دردشة حوامل مصر - دردشة بنات مصر - تجمع حوامل مصر

[MALAK2010]

حاسه بتحسن؟؟؟؟

[dr.princess]

تقريبا لا كتفى لسه واجعنى وطبعا مش عارفة ادهنه اى حاجة الحمدلله

[MALAK2010]

حاولى بس تدفى وان شاء الله هتبقى كويسة

[MALAK2010]

هو فى دوا بيتاخد فى الشهر السادس ولا بنكمل كالسيوم بس

[MALAK2010]

بطنك خفت ولا لسة حاسة بتعب
هى الدكتورة عطيالك الدوا بتاع البطن عند اللزوم؟

[dr.princess]

اتدفى ايه بس الجو حار اوى مش مستحمله اتقل او احط غطا
الدواء هو هو مفيش جديد
الدواء بتاع الرحم وقت اللزوم وانا وقفته من امبارح بس اخدت الصبح بسكوبان للمغص بس برده لسه واجعانى بس مش قوى الحمدلله

[MALAK2010]

الجو عندكم حر؟؟؟مش كان فى مطر شديد فى جدة
احنا الجو برضة اتحسن عندنا الحمد لله

[dr.princess]

جده اه فيها سيول ومغرقة الدنيا
بس الجو هنا حلو اوى مبردش غير يومين كده وخلاص ومطرت مرة جامد ومرة حفيف وخلاص
كل حتة فى السعودية بحاله يعنى اخويا فى القصيم برد رهيييييييييب وهنا انا حرانة طول الوقت

[ايوشه]

ملك ولولو وحشتونى قوى عاملين ايه

[ايوشه]

الف سلامه عليكى يالولو

[dr.princess]

ايه انتى كمان وحشتينا اوى اخبارك ايه واخبار احمد ايه
شفتى التجمع بقى مهجور ازاى مفيش غيرى انا وملك

[MALAK2010]

ايوشة ازيك يا جميل عاماة اية وحمادة عامل اية
هتتكلمى معانا ولا هتخرجى تجرى كالمعتاد هههههههههههه

[ايوشه]

اه مافيش حد هيعرف يدخل من مصر ربنا يستر والازمه دى تعدى على خير وانتى ماتستعجليش كلها كام شهر ومش هتلاقى وقت تدخلى

[dr.princess]

الله يسلمك يا ايه

[MALAK2010]

كام شهر!!!!!!! ياااااااااارب هون

[MALAK2010]

اهلك عاملين اية يا ايوشة الوضع مستقر عندهم؟؟؟

[ايوشه]

ايوشة ازيك يا جميل عاماة اية وحمادة عامل اية
هتتكلمى معانا ولا هتخرجى تجرى كالمعتاد هههههههههههه
والله ياملوكه غص عنى اما النت او موكا بيعيط وبرده ماوعدكيش انى هاقعد كتير شويه وهجهز الغداء اتمتعوا بقه اليومين دول بعد الولاده عذااااااااااااااااب مافيش وقت حتى للنوم

[MALAK2010]

ايوشة:ربنا يخليهولك ويباركلك فية يارب

[ايوشه]

اهلك عاملين اية يا ايوشة الوضع مستقر عندهم؟؟؟
الحمد لله كويسين ياملوكه بس الوضع مش مستقر ولا حاجه ماما بتقولى مش بنام وكمان اخويا طول اليل فى الشارع هو واصحابه بهدله والله ربنا يستر عليهم وانتو اهلكم عاملين ايه

[dr.princess]

الله يطمن قلبك يا ايه يعنى نتمتع اليومين دول لان خلاص حبس انفرادى ولا ايه

[ايوشه]

ايوشة:ربنا يخليهولك ويباركلك فية يارب
تسلمى ياقمر وعقبالك ان شاء الله ماقولتيش بنت ولا ولد وهتنزلى مصر امتته وانتى يالولو خلاص هتولدى عندك ولا غيرتى رايك وعرفتى نوع البيبى ولا لسه
ومين ولد من البنات قولولى

[MALAK2010]

انا بالنسبالى وماله يجى بس وانا هستحمل
بس يجى يكسر الملل والصمت اللى انا فية

[ايوشه]

الله يطمن قلبك يا ايه يعنى نتمتع اليومين دول لان خلاص حبس انفرادى ولا ايه

اههههههههههههههه حبس اتمتعوا انا ماكنتش بصدق بس ادينى جربت

[dr.princess]

لالالا انا زى ماانا هولد هنا ان شاء الله
واتأكدت اول امبارح انه ولد باذن الله

امل ( بقلظة ) هى بس اللى ولدت بعدك

[ايوشه]

انا بالنسبالى وماله يجى بس وانا هستحمل
بس يجى يكسر الملل والصمت اللى انا فية
هههههههههههههههه هيكسر كل حاجه مش املل والصمت بس هيخليكى تشدى فى شعركhwaml15

[MALAK2010]

ايوشة:انا كنت نازلة الجمعه الجاية بس شكلى كدة هاجل علشان الظروف اللى فى مصر
ولسة ماعرفتش نوع النونو
واللى ولد هم رنا وامل وبالنسبة لتوتة كانت معانا لغاية الخميس ماحصلش حاجة مش عارفة ولدت ولا لسة هى معادها ان شاء الله 2-2

[MALAK2010]

اذا لقيت شعر اصلا هههههههههههه انا شعرى خف خالص على الولادة مش هلاقى ههههههه

[dr.princess]

وربنا ده اسمه ضحك على الدقون
جايبن 3/4 الوزراء القدام وحاطينهم فى الوزارة الجديدة ايه الهبل ده ده اسمه استفزاز رسمى يعنى عملوا ايه يعنى

[dr.princess]

دول مش بس 3/4 القدام لالالا دول عملى copy و paste لنفس الوزراء

[MALAK2010]

اللى يغيظ ان الوزرا القدام فى مواقع مهمة فى الحكومة
بس اخيراااااااااااااااااااااااااااا وزير الثقافة اتغير

[dr.princess]

لولولولولى انا مشفتهاش كله
ايه ده وغيروا الداخلية كمان ايه الانحراف ده هههههههههههههههه
وحاطين واحدة كنيش كده للصناعة والتجارة ههههههههههه

[MALAK2010]

ههههههههههههههههه
بطلى تريقة على الناس

[MALAK2010]

ايوشة طبعا خرجت هههههههههههه
دة النهاردة كترت الكلام معانا ههههههههههههههههه احمدك يارب

[dr.princess]

وياعينى موقفين حسحس كل ده واقف على ماكل واحد يحلف القسم تلاقيه دخل الانعاش دلوقتى ههههههههههههههه

