دردشة حوامل مصر - دردشة بنات مصر - تجمع حوامل مصر [الأرشيف] - الصفحة 77

توتة السيد

01-16-2011, 05:27 PM

ايه يا توته مش هتفقسى بأه.عاوزين السبوع يا بنتى

ازيك ياسمورة عاملة ايه واخبار البيبيهات ايه اظاهر ياسمر اني كل البيبيهات متفقة مايعلنوش عن نفسهم الا حين الولاده وسيبنا احنا نتمطوح انا لحد دلوقتي مش عارفة النوع ممشيها بنت وخلاص ههههههههههههههههههههه

والله النونو مش ناوي اظاهر عجبته القعده هههههههههههههههه

MALAK2010

01-16-2011, 05:28 PM

عشان دى اول مره يا ملك .بس اللى ببقى عنده ولد بيبقى نفسه فى بنت والعكس
وفى ناس بيكونوا نفسهم يعرفو ان كان ولد ولا بنت لانة اول مولود والكل عاوز يعرف دة ولد ولا بنت
وطبعا فى نسبة كبيرة من الشعب المصرى بيحبوا الولد هو الكبير

ماما قلقانه

01-16-2011, 05:28 PM

مفيش حد منكم يا بنات حلم فى شئ وحد فسرهولها فى بطنها ايه

دودى اشرف

01-16-2011, 05:29 PM

ازيك يا سمر عاملة ايه ؟؟؟ واخبار ولادك ايه واخبار النونو ايه ؟؟

MALAK2010

01-16-2011, 05:29 PM

توتة:مافكرتيش لو طلع ولد هتسمية اية؟؟؟؟؟؟؟؟

ماما قلقانه

01-16-2011, 05:30 PM

MALAK2010

01-16-2011, 05:30 PM

مفيش حد منكم يا بنات حلم فى شئ وحد فسرهولها فى بطنها ايه
ههههههههههههه انا مرة احلم انى حامل فى ولد ومرة فى بنت بشكل ههههههه

ماما قلقانه

01-16-2011, 05:31 PM

النونوهات بيسلموا عليكى يا دودى .عمالين يتخانقوا جوا من الصبح هههههههههه

MALAK2010

01-16-2011, 05:32 PM

سمر:انتى عندك ولد واحد ولا ولد وبنت

MALAK2010

01-16-2011, 05:33 PM

انتى فن يا لولو النهاردة ادخلى بقا عاوزة اسلم عليكى قبل ماامشى

ماما قلقانه

01-16-2011, 05:34 PM

انا عندى احمد وشهد يا ملك عشان كده نفسى فى ولد وبنت عشان محدش يزعل.ام ديمقراطيه

MALAK2010

01-16-2011, 05:36 PM

سمر:ربنا يباركلك فيهم يا جميل

ماما قلقانه

01-16-2011, 05:36 PM

انا حلمت كل احلام البنات والولاد مفيش حاجه ما حلمتش فيها

دودى اشرف

01-16-2011, 05:37 PM

ربنا يخليهوملك يا سمورة يارب وتفرحى بيهم ... صح علشان ميزعلوش

بالنسبة للحلم انا حلمت قبل الحمل انى جبت توأم بنتين وسمتهم زينب وجنى .. وطعلت حامل الحمدلله فى ولد .. علشان الولد مثل حظ الانثيين هههههههههههههههههههههه

ماما قلقانه

01-16-2011, 05:38 PM

اللهم امين ويباركلك فى النونو يا رب يا ملك واخواته اللى بعد كده ان شاء الله

ماما قلقانه

01-16-2011, 05:41 PM

ويمكن يا دودى تكونى بعد كده هتجيبى توام .لانى من كام سنه كنت حامل فى شهد وشفت انى عندى ولدين توام اسمهم محمد وزياد واستغربت لانى كان فى بطنى جنين واحد ومرت السنين ودلوقتى فى بطنى توام ربنا يكملهم على خير ان شاء الله

ماما قلقانه

01-16-2011, 05:44 PM

رحتوا فين يا بنانيت

دودى اشرف

01-16-2011, 05:46 PM

ياريت يا سمر والله .. كان نفسى فى توأم علشان اخلص ومرة واحدة بقى ههههههههههههههه بس الحمدلله طبعا اوى ... ربنا يخليهوملك يا حبيبتى

توتة السيد

01-16-2011, 05:49 PM

توتة:مافكرتيش لو طلع ولد هتسمية اية؟؟؟؟؟؟؟؟

ان شاء الله ياملوكة هسميه " محمد"

dr.princess

01-16-2011, 05:54 PM

السلام عليكم ورحمة الله وبركاته

dr.princess

01-16-2011, 06:00 PM

انتوا خرجتوا اول ما دخلت ولا ايه
ده انا محتاجة منكم استشارة مستعجلة

MALAK2010

01-16-2011, 06:01 PM

وعليكم السلام ورحمة الله وبركاته
ازيك يا لولو يا حبيبتى كويس انك دخلتى قبل ما اخرج
اخبار الاسهال اية والمواسير اتركبت

MALAK2010

01-16-2011, 06:02 PM

لولو:خير يا لولو

توتة السيد

01-16-2011, 06:03 PM

يا بنتى عاوزين يعملولنا مفاجاه

ههههههههههههه اظاهر كده ياسمر

dr.princess

01-16-2011, 06:04 PM

ملك انا الحمدلله كويسة الاسهال الحمدلله احسن والمواسير اتركبت وجوزى شافها الصبح بتسرب مية الظاهر هتتعمل تانى وهتحبس الحبسة السودة بتاعة امبارح اهىء اهىء اهىء

معلشى امبارح كنت تعبانة ومسألتكيش على تفاصيل السونار هتحكيلى بالتفصيل شفتى ايه

توتة السيد

01-16-2011, 06:04 PM

وعليكي السلام والرحمة لولو ملوكة تناديكي

الحارة كلها بتهتف باسمك هههههههههههه عامله ايه

ماما قلقانه

01-16-2011, 06:04 PM

ازيك يا لولو عامله ايه انت والنونو

MALAK2010

01-16-2011, 06:04 PM

توتة:انتى بتغطسى
سمر طلعت خلاص انتى لسة فاكرة تردى

ماما قلقانه

01-16-2011, 06:07 PM

انا موجوده يا ملك بس تقريبا الساعه ماخره عند توته اعذريها يا بنتى على وش ولاده

MALAK2010

01-16-2011, 06:07 PM

لولو: هقولك بالتفصيل بس انتى عاوزة استشارة فى اية

Om Rodina

01-16-2011, 06:08 PM

السلام عليكم ورحمة الله وبركاته
ملوكة ولولو ودودى وسمورة وتوتة ازيكم كلكم عاملين ايه وايه اخبار النونو

توتة السيد

01-16-2011, 06:08 PM

توتة:انتى بتغطسى
سمر طلعت خلاص انتى لسة فاكرة تردى

هههههههههههههههههههه معلش والله اصلي كنت بكلم جوزي

dr.princess

01-16-2011, 06:09 PM

بصوا يا بنات
ماما الحمدلله اشترت السجاد بتاعى من كام يوم المهم فى واحدة فيهم مش عاجبانى خالص واتضايقت لما شفتها واتكسفت اقولها كده المهم انى فعلا مش حابه السجادة دى ففكرت اقولها انها لو تنفع ترجعها وتجيب واحدة تانية انا محرجة جدا انى ابهدلهم تانى يروحوا ويبدلوها وكده وفى نفس الوقت مش عاجبانى فقلت لجوزى قالى لا ماتقوليش لما نبقى ننزل نبقى نشترى واحدة تانية قلتله ليه ما احنا فيها اهو
قولولى رايكم بقى انا هكلم ماما كمان شوية اقولها ولا لا

MALAK2010

01-16-2011, 06:09 PM

انا موجوده يا ملك بس تقريبا الساعه ماخره عند توته اعذريها يا بنتى على وش ولاده
معلش يا سمر اصلها بتكلم ناس مهمة ههههه

dr.princess

01-16-2011, 06:10 PM

توتة سمر دودى ام دانا ازيكم يا قمرات

توتة السيد

01-16-2011, 06:10 PM

انا موجوده يا ملك بس تقريبا الساعه ماخره عند توته اعذريها يا بنتى على وش ولاده

ههههههههههههههه قوللها ياسمر اظاهر شكلي هعملها اااااااااااااااااااااااه في مغص غير طبيعي

