دردشة حوامل مصر - دردشة بنات مصر - تجمع حوامل مصر

[MALAK2010]

انا هقوم اعمل صنيه بطاطس وفرخ متبله ورز تمام كده
عارفه يالولو انا ماعتدتش بحب اكل وجبه الغدا دى ابداااااا مش عارفه ايه اللى جرالى

[ملاذ الرووح]

سؤال محير فعلا
مشكلة الطبخ دة

[MALAK2010]

اقراى الحكايه دى يا لولو على مااجيلك
هتلاقيكى مش عارفه تضحكى ولا تزعلى سبحان الله

http://forums.fatakat.com/thread901918

[ملاذ الرووح]

حلو اقتراح البطاطس دة

[dr.princess]

فراخ متبلة ازاى يللا قولى انا ناوية برده بكرة او بعده اعمل صينية فراخ بالبطاطس

انا بقى اللى حاسة انى بقيت بتوحم على البانية كل يومين بيبقى نفسى فيه

[ملاذ الرووح]

هتلاقى من دة كتير لسة فى وحدة جوزها حلف عليها بالطلاق علشان قال لها تقص ضوافرها وهى نسيت

[ملاذ الرووح]

اية دة وحم فى السادس دة اسمو طفاسة يا بنتى مش وحم على رائ جوزى كل ما اقول نفسى فى كذا يقولى كان زماااااااااااان

[dr.princess]

والله ربنا يعينها النوم التقيل ده حاجة وحشة اوى

[ملاذ الرووح]

لولو انتى متجوزة بقالك اد اية

[dr.princess]

على كده بقى جوزى المفروض كان يتخلص منى من زمان ده انا تقريبا جالى زهايمر فى الحمل

[dr.princess]

والله يابنتى ماهو طفاسة ولا حاجة ده انا حتى اهو فى نص السابع ومازدتش الا 2 كيلو واكلى بقى قليل جدا
بس مش عارفة ليه نفسى تقريبا مش بتهفنى على حاجة غير البانية والبيتزا

[dr.princess]

انا متجوزة من 11 شهر

[ملاذ الرووح]

انا بقى برضو 11 وعندى 3 والرابع فى السكة شفتى اشطر منك ازى ههههههههههههه
11 سنة طبعا

[ملاذ الرووح]

يا خبر ابيض 2 كيلو طول الحمل دة قليل اوى
طب المهم مش وزن البيبى كويس

[dr.princess]

والله الدكتورة اصلا معلقتش على حكاية الوزن ده غير لما جوزى سئلها قالتلى ابقى كلى كويس وبس كده فسألتها قالتلى وزنه كويس ربنا يستر بقى

[ملاذ الرووح]

http://forum.hwaml.com/imgcache2/hwaml.com_1298360318_776.gif
بصى الواد ابنك بيعمل اية ههههههههه

[dr.princess]

ههههههههههههههههههه ابن اختى لما بعمله كده بيفضل يعانى علشان يقلدنى وبيبقى شكله فظيييع هههههههههههههههههههه

[MALAK2010]

انا جيييييت تناى

[MALAK2010]

http://forum.hwaml.com/imgcache2/hwaml.com_1298360318_776.gif

ههههههههههههه عارفة انا كل ماامشى قدام طفل صغير يقعد يبصلى اقول لجوزى النونو جوة بيعاكس هههههههههه

[ملاذ الرووح]

انا خلاص عاوزة انام وبنتى مفنجلة عنيها اعمل اية
امبارح يدوبك نامت من9 بالليل لحد وحدة ونص ومنمتش تانى عاوزة انام شوية

[ملاذ الرووح]

مش عارفة لما اولد هعمل اية شكلى همشى اكلم نفسى ههههههههههه

[dr.princess]

مقولتيش ياملك بتعملى فراخ متبلة ازاى

[dr.princess]

ربنا يعينك والله يا ملاذ

[MALAK2010]

لولو انا بعمل فراخ متبلة لواحدها والبطاطس لواحدها
مش الاتنين على بعض

[dr.princess]

ملك ما انا فاهمة بس كنت بسأل الفراخ المتبلة دى ليها طريقة معينة ولا الطريقة العادية

[حلا المدينه]

اهلا البرنسيه فينك من زمان مادخلت التجمع
ولا الي لقي احبابه نسي اصحابه ولا ايه

[MALAK2010]

لا الطريقه العاديه اللى قلتلك عليها
عارفه انا عاوزة الطريقه بتاعت الفراخ الكنتاكى لو تعرفيها قوليهالى
علشان اغير ممكن اكلها

[MALAK2010]

احنا عندنا ضيوف ولا ايه ياهلا ياهلا

[dr.princess]

حلا المدينة اهلا بيكى والله مبسوطة انك فاكرانى
لالالا اكيد انتوا احبابى برده

[dr.princess]

ملك كنت شفت موضوع على فتكات لفراخ كنتاكى هدورلك عليه وابقى اجيبهولك

[dr.princess]

حلا اخبار الحمل معاكى ايه انتى فى الشهر الكام دلوقتى

[ملاذ الرووح]

انا هقوم احاول انيمها انا خلاص على الاخر

[حلا المدينه]

اهلا ملاك صبااح الفراخ والبطاطس جوعتني

[dr.princess]

ملاذ تصبحى على خير ولما تصحى هنبقى موجودين العصر

[حلا المدينه]

الحمدالله البرنسيه اخبارك ايه انا بدايه التاسع دعواانك
وانتي دحين كم شهر

[dr.princess]

حلا فعلا البطاطس والفراخ اكلة تجنن جوزى بيحبها جدا
بس يا ملك لو كنتى عملتيهم على بعض اطعم كتير من ان البطاطس لوحدها والفراخ لوحدها

