دردشة حوامل مصر - دردشة بنات مصر - تجمع حوامل مصر

[somia]

طب ليه مش طالعة لمامتها؟؟ههههههههههههههه
الدم الحمد لله قل نزوله عن الاول بس المشكلة اني مبقتش بعمل اي حاجة عارفة هموت واقوم اكنس الشقة او حتى الغرفة اللي بنقعد فيها بس مرعوبة اشوف الدم ده تاني
انا مستنية صورة السرييييييييييييييييييير

[somia]

ملاك الصورة دي انا حاطهالك عشان باذن الله لودخلت بكرة اوريكي تفهمي السونار ازاي
http://forum.hwaml.com/imgcache2/hwaml.com_1291135477_581.jpg

[somia]

رنا انتي بتختفي فييييييييييييين انا شوية وهاطلع ادخلي بقى

[somia]

رناااااااااااااااااااااااااااااااااااااااااااااااا اااا رحتي فيييييييييييييييييييييييين؟؟؟

[رنا خالد]

اخيرا صور السرير ههههههههههه
1321

1322

1323

[رنا خالد]

مش بختفي والله ياسميه بس النت عندي ضعيف جدااااااااا
والصور لحد ماتحملت ونزلت نقطتني

[somia]

بسم الله ماشاء الله حلو قوي بس ده هزاز ولا عادي؟؟؟

[رنا خالد]

انا لحد دلوقتي لسه ماتغدتش هادخل اقلي الكام سمكه اللي جبتهم دول
لحسن انا بقالي شهور مابكلش السمك عشان الوحم
وهاكون موجوده الساعه 9 ان شاء الله ياسميه ياريت الاقيكي ياقمر
صحيح سعر السرير ده 300 جنيه جبته من التوحيد والنور اللي موجود في مدينه نصر شارع عباس العقاد هناك في شوية سراير تحفه والاسعار بتبتدي من 150 لحد 600 جنيه
انا جبته وسط يشيل البيبي لحد سنتين بس وبعد كده هاحطها في اودتها
في حاجات اكبر من كده بتشيل البيبي لحد 5 سنين
اقولك سلام مؤقت ياسمسمه لحسن جعااااااااااانه هههههههه وهاكل نفسي خلاص

[رنا خالد]

لا عادي مش هزاز لأني سمعت كلام مش حلو عن السرير الهزاز وكمان بيبوز بسرعه

[somia]

رنا ما اضمنش اني اكون موجوده لان عليا شغل رهيييييييييييييييييب

[نولارا]

احنا جينااااااااااااااااااا فى حد هنااااااااااااااا

[MALAK2010]

صباح الخير ياحوامل

[MALAK2010]

هو مفيش حد هنا
لولو انتى فين يلا اصحى صاحبتك فى الفراغ تناديكى هههههههههههههه

[dr.princess]

صباح الخير ياملك
ياحبى انا صاحية من ساعة ونص بس قلت هدخل اكلم نفسى فقعدت ابص على قسم الطبيخ جايز اتعلم حاجة ههههههههههههههههههه

[MALAK2010]

صباح النور انا قلت برضة انك ماتتاخريش عن معادنا هههههههههه
ماحنا بنصح من النوم على النت علطول ههههههههههههه

[MALAK2010]

انتى عارفة انا عمرى ما كنت بدخل نت كتير كدة يدوبك للحاجة المهمه او انى اكلم جوزى ايام ما كان خطيبى ظماااااااااااااااااااااااااااااااااااااااان هههههههه

بس مش عارفة لو ماكنتش اتعرفت عليكم كنت عملت اية كنت اتجنيت وجنيت جوزى

[dr.princess]

طبعا يابنتى انا مشيت جوزى من هنا وفتحت على طووووول

هههههههههههه لا انا بقالى كام سنة لاجئة على النت ههههههههههههههههههه

[MALAK2010]

سمية مصورالى صورة السونار وقالت انها هتفهمهولى
نفسى افهمة

[dr.princess]

مش عارفة يابنتى احنا كنا نايمين امبارح مفيش اى حاجة مضايقانا ولما صحيت جاية اكلم جوزى فى حاجة كده اتنرفز عليا فسكت خالص وبعد شوية بقوله مالك قالى منمتش كويس
بس قلة نوم ايه اللى تعمل فيه كده

[ايوشه]

صباح الخير ياحلوين ملوكه ولولو عاملين ايه انهارده

[dr.princess]

ازيك يا ايوشة صباح النووووور

[ايوشه]

عاملين ايه انهارده وعملتو ايه امبارح

[dr.princess]

صحيح نسيت اقولكم انى رحت للدكتورة امبارح بالليل

[ايوشه]

وانا كمان رحت امبارح ها عملتى ايه طمنينا

[MALAK2010]

لولو:انتى عارفة ساعات النرفزة بتحصل من غير سبب ولما سالتية مالك هو ملاقاش مبرر يبرر بية نرفزتة غير كدة فوتى ماتقيش الموضوع بسيط
عارفة ان ليا خال محدش بيكلم اول ما يصحى حوالى ساعتين كدة هههههه بيبقى مترفز ومستنى حد يكلمة علشان يتنرفز علية هو كدة من غير سبب احمدى ربنا ان اجوازنا مش من النوع دة

ايوشة:ازيك يا قمر عاملة اية وحشانى

[ايوشه]

ملوكه انتى فين تعالى عشان اقولك اخر تفاصيل الخطه بتاعتك

[MALAK2010]

طمنونى عملتوا اية

[MALAK2010]

ايوش: طمنينى والله ان شايلة همك اوى وحكيت لماما علشان تقولى اقولك تعملى اية بس ماما برضة قالتلى ان حماكى هو اللى يقدر يظبط الموضوع دة

[ايوشه]

انا ياستى المفروض الدكتور كان يحولنى على مستشفى الولاده عشان اكمل متابعه فيها بس مش عارفه محولنيش ليه وبصراحه انا تعبت جدا وانا عنده فمعرفتش اقوله واساله على اى حاجه

[MALAK2010]

الف سلامة عليكى يا اية حسيتى باية

[dr.princess]

على رأيك يا ملك الحمد لله ان اجوازنا مش زى خالك كده

[ايوشه]

ايوش: طمنينى والله ان شايلة همك اوى وحكيت لماما علشان تقولى اقولك تعملى اية بس ماما برضة قالتلى ان حماكى هو اللى يقدر يظبط الموضوع دة
احنا يومها باليل كلمناهم اول مره ابقه عايزه اكلمهم سبحان الله المهم كلمت حمايا وقالى ازيك والحمل عامل ايه قولت (زى ماملك قالت)الحمد لله ده بيسلم عليك قالى بجد قولت له اه هو انتا بقه مش هتختار له اسم حسيت انه اتلجلج شويه كده انى سالت السؤال ده وبعدين قالى احنا مش هنسميه كده احنا هنسمى احمد قولتله خلاص ماشى قول لابنك بقه واتصرف معاه hwaml5 وطبعا ولا قال لابنه ولاحاجه hwaml4بس هو كان قاعد وسامع الكلام وبعدين كلمت حماتى كده كلمتين وقفلنا وبعد ماقفلنا بقه قولتله اهو هو اللى قال (قالى ماليش دعوه ده ابنى وانا اللى هسميه تقريبا عرف انه اتحرج وطبعا اتخانقنا ومش بنكلم لحد انهارده)hwaml17

[dr.princess]

الف سلامة عليكى يا ايوشة
بصرة ههههههههههههه انا برده امبارح بعد ما كشفت كنت هموووت من التعب

[ايوشه]