[MALAK2010]

حوالى 6 وزرا من الحكومة القديمة

[dr.princess]

ههههههههههههههه ماهى كنيش فعلا اعملها ايه طيب لو حبكت اوى ماتسرحش الشعرتين هههههههههههههههههه
ايه شكلها خلعت اه ربنا يعينها

[dr.princess]

لالالا اكتر من 6
لا وايه لسه محطوش وزراء للسياحة والتعليم والاستثمار وعادى جدا مفيش مشكلة

[MALAK2010]

كنت متوقعه انهم هيسيبوا وزير الصحة بس اتغير

[MALAK2010]

هو تشكيل سريع علشان يهدوا الناس

[dr.princess]

هم تقريبا شالوا رجال الاعمال اللى فى الوزارة اللى منهم وزير الصحة صاحب مستشفى دار الفؤاد وكان لازم يشيلوه وزارة الصحة بايظة خالص اسئلينى انا انا اشتغلت تقريبا سنتين الدنيا بايظة على الاخر

[dr.princess]

انا فاتحة على الحياة دلوقتى لسه بيقولوا ده تعديل وزارى مش تغيير وزارى شالوا 3 او 4 وحطوا مكانهم ناس جديدة وخلاص

[MALAK2010]

ماهو دة المطلوب هههههههههه
الموضوع ماشى بالعكس

[dr.princess]

الراجل ده مش عارفه عايز يهدى الناس ولا ينرفزهم زيادة مش عارفة

[MALAK2010]

اضحكك عليا
انا بقالى 6 ايام بتفرج على الجزيرة لما اعصابى تعبت وانا من النوع لما بضايق مش بخرج الشحنة اللى جوايا
وجوزى عكسى تمام فتخيلى طول النهار بسمع الجزيرة وبالليل يجى جوزى نسمعها برضة + شحنة جوزى
فاعصابى انهارت
فقمت فاتحة على التلفزيون المصرى النهاردة لقيتنى هدييييييييييييييييييييت وحسيت ان الدنيا وردى وعملت دماغ ههههههههههههههه عالى جدا

[dr.princess]

هههههههههههه زيى انا اخرى لو فتحت على اى حاجة من دى طول النهار تبقى على الحياة لانها فعلا قناة دماغها عالية هههههههههههه ولما يجى جوزى يتابع براحته وانا فاتحة الكمبيوتر وفى عالم تانى
لانى قعدت يوم اتابع مع جوزى اتوترت واعصابى باظت
انتى عارفة انهم قفلوا ارسال الجزيرة فى مصر النهاردة

[MALAK2010]

انا بتفرج على القنوات المصرية مش برامج ومسلسلات
لا برضة الاحداث اللى موجودة بس التلفزيون المصرى يحسسك ان الامن مستتب والدنيا كويسة وهادية
اكتر حاجة بتغيظ جوزى برنامج ساعه مع شريف باين على المحور
الدنيا ولعه فى البلد وهو جايب ناس بتتطبخ واخر روقان ههههههههههههههه

[MALAK2010]

هم قفلينها من امبارح
بس بيقولوا غيرى التردد وهى هتفتح
انا بتفرج عليها من على النت لان الرسيفر بتاعنا مش بيجيب التردد دة مش بفهم فية

[dr.princess]

الحياة بتجيب برنامج الحياة اليوم دلوقتى من 4 ل 11 تقريبا فالشوية قبل ماجوزى يجى بتفرج عليه ويرجعوا يعيدوها الصبح فبكمل الباقى
ساعة مع شريف ده مستفز فى كل الاحوال مش بس فى الظروف دى

[dr.princess]

دى كانت شغالة الصبح عندى معرفش ليه وقفت دلوقتى
طيب عندك التردد الجديد ؟؟
انا بصراحة بحب العربية اكتر بثق فى مصداقيتها اكتر لانها تبع ال mbc

[MALAK2010]

طيب كويس ان لقيت حد زيى اصل فتحت علية مرة قلت اعطيله فرصة جايز البرنامج يعجبنى لقيت كل اللى بيتصلوا بية بيموتوا فى البرنامج بصراحة ماقدرتش اكمل عشر دقايق حسيت بخنقة بعد الشر عليا فقلبت احسنلى ههههههههههههههه

[MALAK2010]

العربية !!!!!
لا طبعا يابنتى دى تبع السعودية والسعودية طبعا علاقتها كويسة بمصر وبتتعامل فبتهون الاحداث
امبارح اتفرست منها الصورة فى ميدان التحرير الناس ماشاء الله كتييييييييييير وهى جايبة شارع فية يجى 20 واحد بالكتير والحياه عادية خالص

[dr.princess]

ايوه فعلا كل اللى بيتصل بيبقوا سايحين فى البرنامج كده معرفش على ايه هههههههههههههه
اكتر مرة اتفرجت عليه كان من اسبوعين تقريبا كانوا جايبين مصممة ازياء كانت عاملة شوية فساتين تهبل غير كده مبقدرش اتفرج عليه

[dr.princess]

انا بصراحة بحب مجموعة ال mbc كلها
وبعدين هنستفاد ايه لما يفضلوا يولعوا فيها زى ما الجزيرة بتعمل بتهيألى كده احسن

[MALAK2010]

اى تردد من دة هيشغلها

نايل سات: 10949 عمودي

هوت بيرد: 12111 عمودي

عربسات: 12034 أفقي

[MALAK2010]

اكتر حد كنت مضايقة منه بصراحة هو عادل امام
انا اول مابشوفة راح يتكلم فى اى برنامج بقلب لانى مش بقدر اسمع الكلام اللى بيقولة
هو مال اية اللى بيدخلة فى اى حاجة
يقول كلام وبعدين يعكسة ربنا يسامحة

[dr.princess]

شكرا على الترددات
لما جوزى يجى يجرب بقى لانى مبعرفش

[MALAK2010]

لا شكر على تردد هههههههههههههه

[dr.princess]

بيفول انا مقلتش حاجة ودى اشاعات وانا كليا مع المتظاهرين وحاجات زى كده

[dr.princess]

هههههههههههههههههه حلوة

[MALAK2010]

قررتى تطبخى اية؟؟؟

[dr.princess]

هعمل كبسة فراخ ان شاء الله

[dr.princess]

جوزى بقاله مده عايزنا نعمل جدول للاكل ليييييييييه ؟؟
بس علشان معدتش اسئله اطبخ ايه النهاردة تخيلى هههههههههههههههههه بيقولى معدتش عايز اسمع السؤال ده تانى خالص هههههههههههههههه

[MALAK2010]

لسة مطبختيش؟؟؟
معدش وقت

[MALAK2010]

