دردشة حوامل مصر - دردشة بنات مصر - تجمع حوامل مصر

[malak ahmed]

ربنا يخليهولك يارب يا نولارا .. انا هخطبو لبنوتي ان شاءالله لما تيجي .. متخافيش مش هيندم ههههههههههههههه

[نولارا]

نهاد انا مذاكره كويس وعارفه انك خطبتيها لابن ساره
معلش بقى انا كمان خطبت له لوجى بنت رنا
ومقدرش ارجع فى كلمتى دى رنا كانت تقطعنى هههههههههههههههه

[gogo]

انا متجوزه من سنه وتلت شهور ياملك ومفيش اولاد لسه انتى عندك اولاد ولا ده اول طفل

[malak ahmed]

مانا لقيت ابن ساره مرتبط .. لقيتها بتقولي انه مخطوب لبنت واحده تانيه هنا .. ياعيني عليكي يابنتي .. ماهو انا مش هولدها غير لما اجيب عريسها الاول ههههههههههههه

[gogo]

نولارا احمد العسل ده عايزين نشوف صوره انا شفتله صوره من شهرين اكيد كبر اكتر
لازم تحدثى معلوماتنا اول باول يابنتى

[نولارا]

ثوانى ياجوجو انقيلك صوره

[malak ahmed]

انا ياجوجو متجوزه من سنتين ونص وكان حصلي حمل قبل كده بس للاسف اجهضت ولله الحمد .. وده بقي يبقي اول حمل ليا .. ربنا يرزقك يارب وميحرمكيش منهم .. بس اصبري يا حبيبتي انا ياما عانيييييييييييت بسبب الموضوع ده .. وان شاءالله ربنا كريم .. دعواتك ليا

[dr.princess]

ازيكم يا كتاكيت

[نولارا]

ازيك يالولو كنتى فين

[gogo]

ملك ربنا معاكى ويكملك على خير يارب انا كمان كان سبق ليه الحمل ومكملش
لولو منوره ازيك وايه اخبارك الوقتى انا قريت كلامك وعرفت ان الدكتوره طمنتك الحمد لله على النونو

[dr.princess]

نورا ادينى لاجئة على النت وهدخل انام شوية واسيبك زى ماسيبتينى من كام ساعة

جوجتى الحمدلله هى طمنتنى بس الاخ المحترم حركته قلت مش عارفة بقى

سارة يابنات مش باينة النهاردة لاتكون عملتها

[نولارا]

جوجو الجهاز عماااااااااااااااال يحمل فى الصوره موش عارفه ايه التقل ده ربنا ييسر وتنزل ان شاء الله

[نولارا]

ياشيخه انتى اتاخرتى عبال ما جيتى فانا وحت عند البت علا نرغى شويه هههههههههههههه
اسكتى موش عملت سويسرول امبارح وعجب خاااااااااااااااالود

[dr.princess]

هههههههههههههههههه ايه حكاية السويسرول ده بيطاردنى بقاله كام يوم
انا ناوية ان شاء الله اعمله يوم الجمعة

[gogo]

نولارا ولايهمك تاك يور تايم يابنتى
وقليلى بقى بتعملى السويسرول ازاى
لولو متحطيش ف دماغك بدام الدكتوره طمنتك متوهميش نفسك انتى بس ابقى روحلها باستمرار متكسليش
ملك فينك سكتى ليه

[نولارا]

يلا على بركه الله يالولو
الواحد انبسط بقالى فتره اعمل الحلويات واكلها لوحدى انتى عارفه ليه طبعا ههههههههههههههههههههه
اوقات كنت بقوله لو اكلت هديلك بوسه ههههههههههههههههههه
يقولى موش عاوز بوسه
شوفتى الاحباط

[نولارا]

ارفاق ملف معصلج خالص حد يقولى طريقه تانيه لتنزيل الصوره
الطريقه من فتكات ياجوجو بس انا موش بعرف انزل الرابط لولو شاطره فى الموضوع ده

[gogo]

خلاص انا هشوفها على فتكات بقلكوا يابنات متعرفوش اكله جديده كده الواحد زهق من الروتين

[dr.princess]

على فكرة يا نورا جربى البسبوسة اللى قلتلك عليها اول امبارح وهتعجبه ان شاء الله

[dr.princess]

هى دى الطريقة اللى ناوية اعمله بيها ياجوجو لقيت كذا واحدة عاملة موضوع بنفس المقادير بس فى ناس عاملة 3 بيضات وناس عاملة 4 بيضات (http://forums.fatakat.com/thread1404893)
http://forums.fatakat.com/thread1404893

[*رحمه*]

السلام عليكم يا بناااااااااااااات
gogo
lolo
noura
malak
عاملين ايه يا بنات النهارده

[نولارا]

ان شاء الله اجربها يالولو بس كام يوم كده لحد ما خالد ينسى التجربه الفاشله اللى فاتت تهههههههههههه
لولو انتى بتستخدمى البسبوسه الاكياس ولا بتشترى سميد

[dr.princess]

مش عارفة ايه البسبوسة الاكياس دى بس انا بجيب سميد عادى نوع هنا ناعم وحلو بجيبه كيس 2 كيلو بيكفينى شهووور

دينا ازيك ياقمر اخبار العزومة ايه اديلنا افكار كده زهقنا من الاكل المعتاد

[*رحمه*]

ازيك يا لولو عاملة ايه النهاردة و اخبار المغص
و الله يا لولو هي مش عزومة بمعني الكلمة هو كان جوز اختي جاي يتغدا معانا و طبعا انا مكلتش عشان الدايت هو و احمد بس اللي اكلو
استني هوريكي الصور يا لولو

[نولارا]

لولو موش عارفه البسبوسه الاكياس الكيس نص كيلو بسبوسه كريمه وفيه الاسره وانواع كتيييييير
بس الكيس بيتحط عليه كوبايه زبادى وسمنه وسكر بس

[dr.princess]

بالهنا والشفا يادينا
المغص زى كل يوم بيروح وبيجى الحمدلله

[نولارا]

يلا يادينا نحن بانتظار الصور
لولو الطريقه اللى انا عملته بيها نفس المقادير تقريبا بس بيتعمل بمضرب البيض بعد فصل البياض عن الصفار

[dr.princess]

يانورا انا عمرى ماعملت اى حاجة قبل الجواز خااااااالص فكل حاجة اتعلمتها هنا
طيب ماهو العادى بيتحط زبادى وسكر وسمنة وبيكنج بودر بس والشيف يسرى زود 2 معلقة دقيق وانا عملتها زيه
بس نص كيلو كتييييييييير اوى انا عملت صينية اول امبارح دى ب كوباية ونص بس وكانت حلوة الحمدلله

[*رحمه*]

بصي يا لولو انا كنت عاملة فاهيتا فراخ على الطريقة الصيني و ارز و ده شكل الطبق لما اقدمته قولي لي ايه رأيك

http://forum.hwaml.com/uploaded/5673_01302122797.jpg (http://forum.hwaml.com)