لو مادخلتش تاني انهارده اعرفوا ان عملتها

توتة السيد

01-16-2011, 06:12 PM

قبل ما اولد هقولك رائيي يالولو

انا مع رائي جوزك لما تنزلو بدلوها براحتكم

ااااااااااااااااااااااه شكلي بجد هعملها سلام دلوقتي ودعولي بقي

ماما قلقانه

01-16-2011, 06:13 PM

من لقى احبابه نسى اصحابه يا توته

Om Rodina

01-16-2011, 06:14 PM

اهلا لولو حبيبتى الحمد لله بخير ياجميل

dr.princess

01-16-2011, 06:15 PM

توتة انتى هتعمليها ولا ايه ربنا يعينك ولو معملتيهاش ابقى ادخلى طمنينى بالليل

ماما قلقانه

01-16-2011, 06:15 PM

والله يا لولو انا رايى انك تقولى لمامتك لو عرفت تبدلها خير وبركه لو مش هتعرف خلاص .بس حرام لما تشتروا واحده تانيه ودى موجوده وانتوا لسه فيها .والامر يرجع ليكى يا قلبى

ماما قلقانه

01-16-2011, 06:16 PM

ازيك يا ام دانه عامله ايه يا حبيبتى

dr.princess

01-16-2011, 06:16 PM

انتى رايك كده ياتوتة طيب اخد راى باقى البنات كمان واشوف هعمل ايه

Om Rodina

01-16-2011, 06:17 PM

بصى يالولو ممكن برده لو قلت لمامتك تغيرها ممكن تجيب واحدة تانية وبرده تبقى مش عجباكى مش مشكلة لما تبقى تنزلى بالسلامة ان شاء الله ابقى غيريها براحتك واهو هاتبقى موجودة انتى وزوجك تجيبى اللى على مزاجك

MALAK2010

01-16-2011, 06:17 PM

لولو :انتى شفتى السجاد ازاى
جايز يكون احلى فى الحقيقة عن التصوير
طيب ماهى مامتك لو غيرتها بواحدة تانية جايز ماتعجبكيش
اساليها جايز ماكنش غير السجادة دى فى اللون اللى مختاراه
انا ماعرفش رد فعل مامتك اية انا بالنسبالى عادى جدا لو قلت لماما انها مش عجبانى
بس قوليها بطريقة لطيفة يعنى
كان فى سجاجيد تانية نفس اللون؟
ان شايفاها غامقة اوى او فاتحة
انا رايى كبرى دماغك ولا تقولى ولا تعيدى طالما انتى مش موجودة ولما تنزلى ابقى شوفيها وابقوا اشتروا بعدين اللى اتجاب اتجاب

Om Rodina

01-16-2011, 06:18 PM

سمورة حبيبتى انا بخير الحمد لله انتى اخبارك ايه والارانب الصغيرة عاملة ايه ربنا يباركلك فيهم يارب وتفرحى بيهم كلهم

dr.princess

01-16-2011, 06:18 PM

سمر والله انا رأيى معاكى يعنى هى مصاريف على الفاضى
والله هى ماكنتش عاحبه اختى وهى بتشتريها بس جوزها وعمى فضلوا يقولوا انها هتعجبنى فاشترتها

MALAK2010

01-16-2011, 06:20 PM

ام دنا ازيك يا جميل النهاردة؟؟؟

Om Rodina

01-16-2011, 06:22 PM

ملوكة حبيبتى الحمد لله انا بخير واحسن الحمد لله ربنا يبارك فيكى يارب ويطمنك على النونو ياجميل يارب

dr.princess

01-16-2011, 06:23 PM

انتوا عارفين اللى مشجعنى اقولها تغيرها ايه ؟؟
انا شقتى ضيقة جدا والاوض الله مايوريكوا حجمها عامل ازاى المهم ان السجادة دى للسفرة وهم جايبنها كبيرة اوى يعنى هتدخل تحت النيش فانا قلتلهم ليه ماجبتوهاش على اد الطرابيزة انا رايى يرجعوها ويجيبوا واحدة صغيرة كده ومحندقة ومتدخلش تحت حاجة
وخايفة اقول لماما جوزى يزعل

ماما قلقانه

01-16-2011, 06:24 PM

انا الحمد لله بخير يا ام دانه
انا قولتلك يا لولو اللى لو مكانك هعمله وخصوصا يا حبيبتى انتوا لسه وراكوا مصاريف كتير فمتستهونيش بتمنها.لان ممكن على بال ما ترجعوا بالسلامه المحل ما يرضاش يبدلها ويبقى تمنها راح على الارض

MALAK2010

01-16-2011, 06:27 PM

طالما كبيرة لا غيريها
ماتحطيش حاجة تحت النيش ابدا
يعنى لو عاوزة تشيلي السجادة توقعى اللى فى النيش ولا تفضى النيش مش عملية خالص

ماما قلقانه

01-16-2011, 06:27 PM

لا يا لولو انا من تجربتى مع شقتى.يا دوب هاتى حاجه صغيره .وبعدين مش لازم تعرفى جوزك انك قولتى لمامتك

dr.princess

01-16-2011, 06:27 PM

ملك هى الشقة عندى كلها بيج فى بنى كلاسيك اوى يعنى فمفيش هيبقى فى افتكاسات فى السجاجيد
وفى نفس الوقت لو نزلنا واشترينا واحدة تانية دى هتروح فين ملهاش مكان نهائى الشقة ضيقة بغباء
ولما سألت جوزى قالى نحطها فى اى حتة حتى لو نزلناها تحت عند حماتى يعنى بصراحة مش موافقة دى فلوس ماما انزلها عند حماتى بتاع ايه

MALAK2010

01-16-2011, 06:29 PM

ولما سألت جوزى قالى نحطها فى اى حتة حتى لو نزلناها تحت عند حماتى
هههههههههههههههههههههههههههههههههههههههه

Om Rodina

01-16-2011, 06:30 PM

لا يالولو فعلا اوعى تجيبى سجادة كبيرة وتحطيها تحت حاجة الافضل انها تبقى مش عليها حاجة هاتريحك بعدين كتير

dr.princess

01-16-2011, 06:30 PM

سمر طبيعى مش هتتبدل وقتها لان قدامنها اكتر من سنة على ماننزل اجازة ان شاء الله
وانا رايى كده برده ليه تتحط تحت النيش وتبهدلنى دى كمان ممكن تاخد حتة تحت البتاعة دى اللى فيها ازاز فى السفرة معرفش اسمها ايه

خلاص انا هقول لماما لو تعرف تبدلها هى لسه جايباها يوم الخميس ربنا يسهل وينفع

dr.princess

01-16-2011, 06:32 PM

ملك بتضحكى على ايه يا هانم ههههههههههههههههه
تخيلى انا بايدى انزل لحماتى سجادة خامتها زى الفل وبشوكها ياقهرتى يانى

Om Rodina

01-16-2011, 06:33 PM

لا فى دى معاكى حق يبقى ياما تخلى مامتك ترجعها او تاخدها هى عندها احسن ماتبقى مامتك اللى اشترتها وحماتك تاخدها كده وبعدين هى هاتعمل ايه بالسجادة الكبيرة والجديدة (حماتك)

dr.princess

01-16-2011, 06:33 PM

خلاص يابنات على بركة الله انا هقول لماما
والله ريحتونى انا كنت محرجة اقولها بس كده اقولها بقلب جامد

ماما قلقانه

01-16-2011, 06:34 PM

بصى يا لولو من واقع تجربتى .لو اديتى حماتك سجاد الشقه كله ولا هيتمر .يا بنتى غيريها انتى اولا بتمنها

dr.princess

01-16-2011, 06:35 PM

انا معاكى يا ام دانا حرام يعنى زى مابيقولوا دى فلوس يتامى يعنى ماما هى اللى بتجهزلنا لوحدها وتيجى حماتى تاخدها على الجاهز
وحماتى لو عليها هى هتعمل بيها كتيييير اسئلينى انا هى مابطلتش طلبات وتلميحات سخيفة طول الخطوبة

MALAK2010

01-16-2011, 06:36 PM

ملك بتضحكى على ايه يا هانم ههههههههههههههههه
تخيلى انا بايدى انزل لحماتى سجادة خامتها زى الفل وبشوكها ياقهرتى يانى