ههههههههه حلوة جدول الاكل
انا مش بسال جوزى على الموضوع دة لانى سالته قبل كدة كذا مرة يقولى الرد الطبيعى اللى تعمليه ههههههههههههه
مش بيفدنى خالص

[dr.princess]

لسه ساعتين جوزى مش هايجى النهاردة قبل 7 ونص ان شاء الله

[MALAK2010]

انتى بتعملى اية فى الحموضة

[MALAK2010]

طيب على الاقل اعملى الفرخة علشان الشوربة تاخد وقتها وتبقى حلوة
وسبيها

[dr.princess]

هو برده بيقولى اللى تعمليه بس اوقات بضغط عليه فزهق
والله عملنا الجدول ده شوية قبل كده ومحبتش الفكرة ورجع امبارح لقيته بيقولى يللا نعمل جدول تانى

[MALAK2010]

هى الكبسة بتتاكل بس ولا فى حاجة بتعمليها جنبها؟؟؟قصدى خضار يعنى

[dr.princess]

والله كنت هقوم اعملها بس قلت انتى شوية وهتقفلى فقلت استنى معاكى لغاية ماتقفلى وبعدين اروح اعملها

[dr.princess]

اه الحموضة وما ادراكى ما الحموضة عذااااب
باخدلها حبوب اسمها رينى بتتمص

[dr.princess]

لالا مش بيتعمل جنبها خضار لان الرز ملون وطعمه حلو اوى ماينفعش يتحط عليه خضار

[MALAK2010]

انا خارجة يا لولو جوزى جة ونتقابل بكرة ان شاء الله

[dr.princess]

ماشى ياحبيبتى
اشوفك الصبح ان شاء الله

[MALAK2010]

انا جيييييييييييييييييييييييت

[dr.princess]

وطبعا انتى عارفة انى هنا ههههههههههههههههههه

[MALAK2010]

صباح الخير يا جميل عاملة اية

[dr.princess]

انا الحمدلله كويسة انتى اخبارك ايه

[MALAK2010]

الحمد لله
اخبار تعب بطنك وكتفك اية؟؟؟

[dr.princess]

الحمدلله مفيش تعب النهاردة الحمدلله

[MALAK2010]

الحمد لله يارب دايما

[dr.princess]

يااااااارب اللهم امين ربنا يكرمك يااارب

[dr.princess]

اتطمنتى على اهلك ؟؟
انا لسه مكلمة ماما دلوقتى والحمدلله كويسين

[MALAK2010]

انا هتصل الوقتى ان شاء الله بس سايبة الموبايل يشحن

[MALAK2010]

بيقولوا كان فى مظاهرات امبارح فى المنصورة حوالى 120 الف واحد

[dr.princess]

مسمعتش عن المظاهرات دى والله ما اعرف

[MALAK2010]

ظبطتى التردد والقناة اشتغلت ؟؟؟؟

[dr.princess]

لا جوزى قالى احسن انها اتقفلت انا مش عايزها

[MALAK2010]

ماما بتقول ان الحمد لله البلد هادية والشباب ماشين فى الشوارع علشان يحموا البلد ربنا يبارك فيهم

[dr.princess]

الحمدلله ربنا يعدى الايام الجاية دى على خير بيقولوا النهاردة والجمعة هيبقى فى مظاهرات جامدة

[MALAK2010]

تخيلى لو فى واحدة كان معاد جوازها الجمعه اللى فاتت فى جمعه الغضب ولا الجمعة الجاية جمعه الرحيل ههههههههههههههه
يبقى شعورها اية الوقتى

[dr.princess]

هههههههههههههههههههه
والله كنت لسه بقول لجوزى كده من يومين
هى بقى تلخص وتاخد نفسها وتروح على بيت جوزها وتخلص مفيش غير كده هتعمل حفلة ولا هتزف ازاى ولا اصلا هتروح ولا ترجع بيتها ازاى فى حظر التجول ده

[MALAK2010]

كلمتها الحمد لله وبتقول ان البلد كويسة الحمد لله

[dr.princess]

الحمدلله انك اتطمنتى عليها
انا برده لما كلمت ماما لقيت اختى وجوزها والولاد باتوا عندها امبارح فاتطمنت الحمدلله

[MALAK2010]

فى برنامج عاى المحور معاهم البنت اللى نظمت حركة الغضب
المذيع بيسالها انتى زى القمر ماتجوزتيش لغاية الوقتى لية شوفى الاسئلة الجميلة الهادفة
وبعدها بيقولها اخبار بابا وماما اية وانا جالى لكى 3 عرسان اعمل اية الوقتى
اية الجمال دة حاجة تنرفز

[dr.princess]

عرفتى ان الطيران هيقف من 5 العصر ل 10 الصبح

[dr.princess]

لالالا ده من 3 العصر ل 8 الصبح

[dr.princess]

وده اسمه ايه بقى
هى المحور كل برامجها غريبة كده انا تقريبا مش بتفرج عليها خالص
انا فاتحة الحياة دلوقتى

[MALAK2010]

بيقولوا من 3 باين انا كانت طيارتى اهئ اهئ الساعه 5 يعنى فى وقت الحظر ههههههه
جوزى اتصل بماما امبارح علشان يقولها انه هياجل ويراضيها علشان ماتزعلش
هى متفهمة اللى بيحصل بس حساها زعلانه اوى ربنا يهون الايام دى يارب واروحلها وياااااااااارب جوزى مايجليوش السفرية دى ياااااااااااارب لحسن انا اموت لو ابات لوحدى يجرالى حاجة انا جباااانة جدا

[MALAK2010]

البرنامج اسمه 48 ساعه بتاع هناء السمرى والسيد حاجة مش فاكرة باقى الاسم

[MALAK2010]

تخيلى طيارتى فى يوم جمعه الرحيل وكمان فى وقت حظر هههههههههههه
ماشاء الله على المواعيد

[dr.princess]

ان شاء الله الامور تهدى وتقدرى تسافرى وانتى لسه اهو هتبدئى السادس يعنى لسه قدامك وقت ماتقلقيش

[dr.princess]

ده انتى بركة بركة يعنى هههههههههههههههه

[dr.princess]

ايوه انا عارفة البرنامج ده
بصراحة الاتنين مش بطيقهم فعمرى ما اتفرجت عليه قبل كده

[MALAK2010]

ربنا يسهل
ماما بتقولى شكلك هتولد عندك ههههههههههههههه

[dr.princess]

ههههههههههههههههههههه انا حاسة بكده بس مرضيتش اقول

[MALAK2010]

والله قعدت خير رجعت خير ربنا يسهل
تفتكرى توتة ولدت ولا لسة عاوزة اطمن عليها

[dr.princess]

