دردشة حوامل مصر - دردشة بنات مصر - تجمع حوامل مصر

[MALAK2010]

فعلا هتلاقى زباين كتيييير ههههههههههههه
بس مش ملاحظة ان انا وانتى بس فى اخر الطابور مفيش بنات بتتدخل وبتكمل معانا فى اول الحمل
ساعات اقول احنا بعد ما ان شاء الله نولد فى منا مش هيدخل كتير كنا عاوزين نسيب التجمع لجيل تانى ربنا يسهل للبنات وتحمل علشان يفضل التجمع عمران واحنا نبقى جيل الرواد هههههههههههههههههه

[MALAK2010]

يعنى اقولك اجى معاكى للدكتورة وتسبينى وتددخلى تنامى ماشى يا سمسم
تصبحى على خير يا جميل ولو عرفتى تدخلى بعد الضهر هتلاقينى قاعدة هههههههههه

[somia]

ههههههههههههههههههههههههههههههههههههههههههههههه .. حلوة جيل الرواد دي.. عارفة يا لوكة انا متفائلة جدا ان جوجو باذن الله تعالى هتفرحنا بخبر حملها عن قريب جدا .. يا رب يفرحها بالحمل الثابت السليم .. وهنبقى نتعامل معاها على اننا الخبره بقى .. ههههههههههههههههههه

[somia]

معلشي والله يا لوكة بس بجد الشحن بتاعي خلص خلااااااااااااص ومبقتش قادرة وباذن الله هحاول ادخل بعد الظهر ..
السلام عليكم ورحمة الله وبركاته

[MALAK2010]

يااااااااااااارب جوجو تبشرنا الشهر دة
ماشى يا سمسم مع السلامه

[MALAK2010]

http://forum.hwaml.com/imgcache2/hwaml.com_1297250619_136.gif (http://forums.fatakat.com/thread1199422)

[MALAK2010]

http://forum.hwaml.com/imgcache2/hwaml.com_1297251483_119.gif

[MALAK2010]

http://forum.hwaml.com/imgcache2/hwaml.com_1297253134_312.gif

[somia]

السلام عليكم ورحمة الله وبركاته..
معلشي يا لوكة اتاخرت عليكي اصلي راحت عليا نومة وطبعا قمت جري على عمايل الاكل فعلى ماخلصت

[MALAK2010]

كل ده يا بنتى دة انا شوية وهمشى

[somia]

معلشي يا لوكة النت بيهنج كل شوية

[somia]

وبعدين على ما خلصت الاكل وزوجي اكل وناااااااااااااااااام

[MALAK2010]

طيب يا سمسم بس انا هطلع كمان لحظات ههههههههههههههههه

[somia]

يلا قدر الله وماشاء فعل وباذن الله هحاول أصحى بكرة باذن الله تعالى بدري ..
المهم النونو عامل ايه الوقتي.. بتتضربي زيي ولا مؤدب ؟؟؟

[MALAK2010]

ماما برضة بتسالنى كدة علطول بس بقولها بيتحرك الحمد لله بس خبطات بسيطة هو كده غلط ولا اية يا سميه طمنينى

[somia]

لوكة انتي طلعتي ولا إيييييييييييه؟؟؟

[MALAK2010]

الخبط الجامد دة فى اى شهر؟؟
انا بتهيالى على السابع ولا اية

[somia]

بصي يا لوكة هقولك على اختبار بعمله عشان زوجي يحس بالحركة حطي ايدك على الرحم وخلي زوجك يسند رجله بالجامد فوق ايديكي مفيش ثواني وهتلاقي شوية شلاليت محترمة لانها مش عايزة حد يكتم على نفسها .. بس على حد ما اعرف الحركة ده بتتفاوت على حسب هدوء النونو وعصبيته ووضعك انتي النفسي في الحمل يعني اما ببقى مضايقة ولا بعيط بتصعب عليا قوي من كثر الترفيس بتاعتها لانها بتبقى مضايقة جدا برضه

[somia]

والله يا لوكة انا ساعات بحس بشوية شلاليت ماشاء الله عليها بس يمكن عشان انا اعصابي تعبانة تقريبا من أول الحمل فهية بقت متوترة

[MALAK2010]

انا لما بكون زعلانة بيبقى النونو مفيش نفس هههههههههه بيكون خايف من الدوشه اللى برة ههههههههههه والله ببقى عاوزة اضحك لانى بتخيله خايف وماسك فيا وهو سامع الزعيق اللى بره هههههههههه

[MALAK2010]

مش عارفة موضوع الحركه بتكون مرتبطة بايه
بس عاوزة ابقى اسال البنات امتى حسوا بالحركة الصعبة على رايك ترفيس هههههه وشلاليت

[MALAK2010]

بس انا لسة فى اول السادس يعنى ممكن على نصه او اخرة لما اشوف هبقى اسال الدكتورة لما اروحلها ان شاء الله

[somia]

هههههههههههههههههههه ده ايه الجبن اللي هوه فيه ده .. لا يا ماما احنا عندنا ناس تقطع الدنيا في الخناق مش عارفة طالعة لمين ولا انا ولا زوجي كده بس كويس أهوه حد يبقى يتخانق لنا ..هههههههههههه

[somia]

باذن الله تعالى .. ربنا يطمن قلبك على النونو يا رب.. لوكة احنا تقريبا مع بعض .. انتي نسيتي ولا ايه؟؟؟

[MALAK2010]

ماانا عارفة ان احنا مع بعض بس كل جنين وله وضع مختلف يعنى انا النونو بتاعى مش بيخبط جامد عندك ماشاء الله بتتخانق فهسال الدكتورة علشان انتى وماما قلقتونى صراحة

[MALAK2010]

معلش يا سمسم جوزى جه اشوفك بكرة ان شاء الله او اذا دخلت بالليل

[somia]

يا بنتي متقلقيش فعلا كل بيبي وليه نظامه

[somia]

مفيش مشكلة يا لوكة ...
السلام عليكم ورحمة الله وبركاته

[somia]

لولو انتي فييييييييييييييييييييييييييييين؟؟؟

[مامامشمشة]

السلام عليكم

[مامامشمشة]

حدهناولا كله مجاش

[somia]

مشمشة أنا هناااااااااااااااااا

[somia]

مشمشة انتي فيييييييييييييييييين؟؟؟
لولو انتي اتأخرتي كده ليه عايزة أسلم عليكي قبل ماأمشي

