دردشة حوامل مصر - دردشة بنات مصر - تجمع حوامل مصر

[somia]

ملاك هصلي المغرب وارجعلك باذن الله علطول متمشيش

[MALAK2010]

طيب يا جميل مستنياكى

[MALAK2010]

انتى فين يارنا

[somia]

انا رجعت..............

[somia]

صحيح يا ملاك مفيش اخبار عن امل؟؟؟

[اضواء القمر]

مساء الخير كيفكم

[somia]

كيفك أضواء؟؟؟

[MALAK2010]

امل مش راضية ابدا تتدخل بعتلها اكتر من رسالة ردت عليا وقالت انها زعلانة من اللى جرى وعيطت وانها مش هتدخل تانى
كان نفسى تدخل
حتى انا فلتلها انتى كدة وخدة مننا الموقف مش من المشرفة بس هى اخدت قرار انها مش هتدخل المنتدى تانى

[somia]

أضواء ألف مبارك عليكي قدوم المولود الجديد جعله الله ذخرا لك في الدنيا والاخرة

[MALAK2010]

اهلا بيكى اضواء القمر
لفت نظرى التوقيع بتاعك ومش فهماة

[MALAK2010]

اااااااااااه
انتى ولدتى الايام اللى فاتت

[somia]

ملاك طب ما تدخل وتشكي لاي مشرفة زي روز مثلا انا شايفة انها متفهمه وممكن تفتحلها الموضوع تاني

[اضواء القمر]

ايوة انا ولدت يوم الخميس اللي فات يعني الي 10 ايام

[اضواء القمر]

سمية الله يبارك فيكي يارب

[somia]

أضواء الكتكوتة الصغنونة عاملة ايه .. طالعة شبه أخوها ولا لا؟؟؟

[MALAK2010]

سمية:قلتلها انتى ممكن تكلمى المشرفة لو عاوزة ترجعى الموضوع تانى
او ممكن تكتبى موضوع تانى
بس هى رفضت
بس بصراحة انا مفتقداة اوووووووووى

[MALAK2010]

اضواء:الف مبرووووووووووووووووووووووووووووووووووووووووك

[اضواء القمر]

سمية البنوته احلى من اخوها شقرة وعيونها زرق والكل مبسوط عليها لانها هي اشقر وحدة في بيت حماي

[somia]

انا برضه مفتقداها قوي ومتضايقة ليها جدا من الموضوع ده

[MALAK2010]

اضواء:ربنا يباركلك فيها يااااااااارب

[somia]

بسم الله ماشاء الله عليها .. طب حطيلنا صورتها نتوحم عليها يمكن نجيب بنات شبهها.. ههههههههههههههههههههههه تراني أمزح

[اضواء القمر]

هههههههههههههههههههههههه سميه انا بدي انزللها صور بس مو لاقية الusb

[MALAK2010]

انتوا فييييييييييييييييييييييييييين

[نولارا]

فى حد هنا ولا زى كل يوم ههههههههههههه

[ضى القمر1]

واحنا معاكى نفسى اعرف حاجات كتيرررررررررر

[ضى القمر1]

هى فين الناس انا مش شايفة حد

[ضى القمر1]

ياااااااااااااااااااااااااارب كمل لكل حامل ع خيررررررررر

[توته السيد]

مراحب مراحب ياحلوات طبعا زي كل يوم مافيش حد المهم انتوا وحشتوني جدا طمنوني عنكم ومافيش اخبار عن دودي سافرت واخبارها اية

[somia]

السلام عليكم ورحمة الله وبركاته..
يا مسهل يا رب.. حد هنااااااااااااااا؟؟؟

[رنا خالد]

انا هنااااااااااا ياسميه عامله ايه ياقمر؟
معقول لقيت حد في ساعه زي ديه

[somia]

الحمد لله .. أخيرا شفتي الواحد سهران..
انتي عاملة ايه؟؟؟

[somia]

انا الحمد لله كويسة انتي ايه أخبارك؟؟؟

[somia]

رناااااااااااااااااااااااااا .. رحتي فييييييين؟؟؟

[somia]

اهئ اهئ اهئ رنا هيه الصدمة خلتك تسيبي المنتدى ولا اييييييييييه؟؟؟

[mr_mr]

السلام عليكم ورحمة ه وبركاتة
اذيكم اخواتى الحوامل

[رنا خالد]

انا هنااااااااااااااا
ياسميه انتي ومرمر بس كنت بقرأ قصة ولادة اضواء

[somia]

الحمد لله ..
ازيك يا مرمر..
انتي من مصر برضه؟؟؟

[mr_mr]

ازيك يا رنا اخبارك اية

[somia]

رنا عقبال ان شاء الله نفرح بولادتك عاجلا غير اجل

[mr_mr]

اذيك سمية اخبارك اية
انا سعيدة جداا بمعرفتى بيكم

[somia]

انتي من مصر يا مرمر؟؟

[mr_mr]

ايوة انا من مصر

[mr_mr]

وانتى من مصر

[رنا خالد]

اخبارك ايه ياسميه والنونو عامل ايه
وانتي يامرمر منورانا في المنتدي كلمينا عن نفسك شويه

[somia]

مرمر ..
الاسئلة التقليدية ..
انت عندك كم سنة؟؟؟
ومنين من مصر ؟؟
اول حمل ليكي؟؟

[mr_mr]

انا من عين شمس
وعندى 29 سنة
ودى تانى حمل ليا بس بعد 8 سنين
عندى بنوتة عمرها 8 سنين
وانا دكتورة علاج طبيعى

[mr_mr]

انتم رحتو فين

[MALAK2010]

انا هنااااااااااااااااااااا

[dr.princess]

وطبعا مش هتلاقى غيرى

[MALAK2010]

ومالة معايا حبيبتى ههههههههههه

[dr.princess]

يللا اتهنى بيا شوية قبل ما اقلب بالليل ههههههههههههههه

[MALAK2010]

