مشاهدة النسخة كاملة : دردشة حوامل مصر - دردشة بنات مصر - تجمع حوامل مصر
dr.princess
10-29-2010, 11:37 AM
ازيكم يا بنااات
انا اخر واحدة نايمة فيكم وصحيت قبلكم كلكم
حد صاحى غيرى
dr.princess
10-29-2010, 11:39 AM
ام حنين
مبرووووووووك حبيبتى
وان شاء الله تعرفى نوع البيبى قريب
عقبالى ياااااااااااارب وباقى البنات
ام يحيي 2011
10-29-2010, 01:00 PM
تسلمى يا غااااااااااااليه
يارب يارب حبيبتى ويفرحكم بشفتهم يااااااااااااااااااااااااااارب
أنتى لسه هنا ولا مشيتى
dr.princess
10-29-2010, 01:03 PM
ام حنين
يااااااااااارب اللهم امين
ايوه لسه هنا جوزى راح صلاة الجمعة فقلت ادخل اشوفكم
ام يحيي 2011
10-29-2010, 01:12 PM
أيه أخبارك يا جميل
وأخبار صحنك وصحه النونو أيه
وحشتنى والله من زمان مش شفتك
أيه أخبار أعترفات البنات
ام يحيي 2011
10-29-2010, 01:23 PM
أه يا جميل نسيت أفرحك مش الدكتوره غيرتلى العلاج بتاع الحديد كتبتلى فيربلكس أيه رأيك كويس ولا أيه
وأيه أخبار الوحم معك هانت ولا أيه
ام يحيي 2011
10-29-2010, 01:28 PM
الصلاه عندنا خلصت طمننى عليكى يا جميل قبل ما أمشى عشان أحضر الغداء
ام يحيي 2011
10-29-2010, 01:34 PM
طب أنا همشى بقى يا عسل لما تشفى رسيلى أبقى طمننى عليكى وأنا حبه وهدخل تانى بأذن الله
بس سلملى على كل النوتات
شكلك نمتى وسبتنا صحصى بقى اليوم أجاززززززززززززززززززززه سيبك منا وصحصى لناس تانيهhwaml53hwaml53hwaml53
ازيكم يابنات زياره قصيره كده وقت الصلاه
MALAK2010
10-29-2010, 03:33 PM
السلام عليكم
ازيكم يا بنات عاملين ايو وحشتووووووووووووووونى
ام حنين:مبروووووووووووووووووك ياحبيبتى ربنا يفرح قلبك ويطمنك على البيبى
والمرة الجاية تعرفى نوعة ان شاء الله
لولو:مبروك على الصورة الرمزية حلوة اوى احلى من زغزغت الرجلين اللى فاتت ههههههههههههه بس صورة التوقيع الجديدة اول ماشفتها مااخدتش بالى انها راس نونو كنت فاكرها حاجة تانية بس لما دققت اخدت بالى التجديد حلو برضة
somia
10-29-2010, 04:19 PM
انا جييييييييييييييت بس شكلي ورايا مذلكرة كثيييييير... حد هنااااااااااااااااااا؟؟؟
برنسيسه المنتدى
10-29-2010, 04:35 PM
عاملين ايه يابناااااااااااااااااات
somia
10-29-2010, 04:46 PM
الحمد لله تمام ... انتي ايه أخبارك؟؟؟
دودى اشرف
10-29-2010, 06:06 PM
السلام عليكم ورحمة الله وبركاته ... ازيكم جميعاااااااااااا
حد هنا ولا لا... انهارده الجمعة وكله قاعد مع جوزه بقى هههههههههههههههههههههه .. انا منزلتش بس قومت عملت الغدا وذاكرت اللى فاتنى وقلت اسلم واشوف فى حد ولا انا عارفة ان توته مش هنا انهارده ان شاء الله تيجى بدرى وتكلمنا وتحكلنا عملت ايه
سمية ازيك يا قمر عاملة ايه ... انشالله تكونى احسن .. واخبار الوحم ايه
برنسيسة ازيك ياجميلة اخبارك .. انتى بتخفتى ليه كده .. بتدخلى مرة وبعدها بقى بكتير تدخلى تانى
دودى اشرف
10-29-2010, 06:08 PM
شكل مفيش حد هنا...اهىء اهىء اهىء
دودى اشرف
10-29-2010, 06:13 PM
ام حنين الف الف مبروووووووووك حبيبتى وربنا يتملك على خير وتشوفيه بيتحرك قدامك يارب ...احساس جمييييييييييييل اول احساس بحركة البيبى .. انا كمان حسيت بحركته فى الرابع كان زى السمكة كده ... ان شاء الله المرة الجاية تعرفى نوعه وتفرحينا باذن الله .
somia
10-29-2010, 06:29 PM
دودي انتي لسة هنا؟؟؟؟؟؟؟؟؟؟؟؟؟؟؟؟؟
نولارا
10-29-2010, 06:48 PM
انا واحمد هناااااااااااااااااااااا
somia
10-29-2010, 06:51 PM
ازيك يا نولار والباشا احمد عامل ايه؟؟
نولارا
10-29-2010, 06:56 PM
احمد بيلعب اهو
واوووواوووو ا ببببببا بببببا وكده يعنى
رغااااااااااااااااااااااااى موت
somia
10-29-2010, 07:02 PM
بسم الله ماشاء الله ..أهو حتى تلاقي حد ترغي معاه بدل ما تقعدي تكلمي نفسك
نولارا
10-29-2010, 07:04 PM
عقبال ما النونو يشرف ويعملك صداع زيه كده ههههههههههه
somia
10-29-2010, 07:06 PM
بنات
اخت جوزى عندها الله يعافينا يارب ويشفيها فيرسc
وبتمسك احمد تبوسه من بؤه وانا خايفه عليه ومتضايقه
بس مش عارفه اقولها ايه
النهارده فى السبوع مسكته وقعدت تبوسه
قلتلها بلاش من بؤه عشان ميريلش (اى حجه والسلام)
قالتلى ايه يعنى يريل براحته مش فى بؤى انا راضيه
اعمل معاها ايه؟؟؟؟؟؟؟؟؟؟
نولار متكتيش على الموضوع خلي زوجك يكلمها او لما تيجي تبوسة لو قالتلك يريل براحته قوليلها المشكلة انه مش فبؤقك بس ده هيبقى بيريل علطول وطبعا خلي بالك محدش تاني يبوسه من بقه قدامها
somia
10-29-2010, 07:08 PM
ااااااااااااااااااااامين يا رب
عارفة امبارح كان ابن اخت زوجي معايا وكان هوه بيناغي وانا بناغي معاه فاحنا الاثنين كنا برغي مع بعض احلى رغي...ههههههههههههههههههههههههههههههه
نولارا
10-29-2010, 07:11 PM
انا
امبارح عملت بحث عن فيروس الكبد الوبائى ولقيت نوع منه بينتقل عن طريق اللعاب
وقلت لخالد لما رجع وقالى انا هخلى اخويا الكبير او مراته يكلموها فى الموضوع ده
وربنا يسهل
قلتله انما ممكن اقولها ابوه قالى مش تسيبى حد يبوسه من بؤه
قالى مش هتسمع الكلام
قلتله لو حكمت هقولها بصراحه
زعلها مش اهم عندى من صحه ابنى
dr.princess
10-29-2010, 07:11 PM
ازيكم يا بنااااات
somia
10-29-2010, 07:16 PM
ربنا يسترها مع احمد يا رب
ازيك يا لولو
dr.princess
10-29-2010, 07:17 PM
ام حنين
اسفة والله قفلت بسرعة قبل ما اقولك اصل جوزى جه بدرى شوية عن ما كنت عاملة حسابى
اهم حاجة يكون الحديد ده مبيعملش امساك جامد زى اللى قبله انتى عارفة كل واحدة قابليتها مختلفة للدواء يعنى انا مثلا فى نوع دواء معين للحديد بيعملى اسهال تخيلى وطبعا زى الناس العاديين بيعمل لاختى امساك
لالالالا ياقلبى جوزى معندوش اجازات خالص فكنت مستعجله احضر الغداء علشان نلحق نتغدى وننام شوية قبل ما ينزل الشغل
وان شاء الله هستناكى لما تدخلى تانى ونتكلم باذن الله
نولارا
10-29-2010, 07:18 PM
لولو جت
حللت اهلا ونزلت سهلا
somia
10-29-2010, 07:21 PM
يا جماعة انا عايزة أستشيركم في حاجة
dr.princess
10-29-2010, 07:24 PM
نولارا
متخليش ابدا تخلى حد يبوس ابنك من بؤه بصراحة اصلا حاجة تقرف
وانا لسه قريب شايفة تقرير فى التليفزيون انه حتى لو الانسان معندوش مشاكل صحية ولو باس بيبيى من بؤه كل الفطريات والقرف اللى عنده ده بيتنقل للبيبى وطبعا هو معندوش مناعة فتلاقى بقى جاله التهابات وامراض فى اللثه وما الى ذلك
وده طبعا لو حتى الواحد معندوش امراض امال بقى لو فى الظروف اللى عندك ده وانتى المفروض توقفى الموضوع ده خالص حتى لا انتى ولا باباه
