مشاهدة النسخة كاملة : دردشة حوامل مصر - دردشة بنات مصر - تجمع حوامل مصر
Rania Negm
03-03-2011, 03:05 AM
طيب يا جوجو نراكى غداااااااا
تصبحى على خير يا لووزة
Rania Negm
03-03-2011, 03:16 AM
ايه الصحرااااا دى؟؟؟
جوجو مشيت والست نوران مطلعة عين توتا
وانا هقعد هنا أعد النجوم لوحدى؟؟؟
أنا هروح انام مع الراجل اللى استحوذ ع السرير لوحده ده .. هروح أكبس عليه واغلس واخد تلت تربع السرير
نااااايتى نااايت يا توتا فعصيلى البت نورينا أوى أوى أوى
MALAK2010
03-03-2011, 07:29 AM
انا هناااااااااااااااااااااااااااااااااااااااااااااااا ااااا
نورالقمر999
03-03-2011, 07:29 AM
اهليييين يا سمررر
ياعينى ع المغتربين .... التجمع كله مغتربين
انضمى لنشرة الطبيخ معانا
اهلا رانيا ,,,شكرا على الترحيب بيا وفعلا التجمع كتير فيه مغتربين ,بس حلو علشان نصبر بعضنا
سمر اهلا اهلا انتى من ريحه الحبايب انا اختى هناك ومبروك الحمل ربنا يتمملك على خير
اهلا جوجو الله يكرمك,,,وكويس ان اختك هناك ,ممكن اسالك هي جابت بيبي في قطر قبل كده ولا لأ؟؟؟ للاني عايزه اعرف دكتوره كويسه اتابع معاها في الدوحه
dr.princess
03-03-2011, 07:32 AM
صباح الخير يابنات
MALAK2010
03-03-2011, 07:35 AM
نور القمر ازيك يا جميل عامله ايه وحملك ابقى طمنينى
عارفه اكتر بلد ساعه مايجى اسمها بقلق هى قطر ههههههههههههههههه
اصل جوزى ساعات بيسافر سفريات شغل لها كذا يوم وانا هنا لوحدى فى الامارات وبخاف فبقعد ادعى ان السفريه متجيش
MALAK2010
03-03-2011, 07:39 AM
لولو:ازيك يا جميل عامله ايه
dr.princess
03-03-2011, 07:43 AM
ازيك يا ملوكة انا الحمدلله كويسة انتى اخبارك ايه
MALAK2010
03-03-2011, 07:46 AM
كويسه الحمد لله وحماده عامل معاكى ايه
dr.princess
03-03-2011, 07:55 AM
حمادة الحمدلله تمااااام بس تاعبلى ظهرى بشكل غريب لدرجة انى امبارح كنت هعيط من الوجع الحمدلله
dr.princess
03-03-2011, 07:56 AM
انتى اخبار النونو ايه حركته تمام الحمدلله ؟؟
MALAK2010
03-03-2011, 07:59 AM
معلش بس بيقولوا ان فى الفترة دى وجع البطن من تحت والضهر شئ عادى ربنا يعينك
انا الحمد لله والنونو حركتة كويسه الحمد لله بس لسه برضه مفيش الخبطة القويه او الرفسة اللى بتقول عليها سميه مش عارفه كده عادى ولا لاء
dr.princess
03-03-2011, 08:03 AM
ماتقلقيش من نوع الحركة المهم الانتظام فى الحركة يعنى مادام ولله الحمد بتحسى بحركته بانتظام يبقى تمام باذن الله وكل بيبى مختلف عن التانى
MALAK2010
03-03-2011, 08:09 AM
ربنا يسهل انا سالت ماما فقالتلى ممكن على السابع ان شاء الله احس بكده
dr.princess
03-03-2011, 08:12 AM
ان شاء الله خير ماتقلقيش خالص
MALAK2010
03-03-2011, 08:21 AM
انتى هترجعى امتى لفترة الليل
dr.princess
03-03-2011, 08:23 AM
معلشى هكلم ماما وارجعلك تانى
dr.princess
03-03-2011, 08:25 AM
بكرة ان شاء الله
MALAK2010
03-03-2011, 08:26 AM
طيب سلميلى عليها
نورالقمر999
03-03-2011, 11:22 AM
نور القمر ازيك يا جميل عامله ايه وحملك ابقى طمنينى
عارفه اكتر بلد ساعه مايجى اسمها بقلق هى قطر ههههههههههههههههه
اصل جوزى ساعات بيسافر سفريات شغل لها كذا يوم وانا هنا لوحدى فى الامارات وبخاف فبقعد ادعى ان السفريه متجيش
انا الحمد لله تمام ياملك بس تعبانه اوي من القيء والغثيان اللي مش بيروح لا ليل ولا نهار وعدد مرات القيء بقى 4 مرات والدكتوره كانت اديتني حبوب لمنع القيء بس المشكله انها بتقلب معدتي (شفتي البخت)ههههههه بجد حاجه صعبه وكل حاجه طعمها مر جدااااااااااااااااااااااااا
بالنسبه لقطر والله بامانه انا بقالي فيها 6 شهور بس الحلو اللي فيها انها راقيه بس في نفس الوقت هاديه مش زيي دبي دوشه وتحسي هنا النظام الاوروبي ,يعني الناس تصحى بدري وتروح شغلها وتخلص بدري وحتى الخروج بالليل حلو بس الوحش ان الدنيا هنا بتخلص على الساعه 10 بالليل بس في الويك اند بنسهر شويه,,,ياستي مش تقلقي على جوزك خالص البلد هاديه وامان فعلا
نورالقمر999
03-03-2011, 11:24 AM
بنات انا قرات الموضوع ده هنا في حوامل وكل الكلام اللي فيه عادي ومفيد بس الجزء الخاص بالولاده خلاني مش عارفه انام من امبارح ومرعوبه والله بجد ,,, اقرؤه وقولوا رايكم بلييييز
http://forum.hwaml.com/t5669.html
أم إياد
03-03-2011, 01:33 PM
انا الى نفسى ف الباميه وف الاخر الباميه تروح لرانياhwaml4
ههههههه ما انا عدلت المشاركة في ساعتها وبعتت طبق البامية عليكي ياجوجو
Rania Negm
03-03-2011, 02:55 PM
صباح الخير بناويت
بقت اول حاجة اعملها اول مااصحى اجى هنا اشوف مين عمل ايه ؟؟؟؟
توتة شكلها نايمة وشكل البت نوران احترمت نفسها وبطلت تغلس عليها
Rania Negm
03-03-2011, 02:56 PM
صباح الخير ام اياااااد
معلش اصل جوجو بطنها فارغة ... وكانت هتخلى طبق البامية يفرق بينا
....
نور القمر هرد عليكى حالا يا سموورة
نورالقمر999
03-03-2011, 02:58 PM
براحتك يارانيا خدي وقتك ياحبيبتي
Rania Negm
03-03-2011, 03:02 PM
بوصى يا سمر
انا كنت زيك كداا متنحة ع النت ليل نهار اقرى فى مواضيع الحمل والولاده والاجهاض
واطبق كل حاجة على نفسى ... وكان عندى رعب غير عادى
لدرجة والله ان زوجى فصل النت عن البيت حوالى اربع شهور عشان يعاقبنى على كدا
وكان يشتكى للدكتورة من كدا ..
