دردشة حوامل مصر - دردشة بنات مصر - تجمع حوامل مصر

[dr.princess]

طيب ولقيتى سراير حلوة ؟؟؟
كويس انك لقيتى محلات حلوة علشان بعد كده وكمان لو هتكملى حاجة النونو قبل ما هتنزلى
انا برده فى محل هنا سمعت انه كويس والبنات فى تجمع المدينة قالولى ان فيه حاجات حلوة ربنا يسهل واشوفه كده

[dr.princess]

انا كمان لسه مش عارفة هعمل ايه فى حكاية السرير دى ربنا ييسر الحال

[MALAK2010]

بس لسة ماقررتش اجيب السرير العادى ولا ابو ادراج
بقول اللى بادراج حلو وعملى لان الدولاب على ادى انا وجوزى لو كنت فى مصر ماكنش هيفرق بس هنا الدولاب اضيق من دولاب مصر

بس لسة برضة ممكن اجيب سرير عادى واجيب الادراج منفصلة لس عاوزة اقيس المكان واشوفة هيكفى ولا لاء
لان لو طلع المكان ضيق هجيب السرير العادى واحطة واجيب الادراج المنفصلة واحطها فى مكان تانى

[MALAK2010]

فى المحلات اللى كنت بشوفها ماكنش فى سراير كتير وكان اسعارها مبالغ فية
اما لما رحت المحلين دول علشان هما متخصصين للاطفال ففية سراير كتيييير وحلوة واسعارها يعنى معقولة

[dr.princess]

انا الدولاب عندى هنا ياخد هدوم البيبى معانا يعنى لو فضيت حاجتى بتاعة الشتاء وقتها ممكن احط هدوم البيبى مكانها فاكيد انا مش هجيب اللى بادراج
وانتى زى ماقلتى شوفى المساحة اللى عندك تسمح بايه وربنا يجيبهم لنا بالسلامة يارب

[dr.princess]

انا لسه منزلتش اشوف السراير هنا وجوزى مش هيوافق دلوقتى انتى عارفة هيقولى بدرى فهسيبها شوية كده

[dr.princess]

صحيح يا ملك كنت عايزة اقولك على نوع جبنة بجيبها اكتر من راااااااااااااااااااااااااااائعة

[MALAK2010]

انا مش هشترى الوقتى انا بس بتفرج
انا ماعرفش كل المحلات لسة بكتشف

[dr.princess]

انا لما بحب اعرف حاجة بسأل مراتات اصحاب جوزى ولو ماتعرفيش حد منهم خلى جوزك يسأل اصحابه اللى عندهم ولاد الخبرة برده بتنفع فى الحاجات دى عارفين ايه المحلات اللى حاجتها نظيفة وبتعيش والعكس

[MALAK2010]

هم اولادهم كبار وجاين البلد وهم كبار
قالولى على كام محل بس فى محلات كتييييييرة
انا لو معايا ماما هنا كان زمانى عرفت المحلات كلها بس جوزى مش بيحب اللف بيحب يروح محل معين

[MALAK2010]

كنتى بتقولى على جبنة اية

[dr.princess]

كل الرجالة كده مالهاش خلق على اللف فى المحلات

[dr.princess]

اه الجبنة
بنجيب جبنة طعمها حلوة اوووووى اسمها الطيب رهيبة بالذات بالذات مع ساندوتشات الباجيت الطويلة اوى دى وماتقلقيش منها هى قليلة الملح ماتخافيش من الاملاح
انا قلت لدودى عليها قبل كده قالتلى انها كانت بتجيبها فى مصر وبرده موجودة فى الكويت

[MALAK2010]

انا جوزى بيدخل المحل ويقولى قدامك ربع ساعة تلفى وتنقى وتقيسى وتشترى
هههههههههههههههههههه شوفى الصبر

[dr.princess]

ههههههههههههههههه وجاى على نفسه كده ليه طيب ابقى قوليله ربع ساعة دى كتييير كده هنتأخر خليها 5 دقايق بس ههههههههههههههههههه

[MALAK2010]

ياريت الاقيها هدور عليها
صحيح انا بشوف العيش الطويل اوى اوى دة بيتقسم ولا بيتاكل كدة ههههههههههههه

[MALAK2010]

ههههههههههههههههه وجاى على نفسه كده ليه طيب ابقى قوليله ربع ساعة دى كتييير كده هنتأخر خليها 5 دقايق بس ههههههههههههههههههه

انا كل اللي اشتريتة من بعد الجواز بشترية وانا مغيبة هههههههه من السرعه بس الحمد لله ربنا بيوفقنى فى حاجات كويسة
اصل انا لو معجبنيش الحاجة واشتريتها عمرى ماالبسها

[dr.princess]

ياريت تلاقيها ان شاء الله تعجبك
العيش الطويل ده انا بقسمه حتت حتت مش صغيرة ولا كبيرة وبقفل عليه الكيس لانى قبل كده كنت بسيبه بحالته كان بينشف اوى وهو اصلا مش طرى اوى يعنى ولقيت دى احسن طريقه ليه بس بجد طعمه حلو اوى بالذات مع الجبنة انا بحبه بتبقى تصبيره حلوة وخفيفة

[dr.princess]

صحيح العيش ده لو عملتى بيه ساندوتش مش هتحسى بالاكل لانه تخين انا بغمس بيه كأنه عيش عادى او بقسمه بالنص بالطول يعنى واعمل ساندوتش بالنص بس ودى كانت خبرتى مع الساندوتشات الطويلة ههههههههههههههههه

[MALAK2010]

لولو:انا هقوم علشان المهمة اللى قولتلك عليها قبل ما الماتش يخلص
ربنا يسهل واخلص

[MALAK2010]

طيب بدل ماتقسمية
لية مش بتشترى العيش الطويل العادى وخلاص ولا فى فرق فى الطعم

[dr.princess]

انا برده لو جبت حاجة مش عاجبانى عمرها ما هتتلبس

[dr.princess]

ماشى ياحبيبتى ربنا يعينك اشوفك بكرة ان شاء الله

[dr.princess]

مش عارفة اللى انا بتكلم عليه اللى هو زى الفينو بس طويل اوى تقريبا فرنساوى طعمه حلو اوى بس مش عارفة انتى قصدك اى واحد

[dr.princess]

فييييييييييييينك يا جوجو سايبانى لوحدى كده

[dr.princess]

وتوتة كمان مختفيه اوعى تكونى عملتيها وفقستى ياتوتة هههههههههههههههههه

[somia]