[*رحمه*]

نورااااا ازيك و احمد عامل ايه ؟؟؟؟

[gogo]

جوعتونى شاورمه وبسبوسه ايه يابنات التجمع ريحته فاحت

[*رحمه*]

هو الشعب المصري كده يا جوجو في اي حاجة لازم ناكل ، نفرح ناكل نزعل ناكل عادي جداا

[نولارا]

حلوه يادينا ما انتى شاطره اهه

[*رحمه*]

يعني يا نورا على قدي بس مليش في الحلويات حادق بس

[dr.princess]

شكلها جميل خالص يادينا تسلم ايدك

[gogo]

ايوه يارحمه ويسمع عن الاكل ياكل بردوا تضامنا مع الى بيكلموا

[dr.princess]

فصلتى البياض عن الصفار يعنى ضربتى كل حاجة لوحدها وبعدين ضفتيهم على بعض ولا عملتى ايه يانورا

[*رحمه*]

شكرا يا لولو ربنا يخليكي
بنات سمعتوا على موضوع الانتفاضة الفلسطينية ده يوم 15-5-2011
و بعدين كانوا عاملين صفحة على الفيس بوك وصل عدد المشتركين فيه 350000
و قفلوها
عشان كدع عاملين مقاطعة للفيس بوك يوم 10 ابريل لمدة 24 ساعة
و كمان جوجل كرووم او فايرفوكس او أنترنت أكسبلورر
ايه رايكم في الكلام ده

[*رحمه*]

gogo انا اسمي اصلا دينا ، وانتي اسمك ايه ؟؟؟؟

[dr.princess]

ايوه انا سمعت الموضوع ده فعلا يا دينا

[*رحمه*]

طيب هتعملوا موضوع المقاطعة ده ولا ايه ؟؟؟؟؟

[gogo]

ياريت يارحمه يعملوا كده بجد وبدام عرفت انا كمان هعمل كده

[حنين الجنة]

جيت على ريحة الاكل ههههههههههههههه

ازيكوووووووووووووو

[*رحمه*]

قشطة يا جوجو يلا كلنا نتشجع ونعمل كده و ربنا يحتسب لنا الأجر ان شاء الله

[*رحمه*]

اهلا اهلا يا ام جنة منورة ، عاملة ايه انتي و جنه؟؟؟؟

[gogo]

مصريه منوره ايه اخبارك وبريطانيا ازيها كده

[حنين الجنة]

الحمد لله بخييييييير

وانتى عامله ايه مبقتيش تدخلى الدردشة التانيه ليه

[حنين الجنة]

تمام يا جوجوووووووووووو الجو النهارده كان حرررر

[dr.princess]

بصراحة انا شايفة انه مش هيفرق نعمل مقاطعة للفيس ولالا مش هتفرق معاهم بمعنى اصح

[يارا ويوسف]

ايوه انا سمعت الموضوع ده فعلا يا دينا


ازيك ياقمر وحشانى والله كل اما ادخل محدش

بيرد علية

[gogo]

الا موضوع الرجيم ده يارحمه اتعودتى عليه علطول ولا لسه مش عارفه تسيطرى

[dr.princess]

ام جنة ازيك اخبارك ايه

[dr.princess]

ازيك يا يارا اخبارك ايه
معلشى مواعيدنا الايام دى مش متظبطة

[gogo]

يالولو طبعا هيأثر وده الغرض منه الانذار مش اى حاجه تانى

[gogo]

يارا منوره ايه اخبارك

[*رحمه*]

حنين الجنه
والله يا ام جنه ما بقتش ادخل لانه في ناس كتييرة ما اعرفهمش و حوارتنا بقت مختلفة عشان كده مش بدخل
جوجو
والله يا حبيبتي هعمل ايه (قال ايه اللي رماك على المر ، اللي امر منه ) يعني مضطرة اتعود مش بمزاجي الحمد لله على كل حال
لولو
مهما عماليين ينشروا الموضوع ده على الفيس بوك يعني نشروا في صفحة النبي عدد المشتركين فيها 3.339.342
اكيد لو العدد ده و اصحابهم اشتركوا في المقاطعة الموضوع هيفرق اكيد

[gogo]

مصريه بريطانيا حلوه بقى ولالا والناس هناك كويسين ولا بردين زى ما بيقولوا عنهم

[حنين الجنة]

اهلا برنسس

دينا شكلى هجرب الفاهيتا دى شكلها يميم

[حنين الجنة]

جوجو باردين برووووود غير طبيعى تنااااااااحه بمعنى اصح

البلد حلوة جدا ونضيفه بس انا بكرهها عشان العنصرية من الاخر منهم كتير مش بيحبو المسلمين

[يارا ويوسف]

ازيك يا يارا اخبارك ايه
معلشى مواعيدنا الايام دى مش متظبطة



المهم انتى عاملة اية واخبارك اية فى الحمل
انتى بقيتى فى الكام دلواتى

[gogo]

انا سمعت عنهم كده بردوا يامصريه يلا ربنا يعينك انتى دعبسى على المصرين الى هناك هيهونوا الغربه

[حنين الجنة]

تصبحو على خيييييييييييييييييييييييييير

[dr.princess]

انا الحمدلله كويسة يا يارا
انا الحمدلله فى التاسع دلوقتى

[dr.princess]

وانتى من اهله يا ام جنة

[gogo]

وانتى من اهله مصريه

[*رحمه*]

قشطة يا ام جنه هقولك الطريقة
تقطعي الفراخ شرائح رفيعة بالطول
و تقطعي الفلفل الرومي شرائح رفيعة بالطول
و الجزر نفس الحكاية
و البصل حلقات
بعدين تحطي البصل في شوية زيت و بعدين الفراخ و الجزر و الفلفل و مكعب ماجي لحد الفراخ ما تستوي
بعدين تضيفي معلقتين كبار كاتشاب و و معلقتين كبار صويا صوص و تقلبيهم مع بعض و تطفي عليها
و بالهنا والشفا
ممكن تقدميها مع أرز او مكرونة او نودلز أو تعمليها ساندوتشات مع بطاطس محمرة
انتي تأمري يا قمررررررررررر

[gogo]

لولو مبتشفيش ميرى وملك وتوته بيدخلوا ولالا

[dr.princess]

شبه الشاورما يا دينا فرق التتبيلة بس والصويا صوص

[ماما قلقانه]

ازيكم يا بنات ايه اخباركم

[*رحمه*]

سرسورة ما دخلتش النهاردة يا ترى ولدت ، يارب تكون بخير
و البت رووني وحشتني مكلمتهاش النهاردة يارب ما تكونش في الطوارئ زي عوايدها

[ماما قلقانه]

ساره ما دخلتش النهارده يا رب تكون ولدت بالسلامه

[*رحمه*]

اه يا لولو معاكي حق شبه الشاورما

[dr.princess]

ملك وتوتة كنت مكلماهم من كام يوم على الياهو
وميرى مكلماها هنا اول امبارح تقريبا

[ماما قلقانه]

عظام الحوض وبين الفخدين عندى يا بنات حاسه كانه مكسور بقالى شهور كده وعمال يزيد ادعولى ربنا يقوينى

[*رحمه*]

"عش لله يعطيك افضل مما تحلم به"



فاللهم انا نسالك ان تجعلنا لك كما تحب وترضى

اللهم اجعلنا لك كما تريد

اللهم استعملنا فى طاعتك



وصل اللهم وسلم وبارك على رسولى الكريم والة وصحبة ومن تبعهم اجمعين..

