دردشة حوامل مصر - دردشة بنات مصر - تجمع حوامل مصر

[dr.princess]

انا مش ناوية اجيب الا ببرونة واحدة لما اتأكد من موضوع الرضاعة ده ربنا يسهل
انا اسمع ان التتينة دى بتخلى البيبى يسيب صدر مامته لو بيرضع طبيعى ففى ناس كتيره مش بتحب فكرة التتينة دى

[somia]

ههههههههههههه انا بحالات ساعات نومي خفيف جدا لدرجة اني ببقى نايمة بس دريانة لو حد بيتكلم جنبي وساعات ولا الهوا صحي فيا من هنا للصبح ولا كإنك بتكلميني..ههههههههههههههه

[somia]

انا جايبة البيبرونة اصلا عشان اما ابقى خارجة في مكان مش هعرف اطلع صدري فيه بس الواحد يبدعي ربنا انه يكرمه بالرضاعة الطبيعي اما التيتينا فده بتساعد على تنظيم الرضاعة وولا بتمنع صدر الام ولا حاجة انا اعرف ناس كانوا بيستخدموها ورضعوا طبيعي عادي

[somia]

وخلي بالك اريحلك بيبرونتين عشان واحدة للبن لو انتي بره او نايمة وواحدة للمية والينسون والكراوية وكده يعني

[gogo]

السلام عليكم
ازيكم يابنات

[dr.princess]

ده اللى سمعته معرفش صح ولالا وبرده سمعت ان الببرونة نفسها برده بتخلى البيبى يرفض الرضاعة الطبيعى لانها اسهل بس معرفش صحة الكلام ايه

[dr.princess]

بس قوليلى جبتى ماركة ايه اختى كانت بتجيب شيكو وحاجات تانية عادية مش فاكرة اسمها اصل شيكو دى غالية اوى وهى ليها سوابق فى حرق الببرونات وهى بتغليها علشان تعقمها كانت تنساها فتتحرق فكانت بتجيب حاجات غالية وحاجات مش غالية اوى يعنى ( ده طبعا فى الولد الاول اما التانى معرفش جابت ايه )

[somia]

ازيك يا جوجو عاملة ايه ..
لولو انا سألت الدكتورة وقالتلي ان الدكتور فعلا كان قايل لاختها على التيتينا عشان النونو ميتعودش ينام على صدرها وهوه بيرضع..
اما البيبرونه فانا مش ناوية اديهاله علطول بس ساعة الخروج او اما ابقى مش شايفة قدامي وانا اخت زوجي عامله مع ميرو كده وماشاء الله بيرضه زي الفل وهيه بطلتها من شهرين تقريبا يعني اما تم الست شهور

[dr.princess]

جوجو ازيك يللا مش لوحدى فى الفترة المسائية سمية معانا النهاردة اهى

[gogo]

تمام ياسومه الحمد لله
ايه ياجماعه جو الببرونات ده انا حاسه انى دخلت صيدليه

[gogo]

ايوه يابرنسيس سومه انضمت لحزب السهرانين

[somia]

انا جبت نك عشان حلمتها مأشوطة فبتساعد البيبي ومبتضايقوش في الرضاعة اما فرشة البيبرونة فجبتها شيكو وربنا يستر عارفة والله يا لولو خرجنا من الصيدلية بكيس مفعوص كده ميملاش العين ودفعنا 350 جنيه اما شايلة هم الباقي .. عارفة كنت بفكر اجيب معقم البيبرونات عشان انا ماشاء الله تخصص نسيان الحاجة على النار بس لقيت سعره عالي قوي ومبياخدش الا البيبرونات الصغيرة بس فاستحرمت سعره

[dr.princess]

والله ياسمية انا قلتلك على اللى سمعته وادينا بكرة هنشوف
اصل موضوع الرضاعة معنديش خلفية عنه لان اختى فى الولد الاول رضعته صناعى والتانى رضعته شوية صغيرين طبيعى مع صناعى علشان اللبن قليل وبعدين بعد كده اضطرت تاخد دواء مينفعش مع الرضاعة فوقفت الطبيعى خالص

[somia]

انا دايما ببقى صاحية في الوقت ده وبدخل مش بلاقي حد

[dr.princess]

جوجو هههههههههههههه ابوه بنعمل حملة تثقيفية فى عالم الببرونات

[somia]

ربنا يسترها معانا يا لولو يا رب ويخلي لبنا كثير ويشبع البيبي يا رب ..
جوجو عما قريب ان شاء الله هتنضمي الينا وتبتدي تدخلي جو الصيدلية والاسعار النار دي

[gogo]

ياسوميه دا احنا هنا طول اليل بس كل واحد بيبقى مستنى يشوف مشاركه علشان يعرف ان حد صاحى

[gogo]

انا جربتها ف اختى ياسوميه ده حتى هدوم الاطفال غاليه مع انها صغيره اوى

[somia]

نفسي بقت اني أسأل على حاجة للبيبي نظيفة والاقي السعر معقول بجد والله ربنا يسترها مع الواحد

[gogo]

الله يكون ف عون اجوازكوا ياجماعه بما انهم هما الى هيدفعوا هههههههه

[dr.princess]

الحاجات دى ب 350 كتيييييييييير اوى
فعلا معقم الببرونات ده غالى انا شفته هنا ب 300 او 400 ريال بس ابقى خلى بالك لان اختى ياااما حرقت ببرونات وبوظت حلل تنساهم على النار ونلاقى دخات وروايح ولا الحريقة ربنا يستر

[somia]

فعلا والله يا لولو من يومين كنت عند الدكتورة ففيه محل هدوم مناسبات اطفال فقلت ادخل اشوفه عشان صحبتي محتارة في خطوبة اخت وجها مش عارفة تلبس بنتها ايه والله يا بنتي الفستان شكله وحش قوييييييي تحس انه من ايام اجدادنا وبكام بحوالي 150 جنيه وهوه يمكن ميكملش مثر قماش

