دردشة حوامل مصر - دردشة بنات مصر - تجمع حوامل مصر

[توتة السيد]

طيب انا اخر السادس وهنزل مصرعلي اول السابع ان شاء الله

وقولت اخد وحده حتي بس في السابع بس سألت وحده قالتلي بتخديها تبع التأمين الصحي وازم تكوني ليكي كراسة عندهم يعني ملف طيب انا ملييش ملف اعمل ايه انتي اخدتيها فين وطيب لو اخدت وحده بس يعمل حاجة ولا لازم الاتنين

[MALAK2010]

انا اسفة حبيبتي ملاك كنت بشوف اللي علي البوتاجاز

اه انا سألت جوزي وقلي كده هو قالي يمكن يكون النت عندك بطئ او نسخة الياهو مش حلوة

انا عندي ياهو 10 بيتا

بالعكس النت كويس
وانا جربت الياهو 8 و 9 10
مفيش فايدة اهئ اهئ اهئ

[رنا خالد]

بصراحه لازم الاتنين لأنهم بيكملوا بعض
بس انا هاقولك حاجه انتي لما تنزلي مصر خدي الاتنين
واحده في الشهر السابع والتانيه في الشهر الثامن
او ممكن الاتنين في شهر واحد عادي جدا
المهم انك تاخديهم قبل ماتولدي حتي ولو في الشهر التاسع
انا اخدت واحده في السابع
وهاخد واحده كمان كام يوم لأني دخلت التامن
وحابه اقولك انك هاتنوري مصر ياتوته وتيجي بالسلامه ان شاء الله

[توتة السيد]

طيب ياملاك ماتتصلي بشركة الاتصالات بتعت النت نفسها

وقوليلهم احنا اي مشكلة بتقبلنا في النت بنتصل بيهم وبصلحو العطل

[رنا خالد]

يا ملاك السكيبي احسن الف مره من الياهو ده الياهو ده يعل يابنتي انا عارفه انتوا بتستحملوه ازاي حملي السكيبي وانتي هاتدعيلي

[رنا خالد]

هادخل بس اصلي العصر ونكمل كلامنا اوكي

[MALAK2010]

على رايك انا هتصل بس اللى اعرفة ان كل الناس بتقول ان شركة الاتصالات قافلة الصوت

[توتة السيد]

تسلمي يارنا حبيبتي مصر منورة بيكي ياقمر

بس انا سألت واحدة جارتي هنا وهي مصرية ولدت من 5 شهور بتقول اخدت وحده بس في السابع ولما نزلت تاخد التانية قالولها لازم تفصيلي بين الحقنة والتانية بشهر يعني لو اخدتي في السابع تاخدي في التاسع وراحت الوحده في التاسع تخدها قلولها ماينفعش ياماما انتي خلاص علي ولادة وبعدين دي حقن مش مهمة دي كانت مهمة زمان لما كان الستات بيولدو في الزرع في اماكن مش نضيفة انا محتارة خايفة اخد وحده بس وفي نفس الوقت خايفة اخد اتنين ورابعض

[توتة السيد]

رنا معاها حق الاسكاي بي احسن الف مرة من الياهو

انتي ياملاك اتصلي وسألي ولو قلولك كده يبقي فعلا من عندهم

[MALAK2010]

رنا الاسكاى بى بيهنج النت عند ويفصلة مش عارفة لية ودى النسخة الحديثة بتاعتة
وعلى جهاز ماما بينزل الويندوز هههههههههههههههه

[توتة السيد]

عملتي زيي الاسكاي بي كويس عندي عند ماما لو حملته بيضربلها الوندوز ههههههههه

[دودى اشرف]

السلام عليكم ورحمة الله وبركاته .. ازيكم يا بنات عاملين ايه...
برنسيس ميرسى على ردك يا قمر
سوما ان شاء الله تطمنى على البيبى حبيبتى
ملك ازيك يا قمر .. عاملة ايه
رنا منورة يا قمر ... ربنا يطمنك على بنوتك يارب ... انا كان عندى اسم حلو كانت بنت عمتى اقترحته عليا لو كنت هجيب بنت وهو كنزى وانا حبيته وحلو حلا برضه وجودى .
توته يا عسللللللل ازيك حبيبتى وحشتنيى والله ... بالنسبة للحقن انا اخدت واحدة فى الكويت فىالخامس لما روحت للدكتورة الاسبوع اللى فات .. وليا واحدة تانية فى شهر 12 يعنى فى السابع ان شاء الله بس ان شاء الله المفروض ابقى نزلت مصر وقالتلى ممكن تاخديها فى مصر بكارت المتابعة اللى معايا من هنا .. بس صحبتى الانتيم اللى فى مصر لما بحكيلها عملت ايه عند الدكتورة قالتلى انا اصلا مخدش حقن خالص وانا حامل ... قلتلها اكيد علشان هنا الجنسيات كتير يذات الهنود والفلبين والجنسيات الغريبة دى ممكن تعمل عدوى علشان كده بيهتموا بيها فى الخليج فا انا متهيألى مش لازم تاخديها يا اما تسألى قبل ما تنزل الدكتورة بتاعتك ممكن يحصل حاجة لو مخدتيش التانية فى مصريا اما تحاولى تاخديها قبل ما تنزلى وربنا معاكى يا قمر

[دودى اشرف]

ملاك الف سلامة عليكى يا حبيبتى ... والله انا كنت ببعت السلام ... بس شكلك مخدتيش بالك تقريبا منى كلامى ... سلامتك يا قمر

[دودى اشرف]

طيب انا قلت ادخل اسلم عليكم قبل ما اقوم اعمل الاكل ... هخلص واجيلكم ان شاء الله ... سلام مؤقت

[توتة السيد]

دودي حبيبة قلبي ناوية علي المذاكرة انهاردة ولا هتدخلي الامتحان علي طول هههههههههه

تسلمي ياقمر انا بأذن الله هشوف لو قدرت اخدها قبل مانزل يبقي كويس لو ماقدرتش

احاول اخدها في مصر ان شاء الله اشفلي حد يقدر يتوصلتلي واخدها من غير مايكون ليا ملف عندهم وربنا يسترها يارب

بس بجد انتي وحشتيني موووووت

[MALAK2010]

اهلا اهلا بدودى اشرف نورتينا

[توتة السيد]

اتفضلي ياقمر وبالف صحة وهنا وانا في انتظارك بس اوعي تدخلي تذاكري ههههههه

[رنا خالد]

فايدة حقن التيتانوس ان اثناء الولاده الدكتوره بتستخدم ادوات حاده زي الجفت والمشرط والمقص يعني ممكن لقدر الله يحصل تلوث في الجرح مهما كانت الادوات دي معقمه
دول حقنتين مهمين جدااااااااااااااااااااااااا بيمنعوا اي تلوث يحدث اثناء الحمل
وكمان مرض التيتانوس ده مرض مميت اكتبي انتي بس علي جوجل مرض التيتانوس وانتي هاتعرفي معلومات عنه خطيره اوووووووي
والله انا خايفه عليكي ياتوته خليكي في السليم احسن ده تطعيم كل الناس بتاخده من زمان من ايام جدتي وجدتك والمفروض ان كل الناس ماتستهترش وتاخده
اتكلي علي الله وخديه الحقنتين في مصر بالله عليكي
وربنا يعافيكي ويعافينا من اي شر امين يارب

[MALAK2010]

والله انتوا خوفتونى من موضوع دة اصلى مش بطمن الا فى مصر وانا ان شاء الله هنزل زى توتة ربنا يسهل

توتة انتى ماينفعش تاخديها عند مواهب

[توتة السيد]

انا عارفة حبيبتي انه مهم انا اللي مخوفني اني في ناس قلتلي لازم تفصلي بين الحقنتين بشهر