على رأيك كله خير ان شاء الله
انا حاسة انها ولدت ربنا يسهلها عليها ان شاء الله

[MALAK2010]

يارب تقوم بالسلامة وتدخل تطمنا

[dr.princess]

ياااااااااارب
ايه ده انتى غيرتى البنوتة حاسة انى مستغرباكى ههههههههههههههههه

[MALAK2010]

هههههههههههه انا كنت راحة احط صورة تانية مظبطتش فحطيت دى على ما اظبط التانية
فترة مؤقتة وبعدين هرجع ملك بنتى هههههههههههه انا ماقدرش استغنى عنها

[dr.princess]

لو بس تغيرى الاسم ده انتى تبقى حبيبتشششششششششى ههههههههههههههههههه

[MALAK2010]

لما تبقى تحكيلى هو مضايقك فى اية الاول هههههههههههههههههه

[MALAK2010]

انا بتفرج على الحياة الحمرا
اية دة انا هديت واعصابى مرتااااااااااحة

[dr.princess]

هههههههههههههههههه مصممة برده
اقولك بصراحة من اللى كانت مرات اخويا بنت اخوها اسمها ملك من كتر ماكانت بتتكلم عليها كرهت الاسم انا واختى وماما مش المشكلة فى بنت اخوها المشكلة كانت فيها هى

[dr.princess]

ههههههههههههههه اه فعلا الحياة قناة عسل اوى
حتى انا قلبت على الحياة البنفسجى عليها فيلم ام العروسة الفيلم ده جميل اوى

[MALAK2010]

ههههههههههههههههههههههههههههههه
هو دة السبب دة انا دماغى راحت لبعييييييييييييييييد
ماشى يا ستى اكرهى الاسم مش هغصب عليكى تحبية هههههههههه
بس المفروض تحبية بقا علشان بنتى ولا انا ماليش معزة هههههههههه

[dr.princess]

هههههههههههههههههههههه لالا ان شاء الله يطلع ولد وابدا مانتحوجش للاسم ده ههههههههههههههههههههه
وبعدين دماغك راحت فين قوليلى

[MALAK2010]

ههههههههههههههههه يا نهار ابيض للدرجة دى كارهة الاسم بتتمنيلى بولد علشان الاسم ماشى ياستى مسيرى ان شاء الله هجيب بنت
انتى عارفة ان اخويا كان عاوز يسمى ملك ماما قالتلى
قلتلها قوليلة علشان مانخسرش بعض يبعد عن اسم بنتى ههههههههههههههه

[MALAK2010]

انا صحيح اعصابى هديت بس مش لدرجة اتفرج على فيلم ههههههههه
انا قلبت على المحور على معتز للاسف لانى مش بطيقة بس جايب عماد الدين اديب

[dr.princess]

ايوه والله انتى متتخيليش اد ايه انا مش بحب الاسم ده سبحان الله مش عارفة ليه اوى كده

[dr.princess]

طيب شفتى البرنامج الجديد لعمرو اديب على الحياة البنفسجى
اسمه مباشر مع عمرو اديب وكانت معاه رولا خرسا كان جاى امبارح بالليل تقريبا الساعة 9

[MALAK2010]

انا كنت شفت جزء من البرنامج لعمرو اول امبارح بس مش عارفة هيستمر ولا لاء كنت فاكرة انهم تجميع مذعيين بس
بس بصراحة برضة اتخنقت منهم اصلهم بيتكلموا على المتغطى وكل كلامهم على التخريب وبس وسايببين اصل الموضوع

[MALAK2010]

خلاص يا ستى ابقى قولى لبنتى (لى لى) مش هجبرك انك تقوليلها يا ملك
اظن كدة عدانى العيب ههههههههههههههه

[dr.princess]

ايوه اول امبارح كانوا مجمعين ناس كتير كده
بس امبارح كان على الحياة البنفسجى وشكله كده هيبقى مستمر مش عارفة

[dr.princess]

ههههههههههههههههههه طيب ينفع اناديها باسم تانى خالص زى الناس اللى بيبقى عندها اسمين يبقى كده انتى عداكى العيب فعلا ههههههههههههههههههههه

[MALAK2010]

ههههههههههههههههههه طيب ينفع اناديها باسم تانى خالص زى الناس اللى بيبقى عندها اسمين يبقى كده انتى عداكى العيب فعلا ههههههههههههههههههههه

لاااااااااااااااااااااااااااااااا متعمليش كدة مع بنتى هتعقديهالى

[dr.princess]

هههههههههههههههه ليه بس دى عيلة زوج اختى كلها كل واحد عنده اسمين
يعنى حماها اسمه ابراهيم وبيقولوله خليل
واخو حماها اسمه اسماعيل وبيقولوله السيد واخوه التانى كده برده
عادى يعنى take it easy هههههههههههههههههههه

[MALAK2010]

تعالى نتكلم جد انا مستغربة انك من ضيقتك من حد تكرهى الاسم مش للدرجة دى
لو بالطريقة دى انا عندى كام اسم اكرههم جدااااااااااااااااااااا
اه صحيح مش لدرجة انى اسمي بنتى او ابنى بالاسم دة

يعنى مثلا انا فى واحدة اسمها سمر الله يسامحها وفى نفس الوقت الانتيمة بتاعتى اسمها سمر وعادى مش باخد بالى من تشابهة الاسماء

وفى اسم تانى الله يسامحه بهدلى حياتى كلها بس فى نفس الوقت مش باخد بالى من تشابه الاسم مع اى حد تانى

كبرى دماغك من الحاجات دى

[dr.princess]

والله مانا عارفة بس بره الموضوع اللى قلتلك عليه فالاسم نفسه مش عاجبنى
وطبعا الاسماء دى اذواق يعنى اللى احبه انتى ممكن متحيبهوش والعكس
واكيد لو انتى سميتى ملك انا هحبه علشانك
زى اسم هنا انا برده عمرى ما اسميه بس لان اتنين من اصحابى اللى بحبهم اوى سموه فقبلته علشانهم

وانا برده عندى كام اسم مش بحبه ابدا مثلا نورا عمرى ماقابلت واحدة اسمه نورا وحبيتها بعيد عن الاسم نفسه صدف سبحان الله وكمان لقيت اختى مش بتحب الاسم ده برده

[dr.princess]

انا الحمدلله انتيمتى ام جودى نفس اسمى والا كنت كرهت نفسى هههههههههههههههه

[MALAK2010]

هههههههههههههههههه
فكرتينى بصاحب جوزى متعقد من الجوازواذا اتجوز عاوز واحدة اجنبية مش مصريةو بيقوله ابعد عن اي واحدة اسمها ايمان مش هتشوف منها حاجة كويسة ههههههههههه

