دردشة حوامل مصر - دردشة بنات مصر - تجمع حوامل مصر

[Rania Negm]

الله يقومك يا برنسيس بالسلامة وتكون ولادتك ميسرة يارب انتى ورفيدة بإذن الله وسارة كمان عشان مننساش الناس اللى على وش ولادة

انا بئى للأسف خيييييييييييييبة خالص فى مستشفيات مصر لأنى مجبرتش ولا واحدة هناك

لكن اخواتى ولدوا فى مستشفى النزهة ومستشفى الجنزورى للأسف معنديش خبرة فى الموضوع ده ...

لكن لو هتولدى مع دكتور راجل فى دكتور شريف الغيطانى عيادته فى روكسى أوصاد الحرية مووول هو طبعاا دكتور اكتر من راااااااااااااائع وممتاز وذكى اللهم بارك ويزيد علمه يارب ... وده ليه مستشفياته اللى يولد فيها بس انا موش فاكراها

ولو مع دكتورة ست فى دكتورة فكرية سلامة ... هى عيادتها فى المحكمة موش فاكرة فين لكن تقدرى تجيبيها من الدليل بس قوليلهم فكرية سلامة وهى معروفة جدااا ... وبردو ليها مستشفياتها اللى تولد فيهاا

اقصد اقول انتى اكيد متابعة مع دكتور وكل دكتور بيولد فى مستشفى معينة .. موش انتى اللى بتختاريله المستشفى فهمتى ؟؟؟

ولو موش مقررة تولدى مع مين الاتنين اللى رشحتهملك دول فعلااا من اروع الدكاترة فى القاهرة

[Om Rodina]

اه يام دانا حاليا هنستقر الله واعلم ف المستقبل المجهول
انا الى مفرحنى انى هعرف اتابع مع دكتوره هنا بدل منا كل مره عند واحده
ياحبيبة قلبى ربنا يكرمكم ويقدرلكم اللى فيه الخير يارب وربنا يفرح قلبك ويرزقك بالذرية الصالحة وربنا يطمنا عليكى يارب

[gogo]

يابنات انا هقوم الفلى لفه ف الشقه كده واظبط الدنيا واجلكم متمشوش

[Rania Negm]

اسماء الاولاد :

الاسماء الاسلامية اشيكهم

آدم : أبو بكر " اسم تقيل على نونو بس شيك جدا "

سادن : ياعنى خادم الكعبة

يحيى

يونس

وطبعا خير الاسماء ما حمّد وعبّد

احمد محمد محمود ... عبد الله عبد الرحمن ... عبد العزيز عبد الجبار مثلا ههههههههههههههههههه

الصراحة انا بستغلس الولاد اصلااااااااااااا ومفكرتلهمش فى اسماااء

[Rania Negm]

ماشى يا جوجو انا ممكن اقوم واجى وكدا

هبدأ حملة الطبيخ بعد قليل

[Om Rodina]

الله يقومك يا برنسيس بالسلامة وتكون ولادتك ميسرة يارب انتى ورفيدة بإذن الله وسارة كمان عشان مننساش الناس اللى على وش ولادة

الله يكرمك يارب يارونى ويكملك على خير وتقومى بالسلامة وربنا يفرحك بالعريس الصغنن يارب

[Om Rodina]

ماشى ياجوجو اتفضلى ياحبيبتى وربنا معاكى

[princess princess]

رانيا ربنا يحمى حاستك السابعه . وده يدل على اهتمامك يا جميل . بس المهم الاقى الرد لأنى بقالى اسبوعين محدش معبرنى !!

[Om Rodina]

ماشى يا جوجو انا ممكن اقوم واجى وكدا

هبدأ حملة الطبيخ بعد قليل

ربنا يعينك ويقويكى يارب يارونى وخلى بالك من نفسك ياحبيبتى

[Om Rodina]

معلش يابرنسيس والله مش هاقدر افيدك لانى مش من القاهرة وربنا يوفقك للى فيه الخير يارب وتقومى بالسلامة

[Om Rodina]

روحتى فيييييييييين يارونى

[Rania Negm]

ايه يا رفيدة ؟؟ انتى بتوزعينى ولا ايه ؟؟؟

لسه قاعدالى قيمة تلت اربع دقايق كدا هههههههههههههههههه

[Rania Negm]

إنى هونااااااا

كنت بشيك ع الفيس بووووك

يا رورو هو الاسبوع ال 33 ده ياعنى الاسبوع التانى من التامن ولا التالت ؟؟؟

[princess princess]

شكرا رانيا , ام دانا , جوجو . على الرد و حد بقى يحدفلى حبة عجوه بالعسل عشان ربنا يسهلهالى

[Rania Negm]

ياقلبى ........ الله معاكى يارب

اقولك على حاجة برنسيس ؟؟؟
قومى اغسليلك سجادة وانتى تولدى فيها هههههههههههههههههه

بجد كانوا يقولوا كدااا وضع القرفصة ده تقريبا بيسهل الموضوع

بس موش تستعجلى خللى النونو قاعد جوه بينام ويصحى ويعمل بيبى ويغير وياكل لوحده

[Om Rodina]

رونى حبيبتى الاسبوع التانى من الحمل ان شاء الله وربنا يكملك على خير يارب يارونى

[Rania Negm]

ياااااااااااااااااااااااااااااا الله

يا مصبرنى ياااااااااااااااااااااااارب

[Om Rodina]

حبيبتى قصدى الاسبوع التانى من الشهر الثامن باذن الله يارونى

[Rania Negm]

طيب يا بناويت

انا هقوم اسرح فى الشقة شوية اعك فى المطبخ شوية واغير الملايات

ههههههههههههههههههههههههههه صحيح محمد بيزعل اوى لما بغير الملاية بيقولى ليه كدااا دانا كنت قربت آخد عليها هههههههههههههههههههههههههههه

كسل الحمل وحش ياولاد والله جابلنا الفضايح

[Om Rodina]

والله فعلا يارونى الواحد حاسس فى الشهرين الاخريين دول ان الايام مش بتعدى تحسى كانها تقيلة جدا يالا ربنا يهون علينا ويقومنا كلنا بالسلامة يارب

[Om Rodina]

ياحبيبة قلبى ربنا معاكى وبكره تقومى بالسلامة ان شاء الله وترجعى تانى زى النحلة فى البيت باذن الله هههههههه

[Rania Negm]

تفتكرى صحيح يا رورو ؟؟؟ انا اشك

كنت لسه بقول لمحمد كدا

بقوله معقول هرجع اقوم من ع السرير وانط كدا

واتقلب عليه براحتى؟؟؟

وعضمى ميوجعنيش؟؟؟ ومحدش يشدنى عشان يقومنى ؟؟؟

وبطنى هتفضى ؟؟ وهعرف اوطى واجيب الحاجات من الارض ؟؟؟ لااااااااااااااااء وهخس تانى بئى والبس الهوت والفوت والكوت ؟؟؟؟

اشششششششششششششششششششششششششك

[Rania Negm]

لاااااااااااااااا واهم حاجة ياترى مناخيرى هتفش ؟؟؟؟؟؟؟

[Om Rodina]

ياحبيبة قلبى ان شاء الله هاترجعى احلى وانشط من الاول كمان اكيد كل الحاجات دى اعراض حمل وبس ولما نخلص من اللى احنا فيه هانرجع لحياتنا الطبيعية تانى باذن الله

[princess princess]