يابنتى وانا بكشف ونايمه لقيت الدنيا بتلف بيا ومش شايفه حاجه وجسمى كله منمل وعايزه انادى للدكتور لانه كان بيتكلم مع واحده بس اقول دده انا هفوق وجاه يقيس الضغط ورحت جايبه اللى فى بطنى كله على السرير بتاع الكشف كنت فى نص هدومى والله بس السيستر اللى معاه ربنا يكرمها قالتلى ماتقلقيش ووقفت معايا بجد وقعدت تهدينى وكمان الدكتور ربنا ستر والله

[dr.princess]

انا مش عارفة يا ايوشة ليه جوزك مصمم كل التصميم ده على الاسم الغريب ده
ربنا يهديهولك يابنتى
بس ماينفعش انك تخاصميه كل ده انتى مش عارفة الحديث اللى فيما معناه ان اى واحدة بتنام وجوزها زعلان منها بتبقى ملعونة لالالالالالالالالالالالالالازم تكلميه بالراحة كده وتتفاهموا

[dr.princess]

الف سلامة يا ايوشة بس ليه معدتك اتقلبت كده كنتى متوترة ولا ايه

[ايوشه]

والله يالولو انا عايزه اخد موقف عشان يعرف انى زعلانه بجد لان دى مش اول مره نتخانق على الموضوع ده وارجع انا اصلحه واكلمه على طول فبحس انه فاكر انه عادى ياعنى مش مضايقنى وبدلع ولا حاجه مابقتش بصراحه عارفه اعمل ايه

[ايوشه]

هو الدكتور قالى ده برد وماتقلقيش قولت الحمد لله انها جات على قد كده

[MALAK2010]

اية:يعنى انا السبب فى الخناقة دى حقك عليا
بس انا ماقلتلكيش تقوليلة قدام جوزك ولا انك تقوليلة اتصرف مع ابنك انا كل اللى قلتة انك تتكلمى مع حماكى وتخلية يختار اسم ويوصل دة لحماتك وكل ما تتكلموا تكرروا الاسم اللى اختارة لغاية ما الاسم القديم يتنسى
على العموم برضة انا غلطانة لانى ادخلت ان اسفة

[dr.princess]

ايوشة الحمد لله بس انتى ابقى دفى معدتك كويس لان الجو بدأ يبرد اليومين دول

[ايوشه]

ايه ده انتى بتتاسفى ليه ياملوكه ده انا مش زعلانه انى خدت الخطوه دى اهو حتى يعرف ان انا مش موافقه على الاسم وبعدين لازم كان جوزى يبقه قاعد عشان يبقه سامع انه هو اللى اختار مالك يابنتى كده زعلتى

[dr.princess]

يا ملك ماهى لو قالت لحماها وحماتها بس غالبا مش هيجيبوا سيرة الاسم قدام جوزها وهتبقى كده معملتش حاجة

[ايوشه]

وياملوكه كده كده الموضوع كل شويه يتفتح ونزعل شويه تقريبا وانا لازم افتحه بس ماكنتش عارفه اقولهم ازاى يابنتى انتى كتر خيرك انك خلتينى اعرف اقولهم كده وبعدين ده انا عايزه اكلمك عشان الخطه الجديده هههههههههههههههههههههههه ماتزعليش بقه كده

[ايوشه]

يا ملك ماهى لو قالت لحماها وحماتها بس غالبا مش هيجيبوا سيرة الاسم قدام جوزها وهتبقى كده معملتش حاجة

اه يالولو قوليلها والنبى ده يابنتى قدامه اهو ولا قاله ولاحاجه كان ماقولتلوش حاجهhwaml5

[MALAK2010]

والله انا عمرى ماكنت السبب فى مشاكل انتى مش عارفة انا زعلانة من نفسى ازاى والله يا اية
انا مش حابة ان يكون فى مشاكل بسببى
انا هيفضل ضميرى يانبنى
بس انت مشيتى على سطر فى الخطة وسبتى سطر
بس انا برضة غلطانة

[MALAK2010]

طيب ماهو رد فعل طبيعى ان جوزك يعند معاكى والدليل انة قالك ان دة ابنى وانا اللى هسمية

[MALAK2010]

طيب وانتى هتتصرفى ازاى بعد كدة
صالحية بس المرة دى عشان خاطرى

[ايوشه]

تانى ياملوكه والله مانتى السبب عايزه ايه تانى انا حلفت اهو انتى مالكيش علاقه بجوزى انتى كنتى بتتكلمى على حمايا وماجبتيش سيرته انا اللى قولت له ماهو كان لازم اقوله ان ابوك هو اللى اختار ولا يبقه ايه لازمتها زى مالولو بتقول يابنتى ماتخديش كل حاجه كده

[ايوشه]

طيب وانتى هتتصرفى ازاى بعد كدة
صالحية بس المرة دى عشان خاطرى
يابنتى انتى فاكره خصامنا مقاطعه لا عادى بنتكلم كده خفيف ياعنى ههههههههههه وبجد انا تعبت من الموضوع ده ونفسيتى بقت زى الزفت ومابقتش عارفه اعمل ايه المفروض كان حمايا قاله خلاص ماتكلمش فى الموضوع ده تانى وسميه كذا بس زى مابيقولو عمل ودن من طين وودن من عجين ههههههههههههههههه يارب يفتحه ويقوله لو قاله متاكده انه هغير رايه

[MALAK2010]

لمتنا الصبح دى غلط لو اجوازنا عارفين اللى بندبرة احنا الثلاثى كانوا بعتوا للادارة الموقع تلغى عضويتنا

[ايوشه]

عندك حق تصدقى هههههههههههههههههههه لو عرفوا هيفصلو النت مش هيدخلونا على النت اصلا

[ايوشه]

ها قولولى بقه ناويين تطبخوا ايه انهارده

[MALAK2010]

اية: طيب عاوزة اسالك على حاجة بس تجاوبينى بصراحة

[ايوشه]

اسالى ياملوكه

[MALAK2010]

انتى مش زعلانة منى ولو شوية صغيرة

[ايوشه]

ايه يالولو رحتى فيين

[ايوشه]

والله والله والله ابدا مش زعلانه منك انتى حساسه قوى ياملوكه ده انا واحده صاحبتى قالتلى قولى لحماكى بس ماكنتش عارفه اقوله ازاى فانتى كتر خيرك ساعدتينى انى اقوله واخد الخطوه دى والله يابنتى انا مش زعلانههههههههههههههههههههههههههه منك

[dr.princess]

معاكم بس معدتى مقلوبة من اول ما صحيت وحاسة انى هرجع

[ايوشه]

معاكم بس معدتى مقلوبة من اول ما صحيت وحاسة انى هرجع

خدى اى حاجه تغير طعم بوقك انا كنت باكل اى حاجه مخلله كده وبعدين مش انتى دخلتى الرابع ولا لسه

[MALAK2010]

طيب الحمد لله ودى اخر مرة ملك تنحشر فى حاجة او تقول رايها فى موضوع خاص

[ايوشه]

كده ياملك هتسيبينى لوحى ماكنش العشم ده مستنيه اخد رايكم اعمل ايه اهئ اهئ اهئ

[dr.princess]

مش قادرة اكل اى حاجة خالص
انا خلاص يومين باذن الله وابدأ الخامس

[MALAK2010]

قلولى انا عاوزة اعمل سمك فى صنية بصلصة
اناعندى طريقتين ومحتارة اعمل اى واحدة
اعملة زى سمك القراميط(الصحافة)
ولا اتبلة واحمرة واحطة فى صلصة بالثوم

[ايوشه]

الخامس ولسه كده ربنا معاكى يابنتى انا فى الاول كنت فاكره انى مش هرجع اكل زى زمان بس ماقولكيش بقه بقيت اقضى على الاخضر واليابس هههههههههههههههههه