اصلى بيعجبنى تفكير الازواج
تفكير يجنن ههههههههه

Om Rodina

01-16-2011, 06:37 PM

ياحبيبتى توكلى على الله وقولى لمامتك وربنا يباركلك فى حاجتك يارب وتعمرى شقتك كده بالذرية الصالحة وبالخير

dr.princess

01-16-2011, 06:37 PM

سمر مفيش حد بقى بيتمر فيه حاجة الا من رحم ربى طبعا
وانا فعلا اولى بفلوسها حتى لو هنجيبلهم بيها هدايا واحنا نازلين يبقى خفت علينا المصاريف شوية

dr.princess

01-16-2011, 06:38 PM

ملك ههههههههههههههههههههه اه والله
وجوزى ماشاء الله عليه بررررررررررررررئ مفكر ان الناس كلها ملايكة

ماما قلقانه

01-16-2011, 06:39 PM

ما تنسيش يا ملك انها مامته يعنى مش هيفرق معاه انه يديها سجاده.بس المصيبه بقى يالولو انتى تديهالها وهى تديها لبنتها.يا سلااااااااااام

dr.princess

01-16-2011, 06:39 PM

ام دانا يااااااااارب ربنا يخليكى

dr.princess

01-16-2011, 06:40 PM

سمر اه اه اه قلبببببببببببببببى حرام عليكى ياشيخة بتقوليها فى وشى كده ههههههههههههههههههههه

MALAK2010

01-16-2011, 06:42 PM

انتى عارفة فى بنات بتجيب ماشايت فى الصفرة حوالين الترابيزة بس مش بيعجبنى الموضوع دة
انا جايبة سجادة بس على اد الاوضة من غير النيش والبوفية
بس صعبانة عليا من تقل الترابيزة هتعلم فيها

dr.princess

01-16-2011, 06:42 PM

صحيح يا بنات شوية كده وان شاء الله ماما هتبدأ تعملى الستاير والبراقع والحاجات دى
فأنا بختار دلوقتى موديلات وشفت كذا موديل كده على النت وعجبونى هبقى احطهم ان شاء الله تقولولى رأيكم فيهم

ماما قلقانه

01-16-2011, 06:43 PM

انتى فرشتى شقتك قبل ما تسافرى يا ملك

MALAK2010

01-16-2011, 06:44 PM

سمر انا كنت هقول لللولو كدة بس خفت على اعصابها ههههههه

MALAK2010

01-16-2011, 06:44 PM

سمر:اه فرشتها وقعدت فيها 18 يوم ولميتها ومشيت اهئ اهئ

ماما قلقانه

01-16-2011, 06:45 PM

ربنا يوفقك يا لولو وتعملوا احلى شقه فى الدنيا وتفرحوا وتتهنوا فيها يا حبيبتى وولادكوا يارب

MALAK2010

01-16-2011, 06:46 PM

لولو:ابقى ورينى انا خبرتى كويسة الحمد لله فى الحاجات دى
وعلى الاقل نفتكر الايام الجميلة دى وننسى الحمل شوية

dr.princess

01-16-2011, 06:46 PM

المشكلة يا ملك ان مساحة الاوضة صغيرة جدا انتى لو شفتى الطرابيزة ولا بتاعة الاطفال صغيرة جدا علشان المساحة فمش عارفة هتلاقيلها سجادة صغيرة كده ازاى
حتى اوض النوم الدواليب والسراير والمطبخ والسفرة كمان كلهم متصغرين على اد المساحة متعرفيش تمشى فيهم حاجة خنقة الحمدلله الحمدلله انى عندى شقة غيرى معندوش

Om Rodina

01-16-2011, 06:46 PM

لا كده حرام بجد سيبوا لولو بقا تعرف تفرح بحاجتها مش تخوفوها من اولها كده ربنا يعينك ويقويكى يالولو يارب

MALAK2010

01-16-2011, 06:47 PM

لولو:هى مامتك بتودى اللى جابتة على شقتك ولا بتعينة عندها لغاية ماتروحى بالسلامة

ماما قلقانه

01-16-2011, 06:48 PM

ان شاء الله يا ملك ترجعى بالسلامه وتتهنى فيها
احنا لازم ننبها يا ملك عشان ما تتصدمش
اومال احنا اصحاب ليه.لما تتصدم من كلامنا احسن ما تتصدم من افعال الحموات هههههههههههههه

MALAK2010

01-16-2011, 06:49 PM

لولو:خلى مامتك تاخد المقاس علشان تعرف تجيب
هتلاقى مقاسها ان شاء الله

ماما قلقانه

01-16-2011, 06:50 PM

يا لولو عمرها ما هتكون اصغر من شقتى يا بنتى.على راى جوزى انا من الصابرين

dr.princess

01-16-2011, 06:50 PM

كل حاجة دلوقتى فى شقتى انا وديتها قبل ما امشى علشان زى ماقولتلك ميفكروش اننا مش هنجهز حاجة قهر
لسه السجاجيد بس اللى ماودتهاش وكمان انا لسه مجبتش الستاير والنجف لما ييجوا نوديهم وكده يبقى جهازى خلص

MALAK2010

01-16-2011, 06:52 PM

انا خارجة يا بنات
مش هاين عليا اخرج واسيب اللمه الجميلة دى

ماما قلقانه

01-16-2011, 06:52 PM

انا هسيبكم دلوقتى يا بنات.احمد عاوز يلعب على الكمبيوتر.هحاول افتح اللاب توب واسيبله الكمبيوتر.سلام مؤقت

dr.princess

01-16-2011, 06:54 PM

ايه رأيكم فى دى لاوضة النوم عاجبانى اوى

http://up.hwaml.com/download.php?img=1477 (http://forum.hwaml.com/redirector.php?url=%68%74%74%70%3a%2f%2f%75%70%2e% 68%77%61%6d%6c%2e%63%6f%6d%2f%64%6f%77%6e%6c%6f%61 %64%2e%70%68%70%3f%69%6d%67%3d%31%34%37%37)

Om Rodina

01-16-2011, 06:54 PM

سلام ياملوكة انتى وسمورة
ربنا يفرحك بحاجتك يارب يالولو ويكفيك شر اى شئ وحش ويباركلك ياحبيبى بحاجتك

dr.princess

01-16-2011, 06:55 PM

سمر انا اللى مأظنش ان فى حاجة اصغر من بتاعتى احتماااال برده
ماشى ياحبيبتى انا موجودة اهو وهستناكى

dr.princess

01-16-2011, 06:56 PM

ملك كان نفسى تقوليلى رأيك فى الستارة خلاص ملحوقة بكرة اوريهالك ان شاء الله
مع السلامة يا حبيبتى

dr.princess

01-16-2011, 06:57 PM

ام دانا ياااااااااااااااارب منتحرمش من الدعوات الحلوة دى
قوليلى انتى بقى ايه رأيك فى الستارة دى

Om Rodina

01-16-2011, 06:57 PM

ماشاء جميلة اوى يالولو وتحسى انها مناسبة مع اوضة النوم وبرده اهم حاجة رايك انتى وزوجك

Om Rodina

01-16-2011, 06:59 PM

تحسى انها هادية وبسيطة ومناسبة وكمان لو جبتى الوان قريبة منها تحسى انها حلوة وتهدى النفس

dr.princess

01-16-2011, 07:00 PM

الحمدلله انها عجبتك يا ام دانا هى عاجبانى اوى و وريت لجوزى كذا شكل وبرده اختار دى غالبا كده هنستقر عليها بصراحة الناس بلاقيها عاملة ستاير بكرانيش كده لاوض النوم مش بتعجبنى فدى سيمبل اوى