[اضواء القمر]

كيفك سمية افتكرتيني

[somia]

أه افتكرتك طبعا .. ماشاء الله على الأمورة سوار ربي يباركلك فيها ويجعلها لكي ذرية صالحة يا رب ااامين

[اضواء القمر]

الله يسلمك كيف الحمل معاكي

[somia]

بس ايه يا بنتي البطانية اللي انتي ملبيسهالها...ههههههههههههه انتوا الدنيا عندكوا ثلج قوي ولا ايه؟؟؟

[somia]

الحمد لله الحمد تمام .. انتي سوار كيفها واخوها بيعاملها كويس ولا مطلع عنيكي معاها؟؟

[اضواء القمر]

احنا عنا بررررررررررررررررد موووووووووووووت

[اضواء القمر]

يا لهووووووووووووووووووي اخوها مجنني كتييييييييييييير عليها

[somia]

ربنا يعينكم على الجو يا رب ... ويعينك على التوفيق ما بين الاثنين عشان ما يطلعوش عنيكي

[اضواء القمر]

يااااااااااااااااااااارب

[somia]

صحيح انتوا الجو عندكوا بيبقى كويس امتى وهل فيه ساعات بيبقى حر ولا يا تلججججججججججج يا كويس؟؟؟

[اضواء القمر]

انا بستاذن نصبحي على خير رايحة اشوف سوار

[somia]

وانتي من أهل الخير

[somia]

لولو يا ترى انتي مدخلتيش ليه لغاية الوقتي يا رب يكون المانع خير .. اما تدخلي ابقي طمنيني عليكي

[dr.princess]

سمية شكرا على سؤالك
والله مش عارفة ايه اللى كان عندى فى النت مفيش اى حاجة كانت بتفتح غير الاسكاى بى والتصفح والياهو واى حاجة تانية مفيييش بس الحمدلله اتظبط دلوقتى

[somia]

مفيش مشكلة يالولو المهم انك الحمد الله بخير ..ساحاول الدخول بالليل عشان اسلم عليكي

[somia]

لوكة انتي فين انا داخلة عشانك الوقتي

[MALAK2010]

صباح الخييييييييييييييييييييييييييييييير

[MALAK2010]

انا هناااااااااااااا

[MALAK2010]

ازيك يا سميه عامله اية

[نبض الشوووق]

هلا بنات اخباركم واخبار مصر

[MALAK2010]

اهلا بيكى نبض الشوق

[somia]

ازيك يا لوكة عاملة ايه معلشسيي كنت بحمرلي شوية بطاطس

[MALAK2010]

ولا يهمك يا سمية بالهنا يا حبيبتى
المهم اتاكدتى ان البوتجاز اتقفل

[somia]

اه الحمد لله... انتي المهم عاملة ايه النهاردة؟؟؟

[MALAK2010]

الوووووووووووووووووووووووووووووو

[somia]

انا هنااااااااااااااااااااا

[somia]

لوووووووووووووووووووووكة رحتي فييييييييييييييييييييين

[MALAK2010]

ايه يا بنتى كنتى بتاكلى البطاطس ولا اية هههههههههههههه مش تعزمى

[MALAK2010]

ادخلى الرابط دة يا سمية

http://forums.fatakat.com/thread1202556

[somia]

معلشي يا لوكة انتي عارفة الجوع كافر..ههههههههههههههه

[somia]

لوكة وانتي شوفي الرابط ده كده
\http://forums.fatakat.com/thread1202595-2

[MALAK2010]

بالهنا يا حبيبتى
المهم تكون النونة اكلت وشبعت الحمد لله

[somia]

والله يا لوكة مش قوي أصلي مش عندي ملح فبعد ما قطعت البطاطس محمرتهاش كلها لانها ملهاش طعم من غير ملح .. شوفني الفكاكة بقى

[MALAK2010]

بصراحة يا سمية مش قادرة اكملها معرفش حسيت انى متلخبطة
هدورلك على حديث عكس الكلام دة خالص بس علشان اكتبة مظبوط ثوانى

[somia]

صحيح أنا كلمت دكورتي امبارح وسألتها على حقنة التيتانوس

[MALAK2010]

ايوا وقالتلك اية عنها

[somia]

قالتلي هيه مش مهمة ومحدش دلوقتي بقى ياخدها الا اللي هيولدوا في القرى او مثلا اللي ولدت قبل كده كثير فمعرضه تولد في العربية او قبل ما توصل المستشفى وقالتلي لو عايزة تاخديها خديها هيه واحدة بتتاخد في الخامس او اول السادس والتانية في السابع

[somia]

وانا اتفقت مع زوجي واخته اللي هيا متزوجه هتوديني النهاردة باذن الله تعالى مكتب الصحة لاني طبعا معرفهوش وهاخدها احتياطي لان الواحد ميضمنش ظروفه وباذن الله واحنا راجعين هنعدي على الدكتورة اللي جمبينا عشان دكتورتي لسة مش عارفة هتفتح امتى

[MALAK2010]

انا برضة قالولى محدش بقا بياخدها بس انا ان شاء الله هاخدها ماحدش ضامن الظروف وبعدين هى مش مضرة فى حاجة بالعكس دى تحصين من لاقدر الله اى حاجة

[somia]

بقولك يا لوكة ايه رأيك في الأبيات دي...
يا رب استرها على بلدي .. أصل دي حتة من قلبي
واحمي يا رب كل شبابها .. وستاتها كمان ورجالها
ومتخليش العدو يفرق بينا.. أصلنا كلنا عيلة واحدة
وبين قدامنا كل اللي بيخونونا.. واللي قلبه صافي وريهولنا
ومتمشتمت فينا يا رب عدو.. ومتزعلش علينا أي حبيب

[somia]

بالضبط كده وهوه ده اللي انا برضه باذن الله تعالى هعمله

[MALAK2010]

كويس انك هتاخدى اخت جوزك المتجوزة
ماما برضة بتقولى ان الحقنة دى مش بتتعطى فى اى مكان غير فى المستشفى فى حاجة اسمها الامومة والطفولة

[somia]

والله يا بنتي الشهادة لله هيه كلمتني كذا مرة على الحقنة وقالتلي لازم تاخديها ووقت ما تحبي قوليلي بس وانا اروح معاكي وفعلا اما كلمتها امبارح وافقت علطول وحسيت انها فرحت اني أخيرا باذن الله تعالى هاخدها..
هيه هتوديني نفس المكان اللي خدتها فيه ساعة ما كانت حامل في ميرو

[MALAK2010]

بقولك يا لوكة ايه رأيك في الأبيات دي...