[MALAK2010]

لولو:لو عندك بسكوت كلية هو اللى ريحنى امبارح

[MALAK2010]

ايوشة:انتى عاوزة تعملى اية تانى انتى عملتى كل حاجة خلاص
اللى المفروض تعملية هو الصلح مفيش حاجة تانية وتتكلموا بالراحة مع دمعتين حلوين وبس

[dr.princess]

والله مقدرش افيدك يا ملك انا مش بحب ابدا اى صوانى بتتعمل بالصلصة وبالتالى مش بعملها ابدا

[dr.princess]

ايوشة انا عدى عليا كام يوم كده رجعت اكل كويس اوى بس مش عارفة مالى من امبارح وانا مش تمام

[ايوشه]

ملوكه: اخر حل انا هسيبها على ربنا زى مابيقولو اللى ربنا عاوزه هيكون وكل واحد مكتوب اسمه عند ربنا بس ادعوا بقه انه مايكنش ده اللى ربنا كاتبه لولو ماتنسيش الدعوه وربنا مابيعملش حاجه وحشه صح ولا ايه
لولو:ممكن يكون برد زيى ولا حاجه

[MALAK2010]

انا هسيبكم الوقتى علشان الحق اعمل السمك ولما اخلص هدخل تانى سلاااااام مؤقت

[dr.princess]

ايوشة ان شاء الله بكرة رايحة الحرم ومش هنساكى
ماما برده قالتلى كده لانى بستهبل على نفسى ومش بتدفى كويس حتى بقالى كام يوم عندى اسهال الحمدلله على كل حال

[MALAK2010]

ايوشة:ربنا يعملك الخير بااااااااااااااارب

[dr.princess]

ماشى يا ملك
انا موجودة انتى عارفة

[ايوشه]

ان شاء الله ياجميل اشربى بقه حاجات دافيه وتقلى زى مالدكتور قالى وانا كمان هقوم انام شويه ونلتقى بعد الفاصل ان شاء الله

[dr.princess]

ايوشة ماشى ياحبيبتى تصبحى على خير

[MALAK2010]

انا جييييييييييييييت

[dr.princess]

خلصتى طبيخ ولا ايه ؟؟؟؟؟؟؟؟؟

[MALAK2010]

الطبيخ على النهار
السمك هتتهرى والبصل مش راضية تستوى خايفة اشيلها واسوى الصلصة تتهرى منى زيادة

[MALAK2010]

بقولك انا عاوزة امل تتدخل تتكلم معانا تانى بس مش عارفة اعمل اية بعتلها رسالتين على الخاص ومش بترد عليا

[dr.princess]

طلعى السمكة من الصلصة و غطى الصلصة والبصل بالفويل وسيبيها فى الفرن تستوى هو ده الحل الوحيد بتهيألى

[dr.princess]

امل الموضوع ضايقها اوى وبتهيألى انها دخلت كتبت الكلمتين وقفلت وعلى ما اظن انها مش هتدخل تانى وطبعا طبعا محدش يعرفلها تليفون فمش هنعرف نوصلها

[MALAK2010]

انا عملت كدة كان نفسى تفضل السمكة شكلها محترم
على فكرة انا بسوى كل حاجة على البوتجاز وبعدين احمرها فى الفرن

[MALAK2010]

بالنسبة لموضوع امل ياريت تدخل والله وحشتنى

[dr.princess]

لما البصل يستوى حطى السمكة فيها تانى مفيش مشكلة
انا عملت كده مرة او مرتين بس انى اسوى الاكل على البوتوجاز وانزله الفرن ياخد لون بس بعد كده بقيت بسويه فى الفرن لقيته بيطلع احسن وطعمه احلى بكتيير بس علشان معظم الاكل يستوى فى الفرن لازم يتغطى بالفويل طبعا

[MALAK2010]

انا بتهيالى مامتك هتفرح بيكى لما تشوفك واقفة فى المطبخ وبتعملى صوانى
ماهى ياعينى ماشفتش منك الحاجات دى ولا اية

[dr.princess]

انى بتقولى فيها ماما مزقططة انى بطبخ ياعينى انا كنت مطلعة عينها فى موضوع الطبيخ ده ولا شافت منى لا ابيض ولا اسود

[MALAK2010]

عارفة انا اللى نفسى اروح لماما علشان اساعدها لانها صعبانة عليا بس هروحلها وانا اللى محتاجة المساعدة ربنا يعينها

[dr.princess]

انتى عارفة لما كانت اختى حامل وبتيجى عندنا كانت ماما بتتبهدل بهدلة جامدة خصوصا كمان ان حمل اختى صعب شوية بس مادام انها بتريح اختى ومطمنة عليها كده كان على قلبها زى العسل

[MALAK2010]

مامتك كانت بتتبهدل لية ؟
هو انتى ماكنتيش بتعملى اى حاجة خالص

[dr.princess]

طبعا الطبيخ مكنش ليا فيه
فى الحمل الاول كنت لسه بدرس وانتى عارفة الكلية كانت صعبة والامتحانات وطول اليوم فى الكلية والحاجات دى
وفى الحمل الثانى كنت بشتغل فكنت بصحى من 6 وبرجع 4 او 5 كنت بشتغل فى مستشفى بعيييدة اوى عنى كنت بركب 4 او 5 ساعات مواصلات فى اليوم فطبعا كنت برجع انام من التعب بس مكنتش بروح الا يوم ويوم فيوم الشغل مبعملش حاجة الا شوية تنظيف كده واليوم التانى كنت بساعد ماما بس الفايدة منى بقى انى كنت مسئولة عن ابنها وده كان بيريحها طبعا الحمدلله بس برده ماما هى اللى اتبهدلت

[MALAK2010]

ربنا يخليهالكم يا حبيبتى ياااااااارب

[MALAK2010]

انا هنزل ان شاء الله على ولادة مرات اخويا ربنا يكملها على خير
انا لو ماكنتش حاضرة الولادة اناكنت هكتئب اوى لان دة اول طفل لية ولينا كلنا واخويا دة روووووووحى ربنا يخليهولى

[dr.princess]

ياااااااااااااااارب اللهم امين
ان شاء الله تحضرى الولادة معاهم
انتى عارفة لانى مع ابن اختى الكبير من يوم ما اتولد ومن الحمل كمان فمش عايزة اقولك مكنش بيسمع الا كلامى وانا باكله واغيرله وانظفه والاعبه واغنيله ولو خرجت او مشيت وسيبته ميبطلش عياط مش عايزة اقولك انا متعلقة بيه ازاى وهو كمان
انا مش ببطل احلم بيه وهو كمان
انا مرة بكلمه على النت لقيته بيعيط وبيقولى سبيتينى ليه يا خالتو انا نديت عليكى وانتى مشيتى وسيبتينى فماما قالتلى انه كان نايم فى يوم وصحى يعيط ويقول خالتو خالتو ماتسيبينيش وراح فتح باب البيت وخارج لحقوه بسرعة وطلع بيحلم انى مشيت وسيبته وقعد ينده عليا وانا سيبته فخرج يجرى ورايا والله قعدت اعيط من الحلم ده وتخيلى هو 4 سنين وشوية بس
انا بقول لاختى قبل ما اتجوز الواد ده ابنى حتى لو انا خلفت مش هحبه قده

[MALAK2010]

يا حبيبى فعلا متعلق بيكى اوى ربنا يباركلكم فية

[MALAK2010]

ماهى نورا كانت عاوزة تحجز بنتك لحمادة رجعت افتكرت انها محجوزة لولاد اختك ههههههههه
عارفة ان اخوات جوزى مرضعين اولادهم على بعض حتى سلفتى كمان معاهم فبقولهم لية كدة مش جايز يكون فى نصيب
وسلفتى تقول يلا احنا فى بيت عيلة بدل خنقة الطرحة كلهم اخوات واولادنا

