دردشة حوامل مصر - دردشة بنات مصر - تجمع حوامل مصر

[gogo]

انا قريت ان اى جبنه سايله غلط

[dr.princess]

جوجو اصلى لقيته مكتوب عليه مخلل مصرى فجبته لاول مرة بس كويس انى جبت نص كيلو بس ومكنش غالى بس طلع طعمه غرييب
هسأل ماما بيتعمل ازاى اصلى بحب اوى مخلل الخيار والجزر

[dr.princess]

جوجو اى جبنة سايلة كمان ده انا كده ضعت خالص انا اساسى واحنا بنجيب اكل البيت لازم اجيب جبنة اللى هى بتتدهن زى زى بريذيدن لو تعرفوها

[بقلظة]

اقولكم انا الدكتورة قالت غلط ليه

علشان احنا مفروض بناكل الاكل كامل النضج ومستوي كويس اوي

فالجبنة البيضا قالت لي احسن وافضل من الجبنة النستو والجبنة الخضرا ديه مش فاكرة اسمها

[gogo]

فيه مخللات هتلاقيها مش لازم مصريه وطعمها حلو

[لولا]

نبطل النستو رغم ان الدكتور قالى كلى منها

[gogo]

تقريبا علشان فيه حاجه ف مكونتها علشان تبقى سايله غلط على الحامل
بس ربك بيسترها يالولو المهم تبطليها

[dr.princess]

انا الثلاجة بتاعتى تقريبا كلها جبن مثلثات وبيضاء ورومى وقريش وسايلة وكان فى قشطة وكمان فى لبنة تحسوا اننا عند اللبان هههههههههههههه

[dr.princess]

هههههههههه ربنا يستر ده انا حالا فى ايدى جبنة نستو وكلت نصها طفاسة طفاسة يعنى هههههههههههههههههه

[بقلظة]

النت بطيء عندي بطريقة وحشة

[لولا]

هى فعلا الجبنة البيضا صحيا افضل حتى بدون حمل

[gogo]

ههههههههه يالولو اشمعنى الجبنه الى فيها طفاسه خلى الطفاسه ف الاكل المهم

[بقلظة]

المخلل قللي برضه منه يا لولو

اصبري شوية

بعد الولادة كلي براحتك منه

علشان الأملااح

[بقلظة]

الجبنة القريش افضل انواع الجبنة طبعا

انا مكنتش باكل نستو خالص في اول حملي بس بقيت اكل منها دلوقتي

[gogo]

والفاكهه والخضار مهم جدا للحامل والنشون والسجق والبرجر وكل الحوم الى معبئه دى غلط جدا

[dr.princess]

جوجو انا الجبن دى عندى مزاج بالذات الروووووووووووووووومى قلبى تشوفينا خارجين من المحل شاريين جبن اد الفراخ اللى شارينها هههههههههههههه

[gogo]

انتى يالولا الوحم بدء معاكى ولا لسه

[بقلظة]

ههههههههههههه

احنا كل كلاامنا بقا في الاكل كده ليه

جوعتوني

[بقلظة]

بقولك يا لولو

هي ايه البنة ديه؟

[dr.princess]

والله يا امل اول مرة اجيبه من اول الحمل حتى كمان شارياه من 10 ايام وخايفة اقرب منه وكده رسمى معدتش هقرب منه طعمه وحش

[gogo]

ميمكن الجبن دى هى الى تعبه معدتك يالولو خففى منها شويه شوفى ايه النظام

[بقلظة]

انتي عملتي تحليل املااح يا لولو

[رنا خالد]

السلام عليكم ورحمة الله وبركاته
مبسوطه جدا اني لقيتكم وخاصة ان الحوار بينكم بيدور عن الجبنه السايله
يلاسلااااااااااام الواحد جاع والله

[dr.princess]

انتوا شركتونى يا جماعة انا لسه واكلة همبورجر من يومين وكمان سجق معدش حد يتكلم تانى

[gogo]

البنه دى جبنه بس بالبنانى

[gogo]

وعليكم السلام
ازيك يارنا انتى ولوجى

[رنا خالد]

امل ماحكيتيش عن قصة لبسك النقاب انا متشوقه اوي اسمعك
وياتري نفسيتك عامله ايه النهارده
وانتوا عاملين ايه يابنات يارب تكونوا بخير كلكم

[لولا]

انا الوحم من اول الشهر ابتدى وشغال وماشاء الله بيزيد

[gogo]

لولو شكلك عكه الدنيا خالص يابنتى انتى لازم تقرى كتير عن الاكلات الضاره
انتى عامله زى وانا حامل مكنتش اعرف حاجه حتى رحت كلت سوشى وده مضر جدا جدا لانه اصلا نى مش مستوى

[لولا]

عاملة اية يارنا واخبار لوجين اية؟

[dr.princess]

بصى يا امل انا كل مرة نروح نشترى اكل البيت اقول لجوزى اموت واعرف طعم اللبنة دى ايه
فلقيته الله يخليه جايبهالى من يومين تقريبا خاف اتوحم عليها ( اصل اخويا عندى وحمة قشطة فى بطنه ماما كانت بتتوحم عليها )
المهم هى مش جبنة اوى قوامها كده بين القشطة والجبنة وطعمها اقرب شوية للقريش مش حادقة يعنى وهى اصلا لبنانية

[بقلظة]

ازيك يا رنا عاملة ايه

انا حاسة اني قاعدة في محل بقالة

[gogo]

طب كويس يالولا اومال خايفه ليه يابنتى ده الوحم ده اكبر دليل على ان الحمل ماشى تمام

[dr.princess]

انا الحمد لله عملت تحليل من 20 يوم ومفيش املاح الحمدلله اصلى بحاول بالعقل كده مزودش من الجبن يعنى باكل بس قليل
وانا اتأكدت ان اللى كان عاملى الحموضة امبارح كانت الملوخية كانت مبهدلانى

[dr.princess]

رنا ازيك اخبارك ايه انتى ولوجى

[gogo]

بحب التجمع وهو مليان كده بحس انى قعده ف قعده ستات فعلا كله بيكلم كله ومتعرفيش امتى الموضوع بيبدء وامتى بينتهى وتلاقى المواضيع بتتنطط ههههههه

[dr.princess]