وماتخديش في التاسع انا بأذن الله ناوية اخدها في الشهر السابع بس الحقنة التانية هسأل ينفع في التامن ولا لا وربنا يسترها معنا ومعاكي ومع الجميع يارب

[توتة السيد]

والله مواهب دي هخنقها ماجبتش سيرة عنها خالص ولا قلتلي خديها ولا اي حاجة والمشكلة

اني بنسي اسألها ولما سألت عن الحقنة دي في المستشفي من وحده اعرفها قالتلي غالية خالص

انتي عارفة البلد كل حاجة غالية فيها

[MALAK2010]

ايوا كدة يا توتة عاوزين شوية قلق ماخدناش من الصبح هههههههههههه

[MALAK2010]

هى الولادة فى المستشفى دى بكام

[توتة السيد]

ههههههههههههههههههه

اه والله قلقتني رنا بس ربك كريم يسترها بفضله

والله ياملاك مش عارفة بس اعتقد غالية اذا كان الحقنة اللي بمليمين في مصر

هنا غالية مابالك بالولادة

[MALAK2010]

ربنا يسهلك يا قلبى بس قبل ماتسافرى تعرفينى عملتى اية علشان اختك اللى فى الغربة لوحدها

[توتة السيد]

حاضر ياعيوني هقولك ان شاء الله

الواحد بيحس بقيمة بلده فعلا لما يقف مواقف زي كده ربنا يسر الحال ان شاء الله

[dr.princess]

صباح الخييييييييييير
انا صحيت خلاص وجيت

[توتة السيد]

صباح الخير بالليل صح النوم لولو

نوم لعوافي يارب اخبارك ايه واخبار النونو

[توتة السيد]

قوليلي يالولو انتي كنتي بتقولي انك كنتي بتكلمي صحبتك

ام جودي امبارح هي ام جودي دي موجودة في مصر ولا في السعودية واسمها ايه

[MALAK2010]

انتى هتقوليلى يا بنتى
والله ببقى محتاس لو حسيت باى الم انا كنت من فترة ضرسى وجعنى رحت لدكتورة حسسستنى انها اشطر دكتورة فى الدنيا وبالعكس مارتحتش قلت ربنا يسترها معايا لغاية ما اروح بلدى

احنا عارفين الدكاترة مين شاطر ومين لاء والمشكلة هنا لما تكونى عاوزة تجربى اى دكتور ويا عالم بية هتاخدى ادوية وبهدلة وبفلوووووووووووووس كفاية الكشف هنا ناااااار
الست ماعملتش حاجة فى ضرسى ولا نضفت ولا عملت حشوة ولا اى حاجة واخدت 300 درهم

[MALAK2010]

لولو : وحشتينى اووووووووووووووى انا هخرج كمان شوية مواعيدك مش مناسبانى خاااااااااااالص

[توتة السيد]

لا بصراحة حاجة صعبة ياملاك دانا بكشف في مصر ب50 جنية

هنا مواهب بتلطش 150 درهم يعني 225 جنية مصري شفتي الفرق

[MALAK2010]

انتى ناسية السونار ابو 200 درهم هههههههههههه

[توتة السيد]

غير بقي في مصر بحريتك عارفة بلدك وناسها هنا الواحد بيحتاس

ياما هندية يافلبينية الواحد بيبقي زي العبيط بتبقي بتكلمني وانا بهز دماغي وضحك بس هههههههههههه

[توتة السيد]

وده يتنسي ابدا والتحاليل والسونار الكبير كل حاجة وليها تمنها

[MALAK2010]

غير بقي في مصر بحريتك عارفة بلدك وناسها هنا الواحد بيحتاس

ياما هندية يافلبينية الواحد بيبقي زي العبيط بتبقي بتكلمني وانا بهز دماغي وضحك بس هههههههههههه

هههههههههههههههههههههههه
عسل يا توتة والله

[توتة السيد]

لولو انتي فين

[توتة السيد]

ربنا يخليكي حبيبتي

الواحد صراحة مش عارف طيب يتعلم انجليزي ولا هندي هقطع نفسي

جوزي هو المترجم الفوري بتاعي هههههههههههه

[MALAK2010]

بقولك يا توتة مواهب ماطلبتش منى تحاليل عادى ولا المفروض احلل الايام دى ولا فى الشهر الكام

[MALAK2010]

ربنا يخليكي حبيبتي

الواحد صراحة مش عارف طيب يتعلم انجليزي ولا هندي هقطع نفسي

جوزي هو المترجم الفروري بتاعي هههههههههههه

انا ابص لجوزى يقوم منزل الترجمة علطوووووووووووول

[توتة السيد]

لا حبيبتي ماطلبتش مني خير اخر الخامس اني احللل دم وسكر وبول " الله يكرمك"

[dr.princess]

ملك انتى كمان وحشتينى اوى
معلشى اعمل ايه بس انا الدنيا عندى كلها مشقلبة اليومين دول
وادينى بلحقك حتى اطمن عليكى

[dr.princess]

توتة
انا لسه صاحية من ساعتين بس على ماحضرت الاكل واتغدينا وجوزى خرج فقلت الحق أنقذ ما يمكن انقاذه ههههههههههههههه

[dr.princess]

توتة
ام جودى صاحبتى دى صاحبتى الانتيم كانت معايا فى الكلية بس ساكنة فى عين شمس لسه فى مصر يعنى
واسمها زيى بالظبط ماحنا كنا لازقين فى بعض فى الكلية زى التوأم ماتلاقيش واحدة لوحدها أبدا ههههههههههههه

[MALAK2010]

لولو انتى مش هتكلمينى انا خلاص هخرج كنت عاوزة اطمن عليكى

[توتة السيد]

هههههههههههههههه اه الحقي بقي

ماقولتليش علي ام جودي

[توتة السيد]

هههههههه ربنا يخليكم لبعض حبيبتي

اصلي انا مرات اخويا عنها جودي وكانت ليه صحبه اسمها علي سمك وصيدلانية برضه فقولت يمكن تكون مرات اخويا ربنا يحفظكم لبعض ويديم المحبة

[dr.princess]

ملك توتة
يعنى معملتوش تحاليل خالص ازاى فى الاول
طيب تعرفوا منين انتوا عندكم انيميا ولا املاح ولا اى مشكلة لا قدر الله
انا مكنتش هطمن ابدا لو معملتش والحمد لله عملت تحاليل
وعملت تحليل دم وبول من 5 اسابيع تقريبا

[MALAK2010]

سلام يا بنات انا خارجة وبلاش ترغوا زى كل يوم

سمية ابقى طمنينى عليكى

[dr.princess]

لالالا استنى يا ملك
هو انتى جوزك على وصول ولا ايه ؟؟؟

[MALAK2010]

لولو: ماطلبتش منى بس انا هسالها المرة الجاية ان شاء الله

[MALAK2010]

جوزى وصل فعلا معلش نتكلم بكرة ان شاء الله بس ادخلى بدرى شوية

[دودى اشرف]

انا جييييييييييت ... توته انتى هنا ولا خرجتى يا قمر
برنسيس ازيك .. عاملة ايه دلوقتى ؟؟ وشابفة البنات بتقولك يا لولو ... ده دلع ولا ايه ؟؟؟

[توتة السيد]

والله انا معملتش في الاول خالص

معنلتش غير اخر الخامس التحاليل وفعلا طلع عندي انميا ربنا يستر

[توتة السيد]

دودي حبي انا هنا انا هنا

[dr.princess]

ملك
والله هحاول ممكن ادخل بكرة على 5 ونص بتوقيت هنا
والمرة الجاية لازم تقوليلها وتعملى التحاليل ضرورى
اشوفك بكرة ان شاء الله

[توتة السيد]

سلام ياملاك ونلتقي بكرة علي خير ان شاء الله

[دودى اشرف]

توته ازيك يا قمر ... كنت عاوزة اسألك انتى اسمك الحقيقة ايه ... ولا فى تحفظ ؟

[dr.princess]