Om Rodina

01-16-2011, 07:01 PM

حبيبتى بعد اذنك هاقوم اصلى وارجعلك تانى باذن الله

dr.princess

01-16-2011, 07:02 PM

غالبا كده هعملها نفس اللونين بنى فى ابيض او بنى فى بيج بس بتهيألى هسيبها بنى فى ابيض زى الصورة الابيض ممكن يعطى وسع للاوضة شوية

dr.princess

01-16-2011, 07:02 PM

ماشى يا ام دانا تقبل الله هستناكى

Om Rodina

01-16-2011, 07:04 PM

لا ياحبيبتى دى جميلة اوى ماشاء الله غالبا اوضة النوم بتبقى محتاة حاجة جميلة بس بسيطة بنفس الوقت وربنا يباركلك يارب ياحبيبتى

dr.princess

01-16-2011, 07:07 PM

ياااااااااارب اللهم امين

رنا خالد

01-16-2011, 10:35 PM

يابنات وحشتوني اووووووووووووووي
النت كان فاصل عندي من يوم الخميس بس الحمد لله لسه جاي حالا قلت ادخل اكلمكم شويه بس اظاهر مافيش حد انا هاغيب شويه صغنتتين واجي تاني علي الساعه عشره كده يمكن الاقيكم اللي يدخل يبعتلي رساله مستنياكم

dr.princess

01-16-2011, 11:18 PM

بنااات صفحة الاستاذ معز مسعود على الفيس بوك عليها هكر تنصيرى فاحذفوها من عندكم
ودى الصفحة الجديدة
http://www.facebook.com/pages/Moez-Masoud-mz-mswd/177122045660325

dr.princess

01-16-2011, 11:19 PM

رنا انا مستنياكى لما تدخلى تانى

رنا خالد

01-16-2011, 11:50 PM

انا هنا يالولو ومستنياكي ههههههه
امال البنات فين وكمان توته ميعادها الساعه عشره كل يوم هي اعتزلت ولا ايه ولاتكون فقست من ورانا

dr.princess

01-16-2011, 11:57 PM

ازيك يا رنا انا كمان مستنياكى
توتة كنت بكلمها المغرب وقالت انها عندها مغص مش طبيعى وقفلت احتمال تكون فى طريقها للولادة ربنا يسهل

dr.princess

01-17-2011, 12:20 AM

انتى رحتى فين يا رنا

dr.princess

01-17-2011, 03:02 AM

يااااااااااااااااااقوم

MALAK2010

01-17-2011, 07:46 AM

http://forum.hwaml.com/imgcache2/hwaml.com_1295239588_904.gif

MALAK2010

01-17-2011, 07:47 AM

http://forum.hwaml.com/imgcache2/hwaml.com_1295239624_757.gif (http://files.fatakat.com/2010/4/1271435800.gif)

MALAK2010

01-17-2011, 07:50 AM

http://forum.hwaml.com/imgcache2/hwaml.com_1295239845_299.gif

ايوشه

01-17-2011, 10:35 AM

السلام عليكم ازيكم يابنات وحشتونى قوى بس زعلانه منكم ماسالتوش عليا ولا على موكا
كان تعبان الايام اللى فاتت ولسه خارجين من المستشفى ادعو له وربنا يخليهولى ويقومكم بخير ان شاء الله

MALAK2010

01-17-2011, 12:10 PM

حد هنا؟؟؟؟؟؟؟؟؟؟؟؟
ايوشة:الف الف سلامة علي حمادة ابقى طمنينا عليه
بس ماتزعليش مننا لاننا عارفين انك مشغولة مع حمادة ومش معاكى حد ربنا يقويكى بي والله فكرينك طبعا وعاوزينك تدخلى بقا نتكلم معاكى

bonty

01-17-2011, 02:02 PM

السلام عليكم
كنت عايزة اسأل حد يعرف الجنين بيظهر امتى في السونار من الاسبوع الكام تقريبا

MALAK2010

01-17-2011, 03:50 PM

محدش ناوى يصحى النهاردة انا زهقت من القعدة لوحدى

MALAK2010

01-17-2011, 03:56 PM

bonty:بصراحة معرفش بس انا رحت فى الاسبوع 7 كان الحمد لله ظاهر
لو عاوزة تروحى للدكتورة حاولى تروحى بعد اربعين يوم من اول يوم فى الدورة اللى فاتت
وفى بنات مش بيظهر الجنين لانة صغير بس بعد كدة بيظهر ان شاء الله

dr.princess

01-17-2011, 05:13 PM

ايه الكسل ده

dr.princess

01-17-2011, 05:15 PM

ايه الف سلامة علي احمد
مين اللى قال اننا مش بنسأل عليكى بس احنا عارفين ظروفك وقلنا اكيد لما ترتاحى شوية هترجعيلنا تانى
مستنينك تدخلى تانى وتطمنينا عليكى انتى واحمد

MALAK2010

01-17-2011, 05:15 PM

لولو:اخيرااااااااااااا حد دخل
عاملة اية وحشااااااااانى

dr.princess

01-17-2011, 05:17 PM

ملك انا الحمدلله كويسة وانتى كمان وحشااانى انتى اخبارك ايه
عملوها فيكى انتى كمان انا فضلت طول الليل امبارح لوحدى لما كنت خلاص هكلم نفسى

MALAK2010

01-17-2011, 05:22 PM

انا ملييييييييييت اوى النهاردة
ومش عارفة زهقانة بقالى كام يوم

MALAK2010

01-17-2011, 05:23 PM

عملتى اية فى موضوع السجادة

dr.princess

01-17-2011, 05:24 PM

الحال من بعضه انا بقالى كام يوم همووووت من الزهق وكمان مخرجتش بقالى تقريبا اسبوعين فخلالالالاص

dr.princess

01-17-2011, 05:25 PM

بالله عليكى ماتفكرينى ده انا كرهت السجاد واللى اخترعوه

MALAK2010

01-17-2011, 05:26 PM

بالله عليكى ماتفكرينى ده انا كرهت السجاد واللى اخترعوه

يا ساتر لية كدة مامتك زعلت ولا جوزك؟؟

MALAK2010

01-17-2011, 05:31 PM

انا شفت الستارة بتاعت اوضة النوم اللى عاوزة تعمليها
انتى عاوزة تعملي نفس التصميم مع نفس خامة الستارة(فوال)
ولا هتجيبى ستارة منقوشة وتعملى التصميم دة

dr.princess

01-17-2011, 05:32 PM

ماما وجوزى الاتنين زعلوا
جوزى بس هيمشى وارجع احكيلك

MALAK2010

01-17-2011, 05:36 PM

طيب ماتتاخريش لان جوزى هيجى كمان شوية

MALAK2010

01-17-2011, 05:42 PM

http://forum.hwaml.com/imgcache2/hwaml.com_1295275365_635.gif (http://files2.fatakat.com/2010/12/12933710341560.gif)

dr.princess

01-17-2011, 05:50 PM

فوال دى يعنى ايه
انا بفكر اجيب قماشتين سادة زى الصورة او واحدة سادة وواحدة منقوشة خفيف خالص لان الاوضة ضيقة جدا مش هتستحمل شغل كتيير

dr.princess

01-17-2011, 05:55 PM

بصى ياستى ماما زعلت اوى قالتلى الحق عليا انى جايبالك انظف حاجة واغلى حاجة وقالتلى انى زوقى زفت وان دى احسن واحدة فى السجاجيد
وقالتلى انا بعد كده معدتش جايبالك حاجة والحاجات الناقصة هعينلك فلوسها ولما ترجعى تجهزى لنفسك معدش ليا دعوة بيكى وفضلت اصالح فيها واقولها خلاص هى عاجبانى ويمين شمال وفى الاخر قالتلى مش زعلانة بس هى قفلت وهى متضايقة

MALAK2010

01-17-2011, 05:56 PM

لولو انا هدخل كمان ساعة ونص على ما الماتش يجى لان جوزى جة
ونكمل كلامنا فى السجادة والستارة
سلام مؤقت

dr.princess

01-17-2011, 05:59 PM

جوزى بقى هزئنى والحمدلله اصلى رحت زى العبيطة قلتله انا مسمعتش كلامك وقلت لماما وزعلت اوى
قالى حاجة كده انى انانية واهم حاجة مصلحتى وانى عشان بتاعة بيتداس عليها برجلينا زعلت ماما وان دى هدية منها لو جابتلك تراب ورمته فى الشقة تقوليلها شكرا وبهدلنى اخر بهدلة وقالى افرضى افتكروا انى انا اللى مش عاجبانى الحاجة وبتشرط عليهم وخاصمنى طبعا وانا فضلت اعيطلى شوية حلوين وفين وفين على مارضى يكلمنى وقالى اخر مرة ماتسمعيش الكلام ولما اقولك حاجة تنفذيها
وقالى تكلمى مامتك وتصالحيها فكلمتها الصبح بدرى وخليته يكلمها

dr.princess

01-17-2011, 06:00 PM

شفتى بقى حقى اكره السجاجيد ولا لا

dr.princess

01-17-2011, 06:00 PM

خلاص ماشى ياملك هستناكى لما تدخلى تانى

احب القمرا

01-17-2011, 07:18 PM

هااااااااي كروشات كيفكون كيف الحمل معاكم

توتة السيد

01-17-2011, 07:45 PM

مساء الخير ياحلوات

توتة السيد

01-17-2011, 07:47 PM

لولو القمر كيف الحال معلش حبيبتي ما انا قولتلك جوزك معاه حق بس مش مشكلة ماما مش هتزعل منك انتي ابقي غيريها لما تنزلي ياقمر وماتزعليش