ههههههههههههههههههه
انتى عاملة اية والنونو ؟؟؟
دخلتى الخامس ولا لسة
صحيح انى ممكن اعرف نوع الجنين فى الرابع انا مش حريصة انى اعرف خالص مش عارفة اية البرود دة بس لسة قارية انة ممكن

حمايا لسة متصل بيا وعاوز يعرف لانة بيحب الصبيان اووووووووووووى ههههههههههه

[dr.princess]

انا الحمد لله كويسة
دخلت الخامس امبارح الحمدلله
انا اسمع فى ناس بتعرف من الرابع بس بيبقى مش اكيد يعنى ممكن تقول بنت مثلا ويطلع ولد والعكس فالاحسن تصبرى شوية
بس المهم حماكى متعصب للصبيان ولا عادى يعنى علشان ميحصلش مشاكل اصل فى ناس كده بتبقى دماغها مقفلة

[MALAK2010]

هو معروف بحبة للصبيان حتى سلفتى كانوا قالولها فى الاول انها حامل فى بنت
فزعل
فانا من اول حملى بقولة انا عارفة انك بتحب الصبيان قالى لا دى كلها نعمة من ربنا فبقول لجوزى قالى دة فى الاول بس هههههههههه

بس زعلة عادى يعنى مش فظيع بس هو عاوز ولد
اما بالنسبالى مش فارق معايا فى بنات بتحب انها تجيب ولد فى الاول علشان ترضى حماها او لان الولد امله
بس انا مش فارق معايا الحمد لله كفاية نعمة الحمل

[dr.princess]

طيب الحمدلله انه مش متعصب اوى
بس برده مالوش حق يزعل يعنى هى جايبة حاجة من عندها وكله نعمة من عند ربنا واحنا مش هننقى

[MALAK2010]

هى الدكتورة كتبتلك كالسيوم كام
اصلى عندى فى البيت كالسيوم 600 مش عارفة ينفع ولا لاء

[MALAK2010]

مش متعصب اوى يعنى هيعمل اية اكتر من الزعل؟؟؟؟
وبعدين هى طلعت حامل فى ولد
لسة انا تفتكرى هيتبرى منى هههههههههههههههههه

[dr.princess]

والله ياملك انا للاسف رميت العلبة ومبصتش على التركيز بتاعها وكمان الشريط مش عليه التركيز انا باخد osteocare
ان شاء الله العصر هتصل على جوزى واسئله وابقى اقولك

[MALAK2010]

تسلمى ياجميل
اللى عندى اسمة coral calcium
plus vitamine d 100 iu
600mg

[dr.princess]

والله معرفوش يا ملك
بس زى ما قلتلك هسئلك على التركيز وابقى اقولك

[MALAK2010]

هو الكريم اللى بتقولوا علية ابدا استعملة من امتى
من اول ماتظهر الخطوط ولا قبلة علشان ماتظهرش
هو ممكن استعمل لوشن اللى عندى للترطيب ولا مضر اصلى وقفت اى حاجة كنت بستعملها قبل الحمل

[dr.princess]

المفروض ان الناس بتستعمله علشان ماتطلعش الخطوط دى بس على حسب طبيعة الجسم نفسه فى ناس مبتطلعلهاش خالص حتى من غير كريمات وفى ناس زيى طلعتلها من بدرى اوى
فى كريمات مخصوصة للخطوط دى اما لوشن الترطيب العادى مأظنش يعمل حاجة
انا عادى استعمل الكريمات واللوشن بعد الحمل طالما مفيش فيها اى مواد طبية تضر

[MALAK2010]

ان شاء الله هجيبة واستعملة

[dr.princess]

والله براحتك اصله للحوامل مفيش منه قلق
المهم بس انك تقفشى المكان اللى ممكن تطلع فيه هههههههههههههههه لانها طالعالى فى حتت غريبة وعجيبة

[dr.princess]

بس فى العادى البنات بتدهنه على البطن بس

[MALAK2010]

هو لو انا عاوزة اعمل فرد وهحطة من بعيد مش هلمس ارضية الراس وهلبس كمامة علشان الريحة ممكن تضر بالجنين لاقدر الله

[dr.princess]

والله معرفش بس بلاش احسن ابقى اعملى براحتك بعد الولادة
انا رحت مع صاحبتى قبل فرحها كانت بتعمل فرد فى بيوتى اللى فى شارع كلية اداب اكيد عارفاه ريحة الفرد كانت قالبة الكوافير كله استغفر الله العظيم ريحة لا تطاق واظن انه مليان مواد كيماوية احنا فى غنى عنها

[MALAK2010]

انا بقول كدة برضة

[dr.princess]

كده برده احسن احنا مش ضامنين ايه اللى جواه

[MALAK2010]

بس الكريم اللى كنت هستعملة كريم مالوش ريحة نفاذة زى اللى بيستعملوة الكوافيرات
انا كنت عملتة فى البيت قبل كدة وظبط معايا وكان حلو بس انتى عارفة الشعر الاصلى بيطلع وبيكون فى فرق بين المفرود والاصلى فقلت اعمل خفيف كدة على الشهر السادس ان شاء الله

على فكرة انا شعرى كويس مش وحش بس حابة النتيجة بتاعت الفرد اكتر من الشعر الطبيعى

[MALAK2010]

ربنا يسهل بعد الولادة ان شاء الله

[dr.princess]

والله انتى وراحتك بس لو عليا انا عمرى ما اعمله وانا حامل

[MALAK2010]

انتى عارفة انا بقرى دايما فى المنتدى ان البنات عاوزين يصبغوا شعرهم
انتى عارفة ان عمرى ما حبيت اغير لون شعرى بحس انى مش هبقى انا
واذا غيرتة فى يوم من الايام هيبقى بنى عمرى ماهصفرة او افتحة اوى انا شعرى اسود

بس المفروض الواحدة تغير من شكلها علطول بس فى الموضوع دة مش عارفة مش حابة لية
فكرتى قبل كدة تغيرى لون شعرك

[dr.princess]

معلشى هروح افرد ظهرى شوية مش قادرة اقعد

[dr.princess]