الدكتورة اولاا كانت تقولى : لا تثقى فى كل اللى تقريه ع النت طالما موش مواقع طبية عااااااااالمية معروفة ... لان أغلبها بيكون اجتهادات
ثاانيا : قالتلى متسمعيش عن تجارب الآخرين فى الولادة لأن كل واحدة تختلف عن التانية
ثالثا : قالتلى ان الولادة شئ متعب فعلا .. لكنه محتمل وكل الستات اللى فى الدنيا بيولدواا
طمنتنى من الآخر الله يريح بالها
ومن ساعتها لو قريت حاجة ولا بحطها فى بالى .. ومبقتش انتريستيد ياعنى انى اروح واقرى زى زمان
بس بينى وبينك من يومين شفت الولادة الطبيعية بالصور ههههههههههههههههههههههههههههههه
وكانت الطاااامة الكبرى ,,,, شفت نونو وهو بينزل اعععععععععععععععععع كان شئ مقزز ومرعب وووووووووووو
ههههههههههههههههههههههههه اللى فيه عادى بقى
والله نفسيتى كانت زفت وقلت هولد سيزيريان وعليا وعلى أعدائى ... بس لما قلت للدكتورة قالتلى النمنظر غير محتمل ليكى .... بس اللى شوفتيه هو اسهل حاجة فى مرحلة الولادة ... بمجرد ما راس البيبى بتظهر بتتزلط على طول هوووووووووب تلاقيه مأنتخ جمبك ع السرير
...
على فكرة اخواتى كلهم هم خمسة ماشاء الله ولدوا طبيعى وبيروحوا البيت فى نفس اليوم وبيكونوا بس متألمين بسيط مكان الخياطة لكن بيدخلوا التويلت وياخدوا شاور لوحدهم وتانى يوم يقوموا يمشوا ويروشوونا
ظنى بالله خييييييير وسيبيها ع الله
Rania Negm
03-03-2011, 03:05 PM
سمووووووووووور للاسف آى هاااف تووو جوووو
لسه صاحية وورايا هم كبيييييييييير
ومحمد زمانه جاى
حاولى تدخلى باليل
سلامووووز يا جميل
نورالقمر999
03-03-2011, 03:12 PM
انا بقى مشكلتي ان دكتورتي رخمه ودمها تقيل ومش بتتكلم معايا في اي حاجه بحس اني قاعده ادام كمبيوتر بيكتب في تقارير وخلاص,,,,والله كلامك مقنع يارانيا بس انا علشان لوحدي في قطر ومافيش حد معايا فمش ورايا غير النت وبس وطبعا جوزي مش مهتم انه يعرف اي حاجه عن المواضيع دي ,,,,بس تفتكري انا ممكن اطلب اني اولد قيصري حتى لو وضع البيبي طبيعي ومافيش مشاكل؟؟؟انا خايفه اوي من الالم وموضوع الخياطه اللي من تحت دي بتقشعرلي جسمي بجد
نورالقمر999
03-03-2011, 03:13 PM
سلام مؤقت يارانيا بس ابقي ادخلي تاني بالليل,,, سي يو ياجميل
توتة السيد
03-03-2011, 03:43 PM
توتة شكلها نايمة وشكل البت نوران احترمت نفسها وبطلت تغلس عليها
ياستير حتي وانا مش موجوده مصرة تخلي نولران تغلس ياستير اهي مغلسة يااختي وقاعدة في حضني اشوف فيكي التلات والاربعا والخكيس يارانيا ههههههههههههههههه
سلام يام كرش ونلتقي بالليل ياقلبي بجد انا احبك في الله ربنا يسعدك
توتة السيد
03-03-2011, 03:49 PM
بقى مشكلتي ان دكتورتي رخمه ودمها تقيل ومش بتتكلم معايا في اي حاجه بحس اني قاعده ادام كمبيوتر بيكتب في تقارير وخلاص,,,,والله كلامك مقنع يارانيا بس انا علشان لوحدي في قطر ومافيش حد معايا فمش ورايا غير النت وبس وطبعا جوزي مش مهتم انه يعرف اي حاجه عن المواضيع دي ,,,,بس تفتكري انا ممكن اطلب اني اولد قيصري حتى لو وضع البيبي طبيعي ومافيش مشاكل؟؟؟انا خايفه اوي من الالم وموضوع الخياطه اللي من تحت دي بتقشعرلي جسمي بجد
ازيك يانور القمر ربنا يكملك علي خير ويقومك بالسلامة
نصيحة ياغالية اوعي تستعجلي وتطلبي تولدي قيصري القيصري متعب اكتر من الطبيعي
وماتقلقيش ابدا الم الولادة صحيح صعب ولكن محتمل يعني كل الستات بتتحمله ربنا مابيحملناش فوق طاقتنا وبالنسبة للخياطة من تحت انا كنت زيك كده مرعوبة وكنت اقول يارب ما احتاج
خياطة ولكن قالولي لازم البكرية خياطة والحمد لله والله ماحسيت بيها حتي اول وتاني يوم الولادة
كان عادي جدا صحيح كنت ماقدرش اطول في القعدة لكن ماكنش في الم ابدا انتي ماتفكريش وسبيها لله ومش هتلاقي غير كل خير
Om Rodina
03-03-2011, 04:12 PM
السلام عليكم ورحمة الله وبركاته
ازيك ياتوتة ياحبيبتى اخبارك ايه وحبيبتى نوران اخبارها ايه ربنا يباركلكم فيها ويجعلها بنت صالحة
توتة السيد
03-03-2011, 05:02 PM
وعليكي السلام والرحمة ياام رودينا اخبارك ايه فينك وحشتينا
انا بخير الحمد لله ونوران كمان بتسلم عليكي تسلمي حبيبتي ربنا يخليكي وتفرحي بشوفه رودينا
أم نورين2012
03-03-2011, 05:47 PM
مساء الخيرأنا جيت
أم نورين2012
03-03-2011, 05:48 PM
ازيك ياتوته وحشتينيي موووووووووووووووووووووت
dr.princess
03-03-2011, 05:54 PM
اخيرا صحيييييييييييت هههههههههههههههههه
dr.princess
03-03-2011, 05:55 PM
ام دانا اوعى تكونى زعلانة منى والله اخر مرة افتكرتك لسه مستقرتيش على الاسم فأخدت راحتى فى الكلام سامحيييييييييييينى
dr.princess
03-03-2011, 05:56 PM
توتة ميرى ازيكم يا قمرات
ميرى شرفتينا ولا ايييييييييييه ؟؟؟
dr.princess
03-03-2011, 06:00 PM
ايه ده يابنات هى ملك مدخلتش تانى من الصبح يعنى هتسافر من غير مانسلم عليها ولا ايه اهىء اهىء اهىء
dr.princess
03-03-2011, 06:05 PM
مفيش غيرى طيب اروح اطبخ بقى وارجع تانى
أم نورين2012
03-03-2011, 06:25 PM
ماتخفيش يالولو طبعا شرفتكم أوووووووووووووووووووووووووي وجوزي أتهبل علي الاكل ده أخرت أفكركم
أم نورين2012
03-03-2011, 06:27 PM
أنا عند أهلي لما أرجع جده هاكلمكم يلا سلام
Om Rodina
03-03-2011, 06:37 PM
الله يسلمك يارب ياتوتة ياحبيبتى وربنا يارب يفرحك بنوران وربنا يهديها لك يارب ويحفظها من كل سوء
وسلميلى عليها كتير ويوسيها لى كمان
dr.princess
03-03-2011, 07:05 PM
ام دانا الملوخية جهزت خلاص
تعالى الحقيلك طبق قبل ما جوزى يجى
dr.princess
03-03-2011, 07:13 PM
الحمدلله انك شرفتينا يا ميرى ده العشم برده
بكرة ان شاء الله هبقى موجودة بالليل ونتكلم
أم نورين2012
03-03-2011, 08:59 PM
خلاص أتفقنا يالولو
أزيك ياجوجو أنتي ورانيا وتوته وياسمين والله وحشتوني أكلمكم بليل
Rania Negm
03-03-2011, 09:24 PM
من روائع شيخ محمد جبريل
تلاوات رائعة خاشعة من صلاة الجمعة جمعة التغيير بميدان التغيير
الله اكبر على صوته ... متعة الاستمااااااااااااع للقرآن الكريم بصوته الرائع اللهم بارك
