مشاهدة النسخة كاملة : دردشة حوامل مصر - دردشة بنات مصر - تجمع حوامل مصر
dr.princess
10-05-2010, 04:06 PM
دودو والله هى فعلا اذواق انا مش بطيق الاسم ده خالص سبحان الله
لو عايزة اسم بنت جديد صاحبتى الانتيم فى مصر بنتها اسمها جودى عندها سنتين وشهرين دلوقتى ماشاء الله عليها زى العسل ربنا يباركلها فيها
نولارا
10-05-2010, 05:22 PM
برنسيس
الحبوب فى وشه للاسف
لوتعرفى اكشف عن جلديه ولا اطفال قوليلى
dr.princess
10-05-2010, 05:42 PM
نولارا
والله مش عارفه انتى أكيد عارفة لو كانت من السخونية او لا او حمونيل او لا
بس روحى لدكتور أطفال النهاردة خليه يشوف ايه الحبوب دى ولو شاف انه محتاج دكتور جلدية هيقولك
حبيت اقولك ان اخويا كان دايما عنده مشاكل فى معدته وكان لما بيتعب كانت اول حاجة تبان عليه حبوب زى حساسية كده بس كانت بتبقى فى بطنه قصدى ان فى أسباب كتير للحبوب
بس على كلامك قبل كده ابنك تقريبا 4 او 5 شهور فأكيد لسه مش بيأخد حاجة غير اللبن فأكيد مفيش عدوى اوحاجة زى كده او حساسية من الاكل مثلا
ابقى طمنينا عملتى ايه وربنا يشفيه ان شاء الله
somia
10-06-2010, 06:34 AM
أخواتي...
الحمد لله أخيرا اتحقق حلمي وصرت حاااااااااااامل..
توي للان ما مصدقة بس الحمد لله
برنسس عشان خاطري متنسيش تدعيلي يبقوا توأم..
مستنية تباركولي عشان أصدق..هههههههههههههه
dr.princess
10-06-2010, 07:15 AM
somia
الف مبرووووووووووووووووووووووك
ربنا يتمم حملك على خير
وان شاء الله أدعيلك يبقوا توأم ان شاء الله
dr.princess
10-06-2010, 07:19 AM
كنت عايزة أقولكم صباح الخير يا بنااات
بس هروح أنا دلوقتى بطنى واجعانى من بالليل
عملت مج نعناع محترم هشربه وادخل انام ولو قدرت هرجع تانى لما اصحى ان شاء الله
نولارا ابقى طمنينى أخبار أحمد ايه دلوقتى ؟؟؟
somia
10-06-2010, 07:20 AM
الله يبارك فيكي برنسس..انتي عارفة انتي 3واحدة في الوجود تقولي لان مفيش حد قالي غير زوجي واختي فهما بس اللي يعرفوا..
ممكن معلشي تعمليلي التوقيع بتاع البيبي اللي بيلف لحسن انا مش عارفة بيتعمل ازاي وشكله عاجبني قوي .. يمكن استوعب بيه اني حامل لاني لغاية دلوقتي مش مصدقة اني حامل
somia
10-06-2010, 07:24 AM
برنسس انا برضه لسه شاربة مج نعناع بس الالم فظهري بقى صعب جدا ودور البرد شادد قوي لدرجة اني زوجي جاي باذن الله من السفر النهارده ومش قادرة أقوم أعمل حتى حمام زيت بشعري ولا حتى النوم عارفة انام.. دعواتك معايا وناميلي شوية معاكي
MALAK2010
10-06-2010, 07:37 AM
http://forum.hwaml.com/imgcache2/hwaml.com_1286339842_809.jpg
الف الف مبروووووووووووووووووووووك انا حاسة بيكى انا برضة لسة عارفة انى حامل من كام يوم انا فرحانة لكى اووووووووووووى ويارب كل اللى نفسة فى اطفال ربنا يعطية
http://forum.hwaml.com/imgcache2/hwaml.com_1286339842_495.gif
ويااااااااارب يعطيكى ويعطينى تؤام معافى ويكمل فرحتنا يااااااااااااارب
MALAK2010
10-06-2010, 07:39 AM
http://forum.hwaml.com/imgcache2/hwaml.com_1286339999_598.gif
الف سلامة عليكى يا برنسيس انتى وسمية ربنا يشفيكم يا حبيبتى خدوا بالكم من نفسكم يا حواااااااااااااامل
somia
10-06-2010, 07:53 AM
ملاك..
الله يبارك فيكي..
بس كنت عايزة اعرف ازاي عملتي التوقيع بتاع البيبي عشان نفسي اعمل واحد زيه
dr.princess
10-06-2010, 08:16 AM
معرفتش أنام
ادعولى بطنى ترتاح شوية
somia
10-06-2010, 08:27 AM
ربنا يريحك يا رب وتخف بطنك وتعرفي تنامي
dr.princess
10-06-2010, 09:16 AM
ربنا يخليكى يا somia
وانا مبسوطة خالص انى ثالث حد يباركلك بالحمل
يارب يجعله حمل الخير عليكى ان شاء الله
somia
10-06-2010, 09:21 AM
برنسس..
الحمد لله.. بس دعواتك معايا يبقى حمل طبيعي ويكمل ويبقوا توأم ولد وبنت يا رب لاني وزوجي خايفين قوي يتكرر الحمل العنقودي
dr.princess
10-06-2010, 09:46 AM
سمية
ما تقلقيش ان شاء الله يكون حمل طبيعى ومفيش فيه مشاكل ان شاء الله
ومش مهم انه يبقى توأم أو ولد أو بنت المهم انه يبقى سليم معافى وربنا يرزقك اللى نفسك فيه
somia
10-06-2010, 09:54 AM
فعلا المهم انه يبقى حمل طبيعي وسليم معافى ومع ان التوأم متعب جدا الا اني سبحانه الله نفسي فيهم قوي
نولارا
10-06-2010, 03:18 PM
سميه
الف مبروك يا ربنا يتمم حملك على خير ياااااااارب انتى وكل الحوامل
برنسيس
اخباربطنك ايه دلوقت
احمد الحمد لله احسن النهارده
وبيحاول يقعد تاعبنى معاه على طول بيفرك مش مريح نفسه
ملك
اخبار النونو ايه
dr.princess
10-06-2010, 03:26 PM
نولارا
الحمد لله ان أحمد بقى أحسن دلوقتى رحتى كشفتى ولا عملتى ايه؟؟
ويللا ياستى عقبال ما يمشى
بطنى ارتاحت شوية الحمدلله عن الصبح وعن بالليل النعناع ريحنى شوية الحمدلله ( لسه جاى امبارح وريحته تجنن بفضل أشم فيه طول الوقت يا سلالالالالالالالالام )
MALAK2010
10-06-2010, 03:53 PM
http://forum.hwaml.com/imgcache2/hwaml.com_1286369587_908.jpg
dr.princess:الف سلامة يا جميل خدى بالك من نفسك ومن النونو
http://forum.hwaml.com/imgcache2/hwaml.com_1286369586_678.jpg
سمية:يارب يعطيكى كل اللى بتتمنية ويفرح قلبك وقلب زوجك
وانا كنت قريت لكى ان اختك عاوزة النونو يقولها ياماما خلاص يقولى انا يا خالتو
http://forum.hwaml.com/imgcache2/hwaml.com_1286369586_586.jpg
نولارا: حمد اللة على سلامة حمادة والدبدوب دة من خالتو ملك
dr.princess
10-06-2010, 04:06 PM
malak2010
الله يسلمك ربنا يخليكى ليا يا حبيبتى ومتحرمش منك أبدا
MALAK2010
10-06-2010, 04:15 PM
برنسيس : هى الصورة الرمزية بتاعتك ايدين ولا رجلين؟؟؟ معلش النظر على ادة ههههههههههههه
dr.princess
10-06-2010, 04:27 PM
malak2010
والله على مانا شايفه هم رجلين بس شكلهم لسه متزغزغين حالا ههههههههههه بيفكرونى برجلين ابن اختى فى المرحلة الاولى من الزغزغة قبل ما بيتهور عليا فى المرحلة التانية ههههههههههه
خدتى بالك
تقريبا التوقيعين بتوعنا شبه توأم
MALAK2010
10-06-2010, 05:15 PM
ههههههههههههههههههههههhttp://forum.hwaml.com/imgcache2/hwaml.com_1286374558_610.gif
حلوة متزغزغين دى ضحكتنى اووووووووى
همس الايمان
10-06-2010, 05:16 PM
السلام عليكم أخواتى فى الله
أنا أول مرة أدخل التجمع ده لو أعرفه من أول ما دخلت
المنتدى كنت دخلته علطول لأنكم سكرة وردودكم زى العسل
أعولى فاضل لى أسبوعين وشوية لأنى عندى مشاكل بحملى من أوله
لكن فضل من الله أنى وصلت لهذه المرحلة أدعولى ..
اختكم فى الله مروة
MALAK2010
10-06-2010, 05:25 PM
http://forum.hwaml.com/imgcache2/hwaml.com_1286375155_491.jpg
نورتينا ياجمييييييييييييييييييل
ياااااااااااارب يقومك بالسلامة
واحنا كلنا خلاتة يعنى اخوات مامتة
http://forum.hwaml.com/imgcache2/hwaml.com_1286375155_798.jpg
واحنا كلنا معاكى
اى وقت فاضى ادخلى نطمن عليكى
dr.princess
10-06-2010, 05:32 PM
مروة
اهلا بيكى معانا فى التجمع انتى اللى سكرة والله
ربنا يهون عليكى الاسبوعين وشوية دول ويتمم عليكى بالخير يااااااااااااااارب وكلها ايام وتشوفى البيبى بين ايديكى وعقبالنا احنا كمان ياااااااارب
dr.princess
10-06-2010, 05:34 PM
malak2010
أضحك الله سنك مش عارفة انا سمعتك الكلمة دى فين بس برده أضحك الله سنك هههههههههههه
همس الايمان
10-06-2010, 05:43 PM
أختى الغالية malak2010 أشكرك حببتى
على دعوتك وأنا تقريبا بدخل كل يوم وحكون سعيدة جدا
أنى أتواصل معاكم ...
همس الايمان
10-06-2010, 05:47 PM
أختى princess
يارب عقبالكم ويكون صالح ومعافى
شكراً أختى لترحيبك
somia
10-06-2010, 07:33 PM
نولار .. الله يبارك فيكي
ملاك .. معنديش مشكله اللقب ده متحجزش لسة.. معنديش غير أخت واحدة..ههههههههه
جزاكم الله خيرا
somia
10-07-2010, 06:53 AM
يا ترى عاملين ايه النهارده...
حبيت بس أقول صباح الخير
somia
10-07-2010, 08:33 AM
فيييييييييييييييييييييييييييييييييييينكم؟؟؟
MALAK2010
10-07-2010, 08:36 AM
http://forum.hwaml.com/imgcache2/hwaml.com_1286429909_299.jpg
صباح الوردhwaml7 على حوامل مصر
ازيكم عاملين اية وحشتووووووووووووووونى hwaml84
برنسيس: يارب تكونى بخير طمنينى على بطنك
عملتى اية فى الشقة؟؟؟
نولارا: احمد عامل اية اخد الدبدوب ولا معجبهوشhwaml93؟؟؟؟
سمية:ازيك يا جميل والنونو hwaml42عامل اية بدأتى تصدقى ولا لسة
د×و: انتى فين مش بتدحلى لية؟؟؟؟ يارب تكونى بخير وازى لوجين والنونو(حسين )بنحاول ندخلك فى مود الاسم علشان ماتستغربهوش لما تولدى هههههههههه
موكا القمر: انتى فيييييين ازيك وازاى موكا بنتك انا ان شاء اللة لما اجيب ملك هدلعها ب (لى لى)اية رايك طبعا برنسيس مش حابةhwaml15 الاسم وطبعا مش هتحب الدلع ههههههههههههههههه بس ان وراها انا ودودو لغاية ما تحبة
مروه:ازاى اختنا الجديدة والنونو عامل اية يارب يكون بخير انتى حضرتى كل حاجتة انتى عايشة فى مصر ولا مغتربة زينا
somia
10-07-2010, 08:57 AM
ملاك.. ازيك عاملة ايه؟؟
كل اللي استوعبته اني المفروض مقلبش الشقة بذمة وضمير قوي زي ما كنت ناوية أعمل امبارح..غير كده لسة!!!
