دعواتك الاقي وحدة دكتورة تعملي سونار مهبلي

somia

10-23-2010, 09:21 PM

اخت زوجي وصحبتي بيسألولي ويا رب الاقي حاجة بسرعة تطمني

توتة السيد

10-23-2010, 09:21 PM

ان شاء الله تلاقي حبيبتي ماتقلقيش

وربنا معاكي ويطمن قلبك

توتة السيد

10-23-2010, 09:22 PM

انتي ساكنة فين بالظبط حبيبتي

توتة السيد

10-23-2010, 09:25 PM

سومة ساكنة فين حبيبتي

رنا خالد

10-23-2010, 09:30 PM

سلامتك ياسومه والله قلبي معاكي ياأختي
ربنا يطمنك يارب ادعي انتي بس ربنا وهو هايريح قلبك
وان شاء الله خير صدقيني دي حاجه بسيطه

somia

10-23-2010, 09:30 PM

دعوااااااااااااااااااااااااااتك..
توتة هاضطر اخرج امدد شوية لحسن خلاااااااااااااااااااااااص حاسة اني هموت من التعب

رنا خالد

10-23-2010, 09:31 PM

صحيح انتي ساكنه فين ياسومه يمكن ادلك علي دكتوره شاطره جدا

توتة السيد

10-23-2010, 09:33 PM

حبيبتي قوليلي انتي بس ساكنة فين وبعد كده اتفضلي اصلي بحثتلك علي دكاترة عن طريق النت وجابلي دليل للاطباء في كل المحافظات وارقام تلفوناتهم كمان قوليلي بس لو كان اقوقلك علي دكتورة تروحيلها

توتة السيد

10-23-2010, 09:34 PM

الف سلامة عليكي حبيبتي ربي يطمنك

توتة السيد

10-23-2010, 09:34 PM

رنا ازيك حبيبتي اخبارك ايه واخبار الننة الحلوة ربي يحفظها

رنا خالد

10-23-2010, 09:41 PM

بخير الحمد لله ياتوته والنونه عماله تلعب لما بهدلتني
انتي عامله ايه ونونتك عامله ايه؟

somia

10-23-2010, 09:41 PM

اخواتي انا من حلوان بس المشكلة مش اي حد عنده سونار مهبلي

توتة السيد

10-23-2010, 09:42 PM

الحمد لله حبيبتي بخير والنونة بخير الحمد لله

ياروحي ربي يحفظها حامل في تنين علي رأي جوزك هههههههههه

رنا خالد

10-23-2010, 09:45 PM

هههههههههه اه والله تنين بس لما تنزل انا هاوريها
انتي نفسك في ولد ولابنت ياتوته؟

توتة السيد

10-23-2010, 09:46 PM

حبيبتي انا لقيت دكتور بس مش دكتورة ورقم تلفونة في حلوان

اسمه احمد صلاح الدين حسن محمد

العنوان 82 شارع اطلس رقم واحد المشروع الامريكي

والرقم 25552009

توتة السيد

10-23-2010, 09:47 PM

واكيد هيكون عنده سونار مهبلي

لو انتي في سوهاج كنت قولتلك علي الدكتور بتاعي عنده سونار مهبلي

somia

10-23-2010, 09:50 PM

اخت زوجي لقت دكتورة ولله الحمد انا رايحالها الوقتي ..
دعواتكم معايا

dr.princess

10-23-2010, 09:51 PM

انا رجعت تانى يا بنااااات

توتة السيد

10-23-2010, 09:53 PM

ياروحي ربنا يحميها وتجي بالسلامة وهنشوف هتعملي بتهديدك ولا هي اللي هتوريكي هههههههههههه والله ياقمر كله فضل ونعمة من رب العباد بس طبعا جوزي عايز ولد
انا لحد دلوقتي مش عارفة النوع ايه بس والله كله نعمة المهم يجي بالسلامة

رنا خالد

10-23-2010, 09:58 PM

ربنا يقومك بالسلامه ياتوته وتفرحي بشوفته او شوفتها
ويارب يطمنا علي سمية ياريت اول ماتيجي من عند الدكتوره تطمنا