يا رب استرها على بلدي .. أصل دي حتة من قلبي
واحمي يا رب كل شبابها .. وستاتها كمان ورجالها
ومتخليش العدو يفرق بينا.. أصلنا كلنا عيلة واحدة
وبين قدامنا كل اللي بيخونونا.. واللي قلبه صافي وريهولنا
ومتمشتمت فينا يا رب عدو.. ومتزعلش علينا أي حبيب



اللهم آآآآآآآآآآآآآآآآآآآمين
جميل يا سمسم انتى اللى كتباة مش كده؟؟؟
بس الابيات دى طالعه بتصريح ولا من غير ههههههه

[somia]

والله يا بنتي ربنا يسترها لأني مخدتش تصريح عليها .. أصلي كنت برد على الموضوع االلي بعتلك رابطه ولقيت نفسي كتبتهم من وحي الموضوع فربنا يسترها ومتهزأش النهارده وعايزة أحطهم في موضوع بس طبعا مرعوبة من زوجي عمالة بتصل أستأذنه بس رقمه مش مجمع

[somia]

لوكة انتي فطرتي ولا لسة؟؟؟

[MALAK2010]

هو لية مش عاوزك تكتبى حاجة على النت

[MALAK2010]

ايوا فطرت الحمد لله انا بفطر مع جوزى الصبح قبل ما يروح الشغل

[somia]

والله يا بنتي ما انا فاهمه ولا بيقرأ اللي أنا كاتباه الا اما يبقى ليه طبعا لو غزل وبس اما عتاب او أي حاجة تانية فطبعا لأ .. عارفة أنا عمالة بتحايل عليه بقالي حوالي سنة عشان نفسي أشوف رأي الناس فيهم إيه عشان أفخر باللي أنا كاتباه ومحسش اني بكتب لنفسي لكن ولا الهوا وكل ما أسأله يقولي أنا مش مستريح أما أستريح هأبقى أقوله أقوله طب ليه يقولي معرفش هوه كده أنا مش مستريح وخلاص

[somia]

شطورة أنا زوجي ساعات كثير مبيحبش يفطر غير كوباية الشاي وبقسماط أو قرص وكان الله بالسر عليم وطبعا مع الحمل الكلام ده بيسلكلي زوري بس..ههههههههههه

[MALAK2010]

خلاص يا ستى خليه على راحتة
وبعدين مش انتى بتكتبية ليه هو وبس خلاص احنا هنبقى عوازل كدة ماينفعش ههههههه
اما لو الكلام عن مصر وماله نسمعه احنا هههههههههههههه

[somia]

يا بنتي انا مش بكتبله هوه وبس .. بصي انا كتبلك عنواوين القصايد والخواطر بتاعتي.. إيه رأيك؟؟

[MALAK2010]

لا انا احب احط فطار وجوزى اصلا اكلته قليله بس مش مشكله وهو لما بيفطر بحس كدة انى مش مقصرة وضميرى مايأنبنيش انا مش ناقصة
كذا مرة بروح عليا نومه واصحى الاقيه لبس ومش بلحق اعمل فطار ببقى متعكننة طول اليوم
بس هو من اول اللى جرى فى مصر باله مشغول فيدوبك زبادى واذا كملها كمان

[MALAK2010]

طيب ورينى العناوين

[somia]

لوكة أكيد الغزل طبعا مش هكتبه الا لو عفيف طبعا أصلي بعد الزواج بقيت اما بكتب غزل وخلي بالك من أما دي لانه بقى ناااااااادرا جدا بس بيبقى صريح فطبعا مستحيل يتكتب ..ههههههههههههههه ياكسوفي يا كسوفي على رأي توتة ..ههههههههههههههه

[MALAK2010]

انتى بتكتبى الخواطر دى من امتى ؟؟
والحكايه دى لازمها دراسة او قراية ولا بس بتعتمد على الموهبة وبس

[MALAK2010]

ههههههههههههههههه
فكرتينى بتوتة يارب تدخل تتكلم معانا لانها وحشتنى

[somia]

الوداع
حيرة وندم(ودي أول قصيدة طويلة كتبتها بدموع عينا وبحبها جدا)
لماذا الجفاء وصوتك عندي أحلى غناء
مشتاقة يا رب (دي وانا راحة الحج)
شوقا الى محمد صلى الله عليه وسلم ..
يتبع
...

[somia]

والله يا بنتي أنا بكتب من ساعة اما كنت في الجامعة وانا طبعا اداب عربي يعني ده تخصصي وصحيح فادتني كثير بس فيه ناس تانية سبحان الله بتبقى الموهبة بس اللي بتخليهم يكتبوا من غير دراسة ولا ما يحزنون

[somia]

نكمل ..
لوع نفسي العاشقة
حائرة
كلمة
روحي مجروحة
حاسة بيك
نورك نبغي
بعد كل ده
لسة سنة ونص عليه

[somia]

فتاة بلا حياة
أحلامي
نفسي مرة ألاقي حد
خايفة منك
غاوية مشاكل
لو كان بايدي

[MALAK2010]

انا كل اللى اسمع انهم بيكتبوا خواطر او شعر بتبقا من صغرهم

ممكن فعلا الدراسة زى مابيقولوا فجرت الموهبة الشعرية ههههه
عارفة انى عمرى ما اتخيل انى ادخل كليه تخصصها عربى او انجليزى مع انى كويسة فى الاتنين الحمد لله بس العربى فروعه كتير وعلى راى اللى بيقولوا بحارة غريقة ههههههههههه
والانجليزى برضة بيدرسوا الشعر الانجليزى وحاجات من العصور القديمة وبتعمق

[MALAK2010]

(حيرة وندم)دى نوعها اية يعنى رومانسية ولا دينية وياترى كتبتيها بدموع عنيكى ياريت جمهورك يعرف القصة ههههههههههه
انفع مذيعه هههههههههههههه

[somia]