[dr.princess]

اه فعلا انا بحبه بجنووووووون
انتى عارفه كنت بقول للبنات من مده ان الدلع الرسمى ما بينا انى بقوله هيمهيمتى وهو بيقولى خالتوتو هههههههههههههههه ده طبعا غير انه يندهلى باسمى عادى يعنى زى مابيقول لمامته وباباه وجده وجدته وكل الناس ههههههههههههههههه

[MALAK2010]

بس استغربت ان لسة فى حد بيعمل كدة وهم كليات عالية

[dr.princess]

طبعا يابنتى لهو بعد بهدلتى معاه يروح يشوف عروسة غير بنتى على جثتى هههههههههههههههههه
بس معاكى حق هم غلطانين افرض ممكن يحصل حاجة فى المستقبل ولا كده

[dr.princess]

لا انا بصراحة عمرى ما ارضع ولاد اختى لو جابت بيبتى ثالث وهى برده مش هخليها تعمل كده لولادى

[MALAK2010]

عارفة انا مش ببص للموضوع بس انة غلط لان احنا مش ضامنين الظروف وحاجات تانية كتير
انا بحس بقرف ازاى واحدة ترضع اى طفل غير ابنها انا بحس الرضاعة دى حاجة خاصة بين الام وابنها
انا ممكن اكون مزوداها بس اصل الرضاعة دى تكسف اقوم لو طفل عيط يقولولى خدى رضعية انا اية؟؟؟؟ هههههههههههههههه

[dr.princess]

هههههههههههههههه فعلا معاكى حق
ده فى ناس شغالة عمال على بطال معندهاش مشاكل فى الحكاية دى خالص ولا تلاقيهم عارفين عملوا ايه ويدخل الموضوع فى الحرام والحلال لانهم طبعا مش بيفتكروا

[MALAK2010]

انا خارجة الوقتى علشان الغدا وهرجع بعدة ان شاء الله
سلااااااااااااااام

[dr.princess]

ماشى يا حبيبتى بالهنا والشفا
انا هنام بعد صلاة الظهر ولما اصحى نبقى نتكلم ان شاء الله

[MALAK2010]

انا هنااااااااااااااااااا

[دودى اشرف]

السلام عليكم
ازيكم يا بنات .. معلش اتأخرت عليكم لان جوزى عمل حادثة اول امبارح بالعربية بس الحمدلله بسيطة ... قدر الله وماشاء فعل .... دعواتكم لينا ان شاء الله

انا قلت ادخل اسلم عليكم علشان مش هعرف ادخل تانى بقى لانى مسافرة بكرة ان شاء الله وهبقى اطمنكم لما اوصل بس عاوزة دعواتكم بقى

انا قلت لجوزى والله وعيطله انى مش عاروزة اسافر وهو كده لكن مرضيش بس هو الحمدلله حاجات بسيطة قدر ولطف الحمدلله الذى لا يحمد على مكروه سواه ... والله كنت حاسة ان هيحصل حاجة قبل السفر ربنا يسترها ان شاء الله واوصل بالسلامة ويعوض علينا باذن الله فى العربية واهم شىء ان جوزى الحمدلله جنيى ومعايا ربنا يخليهولى يارب ويلخيلكم اجوازكم يارب... معلش قلقتكم والله بس قلت اقولكم يعنى مكنتش بدخل ليه واحنا على الحلوة والمرة طبعا هههههههههههههههههههههههههه ... اشوفكم على خير بقى ان شاء الله .... لو معرفتش ادخل بقى تانى
لا اله الا الله ... محمد رسول الله

سلامة لكلللللللل البنااااااااااااااااااااااااااات كلهااااااااااااااااااااااااااا ... هتوحشونى .ز مممممموووووووووواااااااااااااااااااااهhwaml7

[dr.princess]

ازيك يا دودى قدر الله وماشاء فعل الف لا بأس على جوزك حبيبتى الحمدلله ان ربنا نجاه بالسلامة
توصلى بالسلامة هتوحشييينا ويارب نسمع عنك كل الخير يااااارب اهم حاجة خلى بالك على نفسك وعلى الامور وخدى بالك من اجهزة التفتيش الموجودة فى المطار متعديش منها وخلى الحارسات اللى واقفة تفتشك ذاتى احسن لان الاجهزة دى خطر على البيبى علشان الاشعاعات اللى فيها
ومتنسيناش وفى اقرب فرصة ادخلى طمنينا عليكى

[MALAK2010]

الف سلامة يا دودى والله زعلتينى يارب يقوم جوزك بالسلامة وتتطمنى علية
وتروحى وتيجى بالف سلامة وسلميلى على طنط
ولما توصلى بالسلامة ابقى طمنينا
هتوحشينى اوووووى

[somia]

ألف سلامة على زوجك يا دودي ربنا يشفيهولك ويقومهولك بالسلامة ويعوض عليكوا خير في العربية وحاولي اول ما تنزلي مصر تطمنينا عليكي وخلي بالك من حركتك في المطار حاولي ما تشيليش هاند باك تقيلة عشان البيبي وربنا يوصلك بالسلامة يا رب ويسهل عليكي فراق زوجك ويرجعك ليه على خير بالاستاذ عمر باذن الله تعالى

[somia]

عارفة انا مش ببص للموضوع بس انة غلط لان احنا مش ضامنين الظروف وحاجات تانية كتير
انا بحس بقرف ازاى واحدة ترضع اى طفل غير ابنها انا بحس الرضاعة دى حاجة خاصة بين الام وابنها
انا ممكن اكون مزوداها بس اصل الرضاعة دى تكسف اقوم لو طفل عيط يقولولى خدى رضعية انا اية؟؟؟؟ هههههههههههههههه
بصي يا ملك انا لعلمك كنت ناوية أرضع ابن أخت زوجي لأني بحبه جدا جدا جدا وكنت بدعي من قبل اما اخلص المانع اني احمل وهوه لسة في السنتين عشان أرضعه ويبقى ابني لأني مش متخيله انه هيكبر وأنا مش هيبقى بامكاني ولا أكلمه ولا أسلم عليه ولا أهزر معاه لانه طبعا مش محرم ليا .. المهم سبحان مغير الأمور بعد الحمل اكتشفت ان بنت صحبتي اتفطمت بعد شهرين لان لبنها نشف وبقيت شايله همها قوي لانها طبعا كده المناعة هتضيع عندها من الصناعي فحسيت انها محتجاني قوي فاستأذنت من زوجي اني أرضعها اما اولد باذن الله عشان المناعة تزيد عندها لاني بموت في صحبتي دي وفي بنتها ومش هاستحمل لو شفتها تعبت من قلة المناعة ..
وبالنسبة ليا انا هتستغربي اما اقولك انا مستحيل ارضع غيرها لاني اصلا مش مقتنعة بموضوع انه كله يبقى اخوات بعض وبعدين مش هينفع ارضع ابن اخت زوجي لان كده هتحصل لخبطة في الاخوة لكن بنت صحبتي انا عارفاها وحافظاها وفي نفس الوقت انا مستحيل برضه ادي طفلي لاي حد يرضه لان الابن بيشرب من صفات اللي بيرضع منها واخلاقها وصحيح ان انا مقصرة طبعا في الدين بس انا بمشي جنب الحيط على اد ما أقدر لكن غيري معرفشي فبالتالي مستحيل اديه لاي حد تاني يرضعه ويرضع منه صفاته وأخلاقه وطباعه

[somia]

يا جماعة حد هناااااااااااااااااااااااااا؟؟؟

[dr.princess]

انا هنااااا

[somia]