السلام عليكم ورحمة الله وبركاته
لولو انتي هنااااااااااااااا؟؟؟

[dr.princess]

سمييييييييييييية انا هنا
انتى مروحتيش لمامتك ولا بتتكلمى من عندها ؟؟

[somia]

انا مروحتش .. اهئ اهئ اهئ

[dr.princess]

لييييييييييييييييه

[somia]

لولو انتي فين ..
ملك ألف مبارك عليكي الحركة هيا فعلا زي النبضه بس ركزي هتلاقيها لكمية مش نبضه..ههههههههه

[somia]

الجو النهاردة كان تلج ومطرة ورعد وبرق فطبعا زوجي قالي اجليها لبكرة ربنا يسترها والجو بكرة يتعدل .. دعواتك

[dr.princess]

ماما وحماتى قالولى ان الجو مقلوب خالص زى ما بتقولى اه
انا بقى اللى عندى الجو حر اوى مش طايقة نفسى

[somia]

لولو رحتي فيييين؟؟

[somia]

عارفة يا لولو انا مشغلة الدفاية ومستغطية بالبطانية كمان .. لو نايمة والمؤقت بتاع الدفاية فصل تلاقيني صحيت متلجة مع اني مستغطية ببطانية راقين

[dr.princess]

تعالى خدى شوية حر انا حرااااااااااااااانة ههههههههههههههه

[somia]

طب بجد نبدل انا هموت واخفف هدومي شوية

[dr.princess]

انا عايزة ارجع البس صيفى تانى

[somia]

بقولك يا لولو هوه صحيح لو انا كلت جبنة ينفع اخد معاها حبة الحديد ولا هتضيع فايدة الجبنة؟؟؟

[somia]

طب انتي ايه اللي ملبسك شتوي اما الجو عندكم جر؟؟

[dr.princess]

غالبا هتضيع الفايدة من الجبنة لان الحديد بيمنع امتصاص الكالسيوم
انا برده الحبوب اللى باخدها بتاعة تهدئة الرحم ليها نفس التأثير على الكالسيوم فبحاول على اد ما اقدر اعدى ساعة او اتنين بعد الفطار واخدها

[dr.princess]

انا لابسة القميص شتوى بس من غير بدى تحته و طبعا لابسة بنطلون علشان ادفى بطنى علشان بقت بتتعب من اقل حاجة بس حراااانة ومش عارفة البس قميص صيفى خايفة يجيلى برد

[somia]

عارفة يا لولو من يومين كده حنيت لقمصان النوم كنت هموت والبس واحد وبعد اما لبسته مبقتش قادرة ورحت لابسة الروب فوقه وبقيت برتعش اما خدتلي تريقة محترمة من زوجي لغاية ما غيرته

[dr.princess]

ههههههههههههههه عنده حق بصراحة اصل قميص نوم وفوقه روب مش ظابطة خالص هههههههههههههههههههه ياستى كلها شوية والبرد يروح وبعدها ترجعى تلبسى اللى نفسك فيه

[somia]

هههههههه طب اعمل ايه الواحد بقاله كثير ملبسهمش والجو تلج .. أقطع نفسي يعني ..
لولو انا نفسيتي بجد تعبت قوي واعصابي خلاص اتفرتكت

[dr.princess]

نفسيتك تعبت من ايه بعيد الشر عنك

[somia]

موضوع الاكل ده دمرني يا بنتي بخلص كل اللي في البيت وبفضل جعانة وزوجي مبيرضاش يخليني انزل اشتري حاجة فبالتالي اما بيكون في مأمورية زي الوقتي ببقى هموت من الجوع ومش عارفة اعمل ايه واخوات زوجي يفتكروني مرة والف لأ اما بجد والله بقيت شايلة منهم قوي مع اني مبحبش اشيل من حد الا انه غصب عني

[dr.princess]

طيب يا حبيبتى لو عنده مأمورية اعملى حسابك وخليه يجيبلك اللى يكفيكى مدة غيابه علشان ماتحتاجيش لحد
ولو على اخوات جوزك كده كده محدش بيسأل على حد ماتحطيش فى بالك وانا لو منك انزل اقولهم انا محتاجة كذا وتبقى اخر مرة تطلبى منهم حاجة وتعملى حسابك بعد كده او انتى تكلمية وتنزلى تشترى اللى نفسك مش هتتاكلى بره يعنى على الاقل المرة دى بس وهو يجيب بعد كده
ده رأيى

[somia]

بصي يا لولو هوه اصلا بيكسف ينزل يشتري حاجة وبعدين الشهر اللي فات كان مشغول جدا ..
المصيبة اني بقولهم وهمه ولا الهوا لا وايه ساعات بيردوا عليا ردود وحشه قوي وببقى محتاسة .. المشكلة اني قبل الحمل كنت بجيب كل طلباتي وهوه في الشغل وياه لو مأمورية بجيب تموين البيت كله ومن ساعة الحمل هوه خايف ينزلني لانه خايف اشتري حاجات تقيلة وانتي شايفة وضع حملي ميستحملش اي حاجة اصلا..
عارفة

[somia]

عارفة يا لولو قبل ما يسافر كنا تحت وبعد ما اكلنا بثلاث اربع ساعات كنت انا وصلت لمرحلة الموت من الجوع انا اخري ساعتين بعد الاكل وبعدين ببقى وحش كاسر.. هههههههههه المهم فسألت اخته لو فيه جبنة وطماطم وخدت طماطماية وحتة جبنة وعملتهم على بعض فطبعا كنت في نص هدومي فبقولها معلشي يا بنتي لحسن بقالي اسبوعين وانا اخري بعد الاكل ساعتين ببقى جعت تقوم ترد عليا تقولي ما انت كده من الاول .. انا بصلتها مبقتش عارفة اقولها ايه يا بنتي ده اول شهور ليا مكنتش باكل ولو كلت بتبقى وجبة والتانية اي حاجة وخلاص عشان الادوية وقبل الحمل كان عادي وجبتين في اليوم .. بجد دمي اتحرق حرقة ما يعلم بيها الا ربنا

[dr.princess]