http://www.jebril.com/ar/friday-prayers/2011-02-25 (http://www.jebril.com/ar/friday-prayers/2011-02-25)
نولارا
03-03-2011, 09:53 PM
انا جيييييييييييت
حد هنا ولالالالالالالالالالالالالالالالاايه
Om Rodina
03-03-2011, 10:05 PM
نورا حبيبتى ام موكشتى اخبارك ايه واخبار الاستاذ موكشة حبيبى ايه ربنا يباركلك فيه يارب
نولارا
03-03-2011, 10:11 PM
ازيك ياام دانا موكشه مجننى بعمل الاكل بالعافيه والله وهو عياااااااااااااااااااااط طول اليوم
Om Rodina
03-03-2011, 10:12 PM
روحتى فين ياام موكشة
موكشتى اخد الجهاز منك ولا ايه
نولارا
03-03-2011, 10:14 PM
انتى اخبار النونو ايه ميعاد ولادتك امتى ؟؟؟؟؟؟؟؟؟؟؟؟؟؟
Om Rodina
03-03-2011, 10:18 PM
ربنا يباركلك فيه يارب ويهديه لك يارب
والله انا دخلت بالتاسع من تلات ايام وروحت للدكتورة قالتلى اخر ميعاد للولادة يوم 30 فى الشهر بس طلبت منى اروح لها يوم 20 علشان تحدد المعاد بالظبط لانها وزنت النونة لقتها 2.25وكمان لسه فوق ما اخجت وضعها الطبيعى وبصراحة خوفتنى والله وقلقتنى
نولارا
03-03-2011, 10:21 PM
ليه بس النونه صغنونه كده
بالنسبه للوضع الطبيعى طولى فى السجود واتمشى كتيييييييييييييير وهى هتتضبط باذن الله وربنا يقومك بالسلامه وتجيبى احلى نونه
Om Rodina
03-03-2011, 10:24 PM
ربنا يخليكى يارب مش عارفة والله وزنها قليل ليه كده علشان كده حركتها كتيرة اوى المشكلة عندى فى المشى انى باتعب اوى ومش باقدر امشى خالص الا بالعافية ونفسى بيوقف خالص بصراحة انا زهقت ونفسى ربنا يعديها على خير بقا واخلص والله
نولارا
03-03-2011, 10:29 PM
يلا تشجعى فات الكتييييييييييير ما بقى الا القليل ان شاء الله
نويتى تسمى ايه اظن دانه ولا ده الاسم فى المنتدى بس هههههههههههه
Om Rodina
03-03-2011, 10:29 PM
المهم احمد اخباره ايه وبقا راجل صغنون كده ولا لسه ربنا يارب يحميه لكم ويفرحكم بيه يارب
Om Rodina
03-03-2011, 10:32 PM
لا والله انا كنت فعلا هاسمى دانا لانى باحب الاسم ده اوى وخلاص كنت انا وباباها مستقرين على دانا بس طبعا كان اللى بيسمعه يستغربه ويتريقا عليه لغاية ماخلونا خلاص زهقنا من الاسم وغيرناه وان شاء الله هانسمى رودينا
نولارا
03-03-2011, 10:40 PM
رودينا حلو برضه ومش فيه كتير متسمى بيه يلاربنا يجيبها بالسلامه يارب
احمد بقى راجل صغنون قرب يكمل 10 شهور وبيسحف وعنده 4 سنات هارينى بيهم عض ههههههههههههههه
Om Rodina
03-03-2011, 10:42 PM
ياحبيب قلبى ماشاء الله اللهم بارك ربنا يبارك فيه يارب ويبقى راجل اد الدنيا دى وتفرحوا بيه كده وبعروسته ان شاء الله
Om Rodina
03-03-2011, 10:45 PM
نورا حبيبتى كنت عاوزة اسالك انت اخدت حقنة التيتانوس دى ولا لا انا لما سالت الدكتورة عليها قالتلى مش ضرورى يعنى تاخديها او ما تاخديها مش مشكلة لانها كانت بتتاخد زمان علشان اللى بتولد على نفسها او بتولدها الداية علشان كده كانت بتتاخد للتعقيم والحماية من التسمم مش عارفة بقا انا متحيرة فى اخدها
نولارا
03-03-2011, 10:59 PM
انا اخدتهم احتياطى حقنتين واده فى السادس وواحده فى السابع مش عارفه ينفع تاخديهم دلوقتى ولا ايه
اسالى لو ينفع خديهم وخلاص عشان تبقى مطمنه
Om Rodina
03-03-2011, 11:04 PM
مش عارفة والله هاسال كده واشوف ربنا يسهل
توتة السيد
03-03-2011, 11:11 PM
من روائع شيخ محمد جبريل
تلاوات رائعة خاشعة من صلاة الجمعة جمعة التغيير بميدان التغيير
الله اكبر على صوته ... متعة الاستمااااااااااااع للقرآن الكريم بصوته الرائع اللهم بارك
http://www.jebril.com/ar/friday-prayers/2011-02-25 (http://forum.hwaml.com/redirector.php?url=%68%74%74%70%3a%2f%2f%77%77%77% 2e%6a%65%62%72%69%6c%2e%63%6f%6d%2f%61%72%2f%66%72 %69%64%61%79%2d%70%72%61%79%65%72%73%2f%32%30%31%3 1%2d%30%32%2d%32%35)
شيخ رائع بالفعل ربنا يجزيه خير انا صليت وراه علي فكرة في مسجد الشيخ زايد في الشارقة
في الامارات
Om Rodina
03-03-2011, 11:13 PM
ام نوران العسل حبيبتى اخبارك ايه واخبار نور ايه ربنا يهديها لك يارب ويفرحك بيها
نولارا
03-03-2011, 11:18 PM
توته جت اولالالالالالالالالالالالالاد
سهره نوران ابتدت ولا ايه
Om Rodina
03-03-2011, 11:20 PM
بصراحة توتة متواجدة بجميع الاوقات نوران شكلها بتخليها صاحية علطول ربنا يعينها ويقويها يارب
Om Rodina
03-03-2011, 11:29 PM
ايه ياجماعة بتروحوا فين بتظهروا وتختفوا كده ليه
نولارا
03-03-2011, 11:36 PM
انا هنا بس متابعه موضوع فى فتكات شادننى شويه ههههههههه
انا معاكى ياقمر
السلام عليكم
ازيكم يابنات
توتة السيد
03-03-2011, 11:48 PM
ام رودينا الغالية ربنا يثومك بالسلامة بالنسبة لوزن النونة كولي زبادي علي قد ماتقدري والله بيزيد وزن البيبي وعن تجربة اما الوضع الطبيعي ماتقلقيش انا نوران مااخدتش الوضع الطبيعي ونزلت الحوض غير ساعة الطلق
توتة السيد
03-03-2011, 11:50 PM
سامحيني في خابطة الحروف اصلي بكتب ونوران علي حجري بتعيط
نولارا
03-03-2011, 11:50 PM
اهلا ياجوجو اخبارك ايه ؟؟؟؟؟؟؟؟؟؟
توتة السيد
03-03-2011, 11:53 PM
تسلمي ياام رودينا يارب يخليكي وتفرحي برودينا يارب ايوة والنبي ادعيلي ربنا يهديها
توتة السيد
03-03-2011, 11:54 PM
ام موكشة هلا بالقمر اسكتي دي سهرات صبح وليل ليل وصبح ايفا بالعسل هههههههههههههههههههه
توتة السيد
03-03-2011, 11:55 PM
هلا ياجوجو عاملة ايه
الحمد لله يانولارا انتى عامله ايه وحماده ايه اخباره
توته هى نوران اصدرت عفو وسبتك
نولارا
03-03-2011, 11:58 PM
ايفا بالعسل ايه بس انتى حافظه الاعلانات والمسلسلات ياتوته ولا ايه
طيب انا احمد ابنى يتقال عليه ايه كل ما يمسك حاجه يقعد يشد فيها عايز يفتحها ولو ما اتفتحتش يقعد يبرطم بكلام غير مفهوم بتاتا ويجزززززززززززززززززز على سنانه ههههههههههههههههههههههه
نولارا
03-04-2011, 12:03 AM
الحمد لله ياجوجو هو كويس
استنوا اصورهولكم قاعد جنبى ماسك الريموت عامله موبايل وعمال يبرطم كالعاده ههههههههههههه