انا شعرى بنى وبحب لونه بس كان نفسى اعمل فيه اى حاجة حمراء كده بس شعرى ضعيف ميستحملش الصبغة هيتبهدل فاخرى معاه الحناء وبس

[dr.princess]

وبعدين بصراحة مبيعجبنيش شكل الصبعة بعد شوية لما يبدأ اللون الاصلى يظهر تلاقى خريطة العالم جوه الشعر ههههههههههههه

[MALAK2010]

طيب ياحبيبتى روحى افردى ضهرك
سلام

[dr.princess]

سلالالالالالالالالام

[dr.princess]

كسل ... كسل ... كسل

[MALAK2010]

انا هنااااااااااااااااااااااااااا

[dr.princess]

يا هلا يا هلا

[MALAK2010]

ازيك يا لولو
انتى قاعدة من مدة مستنية

[dr.princess]

كالعادة قاعدة مستنية انا صاحية من اكتر من ساعة

[MALAK2010]

انتى طبختى ولا لسة

[dr.princess]

لا والله لسه
مكسلة بشكل غريييييييييب كنت عايزة اعمل شوربة عدس بس ماليش مزاج اقوم اطبخ ومش هلحق اعملها دلوقتى شكلى كده هأكله بيض وجبنة ههههههههههههه

[MALAK2010]

انا بقيت بكسل اطبخ مش عارفة لية
واقعد فترة لغتية ما احدد هطبخ اية
النهاردة عملت مكرونة وفراخ فى الفرن

[dr.princess]

مش عارفة ايه الكسل ده
تخيلى انى لسه هفطر دلوقتى الصبح كسلت اقوم اعمل حاجة فعملت ساندويتش بسرعة ودخلت نمت

[MALAK2010]

هو جوزك بيجى الساعة كام

[dr.princess]

تقريبا 6
انا خلاص قررت استهدى بالله واقوم اعمل شوربة العدس بعد ما افطر ولسه فى وقت هالحق اعملها ان شاء الله

[dr.princess]

بقولك ايه يا ملك
انا من اول ماجيت هنا وانا عندى سمنة بلدى بس للاسف ايام وهتخلص ومش عارفة استخدم سمنة ايه قوليلى انتى بتستخدمى ايه او لو جربتى الزبدة قوليلى طعمها ازاى فى الاكل لانى مجربتهاش قبل كده

[MALAK2010]

قومى ياجميل علشان تلحقى شوربة العدس بتاخد وقت

[MALAK2010]

ياااااااااااااااااة سمنة بلدى الله عليها
بتاعتى خلصت انا كنت جايبة كمية بس للاسف خلصت
انا مش بحب الزبدة
بس جربت كذا نوع بس عجبنى نوع حلو اسمة
lurpak

[MALAK2010]

ممكن السمنة دى تلاقيها عندك

[dr.princess]

انا كنت جايبة معايا وجوزى كان عنده وكمان قرايب جوزى كانوا جايين عمرة رمضان وجابولنا فده اللى خلاها تقعد معايا كل الوقت ده
ربنا يسهل كده واسئل حد هنا اشوفهم بيستعملوا ايه وانا سمعت فعلا ان لورباك دى كويسة

[dr.princess]

لورباك دى مش زبدة يابنتى ولا منها سمنة

[MALAK2010]

هو خلاص هانت مامتك هتيجى تبقى تجيبلك

عارفةانا نفسى فى وش لبن على عسل بس من مصر
او لبن على شاى بس جاموسى من مصر اهئ اهئ

[MALAK2010]

لورباك سمنة

[dr.princess]

انتى عارفة انا بقى نفسى فى قشطة ومورتا بلدى يااااه بموووووت فيهم
والله لسه مش عارفة اذا كانت ماما هتيجى وقت الولادة ولا لا لسه مش عارفة ربنا يسهل

[MALAK2010]

اه برضة عاوزة قشطة بس مش اوى
مامتك ممكن ماتعرفش تيجى لية

[MALAK2010]

امال لو ماعرفتش تيجى هتعملى اية هتنزلى ولا اية

[dr.princess]

لا لو على ماما معندهاش مشكلة تيجى
بس لسه جوزى مدانيش كلمة نهائية اننا هنجيب ماما ولالا ولو الظروف منفعتش مش هقدر اغصب عليه طبعا

[MALAK2010]

ربنا يسهل وتعرف مامتك تيجى
بس انتى مش بتفكرى تنزلى خالص

[dr.princess]

لالا انا شلت فكرة النزول دى من دماغى خالص لو نزلت هتحصل مشاكل كتير مع اهل جوزى والولادة هتتقلب غم وانا فى غنى عن اللى هيحصل
فلو قدرت ابعت لماما هجيبها ولو مقدرتش معايا ربنا بقى

[MALAK2010]

هو لو نزلتى هتقعدى فى شقتك وهتولدى هناك؟؟

[MALAK2010]

بس هتقدرى تولدى لوحدك؟؟؟
ربنا يعينك يا حبيبتى
وان شاء الله ماامتك تجيلك

[dr.princess]

ان شاء الله ربنا يكتب الخير ساعتها
وانا اعرف اكتر من واحدة ولدت هنا الولادة الاولى لوحدها انا عارفة انه اكيد هيبقى صعب بس ساعتها اللى مكتوب هيحصل

[dr.princess]

شفتى الصفحة اللى احنا فيها 1111

[MALAK2010]

اه اخدت بالى
انا وانتى بنكتب دايما فى الصفح المهمة هههه
كتبنا قبل كدة فى الصفحة 1000
والوقتى 1111

[dr.princess]

طبعا احنا الناس المهمة بتوع الصفحات المهمة ههههههههههههههههه

[MALAK2010]

انا اعرف كذا واحدة بتولد لوحدها
انا مابفكرش اولد هنا علشان التكلفة

[MALAK2010]

ماتقلقيش والله عارفة على راى ماما ان شاء الله ربنا هيوقفلك ولاد حلال
وان شاء الله مامتك تعرف تيجى