[dr.princess]

ههههههههههههههههههه ليه سبحان الله يعنى واحدة من اللى قلتلك بنتها هنا اسمها ايمان صاحبتى من الدراسة والجامعة وبعد الجامعة وبنت زى العسل وحبوبة جدا واخلاق وذوق وكل اللى تتخيليه
الظاهر كل واحد عنده اسم مكرهه فى حياته هههههههههههههههههه

[MALAK2010]

اكيد شاف منها حاجة تعبتة او لخبطت حياتة فكره الاسم والصنف كله ههههههههههههههههه

[dr.princess]

ههههههههههههههههههه
انا لسه بقول لجوزى احنا مش كنا بنقول محمد او ياسين طيب مانسمى ياسين قالى لا محمد الاول وبعدين ياسين يبقى التانى باذن الله

[dr.princess]

خلاص انا معدتش هقول انى مش بحب اسم ملك سماااااااااااااااااااااح ههههههههههههههههههههه

[MALAK2010]

ههههههههههههههههههههههههه
ايوا كدة تبادل مصالح هههههههههههههههههه

[MALAK2010]

عارفة جوزى لسة بيقول لاختة ان احنا لو جت بنت ان شاء الله هنسميها ملك قالتلة لاء حرام وقالت ايات من القران وكانت اختة التانية عاوزة تسمية بس هم قالولها برضة نفس الكلام فغيرت الاسم

بصراحة لو اتاكدت انها بنت هسال فى الموضوع دة
يعنى يا عالم ممكن من كتر نقك فى الاسم اغيرة ههههههههههههههه

[dr.princess]

طيب كنت عايز اخد رأيك فى حاجة
انا من اسبوعين كده حلمت انى بسأل الشيخ محمد حسان يقوله محمد ولا ياسين قالى ياسين وقعد يقولى حاجات حلوة كده على الاسم مش فاكراها وسبحان الله لسه بسأله رقية ولا ولسه هكمل حد قطع الكلام فى الحلم وصحيت بعدها فقلت لجوزى ولان جوزى مش بيحبه قالى بهزار كده هو قالك كده طيب يبقى محمد ان شاء الله

انا حسيت انها علامة انى اسمى ياسين ولا انتى رأيك ايه
الاسمين عندى واحد بس حبيت اخد رأيك

[dr.princess]

ههههههههههههههههههههه يللا على بركة الله ههههههههههههههههههههه

[MALAK2010]

الله يجعله خير ياااارب
بس اللى بسمعه ان لو الواحدة جالها فى المنام اسم معين تسمية
بس على العموم حتى لو مسمتيش ياسين وسميتى محمد طبعا على اسم سيدنا محمد

على العموم هو الاسمين موجودين وساعه الولادة هيتكتب باللى مكتوبلة مفيش اكتر من ايوشة

[MALAK2010]

ههههههههههههههههههههه يللا على بركة الله ههههههههههههههههههههه

طيب دارى فرحتك شوية هههههههههههههههه

[MALAK2010]

انا اخو جوزى كان عاوز يسمى ياسين وطول فترة الحمل بيقول ياسين بس لقى ورقة قبل الولادة بكام يوم بتتوزع بتحرم الاسم فسمى اسم تانى

وانا من مدة سمعت مبروك عطية واحد اتصل بية وساله على الاسم قالة سمية عادى وقالة برضة كلام حلو عنة بس مش فكراه

[dr.princess]

هو فعلا جوزى عايز يسمى محمد على اسم سيدنا محمد مش على اسم حد ولا حاجة
وانا برده سمعت كده زى ماقلتى
بس هو غالبا جوزى مش هيرضى باسم تانى لانه قايلى كده من ايام الخطوبة
بس هو يجى بالسلامة ان شاء الله

[dr.princess]

هههههههههههه انا صريحة واللى فى قلبى على لسانى ههههههههههههههههههههه

[dr.princess]

غرييييييييييييبة ازاى اسم ياسين حرام عمرى ماسمعت كده
والله الناس بقت بتحرم وتحلل حاجات غريبة

[dr.princess]

طيب انتى عارفة اختى اول ماحملت فى الولد التانى جه ابنها وحط ايده على بطنها وقالها عبدالرحمن النونو فسموه زى ماقال

[MALAK2010]

اضحكك على حاجة فى واحدة قريبتى اخت جوزها كانت حامل فى بدايه خطوبة قريبتى وطول الحمل بتقول على اسم لانها حلمت بية وولدت وقريبتى اتجوزت اخوها والبنت دى سمت باسم قريبتى فاهمة ولا اتلخبطتى هههههههههههههه
المهم الوقتى بيشدوا شعور بعض وخناقات ربنا يهدى الحال

[dr.princess]

هههههههههههههههههه اتلخبطت شوية وبعدين فهمت
طيب انا بقى اخت جوزى حامل فى شهرين هقولها تسمى على اسمى علشان مانبطلش خناق وجوزى لو قالى كلميها اقوله لالا اصلنا متخانقين ههههههههههههههههههههههه

[MALAK2010]

كويس اننا لحقت نطمن على مامتى ومامتك لان بيقولوا الوقتى ان وزير الاتصالات الله يصلح حاله هيوقف الموبايلات فى الساعات الجاية

[MALAK2010]

ههههههههههههه لا يا شيخة ربنا مايجيب خناق
وبعدين مش بالاسامى الخناق جاى جاى ههههههههههههههههه

[dr.princess]

الله يقرفهم البعدة حتى الموبايلات كمان امال نطمن عليهم ازاى بس
حسبى الله ونعم الوكيل

[dr.princess]

هههههههههههههههههههه انتى شايفة كده يعنى استناه ولا ايه هههههههههههههههه

[dr.princess]

انتى نسيتى الطبيخ انتى هتجوعى الراجل النهاردة ولا ايه ؟؟؟

[MALAK2010]

هههههههههههه انا مطلعه فيلية ومتبلاها وهقوم احمره
لو عاوزة تتطمنى عليها ممكن على التليفون الارضى اكيد شغال

[MALAK2010]

هو عمرو اديب ماله متغير فين عمرو اللى كان معارض علطول الخط
بقا مختلف مطيباتى على راى اخويا ههههههههههههه

[MALAK2010]

انتى زهقتى منى ولا اية هههههههههههههه
ممكن اقوم ومش هتلاقى حد غيرى هههههه
المفروض تقولى لجوزك مايغيرش المواعيد بتاعته علشان مش هتلاقى حد معاكى بالليل

جوجو راحة فى عز الاحداث اللى فى مصر ربنا يطمنا على صاحباتنا اللى فى مصر

[dr.princess]