توتة السيد

10-23-2010, 10:00 PM

ابقي طمنينا حبيبتي وان شاء الله خير

استأذنكم جوزي عايز يتعشي اتفضلوا معانا سلام مؤقت

dr.princess

10-23-2010, 10:03 PM

سمية معرفش انتى قفلتى ولا لسه
بس ليه انتى مصممه على السونار المهبلى بلاش انتى اصلا بتنزل حاجات مالوش لازمة
المهم لو كنتى رحتى فابقى طمنينا عليكى وان شاء الله تبقى كل حاجة تمام

dr.princess

10-23-2010, 10:05 PM

بالهنا والشفا توتة
خدى راحتك وانا زى مانتى عارفة سهرتى صباحى ههههههههههههه

MALAK2010

10-23-2010, 10:08 PM

سمية: ربنا يطمنا عليكى وعلى راى لولو لية السونار المهبلى بتهيالى انة مالوش لازمة الوقتى ربنا يدلك على الخير وابقى تطمنينا انا والله داخلة مخصوص اطمن عليكى واخدة الجهاز بالعافية

dr.princess

10-23-2010, 10:10 PM

رنا ازيك ياقمر
اخبار صحتك ايه واخبار البنوتة ؟؟

somia

10-23-2010, 11:13 PM

اناجيييييييييييييييييييييييييييييييييييييييت

somia

10-23-2010, 11:18 PM

حد يحب يطمن ولا نخليها بكرة؟؟؟؟

somia

10-23-2010, 11:24 PM

شكله محدش عايز يطمن .. اهئ اهئ اهئ .. طيب اتكل على الله انا وأدخل انام طالما الموضوع كده..
سلام عليكم

dr.princess

10-23-2010, 11:35 PM

سمية استنى استنى
عملتى ايه خير ان شاء الله
طمنينا بسرعة

somia

10-23-2010, 11:40 PM

somia

10-23-2010, 11:43 PM

لولو هيه مش ملاك قالت انها شافت النبض ولا أنا بيتهيألي؟؟؟

توتة السيد

10-23-2010, 11:44 PM

طيب ماقلتش سبب الدم والافرازات دي ايه

توتة السيد

10-23-2010, 11:45 PM

هي قلتلك ايه بالضبط

بالنسبة للنبض حبيبتي ده زي ماقلتلك ام ركان بيبقي في جاهز معين تسمعي منه النبض تلاقي الدكتورة معندهاش الجهاز ده

somia

10-23-2010, 11:46 PM

كل اللي قالتهولي ... راااااااااااااحة تامة

توتة السيد

10-23-2010, 11:46 PM

ثم خدي هنا ازاي تقولي مافيش حد يطمنعليكي كلنا قعدين

علي ناااااااااااااااار وكنت هتلفاكي قلمين لما قولتي يبقي ادخل انام واكلمكم الصبح

somia

10-23-2010, 11:48 PM

توتة دي بتقولي أصلا لسة مفيش نبض يعني هية أصلا مش شايفه نبض

dr.princess

10-23-2010, 11:48 PM

توتة السيد

10-23-2010, 11:49 PM

بس كده ماقلتش ايه سبب الدم

مادتكيش حاجة

somia

10-23-2010, 11:52 PM

ثم خدي هنا ازاي تقولي مافيش حد يطمنعليكي كلنا قعدين

علي ناااااااااااااااار وكنت هتلفاكي قلمين لما قولتي يبقي ادخل انام واكلمكم الصبح

هههههههههههههههههههههه.. بحب أجر شكلكم شوية انا مقدرش انام طبعا من غير ما أطمن اخواتي.. بس بلاش ضرب لحسن أنا بكرهه

نولارا

10-23-2010, 11:52 PM

السلام عليكم ورحمه الله وبركاته
انا جييييييييييت
سميه
الف سلامه ياقمر المهم ترتاحى زى الدكتوره ما قالت
ملك
بلاش زوغان ويالا كملى عشان نشوف الترتيب والمراكز
ايه رايكم فى قصتى

توتة السيد

10-23-2010, 11:53 PM

حبيبتي السونار المهبلي ممكن يبين النبض في الاسبوع السابع او التاسع لكن سونار البطن لا

