دردشة حوامل مصر - دردشة بنات مصر - تجمع حوامل مصر

[MALAK2010]

ماهو مش ضرورى هديه ممكن بوكية ورد

[dr.princess]

اه فعلا يانورا اللبس بيبقى كتير اوى والله اختى كانت بتلبس ابنها كمية هدوم مهولة لدرجة انى مكنتش بقدر اشيله من تقل الهدوم

[نولارا]

السنه اللى فاتت فى الفلانتين اخو جوزى جاب لمراته دبدوب بقول لجوزى قالى ياهبله دا جايبه لياسمين (بنتهم ) وبيضحك عليها

[dr.princess]

ههههههههههههههههه طبعا يانورا هو فى اى راجل بقى بيجيب لمراته هدية اليومين دول

[MALAK2010]

نورا وماله بنتهم بنتهم اهو دخل بحاجة ههههههههههه
يعنى السنة الجاية ان شاء الله استنى الدبدوب

[somia]

السلام عليكم ورحمة الله وبركاته..
كده يا جماعة محدش يجيبلي سيرة من امبارح ان النهاردة الفلانتين .. ادي الباشموهندس راح الشغل من غير ما اقوله حتى كل سنة وانت طيب .. مش عارفة ايه النسيان اللي الواحد بقى فيه ده

[dr.princess]

وماله ايه ياملك يعنى السنة الجاية استنى مسدس ولا ايه هههههههههههههههه

[نولارا]

تستنى الدبدوب طب ما انا لاعندى دبدوب شقى اهو وبرضه مجاليش دبدوب
وهى السنه دى عندها دبدوب تانى غير بنتها ومفيش دباديب ههههههههههههههه

[نولارا]

حلوه والله يالولو المسدس دى مسدس او كوره بقى
ياسميه زعلانه انك نسيتى لو عاتبك قولىله فين حلاوه المولد هههههههههههه وتبقوا خالصييين كده

[dr.princess]

ياسلام ياسمية لو على قد الكلمة سهلة اتصلى قوليله بس اهم حاجة انه ماينساش المفيد هههههههههههههههههه

[somia]

انتوا مش واخديين بالكوا دا النهارده ذكرى ميلاد زوجي ... يعني الغلط لابسني من ساسي لراسي .. أتاري الراجل يتصل بيا مرتين النهاردة ويقولي في جديد وانا ولا الهوا كل همي يقفل عشان اكمل نوم...

[dr.princess]

ماتفكرنيش يانورا بحلاوة المولد ده احنا فى حرمااااااااااان نفسى فى فولية وحمصية بحبهم موووووووووووت

[somia]

لولو ومش نفسك في الملبن انا ولا باكل الحمصية ولا الفولية اطلاقا سناني بتوجعني منهم

[dr.princess]

ايه ده ياسمية معقولة نسيتى عيد ميلاد جوزك لالالا ملكيش حق زمانه زعلان الحقى كلمية واعمليله اى حاجة حلوة قبل مايجى

[dr.princess]

سمية لالالا مش بحب الملبن ده تخصص جوز اختى وجوزى وماما اما انا لالالا
الحمصية والفولية بيوجعولى سنانى جدا بس بحبهم اوووووى

[somia]

والله يا لولو ما انا عارفة ايه السطل اللي حصلي بحاول اتصل بيه بس شكله زعل وقفل الموبيل وبعته رسالة بس طبعا مش وصلت ومينفعش اعمل اي حاجة لان اختي عندي فهتبقى مقفوشة وشكلي وحييييييييييييييييييش .. يا كسوفي يا ناس على رأي توتة

[MALAK2010]

سمية ايه النسيان دة يا بنتى

[MALAK2010]

بس بلاش تقوليله انك ناسيه لما يجى تكونى عامله حاجة حلوة وقوليله كل سنه وانت طيب

[dr.princess]

جوزى جه سلالالالالام

[somia]

والله يا لوكة ما انا عارفة انا المفروض كنت بقولهاله من ساعة ما اتخطبنا الساعة 12 يعني بداية اليوم بس المرة دي عشان اختي عندي والنوم مدمرني ولا دريانة بنفسي أصلا .. ربنا يستر لحس الباشموهندس بتاعي زعله وحش قوييييييييييييييييييي

[somia]

ولو حاجة حلوة اكل اختي بتقولي الانبوبة ابتدت تفضى يا رب تقضي بس تامير العيش عشان نفطر وطبعا انا ولا عمري غيرت انبوبة غاز

[نولارا]

عندى مسروده وبطه مين تيجى تتغدى معانا

[somia]

سلام يا لولو نتقابل بالليل باذن الله تعالى

[نولارا]

تغيير الانبوبه سهل ياسمسم بس انتى حاولى وبعد ما تركبيها ادلقى شويه من صابون الاطباق عند الصاموله لو عمل رغاوى يبقى بتنفس واى خدمه لكل حاجهش اول مره يابنتى اتعودى

[MALAK2010]

سلام يا لولو مستنياكى

[somia]

نورا يعني ايه مسرودة ؟؟؟؟ البطة لو محمرة ممكن اجي اخد حتة صغننه كده لاني مليش فيها قوي

[MALAK2010]

نورا:تسلمى يا قمر بالهنا

[نولارا]

مسروده حاجه زى الكسكسى كده لو تعرفيه يعنى
البطه لسه بتتسلق

[somia]

أنا أصلا معرفش بتتفك ازاي ولا بتتركب ازاي لأن عند ماما غاز طبيعي فطبعا هنا زوجي اللي بيغيرها وعمري ما فهمت هوه بيعمل ايه

[MALAK2010]

سميه :بلاش تركبى الانبوبةلاول مرة لوحدك
شوفى جوزك بيركبها ازاى وبعدين اتعلمى لانها سهله وفى نفس الوقت خطر لازم تكونى عارفة بتتركب ازاى

[somia]

أه طبعا أنا بعشق الكسكسي بس عمري ما أكتله الا مسكر ...
ثواني يا جماعة هأكل الغلبانة اللي في بطني وأكل لحسن هيه وأمها هيموتوا من الجوع

[نولارا]

هو اكيد بيفكها بالمفتاح وبعدين يغير الجلده ويركب الصاموله فى الانبوبه الجديده وبس حاااااااااولى بس جربى بعد التركيب بالصابون السائل زى ما قولتلك كده

[papoos]

