دردشة حوامل مصر - دردشة بنات مصر - تجمع حوامل مصر

[somia]

الله يسلمك يا رب يا لولو

[dr.princess]

ناوية اجيبه ان شاء الله بس 3 شهور كده علشان يكون ظهره شد شوية كده وميأثرش عليه

[somia]

هوه ممكن يأثر على ظهر البيبي لو استخدمناه في الاول؟؟؟

[somia]

لولو تصدقي شكل الوحم لسة مسابنيش التميس ريحته مش راضيه تروح من مراخيري مش عارفة اعمل ايييييييييييه ... اهئ اهئ اهئ

[dr.princess]

ظهر البيبى بيبقى ضعيف فى الاول فبتهيألى ممكن يقوس الظهر شوية

[dr.princess]

هههههههههههههه ربنا يعينك

[somia]

بس الكرسي ده على حد علمي ممكن يتفرد لدرجة قريبة من السرير بس عشان اما تقفي في المطبخ مثلا البيبي يبقى قريب منك

[dr.princess]

ربنا يسهل هشوف ساعتها

[somia]

باذن الله تعالى ...
اللي محتارة فيها قوي سرير البيبي اللي هوه الكركيت بفكر اجيب اي نوع والسلام حاجة كده بس اشيل فيها البيبي اول شهرين عشان متتلوحشي مني مع ان اللي عجبني وهموت عليه ب170 بس انا مستحماه بفكر اجيب واحد ب50 جنيه وخلاص .. ايه رأيك؟؟؟

[dr.princess]

قصدك ده اللى بيتشال فيه البيبى بايد دى ولا ايه
لو هى انا مش بحبها ابدا ومعدتش بشوف حد بيجيبها اصلا
وبعدين انتى مفكرة ان اول شهرين دول هتخرجى كام مرة يعنى مش مستاهلة تجيبى حاجة ده رأيى

[somia]

لولو انتي رحتي فييييييييييييين؟؟؟

[somia]

اه هوه ده اللي قصدي عليه.. انا اول شهرين على الاقل هتلاقيني رحت لماما وبابا كل اسبوع عشان ميزعلوش مني ... وبيني وبينك انا ناوية اما زوجي يبقى معايا ادبسه في الشيلة وبعدين انا اصلا مش عارفة هشيلها على دراعي ازاي وانا لابسة الخمار والنقاب خايفة النونة تتخنق مني

[dr.princess]

مين اللى بيروح لمين يابنتى هم اللى المفروض يجولك
وعادى طيب منا بلبس طرحة كبيرة ونقاب ايه اللى هيخنقه عادى

[somia]

يا بنتي انا عارفة مش هيجولي الا فيما ندر لان امي زي ماقلتلك عند جدي علطووووووووول فمش عارفة بقى اه اللي ممكن يحصل بس على ما اظن انا اللي هروحلهم

[somia]

طب هتشيليه باذن الله تعالى ازاي يعني من تحت الطرحة ولا من فوقها؟؟؟

[dr.princess]

انتى غرييييييييييييبة الست اللى والدة دى بتبقى مكرمة معززة فى بيتها ومش بتخرج لحد حتى لو امها وابوها هم اللى يجروا عليها وعلى البيبى
وبعدين ربنا يسهل علينا ولادتنا انتى مفكرة انك بعدها هتبقى قردة وتجرى فى الشوارع لا طبعا بعد تعب الولادة ولخبطة النوم وعياط النونو هيبقى فل اوى لو شفتى جوزك اصلا

[dr.princess]

لالا اكيد من فوقها طبعا
انتى بتفكرى فى شوية حاجات ماتجيش على بال حد كل حاجة فى وقتها ليه شايلة الهم من دلوقتى

[somia]