امل هى فعلا شكلها قلبت بقالة رسمى هههههههههههههه

[لولا]

والله انا اعراض الحمل شغالة معايا وزى الفل ومبهدلانى بس هقول اية الدكتور قلقنى وربنا يسترها

[dr.princess]

جوجو انا والله كنت وقفت الحاجات دى بس جارتى جوزها بيشتغل موزع لامريكانا فجابتلى برجر وسجق ارميهم يعنى حتى حراااام هههههههههه
بس فعلا ازاى تاكلى سوشى ده ممنوع جدا فى الحمل

[بقلظة]

الحمد لله يا رنا

انهاردة اختي كلمتني وقالت لي انها خدت اجازة من شغلها علشان توضب الاوضة اللي هاروح اقعد فيها انا وجوزي بعد الولادة ان شاء الله

وكنت جبت سرير للبيبي هناك بتقولي ظبطت له مكان وفرشته وجهزت كل حاجة

صعبت عليا اوي الصراحة ومش قلت لها حاجة لما لقيت انها فرحانة اووي كده

[gogo]

لا متقلقيش يالولا بدام الاعراض شغاله انتى بس اعملى الى عليكى وكولى حاجه

[dr.princess]

جوجو على رأيك والله وتحسى الواحد بيجرى ومش بيلحق يرد هههههههههههه

[بقلظة]

انا هاقول لجوزي علي اللبنة ديه يجبهالي يارب تكون في مصر

[dr.princess]

خلاص يا امل متكسريش بخاطر اختك وهقولك زى ما جوزى بيقولى ( ده جبر الخواطر على الله ) وسيبى كل حاجة زى ما هى وهتتظبط ان شاء الله

[gogo]

يالولو مكنتش اعرف انه غلط وكانت الشركه عامله عزومه ف مطعم يابانى وقلت اجرب

[dr.princess]

امل ان شاء الله هتلاقيها انا اللى عندى لبنة سايبة يعنى بتتباع بالوزن اللى انتى عايزاها بس انا بشوف منها معلب كده زى الجبنة الفيتا ومكتوب عليها لبنة تركية

[gogo]

يأمل ومتنسيش المناقيش هههههههه

[لولا]

هتلاقى ياامل انا بجيبها من خير زمان

[بقلظة]

مناقيش ايه يا جوجو

[dr.princess]

جوجو ههههههه مادام قلبناها لبنانى حد يبعتلى المناقيش دى انا مدقتهاش قبل كده بس عارفة شكلها شوية زى اللى فى المخابز اللى بتبقى بالجبن والبيتزا الصغيرة دى مش كده ولا ايه ؟؟؟

[gogo]

مهم البناين بياكلوا البنه مع المناقيش دى رقائق رفيعه ومقرمشه

[بقلظة]

خلاااص ان شاء الله اجيبها

انهاردة اول يوم اتمشي

الدكتورة قالت لي اتمشي من اول التاسع

فرحانة اووي

علشان كنت بقالي كتير مش بخرج

وعمالة اتفرج عالمحلاات

وجبت برتقال سكري

بمووووووووووت فيه

[dr.princess]

لولا معلشى ياحبيبتى مسلمتش عليكى انا اسفة

[رنا خالد]

اخيرا نيمتها وجيت
نكمل بقي كلامنا

[gogo]

لولو شو ها الحكى والله بقيم الدنيا وما اقعدها لجبلك المناقيش يازلمه

[بقلظة]

مهم البناين بياكلوا البنه مع المناقيش دى رقائق رفيعه ومقرمشه


خلاااص يا جوجو هاقول لجوزي عليها بس ربنا يستر بعدها يشيل وصلة النت هههههههههه

[dr.princess]

امل انا برده مخرجتش من اكتر من 10 ايام حتى جوزى قالى اجهزى على ما اجى وننزل نلحق الفجر فى الحرم وانا مرضيتش خفت من البرد والكحة بس بفكر اكلمه واروح معاه الفجر ايه رأيكم ؟؟؟؟

لالالا انا مش باكل السكرى انا بمووووووووووت فى اللى بسرة لما جوزى بيجيبه بقضى عليه ههههههههههههههه

[بقلظة]

مش ملحظين اننا خرجنا من محل البقالة والجبون الي السوبر ماركات

واخيرا الفكهاني ماشاء الله عليكوا

انتوا مش اكلتوا انهاردة والا ايه؟

عاوزة احكي لكم قصة نقابي

[لولا]

لولا معلشى ياحبيبتى مسلمتش عليكى انا اسفة

لاياحبيبتى ولايهمك كلنا مركزين قدام التلاجة ههههههههههه

[dr.princess]

هههههههههههه ضحكتينى يا جوجو انا ليا اصحاب سودانين هحاول القط كلمتين واجى اقولهم ليكم اشمعنى انا يعنى هههههههه

[gogo]

يأمل ده هيقلك والله ما بيطلع انهار الاما بكون جايبلك اياها

[dr.princess]

لولا هههههههههههههههههه عندك حق

[بقلظة]

البسي تقيل يا جوجو

وروحي صلي بالحرم

انا بغبطتك مش حسد والله

بس ادعي لنا كده يا لولو بالله عليكي

[gogo]

هههههههه يالولا كنتى تعالى من يومين كان الكلام على بنيه ولمون بالعصفر افيد من الجبن

[بقلظة]

فين رنا

مش لوجي نامت

تعالي يلا

[gogo]

من بقك لباب السما ياأمل انولها واصلى ف الحرم

[dr.princess]

عندك حق يا امل حد لاقى وانا قاعدة اقوله خايفة من البرد ده انا معنديش دم صحيح هتصل عليه دلوقتى واخليه يعدى عليا
ان شاء الله ادعيلكم ولو كنت اقدر كنت جبتلكم مية زمزم كمان

[gogo]

لولو ده مش لبنانى بس ده سورى وقبرصى وصينى hwaml16

[بقلظة]

بكرة ان شاء الله هنعمل شوربة سمك

مين بيحبها؟

[dr.princess]

قوليلى يا امل عايزة اسئلك على حاجة
جوزى باذن الله ناوى نروح عمرة ربيع الاول عمرة المولد النبوى
ووقتها هبقى فى السابع باذن الله تفتكرى هيبقى فى قلق عليا انا طبيعى هسئل الدكتورة ان شاء الله بس انتى مجربة السابع قوليلى رأيك

