دردشة حوامل مصر - دردشة بنات مصر - تجمع حوامل مصر

[dr.princess]

سمية
ههههههههههههه والله انا قررت ازغرط فزغرط فورى من غير ما اتعلم ولا اى حاجة ههههههههههههههه

[somia]

بسم الله ما شاء الله ...عقبالي كده ماأعرف...ههههههههههههههههههههههههههه

[dr.princess]

سمية
هههههههههههههه عقبالك انتى بس حاولى وهتطلع على طول

[somia]

يا جماعة قريت الموضوع ده فعجبني قوي وقررت نقله لكم.. بس متتكسفوش وانتوا بتقروا لو سمحتوا..

بعد 20 عاما من الزواج ، وقد كان الزوجين على السرير في إحدى الأمسيات الجميلة وقد كان الضوء خافتاً جداً

شعرت الزوجة بزوجها وهو يلامسها بطرق لم تعهدها منه من قبل إلا عندما كانوا في بداية علاقتهم ببعضهما

فكان الزوج يدغدغ و يمر بأصابعه على رقبتها

كما كان يشعرها بلمسات صغيرة على ظهرها

ثم مداعباً لكتفيها والرقبة

وكان يمرر يده ببطء إلى أسفل بطنها

وشرع بعد ذلك بوضع يده على ذراعها الأيسرالداخلي

واستمر ذالك الى جانبها الآخر ونزولا إلى ساقها

ثم مضى حتى فخذها الداخلي وتوقف عند أعلى ساقها

وتابع في نفس الطريقة على الجانب الآخر

ثم توقف فجأة

وانقلب لمشاهدة التلفزيون

إلا انها شعرت بلطف مداعبته

وسألته بصوت يخفقه الحب "، كان هذا رائعا جدا ً, لماذا توقفت؟"

فقال : لقد وجدت الريموت كونترول

[somia]

هههههههههههههههه.. ايه رأيكوا؟؟؟

[dr.princess]

سمية
ههههههههههههههه مسخرة كل ده علشان الريموت يااااااااااااارب يولع التليفزيون

[dr.princess]

سمية هو انا وانتى بس اللى هنا
امال باقى البنات راحوا فين

[ملاك بلا أجنحة]

السلام عليكم ورحمة الله وبركاتة
أذيكم يابنات أيه الأخبار؟؟؟
يارب يكون الكل بخير


أيه ده ياسومة ينفع كده

ده كله علشان الريموت

أخص عليه ده وحش الراجل ده

[somia]

هههههههههههههههههههههه عارفة أنا لو مكانها كان ممكن أرمي الريموت والتليفزيون كمان لو عرفت أشيله من الشباك .. وانتي؟؟؟؟

[MALAK2010]

لولو: اطمنا على الزغاريط عاوزين نعرف اخبار الرقص طمنينا

[somia]

مش عارفة والله يا بنتي ملاك كانت هنا وريهام وسوسو بس معرفش راحوا فين

[dr.princess]

سمية
انا مش بس كنت هرمى التليفزيون ده انا كنت ولعت فيه هو شخصيا واقلبها خناقة لرب السماء وانتوا متعرفونيش لما اتخانق بتبقى واخدانى الحماسة اوى هههههههههههه

[dr.princess]

ملك
لالالا انا على قد الزغاريط ماشى وماما كانت بتقولى انى صوتى كمان اما الرقص متلاقيش ههههههههههههه

[dr.princess]

طمطم
ازيك شفتى المسخرة اللى كتبتها سمية انا قلت ياربى البت دى انحرفت ولا ايه ههههههههههههه

[dr.princess]

بناااات
فى حاجة محيرانى من اول امبارح وعايزة اخد رايكم فيها ضرورى النهاردة

[somia]

هههههههههههههه مش قوي كده يا برنسس انا كنت هارميهم الأول عشان أفضاله مع اني كل اللي ببقى فالحة فيه اني أبصله وبعدين أبدأ وصلة عياااااااااااااااااااااااااااااااااااط

[ملاك بلا أجنحة]

أذيك يالولو ياحبيبتى أخبارك أيه وأخبار القمر بتاعنا ايه
يارب تكونوا بخير

قوللى ياحبيبتى أيه اللى محيرك؟؟؟

[somia]

اسألي لولو ...

[somia]

لولو احكييييييييييييييييي.. رحتي فيييييييييييييين؟؟؟

[dr.princess]

بصوا هو الموضوع ممكن تحسوه عبيط بس مضايقنى صراحة
اخت جوزى متجوزة وعندها بنت ماشاء الله المهم جوزها فى الكويت وهى فى مصر راحتله السنة اللى فاتت شوية ونزلت
المهم كنا بنكلمهم من اسبوع بالظبط فقالتلنا انها بتفكر تروح لجوزها شوية كده انا حسيت انها اكيد هتروح مش بتفكر ولا حاجة
وفعلا لقيناهم اول امبارح يعنى بعد 5 ايام من موضوع هفكرلقيت حمايا بيقول لجوزى اختك مسافرة بكرة يعنى مثلا فى 5 ايام هيلحق جوزها يعمل ورق الزيارة وتلحق هى تاخد اجازة من شغلها ويحجزوا الطيارة
المهم انى اتغظت جدا ليه يخبوا انها مسافرة ماهو حقها تروح لجوزها وبعدين ايه هحسدها مثلا انا عارفة انه ماشاء الله الله اكبر جوزها مرتاح اوى ماديا يعنى لو تروحله وترجع كل شهر مش هيأثر معاه
وحسيت انى انا المقصودة انهم مقالوش من بدرى ماهم مستحيل يخبوا عن ابنهم
المهم بقى انى عايزة اعاتب جوزى فى الكلام ده وعارفة جدا انه مش هينصفنى لانه مبيستحملش عليهم كلمة بس يبقى خرجت اللى جوايا وخلاص
هو حتى بيقولى قبل ما يروح شغله بيقولى تعالى نتطمن عليها هى خلاص سافرت الصبح قلتله وانا مالى كلمها انت المهم مكلمهاش وقالى انى اكلم اخته التانية واتطمن هم ماشاء الله متجوزين اخين والاتنين فى الكويت بس انا قررت انى مكلمهمش لانهم اصلا من ايام الخطوبة مش معبرنى ولا كأنى مرات اخوهم ولا عمرهم كلمونى ولا مرة
هه قولولى بقى حقى اتضايق ولا مزوداها

[somia]

لولوو معاكي حق تضايقي بس خلي بالك من حاجة الراجل مستحيل يقبل كلمة عن أخته أو أهله من مراته حتى لو معاها حق ...لولومتقطعيش معاهم عشان زوجك ميزعلش حاولي تتصلي تقوليلها حمد لله على السلامة وخلاص مش هتفرق معاكي كثير بس هتفرق مع زوجك بس عارفة انا عايزاكي تسأليه هما كانوا مخبيين عليكي ليه يمكن ميكنوش مخبيين ولا حاجة وجت فعلا بسرعة وانتي فاهمه غلط

[ملاك بلا أجنحة]

بصى ياحبيبتى أنا حاسة بيكى أنك مخنوقة من الموقف
وحاسة انك المقصودة
بس عادى أنتى حاسة كده لأننا بالفعل فى فترة الحمل بنكون حساسين
اتجاه أى حاجة تحصل