يعني مافيش حاجة ماتقلقيش والحمد لله انها طمنتك اني الجنين بخير وربي يحفظه يارب ويجي بالف سلامة بس انتي اسمعي الكلام ورتاحي علي قد ماتقدري ومعلش اكيد زوجك هيقدر ظروفك
لو قصرتي شوية مش مشكله مش ابنه ده ولا ايه يوة

dr.princess

10-23-2010, 11:54 PM

سمية
ما انا قلتلك قبل كده الدكتورة بتاعتى كنت عندها مش شهر ولا جابت سيرة النبض اصلا
فاطمنى بقى
ولو كانت قلقانة من حاجة كانت قلتلك
وبعدين ياستى لما دكتورتك ترجع ابقى روحيلها واطمنى اكتر

توتة السيد

10-23-2010, 11:54 PM

هههههههههههه

وانا اقدر برضه اضرب اختي حبيبتي ربي يسعدك الحمد لله

اديكي اطمنتي بلاش عياط وزعل وخدي بالك من نفسك

somia

10-23-2010, 11:55 PM

توتة اديتني مثبت وانا اصلا عندي مثبت ومدياني حقنة بدل الفوليك عشان الترجيع ومش ناوية اخدها الا اما دكتورتي ترجع وافهم منها اعمل ايه

يكفيــــMوجووودكMــــني

10-23-2010, 11:56 PM

بشري سمية وش صاااار؟؟والله مشغولة عليك حبيبتي

توتة السيد

10-23-2010, 11:57 PM

نولارا ياقمر هلا والله وميه هلا

اخبار الاستاذ احمد ايه صاحي ولا اخخخخخخخخ

لولو حبيبتي عاملة ايه الله يهنيكي يارب تسلمي

دودى اشرف

10-23-2010, 11:58 PM

السلام عليكم ورحمة الله وبركاته ... ازيكم يا بنااااااااااااات .. عاملين ايه ... انا بصراحة بقيت حاسة انى متأخرة اوىىىىىىىىىىىىىى ... مش عارفة اقرا اللى فاتنى كل يوم ادخل اقراه وعلى ما ارجع الاقيكم خرجتو
ههههههههههههههههههههههههههههه

توتة السيد

10-24-2010, 12:00 AM

زي بعضه حبيبتي احنا بس كنا عايزين تطمني ونطمن عليكي

وبعد كده تابعي مع دكتورتك واسأليها علي الحاجات دي الللي ادتهالك

somia

10-24-2010, 12:00 AM

سمية
انتى عايزاها تقيس ايه فى الكيس الدكتورة بتاعتى بتبص بس مش بتقيس حاجة ولا بتعمل حاجة غير كده
وكويس انها معملتش مهبلى انا شايفة انه مالوش لازمة
وعادى النبض فى بنات كتير مش بتشوفه فى الاسبوع السابع ممكن فى الثامن او التاسع كمان ممكن لو بدرى عن كده يتشاف بالسونار المهبلى
والحمد لله انك اتطمنتى ريحى بالك بقى وارتاحى

لولو الدكتورة اما رحتلها المرة اللي فاتت قاست كيس الجنين وقارنت بينه وبين الحساب بتاعي وطلعت صورة للسونار واحتفظت بيها في الملف عندها وقعدت تسألني بتشتكي من حاجة دي ولا الهوا قلبتني قلبة سودة اما انا مرعوبة اصلا تكون بتستهبلني

دودى اشرف

10-24-2010, 12:00 AM

توته حبيبتى ازييييك يا قمررررر ... عاملة ايه ... سوما ازيك يا جميلة يارب تكونى اطمنتى .. طبعا انا لسه هقرا معلش بقى بس قلت اسلم الاول عليكم
برنسيس وملك ونولارا وام عبده ورنا ودودو وطمطم وسارة وكل البنات ازيييييييييكم