هههههههههه يا بنتي ولا غريبة ولا حاجة بس انا خايفة قوي ان تحصل مشاكل هنا ان ماما مجتليش فعايزة انا اللي اروح عشان محدش يلقح بالكلام عليهم وتحصل مشاكل بين العيلتين وخصوصا اني في منطقة شعبية وليهم تقاليدهم بتاعة الولادة واولها ان الام بتيجي لبنتها بس احنا عندنا اصلا البنت الوالدة هيه اللي بتطلع على مامتها بس انا مش عايزة اروح لامي ده لوكانت جت اصلا من السفر وزوجي موجود يعني مش في مامورية وانا نفسي يكون موجود في ولادتي ويبقى جمبي وفي نفس الوقت خايفة تحصل مشاكل من النحيتين وانا اصلا مش عارفة اتجنبها ازاي لاننا هناك لينا عادات معينة وهما هنا عاداتهم تانية خاااااااالص فحاسة اني هبقى بشد في شعري

[somia]

والله يا لولو ما اني مكنتش بعمل كده بس خايفة بعد الولادة احتاس واندم اني ما اشتريتهاش وبالذات لو رفعت ايدي وانا شايلاها فكده الخمار هيترفع وانا بحبه يبقى مغطيني كويس

[dr.princess]

وانتى فاكرة انهم مش هيقولوا دى امها ماهنش عليها تجيلها وهى اللى راحتلها وهى لسه والدة هم الكلمتين دول بالظبط اللى هيتقالوا
بس للامانة يا سمية مامتك واجب عليها تجيلك وتخدمك خصوصا انها مش جنبك طول الوقت تعالى شوفى ماما بتعمل ايه لاختى والله لو اختى عملت ايه ماتقدر توفى حق ماماا عليها ابدااااا

[dr.princess]

لو حسيتى انك محتاجة حاجة بعد الولادة ابقى انزلى اشتريها انا عملت كده اللى حاسه انها ممكن تكون ملهاش لزمة مجبتوش ولو بعد كده احتجته هبقى اجيبة عااااااااادى

[somia]

لولو والله يا بنتي انا ما عارفة اعمل ايه امي بتقعد تقول انا مش جمب ابويا طول السنة وكده يعني واصلا جدي غلبان محدش من عياله بيعبره اصلا حسبي ربي فيهم فهيه بتجي عشان تبقى نصف اقامة عنده يعني في رمضان مثلا مكناش بنشوفها قبل الفطار وكنا بنفطر عند جدي وهيه من الصبح هناك فمش عارفة اعمل ايه عارفة على اد ما نفسي امي تكون موجوده في ولادتي على اد ما انا مرعوبة من وجودها ده وبتمنى اني اولد قبل ما ترجع بكثير عشان اكون قمت بالسلامة كده ومحدش يقولي هيه مجتلكيش ليه

[somia]

انا خايفة ما ابقاش قادرة الف وادور وانا من النوع المتعب في الشراء قوي لان مش اي حاجة ممكن تعجبني ممكن الف في عشر محلات مثلا على الاقل عشان الاقي حاجة اقتنع بيها وممكن ربنا يكرمني ومن اول محل الاقي حاجة اقتنع بيها واشتريها

[dr.princess]

ربنا يصلحلك الحال ياسمية
معلشى لازم اقفل جالى مغص رهيييييب فجأة هروح ارتاح شوية

[somia]

ربنا يشفيكي يا رب ويخف عليكي ..
وانا برضه هاروح اغفلي شوية كده

[Rania Negm]

عاوزة أنااااااااااااااااااااااام

نايمة الساعة 3 وصاحية سبعة ونص

يارربى محمد بيظبط المنبه من 7 ونص ويسيبه كل شوية يرن تانى كل خمس دقايق

ياربى عذاب

انا اللى بصحى وهو ينااااااااااااام

أعمل ايه فى الراجل ده ؟؟؟ !!!! أنيمه فى شقة لوحده ولا اعمل ايه ؟؟؟

نور وتليفزيون ومنبه ؟؟ !!

دا كتييييييييييييير

كتيييييييييييييييييييييييييير

كتييييييييييير اووووووووووووووووى

[malak ahmed]

سلام عليكم يا حلوين .. اخباركم ايه ...