[dr.princess]

ازيك يا سمورة اخبارك ايه الف سلامة عليكى

[gogo]

ربنا يقومها بالسلامه يارب
سمر منوره ازيك

[ماما قلقانه]

اللهم امين يا دينا

[dr.princess]

اللهم امييييييييييييييين
اللهم صلى وسلم وزد وبارك على رسول الله

[ماما قلقانه]

ازيك يا لولو المغص عامل معاكى ايه دلوقتى مش احسن الحمدلله.جوجو وحشانى عامله ايه يا حبيبتى

[يارا ويوسف]

انا الحمدلله كويسة يا يارا
انا الحمدلله فى التاسع دلوقتى



ربنا يتملك ويتملنا جميعاا على خيير

وانا دلواتى فى نص السابع الحمد لله

[*رحمه*]

سمر ازيك و الاولاد عاملين ايه ؟؟؟
معلش عايزة اسالك ليه اسمك ماما قلقانة

[dr.princess]

والله ياسمر المغص شوية وشوية وكمان فى نغزات فظييييعة من تحت بتروح وتيجى برده

[dr.princess]

ربنا يكملك على خير يا يارا

[*رحمه*]

بنات شوفتو طريقة التونة دي عجبتني قوووي و خصوصا انكم حوامل و مش قادرين تطبخو

http://forum.hwaml.com/imgcache2/hwaml.com_1302127452_154.jpg




المقادير

توست

كزبرة مفرومة

بصل مقطع ناعم

كراث مقطع قطع صغيرة

تونة

بهارات ( فلفل وكمون)

مايونيز


الطريقه

تفرد شرائح التوست بالنشابه وتلف على شكل قمع ويلصق الأطراف (بالدقيق + بالماء)

توضع الأقماع في الفرن حتى تتحمص وتتحمر شويه

يحمس البصل بالقليل من الزيت الى ان يذبل يضاف له الكزبره المفرومه + البهارات

يضاف البصل الى التونه ونضيف مايونيز حسب الرغبه + الكراث وتحشى الأقماع

بالخلطه وتقدم وهي حاره وبالعافيه

[dr.princess]

بنات هروح انام شوية وارجعلكم تانى ان شاء الله

[يارا ويوسف]

ربنا يكملك على خير يا يارا



امين يارب انا وانتى وكل اللى زينا

[*رحمه*]

ماشي يا لولو كلكوا عمالين تتسحبوا و تمشوا :( تصبحي على خير

[يارا ويوسف]

بنات هروح انام شوية وارجعلكم تانى ان شاء الله




طيب ياجميل قومى ارتاحى ربنا معاك

[ماما قلقانه]

بصى يا دينا دى حكايه طويله بس هختصرها عل اد ما اقدر .انا قبل الحمل ده كنت حامل وربنا ما ارادش انه يكمل والحمدلله عل كل شئ فلما حملت المره دى الدكتور قالى فيه جنين منهم عنده نتوء فى الكيس واحتمال ينزل عشان كده سجلت باسم ماما قلقانه بس الحمدلله ربنا كان رحيم والكيس اتظبط وربنا يكملها على خير

[ماما قلقانه]

ازيك يا يارا عامله ايه .ربنا يكملك على خير

[*رحمه*]

ربنا يقومك بالسلامة يا سمر و تولدي بالسلامة يا جميييل

[ماما قلقانه]

يارب يا دينا وعقبالك تبشرينا عن قريب بالحمل عاجلا غير اجلا ياقمر انتى وجوجو ودودى اللهم امين

[رنا خالد]

عاملين ايه ياحلوين

[يارا ويوسف]

ازيك يا يارا عامله ايه .ربنا يكملك على خير


ربنا يتملك ياقمرعلى خير ومتقلقيش ربنا كريم

[رنا خالد]

دندون وسمر هنا يامرحبا
عامله ايه يادينا في الرجيم انا بتعذب اهئ
بحب الاكل ياناس وخصوصا الحلويات
ارحمني يارب
مافيش تورته بتخسس
ولا جاتوه بيشفط الدهون ههههه

[*رحمه*]

اميييييييييييين يارب العالمين

[ماما قلقانه]

ازيك يارنا .انا متهيالى عمرى ما اعرف اعمل ريجيم بسبب الشيكولاته بموت فيها يا ناس

[*رحمه*]

هااااااااااااي يا رنونه اخبارك ايه ولوجي عامله ايه و خسيتي كام كيلو ؟؟؟
و الله انا متعذبة نفسي اكل حاااااااااااجات كتييييييييييييييرة هتجنن
اليومين دول باكل سمك بس :(

[ماما قلقانه]

انتى عايشه فى جده يا دينا وبتنزلى مصر كل اد ايه

[ماما قلقانه]

اكلتى لوجى ولا لسه يا رنا

[*رحمه*]

لأو ايه بعمل لأحمد الاكل عادي جدا حتى مش بدوق منه اهيء اهيء

[*رحمه*]

لا يا سمر عايشه في الرياض و بنزل كل سنه اجازة
و انتي قاعدة فين ؟؟؟؟

[رباه فرج همي]