ادعيلي أستوعب ودور البرد اللي عندي ده يروح وألم اللثة عندي يهدأ
somia
10-07-2010, 08:59 AM
ملاك.. تصدقي لسة واخده بالي انك ان شاء الله هتخلفي تقريبا معايا ..هوه احنا كده هنخلف فرمضان ولا قبله ولا بعده؟؟؟
اللهم سهل لنا حملنا ووضعنا واجعلهم ذرية صالحة لنا
MALAK2010
10-07-2010, 09:16 AM
http://forum.hwaml.com/imgcache2/hwaml.com_1286432167_519.jpg
يارب يكملنا على خير ونشوف النونو ونفرح بية
احنا ان شاء اللة على اول شهر ستة بتهيألى قبل رمضان بكتير
انتى عايشة فى مصر؟؟؟؟؟؟
dr.princess
10-07-2010, 10:54 AM
صباح الخييييييييييييييييير
malak2010
بطنى مش مرتاحه والله مقلوبة وبتوجعنى وانتفاخ وغازات مش عارفة من ايه وطول الليل على الحمام مانمتش حاجة وجوزى المسكين من نفسه صحى صلى ولبس وصحانى أقفل وراه والله حتى ماعبرته بكوباية مايه ودخلت نمت تانى
والله لى لى ارحم 1000 مرة من ملوكة ( كل الناس اللى اعرفها عندها ملك بتدلع ملوكة ) ايه ملوكة دى ملهاش اى محل من الاعراب
ام عمر ومريم
10-07-2010, 11:06 AM
السلام عليكم ورحمة الله وبركاته
كيفكن يا بنات عاملين ايه انا اسمى ريهام ومعايا عمر ومريم ممكن انضم ليكوا
انا مصريه ومغتربة فى ابو ظبى
ربنا يكملنا على خير يارب ويسهلنا حملنا ووللادتنا اللهم اميييييييييييييييين
اختى الدكتورة برنسيس انا والله زيك بالظبط حاسه بانتفاخات فى بطنى فظيعه لدرجه ان صوت معدتى بيبقى عالى لما بكون مكسوفه اوى واهو الحمد لله على كل حال
dr.princess
10-07-2010, 11:11 AM
يا بناااات
محتاجة نصيحة منكم
انا معدتش طايقة خالص اللبن ولا حتى الزبادى وممكن أقعد بالايام مقربش منهم
وانا قلقانة اوى من قلة الكالسيوم خصوصا انى من زماان عندى مشاكل فى أسنانى ضعيفة وبتتكسر ودكتورة الأسنان قالتلى انه ضعف كالسيوم وانا عارفة فى الحمل بيتسحب الكالسيوم من جسم الأم يعنى هتبهدل بس مش عارفة أعمل ايه قافلة معايا خالص وطبعا حبوب الكالسيوم بتتأخد من الرابع يعنى لسه شهر أو أقل على ما أخدها
ممكن أى واحدة تفيدنى ؟؟؟؟؟؟؟؟؟؟؟؟؟؟
dr.princess
10-07-2010, 11:17 AM
أهلا بيكى معانا يا ريهااااااام
ما شاء الله المنتدى تقريبا كل يوم أخت جديدة وغالبا مغتربة زينا
شكل كده معدش حد لسه فى البلد
والله موضوع الانتفاخ ده مبهدلنى من أول الحمل
غالبا كده النهاردة هتصل بالدكتورة أشوف دواء أخده انا متبهدلة خالص
ربنا يكمل حملك على خير وربنا يخليلك عمر و مريم
ام عمر ومريم
10-07-2010, 11:22 AM
ههههههههههههه ربنايخليكى حبيبتى يارب ةيبارك فيكى وفى النونو اللى جاى
حبيبتى انا سالت الدكتورة على الانتفاخ اللى عندى قالتلى امنع المياه الغازيه والتسبيكات والمقليات والفلفل الحار لان كل ده بيساعد على انتفاخات البطن وياريت تشربى حاجات دافيه احسن من العلاج انا بصراحه مبحبش العلاج الا فى الحاجات الجامده اوى ربنا يعافينا عنها غير كده مبستعملش اى حاجه خااااااالص
انتى مغتربه فين يا برنسيسه
dr.princess
10-07-2010, 11:46 AM
ريهااام والله انا مليش خالص فى المسبكات ولا الحارأبدااااااا حتى المقليات ممكن فى الاسبوع مرة واحدة اعمل حاجة مقلية والحاجة الساقعة من اول الحمل بالعافية شربت مرة واحدة جوزى مانعها عنى
وانا بعمل نعناع والله بطنى ترتاح شوية وترجع توجعنى تانى فقلت أشوف دواء لو وجعتنى أوى أخده
أنا هنا فى السعودية فى المدينة المنورة
MALAK2010
10-07-2010, 11:58 AM
http://forum.hwaml.com/imgcache2/hwaml.com_1286441922_264.gif
ام عمر ومريم:
اهلا بيكى يا جميل فى التجمع معانا
انا برضة مغتربة وفى الشارقة جنبك
ياريت تبقى تدخلى معانا علطووووووووووول نطمن عليكى وعلى البيبى
ربنا يخليلك عمر ومريم ويكملك على خير
http://forum.hwaml.com/imgcache2/hwaml.com_1286441923_605.jpg
ودى هدية منى لعمر ومريم ونعطى كمان واحدة لحمادة وربنا يشفية وواحدة للوجين القمر وواحدة لموكا
وطبعا انا اللى ورى ماسكة البالونات ههههههههههه
برنسيس: اخيرا عجبك حاجة ههههههههههه خلاص يا ستى (لى لى)احلى طبعا من ملوكة هتسمية بقا هههههههههههههههه
اعملى اى حاجة باللبن ممكن (مهلبية -كريم كرامي روووووعة طبعا - رز باللبن)
او عصاير(موز باللبن - فراولة باللبن)
والف سلامة عليكى انا اسمع ان فى اعشاب للانتفاخ اسالى كدة وشوفى
ام عمر ومريم
10-07-2010, 12:13 PM
ربنا يعافى عنك حبيبتى برنسيسه وان شاء الله الانتفاخ بيروح بمرور الحمل معلش كله يهون ربنا يهون علينا حملنا وولادتنا اللهم امييييييييييين
اهلا حبيبتى ملك عامله ايه جزاكى الله كل خير حبيببتى على ترحيبك ليه تسلمى يارب
وربنا يرزقكم الذريه الصالحه التى تقر اعيبنكم اللهم اميييييييييييييييين
dr.princess
10-07-2010, 12:17 PM
malak2010
لأ ياختى انا ارحم اسمى لى لى ولا انى أسمى ملك
انا اوقات بعمل الكراميل بس مش بحب المهلبية ولا الرز باللبن ولا حتى الكاسترد وطبعا كمان عصائر اللبن ماليش فيها أبدا ريحتها بتبقى وحشة وطعمها كمان بعملها لجوزى ومقربش منها أبدا
dr.princess
10-07-2010, 01:17 PM
توتة يا توتتتتتتتتتتتتتتتتتتتتتتتتة
انتى فين يا ست توتة
ازيكم يا بلوووونات ( لا لسه ربع بلونات ههههههه)
الف سلامه عليكى برنسيس بس شكل الغازات والانتفاخات فى الحمل حاجه طبيعيه ولاحظت ان كل الحوامل بشتكو منها وانا اكيد اولهم :)
ازيك يا ام عمر ومريم نورتى الشات يا قمر
اعرفك بنفسي
دودو وعايشه فى السعوديه بردو :) وعندى لوجين
ملوكه حلوة البلوووونات لوجى بتموت فيهاااااا تسلمى يا قمر
ازي باقى البنوتات عاملين ايه ؟
نولارا فينك ابقى طمنينا على احمد يارب يكون اتحسن
بنات صحيح عاوزة اسالكم
انا عملت سونار مره واحده
والدكتوره قالتلى انى فى الاسبوع التامن وفى نفس الوقت بتقولى انى حامل فى شهر ونص
مش فاهمه ازاى ؟؟؟
مش 8 اسابيع يعنى شهرين
ملخبطانى اوى وفى كده اسبوعين مش فاهمه انا فى الكام يعنى ههههههه
لو حد فهم يقولى!!!
dr.princess
10-07-2010, 01:43 PM
دودو والله مش عارفة نظام حساب الحمل ايه
دكتورتى مش بتقول اى حاجة فبقيت انا احسب لنفسى وكل مايعدى 30 يوم أحسب لنفسى شهر وخلاص ومبقتش بشغل بالى وقلت هبقى أسئلها كل مرة وأتأكد منها وخلاص
نولارا
10-07-2010, 04:00 PM
صباح الخير
ملك
احمد عجبه الدبدوب والبلونه وبيقولك ميرسى ياخالتو
برنسيس
الانتفاخ ده مشكله بس بادىء معاكى بدرى اوى انا جالى فى اخر التامن
بس كان طبيعى لان الجنين بيكون حجمه كبر وضاغط على المعده
ام عمر ومريم
اهلا بيكى فى التجمع بقينا 4 امهات انا وانتى ودودو وموكا
بس انا الوحيده فيكوا اللى مش حامل
انا رشيقه التجمع
دودو
انا كمان كنت متلخبطه فى الحمل
بس اخدت معاد الولاده المتوقع
مثلا انا كان معاد ولادتىالمتوقع 4\5
قلت 4\4 ابدا التاسع
4\3 ابدا التامن وهكذا
dr.princess
10-07-2010, 04:17 PM
نولارا
والله الانتفاخ ده بادىء معايا من اول ما عرفت انى حامل وسألت أختى وواحدة صاحبتى قالولى انهم كانوا كده برده
يللا ادينى طلبت من جوزى نعناع علشان لسه خلصان وطبعا مقدرش يبقى مش عندى نعناع بحبه جدا حتى انا دلوقتى بقطف فيه ياعينى ياعينى على ريحته خيااااااااااااااااااااال
مقولتيش صحيح أخبار احمد ايه دلوقتى؟؟؟؟؟؟؟
نولارا
10-07-2010, 04:24 PM
احمد الحمد لله كويس وبيسلم عليكم وبيقولكم اغغغغغغ وببببه
ولسه يادوب راضع ونايم دلوقتى
نولارا
10-07-2010, 04:25 PM
برنسيس
سؤال محرج لو مش عايزه تقولى عادى
انتى عندك كام سنه؟؟؟؟؟؟؟؟؟؟؟
dr.princess
10-07-2010, 04:31 PM
نولارا
ههههههههههههههه
انا بموت فى اغغغغه دى كنت بتهبل عليا من ولاد أختى
نوم العافية يااااارب و الحمد لله انه بقى كويس
لالالالالالالا مش محرج أبدا
أنا كمان 3 أيام وأبقى 24 ونص بالظبط ( عجزت يا ولاد وراحت عليا هههههههههه )
نولارا
10-07-2010, 04:34 PM
انا يوم 12 هيبقى عندى 24 بالضبط اهىء اهىء اهىء
احنا كبرنا قووووووووووووى
dr.princess
10-07-2010, 04:40 PM
كل سنة وانتى طيبة مقدما
بس ايه الحركات دى هو انا اكبر واحدة هنا ولا ايه
انا أكبر منك ومن توتة وغالبا أكبر من malak2010
ومين تانى يللا انضموا للقائمة حسسونى انى مامتكم اهىء اهىء اهىء
نولارا
10-07-2010, 04:49 PM
ههههههههه
مش بالسن يابنتى المهم الخبره
هوا احنا فاضلنا قد ايه ونطلع على المعاش
نولارا
10-07-2010, 04:50 PM
الامير زعبله صحى من النوم (نوم قطط)
نولارا
10-07-2010, 05:00 PM
برنسيس روحتى فين
احمد باعتلك بوسه ملحوسه زبادى بالعسل
dr.princess
10-07-2010, 05:19 PM
نولارا
انتى هتقوليلى على نوم القطط ده
عبدالرحمن ابن اختى عنده 10 شهور يادوب بيريح جفونه بس كده ويصحى وكويس ان احمد لوحده بس
اختى عندها الكبير ابراهيم 4 سنين ونص وعبدالرحمن بيبدلوا عليها واحد يصحى والتانى ينام ومظبطينها على الاخر والله متبهدلة اخر بهدلة
dr.princess
10-07-2010, 05:23 PM
نولارا
ابعتيله البوسة دى أموووووووووووووه
وقوليله لو جبت بنت هحاول أحجزهالك مع ان هيبقى ليك منافسين كتيييييييييير هههههههههههههههههه
somia
10-07-2010, 05:27 PM
يارب يكملنا على خير ونشوف النونو ونفرح بية
احنا ان شاء الله على اول شهر ستة بتهيألى قبل رمضان بكتير
انتى عايشة فى مصر؟؟؟؟؟؟
ااااااااااااااااااااامين يا رب...
يعني كده قبل رمضان بحوالي شهر ربنا يسترها معانا يا رب مع اني كان نفسي أولد فيه قوي..
الحمد لله أنا عايشة بمصرhwaml7
دودى اشرف
10-07-2010, 08:30 PM
السلام عليكم ورحمة الله وبركاته ... ازيكم جميعا ... وحشتونى يا امهات مصر ... انا غيب شوية لانى مكنتش فى البيت بقالى اسبوع ... فا قلت ادخل اسلم عليكم واطمأن عليكم جميعاً.
دودى اشرف
10-07-2010, 09:00 PM
كل سنة وانتى طيبة مقدما
بس ايه الحركات دى هو انا اكبر واحدة هنا ولا ايه
انا أكبر منك ومن توتة وغالبا أكبر من malak2010
ومين تانى يللا انضموا للقائمة حسسونى انى مامتكم اهىء اهىء اهىء
انتى بتقولى اهىء اهىء ... اومال انا اعمل ايه ... اقول رجلى والقبر
.. هههههههههههههه .... انا بقى بلا فخر ومن غير استغراب ومن غير طرد من المنتدى انا عندى ... انا عندى ... 33 hwaml79hwaml79hwaml79 .. بس الحمدلله محدش بيشوفنى ويديلى سنى ابداااااااا ودى نعمة من عند ربنا ... ومع ذلك مش بخبى سنى ابدا ... عقبالكم جميعا ... ههههههههههههههههه ويديكم طولت العمر ان شاء الله يارب .hwaml7
MALAK2010
10-08-2010, 07:59 AM
http://www.aleppos.net/forum/attachment.php?attachmentid=92135&d=1208740367
صباح الخير يا حبايبى وحشتوووووووووووووووووونى يارب تكونوا بخير
نولارا
10-08-2010, 12:14 PM
صباح الخير ياملك
اخبار النونو ايه؟؟؟؟؟؟؟؟؟
حسيتى بالترجيع والدوخه والحاجات الحلوه اللى انتى مستنياها دى ولا لسه؟؟؟؟؟
somia
10-08-2010, 01:20 PM
نولار , ملاك..
صباح النور عليكم ولا يمكن تبقى مساء النور بقى طالما احنا بقينا بعد الظهر
صباحكم فل وياسمين ان شا الله
وجمعه مبااااركه
عاملين ايه يا حلوين
نولارا حمد الله على سلامه احمد وبوسيهولى بوسه كبييييييييييييره :)
ببتكلم على السن ايه الاحراج ده ههههههههه
انا عندى 27 سنه
عجزت خلاص بس ........الشباب شباب القلب هههههههه
dr.princess
10-08-2010, 02:00 PM
ازيكم يا بناااااات
حبيت أقولكم انى امبارح دخلت الروضة والحمدلله بدأت تتزحم شوية بس الحمدلله عرفت أصلى فيها
ودعيت لكم والله وبالذات اللى وصانى بالدعاء واللى ربى ذكرنى بيهم مثلا malak2010 ( زى ما اتفقنا يا قلبى ) و توتة وسمية و د × و ونولارا ( أسفة ان كنت نسيت حد ) ودعيت لباقى بنات المنتدى عموما بتمام الحمل على خير وبالولد الصالح السليم المعافى من غير زيادة أو نقصان وان ربنا يرزق كل محروم
غالبا مش هعرف أدخل الروضة ل بعد الحج ان شاء الله فقلت أدعى للبنات كلها
أسئلكم الدعاء
somia
10-08-2010, 02:12 PM
برنسس..