توتة السيد
03-04-2011, 12:05 AM
توته هى نوران اصدرت عفو وسبتك
هههههههههههه حاشا وماشا وهي نوران وش ذلك برضه اهي مانتخة علي رجلي
نولارا خلاص مستنين الصور انا مشفتوش خالص
توته ميرى مظهرتش عايزين نعرف اخبار العزومه
توتة السيد
03-04-2011, 12:09 AM
ههههههههههههههههههههه
ياام موكشة بيجزززززززززززز علي سنانه الجيل ده والله هيربينا
ياخيتي ده ااعلان علي نفسي اصلي مهم بالنسبالنا انتي عارفة ههههههههه
توتة السيد
03-04-2011, 12:11 AM
لا ظهرت ياجوجو كلمتنا من بيت اهلها وقالت انها شرفت جوزها ورفعت راسه
والتفاصيل بقي هتحكيها
ههههههههههههه رفعت علم مصر يعنى طب كويس
ماشاء الله يانورا احمد زى العسل ربنا يحفظه
Om Rodina
03-04-2011, 12:26 AM
جوجو حبيبتى ازيك واخبارك ايه
Om Rodina
03-04-2011, 12:27 AM
ايه العسل ده يانورا ماشاء الله ربنا يارب يحفظه ويحميه من كل سوء
توتة السيد
03-04-2011, 12:28 AM
ياناس ماحدش يجي يشيل نورا شوية عصعوصتي وجعتني من القعدة عايزة افرد جسمي
Om Rodina
03-04-2011, 12:29 AM
ربنا يخليكى يارب ياتوتة بس صحيح تمر العجوة وعسل النحل بيزود وزن البيبى برده ولا ايه اصل الدكتورة قالتلى كده والمشكلة ان الحاجتين دول بيعملوا لى حموضة وحرقان فى معدتى جامد فمش عارفة اعمل ايه
توتة السيد
03-04-2011, 12:30 AM
ياخلاسي ايه العسل ده ياناس ما شاء الله علية ربنا يحميه
ام دانا انا تمام الحمد لله انتى عامله ايه والنونو عامل ايه
Om Rodina
03-04-2011, 12:32 AM
خديها فى حضنك كده جمبك وان شاء الله تهدى وتحاولى تفردى جسمك
توته انا اشيلها حد يطول بس الاول هى نوران ولا نورا
توتة السيد
03-04-2011, 12:33 AM
بسيطة ياام رودينا انتي كلي البلح ده وكول وراه زبادي اهو الزبادي مهضم وفي نفس الوقت بيزود وزن البيبي
Om Rodina
03-04-2011, 12:34 AM
انا بخير ياجوجو ياحبيبتى والنونة كمان الحمد لله
توتة السيد
03-04-2011, 12:35 AM
خديها فى حضنك كده جمبك وان شاء الله تهدى وتحاولى تفردى جسمك
هههههههههههه ده انتي امالك عريضه نوران يمشي معاها كده
دي لازم تتشال وتتهز ليلة ما تشملنا بعطفها وتسكت
توتة السيد
03-04-2011, 12:37 AM
توته انا اشيلها حد يطول بس الاول هى نوران ولا نورا
تسلمي ياقلبي ربنا يخليكي يارب وتشيلي ولادك اللهم آمين
اسمها نوران بس احنا بنختصر ونقول نورا
نولارا
03-04-2011, 12:40 AM
ربنا يكر مكم يارب يعنى هيجيله عرايس كتيييييييييييير هههههههههههههههههههه
نولارا
03-04-2011, 12:44 AM
يلا ياتوته معلش استحملى لغايه لما تكبر شويه وتسحف زى الباشا هتجرى وراها فى الشقه تجيبيها من هنا وهنا قبل ما تعور نفسها
متهيالى مش هنرتاح غير لما يتجوزوا هههههههههههههه
Om Rodina
03-04-2011, 12:44 AM
معلش ياتوتة هاتعملى ايه لازم تستحملى مش كفاية عليها برده ان باباها حبيبها بعيد عنها وربنا يارب يحميها لك وما يحرمها منك ابداولا يحرمك منها ابدا ياحبيبتى
Om Rodina
03-04-2011, 12:47 AM
لالالالالالالا يانورا انتى غلطانة ولا هانرتاح منهم برده بعد جوازهم هو اهالينا كانوا ارتاحوا مننا بالعكس دا بيزيد همهم والله هههههههههههه
نولارا
03-04-2011, 12:59 AM
لنا عوده بعد تغيير البامبرز هههههههههههههههههه
Om Rodina
03-04-2011, 01:02 AM
ايه ياجماعة بتختفوا فيييييييييين
توتة السيد
03-04-2011, 01:25 AM
والله شكلي همد ايدي وضرب نوران ايه الرخامة دي
رنا خالد
03-04-2011, 01:41 AM
اهلين ومرحبيتن
ازيكم ياحلوين عاملين ايه ياجوجو وتوته وام دانا
ايه ياتوته انتي بتفكريني بنفسي والله انا ارفت وجالي الضغط
امبارح مانمتش غير ساعتين والله لما حاسه اني هايغمي عليا
رنا منوره ازيك ولوجى عامله ايه
قبل ما انسى سوميه بعتالك السلام وبتقلك نفسها تشوف لوجى ابعتلها صورتها خاص او حطيها وسبيها علشان تشوفها اما تدخل
توتة السيد
03-04-2011, 01:45 AM
اهلين ومرحبيتنازيكم ياحلوين عاملين ايه ياجوجو وتوته وام دانا ايه ياتوته انتي بتفكريني بنفسي والله انا ارفت وجالي الضغطامبارح مانمتش غير ساعتين والله لما حاسه اني هايغمي عليااهئ اهئ اهئ رنا الحقيني انا خلاص مش قادرة
توتة السيد
03-04-2011, 01:47 AM
البنت راضعه وشيلها وبهزهزها وبرضه فاتحة السرينة طيب اعمل ايه دا حتي من كتر البكا السرة بتعتها وارمه
رنا خالد
03-04-2011, 01:47 AM
انتوا فين
لحد ماتظهروا هاروح اقليلي بيضتين بالبسطرمه كده مع كام رغيف ههههههه
هاعمر الطاسه واجي وفرصه التحفه بتاعتي نامت الحق اكل وراجعه اوعوا تمشوا
Om Rodina
03-04-2011, 01:49 AM
رنا ازيك ياحبيبتى واخبارك ايه
لوجى القمر عاملة ايه ربنا يباركلك فيها يارب ياحبيبتى
انا بخير الحمد لله بس وحشتونى انتى ولوجى
توتة السيد
03-04-2011, 01:51 AM
انتوا فين
لحد ماتظهروا هاروح اقليلي بيضتين بالبسطرمه كده مع كام رغيف ههههههه
هاعمر الطاسه واجي وفرصه التحفه بتاعتي نامت الحق اكل وراجعه اوعوا تمشوا
نحن هنا
ههههههههههههههههه اديني زيك اهو ماسكة سنكوتش بقرقض فيهمع كوب من الحليب
فرصه انا كمان تحفتي اخخخخخ شوية تحف الله ينور الله يعينا ويدي الجميع
Om Rodina
03-04-2011, 01:52 AM
توتة حاولى ماتتعصبى عليها شوفيها يمكن تكون حاجة تاعبها ربنا يعافيها او عندها مغص ولا حاجة اكيد بكائها مش من فراغ ربنا يهديهالك يارب
توته طب ما يمكن بتعيط عندها مغص اعمللها الحجات الى الاطفال بتشربها دى علشان المغص
توتة السيد
03-04-2011, 01:53 AM
انتو بتغطسو فين وميري ورانيا مادخلوش ليه انهارده خيرا ان شاء الله
ميرى يمكن لسه مرجعتش من عند اهلها بكره اجازه بقى او رجعت ونامت لانها بقالها يومين اكيد متبهدله ياعينى
اما رانيا بقى مش عارفه مدخلتش ليه ان شاء الله المانع خير
توتة السيد
03-04-2011, 01:57 AM
توتة حاولى ماتتعصبى عليها شوفيها يمكن تكون حاجة تاعبها ربنا يعافيها او عندها مغص ولا حاجة اكيد بكائها مش من فراغ ربنا يهديهالك يارب