رسالة إلى أمي
دمعة محب .. ودي برضه كتبتها بدموع عيني هيه شعر حر بس كتبتها اثناء معاناتي بعد عملية الحمل العنقودي ولغاية دلوقتي كل ما أقراها أعيط ... انا نكدية مش كده ...هههههههههههههه
المهم نكمل
الورقة بتقول كده
أحلام زمان .. وده لسة كاتباها أيام المشاكل اللي فاتت وهيه اخر واحدة
وبكده نكون خلصنا الشرح ..فاهمين ..هههههههههههههههههههه
إيه رأيك في العنواوين .. أهوه يعني تخيلي القصايد لغاية ما أقدر أكتبها ..هههههههههههههههههه

[MALAK2010]

(لسة سنة ونص علية)يا ترى ايييييييييييييييييييييية ههههههههه

[somia]

والله يا بنتي انا اللي خلاني أكتب في البداية ان انا كنت عايشة لوحدي عند عمتي لمدة سنة لان أهلي كانوا مسافرين وطبعا من اللي شفته اتفجرت الموهبة في وشي ...هههههههههههههههه ده تبع التهزيق اللي كان بيتفجر برضه ..
حيرة وندم هأحكيلك قصة كتابتها

[MALAK2010]

(غاوية مشاكل )احنا البنات عمرنا مانقول على نفسنا كدة ابدااااااااااااا
احنا ممكن نقول غاوية نكد ممكن وماله مايضرش ههههههههه اما غاوية مشاكل لاااااااااااااااااااا

[somia]

حيرة وندم دي يا ستي أنا كتبتها بعد ما زوجي اتقدمي وطبعا ده كان اول واحد أسمحله انه يجي البيت وكنت تقدري تقولي كده حبيته من كلام أخته وجه يوم الاثنين يشوفني وطبعا اانتي عارفة ان انا منتقبه وهوه طبعا كان اول واحد يشوفني من غير النقاب المهم لغاية يوم الأربع الراجل فص ملح وذاب ..ههههههههههههه تقدري تقولي كده طفش وانا طبعا ولانوم ولا أكل ولا ما يحزنون فيوم الأربع قعدت بعد صلاة الفجر بعيط وبدعي ربنا انه ينورني ومسكت القلم وانا بعيط وكتبتها

[somia]

غاوية مشاكل دي كلمة زوجي كل اما أعاتبه بحاجة مينوبنيش منه بعد التهزيق طبعا غير الكلمة دي ..هههههههههه
لسة سنة ونص عليه .. دي كتبتها وانا لسة في اول سنة خطوبة كنت طبعها بقيت دايبة زي ما بيقولوا وزوري محشور كلام كثير وطبعا مكنش ينفع اتكلم الا اما نتجوز وده كان فاضله سنة ونص...

[somia]

أي استفسار تاني ... هههههههههههههههههههههه.. بسرعة لحسن هاضطر اخرج عشان ألبس وألحق أروح أتطعم .. هههههههههههههههه زي العيال النونن

[somia]

لوكة انتي سبتيني ونمتي ولا إيييييييييييييييييييه؟؟؟

[MALAK2010]

ربنا يخليكم لبعض ياااااااارب يا سميه
احنا ممكن نسمع غاوية مشاكل دى لانها على لسان جوزك ليكى شكلها كدة يضحك وهى بصراحة على لسان كل زوج لمراته ههههههههههههههههه
انا جوزى بيقولى دايما انى اصل اى مشكله بينا انا اللى ببدا يعنى ههههههههه يعنى نفس المعنى انا اللى بجر شكله ههههههههههههههه مايعرفش انة معاه ملاك هههههههههههه طبعا طبعا بدون غرور

[MALAK2010]

طيب يا جميل بس ابقى طمنينى لما ترجعى ان شاء الله

[somia]

لوكة هيه الكلمة على لسان زوجي بس بصراحة .. هيه قصيدة نكد صرف يعني ..ههههههههههههههههههه

[somia]

بصي انا بلبس ومانا معاكي .. بس بصراحة ايه رأيك في الاسامي وايه رأيك في الموقف بتاع حيرة وندم؟؟؟

[MALAK2010]

نكد لا خلاص يبقى عرفتها ماانا بشوفها كل خناقه ههههههههههههههههههه

[somia]

ههههههههههههههههههههههههه ماشي يا لوكة كده تتخلي عني من اول العنوان ..هههههههههههه

[MALAK2010]

انا افتكرت الموضوع لانك حكتية قبل كدة لما كنا بنتكلم زمان عن الخطوبة
المهم الحمد لله ربنا جمعكم على خير وجوزك كان تقل شوية عليكى بس خلاص جة ودخل القفص برجليه هههههههههههههههه

[MALAK2010]

ممكن علشان جوزك مايزعلش ابقى ابعتى الخواطر بتاعتك الدينية يلاش اسرار البيوت اللى انتى حطاها فى اشعارك دى هههههههههههه من اول ايام قبل الخطوبة مرورا بايام الخطوبة وبعدها الجواز وخناقاته هههههههههههه

[somia]

انتي هتعمليلي زيه يفضل يقولي انتي اللي حبسيتي انا كانت أمي داعية عليا ...ههههههههههههههه
احلى حاجة اني كل ماأسأله يقولي كانت عندي حالة ذهول مكنتش عارف أتصرف عشان كانت أول مرة ليه يدخل بيت عشان يخطب .. وأنا اللي كنت بموت من العياط وهوه ولا هوه هنا ..اهئ اهئ اهئ ..
هههههههههههههههههه

[somia]

هههههههههههههههههههههه ماشي يا لوكة اتريقي براحتك .. ما المصيبة انه مش راضي خالص على أي حاجة .. دعواتك بس انه يوافق لحسن أنا همزت وأحطهم

[MALAK2010]

انتى قولتيلة انك كنتى بتعيطى اليومين اللى غابهم قبل مايتمم الخطوبة؟؟؟
اوعى تكونى قولتى كدة يقول انك دايبة من اول يوم يا كسوفى هههههههه على راى توتة هههههههههه

[somia]

للأسف قلتله عشان يعرف انه مطلع عين الغلبانة اللي هيا أنا من قبل ما نتخطب ...ههههههههههههههههه

[MALAK2010]

ربنا يخليكم لبعض
قومى يلا كملى لبسك علشان ماتتاخريش وافتكرى تتطمنينى لما ترجعى ان شاء الله

[somia]

عارفة يا لوكة المشكلة بجد ان الواحدة أما بتحب بتحب بكل قلبها وبيبقى عقلها ده على جنب وبيبقى الراجل أهم حاجة في حياتها على عكس الراجل بيحب بجزء صغنن في قلبه وبيخلي عقله عليه فتلاقينا احنا عاملين زي المجانين وللمعلومة انا زوجي علطول يتريق عليا ويقول عليا مجنونة احنا بنبقى هنموت من الحب والجنان وهما ولا هما هنا