جزاك الله خيرا ..والله فرحتيني...
بكرة ان شاء الله اول معاد متابعة ليا ادعيلي يعدي على خير لاني بخاف من الدكاترة جدا
dr.princess
10-08-2010, 02:47 PM
somia
ان شاء الله كل حاجة هتبقى تمام ماتقلقيش وتوكلى على الله
malak2010 برده قالت انها هتروح أول كشف بكرة باذن الله
يللا ابقوا طمنونا عليكم
نولارا
10-08-2010, 03:41 PM
ازيكم يااحلى حوامل
برنسيس
البوسه وصلت وعلى فكره احنا مش اى كلام يعنى
فى ناس كتير خطبين احمد بنات عمه ياسمين وبطه ورحمه بيتخانقوا عليه
دعيتيلى كنت ادعيلى كمان ان ربنا يبعد عنى شر حماتى
شكلها مش هتهدى غير لما تعمل مشكله بينى وبين جوزى
ملك
اين انت ياملك
سميه
ابقى طمنينا بكره على النونو بعد ماترجعى بالسلامه
دودو
توته
موكا
رحتوا فيييييييييييين
dr.princess
10-08-2010, 03:59 PM
نولارا
هههههههههههههه ماشى ياستى أنا عارفة انكم مش أى حد بس احنا برده جامدين أوى بس انتى عارفة ان البنت هى اللى بتكسب فى المواقف دى ( ده انا عندى طوابير مستنيينها ههههههههه )
خلاص ابدأى بقى وادعى انه يطلع ولد ونخلص من المشكلة دى
مكنتش أعرف ان عندك مشاكل مع حماتك
هى الستات دى عايزة مننا ايه مايسيبونا فى حالنا بقى ولا هم تقريبا ميقدروش ؟؟؟
MALAK2010
10-08-2010, 04:44 PM
صباح الخير ياملك
اخبار النونو ايه؟؟؟؟؟؟؟؟؟
حسيتى بالترجيع والدوخه والحاجات الحلوه اللى انتى مستنياها دى ولا لسه؟؟؟؟؟
http://forum.hwaml.com/imgcache2/hwaml.com_1286545461_328.gif
الحمد لله النونو بيسلم على خالتة نورا
الاعراض اللى ظاهرة اوى هو الصدااااااااااااااااااااااااااااااع واى مجهود ولو بسيط احس بوجع فى ضهر بس لسة الحاجات التانية الجميييييييييييييييييلة هههههههههههههههه
MALAK2010
10-08-2010, 04:47 PM
نولار , ملاك..
صباح النور عليكم ولا يمكن تبقى مساء النور بقى طالما احنا بقينا بعد الظهر
http://forum.hwaml.com/imgcache2/hwaml.com_1286545655_646.png
ازيك يا قلبى يارب تكونى بخير انتى والنونو
MALAK2010
10-08-2010, 04:57 PM
ازيكم يا بناااااات
حبيت أقولكم انى امبارح دخلت الروضة والحمدلله بدأت تتزحم شوية بس الحمدلله عرفت أصلى فيها
ودعيت لكم والله وبالذات اللى وصانى بالدعاء واللى ربى ذكرنى بيهم مثلا malak2010 ( زى ما اتفقنا يا قلبى ) و توتة وسمية و د × و ونولارا ( أسفة ان كنت نسيت حد ) ودعيت لباقى بنات المنتدى عموما بتمام الحمل على خير وبالولد الصالح السليم المعافى من غير زيادة أو نقصان وان ربنا يرزق كل محروم
غالبا مش هعرف أدخل الروضة ل بعد الحج ان شاء الله فقلت أدعى للبنات كلها
أسئلكم الدعاء
http://forum.hwaml.com/imgcache2/hwaml.com_1286546227_861.jpg
ربنا يخليكى ليا والهى فرحتيييييييييييييينى اوووووووووووووى يا جميل
والدبدوب دة ل (يس)
ويااااااااااااارب يقومك بالسلامة ويوفقك فى الشقة انتى بتنزلوا تدوروا على شقة ولا مكلمين سمسار
MALAK2010
10-08-2010, 05:01 PM
برنسس..
جزاك الله خيرا ..والله فرحتيني...
بكرة ان شاء الله اول معاد متابعة ليا ادعيلي يعدي على خير لاني بخاف من الدكاترة جدا
ربنا يطمنا عليكى وابقى طمنينا علشان اروح ولا لاء هههههههههه اجرب فيكى الاول
MALAK2010
10-08-2010, 05:03 PM
somia
ان شاء الله كل حاجة هتبقى تمام ماتقلقيش وتوكلى على الله
malak2010 برده قالت انها هتروح أول كشف بكرة باذن الله
يللا ابقوا طمنونا عليكم
انتى لسة فكرة ربنا يخليكى ليا
انا قلت استنى شوية زى ما قولتيلى وان شاء اللة هروح على الاربعين وانا هجرب فى سمية الاول ربنا يطمنها
dr.princess
10-08-2010, 05:09 PM
malak2010
انتى خلاص اقتنعتى انه يس وأنا مش هرجع كلمتك ابدا
ربنا يفرح قلبك دايما يااااااااارب
جوزى والله مكلم أكتر من مكتب عقارات ( سماسرة يعنى ) هناك جنبه فى الصيدلية وبيتابع معاهم بس لسه مفيش جديد يا أما سكن مش نضيف يا أما كبير علينا وطبعا بيبقى غالى
دعواتك
MALAK2010
10-08-2010, 05:12 PM
ازيكم يااحلى حوامل
برنسيس
البوسه وصلت وعلى فكره احنا مش اى كلام يعنى
فى ناس كتير خطبين احمد بنات عمه ياسمين وبطه ورحمه بيتخانقوا عليه
دعيتيلى كنت ادعيلى كمان ان ربنا يبعد عنى شر حماتى
شكلها مش هتهدى غير لما تعمل مشكله بينى وبين جوزى
ربنا يسترها معانا احنا غلاااااااااااااااااااابة ههههههههههههههههه
ملك
اين انت ياملك
انا موجودة بس علشان النهاردة الجمعة وجوزى موجود فمسيطر على الاب توب هههههههه اول ما نام دخلت اطمن عليكم ههههههه هو صحى الوقتى
امال مين اللى هيتجوز لى لى ههههههههه قسموا من جديد امال انا متصاحبة عليكم لييييييييييييية هههههههههههه
dr.princess
10-08-2010, 05:20 PM
malak2010
حبيبتى مادام مفيش حاجة تقلق يبقى استنى لليوم ال 40 لان فى ناس مش بيبان عندهم كيس الجنين قبل كده
لكن somia عندها حق تروح تتطمن علشان زى ما قالت انها حملت حمل عنقودى ونزلته وبعدها اجهاض فلازم طبعا تروح تتطمن
ربنا يطمنها يارب ويبقى حمل طبيعى ومتحسش بيه خالص
somia
10-08-2010, 05:57 PM
somia
ان شاء الله كل حاجة هتبقى تمام ماتقلقيش وتوكلى على الله
malak2010 برده قالت انها هتروح أول كشف بكرة باذن الله
يللا ابقوا طمنونا عليكم
انشاء الله هطمنكم بس دعواتكم معايا
somia
10-08-2010, 06:19 PM
ربنا يطمنا عليكى وابقى طمنينا علشان اروح ولا لاء هههههههههه اجرب فيكى الاول
هههههههههههههههههههههه يا سلام يعني انا الغلبانة اللي هيتجرب فيها ..يلا معلشي كله بثوابه .. باذن الله بكرة بالليل اما اجي عحاول اطمكم ولو معرفتش هيبقى بعد بكرة الصبح
somia
10-08-2010, 06:28 PM
ازيك يا قلبى يارب تكونى بخير انتى والنونو
الحمد لله احنا بخير بس مش قادرة اقولك ظهري عامل ازاي حاسة زي ما يكون حد قاسمهولي نصين.. ولا نوم ولا قعاد ولا وقوف في كل الاحوال بيتعبني جدا... دعواتكم معايا
ام عمر ومريم
10-08-2010, 06:34 PM
السلام عليكم اذيكم يا بنوتات عامليييييييييين ايه
البرنسيسه وملك وسميه عاملين ايه ربنا يكملنا على خيريارب ويرزقكم الذريه الصالحه المعافاة اللهم اميييييييييييين
somia
10-08-2010, 07:00 PM
أم عمر ومريم ..الحمد لله انا كويسة.. انتي عاملة ايه؟؟
dr.princess
10-08-2010, 07:25 PM
أم عمر ومريم
احنا كويسين الحمدلله متطوليش الغيبة علينا
somia
ربنا يطمن قلبك ياااااااااااارب وترتاحى بعد الكشف ان شاء الله
somia
10-08-2010, 07:29 PM
برنسس...
اااااااااااااااااااامين يا رب
somia
10-09-2010, 05:37 AM
أخواتي ..صباح الخير..
هوه انا اللي صاحية بس ولا إييييييييييييه؟؟
dr.princess
10-09-2010, 07:30 AM
صباح النعناع على أحلى البنات
somia
كويس ان فى حد بيصحى بدرى كده غيرى
انا صاحية تقريبا من ساعة ونص علشان مواعيد شغل زوجى
انتى صاحية على صلاة الفجر ولا ليه صاحية بدرى كده؟؟
somia
10-09-2010, 09:56 AM
برنسس أنا كنت صاحية عشان صلاة الفجر بس طبعا نمت تاني ولسة صاحية تاني دلوقتي
MALAK2010
10-09-2010, 09:59 AM
السلام عليكم اذيكم يا بنوتات عامليييييييييين ايه
البرنسيسه وملك وسميه عاملين ايه ربنا يكملنا على خيريارب ويرزقكم الذريه الصالحه المعافاة اللهم اميييييييييييين
الحمد لله يا جميل انا كويسة والنونو بيسلم على عمر ومريم وهو بيستأذنك عاوز يلعب شوية معاهم
MALAK2010
10-09-2010, 10:01 AM
http://forum.hwaml.com/imgcache2/hwaml.com_1286607591_362.jpg
صباح الخير عليكم يا حوااااااااامل
سمية:انتى قلقانة ولا اية سبيها على الله
برنسيس: ازيك يا قلبى عاملة اية طمنينى على بطنك اتحسنت شوية ولا انتى ادمنتى النعناع ههههههههه
somia
10-09-2010, 10:05 AM
ملاك انا وزوجي قلقانين جدا عارفة مرعوبين من اللي الدكتورة ممكن تقوله النهاردة علرفة زوجي بيقولي بلاش نروح النهاردة للدكتورة بس انا نفسي أطمن ان اللي رحمي جنين مش حاجة تانية ..دعواتك معيا ربنا يستر
dr.princess
10-09-2010, 10:18 AM
MALAK2010
بطنى الحمدلله بقت أحسن وان كان على النعناع فأنا مدمنة من زماااااااااااااااان هههههههههههههه
somia
بلاش تقلقى نفسك على الفاضى وان شاء الله تكشفى وتتطمنى وابقى طمنينا عليكى
MALAK2010
10-09-2010, 10:25 AM
ملاك انا وزوجي قلقانين جدا عارفة مرعوبين من اللي الدكتورة ممكن تقوله النهاردة علرفة زوجي بيقولي بلاش نروح النهاردة للدكتورة بس انا نفسي أطمن ان اللي رحمي جنين مش حاجة تانية ..دعواتك معيا ربنا يستر
بصى يا حبيبتى انا مش هقعد انصحك ولا هقعد اقول كلام انشى بس هقولك
(الا بذكر الله تطمئن القلوب)
انا مش هقولك ماتفكريش خالص فى معاد الدكتورة لانك مش هتقدرى بس ركزى اكتر فى الذكر والدعاء وربنا هيطمن قلبك ان شاء الله دة كلام ربنا
انتى طبعا عندك حق للقلق اللى انتى فية علشان اللى حصل بس ان شاء الله هترجعى مبسوطة احنا اصلا البنات المصريات عبارة عن تركيبة قلق ههههههههه
وماتنسيش (انا عند ظن عبدى بى ان خيرا فخير وان شرا فشر) فاحسنى الظن بالله
وياااااااااارب ترجعى النهاردة مبسوطة وتفرحينى
somia
10-09-2010, 10:38 AM
برنسس , ملاك باذن الله هحاول أهدى على قد ما أقدر وان شاء الله يا رب يكون خييييييير... اااااااااامين وأطمنكم وتفرحوا معايا بالليل باذن الله تعالى
دودى اشرف
10-09-2010, 12:45 PM
صباح الخير يا بنات ...كيفكم جميعا.. ان شالله تكونوا بخير
somia
10-09-2010, 12:58 PM
ملاك حلوة قوب كلمة تركيبة قلق .. عارفة ده بجد حقيقي.. لو مفيش حاجة نقلق عليها بنخترع حاجة ونقلق نفسنا عليها هههههههههههههههه
دودى اشرف
10-09-2010, 12:59 PM
مفيش حد موجود ولا ايه؟؟
somia
10-09-2010, 01:00 PM
دودي.. ازيك انتي؟؟ انا الحمد لله بخير
دودى اشرف
10-09-2010, 01:18 PM
ازيك يا قمر .. عاملة ايه ؟؟... ان شاء الله ربنا يطمنك انتى وجوزك وتبشرينا بليل انك حامل بإذن الله ... بس ادعى من هنا لبليل اى دعاء ييجى على بالك ... وربنا ان شاء الله يستجاب منك ...ويرزقك الذرية الصالحة .