[dr.princess]

حلا انتى خلاص قربتى خالص ما شاء الله بدأتى تقلقى زى حالتنا ولا لسه ؟؟
انا فى نص السابع الحمدلله

[MALAK2010]

اهلا بيكى يا حلا معانا وربنا يقومك بالسلامه
تعالى اتفضلى يارب الاكل المصرى يعجبك

[MALAK2010]

ملاذ تصبحى على خير يا جميل

[dr.princess]

تخيلوا فاتحة قناة المغربية بتفرج على برنامج طبخ وطبعا صورة بس لانى مش فاهمة ولا كلمة ههههههههههههههههههه

[MALAK2010]

انا زهقاااااااااااااااانه اوى الوقتى مش عارفه ايه اللى جرالى انا كنت كويسة الصبح وفرحانه

[dr.princess]

الرابط اهو ياملك
http://forums.fatakat.com/thread923349

[dr.princess]

زهقاانة من ايه بس
تعالى عندى ده انا عندى شوية نمل مش يخلونى ازهق خالص كل دقيقتين اروح اطمن عليهم كأنهم ولادى ههههههههههههههههههه

[dr.princess]

حلا روحتى فييييييين ؟؟؟

[MALAK2010]

باين عليها حلوة اووووووووى والمكونات تقريبا عندى بس هو لازم القلايه دى ؟؟؟؟
بس الطريقه عاوزة صبر يعنى اطبخها النهاردة علشان اكلها بكرة
انتى ماعملتيهاش ليه يا لولو

[dr.princess]

بتهيألى لو عندك كسرولة غويطة شوية تحطى زيت وتقلى حتة حتة وخلاص
والله انا عملت حاجة شبهها اول الجواز ومعملتهاش تانى مش عارفة ليه

[dr.princess]

شوفى الموضوع الرهييييييييييب ده
http://forums.fatakat.com/thread367593

[MALAK2010]

طيب وطلعت حلوة اللى عملتيها اصل بفكر اجرب بس مش عندى باربيكا ولا روزمارى ينفع

[dr.princess]

طلعت حلوة اه بس انا بحب الاكل مستوى اوى وحسيتها مش مستوية اوى احتمال كبييير لانى قليتها فى طاسة ومش فى زيت كتييير

مش عارفة انا عايزة اجيب البابريكا دى بس خايفة تطلع حارة وانا وجوزى مش بنحب اى حاجة حارة

[MALAK2010]

ايوا دة اللى كنت بستعمله قبل الجواز وكان عاجبنى

http://alwjd.net/vb/imgcache/40754.imgcache (http://forums.fatakat.com/thread367593)

[MALAK2010]

الموضوع باين عليه حلو اوووى وعاوز روقاه

[dr.princess]

معقول المكبس ده احسن من الكيس مش عارفة حاساه صعب اوى
ماكينة البتيفور جاى معاها 4 راس للتزيين بس مش عارفة هيبقوا حلوين ولالا

[MALAK2010]

اصل اول ماتعلمت اتعلمت بالمكبس دة

[MALAK2010]

يا عسسسسسسسسسل

http://forum.hwaml.com/imgcache2/hwaml.com_1298364354_319.gif

[MALAK2010]

يلا يا لولو شدى حيلك ماعدش فى حجج الموضوع حلو اوى وسهل فى التنفيذ

[dr.princess]

هههههههههههههههههه مش هو نفسه الواد ابو حواجب ههههههههههههههههههههه

[MALAK2010]

ااااااااااااااه تصدقى ايه حكايته عمال يعاكس فى كل حتة ههههههههههههههه

[dr.princess]

هههههههههههههههههه
انا مش عارفة شاغلة بالى ليه بالموضوع ده اوى كده ده انا غريبة فعلا هههههههههههههههههه

[dr.princess]

ههههههههههههههههههه خبرة من يومه

[MALAK2010]

مش غلط الواحد يتعلم حاجه مش بيعرفها
هم يعنى اللى بيزوقوا احسن مننا هنقرا وهنزوق ونبقى شطار ان شاء الله

[dr.princess]

انا دورت قريب على ورق الزبدة ده فى بندة بس مالقيتهوش
على فكرة منال العالم كانت بتقول ان المفروض اللى يتجاب ورق خبز baking paper مش ورق زبدة wax paper

[MALAK2010]

انا هسيبك الوقتى يا لولو سلام

[dr.princess]

ماشى يا ملك مع السلامة

[Om Rodina]

السلام عليكم ورجمة الله وبركاته
ازيك يالولو وملك عاملين ايه وايه اخباركم
وحشتونى كتير والله

[Om Rodina]

حد هنا ياجماعة ولا ايه

[MALAK2010]

ام دنا:ازيك يا جميل انتى اللى وحشانى اكتر بس للاسف كل ماتدخلى اكون خارجة والعكس
ابقى طمنينى عليكى عامله ايه وصحتك كويسه

[Om Rodina]

ملوكة حبيبتى لسه موجودة ولا خرجتى
المهم اخبارك ايه واخبار النونو ايه يارب يفرحك بيه

[Om Rodina]

انا بخير ياحبيبتى الحمد لله بس احيانا باحس انى مش قادرة خالص وجسمى كله همدان اوى

[Om Rodina]

حبيبتى انا هاقوم اصلى الظهر واجيلك علطول لو انتى لسه موجودة

[MALAK2010]

ايوا موجودة بس ماخدتش بالى من الرد
مستنياكى

[Om Rodina]

ملوكة حبيبتى انا جيت
مبارك عليكم نور وعقبال يارب ما تفرحى بنونتك وربنا يقر عينكم بيها

[MALAK2010]