[somia]

ماشي يا بنتي بس دعواتك انتي بس أما أخد التطعيم معيطش وأسخن زي العيال الصغيرين ..ههههههههههه لحسن النونة بعد كده تقلدني..هههههههههههههه

[MALAK2010]

الراجل والست كل واحد له طريقه فى التعبير عن مشاعرة وفى التفكير انا كنت قريت موضوع جميل اوى عن الفرق بين الراجل والست بيقول ان الست بتهتم جدا بالتفاصيل ام الراجل بيشوف الحاجة على بعضها من غير التدقيق يعنى الست ممكن يلفت نظرها تسريحة واحدة او بنسة فى الشعر كمان ههههه اما الراجل بيبص بصة شامله هههههههه

وكمان بيشبهوا عقل الراجل بالصندوق يعنى هو الوقتى فى الشغل فاتح صندوق الشغ وقافل صندوق الولاد والزوجة وطلبات البيت وهكذا وبعدين يروح البيت يفتح صندوق البيت ويقفل اى حاجة تانية
اما الست ممكن تعمل ميت شغلة فى وقت واحد يعنى الصبح تلاقيها بتطبخ وبتغسل وبتنضف واذا حالها تليفون ترد ولما الطفل يعيط تروح تسكته يعنى شقى ههههههههههههههههه
فكل واحد له طبيعه
انا رغيت كتييييييييييير

[MALAK2010]

ماشى ياجميل
وان شاء الله مش هيحصل حاجة لولواخدتها وبتقول انها مش صعبة ربنا يقويكى

[somia]

والله يا لوكة انا عندي كتاب تحفة اسمه الرجال من المريخ والنساء من الزهرة وده بيقول نفس الكلام ده .. نسيت أقوله اني مدمنة قراية برضه..ههههههههههههه

[somia]

هأضطر أسيبك الوقتي لحسن الوقت أزف خلاص وباذن الله أول ما أرجع هطمنك..
السلام عليكم ورحمة الله وبركاته

[نولارا]

حد هنا ولا اكمل نوم
انا مستنياكم وحشتوووووووووووووووووووونى

[somia]

نورا انتي لسة هنا .؟؟؟؟
السلام عليكم ورحمة الله وبركاته

[نولارا]

ايوا ياسمسم انا هنا

[نولارا]

سمسمه اخدتى الحقنه

[somia]

أه الحمد لله تعالى أخدتها .. معلشي كان معايا تليفون..
المهم انتي عاملة ايه والاستاذ أحمد أخباره إيه؟؟؟

[نولارا]

عقبال الحقته التانيه ههههههههه
احمد مدووووووووووووووووووخنى ومطلع عينى هههههههههههههههههههه
بكره تشوفى عرفتى النوع ولا لسه

[somia]

الدكتورة قالتلي احتمال بنت بس لسة على اخر السادس أما نتأكد باذن الله

[somia]

ربنا يهديهولك ويجعلهولك ذرية صالحة يا رب

[نولارا]

يلا فاضل انتى ولوكه ولولو توولدوا ونعمل تجمع امهات مصر بقى
شدوا حيلكم يلا هههههههههههه

[نولارا]

روحتى فين ياسمسمه

[somia]

معلشي يا نورا اما تأخرتي قلت تلاقي احمد خدك فقمت صليت الظهر

[somia]

باذن الله تعالى ادعولنا بس ربنا يسهلنا الولادة

[نولارا]

احمد سايب لعبه كلها وعاوز يلعب فى الماوس والكيبورد
شفتى الشقاوه بقى

[somia]

ماهيه ده احلى لعبة انتي اللي مش مقدرة .. يعني اشمعنى انتي اللي بتلعبي بيها

[نولارا]

انا كبيره هو صغنون
يعنى يبقى يلعب هو وابوه وانالالالالالالالالالالالالالالالالالالا

[MALAK2010]

انا جييييييييييييييييت

[نولارا]

اهلا اهلا لوكه جت يامرحبا يامرحبا نوركم غطا على الكهربا ههههههههههههههه

[somia]

ايه المشكلة .. عايزة الصراحة هوه أه وانتي وباباه لأ..
ازيك يا لوكة؟؟

[MALAK2010]

ازيكم يا بنات عاملين ايه
نورا ازيك يا حبيبتى عاملة اية وموكشه وحشنى

[نولارا]

خماشى ياسميه ماشى بكره هقول لبنتك الكلام ده

[MALAK2010]

ازيك يا سمسم اخبار الحقنة اية صعبة ولا عادية وفيييييييييييييين ههههههههههه

[somia]

انا من دلوقتي بقول لميرو بوظ نص الجهاز بس عشان اما النونو تيجي تلاقي حاجة تبوظها ...ههههههههههههه

[نولارا]

الحمد لله ياسميه
موكشه لسه نايم دلوقتى ربع ساعه ويصحى يطلع عينى وتستمر الحياه هههههههههههه

[MALAK2010]

يا بنات انا حاسة ان تربيه الاطفال صعبة اوى بتفرج الوقتى على برنامج للاطفال والامهات بتتصل وبتسال الدكتور حاسة انى ابييييييييييييييييييض ولا عارفة حاجة
الاكل والتسنين والرضاعه وحاجات كتير مش قادرة احفظ حاجة اهئ اهئ

[نولارا]

الحقنه فى الدراع يالوكه ما تضحكيش عليها

[somia]

ايوة فييييين .. دا اللي كنت مرعوبة منه بس الحمد لله ربنا سترها وطلعت في الدراع والحمد لله كانت كويسة ..
بس طبعا بما أنه المنحوس منحوس الدكتورة مكنتش موجوده

[MALAK2010]

الحقنه فى الدراع يالوكه ما تضحكيش عليها
لاااااااااااااااااا ههههههههه هى هتعترف الوقتى وتقول هههههه

[نولارا]

اومال انا رحت فين بس يالوكه
انت تسال ونحن نجيب هههههههههه (قال يعنى البت واخده ىجايزه الام المثاليه هههههههههههه)

[MALAK2010]

اومال انا رحت فين بس يالوكه
انت تسال ونحن نجيب هههههههههه (قال يعنى البت واخده ىجايزه الام المثاليه هههههههههههه)
تسلميلى يا حبيبتى ربنا يخليكى ليا
انتى اخدتى الخبرة من موكشة ولا كنت تعرفى حاجات قبل كدة