ملوكة مستنينك ياقمر

احب القمر هلا بيك ياسكر كيف الحال

MALAK2010

01-17-2011, 07:52 PM

انا هنااااااااااااااا
توتة حبيبتى انتى لسة مافقستيش مش كنتى نويتى امبارح هو انذار كاذب ههههه
لولو:انا جيت يا جميل

dr.princess

01-17-2011, 08:04 PM

توتة والله انا قلت انتى خلاص ولدتى علشان مدخلتيش بالليل امبارح

يللا خير الحمدلله

dr.princess

01-17-2011, 08:05 PM

ملك حمدالله على السلامة

توتة السيد

01-17-2011, 08:07 PM

انا هنااااااااااااااا
توتة حبيبتى انتى لسة مافقستيش مش كنتى نويتى امبارح هو انذار كاذب ههههه
لولو:انا جيت يا جميل

ازيك ياملوكة ياحبي شفتي البيبي بيلعب بيا طلع انذار كاذب اهو

اهئ اهئ اهئ

توتة السيد

01-17-2011, 08:08 PM

توتة والله انا قلت انتى خلاص ولدتى علشان مدخلتيش بالليل امبارح

يللا خير الحمدلله

اهئ ماحصلش وضحك عليا ضحك عليا اعمل ايه بس

بالليل مادخلتش والله كنت تعبانة وكنت بقول هفقس بس ماحصلش ياله صبرا جميلا ياعرب

MALAK2010

01-17-2011, 08:10 PM

لولو:حبيبتى اخبار طنط اية كلمتيها على النت النهاردة
وحاسة انها خلاص ماعتدش زعلانة
انتى قولتيلها ان السجادة مش عجباكى بطريقة وحشة ولا اية
انا بحاول انزلك الصورة بتاعت ستارة اوضة النوم بتاعتى جايز تعجبك

MALAK2010

01-17-2011, 08:11 PM

توتة معلش يا جميل وبعدين انتى عاوزة تولدى قبل ما جوزك يجى
لما يجى الاول علشان يبقى جنبك

dr.princess

01-17-2011, 08:17 PM

والله ياملك قلتلها بذوق خالص بس هى زعلت
جوزى قالى لازم تكلميها الصبح فعلا كلمتها الساعة 7 ونص الصبح قالتلى مش زعلانة وكلمتها فى التليفون من شوية النت عندها فاصل ولقيتها زعلانة من جوزى ازاى يزعقلى وازاى يزعلنى بتاع ايه يعنى مع انه هو كان زعلان انى زعلتها شفتى بقى الورطة اللى انا فيها

dr.princess

01-17-2011, 08:18 PM

خلاص ماشى ياملك هستناكى تنزلى صورة الستارة

MALAK2010

01-17-2011, 08:24 PM

dr.princess

01-17-2011, 08:27 PM

والله مانا عارفة ياملك دلوقتى جوزى زعلان منى انى زعلت ماما وماما زعلانة من جوزى انه زعلنى وانا زعلانة من جوزى انه قالى كلام ضايقنى صعبت عليا نفسى شفتى الهنا اللى اختك فيه يللا الحمدلله على كل حال

MALAK2010

01-17-2011, 08:38 PM

معلش هو خلاص الموضوع خلص ماتزعليش نفسك
بس اوعى تقولى لجوزك ان مامتك زعلانة منة
هى مامتك خايفة عليكى لان زى ما بتقولى مفيش نت علشان توصليلها الصورة بوضوح

شوفى الستارة وقولى رايك بصراحة مش هزعل
انا بحب البساطة فى ستارة اوضة النوم بالذات
حاولت انزلك صورة الستاره اللى ورى السرير بس انا بفصل الصور من فيديو فمش واضحة اوى هحاول ادور على فيديو واضح

توتة السيد

01-17-2011, 08:40 PM

توتة معلش يا جميل وبعدين انتى عاوزة تولدى قبل ما جوزك يجى
لما يجى الاول علشان يبقى جنبك

ما جوزي هياخد اجازة 10 بس خايف ينزل وماولدش فايمكن يخليها لما اولد وينزل تاني يوم الولادة

MALAK2010

01-17-2011, 08:42 PM

توتة:ربنا يجيبهولك بالسلامة
وانتى هتروحى معاه ولا هتفضلى شوية فى مصر بعد سفرة

dr.princess

01-17-2011, 08:45 PM

الستارة جميلة ورقيقة خالص والله يا ملك هوريها لماما
انا برده امبارح عجبتنى واحدة تانية ثوانى وارفعهالك تشوفيها

توتة السيد

01-17-2011, 08:51 PM

توتة:ربنا يجيبهولك بالسلامة
وانتى هتروحى معاه ولا هتفضلى شوية فى مصر بعد سفرة

الله يسلمك حبيبتي ربنا يخليكي

لا حبيبتي هبقي لسه نفسة ياخيتي ماينفعش قعد لحد ما ينزل اجازته الرسمية اخر 3 ونسافر سوا باذن الله

MALAK2010

01-17-2011, 08:51 PM

ياريت تكون عجبتك هى بصراحة عجبانى بس هى احلى من الصورة لانها مش واضحة اوى فى الفيديو
بصى الستارة لو تاخدى بالك هى نوعين النوع اللى فوق دة سادة فوال فى منه الوان ابيض وسمنى وروز
بس احلى لون عجبنى هو السمنى لانه فاتح
الابيض فاتح زيادة اوى وكمان مفرش السرير بتاعى بيج فى دهبى فلقيت السمنى هو اللى لايق
اما الستارةاللى تحت فجبت ستارة منقوشة على خفيف

dr.princess

01-17-2011, 08:52 PM

شوفى دول الاتنين اللى عجبونى

http://up.hwaml.com/download.php?img=1484

http://up.hwaml.com/download.php?img=1485

وندخل معاهم بتاعتك كمان هاخد راى جوزى ونستقر على واحدة
وانتوا برده قولولى رأيكم

MALAK2010

01-17-2011, 08:53 PM

توتة ربنا يقومك بالسلامة وترجعى مع جوزك بالف سلامة انتى والنونو الغامض هههههه

dr.princess

01-17-2011, 08:54 PM

والله هى رقيقة فعلا وانا برده ان شاء الله هجيب واحدة سادة وواحدة منقوشة خفيف كده وكويس انك قلتى اسمه فوال برده مش كده لانى انا كنت فاكراه شيفون

توتة السيد

01-17-2011, 08:58 PM

حلوين قوي يالولو الستاير

توتة السيد

01-17-2011, 09:01 PM

توتة ربنا يقومك بالسلامة وترجعى مع جوزك بالف سلامة انتى والنونو الغامض هههههه

ههههههههههههههههه الرجل الغامض بسلمته ههههههههههه

تسلميلي حبيبتي ويكملك علي خير ويقومك بالف سلامة

dr.princess

01-17-2011, 09:02 PM

ربنا يخليكى ياتوتة اصلى كنت بلف على النت كده علشان اشوف اعمل الستاير ازاى

MALAK2010

01-17-2011, 09:06 PM

الستارتين حلوين يا لولو الاولى فيها شبة شوية من بتاعتى
بتاعتى فوستونات داخلة فى بعض اما بتاعتك سايبين بعض
بس بتاعتى فى حتة زيادة انة حاطط نزالات زينة ثابتة مش متحركة
بس بصراحة صعب اختار لان الصورتين بجد حلوين
بس مافتكرش ان فى فوال لونة بنى كدة
اسمة فوال او شيفون على فكرة يا لولو

MALAK2010

01-17-2011, 09:09 PM

لولو:فكرتينى بايام الجهاز والله كانت ايام جميييييييييييييلة اووووووووووووى
انا النت تعب منى من كتر التدوير
ربنا يباركلك فى حاجتك يالولو وتبقى احلى شقة ياااااارب

dr.princess

01-17-2011, 09:09 PM

والله فعلا بتاعتك رقيقة اوى يا ملك وان شاء الله اوريها لماما بكرة وهتعجبها انا عارفة
يعنى فعلا شيفون كويس علشان ابقى متأكده

فى بقى صورة للستاير البراقع عجبتنى هرفعها واوريهلكم

dr.princess

01-17-2011, 09:12 PM

ربنا يخليكى ياملك
انا والله مادورتش الا على الانتريهات لانى كان نفسى اجيب حاجة مودرن بس لما جيت اشترى لقيته مايليقش على باقى الشقة فجبته نص نص بس غالب اكتر على كلاسيك