راااااااااانيا تصدقى ان انا كمان بقول لجوزى نفس الكلام والله . انا زيك مش بعرف اتقلب وانا نايمه ومناخيرى بقى ..... عظيييييييمه وبفتح دولابى تصعب عليا الهدوم اللى حمضت من كتر الركنه . ومش بعرف امشى زى ما الدكتور قايل من وجع ضهرى ورجلى .. يلا ربنا يقومنا بالسلامه ويجعله فى ميزان حسناتنا

[Rania Negm]

يااااااااااااااااااارب يابناااات اللهم امين ياااااااااااااااارب

يلا انا هسيبكوا بئى عشان اشوف الماراثون اللى ورايا

برنسيس ابئى ادخلى كتييييييييير عشان نتكلم معاكى

ولما تولدى ادخلى طمنينا

يلا سلاااااااااااااام يابنات سلام يارورو

[gogo]

فينكم يابنات

[Rania Negm]

بااااااااااااك

جوجو آر يو ذييييييييييير ؟؟؟

[ماما قلقانه]

السلام عليكم ورحمة الله وبركاته

[dr.princess]

سلام سريييييييييييع

[ماما قلقانه]

ليه سريع يا لولو انتى هتروحى فين انا ما صدقت لقيت حد وهقوم اقفل الباب .ههههههههههههه

[Om Rodina]

سمورة حبيبتى ازيك واخبارك ايه واخبار الكتكوتين ايه يارب يكونوا بخير

[Om Rodina]

رونى وجوجو انتوا فيييييييين
لولو حبيبتى ازيك واخبارك ايه هاتسلمى على السريع ليه هو احنا لحقنا نطمن عليكى ياجميل

[dr.princess]

رانيا جوجو سمر ام رودينا ازيكم يا قمرات
معلشى يا سمر عندى حفظ متأخر كالعادة طبعا وكمان ورايا طبيخ

[Om Rodina]

ياحبيبتى ربنا يعينك ويقويكى ويثبتك على طاعته

[ماما قلقانه]

ازيك يا ام رودينا عامله ايه يا قمر

[Om Rodina]

الحمد لله بخير ياسمورة ماشى الحال

[ماما قلقانه]

اذا كان كده خلاص يا لولو براءه.ربنا يعينك ويثبتك دايما يا حبيبتى

[ماما قلقانه]

مش عارفه ليه يا ام رودينا بقيت بحس ان الشهور بتمشى بطئ جدا.ربنا يدينا ساعه سهله يارب

[Om Rodina]

فعلا والله ياسمورة الواحد حاسس ان بقاله كتير اوى وكمان الشهور كلها عدت الا الشهر الاخير ده حاسة انه بيعدى زى السلحفاة ماشى ببطئ فظيع والواحد ماعاد قادر خالص فيه

[Om Rodina]

يارب ياحبيبتى اللهم امين ربنا يسهل علينا ويقومنا كلنا بالسلامة يارب ويفرحنا بيهم يارب

[Om Rodina]

سمورة حبيبتى هاستئذنك هاقوم شوية وهارجعلك تانى علطول باذن الله

[Rania Negm]

سلاااااااااااااام عليكم يا حوامل

سمر كيف الحال يامو العيال ؟؟؟؟

ألووووولوووووو الله معك ويثبت حفظك يااااااااااارب

روروووووووووو ياعم الرايق اللى موش وراه طبييييييييييخ اخخخخخخخخ يانا بحقد عليكى فى موضوع الطبيخ ده

[ماما قلقانه]

طيب انا مستنياكى يا ام رودينا.رانيا فينك يا بنتى كل ما ادخل تخرجى .انتى عامله ايه انتى وحلموس بيتنطط ولا عامل فيها مؤدب

[Rania Negm]

تمام يا مسر الحمدلله

لا بيتنطط وعاملها سيرك جوااا

تلت مرات ينزل للحوض ويرفع راسه تانى ابن الذين بيلعب شقلباظ جوه

[ماما قلقانه]

طب انا اعمل ايه يارانيا انا واحد بيتنطط فوق وواحد تحت مسليين بعض جوه عامل زى ما يكون واحد بيشبك ايديه والتانى يطلع فوقها وينط متخيله.........

[Rania Negm]

سموووووووووووووور وينك ؟؟ مشغولة ولا ايه ؟

[gogo]

انا جيتhwaml7

[ماما قلقانه]

ايه التوقيع الجامد ده يا عم .لاااااااااا دانتى دماغ

[Rania Negm]

هههههههههههههههههههههههههههههههههههههههه ياسكررررر

الا صحيح ياعينى ده تلاقى اللى حامل فى توأم دى متظبطة ياحرااااااام

معلش الله يوصلهم بالسلامة ويهديهم

[ماما قلقانه]

انا معاكى يا رانيا بس النت ابن الايه هو اللى بطئ

[Rania Negm]

يا جوووووووووووجتى ويلكم باااااااااك

..................

اه شفتى يا سمر قال ياعنى بئى

[ماما قلقانه]

ازيك يا جوجو عامله ايه نقلتى فى شقه ولا لسه فى فندق

[Rania Negm]

جوجو هجت من البلد واللى فيها

اظن يا جوجو شبعتى بامية لما قلتى يابس

[gogo]

ده فيه ستات بقى بيحملوا ف تلاته ياعينى دول تلاقيهم بيقضوا ال 9 شهور على السرير حظر تجوال

[ماما قلقانه]

بقولك ايه يا رانيا انتى وجوجو ما عندكوش اسامى بنات جديده انا محتاره فى اسم البنت .احمد ابنى بيقولى يا ماما ما نسميهاش حاجه ونقولها روحى يابت تعالى يابت بالذمه شوفتوا كدا

[gogo]

ههههههههههه ياسمر انا نقلت من البلد كلها
ورجعت مصر

[gogo]

انا عن نفسى بحب اسم ساره ومريم


رانيا وحياتك مكلتها لحد الوقتى

[ماما قلقانه]

معلشى يا جوجو انا معرفش نورتى مصر يا حبيبتى.تحيا جمهورية مصر العربيه.

[Om Rodina]

انا رجعت تانى ياحبايبى
رونى ليه بس كده والله العظيم انا عندى اقف طول اليوم فى المطبخ وشغل البيت مش مشكلة خالص بس يبقى زوجى معايا الله لا يوريكى حالى ده ياحبيبتى والله وربنا يجمع شملنا على خير ياااااااااااااااارب

[Rania Negm]

هههههههههههههههههههههههههههههه ابنك ده سكررررررررررررر

انا لما كنت بنت لسه فى بيت بابا كان عندى فايل كبيييييير مليان اسمااء بنات

هفتكرلك منه شوية مممممممممممممممممممممممم

فى جو الاسماء الاسلامية هى شيك وراقية والاسماء القديمة اللى رجعت موضة :

رقية

حفصة

جويرية

جودىّ وتنطق بالشدة زى القرآن

فيه الاسماء القديمة

شاهندا

فريدة

عالية

وفى كمان على ما أذكر

ليلى بالكسر

لمار

كرمة تتنطق : كااااااااااارمة

صبا " انا لو كنت حامل فى بنوتة كنت هسميها صبا او كرمة

شادن

[gogo]

ربنا يجمعك بيه على خير يأم دانا ومعاكوا البيبى

[Rania Negm]

اه طبعا يا رووفيدتى .. ربنا ما يحرمك منه ابدااا ويجمعك بيه على خير ياااارب ويقرب البعيد

..........