لا والله الارضى عند ماما عطلان نقريبا من شهرين
ممكن ابقى اكلمها عند الجيران بقى حسبى الله ونعم الوكيل

[MALAK2010]

بس ابقى جربى الاول على الموبايل ممكن يشتغل
ماهم قالة الفترة اللى فاتت كدة وكان شغال عند ماما بس بيقعد شوية على ما يجمع

[dr.princess]

ههههههههههههههههه اه فعلا قالب طقم حنية كده مش عارفة ليه ههههههههههههههههه
لا والله ابدا انا بس استغربت لانك فى الوقت ده بتكونى بتطبخى
ده انا مش واخدة بالى خالص من تغيير المواعيد ده انا ههيس من الوحدة ههههههههههههههه
يارب يطمنا عليهم قريب ان شاء الله

[dr.princess]

ربنا يسهل بقى ويرجعوا النت الواحد مش عارف ياخد راحته فى الكلام معاها
ان شاء الله ميقطعوش الموبايلات مش ناقصاهم بصراحة

[MALAK2010]

انا حطيته على النار خلاص وسيباه يستوى

[MALAK2010]

تفتكرى القلق دة هيفضل كام يوم كمان؟؟؟
اصلى كل يوم اقول النهاردة اكيد الوضع هيهدى باى شكل
بس الاقى الموضوع بيزيد

[dr.princess]

تمااااام
انتى عارفة لما بقيت اعمل سمك فيليه معدتش بعمل معاه رز بعمل سلطة طحينة وعيش وخلاص ووالله اطعم كتير من غير الرز

[dr.princess]

مبدئيا مش هيهدى قبل الجمعة بس مش عارفة حاسه ان الامور مش هتهدى بسهولة كده

[MALAK2010]

انا برضة بقالنا فترة بناكل كل الاسماك بعيش ومخلل
بصراحة بقالى كتير ماعدتش بعمل سلطة بس بقطع شرايح طماطم وخيار

[MALAK2010]

يعنى ممكن يطول لبعد الجمعه كمان
انا بحمد ربنا ان مفيش قلق عند ماما واخواتى
انا مش عارفة ساعتها كان هيجرالى اية وانا بعيدة عنهم الحمد لله وربنا يستر على الجميع

[dr.princess]

لا والله سلطة الطحينة بالذات حلوة جدا مع الفيلية جربيها كده هتعجبك ان شاء الله
جوزى بيحبها جدا وبقت اساسية جدا مع الفيلية والكفتة والقرنبيط ومش فاكرة ايه تانى

وكمان لو سمك مقلى او مشوى بعمل بابا غنوج
مش بعمل سلطات غير دول والسلطة العادية

[dr.princess]

اه والله عندك حق الحمدلله
وربنا يكون مع الناس القريبين من القلق ده

[MALAK2010]

ايوا انا بعمل طحينة مع السمك دة اساسى
احنا لازم نعمل طحينة مع السمك وفى الصيام ههههه مش عارفة جوزى لما يصوم لازم طحينة
وبعمل ساعات باذنجان بس مش عارفة بابا الغنوج هو بتاعى ولا حاجة تانية اصلى مش باكل بذنجان بس لجوزى
انا بعرف اعمل صنفين فى الباذنجان بس معرفش اسميهم هههههههههه

[dr.princess]

بابا غنوج بتبقى باذنجان مشوى انا بعمله على اقل عين على البوتوجاز ونقشره ونحط ثوم وطحينة وزبادى وزيت زيتون وليمون وكله فى المطحنة او الكبة لما بيتضرب كله على بعضه بيخف شوية طعم الباذنجان

وعلى الطحينة لو مش بتحطى لبن حطى شوية بتفرق خالص فى الطعم بتبقى احلى كتيييييييييير

[MALAK2010]

انا بعمل البابا غنوج دة بس من غير ما بضربة فى الكبة

اما الطحينة هى فى الاصل بتحطى لها زبادى بس مش بتعجبنى
بس انا بضرب الطحينة فى المطحنة بتبقى احلى اوى بعرف اظبطها جربيها كدة وعليها كام نقطة زيت بتخلي لونها بيلمع

[dr.princess]

انا بضرب البابا غنوج علشان مليش فى الثوم خالص فلما بتضرب طعمه بيروح تقريبا وكمان علشان طعم الباذنجان مايبقاش تقيل
بس الطحينة انا بحطلها لبن مش زبادى وبحطلها اه زيت زيتون وخل وبس كده ومش مستاهلة خالص تضرب لان كل المكونات تقريبا سايبة مفيش حاجة هتتفرم

[MALAK2010]

اسيبك يالولو جوزى على وصول ونتكلم ان شاء الله بعد الغدا

[dr.princess]

ماشى ياحبيبتى بالهنا والشفا
اشوفك بعد الغدا ان شاء الله

[MALAK2010]

الصمت الرهييييييييييييييييب

[dr.princess]

انا صحيييييييييييت الحمدلله

[MALAK2010]

صح النوووووووووووووم

[dr.princess]

انتى لما سيبتينى ملقيتش حاجة اعملها غير انى انام خصوصا انى كالمعتاد صاحية من قبل 4

[MALAK2010]

انا نفسى انااااااااااااااااااااااام بس مش بعرف انا وانا لوحدى نفس ابطل الحكاية دى

[dr.princess]

مش عارفة ليه طيب ماتجربى كده اقفلى الباب كويس واقفلى عليكى باب الاوضة بالمفتاح لو كنتى بتخافى ونامى

[MALAK2010]

الباب مقفول بالمفتاح بس بخاف
انتى لو تشوفينى تضحكى عليا
قاعده فى الصالة وفى مكان يكشف كل البيت ههههههههههههههه وضهرى للحيطة
دة مكانى ومش بغيرة ابداااااااااااااااااااا من الصبح لغااااااية ما جوزى يجى بالسلامة

[dr.princess]

هههههههههههههههههه ايه الرعب ده يابنتى الحافظ ربنا
انا بقلق بس لو سمعت اصوات او خبط بره بس مادام مفيش حاجة خلاص قاعدة فى اوضة النوم وقافلة الباب وفاتحة تليفزيونى ولاب توبى وعاملة احلى دماااااااغ هههههههههههههه

[dr.princess]

صحيح انتى كنت بتقولى انتى عايزة تعملى مخلل عملتى ولا لا ؟؟؟

[MALAK2010]

الحافظ ربنا انا عارفة بس لما كنت فى مصر كنت بقعد لوحدى عادى
مش عارفة هنا فى اية مع انى فى حتة حلوة الحمد لله وفى الدور السادس يعنى بعيده
بس جايز لانى معرفش حد جنبى يطمنى او حواليا جنسيات تانية مش عارفة