فال حلو انى حامل ببنوتةههههههههههههههه

[Om Rodina]

ربنا يارب يرزقك بالذرية الصالحة سواء كانت بنت او ولد بس ربنا يبارك فيهم ويجعلهم معافين

[MALAK2010]

ماتعرفيش مين يا ام دنا اللى جوزها فى ليبيا من البنات اللى معانا فى التجمع

[MALAK2010]

اللهم امين تسلمى يا جميل

[Om Rodina]

باين كده مافيش حد لان معظم اللى مسافر اما الامارات او الكويت او السعودية اوقطرغالبا دول الخليج

[Om Rodina]

بصراحة والله حاجة تزعل الله ينتقم منه رئيس ليبيا علشان مش عنده قوات جيش يستعين بجيش اجنبى وزنوج علشان يموت اهل البلد حسبى الله ونعم الوكيل فيه

[MALAK2010]

اانا عمرى ماسمعت ان فى حد يستورد جيش من برة
وشوفى بيعمل قصف بالطيارات والدبابات يعن ارض جو ربنا يحميهم وينصرهم

[Om Rodina]

معلش ياحبيبتى بارد عليكى متاخر اصل النت عندى تقيل اوى بيفتح بالعافية
على رايك والله بس ده دليل عجزه انه مش قادر يعمل معاهم حاجة علشان كده استورد جيش من بره بس بصراحة ربنا ينتقم منه على اللى بيعمله وباذن الله شكله نهايته قربت هو كمان لان ربنا على الظالم

[Om Rodina]

بس سبحان الله هى كانت البداية تونس وبعدين مصر بس بعد كده ليبيا والبحرين اتشجعوا من الشعب المصرى وعملوا زيهم لان ثورة مصر كانت من الشعب وكانت عكس تونس الجيش هو اللى عمل انقلاب على الرئيس

[Om Rodina]

ملوكة انتى معايا ولا روحتى فين

[MALAK2010]

معلش كان معايا تليفون انا معاكى

[Om Rodina]

ولا يهمك ياحبيبتى انا معاكى

[MALAK2010]

هى المتابعه كل شهر مرة واحدة
امتى تبقى مرتين فى الشهر الكام

[Om Rodina]

انت باذن الله قررتى تنزلى مصر الشهر الجاى ان شاء الله

[Om Rodina]

اخر شهر باذن الله عارفة لما روحت اول التامن الدكتورة قاستلى الضغط لقته عالى فطلبت منى اروحلها تانى بعد اسبوع وقالتلى لو فضل عالى لازم اشوفكم فى نصف الشهر بس لما روحت تانى بعد اسبوع ولقته الحمد لله اتظبط قالتلى خلاص اشوفك اول التاسع وباذن الله فى نص التاسع كمان

[MALAK2010]

ان شاء الله الجمعه اللى بعد الجايه

[MALAK2010]

الف سلامه هو الضغط بيبقى عالى من ايه
وهى عاطيتلك حاجه تنزل الضغط

[Om Rodina]

الدكتورة بتقولى اخر تلات شهور مهم جدا تشربى سوائل كتيرة وتمنعى الملح بقدر الامكان علشان الضغط لانه بيعمل مشاكل كتيرة ربنا يعافينا عند الولادة

[Om Rodina]

المخللات والملح الزايد فى الاكل وغير ان كمان الحمل بيرفع الضغط علشان كده منعت عنى المخللات وكل المكسرات المملحة وكمان تقليل الملح فى الاكل خالص

[MALAK2010]

الحمد لله انك بقيتى احسن ربنا يقومك بالسلامه

[Om Rodina]

هى قالتلى لو مشيتى على اللى باقولك عليه مش هاتاخدى اى دواء والحمد لله لما عملت كده الضغط نزل وانظبط خالص

[Om Rodina]

الله يسلمك يارب وربنا يقومك بالسلامة ويكملك على خير وتفرحى بالنونو يارب

[MALAK2010]

انتى هتبداى امتى تحضرى شنطة الولاده

[Om Rodina]

والله انا مستنية لما اروح للدكتورة ان شاء الله على التلات الجاى لانه هايبقى بداية التاسع وعلشان تقولى وضع البيبى ايه لانى من اسبوعين كده جالى مغص جامد اوى وتحسى كانه ولادة فكلمت الدكتورة وقالتلى دى علامات ولادة كاذبة ولازم بتحصل فى الفترة دى لغاية الولادة فلما اروحلها اشوف هاتقولى ايه انا الحمد لله اشتريت حاجتها وربنا يسهل ويعديها على خير

[dr.princess]

ام دانا الف سلامة عليكى يا قمر

ملك ازيك انا شحنت شوية نوم ورجعتلك تانى

[Om Rodina]

انا لسه ما اشتريت الشنطة اللى هاحط فيها حاجتها ايه رايك اجيب واحدة صغيرة ولا كبيرة انا مش عارفة وغير كده كمان الشنطة اللى بيتشال فيها النونو اجيبها ولا ايه خايفة اجيبها ومش استخدمها

[MALAK2010]

http://forum.hwaml.com/imgcache2/hwaml.com_1298380874_629.gif

[MALAK2010]

انا بتهيالى اى شنطة هاند باج تنفع تحطى فيها حاجاتك
اما لشنطة النونو انا كمان لسه ماجبتهاش مش عارفه هجيبها ولا لاء بس المفيد فى الموضه اليومين دول ان شنط البنات بقت كبيرة اوى وممكن تلم حاجه النونو ههههههههههه

[Om Rodina]

لولو حبيبتى صح النوم وحشتينى والله واخبارك ايه واخبار ميدو ايه

[MALAK2010]