انا ماقولتش تجيبى تموين البيت بس على الاقل شوية جبنة وحلاوة ولا مربى اى حاجة من اللى بتبقى فى ثلاجاتنا كلنا وفرخة ولحمة ورز وخلاص اى حاجة تمشيكى اليومين اللى غايب فيهم ولا الحوجة لاهله وماتسيبيش نفسك جعانة اتغاتتى عليهم زى ماهم بيعملوا وانزلى لو هتجيبى حاجات خفيفة للتلاجة مفيهاش قلق شيلهم
احنا برده بننزل نجيب حاجة الشهر على بعضها ورجلى على رجله انقى الانواع اللى مجرباها وعارفاها صحيح بتعب يومها من اللف بس بخلص بجيب كل حاجة ومش بشيل هم الشهر وبقالى مدة بنجيب حاجة الشهرين مرة واحدة ولو كده ابقى انزلى معاه شوفى اللى محتاجاه ونفسك فيه وماتشيليش حاجة

[dr.princess]

ايه قلة الذوق دى مانتى حامل فى ابن اخوها اعوذ بالله منها
وانتى ماتعتذريش هو انتى كلتى خروف دى جبنة وطماطم انا نفسى نبقى جامدين كده ونعرف نرد والله انا خايفة لما انزل ابقى خيبة كده ويحصلى الحاجات دى ربنا يستر

[somia]

عارفة يا لولو شكله هوه ده اللي هيحصل .. بالنسبة للجبنة انا عندي جبنة رومي وعادية بس العادية لازم جنبها فلفل او طماطم او خيار عشان اعرف اكلها مبعرفش ابلعها كده بتقف في زوري والرومي مبعرفش اكلها غير في فينو ومش عندي وبعدين عشان كترت فيها اول ثلاث شهور جتلي قرفة رهيبة منها وعند فطاير مسكرة جايبهالي في الفريزر وبرضه جايالي قرفة منها

[dr.princess]

انا لو منك تكلمى جوزك الصبح وتقوليله ياحبيبى انا عايزة انزل اشترى شوية خضار خفيفة كده وفينو وكرواسونات كله مش هيجى 2 كيلو وماتقلقش من الوزن انا هخاف على نفسى كويس وخلاص كده وربنا يرجعه بالسلامة وانا عارفة انه اكيد مش حارمك من حاجة باين من كلامك عليه

[somia]

والله يا بنتي ساعة بحس ان انا غريبة عنهم زي ما اكون متجوزة حد مش قريبهم واللي في بطني دي متقربلهمش حاجة .. اللي بيخليني اعتذر اني بتكسف جدا اني ابقى تقيلة على حد ..
بصي يا لولو هقولك كلمة صحبتي قالتهالي وفعلا طلعت صح محدش هيشيل همك ادك يعني انتي اعملي حسابك اما تنزلي مصر ولا كانهم موجودين متستنييش منهم حاجة انا عارفة ان الواحد بيبقى عشمان فيهم لانه مغلطش في حقهم بس صدقيني ساعة اما هتبقي تعبانة محدش هيعبرك غير نفسك وزوجك

[somia]

عارفة يا لولو هوه اللي خلاه كمان ميعملش حساب السفرية دي انه قايلي ان اروح لماما من اول يوم سفره فبالتالي كان فاكرني اني مش هاكون هنا وانا خلاص بكرة ان شاء الله هاروح لهم ادعيلي بس الجو يبقى كويس عشان اعرف اروح لهم

[dr.princess]

كلامك صح ياسمية اكيد محدش بيشيل هم الواحدة غير جوزها وامها واخواتها ربنا يخليهم ليا والله انا حتى من دلوقتى لما حمايا وحماتى او اخواته بيسألوا عليا وعلى صحتى مش عارفة ليه مش بحس بسؤالهم انه طالع من قلبهم مهما عملوا مش عارفة هو احساسى كده

[dr.princess]

ان شاء الله الجو يبقى احسن ولو هتروحى لمامتك خدى بالك ماتسيبش اكل بره علشان مايعفنش او يتلم عليه نمل لو عندك وقفلى الشبابيك والبلكونات كويس علشان التراب وخدى هدوم كفاية علشان ماتحتاجيش ترجعى فى النص وانتى كمان بتقوليلى ان مامتك مش قريبة منك

[dr.princess]

شوفى الرابط ده موضوع رهيييب قرأت منه شوية عجبنى اوى
http://forums.fatakat.com/thread895431

[somia]

عارفة يا لولو انا بقيت كده من ساعة العملية اللي فاتت حاسة فعلا انه انا غريبة عنهم مع اني والله يا بنتي ما بقصر معاهم في حاجة وبعد الحمل بقى الموضوع زاد شايلالهم في قلبي كمية مواقف عمري ما شلت ادها من حد قبل كده

[dr.princess]

حقك والله ده انا شايلة هم نزول الاجازة بسبب كده لانى انا لحد دلوقتى شايلالهم مواقف من ايام الخطوبة ودلوقتى كل مانكلمهم بتتقال كلمتين كده مالهومش لزمة ربنا يستر وتعدى الاجازات دى على خير امال لو كنت قاعدة معاهم كنت عملت ايه بس وانا زيك شقتى معاهم فى نفس البيت وكمان معانا عم جوزى ومراته ودول بقى حدث ولا حرج حماتى وحمايا جنبهم ملايكة

[somia]

الحاجات ده الحمد لله تعالى كنت عاملة حسابي عليها من النهاردة وبالنسبة للهدوم هابقى البس هدوم اختي هيه نفس جسمي .. قبل الحمل طبعا بس المهم الهدوم ان شاء الله هاتدخل البعافة بالذوق هتدخل عشان ما اشيلش حاجات كثير

[dr.princess]

لا يابنتى خلى بالك لاتلبسى حاجة تضغط على بطنك هدوم زيادة احسن ماتتعبى بعيدالشر

[somia]

عارفة يا لولو انا الحمد لله حماتي الى حد كبير غلبانة قوي يعني اما بتقول حاجة مبيبقاش قصدها حاجة وحشة بتبقى بتتكلم بسلامة نية اما بقى اخوات زوجي فبحالات وسلايفي ماشاء الله عليهم بترعب منهم اصلا

[dr.princess]

انا الحمدلله معنديش سلايف جوزى ولد وحيد واخوات جوزى الاتنين لو قعدوا بالسنة مابيسألوش الا لما جوزى يسأل عليهم
اما حمايا زى حماتك كده من كتر طيبته بيحدف كلام زى الطوب وحماتى هى اللى مش سهلة ابدا بس علشان اقول الحق هى مش قليلة الادب يعنى اه بتزودها وبتضايقنى من كلامها بس مش بتشتم والحاجات اللى بتحصل مع اصحابى

[somia]