[dr.princess]

سمية لو كنتى فى المنصورة كنت قلتلك على المحلات اللى اختى بتجيب منها
انا برده لسه مش عارفه هجيب منين قدامى محلين كده غالبا هجيب منهم

[gogo]

بس علفكره مصر اسعارها ارحم من بره كتير

[somia]

أه والله يا لولو وكان معاهم علبتين مثبت واستحلاب والحديد ...
والله يا بنتي ربنا يستر لان الاسعار فعلا حرام اجيبها تاني

[dr.princess]

ايوه انا عارفة الاسعار دى يا سمية اصل مرات عمى رايقة اوى مش بتجيب لبناتها غير الفستان مش اقل من 200 و 250 جنية وده العادى مش مناسبات ولا حاجة
اختى كمان كانت لسه بتشتكيلى من اسعار الهدوم الشتوى بتاعة الاطفال بتقولى ناااار

[somia]

أرحم ايه يا بنتي دا حتى المستشفيات اسعار الولادة فيها زادت انا مش عارفة الواحد يعمي ايه فعلا ربنا يعين ازواجنا على الاسعار دي

[dr.princess]

والله يا جوجو انا لسه منزلتش اشوف حاجات البيبى فلسه معرفش الاسعار هنا عاملة ازاى ربنا يستر

[somia]

لا يا لولو ده يبقى حرام فعلا ...فستان عادي كمان انا عندي قرايب ليا بيعملوا كده بس انا فعلا بستحرمها بس المشكلة ان الاسعار فعلا ولعت قوي ربنا يسترها مع الواحد

[gogo]

والله يابنتى الطب ف مصر ارخص كتير من بره انا كنت بروح لدكتوره هنا كشفها بالمصرى 400 جنيه ولما عملت عمليه بعد الاجهاض دفعنا فيها6000 جنيه
مصر دى نعمه انا عرفت كده لما رحت بره

[dr.princess]

لا هى مرات عمى من يومها كده عندها بنتين وولد اقل طقم شفته عليهم كان ب 200 جنيه حتى هدوم البيت مش بتجيب اى حاجة وفعلا والله حرام العقل مطلوب برده

[somia]

صحيح نسيت أقولكم انا الحمد لله تعالى سمعت صوت نبضات قلب النونو.. عقبالكوا يا رب

[gogo]

مبروك ياسومه عقبال ما تشوفيه ان شاء الله

[somia]

ربنا يعينك يا جوجو على الاسعار انا العملية بتاعتي كلفتني 200 جنيه وكنت حاسة انه حرام

[dr.princess]

جوجو كتييير اوى الكشف وكمان العملية الواحد مبقاش عارف يلاقيها منين ولا منين

[gogo]

منا علشان كده بقلكوا مصر نعمه

[رنا خالد]

السلام عليكم ورحمة الله وبركاته وحشتوني يابنات والله

[dr.princess]

سمية ماشاء الله مبرووك هو انتى كنتى عند الدكتورة قريب ولا ده من اخر مرة كنتى عندها

[somia]

يا جماعة محدش يعرف حنين اللي كانت هنا وكشفت 600 جنيه راحت فين من ساعتها مشوفنهاش ودودو وناس كثير اختفوا من زمان ..هما راحوا فييييييين؟؟؟

[gogo]

ررررررررررنا ازيك
والنونو عامله ايه
حمد الله على سلامتك

[dr.princess]

رنااااااااااااا حمدالله على سلامتك انتى ولجين اخباركم ايه

[somia]

انا كنت لسة عندها مفيش يومين..
رنااااااااااااااااااااااااااا وحشتينييييييييييييييييييييييييييييييي .. طمنينا لوجي عامله ايه؟؟؟

[dr.princess]

طيب يا سمية الدكتورة الحمدلله طمنتك على كل حاجة ؟؟؟

[somia]

رنا اللبن نزل ولا لسة؟؟؟
النونة شبه مين .. خلي بالك انا مستنيه تفوقي بس واقولك صوريهالنا ..ههههههههههههههه

[gogo]

ايه ياجماعه الهدوء ده مره واحده

[رنا خالد]

جوجو بجد مرسي جدا علي رسالتك الجميله انا فرحت بيها اوي والله والنونو كويسه وبتسلم عليكم هي مغلباني شويه بس الحمد لله بحاول اكون صبوره
وانتوا يابنات عاملين ايه كلكم وبترغوا في ايه وياتري ايه اللي مسهركم كده

[somia]

أه الحمد لله طمنتني على النونو والكيس الحمد لله بيصغر بس

[gogo]

رنا كده فكرتنى باختى تقلى كلمه وتجرى علشان بنتها

[dr.princess]

رنا ماشاءالله ربنا يباركلك فيها
انتى عارفة انا برده نفسى اسمى بسملة او لجين وجوزى مش موافق عايز يسمى رقية بس قوليلى استقريتى على لجين ازاى وانتى مجبتيش سيرته قبل كده خالص

[gogo]

طالعه شبه مين يارنا

[رنا خالد]

الحمد لله اللبن نزل النهارده هو ضعيف شويه بس مع سحيها ان شاء الله يزيد
بس المشكله ان جرحي لسه واجعني ومش عارفه اعمل ايه
بجد تعبت اوي

[dr.princess]

صحيح يا رنا اخبار الخياطة والغرز ايه اتدفى كويس ومتنسيش تغيرى على الجرح كل يوم وماتجيبيش ميه عليه اليومين دول اختى كانت والدة 23/12 السنة اللى فاتت ومن اربع سنين فاتوا فعندى خبرة بقى

[gogo]

رنا متخافيش انا اختى كانت قيصرى كام يوم وهتبقى كويسه بس انتى مترهقيش نفسك
وبعدين هلا عالقه ولابد منها استحملى واهم حاجه لوجين جت بالسلامه

[رنا خالد]

انتي اللي وحشتيني جدا ياسميه وبجد وحشني الكلام معاكم كلكم

[dr.princess]