لولو:صح النوم يا حبيبتى

[Om Rodina]

على رايك ياملوكة والله تحسى انهم شايلين جراب الحاوى هههههههههههه
انا باقول الحامل اللى بيتشال فيها النونو بتبقى كويسة حتى لو ممكن ينام فيها فى البيت علشان تبقى مظبوطة تحت ظهر البيبى ولو انتى فى اى مكان يبقى فيها

[dr.princess]

انتى عارفة والله قلت لجوزى كده ياملك انا اجيب شنطة حلوة كده وكبيرة احسن من شنطة النونو على الاقل اشيك

[MALAK2010]

لولو:انا كلمت ماما وقالتلى ان مرات اخويا كان ممكن تولد قيصرى لان النونو كان بضهرة بس الله يسامحها واحده قريبتها هى اللى صممت تخليها تولد طبيعى فماما اتكسفت تتكلم
فعلشان كده اتبهدلت هو الدكتور خيرهم وقالهم الوضع
لما ماما تقول انا اللى غلطانه اللى خلتها تتدخل كده وتبهدل البنت بالطريقه دى ماما تقولى انها كانت تعيط على منظرها
يلا الحمد لله
المهم ماتقلقيش لانى قلقتك من الولاده الصبح

[dr.princess]

اعمل ايه بس يا بنات صاحية من الساعة 4
انا كرهت الحمام وسيرته لما اصحى مش بنام تانى

[Om Rodina]

لولو حبيبتى صح النوم وحشتينى والله واخبارك ايه واخبار ميدو ايه

[MALAK2010]

ام دنا :الشياله مفيده عندك
بس انا مش هشتريها هشتري العربيه بتاعت الاطفال ان شاء الله لانها مفيده اكتر هنا
بس لما انزل مصر لانها هنا ناااااااااااااااااااااااااااار

[dr.princess]

طيب ليه بس كده افرضى كان لا قدر الله حصلها حاجة هى او البنوتة حرام والله البهدلة دى

[Om Rodina]

لا الف سلامة عليها وحمد لله على سلامتها يا ملوكة وربنا ييعافيها ويقومها بالسلامة ويفرحها بنور يارب

[dr.princess]

ام دانا انا وميدو الحمدلله كويسين والله اخبار البنوتة ايه استقريتى على الاسم ولا لسه مترددة

انا بتهيألى الشيالة دى ملهاش لزمة وانا مش هجيبها

[MALAK2010]

عارفه ماما راجعه زعلانه النهارده من العياده بسبب الست دى برضه بتقول دخلت لقيتهم حطين النونو على وشها وقاعدين يتكلموا وسايبينهاعلى السرير ياريت حتى حطينها على رجلهم ماما قالتلهم حرام دى صغيرة ماتعرفش ترفع وشها علشان تتنفس
واحنا اصلا عندنا واحده جارتنا بنتها الله اكبر بعد الشر ماتت بسبب كدة
ربنا يستر من تدخل الست دى

[Om Rodina]

هو على رايك ياملوكة العربية دى مافيش منها مفر لازم منها سواء هنا او عندك

[MALAK2010]

هى فايده الشياله انك بتشيلى الطفل من غير ماتتعبيه ولا انك تشتاليه غلط
بس مش عارفه ليه مش بحبها انا بحب اكتر حاجه هوريكم صورتها بس دى لما بيكبروا شويه

[Om Rodina]

انا باذن الله استقريت انا وزوجى على اسم رودينا وغيرنا دانا لان كل اللى يسمعه عندى يتريق عليه لما كرهونى فى الاسم

[dr.princess]

فعلا يا ملك كان فى دكتور بيقول اكبر غلط النومة دى حتى اختى لو بتنيم ابنها كده بعد الرضاعة بتفضل متابعاه

[MALAK2010]

اسم رودينا حلو انا سمعته اكتر من مرة اليومين دول

[dr.princess]

بصراحة مش بحب ابدا اسم رودينا ده

[MALAK2010]

http://forum.hwaml.com/imgcache2/hwaml.com_1298382438_551.jpg (http://forums.fatakat.com/thread792549)

[MALAK2010]

عقديها يا لولو فى الاسم هى لسه مغيرة واحد الوقتى ههههههههه

[dr.princess]

انا برده بحب دى اوى ياملك بس مش عارفة بقى ايه تأثيرها على الظهر

[MALAK2010]

فى منها اشكال احلى بس حبيت اعرفكم انا قصدى ايه
بس دى عايزة ام رشيقه مش كلبوز هههههههههههههه

[dr.princess]

مش عارفة ليه بحس انه ودن مش رودينا

[MALAK2010]

لولو:ولا هتاثر ولا حاجه ماهى كل الامهات بتشيل اولادهم ولا بيحصل للام حاجه هى ميزتها انها بتكون ماسكه الطفل كويس وفى نفس الوقت ايدين الام حرة طليقه ههههههههه علشان تشيل او تمسك حاجه تانيه
ولا انتى قصدك ضهر النونو

[MALAK2010]

مش عارفة ليه بحس انه ودن مش رودينا

كفايه كده يا لولو ههههههانتى بوظتيها اكتر

[dr.princess]

لالا انا قصدى ظهرى انا لانه اكيد بيبقى محمل عليه مش عارفة بقى وطبعا مينفعش فى الاول علشان ظهر النونو بيبقى ضعيف ميستحملش

[MALAK2010]

لا هى لسن اكبر من المولود

[dr.princess]

ههههههههههههههههههه خلاص سكت اهو
اوعى تزعلى منى يا ام دانا بس انا بحس كده

[Om Rodina]