ازيك يا لولو؟؟ عاملة ايييييييه؟؟؟

[dr.princess]

انا الحمدلله كويسة انتى اخبارك ايه

[somia]

لولو انتي رحتي فييييييييييييييين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

[somia]

انا الحمد لله بخير

[dr.princess]

الحمد لله رب العالمين

[somia]

صحيح ماتنسيينيش بكرة بالدعاء اللي قلتلك عليه الله يخليكي

[somia]

صحيح عملتي ايه عند الدكتورة .. اطمنتي على المبيض؟؟؟

[dr.princess]

حاضر من عنيا ربنا يذكرنى ان شاء الله

[somia]

لولو طمنيني عملتي ايه في الكشف؟؟؟

[somia]

لولو انتي فيييييييييييييييييييين؟؟؟

[dr.princess]

تخيلى الدكتورة قالتلى انها متعرفش تشوفه فى السونار بتاعها وانى لازم اعمل اشعة على البطن ومعرفش ايه تانى كده مش عارفة ازاى يعنى
بس ماما قلقتنى طبعا لان فيه ضرر من الاشعة دى فمش هعملها وزى ماتيجى تيجى يعنى هعمل ايه

[somia]

ازاي متشوفهوش هيه اما كيس على المبيض دكتورة نسا مش عارفة تشوفه امال مين اللي هيشوفه؟؟
غريبة المهم يا بنتي انتي ادعي انه لو لاقدر الله وفيه عندك فعلا يروح من عند ربنا لان هوه ده الحل اللي قدامك

[somia]

انتي ايه اللي تعبك صحيح وانتي بتكشفي؟؟؟

[dr.princess]

يابنتى انا كنت هموت امبارح من بطنى وظهرى
قعدت تضغط على بطنى بالبتاعة بتاعة السونار دى واقعدت اتوجع وهى بتعمل ولما قمت من على سرير الكشف لقيتنى هموت من ظهرى شد عليا بشكل مكنتش قادرة امشى منه ولا من وجع بطنى الله يسامحها
والله انا اصلا شاكة فيها وخصوصا لما قالتلى انها متعرفش تشوف ازاى يعنى فقلت لجوزى امال مين يعرف لان اخته برده عندها تكيسات فقلتله امال اختك عرفت ازاى عملت اشعة برده مستحيييييل طبعا اكيد عرفتها من دكتورة النسا بتاعتها

[somia]

لولو انا هاضطر اقوم لان راسي هتنفجر من الصداع ومش قادرة أقعد بس ابقي اكتبي عملتي ايه وانا احتمال ادخل بالليل ابقى اقراه اطمن عليكي

[somia]

ربنا يسترها معاكي يا بنتي وشوفي لو عرفتي تروحي لدكتورة تانية تطمنك ولا مافيش غيرها؟؟؟

[dr.princess]

الف سلامة عليكى ونتقابل بكرة ان شاء الله واحكيلك لانى لازم اقفل دلوقتى برده
والله فيكى الخير انا زعلانة من ملك فضلت معاها الصبح ومسألتنيش عملت ايه امبارح

[dr.princess]

هشوف كده غيرها ربنا يسهل ان شاء الله

[somia]

لولو اعذري ملك موضوع خناقة ايوشة دي لبختها فتلاقيها مكنتش عارفة تركز اصلا..
باذن الله هاحاول ادخل اكلمكم بكرة الصبح عشان تحكيلي وبالمرة اشرح لملك موضوع السونار ده ادعولي بس اعرف انام عدل..
السلام عليكم ورحمة الله وبركاته

[dr.princess]

ماشى ياحبيبتى ولا يهمك هنستناكى بكرة لو قدرتى تصحى بدرى
تصبحى على خير واحلام سعيدة

[نولارا]

ملك
اخبارك ايه انتى والنونو
لولو
الف سلامه عليكى ما تقلقيش من كيس الماء مدام الحمد لله حملتى وهو موجود
ايوشه
الصلح خير قوم نتصالح
سميه
هترضعى ابن اخت جوزك وبنت صاحبتك يااااااااااشيخه
انتى بس كفى النونو ههههههه انا كنت فاكره الموضوع سهل كده زيك بس طلع متعب
انتى نفسك هتقعدى تسالى ياترى ابنى بيشبع منى و ايه؟؟؟؟؟؟؟؟؟؟
دودى
الف لا باس عى جوزك وترجعى بالسلامه ياقمر
توته
رنا
قلبظه
طمطم
ماما
فينننننننننننننننننننننننكم
يابنات معاد الصبح ده متعب قوووووووووووووى
مش بقيت بعرف اتكلم معاكم اهىء اهىء اهىء
وحشتوووووووووووووووووونى

[dr.princess]

نولارا ازيك واخبار احمد ايه
معلشى داخلة اسلم سريع سريع وهقفل
انا مش عندى كيس على المبيض قبل الحمل ولا حاجة انا الحمدلله كشفت قبل ما اتجوز بايام علشان اعرف عندى حاجة تأخر الحمل ولا لا والحمدلله ملقيتش حاجة
بس لما جانى وجع بعد الحمل على الجزء الشمال سمية وكمان جوز اختى قالولى ممكن يكون فى حاجة على المبيض هى اللى عاملة الوجع ده وادينى معرفتش وهسيبها على ربنا وتيجى زى ماتيجى

[dr.princess]

ايه ده كل ده ومحدش لسه صحى

[MALAK2010]

انا هناااااا ادخل ولا بلاش

[dr.princess]

ادخلى يا ستى انا هنا من ساعة ونص ومستنياكى

[MALAK2010]

انا بعتالك رسالة وصلتك ولا لسة

[MALAK2010]

شفتى صورة الجنين بتاعى بقا امور ازاى ما شاء الله

[dr.princess]

اه وصلت اتأخرت كنت برد

[MALAK2010]

وصل يا لولو ههههههههه

[MALAK2010]

طبعا كل اللى هيقروا الكلام دة نفسهم يعرفوا اية اللى فى الرسالة واية اللى فى الرد هههههههههههه

[dr.princess]

تمام يا افندم هههههههههههههههه

[MALAK2010]

ههههههههههههههههههههه

[dr.princess]

يعنى هم يفضلوا نايمين وعايزنا نقولهم كمان
ينسوا ههههههههههههههه

[MALAK2010]

عارفة انا اول دكتورة رحتلها هنااللى خوفتنى على البيبى وقالت تجمع دموى فاكرة
كان عندها سونار حديث جدا حتى سرير الكشف كان رائع اما الدكتورة اللى بتابع عندها حاطة السونار فى اودة ضلمة وتحسى انة كهنة ههههه

[dr.princess]

اسكتى مش اخويا الصغير راح امبارح علشان يشوف موضوع الجيش ده وبعتوه على مصر علشان معرفش كشف طبى ولا مقابلة ولا ايه
البيت كله متضايق عندنا مش عارفه هيدخل بقى ولا ايه كان عندنا عشم يطلع
دعواااااااااااتك يطلع وميلبسش

[MALAK2010]

دى اسرار بينا ههههههههههه

[dr.princess]

ههههههههه يابنتى مش فارقة المهم الدكتورة نفسها
اختى متابعة عند دكتورة فى المنصورة عيادتها عادية جدا جدا بس الدكتورة ممتازة وعليها زحمة بالهبل علشان شاطرة

[MALAK2010]

ابوخ حاجة فى الدنيا للشباب هو الجيش ربنا يستر ويعملة الخير يارب
عارفة جوزى الوحيد اللى دخل الجيش فى دفعتة هههههه بس بيقولى على اد ماهو تعب وبهدلة بس فى توقيت الجيش بدا فى الماجيستير والحمد لله خلصة بعد ما خلص كل الصحابة لسة راحين يبداوا فيه الايام دى