إستغفار



جامع ان شاء الله


استغفر الله العظيم من كل ذنب اذنبته ... استغفر الله العظيم من كل فرض تركته


استغفر الله العظيم من كل انسان ظلمته ... استغفر الله العظيم من كل صالح جفوته


استغفر الله العظيم من كل ظالم صاحبته ... استغفر الله العظيم من كل بر أجلته


استغفر الله العظيم من كل ناصح أهنته ... استغفر الله العظيم من كل محمود سئمته


استغفر الله العظيم من كل زور نطقت به ... استغفر الله العظيم من كل حق أضعته


استغفر الله العظيم من كل باطل إتبعته ... استغفر الله العظيم من كل وقت أهدرته


استغفر الله العظيم من كل ضمير قتلته ... استغفر الله العظيم من كل سر أفشيته


استغفر الله العظيم من كل أمين خدعته ... استغفر الله العظيم من كل وعد أخلفته


استغفر الله العظيم من كل عهد خنته ... استغفر الله العظيم من كل امرئ خذلته


استغفر الله العظيم من كل صواب كتمته ... استغفر الله العظيم من كل خطأ تفوهت به


استغفر الله العظيم من كل عرض هتكته ... استغفر الله العظيم من كل ستر فضحته


استغفر الله العظيم من كل لغو سمعته ... استغفر الله العظيم من كل حرام نظرت إليه


استغفر الله العظيم من كل كلام ل___ به ... استغفر الله العظيم من كل إثم فعلته


استغفر الله العظيم من كل نصح خالفته ... استغفر الله العظيم من كل علم نسيته


استغفر الله العظيم من كل شك أطعته ... استغفر الله العظيم من كل ظن لازمته


استغفر الله العظيم من كل ضلال عرفته ... استغفر الله العظيم من كل دين أهملته


استغفر الله العظيم من كل ذنب تبت لك به ... استغفر الله العظيم من كل ما وعدتك به


ثم عدت فيه من نفسى ولم أوفى به


استغفر الله العظيم من كل عمل أردت به وجهك فخالطنى به غيرك


استغفر الله العظيم من كل نعمة أنعمت على بها فاستعنت بها على معصيتك


استغفر الله العظيم من كل ذنب أذنبته فى ضياء النهار أو سواد الليل او فى ملأ أو خلا أو سراً أو علانية


استغفر الله العظيم من كل مال إكتسبته بغير حق


استغفر الله العظيم من كل علم سُئلت عنه فكتمته


استغفر الله العظيم من كل قول لم أعمل به و خالفته


استغفر الله العظيم من كل فرض خالفته ومن كل بدعه إتبعتها


استغفر الله العظيم من جميع الذنوب كبائرها وصغائرها


استغفر الله الذي لا اله الا هو الحي القيوم واتوب اليه


استغفر الله العظيم على النعم التي انعم علي بها ولم اشكره


استغفر الله العظيم من الرياء والمجاهره بالذنب وعقوق الوالدين وقطع الرحم


استغفر الله العظيم لي وللوالدي وللمؤمنين والمؤمنات والمسلمين والمسلمات الاحياء منهم والاموات

وصلي اللهم على محمد وعلى آله وصحبه الى يوم الدين

http://forum.hwaml.com/imgcache2/hwaml.com_1302128982_969.gifhttp://forum.hwaml.com/imgcache2/hwaml.com_1302128982_969.gifhttp://forum.hwaml.com/imgcache2/hwaml.com_1302128982_969.gif

التوقيع:
http://forum.hwaml.com/imgcache2/hwaml.com_1302128982_846.gifhttp://forum.hwaml.com/imgcache2/hwaml.com_1302128982_770.gif

[رنا خالد]

انا خسيت كيلو اصلي لسه بداه من اسبوع او اقل
المشكله اني متعوده علي الحاجات المسكره فربنا يعيني
انتي عامله ايه في الحمل ياسموره وناويه تسمي ايه ان شاء الله
وانتي يادينا اخبارك ايه ياجميل؟ وعندكم كام سنه صحيح يابنات

[*رحمه*]

انا عندي 27 يا رنونه
و انتى ؟؟؟

[ماما قلقانه]

انا عايشه فى المنصوره يا دينا بس جوزى فى جده .انا تعبانه اخر حاجه يا رنا يعنى متظبطه تمااااااااااام .ان شاء الله الولد عبد الرحمن والبنوته مش عارفه فكروا فى اسم حلو كده دا انتوا اصحاب اى كلام.ههههههههههههه

[ماما قلقانه]

انا 30 يادى الكسوف .كبيره اوى مش كده

[رنا خالد]

انا ياستي عندي 23 سنه وعشر شهور
حلوه الحياه في السوعديه يادينا اكيد احلي من مصر

[رنا خالد]

كبيره ايه بس ياسمر حرام عليكي ياشيخه

[*رحمه*]

سمووورة طيب ما تسمي عبد الرحمن و عائشة
او عبد الله و عائشة
اسماء جميلة قوووي

[ماما قلقانه]

تفتكروا ساره تكون فقست .يارب تكون ولدت وقامت بالسلامه

[ماما قلقانه]

انا كنت هسمى شهد بنتى عائشه يا دينا بس انا حماتى ظريفه شويتين بقت تقولى ازى عيوشه وتتريا فقصرت وسميت شهد .اصل الظرف ليه ناسه

[*رحمه*]

يعني يا رووني الحياه هنا جميلة و هادية
بس للاسف الغربة وحشة مش معايا حد و معنديش ولاد ، ساعات بزهق
لكن اختي كانت معايا هنا بس في الخبر و كنت بروحلها وهي بتجيلي
بس للاسف نزلت اجازه :(

[*رحمه*]

مممممم طيب اسماء أولادك التانيين ايه عشان اشوف اسم يليق معاهم

[ماما قلقانه]

تعرفى يا دينا انا عشت فى السعوديه شويه وكان معايا احمد ابنى كان عنده سنه كنت بقول امتى ارجع مصر واشم ريحة هواها .تخيلى

[رنا خالد]

انا كنت هاسمي لوجين مليون اسم قبل ده

[*رحمه*]

طبعااااااااااا مصر ام الدنيا مهما بعدنا لازم نرجع و بتوحشنا
تحيااااااااا مصر يا بناااااااااات

[ماما قلقانه]

انا عندى احمد ما شاء الله 7 سنين ونص وشهد 5 ونص عقبال ما تجيبى يارب يا دينا

[رنا خالد]

انا جوزي بيفكر كتير في السفر ولو جاتله فرصه مناسبه هيسافر طبعا
وانا بصراحه رافضه موضوع السفر ده نهائي اصلي عارفه روحي مش هاقدر اتحمل الغربه وخاصة ابعد عن اهلي وبدعي ربنا انه مايجلوش سفر

[رنا خالد]

سمعتي يادينا عن حبوب الشاي الاخضر دي

[ماما قلقانه]

انا لسه النهارده يا رنا احمد ابنى كان سرحان .سالته مالك يا احمد قالى هو بابا يا ماما هيفضل مسافر كده .متتخيليش الكلام ده عمل فيا ايه .الغربه وحشه قوى بجد

[ماما قلقانه]

انا عندى شاى اخضر يارنا جوزى كان جايبه لما كان فى الصين كور صغيره كده وتغليها فى الميه تنفش وتبقى عباره عن ورق كبير ده اللى تقصديه

[رنا خالد]

ياحبيبي يااحمد معلش قوليله دي فتره وهاتعدي وربنا يجمعكم ببعض
طب ليه ماسافرتيش معاه ياسمر

[*رحمه*]

ما شاء الله يا سمورة ربنا يحميهم و يحفظهم من كل سوء
خلاص سمي عهد عشان يليق مع شهد و عبد الحمن
رنونه لا تعالي الرياض عشان نخرج مع بعض
هو زوجك بيشتغل ايه ؟؟؟

[رنا خالد]

لا دي حبوب زي الاسبرين كده الحبه الواحده بتعادل عشر كوبايات شاي اخضر سمعت انه حلو فقلت اسالكم

[ماما قلقانه]