لا متقلقيش اختي بتلبس واسع جدا في البيت عشان بتتكسف .. والله كنت زيها قبل الجواز ..ههههههههههههه فباذن الله هيدخل فيها وممكن يبقى واسه كمان..ههههههههههه

[dr.princess]

هههههههههههههههه انا برده كنت مؤدبة اوى قبل الجواز هههههههههههههه

[somia]

عارفة يا لولو اما بفكر في الموضوع بعقل بلاقيني احسن من غيري بكثير قوي بس برضه الواحد مبيقدرش يمنع نفسه انه يزعل من الحاجات اللي بتحرق دمه

[dr.princess]

معلشى ياسمية انا اسفة جوزى بيخلص النهاردة الساعة 4 يعنى ساعة بدرى عن كل يوم علشان جمعة وهروح اعمله عشاء علشان يبقى جاهز على مايوصل
هستأذن منك دلوقتى وزى ما اتفقتى اول ماتقدرى ابقى طمنينا عليكى

[somia]

يا بنتي انا كل ما افتكر اني كنت بكسف اقعد قدام بابا بترجع ولا بيجامه بستغرب مع اني لغاية دلوقتي قدام بابا واخويا كده .. وايه بقى مكنتش بستحمل حد يلمسنس يعني ولا حتى ماما فماما كل ما تشوفني دلوقتي تقولي لسة برضه مبتخليهوش يلمسك وتقعد تضحك عليا.. شفتي التريقة بقى ..هههههههههههه

[somia]

ماشي يا بنتي .. مفيش مشكلة ..
السلام عليكم ورحمة الله وبركاته

[dr.princess]

احنا فعلا الحمد لله احسن من غيرنا انا ليا واحدة صاحبتى زميلتى صيدلانية وجوزها مهندس وهى وجوزها منتهى الاحترام حماتها بتشتمها وبتدعى عليها قدامها كده عادى وهى حامل وكانت قبل كده والدة بدرى والبيبى توفى ربنا يعافينا بتقولها يارب تموتى ونخلص منك وبتقولها انا مش هنولك على جوزك كده ومش هخليكى تشوفى يوم حلو معاه وبتقولها كلام ماتتخيلهوش كل ما افتكرها اقول الحمدلله

[dr.princess]

هههههههههههههههه انا برده كنت محترمة فى اللبس فى البيت علشان اخواتى الصبيان بس طول عمرى بمووووت فى الاحضان كنت بفعص فى ماما واختى هههههههههههههههههههههههههه

[somia]

ربنا يصبرها يا رب..
هههههههههههه ايه الادب ده كله طب يلا قومي لحسن زوجك ييجي ويتعشى عليكي وتيجي تتعشي انتي عليا انا.. هههههههههههههههه
نتقابل عما قريب باذن الله تعالى

[somia]

يا جماعة اناااااااااااااااا هنا اي حد يدخل يكتب رد ولو مردتش يبعتلي على الخاص وهتلاقيني معاها علطول ..

[dr.princess]

ياعينى على النوم

[MALAK2010]

انا هنا هنا يا بناااااااااااااااااااات

[dr.princess]

ملك حمدالله على السلامة فينك يابنتى من زمان

[MALAK2010]

لولو:كويس انى لقيتك
انا رحت النهاردة المستشفى علشان السونار الثلاثى الابعاد وطلبت دكتورة والحمد لله لقيت هناك ست ومصرية كمان
والحمد لله طمنتنى جوزى سالها عن نوع البيبى قالتله لسة مش باين لانة صغير مش عارفة امتى هيكبر ويبان هههههههه

[ايوشه]

ازيكم يابنات عاملين ايه

[MALAK2010]

اييييييييييييييييييييييييييييييه انتى فين عاش من شافك يا بنتى وحشتييييييييييييييينى اووووووووووى

[dr.princess]

ملك الحمدلله انك اتطمنتى على النونو
طيب وايه اختلاف الثلاثى من الرباعى
وازاى فى التصوير ده مايبانش انا اسمع انه بيبقى واضح اوى

[MALAK2010]

انتوا فييييييييييين

[dr.princess]

ايه فينك يابنتى من زمان هى الناس اللى تولد تنسانا كده

[MALAK2010]

ملك الحمدلله انك اتطمنتى على النونو
طيب وايه اختلاف الثلاثى من الرباعى
وازاى فى التصوير ده مايبانش انا اسمع انه بيبقى واضح اوى

ماعرفش انا كنت فاكرة ان النوع ممكن يبان اكتر فى السونار دة لان فى بنات كتير بتعرف نوع النونو من السونار العادى فى التوقيت دة
انا زى ماقولت مش مستعجلة انا اصلا نسيت اسال على النوع لولا جوزى هو اللى افتكر
اهم حاجة يكون بصحة ياااارب

[MALAK2010]

ايوشة:انتى داخلة تسلمى وتطلعى
طيب استنى لما نطمن عليكى انتى والنونو

[dr.princess]

على رأيك المهم يبقى بصحة ومعافى ان شاء الله وانا حاسة ان المشكلة فى المستشفى نفسها حاجة غريبة لان توتة نفس النظام برده

[MALAK2010]

جوزى سالها قالتله هحاول وفعلا حاولت تقرب بس معرفتش
انا بتهيالى الدكتورة اللى انا بتابع عنها مش بتقول حتى لو عرفت اما بتاعت النهاردة ماعرفتش فعلا

[dr.princess]

خلاص خليها لما تنزلى مصر وان شاء الله يبان ساعتها

[MALAK2010]

لولو:انتى اتغديتى ولا لسة

[dr.princess]

لا لسه متغدتش

[MALAK2010]

انا هخرج الوقتى وهرجع كمان شوية

[dr.princess]

ماشى ياحبيبتى على ما يكون جوزى اتغدى و راح شغله

[MALAK2010]

انا هنااااااااااااااااااااا

[dr.princess]

وانا كماااااااان

[MALAK2010]

لولو:خلصتى اللى وراكى

[dr.princess]

اه تقريبا وجوزى خلاص هيخرج دلوقتى

[MALAK2010]

طيب روحيلة على ما يخرج ممكن يحتاج حاجة

[dr.princess]

لا هو بيصلى اصله اتأخر اوى النهاردة على ماصحى وهيصلى وهيخرج باذن الله

[صدا الكلام]

وانا كمان معاكو فى اول السابع ادع ولي

[dr.princess]

ملك خلاص فضيتلك اهو

[dr.princess]