والله غصب عني ياام رودينا قلة النوم وحشة جدا بتخليكي عصبة من اتفه الاسباب فمابالك بوحده عماله تصرخ انا عارفة هو مغص التلت شهورده ياستير بس والله مديالها العلاج بتاعها وغلتلها اعشاب يانسون وكراوية اعمل ايه تاني
Om Rodina
03-04-2011, 01:58 AM
انا هنا والله بس انتوا بتسكتوا كتير ربنا يعينكم ويقويكم
وربنا يرزقك يارب ياجوجو بالذرية الصالحة اللى تسعد قلبك وتفرحك يارب اللهم امين
توتة السيد
03-04-2011, 01:59 AM
توته طب ما يمكن بتعيط عندها مغص اعمللها الحجات الى الاطفال بتشربها دى علشان المغص
والله عملتلها ياجوجو اعمل ايه تاني ربنا يهدي
Om Rodina
03-04-2011, 01:59 AM
معلش ياتوتة ياحبيبتى طيب حاولى تحطى ايدك على بطنها على خفيف كده وتقراى لها قران او حاولى ترقيها باذن الله هاتهدى وتبقى كويسة ان شاء الله
ربنا يخليكى يام دانا ويسعدك ويقومك بالسلامه
بس يكون النونو مبيسهرش بينام بدرى
توته هو موضوع العياط ده طبيعى ف الاول استحملى معلش كام يوم وهتتعود وتبطل عياط
انا اسمع ان الطفل ف الاول بيبقى مستغرب الجو الى حواليه بيبقى حاسس انه فاقد للامان ف بيعيط كتير اكتر حاجه بطمنه انه يسمع دقات قلب مامته لانه مكنش بيسمع غيرها ف وهو ف الرحم انتى ضميها ليكى وهى تهدى بأذن الله
Om Rodina
03-04-2011, 02:10 AM
ربنا يخليكى يارب ياجوجو احنا لازم نستحمل بس ربنا يفرحنا بيهم
ام دانا انتى قعده ف مصر ولا مغتربه زى حالاتنا
ياسميين
03-04-2011, 02:14 AM
انا جيييييييييييت
Om Rodina
03-04-2011, 02:14 AM
جوجو حبيبتى وتوتة هاستئذنكم اقوم انام اصلى تعبت اوى من القعدة واشوفكم بكرة على خير ان شاء الله
Om Rodina
03-04-2011, 02:15 AM
لا ياجوجو انا فى مصر بس زوجى هو اللى مسافر قطر
وانتى من اهل الخير يام دانا
Om Rodina
03-04-2011, 02:16 AM
ادعيلى بس ياجوجو علشان يقدر يبعتلى بعد الولادة ان شاء الله واسافرله واكون معاه تعبت من البعد والغربة والله
ياسميين
03-04-2011, 02:18 AM
اخباركم ايه جميعا
وحشتووووووووني
ربنا يجمعكم على خير يارب ويسعدكم يأم دانا ويكون معاكوا دانا يارب
somia
03-04-2011, 02:19 AM
ازيكوا يا جماعة ...
السلام عليكم ورحمة الله وبركاته ..
رناااااااااااااااااااااااااااااااااااااااااا عاوزة صورة لوجي بقاااااااااااااااااااااااااا
نورا انا مشوفتش صورة أحمد الجديدة .. ممكن اشوفها؟؟
احنا تمام ياياسمين
انتى عامله ايه
ياسميين
03-04-2011, 02:22 AM
وعليكم السلام ورحمه الله وبركاته
ازيك ياسميه وحشتيني
سوميه انا وصتهالك متقلقيش بس هى بتملى التانك وجايه مش عارفه هى اخرت ليه شكل رنا بتخلص على التلاجه كلها
ياسميين
03-04-2011, 02:23 AM
آنآ كمان بخير يا جوجو
الحمد لله
توتة السيد
03-04-2011, 02:23 AM
بقرأ لها والله يام دانا ربنا يخليهالي ويهديها عليا
اتفضلي ياقلبي وتصبحي علي الف خير
جوجو تسلمي ياقمر كلامك جميل فعلا لما بضمها كده بتسكت ربنا يفرحك يارب بضمة اولادك ويقر عينك بيهم
ياسمين خدناكي غياب انهاردة كنتي فيييين
توتة السيد
03-04-2011, 02:24 AM
ادعيلى بس ياجوجو علشان يقدر يبعتلى بعد الولادة ان شاء الله واسافرله واكون معاه تعبت من البعد والغربة والله
اصعب شئ البعد ده ربنا يجمعكم علي خير يارب والجميع اللهم آمين
somia
03-04-2011, 02:25 AM
ياسمين .. الحمد لله تعالى انا بخير ..
انتي عاملة ايه والنونو اخباره ايه معاكي ؟؟؟
رنا خالد
03-04-2011, 02:26 AM
سميه وحشتيني جداااااااااااااااااااااااااا اووووووووووووي خالصصصصصصصصصص
توتة السيد
03-04-2011, 02:26 AM
سومة معانا في ذلك الوقت يامرحبه ىامرحبه عاملة ايه ياقلبي
somia
03-04-2011, 02:26 AM
ربنا يباركلك يا جوجو ..
انا خايفة بس يكون حظي نحس اصلي بقالي شهرين تقريبا هموت واشوف صورتها وانا اول ما ادخل تكون هيه لسة خارجة ..
ياسميين
03-04-2011, 02:28 AM
توته معلش ياقلبي بس مشغوله اليومين دول
بعمل جواز سفر لبلال
توتة السيد
03-04-2011, 02:28 AM
رناااااااااااااااااااااااااا حمد لله علي السلامة ايه يابنتي انتي قليتي مزرعة البيض بحالها
somia
03-04-2011, 02:29 AM
انتي ازيك يسا توتة وحشتيني والقمر الصغننه دي وحشتيني قوييييييييي
رنا والله يا بنتي يعلم ربنا انت وحشتيني قد ايه والكتكوتة لوجي اللي هم واشوف صورها اللي وعدتيني بيهم من قرن فات ..هههههههههههههه
انا مستنياهم ويا رب يسهل وتعرفي تحطيهم
توتة السيد
03-04-2011, 02:30 AM
توته معلش ياقلبي بس مشغوله اليومين دول
بعمل جواز سفر لبلال
ياخراشي علي العسل كبرنا اهو وهيبقي لينا جواز ربنا يخليهولك يااارب
رنا خالد
03-04-2011, 02:31 AM
اكلت مزرعة البيض وجييييييييييييييت
علي رأي توته ههههههه
وربنا انا حاسة بيكي ياتوته وبجد اصعب شهر هو اول شهر ده ده انا كنت بعيط وفي مره لطمت علي وشي وكنت ببكي بكاء هستيري والله بعد كل مغصه عياط مستمر ولحد دلوقتي بجد حالتي النفسيه زي الزفت بس بحاول اخرج نفسي من الحاله دي وبهون علي نفسي ان كل الببيهات كده
رنا خالد
03-04-2011, 02:32 AM
عنيا حاضر ياسمسمه ياقمر هانزلك تلت صور نوفي
توتة السيد
03-04-2011, 02:33 AM
انتي ازيك يسا توتة وحشتيني والقمر الصغننه دي وحشتيني قوييييييييي
انا الحمد لله ياقلبي بخير ربنا يخليكي وانتي وحشتينا اكتررررررررر ياقمر ونوران
بتسلم عليكي وباعتة سلام خصوصي للنونو
توتة السيد
03-04-2011, 02:37 AM
اكلت مزرعة البيض وجييييييييييييييت
علي رأي توته ههههههه
وربنا انا حاسة بيكي ياتوته وبجد اصعب شهر هو اول شهر ده ده انا كنت بعيط وفي مره لطمت علي وشي وكنت ببكي بكاء هستيري والله بعد كل مغصه عياط مستمر ولحد دلوقتي بجد حالتي النفسيه زي الزفت بس بحاول اخرج نفسي من الحاله دي وبهون علي نفسي ان كل الببيهات كده
صحة والف هنا ياقمر اه علي الشهور الاولي دي اديني عديت اول شهر عقبال الباقي علي خير يارب اسكتي ملتقوليش علي الخالة النفسية ياستيييييييير حاجة من الاخر يعني ده حتي الاكل بقيت ماليش نفس ليه وبتزق بالعافية علشان الرضاعة الله يهون
somia
03-04-2011, 02:38 AM
ربنا يباركلك يا رنا يا رب انا مستنيه الصور اهه ..