معلشى يا رنا اناعارفة ان جرحها صعب شوية بس معلشى شوية كده وخلاص
بس اهم حاجة خلى بالك ان الجرح مايتلوثش

[gogo]

رنا لازم تنزللنا صورتها اول ما تبقى كويسه ان شاء الله

[رنا خالد]

والله ياجماعه انا بحاول ادفي نفسي مع اني مش بحب اللبس هدوم كتير
وربنا يعديها علي خير الايام دي واتعافي عشان اقدر اخد بالي من بنتي وماقصرش في حقها
بس المشكله اني مخضوضه ومش مصدقه اني بقيت ام وخايفه ومضطربه
حاسه ان حياتي كلها اتغيرت هل ده طبيعي؟

[رنا خالد]

هاصورهالكم ان شاء الله قريب
هي بتشبهني اكتر مابتشبه باباها وحاسه انه زعلان ههههههه
وغيران منها شويه

[somia]

الحمد لله ان اللبن نزل بس خلي بالك متديهاش اي حاجة جنبه عشان تسحب منه بالجامد فيزيد ليها وربنا يفرحك بيها وجرحك يلم بسرعة يا رب ..مقولتيلناش طالعة شبه مين؟؟؟

[gogo]

طبيعى جدا يارنا ده وضع جديد وحياتك اكيد اتغيرت بس للاحسن طبعا الاطفال هما احلى حاجه ف اى بيت كلها كام يوم وتستوعبى الدنيا حواليكى

[dr.princess]

رنا احساس طبيعى اكيد انا من اول الحمل وانا حاسة زيك وقلقانة ربنا يسترها معانا

[somia]

رنا الحمد لله انها شبهك خليتي عندي امل في النونة انها تبقى شبهي ..د
أظن الاحساس ده عادي لانها مرحلة جديدة عليكي يعني انا حسيت بكده اول ما تزوجت واول ما حملت فانتي سيبيها على ربنا وان شاء الله هتبقي احسن أم لأحلى بنوتة..
عارفة يا رنا اما قلتي انك رايحة تولدي بقيت بقول لزوجي والله حاسة اني عايزة اعرف هيه هتولد فين عشان اروح اطمن عليها واشوف النونة بنفسي سبحان الله فعلا كنت حاسة ان اختي اللي راحة تولد

[رنا خالد]

ربنا يخليكي ياسميه علي كلامك الحلو ده ده انتي اكتر من اخت والله وكأنك جيتي
انا ولدت في مستشفي امان اللي في حلوان تعرفيها؟

[dr.princess]

رنا الحمدلله انها شبهك اصل فقدت الامل كل ما اشوف اى بيبى يطلع شبه باباه لما قلت خلاص

[dr.princess]

مقولتيش يا رنا استقريتوا على اسم لجين ازاى ؟؟

[somia]

اه طبعا عارفاها صحبتي ولدت فيها دا انتي كنت جنبي قوي صدقيني كويس اني لسة عارفة كان زماني فعلا جيت اتطمنت عليكي وعلى النونة بنفسي..ههههههههههه

[somia]

وكان زمانك اتخضيتي من المنتقبه اللي جايه تشوفك دي ..ههههههههههههههه

[رنا خالد]

قبل ماولد بكام يوم اقترحت الاسم علي باباها وعلي ماما واخواتي ولقيت الاسم عاجبهم
وبعد ماشوفتها حسيت ان الاسم لايق عليها وسمناها امبارح

[somia]

ربنا يباركلك فيها يا رب.. صحيح يا رنا هيه الولادة القيصري هناك كلفت كام؟؟؟

[رنا خالد]

انا عمري ماكنت هاتخض منك ياسوميه ده النقاب حاجه تشرف والله
وبجد كنت هابقي مبسوطه لو كنتي جيتي بس معلش ملحوقه لما تولدي اجي انا
والمره اللي جايه ليا تيجي كمان هههههههه
ده اذا ولدت مره تانيه بعد اللي شوفته

[dr.princess]

رنا ماشاء الله زى مابيقولوا كل واحد بينزل باسمه
بس قوليلى بتغيرى على الجرح وبتطهريه كل يوم ولا لا

[رنا خالد]

اتكلفت 3 الاف جنيه وبالادويه والتيبس للمرضات دخلت في تلاته ومتين

[رنا خالد]

والله يالولو لسه ماغيرتش علي الجرح اصلي لسه ماشلتش البلستر هاشيله لما يعدي اسبوع من ميعاد الولاده ان شاء الله
هاسيبكم انا دلوقتي عشان الحق انام لي شويه قبل مالوجي تصحالي وتبقي السهره صباحي
تصبحوا علي الف خير ياقمرات واشوفكم بكره ان شاء الله

[somia]

هههههههههههههههههه ايه يا بنتي كل ده من مرة واحدة..
ربنا يباركلك يا بنتي وهستناكي انتي والنونة في ولادتي باذن الله تعالى

[gogo]

انا هقوم انام بقى يابنات لحسن فصلت
رنا ابقى ادخلى بقى متغبيش وتعملى حجتك لوجين
تصبحوا على خير

[somia]

وانتي من اهله يا بنتي .. ربنا يباركلك فيها وتناميلك شوية جنبها

[somia]

بالسلامة يا جوجو وهتناكم بكره ان شاء الله .. لولو انتي لسة هنا ولا انا لوحدي؟؟؟

[somia]

لولو انتي رحتي فيييييييييييييييييين؟؟

[dr.princess]

انا هناااااا

[dr.princess]

رنا جوجو تصبحو على خير يا بناااات

[somia]

انتي اختفيتي فجأة كده ليه؟؟؟

[dr.princess]

كنت بضرب واحد جيلى بالكستر على السريع هههههههههههههه
عملته علشان كان جايلى ضيوف النهاردة ومعاهم اطفال فعملته علشانهم والزهايمر اشتغل نسيت اطلعه ليهم هههههههههههه فقلت اكل انا بقى منه