توتة السيد

10-24-2010, 12:01 AM

دودي زعلانة انا المذاكرة وخداكي مننا ومش عارفين نكلمك

ازيك حبيبتي وحشتيني

somia

10-24-2010, 12:02 AM

أم ركان .. اي اطمنت ان الجنين بخير والحمد لله

somia

10-24-2010, 12:03 AM

نولار مقلتليش هوه اللي في الصورة الرمزية بتاعتك البشموهندس أحمد؟؟؟؟

توتة السيد

10-24-2010, 12:03 AM

معلش حبايبي مطرة اسبكم دلوقتي ونلتقي علي خير بكرة ان شاء الله

تصبحوا علي الف خير سلااااااااااااااااااااااااام

دودى اشرف

10-24-2010, 12:06 AM

الف سلامة عليكى يا سوما يا حبيبتى ... ريحى نفسك ونامى على ظهرك على طول ... وان شاء الله خير ... فى ناس بينزل عليهم دم طول الحمل بس ان شاء الله انتى فترة وتعدى ... بس متتحركيش كتير ... معلش انا برد وقت ما بشوف الكلام

somia

10-24-2010, 12:07 AM

معلشي يا جماعة أسيبكم انا لحسن ابتديت خلاص أخرف من التعب .. مبقتش قادرة أفتح عيني خلاص..
ملاك كملي حكايتك وباذن الله هقرأها اما أصحى ...
لولو متهربيش من دورك انتي اللي بعد ملاك على طول..
عايزة أصحى أقعد أقرى حكاوي كثيييييير..
السلام عليكم ورحمة الله وبركاته

رنا خالد

10-24-2010, 12:17 AM

انا جيت بس اظاهر ان معظم الناس دخلت تنام ولا ايه ؟
ايه ياكتاكيت مافيش قصص النهارده !!

dr.princess

10-24-2010, 12:19 AM

سمية
اول مرة اسمع موضوع القياسات دى اصل انا الدكتورة بتاعتى قالبانى على طوول وده العادى ههههههههه ولا سألتنى بشتكى من حاجة ولا قاست حاجة ولا الهوا

رنا خالد

10-24-2010, 12:24 AM

انا كمان الدكتوره ماقاستليش حاجه المهم هم نبض الجنين والميه اللي حواليه

رنا خالد

10-24-2010, 12:25 AM

انا كمان الدكتوره ماقستليش حاجه اهم حاجه هو نبض الجنين
والميه اللي حواليه بمجرد مايظهر النبض هاتطمني ان شاء الله ياسوميه

dr.princess

10-24-2010, 12:28 AM

معلشى يا بنات بتأخر فى الرد
اصلى بكلم صاحبتى ( أم جودى ) على النت ومكلمتهاش من زمان
بس انا معاكم متقلقوش

دودى اشرف

10-24-2010, 12:30 AM

برضه مفيش حد ... اوكيه انا هخرج بقى .. واضح انى بقيت فى وادى تانى
تصبحوا على خير ... حتى السلام بتاعى مش بتردوه
سلام

توته توته

10-24-2010, 12:34 AM

بونسوااار
ازيكو يا حلوووووووين
أنا جيييييييييييييييييييييييت ههههه

رنا خالد

10-24-2010, 12:36 AM

هاي توته ازيك مرحب بيكي معانا
ليه يادودي هاتخرجي ماحنا مع بعض اهو يلا نرغي بقي وحشني الرغي هههههه

دودى اشرف

10-24-2010, 12:40 AM

سوما كويس انك اطمنتى حبيبتى ربنا يتملك على خير ويثبت حملك ان شاء الله

دودى اشرف

10-24-2010, 12:41 AM

رنا ازيك ... عاملة ايه وازى البيبى ؟

دودى اشرف

10-24-2010, 12:46 AM

ازيك يت توته توته ... فى اسم نناديلك بيه يا قمر علشان منتلخبطش بينك وبين توتة السيد ؟

دودى اشرف

10-24-2010, 12:48 AM

طيب تصبحوا على خير بقى ... انا بقالى كام يوم بكلم نفسى
سلام

رنا خالد

10-24-2010, 12:53 AM

انا الحمد لله بخير وانتي ازيك يادودي وازي عمر
سلمي لنا عليه ياقمر ويلا نبدأ وصلة الرغي
ون تو ثري ابدأ

dr.princess

10-24-2010, 01:01 AM

مش عارفة بتهيألى انا وانتى بس اللى صاحيين يا رنا

رنا خالد

10-24-2010, 01:12 AM

شكلهم ناموا بدري النهارده مع ان امبارح كانت الوصله صباحي

رنا خالد

10-24-2010, 01:14 AM

قوليلي صحيح يابرنسس انتي حامل في ولد ولابنت وهاتسميه او هاتسميها ايه؟

dr.princess

10-24-2010, 01:17 AM

لالا انا لسه فى الشهر الثالث وطبعا لسه معرفتش
بالنسبة للاسماء لو بنت لسه انا وجوزى مش متفقين على اسم
ولو ولد ان شاء الله يبقى محمد او يس