[MALAK2010]

ربنا يسهل ولما ارجع مصر هتابع عند حد منهم انا اعرف دكتورتين هشوف واحدة فيهم واروحلها

[MALAK2010]

كنت عاوزة اقولك اسميهم بس تايهين عن بالى خالص
واحدة اسمها منى حاجة
والتانيه اسمها حاجة البيلى هههههههههههههه

[dr.princess]

الجيش ده حاجة وحشة اوى وبتعطل جامد
بس اخويا صيدلة فمالوش لزمة الماجستير مش هينفعه فى حاجة هيبقى وقف حال وخلاص
وبعدين اخويا مش هيستحمل بهدلة الجيش ماهو الصغير وانتى فاهمة
المشكلة الاكبر واللى شايلة همها ان هو اللى مع ماما دلوقتى يعنى لو دخل الجيش ماما هتفضل لوحدها ودى هتبقى مشكلة كبيرة ربنا يستر وميدخلش يااااااااااااارب

[MALAK2010]

والدكتورة طمنتك على البيبى الحمد لله
عملتى السونار وفهمتى حاجة المرة دى
وقالتلك على نوع الجنين

[dr.princess]

ماجدة البيلى بتهيألى اللى بتدرس فى كلية طب مش كده
اخوات جوزى بيروحولها
ومنى بقى مش عارفة

[MALAK2010]

عارفة فى حاجة ممكن ياجل بيها جيشة لو دخل لاقدر الله ان اخوكى الكبير مسافر وهو اللى مع مامتك بيقدملهم ورق بكدة وبيطلع فى ناس بتعمل كدة كتير اسالوا بس فى الموضوع دة

[MALAK2010]

ايوا ماجدة البيلى والتانية مشهورة اوى بس مش فاكرة ومشهورة اكتر باللى متاخرين فى الحمل فمش عارفة بتولد ولا لاء

[MALAK2010]

ماجدة دى شاطرة؟؟؟رايك فيها اية

[dr.princess]

عايزة اقولك ان سونار المرة اللى فاتت كان اوضح من المرة دى بالنسبة ليا انا مفهمتش اى حاجة وجوزى بيقول انه شاف النبض تقدم برده ههههههههههههههههه
هى ماقلتش لا حلو ولا وحش وانا كنت شاغلة نفسى زى الهبلة بموضوع المبيض ده وتخيلى نسيت اسئلها عبط رسمى
بس انا رايحة تانى النهاردة علشان نتيجة التحليل فهسئلها اصل ماما قلقتنى لما قلتلها انى زايدة كيلو واحد بس لغاية دلوقتى ماما قالتلى ده قليل فقلتلها مش مهم الوزن المهم اللى جوه مافى ناس بتتنفخ على الفاضى بس ان شاء الله هتأكد تانى منها النهاردة

[dr.princess]

على ما اعرف انه لما يبقى العائل الوحيد ليها بس ماما نفسها اصلا بتشتغل واخويا طبعا
بس برده هسئل فى الموضوع ده

[dr.princess]

اخوات جوزى متابعيين عند ماجدة البيلى عند محطة القطر كده
اخته الصغيرة ولدت عندها بنتها
والكبيرة كمان لما بتنزل اجازات بتروحلها بس معرفش ولدت عندها ولالا
بس اختى بتروح لواحدة تانية اسمها مديحة المنصورى فى المختلط

[MALAK2010]

بس كنتى هتساليها على نوع الجنين وجوزك معاكى مش هو مش موافق

انا اتصالت بالمستشفى امبارح علشان اعرف نتيجة التحليل ملقيتش الدكتورة وقالولى اتصل النهاردة

عارفة ان الدكتورة بتقولى اعملى التحاليل وممكن تمشى وماتستنيش النتيجة ولما تيجى الشهر الجاى هتلاقيها متسيفة على الكمبيوتر اقولها اية دى مش فى حاجة اسمها نتيجة وممكن يكون فى حاجة لاقدر الله تكتبلى بيها دوا ربنا يصبرنى عليها وانزل مصر

[MALAK2010]

عارفة انا اعرف ناس بيخسوا فى ال3 شهور الاولى الحمد لله احنا مش منهم بنزيد حتى لو قليل مش مشكلة والايام الجاية ان شاء الله الوحم هيقل وهتكلى كويس

[dr.princess]

لا انا مكنتش هسئلها على نوع البيبى انا كنت هسئلها نمو البيبى كويس ولا ايه لان ده اللى شغل بالى بعد ماخرجت من عندها انى ازاى انسى اسئلها
انا عملت التحاليل وكنا ممكن نستناها بس اصلا كنا رايحين متأخر فقالوا تعالوا بكرة الصبح اللى هو امبارح بس كسلت فهنروح النهاردة ان شاء الله وبالمرة اسئلها على نمو البيبى
لا طبعا لازم تشوفى التحليل دلوقتى ما بعد شهر ممكن نتايجك تتغير وده طبيعى ووارد جدا ماتسمعيش كلامها روحى هاتيها فى يوم تكون هى موجوده فيه علشان لو فى حاجة محتاجة دواء جديد

[dr.princess]

انا خسيت كيلو واحد فى التانى وبعدين رجعت للوزن بتاعى ودلوقتى زدت كيلو
ماما بتقولى عندها مدرسة فى الثامن زايدة 20 كيلو تخيلى قلتلها كتيييييييييييييييير جدا

[MALAK2010]

انا دورت فى المواقع بيقولوا ان الزيادة فى 3 اشهر الاولى من
0.4 -1.7 كيلو

[MALAK2010]

20 كيلو كتيييييييير
دة خطر كمان عليها ازاى هو بيقولك حوالى 11 كيلو الزيادة فى الحمل كلة على بعضة

[dr.princess]

يعنى انا فى التمام كويس
انا بس كنت فالحة ازيد اد كده قبل الحمل فطبعا طلعتلى الخطوط الحمراء دى بالهبل وشوهت جسمى خالص

[MALAK2010]

انتى كل مرة تنسى السؤال دة وهو دة اهم سؤال امال احنا بنعمل السونار لية
الدكتورة سمعتنى النبض بالجهاز وقالت مش ضرورى تعملى سونار قلتلها لاء انا عاوزة اطمن على النمو

على العموم ماتقلقيش هى بس اللى كلامها قليلة هى اكيد اطمنت لان فى السونار بيجيبوا طوا الجنين فبتعرف ن معدل نموة سليم

[dr.princess]

تخيلى ام 20 كيلو دى حملت بعد 5 شهور من ولادتها الاولى لا وكمان والدة قيصرى يعنى هتتبهدل لما تقول بس
ربنا يعينها

[MALAK2010]

انا سمعت عن الخطوط الحمرا دى من اية بس دى من اية من زيادة الوزن

[dr.princess]

يابنتى هى تقريبا معندهاش جهاز النبض اللى بصوت ده
جوزى شاف بس النبضات
بس النهاردة ان شاء الله هسئلها على نموه برده واتطمن اكتر

[MALAK2010]

عارفة وانا بحلل فى المستشفى كان فى واحدة بتحلل معايا تقريبا كانت بتحلل هى حامل ولا لاء لانها كانت فى الكشف برضة عند الدكتورة
وهى عندها طفل صغنون لسة ولما جوزها راح علشان ياخد النتيجة كان متاكد انها حامل وبعدين ماطلعتش زعل كدة
بس قلت سبحان الله نفسة فى حمل كمان وابنة لسة صغنون

[MALAK2010]

عافة حوالى خمس شهور بالكتير

[dr.princess]