فى كمان يا سمور

تامى ... وتالا ... و مليكة ..... ريفان .... ريماس .... وعندك رانيا اسم روش جدا على فكرة :))

[Om Rodina]

سمورة حبيبتى فيه اسماء زى :
هنا
جنى
حلا
لمى
ريماس
لين

[gogo]

رانيا بتهيقلى البيبى الوقتى بيحمد ربنا انه ولد

[Om Rodina]

ربنا يجمعك بيه على خير يأم دانا ومعاكوا البيبى

ربنا يخليكى يارب ياجوجو ويرزقك بالذرية الصالحة اللى تفرح قلبك يارب

[Rania Negm]

هههههههههههههههههههههههههههه ليه يا جوجو هانم ؟؟

[Om Rodina]

اه طبعا يا رووفيدتى .. ربنا ما يحرمك منه ابدااا ويجمعك بيه على خير ياااارب ويقرب البعيد

يارب ياحبيبتى اللهم امين ربنا يسعدك يارب

[ماما قلقانه]

انتى ناويه تسمى حلموس ايه يا رانيا ادينا فكره

[Rania Negm]

على اسم جدووو ان شاء الله
أحمد

والحمدلله ان جدوو اسمه احمد موش حاجة تانية

بس انا كنت ناوية اسمى أبو بكر أو آدم

[gogo]

هههههههههههههه يارانيا انتى لو كنتى جبتى بنت كنتى هتعقديها بالاسامى بتاعتك اما الولاد بيستحملوا مبيهمهمش

[Om Rodina]

سبحان الله ليه مش عارفة اسامى البنات هى اللى بتحير والصبيان لا
البنات دول متعبين فى كل حاجة ههههههه

[ماما قلقانه]

ان شاء الله الولد يبقى يوسف او عبد الرحمن اما البنت هيا اللى محيرانى بطريقه.ربنا يجيبهم بالسلامه واسالهم هما عاوزين يتسموا ايه.........؟

[Om Rodina]

ايه الصورة العسل اللى حطتيها دى يارونى حلوة اوى

[Rania Negm]

ههههههههههههههههههههههه اصل فى ماراثون فى اسماء البنات

كل يومين يطلع اسم جديد وفجأة ينتشر

فكل أم بتبقى عايزة تسمى البنوتة اسم موش يتكرر ولكن هيهاااااااااااااااااات

انا اول مرة عرفت اسم كرمة ده كان صاحبة اختى هى ست راقية جداااااااااااا وبنت ناس كدا

بنوتتها اسمها كرمة وكانت أودام الشغالة بتاعتهم تندهلها اسم تانى ال ايه عشان الاسم ميتعرفش مثلا فى الليفيل بتاع الشغالات

هههههههههههههههههههههههههههه عالم دماغها فاضية

[gogo]

ربنا يقومكم بالسلامه وبعين موضوع الاسامى ده بيتغير 100 مره
انا اختى قبل ما تولد قالت اسامى كتير وبعد ما ولدت سمت حاجه تانيه

[Om Rodina]

اما البنت هيا اللى محيرانى بطريقه.ربنا يجيبهم بالسلامه واسالهم هما عاوزين يتسموا ايه.........؟

تصدقى فكرة برده ياسمورة اهى ممكن تريحنا شوية وهما اللى يختاروا اللى عاوزينه ونبقى خلينا مسؤليتنا ههههههه هو انت فى الشهر الكام دلوقتى ياسمورة

[ماما قلقانه]

اخدتى بالك يا ام رودينا رانيا دايما بتفاجئنا بالجديد

[Rania Negm]

ههههههههههههههههههههه رقية أليطة زى صاحبتها بئى وبتاع

..............

يا سمووور ربنا يجيبهم بالسلامة يارب .. عبد الرحمن جميل . خير الاسماء ما حمد وعبد

[gogo]

هههههههههه دى ست رايقه جدا يارانيا هما الناس فضين للدرجادى
خليها تسجل الاسم ف الشهر العقارى مهو الفاضى يعمل قاضى والله

[Rania Negm]

رقية مييييين

اصدى رفيدة

انا هيست باين

[ماما قلقانه]

انا فى نص السابع يا ام رودينا .يامسهل

[Rania Negm]

روحتو صوتوا يابنات ؟؟؟؟؟

قلتوا نعم ولا لااااااااااااااء ع الاستفتاء ؟؟؟

انا شخصيا كنت بصوت وانا هناااا كان عندى مغص كلوى

[gogo]

انا روحت وقلت نعم

[Om Rodina]

على رايك والله ياسمورة وجوجو معقول فيه ناس بالتفكير ده يابختهم على الفضى اللى عندهم مافيش حاجة شغله دماغهم الله المستعان ههههههه

[Rania Negm]

نعم ؟؟؟ ياعم الجامد ال ياعنى استقرار بئى وموش عارف ايه

انا بصرراحة كنت محتارة موش عارفة ل كنت هقول نعم ولا لااء

بس فعلا البلد محتاجة تستقر .. الله يستر مافيش دخل يقبضوا منه الموظفين فى شهر 3

[Om Rodina]

ربنا يسهل عليكى يارب ياسمورة ويتمملك على خير ويفرحك بيهم يارب

[Rania Negm]

هههههههههههههههههههههههه انا جيهان اختى مصورة صباعها وفرحانة بيه اوى وعاوزة تحطله مثبتات عشان اللون ميطلعش

ههههههههههههههههههههه فكرتنى بعادل امام فى الواد محروس بتاع الوزير لما بروز صباعه

[Om Rodina]

انا كان نفسى اروح والله بس بصراحة ماقدرت خالص ربنا يصلح حال البلد وتستقر على خير بقا

[ماما قلقانه]

اللهم امين يفرحنا كلنا باولادنا يا ام رودينا .

[Rania Negm]

يا خبرررررررررر

الوقت ازف

القاعدة معاكو بتسرق الوقت

هقوم اخد شاور لانى عجيبة بعد التنضيف والطبيخ

واصحى محمد يلحق يصلى

سلااااااااااااااااااااااااام لو نام بدرى هدخل باليل ان شاء الله

امممممممممممممممممممممموع

[Om Rodina]

واضح كده يارونى انكم ماشاء الله عليكم زى العسل ربنا يباركلكم يارب ويصلح لكم الحال

[gogo]

انا قلت نعم مش عشان الاستقرار وبس لاكن علشان الدستور هيتغير هيتغير ان شاء الله لما يمسك ريس جديد وكمان المواد الى اتغيرت هى اهم المواد الى كان الشعب والاحزاب معترضين عليها وكمان السبب الاهم الماده الى بتمنع اى واحد معاه جنسيه تانيه يترشح او متزوج من اجنبيه دى عندى بالدستور كله

[ماما قلقانه]

سلام يا رونى هستناكى بالليل .انا كمان هستاذنكم اقوم اريح ظهرى شويه سلام يا قمرات

[Om Rodina]

مع السلامة يارونى ونشوفك على خير ياجميل
فى رعاية الله

[gogo]

سلام يارانيا انتى وسمر نشوفكم على خير ان شاء الله

[Om Rodina]

ماشى ياسمورة اتفضلى ياحبيبتى وربنا معاكى يارب

[gogo]

ام دانا انتى منين من مصر

[Om Rodina]

معاكى حق والله ياجوجو فى كلامك وباذن الله ربنا هايكتبلنا الخير ويقدر لنا اللى يحكم بشرع ربنا

[Om Rodina]

انا من كفرالشيخ ياجوجو

[gogo]