ان شاء الله بعد الولاده يارنا هفكر فى الموضوع ده حتى عشان اطفش من حماتى وارتاح شويه

[*رحمه*]

رنونة لا سمعت عليها منك بس عجباني فكرتها وشكلي هجيبها

[ماما قلقانه]

انا جوزى بيشتغل فى شركة مقاولات هو مسئول عن الديكورات يا دينا .عشان كده ساعات بيسافر الصين يختار حاجات من هناك لفلل او قصور

[*رحمه*]

ربنا يكرمك يا سمر و تسافري لحسن فعلا احساس وحش قووي
الواحد في كل حتى تعبان و انا عند اهلي مضايقة عشان احمد و انا هنا مضايقة عشان اهلي سبحان الله

[ماما قلقانه]

ثوانى انيم احمد وارجعلكم اصله قلقان مش عارف ينام

[*رحمه*]

ممممممم حلو شغل الديكور
قولي لي شغال في مؤسسه اسمها ايه
اصل انا جوز خالتي عنده مؤسسه ديكور في جده

[رنا خالد]

انا جوزي ياستي محاسب في فندق موفنبيك فايف ستار
واترقي قريب وبقي مراجع حسابات وشي حلو عليه
وعنده 30 سنه

[*رحمه*]

ماشي يا سمر هنستناكي

[رنا خالد]

مستنينك ياسموره

[*رحمه*]

ربنا يكرمكوا يا رنوونه ، انا كنت بفتكره مهندس مثلا كنت هقول لاحمد لو في فرص شغل هنا
بس عموما يا رنونه لو وقع قدامي فرص شغل كويسة هقولك ان شاء الله

[*رحمه*]

رنونة نفسي آكل بيتزا

http://forum.hwaml.com/imgcache2/hwaml.com_1302131502_503.png


http://forum.hwaml.com/imgcache2/hwaml.com_1302131502_265.jpg


http://forum.hwaml.com/imgcache2/hwaml.com_1302131503_436.jpg

[رنا خالد]

لا بلاش ربنا يخليكي يادينا هههههههههههه
شكرا ليكي طبعا بس انا مش حابه
اخوه كان حابب يسفره الامارات وجابله كذه عرض بس انا كنت بقنعه انه يرفض واقوله بقي تسيب الفندق وتشتغل في مستشفي زي دي او شركه ملهاش اسم
واقوله لا المرتب ده قليل عليك هو انت شويه في الفندق ههههههههه
وهو ياعيني كان بيصدق ويقولي صح يارنا لازم احس بقيمة نفسي
مايعرفش اني بكرهه في الشغلانه

[ماما قلقانه]

ايه الحاجات الحلوه دى يا دينا .قال ريجيم قال احنا بتوع ريجيم برضه .ربنا يعينك يا دينا وتكملى ان شاء الله

[*رحمه*]

ههههههههههههه ربنا يعملكوا الخير يا رنونه في اي مكان ، طالما انك مرتاحة في مصر خلاص
انا كنت حابه اخدم يا قمرررر

[*رحمه*]

ياااااااااااارب يا سمر نفسي اوصل 75 انا مش طماعة والله

[رنا خالد]

ابوس ايدك وركبك يادينا ارحميني
جعاااااااااااااااااااااااااااااااااااااااااااااااا انه
نفسي اااااااااااااااااااكل
وانزل علي طبق البيتزا دي هيلا هوووووووب

[نولارا]

سا الخيييييييييييييييييييييييييييييير

[نولارا]

اخيييييييييييييييييرا رنا اخبار لوجى ايه

[ماما قلقانه]

ان شاء الله تبقى 70 يا دينا ما دام ادامك هدف ان شاء الله يتحقق

[رنا خالد]

كده اااااااااااه منك يانورا فينك يابونيتي عامله ايه والعريس طفش ولا ايه
دي البت احلوت زيه وبقت موزه
توتي انتي فين دخلتي ولا انا بيتهيألي من كتر مانا نفسي تدخلي

[*رحمه*]

ههههههههههههههههههههههههههههههههههههههههه والله يا روني موتيني من الضحك اصل اختي كمان بتعمل دايت و حطيت لها نفس الصورة بتقولي حرام عليكي ده انا اختك برده
و بعدين انا بغيظ نفسي قبلكوا اهيء اهيء اهيء

نورا اشرقت الانوار

[رنا خالد]

مطلعه عيني وربنا يانورا جابتلي كالوه في مخي طول النهار زن
لما كرهت حرف الزين والنون

[رنا خالد]

انتي شكلك مستقصده كل اللي بيخسوا يادينا اااااااااااااه منك اعاقبك دلوقتي والهف طبق البيتزا ده منك هه
هاتي الطبق هاتي انا هاشيلهولك في التلاجه ماتخافيش ههههههههه

[ماما قلقانه]

انهى تلاجه بالظبط يارنا اوعى تكون التلاجه اللى فى بالى هههههههههههههههه

[*رحمه*]

ههههههههههههههه يا روني تحت امرك ، انتي كلي بيتزا و انا هاخد التانية و سمر و نورا يكلوا مع بعض في التالتة عشان احنا مفاجيع هههههههههههه

[ماما قلقانه]

ازيك يا نورا ايه يا بنتى اكلتى السويسرول لوحدك احنا مش مع بعض ع الحلوه والمره اخص على كده

[نولارا]

احنا نقدر نزوغ برضه ياقمر ههههههههههههه
دا كانت جايله عروسه النهارده
بنت نهاد الجديده اللى هى ملك
وهو قالى ابدا ياماما هتجوز لوجى بنت طنط رنا شوفتى بقى

[رنا خالد]

هاقوم اجيبلي تفاحايا علي موزتين
ماكنتش بعبر الفاكهه دي بنكله قبل كده وكانت تتجاب وتتضرب
دلوقتي ماقدميش غيرها لما جوزي شمتان فيا الله يسامحه بقي

[ماما قلقانه]

لااااااااااااا يا دينا مفيناش من الحركات دى .انا اكل التلاته وانتوا اتفرجوا .ايه هننهب

[ماما قلقانه]

انا هروح انام عشان مدرسة احمد الصبح يلا سلام يا كتاكيت

[نولارا]

والله ياسمر فاضل حته واحده بس فى التلاجه ان شاء الله هعمل واحده تانيه قريب
بت يارنا ريجيم ايه انتى مصدقه نفسك بقولك الرضاعه الطبيعى احلى ريجييييييييييييييييييييييم
يابنتى انا قبل الجواز كنت 65
بعد الحمل 75
حاليا مع الرضاعه 57
اصبرى انتى بس شويه

[رنا خالد]

هرضع البت الزنانه دي وجايه اوعوا تفلسعوا

[*رحمه*]

الف هنا يا سمووووووووره
رنونه انا كمان لاكنت باكل فاكهة ولا سلطة ولا بشرب ميه
دلوقتي ما قداميش غيرهم
لأ واحمد بيغيظني يقولي ايه رأيك في ساندوتشات كبده وسجق :((