MALAK2010
10-09-2010, 01:43 PM
ازيكم يا حوااااااااااااااااامل
دودى اشرف :ازيك يا جميل وازاى النونو حلو اسم عمر ربنا يكملك على خير ويفرح قلبك بية وتشيلية بين ايديك آآآآآآآآآآآآمين
على فكرة انا عندى قريبة ابنها اسمة عمر ولد زى العسل ربنا يخلية انا كنت بدلعة ب( مارو)وانتى هدلعية باية ؟؟؟؟؟؟؟؟؟؟؟ ان شاء الله
سمية : انا كمان هروح اكشف خلاص اخر كلام ههههههههه جوزى كان حجز ليا بس انا قلتلة خليها كمان اسبوع بس امبارح صمم علشان نطمن وغيرنا الدكتورة كمان ههههههههه
ادعولــــــــــــــــــــــــــــــــى
somia
10-09-2010, 01:49 PM
ازيك يا قمر .. عاملة ايه ؟؟... ان شاء الله ربنا يطمنك انتى وجوزك وتبشرينا بليل انك حامل بإذن الله ... بس ادعى من هنا لبليل اى دعاء ييجى على بالك ... وربنا ان شاء الله يستجاب منك ...ويرزقك الذرية الصالحة .
يسمع منك ربنا يا دودي وباذن الله هادعي وانتوا كمان ادعولي ربنا يطمني
somia
10-09-2010, 01:53 PM
ازيكم يا حوااااااااااااااااامل
سمية : انا كمان هروح اكشف خلاص اخر كلام ههههههههه جوزى كان حجز ليا بس انا قلتلة خليها كمان اسبوع بس امبارح صمم علشان نطمن وغيرنا الدكتورة كمان ههههههههه
ادعولــــــــــــــــــــــــــــــــى
ملاك ...ههههههههههههههه يا قلبك يا بنتي لسة عايزة تستني أسبوع كمان انا هموت واروح الدكتورة دلوقتي قبل كمان شوية..
ربنا يسترها معايا ومعاكي ان شاء الله ويعدي النهاردة على خير بس حاولي اول ما تقدري تدخلي تطمنينا بعد الدكتورة ادخلي طمنينا وانا برضه ان شاء الله هطمنكم
دودى اشرف
10-09-2010, 02:27 PM
ازيكم يا حوااااااااااااااااامل
دودى اشرف :ازيك يا جميل وازاى النونو حلو اسم عمر ربنا يكملك على خير ويفرح قلبك بية وتشيلية بين ايديك آآآآآآآآآآآآمين
على فكرة انا عندى قريبة ابنها اسمة عمر ولد زى العسل ربنا يخلية انا كنت بدلعة ب( مارو)وانتى هدلعية باية ؟؟؟؟؟؟؟؟؟؟؟ ان شاء الله
ادعولــــــــــــــــــــــــــــــــى
الحمدلله يا قمر بخير...يارب يكملنا جميعا ان شاء الله على خير .... ويثبت حملك بإذن الله ويقر عينك بشوفته بين ايديكى معافى يارب ... والله الدلع مش عارفة لسه ... لكن عجبنى دلع مارو ... ربنا يخليه لامه يارب ويرزقك بطفل جميل زييه . وابقى طمنينا عليكى بعد الدكتور .
انا كمان رايحة بكرة المستوصف علشان اشوف التحاليل بتاعتى لان كان عندى التهابات جامده وطلبت منى مزرعة بول ... وهبقى برضه اقولكم عملت ايه ان شاء الله ... اصل انا قاعدة فى الكويت والمتابعة هنا زفتتتتتتتتتتت hwaml93hwaml93hwaml93hwaml93.. بس انا الحمدلله عملت سونار فى مستشفى خاصة وطمنى على البيبى وأكلى انه عمر ان شاءالله والله اعلممممممم hwaml95
نولارا
10-09-2010, 05:00 PM
السلام عليكم
الاجواء مكهربه النهارده كله قلقان ومنتظر
سميه
ربنا يكرمك يارب بالجنين المعافى والذريه الصالحه
ملك
احمد بيسلم عليكى وبيقولك اوعى تنسى تطمنينا بالليل
دودى
يارب نتيجه التحليل تكون كويسه ياااارب
برنسيس
اخبارك ايه النهارده احمد بيسلم عليكى كتير ووقع الماوس على الارض
dr.princess
10-09-2010, 05:02 PM
دودى ان شاء الله الدكتورة بكرة بتطمنك وبتكتبلك المناسب على حسب نتيجة المزرعة وماتشوفيش وحش ان شاء الله والف سلامة عليكى
وعقبال ما تشوفى عمر وتاخديه فى حضنك
سمية وملك انتى هتروحوا دفعة مرة واحدة كده النهاردة طيب مش كنتوا تستنونى انا كمان بالمرة هههههههههههه
بس انا لسه هستنى للاسبوع الجاى علشان يبقى كده عدى شهر على اخر كشف ياااااااااااارب هون
dr.princess
10-09-2010, 05:17 PM
دودو سلميلى علي أحمد أوى وبوسيه
دلوقتى وقعها كده من غير قصد بكره يكسرها بمزاجه وبلا هواده ههههههههههه (خبره من ابن أختى )
بكرة تدخلى فى مرحلة < المايك > لما تلاقيه تقريبا كأنه كان محطوط فى بانيو مليان ميه ههههههههههه (أختى تقريبا بتشترى واحد كل شهر)
يللا بقى مش عايزة أحبطك بكرة هتجربى خليكى متفائلة
somia
10-09-2010, 06:13 PM
ازيك برنسس..
كنت عايزة أسالك سؤال بالنسبة للقيء هوه مش لسة بدري عليا انا النهاردة كلت من الساعة10.30 الصبح ومن شوية عذرا رجعت كإني لسة واكلة مع ان مدخلش بطني بعديها ولا حاجة..هوه ده طبيعي كده ولا ايه؟؟؟؟
MALAK2010
10-09-2010, 06:50 PM
انا لسة راجعة من عند الدكتورة وعملت سونار وقالتلى لازم ترتاحى لان فى جلطة او تجمع دموى تحت كيس البيبى من ساعتها وانا مابطلت عياااااااااااااااااااااااط ادعولى لان نفسيتى وحشة اووووووووووووى وعطيت لى مثبت
هو الموضوع دة خطير
انا خايفة اووووووووووووووووى ربنا معايا
دودى اشرف
10-09-2010, 08:30 PM
السلام عليكم
دودى
يارب نتيجه التحليل تكون كويسه ياااارب
وعليكم السلام ورحمة الله وبركاته يا نولارا .. يارب ان شاء الله يا حبيبتى
نولارا
10-09-2010, 08:44 PM
ملك
انا معنديش خبره عن الموضوع ده
ما سالتيش الدكتوره ليه
على العموم ممكن تعملى بحث على جوجل
ان شاء الله خير
دودى اشرف
10-09-2010, 08:46 PM
[QUOTE=dr.princess;396435]دودى ان شاء الله الدكتورة بكرة بتطمنك وبتكتبلك المناسب على حسب نتيجة المزرعة وماتشوفيش وحش ان شاء الله والف سلامة عليكى
وعقبال ما تشوفى عمر وتاخديه فى حضنك
ميرسى يا قمر .. يارب ان شاء الله ...ياااااااااااااااااااارب وعقبال ماتخدى ابنك او بنتك ان شاء الله فى حضنك انتى كمان وتفرحى بيه .
دودى اشرف
10-09-2010, 08:49 PM
انا لسة راجعة من عند الدكتورة وعملت سونار وقالتلى لازم ترتاحى لان فى جلطة او تجمع دموى تحت كيس البيبى من ساعتها وانا مابطلت عياااااااااااااااااااااااط ادعولى لان نفسيتى وحشة اووووووووووووى وعطيت لى مثبت
هو الموضوع دة خطير
انا خايفة اووووووووووووووووى ربنا معايا
حبيبتى متخافيش ... ان شاء الله مفيش حاجة ... وحاولى متخليش ابدا نفسيتك وحشة علشان ده بيقصر طبعا على الحمل ... سملى امرك لله وان شاء الله ربنا هيطمنك وتطمنينا .... ربنا يثبت حملك ويقر عينك بشوفته بين ايديكى معافى ان شاء الله .
نولارا
10-09-2010, 09:02 PM
ملك انا لقيت الكلام ده ياريت يفيدك
اضطراب في المناعة
في هذه الحالة تقوم المنظومات المناعية بالجسم بحجز الجزئيات المانعة لتجلط الدم. وهذا يسبب بالتالي تشكل الجلطات أو الخثرات الدموية في المشيمة (كيس الجنين) وهو ما يتلفها ويسبب اسقاط الحمل.
العلامات المنذرة
العارض الرئيسي هو تكرر حالات الإجهاض.
التشخيص
اجراء اختبار للدم فإذا جاءت نتيجة التحليل ايجابية يجب اجراء اختبار دم آخر بعد ستة إلى ثمانية أسابيع من الاختبار الأول.
العلاج
أدوية سيولة الدم مثل هيبارين واسبرين الأطفال.
.................................................. ...................
الهيبارين فى الأصل هو احد الأدوية المضادة للتخثر ويوجد ايضا الوارافارين ..
ومضادات التخثّر تمنع من تشكيل الجلطات الجديدة وتمنع الجلطات الحالية من النمو (الإمتداد) عن طريق إيقاف إنتاج البروتينات الضروريه للدم حتى تتجلط او تتخثر .
وقد تستخدم الحامل هذة الادوية اذا لديها حاله سابقة لأى جلطة قلبية او اذا تعرضت لمشكلة الخثار الوريدى العميق deep vein thrombosis ..
وهذة الادوية قد تكون خطيرة اثناء الحمل لذلك وجب تنظيم استخدامها فى الحمل ..
ايضا مهم ان نوضح ان الهيبارين نوعين :
النوع العادى unfractionated heparin (UH).
والاخر يعرف بـالهيبارين منخفض الوزن الجزئى Low Mollecular Weight Heparin و يرمز له بالرمز LMWH .
والدراسات الحديثة التى أجريت على النساء الحوامل اقترحت "ان الهيبارين منخفض الوزن الجزئى يضاهى بل هو آمن وفعال اكثر من الهيبارين العادى فى علاج ووقاية الصمات الخثرية الوريدية وهذة المستحضرات منخفضة الوزن الجزئى يبدو انها ذات تأثير مضاد للتخثر اكثر من الهيبارين العادى ولا يحتاج مراقبة مخبرية متكرره ويؤخذ فقط مرة واحدة او مرتين يوميا لذلك فهو مناسب أكثر من الهيبارين العادى الذى يجب عند اخذه المكوث فى المشفى وعمل عدة فحوصات ومتابعة دقيقة " و بالتالى الهيبارين الثانى هو الذى عادة ينصح به الأطباء ..
ايضا للهيبارين ميزة بأنه خلال 4 ساعات يزول تأثيره المضاد للتخثر فقط بإيقاف الدواء ويعاكس بشكل اسرع بإستخدام سلفات البروتامين ..
كما تواجد دراسة مازالوا فيها توضح "ان للهيبارين منخفض الوزن الجزئى منفعه غير مقصودة للناس حيث شاهدوا انه يساهم فى خفض معدل الوفيات lower death rate فى مرضى الخثار الوريدى العميق ومرضى السرطان" ومازالوا فى البحث عن هذة العلاقة ..
عادة ابر الهيبارين فى الحمل لا تؤخذ الا بعد سماع نبض الجنين بعكس استخدام الاسبرين الذى يساعد ايضا على منع التخثر فى الاوعية الدموية الدقيقة فى المشيمة ويمكن استخدامه من بداية الحمل..لذلك ابر الهيبارين لا تؤخذ الا لحاجة ملحة جدا جدا وإلا يمكن للاسبرين ان يستخدم وبفاعلية تغني عن استخدام الهيبارين وطبعا الامر يعود لتشخيص الطبيب المتخصص ..
ومن هنا جاءت فائدة ابر الهيبارين التى يساعد ايضا فى حالات الإجهاض المتكرر حيث يمكن ان يحدث الإجهاض نتيجة لوجود تجلطات فى المشيمة واوعيتها الدموية الدقيقة مما يسبب الإجهاض و هذة الحالة تتعارض مع وظيفة المشيمة بإحداث اضطرابات أخرى غير التجلط تؤدي إلى الإجهاض المتكرر إلى جانب خلل في نمو الجنين Intrauterine growth Retardation أو الولادة المبكرة Preterm Labour وارتفاع ضغط الدم في أحيان أخرى, وتشخيص هذه الحالة يتم بعمل فحص Antiphospholipid antibodies وإعادته بعد (6) أسابيع من الفحص الأول, ويتم علاج مثل هذه الحالات أما بالأسبرين لوحده بفرص نجاح 40 % أو بمصاحبة ابر Heparin بفرصة نجاح70 % حتى بداية الشهر التاسع .
بالنسبة للأعراض الجانبية لتناول الهيبارين :
"فالنزف" يعتبر العارض الجانبي الأكثر شيوعا من الهيبارين منخفض الوزن الجزئى
و هذا قد يتضمّن:
النزف من قرحة أو نمو غير مشخّص في النظام الهضمي.
النزف الجدّي في المناطق الأخرى بسبب جرح .
النزف الجدّي يمكن ان يحدث فى الدماغ ويؤدى الى الموت ( وهو عرض نادر ) .
نزف من الأنف.
ايضا عند اخذ الـ heparins بالحقن تحت الجلد، فقد يحدث تهيّج موضعي، ألم، أو كدم مكان موضع الحقن .