يارب يام دانا لو مسكها حد كويس حال البلد هيتصلح وده الاختيار الاصعب فعلا

[Om Rodina]

صحيح والله بس احنا ندعى ربنا ان اللى يمسكها يتقى الله فى الشعب ويحافظ على خير البلد

[Om Rodina]

جوجو حبيبتى هاستئذنك اقوم اصلى المغرب وارجعلك تانى ان شاء الله ياحبيبتى

[gogo]

يارب ربنا يعمل الى فيه الخير

[gogo]

اتفضلى يأم دانا ربنا يتقبل منك
انا كمان هقوم علشان جوزى زمانه جاى هحضر الغدا

[أم هنا]

أنا بجد مبسوطه أوى من التجمع ده انا مصرية وكنت حامل واجهضت فى الثالث وربنا يرزقنى ويعوض عليه لسه متجوزة من 4 شهور بس نفسي في بيبي أوى

[princess princess]

السلام عليكم يا اصحابى .. انا بااااااااااااك .. ام هنا يارب يرزقك ويفرح قلبك يارب

[أم نورين2012]

أين أنتم يا فتيات رحتو فين وليه محدش سهران النهرده

[أم نورين2012]

أم هنا منور ياجميل معانا أنا كمان لسه متجوزه من 6شهور إلا كام يوم وربنا يارب يرزقني ويرزقك بالذريه الصالحه أحنا وكل محرومه
برنسيسه ولكم باك ياقمر أخبارك إيه عسل وأنتي كمان وحشتينا

[gogo]

ميرى انا هنا عامله ايه وحشانى

[رحماك يا معين]

السلام عليكم
ياريت ابقى معاكو
انا في الرابع
ربنا يكرمنا كلنا

[gogo]

اهلا بيكى رحماك يامعين تنورينا وربنا يقومك بالسلامه انتى والنونو

[أم نورين2012]

أهلا أزيك ياجوجو يابت أنتي وحشتيني أوي أخبارك إيه ياقمر وصحتك عامله إيه وحمد لله علي السلامه ونورتي مصر ياجميل معلش هي جات متأخره مني بس متعوضه لما أبارك ليكي علي الحمل أن شاء الله
رحماك منوره ياحببتي معانا هاتي بياناتك عشان نتعرف عليكي وربنا يكملك علي خير أن شاء الله

[رنا خالد]

وحشتوني يابطابيط عاملين ايه
جوجو كده تغيبي علينا كل ده عامله ايه يابنيه
وانتي يادودي ليك يوحشه ورحماك منوره امال توته فين؟
وحشتني البت دي

[gogo]

الله يبارك فيكى ياميرى انتى ايه اخبارك

[gogo]

رنااااااا وحشانى يابنتى عامله ايه

[رنا خالد]

والله انتي وحشاني اكتر ياهاجر
مبروك علي الاستقرار ويارب يكون دايم

[gogo]

يارب يارنا من بقك لباب السما
لوجى عامله ايه بقت كام شهر الوقتى يارنا

[gogo]

ميرى بتختفى فين يابنتى

[gogo]

فينكم يابنات

[أم نورين2012]

أزيك يابت ياروني عامله إيه ياوحشه وأنتي كمان وحشاني خلاص أنتي وزأرده بتعتك ومبروك ياعم علي الخروك طبعا كانو اليومين اللفاته عندك عيد خليني اقول ماشاء الله أحسن تقولي أني بحسدك

[أم نورين2012]

جوجو رنا أنت عندك حساب فالفيس لو عندكم أدوني أسمأكم عشان أسجلها

[أم نورين2012]

أمال فين توته وساره وسميه ورانيه ولولو وسمر وملك الوحشه إلي من زمان مكلمتهاش وأم رودي ياه يابنات كانت اللمه حلوه والسهره لازم تكون صباحي دلوقتي بنادي علي بعض ونلم بعض بالعافيه

[رنا خالد]

انا جيت كنت بسكتها فظييييييييييييييعه
جوجو لوجي قصدي البت المفعوصه دي عندها 3 شهور
وعشر ايام يامهون يارب
دودي انا جوزي متربس علي حكاية الفيس دي
ومديني الباسورد بتاع الاكونت بتاعه بدخل عليه
بيقولي خايف عليكي تقولش هاتخطف ههههه

[أم نورين2012]

وإيمي شكلها يعيني تعبانه من الحمل ومعاه المسؤليه ربنا يقويها ويصبرها ويكملها علي خير أن شاء الله**

[أم نورين2012]

أمال فين البت توته زمان نور نامت وقالت أريح معاه شويه قبل ماتصحي عشان أكيد هاتصحيها لصبح
رانيه مش أنتي قلتي يابت أنك هاتدخلي بليل ليه مدخلتيش
لولي وحشتيني ياقمر أخبارك إيه معلش ماكلمتكيش أنهرده عشان كنت مشغوله أن شاء الله نتقابل بكره علي خير

[رنا خالد]

اه ايمان دي الله يكون في عونها
مش عارفه دي هاتعمل ايه
انا مش ناويه اجيب تاني عير بعد 4سنين

[ام يحيي 2011]

السلام عليكم

جيت ع السيره اهو يا ميرى عشان ما تزعليش يا حبى وحشتنى موت


رنااااااااااا ازيك يا عسل وحشنى والله فين بقالك يومين مختفيه ليه كده

[ام يحيي 2011]

روحتوووووووووووووووووا فيييييييييييييييييييين

[رنا خالد]

انا هناااااااااااا
ساره وحشتيني بجد
اصل جوزي كان بيخرجني بقي اليومين اللي فاتوا وراضي عني وكنا بنيجي متأخر تعبانه جدا فكنت بدخل انااااااااااااااااام عشان كده ماكنتش بدخل
اخبارك ايه ويويو عامل ايه معاكي
هانت ولا لسه

[ام يحيي 2011]

هو ايه ده يعنى امشى ولا ايه

[ام يحيي 2011]

ربنا يفرحك ياااااااااااااااااااارب يا جميل ويهديلك لوجى العسل

اهو والله امبارح بعد ما قفلت تعبت اوى وعندى مغص كده بيروح ويجى وأسهال فظييييييييييييييييييييع الله المستعان دعواااااااااااااااااااااااااااتك

[رنا خالد]

ساره نامت ولا ايه
سااااااااااااره
دودددددددددددددددددددي

[ام يحيي 2011]

ايه يا جدعان بتناموا حبه وبتجوا ولا ايه


روحتى فين يا مرمررررررررررررررررررررر

[رنا خالد]

ربنا يرزقك بساعه سهله يارب ياساره
هانت خلاص وهاتبقي ام ياعم وتسهري زينا ونفرح فيكي
قصدي بيكي هههههههه

[ام يحيي 2011]

انا اهو من ينادى

نوروا النور يا جماحه احسن احنا بنختفى ولا ايه

[رنا خالد]

انتي ساكنه فين ياساره صحيح؟
ومتجوزه امتي؟
تطفل هههههههه

[ام يحيي 2011]

هههههههههههه
يا ستى تفرحةا فيا او بيا المهم نفرح وخلاص ويبقى واد عسول ذى لوجى كده

هى دى لوجى الى فالصوره

[ام يحيي 2011]

فى اسكندريه فى التلج يعنى ما تعرفيش ليه الصيف مش راضى يطلع عندنا

متجوزه الصيف ده فشهر 7 اول ما خلصت امتحانات علطول كان عندى امتحان شفوى فى اسبوع الفرح قبليه طبعا

[رنا خالد]