سلام يا سيدات مصر المتزوجات الحلوين انا متزوجه حديثا من 5 شهور بس وعندي سؤال يارب حد يجاوبني عليه : انا حللت هرمون الحمل في الدم عندي من يومين بالظبط طلع 26 واني حامل في الاسبوع الاول بس دكتور المعمل قالي اني ضعيف ولام اعيده تاني ,اعدته تاني امبارح طلع 7 واني مش حامل مع ان مفيش اي دم نزل علي خالص وكمان الدورة لسه مجتش عندي انا مش عارفه اعمل ايه وخصوصا ان زوجي مسافر وانا منهاره جدا وكان نفسي في الحمل ده قوي ...........
ارجوكم حد يقولي اعمل ايه

[MALAK2010]

بصراحه يا paposانا معرفش فى الارقام بتاعت هرمون الحمل
ماتزعليش دة رزق عند ربنا وان شاء الله ربنا يرزقك بالحمل الثابت عاجل ان شاء الله

[Om Rodina]

انا رجعت تانى ياملوكة
نورا وسمسمة اخباركم ايه وحشتونى كتير

[Om Rodina]

طالما كلكم كده مشيتوا انا هاخرج انا كمان واشوفكم على خير باذن الله

[توتة السيد]

ازيكم ياحلوات هابي فلنتين دايييييييييي

[توتة السيد]

كل سنة وانتوا طيبين بمناسبة المولد النبوي الشريف

اتفضلوا بقي حمصية وفوليه عجب "اسلوب غيظ بقي" ههههههههههه

[توتة السيد]

اهئ انتوا كلكم مشيتوا لييييييييييييييييه

[MALAK2010]

ياصبره يانا يامداريه يامحياره كل المداويه

يااااااااااااااااااااااااااااارب النت يتعدل حاله واكلم ماما

[somia]

ههههههههههههههههههههههه لوكة ايه اللي كاتباه ده انا مش فاهمه منه غير صابرة؟؟؟

[dr.princess]

انتوا هنا من ورايا

دى اغنية ياسمية بس انا بحبها اوى بصراحة هههههههههههههه

[dr.princess]

ملك هو النت عند مامتك لسه قاطع لغاية دلوقتى ؟؟

[MALAK2010]

لا النت عندى انا وحش علشان البلد دى الله يسامحهم

[MALAK2010]

http://forum.hwaml.com/imgcache2/hwaml.com_1297707137_371.gif

[dr.princess]

لو عندك انتى النت وحش كلميها على الاسكاى بى مش بيحتاج نت قوى

[dr.princess]

ملك انتى لسه هنا ولا خرجتى
عايزاكى تقترحى عليا حاجة اطبخها بكرة لانى المفروض اطبخ من بالليل ومش عارفة اطبخ ايه

[توتة السيد]

حد موجود ولا كالعادة طناش

[dr.princess]

انا هناااا
وبعدين تعالى يابت يا ام نوران انتى بتغيظينى وحياتك لقول لامى اهىء اهىء اهىء

[توتة السيد]

هههههههههههههههههه

هلا هلا يالولو عاملة ايه

[توتة السيد]

بغيظك علشان السمسمية والحمصية اللي تجنن

[dr.princess]

لالالالالالا انا مش بحب السمسمية ابدا
انا بحب الفولية موووووووووت وكمان الحمصية بس مفيش هنا للاسف وكمان اللثة وارمة بقالها كام يوم يعنى بايظة من الناحيتين ههههههههههههههههه

[توتة السيد]

ههههههههههههههه
لا انا هنا متنغنغة بقي فوليه وحمصية ايه حكاية ههههههههههههه بغيظك برضه

كل سنة وانتي طية ياللو وزي الايام دي يكون عتريس بيلعب ويطالب بحقه في الفوليه

[توتة السيد]

مافيش اخبار عن دودي يالولو مابتدخلش خالص

[dr.princess]

ايه الغيظة دى والله بجد نفسى راحتلهم اجيبهم منين دلوقتى يعنى احلى الراجل يخطف رجله لمصر يجيب ويرجع ههههههههههههههههههههه
لا والله دودى وكمان امل واحشنى اوى ومفيش اى اخبار

[توتة السيد]

هههههههههههههه

ياله خليه يخطف رجله يجبلك ويجي انا قريت ان عيد ميلادك قرب اهي تبقي هدية لعيد ميلادك ومتكلفة اهي مشوار اخر الدنيا هههههههههههههه

ربنا يطمنا عليهم يارب

[توتة السيد]

انت مشيتي يالولو ولا ايه

[dr.princess]

انا معاكى
اه فكرة برده بس هدية بهدية بقى مانخليها دهب احسن انا بحب الخواتم اد عينيا ههههههههههههههههه بدل مايروح يجيب حلاوة المولد

[توتة السيد]

هههههههههههههههههه

راسمة علي كبير انتي بقي

[dr.princess]

امال ايه يابنتى احنا بنهزر ولا ايه هههههههههههههههههههههه

قريب خالص بيقولى ننزل نجيبلك عباية قلتله لا خليها بعد الولادة علشان المقاس وكده وقعد يقولى لا لازم تجيبى وكلام من ده فقلتله بعد الولادة ان شاء الله هجيب وهخرب بيتك هههههههههههههههههههههههه اصل يفكر انى على طول هقوله مش عاوزة ههههههههههههههههه

[dr.princess]

ياختى عسسسسسسسسسسسسسسل ياختى
ماشاء الله تبارك الله يارب احفظها ياااااااااارب
اللهم صلى وسلم وزد وبارك على خير البرية سيدنا محمد

ربنا يحميها ياتوتة ماشاء الله زى العسل

[توتة السيد]

ياستير ارحمي الراجل شوية بيقولك هيجبلك حاجة

وانتي عايزة حاجات ياعيني ياولدي ههههههههههههههههه

[توتة السيد]

ياختى عسسسسسسسسسسسسسسل ياختى
ماشاء الله تبارك الله يارب احفظها ياااااااااارب
اللهم صلى وسلم وزد وبارك على خير البرية سيدنا محمد

ربنا يحميها ياتوتة ماشاء الله زى العسل


تسلمي حبيبتي ربنا يخليك يارب وتفرحي بشوفة الكتكوت بالف خير

اللهم صلي وسلم وبارك عليه

[dr.princess]