توتة
التحاليل من الاول كده احسن علشان تعرفى ايه المشاكل اللى عندك وتلحقى تعالجيها بدل ما تسيبى كل حاجة للاخر كده
واختى قالتلى لو مقلتش لازم انتى تطلبى منها بالذات علشان الانيميا لانها عندى من زمان
وفعلا طلبت منها وقالتلى تعالى بعد اسبوع ورحتلها فعلا عملت التحاليل واتطمنت الحمدلله لانى اخدت كورس حديد محترم قبل الحمل بس برده قلت ارتاح احسن

[dr.princess]

دودى
اه لولو دلع انا قلتلهم ينادونى بيه احسن برده من الاسم اللى مسجله بيه مش عاجبنى خالص

[dr.princess]

بناااااات
استأذن منكم شوية هروح اكلم ماما وابقى ارجعلكم
سلالالالالام مؤقت

[توتة السيد]

ازيك انتي حبيبتي العسل دودي

لا عادي مافيش مشكله اسمي نهاد

[توتة السيد]

هعمل ايه ظروف السفر واللخبطة دي مخلتنيش اعمل تحاليل في الاول بس اهي تعملت وخلاص واديني باخد حديد علشان الانميا وباكل عسل اسود واي حاجة فيها حديد وربنا يسترها ان شاء سبحانه

[توتة السيد]

اتفضلي يالولو

منتظرينك سلام مؤقت

[توتة السيد]

حبايبي معلش استأذنكم ربع ساعة بس وهرجعلكم تاني سلام مؤقت

لمدة ربع ساعة

[دودى اشرف]

عاشت الاسامى يا توته ... قصدى يا نهاد ..ههههههههه .. بس انا بحب اسم توته ... انا وصحبتى دايما ننادى بيه ..اتفضلى يا قمر

لولو اتفضلى حبيبتى وسلملنا عليها ..

[somia]

اجنين فى السبوع الخامس
http://forum.hwaml.com/imgcache2/hwaml.com_1287911080_929.gif


الجنين فى الاسبوع السادس

http://forum.hwaml.com/imgcache2/hwaml.com_1287911080_533.jpg

http://forum.hwaml.com/imgcache2/hwaml.com_1287911079_762.jpg

الجنين فى السبوع السابع

http://forum.hwaml.com/imgcache2/hwaml.com_1287911080_266.gif


قوليلى قادرة تشوفى حاجة
عارفة البتاعة البيضه اللي جوه الكيس الاسود هوه ده الجنين بس الصورة بتاعة الاسبوع السابع ده مهبلي .. بيتهيألي هوه كان حاجة شبه ده بس خاسس عن كده شوية .. ربنا يستر ودعواتك معايا

[دودى اشرف]

سمية ... ازيك يا قمر .. عاملة ايه انهارده؟؟

[somia]

الحمد لله .. معلشي اتأخرت أصلي كنت بذاكر اللي فاتني برضه...هههههههههههههه

[دودى اشرف]

ههههههههههههههه ... ربنا معاكى ... الموضوع ده فاشل .. بس المشكلة ان لو حدك سائل عليكى او سايبلك رسالة ولا حاجة بتبقى عاوزة تردى ... ربنا معاكى فى المذاكرة بس مش كتير الحمدلله هههههههههههههههههههههه

[توتة السيد]

انا جيت ازيك ياسومة عاملة ايه انهارده

يارب باحسن حال خف ضهرك والافرازات خلاص راحت طمنيني

[توتة السيد]

عشتي وسلمتي يادودي ياحبي اللي تحبيه ناديني بيه >>>>> والله حلوة الاغنية ههههه

[توتة السيد]

انتو مشيتوا ولا ايه

[somia]

انا هنا... كتبت رد أد كده وبعدين النت علق فاتلغى..اهئ اهئ اهئ

[توتة السيد]

معلش حبيبتي ولا يهمك المهم طمنيني عليكي

[somia]

الافرازات زي ما هيه بس الوجع عمال يروح ويجي مجرد ما بقوم من مكاني بنهج علطول بحس ان أنا هافطس من التعب ..ربنا يستر

[توتة السيد]

الف سلامة عليكي حبيبتي ماتخفيش ان شاء الله ربنا يسترها

بس انتي ارتاحي وماتجهديش نفسك في اي حاجة هي دكتورتك هترجع امتي

[somia]

ربنا يستر انا اللي بعمله اني باكل المثبت والفوليك وادخل الحمام وأصلي وأنام ..
السكرتير قال انها هترجع بعد أسبوعيييييييييين..
أنا بيتهيألي اني هتخانق معاها أما تيجي عشان تسافر من غير حتى ما تقول وهية قايلالي تعالي بعد أسبوعين يعني المفروض التليفون بتاع زوجي عندهم على الاقل السكرتير باشا ده يتصل ويقول يا جماعة الدكتورة جالها مؤتمر ... انا امبارح كنت بتخيل لو انا في التاسع وده ولاده كنت عملت ايه .. كان زمانها خدت شوية دعوات من اللي قلبك يحبهم

[somia]

انتي عارفة مع انها دكتورة شاطرة جدا وحترمة جدا جدا جدا بس انا بجد مش فاهمه هيه عملت كده ازاي ؟؟؟

[نولارا]

lمعلش ياسمسم يمكن السفر ده كان مفاجىء

[توتة السيد]

ربنا يسترها ان شاء الله ايوة ماتتعبيش نفسك في اي حاجة

اسبوعين حته وحده ليه في الصين ولا ايه بس هي ملهاش ذنب المفروض السكرتير هو

اللي يبلغ ان الدكتورة مش موجودة لمده اسبوعين

[توتة السيد]

هل بام احمد القمر عاملة ايه وعامل ايه احمد

[توتة السيد]

اكيد مابلغوش بغياب الدكتورة علشان يمكن تكون جايبة دكتورة

بديلة لها في العيادة لحد ما ترجع بيعملوا كده الدكاترة

[نولارا]

احمد بيسلم عليكم قاعد يمصمص فى ايدى
وانا ببوس فيه لحد ما يزهق ويعيط

[نولارا]

توته انتى قصدك على صورتى الرمزيه لالالالالالا ده مش احمد
انا كنت نزلتله صوره انتى ما شوفتيهاش

[توتة السيد]

ياروحي الله يسلمه ياناس ليه كده تخليه يعيط اجي اضرب ماما يااحمد علشان بتخليك تعيط ههههههههه ربنا يخلولك حبيبتي يارب ويخليكي ليه

[توتة السيد]

اه انا اقصد اللي في الصورة الرمزية مش مشكله اكيد احمد احلي طبعا

للاسف ماشفتش الصورة

[نولارا]

سميه انتى نمتى ولا ايه؟؟؟؟؟؟؟؟؟؟

[توتة السيد]

اظاهر سومة نامت فعلا الوووووووووو سومة

[somia]

معلشي يا جماعة النت هنج تاني

[somia]

توتة انا شفت أحمد وانتي لأ..
ماشاء الله عليه كان حتة سكرة .. يستاهل البوس ده يا نولار بس برضع بالراحة شوية مع اني بعمل كده مع ابن اخت زوجي وبنت صحبتي بس سيبك مني...هههههههههههههههه

[somia]

انتوا رحتوا فيييييييييين؟؟؟

[نولارا]

انا هنااااااااااااااا

[somia]

هوه مفيش حد غيري ولا إيييييييييه؟؟؟

[نولارا]

انا اهو
انا اهو انا اهو

[توتة السيد]

اهئ اهئ اهئ مليش دعوة انا عايزة اشوف احمد مليش دعوة اهئ هههههههه

ربنا يحفظه يارب

[توتة السيد]

انا هنا بس بقلب في النت شوية

[somia]

ازيك يا مامة احمد الباشا عامل ايييييييييييه؟؟؟؟
ههههههههههههههههههه

[نولارا]