[dr.princess]

هنا برده الاسعار وحشة اوى بس المستشفى اللى بتابع فيها اسمع ان اسعارها حلوة اوى حتى كشفها رخيص فهيبقى كله محصل بعضه خلينى هنا جنب جوزى احسن ما انزل على المشاكل

[MALAK2010]

يعنى المشاكل علشان هتقعدى عندهم وهتولدى هناك برضة؟؟؟

[MALAK2010]

احنا بيقولوا الاسعار هنا الطبيعى 9000 درهم والقيصري 12000 درهم
مش عارفة بيكتشفوا الذرة

[MALAK2010]

التامين الصحى بتاعى مش مغطى الاسنان والولادة

[ايوشه]

انا جيتتتتتتتتتتتتتتتتتتتتتتتتتتتتتتت

[ايوشه]

ازيك ياملوكه عامله ايه اوزى النونو
وانتى يالولو اخبارك ايه انتى ناويه تعملى زييى وتولدى لوحدك برده ربنا معانا
هى دودى سافرت ياجدعان

[ايوشه]

هو انا هكلم نفسى

[ايوشه]

ياناس ياللى هنا

[MALAK2010]

انا معاكى ياجميل
عاملة اية انتى والنونو

[MALAK2010]

انا الحمد لله كويسةوالنونو بيسلم على خالتو اية

[ايوشه]

الحمد لله ياملوكه تمام
انتى اللى عامله ايه

[ايوشه]

طيب بوسيهولى بقه قوليلى صحيح بقيتى فى الشهر الكام

[MALAK2010]

دودى سافرت يوم الخميس بس والله مش فاكرة الخميس دة ولا اللى قبلة اصل النسيان والروتين ضيعوا الذاكرة ههههههههههههه

[MALAK2010]

النهاردة الحمد لله اول الرابع على حساب شريط التوقيع وعلى حساب الدكتورة لسة بكرة وابداة

[ايوشه]

راحت مصر يابختك يادودى اكيد بقه مابقتش فاضيه لينا ومش هتعبرنا دلوقتى خالص هههههههههههههههه
وحشتينى يامصر

[ايوشه]

مبروك خلاص بقه هترجعى زى زمان وتاكلى ممممممممممممممم كتير

[MALAK2010]

وانتى كمان مبروووووووووووووووووك بقيتى فى التاسع
اية شعورك وانتى دخلتى خلاص الحمد لله الشهر التاسع حاسة انة الايام عدت بسرعة ولا حاسة انك حامل من زمان
انفع مذيعه هههههههههههه

[MALAK2010]

عارفة انا بتخن من القعدة ال3 شهور اللى فاتوا ماكنتش باكل غير بسكوت تفاح
وتخنت 3 كيلو لما خايفة على اخر الحمل هضرب

[dr.princess]

معلشى يا بنااات كنت فى المطبخ
المشاكل هتحصل طبعا علشان اكيد هيبقوا عايزين اقعد فى شقتى واولد عندهم وكده وده مستحيل بالنسبة ليا انا خعوز اروح عند ماما طبعا واكيد اكيد هتحصل مشاكل انا مش قلقانة من حمايا وحماتى ( مع ان برده ممكن يحصل مشاكل منهم ) انا قلقانة من عم جوزى ومراته زى ما قلتلك هم معايا فى نفس البيت واحنا مش بنحب بعض اوى يعنى او خالص بمعنى اصح
وكمان جوزى مادام مش معايا هم هيظبطونى براحتهم زى ما عملوا فيا فى الخطوبة

[ايوشه]

تنفعى طبعا ههههههههههههههههه
والله ياملوكه فى اول الحمل كنت حاسه انه كتير قوى 9 شهور هيعدوا امته بس سبحان الله عدوا بسرعه لانى ماكنتش بحسب كنت بس احسب هروح للدكتور امته كان بيعدى 3 اسابيع واروح الرابع فكل ماروح الاقى شهر وبعدين بقه النت بيخلى اليوم يخلص بسرعه عقبالك ان شاء الله ياجميل

[dr.princess]

للاسف يا ملك شغل جوزى مش عاملى تأمين صحى فكل التكاليف علينا

[ايوشه]

عارفه يالولو اعملى زييى وخليكى عندك علشان ماحدش يزعل هما كانو هيبقو عايزنى اولد عندهم برده مع ان بناتهم كلهم ولدين عند امهم بس هو كده بس انا قولت انا هنزل اولد عند ماما مافيش نقاش لو نزلت بس بقه عشان ظروف شغل جوزى وانا عايزاه معايا برده اول فرحه فقولت خلينى هنا وابقه معاه

[dr.princess]

ازيك يا اية اخبارك ايه والنونو
مبروووووك على التاسع يللا بقى استعدى
جهزتى شنطة المستشفى ولا لسه

[ايوشه]

يجماعه مش لما بتعملو الاقامه لازم تعملوا تامين صحى ولا ايه
هنا لازم تدفعى تامين قبل الاقامه حتى لو مش هتكشفى

[dr.princess]

عارفة يا اية فى الاول كنت عايزة انزل بس لما فكرت فى اللى هيحصل رجعت فى كلامى وقلت خلينى هنا وخلاص وربنا معايا وربنا يسهل واقدر اجيب ماما ولو مقدرتش ربنا معايا

[MALAK2010]

ماانا كل التكاليف علينا فى تخصص النسا
علشان كدة عاوز اول فى مصر
فى شركات تانية بتغطى تخصص النسا
يلا الحمد لله

ربنا يقويكم انتم الاتنين وتبقى ساعة سهلة من عند ربنا يااااااااارب

[ايوشه]

والله يالولو لسه انا مش عارفه بتجهز ازاى احط فيها ايه احنا خايبين قوى
بس لما دخلت التاسع الواحد مش عارفه بقه خايف كده ليه
وبالذات امبارح لان زميل جوزى فى الشغل مراته برده كانت حامل وكانت بتقول قبلى باسبوعين هتولد وولدت امبارح كل شويه اقوله مش كانت تستنى شويه ههههههههههههه اصل حسيت ان الموضوع بقه بجد وخلاص الدور عليا ربنا يسهلهلنا كلنا ان شاء الله