ولا يجب على الحامل اخذ الهيبارين اذا كانت تعانى من اى من الأعراض التالية :
تعانى من النزف الشديد
مرض الكبد أو الكلية
اذا تعانى من انخفاض شديد او سمنة مفرطة (دراسة أكثر مطلوبة على الجرعة الصحيحة وكيف هي يجب أن تراقب)
حساسية من مادة الهيبارين
وبالتالى تحديد الجرعات ومدة تناولك للهيبارين يعتمد على حالتك ولا يوجد مدة او جرعة محدده اما اين تعطى الابر فتعطى في عضلات البطن من الجانب او الفخذ ومن اثاره الجانبية حدوث كدمات مثل تجمعات الدم مكان الابرة hematoma. http://forum.hwaml.com/imgcache2/hwaml.com_1286647327_175.gif (http://www.aleppoeconomics.com/vb/newreply.php?do=newreply&p=225031)
نولارا
10-09-2010, 09:05 PM
على فكره سلفتى الدكتوره كانت كاتبالها على الاسبرين ده
وكانت مواضبه عليه
ودلوقت معاها ياسمين وحامل فى التاسع وولادتها مابين يوم والتانى
ربنا يتملك حملك على خير يارب ويرزقك بالذريه الصالحه السليمه بدون زياده او نقصان
dr.princess
10-10-2010, 07:17 AM
malak2010
حبيبتى وكلى أمرك لله وهو كفيل بيكى وباللى فى بطنك وأهم حاجة تواظبى على المثبت وترتاحى زى ما الدكتورة قالتلك بالظبط وربنا ان شاء الله يحميه ويحافظ عليه
بس قوليلى هى عملتلك التحاليل ؟؟؟؟
ومن ناحية الموضوع ده انا بصراحة مسمعتش عنه بعد كده
وانا من رأيى بعد أسبوعين ترجعى عندها تانى وتشوفى ايه الاخبار
وأنا قرأت كتير هنا على المنتدى انه الحالة النفسية للأم بتأثر على الجنين فمتضايقيش نفسك وكل حاجة هتبقى تماااام باذن الله
dr.princess
10-10-2010, 07:36 AM
somia
بالنسبة لموضوع القىء بتهيألى عادى فى بنات يستمر معاهم القىء من اول الحمل و طول ال 9 شهور مش بس 3 شهور زى معظم البنات وبيبقى أوقات طول اليوم سواء اذا أكلوا أو لا حتى انهم بيقولوا بتبقى المعدة فاضية ويرجعوا ماء أصفر ربنا يعافينا ويعافيكى
وزى ما قلتلك كل واحدة وليها نظامها
MALAK2010
10-10-2010, 09:51 AM
http://forum.hwaml.com/imgcache2/hwaml.com_1286693468_636.gif
نولارا
10-10-2010, 11:11 AM
صباح الخير
ملك
اخبارك ايه دلوقتى ؟ متقلقيش ان شاء الله خير
سميه
فينك مقولتيش عملتى ايه عند الدكتوره
برنسيس
صباح الخير
احنا شايلين المايك اصلا فمفيش قلق عليه
الخوف على الكيبورد
طول ماهو على رجلى عاوز يضرب عليهاهههههههههه
dr.princess
10-10-2010, 11:20 AM
نولارا صباح النور
يللا ياستى خليه يتدرب على الكيبورد صحيح هتلاقى عجز فى كام زرار كده بس ولا يهمك الباقى يسد ههههههه
somia
طمنينا عليكى
somia
10-10-2010, 12:18 PM
somia
بالنسبة لموضوع القىء بتهيألى عادى فى بنات يستمر معاهم القىء من اول الحمل و طول ال 9 شهور مش بس 3 شهور زى معظم البنات وبيبقى أوقات طول اليوم سواء اذا أكلوا أو لا حتى انهم بيقولوا بتبقى المعدة فاضية ويرجعوا ماء أصفر ربنا يعافينا ويعافيكى
وزى ما قلتلك كل واحدة وليها نظامها
جزاك الله خيرا برنسس فعلا الدكتورة قالتلي ان الطبيعي في الحمل ان الواحدة ترجع مرتين في اليوم فلازم تاكل طول اليوم بس وجبات قليلة جدا
somia
10-10-2010, 12:20 PM
انا لسة راجعة من عند الدكتورة وعملت سونار وقالتلى لازم ترتاحى لان فى جلطة او تجمع دموى تحت كيس البيبى من ساعتها وانا مابطلت عياااااااااااااااااااااااط ادعولى لان نفسيتى وحشة اووووووووووووى وعطيت لى مثبت
هو الموضوع دة خطير
انا خايفة اووووووووووووووووى ربنا معايا
ملاك متقلقيش ان شاء الله خير وان شاء الله الجلطة دي المرة الجاية هتبقى ساحت بس انتي ادعي واستغفري كثير وخلي بالك من نفسك كويس جدا وربنا يسترها معاكي ان شاء الله
somia
10-10-2010, 12:23 PM
نولار , برنسس , ملاك...
معلشي اتأخرت عليكم لاني جيت من عند الدكتورة امبارح متأخر جدا وميتة من التعب مقدرتش أعمل أي حاجة غير النوم..
الدكتورة قالتلي الحمد لله فيه كيس للجنين وده الحمد لله يطمن ان مفيش حمل عنقودي بس لسة مش شايفة الجنين وهيه خايفة يكون كيس فاضي لان المانع في الغالب اول حمل بعديه بيكون كيس فاضي وادتني مثبت عشان قالتلي الم الظهر الشديد والبطن اللي انا حاسة بيهم معناه ان الجسم بيحاول يطرد الجنين وطبعا قالتلي راحة تامة ووصتني بيضتين كل يوم وكيلو حليب "و انا اصلا مبطقش لا البيض ولا الحليب مش عارفة هاكلهم ازاي" وسمك وكبدة كل اسبوع عشان الجنين ينمو بسرعة ونطمن بدري وباذن الله عندي استشارة بعد أسبوعين نشوف الجنين لانه المفروض يكون ظهر ونسمع النبض وربنا يسترها لاني خايفة قوي يكون كيس فاضي فعلا ومش عارفة لو انا استريحت راحة تامة يعني هناكل ازاي والبيت مين هيقوم بيه لان اهلي بعاد عني جدا... ربنا يستر
دودى اشرف
10-10-2010, 02:53 PM
السلام عليكم وروحمة الله وبركاته ... ازيكم يا بنات عاملين ايه...يارب تكونوا بخير جميعا.
حبيبتى سمية متخافيش ان شاء الله يطلع خير وتسمع المرة الجاية نبض الجنين وربنا يطمنك باذن الله .... ويا ستى مش مهم حاجة البيت دلوقتى .. انا عارفة انه صعب لكن معلش اكيد جوزك هيعذرك واستحملى شوية الفترة دى لحد ما ربنا يطمنك على حملك وان شاء الله ترتاحى ... واهم حاجة بلاش توتر خاااااااااالص وقلق علشان متتعبيش وان شاء الله تطمنينا عليكى قريب .
ملاك ازيك ... يارب تكونى احسن دلوقتى ... وزى ما كل قالك خلى بالك من التوتر ومن الحالة النفسية ... وان شاء الله كله يبقى تمام .
انا مروحتش انهارده اشوف التحليل بتاع المذرعة لانى نمت متأخر ومقدرتش اقوم فقلت هبقى اروح يوم التلات ان شاء الله وربنا يسهل الحال.
somia
10-10-2010, 03:05 PM
دودي.. دعواتك معايا يكون خير يا رب
باذن الله تحليلك بتكون نتيجته كويسة وتطمنينا باذن الله بس اللي هيخليكي تستني ليوم الثلاثاء ليه مش بكرة؟؟
somia
10-10-2010, 03:13 PM
ملاك معلشي طمنيني هيه الدكتورة شافت الجنين جوه الكيس ولا لسة برضه..
حد مشافش الجنين في الاسبوع الخامس زيي كده وبعدين شافه وسمع النبض وعدى الحمل على خير؟؟؟ اللي حصله كده يطمني الله يطمنكم
دودى اشرف
10-10-2010, 03:16 PM
يارب يا حبيبتى ان شاء الله ... يوم التلات علشان هنا فى الكويت فى ايام للحوامل وايام للنساء ... فا بكرة النساء ... علشان كده قلت التلات وعلشان افتح ملف بالمرة فى المستوصف علشان المتابعة .
somia
10-10-2010, 03:33 PM
يارب يا حبيبتى ان شاء الله ... يوم التلات علشان هنا فى الكويت فى ايام للحوامل وايام للنساء ... فا بكرة النساء ... علشان كده قلت التلات وعلشان افتح ملف بالمرة فى المستوصف علشان المتابعة .
أهه انا كده فهمت .. ربنا يطمنك ان شاء الله وتطمنينا
dr.princess
10-10-2010, 04:23 PM
somia
ان شاء الله يبقى خير وكله تمام والمرة الجاية يبان الجنين بس الاول انتى متأكده انك فى الاسبوع الخامس بتهيألى انك أقل
على العموم دى أخت كانت عندها مشكلة شوفى على الرابط ده
http://forum.hwaml.com/t29411.html
وعلى موضوع الحليب انا عندى نفس المشكلة بس كيلو ده كتييير اوى انا بالعافية لما أشرب كوباية طول اليوم بس دلوقتى بقيت بطلب من جوزى لبن بالفواكه يعنى لبن بالفراولة او بالمانجو طعمه مقبول او ممكن تعمليه انتى فى البيت أو زى ما ملك قالتلى قبل كده ممكن تعملى كريم كراميل او مهلبية او كاسترد او رزبالبن ( انا بحب بس الكريم كراميل )
والبيض غيرى اعملىه مرة مسلوق وكليه بالجبنة وحطى عليه فلفل اسود شويه بيحلى طعمه وبيقتح النفس او اعمليه مفقوش بالسمنة البلدى بيبقى حلو وانا اوقات بحطله مكعبات صغيرة جبنة رومى بتسيح فيه وبيبقى جميل
وعلى موضوع الكبده انا عارفه ان زيادتها مش حلوة فى الحمل علشان فيها فيتامين أ وزيادته مش حلوة زيها زى الجزر قصدك انك تقللى كميتها
وياستى لو على شغل البيت قللى منه اليومين دول يعنى مين اللى هيجيلك يعنى هو فى حد لسه بيزور حد اليومين دول قصدى خدى راحتك وماتجهديش نفسك
وربنا يكتبلك الخير ان شاء الله
dr.princess
10-10-2010, 04:31 PM
دودى
ماتتأخريش عن يوم الثلاثاء علشان تروحى تشوفى نتيجة المزرعة ( اكسبى وقت ) وتأخدى كورس العلاج كامل زى ما الدكتورة هتكتبهولك بالظبط
يللا عشان تبقى أحسن وتتطمنىنا عليكى ياقمر
somia
10-10-2010, 04:42 PM
برنسس.. بالنسبة لعمر الجنين الدكتورة قالتلي النسبة اللي في نتيجة التحليل وحجم الكيس والحياب اللي احنا حاسبينه معناه اني 5أسابيع ويوم..
أما بالنسبة للحليب فهيا فعلا قالتلي على موضوع التنويع ده وانا خليت زوجي يجيبلي رايب بحب أشربه بس هحاول فعلا اشتري كريم كراميل لاني بموت فيه وربنا يسهل..
أما البيض انا النهاردة كلت واحدة مسلوقة حطيب عليها شطة وبكدة عرفت أكلها انا كنت ساعات باكله بالبسطرمة بس طبعا دي من الممنوعات دلوقتي فعشان كده ربنا يعيني بقى وأقدر أكله
وجزاك الله خيرا على رابط الموضوع.. ما انتبهت عليه
dr.princess
10-10-2010, 04:57 PM
somia
اهم حاجة بلاش تكترى من الشطة علشان الالتهابات والبواسير ربنا يعافينا
انا عمرى ما اشتريتها ولا استخدمتها فى الاكل أبدا أبدا
somia
10-10-2010, 05:05 PM
برنسس هيه فعلا الشطة مضرة جدا بالنسبة لي لان القاولون عندي بيقوم علي من ابسط حاجة بس بجد كنت حاسة اني هرجع البيضه وانا باكلها فاطريت احط عليها شوية من تتبيلة الباذنجان المخلل اللي ميلن شطة بس حتة صغيرة جدا عشان متعبش والحمد لله عدى على خير
دودى اشرف
10-10-2010, 06:33 PM
ان شاء الله اروح واطمنكم بإذن الله ... برنسيس هو تأكيدك على انى اروح ومتأخرش يعنى ممكن يبقى فى حاجة لا قدر الله ... معلش انا اتأخرت عليكم فى الرد اصلى باكل ... اصل انا فى الخامس وحاسة انى كل شوية بجوع .. فقلت اقوم اكل شوية... هههههههههههههههههه .. اتفضلوا معايا والله ...اصل طول الوقت قاعدة لوحدى فا مش قدامى حاجة غير انى افكر اكل واشرب ايه ... هههههههههههههههههههههه ... بس بحاول مكلش فى كل مرة كتير علشان معدتى ... ادعولى متخنش هههههههههههههههه
somia
10-10-2010, 07:05 PM
دودي انتي بتفكريني بنفسي... ربنا يسترها معانا ومنلاقيش نفسنا اشولة رز.. ههههههههههههههه
نولارا
10-10-2010, 07:23 PM
كلوا كويس عشان النونو يبقى صحته كويسه
متقلقوش على موضوع اشوله الرز ده
انا فى اخر حملى كنت 75 كيلو
دلوقت انا 58كيلو
الرضاعه الطبيعيه بترجع الوزن اقل من الاول كمان
اتغذوا كويس
دودى اشرف
10-10-2010, 07:25 PM
ربنا يستر والله احسن انا برضه خايفة اوى .... انا اصلا ساعات باكل قبل ما ييجى جوزى علشان بيفضل يقطمنى ... هههههههههههههههه .. ومش هقوله بقى انى اكلت اوى يعنى بقول انى اكلت لقمة كده على ما ييجى ..هههههههههههههههههههههه
دودى اشرف
10-10-2010, 07:35 PM
الله يطمنك يا نولارا ... ربنا يسهل ونرجع تانى بعد الولادة يااااااااارب
حكآية عطر
10-10-2010, 11:46 PM
مساء الخيررر..انا جالسه اشيك عالتجمعات واتصفح اخر صفحه بس عشان التجمعات كثيرر ..
وش اخباركم جميعا؟.. الله يتمم لي ولكم على خير
حد مشافش الجنين في الاسبوع الخامس زيي كده وبعدين شافه وسمع النبض وعدى الحمل على خير؟؟؟ اللي حصله كده يطمني الله يطمنكم
حبيبتي سميه انا رديت مخصوص عشانك ..
لاتخافين حبيبتي انا مرتين حملت وكلهم مايبين الجنين غير بالاسبوع التاسع فلاتخافي ,,ولاقدر الله ومابان او نزل الكيس فلايضيق خاطرك الواحد مايدري الخير وين مكتوب فيه ..
بس ان شاء الله ربي يتمم حملك وتشوفيه بين ايديك بصحه وعافيه ..
والرسول يقول مايرد القضاء الا الدعاء..
somia
10-11-2010, 02:12 AM
حكاية عطر..
الله يطمن قلبك زي ما طمنتيني..