توته هوا دلوقت ملحوس ونايم اصلا
وبعدين مش عاوزه اصوره بلبس البيت
اول خروجه ان شاء الله اصورهولك وانزل الصوره ومش هاشيلها غير لما تقولى انا شفتها

[نولارا]

سميه الباشا لسه نايم دلوقتى

[somia]

توتة صحيح مقولتليش عملتي ايه في كونان؟؟؟

[توتة السيد]

حبايبي معلش هستأذنكم جوزي عايز يتعشي اتفضلو معانا سلام وهرجعلكم باذن الله

[دودى اشرف]

ازيكم يا بنات .. حد خرج غير توته ولا موجودين ؟؟

[دودى اشرف]

نولارا انا كمان كنت فاكرة ان اللى الصورة الرمزية ده احمد علشان كده سألتك انتى اللى مصوراه ولا لأ ... ربنا يخليهولك فى كل الاحوال يا حبيبتى واكيد هو احلى من كده طبعا

[دودى اشرف]

سوما متقلقيش يا حبيبتى ان شاء الله فترة وتعدى ... ومعلش هو فى ناس وحمهم وحش اوى فى التلات شهور دول .. انتى بس ريحى نفسك على اد متقدرى وان شاء الله ربنا يسترها معاكى ومعانا جميعا يا حبيبتى

[dr.princess]

ازيكم يا بناااااااات

[نولارا]

ياسلام لولو جت لولو جت
ههههههههههه
صح النوم

[dr.princess]

نولارا
انا صاحية من بدرى صاحية الساعة 4 بعد العصر شوفى بدرى ازاى هههههههههههههه
بس عندى شد عضلى تقريبا فى كل جسمى انا اتشركت خالص يا رجالة هههههههههههه

[نولارا]

ولسه ولسه
جوزى بيقولى مفيش منطقه ما اشتكيتيش منى
والشد العضلى ده هاحكيلك عنه
بس احمد ياخد دش ونرجع هههه

[dr.princess]

نولارا
انا حاسة ان جوزى كرهنى على رأيك مفيش حتة ماشتكتش منها
هستناكى لما ترجعى
مش عارفة بيقولوا ايه فى حالة الدش ده هههههههههههههه بس حماية الهنا ان شاء الله

[ملاك بلا أجنحة]

السلام عليكم ورحمة الله وبركاته
أذيكم يابنات عاملين ايه؟؟؟؟؟
يارب دايما بخير
ألف سلامة عليكى ياسومة وربنا معاكلى ياحبيبتى
وخلى بالك على نفسك كويس
وأرتاحى شوية من المجهود

فكرة حلوة أوى اوى يارنا اللى أنتى قولتيها
أن أحنا نأخد أميلات بعض
ياريت لو حد رضى يعرفنى
علشان نتكلم كلنا مع بعض فى وقت واحد

مريسى أوى يا جماعة لكل اللى سأل عليا
وياملوكة مفيش اسف بين الأخوات
أنتوا لو مش غالين عندى مش كنت زعلت صح

أوكى يابنات انا موجودة لو حد دخل

السلام عليكم ورحمة الله وبركاته

[نولارا]

لولو احنا رجعنا
بيقولوا حمام العافيه
عقبال حمام العروسه هههههههههههه
يالا اجوزه وهى تحميه وتربيه

[dr.princess]

نولارا
هههههههههه ماشى ياستى حمام العافية بس خدى بالك لو محمياه بمية سخنة عشان بعيد الشر ميخدش برد

[نولارا]

الباشا بيرضع وعيونه بتغمض ماقولتليش انتى بتعملى ايه

[dr.princess]

نولارا
ماهى دى اخرة تربية الصبيان تفضلى تربى وتتعبى وفى الاخر اول ما يتجوز ولا بيعرف حد
اما مفيش زينا احنا البنات الولاء الكامل لمامتنا هههههه

ربنا يخليهولك يارب وتفرحى بيه

[نولارا]

ياستى المهم تدلعه وتحطه جواااااااا عينيها

[dr.princess]

مبعملش اى حاجة
عندى غسيل مواعين ومكسلة اقوم اعملها همووت من الكسل اليومين دول

بس من شوية كده كنت فاتحة الفيس بوك ولقيت صفحة رهيبة اوى اوى فيها شوية حاجات مفيدة اوى ونصايح للبيت
الرابط بتاعها اهو لو عايزين تشوفوها
http://www.facebook.com/the.perfect.houswife

[dr.princess]

ملاك
ازيك فين الغيبة اخبارك ايه انتى والنونو ؟؟

[نولارا]

احكيلك بقى عن موضوع الشد العضلى
انا اول ما دخلت التاسع خالد استلمنى
يرجع من الشغل يالا البسى عشان ننزل نتمشى
كل يوم ساعه مشى لما كنت بصحى من احلاها نومه بصاصى من الشد اللى فى رجلى ومش كانت بتخف غير لما انزل من السرير وااقف على الارض
تخيلى حتى وقت ال.......وفى عز المعمعه كانت بتشد عليا لما خنقته على الاخر
واللى زاد وغطى بقى يوم الولاده
خلاص كل حاجه جاهزه والدكتوره هتفتح كيس الميه
وانا اقولها استنوا وقفونى الاول رجلى مش قادره عايزه اقف
الدكتوره قالتلى هو ده وقته وقعدت تضحك هى والممرضات

[ملاك بلا أجنحة]

ملاك
ازيك فين الغيبة اخبارك ايه انتى والنونو ؟؟
الحمد لله يابرنسيس

كويسة والبيبى بخير أنتى عاملة أيه؟؟
وأخبار البنبينو بتاعك أيه
مش كنت غايبة ولا حاجة بس كان شوية تعب كدهhwaml8
والحمد لله على كل شىء

[dr.princess]

هههههههههههههه ضحكتينى والله
الشد العضلى ده جالى شوية الشهر اللى فات وراح بعد ايام ورجع جالى امبارح بس علشان انا عملت مجهود زيادة شويتين ( كنت بعمل حملة تنظيفية لنفسى هههههههههههه اكيد فهمتينى ) فلما خلصت ماقولكيش ايه اللى فى ظهرى ورجلى وغالبا تعب الشهر اللى فات ممكن يكون لنفس السبب برده
حتى لما جوزى رجع مكنتش قادرة امشى وكنت بصوت من التعب بس اعمل ايه ضريبة انك بنت بقى يللا الحمد لله على كل حال

[dr.princess]

ملاك الف سلامة عليكى يارب ماتشوفى وحش ابدا
انا كويسة والله الحمد لله ايام كده ان شاء الله واروح اكشف علشان اطمن على البلية اللى جوه ومبهدلانى يارب الاقى كل حاجة تمام

[نولارا]

الحمله التنظيفيه برضه هتبقى اصعب لما بطنك تكبر
هتضطرى تعملى حركات بهلوانيه

[ملاك بلا أجنحة]

معلش ياحبيبتى وألف سلامة عليكى
أنا كمان بيجيلى الشد العضلى ده وببقى هموت منه
ربنا يعدلنا الكام شهر اللى جاين على خير
بأذن الله

أذيك يانورا عاملة أيه وحماده عامل أيه
بسهولى وبقولك لوأن شاء الله عرفت أنى حامل فى بنوتة أحجزيلى أحمد من دلوقتى
هههههههههههههه ربنا يخلهولك

[نولارا]

ملاك
عامله ايه انتى والنونو

[ملاك بلا أجنحة]

بأذن الله ياحبيبتى هيكون
كل حاجة تمام وتتطمنى وتطمنينا

[نولارا]

والله احنا هنشوف البنانيت بتوع الدردشه كلهم بعدين نرد عليكم
وطبعا اللى هتجيب الشبكه والشقه وتدفع المهر ليها الاولويه