[MALAK2010]

انا ماعرفش اى حاجة عن الاطفال يدوبك اشيلهم والاعبهم وبس
اى حاجة غير كدة حتى لو هايفه ماعرفهاش ابدا ربنا يستر هتعلم فيه

[نولارا]

الحاجات اللى كنت بسمعها نمن اختى طمرات اخويا بس
ولا يهمك الاول دايما بيكون حقل تجارب هههههههههههههه
انتى عرفتى النوع ولا لسه

[somia]

لوكة صدقيني هتتعلمي انا الحمد لله اتعلمت كل حاجة في اخويا الصغير الا الغيار والرضاعة طبعا مجربتهومش قبل كده بس طبعا بما انه من حوالي 14 سنة يبقى النونة الغلبانة اللي جاية باذن الله تعالى دي هتبقى حقل تجارب وربنا يصبرها عليا..هههههههههه

[MALAK2010]

نورا:لا لسة ماعرفتش

[نولارا]

اهو حتى سمسمه بتقول حقل تجارب هههههههههه

[عاشقة الصحراء]

سلاااااااااااااااااام ياحوامل مصر ... كيفكم ؟؟؟
أنا مش من مصر بس حبيت اطمن عليكم واسأل عن احوالكم فهالدوشة اللي صايرة عندكم وربي يحفظكم ويثبت حمل كل وحدة ...طمنوني

[نولارا]

ليه كده دا انتى بداتى السادس اهو
ولا بتبقى مؤدبه وقافله رجليها

[MALAK2010]

ربنا يسهل اصل فى اكتر من واحدة سالت الدكتور عن حاجات بتحصل لابنها واول حاجة يسالها الدكتورة لها انتى ام لاول مرة فتقوله اه
يعنى فى حاجات طبيعية بتحصل للطفل بس الام مش بتبقى عرفاها

اصل برضة علشان ان شاء الله هولد وهسافر فعلشان هبقى بعيدة عن ماما وهى خبرة عنى يدوبك هاخد منها كام درس
بس الحمد لله امال ايوشة يا حبيبتى تعمل اية اللى ولدت وهى بعيد عن اهلها كمان يعنى حتى مااخدتش ولا درس

[somia]

ايه يا نورا النونو محترم ومكسوف هتكفيه زيادة ليه .. مش كده ياماما لوكة ؟؟؟ ههههههههههههههههه

[نولارا]

عاشقه الصحراء ازيك
وبالنسبه للاحوال فهى هديت شويه الحمد لله بس مستنين نحس بالتغيير

[MALAK2010]

والله يا نورا الدكتورة قالتلى هو صغير ولا قالت قافل ولا فاتح
انا لسة شايفة راسة اليومين اللى فاتوا بالعافية ههههههههههههههههه
وعلى فكرة اخر مرة كان سونار ثلاثى الابعاد ههههههههههههههه

[MALAK2010]

اهلا بيكى عاشقة الصحرا شكرا لسؤالك علينا
والله انا مغتربه وبرة مصر يعنى بشوف اللى بيحصل من التلفزيون زيكم
ادعولنا ربنا يحمى مصر وشبابها

[somia]

لوكة بصراحة كده شفتي تقاطيع جسمه كلها يعني إيديه ورجليه وكده ولا لسة برضه؟؟؟

[somia]

عاشقة الصحراء احنا عندنا حتت وحتت يعني في حتت لسة قايدة نار والمظاهرات مليانة والبلطجية الله ينور وفي مناطق هديت الى حد كبير والحمد لله تعالى

[MALAK2010]

سمية :على بعضها ماكذبش عليكى لا والله هى مش بتجيب الصورة على بعضها
مش عارفة جايز لان الدكتورة بتكبر كل جزء لوحدة بس هى طمنتنى على حجمه الحمد لله
حتى حماتى لسه سالانى امبارح عن نوعه وبتقول ازاى لغايه الوقتى ماتعرفيش

[MALAK2010]

http://forum.hwaml.com/imgcache2/hwaml.com_1297336387_610.gif

[somia]

لوكة انا نفسي اخدك انتي ولولو مرة معايا الدكتورة أنجيه كده وأخليها تعملكوا سونار وتشرحلكوا جسمه جزء جزء عشان تفهموه

[somia]

ااااااااااااااااااااااااااامين

[MALAK2010]

لوكة انا نفسي اخدك انتي ولولو مرة معايا الدكتورة أنجيه كده وأخليها تعملكوا سونار وتشرحلكوا جسمه جزء جزء عشان تفهموه
هههههههههههههه يعنى العيب فينا مش فى الدكاترة العباقرة اللى احنا بنتعامل معاهم
على العموم انا موافقه ههههههههههههههه

[MALAK2010]

نورا رحتى فييييييييييين

[somia]

معلشي يا لوكة والله يا بنتي لو جمبي كنت خدتكوا فعلا معايا بس انتوا اللي في اخر بلاد المسلمين

[somia]

نورا متسيبي الكي بورد للاستاذ احمد شوية نشوف عايز يكتبلنا إيه

[MALAK2010]

الوقت انزل ان شاء الله وهشوف واتفرج على الافلام اللى بتقوليهالى هههههههههه

[MALAK2010]

هتروحى امتى للدكتورة ؟؟؟

[نولارا]

انا هنا يالوكه بس زهقت من الكلام فى الحمل اولدوا بقى عشان نتكلم عنن القرود الصغيريين ههههههههههه
هى لولو فين بقالها مده مش باينه

[MALAK2010]

لولو فى الفترة المسائية بقالها كام يوم

[somia]

لوكة والله ما انات عارفة الدكتورة هتفتح تاني امتى

[MALAK2010]

عارفين امبارح قلت لما اشوف احنا اتعرفنا ببعض فى الصفحه الكام فى الدردشة لقيت احنا تقريبا فى الصفحه 9 يعنى تخيلوا احنا رغينا كل دة
والمشكله ان اللى فى الصفح التامنية الاولنين مابيدخلش منهم حد خالص غير نورا وجوجو
والاغرب ان جوجو وبقلظة كانوافى اول الصفح مع ان كنت فاكراهم لسة جداد معانا

[MALAK2010]

واحدة فاضيه انا عارفة هتقولوا عليا كده ههههههههههههههههه

[somia]