[بقلظة]

اقصد يا لولو معلش بكتب بسرعة

يا رب كلنا نصلي كده في الحرم يا جوجو

يا ب اوعدنا وتكون ساعة اجابة

[gogo]

ايه شوربه السمك انا اعرف شوربه فواكه البحر

[بقلظة]

ايه شوربه السمك انا اعرف شوربه فواكه البحر


ايوة هي ديه يا حبيبتي

[gogo]

ده انا بموت فيها فيه محل ف فيصل للاسماك المجمده بيعمل اكياس شوربه فواكه البحر كنا علطول نجيب منه

[dr.princess]

مجربتش الشوربة دى قبل كده بس مش عارفة ليه لما بسمع عنها بحس انها بتبقى زفرة كده ولا ايه ؟؟؟

[لولا]

والله الواحد يسمع منكو وبعدين يقرر يطبخ ايةهههههههههههه رغم انى شبة مقطعه المطبخ

[بقلظة]

طبعا الاول لازم تسألي الدكتورة

وبعدين افضل شهور الحمل من الرابع الي السادس

من الشهر السابع هتبدئي تحسي بالتعب شوية بشوية

بس انتي ادعي وانوي النية لله انك تروحي

واتأكدي طبعا من الدكتورة

تعرفي انا كنت بقول لوحدة واشتكي لها اني تعبانة من الحمل وانا في السادس قالت لي امال لما تبقي في التاسع او التامن هتعملي ايه

وقد كان فعلا

اتعب شهور في الحمل التامن والتاسع طبعا تحسي بالتقل فظيع

يا رب هون

[gogo]

لا خالص يالولو انتى بتغسلى مكونتها زى ما بتغسلى السمك وبعدين تعمليها شوربه فيها من كل مكونات البحر سمك وجمبرى وسبيط وكبوريا ومحار البحر

[بقلظة]

الشوربة جميلة جداا يا لولو مش زفرة ولا حاجة

انا كنت فاكرة زيك كده

اول مرة اكلها وقت الخطوبة روحنا محل بالمهندسين بس تحفة

وبعد الزواج جوزي عملها بالبيت

وبكرة ان شاء الله يعملها لي

[gogo]

يالولا الى يقعد هنا بيجوع علطول من كتر الكلام على الاكل وخصوصا امل كل يوم تغظنا باكله جامده

[رنا خالد]

انتوا غيرتوا الحديث بدل الجبنه بقيت شوربة فواكه البحر
هو النهارده يوم الاكل ولا ايه يابنات

[بقلظة]

اسمه ايه المحل ده يا جوجو

يمكن يكون قريب مني

علشان انا من الهرم

[لولا]

والله نفسى اجوع واقوم اكل بس المشكلة لو نفسى راحت لحاجة مش موجودة ههههههههههه

[dr.princess]

انتى عارفة يا امل انا كنت عايزة نعمل عمرة الشهر الجاى بس جوزى عايز يعملها فى المولد النبوى
وعلى كل حال ان شاء الله اسأل الدكتورة المرة الجاية

[gogo]

يارنا احنا كل يوم معانا اكله جديده من الشيف امل
حضرتى للسبوع ولا لسه

[بقلظة]

احنا تقريبايا رنا زورنا جميع المحلاات يا رنا من بقال الي سوبر ماركت الي فكهاني الي محل سمك
مش عارفة الحديث هيودينا فين تاني ههههههههههه

[رنا خالد]

امل يلا يابنتي مستنيه القصه انتي نسيتي ولا ايه

[بقلظة]

حاضر هاقولكم يا رنا

استني علشان الكلاام كتير

وهتأخر شوية بالكتابة

[لولا]

طيب بمناسبة الاكل ياحلوين ممكن اكل ايس كريم؟ مش عارفة نفسى فى بس خايفة

[gogo]

انا مش فاكره اسمه لان ماما الى كانت بتجيب منه هسألهالك بكره ان شاء الله واقلك ده فيه كل حاجه مجمده واسعاره ممتازه
هو ف اول فيصل من ناحيه الجيزه

[رنا خالد]

اه ياجوجو حضرت للسبوع جوزي جاب النهارده الحاجه ولما شوفتها فرحت اوي
هاستناكم تنوروني

[dr.princess]

لولا اه عادى الايسكريم و حسكم عينكم حد يقول عليه حاجة هاكله يعنى هاكله هههههههههههههههه

[gogo]

ممكن تاكليه عادى بس ميبقاش ساقع
والاحسن انك تاكلى اى حاجه قبليه لان مينفعش معدتك سخنه واول حاجه تاكليها ايس كريم ممكن يتعبك كده

[رنا خالد]

ممنوع منعا باتا تاكلي ايس كريم يالولو الايس كريم فيه سم قاتل هاهاهاها
خفتي صح ؟ اكيد

[gogo]

انا اختى قالتلى نصيحه ف الحمل متاكليش حاجه ساقعه اوى ولا سخنه اوى

[لولا]

لا طبعا مش دلوقتى بكرة ان شاء الله

[dr.princess]

والله فعلا خفت يا رنا من اول كلمتين اصلى بحبه اوى وجوزى بيجبهولى فقلت حتى ده كمان غلط اصل من ساعتها البنات قالولى انى كل حاجة تقريبا باكلها غلط

[لولا]

حيرت قلبى معاك يعنى اة ولا لا؟

[gogo]

عارفه يالولو ناقص تقولى انك بتشربى بيبسى

[gogo]

هههههههه يالولا رنا بنهزر كوليه بس ميكونش ساقع اوى

[dr.princess]

جوجو لالا جوزى مانع عنى الشاى والقهوة والنسكافيه والكاكاو والشيكولاته والبيبسى
شربت بيبسى بس مرات قليلة

[رنا خالد]

انا عذراكي يالولو ماهو ماينفعش الواحد يبقي نفسه في حاجه ويحرم روحه منها انتي كلي اللي بتحبيه بس طبعا بحدود يعني انا مثلا مدمنة طماطم وخاصة الجامده اللي ماستوتش اوي وكنت عارفه انها غلط للحامل عشان الاملاح بس كنت كل اما اشتاق لها باخد طماطمايا
واول ماخلص الحمل خلصت انا علي الطماطم اللي في درج التلاجه كلها عادي حد ليه عندي حاجه هههههههه