انتى عارفة انا شفت حماتى بتبوس بنت بنتها كده وقرفت اوى فقلت لنفسى انها برده هتعمل كده مع ابنى او بنتى وقلت والله ابدا ساعتها ما هسكت خالص هقولها لا مع ان حماتى الحمدلله صحتها حلوة خالص بس زى حالتك حمايا بقى اللى عنده فيروس c ربنا يستر ساعتها وميتهورش ويبوس هو كمان
dr.princess
10-29-2010, 07:26 PM
سمية
انا الحمد لله كويسة انتى اخبارك ايه والنونو
قولى ايه عايزة تستشيرينا فيه ممكن نفيدك
dr.princess
10-29-2010, 07:28 PM
ملك
اه على رأيك التجديد حلو برده اصلى بزهق بسرعة
اصلى لقيت الصورتين دوا امبارح فقلت اغير واحطهم صورة رمزية وتوقيع
somia
10-29-2010, 07:28 PM
عارفة يا لولو انا فعلا بشوف الموضوع ده مقرف قوي عمري ما بوست بيبي من بقه
نولارا
10-29-2010, 07:29 PM
لول انا معاكى فى ان الموضوع غلط
بس مش معاكى فى انه مقرف
ان شاء الله لما النونو بتاعك يشرف ويبتدى يناغى ويضحك وهو بيبصلك كده
وعينيهم ضحكتها تجنن ربنا يحفظ كل الاطفال يارب
مش هتقدرى تمسكى نفسك انا كذا مره بقول مش هبوسه
بس بضعف قدام اللى وصفتهولك ده كله
somia
10-29-2010, 07:30 PM
هصلي بس وارجعلكم علطول انا محتاجة استشيركم فعلا قوي
نولارا
10-29-2010, 07:31 PM
حتى انتى ياسميه
انا هسيب النونو يغير تفكير كم
سميه عايزه تستشيرينا فى ايه؟؟؟؟؟؟؟؟؟؟؟؟؟؟
dr.princess
10-29-2010, 07:36 PM
مش عارفة يا نولارا
بس زى ما قالت سمية حاجة مقرفة جدا
ولاد اختى ما شاء الله عسل خالص بس عمر ماحد فينا ابدا باسهم من بؤهم لا مننا ولا من اهل باباهم وبعدين كده بنضرهم زى ماقلتلك اى حاجة عندك فى بؤك هتتنقله وبعدين ليه مش عذر يعنى ما خده موجود اهو بيعمل ايه
كانت الوحيدة اللى باست ابنها الكبير مرات اخويا وكانت اختى قرفانة منها اخر قرف وبتهيألى انها قالتلها تبطل تبوسه كده
somia
10-29-2010, 07:42 PM
انا جييييييييييت
dr.princess
10-29-2010, 07:43 PM
سمية
مستنياكى احكى
somia
10-29-2010, 07:44 PM
بصوا يا جماعة طبعا انتوا عارفيين الدم اللي نزل عليا ساعت ما نظفت جردل المسح..المشكلة بقى ان الشقة حالتها بقت كرب انا بقيت بشوفها بتنرفز مش عارفة أعمل ايه اي حاجة بعملها بتعب قوي وبنهج كاني كنت بجري من نص ساعة وفنفس الوقت خايفة اعمل اي حاجة ينزل دم تاني ومش طايقة شكل الشقة فيدوني اعمل اييييييييييييييييييييييه؟؟؟
نولارا
10-29-2010, 07:45 PM
والله يابرنسيس ابنى اول حد ابوسه من بؤه
ولاد اختى واخويا ابدااااااااااااااا
نولارا
10-29-2010, 07:49 PM
واحده واحده ياسميه
مش تتعبى نفسك عشان النونو
يعنى نضفى كل يوم اوضه واحده
ومش مره واحده لالالالا كل شويه تنضفى حاجه فيها
على مهلك وخلى بالك من نفسك
ومش تنحنى خالص وانتى بتنضفى عشان النونو
dr.princess
10-29-2010, 07:50 PM
سمية
مفيش الا حل واحد انك تجيبى واحدة تنضفلك قصدى بالفلوس يعنى بس طبعا تخليكى على ايدها يعنى تاخدى بالك منها علشان مفيش حاجة تروح فاهمانى
ولو مفيش حساسية بينك وبين اخوات جوزك تقوليلهم ينظفولك انا اوقات كنت بطلع اساعد مرات اخويا
وكمان اختى كنت دايما دايما بنظفلها علشان ابنها والحمل وكده ولما سافرت جابت واحدة بالفلوس تنظفلها لان ماشاء الله شقتها كبيرة فمكنتش تقدر تعملها لوحدها
somia
10-29-2010, 07:58 PM
عارفة نولار امباح كنت بنشر شوية غسيل صغيرين قوي في منشر داخلي والله يا بنتي تعبت بشكل رهيب انا مجرد ما بخرج من غرفة لغرفة بنهج قوي وخايفة لان الدكتورة قالتلي متعمليش أحد حاجة تتعبك
somia
10-29-2010, 08:01 PM
لولو انا عشان بيت عيله موضوع الوحدة اللي بتنضف ده هيبقى صعب قوي انا اعرف واحدة كنا بنجيبها عند ستي بس هنا الموضوع هيبقى شبه مستحيل وبعدين اخوات زوجي عرضوا فعلا عليا بس انا بتكسف منهم جدا يعني في الحمل اللي فات مع اني كان نازل عليا دم ومكناش لسة نعرف انه عنقودي وطلعوا يعملولي مقدرتش ابقى قاعدة وهما شغالين كنت بشتغل معاهم اما الدم زاد وكنت هطلع في الروح
somia
10-29-2010, 08:08 PM
انتوا فيييييييييييييييييييييين؟؟؟
dr.princess
10-29-2010, 08:09 PM
سمية
ايه اللى يبقى مستحيل ليه لو جبتى حد ينضفلك ما هو اختى ساكنة مع حماتها وجابت واحدة وكمان اخوات جوزى عااااااااااااادى حقك ترتاحى
وبعدين حتى لو اخوات جوزك لو طلعوا ينظفولك ايه اللى يقومك معاهم معلشى هقولك كلمة صعبة دى مسألة حياة او موت وانتى مجربة قبل كده مش انا اللى هقولك
طيب والله لما اختى كانت حامل كنت اسيبها نايمة واقوم انا اقلب الشقة وانظفهالها ولو صحت تبقى متضايقة على تعبى وكده اقولها انا معنديش حاجة هخاف عليها لما اشتغل
اقولك زى ما جوزى بيقول الفلوس دى معمولة علشان تريحنا هاتى واحدة تنظفلك مش أزمة محدش هينفعك لو انتى او اللى فى بطنك تعبتوا
السلام عليكم ازيكم يابنات
dr.princess
10-29-2010, 08:15 PM
جوجو
ازيك معلشى اتاخرت عليكوا امبارح على ما خلصت كوى بقى خلصت حسيت انى كان عندى ماتش مصارعة ههههههههههه
somia
10-29-2010, 08:15 PM
والله يا لولو معاكي حق ربنا يستر ان شاء الله انا هحاول اكلم زوجي النهاردة باذن الله ويا رب يقتنع بفكرة الست لاني محبش ان يكون لحد جمايل عليا واختي طبعا كل يوم عندها كلية وامتحانات فمش هتقدر تجيلي خالص قبل الاجازة ادعولي بس اعرف اقول لزوجي ومتكسفش
dr.princess
10-29-2010, 08:18 PM
سمية
والله انتى هتجننينى تتكسفى من ايه تتكسفى انك تقوليله اجيب واحدة تساعدنى
امال لو حاجة كده ولا كده بتقوليها ازاى يابنتى
somia
10-29-2010, 08:22 PM
لولو المشكلة اني فعلا بتكسف اطلب اي حاجة من زوجي.. ربنا يستر
برنسيس ربنا معاكى الكوى والتطبيق ده ارخم حاجه ف شغل البيت
dr.princess
10-29-2010, 08:25 PM
سمية
وتتكسفى ليه امال لو مطلبتيش منه هتتطلبى من مين يعنى
ده حقك وواجب عليه وانتى عارفة كويس الكلام ده
ما دام بتطلبى حاجة فى استطاعته يعملها يبقى ليه الكسوف بقى
dr.princess
10-29-2010, 08:26 PM
جوجو
والله عندك حق كله الا الكوى والتطبيق تقال على القلب بشكل
somia
10-29-2010, 08:31 PM
عارفة والله يا لولو الكلام ده كله بس انا طبعي كده يعني الاول كنت بكسف اطلب من بابا ودلوقتي من زوجي بس باذن الله هاحاول اكلمه النهاردة عشان بجد انا مش هستجمل اشوف دم تاني انا المرة اللي فاتت كنت هموت من الرعب ادعيلي بس ربنا يديني الشجاعة
dr.princess
10-29-2010, 08:35 PM
سمية ربنا يقويكى يابنتى وتتشجعى تتكلمى
somia
10-29-2010, 08:37 PM
ااااااااااااااااااااااااااامين يا رب
somia
10-29-2010, 08:45 PM
يا جماعة هاضطر اقولكم تصبحوا على خير لاني مش قادرة اقتح عنيا اصلي منمتش النهاردة كويس..