[ملاك بلا أجنحة]

الحمد لله تمام ياقمرى قولولى بقى
ياطمطم علشان مش يبقى فى لغبطة بينى أنا وملاك أوكى
أه كنت عاوزة اسأل على حاجة ؟؟؟؟؟؟؟؟؟؟ ممكن

[dr.princess]

نولارا
والله انا من اول الحمل وانا بعمل حركات بهلوانية بخاف انى اعمل اى حاجة وتضر البيبى وكده المشكلة ان بطنى بتشد عليا اوى وببقى خايفة بس اعمل ايه مفيش غنى عن النظافة
والحاجة اللى كانت بتاخد دقيقة بقى بتاخد 10 ذل والله

[dr.princess]

طمطم
انتى لسه معرفتيش انتى حامل فى ولد ولا بنت ؟؟؟

واى سؤال اتفضلى خدى راحتك ؟؟

[نولارا]

اسالى ياطمطم

[ملاك بلا أجنحة]

معلش ياحبيبتى بس ممكن تبقى تعملى شويه
وتريحى شوية علشان
مش تبقى خانقة البيبى ماشى
أنا والله تعبانة من الموضوع ده
خصوص أنى بقيت فى السادس
وبطنى كبرت ف الموضوع بقى صعب شوية
وغير كده أنا مش بحب أعمل بأى حاجة تانية
هى السويت وبس

[ملاك بلا أجنحة]

ماشى ياحبيبتى أنا دخلت الشهر السادس
من 4 أيام وبيجيلى أنقباضات فى الرحم
مؤلمة جدا جدا
ومش عارفة من أيه ياعنى بتستمر معايا حوالى 20 ثانية
وترجع مثلا بعد كاااااااام ساعة
وأنا بصراحة خايفة ف ده طبيعى وبيحصل فى الشهور ده
ولا فى خطر لا قدر الله

[dr.princess]

طمطم
والله لما سألت ماما قبل كده قالتلى خدى وقتك وشوية وريحى وشوية وريحى بس قلت اللسعة دى مش هستحملها تانى ولو ريحت هكسل اكمل وانا هكشف خلال ايام ولازم يبقى كله تمام

لا انا بعمل ايدى ورجلى بالبراون ومن تحت بس بالسويت لان المكنة صعبة مووووووووووووووت هناك

وامبارح بقى افتريت رجلى وتحت فجسمى كله وقف

[dr.princess]

طمطم
والله مش عارفة
بس ليه مروحتيش للدكتورة وسألتيها هى اكيد هتقدر تفيدك عننا

[نولارا]

بصراحه انا محصلش معايا كده
واخاف اقلقك وتطلع حاجه عاديه
بس الاسلم انك تسالى دكتورتك
انتى ميعاد متابعتك امتى؟

[ملاك بلا أجنحة]

لسه والله ياحببتى مش عارفة
كل ما أروح للدكتورة تتطمن عليا وعلى البيبى
بيبقى سورى ياعنى قافل رجليه
والدكتورة بتحاول معاه كتير
بتعد تلعبوا بالسونار
وهو ياختى ابدا برضو يلف ورجلة مقفوله
محترم ياعنى هههههههههه
أدعيلى المرة الجاى أعرف بنوتة ولا ولاد

[نولارا]

لولو
ليه كده مع ان السويت كويسه بالاخص فى ال ايد والرجل
يالا اعملى اللى يريحك
انا فى الشهر التاسع اتهريت لانى كل كام يوم لما يطلع كام شعرايه اخاف احسن اولد وانا كده

[ملاك بلا أجنحة]

هى المتابعة أول شهر 11
بس أنا بفكر اروحلها بكرة بقى
مدام مفيش حد عارف عن حاجة زى كده
وعلشان أطمن برضو


مرحتش الفترة اللى فات يابرنسيس لأن الدكتوة كانت فى أمريكا
بس هى جات من أول أمبارح

[dr.princess]

نولارا
والله اتعودت على البراون من سنين بستعملها وكنت بخاف من السويت
وجيت ليلة الفرح مكنش فى وقت ولسه اهم جزء فاضطريت استعمل السويت أسرع ولقيتها ارحم كتيييييير لتحت

[ملاك بلا أجنحة]

أنتوا رحتوا فين يابنات
لو عندكو اميلات نتكلم عليها أحسن
أيه رأيكم؟؟؟؟

[dr.princess]

طمطم
مادام دكتورتك رجعت يبقى الاحسن تروحى تشوفى الموضوع ده
وكمان بالمرة ان شاء الله ترتاحى وتعرفى بنت ولا ولد

[ملاك بلا أجنحة]

أن شاء الله ياحببتى
هروح بكرة بأذن الله

[ملاك بلا أجنحة]

أيه يانورا انتى روحتى فين
أحمد صحى ولا أيه؟؟؟؟؟

[dr.princess]

ممكن تكون بتنيمه ولا حاجه

[ملاك بلا أجنحة]

أنتى شكلك تعبانة أوى ياحبيبتى
حاسة انك مش قادرة تكتبى خاااااااااااالص

[نولارا]

ايو كان بينام وصحى
ودلوقت هسيبكم عشان
خالد رجع
لو احمد سهر وابوه نام هارجعلكم تانى

[ملاك بلا أجنحة]

ماشى يا قمر
مع الف سلامة

[dr.princess]

هنستناكى يا نورا لو قدرتى ترجعى تانى

وانا كمان معلشى يا طمطم هقفل شوية علشان مش قادرة خالص بس هرجع تانى لو سهرانة

[ملاك بلا أجنحة]

أوكى ياحبيبتى ولا يهمك
أهم حاجة راحتك ياقمرى
أنا موجودة لو دخلتو تانى

[ملاك بلا أجنحة]

ماشى ياشباب
الكل كده شكله مش موجود
ونورا وبرينسيس شكلهم ناموا
أنا كمان هقوم عندى أطباق هغسلها
وأخد شور وأنام
تصبحوا على خير

[ام عبدالمجيد00]

ازيك ياام عبده اخبارك ايه ربنا يخليهولك حبيبتي اخبار الحمل ايه معاكي

انا تمام يا قمر الحمد لله ماشي الحال بس بطني كبرت اكني فالخامس حاجه غريبهhwaml15

[dr.princess]

ازيكم يا بناااااات
ام عبدالمجيد ازيك
على سيرة البطن ماما لسه بتقولى على النت ورينى بطنك كده اشوف كبرت اد ايه قلتلها ياستى لا كبرت ولا حاجة بس هى فى الاخر صممت انى بطنى كبرت احتمال مش عارفة ههههههههههههه
معلشى انا نسيت انتى فى الشهر الكام ؟؟

طمطم
مانمتش ولا حاجة بس كان عندى شوية حاجات فى البيت خلصتها ورجعت

[ملاك بلا أجنحة]

أنا جيت يابنات

[dr.princess]

وانا هنا مستنية

[ام عبدالمجيد00]

انا في اول التالت يا قمر
سميه عامله ايه طمنيني عليها ةانا بصراحه بطلغبت مش بعرف اقرا الي بيفوتني

[ام عبدالمجيد00]

هاي يا ملاك عامله ايه

[ملاك بلا أجنحة]

ربنا يكملك على خير أم عبد المجيد
ويقوينا يارب

ويكملنا على خير كلنا
ونفرح بأولادنا

أنت عايشة فين يابرنسيس

[ملاك بلا أجنحة]

الحمد لله ياحبيبتى تمام
تسلميلى وأنت عاملة أيه وأخبار البنبينو بتاعك ايه
يارب دايما على طول بألف خير

[توته توته]

مساء الفل :)

ازيكو يا بنانييييييت

[dr.princess]

انا دلوقتى عايشة فى المدينة المنورة

سمية دلوقتى احسن شوية هنى راحت لدكتورة غير بتاعتها بس علشان تتطمن شوية على ما دكتورتها ترجع من السفر وتطمنها اكتر

[ام عبدالمجيد00]

ملاك انتي منين من مصر وده اول حمل ليكي

[ملاك بلا أجنحة]

هاى توتيا
أخبارك أيه
شكلى أنا هنا لوحدى

[ملاك بلا أجنحة]

أه ياحبيبتى ده أول حمل ليا
أنا فى الشهر السادس
أنا من حلوان
بس حاليا عايشة فى القليوبية/شبين القناطر
لو حد طبعا يسمع عنها

[dr.princess]

ايوه اكيد نسمع عن شبين القناطر
بس معرفش حد ساكن هناك

[ملاك بلا أجنحة]

ليه كده بقى زعلتينى يابرنسيس
أنت أكيد ليكى حد فيها
مش كفاية انا والبيبى فيها ولا أيه
ههههههههههه

[ملاك بلا أجنحة]

تصبحوا على خير يابنات
معلش يابرنسيس انا هقوم أنام بقى
لا أله الا الله محمد رسول الله.