جزاك الله خيرا على مرورك الكريم
حكآية عطر
10-11-2010, 06:48 AM
http://forum.hwaml.com/t30708.html#post400060
dr.princess
10-11-2010, 07:24 AM
صباح الخييييير يا بناااااات
ساعدونى والله قلقانة تقريبا مش بأكل أى حاجة أفضل بالساعات كده لغاية ما بطنى توجعنى من الجوع بس أعمل ايه بتبقى معدتى مقلوبة جدا ومش بقدر أكل وأوقات مش بيجيلى نفس أصلا
وماما وجوزى مبهدلنى وبيخوفونى ان يحصل مشكله للجنين أو انه يطلع ضعيف خصوصا انى برده بالعافيه لما بشرب لبن فبقيت بجيبه بالفواكه وبرده مش بشرب كتير زى الحوامل
اللى عندها أى نصيحة ياريت تفيدنى
dr.princess
10-11-2010, 07:27 AM
دودى
انا تقريبا اتلخبطت وفكرتك فى التاسع
فقلت انك تلحقى تأخدى كورس العلاج ويبقى كله تمام كده قبل ما تولدى بس هو ده السبب
MALAK2010
10-11-2010, 07:38 AM
صباح الخير يا بنات
وحشتوووووووووووونى
حبيت اطمنكم ان الحمد لله انا سالت دكتورين عن الحالة بتاعتى
والحمد لله طمنونى ان الحكاية دى عادى وان الدكتورة غلطانة الله يسامحها عايشتنى يومين ربنا اعلم بيا والاتنين قالوا نفس الكلام
يلا الحمد للة
حبيت اطمنكم لانى قلقتكم اووووووووووى وربنا يكملنا على خير ياااااااااارب
somia
10-11-2010, 07:41 AM
برنسس انا عاملة زيك بالضبط والحل الوحيد اللي بعمله اني بلحق نفسي اول ما تجيبني نفسي على حاجة اروح واكلاها علطول هوه صحيح بطني بتفضل مقلوبة طول اليوم والدكتورة قالتلي ده طبيعي لان الحمل بياخر هضم الاكل كثير جدا عن الطبيعي بس بحاول اقل فيه وفي نفس الوقت اكل لغاية ما احس اني ابتديت اشبع وهما وجبتين فاليوم يعني رغيفين او اقل طول اليوم
اما بالنسبة للحليب فانا مشفتش حامل بتشرب حليب كثير مع انه مفيد جدا وفعلا بيأثر على الجنين يعني مثلا انا قدامي مثلين مثل مرات خالي مكنتش بتشرب حلب في الحمل الا قليل وبالتالي مع كل حمل درس من اسنانها بيقع لان الاستاذ النونو بياخد الكالسيوم حتى لو مفيش فائض عندك والمثل التاني صاحبة ماما مش عارفة كانت عيانة باية في الحمل فكان علاجها الوحيد شرب كميات مهولة من الحليب تقدري تقولي كانت بتشرب من اللبانة علطول بكذا كيلو فاليوم فبنتها ماشاء الله اتولدت طالعلها سنتين.. ربنا يعينا ويهدينا ويجيب نفسنا عليه من عنده..ااااااااامين يا رب..
برنسس صحيح كنت عايزة أسألك بالنسبة للامساك الحل فيه ايه انا بقالي حوالي 3أيام عذرا مدخلتش حمام ومش عارفة أعمل ايه؟؟
dr.princess
10-11-2010, 07:46 AM
malak2010
صباح الفل
الحمد لله انك اتطمنتى وطمنتينا
الله يسامحها الدكتورة دى والله كان على بالى امبارح اقولك شوفى دكتورة تانية بس قلت فى نفسى بلاش تتحركى كتير
على العموم كمان أسبوعين روحى اتطمنى عند دكتورة من اللى قلتى انك سألتيهم
وربنا يكمل حملك على خير ياااااااااارب
MALAK2010
10-11-2010, 07:53 AM
لا الدكتورين دول من مصر اروح مصر ازااااااااااااااااااااااى
بس صحيح اطمنت الحمد لله بس برضة فى شوية قلق صغير بس الحمد لله على كل شئ
هروح ان شاء الله كمان عشر ايام هجرب دكتورة تانية علشان نبض الجنين ربنا يستر وماتطلعش حكاية تانية
احلى حاجة فى مصر انتى عارفة مين الدكتور الكويس ومين لاء
والدكتورين يقولوا لية عطيت مثبت طالما مفيش دم ولا حاجة وانا هضطر اكمل المثبت لغاية ما اروح بعد عشر ايام لانى خايفة اوقفة
somia
10-11-2010, 07:54 AM
ملاك الحمد لله انك اطمنتي وطمنتينا..
بس كنت عايزة أسألك انتي شفتي جنين ولا لسة مبانش برضه؟؟
MALAK2010
10-11-2010, 08:02 AM
بصراحة هى قالت دة كيس الحمل وماوضحتش
لانها اتشغلت بالتجمع الدموى وانا اتلبخت من الكلام اللى قالتة وانا برضة مش عندى خبرة
عارفة والهى ساعتها تلجت وماكنتش عارفة اقولها اى حاجة
dr.princess
10-11-2010, 08:05 AM
somia
انا دورتلك فى جوجل على علاج للامساك ( غير الادوية ) فتقريبا كل الناس بتقول الفواكه والخضروات الطازجة
واللبن والزبادى بس تزوديله عسل ( أنا بالنسبه ليا اللبن فورى يعملى اسهال أخلص من هنا وعلى الحمام جرى هههههههه )
والله يابنتى جوزى فضل يقولى لازم تأكلى غصب عنك حتى ولو معدتك مقلوبة سمعت كلامه ويومها رجعت من أول قطمتين وبطنى كانت بتتقطع من الوجع ومن يومها خلاص مش بأكل الا لما تبقى معدتى مرتاحة يعنى تقريبا دقايق
ياااااااااارب يا معييين
dr.princess
10-11-2010, 08:11 AM
malak2010
انتى هتقوليلى ؟؟؟ دى المنصورة فيها دكاترة نسا تحتارى تروحى لمين ولا لمين كلهم أحسن من بعض يللا الحمدلله
وأحسن حاجة تخليكى على المثبت لغاية ما تشوفى دكتورة تانية تكون أحسن وتشوفى هتقولك ايه وكمان تعملى التحاليل هناك عشان تتطمنى
MALAK2010
10-11-2010, 08:17 AM
http://forum.hwaml.com/imgcache2/hwaml.com_1286774255_620.gif
MALAK2010
10-11-2010, 08:18 AM
http://forum.hwaml.com/imgcache2/hwaml.com_1286774316_414.gif
somia
10-11-2010, 08:32 AM
somia
انا دورتلك فى جوجل على علاج للامساك ( غير الادوية ) فتقريبا كل الناس بتقول الفواكه والخضروات الطازجة
واللبن والزبادى بس تزوديله عسل ( أنا بالنسبه ليا اللبن فورى يعملى اسهال أخلص من هنا وعلى الحمام جرى هههههههه )
ههههههههههههههههههههه انا بالنسبة لي البطيخ برضه بس للأسف البطيخ مبقاش موجود دلوقتي خلاص..
جزاك الله خيرا على البحث.. معلشي تعبتك معايا
somia
10-11-2010, 08:35 AM
بصراحة هى قالت دة كيس الحمل وماوضحتش
لانها اتشغلت بالتجمع الدموى وانا اتلبخت من الكلام اللى قالتة وانا برضة مش عندى خبرة
عارفة والله ساعتها تلجت وماكنتش عارفة اقولها اى حاجة
الحمد لله انك اطمنتي بس فعلا زي ماقالت لك برنسس غيري الدكتورة دي احس وربنا يطمنك ويطمني على الجنين .. اللهم اااااااااااامين
dr.princess
10-11-2010, 08:36 AM
انتوا عارفين يا بنات انى لغاية دلوقتى ما سمعتش نبض الجنين
MALAK2010
10-11-2010, 08:38 AM
ازااااااااااااااى هو بيظهر النبض امتى
MALAK2010
10-11-2010, 08:41 AM
علشان انتى مارحتيش من شهر؟؟؟؟؟
لما انتى رحتى بعد عشر ايام وعملتى التحاليل ماسمعتيش النبض؟؟؟
dr.princess
10-11-2010, 08:41 AM
malak2010
البنات هنا فى المنتدى بيقولوا بيبان من الاسبوع الخامس لو سونار مهبلى والاسبوع السابع او الثامن لو سونار عادى من على البطن
MALAK2010
10-11-2010, 08:43 AM
طيب انتى فى العاشر؟؟ ممكن علشان بقالك شهر مارحتيش
ان شاء الله اكيد لما تروحى المرة الجاية هتسمعية وهتسمعية بيغنى كمان
dr.princess
10-11-2010, 08:47 AM
انا فى اخر كشف فضلت مستنية كتييير فدخلت للدكتورة كنت هموووت من التعب و خرجت من عندها عملت التحاليل ورجعتلها تانى ونسيت أسئلها وهى كمان زى ما قلتلكم قبل كده مش بتتكلم خالص لا بالحلو ولا بالوحش ماقلتش اى حاجة ولا حتى قالتلى تعالى تانى ولا جابت سيرة النبض بتاتا
هى قالت كل حاجة تمام وجوزى بيقولى لو شايفة حاجة مش طبيعية كانت قالت
انا هروحلها كمان أسبوع ابقى أشوف ساعتها
dr.princess
10-11-2010, 08:48 AM
malak2010
انا كنت هناك من 20 يوم مش من شهر
somia
10-11-2010, 08:50 AM
برنسس انا عملت سونار مهبلي وبالرغم من كده الاستاذ نفسه مظهرش مش بس نبضه
MALAK2010
10-11-2010, 08:52 AM
ربنا يطمنك يا حبيبتى وجوزك عندة حق هى اكيد شافت ان الجنين الحمد لله بيكبر وهى كلامها قليل ولو كان فى حاجة لا قدر الله كانت قالت
اطمنى وربنا يسهل الاسبوع الجاى تطمنينا
dr.princess
10-11-2010, 08:53 AM
somia
اه والله ربنا العالم
MALAK2010
10-11-2010, 09:02 AM
وماتقلقيش نفسك يا حبيبتى ان شاء الله خير
انا دايما اقول اكتر واحدة قلقانة فى العالم هى المصرية وانا طبعا اكتر واحدة فى المصريات واخدة المركز الاول بدون منافس ههههههه
dr.princess
10-11-2010, 09:08 AM
somia
بلاش تكترى من السونار المهبلى سمعت انه مش كويس وخصوصا فى اول الحمل
malak2010
ماتقوليش على القلق ده ماما هى المركز الاول ووالله لو حلفتى بأيه
انا مش قلقانة اوى يعنى
سايباها على ربنا واللى كاتبه خير فى كل الاحوال
ده انا حتى بفكر ما اروحش الاسبوع الجاى واروح الاسبوع اللى بعده ولا كده هبقى باردة أوى هههههههه
MALAK2010
10-11-2010, 09:15 AM
انا هقوم يا حبايبى ونكلم تانى ان شاء الله ويلا قوموا انتوا كمان علشان ماتتكلموش مع بعض وتسبونى ههههههههههههههه انا هدخل كمان شوية اتاكد انكم طلعتوا ههههههههه
somia
10-11-2010, 09:19 AM
برنسس أنا مش هكتر منه ان شاء الله بس الحمل العنقودي مبيبانش في البداية كده الا في السونار المهبلي فعشان كده كان لازم أعمله عشان نطمن انه طبيعي
اما بالنسبة للتوتر فانا عندي استاذين فيه عندي اختي ما شاء الله تجنن العاقل لدرجة اني مسمياها انسة توتر وزوجي بسم الله ما شاء الله عليه انا بقولهم اروح منكم فين اروح عند ماما الاقي اختي ارجع بيتي الاقي زوجي .. ربنا يستر ويفضل عقلي سليم
dr.princess
10-11-2010, 09:23 AM
malak2010
ماشى يا حبيبتى يللا روحى ارتاحى
وانا شوية وهلحقك انتى عارفة النوم مايتقالوش لأ أبدااااااا هههههههههههه
somia
10-11-2010, 09:25 AM
هههههههههههه ملاك انا مش هينفع اقوم دي فرصتي قدام الكمبيوتر كمان شوية زوجي هيصحى وهيستولى عليه ومش اعرف امسكه الا صدفة
dr.princess
10-11-2010, 09:32 AM
somia
لالالالا انا عكسك خالص ماما هى القلق بعينه وأنا شوية بس مش زيها
أما أختى لالا مش زينا خالص بس طبعا عندها جوزها فظيييييييع أنيل من ماما زى ما قلتى يجنن العاقل
و جوزى بيعرف يمسك أعصابه ومايبينش خالص مهما كان قلقان من اى حاجة عمره ما يقول أبدا لدرجة انى ببان جنبه زى الهبلة بالظبط هههههههههههه
dr.princess
10-11-2010, 09:38 AM
somia
انا اللى مستحوذة على الجهاز طول اليوم تقريبا تعويض للى كان أخويا بيعمله فيا ههههههههه
جوزى بيشتغل 12 ساعة فبيرجع ياعينى مش شايف قدامه
ياااادوب أخره كل 3 أيام نكلم حماتى وحمايا وأكتر من كده مش بيلحق علشان لازم ينام علشان يعرف يقوم الصبح
أخر بهدلة والله
somia
10-11-2010, 09:57 AM
هههههههه طب كويس ان معكيش حد في البيت يوترك انا ماما عكس اختي تماما انا بقى ساعات وساعات ساعات بتعدي منهم وساعات ربنا بيهديني
somia
10-11-2010, 10:02 AM
طب كويس برنسس بس خلي بالك متقعديش كثير قدامه لان الدكتورة قالتلي اقل منه عشان البيبي
dr.princess
10-11-2010, 10:20 AM
somia
والله بحاول بس اعمل ايه طول اليوم لوحدى ولما بكون صاحية بفتحه وأشغل التليفزيون اى حاجة تعمل هيصة فى البيت وخلاص
somia
10-11-2010, 10:28 AM
برنسس انتي عارفة انا زيك بالضبط مبلقاش حاجة أعملها الا الكرتون على التلفزيون لاني والحمد لله تعالى مش بتفرج على مسلسلات ولا افلام ياإما المنتدى وتحميل كرتون على الكمبيوتر وزوجي تقريبا نفس نظام شغل زوجك بس ساعات بيبقى عنده مأموريات سفر فبيرجع ينام لتاني يوم
dr.princess
10-11-2010, 10:44 AM
يللا يا بنات
لقد حان وقت النوم
أخدت الدش التمام وهروح أستلقى وأسترخى وأنامِ ممكن ارتاح شوية من معدتى المقلوبة دى من أول ما صحيت
ياااااااااااااااااارب
somia
10-11-2010, 10:54 AM
برنسس..