صدا الكلام اهلا بيكى معانا ويارب يكمل حملك وحملنا على خير

[MALAK2010]

صدا الكلام:ازيك يا جميل وربنا يكملك على خير
لولو:انا معاكى يا جميل

[dr.princess]

الحقينى يا ملك بطنى واجعانى وعايزة ادخل الحمام وفى عمال بيغيروا مواسير العمارة ومانعين استخدام المية اهىء اهىء اهىء

[Om Rodina]

السلام عليكم ورحمة الله وبركاته
ملوكة ولولو حبايبى وحشتونى والله كويس انى لقيتكم عاملين ايه واخباركم ايه والنونو اخباره ايه يارب يكونوا بخير

[dr.princess]

احنا الحمدلله كويسة يا ام دانا انتى والنونو اخباركم ايه

[Om Rodina]

ملوكة ولولو انتوا فيييييييييييين

[MALAK2010]

الحقينى يا ملك بطنى واجعانى وعايزة ادخل الحمام وفى عمال بيغيروا مواسير العمارة ومانعين استخدام المية اهىء اهىء اهىء

يا حبيبتى
والله حاسة بيكى النهاردة قبل ما اعمل السونار قالولى لازم اشرب مية وجوزى جابلى ازازة وصمم انى اخلصها وشربتها وفين وفين على ما دخلت كنت هصوت هناك هههههههههههههههه

[MALAK2010]

ام دنا: ازيك يا حبيبتى عاملة اية
انا الحمد لله كويسة

[Om Rodina]

انا بخير يالولو ياحبيبتى الحمد لله بس النونة تاعبانى على الاخر والله

[Om Rodina]

يارب دايما تكونوا بخير ياملوكة انتى ولولو يارب وكمان ربنا يطمنكم على النونو يارب

[dr.princess]

هههههههههههههههه والله يا ملك المشكلة انى النهاردة بالذات عندى شبه اسهال فبطنى بادئة توجعنى يااااارب يخلصوا بسرعة اصلهم بيشتغلوا بالشنيور من بدرى ومصدعينى ومصحينى من الساعة 12 الله يسامحهم

[Om Rodina]

روحتوا فيييييييين ياحبايبى

[Om Rodina]

لا سلامتك يالولو وربنا يعافيكى ويهدى اللى بيشتغلوا عندك ويخلصوا علطول باذن الله

[MALAK2010]

لولو:مصحينك من الساعه 12 الضهر
لا غلطانين امال يشتغلوا امتى هههههههههههه

[dr.princess]

ربنا يخليكى يا ام دانا
الف سلامة بتقولى النونو تعباكى فى ايه ؟؟؟

[MALAK2010]

ام دنا:احنا معاكى يا جميل
لولو:الف سلامة عليكى ربنا يسهل ويخلصوا

[MALAK2010]

ام دنا:ماخدتش بالى النونو ماله عامل اية معاكى

[Om Rodina]

عندى حرقان فى معدتى فظيع وحموضة جامدة اوى وحاسة بتقل جامد اوى فى بطنى مش عارفة والله الله المستعان وربنا يعدى اللى جاى على خير

[dr.princess]

ههههههههههههه مش يراعوا ظروف الناس اللى نومها مشقلب ينفع كده ههههههههههههههههههه انا كده يابنتى مانمتش غير 4 ساعات بس او 4 ونص

[Om Rodina]

ظهرى كمان بقا بيشد عليا اوى ونفسى باخده بالعافية واحيانا باحس انى مخنوقة جدا ومش لاقية هوا اتنفسه وكل اللى اساله يقولى معلش استحملى دى اعراض طبيعية للفترة دى من الحمل

[MALAK2010]

ام دنا معلش يا حبيبتى الف سلامة عليكى
للحموضة كلى زبادى او خيار بيقولوا حلو

[dr.princess]

ام دانا طيب ما تاخدى دواء للحموضة دى بس التقل بتهيألى مالوش حل
الف سلامة عليكى

[MALAK2010]

الخنقة دى انا حسيت بيها اليومين اللى فاتوا ربنا يهون علينا يااااااارب

[dr.princess]

ام دانا هى فعلا اعراض طبيعية جدا استحملى ايام وتعدى على خير ان شاء الله

[Om Rodina]

طيب هل فعلا الحموضة والحرقان دول سببهم ان شعر النونو بيكبر فى الفترة دى ولا لأ ربنا يسلمكم يارب وربنا يعافيكم

[MALAK2010]

ام دنا:انتى فى الكام الوقتى

[Om Rodina]

ربنا يخليكم يارب ويهون علينا كلنا ويرزقنا باطفال اصحاء معافين ويفرحنا بيههم يارب

[Om Rodina]

انا ياملوكة ياحبيبتى فى نص السابع ان شاء الله

[dr.princess]

مأظنش يا ام دانا ده بيبقى من ضغط البيبى على المعدة فالاكل مش بيتهضم كويس

[Om Rodina]

انا عارفة بس كمان الدكتورة قالتلى ان برده الفترة اللى جاية دى لو حسيتى بحرقان او حموضة جامدة بيبقى بسبب ان شعر البيبى بينمو سبحان الله

[MALAK2010]

بيوقلوا ان الحموضة بسبب شعر النونو بس دة كلام مش مظبوط اوى
لان واحدة قريبتى بتحس بحموضة فظيعة وبتجيب بنات زى القمر ما شاء الله بس قرع ههههههههه
السبب الحقيقى ان الجنين بيضغط على البطن وان سرعة الهضم بطيئة

[Om Rodina]

الله المستعان والله الواحد مش عارف يعمل ايه ويصدق مين كل دكتورة بتقول كلمة شكل واحنا اللى محتاسين وتعبانين فى الاخر يالا ربنا يهون علينا يارب

[Om Rodina]

انتوا قمتوا ولا ايه

[MALAK2010]

لا كنت بصلى
عندك حق كل دكتورة ولها كلامها
عارفة لو اعرف اللى هيجرالى كنت دخلت طب تخصص نسا بس بصراحة مجموعى مكنش هيجيب ههههههههه

[Om Rodina]

على رايك والله ياملوكة بصراحة ربنا يعيننا ويقوينا يالا هانعمل ايه ربنا مش مقدر لنا نبقى دكاترة نساء وكده احسن برده علشان كان هايتقال علينا زى مابنقول دلوقتى هههههههههه

[Om Rodina]

انت خريجة كلية ايه ياملوكة

[Om Rodina]