[dr.princess]

اية انا مدفعتش اى فلوس للتأمين وانا بعمل الاقامة لان اصلا شغل جوزى مش عامللى تأمين صحى فهدفع على ايه بقى

[MALAK2010]

والله عندكم حق
عارفين انى خايفة انزلمصر ليحصل اى مشاكل وانا كمان هقعد حوالى 4 شهور من غير جوزى وبرضة الواحدة لما جوزها يبقى معاها بيبقى افضل كتير ربنا يستر

[ايوشه]

والله يالولو ربنا معانا حتى لو هتبقى لوحدك ماتقلقيش توكلى على الله زى مانا عملت كده وبعدين انا هولد قبلك ان شاء الله واقولك تعبت ولا لاء وان شاء الله لو فى حاجه تقررى وتجيبيها او تنزلى

[dr.princess]

اية ياستى ربنا يسهلها مش مهم امتى المهم تبقى الولادة سهلة وخلاص ومادام دخلتى التاسع الحمدلله فمتقلقيش
انا عندى فكرة شوية عن الشنطة تتجهز ازاى لو حابة اقولك

[ايوشه]

وانا بردهه ياملك لما حسبتها لقتها هتبقه كتير قوى فقولت خلينى هنا وننزل مع بعض احسن ومعانا النونو قولت هتبقه فرحه برده وقتها ان شاء الله

[ايوشه]

ياريت يالولو تفيدينى

[MALAK2010]

قولى يالولو

[dr.princess]

والله يا ملك انى ابعد عن جوزى كل ده كان سبب برده خلانى ارجع فى كلامى مقدرش اتصور ابعد عنه كل ده بالذات فى حالتى دى لانى من اول ماتجوزت وماليش غيره لازقة فيه زى ظله ههههههههههههه وخصوصا انى مش ضامنة يعرف يجيلى فى الولادة ولالا فهفضل لازقة فيه وخلاص ههههههههههههههه

[MALAK2010]

شوفوا انا لسة قدامى حوالى شهرين على ماانزل مصر بس امبارح تخيلت انى سيبتة مابطلتش عياط وخايفة عليا
بس اعمل اية التكلفة هنا صعبة اوى

[ايوشه]

مانتى ياملك اتفقى معاه لو هتنزلى ينزل قبل الولاده ويقعد للسبوع وبعدين يسافر كده يبقه معاكى برده وماتبقيش قعدتى فتره كبيره من غيره

[ايوشه]

انا مستنيه اهو يالولو

[dr.princess]

بصوا يا بنااات
اهم حاجة الفوط الصحية طبعا وطبعا تجيبوا الحجم الكبير فى بنات بتقول ياريت لو قطن علشان الانواع التانية بتبقى خشنة على الخياطة لو ان شاء الله الولادة طبيعية
وكمان ملابس داخلية طبعا اكتر من واحد يعنى انا ممكن اخد 3 ولو شورت كمان فوق الهدوم الداخلية علشان البرد
قميص يكون صدره مفتوح شوية او بزراير علشان لو ربنا كرمنا برضاعة طبيعية منتعذبش انا شفت هنا روب او قميص مفتوح كده بيسموه روب النفاس فيه فتحتين مخفية كده مش باينة علشان الرضاعة انا شفته هنا فى حدود 100 ريال اقل او اكتر
طبعا شبشب و فوطة للجسم
وطرحة
وهدوم خروج علشان لو الهدوم اللى جاية فيها اتوسخت دم او كده
وفرشة شعر فرشة اسنان صابونة مناديل ومناديل مبللة
بالنسبة للبيبى هدوم داخلية وهدوم خروج وبطانية لو فى الشتاء او البتاعة القطن دى اللى بيتلف فيها معرفش اسمها ايه لو فى الحر
بس بصراحة مش عارفة بتاخد بقى الحاجات الطبية دى علشان تعقيم سرة البيبى ولالا بس مأظنش
دى الحاجات اللى فاكراها دلوقتى ولو افتكرت حاجة تانية هقولكم عليها

[MALAK2010]

انا ان شاء الله هنزل فى اول السادس لانة عندة سفرية فى الشغل
فقعد الشهر السادس والسابع والتامن والتاسع لوحدى وهو هيحاول ينزل على الولادة ان شاء الله ويقعد اجازتة ونروح سوا
يارب يجى على الاجازة لان ممكن يسافر ايامها
بس حتى لو جة هقعد من غيرة اربع شهور كتير عليا وعلية وبرضة زى ماقولتلكم خايفة من المشاكل لانى عاوزة انزل على شقتى واخد ماما معايا مش عارفة اية اللى هيحصل

[ايوشه]

كده تمام يالولو بس عايزه اعرف بنجيب شامبوهات ايه للبيبى وايه كمان اللى بتحطيه على السره لو تعرفى

[MALAK2010]

معقم السرة دة اية

[ايوشه]

قبل مانسى صحيح انا جايبه معايا اكياس بسبوسه من مصر بس كل ماعملها بتطلع ناشفه جدا وبرميها حد يعرف اعملها ازاى نفسى اعملها وتطلع حلوه

[dr.princess]

انا فاكرة اختى كانت بتجيب جونسون اند جونسون وكمان شاور للجسم والليفة تجيبيها اسفنج للاطفال موجودة فى الصيدلية علشان متعوروش
وبالنسبة لسرة البيبى بيستعملوا الكحول للتطهير وياريت لو اسبراى بيبقى اسهل بس للامانة مش فاكرة بيستعملوا كريمات ولالا وكمان فى رباط كده قماش انا شفته فى مصر بيتربط على السرة علشان تدخل

[MALAK2010]

اعملى البسبوسة زى ما مكتوب فى الورقة
بس لما تيجى تعجنيها بالمية او اللبن ماتخليهاش سايبة لانها بتنشف لما تستوى
ولما تحطيها فى الفرن ماتهديش عليها اوى خلية متوسط الحرارة