تصبحي على خير.. وربنا يشفي بطنك يا رب
somia
10-11-2010, 02:35 PM
إيه يا جماعة .. هوه لسة محدش صحي ولا ايه؟؟
dr.princess
10-11-2010, 03:41 PM
somia
أنا صحيت والحمدلله
بس هروح أصلى وأنزل الحرم مع ناس أصحابنا وجوزى هيجيلنا بعد الشغل فهتأخر بره ومش هعرف أدخل تانى النهاردة
ان شاء الله الصبح هتلاقينى زى كل يوم
فى رعاية الله
نولارا
10-11-2010, 03:47 PM
برنسيس
ادعيلى معاكى ربنا يهدى احمد ويخلى لى جوزى وحماتى تسينا فى حالنا
نولارا
10-11-2010, 03:49 PM
يابنات السونار بيبان فيه النبض بس انتى مش بتسمعيه
فى جهاز تانى اسمه الدوبلر هوالل بتسمعى فيه النبض
انا مسنعتش النبض غير بالجهاز ده فى المستشفى لما كنت باولد
somia
10-11-2010, 04:13 PM
برنسس متنسينيش في الدعوات ان ربنا يثبت لي حملي ويسهلهولي وولادتي ويجعلهولي ذرية صالحة ويباركلي فجوزي
dr.princess
10-11-2010, 04:29 PM
معلشى اتأخرت كنت بلبس
حاضر يا بنات ان شاء الله مش هنسى أدعيلكم باللى انتم عايزينه
نولارا
والله مش عارفة موضوع الاجهزة دى
بس زى ما قلت قبل كده جوزى بيقولى مادام الدكتورة معلقتش ولا قالت حاجة وحشة يبقى مفيش مشاكل بأذن الله
يللا بقى هروح ألبس النقاب وأنزل
سلالالالالالالالالالالام
**ايمان**
10-11-2010, 04:39 PM
ازيكم يا مصريااااااااااات انا مش مصدقة عينية معقولة اخواتى المصريااات اخيرا موجودين انا مشتركة فى المنتدى بقالى كتير بس للاسف مش عارفة ليه انا مشفتش التجمع ده مع انى دورت عليه كتيييير الظاهر انى نظرى ضعيف قووووووووووووى بس انا مبسوطة جدا انى لقيتكم اخيرا أرجوكم ردوا عليا hwaml13hwaml13hwaml13hwaml13hwaml13hwaml13hwaml13h waml13hwaml13hwaml13hwaml13hwaml13hwaml13hwaml13hw aml13hwaml13hwaml13
دودى اشرف
10-11-2010, 04:56 PM
دودى
انا تقريبا اتلخبطت وفكرتك فى التاسع
فقلت انك تلحقى تأخدى كورس العلاج ويبقى كله تمام كده قبل ما تولدى بس هو ده السبب
ولا يهمك يا حبيبتى ... انا لسه فى الخامس وربنا يسهلنا جميعا وميرسى لردك.
دودى اشرف
10-11-2010, 05:00 PM
ازيكم يا مصريااااااااااات انا مش مصدقة عينية معقولة اخواتى المصريااات اخيرا موجودين انا مشتركة فى المنتدى بقالى كتير بس للاسف مش عارفة ليه انا مشفتش التجمع ده مع انى دورت عليه كتيييير الظاهر انى نظرى ضعيف قووووووووووووى بس انا مبسوطة جدا انى لقيتكم اخيرا أرجوكم ردوا عليا hwaml13hwaml13hwaml13hwaml13hwaml13hwaml13hwaml13h waml13hwaml13hwaml13hwaml13hwaml13hwaml13hwaml13hw aml13hwaml13hwaml13
الحمدلله يا ايمان ..اه اخيرا اتعمل تجمع لحوامل مصر ... انا كمان لاقيت نفسى معاهم .hwaml7
**ايمان**
10-11-2010, 05:08 PM
انتى منين يادودى وانتى فى الشهر الكام دلوقتى انا من القاهرة عندى 23 سنة
دودى اشرف
10-11-2010, 05:29 PM
انا من القاهرة بس قاعدة فى الكويت ... انا فى الشهر الخامس ... وانتى ؟؟ ... بس انا اكبر منك بكتيييير انا 33
**ايمان**
10-11-2010, 05:55 PM
انا فى الشهر التالت دلوقتى انتى بقالك كتير فى الكويت وياترى بتيجى مصر ولا لآ
نولارا
10-11-2010, 06:41 PM
اهلا بيكى ياايمان
انتى منين بالضبط فى القاهره
انا من طنطا
بس كان ليا واحده صاحبتى فى الكليه اسمها ايمان
قلت يمكن تكون انتى هههههههههههه
MALAK2010
10-11-2010, 08:06 PM
نولارا: كل سنة وانتى طيبة يا قلبى انا عارفة ان بكرة عيد ميلادك بس ممكن ما تتدخليش
فقلت احتفل النهاردة وبكرة كمان ههههههههه مين قدك يا ستى
ياترى ابو احمد واخد بالة ولا لاء وجاب الهدية ولا نسى
ابقى طمنينى لانى عيد ميلادى يوم 20 فعاوزة اعرف مصيرى انا كمان ههههههههههههه
http://forum.hwaml.com/imgcache2/hwaml.com_1286817398_733.jpg
http://http://www.youtube.com/watch?v=DL1P1843rAc&feature=related
دودى اشرف
10-11-2010, 09:03 PM
ملاك ... الحمدلله انك اطمنتى يا حبيبى وربنا يتملك ويتم للجميع على خير ياااااااااااااارب وعقبال ما سمية تطمنا ان شاء الله
دودى اشرف
10-11-2010, 09:06 PM
انا فى الشهر التالت دلوقتى انتى بقالك كتير فى الكويت وياترى بتيجى مصر ولا لآ
معلش حبيبتى انشغلت واتأخر فى الرد ...ربنا يتملك على خير يارب ويثبت حملك ان شاء الله ... لا انا لسه متجوزة فى شهر 4 مش بقالى كتير بس كلمة عايشة تحسسك ان بقالى سنييييييييين ...هههههههههههههه
... انا بقالى 6 شهور بس .. لكن المفروض ان شاء الله نازلة اولد فى مصر ربنا ان شاء الله ميعملش حاجة وحشة وانزل بالسلامة لان ماما واهلى وحشونى اوى ومصر كمان وحشتنى بكل قرفها الحقيقة هههههههههههههههه hwaml02hwaml02
دودى اشرف
10-11-2010, 09:08 PM
كل سنة وانتى طيبة نولارا وعقبال 10000000000000000 سنة انشالله
**ايمان**
10-11-2010, 09:27 PM
معلش حبيبتى انشغلت واتأخر فى الرد ...ربنا يتملك على خير يارب ويثبت حملك ان شاء الله ... لا انا لسه متجوزة فى شهر 4 مش بقالى كتير بس كلمة عايشة تحسسك ان بقالى سنييييييييين ...هههههههههههههه
... انا بقالى 6 شهور بس .. لكن المفروض ان شاء الله نازلة اولد فى مصر ربنا ان شاء الله ميعملش حاجة وحشة وانزل بالسلامة لان ماما واهلى وحشونى اوى ومصر كمان وحشتنى بكل قرفها الحقيقة هههههههههههههههه hwaml02hwaml02
ان شاء الله ربنا مش هايجيب حاجة وحشة يارب ترجعى بالسلامة وتنوريلنا مصر وتشوفى مامتك واهلك اللى وحشوكى hwaml7hwaml7hwaml7hwaml7
**ايمان**
10-11-2010, 09:35 PM
اهلا بيكى ياايمان
انتى منين بالضبط فى القاهره
انا من طنطا
بس كان ليا واحده صاحبتى فى الكليه اسمها ايمان
قلت يمكن تكون انتى هههههههههههه
اولآ كل سنة وانتى طيبة يا نولارا وعقبال مليووووووووووون سنة
انتى كنتى فى جامعة ايه
دودى اشرف
10-11-2010, 09:41 PM
يااااااااااااااااااااارب ان شاء الله ... ميرسى يا قمر
نولارا
10-11-2010, 09:53 PM
,وانتى طيبه ياايمان
انا كنت فى جامعه الازهر
كليه العلوم
نولارا
10-11-2010, 10:00 PM
ملك
ميرسى ياقلبى وانتى طيبه
انا مش عارفه فاكر ولا لا
اوقات بحس انه فاكر واوقات بحس انه ولا على باله
اصلا شغله ملخبط خالص اليومين دول
وحماتى لازقالنا كل ليله
واحمد مش بينام قبل واحده الصبح
حظى حلو خااااااااااااااااااااالص
**ايمان**
10-11-2010, 11:46 PM
يا بنات يا ريت اللى تعرف مستشفى كويسة بالقاهرة تقولى على اسمها وكمان معلومات عنها يارب تردوا عليا بسرعة
somia
10-12-2010, 05:50 AM
يا بنات يا ريت اللى تعرف مستشفى كويسة بالقاهرة تقولى على اسمها وكمان معلومات عنها يارب تردوا عليا بسرعة
إيمان انا عن نفسي ناوية اولد ان شاء الله فقصر عيني فرنساوي عملت عندهم عملية تفريغ الحمل العنقودي وكانوا كويسين جدا اما عن الدكتورة فاللي عملتلي العملية دكتورة كويسة جدا وانا الوقتي متابعه معاها لو عايزة معلومات عنها ابعتيلي على الخاص وانا افيدك
somia
10-12-2010, 06:07 AM
ملاك ... الحمدلله انك اطمنتى يا حبيبى وربنا يتملك ويتم للجميع على خير ياااااااااااااارب وعقبال ما سمية تطمنا ان شاء الله
يا رب اطمن وأطمنك عاجلا غير أجل يا رب
somia
10-12-2010, 06:10 AM
برنسس ..
انتي فين .. لسة مصحيتيش ولا اية؟؟
ملاك , نولار , دودي .ايمان..