والله انا لما عرفت انه اسم صحابية حبيته اكتر وبعدين هو حسب نطقه وخلاص بصراحة انا تعبت على ما استقرينا على اسم وكمان باعمل استخارة فى تسميته وفى الاول والاخر ربنا سبحانه وتعالى كاتب اسمها عنده وربنا يسهل بس وتيجى بالسلامة

[MALAK2010]

ام دنا انتى فيييييييييييييييييييييين

[Om Rodina]

انا معاكم والله
لا ابدا دى بتبقى اختلاف اراء وكمان ارتياح للاسم ومعناه مش اكتر والله

[MALAK2010]

هو دة ايه

http://forum.hwaml.com/imgcache2/hwaml.com_1298383323_576.jpg (http://forums.fatakat.com/thread792549)

اللى زى القطن دة

[Om Rodina]

باين كده شكله كرسى للبيبى بس اللى بيتحط فى السيارة علشان يبقى زيادة امان وحماية له

[dr.princess]

هو فى صحابية اسمها رودينا اول مرة اعرف
طيب هو معناه ايه

[Om Rodina]

والله انا كنت متمسكة جدا باسم دانا ده لانى فعلا باحبه بس حمايا وحماتى وماما كمان مش عاجبهم ابدا وكانوا بيتريقوا عليه فضلوا لغاية مازهقونى فى الاسم وبعدين سمعت الاسم ده وعرفت معناه وانه اسم صحابية فاستخرت ربنا وحسيت انى مرتاحة له وان شاء الله مش هاغيره

[MALAK2010]

لا مش قصدى كرسى العربية الصورة اللى تحتها

[Om Rodina]

ايوا هو اسم الصحابية اللى كانت بتخرج مع الرسول صلى الله عليه وسلم فى الحروب والغزوات وكانت بتصنع له السيف وكان اسمها رودينا فاطلق عليه الرسول الكريم السيف الرودينى وهو اسم سيف من سيوف الرسول صلى الله عليه وسلم

[dr.princess]

ده تقريبا كرسى البيبى للعربية
والتانية بتتحط على الصدر علشان الهدوم متبقعش من اللبن

[dr.princess]

والله فعلا يا ام دانا خلاص انا حبيت الاسم

[ماما قلقانه]

مساء الفل يا بنات اخباركم ايه

[ماما قلقانه]

مبروك الشله الجديده يا لولو

[MALAK2010]

ازيك يا سمر عامله ايه

[ماما قلقانه]

على فكره يا ام دانا اسم رودينا حلو جدا .ربنا يجيبهالك بالسلامه يارب وتفرحى بها

[Om Rodina]

باين كده زى مالولو بتقول مش عارفة اول مرة اشوفها بصراحة

[dr.princess]

بكلم ابن اختى دلوقتى بيقولى انا خوفت الابلة فى الحضانة بقوله ازاى قالى كنت بقول بصوت عالى علشان معدتش تيجى تانى وخوفتها هههههههههههههههههههههههه جبرووت

[ماما قلقانه]

ازيك يا ملوكه عامله ايه
كل ما ادخل مش بلاقيكم حظى حلو النهارده

[Om Rodina]

ازيك ياسمورة اخبارك ايه ربنا يخليكى يارب ويفرحك بالنونو يارب
هاستان منكم اصلى واجى

[dr.princess]

ازيك يا سمر اخبارك ايه

[ماما قلقانه]

ايييييييييييييه يا لولو مفيش وحدة خيار لاصحابك اللى هنا ولا لمنتدى فتكات بس .لالالا انا زعلانه

[MALAK2010]

انا الحمد لله كويسه يا سمر تسلمى
انتى برضه داخلة متاخر انا شويه وهقوم

[ماما قلقانه]

حظى بقى يا ملك.الولاد مش مظبطين المواعيد خالص

[MALAK2010]

انا مش فاهمه حاجه خيار ايه وشله ايه يالولو اعترفى
انتى قابلتيهم من ورايا وعديتهالك كمان تاكليهم خيار لاااااااااااااااااااااا دة اللى ماسكتش عليه ابدا هههههههههههه

[ماما قلقانه]

شوفتى لولو يا ملك بتعمل مقابلات من ورانا

[ماما قلقانه]

انا بهدى النفوس.اوعى تعديها يا ملك.هههههههههههههه

[ماما قلقانه]

لولو هربت ولا راحت فين

[dr.princess]

ههههههههههههههههه انتى عرفتى موضوع الخيار كمان
اصل كنت عاملة خيار ملك ربنا يكرمها قالتلى على طريقة حلوة ليه
المهم فى واحدة من اللى قابلتهم حامل ونفسها فى مخلل ومش قادرة تعمله فأخدتلها اللى متبقى عندى كان قليل اوى بس ده اللى كان عندى

[ماما قلقانه]

بامارة المقابله اللى كانت امام حمام 11

[ماما قلقانه]

العصفوره قالتلى على كل حاجه

[أم إياد]

السلام عليكم يابنات
ممكن تقبلوني معاكم..
أعرفكم بنفسي..
انا مصرية وعايشة في مصر تحديدا في القاهرة الجديدة..
فرحانة اوي اني لقيت تجمع للمصريات..
وحبيتكم اوي من كلامكم مع بعض..
يارب نفضل اخوات على طول ونتطمن على بعض دايما..
انا في الشهر التالت دلوقتي..
وده مش اول حمل ليا ,انا حملت قبل كده وولدت شهر 6 السنة اللي فاتت, بس الولد مات بعد يومين .. وكان اسمه اياد.. عشان كده اسمي ام اياد
وبأتمنى ان ربنا يتمم لي بخير الحمل المرة دي ويعيش واشيله بين ايديا..
دعواتكم بقى..
انا عندي 22 سنة وباشتغل معيدة وباعمل دراسات عليا,عشان كده دايما مشغولة ومش هتلاقوني بادخل كتير لاني اول ماافتح النت مابأصدق اقعد اعمل ابحاث وادور عن مواضيع في دراستي.. فبأكون مشغوله جدا..
ربنا يتمم لكم جميعا حملكم بخير ويسهل ولادتنا ويرزقني واياكم الذرية الصالحة
hwaml12