[dr.princess]

قوليلى توقيع الفلاشة بتاع البيبى اللى انا وانتى عاملينه فاكره كانت ايه تظبيطات الارقام اللى اتعملت فى الاخر ؟؟؟؟؟؟؟؟؟؟؟؟؟؟؟

[somia]

ههههههههههههههههه لاطب ابعتيلي واحد معاكي شكلك كده هتفتحي نفسي وهأقوم أعمله

[dr.princess]

يا سلام غالى والطلب رخيص لسه 5 جوه
انا والله مش بحب الكاستر بس ماما قالتلى اعملى نصه كاستر ونصه جيلى من باب التغيير بس
طيب عندى كيكة كمان ابعتها معاه ولا ايه ؟؟؟

[somia]

بيتهيألي انا كنت عاملاه 300 و250 لاني كنت عايزاه يبقى صغنن

[somia]

كيكة ايه لو شيكولاته طبعا ابعتي انا عندي حتة من كيكة برتقال بس مش ليا فيها قوي بس بتنفع قوي في الفطار جنب الشاي باللبن

[somia]

لولو فكرتي هتتسحري ايه لحسن انا محتارة قوي..
صحيح هوه اللنشون ممنوع تماما للحامل ولا ممكن اكل منه مرة واحدة لحسن هموت واكل منه؟؟؟

[dr.princess]

انا عملت امبارح كيكة مخططة نص شيكولاته ونص سادة
اتفضلى ماتغلاش عليكى ابدا

[somia]

ماشي حتة من الكيكة بس الشيكولاته تبقى فيها كبيرة وطب جيلي بالكاسترد ..هممممممممممممممممم

[dr.princess]

انا هعمل بيض مفقوش وفى كيك وشاى على لبن وحلاوة و جبن بصراحة مش عايزة اعمل فول
لو مرة بتهيألى عادى ما انا باكل نقانق اللى هى السجق الجاهز ده وفى ناس بتقول ممنوع وباكل برده تونة وفى ناس بتقول ممنوع ومعرفش اصلا اذا كان اللانشون ممنوع ولالا

[dr.princess]

ههههههههههههه طيب كمان عندى بسبوسة جاهزة وكنافة فى الفريزر طبعا خيوط كنافة مش مستوية اقولك ابعتلك الثلاجة واخلص هههههههههههه

[somia]

لا بلاش بسبوسة انا مليش تقل عليه

[dr.princess]

والله وانا كمان مبقاش ليا فى الحلويات اد كده من اول الحمل حتى بعمل الكيكة لجوزى ومش باكل منها الا قطعة او ممكن مكلش خالص ومزاجى كله بقى يروح للحوادق

[somia]

بلاش بيض كمان انا محتارة اكل ايه شكلي كده هشرب شوربة بليمون وخلاص

[dr.princess]

انا كنت شاوية امبارح بطاطا لو عندك اعمليها
او لو عندك لسان عصفور اعملى شوربه بموووووووووووت فيها

[somia]

ما هيه دي مشكلتي انا التانية بس من كام يوم نفسي راحت للمشبك عندي منه في الثلاجة بس خايفة اكله عشان السكر بس المخلل بقيت بموت فيه قوي

[dr.princess]

دى مشكلة خايفين من سكر الحمل وخايفين من الضغط العالى والاملاح يااااااااااااااااارب استرها معانا

[somia]

للاسف معنديش بطاطا .. عندي شوربة لسان عصفور معمولة على لحمة ضاني ..تحبي أبعتلك طبق؟؟

[somia]

فعلا ربنا يسترها معانا يا رب ويعدي حملنا على خير

[dr.princess]

يااااااااااااااااااريت طبق مقابل طبق هههههههههههههه
معلشى يا سمية هقفل دلوقتى جوزى بيرجع قبل الفجر ب 10 دقايق فلازم الاكل يبقى جاهز قبل مايجى
اشوفك بكرة ان شاء الله

[somia]

مفيش مشكلة يا بنتي ..
السلام عليكم ورحمة الله وبركاته

[بقلظة]

السلام عليكم ورحمة الله وبركاته

[MALAK2010]

وعليكم السلام ورحمة الله وبركاته

[بقلظة]

صباح الخير يا ملك

اخبارك ايه

[MALAK2010]

الحمد لله
انا شفت ليلة امبرح كنت بعيط من كتر الالم بس الوقتى الحمد لله اتحسنت

[بقلظة]

علشان الواقعة

[بقلظة]

يا ملك خلي بالك اكتر من كده

انا كنت الاول ساعات انسي واجري وانط علي السرير

ربنا هو الحافظ طبعا بس احنا نخلي بالنا اكتر من الاول لانها امانة

[MALAK2010]

انا ولا بنط ولا غيرة انا اتزحلقت من المشاية اللى قدام الحمام

[بقلظة]

طمنيني عنك دلوقتي

[MALAK2010]

انا جالى رسالة غريبة تقييم لموضك فى القسم الاسلامى بس راحت قبل مااعمل حاجة مش فاهمة انتى اللى بعتاها ولا من الادارة

[MALAK2010]

لو كنتى انتى اللى بعتاها ابعتى تانى علشان ابعتلك التقييم

[بقلظة]

متزعليش من كلاامي انا بس خايفة عليكي

[MALAK2010]

انا مش زعلانة ولا حاجة انا اتزحلقت غصب عنى

[بقلظة]

لو كنتى انتى اللى بعتاها ابعتى تانى علشان ابعتلك التقييم


لاء انا مش بعت حاجة ممكن من الادارة

[MALAK2010]

انا اللى ضغطت على اضافة تقيم من غير ما اخد بالى
لقيتها وعملتلك تقيم

[بقلظة]

جزاكي الله خير يا ملك

[MALAK2010]

انتى فييييييين

[ام عمر ومريم]