[gogo]

طب كويس يالولو مللتزمه ف حاجه اهو

[لولا]

عارفين بقى اولها واخرها كله بامر الله ومش معقول لو البابينو نفسو فى حاجة هنمنعها يعنى ولا اية؟؟؟؟؟؟؟؟؟؟؟؟؟؟؟

[gogo]

هههههههههههه اول مره اشوف حد بيحب ياكل الطماطم اوى كده
الواحد يخلص حمل ويجرى ياكل تورتايه لوحده شوكلاتايه جلاكسى يشرب فنجال قهوه

[dr.princess]

هههههه فكرتينى يا رنا بأختى مدمنة طماطم حتى ابنها طالع زيها وياقلبى كان بيطلع حوالين بقه حبوب منها
وطبعا بعد الحمل يارنا محدش يقدر يقولك ثلث الثلاثة كام ههههههههههه انا ابدا مش بحب الطماطم قليل اوى لو كلتها

[رنا خالد]

انا طول فترة الحمل كنت بشرب بيبسي وكان احمد بيخبيه ورا الاكل في التلاجه بس انا كنت بشمه واستني اول ماينام واتسحي من جنبه واجرررررررررري علي التلاجه وامسح الازازه ههههههه حاجه تكسف والله
ماتخيلين المنظر ومره افشني وفضل يبستف فيا وكان شكلي وحشششششششش

[gogo]

صح يالولو كله الا الوحم محدش ينفع يقف قدامه
متوحمتيش على حاجه تانى غير البرقوق

[gogo]

سورى لولا مش لولو

[dr.princess]

والله يا جوجو كان جايلى الاسبوع اللى فات ضيوف عملتها حجة وعملت كاكاو ولقيتهم جايبنلى جاتوه نصه شيكولاته كنت عايزة ابوسهم هههههههههههههه ولما قلت لجوزى قالى يا حلاوة لو غاب القط العب يا فار ههههههههههههه

[رنا خالد]

انا اتوحمت علي البرقوق الناشف الطوب كان جوزي يجيبلي الغالي اقله لا انا عايزه المعفن الرخيص الناشف اصلي فأريه اول يوم عرفت فيه اني حامل قولتله نفسي في برقوق لقيته بيقولي ماشاء الله اول مره اشوف حامل بتتوحم من اول يوم هههههه

[لولا]

مش هتصدقى بتوحم على اية والله هتضحكو

[بقلظة]

قصة نقابي

اولا انا لبسي عبارة عن بنطلونات وده اغلب لبسي وبلوزات او بلوفرات في الشتا وطرحة عادية صغيرة

في يوم انا اشتريت طقم جديد وقلت لاختي انا عاوزة اشتري له طرحة رحت محل اشوف طرح وانا ماشية والله لاول مرة يجيلي احساس اني مكسوفة من لبسي اووي

وحاسة الناس كلها بتبصلي حاولت مش اركز بالموضوع ده بس كل شوية احساسي عمال بيزيد ان الناس بتبص علي جسمي
وانا بالمحل اشتريت الطرحة فعلا وماشية انا واختي

قلت لها انا عاوزة اروح تاني للمحل اسأل علي الاسدال

قالت لي ليه انتي لبسك حلو

قلت لها اشوف بس انا هاشتريه واجرب البسه الاول بالبيت لو مش استريحت اصلي بيه في البيت وخلااص

قالت لي براحتك

وروحت تاني للمحل واشتريت الاسدال

وروحت معاها الي بيتها وقلت لها البسه اجرب شكلي فيه وجبت معاه جوانتي

لبسته سبحان الله علي الراحة النفسية اللي حسيت بيها

اتصلت ب بابا واستأذنت منه اني البسه وافق وقالي البسيه

لروحت مشيت من عند اختي وانا لابسة الاسدال وسعيدة اووووووي بالخطوة ديه

بعدها انا مش هنكر الشيطان لعب في دماخي وقال مفيهاش حاجة ان الاسدال يكون مدلع شوية ومفيش حاجة اني احط ميكب خفيف

حسيت نفسي برضه ملفتة للنظر ومش بقيت مسترحة لكده

صحباتي قالوا لي علي النقاب وانا رافضة تماما

قعدوا معايا يقنعوني واقول لاء وكمان اضحك عليهم بيني وبين اختي واقولها عاوزني البس النقاب لاء طبعا انا كده كويسة ومقتنعة جداا بكلاامي

في يوم دخلت منتدي عمرو خالد كنت مشتركة فيه

واحدة كاتبة في التوقيع

لو النقاب فرض فقد ارتديته

لو سنة فحديث الرسول صلي الله عليه وسلم من رغب عن سنتي فليس مني

لو فضل انا لست في غني عن فضل ربنا


يكفيني اني متشبهة بامهات المؤمنين فمن تشبه بقووم فهو منهم كما قال رسول الله صلي الله عليه وسلم

معرفش ايه اللي حصلي بعدها بدات افكر واسمع دروس وعرفت ان العلماء اختلفوا

بس محدش انكر ان امهات المؤمنين كانوا لابسين النقاب

اكتر شيء اثر وقلت والله يكفيني هذا

واشتريت النقاب وطبعا كان في معانة لاني كنت وقتها مش متزوجة

ومن اخواتي رافضين نهائي

وبابا قالي مش هعرفك لو لبستيه

بس كل شيء بالاقناع وبالهدوء والاصرار

والحمد لله رب العالمين

[dr.princess]

ههههههههههه ايه السرعة دى يارنا
انا كل شوية كنت اشم ريحة حاجة بهدلت جوزى كل شوية يجيبلى اللى نفسى فيه وبعدين اغير رأيى وتترمى

[رنا خالد]

الله عليكي يامل بجد كلامك اثر فيا
ربنا يبارك لك ويزيدك تقوي ومبسوطه انك بتسمعي لعمرو خالد اصلي انا بحترم الراجل ده جدااااااااااااااا وبفضل ربنا ثم بفضله انتظمت في الصلاة بعد ماسمعت له شريط عن اهمية الصلاه كنت ساعتها عندي 17 سنه والدي كان لسه متوفي وكنت تايهه ونفسيتي تعبانه بس لما تابعته اثر فيا كتير اوي