عادى زى ماأنتى بتقولى أنتى مش هتحسديها ولا حاجة
بس لو هتتكلمى مع جوزك يبقى براحة

قوليلو مثلا /كده ياخويا مش تقولى أن أخت مسافرة
ياعنى بهزار ودلع كده
مش تحسسيى أنه غلطان او خباه عليكى حاجة
عادى بس من غير خناق
وعلى فكرة كل واحد عنده أهله غالين
لو هو زى ماأنتى بتقول مش بينصفك أبدا
فحاولى أنك مش تحسسى أنك مضيقة
عادى سيبى الأمور تمشى عادى
حاسيسى أنك عاوزة تقربى ليهم
دايما ووصي أنه يسأل عنهم
ويطمن عليهم
صدقينى هتكبرى فى نظره جدا
وهيبقى عند ربنا حاجة كبيرة أنك
بتخلى يصل رحمه
ومعلش أتصلى بيها
قوليلها الحمد لله أنك وصلتى بالسلامة وأتطمنى عليها
ياعنى حاولى تحسنى أنتى العلاقة بينكم
وربنا يهدى بأذن الله
وربنا يجعله فى ميزان حسناتك
لو ليكى أى تعليق على كلامى قولى
أنا مش هزعل

[somia]

لولو انتي معايا؟؟؟؟؟؟؟؟؟؟؟؟؟؟؟

[dr.princess]

انا عارفة يا سمية بالذات جوزى بيحب اهله بجنووووون
بس انا متغاظة عايزة اتكلم وخلاص واكيد مش هغلط فيهم بس الحركة فارسانى
وبصراحة مش عايزة اكلمهم دى اخته الكبيرة ماكلمتنيش من يوم الخطوبة الا مرتين يوم الصباحية ويوم ماعرفت انى حامل بعد ما لمت على جوزى انهم ليه مبركوليش فانا شاكة انه هو كمان اللى قالها تتصل والتانية حتى متصلتش تبارك استنت لما نكلم حماتى على النت وهى طبعا عندها فباركتلى بالمرة

[MALAK2010]

انا نمت على الجهاز هههههههههههههههه هو انتوا بتناموا امتى

[MALAK2010]

احمدى ربنا انهم باركولك على الحمل هههههههههه اهئ اهئ اهئ

[ملاك بلا أجنحة]

لولو قرأتى كلامى ولا لسه

[dr.princess]

طمطم
هم اصلا كمان مقالوش لجوزى لانا مكلمنهمش على النت من الاسبوع اللى فات الا اول امبارح
ولما بنكلمهم بنشغل السماعات مش المايك فكل الكلام بيبقى مسموع
فهم كمان لسه قايلين لجوزى جايز زيادة فى الحرص ولا ايه مش عارفة هههههههههه
والله انا اوقات اقوله احنا اتاخرنا على الجماعة بقالنا كام يوم متكلمناش يللا نكلمهم مع ان ربنا يعلم المكالمة دى تقيلة على قلبى اد ايه

[dr.princess]

ملك
ما انا قلت واحدة بعد ما جوزى قالها والتانية استخسرت وقالت ماهى كده كده على النت اقولها اوفر برده ههههههههههه

[dr.princess]

معلشى يابنات
ماما بتكلمنى شوية وارجعلكم تانى

[somia]

لولو والله العظيم حساكي وفهماكي والرجالة كلها كده بس انتي اعملي اللي عليكي وخلاص انا طول عمري بحاول اعمل كده بقعد أقول انا يوم القيامة هاخذ من الناس حسنات أكيد هتنسيني الحاجات دي وبصي اكتبي فكشكول وفضي مع نفسك كإنك بتتخانقي معاها وهتلاقي الموضوع هدي معاكي قوي باذن الله

[MALAK2010]

بصى يا لولو كبرى دماغك اللى يقول يقول واللى مايقولش مايقولش
مش هيزودوا طالما مش بيطلبوا منك انهم يعرفوا اخبارك خلااااااااااااااااااااااص يبقى المعاملة بالمثل وماتركزيش اوى لانهم بيفكروا مع مرات الابن بطريقة غريبة

[MALAK2010]

طيب يالولو سلميلى عليها كتيييييييييييييير

[ملاك بلا أجنحة]

ملاكى....... سومة

أخباركم أيه وأخبار البيبهات معاكم أيه

طمنونى عليكم

[MALAK2010]

طمطم: انا الحمد لله انا وانونو تسلمى يا جمييييييييييييييييييييل

[somia]

منى صحيح مقولتليش انتي ليه مرحتيش مدرسة ثانوي فحلوان؟؟؟

[ملاك بلا أجنحة]

كانت ظروف كده ياسومة
أطريت أقعد عند جدتى فى الحدايق

[somia]

أهه... هيه صحيح العزبة القبلية دي فيييين أسمع عنها بس اللي أعرفه البحرية بس القبلية بتركبولها المكروباص منين؟؟؟

[ملاك بلا أجنحة]

لو أنا جاى من البلد بتاعتى دلوقتى
بركب من هنا للمأسسة ومن هناك بركب للتحرير
ومن التحرير بركب عربيات حلوان
وبنزل عند الكبرتاش
لو تعرفى مكانه
وأبداء أدخل العزبة بتاعتنا
بس كده أمال أنتى قاعدة فين فى حلوان
ياسومة

[somia]

أهه .. أنا قاعدة جنب مدرسة صفية زغلول ..
بقولك صحيح هوه انتي برضه كنتي في اعدادي في الحدايق ولا كنت فمدرسة فحلوان؟؟

[يارا ويوسف]

انا جيييت ياكرومبااااات


hwaml03hwaml03hwaml03

[يارا ويوسف]

مين اللى ساكن فى حلواااااان

[somia]

ازيك يا سوسو عاملة ايه .. انتي اختفيتي فجأة كده ليه؟؟؟

[ملاك بلا أجنحة]

لا كنت فى حلوان
فى مدرسة المعصرة
وأنتى ؟؟؟كنت فيها برضو ولا كنتى فى السيدة خديجة

[somia]

انا ومنى... متقوليش انك انت كمان في حلوان؟؟؟؟؟؟؟؟؟؟؟؟

[يارا ويوسف]

هاااااااااااااااااااااا مش بترودو لية

[ملاك بلا أجنحة]

كنت عاوزة أخد رأيكم فى حاجة ممكن؟؟؟

[somia]

مدرسة المعصرة.. دي فين دي؟؟
أنا كنت فصفية زغلول طبعا

[يارا ويوسف]

انا ومنى... متقوليش انك انت كمان في حلوان؟؟؟؟؟؟؟؟؟؟؟؟


انا كمان ساكنة فى حلوان فى الشارع الغربى

[ملاك بلا أجنحة]

المدرسة
جانب محطة مترو المعصرة

[somia]

منى يعني برضه مش في حلوان..
سوسو نحية المساكن ولا انتي في المساكن .. ليا وحدة صحبتي بحبها قوي هناك

[يارا ويوسف]

ازيك يا سوسو عاملة ايه .. انتي اختفيتي فجأة كده ليه؟؟؟


معلش اصل بتعب من القعدة الكتييير وبعدين بشوف الولد بينكش فى اية

[ملاك بلا أجنحة]

أنتى قاعدة فين مش قولتيلى يا سمية

[يارا ويوسف]

منى يعني برضه مش في حلوان..
سوسو نحية المساكن ولا انتي في المساكن .. ليا وحدة صحبتي بحبها قوي هناك