انتى عارفة ياتوتة انا اكتر حاجة شاغلة بالى شكله هيبقى عامل ازاى مش متخيلة اى حاجة وحاسة انى هبقى مستغرباه
انتى كان احساسك ايه اول مرة شفتيها بالذات على شكلها ؟؟

[توتة السيد]

بس المناخير دي دخيلة علينا انا وابوها مناخيرنا صغيرة اكيد لقطت من واحد من العيلة

هههههههههههههههههههههه

[dr.princess]

هههههههههههههههههه حلوة
استنى بس لما تتخن شوية ومش هتبان كبيرة ولا حاجة مع انى شايفة انها مش كبيرة ابدا

[توتة السيد]

انتى عارفة ياتوتة انا اكتر حاجة شاغلة بالى شكله هيبقى عامل ازاى مش متخيلة اى حاجة وحاسة انى هبقى مستغرباه
انتى كان احساسك ايه اول مرة شفتيها بالذات على شكلها ؟؟


انا كنت زيك كده اقعد واقول ياتري شكلها هيكون ايه

احساس جميل وغريب في نفس الوقت كنت سعيده جدا بس كنت مش عارفة كده كاني

مخبوطه علي دماغي كنت مستغربها طبعا في الاول

[dr.princess]

ههههههههههههههه اهو انا حاسة انى هبقى زيك كده ربنا يستر ساعتها

[توتة السيد]

هههههههههههههههههه حلوة
استنى بس لما تتخن شوية ومش هتبان كبيرة ولا حاجة مع انى شايفة انها مش كبيرة ابدا


رائيك كده يعني يامسهل

[توتة السيد]

ههههههههههههههه اهو انا حاسة انى هبقى زيك كده ربنا يستر ساعتها


ان شاء الله يسترها وتقومي بالف سلامة انتي والكتكوت ويطلع قمور

[توتة السيد]

اقولك تصبحي علي خير الحق اخطفلي ساعة قبل ماتبدأ وصلة نوران وتسهرني جمبها

[dr.princess]

ماشى ياتوتة وانتى من اهله وحافظى على نوران من البرد ربنا يخليهالك

[gogo]

انا هنااااا
تصبحى على خير ياتوته
ازيك يالولو انا هسافر يوم الاربع

[dr.princess]

ازيك ياجوجو
خلا قررتوا توصلوا بالسلامة ان شاء الله
طيب جهزتى نفسك ولا لسه ؟؟؟

[gogo]

لسه يالولو انا عارفه انى هسافر بس امارح باليل جوزى كان هيسافر الاول لوحده بس لقى فرصه يجبنى معاه

[dr.princess]

طيب حتى على الاقل طلعى الشنط وشوفى هتاخدى ايه وهتسيبى ايه علشان متتلبخيش فجأة وتلاقى معدش وقت
وشوفى لو مامتك هتعملك اكل او حاجة تبدأ تجهزهالك

[gogo]

انا هوضب الشنط بكره ان شاء الله وربنا يسهل
هرجع تانى بقى اسهر باليل معاكم
انتى صحيح رجعتى فتره مساءيه
وعرفتى نوع النونو ولا لسه

[dr.princess]

انا اه دلوقتى فترة مسائية بس خلاص هتخلص اخر الاسبوع ده ان شاء الله

[dr.princess]

اه الحمدلله عرفت محمد ان شاء الله

[gogo]

ماشاء الله ربنا يحفظه
هتبدءى ف الصبح وانا رايحه امسك الورديه

[dr.princess]

يااااااااارب اللهم امين
معلشى مانتى عارفة انا مش بطول اسبوعين ورجعالك تانى ان شاء الله

[gogo]

ماشى عقبال ما انا انتظم بردوا تكونى جيتى انا خدت على النوم بدرى

[dr.princess]

والله احسن حاجة الانتظام فى النوم احسن من اللخبطة اللى انا فيها دى

[somia]

السلام عليكم ورحمة الله وبركاته..
حد هنااااااااااااااااااااااااا..؟؟؟

[dr.princess]

نحن هنااااااااا

[somia]

ازيك يا لولو عاملة ايه النهاردة؟؟؟

[somia]

كده تخونوني وتشوفي صورة نوران من غيري ..اهئ اهئ اهئ بس لما اشوفك يا توتة هاخدها منك ساعتين

[dr.princess]

انا الحمدلله تماااااام بطنى الحمدلله بدأت ترتاح اصل كانت بتوجعنى من الصبح ورجعت مش عارفة فيه ايه

[dr.princess]

اه شفتها دى بقى مكافأة السهر هههههههههههههه
بس ماشاء الله زى العسل ربنا يباركلهم فيها

[somia]

ألف لا بأس طهورا ان شاء الله عليكي..
انتي الوقتي أحسن الحمد لله؟؟

[somia]

ربنا يباركلها فيها يا رب وتدخل تاني عشان الواحد شوفها هوه كمان .. وعقبال ما نشوف الباشموهندس محمد باذن الله تعالى

[dr.princess]

اه الحمدلله رب العالمين احسن دلوقتى

[somia]

بقولك صحيح قررتوا هتعملوا ايه في موضوع مامتك ولا لسة برضه؟؟؟

[dr.princess]

يااااااااااارب اللهم امين
ويللا بقى عايزين نتأكد نونتك بنت ولا ولد علشان الواحد يتكلم بقلب جامد

[somia]

ان شاء الله ربنا هيكرمني وهتبقى عائشة ..

[dr.princess]

لا والله لسه مش أكيد بس انا كلمته وقلتله انى مش هقدر ابقى لوحدى وانى زعلت لما قال كده قالى انا بس كنت بتناقش معاكى بس برده حاسه انه بقى مش مبسوط من الفكرة والمشكله انه بيكره الاسئلة الكتير فمعرفتش استفسر اوى فقلت كل كام يوم كده ابقى اكلمه

[somia]

ربنا يفك كربك يا رب وتعرفي تجيبي والدتك يا رب عشان تراعيكي في الفترة دي

[dr.princess]

ربنا هيكتب الخير ان شاء الله

[somia]

عارفة يا لولو لسة قارية موضوع النهاردة عن اثار التعب النفسي للحامل على البيبي وبجد مرعوبة قوي لان فترة الحمل عندي لغاية دلوقتي كل يوم مشكلة غريبة الشكل والاطوار خايفة قوي انه يأثر على البيبي لا قدر الله

[dr.princess]

جوجو كانت موجودة من شوية مش عارفة راحت فين

[somia]