[dr.princess]

انتى عارفة يا ملك ان السرة دى بتبقى بواقى المشيمة اللى بيقطعوها طبعا عند الولادة فمحتاجة تتطهر علشان ماتضرش البيبى وكمان المفروض بتاخد وقت و زى مابيتقال تقع او تدخل لجوه زى سرتنا كده ماتبقاش بارزة يعنى

[ايوشه]

بنات بنات هسيبكم معلش هاقوم اشوف هناكل ايه الواحد زهق من الاكل ده
وهعملها ياملوكه زى ماقولتى ويارب تطلع حلوه بقه
باااااااااااااااااااااااااااااااااااى

[dr.princess]

بصى يا ايوشة انا بعجن البسبوسة على كل 2كوب بسبوسة 3/4 كوب سكر وعلبة زبادى الزبادى والسمنة حوالى 1/2 او 3/4 كوب و معلقتين بيكنج بودر وشوية جوزهند قليلين وازود مية لحد ماتبقى مش جامدة وشبه سايبة
وبسخن الفرن الاول واوطى على الاخر واولع الشواية على اقل درجة لما البسبوسة تبدأ تحمر احط الشربات عليها ويبقى سخن وارجعها الفرن دقايق لحد ما الوش ياخد اللون اللى عاوزاه

[MALAK2010]

يارب تطلع حلوة يااااااااااااااااااااااارب وبالهنا يا جميل

[dr.princess]

ماشى يا اية وابقى شوفى برده طريقتى بتطلع طرية وحلوة خالص

[MALAK2010]

خلصتى طبيخ يالولو

[dr.princess]

عملت شوربة العدس اهو ومستنياها تبرد علشان اعملها فى الخلاط واكملها وشوية وهقوم اطبخ الرز

[MALAK2010]

بالهنا يا جميل

[dr.princess]

الله يهنيكى ياقلبى

[dr.princess]

سلالالالالالالالالالام

[somia]

السلام عليكم ورحمة الله وبركاته..
حد هنا..؟؟؟

[somia]

النهاردة الحمد لله اول الرابع على حساب شريط التوقيع وعلى حساب الدكتورة لسة بكرة وابداة
ملاك ازاي هتدخلي الرابع بكرة اذا كنت انا داخلاه من امبارح على حساب الدكتورة وهدخله ان شاء الله بكرة على حساب السونار وانتي قبلي بيومين؟؟؟

[somia]

عارفة انا بتخن من القعدة ال3 شهور اللى فاتوا ماكنتش باكل غير بسكوت تفاح
وتخنت 3 كيلو لما خايفة على اخر الحمل هضرب
هههههههههههههههههه ملاك انا المرة اللي فاتت وزنت نفسي لقيت نفسي زدت برضه والدكتورة بتقولي اعملي حسابك لسة على الاقل 10 كيلو زيا دة باذن الله اما حاسة ان انا هابقى شوال متحرك..هههههههههههههههه

[اضواء القمر]

كيفكم يا بنات

[somia]

الحمد لله انا بخير كيفك أضواء وكيف الانسة سوار؟؟؟

[اضواء القمر]

الحمد لله بخير بس يا حبيبتي عندها شوية مغص

[somia]

من ايه.. انتي الحمد لله بترضعي طبيعي ..صح؟؟؟

[اضواء القمر]

اه الحمد لله بس احنا عنا الجو بررررررررررررررد

[اضواء القمر]

hwaml61hwaml61hwaml75hwaml75

[somia]

صحيح انا نسيت اذا كان احنا عندنا برد امال انتوا يبقى عندكوا ايه .. أكيد صقيع.. ربنا يشفيهالك انتي بس حاولي تدفيها كويس جدا

[اضواء القمر]

انتو عندكو برد

[اضواء القمر]

احنا عنا برد بدون مطر والارض جفاف امبارح صلوا صلاة استسقاء عنا وان شاء الله بقولوا انو بكرة في مطر
اللهم اسقنا الغيث ولا تجعلنا من القانطين

[somia]

الجو عندنا ثلج..ههههههههههههههههه

[somia]

ربنا يرزقكم بالمطر بس انتوا ليه مستعجلين عليه هوه الجو بيبقى أحسن لما بتمطر عندكم؟؟؟

[اضواء القمر]

اه طبعا لما بتمطر بخف الصقيع كلو والارض بتنبت ليش انتو كيف مطر عندكو

[somia]

أهه احنا المطر عندنا بيخفف السقعة فعلا بس الدنيا بتبقى عبارة عن بحر ..هههههههههههههههه يعني مية في كل حتة على ما تنشف وطبعا اكيد المزارعين بيستفيدوا منها بس انا عشان في القاهرة نفسها فولا بشوف زرع ولا ما يحزنون ..هههههههههههههه

[اضواء القمر]

انا في عمان بس انا المنطقة اللي ساكنة فيها كلها خضار وجبال اصلا هي وادي وفي الربيع كتير حلوة

[ضى القمر1]

فينكم ياكرومبات

[اضواء القمر]

ضي القمر انا موجودة بس انا بطلت كرومبة صرت خيارة هههههههههههههههههههه

[somia]

واااااااااااااااااااو.. ودي اعيش في منطقة بهذا الجمال..
اعملي حسابك ممكن تلاقيني ناطة عندك فجأة..ههههههههههههههه

[اضواء القمر]

اهلا وسهلا بتنور الاردن

[somia]

وبالمرة اشوف الانسة سوار وأتوحم عليها ..هههههههههههههههههه

[اضواء القمر]

هههههههههههههههههههههههههه بتشرف فيكي

[somia]

بس انتبهي على صحتها أبي أشوفها في أتم صحة وأفضل حال

[اضواء القمر]

ان شاء الله

[somia]

أضواء بضطر أخرج الحين لأني ما عدت قادرة أقعد أكثر من كده

[اضواء القمر]

ماشي حبيبتي الله معك

[somia]