ياحيني في اسكندريه الله معك يابنيه
اه دي صورة لوجي حلوه ولا؟
وعقبال كده مانشوف صور يحي
اسم يحي جميل اوي ماشاء الله انا بحبه اوي بحسه شيك ومش منتشر
ده اسم حماكي انا فهمت من كلامك بس ياتري انتي اللي اختارتي الاسم ولا جوزك
يعني ماكنش في علي الاسم اي مشاكل لقدر الله ههههههههه
اصلي واخده علي المشاكل ههههه
انا وجوزي نأر ونأير

[ام يحيي 2011]

ذى السعل ربنا يخليهالك ياااااااااااااااااااااااااااااااااااارب ونفرح بيها بقى ونجوزها علطول علطول الا صحيح لسه ابو حمبد خطبها مش بيدخل برده يااااااااااااااااااااارب يكون خير

اما بالنسبه للأسم لا بالعكس انا أصلا بحب أسم يحيى وأنا الى عايزه أسميه مش باباه دى حتى أحمد يقولى هيبقى تقيل يحيى أحمد يحيى وأنا أقوله لا أصله مخترلى أسماء غريبه شهاب وبهاء وعمار وحاجات كده تعل فقلت لالالالالالالالالالالا يحيى أرحم طبعا

[ام يحيي 2011]

وما تقلقيش كل الأزواج كده مش بيلاقوا حد يطلعوا فيه زهقهم الا احنا غالبه طووووووووووول عمرنا الحمد لله

[رنا خالد]

ههههههههههه وربنا انتي عسل ياشيخه وربنا يخليلك يحي يارب ويبارك لك فيه

[ام يحيي 2011]

يااااااااااااااااااااااااارب اللهم آآآآآآمين

الا صحيح يا رونى انتى لما كنتى بتعملى سونار كنتى بتشوفى لوجى كويس اصلى بصراحه مش بشوف اى حاجه خالص

[ام يحيي 2011]

روحتى فين يا قمر

[ام يحيي 2011]

لوجى مغلباكى ولا ايه

[ام يحيي 2011]

انا كده هنام منك

[ام يحيي 2011]

hwaml17hwaml17hwaml17hwaml15hwaml15hwaml15

[ام يحيي 2011]

اهئ أهئ أهئ

[ام يحيي 2011]

ظلموه ظلموه القلب الخالى ظلموه شغاله وسبوه وعلى الهادى طبخوه
آآآآآه نيموه ونسوه وهو يعنى لوحدوه

[ملوكا التووتا]

يسعـــــــــــــــــــــــــــــــــــــــــــــــ ــد صبــــــــــــــــــــــــــــــاحكـــــــــــــــ ـــــــــــــم

صبـــــــــــــــــاح الابتســـــــــــــــــــــــامة الحلـــــــــــــــــــــــــــوة

صبـــــــــــــــــاح الفــــــــــــــل والجــــــــــــــــــــــوري

صبــــــــــــــــــــاح الخيـــــــــــــــــــــر علــى حبايـــــــــــــــب قلبــــــــــــــــــــــــــي

[ام يحيي 2011]

طيب انا هقفل بقى واغنى ظلموه على السرير يمكن اعرف انااااااااااااااااااااااااام

ودعواتكم كتييييييييييييييييييييييييييييييييييييييير يا حبايبى

[ايمان العليمي]

السلام عليكم

عاملين ايه يا انسات..... اه انسات في حاجه ولا انتم عاملين نفسكم بقي

متجوزين وحوامل بقي وكده ؟؟؟؟ :)

[somia]

ياحيني في اسكندريه الله معك يابنيه
اه دي صورة لوجي حلوه ولا؟
وعقبال كده مانشوف صور يحي

انتي بتتكلمي بجد يا رنا لعلمك انا مشغولة جدا بس ما قدرتش ما اردش بعد ما شفت صورة القمر باسم الله ماشاء الله عليها ربنا يباركلك فيهايا رب.. لعلمك باذن الله تعالى هابتدي انتظم في الدخول من بعد بكره واطالب بحقي الشرعي لصور بنت اختي والا هتلاقيني خدتها منك ..هههههههههههههههه

[dr.princess]

مغص مغص مغص الله المستعان

[رنا خالد]

نمتوا شكلكوا كده وانا اللي صاحيه اهئ اهئ

[رنا خالد]

لولو مالك ياحبيبي سلامتك؟

[رنا خالد]

حابه اطمن عليكي يارب تدخلي بقي قلقتيني ووحشتيني كمان

[dr.princess]

ازيك يا رنا اخبارك ايه
والله مغص مش عارفة فيه ايه جوزى ياعينى صحى مخضوض على عياطى فزعته وهى دى مناظر يشوفها على الصبح برده هههههههههههههههههههههه

[dr.princess]

انتى ايه اللى مصحيكى لغاية دلوقتى

[رنا خالد]

معلش يستحملك ماحنا ياما استحملناهم هههههههه
والله البنت نامت الساعه 6 فقلت استني افطر احمد بدل ماينزل من غير فطار اصله لما مش بيلاقني بيتسحب وينزل من غير اكل فانا قلت ازغطه وابقلظه وادخل انام
والله زعلتيني يالولتي سلامتك انتي يابنتي منظوره حد ار عليكي واداكي عين حلوه
ده انتي ياعيني علي طول تعبانه بس هانت كلها كام شهر وبح وافرح فيكي قصدي بيكي
ادخلي بقي النهارده بالليل لو قدرتي عشان واحشني ادش والك معاكي

[dr.princess]

مش عارفة ايه حكاية المغص دى بقاله تقريبا اسبوع ربنا يستر مع انى مش بعمل مجهود ابدا ولا بتعب نفسى فى حاجة
اللى مخوفنى بقى ان جوزى يتلكك وميخرجنيش النهاردة لالالالا ده انا اقطعه ههههههههههههههههههه

[dr.princess]

والله يارنا انا صاحية من 4 بس مالقتكيش فكلمت توتة وايمان على الفوس فوس

[رنا خالد]

لااااااااااااااااااااااا
اوعي يالولو تستسلمي زني علي ودانه لحد ماتورميها
بس لو تعبانه اجليها لبكره
الوقفه وحشه كمان يالولو في الشهور الاخيره دي يمكن اخطر من المشي
ارحمي نفسك بقي من الطبيخ وطبق اليوم بتاعك ده ههههههه واقعدي كده زي الباشا في السرير
حد يلاقي دلع ومايدلعش دي ايامك يابنتي وبعد كده هاتشقي شقا اسأليني انا

[رنا خالد]

لولو هي صورة توته علي الفيس نفس صورتها اللي علي المنتدي في الصوره الرمزيه
اصلي مش عارفه الاقيها وانا لسه ابيض في حكاية الفيس دي

[dr.princess]

ههههههههههههه لالا مش هسيب حقى انا مخرجتش بقالى 3 اسابيع الا يوم زيارة صاحب جوزى اللى قلتلك عليها دى وكانت زيارة زفت
وبكرة رايحين نشترى اكل الشهر وهو كان عايز نخرج بكرة وخلاص وانا فضلت ازن انى لازم اخرج النهاردة ربنا يستر ومتعبش ساعتها

[dr.princess]

اصلا معدش اى حاجة فى الثلاجة غير صدور مخلية فهقطعها واعملها كبسة كده وهى بسيطة مفيهاش تعب ولا حاجة واصلا مش هعملها قبل الساعة 5 يعنى لسه بدررررى

[dr.princess]