[dr.princess]

امل ماشاء الله تبارك الله اهم حاجة انك قفلتى الطريق على الشيطان و اول ما حسيتى بحاجة عملتيها على طول ومخدتيش وقت
ربنا يثبتك عليه ان شاء الله

[dr.princess]

انتوا عارفين انا شفت عمرو خالد هنا فى الحرم فى شهر شعبان

[gogo]

ربنا يثبتك ياأمل
انا كمان بفكرا اعمل خطوه ايجابيه والبس عابيات لما نزلت مصر لقيت عبايات بناتى وجميله اوى وقماشات والوان حلوه ف شجعتنى انى البسها
انا الوقتى بلبس بنطلونات بس بلبس فقويهم حجات لبعد الركبه وواسعه بس جوزى اصدر قرار بالعبيات ههههههه وانا اتشجعت لما شفت عبايات شيك

[لولا]

ماشاء الله ياامل ربنا يباركللك وربنا يقوينا جميعنا على حسن عبادته

[رنا خالد]

بجد يالولو شفتيه يابختك

[dr.princess]

اه شفته فى شعبان بس جوزى مش بيحبه اوى

[رنا خالد]

انا برضه لبسي زيك ياولو بنطلونات وعليها حاجات عند الركبه وتحتها كمان وجيبات واسعه الحمد لله بس طبعا بحاول اني اغير من لبسي واكون احسن كمان في اخلاقي
وربنا يثبتنا قولوا امين

[رنا خالد]

وان كمان جوزي مش بيحبه اوي وبيغير منه كمان ده حصل مشاكل ياما بيني وبينه بسببه

[gogo]

عمر خالد كلامه بيأثر فيا جدا بحس انه بيتكلم بأسلوب بسيط ناس كتير طلعوا بعده وقلدوه ومشيوا على اسلوبه وعشان كده شباب وبنات كتير اتصلحوا على قيده

[بقلظة]

ربنا يثبتنا يا رب علي طاعته

اهم شيء فعلا الاقتناع التام ثم الاصرار طالما معاكي ادلة وتقدري

تردي علي اي حد يقولك انتي لبستيه ليه

تعرفوا مرات خالي قعدت معايا مرة تقنعني اني اخلعه

انا لما قلت لها التوقيع بتاع البنت في المنتدي

هي اقتنعت ولبسته رغم انها سبحان الله عندها القلب ومشكلة في التنفس

وممنوع عنها المجهود والادوار العليا

لقيت جت لي زيارة بعدها لابسة النقاب

فرحت اووووي

[dr.princess]

لالا انا الحمدلله بطلت البناطيل من زمان وبقيت بلبس تونيكات وعليها جيبات بس الحمدلله كله واسع وعليها طرح طويلة كمان وكنت اوقات بلبس عبايات والله يا بنات رااااااااااااحة مريحة بشكل رهيب وكمان زى ماقالت جوجو بقى منها دلوقتى حاجات شيك والله لو ناويين عليها على بركة الله هترتاحوا اوى فيها

[لولا]

الاسلوب البسيط دايما بيدخل القلب بسهولة وهو بيحببك فى الشى مش بيرهب الواحد ماشاء الله علية ربنا يحفظة

[dr.princess]

عن اذنكم يا بنات هستئذن منكم عندى حاجات فى المطبخ هروح اشطبها واجهز على ماجوزى يجى علشان مانتأخرش
لو خلصت بدرى هرجعلكم تانى

[رنا خالد]

ماشاء الله عليكي ياامل وربنا يزيدك يابنتي
استأذنكم انا بقي لحسن عايزه انااااااااااااام قبل مالسنيوره لوجي تصحي وتبقي ليلتنا فل
السلام عليكم ورحمة الله وبركاته

[gogo]

تعرفوا يابنات فعلا الواحد لازم يختار الصديق قبل الطريق شوفوا احنا بنشجع بعض ازاى على اننا نكون احسن ف دينا انا كنت مذبذبه ف موضوع العبايات بس كلامكوا شجعنى اوى

[gogo]

وانتى من اهله يارنا
سلام يالولو ومتنسيش تدعيلى بس ادعى بزمه

[gogo]

لولا مقلتيش اتوحمتى على ايه تانى

[بقلظة]

اتفضلي يا لولو

اتفضلي يا رنا

تصبحوا عالخير

طبعا يا جوجو لازم نشجع بعض

ادخلي موضوع حملة اصلحي من نفسك

عاملين جدول وماشين عليه

[بقلظة]

اه يا لولو امانة

ادعي بزمة

[gogo]

فين الموضوع ده ياامل

[بقلظة]

انتوا مشيتوا والا ايه

[gogo]

موجودين ياأمل

[gogo]

ايه السكوت الرهيب ده

[gogo]

انتوا مشيتوا ولا ايه
طب انا كمان هقوم بقى
تصبحوا على خير

[dr.princess]

انا جييييت تانى

[بقلظة]

http://forum.hwaml.com/t35247.html

الموضوع اهوه يا جوجو

معلش النت بطيء بتأخر بالرد

[dr.princess]

امل ان شاء الله انا كمان ادخل واشارك معاكم بكرة ان شاء الله علشان مفيش وقت دلوقتى

[بقلظة]

لولو رجعتي ليه

مش قولتي هتجهزي نفسك

[بقلظة]

امل ان شاء الله انا كمان ادخل واشارك معاكم بكرة ان شاء الله علشان مفيش وقت دلوقتى



يا ريت يا لولو

الموضوع ينور بيكي

[بقلظة]

انتي بتتلككي يا جوجو

انت كان بطيء شوية فالرد اتأخر

عموما تصبحي عالخير يا قمر

[dr.princess]

انا خلصت المطبخ وخفت البس انتى عارفة الحمام كل دقيقتين فقلت لما تبقى 5 الا ربع اقوم البس علشان انا بتوضأ قبل ما البس

[dr.princess]

تصبحوا على خير يا رنا انتى وجوجو
والله الفترة المسائية بقت زى العسل مش ناقصها غير ملك وسمية

[بقلظة]