MALAK2010

01-17-2011, 09:16 PM

انا اكتر حاجة كانت قلقانى هى الستاير لانها بتحلى الشقة لما تكون معمولة كويس

dr.princess

01-17-2011, 09:17 PM

/ (http://forum.hwaml.com/url=http://up.hwaml.com/download.php?img=1486])url=http://up.hwaml.com/download.php?img=1486] (http://forum.hwaml.com/url=http://up.hwaml.com/download.php?img=1486])http://up.hwaml.com/download.php?img=1486[/url

http://up.hwaml.com/download.php?img=1487[/url

dr.princess

01-17-2011, 09:19 PM

لالا انا كنت عارفة انى غالبا مش هلحق اعملها
فكان اللى شاغل بالى العفش نفسه لانى مستحيل كنت اخلى حد تانى ينقيه

dr.princess

01-17-2011, 09:20 PM

البتاعات الصغيرة اللى نازلة من الستارة الكبيرة دى مش عاجبانى فلو عملت الموديل ده هشيلها منه

MALAK2010

01-17-2011, 09:25 PM

البتاعات الصغيرة اللى نازلة من الستارة الكبيرة دى مش عاجبانى فلو عملت الموديل ده هشيلها منه

انتى قصدك البتاعات الصغيرة دى انهى
اللى موجودة على طرف الستارة كلها
لو كان قصدك كدة
دة اسمه فرنش ودة فية اشكال كتيييير والجديد بيكون نازل زى خرز مع خيوط
ودة لازم تحطية لانة بيقى جميل وبيحلى الستارة
وكل ما سعر الفرنش غالى كل ما جودتة تبقى احلى علشان لما تغسلى الستارة اول حاجة بتبوظ هى الفرنش لو كان اى كلام

MALAK2010

01-17-2011, 09:29 PM

دى ستارة الصفرة بتاعتى

dr.princess

01-17-2011, 09:30 PM

ايوه انا عارفة الفرنش ده نزلت مع الراجل اللى هينجد واحنا فى دمياط نقيت الفرنشات دى علشان خدديات الانترية والصالون وفعلا جبته كريستالات مع خيوط
انا قصدى البتاعات اللى بين كل لفة فى الستارة من فوق ماما بتقول اسمها مناديل

MALAK2010

01-17-2011, 09:32 PM

ااااااااااه اخدت بالى
على راحتك عاوزة تعمليها او لاء

dr.princess

01-17-2011, 09:33 PM

الستارة بتاعتك شوية شبه بتاعة اختى

dr.princess

01-17-2011, 09:34 PM

استنى بقى بما ان النهاردة يوم للديكور مش طبخ كالعادة
ثوانى وهنزلك صور اوضة النوم بتاعتى

MALAK2010

01-17-2011, 09:37 PM

بالله عليكى مش الكلام دة جميل بدل الكلام عن البطن والترجيع والمغص والطبيخ ههههههههههههههههههه
الحمد لله على النعمة

dr.princess

01-17-2011, 09:40 PM

دى طبعا الصور من المعرض لانى سافرت قبل ما الاوضه ماتجهز لانها طبعا كانت بتتصغر علشان المينى اوضة اللى عندى الحمدلله
وعلى فكرة انا عملت اوضة الاطفال زى الكبيرة بالظبط طبعا على صغير انا بحب كده بصراحه كأنهم طقم على بعضه

url=http://up.hwaml.com/download.php?img=1488] (http://forum.hwaml.com/url=http://up.hwaml.com/download.php?img=1488]) http://up.hwaml.com/download.php?img=1488[/url

url=http://up.hwaml.com/download.php?img=1489] (http://forum.hwaml.com/url=http://up.hwaml.com/download.php?img=1489]) http://up.hwaml.com/download.php?img=1489[/url

url=http://up.hwaml.com/download.php?img=1490] (http://forum.hwaml.com/url=http://up.hwaml.com/download.php?img=1490]) http://up.hwaml.com/download.php?img=1490[/url

هى سيمبل اوى مش عارفة هتعجبك ولالا

dr.princess

01-17-2011, 09:41 PM

اكييييييييييييييييد هههههههههههههههه

MALAK2010

01-17-2011, 09:44 PM

جميلة يا حبيبتى ربنا يهنيكى بيها ياااااااااارب
وتروحى وتفرشى شقتك وتفرحى بيها
انا والله قاعدة اتفرج على شقتى ومشتقالها اوى مابالك انتى كتر خيرك

dr.princess

01-17-2011, 09:48 PM

ربنا يخليكى يا ملك
انا بقى شقتى مش واحشانى ابدا لانها ضيقة اوى وانا شفت السفرة والمطبخ بس وهم مفروشين تحسى ان الحاجات هتقع فوقك هههههههههههههههه
معلشى اصل طول عمرى متعودة على الشقق الواسعة والمساحات وهناك متعرفيش تمشى اصلا الحمدلله على كل حال

MALAK2010

01-17-2011, 09:53 PM

يعنى انتى فرشتى السفرة والمطبخ
لية هيتملوا تراب كنت تستنوا لما تنزلى
انا كمان متعوزة على المساحات الواسعة بس بينى وبينك كويس انها شقة ملك جوزك
احنا ماجرين شقة وكل شهر بندفعلها واحنا قافليناه 650 جنية

dr.princess

01-17-2011, 09:57 PM

لالا ياملك المطبخ والسفرة مفروشين خشبهم بس انا عاملة المطبخ الوميتال وانا كارهاه الصراحة وطبعا دلوقتى بقية الشقة اتفرشت برده الحمدلله بس الجماعة هناك مغطيين كل حاجة
بس مفرشتش الحاجات نفسها ماما كانت عايزة تفرشها وانا قلتلها ابدا هى مرة واحدة قبل ما انزل تفرشيها ولا انك تروحى كل شهرين تنظفيه فوديت الحاجات بكراتينها

dr.princess

01-17-2011, 09:58 PM

الحمدلله والله انها ملكنا الايجار ده مصيبة سودة جوزى برده عنده صيدليه ومقفولة فى مصر زى ماقلتلك قبل كده حجز مكان بس فبيدفعلها ايجار شهرى وعارفة انها حاجة وحشة اوى

MALAK2010

01-17-2011, 09:59 PM

انا بردة مطبخى الوميتال انتى كرهاه لية
هو لونة اية؟؟؟؟؟؟؟؟

dr.princess

01-17-2011, 10:06 PM

لا المطبخ شكله حلو اوى وجميل وماشاء الله متكلف بس انا اصلا مش بحب الالوميتال بحب الخشب وكان نفسى اعمل خشب بس حماتى فضلت تلمح كتيييييييييييييييير انها عاملة لبناتها الوميتال وانها بتحبه فماما قالتلى انها كده تقريبا بتتطلبه
وكمان اختى قالتلى ان عرض الخشب اكتر من الالوميتال والمطبخ بتاعى ضيق كالعادة زى مابقيتى عارفة خلاص فمش هيستحمل فاضطريت اعمله

MALAK2010

01-17-2011, 10:10 PM

انا كمان كنت حابة الخشب اووووووى بس النجار اللى كان هيعملهولى سافر والباقى بيعملوا اى كلام
فقلت خلاص الوميتال استنى هوريهولك جايز يعجبك

dr.princess

01-17-2011, 10:14 PM

جميل والله ماشاء الله يا ملك بحب اللفة دى مش بتاكل الحتة وبتدى وسع
مطبخ اختى ماشاء الله محترم كده تنامى وتاخدى راحتك فيه ههههههههههههههه
ثوانى واوريكى بتاعى بس اوعى تتخضى هههههههههههههههه

MALAK2010

01-17-2011, 10:17 PM

هههههههههههههههههههه
لا مش هتخض ربنا يستر

dr.princess

01-17-2011, 10:18 PM

دى صورته قبل مايتحطله الرخام
اختى بتقولى حماتك عمرها ماهتعرف تعدى فيه مصلحة برده ههههههههههههههههههههههههه
طبعا التفاصيل مش باينة بس الراجل عامل فيه شوية حاجات حلوة

dr.princess

01-17-2011, 10:19 PM

معاكى ربنا بقى هههههههههههههه

MALAK2010

01-17-2011, 10:21 PM

ماشاء الله
هو فعلا صغير بس والله مش مشكلة المهم بيقوم بالغرض وخلاص
بس لية عملتية الون دة
كنتى تعملية بيج فى بنى لان السيراميك بيج فى بنى
ماشاء الله السيراميك جميل