صباح الخير يا بنات
بقلظه اذيك حبيبلتى ايه اخبارك
ملوكه ايه اخبارك حبيبتى الفسلامه عليكى وخدى بالك من نفسك حبيبتى وابقى البس شراب او شبشب اعزكم الله فى رجليكى عشان الارض وربنايحمينا جميعا اللهم اميييييييييين
انايابنات عاوزة اسال سؤال ان دلوقتى معنتش ااقدر فى الصلاة انى ااقف او اسجد
بس بصلى وانا قاعده ينفع والا فيه طريقه تانيه ممكن اصلى بيها

[MALAK2010]

ام عمر تسلمى يا حبيبتى
ان اسمع انة عادى صلاة الحامل وهى قاعدة بس ممكن بقلظة تفيدك اكتر لانها حامل تقريبا فى نفس شهرك

[ام عمر ومريم]

يارب دايبما يا ملوكه بخير وربنا يبعد عنكوا كل شر اللهم اميييين

[بقلظة]

ازيك يا ام عمرعاملة ايه يا حبيبتي

انا بصراحة بصلي وانا قاعدة علشان مش بقدر اقوم من وضع السجود للقيام

انتي ميعاد ولادتك امتي ان شاء الله اللي حددته ليكي الدكتورة؟

[بقلظة]

انتم روحتوا فين

[MALAK2010]

انا هنا بس انتوا اللى مش بتكلموا

[MALAK2010]

بقبلظة: هو ينفع تعدلى اسم الموضوع بتاعك اللى فى القسم الاسلامى واكتبى جنب الاسم (متجدد) او( كل يوم اضافة )

[بقلظة]

مش عرفة

استني كده لما اشوف

[MALAK2010]

انتى وراحتك دة اقتراح علشان يبين انة متجدد وانهم يتابعموا كل يوم مش اول صفحة بس

[بقلظة]

لاء مش نافع

ممكن اكلم المشرفة ان شاء الله

[MALAK2010]

انتى تتدخلى على اول صفحة للموضوع وتعملى تعديل هيظهر الاسم اكتبى
انتى عملتى كدة ومانفعش؟؟؟؟
يعنى الاقتراح عجبك

[MALAK2010]

خلاص مش مشكلة

[ام عمر ومريم]

هو فين موضوعك ده يا بقفلظه ممكن تجيلبيبلى السايت بتاعه لو سمحتى
جزاكم الله كل خير حبيباتى انا برده بصلى وانقاعده لانى مبقدرش ااقوم من السجود خااالص
انا ميعاد ولادتى بمشيئه الله 10/2 ان شاء الله
بس ادعولى ربنا يسهلى واولد طبيعى اللهم امين لان وزنى هيخلى الدكتورة تولدنى قيصرى ربنا يسهل لينا الامور يااارب

[MALAK2010]

http://forum.hwaml.com/t35247.html

دة الرابط بتاعة

[MALAK2010]

ام عمر فى موضوع هنا على امنتدى على حكم الصلاة الحامل وهى جالسة

http://forum.hwaml.com/t11677.html

[بقلظة]

ربنا يقومك بالسلامة يا ام عمر

وده رابط الموضوع

http://forum.hwaml.com/t35247.html

[ام عمر ومريم]

جزاكم الله كل خيريا بنات وربنا يقومكوا بالسلامه اللهم امييين

[بقلظة]

انا هاقوم اريح ضهري شوية

في رعاية الله

[جيرا]

حد هنا ياجماعه

[MALAK2010]

انا هنااااااااااااااااا

[جيرا]

ملك انتى فييييييييييين
هل تسمعنى
حول
ههههه

[MALAK2010]

انا هنا تعبت من الانتظار

[جيرا]

معلش ياغالى والله مااعرف انك موجود

[جيرا]

انا لسه بسال اصحابنا عن الاسهال
ماتعرفيش سببه ايه
واعالجه ازاى

[MALAK2010]

انا بكون موجودة الفترة دى علشان بكلم ماما

[MALAK2010]

انا اعرف ممكن تشربى شاى على ليمون ممكن يفيد
انا مش عارفة سببة اية ممكن حاجة متكلة مش نضيفة
او برد مش عارفة

[جيرا]

انا مش بقيت اكل من بره خالص من فتره يعنى الاكل مضمون
يمكن برد
المهم انتى ايه اخبارك

[MALAK2010]

مش لازم حاجة بتشتريها من برة ممكن جرجير او خيار متغسلش كويس
ربنا يشفيكى يا حبيبتى
انا الحمد لله كويسة والنونو بيسلم على خالتو جيرا وبيبوس النونو حمدى

[جيرا]

ياه على العسل
تعالى نقرا الفاتحه عشان لو بنوته اكون حاجزه الاول
ماليش دعوه
هههههههههه

[MALAK2010]

ههههههههههههههههههه

كل دة علشان بوسة وسلام هنقرا فاتحة علطول

[جيرا]

طبعا على طول احنا فى زمن السرعه

[dr.princess]

ملك بقى يا مؤمنة فى حد يجيب مشاية حمام بتزحلق ازااااااااى امال هى اصلا جاية ليه ؟؟
انتى عارفة اول شهر فى الحمل وقعت بالكرسى واتزحلقت فى الحمام بس ربك هو الحافظ الحمدلله
الف سلامة عليكى ياقلبى

[MALAK2010]

انتى هتاخدى اية للاسهال
فى دوا ينفع مع الحمل

[MALAK2010]

ماما مابطلتش زعيق على الموضوع دة
بس المشية قدام الحمام اتزحلقت بقيت فى الصاله علطول ههههههههههههه

[dr.princess]

جيرا ازيك اول مرة انا وانتى نتكلم

[dr.princess]

يعنى المشاية بتاعتك يا ملك انتى عاملاها بدل الاسكوتر هههههههههههههه يللا اهو توفير برده هههههههههههه

[MALAK2010]