لا ياقمر مش ناحية المساكن انا عند العمارات اللى ضهر مستشفى النصر

[somia]

منى لعلمك انا قولت كثير قوي انتي اللي مخدتيش بالك انا ساكنة جنب مدرسة صفية زغلول .. عارفاهه

[ملاك بلا أجنحة]

محدش رد عليا ليه
هو انا بكلم نفسى
ولا مش حبين أتكلم معاكم
عاوز أخد رأى أى حد فى موضوعى
ولا بلاش

[somia]

اهه على كده ثانوي كنت في الثانوية بنات يا اما ام المؤمنين

[somia]

اتفضلي يا منى اسألي معلشي معايا نونهو فبيتخانق مع الكمبيوتر فمش عارفة أكتب منه

[يارا ويوسف]

وانتى ياسومة ساكنة فين فى حلوان

[ملاك بلا أجنحة]

أه ناحيت شارع الجبل
فى مدارس كتير هناك برضو

[يارا ويوسف]

محدش رد عليا ليه
هو انا بكلم نفسى
ولا مش حبين أتكلم معاكم
عاوز أخد رأى أى حد فى موضوعى
ولا بلاش


لا اتفضلى ياقمر قولى وانتى منورانا ياجميل

[somia]

تاني.. يا جماعة والله العظيم انا كتبت انا ساكنة فين جنب مدرسة صفية زغلول

[somia]

لا مش فوق قوي كده مش عند أطلس ولا المشروع انا تحت

[ملاك بلا أجنحة]

أنا كنت عاوزة أخد رأيكم فى حاجة
أنا عاوزة اروح أولد عند ولدتى بس
جوزى مش حابب أنى أروح هناك
وبيقولى كمان علشان أهله مش
هيكونوا واخدين راحتهم
مع العلم أنى مش هنزل حلوان
أنا هكون هنا فى بيت عايلة والدتى
ومش عارفة أقنعوا ازاى
وأنا هكون مرتاحة اكتر من أنى أولد فى شقتى هنا
لانى مش عاوزة الشقة تتبهدل من اللى بيجوا
وطبعا انتوا عارفين السبوع ده بيبقى عامل ازاى
فامش عارفة أعمل أيه؟؟؟
لو حد عنده حل يقولى
اقنع جوزى ازاى
وهو قالى سيبيها لوقتها
وأنا مش بحب كده
لما موافق لأما لاء

[يارا ويوسف]

اللى فى مايو ياسومة

[ملاك بلا أجنحة]

ماشى ياجماعة
مريسى ليكم
تصبحوا على خير
وأسفة لو كنت ضايقكم بسؤالى

[يارا ويوسف]

بصى انا مش هقدر اقولك غير حاجة واحدة بس هى راحتك انتى مش راحة حماتك وحماكى

انتى لسة هتكونى ولادة ومحدش هيرعاكى غير ولدتك فى الفترة دى

[MALAK2010]

انا اللى عندى مشكلة جوزى مش راضى ينام وقاعد على النت وانا خلااااااااااااااااااااااااااااااااااص بنام على نفسى وبنام على الجهاز اهئ اهئ اهئ اعمل اية

[يارا ويوسف]

ملاك استنى انتى زعلتى ولاا ية هما ميقصدوش حاجة تلاقيهم مشغولين بس مش اكتر او بيعملو اى حاجة تانية

[somia]

ايه اللي في مايو يا جماعة مدرسة صفية زغلول بعد رئاسة الحي بحوالي ثلاث نواصي

[يارا ويوسف]

ملوكة ازيك انتى فييين

[MALAK2010]

انا هنا بس عاوزة اناااااااااااااااااااااااام متبعاكم

[نولارا]

صباح الخير بالليل
مين لسه صاحى ؟؟؟؟؟؟؟؟؟

[يارا ويوسف]

طيب تصبحو على خيير هنيم الولد لانو عاوز ينام

[MALAK2010]

نورا ان هناااااااااااااااااااااااااااااااا وحشتينى

[MALAK2010]

انا هخرج سلام مش قادرة افتح عنيا

[نولارا]

حلوه دى ياملك
انا هنا وبعدين انا هاخرج
ماشى تصبحى على خيررررررررررررررررر

[دودى اشرف]

انا جييييييييييييييييت
السلام عليكم ورحمة الله وبركاته ... مسااء الفل عليكم جميعا

[somia]

انا رجعتلكم تاني..نولار , دودي .. ازيكم؟؟

[dr.princess]

وانا جيييييييييييت انا كمان
كنت فى المطبخ بنظف السمك واتسحلت ههههههههههههه

[نولارا]

سميه ودودى
انتوا هنا ولا رحتوا فيييييييييين

[dr.princess]

نولارا
انا موجودة اخبارك ايه واخبار احمد ؟؟

[نولارا]

احنا الحمد لله احمد نايم ياريت يكمل للصبح
وانا قاعده مستنيه خالد يرجع

[somia]

انا هناااااا معلشي كان معايا تليفون

[somia]

لولو أخبار السمك ايه تبلتيه وجهزتيه ولا لسة؟؟؟؟

[دودى اشرف]

انا هنا برضه .. بس كنت براجع اللى فاتنى ... عاملين ايه .. ازيك يا سمية ويا نولارا ( ام دنجوان المنتدى ) ويا لولو .. ويا خسارة ملم خرجت ... ويا طمطم ويا سومه ... وتوته خلعت بدرى علشان جوزها معلش ...

انا مجبتش الجيلاتى يا سمية علشان نزلت متأخرة ولاقيت الراجل مشى هههههههههههه
انا قريت قصة الريموت وضحكت ضحك لحد ماجوزى قعد يقولى ايه اللى بيضحك كده يعنى ... قلتله بقى هههههههههههههههههههههههههههههههه ... الله يسامحه على اللى عمله فيها ههههههههههههه ..

[دودى اشرف]

رنا مبروك على حلة الكوسة والف هنا وشفا ... انا بموووووت فيها اصلا ...

وبمناسبة الزغاريط والرقص انا الحمدلله بعرف الاتنين .. مبروحش فى مناسبة لقرايبى او اصحابى المقربين اوى الا لما اديها رغاريط ورقص هههههههههههههههههههه

[dr.princess]

نظفته بس ولسه متبلتوش
حاسه انه هيبقى كتير علينا فبفكر اشيل منه شوية فى الفريز قبل ما اتبل الباقى

[somia]

فعلا القصة مضحكة قوي انا قريتها هنا على المنتدى وقلت أنقلهالكم..

[نولارا]

دودى
بتعرفى ترقصى يابختك

[dr.princess]

دودى
غيرتى العباية ولا لا ؟؟

[دودى اشرف]

لولو بخصوص الموضوع بتاعك انا زيى ملك بصراحة ... لان الكلام لا هيودى ولا هيجيب وهتعملى حساسية بينكم وخلاص ... كبرىىىىىىىى يا بنتى على الاخر والله احسن حل ... وعلى رأى امى هههههههههههههه .. اللى ميعملنيش كحلة فى عينه معملوش مداس فى رجلى .. انا اسفة طبعا بس عاوزة اوصلك ان اللى يعبرك ويقدرك قدريه .. ورأى متكلمهوش ... ولو هتكلميه يبقى براااااااااحة جدا علشان الموضوع ميتقلبش عليكى فى الاخر ومتفكريش فيه كتير

[somia]

لولو متشيليه متبل أحسن .. ايه المشكلة..
نولار ايه أخبار كونان معاكي؟؟؟؟؟

[دودى اشرف]

طمطم .. موضوعك بصراحة صعب ... بس برضه حاولى تقنعيه انك تروحى لوالدتك وبعدين معروف ان اهل الزوجة هما اللى بيقوموا بالليلة دى مش اهل الزوج يعنى ... فا انتى حاولى تجيبهاله من ناحية بهدلة الشقة ومامتك مش هتقدر تجيلك فى البيت كتير مع انى مش عارفة ظروفك يعنى بس والله مش عارفة اقول ايه ... بس حاولى تقنعيه بهدوووووووء تااااااام .. علشان ميعندش معاكى اصل هما كده لما يلاقونا مشبسين بالحاجة بيعمله العكس على طول وربنا معاكى يا بنتى ويقومك بالسلامة ان شاء الله يارب واللى فى الخير ربنا يعملهولك يارب.