السلام عليكم ورحمة الله وبركاته
برنسيس ايه اخبار السمك hwaml16
dr.princess
10-29-2010, 08:58 PM
سمية وانتى من اهله حبيبتى ونشوفك بكرة ان شاء الله
جوجو السمك عملته صينية فى الفرن
لسه باقى منه والله تعالى جربيه كده وقوليلى ايه رأيك فى طبيخى
اجى مجيش ليه بس اوعى تكونى بتعزمى عزومه مركبيه
لحسن المصرين شاطرين اوى ف عزومه المركبيه دىhwaml16
بس خليها يوم تانى انا كلت محشى انهارده مفيش مكان لحاجه تانى
دودى اشرف
10-29-2010, 09:03 PM
انا جيييييت ... وانا كل ما اجى حد يخرج هههههههههههههههه
ازيك جوجو عاملة ايه ... نولارا كيفك .. لولو عاملة ايه يا حبيبتى
سمية الله يقويكى حبيبتى ... بس فعلا متتعبيش نفسك انشالله الشقة تعفن حتى لو معرفتيش تجيبى حد .. يا اما برااااااحة وحاجة حاجة وعلى مهلك خالص اهو بتتسلى .. وربنا يسترها ان شاء الله معاكى
نولارا
10-29-2010, 09:05 PM
انا جييييييييييييييييييييت
dr.princess
10-29-2010, 09:07 PM
جوجو
لا والله ابدا ده وفعلا لسه باقى سمك وبعدين ده احنا ابو الكرم نفسه ههههههههههه
بس بصراحة عندك حق المحشى يكسب
دودى اشرف
10-29-2010, 09:07 PM
وانتى من اهله يا حبيبتى ونشوفك على خير ان شاء الله
لولو الف هنا وشفا على قلبكم يا حبيبتى .. انا نفسى اكل سمك بلطى مقلى اوىىىىى
عملتى ايه فى موضوعك .... اتكلمتى ولا لسه مجاتش مناسبة ؟
dr.princess
10-29-2010, 09:08 PM
دودى
ازيك ياقمر انا كويسة الحمدلله
نولارا نورتى البيت انتى كنتى فين
dr.princess
10-29-2010, 09:15 PM
دودى
اتكلمت وجوزى طبعا مانصفنيش كالمتوقع ونمت بغيطى بس قلت كلمتين حلوين اوى قبل ما انام من غيظى
والنهاردة كانت خناقة محترمة كلمة من هناعلى كلمة من هنا جات سيرتهم وقلت اللى جوايا وهو بصراحة كمان مقصرش المهم ظبطنا بعض على الاخر متوصيناش مقولكيش
بس من شوية كده علشان خاطره بس كلمتهم قلت جايز تخفف من اثر الخناقة شوية والموضوع ميكبرش
نولارا
10-29-2010, 09:15 PM
كنت بغسل الهدوم
واحمد نام
هقوم بسرعه امسح البلكونه وانشر الهدوم وارجع لكم
دودى اشرف
10-29-2010, 09:20 PM
لولو والله انتى زى دعاء بنت عمتى بالظبط .. افضل اقولها يا نتى متجبيش سيرة اهله واتكلمى براحة تقولى حاضر وبعدين تعملها خناقة وتكبر بقى .. فا فكرتينى بيها .. يعنى فى الاخر عملتى اللى قلنالك عليه ههههههههههههههههههههههه ,,, ماكان من الاول يا بنتى بس يلا قدر الله وماشاء فعل .. حاولى بقى تلمى الليلة .. احنا قلنالك اى سيرة لاهله الموضوع هيقلب عليكى يا دعاء .. هسميكى دعاء هههههههههههههههههههههههه .. شكلك كده دماغك ناشفة زييها بالظبط
dr.princess
10-29-2010, 09:20 PM
نولارا
يااااااه فكرتينى بايام البلكونات استمتعى بيها قد ما تقدرى بكرة لو سافرتى تتحرمى منها
احنا موجودين لغاية ما ترجعى
دودى اشرف
10-29-2010, 09:28 PM
نولارا الله يقويكى .. ونوم العافية لعريسنا الباشا ... على رأى لولو فعلا البلكونات دى احنا محرومين منها ... انا عندى بلكونى بس كأنها مش موجوده بالظبط ولا بتتفتح ولا بنشوف الشمس حتى الله يكون فى عونا ههههههههههههههههههههه
dr.princess
10-29-2010, 09:29 PM
دودى
ههههههههههه ماشى يا ستى دعاء دعاء ولا يهمك انا برده عندى اء اللى فى الاخر دى
والله انا اتكلمت بالراحة خالص اول مرة وبهدووووووء بس المرة التانية وسعت منى اعمل ايه بقى ههههههههههههه
دودى اشرف
10-29-2010, 09:32 PM
يلا ربنا يهديلك الحال يارب ان شاء الله يا حبيبتى
dr.princess
10-29-2010, 09:35 PM
ياااااااااااااارب اللهم امين
دودى اشرف
10-29-2010, 09:39 PM
واضح ان انهارده اجازة للازواج والزوجات كمان ههههههههههههههههههههه ... انا الصبح دخلت ذاكرت شوية ولاقيت جوزى بيقولى اصتبحنا ههههههههههههه .. وبعدين قومت عملت الاكل وبعدين جوزى كان تعبان شوية ومنزلناش انهارده فا قلت ادخل بقى شوية ابص عليكم لاقيت معظم البنات اجازة هههههههههههههههههه
يارا ويوسف
10-29-2010, 09:44 PM
انا جيييت ازيكوووووو
hwaml7hwaml7hwaml7hwaml7hwaml7
خناقة اية بس لاسمح الله
دودى اشرف
10-29-2010, 09:46 PM
اهلين سومه .. ازيك يا قمر عاملة ايه .. وازى ابنك ... مش عندك ابن برضه ؟؟
يارا ويوسف
10-29-2010, 09:48 PM
ملكوكة ازيك ياقمر عاملة اية
يارا ويوسف
10-29-2010, 09:49 PM
ايوة ياقمر عندى مهند
دودى اشرف
10-29-2010, 09:50 PM
احنا واحد طبعا ... بس انا دودى يا قمررررر .. سلامة الشوف يا حبيبتى هههههههههههههههههههههه
دودى اشرف
10-29-2010, 09:52 PM
ربنا يخلى يا قمر يارب وتجيبيله بقى اخوه او اخته ان شا ءالله
يارا ويوسف
10-29-2010, 09:52 PM
وانتم عاملين اية
يارا ويوسف
10-29-2010, 09:53 PM
احنا واحد طبعا ... بس انا دودى يا قمررررر .. سلامة الشوف يا حبيبتى هههههههههههههههههههههه
معلش اصل دماغى مصدعة ومش شايفة قدامى
دودى اشرف
10-29-2010, 09:54 PM
لولو نمتى ولا ايه ... روحتى فين
دودى اشرف
10-29-2010, 09:55 PM
الف سلامة عليكى ياقمر .. معلش انا نسيت .. انتى من حلوان برضه ولا منين فى القاهرة ؟؟
يارا ويوسف
10-29-2010, 09:55 PM
ربنا يخلى يا قمر يارب وتجيبيله بقى اخوه او اخته ان شا ءالله
ربنا يخليكى ويتملنا كلنا على خييير يارب
دودى اشرف
10-29-2010, 09:59 PM
مش عارفة البنات فين انهارده ... ادخلوااااااااااااااااااااااااا بقىىىىىىىىىىىىىىىىى
يارا ويوسف
10-29-2010, 09:59 PM
الف سلامة عليكى ياقمر .. معلش انا نسيت .. انتى من حلوان برضه ولا منين فى القاهرة ؟؟
اة ياقمر ساكنة فى حلواااان
dr.princess
10-29-2010, 09:59 PM
معلشى كان معايا تليفون
دودى اشرف
10-29-2010, 10:01 PM
ماشاء الله كتير من حلوان ... احسن ناس طبعا
dr.princess
10-29-2010, 10:20 PM
ايه الصمت الرهيب ده
دودى اشرف
10-29-2010, 10:32 PM
انتى فين يا لولو .. انا سألت عليكى ... مش عارفة ايه الصمت ده .. انا اصلى قمت اصلى العشا وجيت
توتة السيد
10-29-2010, 10:33 PM
مساء الانوار والخيرات ياحلوات وحشتونييييييييييييييييييييييي
dr.princess
10-29-2010, 10:36 PM
توتة
ازيك انتى كمان وحشتينا
توتة السيد
10-29-2010, 10:37 PM
http://up.hwaml.com/download.php?img=1130
ياروحي ماشاء الله عريس بنتي ده ان شاء الله
دودى اشرف
10-29-2010, 10:37 PM
هييييييييييييييييييييييييييييييييييييييييه ,,,, توته جتتتتتتتتتتتتتتتت
حمدالله على السلامة يا ام نوران .. عاملة ايه ... احكلنا عملتى ايه وجبتى ايه بسرعة احسن احنا قاعدين من الصبح بنش هههههههههههههه.. انتى وحشتينا اكتر .. من الصبح بنتشأل على حد يدخل ههههههههههههههه .. كله هيجر بعضه دلوقتى .ز ما هو يمفيش يا كله موجود
توتة السيد
10-29-2010, 10:38 PM
ازيك يالولو ياقمر عاملة ايه
دودى اشرف
10-29-2010, 10:39 PM
اه شوفتى القمرررر .. ماهو ده اللى كنت بقولك عليه حطاه على الياهوو وعلى الموبايل وذلنى بيه .. ههههههههههههههههههههههههههههههههه .. ليهم حق والله .. مش عارفة منين بالظبط هييجى ههههههههههههههههههه
دودى اشرف
10-29-2010, 10:40 PM
لولو نسيت صحيح اباركلك على الصورة الرمزية الجديدة وصورة التوقيع احلى من الصور الرمزية القديمة .. انا كمان بحب التغيير اوى
دودى اشرف
10-29-2010, 10:45 PM