[*رحمه*]

يا اختي يا نورا ما انا اختي كانت بترضع طبيعي و لا فرق معاها
كانت قبل الحمل 66 ك و حاليا 78 و بتعيط من الريجيم زي اهي

[*رحمه*]

سلااااااااام يا سموره تصبحي على خير

[*رحمه*]

روحتوااااااااا فين كلكوااااااااااااااااااااااااا

[رنا خالد]

انا عدت مره اخري
اصيل ياموكشتي ايون كده لازم تبقي مخلص لعروستك وانتي من اهله ياسمر احلام سعيده ان شاء الله

[نولارا]

انا هنا يادينا بس احمد نازل ضرب فيا خلالالالالالالالالالاص فتصت ياهوووووووووووووووووووووووه

[*رحمه*]

يا خلاااااااااااااسي عثل يا مودي

[رنا خالد]

يسمع من بوأك ربنا يانورا وأخس مع الرضاعه لحسن جالي احباط وفشل معنوي وحاجات كتير مش عارفه اوصلهالكم ههههههه قشطه يعني هاخس بالرضاعه خلاص اجري اكل بقي
بهزر طبعا اديني مخففه من اكلي ومنتظره الخسسان بتاع الرضاعه
ايم ويت ويت اما نشوف اخرة الوتوته ايه يارب خير

[رنا خالد]

عايزه اشوفه صحيح حبيبي موكشه ماتحطلنا صوره جديده يانونا

[رنا خالد]

واحمد لقاني بعمل دايت ومتشجعه لقيته جابلي سكر كاندريل وشاي اخضر وهايجيب لي ميزان حمام بكره الراجل مصدق اني فهمت قال الحمد لله جات من عندها كان بيحاول يلمحلي بس انا كنت عامله عبده العبيط

[ام يحيي 2011]

السلام عليكم

وحشتووووووووووووووونى

[*رحمه*]

هههههههههههههههههه ، احمد كمان عايزني اخس قووي و لما اقوله انت متضايق من شكلي يقولي لأ
مش انتي اللي عايزة تخسي
و عايزني امشي على الدايت بالضبط من غير ما الغبط

[نولارا]

حلوه عبده العبيط دى يارنا
تعالى انا عندى ميزان هنا فى البيت يدوب فرده كعببينك وبينا فى طنطا مش كتير خالص
والله يارنا حاولت انزل لجوجو صوره النهارده وما عرفتش ليه وقفت كتير تحمل
لو فايقه دلوقت كنت صورته وفايديه مضرب الذباب اللى بيضربنى بيه
بس انا فاصله خالص لدرجه انى عندى صداع عاوزه اناااااااااام حد يقوله ينام بقى اهىء اهىء
حطى انتى صوره لوجى

[ام يحيي 2011]

دينا ونورا ورنا حبيايبى ايه اخباركم

اظن زهقتوا من شكلى نفسكم امشى بقى وأخلص صه هههههه
بس بأذن الله اوشكت يا جماحه انا جبت اخرى خااااااالص ورايحه للدكتوره بكره بأذن الله هشوف هتقولى ايه دعواااااااااتكم حبايبى

[*رحمه*]

سرسووووووووووووووره منوره انا فكرتك ولدتي

[رنا خالد]

ساره وحشتيني اوي عامله ايه يارب تكون نفسيتك احسن من امبارح
عنيا حاضر هاحطلك صوره للبت الرزله اللي عندي دي

[*رحمه*]

ليه يا سرسر بتقولي كده احنا نفسنا انك ترتاحي من التعب و تشيلي يويو و تفرحي بيه

[ام يحيي 2011]

هههههههههه لا لسه جوزى من المشى يعنى بيقول ده انا الى هولد خلاص الراجل تعب يا راجاله والواد مأنتخ جوه اعمله ايه

[somia]

السلام عليكم ورحمة الله وبركاته ى..
ازيكوااااااااااااااااااااااااااااااااااااااااااااا ااااا
وحشتونيييييييييييييييييييييييييييي

[ام يحيي 2011]

يا دينا انا بهزر معكم ما تخفوش

لا يا رونى انا احسن الحمد لله كنت عند ماما ووكله محشى وآخر تمام هههههههههه

[ام يحيي 2011]

سمسم حبيبتى وحشتنى مووووووووووووووت فينك يا بنيه من زمان

[somia]

سارة هوه الواد يحيى عاجبه لسة المكان جوه ولا اييييييييييييييييه؟؟؟

[رنا خالد]

ادي صور لوجي المقروضه2427

2428

2429

[*رحمه*]

بناااااااااات انا هقوم انام بقى تصبحوا على خير
سارة و سميه ملحقتش اكلمكم
اشوفكم بكرة ان شاء الله

[somia]

والله يا بنتي الواحد كان عنده شوية مشاكل ما بيشوف قدامه منها ده غير الباشا ظهري اللي 24 ساعة الوقتي بصوت منه ومغص في بطني والكلة رجعت تاني قلبت عليا والدوالي اللي هرتلي رجلي تماما ... هههههههههههههههه كفاية عليكوا لحد كده

[نولارا]

سمسمه ازيك
ساره ماتستعجليش عالسهر دا انا الصداع خلالالالالالالالاص عايزه انام اهىء اهىء
رنا الصوره برضه معصلجه موش عارفه فى ايه

[رنا خالد]

والله ياسمسه كنتي لسه علي بالي وحشتيني جدااااااااااااااااا
فينك يابونيه مش تطمنينا عليكي انتي وعائشه

[ام يحيي 2011]

اه يا سمسمه بغريه بكل حاجه بس لسه ربنا ما أذنش الحمد لله دعواتكم انا رايحه للدكتوره بكره والله المستعان


عسوله ما شااااااااااااء الله يا رنا عقبال ما شوف الواد يحيي يااااااااااارب ويبقى ليه شعر عشان لو اقرع هضربه ههههههههههه

[somia]

دينانتقابل بكرة ان شاء الله تعالى ..
ماشاء الله دا انا الحظ ابتسملي والحمد لله تعالى صور لوجي ومن غير ما أطلب كمان

[ام يحيي 2011]

معلش يا سمسمه ربنا يقومك بالسلامه يا حبيبتى هانت بأذن الله وربنا يبعد عنك اى مشاكل

لالالالالا يا نورا سهر سهر بس أشوف حبيب قلبى يحيي يا بنتى أنا أصلا من بدايه ومن قبليه كمان مش بعرف انام خالص بليل والصبح ساعتين والله وخلاص أكن ربنا بيعود الواحد سبحان الله

كده يا دينا ده انتى وحشانى على العموم تصبحى على خير يا روحى وبجد هتوحشنى

[نولارا]

ما شاء الله يارنا اموره
وريتها لاحمد ضحك وشاور عليها وقالى دا دا دا
ترجمى انتى بقى هههههههههههههههه

[somia]