ايوه من زيادة الوزن بس غالبا اللى انا زدته قبل الحمل بس مش عايزة اقولك شكلها حقير اد ايه اتعلمت رسمى ههههههههههههههههههه

والله انا مش عارفة الناس بتستعجل ليه تجيب كله ورا بعضه كده هو احنا فى سبق

[MALAK2010]

وبتروح العلامات دى بعد الولادة؟؟؟؟
طيب ملهاش كريم ترطيب او حاجة اسالى الدكتورة وخدى بالك لسة بطنك هتكبر لازم تعتنى ببشرتها علشان الخطوط دى
انا اسمع انها بيضة مش حمرا

[dr.princess]

انتى عارفة لما رحت سألتها على التحاليل قالتلى انتى عاملاها قريب قلتها لا من زمان بصت فى الملف وقالتلى اه من زمان
فكتبتلى على تحليل بول وسكر والدم بس الهيموجلوبين مش صورة دم كاملة فانا قلتلها انا عايزةكمان اعمل للكالسيوم فزودتلى الكالسيوم

[MALAK2010]

انا هسيبك الوقتى يالولو لان جوزى صحى
وهحضر الفطار لسة سلام يا جميل وسلميلى على باقى البنات لما يصحوا
النهاردة اخر يوم ليكى الصبح ولا بكرة
هتسبينى امتى اهئ اهئ

[MALAK2010]

عارفة الدكتورة هى اللى قالتلى على التحليل قبل ما افقولها اظاهر بتعملة كل 3 شهور

[dr.princess]

هى بتقول بتبقى حمرا وبعدين تبيض
انا جبت كريم بزبدة الكاكاو بس ريحته وحشة اوى قريبة على جوز الهند وانا مش بطيق جوز الهند فان شاء الله اجيب واحد غيرة المشكلة انى مش بداوم على الحاجات دى كسل بقى تعملى ايه وبجيب اللوم على ريحة الكريم والله جوزى بيزعقلى بسببه بيقولى لازم تتدهنى والا هتتبهدلى وتزيد

[MALAK2010]

سلاااااااااااااااااام

[dr.princess]

والله غالبا النهاردة اخر يوم الصبح او ممكن ادخل بكرة وقت الصلاة لسه مش عارفة
ماشى ياحبيبتى ولا يهمك ولو عرفتى تدخلى تانى النهاردة ابقى ادخلى

[dr.princess]

مع السلامة

[ايوشه]

مين هناااااااااااااااااااااااا

[ايوشه]

لولو لو دخلتى ابقى اكتبيلى اسم الكريم اللى جبتيه ده عشان الخطوط لانى سالت على كريم زبدة الكاكاو ومش لقيته فقولت ممكن يبقه له اسم تانى

[dr.princess]

ازيك يا ايوشة
الكريم اسمه بالمرز بتركيبة زبدة الكاكاو
حتى انا كمان شفت من نفس الماركة كريم علشان حلمات الصدر علشان ماتتشققش وقت الرضاعة بس طبعا لسه بدرى فمجبتوش

[somia]

السلام عليكم ورحمة الله وبركاته..
حدهنا؟؟؟

[dr.princess]

انا هنا يا سمية

[somia]

ازيك يا لولو عاملة اييييييييييه؟؟؟

[somia]

معلشي يا لولو اتاخرت عليكي كنت بصلي

[somia]

لولو انتي هنا؟؟؟؟؟؟؟؟؟؟؟؟؟؟؟؟؟؟؟؟؟

[dr.princess]

لا ولايهمك
انا الحمدلله كويسة انتى اخبارك ايه

[somia]

الحمد لله انا بخير وانتي.؟؟؟

[somia]

بقولك صحيح يا لولو عندي الام رهيبة في عظمة فخذي الشمال لدرجة اني بعرج منها هوه ده عادي ولا المفروض اتصل اقول للدكتورة؟؟؟

[dr.princess]

انا الحمدلله كويسة
معلشى بتأخر فى الرد بكلم ماما

[somia]

مفيش مشكلة ربنا يطمنك عليهم .. بقولك يا لولو هاطلع انا احاول انام شوية لعل وعسى رجلي تهدى وهابقى احاول ادخل تاني باذن الله تعالى

[dr.princess]

عادى الوجع ده انا بيجيلى دايما بعد ما اعمل سويت بيبقى غالبا شد عضلى وبرده بيبقى وجع جامد بعرج منه
بس عادى حتى لو معملتيش مجهود عادى عند الحوامل يحصل كده

[dr.princess]

ماشى ياحبيبتى ولا يهمك ربنا معاكى
انا هفضل موجودة ساعة كده وهقفل ولو مدخلتيش وانا موجودة اشوفك بكرة ان شاء الله

[MALAK2010]

انا جييييييييييييييييييت حد هنا؟؟؟

[ايوشه]

بس يالولو مش بالمرز ده للشعر ولا فى نوع للجسم

[mr_mr]

السلام عليكم ورحم الله وبركاتة
يسعدنى انى انضم للمجموعة بتعتك وان شاء الله تقوموا بسلامة
انا اميرة من مصر وانا فى الشهر التانى بس بعد معناة 8سنين فى الحمل

[MALAK2010]

صباح الخير يا حوامل
سمية:سبحان الله انا برضة تعبانة من امبارح نفس تعبك بس انابصيت على رجلى من فوق لقيت حاجة عاملة زى عرق بارز شوية فى رجلى من فوق جايز هو اللى عمل فيا كدة حطيت علية مياه دافية اتحسن شوية بس لسة تعبنى مش قادرة اتنى رجلى ربنا يشفينا اتكسحنا من الاول اهئ اهئ

لولو -اية:انا قريت موضوع على المنتدى عن الخطوط الحمرا وبتقول برضة تخلطى كريم بالمرز بجوز الهند مع خل التفاح وتدهنية فى مسافة اسبوعين بيشيل الخطوط بس بعد الولادة لانها بتقول بيشد الترهلات وبيرجع البطن زى ما كانت ان شاء الله

mr-mr:اهلا اهلا بيكى ياجميل طبعا انضمى معانا والف الف مبروووووووووووك على الحمل وربنا يكملك على خير وتولدى بالسلامة

[Om KHaled]

عطر الله جمعتكم برياحين الجنة
وظللكم باغصان بساتينها
وسقاكم من زلال كوثرها
وجعلكم من المغتنمين لو قتها
بكثره الصلاة على الحبيب
التالين لسورة الكهف
الناجين من يوم النفخ والحشر
الثابتين على الحق حتى لقاء الرحمن

[dr.princess]

نور القمر اللهم اميييييييييييين
جزاكى الله خيرا

[dr.princess]

ايوشة ايوه فى كريم بالمرز للشعر كان عندى فى مصر
بس ده للجسم للتشققات الحمراء حتى كمان مرسوم عليه واحدة حامل وبتاع الصدر ده مرسوم عليه واحدة بترضع
هحاول الاقيلك صورة ليه او هصورلك اللى عندى

[dr.princess]

ايوشة لقيتلك صورتة هو ده اللى عندى

[dr.princess]

ملك صبااااح الخير
والله ربنا يسهل بقى بعد الولادة بس المشكلة انى مش بحب جوز الهند ولا بطيق ريحته فمستحيل اجيب اى كريم بيه هشوف حاجة تانى وياريتها جات على البطن بس ده فى اكتر من مكان فى الجسم ربنا يعيننا
على فكرة جوزى مش هيبدل الاسبوع ده فهفضل موجودة معاكم الصبح اسبوع كمان

[dr.princess]

اميرة اهلا بيكى معانا الف مبروووووووووووك على الحمل بس اهم حاجة خلى بالك من نفسك وارتاحى وربنا يكملك على خير

[ماما قلقانه]

صباح الخير يا بنات .يا ترى حد موجود

[ماما قلقانه]

بالنسبه لالم الرجل اللى عندك يا ملك انتى وسميه دا عندى من بداية الشهر الثانى فى رجلى اليمين من الفخذ لتحت وده كان بيجيلى كل حمل فى بداية الخامس بس المره دى جه بدرى .حتى قلت للدكتور المره اللى فاتت ونسى يدينى علاج على العموم هروح بعد بكره واقوله تانى.