[MALAK2010]

هو الحمام ورانا ورانا يعنى مالقيتوش مكان غير دة هههههههههههههه

[ماما قلقانه]

بس كويس يالولو انك تحاولى تصاحبى حد عشان ايام الغربه دى بتبقى طويله جدا انا مجربه وعارفه

[dr.princess]

هههههههههههههههههه يادى الفضايح ههههههههههههههههههههه

[MALAK2010]

ام اياد اهلا بيكى معانا والف مبروووووووووووووك على الحمل وادخل ارغى براحتك هنا احنا اخوات
وربنا يعوضك خير ويخلف لك خيرا منه ان شاء الله

بس ممكن اسال سؤال بايخ هو حصل كده ليه

[ماما قلقانه]

اهلا بيكى يا ام اياد معانا وربنا يكملك على خير يا حبيبتى وتفرحى بالنونو وما تشوفيش شر ابدا اللهم امين.انا سمر عشان ما تستغربيش الاسم

[dr.princess]

ام اياد اهلا بيكى معانا
ربنا يكملك الحمل على خير وتشوفى النونو وتقر عينك بيه باذن الله

[dr.princess]

ملك ممكن علشان الحمام علامة مميزة ومبنقدرش نستغنى عنه هههههههههههههههههههههههه

[توتة السيد]

بساء الخير ياحلوات

[ماما قلقانه]

بقولك ايه يا لولو ايه اخبار جارتك المصريه صاحبتيها ولا عملتى ايه

[توتة السيد]

ملوكة ازيك ياجميل

لولو هلا هلا ياقمر

ماما قلقانة ازيك فينك من زمان اخبار الكتاكيت ايه

ام اياد اهلا بيكي بينا حبيبتي ربي يكملك علي خير

[ماما قلقانه]

اهلا ام نوران السكر اللى قولتلها حمد الله على السلامه وما ردتش عليا .على العموم حمدلله على سلامتك انتى ونوران

[ماما قلقانه]

محدش يعرف يا بنات دودى عملت ايه.يارب تكون ولدت وقامت بالسلامه

[MALAK2010]

لااااااا القعدة احلوت وانا شويه وهطييييييييير
ابقوا ادخلوا بدرى شوية

[MALAK2010]

توتة:ازيك يا حبيبتى احنا بقى عندنا نور واحد مش نوران الحمد لله بقيت طنط(قصدى عمه هههههه)

[dr.princess]

سمر لالالالالالا انا بعد ماكلمتها مرتحتش وقطعت العلاقات

[Om Rodina]

ااهلا بيكى ياام اياد معانا وربنا يتمم حملك على خير ويعافيه ويقر عينك بيه
توتة ام نوران العسولة اخباركم ايه وعاملين ايه

[توتة السيد]

اهلا ام نوران السكر اللى قولتلها حمد الله على السلامه وما ردتش عليا .على العموم حمدلله على سلامتك انتى ونوران


اهلا بيكي حبيبتي والله مااخدت باللي معلش سامحيني الله يسلم قلبك ياقمر وعقبال ما تقومي بالف

سلامة وتقري عينك بالكتاكيت بالف سلامة وصحة ياغالية

[MALAK2010]

دودى بقالها كتييييييييييييييييير مادخلتش مش عارفه ولدت ولا لاء بس على الحساب لسه اقل من اسبوع على ما تتم التاسع ربنا يقومها بالسلامه

[ماما قلقانه]

فين صورة نوران يا توته

[dr.princess]

توتة ازيك يامعلم اخبارك ايه انتى ونوران

[Om Rodina]

ام نوران حبيبتى كنت عاوزة اسالك سؤال اخدتى ايه معاكى فى شنطة الولادة

[ماما قلقانه]

مرات اخوكى ولدت يا ملك ولا ايه

[ماما قلقانه]

على فكره يا ملك ممكن الواحده تولد فى اول التاسع مش شرط تكمله انا اخت سلفتى ولدت اول التاسع ما عدتش يوم فيه

[Om Rodina]

روحتوا فين ياجماعة

[ماما قلقانه]

توته اطلعى بصورة نوران وانا اطلعلك بصورة احمد وشهد يلا يا ستى اوكازيون

[ماما قلقانه]

انا هنا يا ام دانا

[توتة السيد]

توتة:ازيك يا حبيبتى احنا بقى عندنا نور واحد مش نوران الحمد لله بقيت طنط(قصدى عمه هههههه)

ازيك انتي ياقمر الف الحمد لله علي سلامة مرات اخوكي نور ده بقي ولد ولا بنية بس شوفي احنا نوران النور زايد عندنا هههههههههههه ربنا يخليه\ا ويتربي او تتربي في عزهم

ياله بقي بقيتي طنط كبرتي بقي خلاص ههههههههههههه

[MALAK2010]

انا خارجه يا بنات سلااااااااام

[Om Rodina]

يا جماعة حد يعبرنى ويقولى شنطة الولادة بيتاخد فيها ايه طبعا السؤال ده للمجربين هههههههه بالله عليكم حد يفيدنى

[MALAK2010]

نور بنوتة قممممممممممممر ماشاء الله

[Om Rodina]

سلام ياملوكة ونشوفك بكرة على خير باذن الله

[ماما قلقانه]