اه نفس الصورة
هبعتلك اسمها واسمى فى رسالة خاصة علشان تضيفينا

[dr.princess]

والله نفسى اعمل بانية بموووت فيها بس بتطلع عينى فى التحمير ومش هستحمل اقف كل شوية اتابعها

[dr.princess]

يادى النيلة نفسى هفتنى على البانية شكلى كده هتهور واعملها وتعب تعب مش مشكلة

[dr.princess]

رحتى فين يا رنا
انا ضفتك خلاص

[رنا خالد]

انا هنا يالولتي هاموووووووووووووووت وانام
هادخل انام نوم التنين بس قبل مانام يالولو بوجهلك رساله عبر المنتدي
بلاش طبق اليوم ياعلياء وحياة عيالك ياشيخه واذا كان علي البانيه ابعتلك صورته وخلاص
اكتفي بهذا القدر هههههههههه
اشوفك بالليل لو قدرتي عايزاكي تتحايلي عليه يخرجك اتحايلي بفترا
وماتستسلميش اللي القاء ياحاجه

[dr.princess]

هههههههههههههههههه ياختى انا محتارة مش عارفة بفكر اعمل شاورمة وخلاص ونقضيها ساندوتشات شكلى كده مش هطبخ اصلا هههههههههههههههههههه
ولو على الخروجة لالالالا مش هتنازل عنها ابدا ابدا مهما يكون ههههههههههههههههه
تصبحى على خير يا رنووون ولو قلقت بالليل ان شاء الله ادخل ونتكلم

[Rania Negm]

وحــــــــــــــدووووووووووووووه

[dr.princess]

لااااااااااااا اله الا الله
انتى فين من بدرى ده انا خلاص كنت داخلة انام

[Rania Negm]

لووووولوو صباح الفل

انا لسه صاحية بضرب الاولد شوز عشان اخد الدوااااااااااا

انتى اللى ليه صاحية زى الفراخ من النجمة ؟

[dr.princess]

معدتش بعرف انام بالليل اول ما بقلق للحمام طبعا مش بعرف انام تانى فتقريبا كل يوم بصحى من 4


لالالا ماتكسليش خدى الدواء بتاعك

[dr.princess]

وفى كل الاحوال بصحى افطر جوزى هو بيصحى 6 الا ربع يعنى مفرقتش كتير

[Rania Negm]

شفتى موضوع التويلت ؟؟؟؟

ده جباااااااااااااااااااااااااااااااار

انا امبارح صحيت 3 مرات للتويلت

والموضوع زايد معاها لأنى باخد مدرات للبول عشان الصديد

بس مهزلة دخول التويلت فى الحمل ده مهزلة

[Rania Negm]

الحمدلله ان محمد مبيحبش ياكل حاجة لما يصحى غير يشرب شاى

فأنا فى اول الجواز اول كام يوم كنت اصحى اعمله شاى

بعد كدااا دماااااااااغك قلتله اول ما توصل السايت خللى التى بوووى يعملك شاى على طول

ايه ياختى الدلع المريئ ده

[dr.princess]

ههههههههههههههههه لا والله انا اللى بحس بالذنب لو معملتوش الفطار
اوقات كنت بطنش واعمل نفسى نايمة بس ببقى متضايقة طول اليوم

خدى بالك بقى من مدرات البول دى لانها بتوطى الضغط فلو حسيتى بدوخة او حاجة ابقى كلى مخلل او جبنة حادقة او كده

[Rania Negm]

ياشييييييييييخة ؟؟؟ ياريته يوطى هو اصلااا بيعلى

انا موش باخد أدوية انا بشرب بيريل وفيروز والحاجات دى وعصير قصب

صحيح يا لولو فى حد عندك بعتلى ريكويست على الفيس بوك بس مرضتش اتخانق معاه بئى ولا اقول لمحمد يرفع عليه قضية

قلت صاحبتى بئى ونلم الموضوع ههههههههههههههههههه عملتله اجنور وخلاص

[dr.princess]

ايوه يابنتى مدرات البول دى نوع من انواع الادوية اللى بتتاخد علشان توطى الضغط احنا دارسينها ماتقلقيش

مييييين اللى عندى عملك ريكوست
ممكن تكون رنا هى مسجلة باسم جوزها او قوليلى مين وانا اقولك

[Rania Negm]

أحمد حاجة موش فاكرة

هههههههههههههههههههههه ولو طلعت رنا وضفتها جوزى كان يشك فيا هههههههههههههههههههههههههههههههههههههههههههه

[Rania Negm]

احمد حسن يا لولو

[dr.princess]

هههههههههههههههههه هى غالبا رنا اه
بس انا عندى برده احمد اخويا واحمد ابن عمى بس لالالا اكيد مش هم اللى عملولك ريكوست

[dr.princess]

ايوه هى رنا فعلا شبهه فعلا على رأيك هههههههههههههههههههه
لما جوزى يرجع هقوله ان دى رنا علشان ميشكش فيا هههههههههههههههههههه

[Rania Negm]

بس رنا بتهررررررررررررررج داخلة بأكونت جوزهاااااااا


ههههههههههههههههههههههههههههههههه ايه المهزلة دى طب مين يكلم مين ؟؟؟ هى تكلم اصحابه ولا هو يكلم اصحابها

الراجل ده بيضحك عليها

لما اقابلها هسخنها عليه

[dr.princess]

ههههههههههههههههههههه انتى شكلك كده هتهدى النفوس على الاخر

انا برده ليا صاحبتى ضايفانى على حساب جوزها على الفيس وعلى الياهو فعمرى ماكلمتها طبعا لانى مش ببقى عارفة مين اللى موجود

[Rania Negm]

ايوة قلق طبعااااا حتى لو هى اللى بدأت الكلام هتحسى انك موش قاعدة على بعضك ههههههههههههههههههههههههه

[Rania Negm]

يا ستااار يارب الحمام اللى هنا هيشلنى

بصحى مفزوعة عليه ميت مرة

بيلعب باليه على التكييف

دش بووووووم طاااااااااااااخ

وآخرها بقيت اصحى كل يوم على صوت غراب واقف يحفر ع التكييف

بيحصل عندك بردو كدا يا لولو ؟

[dr.princess]

هههههههههههههههههه مانا حاطة فى بطنى بطيخة صيفى بقى اصل جوزها صاحب جوزى وميقدرش يعمل حاجة كده ولا كده ههههههههههههههههههههه

[dr.princess]

ايوه ده الحمام هنا بيلعب مصارعة على التكييف من بره وكمان على شباك المطبخ والحمام بس بيبقوا هادين بيقفوا يعملوا الصوت بتاعهم ده بس
بس غراب دى جديدة مش عندى

[Rania Negm]

هههههههههههههههههههههههه والله مهااااااااازل

مرة قرب الفجر كان فيه شوية غربان واقفين بقى ع التكييف يعملوا اصواتهم ويخبطوا عليه والجو كان هوس هوس

الصراحة انا كنت خايفة وحسيت محمد كمان خاف ههههههههههههههههههههههه اصل الجو كان مريب

وراح قام اتنطر وفتح الشباك وهو عمال يشتم فى الغربان وجاب عصاية المقشة وهشهم هههههههههههههههههههههههههههههههههههههههه ومعرفش ينام تانى وفضل صاحى لحد معاد الشغل

[dr.princess]

ههههههههههههههههههههه ايه جو الرعب ده
انا اصلا بخاف من شكل الغربان وكمان صوتها يرعب والله

[Rania Negm]