بس ماشاء الله تقريبا كل البنات استقروا على اسماء محددة

توته توته

10-24-2010, 01:19 AM

ياربي هو أنا إسمي متكرر ولا إيه هههههه
راحة فين يا دودي

dr.princess

10-24-2010, 01:19 AM

برضه مفيش حد ... اوكيه انا هخرج بقى .. واضح انى بقيت فى وادى تانى
تصبحوا على خير ... حتى السلام بتاعى مش بتردوه
سلام

اعذرينى معلشى كنت مشغولة والله ومعظم البنات نايمين
وبعدين ماتزعليش احنا منقدرش نستغنى عنك ابدا

dr.princess

10-24-2010, 01:21 AM

توتة توتة
ما شاء الله احنا كده بقى عندنا توتتين
اصل معانا هنا صاحبتنا توتة السيد بس ميهمكيش هى توتة واحدة وانتى 2 توتة

رنا خالد

10-24-2010, 01:21 AM

طب ايه رأيك ايه اجمل اسم في دول؟
جودي
لي لي
حلا
اصل انا نفسي في اسم حلو ومش منتشر
وبعد ماكنت ناويه علي اسم جودي لقيته انتشر اوي
فامش عارفه اغير رأي ولا ايه؟

dr.princess

10-24-2010, 01:26 AM

انا شايفة جودى احلى واحد فيهم
صاحبتى الانتيم مسمية جودى وماشاء الله بنتها قمراية كده ( عندها سنتين وشوية ) اكيد زى بنتك ما هتبقى قمر ان شاء الله
بس بتهيألى مش منتشر اوى ولا حاجة انا شفت واحدة بس كمان مسمية جودى

توته توته

10-24-2010, 01:33 AM

صح توتين يارب نبئا تلات توتات كمان ههههههههههههه

على فكرة جودي اسم لذيذ جداً وفي كثير مسميينه وحلا كمان.

عارفة اللي نادر فعلاً لي لي

dr.princess

10-24-2010, 01:44 AM

مقولتيش يا توتة توتة
انتى فى الشهر الكام ؟؟

dr.princess

10-24-2010, 02:12 AM

كلكم نمتوا
وانا اللى صاحية لوحدى

ملاك بلا أجنحة

10-24-2010, 03:11 AM

توته توته

10-24-2010, 04:27 AM

مقولتيش يا توتة توتة
انتى فى الشهر الكام ؟؟

أنا في السابع يا حبيبتي وإنتي في الشهر الكام

توته توته

10-24-2010, 04:31 AM

سلامتك يا ملاك ألف سلامة

تعرفي والله كنت عند الدكتور من اربع أيام لاقي ضغطي عالي جداً واداني الدوميت
وعملي سونار يشوف نمو الجنين هو الحمل كدة بيتعب ربنا يسهلنا يارب

على فكرة أنا كمان معنديش أخوات بنات ونفسي كلكوا تبئوا إخواتي

MALAK2010

10-24-2010, 07:51 AM

السلام عليكم ورحمة الله وبركاته

أذيكم يابنات عاملين أيه؟؟؟؟
بجد بجد بجد زعلانة جدااااااااااااااااااااا hwaml76
لأن محدش سأل عنى خااااااااااالص
وأنا كنت تعبانة وبموت من الصداعhwaml21
ورحت أقيس الضغط فى الصيدلية الدكتورة قالتى/حرام عليكى
انتى جاية لحد هنا أزاى الضغط بتاعك 45/100 واطى جدا جدا
ومكنتش قادرة افتح عيونى والله
الف سلامة يا حبيبتى وربنا يطمن عليكى
وأدخل هنا عاشان وحشتونى
وانتى كمان وحشتينا اوووووووووى
مش ألاقى ولا حد سأل عنى
ماشى الله يسامحكم ياعنى
لا خلاص انتى هتسامحينا سماح بقا
ربنا حارمنى من الأخوات البنات فى الحقيقة
وكمان أتحرم منهم hwaml93
بلاش تقولى كدة هعيط والله انا كمان ماعنديش اخوات بنات اتكيتى على الجرح بس والله البنات هنا عوضونى ربنا يخلينا لبعض
دلوقتى كمان على العموم مش مشكلة
أنا دايما حظى كده
المهم ألف مبروك لسلفتك يا نورا
وأنتى ياملاك الحمد لله أنك أطمنتى على البيبى
تسلميلى يا حبيبتى ربنا يقومك بالسلامة ان شاء الله
عقبال ما تشوفى بين أديكى يارب