ايوة فعلا

الحمام ده مشكلة

بقولك يا لولو انا دلوقتي مش بعرف انام بالليل خالص

والصبح بنام ساعتين

جوزي عاوزني انام بالليل بس فعلا النوم بيهرب مني وجسمي كله بيوجعني بالليل

خلااني احلف قبل ما ينام اني مش هنام الصبح علشان انام بالليل

قلت له والله مش هنام الصبح

اعمل ايه دلوقتي

يبقا ولا صبح ولا ليل

[بقلظة]

لولو انتي هنا

[dr.princess]

ياقلبك يا شيخة بتحلفى على نفسك بس انتى حلفتى اهو هتعملى ايه يبقى فعلا لازم تفضلى صاحية وعلى ما اظن الظهر مش من الصبح يعنى ممكن تنامى الظهر ده لو قدرتى تقعدى كل ده بس مش عارفة برده ده حلفان مش عايزة افتى

[بقلظة]

ده خلااني احلف اني مش هنام الصبح لغاية ما يجي وانام بالليل بس

انهاردة حاولت انام بس قمت ومش عارفة انام خالص من الحموضة وحاسة بتقل وجسمي بيوجعني ضلوعي بالذات

فقمت تاني وهو نايم طبعا

وجيت قلت اتكلم معاكوا والنوم والله مش جاي خالص

بس مش عارفة شكلي هاشغل نفسي الصبح باي حاجة وانام بالليل

لما يجي ان شاء الله

[بقلظة]

طيب انا هاقوم اجرب كده يا لولو

يمكن اعرف انام دلوقتي ساعة والا حاجة

ادعيلي

تصبحي عالخير

[dr.princess]

ربنا يقويكى يابنتى حاولى زى ماقلتى تشغلى نفسك بحاجة بس برده متجهديش نفسك يعنى افردى ظهرك ومتتعبيش جسمك انا برده بيجيلى وجع الضلوع ده صعب اوى ببقى همووت ولو عندك حموضة خدى الدواء بتاعك

معلشى لازم اروح البس دلوقتى اشوفك بكرة ان شاء الله

[dr.princess]

تصبحى على خير يا امل

[MALAK2010]

السلام عليكم ورحمة الله وبركاته
ازيكم يا بنات وحشتووووووووووووووونى

[بقلظة]

صباح الخير يا ملوكة

وحشتيني اووووي

الفترة الصباحية نورت

[MALAK2010]

صباح النور يا جميل انتى عاملة اية
انتى مانمتيش النهاردة ولا اية
اصلكوا قافلين باب التجمع بعد الفجر وصاحية الوقتى هههههههههه
ازااااااااااى

[MALAK2010]

هى شبكة التليفونات مالها النهاردة
بتصل باخويا علشا اعيد علية ياما يطلعلى انة غير متاح ياما يحولنى على خدمة العملاء وعاوز بياناتى
انا عاوزة اكلم اخوياااااااااااااااااااااااااا

[بقلظة]

مش نمت خالص يا ملك

انا مش بعرف انام بالليل

وحلفت لجوزي مش هنام بالنهار

ربنا يصبرني

[بقلظة]

غريبة اوي شبكة التليفونات ديه

جربي تاني

[بقلظة]

hwaml5hwaml5hwaml5hwaml7

[MALAK2010]

خايفى يحولنى تانى على خدمة العملاء تانى

[MALAK2010]

مش فاهمة يعنى اية حلفتى مش هتنامى

[بقلظة]

جوزي يا ملك قالي احلفي انك مش هتنامي وانا بالشغل وانا حلفت له

[بقلظة]

بعد ما حلفت يقولي انا بهزر تحلفي ليه

بس انا حلفت ومش هنام

[MALAK2010]

اااااه علشان تعرفى تنامى بالليل فهمت

[بقلظة]

هي لو فودافون اتوقع يعملوا كده

انا مش بحب فودافون

[بقلظة]

ايوة انا ولا نمت بالليل ولا هنام النهار


ربنا يعنيي انهاردة

[MALAK2010]

ايوا بس انا برة مصر واخويا فودافون فعلا
وانا هقول اية لخدمة العملاء انا حتى ماعرفش اى بيانات ليا ولا حتى عارفة رقمى ههههههههههههه
انا بعتلة رسالة للاسف

[MALAK2010]

انتى رحتى فين
عارفة انا بتفرج الوقتى على جمعية محمد ابن علاء مبارك
التقرير مؤثر اوى ربنا يصبرهم

[بقلظة]

النت ساعات عندي يبقا بطيء اوي

بقولك اصبري شوية هي الشبكة وحشة بتعات فودافون

ايه جمعية محمد ديه؟

[MALAK2010]

دى جمعية خيرية وبتكرم للحفظة القران الكريم
بس مايكونوش من طلبة الازهر
بس التقرير مؤثر اوى لان محمد دة ابنهم وتوفى من حوالى سنة وهو عندة حوالى 12 سنة ربنا يصبرهم

[MALAK2010]

اخويا هو اللى اتصل عليا الوقتى ههههههههه

[بقلظة]

طيب الحمد لله

[MALAK2010]

انا هنزل موضوع على القسم الاسلامى عاوزاكى تشوفية
بس النت بتاعك بطئ يارب تعرفى تسمعي كويس

[MALAK2010]

بقولك انتى بتعملى شوربة فواكهة البحر ازاى
انا شربت نوعين واحدة شفافة عادى والتانية لونها زى لون شوربة العدس انتى بتعملى انهى واحدة وازاى بالتفصيل الممل من اول تنضيف الحاجة وتقطيعها لغاية الطبخة نفسها

[بقلظة]

والله يا ملك جوزي اللي بيعملها بس فعلا احلي من المحلاات بكتير

انا جربت محل بالمهندسين بس جوزي بيعملها احلي

انهاردة ان شاء الله اسأله واقولك علي الطريقة

[بقلظة]

النت وحش اووي عندي

[بقلظة]

انتي دخلتي علي المنتديات اللي قلت لك عليها؟

[MALAK2010]

دخلت مرة واحدة ولقيت حاجات حلوة وحاجات قلقتنى فمدخلتش تانى

[MALAK2010]

انتى ماعتديش بتخلى على موضوعك لية

[بقلظة]

انتي ايه اللي قلقك

انا عاوزة اعمل نظام تاني في الموضوع بس لسه برتبه في دماغي

[MALAK2010]