السلام عليكم ورحمة الله وبركاته

[توته السيد]

حد قاعد ولا كالعاده

[توته السيد]

كل يوم كده مافيش حد

[دودى اشرف]

السلام عليكم
ازيكم يا بنات وحشتووووووووونى
انا الحمدلله وصلت يا بنات
سلام

[توته السيد]

دودي حياتي حمد لله ع سلامتك ياقمر مصر نورت ابقي حاولي تدخلي علشان نرغي شوية وحشتيني جدا وقوليلنا عن شعورك وكيف كان شعورك لما وصلتي المطار وقولتي لجوزك باي بجد وحشتيني طمنينا عنك وعن عريس بنتي الغالي خدي بالك من نفسك ياعسل

[رنا خالد]

ازيكم يابنات وحشتوني جدااااااااا
بس اظاهر ماليش نصيب اتكلم معاكم النهارده
حمد الله علي السلامه يادودي نورتي مصر ياقمر

[MALAK2010]

انا هناااااااااااااااااااا

[MALAK2010]

حمد الله على السلامة يا دودى اية يابنتى الغيبة الطويلة دى وفى الاخر كلمتين وبس فين دودى بتاعت الرسايل الطويلة ولا خلاص من لقى احبابة نسى اصحابة ههههههههههه
على العموم انتى وحشتينى جدااااااااااااااااااااااااااااااا
ابقى طمنينا عليكى علطول وخدى بالك من نفسك

[MALAK2010]

سمية:الدكتورة قايلة ان كل يوم 7 فى الشهر بدخل شهر جديد يعنى بكرة ان شاء الله هدخل الرابع اما شريط الحمل فمدخلنى من امبارح على اساس ان الشهر التالت بيخلص لما تعدى الاسبوع 13 ويومين

انتى بتحسبيها ازاى لان الود ودى ادخل التاسع مش الرابع هههههههههههههه

[MALAK2010]

سمية:هى الدكتورة عطيالك اية فى الرابع انا عطيانى فيتامين وكالسيوم بس هبدا اخدة من بكرة ان شاء اله هو بيتاخد مرة واحدة فى اليوم ؟؟ وامتى ماتعرفيش اصل الدكتورة كروتتنى المرة اللى فاتت

[dr.princess]

صباااح الخييير يا بنات
ايه الحظ الوحش ده يعنى دودى تدخل ومحدش يكلمها مننا وتوتة كل مرة تدخل ومتلاقيش حد يللا ملحوقة المرة الجاية ان شاء الله

[dr.princess]

ملك انتى عارفة انا مش بحسب على حساب الدكتورة لانها مرة قالتلى على تاريخ ابدأ بيه شهر جديد والمرة اللى بعدها قالت تاريخ تانى فانا بحسب على شريط الحمل ده وزى ماقلتى فعلا انا حسبت الرابع من 13 اسبوع و 3 ايام والخامس من 17 اسبوع و 5 ايام

[dr.princess]

ملك الدكتورة قالتلى اخد الكالسيوم بعد الغداء والفيتامينات بعد العشاء ولأنى اوقات كتير مش بتعشى فبقيت اخد الفيتامينات لو كلت الظهر او العصر اخدها

[MALAK2010]

حد هنااااااااااااا

[dr.princess]

انا هناااااا

[MALAK2010]

ازيك يالولو انا كنت يأست ان الاقيكى فقلت ادخل اكمل الاكل
عاملة اية
وتسلميلى على الرد يا جميل

[dr.princess]

انا كويسة الحمدلله
صحيت متأخر النهاردة لمحت جوزى وهو ماشى شاورتله من تحت الغطاء وكملت نووووم ههههههههههههه

[MALAK2010]

النهاردة قريت مشاركة ضايقتنى ونكدت عليا
هو انا صاحية كمان مأهلة نفسى للنكد ودى كملت

[MALAK2010]

اه لو حماتك عرفت انك مش بتفطرى ابنها كانت بقت حكاية هههههههههههههههه

[dr.princess]

ههههههههههههههههه مش عايزة اغيظ نفسى لو بنتها هتقولها اوعى تقومى تفطرى جوزك وانتى حامل هههههههههههههههههه
جوزى الحمدلله صايم النهاردة وانا قلقت قبل الفجر للحمام طبعا فصحيته وعملتله سحور وفضلت شوية على مانمت علشان كده لما مشى كملت نوووم

مشاركة ايه اللى ضايقتك كده والله انا تعبت من كتر مابقلق وبنكد على نفسى وعلى جوزى ونفسى ابقى باردة ولا حاجة تضايقنى

[dr.princess]

نسيت اقولك اللى قلقنى من النوم هى حماتى كانت بترن عليا
الظاهر حاسة انى نايمة بتقولى كفاية عليكى كده اصحى بقى ههههههههههههههههه

[MALAK2010]

انتو بترنوا على بعض اية الشقاوة دى هههههههههههههه

[MALAK2010]

انا برضة قلقت قبل الفجر وحاولت انا قغدت كتير لغاية مانمت وحلمت بماما الحمد لله فنمت لغاية ما الحلم خلص هههههههههه

[dr.princess]

حماتى رايقة اوى ياختى لازم ترن عليا يوميا هى وحمايا
ده وانا مخطوبة عملت مشكلة كبييييرة واشتكتنى لجوزى وهو شد معايا بسبب انها بترن عليا وانا مش برد عليا بصراحة كنت قرفانة منها ههههههههههههههههه ربنا يهديها

[dr.princess]

انا معظم احلامى بولاد اختى وخصوصا الكبير واختى حلمت بيها برده وماما حلمت بيها مرة واحدة بس

[MALAK2010]

عارفة لما تحسى ان حد عطالك دش ميه ساقعة
شكرا ياستى على الدش دة ههههههههههههه

[dr.princess]

ههههههههههههههه اسفة والله حسيت انى كنت عنيفة بعد ما بعت الرسالة بس بصراحة مش عندى حق ولا لا ؟؟؟؟؟؟؟؟؟؟؟؟؟؟؟؟؟؟