عن اذنكم شوية وجاية يا بنات بس هحضر العشا ... اتفضلوا معانا
توته توته
10-29-2010, 10:58 PM
توتة
هههههههههههههه ليه بس تسيبيها لما تتحرق انا لو بعمل حاجة فى الفرن مش ممكن اقعد واسيبها ابدا حرام حتى انا تعبانة فيها ومكلفاها وفى الاخر تتحرق
ياريتها البسبوسة وبس دة أنا أفضل متابعه متابعه
وأول م أروح ألاقي الحاجة اتحرقت ههههههههههه
دة أنا البيض بيعمل مفرقعات وحاجات بتطير حوادث
dr.princess
10-29-2010, 11:09 PM
يا بنات انا دلوقتى بسمع حوار لايف مع مصطفى حسنى وفيه بيجاوب على اسئلة ممكن تبعتوها من على النت
الرابط اهو لو عايزين تسمعوه
http://mustafahosny.com/stream/
توته توته
10-29-2010, 11:16 PM
عاملين ايه يا بنات ازيكو
توتة السيد
10-29-2010, 11:16 PM
هييييييييييييييييييييييييييييييييييييييييه ,,,, توته جتتتتتتتتتتتتتتتت
حمدالله على السلامة يا ام نوران .. عاملة ايه ... احكلنا عملتى ايه وجبتى ايه بسرعة احسن احنا قاعدين من الصبح بنش هههههههههههههه.. انتى وحشتينا اكتر .. من الصبح بنتشأل على حد يدخل ههههههههههههههه .. كله هيجر بعضه دلوقتى .ز ما هو يمفيش يا كله موجود
هيييه هيييه العروسة جت جت ههههههههههههههههه
الله يسلمك ياحبي تسلميلي
اسكتي جبت اشوية حاجات يتروحي تجنن يارب تيجي بالف سلامة وتلبس ويجعلهم بخات عليها
في حاجات يانااااااااااااااس كان هاين عليا اجيب ونش وشيل المول كله واجي ههههههههههه
بس والله رحت وحترت رغم اني كنت بذاكر كويس ايه اللي يتجاب بس ضلمت معايا
بس الحمد لله جبت برضه والناقص نكمله بأذن الله من مصر
عقباللكم يابنات ربي يكملكم ويكملنا والجميع علي خير
توتة السيد
10-29-2010, 11:18 PM
تسلمي يالولو
توته توته
10-29-2010, 11:18 PM
أنا فتحته باسمع معاكي :)
توتة السيد
10-29-2010, 11:18 PM
اهلا بتوتة توتة وابتدأت الحدوتة
منورة ياقمر انتي عاملة ايه والنونو عامل ايه
توتة السيد
10-29-2010, 11:19 PM
مش راضي يشتغل عندي اظاهر النت عندي بطيئ
dr.princess
10-29-2010, 11:20 PM
توتة توتة
الحمد لله انك فتحتى ومتابعة معايا ماشاء الله عليه ربنا يزيده ويهدينا احنا كمان
ياريت باقى البنات يدخلوا هم كمان والله هتستفادوا
توتة السيد
10-29-2010, 11:20 PM
صحة وهنا ياحمات بنتي بس ماتتاخريش علينا
توته توته
10-29-2010, 11:23 PM
شوفتي يا توته بقينا توتين هههههههههههههههه
توتة السيد
10-29-2010, 11:25 PM
شوفتي يا توته بقينا توتين هههههههههههههههه
ايوة كده خلي التتاوتة هما اللي فوزوا هههههههههههههههه>>>>>> التتاوتة اخت الحتايتة ههههههههههههه
dr.princess
10-29-2010, 11:25 PM
توتة
مشتغلش على الفايرفوكس اشتغل معايا على الانترنت اكسبلورر
طلع عندى سطر كده فى صفحة الموقع فوق عملت كليك طلع خيارات ضغطت على خيار اد اون اشتغل على طول
نولارا
10-29-2010, 11:26 PM
رجعنااااااااااااااااا
معلش اتاخرنا عليكم
احمد صحى فى النص وبهدلنى
واخدت شاور وفضيت الغساله ومسحت الحمام
واحمد اخد شاور وقاعد بياكل زبادى هههههههههههه
توتة السيد
10-29-2010, 11:27 PM
طيب ما انا شغالة علي انترنت اكسبلولر
وبرضه مش شغال
توتة السيد
10-29-2010, 11:28 PM
حمد لله علي السلامة نولارا حمام الهنا حبيبتي وصحتين وهنا علي القمر احمد
dr.princess
10-29-2010, 11:29 PM
مش عارفة والله يا توتة
توتة السيد
10-29-2010, 11:30 PM
معلش ابقي اشوف الحلقة وسجلها بعد كده من اي موقع
توتة السيد
10-29-2010, 11:31 PM
سمعتي الانشودة التانية اللي بعنهالكم امبارح قبل ماقفل
توته توته
10-29-2010, 11:32 PM
ايون ذي الحتايته كدة هههههههههههههههه
ليه اللينك مش شغال وياكي جربيه تاني
dr.princess
10-29-2010, 11:34 PM
توتة
ده اللى كاتبينه على صفحته على الفيس بوك علشان لو فى حد مش عارف يسمع الحوار
( إذا لم تتمكن من سماع الايف تشات من فضلك تأكد من وجود جهاز ريال بلير على جهازك أو أتبع الخطوات لتحميله على الجهاز .. أو قم بأستخدام صفحه أنترنت أخرى كفاير فوكس أو جوجل كروم )
ويارب يفتح معاكى
نولارا
10-29-2010, 11:35 PM
رغااااااااااااى موت
عمال يناغى والاكل فى بؤه
خلى الدنيا كلها زبادى
نولارا
10-29-2010, 11:36 PM
انتوا مشغولييييييييييييين فى ايه يالولو
توتة السيد
10-29-2010, 11:40 PM
ايون ذي الحتايته كدة هههههههههههههههه
ليه اللينك مش شغال وياكي جربيه تاني
بالظبط كده هههههههههههه
لا مش شغال مش عارفة ليه
توتة السيد
10-29-2010, 11:41 PM
توتة
ده اللى كاتبينه على صفحته على الفيس بوك علشان لو فى حد مش عارف يسمع الحوار
( إذا لم تتمكن من سماع الايف تشات من فضلك تأكد من وجود جهاز ريال بلير على جهازك أو أتبع الخطوات لتحميله على الجهاز .. أو قم بأستخدام صفحه أنترنت أخرى كفاير فوكس أو جوجل كروم )
ويارب يفتح معاكى
مش عارفة انا محملة ريال بلير علي الجهاز وبرضه مش شغال
اجرب يمكن ينفع اوبرا
توتة السيد
10-29-2010, 11:42 PM
رغااااااااااااى موت
عمال يناغى والاكل فى بؤه
خلى الدنيا كلها زبادى
ياروحي يسلم يارب صحة وهنا حبيبي وخرب زي ما انت عايز وماما هي اللي تنضف ههههههههه
dr.princess
10-29-2010, 11:42 PM
نولارا
احنا بنسمع حوار لايف ل مصطفى حسنى على النت بيجاوب فيه على اسئلة وممكن تبعتى اسئلتك لو عايزة
وده الرابط http://mustafahosny.com/stream/
نولارا
10-29-2010, 11:42 PM
انتوا مش بتردوا عليا امشى يعنى اهىء اهىء اهة
توتة السيد
10-29-2010, 11:42 PM
بسمعوا حلقة للداعية مصطفي حسني علي النت
توتة السيد
10-29-2010, 11:48 PM
يابنته يابتقدوا ساكتين مابتتكلموش ياماتقعدوش خالص وحشتوني وعايزة اتكلم معاكم
dr.princess
10-29-2010, 11:51 PM
معلشى يا توتة
انا اسفة والله اصل الحلقة حلوة اوى صراحة وانا حاسة انى مقصرة اليومين دول وجوزى كمان بيقولى كده اسفة والله
هو بيقول تقريبا اقل من نص ساعة ويخلص
نولارا
10-29-2010, 11:52 PM
انا معاكى ياتوته
توتة السيد
10-29-2010, 11:53 PM
العفو حبيبتي لولو احضري براحتك انا بس نفسي
اتكلم معاكم علشان سبتكم من امبارح لحد دلوقتي فوحشتوني
توتة السيد
10-29-2010, 11:54 PM
تسلميلي ياام احمد ياقمر
اخبار احمد مع الزبادي ايه
دودى اشرف
10-29-2010, 11:54 PM
انا جييييييييت ... مبروك عليكى يا حمات ابنى يا رب تيجى بالف سلامة وتلبسهم وتتهنى بيهم يااااااااااااااااااااااااااااارب وتفرحى بيها وهى عروسة كده فى ايد عمر ان شاء الله ههههههههههههه
لولو جزاكى الله خيرا .. انا هحاول ادخل عليه
نولارا الف صحة وهنا لاحمد برااااااااحته .. ده مدوب قلوب العذارا ههههههههههههه
توته توته حمدالله على السلامة ... بمناسبة البيض المفرقع انا مره كنت بسلق بيض ونسيته .. بعدين وانا قاعدة سمعت حاجة افتكرت البيض .. دخلت لاقيت البيض محروق وفاااااااااااضى هههههههههههه فاعادى .. تلاقيكى بس لسه جديدة فى الكار زييى
نولارا
10-29-2010, 11:55 PM
توته عايزه تتكلمى فى ايه انا معاكى اهو
توتة السيد
10-29-2010, 11:55 PM
قوليلي صحيح بم انك خبره ايه هي الحاجات اللي تتجاب للبيبي
انا نزلت اشتري احترت بس جبت بس حاسة اني لسه في حاجات
توتة السيد
10-29-2010, 11:56 PM
طبعا السرير والببرونات وحاجات الحمام دي قولت
هجبها من مصر علشان هتبقي شيلة عليا ةانا نازلة للوحدي
دودى اشرف