انا مش قلقانة من حاجة انا بسال لقيتك بقالك كام يوم مادخلتيش

[بقلظة]

اقولك انا عاوزة ايه

احنا دلوقتي عاملين جدول في العبادات والاخلااق المقصرين فيها

طيب

احنا بناخد نقطة واحدة بس من العبادات ونقطة واحدة بس من الاخلااق

ونلتزم بتصلحيها لمدة اسبوعين

في خلال الفترة ديه

هنقسم نفسنا لمجموعتين

مجموعة للعبادات ومجموعة لاخلااق وظيفتهم فقط تنزل مواضيع خاصة بالنقطة ديه بس وكمان تنزل في نهاية الاسبوع زي اسئلة نجاوب عليها من خلال المقالاات الللي نزلتها

ايه رآيك؟

[MALAK2010]

خلاص مستنية منك الطبخة بس زى ماقولتلك بالتفصييييييييييييييييييييييييل

[MALAK2010]

فكرة حلوة بس انا حاسة ان صحيح فى مشاهدات كتيرة ماشاء الله بس المشاركات قليلة اوى يعنى مفيش غير واحدة تقريبا اللى دخلت وكتبت معانا فى الحملة وباقى البنات ياما كاتبين شكرا ياما بيقروا ومش بيشاركوا
يعنى الخلاصة ان اعملى طريقة الاول تخليهم يشتركوا مش بس يقروا

[بقلظة]

انا مش قلقانة من حاجة انا بسال لقيتك بقالك كام يوم مادخلتيش


يا ملك انتي بتقولي في حاجات قلقتك من المنتديات التانية ايه هي؟

[بقلظة]

فكرة حلوة بس انا حاسة ان صحيح فى مشاهدات كتيرة ماشاء الله بس المشاركات قليلة اوى يعنى مفيش غير واحدة تقريبا اللى دخلت وكتبت معانا فى الحملة وباقى البنات ياما كاتبين شكرا ياما بيقروا ومش بيشاركوا
يعنى الخلاصة ان اعملى طريقة الاول تخليهم يشتركوا مش بس يقروا


ايوة فعلا انا حاسة اننا مبسوطين اوي بالفكرة بس التطبيق عالفكرة مفيش او بسيط اوي

لان الهمم بتضعف

[بقلظة]

خلاص مستنية منك الطبخة بس زى ماقولتلك بالتفصييييييييييييييييييييييييل


من عنيا حبيبتي

[MALAK2010]

ااه فهمت مانا بردة استغربت من ردك
فى مقالة بتقول رموز لابد ان تسقط
وحطة شخصية ماكنتش متوقعة انهم يحطوها دة السبب
والشخصية هى الحبيب على الجفرى

[MALAK2010]

انا مش بقول انهم غلط ولا صح بس على الاقل مش متاكدة من الكلام اللى بيقولوة

[MALAK2010]

انتى فيييييييييييييييييييييييين

[بقلظة]

النت وحش جدااا

لازم اخرج وادخل المنتدي علشان اقرء ردك

[بقلظة]

انا عملت سيرش علي علي الجعفري دلوقتي

مكتوب انه صوفي

[MALAK2010]

هو ينفع اشترك فى المجموعتين ههههههههههههههههههه

[بقلظة]

انتي اللي روحتي فين

امشي والا ايه

[MALAK2010]

ياخوفى لنعمل زى سعيد صالح فى مسرحية العيال كبرت لما فتح المدرسة لوحده
انا بهزر اوعى تزعلى

[MALAK2010]

انا دخلت ظبطت حاجات فى المطبخ على ما تبعتى

[بقلظة]

هو ينفع اشترك فى المجموعتين ههههههههههههههههههه


طبعا ينفع

يا خوفي تكوني انتي المجموعتين

ومحدش يشترك

[بقلظة]

ياخوفى لنعمل زى سعيد صالح فى مسرحية العيال كبرت لما فتح المدرسة لوحده
انا بهزر اوعى تزعلى


هههههههههههه انا لسه بقولك في المشاركة اللي فاتت

[MALAK2010]

انا بستغرب لية بيشوفوا بس حتى مش بيعلقوا تلاقى فى اى موضوع فى التجمع الاسلامى مشاهدات كتييييييييييييييير ولا فى مشاركات
حتى من باب جبر الخواطر ههههههههههههههه

[بقلظة]

انتي فينhwaml16

[MALAK2010]

انا معاكى
انتى وصلتى لفين فى الجدول انتى وصحباتك اللى فى المنتدى التانى

[بقلظة]

عارفة ايه اللي يجبر الخواطر بجد اننا عاملين كده لله حتي لو محدش كتب رد

[MALAK2010]

عارفة ايه اللي يجبر الخواطر بجد اننا عاملين كده لله حتي لو محدش كتب رد
مانا لما بشوف المشاهدات الكتير فى اى موضوع اقول ان شاء الله اكيد ولو واحدة استفادت
ودة كفاية

[MALAK2010]

اية رايك فى موضوعك كل واحدة تعمل جدول بالايام وتقسمة ل اللى موجود فى جدولك وتشوف كل يوم عملت اية وقصرت فى اية وتشور على اللى عملتة وتيجى اخر المدة اللى هى اسبوعين وتشوف بجد هى زودت فى النقطتين اللى اتفقنا عليهم ولا لاةء
وباانسبة لباقى النقط هتلاحظ هى عملت اية وماعملتش اية

[MALAK2010]

بقلظة:انتى خرجتى

[MALAK2010]

انا هخرج سلام

[MALAK2010]

انا هنا وزهقاااااااااااااااااااااااانة وعاوزة اكلم حد

[رنا خالد]

ملك وانا زهقانه اكتر منك والله وهاشد شعري

[MALAK2010]

زهقانة من اية وهتشدى شعرك كمان لية يا بنتى انتى المفروض تكونى ملبوخة الوقتى بلوجى والسبوع والناس اللى بتجيلك ومامتك جنبك لالا مالكيش حق

[MALAK2010]

يا نااااااااااااااااااااااااااس انتوا فين

[جيرا]

سلاااااام عليكم يالوكه

[MALAK2010]

اخيراااااااااااااااااااااااا

[MALAK2010]