تلاقيها انشغلت بحاجة .. ربنا يعينها على موضوع السفر ده .. الواحد بيشيل همه بطريقة ما يعلم بيها الا ربنا

[dr.princess]

لا يابنتى كل حاجة فى ايد ربنا ماتقلقيش يعنى عايزة تقنعينى ان كل الحوامل مبسوطين ومزاجهم فل لا طبعا وماشاء مبيبقاش فى حاجة فى ولادهم
بس انتى شيلى من دماغك التفكير ده لانك انتى اللى هتتعبى

[dr.princess]

السفر بهدلة فعلا ربنا يعينها ويكتبلهم الخير فى البلد دى

[somia]

والله يا بنتي الواحد سايبها على ربنا بس خايفة فعلا ابقى غلطانة في حق النونة بس الواحد فعلا مابيبقاش في ايديه حاجة خالص .. يلا ربنا يسترها معانا ويعديهالنا على خير..
بقولك صحيح انتي الحقنة التانية هتاخديها امتى ؟؟؟

[dr.princess]

ان شاء الله ميبقاش فيه حاجة ماتقلقيش

انا اخدت الحقنة من اسبوعين تقريبا وهى قالتلى بعد شهر تاخدى الحقنة التانية فان شاء الله اروح كمان اسبوعين اخدها

[somia]

يعني زي عندنا قالتلي بعد شهر تعالى مع اني كنت سمعت انها بتتاخد الخامس والسابع يعني فرق شهرين مش شهر واحد

[dr.princess]

لالا الدكتورة قالتى الفرق شهر وكمان محدتتش وقت يعنى هى قالت فى اى وقت من اول الخامس مش لازم شهر معين يعنى

[somia]

ما انا برضه الدكتورة قالتلي كده اما سألتها بس قالتلي الحقنة الأولى اما في الخامس او في أول السادس

[somia]

لولو معلشي هاضطر أسيبكم أنا لحسن أنا خلاص بنام مع اني لسة واكلة يعني لو نمت هاصحى الصبح بصوت من بطني الا انه على رأي المثل النوم سلطان..
لو توتة أو رنا دخلوا قوليلهم يسلمولي على الكتاكيت

[dr.princess]

لالا مش شرط انا واخداها اخر السادس

[somia]

السلام عليكم ورحمة الله وبركاته

[dr.princess]

حاضر لو دخلوا هقولهم
تصبحى على خير ياسمسمة

[somia]

وانتي من أهله يا لولو

[MALAK2010]

ااااااااااااااااااااااااه
ضهرى بيوجعنى اوووووووووووى

[ايوشه]

السلام عليكم ازيكم يابنات عاملين ايه وحشتونى قوى قوى قوى بس معلش الظروف بقه بكره تشوفو النهار ليل واليل نهار الف سلامه عليكى يالوكه هانت اهو بقيتى فى الكام وانتى يالولو اخبارك ايه ومامتك هتجيلك امته وسميه عامله ايه ياجميل وعرفتى بنوته ولا ولد وام لوجى عامله ايه واخبار الحلوه لوجى وام موكشه عامله ايه ودودى جارتى العزيزه ولدتى ياجميل ولا لسه وتوته نوران عامله معاكى ايه وحشتوووووووووووووووووووووووونى

[somia]

السلام عليكم ..

[MALAK2010]

اللهم صلى على محمد وعلى ال محمد كما صليت على ابراهيم وعلى ال ابراهيم انك حميد مجيد
وبارك على محمد وعلى ال محمد كما باركت على ابراهيم وعلى ال ابراهيم انك حميد مجيد

[dr.princess]

كل سنة وانتم طيبين يا بناااااااااااات

[dr.princess]

ملك الف سلامة عليكى من الوجع
ياااااااريت لو قدرتى ابقى ادخلى بالليل علشان تطمنينى عليكى

[dr.princess]

ايه وانتى كمان وحشتينا اووووووى
انا لسه فى السابع ماما ان شاء الله هتيجى فى نص او اخر التاسع ربنا يسهل
لو بتبقى صاحية بالليل ابقى ادخلى نتكلم شوية انا الايام دى موجودة بالليل

[نولارا]

فى حد هنا ولالالالالالالالالالالالالالالالالالالالالالالالا

[نولارا]

اين انتم ياقووووووووووووووووووووووووووووم

[dr.princess]

نحن هناااااااااااا

[نولارا]

tفينك من بدرى يالولو

[dr.princess]

انا موجوودة بس زهقااااااااااااانة

[نولارا]

روحتى فين تانى ياام محمد

[dr.princess]

هههههههههههههه ام محمد فكرتينى بماما الناس بتقولها كده
ولا اختى ياعينى لسه مبقتش 30 سنة والناس بتقولها يا ام ابراهيم وهى بيركبها العصبى لما بتسمع الكلمة دى هههههههههههههه

[نولارا]

انا اول مره خرجت بعد ولاده احمد
الناس تقولى ازيك ياام احمد وانا اضحك وما اردش عليهم
كنتى فين جوزى على وصول
معلش يالولو عايزه طريقه البيتى فور
استغلال بقى هههههههههههه

[نولارا]

معلش ماخدتش بالى انتى زهقانه ليه يالولو

[نولارا]

تاخدى موكشه يسليكى شويه هههههههههه

[dr.princess]

ربنا يخليلك احمد يارب

دى طريقة البتيفور اللى صاحبتى قالتلى عليه :
1 كوب سكر بودرة
3 كوب دقيق طبعا منخول
كوب وربع زبدة تكونى مطلعاها من الثلاجة قبلها بوقت
معلقة صغيرة بيكنج بودر
ربع معلقة فانيليا
2 صفار بيضة
بيضة كاملة

تحطى الزبدة والسكر وتضربيهم لحد مايبقوا طريين خالص
وبعدين البيض والفانيليا وتضربى كويس
وبعدين البيكنج بودر والدقيق متحطيش كله حطى مثلا كوبايتين ونص وشوفى العجينة لو حسيتيها محتاجة تانى زودى
نعجن كله ع بعضه كويس وتحطيها فى الماكينة وعلى درجة 180 بتاخد تقريبا 10 دقايق