MALAK2010

01-17-2011, 10:24 PM

معلش يالولو هقوم علشان انام
اشوفك بكرة ان شاء الله
ونكمل باقى الشقة هههههههههه

dr.princess

01-17-2011, 10:26 PM

هو ده درجة من البيج الفاتح فيه خرابيش كده بس مش باين فى الصورة وخليت البنى بس على الحواف علشان مايضيقش الحتة مش ناقصة ضيق خااااااالص وخليت الرخام تقريبا شبه لون السيراميك

dr.princess

01-17-2011, 10:27 PM

هههههههههههه ماشى يا ملك
تصبحى على خير واشوفك بكرة ان شاء الله

Om Rodina

01-17-2011, 10:57 PM

السلام عليكم ورحمة الله وبركاته
ازيك يالولو اخبارك ايه وايه الحاجات الجميلة دى ماشاء الله اللهم بارك
يارب تتهنى بيها انتى وزوجك وذريتك يارب اللهم امين

Om Rodina

01-17-2011, 11:00 PM

ملوكة تصبحى على خير ياحبيبتى مش لحقت اكلمك انهاردة
اشوفك بكرة على خير باذن الله

dr.princess

01-17-2011, 11:40 PM

ربنا يخليكى يا ام دانا
عقبال ياااارب ماتيجى دانا كده وتكبر وتجهزيها احسن جهاز

dr.princess

01-18-2011, 12:59 AM

ايه ده انا هفضل طول الليل لوحدى زى امبارح ولا ايه اهىء اهىء اهىء

dr.princess

01-18-2011, 02:39 AM

وبحبك كيف ماخابرش

وعلى فراجك ماجادرش ..

من كتر الشوج خسيت

وآني كنت تخين وبكرش
..
والحب يابوي بهدلني

مرمطني جوي وخرشمني
..
وغرامك بيغرمني

وماعادش معاي ولا جرش

.. شومة حبك بطحتني

.. وجاموسة الشوج نطحتني ..

والهوى جحشته رفستنى

.. وآني يابوي ياناس ماصابرش

اية رأيكم يا جدعان http://forum.hwaml.com/imgcache2/hwaml.com_1295307563_917.jpg

MALAK2010

01-18-2011, 01:34 PM

فى حد هناااااااااااااااااااا؟

دودى اشرف

01-18-2011, 03:32 PM

السلام عليكم
ازيكم يا بنات
ملوكة ازيك يا قمر عاملة ايه

توته اخبارها ايه محدش يعرف ... ولدت ولا لسه ؟؟؟

دودى اشرف

01-18-2011, 03:36 PM

تووووتتتتتتتتتتته انتى فييييييييييين .. طمنينا عليكى يا قمررررر ... يارب تكونى بخير وجاتلنا العروسة القمر بالسلامة يارب

MALAK2010

01-18-2011, 03:39 PM

دودى:ازيك يا جميل
توتة كانت معانا امبارح وبتقول انذار كاذب ربنا يسهلها

MALAK2010

01-18-2011, 03:41 PM

دودى:انتى عاملة اية وعمورة
لسالك اد اية على الولادة

ام مازن ان شاء الله

01-18-2011, 03:50 PM

هلا بيكم يامصريات انا اختكم مصرية وحامل بالشهر الثالث ادعولي بقي تعدي الشهور الاولي بسرعة عشان تعبت قووي من الوحم

MALAK2010

01-18-2011, 03:55 PM

ام مازن:اهلا بيكى معانا يا حبيبتى
ربنا يقومك بالسلامة ويهون عليكى ايام الوحم يااااااارب

MALAK2010

01-18-2011, 04:03 PM

إذا أردت أن تتكلم فاسأل نفسك قبل الكلام ثلاثة أسئلة:

1-هل هذه الكلمة ترضى الله أم لا؟؟
2-هل هذه الكلمة ستكتب فى صحيفة حسناتى أم سيئاتى.؟؟
3-هل هذه الكلمة تنفعنى فى قبرى ام لا.؟؟
فاذا لم تدري فامسك عليك لسانك

دودى اشرف

01-18-2011, 04:14 PM

الحمدلله يا ملوكة .. معلش قومت وجيت ... يعنى توته لسه ... ربنا معاها يارب .. هى البكرية بيقولوا انها بتاخد الشهر كامل ... ربنا يطمنا عليها ان شاء الله ... انا كويسة الحمدلله وعمورة كويس .. انا اهو فى اواخر التامن .. ربنا يسهلها لينا جميعا

ام مازن اهلا بيكى ومبروك على الحمل .. وربنا يهون عليكى حبيبتى

MALAK2010

01-18-2011, 04:21 PM

دودى :بس كل البنات اللى ولدوا معانا فى التجمع ولدوا قبل ما التاسع بيخلص بعشر ايام ممكن يكونوا قيصرى بقا مش عافة

MALAK2010

01-18-2011, 04:22 PM

دودى:انتىحاسة ان ايام الحمل فاتت بسرعه؟؟؟
والايام اللى لسة فاضلة قليلة ولا حاسة انهم كتير؟؟؟؟

MALAK2010

01-18-2011, 04:25 PM

ازيك الوقتى ظبطتى امورك ولا لسة؟؟؟؟

دودى اشرف

01-18-2011, 04:38 PM

والله مش حاسة بحاجة ... بينى وبينك مش عاوزة الوقت بتاع الولادة ييجى .. من الخوف بس .. ربنا يسترها يارب ... والله الامور زى ما هى وعمال توسع الفجوة بنا

MALAK2010

01-18-2011, 04:44 PM

والله مش حاسة بحاجة ... بينى وبينك مش عاوزة الوقت بتاع الولادة ييجى .. من الخوف بس .. ربنا يسترها يارب ... والله الامور زى ما هى وعمال توسع الفجوة بنا
ربنا يهون وتكون ساعه سهلة يااااااااارب
سبيها على الله وان شاء الله هتبقا ولادة سهلة
وبالنسبة للوضع اللى انتى فية اعملى اللى عليكى وسبيها على الله وان شاء الله لما يجى عمورة هيصلح كل حاجه
طيب انتى ماحولتيش تبعتى رسالة رقيقة له؟؟؟؟

دودى اشرف

01-18-2011, 04:52 PM

حاولت كتير .. الطف واكبر لكن مش عارفة هو ماله .. عارفة ان الظروف ملخبطة معاه هناك وكمان المفروض هيسيب الشغل اول الشهر وربنا يسهله بشغل تانى .. لكن انا بعمل اللى عليا .. لكن هو مش مساعدنى ابدا اننا نحاول نلم الفجوة اللى بنا دى .. فاسيباه مش بحاول اشد معاه لو عصبنى علشان بس الموضوع ميبقاش اكبر من كده وكمان علشان انا فى وضع ميسمحليش انى احرق فى دمى كل شوية ... وبقول استنى بس لحد ما اموره تستقر هناك وابقى اشوف هيفضل على وضعه ده ولا ايه ... ربنا يهدى .. ميرسى على اهتمامك يا حبيبتى

MALAK2010

01-18-2011, 04:59 PM

دودى:معلش يا حبيبتى ربنا يهدى الحال ياااارب
وافتكرى انا القلب بين اصبعين الرحمن
فالجأى الى الله وهو اللى هيهديلك جوزك ويقربة ليكى ان شاء الله

والله انتى مخوفانى انى انزل مصر ربنا يستر انا مش حمل مشاكل

دودى اشرف

01-18-2011, 05:03 PM

لا يا حبيبتى بعد الشر عليكى من المشاكل ... لكن المشكلة فى جوزى اكيد ... هو ماشى اكيد ورا كلام اتقاله من غير ميقولى اى حاجة ... وده عيبه .. الله اعلم مين بقى اللى عمال يملى دماغه بكلام .. والله مش عارفة اقول ايه .. مش عاوزة اظلم حد لكن اكيد فى حاجة حصلت علشان يتغير كده من ناحيتى ... لكن حبيبتى انتى وضعك مختلف عنى .. احنا اول مرة نحتك ببعض هنا وسط اهلنا

MALAK2010

01-18-2011, 05:07 PM

بقولك اية
انتى شاكة طبعا اللى ملية دماغة واحدة من اخواتة البنات وربنا يسامحنا
طيب ماتحاولى تقربى منهم انا عارفة انهم المفروض هم اللى يسالوا عليكى بس معلش
تقربى منهم بكل الطرق فهم هيشفوكى ويعرفوا انك حد كويس ويبعدوا عنك ومش هيشحنوا جوزك
جربى بنية انك بتدفع بالتى هى احسن