ماشاء الله علينا قولي ماشاء الله لحسن نبطل رغي ..هههههههههههههههههههههههه
يا أمي احنا واخدين دكتوراه في الرغي

[MALAK2010]

نورا انتى دخلتى المنتدى وانتى حامل فى الشهر الكام

[MALAK2010]

على رايك ما شاء الله

[نولارا]

يابنتى بقلظه جت المنتدى قبلكم بكتييييييير

[somia]

يا جماعة المطر عندنا ماشاء الله شغالة الله ينور وبرق ورعد ... وبوظلتي ارسال الدش..هههههههههههههه

[نولارا]

قبل الحمل بابنتى اصلى من اول شهر اتجوزت فيه وانا عاوزه احمل هههههه
مستعجله قوى لكن ما شاركنتش الا بعد ما حملت تانى شهر جواز يعنى ما شاء اله مكنش عندى وقت اضيعه ههههه

[MALAK2010]

كل البنات اول ما بيتجوزوا بيبقوا عاوزين يحملوا

[MALAK2010]

نورا :وكنتوا بتتكلموا ازاى اصل ماكنش فية تجمع حوامل مصر

[MALAK2010]

نورا:واصحابك اللى انتى اتعرفتى عليهم ايام الحمل لسة بيدخلوا التجمع ولا انشغلوا بعيالهم

[somia]

لوكة وانتي الصادقة البنات أصلامن قبل الجواز بيبقى نفسهم في بيبي فبيتجوزوا أصلا عشان ربنا يكرمهم بنونو يلعبوا معاه ..هههههههههههه

[MALAK2010]

يعنى الدنيا بتمطر فى التحرير
ربنا معاهم ياعينى وهم واقفين كدة فى المطرة

[نولارا]

كنا بنتكلم فى تجمعات الشهور
فى منهم لسه بيدخلوا وفى منهم لا
فى لسه زى مصريه مغتربه ومنتهى الرقه وزهره الرمان
اللى بطلوا بقى كتييييييييير زى غموض وام دجانه

[MALAK2010]

نورا:وسها بتدخل ولا لاء
اصل فى مواضيعك بتدعى لسها لانها بتولد

[somia]

يا روقانك يا لوكة ... شفتي اللي اتجوز في ميدان التحرير وبيقضي شهر العسل هناك .. كل ما اتخيل الوضع ما استوعبوش ازاي أول يوم ده يبقى في خيمة وسط كل الناس دي وهما عارفيين ان النهاردة اول يوم ولأـ ايه وهيقضي شهر العسل هناك كمان ... تفكير بجد غريب

[نولارا]

سها دخلت مره واحده بس بعد ما ولدت وبعدين فص ملح وداب
ايوا كنت بدعيالها اصلها كانت عامله طفل انابيب او حقن مجهرى مش فاكره بالضبط فكان نفسى اوى تفرح بالنونو بقى

[MALAK2010]

مين قال انه هيقضى شهر العسل والحاجات دى
هى كل الحكاية انه كتب كتابه وبس الكلام دة اكيد مش صحيح هم عاوزين يشوة الصورة بتاعت الشباب وخلاص ويحسسونا انهم راحين يتسلوا

[MALAK2010]

وبعدين يا سمسم مفيش راجل مهما كان يرضى انه يعمل كدة مابالك مراته

[somia]

يا أمي هوه اللي قايل كدهوبعدين دي العروسة لابسة الفستان الأبيض يا ماما .. بجد انا مش فاهمالهم حاجة ..
نورا وسها الحمد لله البيبي بتاعها جه كويس وكان ولد ولا بنت ولا توأم ... ربنا يرزقها تاني طبيعي وقت ما تحب ومتتبهدلش في الكلام ده تاني

[somia]

يا لوكة والله هوه قايل كده في الجرنال وجايبين الصور كمان وعملوا فرح عالماشي كده هناك برضه

[نولارا]

جابت احمد ياسمسمه عقبالك ويجى ولاد مش بنت ههههههههههه
انا بغيظك عارفه ان نفسك تكون بنوته ههههههه

[somia]

ماشي يا نورا .. إلاهي ربنا يفرحنا بخبر حملك في القريب العاجل يا رب .. واحدة بواحدة بقى ..هههههههههههههههههههههه

[نولارا]

يابنتى انا مركبه لولو ههههههههههههه وبعدين هو انا ازعل جوزى وامى بس االلى هيزعلوا اصلهم شايفين انى بختفى شويه بشويه من يوم ما ولدت

[somia]

انتوا فييييييييييييييييييييييييين؟؟؟

[MALAK2010]

مش كل حاجة جايه فى الجرنال تصدقيها اليومين دول هم عاوزين الناس تحس انهم بيتسلوا و
انا شفتهم فى الجزيرة لابسين هدوم عادية وبيكتبوا الكتاب والناس كلها كانت بامن على كلام الماذون منظر كان جميل
انافعلا شفت صورة على النت ناس تانيه ولابسين زى مابتقولى ووراهم دبابه بس اظن متفبركة والله اعلم

[somia]

أحب أقولك انا من شهر كده سمعت ان وحدة صحبتي حملت عليه يعني ولا ليه لازمة أصلا ..
طب أما أحب أغيظك انتي أغيظك ازاي ؟؟؟هههههههههههههههه

[somia]

لوكة انت مش واخده بالك في فرحين حصلوا هناك واحد كتب كتاب عادي والتاني فرح بجد يا رب بجد يكون الخبر متفبرك لحسن انا دمي محروق لمراته اولا ومن الموقف ثانيا

[نولارا]

كفايه عليا جوزى هو بيعرف يغيظنى كويس

[somia]

أه فعلا الرجاله دول تخصص استفزاز وغيظ انا كل ما أقول لزوجي حرام عليكي ارحمني شوية يقولي لو ما استفزتكيش انتي هستفز مين .؟؟؟ غلبان الراجل مش كده برضه ...ههههههههههه

[MALAK2010]

معلش الجهاز كان مهنج

[نولارا]

اساتذه ورؤساء اقسام
انا جوزى اوقات بيرد عليا ردود بتخلينى عارفه فى الكتب لما بيقولوا ووقف فاغرا فاه وازبهل شلولح هههههه
انا ببقى كده بالضبط

[MALAK2010]

http://forum.hwaml.com/imgcache2/hwaml.com_1297340892_777.gif

[somia]