ربنا يباركلك فيها يا رنا يا رب والله انتوا علطول في بالي بس الواحد فعلا مبيلحقش يقعد على الاب خالص ..
نورا ازيك عاملة ايه والواد احمد عامل ايه معاكي
؟؟؟

[رنا خالد]

هههههههههههههه ايه رأيك ياسمسيمو كان قلبي حاسس انك داخله

[somia]

ايه يا نورا انتوا خطبتوا العيال لبعض من ورانا ولا اييييييييييييييييه؟؟؟

[نولارا]

من زمان ياسمسم وهما مخطوبين انتى موش عارفه ولا ايه

[somia]

القلوب عند بعضها يا رنا ربنا العالم انتوا بجد وحشتوني أد إيه ..
مفيش أخبار عن لولو والمغص عامل معاها ايه ..؟؟؟ وعن ملك؟؟؟

[somia]

معلشي نسيت يا نورا بس مش المفروض كنتوا توزعوا جاتوه وبيبسي واللذي منه ولا احنا ملناش في الحب نصيب ...هههههههههههههه

[رنا خالد]

سميه دول مخطوبين من ساعة لوجي ماكانت لسه مولوده محجوزه له خيرا لقينا حد هياخدها البت الفظييييييييييييعه دي ارفتني وربنا

[رنا خالد]

قولولي ليه لازمه الميزان في البيت يابنات ولا هايروشني وكل شويه هاتوزن لحد مابوظه

[ام يحيي 2011]

ايوه على فكره يا بنات انا كلمت رفيده النهارده وبتسلم عليكم كلكم وبتقولكم ادعولها عشان ما نمتش يعنى من ساعة الولاده

وبتنصح كل حامل سامعه يا سمسم تدهن صدرها زيت زتون عشان هى اتبهدلت يعنى لأن ما حدش كان قيلها وادعولها كتييييييييييييييييييير

[somia]

ههههههههههههههههههه ربنا يطمنك يا رب يا رنا انا برضه بنتي اتحجزت والحمد لله تعالى وان كنت بيني وبينكم يعني خايفة الموضوع يتقلب بجد لان الكل واولهم حماتي بتتكلم فيه بس ربنا يسترها .. طبعا ميرو باشا اللي خطبها

[رنا خالد]

لولو ياعيني المغص مطلع عنيها بس انا شاكه انه من الرطب لأني قريت انه بيحفز الرحم
بس المشكله انها بتحبه جدا

[نولارا]

احنا هنجيب البيبسى ياسمسم وانتوا هتجيبوا الجاتوه وانتوا جايين تباركوا ههههههههههههههههههه

[somia]

ربنا يعينها يا رب ويسهلها رضاعتها يا رب .. والله يا بنتي الواحد بدا بقاله كام يوم كده وربنا معانا ..
رنا مهم طبعا انا كنت ناوية اجيبه بس قلت بعد الحمل عشان اكل براحتي عشان الغلبانة اللي جوه دي

[رنا خالد]

طب ياسميه قشطه جهزيها بقي من دلوقتي
انا عن نفسي هابعتها لنورا بقي عشان انا كده جبت جااااااااز
المأذون يجي بقي ويخلصني ده انا بكلم نفسي منها

[ام يحيي 2011]

دى تدبيسه دى ولا ايه يا نورا طيب يا ستى ولا يهمك بس اعملهم فرح حلو انتوا بس وانا علينا الحلويات

[نولارا]

حد يضرب طلقتين فى الهوا
احمد خالد نااااااام يارجاله

[somia]

ربنا يعينها يا رب هيه ورانيا على موضوع المغص ده لحسن فعلا الواحد بيعيش في رعب وصويت ما يعلم بيه الا ربنا بسببه ..
ولوكة؟؟ حد يطمنا عليا ..

[رنا خالد]

http://forum.hwaml.com/imgcache2/hwaml.com_1302137095_554.jpg
دي مني ليكم حلاوة الجوازه
هاتوا حته بقي بلي رجيم بلي عتريس

[somia]

ألف ألف ألف مبارك عليكي يا نورا ..
ايه يا رنا دا البت لسة مكملتش سنة دا انتي لسة ما اتهنتيش بيها حتى اصبري طب خدي منها حق الحمل والمه والولادة وبعدين جوزيها

[نولارا]

ايوا تدبيسه ياساره نداله بقى ههههههههه
نعم نعم ياست رنا من دلوقت ايه دا انا بلف حوالين نفسى بالاستاذ لوحده يبقى هو والموزه بتاعته
دا كده خالد هيروح فى الرجلين ياولداه

[رنا خالد]

بتفرج علي دكتورة الرجيم فالتلفزيون والبنت عماله ترغي وتتضحك وتقول او اغا وهاهاها
منشكحه اصلنا هانخرجها بكره

[ام يحيي 2011]

هههههههههههه وانا كمان عايزه حته

وانا هزغرط للفرح ولأن حمودى نام لولولولولولولولىىىىىىىىى

[somia]

هههههههههههههههههههه ... رنا بيتفكريني بزوجي بيقولي خلي بالك انتي هتولدي من هنا وانا هخبي الاكل من قدامك قلتله وان شاء الله بنتك دي ارضعها منين ان شاء الله؟؟؟

[نولارا]

انا داخله بقى اااااااااااااااااااااااااااااااااااخخخخخخخخخخخخخخخ خخخخخخخخخخخخخخخخخ
تصبحوا على خير

[ام يحيي 2011]

يا ستى ولا يهمك احلى جاتوه لأحلى عرايس

[رنا خالد]

طخ طخ طخ
بضرب نار عشان موكشه نام وبضرب طلقتين في راس البت الزنانه اللي عندي

[somia]

رنا ما تتجدعني كده وتخرجيني معاكي لحسن انا هموت واروح جنييييييييييييييينه

[ام يحيي 2011]

تصبحى على الف خير يا ام حماده

[رنا خالد]

والله ياريتها لسه في بطني كنت مرتاااااااااااااااااحه
كانت احلي ايام حياتي وانا حامل

[somia]

رنا صحيح هوه انتي بعد الولادة مخسيتيش خالص مالص يعني ؟؟؟
نورا الحقي نفسك يا بتي وناميلنا معاكي شوية بعد اذنك ..
يا جماعة مفيش حد يعرف اي حاجة عن لوكة ولا توتة تطمنونا؟؟؟؟؟؟؟؟؟؟؟؟؟

[ام يحيي 2011]

يا بت يا رنا حرام عليكى ده انتى شردت البنيه خالص كده العريس هيخاف منها وهيطفش تااااااااااانى

[رنا خالد]

تصبحي علي خير ياحماة بنتي ويارب موكشه مايصحي تاني ويطلع واد جدع ورجوله ويكمل نوم

[somia]

يا جماعة محدش صحيح يعرف ميري عاملة ايه دي كانت شكه انها حامل ومعاد دورتها كان من يومين .. محدش يعرف ايه الاخبار معاها؟؟؟؟؟؟؟؟؟؟