[dr.princess]

طمطم
لالالا انا قصدى انى مكنتش اعرف حد بس دلوقتى بقى لينا فيها ظهر خلاص هههههههههههه

ماشى يا حبيبتى تصبحى على الف خير

[MALAK2010]

صباح الخير يا حبايبى
وحشتونى ماعتدش ينفع كدة تناموا طول النهار وتصحوا طول الليل hwaml15 انا غيرااااااانة hwaml78hwaml79hwaml85 اوووووووووى بس انتوا بتحبونى hwaml78 مش كدة وبتفتقدونى صحhwaml78؟؟؟؟؟؟


لولو: ازيك يا قلبى وحشتينى اوى امتى هترجعيلى تانى انتى وسمية الصبح اهئ اهئ اهئ

الف سلامة عليكى من الشد العضلى ربنا يقوينا مش بقولكم البنات متبهدلة من اصغر حاجة لاقل حاجة يعنى يجيلنا شد عضلى من النظافة ربنا يقوينا هههههه

بقولك يا جميل هى اية اضرار الانيميا دى اصلى مش باكل الحاجات اللى فيها حديد طول عمرى حتى العسل الاسود كنت باخدة بس بقالى كتييييير ما اخدتوش


سمية:يارب تكونى اطمنتى شوية من الصور عارفة جوزى مادخلش معايا فى السونار الاخير ممنوع عند الدكتورة دى لما طلعت قعد زيك يسالنى شكلة اية وكبر ولا لاء واوصفية قلتلة ماعرفش مش فاهمة اصلا هو فين زعل منى بس زى ماانتى شايفة مش باين حاجة


توتة :ازيك يا قلبى عاملة اية هو توتة دة اصلا الدلع بتاع نهاد ؟؟؟؟اصلى اى حد بحبة بقولة يا توتة الاسم لف على ماما وجوزى بس بقولهم انا هسحب اللقب وهعطية لحبيب قلبى (النونو) فجوزى يقولى دى اخرتها هههههههههههههه ولسة ياما هنشوف (بيغيروا اوى )


على فكرة جوزى سال فى اتصالات قالة ايوا احنا قافلين فى الشات الصوتى بس فاتحين فى الكونفرنس بس الكونفرنس صوتة ردئ اوووى


دودى :ازيك يا قمر يارب تكونى بخير انتى والنونو ما قولتيش اشتريتى اية للنونو اخر مرة وخلصتى ولا لسة


نولارا: ازيك يا حبيبتى وازاى احمد كلهم فاكرين ان اللى فى الصورة الرمزية يبقى احمد
احنا مستنين الصورة الجديدة ربنا يباركلك فى عمرة


طمطم: ازيك يا حبيبتى ياااارب تكونى اطمنتى من الدكتورة ابقى طمنينى

[MALAK2010]

انا خارجة كنت عاوزة اطمن علييييييييييييييييييييييكم سلااااااااااااااااااااااااام

[dr.princess]

ملك
استنى انا صحيت خلاص

[dr.princess]

انا مش مصدقة ايه ده طول اليوم محدش صحى ودخل غير ملك بس
من امتى الكلام ده
اصحوااااااااااااا بقى

[dr.princess]

ملك
انتى كمان وحشتينى بس اعمل ايه ده انا اصلا بنام 7 او 8 الصبح

على موضوع الانيميا ده هقولك على الاعراض العامة اللى بتحصل لو حد عنده انيميا وانا طبعا حافظاها عن ظهر قلب وعايشة معاها من زمان
الاعراض هو الاحساس بالاجهاد من اقل مجهود والاحساس بالدوخة والخمول وضعف عام وخفقان فى القلب وفى ناس تقول انه بيعمل تساقط للشعر ولو نيميا جامدة شوية بيعمل اصفرار جامد بيبقى ملحوظ اوى وغالبا كل الاعراض دى موجودة فى الحمل بس الانيميا بتزودها اكتر
بالنسبة بقى للحامل البيبى بيحتاج حديد ولما ميلاقيش حاجة فيها حديد واصله ليه فيسحبه من الام زى الكالسيوم بالظبط ( ربنا يسترها علينا ) فيبدأ نسبة الحديد عند الام تنزل فتبدأ تضعف وتتعب أكتر وبالنسبة بقى للأضرار اللى بتحصل ان لو نسبة الحديد نزلت اوى فبتخلى البيبى ينزل وزنه قليل او ممكن يعمل ولادة مبكرة لا قدر الله او لا قدر الله بتحصل للام نزيف وقت الولادة مش عايزة اخضك بس هو ده اللى اعرفه
ولو انتى شاكة ان عندك انيميا انصحك تروحى لاى معمل او مستشفى جنبك مش لازم اللى بتتابعى فيها وتعملى تحليل هيموجلوبين او صورة دم كاملة علشان تتطمنى

[dr.princess]

ملك
فى حاجات كتير فيها حديد غير العسل الاسود مع انه طعمه جميل اوى والله يعنى مثلا السبانج دى فيها كمية حديد معتبرة
ودورتلك برده على النت ولقيت الحاجات دى
اللحمة الحمراء والفراخ و الشوفان والعدس والفاصوليا والزبيب و طبعا اكيد عارفة ان الشاى والقهوة بيمنعوا امتصاص الحديد فطبعا تبعدى عنهم

[MALAK2010]

انا جيت تانى جوزى هيتاخر شوية

[MALAK2010]

لولو انتى فيييييييييييييييييييييييييين ادخلى بقا
انا اول ماعرفت ان جوزى هيتاخر قلت ادخل ممكن الاقيكم
انتم وحشييييييييييييييييين

[dr.princess]

ملك
انا جيت تانى خلاص
انا بس لما لقيتك خرجتى فقلت اخرج انا كمان

[MALAK2010]

اخيرا اااااااااااااااااااااااا
وحشتينى اووووووووووووووووى
انتى عاملى ايو والشد العضلى خف شوية والنونو عامل اية

[dr.princess]

ملك
انت كمان واحشانى اوى
والله جسمى كله واجعنى جدا مش عارفة مالى كده حاسة بتكسير رهيب عايزة حد يشدنى من ايدى ورجلى عشان اتصلح شوية او ممكن اتفرد مش عارفة هههههههههههه بس غير كده الحمد لله

[توتة السيد]

توتة :ازيك يا قلبى عاملة اية هو توتة دة اصلا الدلع بتاع نهاد ؟؟؟؟اصلى اى حد بحبة بقولة يا توتة الاسم لف على ماما وجوزى بس بقولهم انا هسحب اللقب وهعطية لحبيب قلبى (النونو) فجوزى يقولى دى اخرتها هههههههههههههه ولسة ياما هنشوف (بيغيروا اوى )