سلام يا ملوكه والف حمدلله على سلامة مرات اخوكى وعقبالك وعقبالنا ان شاء الله

[Om Rodina]

سمورة قوليلى انت ايه اللى يتاخد معايا فى شنطة الولادة

[dr.princess]

بنات انا هروخ اطبخ سلالالالالالالالالالام

[Om Rodina]

سلام يالولو ونشوفك على خير باذن الله

[توتة السيد]

ازيك ام دانا عاملة ايه ولا رودينا

احنا بخير حبيبتي ربنا يخليكي

[توتة السيد]

سمورة لازم لازم يعني بتقل قال هههههههههههههه

لولو ازيك ياقمر انا بخير الحمد لله انا والكتكوتة

اخبار حماده ايه

[ماما قلقانه]

بصى يا ام دانا الولاده الطبيعى غير القيصرى.انا عشان ولدت طبيعى كنت باخد حاجات قليله يعنى غيار للبيبى ولو فى الصيف تاخدى كوفرته للبيبى اما فى الشتاء تاخدله بطانيه وغيار لكى و فوط النفاس لكى وبامبرز للبيبى.ده اللى باخده لانى بمشى بعد الولاده على طول مش عارفه اذا كنت نسيت حاجه حد يفكرنى .بس المره دى حاسه انها هتكون قيصرى عشان التوينز.ربنا يجيبهملى بالسلامه يارب

[أم إياد]

اهلا بيكم جميعا..
لا ياملك مش سؤال بايخ ابدا ولا حاجة.. اسألي براحتك ياحبيبتي..
الحكاية باختصار اني ولدت آخر يوم في التاسع وتعبت اوي في الولادة كانت طبيعي والولد كان مليان ماشاء الله اكتر من 4 كيلو اصل كنت بآكل كتير,وطبعا احتجت اتخيط كتييير..
المهم قعدت من ساعة مابدأ الطلق لغاية ماولدت 3 ايام الطلق شغال..
انا ولدت في عيادة بس اكتشفت بعد كده ان الدكتور اي كلام ,
سابني اكتر من الوقت اللازم ,اقصد يعني ان راسي الولد كانت بتخرج وترجع تدخل تاني وهو مطنش ومش مهتم..
عرفت بعد كده انه كان استغلالي وكان عايز يضطرني اني من كتر التعب أقوله ولدني قيصري وخلصني ,عشان القيصري فلوسه اكتر..
مش عارفة والله ازاي بيحلفوا يمين المهنة انهم يكونوا مخلصين في رعاية مرضاهم!!
يلا قدر الله وماشاء فعل, ربنا بيجعل لكل حاجة سبب..
هو الولد بعد الولادة ماعيطش على طول الابعد نص ساعة ومن بعدها مارضيش يرضع وقعد يعيط عياااط مستمر وهستيري وطبعا سألت الدكتور عشان اتطمن قاللي دي حاجة عادية دلوقتي يفوق,وبعد ماروحت بيه البيت زاد العياط وبعد كام ساعة حرارته ارتفعت وقعد يترعش واطرافه ازرقت فخليت باباه يوديه الحضانة, حطوله محاليل وحرارته انخفضت وطلبوا نعمل تحليل crp بس هو ده كل اللي طلبوه ..
وآخر اليوم نبضه بدأ يقل لغاية ماوقف..
طبعا بعد كده رحت لدكاترة واستشاريين كتير اعرض عليهم الحالة عشان اعرف ايه اللي حصل بالظبط.. معظمهم رجحوا ان حصل له اختناق في الولادة, والدكتور اتاخر عليه,,فحصل له خلل في العصب التنفسي ماقدرش يكمل..

بس دي كل الحكاية.. معلش طولت عليكم , بس عايزة اوضحلكم بالظبط

[Om Rodina]

ازيك ياتوتة احنا بخير الحمد لله وخلاص ان شاء الله هانستقر على رودينا باذن الله
سمورة حبيبتى تسلمى يارب وربنا يقومك بالسلامة ويفرحك بالكتكوتين بتوعك يارب

[توتة السيد]

معلش ياام دانا النت عندي بطيئ شوية شوفي ياستي

حاجات البيبي انت هتولدي في الصيف خديلهم كام طقم كده لزوم التغيير لربما تباتي

والبامبرز بتاعهم وفوط ليهم وشامبو علشان الاستحمام والببرونة ده بالنسبة للبيبي

اما حاجاتك هتاخدي الفوط الصحية وهاتاخدي فوطة ليكي وخدي قميصين مرحين للرضاعة وعباية

[ماما قلقانه]

معلشى يا ام اياد قدر الله وما شاء فعل احتسبيه عند ربنا وان شاء الله يعوضك بخيرا منه.ويكملك على خير

[Om Rodina]

تسلمى يارب ياتوتة بس انا باذن الله اخر ميعاد لولادتى اخر شهر تلاتة الجاى فلا هو محصل الصيف ولا الشتاء ربنا يسترباذن الله

[توتة السيد]

معلش بقي انا تلخبط والتونز بتاع سمورة دخل في ام دانا اعذروني مافيش نوم ياناس

[Om Rodina]

قدر الله ماشاء فعل ياام اياد وربنا يعوضك خير يارب

[توتة السيد]

كل وحده فيكم تحضر نفسها لفقدان النوووووووووووم بالليل اهئ اهئ اهئ

[Om Rodina]

لا ياحبيبتى ولا يهمك عادى ربنا معاكى يارب

[ماما قلقانه]

ربنا يقويكى يا توته

[Om Rodina]

والله العظيم ياتوتة قلة النوم من دلوقتى مافيش راحة خالص فى النوم ولا وضع مريح لما الواحد خلاص بقا مش قادر

[ماما قلقانه]