بالا سلام السلام عليكم ورحمة الله وبركاته.

انااااااااااااااااااا اسفة بس صدقينى مش ناسينك بس الظروف لخبطت فى التجمع معلش والوقتى بقينا فترة صباحية وفترة مسائية فمش عارفة مين بيدخل هنا ومين بيدخل فى الفترة التانية

MALAK2010

10-24-2010, 08:00 AM

مع اني مش مقتنعاة بكلام الدكتورة اللي اني هطمنكم ...
هيه بتقولي كله تمام والكيش كويس والجنين ضغير ولا قاست الكيش ولا حجم الجنين ولا رضيت أصلا تعملي مهبلي وتقولي النبض لسة بدري عليه لسة ميبانش الوقتي .. معرفشي ازاي

ربنا يطمن قلبك ويقومك بالسلامة يااااااااااارب

بس كويس انها شافت الجنين مش بتقولى الدكتورة اللى فاتت شافت الكيس بس
طيب الحمد لله اطمنتى على الجنين

بالنسبة للنبض اسمع انة بيبان من الاسبوع السادس للتامن وانتى لسة فى المدة اللى بيقولوا عليها ماتقلقيش نفسك ويارب يطمن قلبك بس حاولى تاكلى كويس علشان النونو ياقلبى

والله قلقانة عليكى كان نفسى نكون جنب بعض علشان نروح نساعد بعض بس الحمد لله حماتك تحتك ممكن الاكل يبقى عندها اليومين دول وماتقوميش من السرير اى مجهود صغير مالوش لازمة

MALAK2010

10-24-2010, 08:04 AM

بونسوااار
ازيكو يا حلوووووووين
أنا جيييييييييييييييييييييييت ههههه

بنسوارين هههههه
اهلا اهلا اهلا بيكى يا جميل
نورتيناااااااااااااااااااااااا
انتى عايشة فى مصر ولا مغتربة زينا
انا بحب اوى على فكرة اسم توتا بدلع بية اي حد بحبة

MALAK2010

10-24-2010, 08:08 AM

توتة السيد: عشان خاطرى عشان خاطرى اسالى جوزك حاطط برنامج اية علشان يفتح الصوت وتكلمى اهلك فى مصر
انا خلاااااااااااااااااااااااااص تعبت بقالى 10 ايام ماكلمتش ماما على النت بالصوت انا تعبت ومزاجى بقى مش حلو
اوعى تنسى
هم قافلين المحادثات الصوتية من اابرامج علشان عاوزين يعملوها بفلوس الله يسامحهم والخدمة بتاعت الفلوس دى لسة هتتعمل على اخر السنة يعنى لسة بدرى

somia

10-24-2010, 10:22 AM

ملاااااااااااااااااااااااااااااااااااك... انتي هنا؟؟؟؟؟؟؟؟؟؟؟؟؟؟؟؟؟؟؟؟؟

somia

10-24-2010, 10:51 AM

ربنا يطمن قلبك ويقومك بالسلامة يااااااااااارب

بس كويس انها شافت الجنين مش بتقولى الدكتورة اللى فاتت شافت الكيس بس
طيب الحمد لله اطمنتى على الجنين

بالنسبة للنبض اسمع انة بيبان من الاسبوع السادس للتامن وانتى لسة فى المدة اللى بيقولوا عليها ماتقلقيش نفسك ويارب يطمن قلبك بس حاولى تاكلى كويس علشان النونو ياقلبى