هههههههههههه ولا يمت لنهاد بصلحة ههههههه

بس كله بيدلعني بيه اهلي واصحابي وجوزي احيانا بيندهني بيه

اصلي بيدلعني بأسم تاني خاص بيه هو

انتي هتقولي الغيرة دي حاجة صعبة ههههههه

عاملة ايه ياحبي اخبارك ايه واخبار النونو ايه يارب بالف خير

[MALAK2010]

الف سلامة يا قلبى وشكرا على المعلومات بتاعت الانيميا ربنا يستر

بس غريبة ماحدش دخل خالص النهاردة يارب يكونوا بخير

[توتة السيد]

لولو ياقمر ازيك عاملة ايه الف سلامة عليكي من الشد العضلي طمنيني عليكي

امال البنات كلهم نايمين ليه كده من الصبح دخلت اكتر من مرة ومالقتش حد انتو سهرتوا ولا ايه امبارح

[MALAK2010]

توتة:نورتينى عاملة اية يا قلبى وحشانى اتاخرتى فى الدخول النهاردة لية
انا الحمد لله كويسة

[dr.princess]

انا طبيعى كنت سهرانة بس مش عارفة فين باقى البنات من الصبح
انا برده مستغربة

[MALAK2010]

هتروحى امتى يا لولو للدكتورة

[توتة السيد]

يارب دايما حبيبتي بالف خير والله الصبح كنت تعبانة شكلي داخلة علي نزلة برد وعنيا علي اخرهم وجسمي مكسر بس علي الساعة 4 دخلت ملقتش حد وخرجت تاني

[dr.princess]

توتة
اخبارك ايه
الله يسلمك ياحبيبتى

[توتة السيد]

الحمد لله يالولو ربنا يخليكي

[MALAK2010]

توتة :الف سلامة يا حبيبتى خدى بالك من نفسك ويارب يطمنا عليكىهو يبنفع تشربى ليمون او برتقال
لو ينفع اشربى منة علشان البرد

[dr.princess]

ملك
والله كنت عاملة حسابى اروح النهاردة للدكتورة
بس جوزى اتأخر واصل البيت بعد 6 و على ما فطرنا او اتعشينا مش عارفة هههههههههه كانت فيها 7 ومكنتش هلحق انام واصحى ( الدكتورة موجودة من الساعة 10 :12)
ان شاء الله تظبط واروح اليومين دول

[MALAK2010]

توتو: شيلتى لية صورة الولد القمر من التوقيع

[dr.princess]

توتة
الف سلامة عليكى حبيبتى
وحافظى على نفسك من التكييف هو سبب المصايب كلها

[MALAK2010]

لولو:معادها صعب اوى عليكى بس حاولى تروحى علشان تتطمنى

اسيبكم بقا جوزى جة سلاااااااااااااااااااااااااااااااام

[توتة السيد]

توتة :الف سلامة يا حبيبتى خدى بالك من نفسك ويارب يطمنا عليكىهو يبنفع تشربى ليمون او برتقال
لو ينفع اشربى منة علشان البرد

الله يسلم قلبك حبيبتي تسلمي يارب

والله بخاف منها نزلة البرد بتلزق زي الجراده وبتقعد معايا شهر ربنا يستر

اه ياحبي ينفع والله اديني شغالة ليمون وبرتقال علي طول

[dr.princess]

ملك
مع السلامة حبيبتى ولو رحت للدكتورة اكيد هقولك ان شاء الله

[توتة السيد]

والله ياملاك اصلي الصورة كبيرة

وبتهنج لمابتحمل الصفحة فشلتها بس مادام عجباكي انزلها تاني من عيوني ياحبي

[توتة السيد]

توتة
الف سلامة عليكى حبيبتى
وحافظى على نفسك من التكييف هو سبب المصايب كلها


الله يسلمك حبيبتي يارب تسلمي

اه والله التكيف هو السبب الواحد ياخد شور ويطلع علي التكييف علي طول

وهو مصيبة

[توتة السيد]

سلام يملك ولو اني كان نفسنا نقعد معاكي اكتر من كده

[توتة السيد]

لولو قاعدة ولا مشيتي

[dr.princess]

موجووووووووووووووودة

[توتة السيد]

اخبار اهلك في مصر عاملين ايه

وابن اختك العسل بتكلميه

[dr.princess]

توتة
الحمد لله كويسين والله انا حتى بكلم ماما دلوقتى
ابن اختى هيمه والله مبقتش اكلمه كتيير زى الاول بس لما بكلمه اول ما اقوله ازيك يبدأ الاعترافاااااات بكل اللى حصل من اخر مكالمة هههههههههههههه فضايح رسمى

[توتة السيد]

http://forum.hwaml.com/imgcache2/hwaml.com_1288023772_139.jpg


شوفوا صورة الرايق ده ولا كاني عايش حياته

هههههههههههههههههه

[توتة السيد]

يارب دايما بالف خير سلميلنا علي ماما ربنا يخليهالك

ههههههههههه ياروحي عسل مش بيشكيلك طيب هيعمل ايه

ربنا يحميه ويخليه

[توتة السيد]

استأذنكم جالنا ضيوف سلام مؤقت

[dr.princess]

هههههههههه
يشتكى ايه يابنتى ده بيفضح نفسه
يعنى مثلا مرة قالى الابلة ميرفت زعلت منى اقوله ليه يا هيمو قالى علشان ضربتها ومرة تانية بابا احمد ضربنى ليه يا هيمو علشان زعلت ماما ومرة تانية الواد محمود عضنى ليه يا هيمو علشان كنت عايز اخد منه السيبشى خدتى بالك من السيبشى دى مسخرة ههههههههههههههههه

[dr.princess]

توتة
خلاص ماشى حبيبتى ولا يهمك
خدى راحتك انا مستنياكى

[همس الايمان]

همس ألف مبارك عليكي الاستاذ عمر ربنا يجعلهولك ذرية صالحة اللهم اااااااااااامين


اللهم أمين
أختى الغالية سمية
أشكرك أختى وعقبال حوامل المنتدى

[توتة السيد]

انا جييت حد موجود لولو موجودة

همس الايمان مبروك حبيبتي قدوم عمر ربي يحفظه ويتربي بعزكم والف حمد لله علي السلامة

[همس الايمان]

الف مبرووووووووووك يا همس .. يتربى فى عزك انتى وباباه ان شاء الله وعقبالنا جميعا يا رب ... انا كمان ان شاء الله ناوية على عمر بس سبقتينى بقى ربنا يباركلك فيه يارب .


أختى الغالية دودى يارب يكرمك بعمر ويكون فى صحة وعافية
ويكون من الصالحين باٍذن الله

[رنا خالد]

هو مافيش حد هنا ولا ايه

[توتة السيد]

ازيك يارنا انا ملطوعة هنا من بدري اني حد يدخل مافيش انتوا كنتوا فييييييييييين

[توتة السيد]

رناااااااااااااااااااااااااااااا

[رنا خالد]

توته والله كنت فاكره اني لوحدي هنا
انتي عامله ايه وازي النونو

[توتة السيد]

حمد لله علي السلامة اهو انهاردة في ايه البنات مختفية كده ليه لحسن يكون عيد الاختفاء الثانوي وحنا ماحسنش ههههههههههههه الحمد لله حبيبتي بخير ربنا يخليكي والنونو الحمد لله بخير

انتي عاملة ايه وعاملة ايه التنينة الصغيرة بتعتنا القمر دي شغالة بوكس وشلليت ههههههههه

[توتة السيد]

رنا انتي مشيتي

[dr.princess]

ازيكم يا بنااات

[dr.princess]

انا مش شايفة سمية دخلت النهاردة يارب مايكون فى حاجة وحشة
وكمان دودو و دودى و نورا مدخلوش النهاردة مع انهم شبه يوميا بيبقوا موجودين
وباقى البنات فييييييييييين

[توتة السيد]

ايه يالولو انتي فيييين من بدري

[توتة السيد]