10-29-2010, 11:57 PM
وانا كمان معاكم .. لانى فتحت بس لاقيت مكان الاسئلة بس وانا مش هلحق اصلا اسمع واتكلم
نولارا
10-29-2010, 11:57 PM
بصى ياتوته
انتى هتلبسى بامبرز طول الوقت ولاوقت النوم بسس
توته توته
10-29-2010, 11:59 PM
هههههههههه دودى إنتي لاقيته فاضي
أنا بادخل في لحظة ا لطيران لحظة التقاء البيض
بوجوه البشر يعني لحظة رومانسية هههههههههههههه
دودى اشرف
10-30-2010, 12:00 AM
بالعمس يا توته دى الحاجات دى هنا احسن يا حبيبتى .. بذات الزيوت والشامبوهات وارخص اعتقد ... لكن البانيو تهيألى مش هتحتاجيه دلوقتى .. خليه لما ترجعى بالف سلامة ان شاء الله ... صحيح جوزك هينزلك ولا انتى هترجعى لوحدك ... وهتقعدى اد ايه بعد الولادة فى مصر ؟
توتة السيد
10-30-2010, 12:00 AM
اهلا دودي حبي
نولارا
10-30-2010, 12:00 AM
لو وقت النوم بس يبقى هتحتاجى كوافيل قطن
انا لما نزلت اشترى جبت الكوافيل واربطه السره و3 لفف او شايات زى ما انتى بتقولى عليهم
وجلابيات وبناطيل والكوفيرته
توتة السيد
10-30-2010, 12:00 AM
ان شاء الله يانولارا طول الوقت هلبس بامبرز لو ماكنش في ضرر يعني
دودى اشرف
10-30-2010, 12:02 AM
انا قصدى على حاجة الحمام اللى هى الشامبوهات وكده ولو ببرونات ... لكن السرير برضه خليه لما ترجعى .. ولا انتى ناوية تجرشى فى مصر ؟؟
dr.princess
10-30-2010, 12:02 AM
توتة
اهو خلص خلاص متزعليش
اقولك عن خبرة على اعتبار شغلى فى الصيدليات وكمان اختى بترضع صناعى
احسن حاجة تجيبى الببرونات من عندك الببرونات فى مصر اى كلام والنوعية النظيفة بتلاقى اسعارها نار وبرده مش هتكون زى اللى عندك
بس اهم حاجة تجيبى الببرونة تكون صغيرة بلاش الكبيرة دى فى الاول وتاخدى بالك من الحلمة بتاعتها تكون نوعية كويسة وملمسها حلو مش ناشف وكمان صغيرة علشان المواليد الجداد
توتة السيد
10-30-2010, 12:04 AM
بالعمس يا توته دى الحاجات دى هنا احسن يا حبيبتى .. بذات الزيوت والشامبوهات وارخص اعتقد ... لكن البانيو تهيألى مش هتحتاجيه دلوقتى .. خليه لما ترجعى بالف سلامة ان شاء الله ... صحيح جوزك هينزلك ولا انتى هترجعى لوحدك ... وهتقعدى اد ايه بعد الولادة فى مصر ؟
مش عارفة ياحبي اشوف ولو كان انزل تاني وجبها
هي من حيث ارخص فهي بالطبع اغلي هنا
اه البانيو ده خليه بعد كده ان شاء الله
لا انا هرجع لوحدي امال مش عايزة اتقل في الشيلة ليه
ان شاء الله احتمال شهر ونص او شهرين
توتة السيد
10-30-2010, 12:06 AM
لو وقت النوم بس يبقى هتحتاجى كوافيل قطن
انا لما نزلت اشترى جبت الكوافيل واربطه السره و3 لفف او شايات زى ما انتى بتقولى عليهم
وجلابيات وبناطيل والكوفيرته
طيب معلش بقي علشان انا مييييييح خالص شكلها ايه الكوافيل دي
ورابط السرة وايه الشايات انا منعدمة الثقافة في الحاجات دي
توته توته
10-30-2010, 12:07 AM
انتي هتنزلي يا توته بعد الولادة مصر ولا قبليها
البامبرز لبسيه طول اليوم عادي وكمان عشان ترتاحي ومتتعبيش
دودى اشرف
10-30-2010, 12:07 AM
بصى يا توته انا واحدة صحبتى اللى كنت عندها دى من اسبوع .. قالتلى اجيت اتنين اللى هى من 3-0 او واحدة صغيرة وواحدة وسط لان ان شاء الله هترضعى طبيبعى الحاجات دى بتكون علشان لو فى مغض تعملى تيليو ولا حاجة ولو خارجة وقت الزنقة بس تعلمى راضعة ... وقالتلى فى نوع اسمه بيجون قالتلى عليه حلو وبتجبيه زجاج مش بلاستيك وهاتى فى كريم زنك علشان الحفاضات وبودرة وشامبو جونسون ..والله واحدة صحبتى قالتلى على نوع ونسيت اسمه هو شامبو وفى نفس الوقت للجسم
توتة السيد
10-30-2010, 12:08 AM
توتة
اهو خلص خلاص متزعليش
اقولك عن خبرة على اعتبار شغلى فى الصيدليات وكمان اختى بترضع صناعى
احسن حاجة تجيبى الببرونات من عندك الببرونات فى مصر اى كلام والنوعية النظيفة بتلاقى اسعارها نار وبرده مش هتكون زى اللى عندك
بس اهم حاجة تجيبى الببرونة تكون صغيرة بلاش الكبيرة دى فى الاول وتاخدى بالك من الحلمة بتاعتها تكون نوعية كويسة وملمسها حلو مش ناشف وكمان صغيرة علشان المواليد الجداد
تسلمي ياحبي هو بدها نزلة تاني وخلاص رغم اني اتكسرت رجليا انهاردة
توتة السيد
10-30-2010, 12:10 AM
انتي هتنزلي يا توته بعد الولادة مصر ولا قبليها
البامبرز لبسيه طول اليوم عادي وكمان عشان ترتاحي ومتتعبيش
لا ياتوتة ان شاء الله نازلة الجمعة اللي جاية
هولد في مصر ان شاء الله
وانا ناوية علي كده برضه
دودى اشرف
10-30-2010, 12:12 AM
الشايات دى زى الفانلات اللى بتتلبس من تحت بس زى على شكل سالبوت كت او كم او نص .. اومال انتى جبتى ايه ههههههههههههههههههههههههههههه .. بصى حبيبتى ده موقع فى كل حاجة عن احتياجات المولود الحديث ..
http://forums.3roos.com/showthread.php?t=556088
توتة السيد
10-30-2010, 12:13 AM
بصى يا توته انا واحدة صحبتى اللى كنت عندها دى من اسبوع .. قالتلى اجيت اتنين اللى هى من 3-0 او واحدة صغيرة وواحدة وسط لان ان شاء الله هترضعى طبيبعى الحاجات دى بتكون علشان لو فى مغض تعملى تيليو ولا حاجة ولو خارجة وقت الزنقة بس تعلمى راضعة ... وقالتلى فى نوع اسمه بيجون قالتلى عليه حلو وبتجبيه زجاج مش بلاستيك وهاتى فى كريم زنك علشان الحفاضات وبودرة وشامبو جونسون ..والله واحدة صحبتى قالتلى على نوع ونسيت اسمه هو شامبو وفى نفس الوقت للجسم
تمام ياحبي ايه كمان فدوني الله يرضي عنكم
لاني في الضياع
توتة السيد
10-30-2010, 12:15 AM
الشايات دى زى الفانلات اللى بتتلبس من تحت بس زى على شكل سالبوت كت او كم او نص .. اومال انتى جبتى ايه ههههههههههههههههههههههههههههه .. بصى حبيبتى ده موقع فى كل حاجة عن احتياجات المولود الحديث ..
http://forums.3roos.com/showthread.php?t=556088 (http://forums.3roos.com/showthread.php?t=556088)
هههههههههههههههههههه اه جبت منهم كت وكوم ونص كوم تمام انا بجيب بس مش عارفة الاسماء بتعتهم هههههههههههههههههه
توته توته
10-30-2010, 12:18 AM
انتي هتنزلي يا توته بعد الولادة مصر ولا قبليها
البامبرز لبسيه طول اليوم عادي وكمان عشان ترتاحي ومتتعبيش
لا ياتوتة ان شاء الله نازلة الجمعة اللي جاية
هولد في مصر ان شاء الله
وانا ناوية علي كده برضه
ربنا يسهل ولادتك ويقومك بالسلامة يارب وأنا وكل الحوامل وياكي
ابئي ادخلى من هناك المنتدى اوعي تنسينا
توتة السيد
10-30-2010, 12:20 AM
ربنا يسهل ولادتك ويقومك بالسلامة يارب وأنا وكل الحوامل وياكي
ابئي ادخلى من هناك المنتدى اوعي تنسينا
آمين حبيبتي وانتي والجميع
اكيد ياحبي في حد ينسي خواته
دودى اشرف
10-30-2010, 12:20 AM
ده حبيبتى موقع تانى لحاجة الاطفال ..
http://www.vb.foxarab.com/t11920.html
.. انا كنت زيك كده لا افقه شىىىىىء .. بس كلمت صحبتى اللى مصر هى مخلفة قبلى سنة ونص ولسه بقى كانت فى الحوار ده .. وهى اللى فادتنى بصراحة غير انى كنت مقضياها بقى على النت لحد ما لميت الحاجة الحمدلله .. وهاتيله ناموسية يا قمر .. انا جبتله واحده بتبقى سفنج كده زى المرتبة الضغنة وعليه اناموسية من فوق علشان تنيميه فيها براحتك ومتقلقيش من ذبانة او ناموسة ولا حاجة
دودى اشرف
10-30-2010, 12:25 AM
هى البنات فيييييييييييييييييييييييييييييييين ؟؟؟
توتة السيد
10-30-2010, 12:25 AM
ده حبيبتى موقع تانى لحاجة الاطفال ..