ههههههههه رانيا معلش انا حاسه بيكي .. اختي كانت دايما بتعملها فيا واحنا نايمين مع بعض قبل ما نتجوز انا وهي .. كانت تظبط منبه الموبايل ويفضل يرن كل 5 دقايق وبتفضل نايمه وانا اللي بصحي

اخبارك ايه ياقمر ؟؟ واخبار البيبي ايه ؟؟

[somia]

ملك رانيا ازيكوا..
ملك انا اختي حتى الان بتعمل فيا كده اما بروح ابات عندهم ببات انا في غرفة وهيه في غرفة عشان تعرف تنام وانا اعرف اسهر اقوم انا اصحى على المنبه بتاعها واتخانق معاها وفييييييييييييييييييين اما ربنا يكرمني وتصحى

[somia]

طمنوني عليكوا الحمل عامل معاكم ايييييييييييه؟؟
ملك قريتي ردي على سؤالك على شراء الهدوم؟؟؟؟

[somia]

انتوا رحتوا فييييييييييييييييييييييييييين؟؟؟

[malak ahmed]

سميه ازيك يا حبيبتي اخبارك ايه

ايوة سوسو قريتو امبارح بليل وعندك حق والله بس هما بردو غاصبين عليا اني اشتري الحاجه ع اول التاسع .. عشان يعني مش اقاطع .. من بعد حملي اللي فات وكده

انا افتكرتك مش موجوده دلوقتي .. قوليلي اخبارك ايه ؟؟ واخبار البيبي العسل ايه ؟؟ انا بردو هجيب زيك بنوته صغنونه ههههههه

[malak ahmed]

يارب تكوني موجوده والاقي حد اكلمه ... كل يوم اصحي م النوم بدررررررررررري وافضل اكلم نفسي اروح واجي عالجهاز اقول يمكن حد رد عليا

[somia]

والله يا لوكة مش حكاية مقاطعة قوليلهم كل حاجة باذن ربنا بدل ما تحتاسي زيي كده في الاخر مع اني فاضلي حاجات قليلة والحمد لله الا اني خايفة اخرج اجيبها لحسن أتعب .. أنا عمالة بهاتي مع نفسي مش عارفة انام مع ان دماغي صداااااااااااااااع رهيب...
ربنا يباركلك فيها يا رب قررتي اسم ليها ولا لسة؟؟؟

[somia]

انا هنا متقلقيش

[malak ahmed]

ان شاءالله هنسميها ملك .. مع اني قريت ان الاسم ده م الاولي تركه بس جوزي بيحبه ومصر عليه اووووووى

[malak ahmed]

انا عرفت من كلامك مع البنات انك ناويه ان شاءالله علي اسم عائشه صحيح؟؟؟ واستقريتي عالاسم خلاص ولا لسه

[somia]

ربنا يباركلك فيها

[malak ahmed]

قوليلي انتي منين ياسميه وعندك كام سنه
ومتجوزة من امتي وكده .. عشان اعرفك اكتر وسوري لو كنتي قولتيلي ونسيت .. اصلي من يوم ما حملت بقي عندي زهايمر مبكر هههههههه

[somia]

ثوانييييييييييييييييييييي

[malak ahmed]

ربنا يخليكي يارب ...
اوووووووووك اتفضلي بس اياكي تتاخري هموتك

[somia]

لو اتأخرت متقلقيش هارجعلك تاني اصل معايا تليفون

[malak ahmed]

اوك يا سميه ابقي عرفيني لما تخلصي وانا مستنياكي اهو

[somia]

معلشي والله يا ملك خلصت تليفون جالي التاني وده التالت اصبري عليا معلشي

[somia]

ادي التالت فصل ..
بصي يا ستي انا عندي 24 سنة ونص من حلوان حاول في اول الثامن حملت مرتين واجهضت ومرة ما بينهم كانت حمل عنقودي وعملت العملية
متزوجه من سنة ونص تقريبا

[somia]

والله يا لوكة بالنسبة للاسم انا مقتنعة بيه جدا بس ادعيلي زوجي يقتنع بيه وربنا يحببه فيه..
أنا مستنية تعرفيك ليا بنفسك...