ملوكة انت قمتى ولا ايه انا موجودة بس كنت باصلى

[MALAK2010]

انا معاكى بس هقوم فى اى لحظة ههههههههههه
انا خريجة هندسة

[Om Rodina]

ماشى ياحبيبتى ولا يهمك

[dr.princess]

طيب انا بقى واخواتى كنا جايبين مجموع طب ودخلنا بمزاجنا صيدلة هتضربونا بقى ولا ايه هههههههههههههههه

[Om Rodina]

لا يالولو ياحبيبتى احنا نقدر انتوا الكل فى الكل برده دا انتوا الاصل

[MALAK2010]

طيب انا بقى واخواتى كنا جايبين مجموع طب ودخلنا بمزاجنا صيدلة هتضربونا بقى ولا ايه هههههههههههههههه

انا عمرى مافكرت انى ادخل طب بس بدل الحوسة اللى انا فيها كانت تنفعنى بدل الهندسة الى اتاخدت ولا نفعتنى بحاجة
ولا حد فاكر انى مهندسة غير لما اللمبة تتحرق وعايزين حد يركبها يقولولى تعالى مش مهندسة ههههههه
نفسى افهم اية اللى دخل الهندسة فى تركيب اللمبات ههههههههههه

[dr.princess]

ربنا يخليكى يا ام دانا منتحرمش من ذوقك ابدا

[ام البنوتة]

السلام عليكم ورحمة الله وبركاته
وحشتوووووووووووتي يا قمرات عاملين ايه؟

[MALAK2010]

ام البنوتة انتى فين من زمااااااااااااااااااااان

[dr.princess]

ملك ههههههههههههههه يعنى بس بيحتاجوكى علشان تغيرى اللمبة وطبعا ماتعرفيش زى ما انا بيحتاجونى علشان اديلهم حقن وطبعا انا كمان مبعرفش ههههههههههههههههه

[Om Rodina]

لا والله بجد يالولو انا اصلا باحب الصيدلة لانى كان نفسى ادخلها بس قدر الله ماشاء فعل فاتت منى على درجة بس الحمد لله على كل شئ

[ام البنوتة]

كنت ف اسوان

[Om Rodina]

ام البنوتة ازيك ياحبيبتى وفين من زمااااااااااااان والله ليكى وحشة جامدة اخبارك ايه واخبار النونة العسل ايه

[Om Rodina]

حمد لله على سلامتك ياجميل

[dr.princess]

ام البنوتة ايه الغيبة دى كلها

[MALAK2010]

ام البنوتة :اسواااااااااااااااااااااااان
لولو:لا والله اتعلمت تركيب اللمبات علشان مايقولوش عليا مهندسة فاشلة ههههههههههههه دة لو الهندسة كلها تركيب لمبات ماكنش حد غلب هههههه

[ام البنوتة]

تمام يا قمرات وانتو عاملين ايه والبيبيهات بيتشاقوا ولا لأ

[dr.princess]

ام دانا الحمدلله على كل حال مادام ربنا قدر كده يبقى خير اكيد
امال انتى خريجة ايه

[ام البنوتة]

ايوه يا ملوكة انتي نسيتي ان جوزي من هناك واهو منها كمان اعتبر نفسي كنت بشتي ههههه

[MALAK2010]

ام البنوتة:الحمد لله كويسة والنونو كويس الحمد لله وبدا يتحرك

[dr.princess]

ملك ههههههههههههههههه ايه ده يعنى انا كمان لازم اتعلم اعطى حقن ولا ايه هههههههههههههههههههه

[MALAK2010]

ايوه يا ملوكة انتي نسيتي ان جوزي من هناك واهو منها كمان اعتبر نفسي كنت بشتي ههههه
حمد الله على السلامة يا جميل

[ام البنوتة]

مبروك يا ملوكة وعرفتي ولد ولا بنوتة ولا لسه؟
وانتي كمان يا لولو؟

[dr.princess]

ام البنوتة حمدالله على السلامة

[MALAK2010]

ملك ههههههههههههههههه ايه ده يعنى انا كمان لازم اتعلم اعطى حقن ولا ايه هههههههههههههههههههه

انا نفسى بجد اتعلم اعطى حقن بس مش هقدر قلبى هيوجعنى واقعد اعيط جنب اللى هعطيلة
بس اصل ماما ياحبيبتى اخدت كمية حقن كتييييييير ربنا يشفيها وكنا بندوخ على واحدة تعطيها

[MALAK2010]

ام البنوتة:تسلمى يا جميل
لا لسة ماعرفتش ربنا يسهل

[ام البنوتة]

والله من كتر ما وحشتوني بكلمكم ب usb مع انه غالي حبتين بس اعمل ايه انا دلوقت عند ماما ومافيش نت عندها

[Om Rodina]

انا خريجة تربية عام انجليزى يالولو ومش مشكلة ياملوكة ممكن تبقة من ضمن اقسام الهندسة ياجميل علشان خاطرهم بس هههههههههه

[ام البنوتة]

ام البنوتة حمدالله على السلامة

تسلمي يا لولو

[ام البنوتة]

دانا عاملة ايه يا ام دانا ؟
وانتي يا لولو محمد عامل ايه ؟ لسه مااتاكدتش انه محمد ولا بسملة هههههههه

[MALAK2010]

انا هخرج يا بنات سلااااااااااااااااااام

[ام البنوتة]

ف حفظ الله يا ملوكة

[Om Rodina]

فى رعاية الله ياملوكة
دانا بخير ياحبيبتى وبتسلم على خالتها كتير وكمان على صاحبتها

[ام البنوتة]

ام دانا انتي ف الشهر السادس ولا السابع؟

[Om Rodina]

لا ياحبيبتى انا فى نص السابع دلوقتى

[ام البنوتة]

ربنا يقومك بالسلامة ان شاء الله
يعني باذن الله ميعاد ولادتك هيكون ف شهر 3 مش كده؟

[ام البنوتة]

لولو اختفيتي فين مش كنتي معانا من شوية

[Om Rodina]

اه باذن الله ياحبيبتى وانتى فى الكام دلوقتى يا حبيبتى

[ام البنوتة]

انا ف اخر السادس

[Om Rodina]

ربنا معاكى يارب ويكملك على خير ياحبيبتى باذن الله

[أحب ربى]

السلام عليكم ورحمة الله اذيكم جميعا

[dr.princess]

همووووووووووووووووت من الزهق

[احب القمرا]

ازيكم يابنات مصر ام دنيا

[dr.princess]