http://www.vb.foxarab.com/t11920.html (http://forum.hwaml.com/redirector.php?url=%68%74%74%70%3a%2f%2f%77%77%77% 2e%76%62%2e%66%6f%78%61%72%61%62%2e%63%6f%6d%2f%74 %31%31%39%32%30%2e%68%74%6d%6c)
.. انا كنت زيك كده لا افقه شىىىىىء .. بس كلمت صحبتى اللى مصر هى مخلفة قبلى سنة ونص ولسه بقى كانت فى الحوار ده .. وهى اللى فادتنى بصراحة غير انى كنت مقضياها بقى على النت لحد ما لميت الحاجة الحمدلله .. وهاتيله ناموسية يا قمر .. انا جبتله واحده بتبقى سفنج كده زى المرتبة الضغنة وعليه اناموسية من فوق علشان تنيميه فيها براحتك ومتقلقيش من ذبانة او ناموسة ولا حاجة
تسلميلي ياقلبي
اه والله حيرة ما بعدها حيره بس ربنا يخليكوا ليه افدتوني حبايبي ربي يقومكم بالف سلامة
فكرتيني بالناموسية تسلمي
توتة السيد
10-30-2010, 12:26 AM
مش عارفة اختفوا فجأة كده
dr.princess
10-30-2010, 12:27 AM
وفى حاجة مهمة يا توتة اوعى تنسيها
بما انك هتولدى ان شاء الله فى الشتاء فاوعى تنسى تجيبى طاقيات وشرابات علشان البرد انا شفت طقمات على بعضها طاقية وشراب وكنت هموت عليها بس قلت لسه بدرى
توتة السيد
10-30-2010, 12:32 AM
وفى حاجة مهمة يا توتة اوعى تنسيها
بما انك هتولدى ان شاء الله فى الشتاء فاوعى تنسى تجيبى طاقيات وشرابات علشان البرد انا شفت طقمات على بعضها طاقية وشراب وكنت هموت عليها بس قلت لسه بدرى
اه ياحبي الحمد لله اشتريتها دي اطقم علي بعض وكمان في حاجات تتلبس في الايد تبع التقم
وجبت فرداني كمان
دودى اشرف
10-30-2010, 12:35 AM
اه صح يا لولو ... الطواقى والشرابات وفى برضه حاجة بتتلبس فى الايد ... زى الشراب بس فى الايد علشان البرد .. هتلاقيه منهم اطقم فى المحلات ... وجبتى بطانية وكوفرتات وفوط كبيرة للحمام وفوط صغيرة لمسح القشط والحاجات الصغيرة دى والبافتات
dr.princess
10-30-2010, 12:35 AM
توتة تمام كده
طيب جبتى بافيتات علشان بعد الرضاعة الهدوم متتوسخش
توته توته
10-30-2010, 12:36 AM
هي ولادتك امتى يا توته إن شاء الله
دودى اشرف
10-30-2010, 12:36 AM
اه صح يا لولو ... الطواقى والشرابات وفى برضه حاجة بتتلبس فى الايد ... زى الشراب بس فى الايد علشان البرد .. هتلاقيه منهم اطقم فى المحلات ... وجبتى بطانية وكوفرتات وفوط كبيرة للحمام وفوط صغيرة لمسح القشط والحاجات الصغيرة دى والبافتات بس هاتى بفتات بلزقة أأمن من الرباط ... انا بحاول افتكر انا جبت ايه واقولك عليه ههههههههههههههههه hwaml02
توتة السيد
10-30-2010, 12:37 AM
وجبتى بطانية وكوفرتات وفوط كبيرة للحمام وفوط صغيرة لمسح القشط والحاجات الصغيرة دى والبافتات
اه ياحبي دول جبتهم الحمد لله
توتة السيد
10-30-2010, 12:39 AM
توتة تمام كده
طيب جبتى بافيتات علشان بعد الرضاعة الهدوم متتوسخش
اه ياحبي جبتهم دول
دودى اشرف
10-30-2010, 12:39 AM
ما انتى شطورة اهو .. اومال محسسانا انك مجبتيش حاجة ليه هههههههههههههههههههههه .. ولا خايفة تتحسدى .. انا اصلا نفسى اشوف جبتلها ايه من كتر ما كنت بشوف اد ايه حاجة البنات تجنننننننننن ... جبتى لبس خروج ولا لسه ؟؟؟
توتة السيد
10-30-2010, 12:40 AM
هي ولادتك امتى يا توته إن شاء الله
علي حسب كلام الدكتورة ان شاء الله 2/2
دودى اشرف
10-30-2010, 12:41 AM
وانتى يا لولو حاولى لما تنزل تجيبى حاجة حاجة لان والله الحاجات دى مكلفة جدااا .. علشان متحسوش بالمبلغ مرة واحدة
انا عملت كده علشان برضه منحسش اننا دفعنا مبلغ وقدره مرة واحدة وفى جاجات بيكون عليها اوكازيون ممكن تنتهزى فرصة زى دى وتجيبى منها حاجات برضه .
توتة السيد
10-30-2010, 12:44 AM
ما انتى شطورة اهو .. اومال محسسانا انك مجبتيش حاجة ليه هههههههههههههههههههههه .. ولا خايفة تتحسدى .. انا اصلا نفسى اشوف جبتلها ايه من كتر ما كنت بشوف اد ايه حاجة البنات تجنننننننننن ... جبتى لبس خروج ولا لسه ؟؟؟
هههههههههههههه لا والله مش حسد بس اصلا انا بجيب ومش عارفة الاسماء
باخد بالشبه ههههههههههههههههه
والله لو معايا كبل الموبايل كنت صورتهم ونزلتهملكم بس الكبل ضايع للاسف
اه جبتلها الحمد لله كام بدلة انيقة تجنن اصلي بحب البدل اكتر من الفساتين وان شاء الله
اجبلها برضه كام فستان
توتة السيد
10-30-2010, 12:45 AM
وانتى يا لولو حاولى لما تنزل تجيبى حاجة حاجة لان والله الحاجات دى مكلفة جدااا .. علشان متحسوش بالمبلغ مرة واحدة
انا عملت كده علشان برضه منحسش اننا دفعنا مبلغ وقدره مرة واحدة وفى جاجات بيكون عليها اوكازيون ممكن تنتهزى فرصة زى دى وتجيبى منها حاجات برضه .
صحيح يادودي معاكي حق احنا دفعناهم لكشة وحدة
لو كنا بنجيب من الاول كان يبقي احسن لحسن رجليا والله ماحاسة بيهم
dr.princess
10-30-2010, 12:50 AM
والله يا بنات خايفة اجيب دلوقتى مش عايزة اقاطع وكده وجوزى برده قريب واحد صاحبه بيقوله على اوكازيون على حاجات الاطفال فى مول جنب الحرم لقيته مش متحمس وقاله لسه بدرى
دودى اشرف
10-30-2010, 12:51 AM
الله يقويكى يا حبيبتى .. انا كنت فاكرة انك مجهزة حاجات من الاول وبتفنشى زييى ..
بس فعلا كمان مرهقة جدا ولما توصلى السابع مش هتقدر تلفى على كل الحاجات دى يا حبيبتى مرة واحدة .. فخليكى على اقل من مهلك خالص .. متخليش نفسك لاخروقت علشان مترهقيش نفسك .. انا اصلا من الخامس وحركتى تقلت وبقيت احس انى لما بنزل مش بقيت اقدر الف زى الاول خالص . علشان كده بقولك خليكى براحتك احسن.
توتة السيد
10-30-2010, 12:54 AM
والله يا بنات خايفة اجيب دلوقتى مش عايزة اقاطع وكده وجوزى برده قريب واحد صاحبه بيقوله على اوكازيون على حاجات الاطفال فى مول جنب الحرم لقيته مش متحمس وقاله لسه بدرى
ليه حبيبتي ان شاء الله ربنا يكملك علي الف خير وتفائلوا بالخير تجدوه
وانزلي اشتري كام حاجة حتي الحاجات الداخلية لحد ما تعرفوا نوع البيبي
توتة السيد
10-30-2010, 12:56 AM
الله يقويكى يا حبيبتى .. انا كنت فاكرة انك مجهزة حاجات من الاول وبتفنشى زييى ..
بس فعلا كمان مرهقة جدا ولما توصلى السابع مش هتقدر تلفى على كل الحاجات دى يا حبيبتى مرة واحدة .. فخليكى على اقل من مهلك خالص .. متخليش نفسك لاخروقت علشان مترهقيش نفسك .. انا اصلا من الخامس وحركتى تقلت وبقيت احس انى لما بنزل مش بقيت اقدر الف زى الاول خالص . علشان كده بقولك خليكى براحتك احسن.
اسكتي يادودي والله بعد ما شتريت وكنت حاسة اني خلاص مش قادرة فصلت تماما
علي رائيك الشيلة تقلت من الخامس ودلوقتي تقلت اكتر ياستير كنت بمشي زي الستات العواجيز تاتة تاتة والهس زي الكلب ههههههههههه
دودى اشرف
10-30-2010, 12:56 AM
حبيبتى ان شاء الله يكملك على خير .. ما انا جهزت بدرى برضه من قبل حتى مكشف والله .. والشايات والحاجات دى بتبقى ثابتى مش لازم تعرفى ولد ولا بنت انا عملت كده وسبت الحاجات اللى هى لازم تبقى عارفة النوع زى لبس الخروج وبجامات البيت بس مش كلها لان فى بيمشى كده وكده اللى كنت بلاقيه مناسب للاتنين كنت بجيبه ...