انتوا فين من بدرى
انا خلاص ثوانى وهمشى علشان جوزى زمانة جاى
انتوا ماعتدش بتدخلوا ولا اية

[MALAK2010]

جيرا:انتى فيييييييين

[dr.princess]

ملك ايه النووووووووووووووور ده

[MALAK2010]

لولو:انا زهقت النهاردة اووووووووووووى وكان نفسى تدخلى بدرى شوية
انا خارجة الوقتى للاسف

[MALAK2010]

سلااااااااااااااااااااام

[ايوشه]

ازيكم ياحلوين عاملين ايه انهارده

[dr.princess]

ملك حظى وحش انا برده كنت عايزة اتكلم معاكى بس انتى عارفة اول ما جوزى خرج دخلت
ماشى يا حبيبتى بكرة ان شاء الله نلحق نتكلم شوية

[dr.princess]

ايه ازيك اخبارك ايه
اوعى تخرجى جرى زى امبارح

[ايوشه]

الحمد لله يالولو انتى عامله ايه
لاء انا قاعده ان شاء الله شويه بس مش كتير

[dr.princess]

ماشى ياستى ولا يهمك
انا الحمدلله كويسة
قوليلى اخبار الضغط ايه دلوقتى

[ايوشه]

لولو يالولو ماحدش شاف لولو هو انتى اللى هتخرجى ولا ايه
عايزه تعمليها فيا

[ايوشه]

الحمد لله قيسته امبارح لقيته 134/84
نزل الحمد لله واسمعى كلامى وبطلى الحوادق اللى بتاكليها دى غلط
انا طول الحمل وانا مامنعتش اى حاجه لانى ماعرفش كلت كله حتى البيبسى شربته وبشربه دلوقتى بس بلاش حوادق بجد

[dr.princess]

الحمدلله انه بينزل
والله هى الجبن بس اللى باكلها ومش باكتر منها يعنى باخد بالى كمان انا اصلا ضغطى فى العادى نازل دايما فبتهيألى حتى لو على مش هيعلى اوى بس برده ان شاء الله هاخد بالى ربنا يخليكى يا ايه

[dr.princess]

قوليلى يا ايه الدكتورة قالتلك على امتى الولادة باذن الله وبدأتى مشى ولا لسه

[ايوشه]

بقولك يالولو صحيح هو ينفع اخد كالسيوم دلوقتى ولا لاء
احسن رجلى وجعانى قوى حتى ساعات مش بقدر امشى وحاسه انه من قلت الكالسيوم والدكتور قالى بطليه قبل التاسع ورحت لدكتوره تانيه تقولى خديه حاجه تحير كل واحد برأى

[ايوشه]

والله يالولو هما قالولى لما تحسى بالوجع تيجى على طول لان عملت سونار من اسبوع طلع فى السونار معاد الولاده 30/12
والدكتور يقول 6/1
ومن شريط الحمل محدد 4/1 فالله اعلم وكمان عملت تخطيط للجنين الاسبوع اللى فات فى جهاز كده بيعمل التخطيط لو تعرفيه فالدكتوره قالتلى انه فى طلق بقول لواحده صاحبتى قالتلى طلق بقاله اسبوع وماولدتيش مابقتش عارفه بصراحه

[dr.princess]

والله يا ايه على المنتدى هنا ناس تقول يقف فى الثامن علشان عظم البيبى ما يكبرش وتبقى اسهل الولادة الطبيعى وناس تقول تكمل عادى بس والله معنديش اى فكرة ممكن ابقى اسئلك امل او رنا لو دخلوا النهاردة

[ايوشه]

ماشى ياجميل هاصلى العشاء وارجعلك ان شاء الله

[dr.princess]

ايه ده ما شاء الله انتى قربتى خالص المهم انك تجهزى شنطة المستشفى علشان الطلق لو جه فجأة تبقى مستعدة وربنا يجعلهالك ساعة سهلة ان شاء الله

[dr.princess]

ماشى يا ايه تقبل الله
انا كمان هصلى المغرب وارجعلك

[ايوشه]

انا جيييييييييييت

[dr.princess]

وانا كمااااان

[ايوشه]

حرما يالولو اه قربت اهو عقبالك ان شاء الله
بس الشهور اللى فاتت كوم والتاسع ده حكايه ياعنى انتو كده مدلعين لسه التقيل ورا يامعلم

[dr.princess]

هههههههههه انتى هتعملى زى امل لسه امبارح بتقولى كده
والله انا اخر خبرتى بشهور الحمل كانت السابع لان والحمد لله اختى عمرها ما كملته بعيد الشر عننا ياااااارب

[ايوشه]

ربنا يكملك على خير يارب جوزى بيقولى من اول واحد كده انا حاسس انك عجزتى خلاص والله يابنتى من كتر التعب قعدت اعيط امبارح

[dr.princess]

يابنتى هانت خلاص كلها ايام
فكرتينى بصاحبتى فى مصر بتقولى انا لولا انى مش عايزة بنتى تبقى لوحدها مكنتش ابدا افكر انى احمل تانى ابدا

[ايوشه]

ولسه بقه الولاده ربنا يسترها معلش اسيبك ياجميل اجهز الغداء جوزى زمانه جاى تعالى اتغدى معانا محشى كرنب

[dr.princess]

ياااااااااااارب
بالهنا والشفا حبيبتى ياااااريت كنت جنبك كنت خلصتلك المحشى كله هههههههههههههه

[MALAK2010]

حد هنااااااااااااااااا

[نولارا]

مسا التماسى مسا التماسى
ياورد قاعد على الكررررررررراسى

[dr.princess]

ازيكم يا حلوين
لحقتونى على اخر ثانية كنت داخلة اناام

[MALAK2010]

نورا :ازيك يا حبيبتى عاملة اية وحشانى انتى وحمادة

[MALAK2010]

لا خليكوا معايا جوزى بيتفرج على الماتش فقولت ادخل اكلمكم

[dr.princess]

خلاص يا ملك هستنى معاكم شوية

[MALAK2010]

لولو:اجنا فى الصفحة 1500
دايما بنتكلم انا وانتى فى الصفح المؤثرة ههههههههههه

[dr.princess]

هههههههههههههههه طبعا يابنتى هو احنا اى حد ولا ايه
سبقتينى لسه واخدة بالى قبل ما تقولى على طول