والله قلقانة عليكى كان نفسى نكون جنب بعض علشان نروح نساعد بعض بس الحمد لله حماتك تحتك ممكن الاكل يبقى عندها اليومين دول وماتقوميش من السرير اى مجهود صغير مالوش لازمة
يا بنتي جنين ايه ده حته شعراية بيضه جوه كيس اسود بتقولي هوه ده الجنين ... مش عارفة ازاي ... هوه انتي جنينك كان عامل ازاي ؟؟
مش انتي عاملتي السونار اللي على البطن برضه وما شاء الله بان نبض ... يبقى فيه مشكلة والدكتورة بتستهبلني
اما عن الراحة اديني كل اللي بعمله لو قمت اصلا من السرية بيبقى عشان الحمام والصلاة وبس وربنا يصبر زوجي وحماتي واخوات زوجي عليا

somia

10-24-2010, 10:55 AM

وبعدين والله يا جماعة خايفة يبقى فيه حمل عنقودي بس مش كامل زي المرة اللي فاتت وما بانش السونار اللي فات لانه اصلا مبيبانش في السونار العادي لاني عملته المرة اللي فاتت وكان مبين جنين ونبض كمان .. انا مرعوبة جدا ..ادعولييييييييييييييييييييي

somia

10-24-2010, 10:59 AM

ملاك انتي شكلك سايبة الجهاز مفتوح وحضرتك نايمة .. بس عشان خاطري اول ما تدخلي ردي على أسئلتي

MALAK2010

10-24-2010, 11:36 AM

اناااااااااااااااااا جيت

MALAK2010

10-24-2010, 11:43 AM

يا بنتي جنين ايه ده حته شعراية بيضه جوه كيس اسود بتقولي هوه ده الجنين ... مش عارفة ازاي ... هوه انتي جنينك كان عامل ازاي ؟؟
مش انتي عاملتي السونار اللي على البطن برضه وما شاء الله بان نبض ... يبقى فيه مشكلة والدكتورة بتستهبلني

سمية انا لسة داخلة الوقتى

انا بصراحة مش عارفة افيدك فى موضوع السونار لانى اصلا ماكنتش فاهمة فية بس اللى فكراة انها قالتلى هو الابيض دة وبصراحة ماخدتش بالى الابيض دة كان شكلة اية انا كنت قلقانة اوووووووووى فيدوبك اطمنت ان فى جنين وانة كويس اطمنت ماركزتش انة فين لانوا لسة مش واضح شكلة يدوبك لسة ماكملش 2 سنتيمتر
لانى كل اللى بشوفة دايرة اللى هى الكيس والدكاترة بيبقوا بيورونا بسرعة ومتخيلين ان احنا دكاترة
هحاول ادورلك على النت على شكل البيبى فى السونار فى الاسبوع دة

ربنا يطمنك ياااااااااارب
هى الدكتورة بتاعتك هتيجى امتى؟؟؟

MALAK2010

10-24-2010, 11:48 AM

سمية: لا قدر الله لو فى حاجة كان زمانها قالت علشان تحافظى على نفسك
اطمنى وان شاء الله خير

MALAK2010

10-24-2010, 12:04 PM

اجنين فى السبوع الخامس
http://forum.hwaml.com/imgcache2/hwaml.com_1287911080_929.gif

الجنين فى الاسبوع السادس

http://forum.hwaml.com/imgcache2/hwaml.com_1287911080_533.jpg

http://forum.hwaml.com/imgcache2/hwaml.com_1287911079_762.jpg

الجنين فى السبوع السابع

http://forum.hwaml.com/imgcache2/hwaml.com_1287911080_266.gif

قوليلى قادرة تشوفى حاجة

MALAK2010

10-24-2010, 12:09 PM

سمية معلش هخرج الوقتى علشان جوزى زمانة جى علشان الغدا هدخل كمان ساعة ان شاء الله ياريت الاقيكى

MALAK2010

10-24-2010, 01:33 PM

اناااااااااااااااااااا جيت مفيش حد هنا كالمعتاد

نولارا

10-24-2010, 01:44 PM

صباح الخير
سميه
اهدى شويه ان شاء الله النونو هيبقى بخير وانتى اللى قالقه نفسك على الفاضى
وبعدين انا كنت نزلت صوره احمد قبل كده انتى ما مش شفتيه
لكن اللى فى الصوره الرمزيه ولا اعرفه