[dr.princess]

نسيت اقولك صحيح
مش انا اشتريت هدوم الشتاء الحمدلله ربنا يكرمه جوزى اشترالى هدوم جديدة لان البيجامات اللى جايباها معايا طبعا ضاقت بس مجبتش بيجامات جبت قمصان وجبت بديهات وبناطيل تتلبس تحتها بس طبعا جبتهم كلهم واسعين علشان متضغطش على البطن
بس اكتر حاجة مميزة جبت شراب يجنن هههههههههههههههه حلو بشكل يهبل هصوره وارفعهولك تشوفيه

[MALAK2010]

امبروووووووووووووووك يا جميل وعقبال ماتجيبى لبس النونو
حنا هنا مش بنلبس هدوم شتوى
الجو حلو جدا

[ام صيصة]

صباحكم سعيد يا حوامل مصر

[MALAK2010]

صباح النور يا ام صيصة
عاملة اية والنونو عامل اية

[MALAK2010]

لولو: انا هقوم الوقتى علشان جوزى على وصول وهدخل لما يمشى سلام

ام صيصة: جميل اووووووووى موضوعك (اصبر لحكم ربك) جزاكى الله خيرا

[dr.princess]

ملك الجو هنا بيبرد بالليل وكمان الصبح بدرى بيبقى برد اوى
وجوزى بيقول شوية كده والشتاء يدخل
صورة الشراب اهى هههههههههههه

[dr.princess]

ملك ماشى ياحبيبتى بالهنا والشفا
ولما تدخلى تانى نتكلم ان شاء الله

[dr.princess]

ام صيصة : صباح النور

[ام صيصة]

صباح الخير ملك صباح النور دكتر برانسيس ازيكم عاملين ايه بالحمل
ملك الله يخليكي جزانا و جزاكي الف خير

[ام صيصة]

شرابك شربات يا لولو عسل تتهني بيهم يا رب

[dr.princess]

الحمد لله فى نعمة يا ام صيصة
عايزة اقولك اصلا انى مش بستحمل البس شرابات فى الشتاء صوابعى بتورم وببتعبنى منها بس اول ما شفته مسكت فيه زى العيال الصغيرة ههههههههههههههههههه
قوليلى انا شايفاكى فى شريط الحمل سابقة عنى ب 4 ايام بس ممكن تقوليلى لو سمحتى ميعاد اخر دورة ليكى علشان اشوف دكتورتك حاسبة الحمل ازاى انا اخر دورة ليا كانت 14 شعبان او 26 /7 بالميلادى

[ام صيصة]

انا ان شاء الله حكمل الخامس الشهر ده و اخر دورة كانت 30/06/2010

[dr.princess]

ربنا يكملك الحمل على خير ان شاء الله
لا انتى كده طلعتى بعيدة عنى حوالى 26 يوم انا لسه بادئة الخامس من يومين
معلشى شريط الحمل بتاعك كان واضح فيه انك فى الاسبوع ال 18 و كام يوم فكنت بكلم على الاساس ده

[somia]

السلام عليكم ورحمة الله وبركاته..
يا ترى في حد هنا .. انا صاحية بدري مخصوص عشان أكلمكم

[dr.princess]

كده بدرى ليه هو انتى نايمة امتى ؟؟

[somia]

هههههههههههههههههه انا نايمة الساعة 6 ونص تقريبا

[somia]

ازيك يا لولو عاملة ايه؟؟؟

[dr.princess]

6 ونص الصبح ياقلبك يا شيخة انا تقريبا بصحى فى المعاد ده او قبل كده كمان

[dr.princess]

الحمدلله ازيك ياسمية اخبارك ايه واخبار النونو

[MALAK2010]

انا جيييييييييييييت

[somia]

هههههههههههههه عارفة يا لولو على ما بطني بتهدى والبرد يخف وأبطل عياط من رجلي يادوب بعرف انام ساعتها

[dr.princess]

هر رجلك لسه شادة عليكى الف سلامة

[somia]

ازيك يا ملاك عاملة ايييييه.؟؟؟

[dr.princess]

سمية ابقى خديلها اى مسكنات بنادول او اى حاجة زيه

[somia]

لولو رجلي اليمين كمان غارت من اختها فبتقلدها..ههههههههههههه

[dr.princess]

ملك ويلكم باك

[MALAK2010]

سمية هنا اية دة انا مش مصدقة
ازيك يا جميل عاملة اية والف سلامة على رجلك
لولو:شرابك عسل ياجمسل
بس اول ماشوفتة تخيلت نفسنا من كام يوم واحنا فى بيتنا وعرايس ولابسين وشكلنا يفتح النفس ههههههههههه الوقتى لابسين قمصان شتوى وتحتها بدى وبنطلون هههههههههه وشراب كمان زمن هههههههههههه

[MALAK2010]

ان كان نفسى من يوم ما جيت اشرب كوباية شاى على لبن بس هنا مفيش اللبن الجاموسى بتاع مصر
فجبت علبة حليب مكثف وحطيتة على الشاى فكرنى بايام زماااااااااااان

[somia]

هههههههههههههه ملاك انا بقى نفسي البس زي زمان دلوقتي خايفة اعيى زيادة وبعدين احتاس في الدواء..
اما عن اللبن الجاموسي فتعالي خدي اللي انتي عايزاه انا اصلا نادرا اما بطيق اشربه مكبشربش ده لو شربت اصلا غير المعلب

[dr.princess]

هههههههههههههه انا من اول ماحملت وانا شكلى معدش يفتح النفس خالص هههههههههههههه
بس الجو هنا مش برد لدرجة البس كل ده انا لابسة عادى بنص كم وحرانة بس امبارح بالليل والصبح لبست قميص تقيل شوية

انتى عارفة انا اخيرا بقيت بشرب شاى على لبن الحمدلله بعمله عادى باللبن السايب فى علب ده زى المراعى كده لو عندك بصراحة احسن من المكثف ده اغلى على الفاضى