[دودى اشرف]

لولو اه الحمدلله يا حبيبتى غيرتها وجبت بدالها اتنين كمان بنفس السعر واستفدت بواحدة كمان بسعر الاولى هههههههههههههههههههههههه كويس انى بدلتها علشان اجيب الاتنين بدل واحدة وكانت غالية جبت اتنين بنفس السعر

[gogo]

ازيكم يابنات

[دودى اشرف]

يا جماعة للاسف انا جوزى دخل وقفل الباب كالعادة هههههههههههههههههههههه بس هو شكله مرهق اوى انهارده .. قالى براحتك .. بس طبعا ذوقيا منى لازم اقوم وانتوا عارفين انى بخاف اقعد لوحدى
فا هضطر اقولكم تصبحوا على الف خير يا رب واشوفكم بكرة لو عرفت لانى نازلة برضه معلش اكمل حاجتى ... بس هحاول ادخل اسلم كده فى السريع
سلمولى على حمات ابنى توته العسل وملك خالته وانت طبعا كلكم خالاته ... وسلم على كل البنااااااااات كلهم كلهم ... وعاوزة اطمن على دودو والله يارب تكون بخير هو وبنوتتها ان شاء الله
يلا اشوفكم على خير ان شاء الله يا حبايب قلبى
لا اله الا الله .. محمد رسول الله

[dr.princess]

دودى
ماما برده بتقول المثل ده على طول
وهم اصلا مش فارقيين معايا و حماتى وحمايا بقالهم مده كده بحس انهم مش عايزين يتكلموا قدامى او بيقفلوا على الكلام كده مع انى كويسة جدا معاهم وبحاسب على الكلمة الف مرة قبل ما اقولها فانا متضايقة
ف جوايا كلمتين كابسين على نفسى عايزة اطلعهم فهقولهم بالراحة وارتاح

[somia]

نولار انتي فييييييييييييين..
جوجو ازيك عاملة ايه؟؟

[dr.princess]

دودى
وانتى من اهله انتى طلعتى شاطرة اهو من ورانا ههههههههههههه
بس لازم تبقى تصورى حاجات البيبى وتوريهالنا

[دودى اشرف]

لولو والله حبيبتى انا مقدرة احساسك .. انتى عاملة زى دعاء بنت عمتى اللى قلتلك عليها ... هى كده .. متقدرش تشيل حاجة جواها ابدا .. بس هى بقى عصبية ومش بترتاح الا لما تقلبها هههههههههههههههههههههه .. بس ربنا يهديكى انتى بس واتكلمى براحة وبعدين خليكى الاحسن واتصلى قوللها حمدالله على السلامة وخلاص وانتى بتعاملى ربنا مش الناس ... خليكى دايماا عارفة انك بتتعاملى علشان ربنا مش علشان حد .. وربنا يهديلك الحال يا قمر ويحبب فيكى خلقه على رأى امهاتنا ..
اشوفك بكرة ان شاء الله يا قمر

[dr.princess]

جوجو
ويلكم باك رحتى فين كده دخلتى وخرجتى على طول

[gogo]

تمام الحمد لله سومه
ايه اخبار النونو

[دودى اشرف]

دودى
وانتى من اهله انتى طلعتى شاطرة اهو من ورانا ههههههههههههه
بس لازم تبقى تصورى حاجات البيبى وتوريهالنا


ههههههههههههههههههههه والله يا لولو مش انا جوزى هو اللى فكر فى ده لما لقى العباية غالية على الفاضى فاقلى نغيرها وهاتيلك اتنين تغيرى فيهم وفعلا لاقيت عنده حق وانا خيبة بالويبة اصلا هههههههههههههههههه
حاجة البيبى بعتها للاسف مصر خلاص .. ياريتنى كان جه فى دماغى وصورتهالكم ملحوقة ان شاء الله اصورهالكم وهو لابسها بقى باذن الله

تصبحوا على خيييييييييييييييير يا شطاااااااااااااااارhwaml7

[gogo]

اصل جوزى كان جه فقمت انا اكتر وقت بعرف اعد فيه الوقت ده
ودايما بلاقى الكل رايح ينام معادا انتى يابرنيس انتى شكلك الراعى الرسمى هنا

[ملاك بلا أجنحة]

طمطم .. موضوعك بصراحة صعب ... بس برضه حاولى تقنعيه انك تروحى لوالدتك وبعدين معروف ان اهل الزوجة هما اللى بيقوموا بالليلة دى مش اهل الزوج يعنى ... فا انتى حاولى تجيبهاله من ناحية بهدلة الشقة ومامتك مش هتقدر تجيلك فى البيت كتير مع انى مش عارفة ظروفك يعنى بس والله مش عارفة اقول ايه ... بس حاولى تقنعيه بهدوووووووء تااااااام .. علشان ميعندش معاكى اصل هما كده لما يلاقونا مشبسين بالحاجة بيعمله العكس على طول وربنا معاكى يا بنتى ويقومك بالسلامة ان شاء الله يارب واللى فى الخير ربنا يعملهولك يارب.
أذيك ياغادة
وحشنى والله
تسلمى ياحبيبتى
وحاضر هحاول أكلمه بكرة كده
وأشوف رده ايه
وهبقى أعرفكم
خلى بالك من نفسك

[نولارا]

سميه
انا هناااااااااااااااااااااا
وكونان لسه مش اتفرجت عليه جوزى بيرجع بالليل يتعشى ويحضر للمعهد وننااااااااااااااام
مش عارفين نتفرج ولا حتى نقعد مع بعض شويه

[dr.princess]

دودى
ماما قالتللى نفس كلامك ان شاء الله بكرة ابقى اكلمها

[ملاك بلا أجنحة]

تلاقى الخير ياحبيبتى

أذيك ياجوجو عامله أيه

طمنينى عليكى ياقمر

[gogo]

وانتى من اهله دودى

[gogo]

انا تمام الحمد لله ملاك انتى ايه اخبارك

[ملاك بلا أجنحة]

أذيك يانورا عاملة أيه
وأخبار أحمد ايه يارب تكونوا بخير


ماما عاملة أيه يالولو

سلمتلنا عليها ولا نسيتى

[dr.princess]

جوجو
هههههههههههه ايوه انا الراعى الرسمى هنا من المغرب للفجر
بس اليومين دول بس جوزى بيشتغل بالليل كمان اسبوع تقريبا هرجع ابقى راعى الفترة الصباحية هتلاقينى هنا من الساعة 7 الصبح وعلى الساعة 5 مش هتلاقى خيالى هنا