[MALAK2010]

ايوا عملت خيار وجزر وبصل شفتى الشطارة هههههههه

[MALAK2010]

عاوزة اعمل ليمون بس مكسلة انا مش بحبة اوى بس بحب ادوق حتة صغنتوتة واسيب باقى الليمونة ههههههه بس اهو بفتكر روايح مصر

[dr.princess]

انتى عارفة انتى بس حطى فى دماغك انك مش خايفة وان بابك مقفول عليكى وانتى هتلاقى نفسك هديتى وهتعرفى تنامى لوحدك ان شاء الله

[dr.princess]

ايه الشطارة دى ماشاء الله
قوليلى بقى التفاصيل اصلى بالصدفة اخدت بالى ان عندى خيار وجزر صغيرين ينفعوا يتخللوا صحيح مش كتير بس قلت اجرب فيهم
ولو عندك طريقة الليمون كمان يبقى كده قشطة اوى (ههههههههههههههه افتكرت اختى بتكره جدا اقولها قشطة دى )

[MALAK2010]

بصى الخيار طلع حلو اوى الحمد لله بس الجزر معجبنيش فخلينا فى المضمون ههههههههههههههههه
بصى ياستى تجيبى الخيار وتغسلية طبعا وتقسميه نصفين وبعدها تشقى كل نص بس مش للاخر فاهمة؟؟؟؟؟
وبعدين تحطى مياه فى البرطمان حوالنى نصفة وعليها 3 معالق كبار ملح وشوية خل صغيرين وتوم (تدقيه نص دقه مش اوى وفى بيقول ممكن تدقيه بقشرة كمان)
وبس حوالى يومين وممكن يتاكل

[MALAK2010]

ماما قالتلى علي الليمون بس مش فاكرة بيتعمل ازاى
اللى فكراه بتسلقيه وتحدقيه فى البرطمان بميه وملح بس مش متاكدة فى حاجة كمان ولا لاء
هسالها ان شاء الله لما يجى النت

[MALAK2010]

البصل نفس الحكاية تحطيه فى مية وملح وشوية خل صغيرين بس مفيش توم المرة دى وتسبية بس دة بيطول حوالى اسبوع او 10 ايام

[dr.princess]

ايوه فاهمة قصدك ايه
بس كده
طيب خلاص انا هجرب فى الخيار
امال فى ناس بتقعده بالاسبوعين وحاجات زى كده ليه
طيب انا جبت نوع ملح عجيب كده حاسه انه مش بيملح ازود ولا خلينى زى ماقلتى وطبعا ملح ناعم ينفع ولالا واد ايه ثوم
وحاجة كمان اللى عندى تقريبا يجى نص كيلو بس نفس المقادير بتاعتك ولا ايه
معلشى انا عارفة انى صداااااااااااااع

[MALAK2010]

صداع اية يا بنتى اللى عارف حاجة بيقولها للتانى عادى
انا مش عارفة نص كيلو يعنى اد اية انا كنت عاملة اقل من 8 خيارات ههههههههه
الملح اللى استخدمتة كان ناعم عادى
التوم حوالى 3-4 تومات
اللى بيقعد كتير بيبقى ممكن البصل

[MALAK2010]

ولو عاوزة تحطى توم اقل براحتك على حسب حبك لتاثير التوم فى الحاجة يعنى ممكن تكتفى بفصين وخلاص

[dr.princess]

الحال من بعضه انا برده مش اكتر من 8 وحدات
خلاص انا هتوكل على الله واعملهم النهاردة
وفعلا هحط ثومتين بس لانى انا وجوزى مش بنحب طعمه فى الاكل ابدا

ربنا يكرمك

[dr.princess]

معلشى هسيبك دلوقتى يااادوب الحق اعمل الملوخية اتفضلى معانا

[MALAK2010]

شكرا يا جميل وبالهنا يا حبيبتى نتقابل بكرة ان شاء الله

[مامامشمشة]

WIDTH=300 HEIGHT=350 http://babystrology.com/tickers/baby-ticker-glass.swf?parent=مشمشة&year=2011&month=4&day=4&babycount=1"></param><param =""http://babystrology.com/tickers/baby-ticker-glass.swf?parent=مشمشة&=year=2011&month=4&day=4&babycount=1" "

[مامامشمشة]

بحاول اعمل فلاش متحرك ومفيش صورة

[مامامشمشة]

ازيكم يابنات اهئ اهئ خاولت اعمل فلاش متحرك مش بيظهرhwaml15

[مامامشمشة]

كنت عايزة رايكم انا طلعت حامل فبنوتة انشالله ايه رايكم فاسم ياسمين او ملك او لوجين

[مامامشمشة]

محتاجة رايكم

[أم نورين2012]

أزيكم يابنات وحشتوني أوي أوي أنا دخله مخصوص عشان أطمن عليكم وعلي أهليكم عشان اللحصل في مصر ويارب تكونوا كلكم بخير

[dr.princess]

ايه ده مشمشمة وميرى مرة واحدة انتوا فين يابنات من زمااان

[MALAK2010]

صباح الخير صباح الخير صباح الخيييييييييييييييييييييييييييير

[dr.princess]

مشمشة الاسماء حلوة اللى انتى مختاراها بس المهم جوزك عايز يسمى ايه لازم تتفقوا انتوا الاتنين على اسم

[MALAK2010]

ماما مشمشة :مبروك يا جميل على البنوتة
طبعا طبعا ملك احلى اسم فى الدنيا ههههههههههههههههههههههههههههههههههههه حتى اسالى لولو هتقولك كدة

[dr.princess]

ملك صباح النوووووووووور

[dr.princess]

ههههههههههههههههههههههه
انا بريئة اهو ومغلطتش فى اى اسم

[dr.princess]

مشمشة اهلنا الحمدلله كويسين انتى اخبار اهلك ايه فى مصر ؟؟

[MALAK2010]

شطوووووووووووورة

[dr.princess]

هههههههههههههههههه طول عمرى

[MALAK2010]

عاملة اية يا جميل

[dr.princess]

الحمدلله تماااام
بس بالى مشغوووووووول

[MALAK2010]

بالك مشغول على اية

[dr.princess]

جوزى المسكين ياعينى قلتله اول امبارح انا عارفة انك عايز محشى من مده وانا مطنشاك هات ورق العنب وانا هعملهولك ان شاء الله
لقيته ماصدق راح جرى امبارح جايلى علبة ورق عنب الظاهر ماصدق اهىء اهىء اهىء

[MALAK2010]