كان يوم عجيب

يلا راح لحاله

اخبار مامتك ايه ؟؟ لا جيديد فى موضوع السفر والعملية؟

[dr.princess]

قوليلى يا رانيا ايه احسن وقت يتحط فيه الداونى علشان يعطى ريحة حلوة من اول الغسيل ولا فى التشطيف انا غسالتى اوتوماتك اللى بتتفتح من فوق دى

وانتى جربتى الفانيش بتاع البقع ده بفكر اشتريه ؟؟؟
وايه الاحسن داونى ولا كومفرت واى نوع منهم
معلشى حبة نظافة بقى ههههههههههههههههههه

[dr.princess]

لاو الله لسه يا رانيا هى معادها مع الدكتور يوم السبت ربنا يكتب الخير ان شاء الله

[Rania Negm]

ربنا ييسر ان شاء الله

داونى احسن يا لولو طبعااا وخصوصا داونى الازرق ريحته نفاذة جداااا لما اختى جاتلى هنا علقت على ريحة هدومنا والفوط انها جميلة ولما اخويا جالى وهو نايم على المخده يقولى انتى حاطه فيها معطر ولا برفان

ياخرااااااااااااااشى احساس حلو والناس بتشكر فى نضافتك .... بس المشكلة محمد بطل يحط برفان يقولى ماهو فيها داونى ههههههههههههههههههههههههههههههههههههههه

انا كمان غسالتى بتفتح من فوق بحط فى الدقيقة ال 13 ياعنى اخر دورة شطف قبل التنشيف

فانيش ده ايه ؟ بتاع البقع ؟؟ موش عارفاه موش جربته لاء

[dr.princess]

ايوووه هو ده الاحساس اللى نفسى فيه
جارتى اللى بتحفظنى قران شكرتلى برده فى داونى الازرق خلاص هجيبه على بركة الله
فانيش لونه فوشيا كده للبقع بيجى اعلانه فى التليفزيون اصلى عندى كذا حاجة مبقعة مش عارفة من ايه ففكرت انى اجيبه

[Rania Negm]

ايوة فعلا هاتيه هيعجبك موووووووووت

بالنسبة للبقع عمرها ما شغلت تفكيرى هههههههههههههههههههههههههههههههه

اللى بيبقع هنا بنركنه صف تانى

والله انا احيانا بحس انى مهملة لما بلاقيكو مهتمين بحاجات انا شايلاها من دماغى

ااه يا قلبى يامحمد والله صعب عليا افتكرت لما بقعتله تى شيرت رمادى ببقع حمرا من هدوومى

وياحرام بيقول وهو باصص باستسلام للتى شيرت يا خسارة انا كنت بحب التى شيرت ده اووووى

انا ست مفتريه اخصصصصصصص عليكى يا لولو هتخلينى اعيط والله

[dr.princess]

هههههههههههههههههههههههههه لالا انا باخد بالى اوى من الحاجات اللى ممكن تهد دى فأى حاجة بشك فيها بغسلها لوحدها واراقب المية اللى بتطلع لو لقيتها ملونة يبقى دى فى غرفة العزل على طوول هههههههههههه ولو لا بحطها عادى مع باقى الهدوم

انا بس اللى غايظنى ان عندى كذا حاجة صيفى مبقعة بقع صفرا مش عارفة من ايه انا بس لو اعرف من ايه هولع فيهم مش مشكله بس اعرف ههههههههههههههههههههه

[Rania Negm]

ههههههههههههههههههههههههه بس لو اعرف مين اللى زقنى

بتهيألى البقع لما بتتغسسل صعب تطلع

ياعنى لازم وهى بقعة قذرة كدا وناشفة ممكن تطلعيها بالمساحيق الكلور والبتاع اللى قلتى عليه ده حاجات البقع ياعنى

لما كانت بتحصل فى هدوم الخروج كنت اوديها لدراى كلين يقولى اهم حاجة متكونيش غسلتيها

[ام يحيي 2011]

السلام عليكم


مين هنا يا حلوين

[Rania Negm]

هههههههههههههههههههههه عارفة ؟ اعملى زى بابا

الله يمسيه بالخيييير

كان يرجعلى وهدومه مبقعه .... وبقع من اللى قلبك يحبها بقع سودااااا زفت وحاجات كدااا

متفهميش مثلا كان قاعد فين هههههههههههههههههههههه ببقى هتجنن

كان يرجعلى ياختى بجيركن جااااااااز وجيركن تنر ههههههههههههههههههههههه ويجبرنى انضف البقعة ومكانتش بتطلع يا لووولوووو كانت صوابعى تتهرى

كان مشغلنى فى السخرة يا لوولووو هههههههههههههههههههههههههههههه

بابا ملوش علاقة بشغل البيت ولا اسرار ستات البيوت بس يحب دايييما يفرض رأية فى الحاجات اللى زى دى

كااااااااااااااااان مظبتنى بئى الله يمسيه بالخييييييير

وحشتنى يابااابتى

[ام يحيي 2011]

لولو ورانيا ازيك يا حبايبى وحشتونى موووووووووووووووت

[dr.princess]

هههههههههههههههههه يعنى اوفر فلوس الراجل وماجيبش حاجة

معلشى يا رانيا معدتش قادرة من بطنى خالص والله نفسى اقعد معاكى بس هروح انام شوية جايز ارتاح ادعيلى

[Rania Negm]

اهليييييييييين يا ساااارة

يابنتى كل ما تتأخرى اقول خييييييير يمكن بتولدد

بتيجى وتخيبى آمااااالى

[Rania Negm]

اااه يا حبيبتى شافاكى الله وعافاكى

اقعدى فى حمام دافى طب يا لولو عشان عضلاتك تفك

ربنا يعافيكى ياقمر

[ام يحيي 2011]

هههههههههههههه
لا ما تخفيش شكله مرتاح جوه

كل يوم أتعب وأقول خلاص هانت القيه بيضحك عليا

[dr.princess]

ازيك يا ام يحيى
للاسف يا رانيا معنديش بانيو هنا
تصبحوا على خير يا بنات

[ام يحيي 2011]

الف سلامه عليكى يا لولو ايه اخبار المغص دلوقت

[Rania Negm]

وانتى من اهله يا لولو

هتصحى كويسة ان شاء الله

[ام يحيي 2011]

تصبحى على خير وربنا يطمنا عليكم كلكم وندخل نلاقى العيال كده هما الى بيرغوا بدلنا

[ام يحيي 2011]

بت يا رانيا اوعى تمشى انتى كمان اموتك

[Rania Negm]

لا انا لسه قاعدة على قلبك نصاية كدا بعدين اقوم اخد شاور واخلع الوش الخشب

[ام يحيي 2011]

رانيا هو انتى بتشوفى البيبى كويس فالسونار بتشوفى ملمحه يعنى ولا ايه

[Rania Negm]

لالالالالا خالص

بشوف سكيلتون

الراس عبارة عن دوارية

وبشوف عضام الفخد وسلسلة الظهر

حاجة رعب كداااا

اخر مرة شوفت ملامح ليه كان الشهر الخامس

[ام يحيي 2011]

طمننى يا بنتى أحسن أنا مش بشوف اى حاجه عادى ده ولا ايه

[ام يحيي 2011]

طب الحمد لله فكرت انى بس وكنت بقلق وجوزى يقعد يقولى هيا عمله تقول راسه اهى وبطنه اهى واحنا مش شايفين اى حاجه اصلا هيا بتسبته كل شويه عشان تقيس وزنه وحاجات كده