[somia]

نولار المفروض أحمد كمان يتعلم تفرج على كونان..ههههههههههههه نزلتي الحلقات الجديدة اللي اديتها لتوتة؟؟
جوجو الحمد لله النونو بخير

[نولارا]

انا متضايقه مش عارفه ليه؟؟؟؟؟؟؟؟؟؟
يمكن جوزى وحشنى ولا حاجه هههههههههههه

[ملاك بلا أجنحة]

الحمد لله ياحبيبتى

تمام بس تعبانى شوية من الصداع

ووجع ظهرى بقى مقولكيش

والأستاذة عمالة تضرب ولا كانها

بتلعب كراتية

يالا الحمد لله

[dr.princess]

طمطم
لا والله مسلمتلكمش عليها اصل طول ما انا بكلمها وانا هموووت من الجوع فكل اللى كان فى بالى اقوم اكل وانتى عارفة وقت البطون تضيع العقول هههههههههههههههههه

[ملاك بلا أجنحة]

انا متضايقه مش عارفه ليه؟؟؟؟؟؟؟؟؟؟
يمكن جوزى وحشنى ولا حاجه هههههههههههه


يا حبيبتى ربنا يخليكم لبعض

ومتتحرميش منه أبدا

هو لسه مش جه بالسلامة ولا أيه؟؟

ولا هو نايم

[نولارا]

طمطم
احمد الحمد لله كويس ويغط فى نوم عميق
سميه
شكلنا كده هنتفرج عليه سوا (انا واحمد)
khaled is very busy

[gogo]

ربنا يقويكى ياملاك
خليها تاخد راحتها لو مكنتش تدلع عليكى هتدلع على مين
انتى الوقتى ف الشهر الكام

[ملاك بلا أجنحة]

ياحبيبتى معلش

بس مش تبقى تسيبى نفسك كده

أبقى أعملى سندوتشات وأنتى معانا

حرام عليكلى البيبى بيكون جعان هو كمان

المهم تكون مامتك بخير

[نولارا]

طمطم
انتى فكرك انه لونايم وواحشنى اسيبه فى حاله
لالالالالالالالاانا بفضل اضايق فيه لحد ما يصحى ونقعد نغلس على بعض شويه هههههههه

[gogo]

برنسيس هتقلبى فتره صباحيه
وكلوا هنا بينام بدرى يعنى انا هكلم نفسى هنا

[dr.princess]

طمطم
انا مردتش عليكى لانى بصراحة معنديش حل لانها المشكلة الاساسية عند كل الناس اللى اعرفها انها تبقى طبعا عايزة تروح لامها وطبعا الازواج مبيرضوش
عايزة اقولك ان ده السبب الرئيسى انى مش هنزل اولد فى مصر علشان عارفة هتحصل مشاكل جامدة مع اهل جوزى وبالتالى يعنى مشاكل مع جوزى فقصرت الطريق وهبقى اجيب ماما وقتها ان شاء الله
انتى مفيش قدامك حل الا انك تكلميه بالراحة كده وتحاولى تقنعيه
اسفة انى معرفتش افيدك

[نولارا]

جوجو ما تقلقيش انا هكون هنا
انا كل يوم بقعد استنى جوزى
او استنى لحد ما ابنى ينااااااااااااااام

[ملاك بلا أجنحة]

ربنا يقويكى ياملاك
خليها تاخد راحتها لو مكنتش تدلع عليكى هتدلع على مين
انتى الوقتى ف الشهر الكام

أنا ياحبيبتى فى الشهر السادس

عديت أسبوعين منه

أنا كل يوم 20 فى الشهر

أكمل شهر....والحمد لله

وأنتى بقى حامل ولا عندك أولاد

[dr.princess]

نولارا
ايوه كده متسيبهوش فى حاله ابدا ههههههههههههه مش كفاية طول اليوم بره
انا بس بهدى النفوس هههههههههههههه

[dr.princess]

طمطم
والله نسيت نفسى لغاية مالقيت العصفور اللى جوه بيصوصو من الجوع ههههههههههههه

[ملاك بلا أجنحة]

طمطم
انا مردتش عليكى لانى بصراحة معنديش حل لانها المشكلة الاساسية عند كل الناس اللى اعرفها انها تبقى طبعا عايزة تروح لامها وطبعا الازواج مبيرضوش
عايزة اقولك ان ده السبب الرئيسى انى مش هنزل اولد فى مصر علشان عارفة هتحصل مشاكل جامدة مع اهل جوزى وبالتالى يعنى مشاكل مع جوزى فقصرت الطريق وهبقى اجيب ماما وقتها ان شاء الله
انتى مفيش قدامك حل الا انك تكلميه بالراحة كده وتحاولى تقنعيه
اسفة انى معرفتش افيدك


ولا يهمك ياقمر

أنا هكلمه بكرة أن شاء الله

ويارب أقدر اقنعه


نورا ربنا يخليكم لبعض يارب

[gogo]

نولارا بتفكرينى باختى تفضل سهرانه ياعينى علشان تنيم بنتها وتقلى انا مش قعده اكلمك علشان سواد عنيكى انا مستنيه انيم البنت واول ما تنام تجرى تنام وتسبنى
اوعى تعملى زيها وتبعينى لما تنيمى احمد

[dr.princess]

جوجو
اعمل ايه بس انا بقيت الفلبينية بتاعة جوزى اصحى وقت مايصحى وانام وقت ماينام وطبعا طبعا قبل كل حاجة اشقلب المواعيد معاه لما يشقلب ههههههههههههههه

[somia]

يا جماعة انا الوردية بتاعتي كده خلصت...تصبحوا على خييييييير..
السلام عليكم ورحمة الله و بركاته

[gogo]

ربنا يقومك بالسلامه ملاك هانت اهى
لا انا لا حامل ولا عندى اولاد مفيش اختيار تالت هههههههههه

[ملاك بلا أجنحة]

أنا جعانة
عاوزة أكل
أكل أيه بقى أنا دلوقتى
حد يقولى أكل أيه؟؟؟؟؟؟؟؟؟؟

[gogo]

وانتى من اهله سومه

[dr.princess]

سمية
ايه ده هنجتى كده من اول السهرة هههههههههههه لسه بدرى لسه 5 ساعات هههههههههههه
وانتى من اهل الخير حبيبتى احلام سعيدة

[ملاك بلا أجنحة]

ربنا يقومك بالسلامه ملاك هانت اهى
لا انا لا حامل ولا عندى اولاد مفيش اختيار تالت هههههههههه

حبيبة قلبى
أنا أسفة والله مش كنت أعرف
ربنا يرزوقك أن شاء الله

[gogo]

والله يابرنسيس كلنا ف الهوا سوا
كلنا فلبنيات ولازم نرتب نفسنا على مواعيدهم
بس صراحه حقهم احنا قعدين هوانم وهما يعينى بيشتغلوا

[ملاك بلا أجنحة]

وأنتى من أهله سومة
وعليكم السلام ورحمة الله وبركاته

[ملاك بلا أجنحة]

ياااااااااااناااااااااااااااااااااس

جعااااااااااااااااااااااانة أكل أيه؟

عمالة أكل برتقال

ومش بشبع أكل ايه بقى

والوقت أتأخر كده

[gogo]

بتتأسفى على ايه ملاك انتى مغلطيش متخفيش انا لسه موصلتش للمرحله الى ازعل فيها من السؤال ده ههههههههههه
اصل انا لسه جديد بقالى 9 شهور هو حصل حمل بس ربنا مأردش انه يكمل بعيد عن السامعين يارب