[malak ahmed]

ولا يهمك ياحبيبتي بتحصلي كتير .. المهم انك جيتي ف الاخر

انا بقي ياستي اسمي نهاد من دمياط بس قوليلي ملك لاني بحب الاسم ده اووووى ههههه .. 21 سنه .. متجوزة من سنتين و4 شهور .. حملت مره واجهضت .. وده تاني حمل فعلي ليا .. وربنا يتمم بخير المره دي لاني بجد اتعقدت من بعد اللي حصلي ف الاول ونفسيتي كانت زي الزفت .. وكل تاخيري ف الحمل ده كان بسبب سفر جوزي لانه بييجي ف السنه شهرين بس .. وربنا يهون عليا وعليكي يارب

ربنا يهدي زوجك ويرضي بالاسم ..

قوليلي ياسميه هو جوزك مسافر ولا ايه ؟؟ اصلي شوفتك بتقولي للبنات ماموريات وبتاع .. هو بيشتغل ايه

[ام انس المصريه]

طب اعرفكو انا بنفى ماشى

وياريت تصاحبونى عشان خاطرى هههههههههههه

بصو بقى انا اسمى شيماء عندى 25 سنه متزوجه من 8 سنوات كان عندى 17 سنه

وحكايتى المؤلمه يجماعه هتلاقوها فى المنتدى العام اقرأوها وردو عليا

مختصر الحكايه انى بقالى 8 سنين جواز ومكنش بيحصل حمل مع انى سبحان الله معنديش اى مانع يمنع الحمل

انابيب زى الفل مبايض بتنتج اكتر من بويضه رحم زى الفل

ولكن ارادة ربنا فوق كل شىء المهم عملت الحقن اول مره حملت فى شهر ونص ومحصلش نصيب

بعدها بست شهور عملت حقن تانى لانى المبايض كان عليها 3 اكياس ميه بسبب كتر المنشطات

والحمد لله انا حامل فى الرابع ادعووووووووووووووووولى ربنا يكملى على خير
ومتنسوش تروحو المنتدى العام تقرأو قصتى المؤلمه اهىء اهىء اهىء وصدقونى هتعيطو خدو معاكم مناديل

[somia]

من عنيا يا لوكة .. انا زوجي شغال مهندس بس ساعات بيجيلوا مأموريات كده بيسافر بره القاهرة بس جوه مصر ..
بقولك صحيح هوه كان ايه اللي حصل في حملك الاولاني ؟؟؟

[somia]

أم أنس ازيك عاملة ايه؟؟؟

[malak ahmed]

اهلا بيكي يا شيماء معانا هنا وياريت تفضلي منورانا علطول

ربنا يتمم ليكي ع خير ومش تفكري ف اللي راح فكري ف اللي جاي .. وربنا يعوضنا كلنا يارب وان شاءالله تشوفي البيبي ف حضنك المره دي ..

قوليلنا عرفتي نوعه ولا لسه ؟

[malak ahmed]

انا جوزي سافر ياسميه بعد الجواز بشهرين بالظبط ومكانش حصل حمل .. بعديها جه بعد 8 شهور كده روحت قبليها لدكتور عشان اطمن ع نفسي .. والدكتور ده كان مش بيعالج غير بالمنشطات حتي لو كانت الواحده مش محتاجه وكويسه .. وبالتالي دخلت ف حلقه مفرغه م المنشطات والحاجات دي وكنت ف غني عنها والحمد لله حملت من اول شهر بعد ما رجع جوزي