انتى وقعتى انتى كمان انا الوقتى بقيت حاسة باى حد وقع اهئ اهئ
ساعه القدر يابنتى

[MALAK2010]

يعنى المشاية بتاعتك يا ملك انتى عاملاها بدل الاسكوتر هههههههههههههه يللا اهو توفير برده هههههههههههه

ههههههههههههههههه
على رايك

[MALAK2010]

لولو:انتى عاملة اية والنونو
اية نبهت عليا اوصيكى تانى علشان الجبنة الرومى

[dr.princess]

عطشاااانة يا معييين

[dr.princess]

جبنة رومى مييين لالالالالالالا
ده انا اختى قالتلى امبارح ان ماما مش ناوية تجيبلى كيلو لالالا دى موصيالى على قرص يعنى 3 او 5 كيلو مش عارفة ياحلولى ده انا ههيص انا والواد هههههههههههههه

[MALAK2010]

انااااااااااااااااا بفطر الوقتى
فرق التوثيت مفيد فى الحالة دى
ماما لسالها ساعتين ياحبيبتى وانتى يالولو لسالك ساعة ولا اد اية

[dr.princess]

لا لسه نص ساعة بس الحمدلله

[dr.princess]

بالهنا والشفا حبيبتى صوم مقبول ان شاء الله
فى مصر لسه ساعة بس مش ساعتين

[MALAK2010]

قرص يابنتى كتير بالهنا ياحبيبتى
بس اسالى الدكتورة برضة علشان تتطمنى

[ياسميين]

أحبتى اشتاقت روحي لمعانقة ارواحكم
وحن الفؤاد لمجالسه قلوبكم .وعن جد وحشتوني جدا جدا
اللهم يا باسط الارض وناصب الجبال ..يا منزل الغيث ومجري الانهار
ورازق الطير في الاوكااار.لي احبة في القلب سكناهم
فاللهم اسعد قلوبهم واعطهم ما يتمنوا دينا ودنيا
وقر اعينهم بما تحب وترضي
وعطر صدورهم بالايمان والقرآن
وارزقهم اللهم الخلود في الجنان
واجمعنى بهم برفقة سيد الانام
اللهم امييين

http://store1.up-00.com/Mar10/srH32726.bmp

[MALAK2010]

اللهم امييييييييييين

[MALAK2010]

ياسمين:انتى فين من زمااااااااااااااااااااااان

[dr.princess]

ياسمييين اللهم امين
انتى فين من زمااااااان

[dr.princess]

ملك انتى فطرتى لوحدك؟؟ زيى امبارح فطرت لوحدى والنهاردة هفطر لوحدى برده

[MALAK2010]

اه ان بفطر لوحدى اصل جوزى مش صايم لو كان صايم كنت استنيتة بس بالنسبالك استحالة تستنية لانة هيبقى سحور مش فطار

[ياسميين]

ماكنتش مابدخل كتير كنت تعبانه شويه
والاولاد واخدين برد وكنت مشغوله معاهم
اخباركم ايه ؟؟؟ وحشتونييييييييي
انتو صايمين ربنا يتقبل منا ومنكم

[MALAK2010]

ياسمين:الف سلامة عليهم هم الاطفال كدة فى الشتاء
وهم الوقتى احسن؟

[dr.princess]

ملك انا لاحظت انى بستعمل بقسماط كتيير اوى
انا عندى توست كتيير وهيبوظ ففكرت انى اعمل البقسماط بنفسى جربت قبل كده وعلشان مفيش كبة مظبطش معايا
عندك طريقة سهل لعمل البقسماط ؟؟؟؟؟

[MALAK2010]

لولو:انا ماعرفش غير انها بتطحن فى الكبة
ممكن هون بس دة عاوز هون نحاس بتاع ستى هههههه
مش عارفة والله

[dr.princess]

انا جوزى صايم الحمدلله بس لازم يبقى المغرب فى الصيدلية فبحطله الفطار فى علب وياخدها يفطر فى الصيدلية

[dr.princess]

ياسمين الف سلامة عليكى وعلى الولاد خلى بالك منهم علشان البرد او قربى المسافات وتعالى هنا الجو حلو اوى

[dr.princess]

ملك ولا يهمك انا هحاول كده مع نفسى وربنا يسهل

[ياسميين]

ايوا الحمد لله دلوقتي احسن

[استغفار]

انا عضوة جديدة هل من مشارك

[MALAK2010]

ياسمين :انتوا لسالكم اد اية وتفطروا

[MALAK2010]

اهلا استغفار معانا فى تجمع الرغايييييييييييين قصدى تجمع المصريييييييين ههههههههههه

[استغفار]

انا نفسيتى اكثر من تعبانة عمرى 36 وحامل وخاااااااااااااايفة موت من التشوهات لم يكن فى الحسبان هدا الحمل ولكن ارادة الله لدى ولدان 13 و10

[رنا خالد]

ملك ولولو هنا ده انا حظي من السما
ازيكوا يابنات وازيك ياياسمين انتي ام ولا لسه حامل
وازيك يااستغفار منورانا

[استغفار]

واضح انى بكلم نفسى ؟؟؟

[استغفار]

انا ام وحامل فى شهر

[رنا خالد]

استغفار اولا الف مبروك علي الحمل
ليه متضايقه انا خالتي حملت وهي عندها 41 سنه وجابت ملك ماشء الله عليها بدر منور
ماتخافيش وافرحي بحملك وان شاء الله مولودك الجديد يحلي حياتك وتكون بنوته زي السكر

[dr.princess]

استغفار اهلا بيكى معانا

[MALAK2010]

انا نفسيتى اكثر من تعبانة عمرى 36 وحامل وخاااااااااااااايفة موت من التشوهات لم يكن فى الحسبان هدا الحمل ولكن ارادة الله لدى ولدان 13 و10
لية تشوهات
تفائلى وثقى بالله
انتى حامل فى الشهر الكام

[dr.princess]