شوية ملحوظات
العجينة النهائية مبتبقاش ملزقة يعنى لما تمسكيها بايديكى متلزقش فيها
الصينية ندهنا بالزبدة ونرص عليها البتيفور ندخلها الفرن لمدة 7 دقايق تقريبا مش بنفتح عليها وبعدها نفتح الفرن ونفتح الشواية يادوب تاخد لون من فوق بس خدى بالك لانها حساسة اوى
مجرد مابتلقيها لونت من تحت بتشيليها وابدا ماتشيليهاش من الصينية لانها بتبقى طرية خالص وهتتهرى منك سيبيها لما تبرد خالص
علشان تلزقى بتيفورتين بمربى دوبى شوية مربى فى شوية مية صغيرين وحطيهم على النار شوية صغيريييييين وتدهنى بتيفوراية بشوية مربى صغيرين والزقى التانية عليها
وبالهنا والشفا

[dr.princess]

ههههههههههههههه هاتيه
طيب انتى عارفة انى كمان كنت مستنياكى علشان اسئلك على التورتة بتاعتك ماشاء الله حلوة اوى
دماغنا كلها استغلالالالالالالالالالالال ههههههههههههههههههه

[نولارا]

شكرا يالولو على الطريقه
اسكتىعملت فى احمد حته عمله
شعره كان ابتدى يدخل فى عينيه فقصيته ومش متساوى خالص
قلت ياريتنى كنت سيبته وسرحته على جنب وخلاص

[dr.princess]

طبعا كل ده بمضرب البيض ولو مش عندك تبقى محتاجة عجن كويس اوى اوى وخدى وقتك على الاخر

معايا كمان طريقة منال العالم كانت عاملاه من كام اسبوع وكتبته وراها لو عايزاها اكتبهالك

[نولارا]

جوزى جه معلش يالولو بكره ان شاء الله اكتبلكالطريقه على رواقه وهبعتلك رقم الصفحه على الخاص
معلش بقى تصبحى على خير ولو انى عارفه ان سهرتك لسه هتبتدى ههههههههه

[dr.princess]

اختى جايبة ماكينة حلاقة من زمان وبتحلق لولادها بيها
انتى ممكن تخلى باباه ياخده لحلاق يظبطله شعره

[dr.princess]

ههههههههههههه طبعا لسه 5 ساعات
ولايهمك يا نورا تصبحى على خير
ان شاء الله تعمليه ويطلع احلى بتيفور وهستنى طريقة التورتة بتاعتك

[زهــــور]

تكفون شاركوني همي والله نفسيتي زفت

http://forum.hwaml.com/t45220.html

[somia]

السلام عليكم ورحمة الله وبركاته...
لوكة انتي فيييييييييييييين

[somia]

يا جماعة انتوا فيييييييييييييييييييييييييييين؟؟؟
لوكة يا رب تكوني أحسن النهاردة ويكون ظهرك خف وتعرفي تتدخلي تطمنينا عليكي

[نولارا]

لولو ادى طريقه التورته
المقادير دى لصينيه كبيره مقاس 30
-12بيضه
-375جم سكر بودره
-450جم دقيق
-معلقه كبيره محسن كيك
-معلقه كبيره نشا
-معلقه خل كبيره
-4اكياس فانيليا

الطريقه
-نشغل الفرن على 180 درجه
-نفصل الصفار لوحده والبياض لوحده ويفضل انك تطلعى البيض قبلها بشويه من التلاجه
-نجيب الصفار الاول +2كيس فانيليا +نص كميه السكر ونضربهم بالمضرب لمده دقيقه
-بعدين نضيف عليهم علقه محسن الكيك +6معالق ماء (الميه نص عدد البيض )
نضرب لحد ما يتقل الصفار ويعمل منقار لما نرفع المضرب

-نجيب البياض +2كيس فانيليا +معلقه الخل +نص كميه السكر الباقيه ونضرب بالمضرب حوالى 5 دقايق لحد ما يعمل علامه المنقار
-نجيب الدقيق المنخول عليه معلقه النشا ونضيفه معلقه معلقه للصفار ونقلب بمعلقه خشبيه من فوق لتحت
-لما الخليط يتقل اضيف معلقه من البياض ومعلقه دقيق لحد ما نخلص
-ندهن الصينيه بالسمنه والدقيق ونصب فيها الكيكه ونحطها فى الفرن على الرف الاوسط وما نفتحش عليها قبل ما تعدى 40 دقيقه
-خلصت الاربعين دقيقه نخرجها ونختبرها بعود خشب لو طلع فيه عجين ندخلها كمان د قيقتين
-لما تبرد نقلبها على صينيه شاى كبيره ونقطعها دورين او تلاته زى ما تحبى
-وتسقيها شربات بسيط او جيلى
-وتحشيها كريمه او زى ما تحبى
-وزوقيها بقى كريمه وشوكولاته وفواكه
وبالهنا والشفا يااااااااااااااارب تعجبك

[somia]

نورا انتي لسة هنا؟؟؟

[somia]

إيه يا جماعة انتوا فين ..
ملك قلقتيني عليكي والله يا رب تكوني كويسة وصحتك تبقى تمام اول ما تدخلي طمنينا عليكي الله يخليكي

[توتة السيد]

ملك الف سلامة عليكي ياجميل

ربنا يطمنا عليكي

نورا انا زعلانة منك خالص ياام موكشة كده ماتسأليش عليا خالص وحتي كلمة حمد لله علي السلامة ماتقوليهاليش اهئ زعلانة زعلانة ماتحوليش

[توتة السيد]

سومة ازيك ياقمر عاملة ايه والنونة عاملة ايه

[dr.princess]

نورا تسلم ايدك
مع انى مستغربة اوى موضوع المية والخل
لما تدخلى تانى استفسر منك
وبعدين ايه ياعم الشيف موضوع الجرامات ده خلى البساط احمدى ههههههههههههههههه نجيبلك ميزان احنا منين الراجل لسه مقبضش حاجة تقهر متفكرنيش بقى

[dr.princess]

ازيك يا توتة اخبارك ايه انتى و نوران ؟؟؟

[somia]

ازيك يا توتة وازيك يا لولو اخيرا حد دخل .. حسيت بيكي قوي اما بتبقي في السهره لوحدك يا لولو ..
توتة قبل ما تمشي انا عايزة اشوف صورة نورااااااااااااااااااااااااااااان .. مليش دعوة بقى ..هههههههههههههههه

[somia]

يا جماعة ممكن تدخلوا الموضوع ده وتشاركوني اختياراتكم .. بس توتة حطي الصورة الاول وبعدين شوفي الموضوع ..هههههههههههههههههههههه

http://forum.hwaml.com/t45297.html

[dr.princess]