[ام يحيي 2011]

توته لقتها بعتلى رساله خاصه هى كويسه الحمد لله

وملك كلمتها امبارح تقريبا هى بخير الحمد لله بس غالبا بتدخل فى وقت مش بيبقى فى حد بيدخل

[رنا خالد]

بصي ياسميه هي كتره الاكل او قلته ملهاش دعوه بالرضاعه مش مهم الكم الاهم الكيف
ركزي علي المفيد عشان صحتك وعشان اللبن
انا هاخس بأذن الله عندي اراده جاااااااااامده اوي عشان خاطر نفسي وعشان خاطر احمد كمان

[somia]

طب الحمد لله انهم كويسين ربنا يعينهم يا رب ويتمم للوكة علة خير ويهدي نوران لتوتة ويرزق ميري وجوجو بالذرية الصالحة عاجلا غير اجل ...ويسهلنا كلنا ولادتنا ورضاعتنا .. اللهم ااااااااااااااااامين

[somia]

ربنا يسترها والله يا رنا لحسن فعلا الواحد حالته النفسية بقت زي الزفت من شكل جسمه انا اتعقدت من الميزان اللي عند الدكتورة عارفة اخر مرة رحتلها قالتلي نقف على الميزان وقفت ووزنت نفسي ونزلت قالتلي انا لسة مشوفتش قلتلها انا شفت وكفاية واحدة بس تتصدم ..ههههههههههههههه

[رنا خالد]

ههههههههههههه حلوه ياسميه
ان شاء الله هاتخسي بعد الولاده ومع الرضاعه
والله العيال دول وحشوني
ملك بقالي زمن مكلمتهاش
ودودي نفسي تفرحنا بخبر حلو ان شاء الله
وتوتي هي ونوران العفريته وحشوني جداااااااا

[ام يحيي 2011]

هههههههههههههههه كلنا فى الهوا سوا يا سمسم

[رنا خالد]

سميه خمس دقايق وجايه انشر بس الغسيل بسرعه

[ام يحيي 2011]

اتفضلى يا رونى

[somia]

يسمع منك ربنا يا رنا بقولك صحيح انتي طولك أد ايه وقبل الولادة كان وزنك اد ايه؟؟؟
جوجوووووووووووووووووووووووووو انتي رحتي فين؟؟؟

[ام يحيي 2011]

سمسم بس انتى ايه الى مسهرك النهارده يا جميل

[somia]

مستنيينك يا رنا ..
سارة انتي زدتي اد ايه في الحمل لغاية دلوقتي وانتي بقى وزنك اد ايه وطولك اصلا اد ايه .. قري واعترفيييييييييييي..ز
ههههههههههههههه

[somia]

انا ظهري ناااااااااااااااااااااااار يا سارة ربنا ما يكتب على حد أبدا يا رب ولا قادرة حتى استحمل فردته على السرير فقلت ارغي معاكم يمكن انسى الالم ده شوية

[ام يحيي 2011]

يلهوى ما بلاش فضايح هتتخضى والله بصى بس انا ورمه جدا فعندى امل اخس يعنى لأن وشى ورجلى واديا وكل حته فيا ورمه

انا كنت 60 دلوقت وما تقوليش لحد وربنا يسترها علينا يااااااااااااااااااااااااااااااااااارب 90 وانا طويله الحمد لله ما أعرفش كام بالضبط بس طويله يعنى

[ام يحيي 2011]

ربنا يعفيكى ياااااااااااارب يا حبيبتى معلش هى دى ضريبه الأمومه بقى الحمد لله

[somia]

يا حبيبتي يا سارة .. ولا مخضوضة ولا حاجة انا شكلي على ما هوصل للتاسع هابقى زيك انا برضه كنت حوالي60 الوقتي 78 وانا لسة في نص السابع مش غارفة ايه اللي هيحصل فيا بعد كده ربنا يسترها يا رب معانا وما ازدشي تاني واخس بعد الولادة

[ام يحيي 2011]

يارب ده الدكتوره عقدتنى وقلتلى انتى لما ربنا يكرمك وتولدى تبعى بقى مع دكتوره رجيم كويس قلتلها ان شاء الله ربنا يستر اجوزنا يا ختى مسلوعين وهيبقى منظرنا زباله جمبهم لو فضلنا كده سترك ياااااااااااااااااااااارب

دعواتك يا سمسم نفسى أشوف حبيبى يحيى وحشنى اووووووووووى وبجد جبت اخرى الحمد لله وانا بتمشى النهارده كنت حاسه انى هيغمى عليا ورجلى وضهرى هيتكسروا الله يستر ويجعله بفايده ياااااااااااااااااااااااارب

[somia]

ربنا يعينك يا رب ويفرح عينك وقلبك بشوفته بكرة يا رب وتولدي طبيعي كده وتكون ولادتك ورضاعتك سلسة ويسيرة وما يبقاش أقرع لحسن انا مرعوبة لحسن توتة تبقى قرعه ..هههههههههههه

[ام يحيي 2011]

هههههههههههه ذى بالضبط لا بأذن الله يطلعوا ذى القمر ما تخفيش يا جميل

معلش يا جميل هستأذنك شويه هغسل البسله واحطها فى الفريزر احس انها ناسيها بقالها كام يوم

وبأذن الله مش هتأخر عليكم

[somia]

مفيش مشكلة يا سارة هاحاول استناكي مع اني شكلي خلاص فصلت وظهري ده كل حتة بقت في ناحية

[somia]

http://forum.hwaml.com/imgcache2/hwaml.com_1302139760_273.jpg (http://forums.fatakat.com/thread1406060)

[somia]

http://forum.hwaml.com/imgcache2/hwaml.com_1302139837_292.jpg (http://forums.fatakat.com/thread1406060)

[*رحمه*]

بناااااااات انا جيت تاني ، عندي ارق بقالي كذا يوم ، اعمل ايه

[somia]

http://forum.hwaml.com/imgcache2/hwaml.com_1302139988_735.jpg (http://forums.fatakat.com/thread1406068)

[somia]

دينا ازيك يا بنتي .. انا سمعت قبل كده ان الرجيم بيعمل ارق .. ربنا معاكي يا رب

[ام يحيي 2011]

ايه الفاستين العسل دى يا سمسم الف سلامه عليكى يا حبى معلش

مالك يا دوندن معلش يا جميل اكيد بتحب ومش عارف تنام

[*رحمه*]

الحمد لله يا سوما بخير
و فعلا من ساعة الدايت ده وانا مش بنام حتى لو رحت في النوم مش بنام 100 % لأ كل شوية اقلق
و انتي عاملة ايه انتي و بنوتك ؟؟؟

[somia]

انتوا رحتوا فيييييييييييييييييييييييييييييييييين؟؟
ديناااااااااااااااااااا

[*رحمه*]

هههههههههههههههههههه لا يا ساره وانتي الصادقة جعانة وما بنامش من الجوع