استغفار ليه القلق 36 مش كتير ابدا ده فى ناس بيبقى اول حملها فى السن ده عااااااااااادى
صاحبة ماما كانت بنتها فى الجامعة وحملت وهى فوق الاربعين وجابت عمر ماشاء الله زى القمر
سيبيها على ربنا

[استغفار]

انتى معايا ولا انا محتاجه حد يهوى لى

[رنا خالد]

لوجي صحيت هاجيبها واجي استنوني اوعوا تمشوا

[dr.princess]

رنا ازيك يا ام لجين
اخبارك ايه النهاردة واخبار البنوتة ايه

[MALAK2010]

استغفار :انا قريبتى حامل وهتولد الشهر الحاى وهى تقريبا 37 سنة وماكنتش عاوزة بس ماسمعتش منها على موضوع التشوهات دى
دى يابنتى الدكتور كان محذرها اخر مرة لان الرحم بتاعها مايستحملش حمل تانى وهى الحمد لله حملت وهتولد الشهر الجاى

[استغفار]

انا خايفة من كل حاجة لانى اكثر من جباااانة

[MALAK2010]

ام لوجى:ازيييييييييييك يا حبيبتى اية رايك فى اسمك الجديد ام لوجى احلى مش كدة هههههه
عقبالى يارب لما ابقى ام ملك بالعند فى لولو ههههههههه

[استغفار]

ميرسي ليكو كثير بس محدش يعرف دكتور كويس بالدقى

[dr.princess]

ملك تانى يا ملك شكلى هاجى اقرص ودانك ههههههههههههههههه
شكلى هنده واقول على السيدة ملك القاطنة بالشارقة لا تسمى ملك ملك فيها سم قاتل ههههههههههههههه

[MALAK2010]

ملك تانى يا ملك شكلى هاجى اقرص ودانك ههههههههههههههههه
شكلى هنده واقول على السيدة ملك القاطنة بالشارقة لا تسمى ملك ملك فيها سم قاتل ههههههههههههههه

ههههههههههههههههه
مش هبطل غير لما تقولى متعقدة منة لية وانا بعدها احكم اذا كان ليكى حق ولا لاء

[dr.princess]

استغفار لا والله معرفش حاجة فى القاهرة ان شاء الله البنات اللى هناك يفيدوكى

[MALAK2010]

ميرسي ليكو كثير بس محدش يعرف دكتور كويس بالدقى
انا للاسف من المنصورة فمش بعرف بس تابعى معانا هتلاقى بنات من القاهرة ممكن يفيدوكى
هى رنا من مدينة نصر مكن تعرف

[dr.princess]

ملك تدفعى كام واقولك هههههههههههههههه

[MALAK2010]

طيب قولى ممكن الحكاية ماتستاهلش هههههههه

[MALAK2010]

استغفار:انتى كنتى مستخدمة وسيلة اية

[MALAK2010]

لولو:هو المغرب عندك لسالة اد اية

[dr.princess]

ملك هى فعلا حكاية ماتستاهلش بس انا كنت طمعانة فى بيتزا بالجمبرى بحبها موووووووووت هههههههههههه

[dr.princess]

المغرب اذن من حوالى ساعة الا ربع

[جيرا]

بتفطروا ولا ايييييييييه
صوم مقبول ان شاء الله
ازيك يالولو

[MALAK2010]

لولو:نعم نعم يعنى تكرهى اسم ملك حبيبتى علشان حكاية ماتستاهلش مالكيش حق

[جيرا]

معلش انا بقوم وارجع تانى عشان اشوف جوزى لو عاوز حاجه
لانه اجازه من النهارده

[dr.princess]

جيرا يااااارب ان شاء الله
انا الحمدلله كويسة انتى فى الشهر الكام ؟؟؟

[MALAK2010]

لولو:صوم مقبول ياحبيبتى

[جيرا]

انا فى نص الخامس وانتى

[dr.princess]

ملك يا نصابة يعنى انتى شفتى ان الحكاية ماتستاهلش وماشفتيش انى عايزة بيتزا بالجمبرى ههههههههههه

[MALAK2010]

انا جوزى مشغول فى الماتش علشان كدة قاعدة معاكم

[dr.princess]

ملك يااااااارب انا وانتى وكل المسلمين

[MALAK2010]

ملك يا نصابة يعنى انتى شفتى ان الحكاية ماتستاهلش وماشفتيش انى عايزة بيتزا بالجمبرى ههههههههههه

ههههههههههههههه
والله ماخدت بالى غير لما بعتى تانى افتكرت هههههههه
علشان تعرفى اد اية بحب ملك وبدافع عنها
وانتى عارفة انا اخرى فى البتزا هى بيتزا الجبنة
انا ممكن اجيبلك جمبرى اما بيتزا مااوعدكيش هههههههههه

[dr.princess]

جيرا انا تقريبا برده فى نص الخامس
قوليلى اخر دورة ليكى كانت امتى علشان نشوف الحسابات زى بعض ولالا

[dr.princess]

ملك ياحبيبتى متحرمش منك انا عندى جمبرى و هبقى اعمل بيتزا بيه ان شاء الله
طيب جربى كده بيتزا المفروم والجمبرى والله هتحبيهم اوى

[جيرا]

كانت 7.30ياحبيبتى

[رنا خالد]

انا جيت سكتها ورضعتها ونامت وقولت اكمل معاكم وصلة الرغي هههههه
بس حلو ام لوجين عقبال ماشوفكم امهات قريب ومحتاسين زي
ربنا معانا ونكون امهات علي حق ونقدر نتحمل المسئوليه

[dr.princess]

جيرا انا كانت 26/7 والدكتورة قالتلى كل 1 فى الشهر ابدأ شهر جديد ورجعت من شهرين قالتلى كل 27 ابدأ شهر جديد بس 27 ده مقتنعتش بيه لان ساعتها كنت غير متاحة خالص ههههههههه فقلت كل اول شهر وخلاص

[dr.princess]