نولارا

10-24-2010, 01:45 PM

ملك
انا جيت فين باقى القصه
شكلك بتزوغى انتى ولولو

MALAK2010

10-24-2010, 02:04 PM

ملك
انا جيت فين باقى القصه
شكلك بتزوغى انتى ولولو

ازيك يا حبيبتى عاملة اية
وزاى احمد ربنا يخليهولك
انا والله مش بهرب انا بستنى بس لما سمية تبقى كويسة وتتطمن وبعدها نحكى تانى فى المواضيع دى الايام جاية كتييييييييييييييييير ويارب تكون ايام كلها خير على الجميع

توتة السيد

10-24-2010, 03:09 PM

مراحب مراحب بالحلوات حد موجود

توتة السيد

10-24-2010, 03:13 PM

حبيبتي ملاك والله العظيم انا اسفة خالص والله نسيت

الحمل جييني بالنسيان معلش حبيبتي ماتزعليش

انا سألت جوزي قالي اني ماسطبش اي برنامج علشان الصوت يشتغل هو بس برنامج الياهو وعادي بنتكلم صوت يمكن تكون دي عندكم في امارة الشارقة بس الله اعلم بس انتي قوليلي بتشغلي الصوت ازلي علي الياهو ايه الطريقة يعني وانا اسفة مرة تانية علي التأخير

MALAK2010

10-24-2010, 03:20 PM

انا معاكى يا توتة

توتة السيد

10-24-2010, 03:29 PM

اهلا ملاك حبيبتي اخبارك ايه

وسومة عاملة ايه

MALAK2010

10-24-2010, 04:12 PM

انتى خرجتى يا توتة

توتة السيد

10-24-2010, 04:23 PM

انا موجودة ياملاك انا فتكرتك خرجتي قعدت اقلب في المنتدي شوية

رنا خالد

10-24-2010, 04:30 PM

توته وملاك ونولار منورين المنتدي
وانا كمان منوره برضه ههههههه

توتة السيد

10-24-2010, 04:40 PM

رنا حبيبتي اكيد طبعا منورة عاملة ايه واخبار النتين ايه هههههههههه ربي يحفظها

MALAK2010

10-24-2010, 04:40 PM

ازيكم يا جماعة التجمع مش بينشط الا بالليل ولا اية وطبعا من غيرى

توتة السيد

10-24-2010, 04:42 PM

رنا حبيبتي كنت عايزة اسألك انتي اختي حقن تطعيم اللي هي بتاعة التتنوس اختي كام حقنة

واختي امتي اصلي انا لحد دلوقتي مااخدتش

توتة السيد

10-24-2010, 04:42 PM

ازيك ملاك انا هنا من بدري

MALAK2010

10-24-2010, 04:43 PM

انتى متاكدة يا توتة انكم مش منزلين حاجة على الجهاز
طيب الاصدار بتاع الياهو كام عندك

MALAK2010

10-24-2010, 04:48 PM

معلش ياتوتة كنت بحاول اصلح الصوات بس ياست

MALAK2010

10-24-2010, 04:50 PM

انتى فين يا رنا

توتة السيد

10-24-2010, 04:53 PM

انا اسفة حبيبتي ملاك كنت بشوف اللي علي البوتاجاز

اه انا سألت جوزي وقلي كده هو قالي يمكن يكون النت عندك بطئ او نسخة الياهو مش حلوة

انا عندي ياهو 10 بيتا

توتة السيد

10-24-2010, 04:53 PM

رنا مشيتي ولا ايه

رنا خالد

10-24-2010, 04:55 PM

انا جيت كنت بعمل كوباية شاي باللبن اتفضلوا معايا
بصي ياتوته المفروض انك بتاخدي حقنتين للتيتانوس
من اول الشهر الخامس وانتي طالعه
يعني ممكن في السادس او السابع وكده
بس هي بصراحه حقن رخمه جدااااااااااا
انا اخدت منهم التانيه هاخدها الشهر ده
بس ياريت يوم ماتاخديها تكوني واكله كويس
عشان انا ماأكلتش كويس قبلها واغمي عليا
يلا ضريبة الامومه بقي هانعمل ايه ؟
ربنا يعينا كلنا