صحيح اعملي حسابك احتمال ان شاء الله اولد في مستشفى الندى اللي في المنيل جمبك
توتة السيد
03-04-2011, 02:39 AM
طيب يابناويت اظعطوني بقي اروح اخطفلي ساعة قبل الكتكوت ما يصاصي
قعدتكم حلللللللللللللللللوة بس اعمل ايه بس انتظروني في اي وقت ممكن عادي
سللللللللللللللللللللللللللللللللللللللللللللللللل لللللللام
رنا خالد
03-04-2011, 02:41 AM
صورتين جداد وصوره قديمه عارفه انك حباها ياسميه الصوره دي فحطتتهالك
رنا خالد
03-04-2011, 02:42 AM
الصور مانزلتش ليه مش عارفه
somia
03-04-2011, 02:46 AM
لاااااااااااااااااااااااااااااااااااااااااا ... يا رب أتوسل اليك الصور تظهر لحسن انا هتجنن واشوف النونة .. أتوسل اليك يا رب
somia
03-04-2011, 02:50 AM
توتة الحقي خديلك ساعة غفوة جميلة كده .. نتقابل بكرة ان شاء الله
somia
03-04-2011, 02:54 AM
رنا أنا عندي امل ومستنيه طلة القمر علينا اهه
somia
03-04-2011, 03:02 AM
رنا الله يخليكي اوعي تكوني مشيتي ..
ايه يا جماعة انتوا كلكوا رحتوا فيييييييييييييييييييييييييييييين؟؟؟
ياسميين
03-04-2011, 03:06 AM
انا هنا يا سوما
بس كنت برضع ابني
ويآآآآآآآرب بقي ينام
عشان انام انا كمان شويه بكرا هصحي بدري
نولارا
03-04-2011, 03:11 AM
انا جيييييييييييييييييييييييت
جوزى اااااااااااااااااااااخخخخخخخخخخخخخخخخخخخخخخ
وابنى مش عاوز يااااااااااااااااااااااخخخخخخخخخخخخخخخخخخخخخخخ
هههههههههههههههه
ياسميين
03-04-2011, 03:13 AM
ازيك يانورا
كلنا في الهوا سوآآآ
هههههههههههههههه
نولارا
03-04-2011, 03:18 AM
ازيك ياياسميين انا ابنى النوم فى عينه وصعبان عليه ينام ويفرج عنى ههههههههههههه
جوجو وسميه ورنا ام عروستنا روحتوا فييييييييييييييييييييييين
ياسميين
03-04-2011, 03:22 AM
انا كويسه الحمد لله يانورا
مانا بقولك كلنا في الهوا سوا ههههههههههههههه
ربنا يهديه وينام شويه عايزه انام
somia
03-04-2011, 03:23 AM
معلشي يا جماعة النت علق معايا ..
ازيكوا يا جوجو ويا ياسمين وانت يا نورا خلي عندك عشم في ربنا انه ينام عما قريب ان شاء الله
نولارا
03-04-2011, 03:31 AM
والله هو غمض اهو لكن المم لسه فى بؤه
ادعولى محاولاتى تنجح فى استخراجه هههههههههههههه
سمسمه عاوزه صوره احمد حطهالك عشان اشيلها قبل ما انام
متعشمه بقى فى شويه نووووووووووووم ههههههههههههه
somia
03-04-2011, 03:38 AM
انا مستنية صور الباشموهندس يا نورا ويا رب ربنا يعين رنا وتعرف تحطلنا صورة الكتكوتة
ياسميين
03-04-2011, 03:41 AM
واخيررآآآآآآآآآآا
انا رايحه انام تصبحو علي خير
somia
03-04-2011, 03:45 AM
ماشاء الله تبارك الله على القمر يا نورا ربنا يباركلك فيه يا نورا ويهديهولك وينام يا رب
نولارا
03-04-2011, 03:51 AM
الحمد لله ياسمسمه نام معلش بقى اسيبك عشان احصله ههههههههههه
somia
03-04-2011, 03:56 AM
مفيش مشكلة يا نورا الحقي نفسك أبقى أما يغير رأيه وتيجي تعضيني انا ..ههههههههههههههه
رنا الله يسترك اظهري بصور لوجي بقى لحسن انا كده هتتجن
somia
03-04-2011, 04:06 AM
رناااااااااااااااااااااااااااااااااااا
انا لسة عندي امل برضه انك تدخلي
somia
03-04-2011, 12:52 PM
السلام عليكم ورحمة الله وبركاته
يا جماعة محدش صحي لسة ولا ايييييييييييييييييه؟؟؟
dr.princess
03-04-2011, 01:47 PM
سمية انا هنا من بدرى
معلشى مخدتش بالى الا دلوقتى
somia
03-04-2011, 01:48 PM
يا عالم ياهوووووووووووووووووووووو .. حد يعبرني ويدخل بقى ...
somia
03-04-2011, 01:56 PM
لولولولولولوي ... الحمد لله انا عايزة حد بيعرف يزغرط يزغرطلي انا كنت فقدت الامل خلااااااااااص ..
ازيك يا لولو عاملة ايه النهارده والاستاذ محمد عامل معاكي ايييييييييه ؟؟؟
بقولك دقايق بس هصلي الظهر اصلي مصدقت الخطبة خلصت عشان مبعرفشي اصلي منها بس استنيني متمشيش
dr.princess
03-04-2011, 01:57 PM
ههههههههههههههههه ماشى مستنياكى ماتقلقيش
Om Rodina
03-04-2011, 02:05 PM
السلام عليكم ورحمة الله وبركاته
لولو حبيبتى اخبارك ايه واخبار حمودى ايه ربنا يفرحك بيه يارب
وحشتينى كتير والله
somia
03-04-2011, 02:07 PM
انا جييييييييييييييييييييييييييييييت
Om Rodina
03-04-2011, 02:07 PM
حبيبتى هاستئذنك اقوم اصلى الظهر واجيلك تانى ان شاء الله
somia
03-04-2011, 02:08 PM
ام دانما ازيك عاملة اييييييييييه؟؟
dr.princess
03-04-2011, 02:10 PM
ام دانا ازييييك احنا الحمدلله كويسين
على فكرة انا كل ده فاكراكى فى الامارات تخيلى ؟؟
somia
03-04-2011, 02:11 PM
لولو اوعي تكوني مشيتي ..