ياااارب يا رنا
قوليلى انتى عند مامتك ولا فى بيتك

[MALAK2010]

رنا انا سمعت دكتور الاطفال النهاردة
فى واحدة اتصلت وبتقولة انها ولدة قيصرى ومش بترضع طبيعى قالها مش شرط هو ممكن اللبن يتاخر بس مع الاستمرار بيجى
ام فى الولادة الطبيعى بينزل اسرع علشان فى الولادة الطبيعى باين فى هرمونات او حاجة بتحفز اللبن

[جيرا]

انا فيه دكتوره قاتلى كل واحد فى الشهر اكمل شهر ودى الاخيره
وقبل كده واحده تانيه قالت كل سته فى الشهر
مش عارفه صراحه ايه الصح
بس احنا تقريبا مع بعض يالولو

[MALAK2010]

محتاسة لية يا رنا انتى عند مامتك ربنا يخليهالك امال لولو واية دول هيعملوا اية لوحدهم

[MALAK2010]

يا جماعة الحساب بسيط زودوا اسبوع او خمس ايام على اول يوم فى الدورة

[dr.princess]

ملك ايوه انا شفت البرنامج ده امبارح بتاع الدكتور محمد رفعت وقال فعلا الكلام ده

[جيرا]

انا كمان ياملك شفت الدكتور دا النهارده
اهو بتابع عشان اتعلم

[dr.princess]

ملك انا فعلا بقيت عاملة حسابى على كده 1 فى الشهر يبقى شهر جديد

[جيرا]

ايه ياملوكه نسيتينى
انا كمان لوحدى
زعلتينى

[MALAK2010]

انا اى برنامج بيتكلم على الحمل او الاطفال بقعد ممكن القط اى حاجة تنفعنى فى ايامى اللى جاية
جيرا الدكتور كان امبارح بتاع الولادة والحمل
الدكتور بتاع النهاردة بتاع اطفال

[dr.princess]

وانتى ياجيرا يبقى كل 6 فى الشهر

[MALAK2010]

جيرا:اه يا حبيتى انتى كمان ربنا يقويكم يااااااااااارب

[جيرا]

انا وحياتك بتفرج على كله
العياده
كلام من القلب
كل يوم بنكبر

[dr.princess]

ملك نسيت اقولك ان جوزى قال لحمايا وحماتى اننا غالبا هنجيب ماما وقت الولادة ان شاء الله فغالبا 90% ماما هتيجى باذن الله

[MALAK2010]

حد شاف الدكتور امبارح لما اتصلت واحدة وقالتلة على الدرن انا حاسة انة كان هيزعق فيها

[جيرا]

اه يالولو ياعمرى انا عملت حسابى على كده ان شاء الله
يعنى الولاده 5.6باذن الله

[MALAK2010]

لولو:بجدددددددددددددد طيب الحمد لله ربنا يجيبهالك بالسلامة يااااااارب وعقبال اية وجيرا

[جيرا]

انا بقى يالولو نفسى ماما كانت تيجى
بس حماتى كمان عاوزه تيجى
وكنت فى مشكله جيت على نفسى وقولت عاوزه اكون لوحدى
ربنا معايا ومع الجميع بقى

[MALAK2010]

تقوموا بالسلامة يااارب
رنا انتى فين يا بنتى مش بتقولى لوجى نامت انتى فيييييييين

[جيرا]

ياااااااااااااارب ياملك

[MALAK2010]

جيرا:طيب ماينفعش يجوا هما الاتنين علشان يفرحوا معاكم

[dr.princess]

ملك اه ان شاء الله ربنا ميجيبش حاجة وحشة واولد فى الميعاد اصل ليا اخت صاحبتى ولدت قبل ما مامتها تجيلها بيوم فقلتلها خلى مامتك ترجع مالهاش لزمة ههههههههههه

[dr.princess]

جيرا طيب حماتك عايزة تيجى ليه مامتك اولى تيجى وقت الولادة وبعدها تبقى حماتك تيجى براحتها

[جيرا]

هو جوزى قالى انزلى اولدى فى مصر
بس بينى وبينكم ببقى هااموت من القلق عليه
مش هااقدر اسيبه لوحده
هو هنا قبل منى كان كل شويه يكلمنى

[MALAK2010]

انا مامتى اذا جتلى عموما مش الايام دى اى وقت تانى لازم حماتى تكون معاها
اول ما ننقل فى شقة اوسع هنجيبهم الاتنين ان شاء الله

[MALAK2010]

انتى عندك تامين على الولادة يا جيرا

[جيرا]

اعمل ايه بس يالولو هو المفروض كده بس خفت اقول كده
يزعل منى جوزى ومش عاوزاها تزعل من جوزى لانه قالى انه عاوز ماما هى اللى تيجى
عشان راحتى بس هستحمل انا وخلاااااص

[dr.princess]

ملك ماشى مقولناش حاجة حماتها حقها تيجى عند ابنها بس افرضى الظروف متسمحش الا لواحدة منهم يبقى اولى مامتها تيجى علشان الولادة

[رنا خالد]

انا موجوده بس رحت اخد دوايا وجيت
بس نصيحه مني يابنات لازم ساعة الولاده تكون مامتكم جنبكم
وخاصة لو الولاده قيصري
لأن مستحيل الواحده تقدر تخدم نفسها يعني في الطبيعي بيكون في جرح ومحتاج حوالي اسبوع عشان يلتأم بشكل كلمل وفي حالة القيصري مش اقل من اسبوعين
فياريت يالولو تجيبي مامتك بس مالهاش لزمه حماتك بصراحه لأنها استحاله في حامه بتخدم مرات ابنها مهما كانت كويسه فوجودها مالوش لزمه وانتي فاهمي جوزك كده
صدقيني لازم مامتك تكون جنبك
انا في بيتي بس ماما معايا وهاتفضل جنبي اول 15 يوم

[جيرا]

لا ياحبيبتى مش عندى تامين
هو ايه التامين دا اصلا
فهمينى