وكنت لسه بدرس وف الكليه وكده والدكتور كان قايلي عالعربيات عادي فكنت بروح الكليه وانتي عارفه بقي تعب العربيه والمشي الكتير وكده ف الاول.. ومكنتش بردو بريح نفسي ف البيت كنت بشتغل كتيييييييييير اوى ..
ف الشهر التاني نزل عليا افرازات بني والدكتور قالي الرحم مقلوب وارتاحي ونامي ع بطنك .. بس اتاري ده كان انذار بالاجهاض وانا معرفش .. بعد ما ارتحت الحمد لله الافرازات اتمنعت .. افتكرت الحمل ثبت وخلاص يوم ما اجهضت بقي كنت عملت مجهود جبااااااااااااااااار ف الشقه وكلو قبل ما اكمل 3 شهور حمل .. وحصل اللي حصل والدكتور رجع اداني تاني منشطات قبل ما دم الاجهاض يتمنع وتعبت اوى ومحصلش بردو حمل .. فجوزي سافر تاني وروحت لدكتور تاني
والحمد لله ع كل حال .. وربنا عوضني اهو بالحمل ده.. ادعولي بجد لاني محتاجه البيبي ده اوى لاني بقعد لوحدي ف الشقه وزهقت م الوحده دي بقي

[somia]

ثواني عشان جالي تليفون تاني

[ام انس المصريه]

ازيك ياسميه انتى وملك عاملين ايه

والله ياملك انا نسيت كل الحاجات الوحشه اللى مريت بيها ودلوقتى فرحانه انى حامل وانى هكون ام ان شاء الله ادعولىىىىىىى ربنا يكمل لى على خير ويرزقنى نونو امور شبهى هههههههههههه

عينه خضره وشعره اصفر وكلبوظ ههههههههههههههههههه

[malak ahmed]

ههههههههههه ايه حكايه الفونات معاكي يابت انتي .. انتي بتشتغلي سنترال من ورانا ولا ايه

ربنا يكملك ع خير ياااااااااااااااااااارب واحنا معاكي وكويس انك قريبه من شهر حملي كمان عشان تكوني موجوده معايا ونصبر بعض عالايام الطويله دي ...

مقولتليش يا شيماء عرفتي نوع البيبي ولا لسه ؟؟؟!!!!!
وعرفينا بنفسك اكتر انتي منين ..

[ام انس المصريه]

انا كمان زهقت من الوحده بقالى 8 سنين قاعده لوحدى مع ان جوزى مش مسافر بس دايما مشغول فى شغله

الله يعينه ويقويه

ربنا يكملنا على خير ويرزقنا الطفل المعافى السليم

ملك انتى فى الكام دلوقتى انا فى نص الرابع

[malak ahmed]

انا ان شاءالله دلوقتي ف نص الخامس يا شيماء ..

انتي منين ياتري!!!!!!!!!

[ام انس المصريه]

بصى ياستى الدكتور فى الشهر الثالث قالى ممكن يكون ولد ان شاء الله بس فى اخر الرابع هاكد لك

بس انا مش شاغله بالى اوى بموضوع بنت او ولد كل اللى يجيبه ربنا كويس هو انا كنت لاقيه

وكمان جوزى نفسه اوى فى بنت عشان اسميها على اسم امه

حمـــــــــــــــــيده اهىء اهىء اهىء يعععععععع

ابقى انا اسمى شيماء وبنتى اسمها حميده ده يرضى مين بس

انا بقى كان نفسى فى بنت اوووووووووووووى بس بعد القرار ده قلت يارب يكون ولد

انتى عرفتى ولا لسسه ياملك

[ام انس المصريه]

انا من المحله الكبرى (وعاشر حاوى ولا تعاشر محلاوى ) ههههههههههههه خافو منى بقى عوووووووو

اول بلد وقفت فى وش الظلم وقالت لا للحكومه ولا للظلم ومات منا ناس كتيييييييير

6 ابريل 2008

[malak ahmed]

ههههههههههه معلش يختي .. حصلت مع اختي جابت ولد هي وجوزها اجبرها تسميه ع اسم حماها ** سيد ** هههههههه
واختي اسمها هبه وجوزها اسمه محمد وجابو سيد .. مانا مش بقولها غير روحي يا ام السيد وتعالي يا ام السيد .. والغريب ان الواد بسم الله ما شاءالله مش لايق عليه سيد خاااااااالص شعرو اصفر وعنيه زرقا زي ابوه وامي وكده