أم دانا مستنياكي
somia
03-04-2011, 02:12 PM
لولو اسكتي مش نزلت امبارح وسط البلد واتهبلت وهبلت زوجي معايا..هههههههههههههه
dr.princess
03-04-2011, 02:13 PM
لييييييييه اكيد من الشرى ارحمى الراجل شوية حرام عليكى
مدام مروه
03-04-2011, 02:15 PM
ازيكم ياحلوات انا اتشرف انى معاكو فى التجمع انا فى الشهر الثالث وهعمل عمليه ربط بكره ان شاء الله ممكن تدعولى
somia
03-04-2011, 02:20 PM
والله يا لولو الراجل راجع بيقولي احنا لازم نربط الحزام شوية فرتكتله نص المرتب تقريبا ويا ريت جبت حاجات كثير .. الحاجات غاليه والتخفيضات شكلية مش عارفة 12 جنيه من100 جنيه ..
بس المشكلة اني كنت هموت واشتري هدوم البنات كل محل اطفال ادخله عليه وطبعا على حظي التحفة لازم حاجات حديثي الولادة يبقى اما في الدور الثاني او االثالث اما ظهري اتقطم وبقيت هموت من التعب
dr.princess
03-04-2011, 02:21 PM
اهلا بيكى معانا يا مروة
ان شاء الله تعملى العملية ويكمل حملك على خير
بس ليه اصلا هتعمليها ؟؟؟
dr.princess
03-04-2011, 02:24 PM
سمية ماتجيبيش هدوم بنات الا لما الدكتورة تأكدلك انها بنت
يعنى انتى خلصتى نص المرتب وفى الاخر مجبتيش حاجة للنونو ولا جبتى ؟؟؟
dr.princess
03-04-2011, 02:37 PM
رحتوا فيييييييين
Om Rodina
03-04-2011, 02:38 PM
لولو حبيبتى انا بخير الحمد لله لا يا حبيبتى انا فى مصر دلوقتى وزوجى هو اللى مسافر ربنا يجمع شملنا على خير يارب
Om Rodina
03-04-2011, 02:39 PM
انا معاكى يا لولو بس كنت باصلى
اخبارك ايه دلوقتى وعاملة ايه
somia
03-04-2011, 02:39 PM
جبت يا لولو بس مش حاجات كثير هما فنلتين نص كم وشايتين نص كم وبافته وكان الله بالسر عليم مفيش حاجة تانية عجبتني ..
اصلي اشتريتلي انا وهوه هدوم بالغصب لانه مكنش عايز يجيب ليه بس انا كل ما تعجبني حاجه اجبره انه يقيسها ويجيبها ... جبروت امراة اما في الاخر بطل يدخلني محلات رجالي ...هههههههههههههههه
ماهيه المشكلة اني لغاية دلوقتي مش متاكده من النوع فمش عرفت اشتري اي حاجة من اللي لوحوا راسي امبارح..هههههههههههههههههه
somia
03-04-2011, 02:40 PM
مدام مروة ربنا يتمملك حملك على خير يا رب ويعينك في العملية
Om Rodina
03-04-2011, 02:41 PM
ازيك يا سمسمة اخبارك ايه واخبار النونو ايه ربنا يفرحكم بيها يارب ومبارك على الحاجات الجديدة وعقبال ماتكملى حاجتها على خير باذن الله
dr.princess
03-04-2011, 02:44 PM
ام دانا ربنا يعين جوزك ويبعتلك انتى والنونو ان شاء الله
Om Rodina
03-04-2011, 02:46 PM
الله يكرمك يارب يالولو ياحبيبتى
وصلتى للشهر الكام دلوقتى يالولو
dr.princess
03-04-2011, 02:46 PM
مبرووووووك الحاجات ياسمية وان شاء الله لما تتأكدى ابقى اشترى براحتك
انا اشتريت برا للرضاعة واحدة بس قلت لو ربنا كرمنى بالرضاعة الطبيعية ابقى اشترى تانى
dr.princess
03-04-2011, 02:47 PM
ام دانا تقريبا 3 او 4 ايام وادخل الثامن باذن الله
somia
03-04-2011, 02:48 PM
ربنا يباركلك يا ام دانا يا رب وعقبال ما رودينا تشرف على خير يا رب ولعلمك انا بحب اسم رودينا لانه اسم بنت واحدة من اصحابي اللي بموت فيها
صحيح انتي ساكنة فين في مصر
Om Rodina
03-04-2011, 02:49 PM
عارفة يالولو اتوكلى على الله كده ومش تحاولى ترضعى صناعى خالص ورضعيه طبيعى علطول وماتعطيه الببرونة لانك لو اعطتيه الببرونة هايتعود عليها وهايرفض يرضع طبيعى وربنا يعافيه يارب
dr.princess
03-04-2011, 02:52 PM
والله انا ناوية على كده يا ام رودينا
بس برده قلت اشترى برا واحدة ولما اتأكد ابقى اجيب تانى
مدام مروه
03-04-2011, 02:53 PM
لانى كنت حامل بتؤام من قبل وولدت ولاده مبكره وتوفوا ودلوقتى حامل بتؤام برده
dr.princess
03-04-2011, 02:55 PM
ربنا يرحمهم يا مروة ويعوضك خير ان شاء الله
يبقى فعلا احسن انك تعملى ربط وربنا يكملك على خير ان شاء الله
somia
03-04-2011, 02:55 PM
ربنا يتمملك على خير يا رب يا مروة بس معلشي لو مافيهاش مضايقة كانت ايه سبب الولادة المبكرة والوفاة
dr.princess
03-04-2011, 02:57 PM
يا بناااات بقالى مدة بعد ما استحمى وشى يحرقنى جامد وافضل احط فى كريمات علشان يهدى بدأت احس انى معفنة ولا ده جرب ولا ايه ههههههههههههههه ولا جايز علشان بستعمل شامبو قشرة وانا بشرتى حساسة فبيعمل كده فى وشى
Om Rodina
03-04-2011, 02:58 PM
ماشاء الله يالولو ربنا يارب يكملك على خير ويقومك بالسلامة
سمسمة الله يكرمك يارب ويفرحك بالنونة يارب ويكملك على خير وانا من كفرالشيخ
Om Rodina
03-04-2011, 03:00 PM
ربنا يعوضك خير يارب يامروة ويؤجرك خير ويباركلك فى ذريتك
Om Rodina
03-04-2011, 03:01 PM
على فكرة يالولو انا بيحصلى كده من فترة برده والدكتورة قالتلى بيبقى ضعف من الحمل برده ولما باحط كريم مرطب الحمد لله بيهدى شوية
مدام مروه
03-04-2011, 03:04 PM
لانى ياسميه ولدت فى اخر السادس ومكنوش اكتملو عشان كدا اتوفوا بعد يومين
dr.princess
03-04-2011, 03:05 PM
الحمدلله يعنى مش جرب ههههههههههههههههههه طمنتينى
انا واخدة دش من تقريبا 5 ساعات ووشى لسه بيحرقنى وقاعدة احط فى دوف يهدى شوية ويرجع تانى
somia
03-04-2011, 03:07 PM
لولو غيري الصابونة اللي بتستحمي بيها او الشاور جل انا الكلام ده كان عندي من تاني شهر حمل تقريبا واما جبت شاور اصلي علبة مفعوصة كده بحاجة وخمسين جنيه للبشرة الحساسة بقى كويس وبقيت ارغي الليفة بصابونة ديتول بتاعة السعودية واحط عليها شوية من الشاور ده جسمي استريح وهدي عن الاول والحمد لله
Om Rodina
03-04-2011, 03:07 PM
عارفة لو تعرفى تجيبى كريم نيفيا مرطب غير دهنى الاصلى ده ماشاء الله عليه رائع والله وهايهدى وجهك علطول باذن الله
somia
03-04-2011, 03:11 PM
ثواني يا جماعة هاكل لقمة كده لحسن هموت من الجوع وارجعلكم
Om Rodina
03-04-2011, 03:11 PM