انا لسه كنت بقول لرنا دلوقتي بجد البنات مختفيين

انهارده مش عارفة ليه يارب يكون خير ونطمن عليهم

[dr.princess]

انا فضلت موجودة شوية كتيييير لوحدى فقفلت

[توتة السيد]

مش عارفة انهارده كلهم نايمين خالص ربنا يطمنا عليهم انتي عاملة ايه

[dr.princess]

توتة
انا الحمد لله كويسة والله
هموووت واروح اكشف بقى كده اتأخرت اوى بس مواعيد جوزى ملخبطة ربنا ييسرها كده ونروح قريب ان شاء الله

اخبارك انتى ايه واخبار النونو ؟؟

[توتة السيد]

يارب دايما بخير حبيبتي

معلش ربنا يسلر الحال وتروحي تكشفي وتطمني وطنينا حبيبتي

انا الحمد لله بخير ربنا يخليكي والنونو بخير الحمد لله

[رنا خالد]

ياجماعه ماتعرفوش ايه اخبار سميه لحسن بقالها يومين مابتدخلش يارب خير

[dr.princess]

توتة
انا بس عايزة اروح اتطمن انا كده بكرة يبقى اخر مرة كانت من 5 اسابيع

[توتة السيد]

ولله يارنا مش عارفين وقلقنين عليها لسة لولو بتقول

مادخلتش ربنا يطمنا عليها وعلي باقي البنات

[dr.princess]

رنا
ازيك عاملة ايه انتى والبنوتة ؟؟

والله تقريبا النهاردة يوم الغياب العالمى للبنات

[توتة السيد]

يعني من شهر واسبوع تقريبا

مش مشكلة انا لما جيت هنا جديد قعت كده برضه وبعد كده رحت كشفت ان شاء الله تروحي وتطمني

[dr.princess]

توتة
ان شاء الله بس القلق بقى نعمل فيه ايه
وجات ماما بكلمها قعدت تهدى النفوس هههههههههه وقعدت تقولي اوعى تسكتى على نفسك لازم تروحى تكشفى متكسليش وخليكى وراه لغاية ماتروحوا وكلام من ده بقى

[رنا خالد]

قولولي ياجماعه انتوا اتوحمتوا علي ايه؟

[dr.princess]

رنا
انا متوحمتش على حاجة معينة يعنى نفسى تروح لحاجات كتير وابقى نفسى فيها بس مش حاجة واحدة بالذات

[ملاك بلا أجنحة]

السلام عليكم ورحمة الله وبركاته
أذيكم يابنات عاملين أيه
أنا روحت للدكتورة أنهاردة
وطمنتنى على البيبى
وقالتلى أن شاء الله أحتمال كبير
حامل فى بنوتة
أنا فرحانة أوووووووووى
وقالتلى على الأنقباضات أنها عادى فى الشهر ده
لأنى حساسة أوى لأن الرحم بيكون بيستعد
لو حصل ولادة فى السابع
وعن الضغط الواطى
قالتلى أحسن أنه واطى
لأن الأم المصابة بالضغط العالى
البيبى أول ما يتولد
بيدخلوا حضانة على طول
ف الحمد لله أنى أطمنت
وحبيت ياعنى أطمنكم أنتوا كمان
أوى بس بجد وحشتونى

[رنا خالد]

كويس ياملاك انك اطمنتي علي البيبي
وياتري حابه تسمي البنوته ايه؟

[gogo]

السلام عليكم ورحمة الله وبركاته
ازيكم ياحوامل مصر ايه اخبار الحمل

[dr.princess]

طمطم
الحمد لله انك اتطمنتى وعرفتى انها بنت
وزى ما قالت الدكتورة الضفط الواطى ارحم الف مرة من العالى بس برده الضغط الواطى بيعمل هبوط ودوخة وانا على طول ضغطى واطى بس لو كلتى حاجات حادقة زى مثلا جبنة رومى ومخلل وحاجات زى كده بترفع الضغط شوية بس برده متكتريش علشان الاملاح
وان شاء الله مايكون فيكى الا العافية ان شاء الله

[dr.princess]

ايه ده وجه جديد معانا
جوجو احنا الحمد لله كويسين
انتى عاملة ايه عرفينا عليكى اكتر

[gogo]

انا من مصر بس مش عايشه فيها الوقتى مسافره
بشفكوا كتير تتكلموا هنا قلت اجى معاكم
الواحد لما بيخرج من مصر بيعرف قيمه انه يلاقى حد مصرى

[dr.princess]

gogo
اهلا بيكى معانا امال انتى عايشة فين دلوقتى ؟؟
والله عندك حق الواحد مابيصدق يلاقى واحدة مصرية يتكلم معاها كان نفسى الاقى جارة مصرية بس للاسف مالقيتش

[gogo]

انا ف قبرص
السعوديه مليانه مصرين اكيد هتقابلى حد ان شاء الله
بس العيشه ف السعوديه اسمع انها صعبه شويه صح

[dr.princess]

جوجو
فى قبرص ماشاء الله دى جديدة علينا فى المنتدى
اه فى مصريين كتير بس انا اللى ساكنة فى حتة غريبة كده وبعيد عن المصريين او على الاقل المصريين اللى يعرفهم جوزى
السعودية بس صعبة فى قلة الخروج للسيدات هنا يعنى انا مستحيل اخرج من غير جوزى ابدا وكمان فى لبس النقاب حاجة وحشة اوى على الاقل بالنسبة ليا باتخنق منه ولو فكرت اخرج وانا مش لابساه بحس ان الناس كلها بتتفرج عليا بتبقى حاجة غريبة عنهم فباخدها من قصيرها والبسه احسن

[gogo]

انا فعلا اسمع ان موضوع الخروج ده صعب
انتى دكتوره ف ايه

[dr.princess]

انا صيدلانية

[gogo]

اها يعنى هنستفاد منك اى استفسار هسالك hwaml10

[dr.princess]

ياستى ولا يهمك خدى راحتك
بس يارب ابقى افتكر هههههههههههههه

[dr.princess]

معلشى يا حبيبتى هروح اريح شوية ظهرى هيتكسر بس هحاول ما انمش قبل ما جوزى يرجع
اشوفك بكرة ان شاء الله

[gogo]

ريحى مش المفروض تتعبى ضهرك خالص
ربنا معاكى ويقومك بالسلامه
وان شاء الله اشوفك بكره

[dr.princess]

اه ياااااانى يا سهرانة لوحدى يااااااااانى

[ملاك بلا أجنحة]

كويس ياملاك انك اطمنتي علي البيبي
وياتري حابه تسمي البنوته ايه؟

أذيك يارنا ياحبيبتى أخبارك أيه
أنت يارب بخير دايما
أن شاء الله نفسى أوى
أسمى لأما (ملك/ليالى)
أن شاء الله بس هى تيجى بالسلامة بأذن الله
عقبالك ياقمرى

[ملاك بلا أجنحة]

طمطم
الحمد لله انك اتطمنتى وعرفتى انها بنت
وزى ما قالت الدكتورة الضفط الواطى ارحم الف مرة من العالى بس برده الضغط الواطى بيعمل هبوط ودوخة وانا على طول ضغطى واطى بس لو كلتى حاجات حادقة زى مثلا جبنة رومى ومخلل وحاجات زى كده بترفع الضغط شوية بس برده متكتريش علشان الاملاح
وان شاء الله مايكون فيكى الا العافية ان شاء الله


الله يخليكى يالولو
ويبعد عنك أى شر ياحبيبتى
ويطمنك على البيبى
عن قريب بأذن الله


ملاك/ مريسى على سؤالك ياقمرى
ربنا ميحرمنيش منك أبدا
ويخليكى أنتى وكل البنات ياااااااااااارب



جوجو/ أهلا بيكى فى وسط اخواتك
وأن شاء الله مش تحسى بغربة بينا
بأذن الله