[dr.princess]

طمطم
انا جوزى غلط غلطة عمره وجابلى جبنة رومى مش عايزة اقولك اول ما اصوصو اجرى عليها وهو ياعينى اكل ساندوتش واحد بس منها وقالى ايه ده اخيرا الحاجات اللى انتى حارمانى منها هههههههههههههههه بس انا عاينة الباقى فى الثلاجة ليا انا لوحدى طبعا هههههههههههه

[ملاك بلا أجنحة]

ربنا معاكى ياحبيبتى

ويرزوقك بالذرة الصالحة بأذن الله

[gogo]

ملاك انتى جعانه كلى حاجه كويسه علشان النونو البرتقان ده ميشبعش خالص
قومى كده حضرى عشا معتبر وكلى

[gogo]

برنسيس انتى كده هتحرميه يجيب جبنه رومى
بس انتى ليكى النصيب الاكبر انتى بتاكلى لنفرين ما شاء الله يعنى خلصى هلى الجبنه والقانون معاكىhwaml16

[ملاك بلا أجنحة]

عندى جبنة نيستون

بس مش عاوزة أكل عيش دلوقتى

كفاية اللى أحنا فى

مش نقصين تخن ههههههه

بالهنا ياحبيبتى بس مش تكترى منها

علشان الأملاح

[نولارا]

وانتى كمان ياطمطم
ربنا يخليكوا لبعض انتى وجوزك
ويخليلكم النونو ةتفرحوا بيه
وتخاوووه يارب

[ملاك بلا أجنحة]

عندى عنب وتفاح

وعندى فروت سلاط

بس الفاكهة كانت الأول بتشبعنى

دلوقتى ياه لو عامله أيه حتى

فى الفاكهة دلوقتى بالذات مش بتحاسيسنى بالشبع خااااالص

[gogo]

ياملاك مفيش حامل مبتتخنش كلى براحتك متسبيش نفسك جعانه انا اسمع ان الام لما بتجوع بيكون الطفل كمان جعان

[نولارا]

جوجو
لا عيب انا اسيبك هو بس احمد يغمض عينيه
او جوزى يرجع البيت
وانا اخلع على طول

[نولارا]

لولو
ماشى هدى النفوس هدى
تقريبا كل اللى نعرفهم بيهدوا النفوس ههههه
انا وهو برضه مش بنسيب حد فى حاله هههههههههه

[ملاك بلا أجنحة]

ماشى ياجوجو حاضر
هقوم أعمل حاجة اكلها واجى
هتناموا ولا هلاقيكم موجدين

[dr.princess]

والله بحاول امسك نفسى بس مش بقدر بس ظبطها تقريبا ساندوتش واحد منها بس فى اليوم
انا اصلا كنت جايباها علشان البيتزا والحاجات دى بس قلت ابدا ماتتحط على البيتزا انا اولى بيها طبعا هههههههههههه

[gogo]

نولارا اما نشوف الميه تكدب الغطاس
هو احمد عنده كام سنه

[gogo]

موجودين ياملاك هو احنا ورانا ايه وبالهنا والشفا مقدما

[dr.princess]

معلشى يا بنااات هروح اتبل السمك وارجعلكم

[gogo]

ماشى برنسيس مستنينك
ناقص مين هنا ولا بقيت لوحدى

[نولارا]

جوجو
ميه ايه اللى تكدب الغطاس
يابنتى بقوللك جوزى يرجع وانا هاخلع على طول
يعنى نداله رسمى
احمد عنده 5 شهور ونص
عقبالك يارب نبارك لك على حمل فى اقرب وقت
ملك وسميه اول ما دخلوا الدردشه حملوا على طول
انتى بس وصى لولو تدعيلك فى الحرم النبوى

[نولارا]

انا هنا ياجوجو
انتى عندك كام سنه
وساكنه فين

[gogo]

يارب يانولارا يسمع منك ربنا وتكون الدردشه بشره خير
ولو على النداله اول ما جوزك يجى عندك حق كلنا اندال ف الموضوع ده
اده حماده لسه صغنون ربنا يخلهولك
انا عندى 23 سنه وقاعده ف قبرص وانتى

[نولارا]

انا عندى 24 سنه
من طنطا لو تعرفيها
متجوزه من سنه و3شهور

[gogo]

نولارا يسمع منك ربنا يارب وتكون الدردشه بشره خير
اما بخصوص النداله لما يجى جوزك عندك حق كلنا اندال ف الموضوع ده
انا عندى 23 سنه وقاعده ف قبرص وانتى
معلش على التأخير النت علق

[gogo]

اده الرد نزل انا كنت فكراه طار لما النت علق
طنطا طبعا اعرفها انا يابنتى مرحتش قبرص الا من 7 شهور لسه مبقتش خواجايه

[ملاك بلا أجنحة]

أنااااااااااااا جيت

[نولارا]

شوفى القلق
مش بيرد على الموبايل
بس لما يرجع

[gogo]

نورتى ملاك كلتى خلاص

[ملاك بلا أجنحة]

معلش يرجع بالسلامة أن شاء الله

ممكن يكون بس مش سامعه ولا حاجة

خير بأذن الله

[gogo]

نولارا نلاقيه قرب يوصل ف مبيردش الرجاله كلهم كده متقلقيش

[ملاك بلا أجنحة]

الله يخليكى ياجوجو

بأكل وأنا بكلمكم

عملت بطاطس مسلوقة

وقطعت فلفل رومى وخيار

وقطعة جبنة قريش مكعبات صغيرة

وبأكل علشان برضو مش عاوزة أكل عيش بليل كده

[نولارا]

مفيش فايده هيتعض هيتعض
ياخوفى ليكونوا ناموا هو وصحابه
طيب لو ناموا اللى سايق كمان هينام
قلق قلق قلق

[gogo]

بالهنا والشفا ملاك
نولارا اعملى زى وزنى لحد ما يرد بس لو كان هو الى بيسوق بلاش

[نولارا]

معاكم للفجر
جوزى لسه عند الاسكندريه
وبيريحوا كل شويه لانهم بيفصلواااااااااااا

[ملاك بلا أجنحة]

الله يخليكى ياقمرى

هى لولو لسه بتتبل السمك

[ملاك بلا أجنحة]

المهم انك اطمنتى عليه

الحمد لله ربنا يرجعلوكه بالسلامة ان شاء الله

[نولارا]

لا يسوق ايه
انا عارفه انه نفسه يعملها بس اا موصياه مش يسوق
صحيح معاه رخصه لكن العربيه مش بتاعته والطريق بالليل بيكون مليان لجان

[gogo]

اها لسه مجتش
نولارا فكرتينى باسكندريه وحشتنى مصر والله وخصوصا اسكندريه

[gogo]

ملاك انتى قاعده ف مصر ولا بره

[نولارا]

جوجو
انتى من القاهره ولا اسكندريه
طمطم
بالهنا والشفا

[رنا خالد]

انتوا سهرانين ولا ايه
كويس اهو نرغي سوي شويه

[نولارا]

رنا
فينك من زماااااااااااان

[gogo]

لا انا من القاهره بس بموت ف اسكندريه

[gogo]

رنا ازيك فين البشامل hwaml16

[ملاك بلا أجنحة]