مفيش مشكلة يا لوكة .. يا جماعة احنا حصل عندنا حالة وفاة ... زوج عمتي الله يرحمها توفاه ربنا بس أنا أصلا مشوفتوش ولا مرة في حياتي ولا أعرف حتى اسمه

[نولارا]

ا البقاء لله ياسمسمه

[MALAK2010]

البقاء لله يا سمسم

[somia]

طب احمدي ربنا ان ده احيانا انا عندي دائما...ههههههههههههههه
ايه يا لوكة احضرينا

[somia]

لا إلاه إلا الله المشكلة اني انا مش عارفة أي حاجة عنه يعني ولا حتى هيعملوا العزاء امتى ومش عارفة هروح ازاي في الظروف دي حتى اتصلت ببنته أعزيها كنسلت عليا مش عارفة أعمل ايه

[somia]

نفسي أعرف بتختفوا فييييييييييييييين؟؟؟

[somia]

يا ناس يا اللي هنااااااااااااااااااااااااااا

[somia]

نفسي أفهم بتختفوا فين ... على العموم أقوم أشوف انا اللي ورايا ..
السلام عليكم ورحمة الله وبركاته

[dr.princess]

انا جيت انا جيت انا جيت

[dr.princess]

ايه ده انا جيت وانتوا مشيتوا

[somia]

لولو انا ساعة كده وأرجع تاني معلشي هصلي العصر بس وأتغدى وأرجعلك ... متمشييييييييييييييييييش

[dr.princess]

ماشى ياسمية بالهنا والشفا هستناكى ان شاء الله

[somia]

أنا جييييييييييييييييت .. معلشي اتأخرت عليكي

[somia]

يا سلام على دقتي يا سلام ... ساعة الا خمس دقايق عمرك شفتي حد بالدقة دي قبل كده ..ههههههههههههههه

[dr.princess]

لا ولايهمك
حتى ملك ونورا اختفوا اول ماجيت

[dr.princess]

ههههههههههههههه طيب تعالى علمينى اصل مواعيدى نيلة اوى

[somia]

الحمد لله تعالى انا بحاول على أد ما أقدر ألتزم بالمواعيد..
نسيت أعزم عليكي تحبي تاكلي .. طبعا جبنة بالطماطم ؟؟؟ههههههههههههه

[dr.princess]

ههههههههههههه انتى بتقولى فيها انا لسه كنت باكل جبنة فعلا بس من غير طماطم مش بحب الطماطم اصلا

[somia]

انا بعشق الطماطم وساعات باكلها لوحدها كمان بقرقشها زي الخيار كده ..هههههههههههههههههههه

[dr.princess]

لالالالالالالا انا تقريبا مش باكلها خالص
اختى وابنها هم اللى مدمنين طماطم
بس برده خلى بالك منها علشان الاملاح

[somia]

بقولك صحيح انتي قريتي الأبيات اللي أنا حطيتهم؟؟؟

[dr.princess]

اه قرأتهم لما خرجتى
ماشاء الله حلوين اوى

[somia]

لا متقلقيش خالص أنا عندي الاملاح علطول في العلالي والكلة اليمين عندي فيها التهاب شديد ..هههههههههههههههههههه

[somia]

بجد بجد ..يعني حلوين قوي ولا نص نص ؟؟؟ هههههههههههههههههههههه
و أسماء القصايد والمواقف اللي اتكتبت فيهم ايه رأيك فيهم؟؟؟

[somia]

لولو انتي فيييييييييييييييييييييييييين؟؟؟

[dr.princess]

يابنتى خلى بالك من موضوع الاملاح دى
لا حلو ماشاءالله واسمائهم حلوة معبرة جدا حسيت انى فى فيلم ههههههههههههههههههه

[somia]

ههههههههههههههههههههههه ماشي يا لولو اتريقي براحتك بس ان شاء الله هحطهم قريب .. يعني سنتين ثلاثة كده على ما أكون أقنعت زوجي وباذن الله هيعجبوكي قويييييييييييي

[dr.princess]

هههههههههههه مش بتريق بس ماشاء الله كلها عن احداث واقعية فتحسى انها فيلم هههههههههههههههه
سنتين ثلاثة لا بسيطة خالص يدينا ويديكى طولة العمر وان شاء الله هيعجبونى اكيد

[somia]

هههههههههههههههههههه خلي بالك ده لو الباشمهندس زوجي حن عليا ووافق أصلا..ههههههههههههه
الحمد لله تعالى انهم عجبوكي

[dr.princess]

كمان ومش مضمون اذا كان يوافق ولالا ماشاءالله عليه

[somia]

هههههههههههههههه أصله ماشاء الله عليه ربنا يهديهولي ويصلحلي حاله من عنده يا رب..
لولو بصي ممكن تدخلي على الرابط ده وتردي عليها لو انتي مشتركة في فتكات

[dr.princess]

على فكرة ياسمية المستشفى اللى بتابع فيها معلقين ورق عن الرضاعة الطبيعة وكاتبين اعداء الرضاعة الطبيعة الببروة والتتينا ورسمينهم وعاملين عليهم علامة خطأ زى ماقلتلك قبل كده

[somia]

http://forums.fatakat.com/thread1203544 (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%73%2e%66%61%74%61%6b%61%74%2e%63%6f%6d%2f%74 %68%72%65%61%64%31%32%30%33%35%34%34)

[dr.princess]

ياااااااااااارب ان شاء الله يهديهولك
هاتى الرابط

[somia]

والله يا لولو ما انا عارفة انا بجد بقيت محتارة مش عارفة استخدمهم ولا لأ ناس بتقولي كويسين جدا وناس بتقول العكس تماما فبفكر على اد ما أقدر ما أستخدمهمشي الا في الضرورة القصوى وربنا يسهلها من عنده يا رب

[dr.princess]

خلاص ان شاء الله هرد عليها تلاقيها ملبوخة وحالتها حالة
بس اصلا عندى شغل فى البيت دلوقتى لما اخلصه هرجع ارد عليها ان شاء الله

[dr.princess]

ان شاء الله انا مش هجيب تتينا خالص واختى عمرها ماجابتها لولادها وهجيب ببرونة واحدة على ما اشوف ربنا هيكرمنى وارضع طبيعى ولالا

[somia]

باذن الله تعالى هوه انتي اسمك ايه في المنتدى ده .. ممكن أعرف ولا سر ؟؟
انتي هتخرجي الوقتي ولا إييييييييييييييييييه؟؟؟