شفتى بقى ياسومة ده انا بيجيلى اكتئااااااااااااااااااااااااااب

[somia]

اكتئاب بس دا انا كنت هاسيب الجهاز واناااااااااااااااااااااااام ..
ثواني هصلي المغرب وأرجعلك تاني

[dr.princess]

انا عن نفسى بموووووووت فى نشيد اشرف يوسف حمادة ليا زكريات كتيرة مع هيما ابن اختى والنشيد ده الاتنين مرتبطين ببعض عندى
على العموم هحمل الباقى واسمعه لانى من يوم ماسافرت وسبت ابن اختى وانا مش بشوف خالص طيور الجنة

[somia]

أنا جيييييييييييت

[MALAK2010]

ازيكم يا بنات وحشتووووووووووووووووونى اوووووووووووى

[somia]

لوووووووووووووووووووكة وحشتينييييييييييييييييي.. طمنيني عليكي .. مدخلتيش امبارح تاني ولا النهارده الصبح ليه .. ظهرك عامل ايه الوقتي؟؟؟

[MALAK2010]

ايه الوصفات الحلوة دى اغيب شويه الاقى ريحه الحلويات مغرقه الدنيا ههههههههههه
بس مش كتير 12 بيضة هههههه وفعلا يستاهلوا 4 اكياس فانيليا يادوبك على ما يشيل الريحه
بس مفيش بيكنج بودر ليه هو المحسن بيحل محله ؟؟؟؟

[MALAK2010]

سمسم:الحمد لله بقيت احسن بس مش عارفه كل شويه بيوجعنى ليه ربنا يعينا
وانتى اخبارك اية واخبار النونة معاكى ايه

[MALAK2010]

تسلمولى على سؤالكم عليا ربنا يخليكم ليا

[MALAK2010]

لولو و توتة خرجوا ولا اية
كنت عاوزة اكلمهم قبل ما جوزى يرجع من الصلاة

[somia]

الحمد لله تمام والنونو بتسلم عليكي وعلى النونة الصغننة بتاعتك

[dr.princess]

ازيك يا ملك حمدالله على السلامة
انا فعلا خدت بالى ان مفيش بيكنج بودر بس قلت جايز الكيكة الاسفنجية مش بيتحطلها

[somia]

مش عارفة والله يا لوكة توتة اول ما دخلت مالقيتهاش ولولو مش عارفة راحت فين

[MALAK2010]

بتهيالى مش محتاجه بيكنج بودر هى واخدة حقن هوا من 12 بيضة ههههههه
انا بصراحه ماعملتش الكيكه الاسفنجيه قبل كدة لانها بتاخد بيض كتيرر خسارة هههههههههه وانا عارفه النتيجه فى الاخر اهئ اهئ اوفر البيض لحاجه تانيه ههههههههههههههه

[MALAK2010]

مش انا طلعت صور فرحى امبارح وقعدت اتفرج على المانيكان اللى كان هههههههههههههه

[dr.princess]

هههههههههههههههه حلوة ياملك
انا والله برده خايفة اعملها لانى والحمدلله بقالى 3 مرات الكيك بيبوظ منى

[dr.princess]

هههههههههههههههه انا كمان لسه عاملة الحركة دى من كام يوم ياملك

[somia]

هههههههههههههههههههههه حلوة مانيكان دي يا لوكة ... بس فعلا الواحد شكله بقى صعب قوي الوقتي يا رب نرجع احسن مما كنا بعد الولاده

[MALAK2010]

انا كنت غصن بان ههههههههههه الوقتى بقيت الشجرة كلها هههههههههههه

[dr.princess]

ههههههههههههههههههه حلوة ياملك

[somia]

ههههههههههههههههه حلوة الشجرة كلها دي ههههههههههههههههه

[MALAK2010]

معلش يا بنات انا هخرج الوقتى لان جوزى جه بس هحاول ادخل كمان شوية سلام مؤقت

[dr.princess]

خلاص ماشى ياملك هنستناكى

[somia]

ربنا يعينك يا لوكة ومستنيينك

[somia]

لولو صحيح انتوا المفروض هتنزلوا مصر امتى يعني اجازة زوجك السنوية امتى؟؟؟

[somia]

لولو انتي فيييييييييييييييين.؟؟؟

[dr.princess]

جوزى ياسمية مالوش اجازة سنوية اجازته كل سنتين فممكن ننزل كمان سنة كده باذن الله
بعيد عندك عقده زى الزفت يعنى تخيلى النهاردة 16 ولسه مقبضش

[somia]

ليه كل ده هوه القبض بتاعه بينزل امتى ؟؟؟

[dr.princess]

هو فى العادى بيقبض على يوم 10 بس مش عارفة فى ايه الشهر ده
يعنى الراجل بصراحة منقى احسن شهر علشان يأخر المرتب حسبى الله ونعم الوكيل

[somia]

ربنا يهديهولكم ويقبضوا بقى دا الواحد بيحتاس قوي بيبقى مأجل كل حاجة عشان القبض .. ثواني هاصلي العشا واجي

[dr.princess]

كلنا كده مانتى عارفة
المشكلة اننا لسه دافعين الايجار بتاع ال 6 شهور الجايين فالحالة متنيلة على الاخر ربنا يسترنا من عنده

تقبل الله مستنياكى

[somia]

انا جييييييييييييييييييييت

[dr.princess]

ياهلا ياهلا

[somia]

بقولك صحيح انتوا ليه بتدفعوا الايجار بالست شهور ليه مش كل شهر لوحده؟؟؟

[dr.princess]

هو نظام البلد هنا كده حتى فى ناس بتدفع بالسنة مش بال 6 شهور

[somia]

أهه ربنا يوفقك ان شاء الله..
صحيح انا صورتلكم الكوفرته واللفة وهحاول انزلهالك الوقتي بس دعواتك عشان الجهاز يبقى كويس وينزلها

[dr.princess]

يااااااارب اللهم امين
يارب الجهاز يظبط عندك ويللا مستنية اشوف الفرق الرهيب اللى بينهم هههههههههههههههههه

[somia]

طبعا كل محاولاتي بائت بالفشل الذريع ...ااااااااااااااااااه الاب ده تعبلي اعصابي بجد

[somia]

لولو معلشي كان نفسي اوريهملك بس الجهاز ده مبيراعيش شعوري

[dr.princess]