هههههههههههههههههه
طيب واية المشكلة الوقتى

[dr.princess]

ده محشى يا امى يعنى فضيحة جديدة اهىء اهىء اهىء

[MALAK2010]

انتى هتعمليه النهاردة ان شاء الله

[dr.princess]

ده تقريبا من كتر ماعقدته بيقولى انا شايف فى المحل بيلفوا محشى ويادوب تقريبا على التسوية بس تخيلى

[MALAK2010]

ولا فضيحه ولا حاجة مش هو عجبة المحشى بتاعك خلاص

[MALAK2010]

حاسة بيكى ماجوزى لسة محسسنى بضعفى فى الكيكة من كام يوم ماانا حكيالك اهئ اهئ

[dr.princess]

لالا هعمله يوم السبت ان شاء الله مع اللحمة علشان مفيش عندى شبت النهاردة

[dr.princess]

هههههههههههههههه احساس زبالة

[MALAK2010]

هو العيب فى المحشى ولا العيب فى ورق لعنب نفسة
يعنى اللى مش مطعمه ورق العنب

[dr.princess]

انتى عارفة غير ان بيطلع طعمه بعافية شوية اول ما بحط الشوربة ورق العنب بيفصل عن الرز ويطفو على السطح ههههههههه بتهيألى كده يبقى انا مش لافاه كويس مش كده ولا ايه ؟؟؟
ووالله ما شاء الله مبيكسرش بخاطرى بعد كل ده ويقولى حلو ربنا يكرمه يااارب بس انا عارفة الحقيقة المرة

[dr.princess]

ورق العنب المعلب ده بيبقى ورقة مهرية وورقة ناشفة
وكمان انا بعمله برز بسمتى فمش عارفة ممكن يكون سبب ان طعمه متغير ولا ايه مش عارفه

[MALAK2010]

معلش يا لولو مش قادرة امسك نفسى من الضحك ههههههههههه
اصلى متخيله المنظر
اه كدة انتى مش لفاه كويس

[MALAK2010]

لية بتعمليه برز بسمنتى ماتعمليه برز عادى
اصل البسمتى بييقى عاوز معيار شوربة الضعف
انا مجربتوش علشان افيدك

[dr.princess]

هههههههههههههههههه اضحكى براحتك انتى لو تشوفى الحلة تتقهرى يعنى تعب ساعتين بيروح اول ما احط الشوربة بس الحمد لله بتحصل فى الصف الاول بس يعنى نص المحشى لانى بعمله صفين بس فى حلة كبيرة

حتى حطيت طبق فوق المحشى يمنع الحركة دى معملش حاجة
ان شاء الله المرة دى الفه احسن

[dr.princess]

المشكلة ان الكل من قبل ما اتجوز يشهد انى بلف المحشى ممتاز الصوابع نونو كده وكلها شبه بعضها حاجة تقهر انا اتعقدت

[dr.princess]

والله انا معدتش بجيب رز مصرى تقريبا من 8 شهور
حتى الكشرى الاصفر بعمله برز بسمتى

[MALAK2010]

والله انتى سكر يا لولو

[dr.princess]

هههههههههههههههه انا بقول لجوزى كده برده ههههههههههههههههههههه
بقوله بذمتك انت ممكن كنت تتجوز حد عسل كده ههههههههههههههه وماما بتثبتنى وبتقوله كده برده

غرووووووور رسمى ههههههههههههههههههه

[MALAK2010]

لاااااااااااااا انا مش بحب المحشى النونو دة ابداااااااااااااا
بيبقى طعمه كله ورق ورزتين وانتى بتقولى ان الورق مش طعمه اد كدة
انا بحب حجم صابع المحشى وسط او كبير ههههههه ومالة
بس طبعا لو فى عزومة عندك حق لازم الصوابع تبقى صغيرة

[dr.princess]

لالالالا احنا عيلة الصوابع النونو ههههههههههههههههه انا وماما وخالتى وبناتها اختى ملهاش خلق فممكن يبقى اكبر مننا فماما بتخليها متعملش معانا مصلحة برده ههههههههههههههههههههه
انا بعمله كده عزومة ولا مش عزومة تعود خلاص

[dr.princess]

حماة اختى بتعمل المحشى قد القلم فبقول لاختى ماشاء الله عليها حماتك 10 دقايق وتخلص لف الحلة ههههههههههههههههههههه

[MALAK2010]

انا ليا خاله فظيييييييييييييييييييييييعه فى المحشى وبتشطشطة مع انى مش بحب الشطة بس بحبة من ايديها
وعليها صابع محشى مكعبر وعسل ههههههههه

[MALAK2010]

الحكايه مش خلق ولا صبر بس هى انى بحس ان شكله احلى واطعم لان زى ما بقولك مش بحب طعم الورق كتير
ماما بتعملة صغنن فى العزومات واكبر شوية فى العادى

[dr.princess]

ههههههههههههههههه بصرة خالتى برده المحشى بتاعها مشطشط بنوووووت منه احنا ملناش فى الشطة بس لفها زى الكتاب ما بيقول هههههههههههههههه أستاذة

[dr.princess]

انا غالبا المرة دى ممكن اعمله اكبر شوية علشان الف الورقة كلها ومقسمهاش عشان تتلف كويس

[MALAK2010]

انا بقسم الورق الكبيرة
اما الصغيرة فبسيبها
بس شوفى الحله اللى عاوزة تتاكل من الصورة هههههههههههه وشوفى اللف

http://forum.hwaml.com/imgcache2/hwaml.com_1296626121_786.png


هو دة اللف ههههههههههههههههههه
طبعا دى عملاقة بالنسبالك هههههههههههههههه

[dr.princess]

هههههههههههههههههههه ايه ده ده ورق عنب جامبو
ده تقريبا مكان 3 من بتوعنا او 4 كمان

[MALAK2010]

عجبنى اوى طريقة التقديم دى بس هى مش عملية هى ديكور بس
بس فكرتها حلوة وسهلة

http://forum.hwaml.com/imgcache2/hwaml.com_1296626578_770.jpg

[dr.princess]

حلوة اوى فعلا محتاجة مزاااااااااااج
وقبل المزاج ان الورق يلزق فى الرز هههههههههههههههههه

[MALAK2010]

حاولى تلفية كويس وعلى رايك كبرى الورقة علشان تعرفى تتحكمى فيها

[dr.princess]

ان شاء الله يوم السبت الامتحان يكرم المرء او يهان هههههههههههههههههه

[MALAK2010]

ان شاء الله هيبقى احلى من اى مرة

[dr.princess]

ان شاء الله
على فكرة عملت كبسة يوم ماقلتلك وطلعت جميلة ماشاء الله جربى تعمليها