[ام يحيي 2011]

جبتى حاجات النونو ولا لسه

تعرفى يا رانيا عشان عايزين نحوش عشان الولاده وكده سبحان بيطلعلك حاجات غريبه ولازم تتعمل

[Rania Negm]

ايوا اصله خلاص مبقاش ينفع يجيى كله فى شاشة السونار زى ماكان صغير

فاحنا طبعا موش بنكون فاهمين بس هى فاهمة وشايفة

مرة بتقولى اهى رجوله اهى مربعهااااا

قلتلها انا موش شايفة اى حاجة غير شوية عضم

[Rania Negm]

ايوة يا سارة من فترة وانا اجيب

من الشهر السابع بجيب شوية شوية

ولاد الذذين شبرين ونص وحاجاتهم غالية ناااار

بس لسه موش جبت كل حاجة

[ام يحيي 2011]

بس بيوحشك اووووووووووووووووى كان الأول بتشوفيه كده وتحسى بيه وتطبعلك صورته بقى ودلع وحشنى مووووووووووووووووووووت الواد ده نفسى اشوفه يا ترى شعره هيطلع اصفر ذى باباه ولا بنى ذى هيطلع شكله ايه نفسى اشوفه وحشششششششششششششششششششنى

[ام يحيي 2011]

ربنا يسهلك الحال يا جميل وتجبيله كل حاجه ويجى بالسلامه

أنا كمان بظبط أوضته وبقت عسوله اوى دبديب بقى وعيشه

[Rania Negm]

هيطلع اقرع ههههههههههههههههههههههههه متقلقيش

[ام يحيي 2011]

طب أضحكك جبتله شوذ كده صغنون ما أخدتش بالى من الى مكتوب عليه لما روحت وبوريهم لأحمد قالى مكتوب عليه أى لف مامى على الجذمه يا خرشى قلت يا عم هو هيمشى بيها يعنى ولا يهمه يكتبها على اى حاجه عقد يضحك عليااااااااااااااااااا

[Rania Negm]

انتى هتنيميه فى أدوه لوحده ؟؟؟ ياحراااااااااااااااام

حرام عليكى يا سارة ده هيبقى بيسرسع كدااا وغلبان وانتى رامياه فى الاودة ؟

اصلا موش هيننفع انتى كل دقيقة ونص لازم ترضعى فى البيه وتهشتكى فى البيه وتدحرجى فى البيه

[ام يحيي 2011]

ليه بس كده ما تصدمنيش ده أنا جبتله فرشه وشامبو هسرح لمين بقى

[Rania Negm]

ههههههههههههههههههههههههههههههههههههه دى قلة ادب من اللى صممها على فكرة

[ام يحيي 2011]

لا يا بنتى مش هنيمه فى أوضه لوحده بس هى يعنى هتبقى أوضته يقعد فيها لما يكبر بأذن الله

تعرفى انا نفسى اعمل حاجه بقى فشعرى كده اول لما ربنا يكرمنى واخلف اعمل لونه ايه شيرى عليا

[Rania Negm]

ههههههههههههههههههههههه انا مرضيتش اجيب فرشه

قلت لما اولده اشوف هيطللعله شعر ولا لااء

اصل فرشة النونو بتكون رقيقة اوووى موش زى فرشة الاطفال العادية

فقلت بدل ما اجيبلى فرشة بعشرة خمستاشر ريال ومستفدش بيها

أوفر احسن

شفتى النصاحة ؟؟؟

بس اشتريت قصافة ضوافر ههههههههههههههههههه مهزلة

[Rania Negm]

انتى بتقولى شعرك بنى ... لو مكنتيش عملتى اللون التلجى يبقى هو اشيك لون يمشى معاه طبعاااا

تعملى هاى لايت تلجى

[ام يحيي 2011]

بس هى شكلها حلو هعمل ايه بقى صغوننه كده بس تحسى انها جذمه حقيقيه وفرحت انها شكلها شيك أحسن من الكلوك

[ام يحيي 2011]

قصفه هههههههههههه بس فعلا زوفرهم بتكبر علطول وهما صغيرين

التلجى ده ايه

تعرفى انا كنت صبغه بتنجانى كده فى الفرح اصلى جوزى شعره اصفر مدى لون محمر كده عرفه فقلت اطقم معه بس الصبغه دى بتنشف الشعر اوووووووووووى انا عايزه حاجه مش تنشفه عشان اكيد مش هبقى فاضيه الفه

[ام يحيي 2011]

بتحبى تشوفى طيور الجنه

[Rania Negm]

ماهو لونه بقى ايه دلوقتى ؟؟؟؟؟؟

ماهو الهاى لايت ارحم من الصبغة الهاى لايت بتكون خصل رفيعة فى الشعر

التلجى اللى هو افتح درجة اصفر .. قريبة من الابيض

لون روش جدااااااااااا وراقى جدااا انا كنت عاملاه فى فرحى .. كنت صابغة شعرى كله بنى شوكولاتة وهاى لايت تلجى

كان ايه طرررررررررررقعه

المهم بس ارضية اللون بتاعة شعرك تكون واحدة عشان موش يبقى خلطبيته

انا ناوية اعمله كله حناااا سوداا من دلوقتى عشان الحناا تمنع الصبغة وبعد كام شهرر اعمل لايت فووووووشيك

[ام يحيي 2011]

هحطلك صوره أبنى أختى هى مش حلوه اوى بس هيا الى عندى عىل الجهاز هو اصلا قمر ما شاء الله

[Rania Negm]

قبل ما اتجوز كنت بشووفها اجبار مع ولاد اخواتى

بس دلوقتى لااء لما النونو يجى هبئى ازرعه قدامها

[ام يحيي 2011]

هو راحت علطول كانت بتنزل فالمايه حاجه غريبه كده

[Rania Negm]

اهااااا فعلا يا سارة الالوان الحمرا بتنزل مع الغسيل

هى دى المشكلة فعلاااااااااااااااا

[ام يحيي 2011]

لالالالا انا بحبها اووووووووووووووووووووى فى نشيد جديد لمحمد بشار لمصر كميل اووووووووى

[Rania Negm]

فين صورة ابن اختك ؟؟؟ عاوزه اشوفه قبل ما اقوم

الساعة بقت تلاتة ونصصصصصصصصص ياخرااااشى

[Rania Negm]

لااء انا اتفرست منهم كدا

فى مرة لاقيتهم واخدين اغنية وطنية لمصرمشهورة اووووى ومغيرين كلماتها وعاملنها على فلسطين او بلد تانية موش فاكرة

فادايقت منهم

[ام يحيي 2011]

مش عارفه ايه الأغنيه دى يا رونى والله

مش عارفه نزلت ولا ايه النت تقيل اوووووووووووى

[ام يحيي 2011]

كده هتسبينى لوحدى يعنى

[Rania Negm]

الساعة تلاتة ونص ومحمد بيجى اربعة

انا اصلا مستهبلة ههههههههههههههههههههههههه

هقوم يادوب اظبط الشقة جرى جرى واعمل رز واخد شاااور

[Rania Negm]

لا موش فى حاجة جات يا سارة

انتى اللى دخلتى متأخررررررررررررررررة يا وحشة

يلا آى هاااف تو جوووووو

لو نام لما يجيى هدخل تانى ان شاء الله

سلاموووووووووووووز يا بطة

[ام يحيي 2011]

انتى مشيتى

[ام يحيي 2011]

ماشى يا جميله مع االسلامه بس اوعى تحرقى الرز