مفيش حد صاحي؟؟
dr.princess
10-12-2010, 07:08 AM
صباح الخييييييييييييييييير
somia
صحيت من شوية بس بالعافية لما قدرت أقوم معدتى مقلوبة كل يوم أكتر من اللى قبله ( زى مابيقولوا نفسى غامة عليا بشكل فظيييع )
يللا ربنا يعيييييييييييين
dr.princess
10-12-2010, 07:14 AM
نولارا
كل سنة وانتى طيبة
عيد ميلاد سعيد ان شاء الله وماتعمليش زيى ويتقلب نكد اوعى هههههههههههههه
dr.princess
10-12-2010, 07:18 AM
ايمان
يا ألفين أهلا وسهلا
أهلا بيكى معانا و ان شاء الله تعرفى اننا كلنا هنا أخوات
و يارب يكمل حملك وحملنا على خير
MALAK2010
10-12-2010, 07:41 AM
http://forum.hwaml.com/imgcache2/hwaml.com_1286858462_742.gif
برنسيس: الف سلامة يا حبيبتى وربنا يعدى التلات شهور دول لانك تعبتى فيها اوووووى
عملتى اية فى الحرم يارب تكونى افتكرتينى
انت عيد ميلادك امتى؟؟؟؟؟؟؟؟؟؟؟؟؟؟؟؟
طالما كان قلب بنجد عوضي فى عيد ميلاد جوزك ياااااااااااارب كل ايامك تبقى سعادة وفرحة وعيد ميلادك الجاى يبقى (يس)موجود معاكى ان شاء الله
وجوزك جابلك هدية ولا اتحجج بالنكد ههههههههههههه هو شكلة اتلكك
MALAK2010
10-12-2010, 07:46 AM
دودى اشرف :ياااااااااااااااااااااارب ترجعى النهاردة من التحليل مطمنة وتطمنينا
dr.princess
10-12-2010, 08:01 AM
malak2010
الله يسلمك حبيبتى ويعدى الشهور دى على خير
واكيد افتكرتك امبارح والله انتى وكل البنات
الحرم ما شاء الله رجع يزدحم من تانى
بس قبل كده كان كله ايرانيات ( الحمد لله مش موجودين امبارح )وطبعاالماليزين وأخواتهم والهنود والباكستانيات والجماعة دول كانوا موجودين بس قليلين اوى مش زى قبل كده
الحلو بقى ان كل الناس تقريبا امبارح يا أما عرب يا أما تركيات ياختى على جمالهم قمرااات وحلوين كده وشكلهم مستحميييين حالا ايه النظافة دى ولبسهم حلو وهادى ورقيق كده وتفضلى تبصى تبصى من حلاوتهم ههههههههههههه
ربنا يثبتهم على الدين
MALAK2010
10-12-2010, 08:04 AM
انتى هتقوليلى ههههههههههههههه
جمالهم هااااااااااااااااااااااادى بس ملكات جمال ما شاء الله عليهم
انتى ساكنة جنب الحرم؟؟
dr.princess
10-12-2010, 08:14 AM
malak2010
عيد ميلادى 10 أبريل
هو قلب نكد بعقل دى ليلة عيد ميلادى اللى هى يوم 9 اتخانقت معاه وهو كمان المهم دخلنا فى بعض شمال وفضلت أعيييييييييط وكانت ليلة مايعلم بيها الا ربنا والمفروض ان ده أول عيد ميلاد لينا مع بعض خالص ( وبعد اسبوعين جواز بس كان شهر عسل زى الفل صراحة ههههههههههه)
بس فى يوم عيد ميلادى نفسه صالحنى تقريبا خاف منى هههههههه بس أنا منستهالوش أبدا ( قلبى أسود أنا عارفة )
وجيت أصلحها فى عيد ميلاده فى شهر 7 كانت الهانم عندى ( حبيبة كل البنات طبعا ههههههههههه ) وبطنى كانت بتتقطع يادوب كنت شايفاه أصلا بس الحمد لله كانت الاخيرة قبل الحمل
ولو ربنا كمل عليا الحمل بالخير يبقى هيكون قبل الولادة بشهر او اقل وأكيد هكون تعبانة او ممكن اكون نزلت مصر اولد لسه مش عارفة يعنى بايظة بايظة ههههههههههههههه
dr.princess
10-12-2010, 08:18 AM
malak2010
لالالا ساكنة بعيد اوى عن الحرم وبصراحة بعيد عن كل حاجة ساكنة قريب من المطار فى اخر المدينة المنورة تقريبا 30 دقيقة بالعربية
بس المكان الجديد ان شاء الله قريب كتيييير يعنى 10 دقايق بالعربية
MALAK2010
10-12-2010, 08:23 AM
نولارا: كل سنة وانتى طيبة يا جميل تانى مش مشكلة بحسسك بعيد ميلادك علشان لو ابو احمد ماخدش بالة يبقى احنا عملنالك عيد ميلاد بس هو هيفاجأك وهيكون فاكر ياااااااااااااااارب هههههههه
ولة كنتى رومانسية دى هديتى
http://forum.hwaml.com/imgcache2/hwaml.com_1286861036_737.jpg
ولو كنتى زى اغلب المصريات عاوزين هدية دهب يارب زوقى يعجبك
http://forum.hwaml.com/imgcache2/hwaml.com_1286861036_551.jpg
اهو مش مستخسرة فيكى ههههههههههههههه
ولو عاوزة زى ما بيقولوا حقك ناشف
http://forum.hwaml.com/imgcache2/hwaml.com_1286861037_684.jpg
معايا طلباتك اوامر المهم تفرحى النهاردة
MALAK2010
10-12-2010, 08:27 AM
معلش تتعوض فى العيد ميلاد بعد الجاى ان شاء الله ولا هتتحججى بالعيال هههههههههههههههههه
انا لسة عيد ميلادى يوم 20 ربنا يستر ههههههههههههه
بصراحة باين هصدق ان الخطوبة احلى من الجواز
انتى الحمد لله لقيتى شقة فرحينى؟؟؟؟؟
somia
10-12-2010, 08:35 AM
برنسس مين سمعك انا كمان بطني مقلوبة من الصبح بس اصلي امبارح كنت هموت واكل رنجة وبعد ما كلتها نمت لاني كنت دايخة جدا فمش قادرة اقولك بطني عاملة ازاي قلت ميت مرة اشرب فعصير ساقع والمشكلة اني نفسي فيها تاني
MALAK2010
10-12-2010, 08:39 AM
صباح الخير يا سمية الف سلامة عليكى يا حبيبتى ربنا يعينك
dr.princess
10-12-2010, 08:39 AM
malak2010
ان شاء الله أحاول أعوضه اهىء اهىء اهىء
والله انا اتخطبت فى شهر 8 وقعد معايا شوية فى مصر وسافر فملحقتش معاه لا أعياد ميلاد ولا حتى أعياد بس من غير ميلاد فمقدرش أفيدك الخطوبة أحلى ولا الجواز
بس انا متعشمة فيكى الخير وتاخديلى حقى وان شاء الله تقولى ان الجواز أحلى من الخطوبة
وكل سنة وانتى طيبة مقدما
وعلى الشقة والله لسه مفيش جديد
MALAK2010
10-12-2010, 08:42 AM
ربنا يوفققك ان شاء الله فى شقة تكون مناسبة بس انتى هتقدرى على النقل وانتى كدة ربنا يعينك
اجى اساعدك ههههههههه
dr.princess
10-12-2010, 08:46 AM
somia
الف سلامة عليكى
انا أكيد متخيلة بطنك عاملة ازاى
انا لو بأكل كرواسون معدتى بتتقلب أمال لو رنجة هتبقى عاملة ازاى ؟؟؟
فكرتينى بقالى مده عايزة كشرى مصرى وجوزى أخيرا جابهولى من كام يوم وفضلت طول الليل بمووووووووت ناااار فى بطنى
بس حرمت خلالالاص مش هطلبه تانى
ربنا يعينك يااااارب
MALAK2010
10-12-2010, 08:47 AM
انا هقوم لان بطنى بتوجعنى شوية اظاهر النهاردة كلة ماسك بطنة
وياريت تخرجوا انتوا كمان وماتقعدوش تتكلموا وتسبونى زى امبارح ههههههههههههه
dr.princess
10-12-2010, 08:50 AM
malak2010
لالالالا انا ماليش دعوة هو حر يتصرف بقى فى النقل ده أنا قادرة أشيل نفسى لما أشيل عفش هههههههههههه
MALAK2010
10-12-2010, 08:52 AM
النقل مش بس عفش
انتى هتلمى كل الهدوم وكل حاجة المطبخ والستاير وسجاد ربنا يعينك
المشكلة انك هتعملى كل دة فى وقت قصير
dr.princess
10-12-2010, 09:01 AM
http://forum.hwaml.com/imgcache2/hwaml.com_1286863270_881.jpg
دى صورة للمسجد النبوى يوم فرحى 26/3 الساعة 12 تقريبا أول ما وصلت المدينة
somia
10-12-2010, 09:03 AM
ايه يا جماعة هوه زوجي ياخذ الكمبيوتر ارجع الاقيك اتكلمتوا صفحة و..؟؟؟
ملاك الله يسلمك
برنسس انا نفسي كانت هفاني عليه برضه من يومين وبرضه كنت هموت من بطني ربنا يسترها متجيش نفسك عليه انتي كمان
dr.princess
10-12-2010, 09:06 AM
malak2010
يا قلبى هى أوضة واحدة يعنى سجادة واحدة و مشاية واحدة وستارة واحدة والباقى مقدور عليه الشنط موجودة وربك بيعين
المشكلة مش فى انك تشيلى الحاجات المشكلة فى انك ترجعى كل حاجة لمكانها تانى
somia
10-12-2010, 09:08 AM
يا الله صورته اكثر من روعة امنية حياتي اني اجي اعمل عمرة مع زوجي وازور الدينة المنورة واقعد في الروضة واصلي فيها.. دعواتكم معايا يا جماعة ربنا يرزقني
somia
10-12-2010, 09:11 AM
برنسس ربنا يعينك.. أنا أكثر حاجة بكرهها بعد السفر هيه العزال من كثر اللخمة بتاعته والزيارات كانك مواركيش فرش ولا حاجة
ملاك انا لسة هبتدي كلام استني معانا شوية
dr.princess
10-12-2010, 09:12 AM
somia
ان شاء الله عن قريب ربنا يرزقك بالعمرة ونبقى صحبة ان شاء الله وتيجى المدينة ونشوفك فى الروضة ان شاء الله
dr.princess
10-12-2010, 09:17 AM
somia
هو اللى مريحنى شوية فى الموضوع ده اه هنتبهدل شوية صحيح بس المكان اللى ان شاء الله هنتنقل ليه أحسن وأنضف كتير من اللى أنا فيه دلوقتى وكمان فيه كل الخدمات والاهم انه أقرب من الحرم عن هنا
احنا بس نلاقى شقة مناسبة وبعد كده كله هيهون
somia
10-12-2010, 09:22 AM
برنسس..ااااااااااااااااااااامين يا رب
يبقى الحمد لله انك هتعزلي أهم حاجة فعلا انك تبقي جنب الحرم وربنا يعينك ان شاء الله
dr.princess
10-12-2010, 09:33 AM
somia
هو مش جنب الحرم بس أقرب كتير من هنا
ربنا ييسر ونقرب أكتر من الحرم
somia
10-12-2010, 09:38 AM
برنسس ان شاء الله ربنا يسهلك وتبقي قريب جدا من الحرم اللهم ااااااااامين
dr.princess
10-12-2010, 09:46 AM
somia
يللا انا شكلى كده هنضم ل malak2010
بطنى بتوجعنى ومعدتى مقلوبة فهدخل أنام تصبحى على خير
somia
10-12-2010, 10:01 AM
وانتي من اهله برنسس .. أنا هفضل اقاول التعب والنوم عشان بحب انام بدري زي الفراخ بعد العشا علطول
MALAK2010
10-12-2010, 11:00 AM
princess: ازيك يا قلبى الصورة دى فكرتنى بالعمرة كانت اجمل عشر ايام فى حياتى ربنا يقدرنى واروح تانى نا وجوزى ان شاء الله لانها اكيد هتبقى مختلفة معاه طبعا
وعقبال سمية وزوجها ويكون قريب جدا ان شاء الله بس هى ما تنسيناش من دعواتها
بس احكيلى انا عارفة انك رحتى عروسة اول مانزلتى المدينة رحتى الحرم ؟
وكنتى لابسة الفستان الابيض ولا مالبستيش اصل فى واحدة جارتى ماردتش ابدا واكتفت بتايير بيج وخلاص
بالنسبة ليا عمرى ما البس الفستان الابيض وامشى بية فى المطار والطيارة حاسة انى هتحرج لان الناس كلها هتبص لى وبرضة هتلبخ منة
انا اعرف ناس العريس واصحابة بيستنوا العروسة ويعملولها حفلة صغنونة بس انتى واصلة متاخر زمان البلد كانت نامت
احكيلى انتى عملتى اية لغااااااااااااااااية ماوصلتى شقتك
نولارا
10-12-2010, 11:29 AM
صباح الخير يارغاين
عاملين ايه النهارده
ملك
ابواحمد شكله ناسى اهىء اهىء اهىء
انا هستنى لبلليل ولو مفتكرش هاعضه
بس المشكله ان الفك عندى بايظ
بالنسبه للخطوبه والجواز اقولك وانتى احكمى
فى الخطوبه
عيد ميلادى
خرجنى وادانى نسخه من مفتاح الشقه وقالى السنه الجايه ان شاء الله تكونى منوراها
والهديه كانت جيبه بيضا
عيد ميلاده
عزمته عندنا فى البيت واشتريت تورتايه واحتفلنا بس امى كانت معانع ههههههه (محرم)
الهديه كانت برفن اسمه exchange بيحط منها دلوقتى فى البيت (لما يكون ناوى على حاجه)هههههههههههه
نولارا
10-12-2010, 11:37 AM
بعد الجواز
عيد ميلادى
كان فى مطروح حاول ينزل شيخ المعهد مرضيش
جا بعدها بيوم
وكان مكلم مرات اخو فى التليفون عشان تعملى تورتايه واحتفلنا
عيد ميلاده
وضبت الشقه والسفره وغرفه النوم وكنت عامله تورتايه
حماتى جت اتصلت بسلفتى وقلتلها تعالى خدى حماتك من عندى
جه هو قبل ماهى تمشى الظاهر اخيرا حست ان فى حاجه فمشيت من نفسها
حبسته فى اوضه الاطفال لحد ما طفيت النور وقدت الشمع وبعدين خرجته
عجبه الجو
الهديه
كانت بيجامه رجالى وكنت شاريه قميص نبيتى لبسته عجبه بس كنت
بكرمبه لانى كنت فى الشهر السادس
وبسسسسسسسسسسسس
حنين الجنة
10-12-2010, 11:38 AM
ههههههههههههههههههه
اخ منك يانورا صاحيه على حماتك علطول محرم ايه
حلوه ناوي على حاجه دى
انا جوزى ناااااااايم واصلا امبارح بقوله قالى ولا فدماغى اصلا انتى عارفه انا مش بحتفل بالحجات دى قعدت اضرب فيه
نولارا
10-12-2010, 11:42 AM
ركزى يابنتى المحرم كان امى مش حماتى
انا كنت مستنياه الصبح يقول حاجه بس مش عارفه لبس وراح المعهد
انا زى ماقلت مدياله مهله لبلليل لو ماافتكرش هاعضه
ولو فكى باظ اكتر يبقى يستاهل يشيل تكاليف العمليه
واكيد كمان الدكتوره هتمنع ال يستحمل بقى
هوا اللى جابه لنفسه
somia
10-12-2010, 11:43 AM
princess: ازيك يا قلبى الصورة دى فكرتنى بالعمرة كانت اجمل عشر ايام فى حياتى ربنا يقدرنى واروح تانى نا وجوزى ان شاء الله لانها اكيد هتبقى مختلفة معاه طبعا
وعقبال سمية وزوجها ويكون قريب جدا ان شاء الله بس هى ما تنسيناش من دعواتها
بس احكيلى انا عارفة انك رحتى عروسة اول مانزلتى المدينة رحتى الحرم ؟
وكنتى لابسة الفستان الابيض ولا مالبستيش اصل فى واحدة جارتى ماردتش ابدا واكتفت بتايير بيج وخلاص
بالنسبة ليا عمرى ما البس الفستان الابيض وامشى بية فى المطار والطيارة حاسة انى هتحرج لان الناس كلها هتبص لى وبرضة هتلبخ منة
انا اعرف ناس العريس واصحابة بيستنوا العروسة ويعملولها حفلة صغنونة بس انتى واصلة متاخر زمان البلد كانت نامت
احكيلى انتى عملتى اية لغااااااااااااااااية ماوصلتى شقتك
ادعيلي انتوا بس ربنا يكرمنا ويروح واعملوا لستة دعوات وان شاء الله مش هنسى ادعيها..
أه فعلا برنسس انتي يومك كان عامل ازاي يوميها
somia
10-12-2010, 11:46 AM
ما شاء الله عليكي نولار.. حماتك بتنقي اوقات مناسبة جدا للزيارة..ههههههههههههه
somia
10-12-2010, 11:48 AM
نولار... ههههههههههههه بتفكريني بنفسي كل شوية بعض بزوجي اما هوه خايفة النونو يتولد عضاض زيي
نولارا
10-12-2010, 11:48 AM
ياريتها زياره ياسميه دى بتيبيت ياحبيبتى
نولارا
10-12-2010, 11:51 AM
انا بعضه كتييييييييييييير
كنت عضيته مره من مؤخره راسه (بالعربيه الفصحى)
اخوه شافها قاله ايه دى قاله من الشمس
شمس حياته طبعا هههههههههههههه
حنين الجنة
10-12-2010, 11:51 AM
نورا فك ايه ده اللى بايظ
بصي متخديش عليا الصبح بكون فى الطراوه
vBulletin® v3.8.8, Copyright ©2000-2025, TranZ by Almuhajir