والمصيبه الكبري قايلها لو جابو بنت هيسميها عفاااااف ع اسم مامتو ههههههه عشان كده اختي بتقول يارب اخلف ولاد بس

انا يا شيماء الدكتور قالي اني ان شاءالله حامل ف بنت .. وبصراحه انا وجوزي كان نفسنا ف بنت اووووووى لان كل العيله مخلفه ولاد فقولنا نغير عشان تبقي دلوعه ان شاءالله وكده
والحمد لله طلعت بنوته .. بس يارب تيجي بالسلامه واشوفها ف حضني يااااااااااارب

[malak ahmed]

تصدقي اول مره اسمع عن المثل ده .. لا خوفتيني منك هههههههه

قوليلي انتي كملتي دراستك بعد الجواز ولا قعدتي ؟

[ام انس المصريه]

وانا كمان يارب اخلف وخلاص بنت ولا ولد مش فارقه والله حتى لو اسمها حتى نفيسه انا راضيه

بس ابقى ماما همووووووووووووووووووت وابقى ماما نفسى بطنى تكبر بقى اووووووى

ونفسى اولد بس هولد قيصرى لان اللى بتعمل حقن مجهرى لازم قيصرى وعادى برضو بالنسبه لى قيصرى قيصرى

بس ابقى مامىىىىىىىى وعندى نونو امور وعسل وكلبوظ يجرى من حولى ويعملى بىبى على السرير

وانا ابقى فرحانه واقوله اعمل بى بى كمان ياحبيبى اياك حتى يكسر الشقه كلها ويكسر النيش وزجاج الدولاب والتسريحه

هههههههههههههههههههههه بس يجىىىىىىىى

وحشنى اوى حاسه انى حامل فى 8 سنين والله

هقوم اصلى الظهر ياملوكه

[ام انس المصريه]

ياختى خدت دبلون معفن وقعدت هههههههههههههه دبلوم صنايع قسم ملابس خياطه يعنى ومبعرفش امسك ابره هههههههههههه

[malak ahmed]

هههههههههههه يا مجنونه انتي .. واشمعنا قلبوظ يعني .. يعني مينفعش مش قلبوظ ههههههه

ان شاءالله يا حبيبتي ربنا هيكرمك ف الاخر .. وطول ما انتي صابره وبتحتسبي اجرك عند ربنا ان شاءالله هيعوضك خير .. وكل ده اختبار من عند ربنا .. وان شاءالله ييجي بقي اللي يقرفنا ف عيشتنا ويزهقنا وع رايك يكسرو لينا كل حاجه

انا لما اطفال بيجولي ف الشقه ببقي مخليه بالي منهم اوووووووى عشان ميبهدلوش فيها بالذات ابن اختي بيبهدلي كل حاجه لما ييجي .. ماما تفضل تقولي بكره هنشوف عيالك هيعملو ايه وانتي مش هتقدري تتنفسي .. اقولها بعينكم دي الشقه هتفضل علي ماهي ان شاءالله .. بس طبعا كلو كلام ف الهوا هههههههه مبقاش في عيال هاديه اليومين دول

اوك يا حبيبتي .. تقبل الله .. ومنتظراكي

[ام انس المصريه]

انا عندى اختى عندها 6 سنين امى خلفتها بعد ماتزوجت بسنتين ههههههههههههههههه

انا بدور على الحمل وتيجى امى تحمل وعجبى ههههههههههه ابويا كان مسافر وجه فحملت كانت امى وحشاه بقى ههههههههههههه بس امى كانت حزينه اوى وخبت علينا انها حامل لغايه الشهر التاسع بس والله انا كنت حاسه انها حامل من اول شهر وواجهتها وقلت لها انتى حامل ياماما شخطت فيا بس برضو انا مقتنعتش وكنت متاكده انها حامل بس هى مكنش قصدها تحمل جات كده من عند ربنا وجابت لنا بلوه من بلاوى الزمن حبيبه اختى ههههههههههههههه

المهم اختى دى فظيعه دايما تقلب لى الشقه اقعد اصرخ واشتم فيها تقوم البت تشتمنى بس اعمل ايه مدلعنها بقى اخر العنقود بس عيالى حاجه تانيه