بعد اذنكم يا بنات اقوم اشوف الولاد.اشوفكم بكره ان شاء الله

[dr.princess]

لسه فى حد موجود

[gogo]

السلام عليكم
حد هنا

[أم نورين2012]

مساء الخير ياحلوين

[أم نورين2012]

معلش يابنات مش قدره أدخل الصبح باكون في سابع نومه لكن بليل بكون سهرانه
ملك وحشتيني أوي ياحببتي وألف مبروك عشان بنت أخوكي وعقبالك وأن شاء الله ولدتك تكون سهله عامله إيه ونونو صحته كويسه طمنيني ياحببتي
في حد سهران معايا أنا عايزه أرغي شويه‏!‏

[gogo]

انا سهرانه ياميرى ازيك

[أم نورين2012]

أهلا أزيك ياجوجو عامله إيه ياقمر

[أم نورين2012]

إيه يابنات مافيش حد صاحي

[gogo]

انا هناااااااااااااااااااا ياميرى

[MALAK2010]

ذورى بيوجعنننننننننننننى

[dr.princess]

حماتى حاطة كوول توون يا رجالة
no comment

[MALAK2010]

اغنيه ايه تفرق برضه ههههههههههههه

[dr.princess]

لالالالا ماتظلميش الست هى حاطة دعااااء
انا محطتش كوول توون من سنييييييييين هو انا قديمة اوى كده ولا ايه ؟؟

[MALAK2010]

ميرى:الله يسلمك يا جميل انتى اللى عامله ايه وايه التوقيع الحزين دة
حاولى تدخلى بدرى شويه نطمن عليكى يارب تكونى بخير

[MALAK2010]

طيب حاطة دعاء ايه المشكله هههههههه
انا قولت دى حاطه اغنيه ههههههه

[dr.princess]

ميرى فييينك يابنتى من زماااااااااان

[dr.princess]

جوجو حمدالله على السلامة
ياريت تبقى تدخلى بدرى شوية تطمنينا عليكى

[MALAK2010]

هى جوجو سافرت

[dr.princess]

انا بتكلم على الروقاااااااااااان

[dr.princess]

ايوه سافرت سوريا بقالها اسبوع تقريبا

[MALAK2010]

انا حماتى ماشا الله عليها اروق من اولادها ميه مرة ههههههههههههههههه
بتعقدنى ههههههههه

[أم نورين2012]

صباح الخير ياملك أنتي ولولو

[dr.princess]

نفسى اقدر احبها بس والله ما انا قادرة من قبل ما اتخطب وانا مفيش خالص

[dr.princess]

ايه النشاط ده اشرقت الانوار يا ميرى

[MALAK2010]

ميرى حبيبتى انتى فين

[أم نورين2012]

إي يالولو مش عارفه تحبي إيه
أنا مامتي وبابي حطين كول تون أكيد مرات أخويا بتقول زيك

[MALAK2010]

لولو ممكن لانها عملت مشاكل فى البدايه

[أم نورين2012]

أه منكم أنته عاملين إيه ياحبايبي أنا بخير كويسه الحمدلله أنا صحيت بدري عشان جوزي رايح ينقلي كفاله عليه أخيرا

[MALAK2010]

ميرى:اية التوقيع الحزين دة يا بنتى انتى لسه صغيره وبعدين التوقيع مش لايق على الصورة الرمزية بتاعتك خالص
الصورة عسوله وشقية

[dr.princess]

ميرى هههههههههههههههههه احتمال برده
انا علشان مش حاباها فحاسه انى بتتلككلها على اى حاجة من اقل كلمة بتخنق منها

[dr.princess]

انتوا عارفين ماما لسه لغاية امبارح بتقولى انزلى كل يومين تقريبا بتقولى انزلى انتى بتقولى عايزين نفرح بيكى هنا قلتلها انا لو نزلت مش هفرح ولا هتنيل

[MALAK2010]

مش عارفه يالولو انصحك بايه انا نازله وهجرب ربنا يستر

[أم نورين2012]

أنا بقي حماتي كنت بحبها بس بعد الجواز أختلفت خالص‏!‏‏!‏؛
أحسن بلاش تنزلي أحسن تقولك تعالي أولدي عندي ولا حاجه

[أم نورين2012]

ملك أنتي هاتولدي عند مامتك

[MALAK2010]

ياااااااارب نفسى الاقى حد بتحب حماتها واخوات جوزها هههههههههههههه وبالمرة سلافتها

[dr.princess]

مش عارفة والله يا ملك ماما نفسها انى انزل ومش حابة انها تيجى فقلتلها لو مش عايزة تيجى فأنا مستحيل هنزل هولد لوحدى هنا وخلاص فقالتلى لا مش هسيبك بس برده هى مش مبسوطة انها هتيجى

[MALAK2010]

انا هنزل عند ماما ان شاء الله اصل شقتى ايجار فى بيت تانى مش مع حماتى

[أم نورين2012]

هو أنتي يالولو مش في المدينه شجعيها وقوللها عشان الحرم وبعدين هاتيها تعمل عمره في مكه

[dr.princess]

مستحييييييييل هتلاقى يا ملك

[MALAK2010]

هو انتى لو نزلتى يا لولو هتقعدى فى شقتك ولا عند مامتك

[أم نورين2012]

كان نفسي تكون شقتي مش مع حماتي

[dr.princess]

والله قلت يا ميرى ده حتى جوزى كان هيعمل عمرة الشهر ده وأجلها علشان يعملها مع ماما لما تيجى بس مش عارفة ليه هى مش مبسوطة بالفكرة اصلا

[MALAK2010]

هى مامتك مش هتتبسط غير لما تجيلك ان شاء الله