يمكن يا لولو علشان شايف برضه انك مش متحمسة للموضوع دايما الست هى اللى بتبقى متحمسة مش الراجل .. لو انتى حابة تبتدى من دلوقتى ان شاء الله انتى حاولى توصليله انك عاوزة تبتدى تجهزى حاجة النونو علشان تبقى براحتك وعرفتى انك بعد كده هتتقلى ومش هتقدرى تلفى على كله مرة واحدة .. وربنا يعينك
توته توته
10-30-2010, 12:58 AM
أنا كمان لسه ماجبتش حاجات البيبي
ببيقول لما يجي الشهر التاسع بئا يعني
تبئا في وقتها
دودى اشرف
10-30-2010, 12:59 AM
ههههههههههههههههههههههههههههههههههه... والله يا توته انتى زى العسل .. وتعبيراتك فقرية
بعد الشر عليكى يا حمات ابنى .. طبعا نسيتى الواد بس مش مهم ... المهم عروسة ابنى تلبس وتتهنى ... يارب تتنى بيهم يااااااااااااااااااااااااارب وتتهنى بيها يا حبيبتى ويقومك بالف سلامة ويكتبلك ساعة سهلة يااااااااااارب انتى واحنا جميعا ان شاء الله
توتة السيد
10-30-2010, 01:01 AM
أنا كمان لسه ماجبتش حاجات البيبي
ببيقول لما يجي الشهر التاسع بئا يعني
تبئا في وقتها
ياتستير التاسع حرام عليكي انتي هيبقي فيكي نفس تتحركي حتي
غير انك ممكن تولدي في اي وقت لا حبيبتي حتي قولي السابع انا اهو بجهز وباقي كام يوم ودخل السابع
دودى اشرف
10-30-2010, 01:01 AM
توته توته ...والله انا رأى زى ما قلته .. احسنلكم والله من دلوقتى تجيبه حاجة حاجة على مهلكم واهى نزولة برضه ... ده انا كنت مستمتعة بس بالنزول .. لولا انى كنت بجيب الحاجة مكنتش نزلت هههههههههههههههههههههههه .. وهى فرصة تخرجوا برضه
دودى اشرف
10-30-2010, 01:03 AM
ممكن ان شاء الله تبتدوا فى الرابع باذن الله بعد ما شهور الوحم يعدوا على خير ان شاء الله
dr.princess
10-30-2010, 01:03 AM
والله يابنات خايفة اجيب اتشائمت يحصل حاجة او كده اصل اختى عقدتى فى الحمل والولادة من التعب اللى شافته فيهم وانا قلتلك يا توتة قبل كده عليها
ممكن ان شاء الله ابدأ أجيب الشهر الجاى لان الظروف مش ظبطة معانا الشهر ده
توته توته
10-30-2010, 01:03 AM
ياربي يا توته هههههههههههههه انا كمان مش عارفة امشي حاسة بارجع لورا هههههههههههههههههه
توتة السيد
10-30-2010, 01:05 AM
ههههههههههههههههههههههههههههههههههه... والله يا توته انتى زى العسل .. وتعبيراتك فقرية
بعد الشر عليكى يا حمات ابنى .. طبعا نسيتى الواد بس مش مهم ... المهم عروسة ابنى تلبس وتتهنى ... يارب تتنى بيهم يااااااااااااااااااااااااارب وتتهنى بيها يا حبيبتى ويقومك بالف سلامة ويكتبلك ساعة سهلة يااااااااااارب انتى واحنا جميعا ان شاء الله
هههههههههههه تسلمي ياعمري ربنا يخليكي انتي الاعسل
وانا اقدر انس جوز بنتي حبيبي هههههههههه
الله يهنيكي ياعمري ويسعدك بشوفة عمر يارب اللهم آمييييييييييييييييييين
دودى اشرف
10-30-2010, 01:05 AM
توته توته انتى فى الكام يا قمر ..ربنا يتملك على خير يارب
توته توته
10-30-2010, 01:07 AM
أنا بدأت السابع مش باقولك مش عارفة امشى ههههههههههه
الواحد حاسس بحاجات غريبة هههههههههههه
دودى اشرف
10-30-2010, 01:08 AM
ماشاء الله ربنا يتملك على خير ... يا قلبك .. مش قادرة تمشى من دلوقتى وبترجعى لورا .. وعاوزة تستنى للتاسع علشان تشترى الحاجة مرة واحدة ههههههههههههههههههههههه هجبيها دليفرى ولا ايه
توتة السيد
10-30-2010, 01:08 AM
والله يابنات خايفة اجيب اتشائمت يحصل حاجة او كده اصل اختى عقدتى فى الحمل والولادة من التعب اللى شافته فيهم وانا قلتلك يا توتة قبل كده عليها
ممكن ان شاء الله ابدأ أجيب الشهر الجاى لان الظروف مش ظبطة معانا الشهر ده
لا حبيبتي مافيش تشائم ولا حاجة
مش كله زي بعضه وربنا يسترها معاكي ماتخفيش
ومش مشكلة الشهر اللي جاي عادي او حتي في الرابع
الخامس هيبقي في وقت وربي يسعدك بشوفت النونو الجميل وتقومي بالف سلامة
دودى اشرف
10-30-2010, 01:09 AM
تسلميلى يا ام نوران يا حبيبتى ... انتى بقى هتوصلى مطار القاهرة وبعجين تركبى لسوهاج يا قمر ولا حد هستناكى فى المطار؟؟؟
توتة السيد
10-30-2010, 01:09 AM
ياربي يا توته هههههههههههههه انا كمان مش عارفة امشي حاسة بارجع لورا هههههههههههههههههه
اهو شفتي وانتي لسه في البداية فمبالك لما توصلي التاسع والله قبليني تقولي يقعد البيبي ريان ولا انزل واجيب مافيس نفس هههههههههه
دودى اشرف
10-30-2010, 01:11 AM
لولو ان شاء الله حبيبتى ربنا يتملك على خير وفعلا متتشائميش ... مش كل واحدة زى التانية وربنا يكتبلك ولادة سهلة ان شاء الله وممكن تبتدى تجيبى فى الرابع او الخامس .. بس احنا بس كنا بنقول علشان جربنا التقل فى المشى والتعب بس من اقل مجهود فا مش عوازينكم تستنوا للاخر كده ... يارب يكملك على خير يا حبيبتى ويقر عينك بشوفته سليم معافى ان شا ءالله
توتة السيد
10-30-2010, 01:12 AM
تسلميلى يا ام نوران يا حبيبتى ... انتى بقى هتوصلى مطار القاهرة وبعجين تركبى لسوهاج يا قمر ولا حد هستناكى فى المطار؟؟؟
وتسلميلي ياقلبي
لا ياحبي انا نازلة علي مطار اسيوط اقرب من مطار القاهر يادوب ساعتين ووصل سوهاج
وطبعا اخو جوزي هو اللي هيستناني في المطار
توته توته
10-30-2010, 01:14 AM
ههههههههههه والله يا دودي مع اني ما زيدتش في الوزن الا حاجة بسيطة اصل كان وزني مش راضي يزيد الشهرين اللي فاتو متعرفيش ليه
بس حاسة ارهاق بجد كل ما امشي شوية الاقيني تعبت ياربي كأني عملت مجهود بجد
بس هو جوزي كان بيقولي كدة نخليها لما نقرب بئا وبلاش نقاطع والكلام دة وأنا سكت بئا ماقولتش تاني ههههههههههه
دودى اشرف
10-30-2010, 01:14 AM
توصلى بالسلامة يارب يا قمر .. بس ابقى طمنينا عليكى يا جميلة
لولو انتى مشغولة ولا حاجة؟؟؟ حاسة انك مش معانا اوى
توتة السيد
10-30-2010, 01:18 AM
ههههههههههه والله يا دودي مع اني ما زيدتش في الوزن الا حاجة بسيطة اصل كان وزني مش راضي يزيد الشهرين اللي فاتو متعرفيش ليه
بس حاسة ارهاق بجد كل ما امشي شوية الاقيني تعبت ياربي كأني عملت مجهود بجد
بس هو جوزي كان بيقولي كدة نخليها لما نقرب بئا وبلاش نقاطع والكلام دة وأنا سكت بئا ماقولتش تاني ههههههههههه
بلاش نقاطع هتوهالي البنت دي ادبحها يابنتي انتي في السااااااااااااااااابع عايزة ايه تاني ارحم يارب انتي عملتي زي وحده جارتي هنا حامل في السابع اقولها جبتي حاجة البيبي تقولي لا والله ولا حاطاها في بالي قولتلها امال بتخلفي ليه يابيضة انتي دلوقتي فيكي الرمق شوية تقدري تمش لكن التاسع ده انسي انا كنت بشوف الحوامل اللي في التاسع يعيني بيكملو خطوتين بالعافية اجيكي يابت والله هههههههههههههههه
dr.princess
10-30-2010, 01:18 AM
دودى
انا معاكم وربنا يسترها علينا كلنا ونحمل الحمل على خير ومادام رأيكم كده ان شاء الله اقنع جوزى ونبدأ نشترى حاجة حاجة
توتة السيد
10-30-2010, 01:19 AM
توصلى بالسلامة يارب يا قمر .. بس ابقى طمنينا عليكى يا جميلة
الله يسلمك ياعمري تسلمي
اكيد بأذن الله
dr.princess
10-30-2010, 01:20 AM
تخيلو يا بناات
قناة ال mtv اللبنانية دى جايبة قاعدة قمار كده كأنها بتعلم الناس القمار عادى جدا ومفيش مشاكل كده ؟؟؟؟؟؟؟؟؟؟؟
دودى اشرف
10-30-2010, 01:21 AM
ههههههههههههههههههههههههههههه .. صحيح ... بس ان شاء الله يا بنات خيييييييييييييييير .. تفائلوا بالخير تجدووووووووووووه ... انا برضه فى الاول كنت بقول كده ... لكن ابتديت وتوكلت على الله السميع العليم
توتة السيد
10-30-2010, 01:21 AM
دودى
انا معاكم وربنا يسترها علينا كلنا ونحمل الحمل على خير ومادام رأيكم كده ان شاء الله اقنع جوزى ونبدأ نشترى حاجة حاجة
ان شاء الله ياحبي وربي يتمملك علي الف خيييييييييير
دودى اشرف
10-30-2010, 01:23 AM