هههههههههههه يللا قدر الله وماشاء فعل
ان شاء الله لما يتظبط ابقى حطيهم

[نولارا]

توته ياتوته انا اقدر على زعلك ياقمر
الف حمد الله على السلامه والله قريت قصه ولادتك بس يوميها كان فى مشكله فى الكيبورد معرفتش اكتب رد
ولسه ساله عليكى ملك حتى قولتلها السيكو سيكو جاب نتيجه مع توته وولدت قالتلى كده عيب وبعدين انا مالى اساليها انتى هههههههههههههههه
انا عاوزه اشوف صوره نوران القمر بقى مستنياكى

[dr.princess]

نورا شكرا على طريقة التورتة
بس انا مستغربة اوى ان فيها مية وخل ومفيش بيكنج بودر
وملك كمان قالت ان كتييير اوى 12 بيضة
وصحيح احنا نعرف الجرامات دى ازاى يا حاجة هههههههههههههه
يللا جاوبى على الاسئلة هههههههههههه

[نولارا]

لولو بالنسبه للخل والميه انا اخدت الوصفه كده من فتكات ووالله طلعت حلوه خاااااااااالص
عملتها الاسبوع اللى فات كمان انا واختى ومرات اخويا وكانوا مستغربين برضه من الخل وان مفيش بيكنج بودروفضلوا عاملين لى قلق لحد ما طلعت من الفرن وشافوها ههههههه
بالنسبه للجرامات انا عندى ميزانه 5 كيلو
هبقى اوزن تانى واقولك كام كوبايه ياقمر

[somia]

شفتي يا نورا خانونا وشافوا الصورة من غيرنا ..
لولو باذن الله هانزلها اول ما اعرف..
نورا الاستاذ احمد عامل معاكي ايه الوقتي ..
صحيح يا لولو عملتي ايه في زرار الكي بورد المخلوع؟؟؟

[نولارا]

البيض كتير ايه دى اللى كاتبه الوصفه كانت كاتباها لصينيه 24 اصغر صينيه
ب8 بيضات يعنى انا كده عملت تخفيض خالص

[dr.princess]

خلاص ماشى يانورا مادام عملتيها ومطمنة لنتيجتها
بس المشكلة ان الصينية اللى عندى اضغر تقريبا 28 او 26 والله مانا عارفة
بس عايزة اعرف الكريم شانتية اللى هو دريم ويب علبة كده فيها 4 باكو ولا بتجيبى السائل ولا ايه ؟؟

[somia]

يا جماعة افتحوا الرابط ده وشوفوه
http://www.youtube.com/watch?v=TKG2syy2h8M

[dr.princess]

زرار الكيبورد جوزى لما رجع يومها عرف يركبه
بس بعدها بيومين طلع كل الزرار من جوه كل قلبه طلع حتة كمان طلعت زيادة عن المرة الاولانية فمش عارفة هنعمل فيه ايه مفيش فلوس دلوقتى بس هو بيكتب باللمس كده

[dr.princess]

يعنى دول كمان بعد التخفيض
طيب البيض من اللى هو كبير ولا صغير

[somia]

والله يا نورا شكلي كده هاجرب اعملها انا التانية بس انتي محتاجالك كرتوتة بيض ..هههههههههههههه

[somia]

يا جماعة هشامم الجخ تأهل وفاز على كل المتسابقين

[somia]

ربنا يسهلها وتعرفوا تركبوه تاني ان شاء الله

[dr.princess]

ربنا يسهل ان شاء الله

هشام الجخ كان جاى قبل المظاهرات فى 48 ساعة المفروض يبطلوا يذيعوا البرنامج ده المذيعين بتوعوا محتاجين يتولع فيهم

[somia]

ده جاي الوقتي على ابو ظبي عايزة اقولك انا اول مرة اشوف البرنامج ده بس بجد اشعاره كلها تحفة

[dr.princess]

انا عارفة انه بيجى على ابوظبى بس مش بشوفه

[dr.princess]

نورا انتى رحتى فييييييين ؟

[somia]

انا اول مرة اعرف وبجد اشعاره رائعة

[نولارا]

اا هنا يالولو جوزى رجع وكنا بنتغدا وبعدين طلع لاخوه قولت فرصه ارغى معاكم لحد ما يرجع هههههههههههههه

[dr.princess]

بالهنا والشفا يا نورا
ايوه كده استغلى اى وقت وتعالى هنا

[نولارا]

انا بجيب كريمه من عند العطار سايبه يالولو
التمن كيلو بيكفى التورتايه
بحط عليها معلقتين سكر وكوبايه ميه متلجه واضربها كويس

[نولارا]

هشام فاز طب كويس والله
انا جوزى بينزل اشعاره من على النت
ما شاء الله عليه
التاشيره وجحا والجدول و3 خرفان واخر ما حرف فى التوراه
كلهم اجمل من بعض

[dr.princess]

انا شفت هنا السائل فى علب والباكوات بس مش عارفة من البكوات ده كام باكو يكفى التورتة بس ملك قبل كده قالتلى انها بتحط على البودرة ده سكر ولبن بتهيألى هيبقى اطعم من انه يبقى بمية او جايز علشان هو سائل يبقى محطوط فيه لبن مش عارفة

[نولارا]

مش عارفه والله يالولو بس مش هتفرق كتير اعمليه بلبن متلج ماشى

[somia]

اللاب ده تعبلي اعصابي حتى الصفحة بحدث فيها مش راضي يفتحها غير بشق الانفس

[somia]

يا جماعة حد يشور عليا اكل ايه لحسن هموت من الجوع وزوجي لسة مش هايجي الوقتي

[dr.princess]

معلشى يانورا على الاسئلة الكتيرة اصلى عايزة اعمل تورتاية بس كمان شهر وشوية كده فى عيد جوازى فبستعد من قبلها بقى

[somia]

يا جماعة انا لسة قارية النكتة ده على فتكات ايه رايكوا فيها..