[ماما قلقانه]

اهلا بيكى يا اميره نورت التجمع بتاعنا وربنا يكملك ويكملنا على خير يا حبيبتى

[نولارا]

يافرحه التجمعات التانيه فينااااااااا
انتوا فين
اصحواااااااااااااااااااااااااا
هوا العمل اللى على رجل النمله رجع تانى ولا ايه
احنا مش كنا فكيناااااه خلالالالالالالالالالالالالالالالالاص
تعالوا بقى
وحشتوووووووووووووووووووووووووووونى

[somia]

ازيك يانورا عاملة اييييييييييييييييييييييه..؟؟
والباشموهندس احمد اخباره اييييه؟؟؟

[somia]

نورااااااااااااااااااااااااااااااااااااااااااااااا اااااااااااااا

[توته السيد]

ازيكم ياقمرات وحشتوني موت حد موجود

[توته السيد]

اية ده التجمع فاضي خالص كده لية

[dr.princess]

ايه يا بنات كل ده ومفيش حد لسه صحى

[MALAK2010]

انا جييييييييييييت

[MALAK2010]

كل دة نوم ولا اية انتوا فيييييييييييين

[dr.princess]

انا هناااا بس تعبت من الانتظااااار

[MALAK2010]

وحشتينى يالولو انا كل ما ادخل ملاقيش حدوملاقيش حد كاتب جديد فبطلع
انتى عاملة اية

[dr.princess]

نفس النظام والله يا ملك فضلت قاعدة الصبح ساعتين وفى الاخر دخلت نمت وامبارح نفس النظام
انا الحمدلله كويسة انتى اخبارك ايه
معلشى اتأخرت كنت فى المطبخ

[ياسميين]

السلام عليكم ورحمة الله تعالى وبركاته


حبيت أمر وأسلم على الغاليين

[dr.princess]

ياسمييين ازيك
فييينك من زمااان

[ياسميين]

انا كويسه انتي ازيك
كنت تعبانه شوي والاولاد واخدين برد
وكنت مشغوله معاهم

[dr.princess]

لا الف سلامة عليكى وعليهم يارب تكونوا بقيتوا احسن دلوقتى
انا الحمدلله كويسة

[ياسميين]

الله يسلمك حبيبتي
انا بقيت احسن الحمد لله
بس الاولاد لسه لكن الحمد لله بيتحسنو
فييييييييييييييييييييين البنات المنتدي نايم اووووووووووووووووووي

[ايوشه]

ازيكم ياحلوين عاملين ايه انهارده

[dr.princess]

الف سلامة عليهم انا مش عارفة الايام دى كل العيال تعبانة ولاد اختى برده ماسك فيهم البرد مش عايز يرووح
والله ما انا عارفة بقالهم كام يوم محدش بيدخل فالتجمع ناااااااااااااايم

[dr.princess]

ازيك يا ايوشة
الناس اللى بتختفى كده كنتى فييييييين يا هانم ههههههههههههه

[dr.princess]

كلكم قفلتوا ولا ايه

[ايوشه]

ازيك يالولو انا هنا معلش كنت بكلم ماما والنت كمان وحش قوى

[ايوشه]

اوعى تكونى خرجتى عايزه اسالك على حاجه

[dr.princess]

لا انا لسه هنا برده مستنية اكلم ماما بس مش عارفة اتأخرت ليه احتمال النت عندها فاصل
اسألى براحتك اى خدمة

[ايوشه]

شكلك خرجتى يالولو على العموم هسيبلك السؤال انا دورت على بالمرز لقيت لوشن بس ومش لقيت الكريم هو حلو زى الكريم ولا لاء
وكمان استخدمه من دلوقتى ولا بعد الولاده لانى وانا بجيبه سالت واحده قالتلى خليه بعد الولاده عشان ممكن يأثر على البيبى فانا خوفت بصراحه وقولت اسالك
وتالت حاجه هو بيجيب نتيجه بسرعه ولا بيطول

[ايوشه]

كويس انك موجوده بقه عشان تجاوبينى

[dr.princess]

والله ماعرفش بس اظن الكريم هيبقى احسن انا لقيته فى صيدلية المستشفى اللى بتابع فيها ومش غالى ابدا ب 28 ريال
وبعدين مفيش منه قلق ابدا والناس كلها بتستعمله فى الحمل لانه مخصص اصلا للحوامل فمفيش منه قلق ان شاء الله وفى ناس كتير بتشكر فى زيت الزيتون لو حابة تستخدمى حاجة طبيعية
على نتيجته بقى والله ماقدر افيدك ابدا لانى مش مواظبة عليه يعنى اخر مرة حطيته كان تقريبا من 3 اسابيع علشان ريحته قالبة شوية على جوز هند وانا استغفر الله العظيم بكرهه ومش بطيق ريحته

[ايوشه]

ماشى ياجميل احاول ادور على الكريم تانى
اصل ماما قالت انها سمعت الدكتوره بتقول هاتى كريم زبدة الكاكاو عشان العلامات ومن وقت ماقالت ليا وانا بدور عليه لحد مازهقت لما عرفت الاسم منك ولقيته ماصدقت قولت كويس
احنا نستخدمه بقه وربنا يسهل

[dr.princess]

حتى هنا على المنتدى كاتبين ان احسن كريمات اللى بزبدة الكاكاو واكيد فى ماركات تانية بس انتى حظك بقى انك ملقتيش

انتى هتبعتى لمامتك تجيلك على الولادة ولالا؟؟

[ايوشه]

والله يالولو بعد ماقولت لها لازم تيجى رجعت تانى قولت لها خلاص خليكى عشان اختى ثانويه عامه واخويا كمان هناك وبابا مسافروقت ولادتى وبعدين قالولى انتى بتدخلى المسشتشفى لوحدك مافيىش حد بيفضل معاكى وبيجولك زيارات فقط وكمان مش بيخلوكى تخرجى غير وانتى كويسه والبيبى كويس مش زى مصر تولدى وتمشى فقولت خلاص بقه كده كده مش هتبقه معايا بلاش عشان اختى

[ايوشه]

معلش يالولو هاستاذنكم اعمل الغداء لان جوزى زمانه جاى ولسه ماعملتش مش عارفه ايه الكسل ده سلام ياجميل

[رنا خالد]

مافيش حد هنا ولا ايه يابنات
وحشتوني وحابه اتكلم معاكم شويه

[MALAK2010]

انا هنااااااااااااااااااااااااااااااا

[رنا خالد]

ملك انا هناااااااااااااااااااا
انتي فين حابه ارغي معاكي شويه ياقمر
بقي وجعني من السكوت ههههههههه

[MALAK2010]

وانا كمان يا جميل عايزة ارغى معاكى
انتى عاملة اية والنونو عاملة اية

[somia]

السلام عليكم ورحمة الله وبركاته..
حد هنا؟؟؟

[MALAK2010]

انتى فييييييييييييييين

[somia]

ازيك يا ملاك عامله ايييييييه.؟؟؟

[somia]

ملاك رحتي فيييييييييييييييييييييييييين؟؟؟

[MALAK2010]

الحمد لله يا جميل
رجليكى عاملة اية

[somia]

الحمد لله ساعات تبقى كويسة وساعات ببقى بصوت منها وانتي رجلك اخبارها ايه؟؟