احب القمرا الحمدلله احنا بخير انتى ازيك

[احب القمرا]

منيحه واخير لقيت حدا يرد عليا حبيبي انا عندي سوال انا بالاسبوع عشرين يعني انا اي اسبوع من شهر الخامس

[احب القمرا]

ياربي حاسه حالي راح اجن

[dr.princess]

لاسبوع الثالث من الشهر الخامس حبيبتى
لان الشهر السادس بيبدأ من الاسبوع 22 و يومين

[dr.princess]

تجنى من ايه ؟؟

[احب القمرا]

يسلمووووووووووووا راح اجن من الملل حيل طفشانه وبعيده عن اهلي انتي اي شهر

[dr.princess]

لا ماتقوليش عن الزهق انا زهقاااااااااااااانة بشكل ماتتخيليهوش
انا برده بعيد عن اهلى انا فى الشهر السادس الحمدلله
انتى منين وساكنة فين دلوقتى

[احب القمرا]

انا ماما من سوريا وبابا سعودي وعايشه بسوريا متزوجه سعودي هلا انا بسعوديه بجبيل صناعيه كتير ملل

[dr.princess]

انا من مصر ومع جوزى هنا بيشتغل فى المدينة المنورة الغربة وحشة اوى

[احب القمرا]

صحيح كلامك كتير ملل حيل مشتاقه لسوريا وحق ماما انا اول حمل ليا بعد سنه من زواجي وانتي

[dr.princess]

ده اول حمل ليا برده بس انا متجوزة تقريبا من 10 شهور

[احب القمرا]

الله يتمم حملك ع خير

[dr.princess]

احنا وجميع المسلمين ياااااااااااارب

[توتة السيد]

هلا والله بالحلوات كيف الحال

حد موجود طيب اتنين او التلات موجود هههههههههههههههه

[dr.princess]

توووووتة انتى فين كده مش ظاهرة بقالك يومين

[somia]

توتة فقستي ولا إيه؟؟؟
السلام عليكم ورحمة الله وبركاته

[dr.princess]

سمية طبعا توتة لسه مفقستش مش عارفة ايه حكاية البت دى هههههههههههههههههههه

[somia]

يا جماعة انتوا رحتوا فين انا داخلة اطمن عليكوا وهمشي لحسن النت عند ماما احلى من كده مفييييييييييش بقاله نص ساعة بيحملي في صفحة

[MALAK2010]

http://forum.hwaml.com/imgcache2/hwaml.com_1295153800_346.gif

[MALAK2010]

http://forum.hwaml.com/imgcache2/hwaml.com_1295154401_517.gif

[بقلظة]

السلام عليكم ورحمة الله وبركاته


ازيكم يا بنات

وحشتوووووووووووني اوووووووووي

انا ولدت الحمد لله يوم 5 -1 وجبت احمد

شربات زي مامته

بس صغنون خالص

معلش معرفتيش ادخل الفترة اللي فاتت شوية من الالم وشوية من الناس اللي جاية تهني

ان شاء الله اعرف ادخل تاني واحكيلكم

[MALAK2010]

بقلظة:الف الف مبروووووووووووووووووووووووك
والله فرحتينى اوووووووووووى
ربنا يباركلك فى حمادة الشربات
ومستنينك تدخلى وتحكيلنا

[أحب ربى]

مبرووووووووووووووووم بقلظة

[دودى اشرف]

السلام عليكم ازيكم يابنات عاملين ايه ؟؟

بقلظة وحشتينى والله كتير ... الفففففف مبرووووووووووووووووووووووووووووووك حبيبتى والله فرحتلك اوىىىىىىىىىىىىىىى انشالله ربنا يطمنا عليكى وتفرحى بالقمر احمد ويخليهولك يارب

ملوكة ازيك يا قمر عاملة ايه وحشتينى والله كتير وزاى النونو .. وازى البنات ... عارفة بقى مبقاش فى وقت للمذاكرة ومش ببقى عارفة اراجع ابدا اى حاجة فاتننى

جاسمى ازيك يا قمر عاملة ايه فى الحمل ؟؟

[MALAK2010]

انا هناااااااااااااااا

[دودى اشرف]

وانا كمان هنااااااااااا

[توتة السيد]

بقلظة والله لسه كنت بقول قدام ماما في واحده صحبتنا اختفت من مده مش عارفة ولدت ولا لسه

الف الف الف مبروووووووووووووووووووووووووووووووووووك ياقمر قدوم احمد الغالي

ربي يخليهولك حبيبتي ودعيلنا ربنا يسهل علينا احنا كمان ونفقس

[MALAK2010]

ازيك يا دودى يا حبيبتى عاملة اية وعمورة عامل معاكى اية

[توتة السيد]

ملوكة حبي عاملة ايه وحشتيني

دودي حمات بنتي الغالية هلا والله وميه هلا وحشتينيييييييييييي

عاملة ايه واخبار عريسنا ايه

[MALAK2010]

توتة:وحشتينى يا حبيبتى عاملة اية عقبال ما تفقسى انتى كمان يا جميل

[توتة السيد]

احب ربي هلا بيكي ياقمر عاملة ايه واخبار النونو ايه

[MALAK2010]

توتة :مفيش اى اخبار عن النونو مش حاسة باى علامات

[دودى اشرف]

ازيكم يا قمراااااات
انا بخير الحمدلله وعمورة بيسلم عليكم وباعت سلام خالص للعروسة الحلوة

مش ناوية بقة ولا ايه؟؟ هههههههههههههههههه

[توتة السيد]

توتة :مفيش اى اخبار عن النونو مش حاسة باى علامات

ويبقي الحال علي ما هو عليه وعلي المتضرر اللجوء للقضاء اهئ اهئ اهئ

[توتة السيد]

انا بخير الحمدلله وعمورة بيسلم عليكم وباعت سلام خالص للعروسة الحلوة

مش ناوية بقة ولا ايه؟؟ هههههههههههههههههه

الله يسلمه يارب ويجي بالسلامة حبيب حماته

والله ياخيتي عليها برود ما شاء الله مش ناوية اهئ هههههههههه

[MALAK2010]

كل اللى فى التجمع ماكملوش التاسع
ولدوا قبل ما يتموا بحوالى 10 ايام

[دودى اشرف]

ماشاء الله عقبالنا جميعا يارررررررررررررب

معلش يا توته صبرا جميلا ... سيبيها براحتها هتخرج تعمل ايه ههههههههههههههههههه

[توتة السيد]