بصى يالولو ده صورته وان شاء الله هاتلاقيه عندك باذن اللهhttp://forum.hwaml.com/imgcache2/hwaml.com_1299240708_943.jpg (http://forums.fatakat.com/thread1224889)
Om Rodina
03-04-2011, 03:13 PM
ماشى ياسمسمة اتفضلى وبالهنا والشفا
dr.princess
03-04-2011, 03:13 PM
ياسمية ايه بس اللى بيجيب الشاور ناحية وشى مش بيجى خالص
وبستعمل صابونة دوف لوشى متعودة عليها
حتى كمان بستعمل كريم دوف بالخيار والشاى الاخضر مرطب و حلو اوى بس كنت بفكر لما يخلص اجرب نيفيا سوفت او جونسون او كريم 21 اخويا جابهولى قبل كده كان حلو
dr.princess
03-04-2011, 03:15 PM
ايوه ده اللى قصدى عليه انى بفكر اجيبه بعد الدوف اللى عندى مايخلص
اهم حاجة فيه انه مش دهنى لانى وشى دهنى زفت بيخلينى اكره نفسى
Om Rodina
03-04-2011, 03:15 PM
ايوا يالولو انا قصدى على كريم نيفيا سوفت ده بصراحة والله اكتر من رائع ماشاء الله لانه مرطب غير دهنى وخفيف خالص على البشرة
Om Rodina
03-04-2011, 03:17 PM
عارفة انا كده كمان والله بشرتى دهنية جدا ومش باطيق عليها اى حاجة بس المرطب ده ماشاء الله عليه حلو اوى ونحسى كانك مش حاطة عليه حاجة
dr.princess
03-04-2011, 03:21 PM
اسكتى والله ده انا وشى ده بيخلينى اكره نفسى فى الصيف بالذات علشان دهنى وكمان علشان بلبس النقاب هنا لما بقلعه بحس انى وشى مكتوم وحالته حالة
Om Rodina
03-04-2011, 03:26 PM
هى فعلا البشرة الدهنية دى متعبة اوى بس والله الحمد لله احسن من اى بشرة تانية وانا الحمد لله منتقبة برده باتعب فى الصيف جدا بس الواحد لازم يستحمل ويحتسب الاجر عند ربنا وربنا يعوضنا بيها خير ويرزقنا بيها حسنات باذن الله
dr.princess
03-04-2011, 03:30 PM
انا مش منتقبة بس الحمدلله لبسى فى مصر كان حشمة يعنى عبايات وتونيكات طويلة وجيبات وطرح طويلة بس لما جيت هنا فمعظم الوقت لابسة النقاب قليل اوى لو قلعته علشان بحس ساعتها انى ملفتة للنظر
somia
03-04-2011, 03:31 PM
انا جييييييييييييييييييييت
dr.princess
03-04-2011, 03:32 PM
عايزة اعمل لقمة القاضى بس مكسسسسلة جدااااااااااااااا
Om Rodina
03-04-2011, 03:38 PM
نورتى ياسمسمة
لا يالولو ياحبيبتى قومى اتشجعى كده واعمليها وان شاء الله تبقى حلوة
somia
03-04-2011, 03:43 PM
لولو انا بقالي فترة عايزة اعملها ومكسسسسلة تماما لاني مبعرفشي اعمل العسل وببوظه علطوووووول
اعمليها وابعتيلي كام واحدة بس من غير سكر لاني اصلا مش بحبها بيه
dr.princess
03-04-2011, 03:43 PM
ام دانا والله عايزة اعملها بس مكسلة اقوم اصلا
ان شاء الله شوية كده واتنشط واقوم اعملها
Om Rodina
03-04-2011, 03:45 PM
ربنا يعينك ويقويك ويعطيك الصحة وتعملى كده كل حاجة وانتى مبسوطة وفرحانة
dr.princess
03-04-2011, 03:46 PM
والله ياسمية انا كمان عندى مغامرات مع الشربات بياخدنى الضمير اوى وبيتقل منى وبيبوظ الحاجة اللى بعملها
dr.princess
03-04-2011, 03:50 PM
ياااااااااااارب ربنا يخليكى يا ام رودينا
Om Rodina
03-04-2011, 04:02 PM
لولو ماتعرفيش هى ملك طيارتها الصبح ولا بالليل ربنا معاها ويوصلها بالسلامة يارب
somia
03-04-2011, 04:03 PM
طب تيجي نلخبط اللي احنا بنعمله على بعض اصلي بعمله خفيييييييييييييييييف قوي ..
يا جماعة انا لسة مصدومة صدمة محترمة قوي
somia
03-04-2011, 04:05 PM
يا رب لوكة تطمنا عليها وعلى النونو اول ماتوصل مصر بالسلامة.. اللهم اااااااااااااامين
Om Rodina
03-04-2011, 04:07 PM
خير ياسمسمة مالك فيه ايه ايه اللى حصل
dr.princess
03-04-2011, 04:07 PM
ام دانا ملك طيارتها الساعة 5 بتوقيت الامارات يعنى تقريبا تلاقيها فى الطيارة دلوقتى
توصل بالسلامة ان شاء الله
Om Rodina
03-04-2011, 04:11 PM
يارب اللهم امين ربنا يوصلها بالسلامة وترجع لزوجها تانى بالسلامة هو ونونتها
somia
03-04-2011, 04:11 PM
اصلي لسة قافلة مع المستشفى اللي كنت عايزة اولد فيها وقالولي اسعار تجيب احباط للواحد ..
الطبيعي 2500 من غير ايد الدكتورة و تكلفة الغرفة على حسب الدرجة يعني الطبيعي ممكن يزيد عن 4 الاف جنيه فما بالكم لو ربنا قدر وكانت قيصري
somia
03-04-2011, 04:12 PM
ربنا يوصلها بالسلامة يا رب ويطمنا عليها هيه والنونة
dr.princess
03-04-2011, 04:15 PM
كتيييييييير اوى ياسمية
طيب ماتشوفى مستشفى تانية او اسئلى دكتورتك بتولد فين وخليكى معاها
dr.princess
03-04-2011, 04:19 PM
ياااااااااااارب اللهم امين
somia
03-04-2011, 04:20 PM
ما انا سألت الدكتورة المرة اللي فاتت وقالتلي المستشفى دي كل اللي فيها ستات فكان نفسي اولد فيها بس بجد صدمت جدا اما عرفت السعر انا مش عارفة ليه ده كله .. هيه شكلها كده هتصفصف على القصر العيني هوه صحيح مش رخيص برضه يعني الطبيعي ب2000 جنيه تقريبا والقيصري ب4000 تقريبا بس ده ارخص مكان دكتورتي بتولد فيه فمفيش قدامي غيره ربنا يسترها ويطلع نصيبي في نايبة ست هيه اللي تكشف عليا وطبيبة تخدير مش طبيب
Om Rodina
03-04-2011, 04:21 PM
حبايبى هاستئذنكم اقوم اريح ظهرى شوية وارجعلكم تانى باذن الله
فى رعاية الله واشوفكم على خير ياحبايبى
somia
03-04-2011, 04:25 PM
ماشي يا ام رودينا ... ربنا يعينك يا رب
لولو انتوا عندكوا الولادة هتكلف كام باذن الله تعالى .؟؟
عملتي ايه في موضوع مامتك صحيح؟؟؟
dr.princess
03-04-2011, 04:27 PM
مش عارفة ياسمية 2000 برده كتير على الطبيعى
الدكتورة اللى اختى كانت بتتابع عندها بتولد طبيعى فى عيادتها بس القيصرى فى مستشفى بس مش عارفة الاسعار ايه
somia
03-04-2011, 04:31 PM
انا عارفة انه غالي قوي انا صحبتي ولده القيصري ب200 بس اعمل ايه ربنا يسترها معانا
dr.princess
03-04-2011, 04:31 PM
ماشى يا ام دانا فى رعاية الله
somia
03-04-2011, 04:32 PM
وانا الصراحة بخاف من الولادة في العيادالت عشان لو لا قدر الله البيبي احتاج حضانة ما احتسشي فيها
vBulletin® v3.8.8, Copyright ©2000-2025, TranZ by Almuhajir