لا حول ولا قوة الا بالله ... يا لولو ماهى لبنان زى اوروبا بالظبط ... مش بتشوفى بناتها .. بس والله اكيد مش كله .. لو تشوفى بيتقال ايه علينا على النت .. ان مصر بلد الفساد علشان السينما بتاعتنا ومسلسلتنا بتاعت رمضان .. وعندهم حق .. ما هى الناس ليها الظاهر
دودى اشرف
10-30-2010, 01:24 AM
ان شاء الله يا لولو يتملك على خير يا حبيبتى .. وتبقى تحكلنا بقى جبتى ايه برضه هههههههههههههههههههههههههه وحاولى انتى بقى تصورلنا
توتة السيد
10-30-2010, 01:25 AM
تخيلو يا بناات
قناة ال mtv اللبنانية دى جايبة قاعدة قمار كده كأنها بتعلم الناس القمار عادى جدا ومفيش مشاكل كده ؟؟؟؟؟؟؟؟؟؟؟
يالولو مالقتيش غير القنوات اللبنانية
دي زبالة انا مرة بقلب لقيت قناة لبنانية فيها وحده
بتقول بكل برائة كده اللي عايز يتعلم اصول الجنس من راجل وست ياتابعنا
في برنامجنا وهنقدم بالصوت والصورة ازاي تتمتع بالجنس
ورايحة تجيب فديو قولت خصيمك النبي ماانت مكملة وقلبت الله يخرب بيتهم
dr.princess
10-30-2010, 01:27 AM
دودى
عندك حق والله انا مرة مرات صاحب جوزى بتقولى ان جوزها بيبهدلها وبيمنعها انها تتكلم برة البيت وبيقولها لو فى محل او فى اى حتة وحد سمع لهجتك ويعرف انك مصرية هيركز معاكى بقولها ليه بتقولى علشان بيفكرونا بايظين وكلام من ده يعنى
دودى اشرف
10-30-2010, 01:29 AM
بنات مضطرة اقولكم تصبحوا على خير ... اكيد عرفتوا ليه بقى ... ايييييييييييييوه جوزى قالى باى ودخل ينام .. فحلقه جرىىىىىىىىىى
تصبحوا على خييييييييييير هتوحشونى
سلامى لكل البنات اللى مدخلوش انهارده .. ملك ورنا وملاك وسمية دخلت وخرجت سريعا ... وكل البناااااااااااااااااااااااات
سلاااااااااااام
dr.princess
10-30-2010, 01:31 AM
توتة
ههههههههههههههه انا مرة برده بالصدفة لقيت برنامج منوعات على قناة من دول قلت اشوف بيتكلموا فى ايه بعيد عنك لقيت نكت قبيحة جدا وفضلت مخضوضة بعدها ساعااااااااات
بس فى قنوات بتحاول تتظبط يعنى مثلا قناة ال Lbc بقالة كام سنة فى رمضان بيعرض برنامج مسافرون للدكتور محمد العريفى برنامج جميييييييييييل صراحة
dr.princess
10-30-2010, 01:32 AM
دودى
تصبحى على خير حبيبتى ونشوفك بكرة باذن الله
توتة السيد
10-30-2010, 01:34 AM
بنات انا فصلت شبكة خلاص
اقولكم بقي تصبحوا علي الف خير ونلتقي بكرة بأذن الله
وسلمولنا علي البنات كلها
توتة السيد
10-30-2010, 01:34 AM
ههههههههههههههههههه
دودي تصبحي علي خير ياجميل
توتة السيد
10-30-2010, 01:35 AM
لولو
اه فعلا مسافرون من اروع البرامج بصراحة ربنا يهدي هنقول ايه غير كده
وتصبحي علي خير ياسكر
dr.princess
10-30-2010, 01:37 AM
توتة
ايه ده انتوا هتاخدوا بعض كده وتناموا
طيب انا كمان هروح اريح ضهرى شويا اشمعنى انا
تصبحى على خير
رنا خالد
10-30-2010, 01:47 AM
ياخساره شكلكم خرجتوا كلكم كان نفسي اتكلم معاكم شويه
dr.princess
10-30-2010, 02:09 AM
رنا
انا هناااا رجعت تانى
dr.princess
10-30-2010, 02:14 AM
وكمان جوجو تمام كده
يللا لسه مين تانى بيسهر معانا كل يوم
نولارا وملاك كمان بيسهروا بس شكلهم كده ناموا بدرى
dr.princess
10-30-2010, 02:18 AM
نولارا كانت موجودة بس قفلت تقريبا من ساعتين
وطمطم مشفتهاش النهاردة شكلها مفتحتش
تعرفى برنسيس الى عملت التجمع ده جادعه
انا الاول كنت ادخل اشوف المواضيع الجديده ارد عليها واخرج
وكنت بشوف ناس كتير تتكلم هنا بس كنت يتكسف ادخل ف نص الكلام كده
احسن حاجه ان الواحد يلاقى مصرين كتير كده الى ف الغربه هيعرف قيمه التجمع ده
dr.princess
10-30-2010, 02:23 AM
اه والله عندك حق على الاقل الواحد يلاقى حد يتكلم معاه ويفضفض براحته بدل ما احنا مقطوعين هنا لوحدنا كده
بس هى للاسف مش بتدخل الا قليل وكل فين وفين على ما نشوفها
رنا خالد
10-30-2010, 02:23 AM
كويس ان انتوا صاحيين اهو ندردش شويه سوي
عامله ايه يابرنسس وانتي ياجوجو ايه اخباركم
تمام الحمد لله يارنا
انتى ايه اخبارك وجودى ايه اخبارها بترفس زى بنت ملاك ولا لسه
dr.princess
10-30-2010, 02:27 AM
بناااات
من شوية شفت نشيد عن الحج بس ما شاء الله جميل اوى عجبنى فقلت تشوفوه معايا
النشيد اسمه ام القرى للمنشد فهد الكندرى (للى متعرفوش هو صاحب نشيد تباشير الشهر)
وده رابط الانشودة
http://www.youtube.com/watch?v=qHQTPena2KI
وابقوا قولولى رأيكم
dr.princess
10-30-2010, 02:28 AM
ودى تباشير الشهر لنفس المنشد للى عايزاها
http://www.youtube.com/watch?v=vaKsScQ9DTg&feature=related
جميلة جدا انا بحبها اوى
dr.princess
10-30-2010, 02:31 AM
رنا
انا الحمد لله كويسة والله
انتى اخبارك ايه واخبار العسل اللى جوه ايه
رنا خالد
10-30-2010, 02:33 AM
هو الرابط مظهرش يابرنسس ياريت تنزليه
وحابه اتعرف عليكي انتي وجوجو اكتر
يعني الاسم الدراسه الهوايات ميعاد الجواز والحمل
كنتوا عايشين فين في القاهره وأي حاجه حابين تقولوها عن نفسكم وكده يعني
ولو عايزني انا ابدأ مافيش مانع
رنا خالد
10-30-2010, 02:34 AM
كده الرابط ظهر يابرنسس تسلم ايدك
رنا انا اسمى هاجر دراستى كليه تجاره
اما الحمل لسه مفيش
dr.princess
10-30-2010, 02:36 AM
رنا
الرابط مش ظاهر بس عندك شاشة صغيرة للفيديو بتضغطى عليها يطلعلك كلمة تحميل هذا الفيديو تضغطى وهيتحمل باذن الله
انتى بقى اعترفى يارنا hwaml11
dr.princess
10-30-2010, 02:37 AM
رنا تماااام الحمد لله
dr.princess
10-30-2010, 02:40 AM
اقول انا
صيدلانية دفعة 2007 عندى 24 سنة ونص
متجوزة من 7 شهور و 4 ايام وحامل فى اخر الثالث الحمدلله وجوزى صيدلى برده بس اكبر منى ب 6 سنين وشوية
شقتنا فى بلد تبع المنصورة هى معظمها جاهز بس لسه معشناش فيها لانى انا جيتله هنا السعودية واتجوزنا هنا
رنا خالد
10-30-2010, 02:42 AM
وانا اسمي رنا
عندي 23 سنه
معايا ليسانس اداب قسم علم نفس
اتجوزت 11 فبراير2010
يعني بقالي 9 شهور
وعايشه في مدينة نصر
رنا خالد
10-30-2010, 02:44 AM
جوجو انتي اتجوزتي امتي وعايشه فين دلوقتي اعتقد في قبرص صح ولا أنا غلطانه؟
رنا انتى زى 23 سنه بس انا متجوزه من 10 شهور انا قبلك بشهر
رنا خالد
10-30-2010, 02:51 AM
عاملين ايه ياجماعه في الغربه وياتري بتنزلوا اجازات كل اد ايه
واتعودتوا علي الحياه هناك ولا لسه؟ اصل انا جوزي يبفكر في السفر وانا بصارحه رافضه وخايفه ابعد عن اهلي
مع انه بيقول ان السوعديه بلد جميله والحياه هناك احلي من هنا بس انا خايفه برضه
dr.princess
10-30-2010, 02:57 AM
رنا
انا لسه مسافرة من 7 شهور وايام وطبعا لسه منزلتش اجازات وجوزى قايلى اول ما جيت قدامك سنتين على اول اجازة ربنا يسهل علينا يااارب
الغربة وحشة اوى بس تعملى ايه سنة الحياة كده مانتى شايفة الشغل فى مصر عامل ازاى فبتلاقيكى تستحملى غصب عنك
السعودية فعلا جميلة والله بس زى مانتى عارفة مجتمع مغلق ومختلف اوى عن مصر
وانا متعودتش ولا حاجة بس ممكن يبقى اسمها تأقلمت يعنى عودت نفسى بالغصب
والله يارنا كل عمله ليها وجهين
السفر مميزاته وانتوا ف بدايه حياتكوا انكوا تعملوا مستقبل ليكوا ولولدكوا
وكمان انتوا مستوى معشتكوا هيختلف للاحسن طبعا
والاجازات دى حاجه انتوا هتحددوها حسب ظرفكوا
مش كل الناس بتنزل كل سنه التزاكر بقت رخيصه الوقتى
اما عيوبه هى البعد عن الاهل والبلد ويمكن موضوع البلد ده هتحسى بيه لما تسفرى
بس انتى هتاخدى فتره ف الاول بس وتتعودى بعد كده والنت لغى المسافات
واكيد هتتعرفى على ناس هناكوهتتعودى ف خلال تلت اربع شهور وتبقى الحياه عاديه
عايزه راى روحوا اعملوا مستقبل كام سنه وهتنزلوا تعدوا ف بلدكوا بس تكونوا مستريحين
برنسيس 7 شهور ولسه متعودتيش
ده انا حفظت قبرص
vBulletin® v3.8.8, Copyright ©2000-2025, TranZ by Almuhajir