كل اللى فى التجمع ماكملوش التاسع
ولدوا قبل ما يتموا بحوالى 10 ايام

يامسهل يعني في امل باقي سبع ايام يعني ههههههههههههه

[MALAK2010]

توتة من اول يوم دخلت التاسع وهى عاوزة تولد
معلش بكرة تولدى ان شاء الله يا جميل وهنعرف المستووووووووووور ان كان ولد ولا بنت ههههههههههه

[دودى اشرف]

لا متهرجيش ... انا خلاص رتبت نفسى على العروسة .... لو جبتى ولد بقى نعمل ايه احنا....تكسرى بقلب الواد .. يرضيكى كده ؟؟

[توتة السيد]

معلش يا توته صبرا جميلا ... سيبيها براحتها هتخرج تعمل ايه ههههههههههههههههههه

صبرا آل ياسر ههههههههههه اديني سيباها براحتها لما نشوف

[MALAK2010]

عارفين رحت امبارح علشان اعمل السونار وكان جنب الاوضة مكان الولادة وشوفت طفلين لسة مولدين طلعين من الولادة كنت فرحانة اووووووى وكان نفسى اقوم اشيلهم وابوسهم

وكانوا يدخلوا التورلى الصغير علية بامبرز ويطلع بالنونو ما شاء الله هههههههههههه

[MALAK2010]

توتة:انتى بداتى تمشى ولا لسة

[توتة السيد]

عقبالنا يارب علي خير كده ياملوكة قوليلي اخبار السونار ايه

عاملتيه ووريتي النتيجة للمواهب ولا لسه

اه ياملوكة انا بمشي من اول التامن

[توتة السيد]

دودي رحتي فيييييييييييييييييييييين

[MALAK2010]

على ما خلصت السونار كانت مواهب مشيت بس الدكتورة اللى عملتهولى طمنتنى الحمد لله بس ماعرفتش نوع النونو بصرة ههههههههه

[MALAK2010]

بتمشى اد اية ؟؟؟؟ وكل يوم؟؟؟
انا ماعتقدش ابدا انى ممكن امشى لما انزل مصر مين اللى هيمشى معايا؟؟؟

[دودى اشرف]

انا هنا يا قمر بس النت تقيل وكان مهنج
بس انا قالولى مفيش مشى فى التامن اصلا ... ازاى بتمشى فى التامن

مبروووووووووك يا ملوكة الحمدلله عقبال المرة الجاية بقى ويبقى الولد ان شاء الله

[توتة السيد]

على ما خلصت السونار كانت مواهب مشيت بس الدكتورة اللى عملتهولى طمنتنى الحمد لله بس ماعرفتش نوع النونو بصرة ههههههههه



طيب الحمد لله حبيبتي ههههههههههههههههههههههه برضه اظاهر عندهم احولال عند رؤية النوع

هي المستشفي نظامها ماتقولش علي النوع لحد انا عرفت كده متأخر اخص عليهم يسبونا كده هههههههههه

[MALAK2010]

دودى بتباركيلى على اية؟ مش فاهمة

[توتة السيد]

بتمشى اد اية ؟؟؟؟ وكل يوم؟؟؟
انا ماعتقدش ابدا انى ممكن امشى لما انزل مصر مين اللى هيمشى معايا؟؟؟



ليه الاحراج ده بمشي نص ساعة في اليوم " وسمي بمشي قال " هههههههههه

والله المشي بقي متعب جدا

[MALAK2010]

توتة:الدكتورة حاولت تعرف بس قالتلى صغير مش باين
على فكرة هى تقريبا دكتورة مصرية

[ماما قلقانه]

ازيكم يا قمرات.فى دلع اكتر من كده هههههههههه

[MALAK2010]

سمر:ازيك يا جميل عاملة اية

[ماما قلقانه]

الف مبروك لبقلظه وعقبالنا كلنا يارب وكويس اننا اطمنا عليها

[ماما قلقانه]

ازيك يا ملوكه انتى غيرتى الدكتوره ولا ايه

[MALAK2010]

توتة :انا سالت على ورقة المطار قالتلى ان الدكتورة هى اللى بتعملة ممكن اخدها منها بالليل صحيح؟؟؟
انتى كنتى قولتى ان المسؤلة عن الورقة بتيجى الصبح
يعنى اعمل اية فى موظفة ؟ ولا الدكتورة اللى بتعملة؟

[ماما قلقانه]

انا كمان روحت للدكتور من كام يوم وقعد يدور بالسونار كتير بس مش عرف النوع وقالى المره الجايه فى الاعاده نعرف ان شاء الله

[MALAK2010]

سمر:لا ماغيرتش الدكتورة دى قدرى ههههههههههه

[توتة السيد]

انا هنا يا قمر بس النت تقيل وكان مهنج
بس انا قالولى مفيش مشى فى التامن اصلا ... ازاى بتمشى فى التامن

والله يادودي كنت بمشي بس مش قوي يعني

[ماما قلقانه]

ايه يا توته مش هتفقسى بأه.عاوزين السبوع يا بنتى

[توتة السيد]

قالتلى صغير مش باين


ههههههههههههههههههه الجملة المعتادة اللي مش حافظين غيرها

[ماما قلقانه]

هى لولو موجوده

[ماما قلقانه]

انا كان نفسى يا جماعه اعرف نوع اى واحد فيهم بس تقريبا اتفقوا سوا

[توتة السيد]

بصي ياملوكة ياحبيبتي هي الدكتورة اللي بتوقع عليها ده شئ اساسي بس الورقة

بتاخديها من موظفة بتيجي مش الصبح بس بس بتيجي بالليل وبتمشي الساعة 8 بالليل

يعني تاخديها منها وبعد كده تديها للدكتورة توقع عليها

[دودى اشرف]

ملوكة مش بتقولى عملتى سونار وبصرة مع توته ... فهمت انك عرفتى انها بنت

معلش سوء تفاهم

[ماما قلقانه]

قوليلى يا ملك انا الهيموجلوبين عندى 12 ده كويس ولا ايه

[ماما قلقانه]

ايه يا جماعه انا بأدن فى مالطا

[MALAK2010]

تسلميلى يا توتة
سمر:انا مش فبالى خاااااااااالص موضوع النوع ربنا يكملنا على خير ويباركلنا فيهم

[ماما قلقانه]

ازيك يا دودى يمكن انتى اللى تعبرينى الناس دى مش معبره ههههههههه