أنا من حلوان بس عايشة حالا فى محافظة القليوبية

الله يخليكى يانورا

أذيك يارنا أنتى فينك يابنتى

ياجماعة توتة السيد عاملة أيه

وحشتنى والله

اللى كلمها أنهارده يطمنى عليها

لسه عنيها وجعاها برضو ولا بقت بخير

[dr.princess]

معلشى يا بنات
اول ما سبتكم واحدة صاحبتى كلمتنى على الياهو علشان موضوع مهم جدا
حتى اصلا لسه متبلتش السمك
هتأخر شوية وارجعلكم بس اوعواااا تناموا

[ملاك بلا أجنحة]

ماشى يالولو أحنا موجدين

هنروح فين ياختى

أنا عن نفسى هقوم أعمل كوباية شاى وأجى

أعملكم معايا يابنات

قولوا قولوا شايكم أيه

نورا خفيف سكر خفيفhwaml7

جوجو مش بتحب الشاىhwaml4

رنا بقى بتحبوا سكر زياده hwaml5

صح ههههههههههههhwaml02

[نولارا]

لاياطمطم ه
شاى خفيف سكر زياده
بحط 4 ملاعق سكر على المج
مفتريه صح

[gogo]

انا موريش غير الشاى بس بحبه دلع انا كمان باكل سندوتش جبنه ف كوبايه الشاى دى جيه ف وقتها

[gogo]

نولارا الشاى لو مكنش دلع ميبقاش شاى انتى كده بتشربى ميه بسكر
جربى كده تحطى معلقه واحده

[ملاك بلا أجنحة]

ماشى أصب الشاى ياعنى

المية خلاص أقربت تغلى

بالهنا والشفا ياجوجو

[ملاك بلا أجنحة]

ياحبيبتى السكر الكتير مضر عليكى

وبعدين السكر غالى دلوقتى ههههههههه

[gogo]

تصدقى فتحتى نفسى على الشاى بس خايفه يسهرنى

[gogo]

ايه اخبار الاسعار ف مصر صحيح سمعت ان الطماطم غاليه اوى الوقتى

[ملاك بلا أجنحة]

أه والله غالية فعلا

وصل الكيلو منها ب 12 جنية

بس بدأت تنزل دلوقتى تانى

هنعمل ايه بقى

ولسه ياما هيعملو فينا

حتى دلوقتى أنبوبة البوتجاز

هتكون ب 25 جنية

[gogo]

انتوا رحتوا فين

[ملاك بلا أجنحة]

معاكى ياقمر

[نولارا]

طمطم
السكر وحش ليه؟؟؟؟؟؟؟؟؟
جوجو
امال لو عرفتى كمان انى بشربه بارد
ايوا الطماطم عندنا كانت وصل 8 جنيه بس 1دلوقت بقت ب4 بس
الحمد لله

[gogo]

12 جنيه ليه هى قلبت تفاح

[ملاك بلا أجنحة]

كتر السكر عليكى غلط يانورا

علشان قلبك ولا قدر الله مش يجيلك سكر

ربنا يبعد عننا المرض جميعا

[gogo]

بارد ده بقى مبقاش شاى ده ايس تى

[نولارا]

انا اصلا كل فين وفين لما اشرب كوبايه شاى

[نولارا]

نا غريبه شويه فى موضوع الاكل والشرب
معلش

[gogo]

ملاك مقررتيش هتسمى البنوته ابه

[ملاك بلا أجنحة]

يا بختك
أنا مدمنة شاى
مش كنت بشربه فى أول 3 شهور
غير كوباية واده فى اليوم
وبعد ما عديت الرابع
للأسف رجعت أشربه تانى زى الأول

[gogo]

يانولارا كل الى يعجبك والبس الى يعجب الناس الاكل والشرب ده مزاج والناس مختلفه

[ملاك بلا أجنحة]

أن شاء الله ياجوجو (ملك)
كان نفسى فى أسم (روان)
بس أنا وهيثم متفقين على الأسم
من الخطوبة
ف مش ينفع نغيره
هو أسم ملك وحش ولا حلو بس بصراحة

[gogo]

ملاك حتى لو عديتى الشهور الاولى بردوا مش لازم تكترى ف الشاى وياريت تستغنى عنه اصلا والقهوه وكل المنبهات مش مفيده

[gogo]

ملك اسم حلو جدا ورقيق اوى

[نولارا]

انا فى الحمل جوزى كان مانع عنى الشاى نهائى
كوبايه واحده بس اللى شربتها وهو اللى كان عاملها بايديه
لانى كان عندى صداع جامد ومش كنت عاوزه اخد حبوب

[ملاك بلا أجنحة]

والله حاولت بس مش قدرت أبعد عن الشاى
لكن القهوة والنسكافيه مش بقيت أشربهم خاااالص

[نولارا]

ملك
حلو ياطمطم

[gogo]

ملاك كل ما تحسى انك عايزه تشربى شاى اشربى بداله عصير وحاولى تبطليه خلى بالك النونو كده هيطلع عصبى لان المنبهات كلها تخلى الطفل عصبى وانتى الخسرانه مللك هتتعصب عليكى ههههههههه

[ملاك بلا أجنحة]

الله يخليكوا ياحبايبى
تسلمولى يارب
ياعنى على بركة الله
تبقى ملك بأذن الله

[ملاك بلا أجنحة]

حاضر
ملك سمعتك بتقولى أسمعى كلام طنط جوجو يا ماما
وعماله تضرب شوفتى بقى

[نولارا]

بنات
اخت جوزى عندها الله يعافينا يارب ويشفيها فيرسc
وبتمسك احمد تبوسه من بؤه وانا خايفه عليه ومتضايقه
بس مش عارفه اقولها ايه
النهارده فى السبوع مسكته وقعدت تبوسه
قلتلها بلاش من بؤه عشان ميريلش (اى حجه والسلام)
قالتلى ايه يعنى يريل براحته مش فى بؤى انا راضيه
اعمل معاها ايه؟؟؟؟؟؟؟؟؟؟

[ملاك بلا أجنحة]

أنتوا بتروحوا فين
ولا أنا اللى رغاية وبتكلم بسرعة

[ملاك بلا أجنحة]

ربنا يشفيها ويشيل عنها يارب
بس دى مشكلة والله
وطبعا مش ينفع جوزك يتكلم معاها صح
ربنا يسترها ياحبيبتى
بس بجد مش عارفة أنا أسفة مش هقدر أفيدك والله

[gogo]

نولارا انتى لازم متسكتيش صحه ابنك بالدنيا يمكن هى مش واخده بالها
قولى لجوزك وخليه هو يقلها هما اخوات مش هيزعلوا من بعض وحتى لو زعلوا زعلهم بسيط وربنا ميجيب زعل المهم احمد

[gogo]

هههههههه ملاك انتى مش رغايه بس النت علق عندى

[ملاك بلا أجنحة]

ماشى ياجوجو
هى رنا مشيت صح
دخلت وخرجت على طول

[gogo]

ايوه مشيت مقعدتش سلمت واختفت

[نولارا]

معلش يابنات هفرد ضهرى شويه جنب احمد
تصبحوا على خير

[gogo]

وانتى من اهله نولارا مين الى كان بيقول معاكوا للفجرhwaml16

[ملاك بلا أجنحة]

تلاقى الخير يانورا
بوسيلى أحمد

[gogo]

برنسيس شكلها تبلت السمك وقغدت تاكل

[ملاك بلا أجنحة]