مره حسنى مبارك راح مدرسه ابتدائى فلما جت فتره الاسئله ولد رفع ايدهمبارك ساله اسمك ايه فقاله رامى فقاله ايه سؤالك يا رامى ؟رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكينكل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟

[dr.princess]

سمية كلى اى حاجة خفيفة علشان لما يجى تعرفى تاكلى معاه يعنى مثلا جبن او مربى اى حاجة

[dr.princess]

هههههههههههههههههههههه حلوة ياسمية

[MALAK2010]

انا جييييييييييييييييييييت

[somia]

مع اني مبحبش المربى ولا عمري دخلتها البيت عندي الا انك فتحتي نفسي عليها الجبنة انا خلاااااااااااااااص لو عصرتيني هشر جبنة بالطماطم وبطاطس محمرة شكلي كده هاكل مشبك .. تاكلي حتة؟؟؟

[somia]

لوكة وحشتينا ,.. بقولك صحيح كان فيه مرهم الدكتورة قالتلي عليه لظهري تحبي تاخدي اسمه ولا اما تروحي دكتورتك تسأليها احسن .. صحيح هوه مش اخر الاسبوع جه .. انتي هتروحيلها امتى؟؟

[dr.princess]

ملك انتى بتيجى على السيرة ولا ايه ههههههههههههههههههه

[dr.princess]

سمية لالالالا مش بحب المشبك
والمربى جميلة والله بالذات التين

[dr.princess]

سمية كانت ماما بتجيب مربى حلوة اوى اسمها بست فى علبة صفيح فى منها كذا حجم

[somia]

فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم

[dr.princess]

سمية كانت ماما بتجيب مربى حلوة اوى اسمها بست فى علبة صفيح فى منها كذا حجم

[somia]

هحاول اجيب اصغر علبة فيها يعني .. من نفسي كده

[dr.princess]

ههههههههههههههه حلوة

[MALAK2010]

والله مكسله اروح للدكتورة ر بقول اروحلها مرة واحده قبل السفر وخلاص

[somia]

واحد اتحشر في زحمة المرور فلقى واحد بيخبطله على شباك السيارةفتح الشباك و سأله عايز ايهقاله : الرئيس حسنى مبارك خطفوه و الفدية 5$مليون دولارو لو الفدية ماتدفعتش .. الخاطفين هددوا يدلقواعليه بنزين و يولعوا فيهو احنا بنجمع تبرعات .. تحب تشارك ؟الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين

[somia]

يا بنتي بطلي كسل وبعدين روحيلها الوقتي واول ما باذن الله تعالى تنزلي مصر روحي لدكتورة كويسة هناك

[MALAK2010]

اقولكم على خبر
هناء السمرى والسيد بتوع المحور فصلوهم من البرنامج ولغوا البنامج

[dr.princess]

هههههههههههههههههههه ايه النكت دى ياسمية انتى مستقصدة الراجل ليه كده ههههههههههههههههههه

[dr.princess]

الله اكبر كنت لسه بقول لسمية من شوية المفروض يبطلوا يذيعوا البرنامج ده ويولعوا فى الاتنين

[MALAK2010]

سمسم :بلاش نكت من دى احنا كدة بناخد وزرة واحنا مش ناقصين ياخد حسنات على حسابنا

[somia]

انا كنت لسة هقولكم الخبر ده .. موضوع النكت اللي كنت بقراه اتقفل بس الحمد لله لحقت اقراه خلاص ..ههههههههههههههه

[MALAK2010]

بركاتك يا ست لولو هههههههههه

[MALAK2010]

بقولكم انا حاسه بحاجه غريبة
بطنى من تحت بدا يظهر فيها خطوط حمرا وماعتدش لاحقه وحاسه انها بتخلينى اهرشها دة عادى

كمان هرش ياااااااااااااارب قوينى اهئ اهئ

[somia]

عارفة فعلا المفروض كانت ميبقاش فيها اسامي ..سبحانك اللهم وبحمدك نشهد ان لا الاه الاانت نسغفرك ونتوب اليك

[dr.princess]

ملك هههههههههههههههههه طبعا يابنتى

[somia]

عادييييييييييييييييييييي يا لوكة انا بقيت بهرش في كل جسمي مش بس بطني زوجي بيقولي ابعدي عني كده هتعديني ...هههههههههههههههههههههه

[dr.princess]

ملك عااااادى واحدة صاحبتى بتقولى انها طول الحمل كان عندها هرش فى جسمها كله لدرجة انها كانت بتتعور
انتى بس ادهنى اى كريم مرطب فى Dove body silk بالخيار والشاى الاخضر حلو اوى عندى بستعمله بقالى مدة تحسى انه بيسقع الجسم كده

[MALAK2010]

انا كنت قريت عن واحدة بتهرش برضة
فالظاهر لما عرفت انها عادى بدات اهرش زيادة ههههههههههه
وانا عندى عادة زفت لو هرشت فى حتة جسمى كله بيهرشنى
ااااااااااااااااف اية الجرب دة اهئ اهئ

[MALAK2010]

ربنا يصبرنا ويعينا على باقى المشوار

انا سمعت واحده مش عاوزة تاخد حقنة الضهر اللى بتخفف اللام الطلق وتقول علشان اخد الاجر استغربت اوى اية اللى دخل الاجر فى حاجه زى دى
وعجبنى واحده ردت عليها قالتلها خلاص بلاش تاخدى حقنة البنج بتاعت الخياطة علشان تكملى الاجر
سبحان الله غاوية تعب

[somia]

ههههههههههههههههه والله يا لوكة انا برضه اطمنت اما عرفت ن صحبتي انه عادي وايه بقى بقت كل حاجة تقولي الحمل وشي اتملا حبوب وجسمي نفس النظام قالتلي الحمل فيقيت اي حاجة اقول لزوجي ده بنتك انا مليش ذنب ..
عارفة يا لوكة امبارح ماشاء الله عليها اتدتني حتة بكس في عذرا منطقة المستقيم والله العظيم اتنفضت في مكاني حسيت ان انا عكيت الدنيا وفي الاخر طلعت الهانم كانت بتلعب عايزة اقولك قلبي وقع مني في الارض

[somia]

قريت الكلام ده برضه امبارح يا لوكة واذبهليت من التفكير الصراحة

[dr.princess]

هو ده الكريم اللى بقولك عليه حلو اوى بجد

[MALAK2010]

انا برضة كل مااقول لجوزى على حاجة تعبانى يقولى اعراض الحمل ههههههه

[dr.princess]

ايوه فعلا قرأت الكلام ده وقلت اصحاب العقول فى راحة
بس لو الدكتور مش شاطر لاقدر الله ممكن يحصل شلل

[MALAK2010]

انا عرفاة كنت بستعمل الابيض منه حلو اوى ماشاء الله
هجيبه ان شاء الله