دودى اشرف

01-18-2011, 05:15 PM

والله انا شاكة فى جوز اخته واخته اللبى فوقى لكن هما بيتصلوا بيا بصراحة كل فترة يسألوا ... بس للاسف جوزى واخد جوز اخته ده قدوة وحاجة محصلتش وان جمايله مغرقاه وشايفه حد بيخاف عليه جدا ومحدش بيخاف عليه زيهم هو ومراته ... لدرجة انه عامله توكيل هنا من قبل الجواز علشان لو فى اى حاجة هو يخلصهاله ... وطبعا الكلام اللى هما هيقولوا هيبقى مصدق مهما كان .. فاهو ده اللى انا بقوله ... ان هو واصله حاجة من ناحيته وحاسه ان هو بيسخنه من ناحيتى والله اعلم .. لانى انا مرة قريت كلام عنى على النت على ايميل جوزى اول ما سافرتله اول الجواز لان برضه كان فى بنا مشاكل قبل الجواز و قلت عادى ده طبيبعى قبل الجواز لكن برضه كان متغير مش اللى عرفته يعنى ... فا علشان كده بقول هو برضه اللى وراها والله اعلم والله مش عاوزة اظلم علشان ربنا ميحسبنيش لكن مفيش غيره للاسف لان هو بيثق فيه جدااااااااااا لدرجة تخنق ومش ياف غيرهم بيخافوا عليه وبسسس ... فا اكيد ده اللى حصل لانه اصلا ملحقش يا بنتى يقعد معايا ولا شاف حاجة من اللى عمال يقولها انى انا مش هاممنى ومش واقفة جنبه وكلام غريب معرفش هو عرفه امتى وحصل فيييييييييييييييييييين ... علشان كده هتجنن .. بس بحاول والله اكبر على اد مقدر لانى كل ما بحاول الم الموضوع بينى وبينه يعصبنى بكلامه واتهامته الغير مباشرة ليا انى مش واقفة جنبه وانى مطلعتش كويسة زى ما كاان فاهم .. هقولك ايه بس ... ربنا يهديه وانا هستحمله بس الفترة دى لحد ما اموره تتحسن يمكن كل ده برضه ضاغط عليه والتانى كمان اكيد جاى على الالم فاعمال يزن عليه بقى وهو اصلا نفسيا على اخره

MALAK2010

01-18-2011, 05:22 PM

معلش والله يا دودى مش عارفة اقولك اية سبيها على الله وربنا ييسرلك امورك يااااااااااااااارب

دودى اشرف

01-18-2011, 05:24 PM

يارب يا حبيبتى ... معلش دوشتك ... المهم انتى عاملة ايه ونويتى خلاص ان شاء الله النزول ولا لسه؟

MALAK2010

01-18-2011, 05:27 PM

ولا دوشتينى ولا حاجة احنا اخوات والله انا زعلانة على اللى جرالك
انا نازلة كمان اسبوعين ان شاء الله

MALAK2010

01-18-2011, 05:32 PM

عرفتى ان بقلظة ولدت؟؟؟

دودى اشرف

01-18-2011, 05:36 PM

تيجى بالف سلامة يا جميل ... بس متخليش جوزك ينزل هههههههههههههههههههههههههههههههههههه .. انا بهرج بعد الشر عليكى

اهعرفت انها ولدت وباركتلها .. عقبالنا يااااااااااااااااارب ان شاء الله

MALAK2010

01-18-2011, 05:39 PM

اللى عاوز يعمل مشاكل بين الراجل ومراتة هيعملها سواء نزل او لاء
بالعكس لما يكون بعيد يكون المشكل اسهل واسرع ربنا يستر

دودى اشرف

01-18-2011, 05:41 PM

لا حبيبتى ربنا يبعد عنكم المشاكل يارب ان شاء الله ... هتنورى مصر كلها والمنصورة

MALAK2010

01-18-2011, 05:42 PM

بس انتى اول ماتولدى ان شاء الله تسافرى لجوزك فى اقرب فرصة

MALAK2010

01-18-2011, 05:43 PM

وفى اى اجازة ان شاء الله رجلك على رجلة
ولما يحصل حمل تانى ان شاء الله اولدى هناك فى الكويت

MALAK2010

01-18-2011, 05:45 PM

لا حبيبتى ربنا يبعد عنكم المشاكل يارب ان شاء الله ... هتنورى مصر كلها والمنصورة
تسلمى يا جميل ربنا يخليكى

دودى اشرف

01-18-2011, 05:58 PM

ربنا يسهل والله يا ملك
لما نشوف الامور هتفضل على كده لحد ما اجى اسافر ولا هتبقى احسن .. هو كان المفروض نازل فى السبوع .. لكن بعد ظروف الشغل دى لا اعتقد انه هينزل بقى لكن احسن برضه انه مش نازل هناك احسن ... ههههههههههههههههههههههههههههههههه

dr.princess

01-18-2011, 06:00 PM

ازيكم يا بنات

MALAK2010

01-18-2011, 06:03 PM

لولو:اتاخرتى نصف ساعة ليييييييييييييييية
جوزى مش جاى الوقت هيتاخر شوية فرصة اكلمك شوية

MALAK2010

01-18-2011, 06:04 PM

لولو: على فكرة اللون فى صورة المطبخ بتاعك كحولى فى رمادى ههههه مش بيج فى بنى
علشان كدة قلتلك لية عملاة اللون دة

dr.princess

01-18-2011, 06:05 PM

على ما جوزى راح الشغل ياملك
كويس برده علشان تقعدى معانا شوية

دودى اخبارك ايه كل مرة افتح بعد ماتقفلى

dr.princess

01-18-2011, 06:07 PM

لالالالا كحلى فى رمادى ايه يابنتى مستحيل طبعا علشان الرخام بيج فى بنى
بس هو درجة فاتحة اوى من البيج فمش باينة وفيها خرابيش كده والحروف زى ما قلتلك بنى

دودى اشرف

01-18-2011, 06:07 PM

ازيك يا لولو عاملة ايه يا حبيبتى .. معلش نا اصلى مش بقعد كتير... خبار النونو ايه؟؟؟

dr.princess

01-18-2011, 06:12 PM

حتة منه اهى من قريب
url=http://up.hwaml.com/download.php?img=1493] (http://forum.hwaml.com/url=http://up.hwaml.com/download.php?img=1493])http://up.hwaml.com/download.php?img=1493[/url

دودى اشرف

01-18-2011, 06:13 PM

انا هقوم يا بنات اقعد شوية مع ماما ونتغدى بقى
سلااااااااااااااااااام .. اشوفكم على خير ان شاء الله وابقول سلمولى على توته كتيييييييير وعلى كل البنات

dr.princess

01-18-2011, 06:14 PM

انا الحمدلله كويسة يا دودى والنونو الحمدلله

dr.princess

01-18-2011, 06:15 PM

ايه ده يا دودى انا ملحقتش اقعد معاكى
على العموم ماشى وبالهنا والشفا بس ماتبقيش تتأخرى علينا

MALAK2010

01-18-2011, 06:16 PM

انا خارجة يا بنات جوزى جة سلاااااااااااام

dr.princess

01-18-2011, 06:20 PM

حتى انتى يا ملك امال هيتأخر ايه
خلاص ماشى اشوفك بكرة ان شاء الله

أحب ربى

01-18-2011, 10:33 PM

السلام عليكم نفسى حد يفهمنى اشارك هنا ازاى معاكم فى الحوار وردى الاقيه فى صفحة رقم كام وكمان لما ادخل اى وقت فين يكون اخر كلام عشان اوصلكم معلش استحملونى انا جديدة بقى

أحب ربى

01-18-2011, 10:33 PM

يا اخواتى انا بتوووووووووووه هنا حد يلحقنى ويفهمنى

dr.princess

01-18-2011, 10:49 PM

جاسمين حبيبتى ازيك
بصى ياستى انتى اول ماهتكتبى الرد هتلاقى نفسك على طول فى اخر صفحة
ولو حابة نتكلم انا هنا موجودة اهو وفاضية

توتة السيد

01-18-2011, 11:01 PM

هلا هلا حبيبتي احب ربي

حبيبتي انتي لما بتكتبي اي رد دلوقتي بيجي في اخر صفحة وبيظهر فيها

ولو حد موجود بيرد عليكي ولو فاتك كلام ممكن ترجعي للصفحة اللي قبلها عن طريق ارقام الصفحات اللي مكتوبة في اول الصفحة او اخرها ولو عايزة تشوفي حد رد عليكي من غير ماتكتبي رد اعملي رفرش للصفحة اللي واقفة عليها