ههههههههههههه
لا يابنتى تلاقيها لسه بتكلم صحبتها
أو ممكن تكون نامت كمان

[ملاك بلا أجنحة]

أنتى أسمك أيه ياجوجو؟؟؟؟؟
لو مش يضايقة طبعا

[gogo]

كل واحد عنده حاجه بتسهره انتى ايه سبب سهرك ياملاك

[ملاك بلا أجنحة]

والله مخنوقة
هيثم نايم
وأنا تعبانة وقولت أعد معاكم شوية


طيب ده سبب سهرى أنتى بقى سهرانة لحد دلوقتى ليه؟؟؟

[gogo]

انا اسمى هاجر

[ملاك بلا أجنحة]

عاشت الأسامى
وأنا أسمى منى منى بدر
ودلعى مع البنات هنا طمطم أوكى
بس عندى اسامى دلع تانية زى (توتة_ونوسة_منمن)كده ياعنى

[gogo]

انا سهرانه لانى ببقى فاضيه الصبح ف بصحى متأخر وبنام منأخر

[ملاك بلا أجنحة]

أنتى جوزك نايم برضو
ولا فى الشغل لسه مش جه

[gogo]

عاشت الاسامى يامنى
انا جوزى نايم

[ملاك بلا أجنحة]

الله يخليك ياقمر

وأنتى مش نايمة ليه .

عارفة اللى زاينا بيسمهم أيه

كائنات ليلية

علشان حياتنا متشقلبة خالص

[gogo]

انا كنت شفت كلامك مع البنات وفهمت ان جوزك مش عايزك تولدى عند اهلك عايزك تولدى ف بيتك ف انا علشان حشريه ههههههه قولت اقولك راى
انتى متزعليش جوزك اكيد مش عايزك تبعدى عنه وانتى ممكن مامتك تبقى تيجى تعد معاكى ساعه الولاده

[ملاك بلا أجنحة]

أصلا والدتى رجليها تعباها ومش هتقدر تتطلعلى كل يوم
وكده وهى لا يمكن ومن رابع المستحيلات أنها تبات معايا هنا
لأنها بتتكسف جد وبعدين أنا بنت وحيدة وهى عاوزانى أكون معاها
علشان تخلى بالها منى ياعنى أنتى يرضيكى
اللى تعد معايا هنا حماتى وأتكشف عليها
وكمان عندى أخ صغير وهى عاوزة تخلى بالها منه هو كمان
أنتى فهمانى
بس أنا هكلمه أنهارده وأشوف هيقول أيه

[gogo]

بصى بدام فيه ظروف تمنع والدتك انها تيجى يبقى حقك تروحى
انتى كلميه بهدوء وقوليله حتى تعدى الاسبوع الاول بعد الولاده واتحايلى عليه وهو ان شاء الله يوافق
ومتزعليش نفسك

[ملاك بلا أجنحة]

أن شاء الله ربنا يهديه بس
أنا برضو الله قولتلو هروح وأنا حتى فى الشهر التاسع
لأن ممكن الولاده تحصل فى أى وقت
وتانى يوم السبوع هكون هنا
أدعلى ياجوجو يوفق
أصل لو مش رحت ماما مش هتجيلى
وهتزعل منه أوى وأنا مش عاوزة يكون فى زعل
وبعدين مامته وأخواتى هيكونوا هنا كل يوم
وهما أصلا بيخنقونى وبيضايقونى جدا
فما بالك بقى لما يكون فى بيبى جديد
وكمان أبن أخوهم الوحيد
ربنا يستر

[dr.princess]

معلشى يا بنااات اتاخرت عليكم
كنت بكلم صاحبتى وطولت اصل جايلها عريس فقعدنا نرغى وقفلت ورحت تبلت السمك

طمطم
اكيد انتى معاكى حق
لازم انتى اللى تروحى لمامتك بيتها حتى لومفيش عندها ظروف تمنعها تجيلك هى
الواحدة فى بيت اهلها بتبقى قاعدة براحتها مش زى ماتبقى عند حماتها
وبعدين هقولك على حاجة
اختى ولدت مرتين قيصرى لما كانت سورى يعنى عايزة تعمل حمام او تاخد دش وانتى عارفة ازاى موضوع الحركة فى القيصرى دى بتبقى صعبة اوى فلو احتاجت حاجة زى كده وجوزها موجود هو اللى بيساعدها ولو مش موجود ماما بتدخل معاها مش هتتكسف منها وكمان هى مش بترضع طبيعى بس بعد الولادة لما كانت بتحاول وكده تتكشف قدام ماما عادى مش زى حماتك برده واحدة غريبة عنك مهما كان

[ملاك بلا أجنحة]

ربنا يجيب الهدى من عنده يارب
خايفة بس ينشف دماغه وأنا خلقى بقى يضيق بسرعة
ومش حبة تحصل مشكلة لقدر الله بسب كده

[gogo]

ان شاء الله هيوافق ياملاك انتى قوليله كل الى قلته برنسيس بهدوء واشرحيله انك مش هتبقى مستريحه لان الوحيده الى هترضى انها تساعدك مامتك
ومعلش على التاخير النت كان معلق

[dr.princess]

طمطم
ان شاء الله كل حاجة تبقى تمام وميحصلش مشاكل بس سمى كده وادعى قبل ماتقوليله

[dr.princess]

معلشى يا بنااات استأذن شوية اصل عندى هدوم لجوزى هكويها
معلشى اصلى بقيت بكسل اوى واسيب كل حاجة لاخر الوقت اعملها
هرجعلكم لما اخلص ان شاء الله

[gogo]

برنسيس الكوى ده كفاح ربنا معاكى

[ملاك بلا أجنحة]

حاضر
أن شاء الله خير بأذن الله

ولا يهمك ياجوجو على التأخير

أنا مش هعرف أدخل بكرة
لأنى ده يومى عند مامت جوزى
لما أرجع أن شاء الله أدخلكم ماشى

[gogo]

انا هقوم انام بقى دماغى تقلت تصبحوا على خير
اشوفكم بكره على خير ان شاء الله

[gogo]

اوك ملاك يبقى هنشوفك باليل بكره ان شاء الله

[ملاك بلا أجنحة]

لولو ربنا معاكى ياحبيبتى

جوجو وأنتى من أهل الخير ياحبيبتى

أنا كمان هقوم أخد شور فى السريع

وأنام علشان أقدر أصحى لصلاة الجمعة

أستودعكم الله تصبحوا على خير

لا أله الا الله محمد رسول الله

[dr.princess]

خلاص يا بنااات ماشى ولايهمك
تصبحوا على الف خير

[ام يحيي 2011]

أزيكم يا بنوتات وحشتونى مرررررررررررررررررره

طبعا كلكم نايمن معلش أمبارح كنت تعبانه ما عرفتش أدخل

بس عندى ليكم خبر حلو































أنا حامل













هههههههههههههههههههههههههههههههه














ما أنتو عرفين












لا بجد





















حسيت بحركه النونو أمبارح الحمد لله ومبسوطه كتييييييييييييييييييييييييير

أنا فنص الرابع يارب أدعولى يبان نوعه كمان المره الجايه أنا رايحه للدكتوره أخر الأسبرع بأذن الله

بالله عليكم تدعولى يبان نفسى أعرف حبيبى ولا حبيبتى عشان وأنا بدردش معه يبقى الواحد على نور برده ههههههههههههه


بحبكم فى الله