هسيبهم يكسرو براحتهم حبايب قلب ماما يارب اطوى لنا الايام وكمل لنا على خييييييير

المهم انتى معاكى كليه ايه ياملك وعندك كم سنه ومنين

[malak ahmed]

هههههههه ربنا يخليها يارب .. ربك لما يريد بقي

انا ياستي معايا ليسانس اداب قسم لغه انجليزيه لسه مخلصه دراسه السنه اللي فاتت ... عندي دلوقتي 21 سنه .. ومن دمياط بتوع المشبك ههههههه

ثواني ياقمر هتغدي واجيلك علطوووووووول
اتفضلي معايا

[ام انس المصريه]

شكرا ياحببتى بالهنا ليكى انا بقى لسه مفطرتش سالقه بيض وجبنه قريش

وهفطر انا كمان

يلا سلام دلوقتى

[malak ahmed]

انا جييييييييييييييييت .. هل من مجيــــــــــــــــــــب ياتري ؟!!!!

[somia]

انا جيييييت
ملك انتي لسة هنا؟؟؟

[dr.princess]

انا جيييييييييت

[somia]

ازيك يا لولو .. نمتي كويس؟؟؟

[ام انس المصريه]

اهلا سميه ازيك عامله ايه

ملك بما انك معايا فى الحمل

انا سعات بيجى لى مغص اسفل بطنى مع انى خلاص فى الشهر الرابع مرحلة التجميع خلصت

المغص ده سببه ايه ولحد دلوقتى مش حاسه بحركة الجنين وبيقولو انك بتحسى بنبض الجنين

انا سعات بسمع دقات قلب بس ده اكيد قلبى ونا بوهم نفسى انى سامعه دقات قلب النونو

اه وبحس ان المثانه فيها ميه ولما ادخل الحمام مفيش غير قليل ده ايه ياترى

افتونى ياجماعه

[dr.princess]

الحمدلله بس طبعا مانمتش الا لما رجعت وطبعا بطنى لسه واجعانى الحمدلله

[malak ahmed]

يا ماشاااااااااااء الله حبايبي كلهم موجودين اهلين بيكم

لولو حبيبتي ازيك دلوقتي عامله ايه .. يابت انا نفسي بقي تولدي وتفرحينا بالبيبي بتاعك ده عشان احس اني كمان فيه امل واني هقرب اولد

[somia]

ربنا يسترها معاكي يا لولو يا رب انا بقى معرفتش انام كالعادة وكنت فاتحة سنترال من شوية ..
دعواتكم لايمي لان نازل عليها دم..
أم أنس انا محستش بالحركة الا في نص الخامس تقريبا وبالنسبة للحمام عااااااااااااااادي انا من اول الحمل لحد الوقتي كده وده لان الهانم دايسة برجل جنابها على المثانة

[malak ahmed]

شيماء متقلقيش ف الحمل هتشوفي العجايب والله وكل واحده بتختلف عن التانيه ... واطمني ياحبيبتي مش لازم تحسي بحركه البيبي دلوقتي .. انا شوفي سابقاكي بس بردو حركه البيبي مش بحس بيها اوى لسه وشاكه ف امرها
اهم حاجه انك تروحي المتابعه علطول عند الدكتور وتطمني ع نبض الجنين

ومينفعش يابت تسمعي نبض البيبي .. ده نبضك انتي ههههههه بتحصلي كتييييييييير وانا نايمه بسمه نبض قلبي من وداني ودماغي ورقبتي

[somia]

ملك خلي عندك أمل ايام الحمل مع انها متعبة جدا الا انها سبحان الله بتعدي

[ام انس المصريه]

ينهارى ياملك هههههههههههههه ايه الهبل ده يعنى انا بسمع دقات قلبى وكل شويه اقول لجوزى النونو بيدق النونو بيدق صحيح محدثة نعمه على رأيه

سميه ازيك خلى النونه تدوس براحتها ياحببتى وتدلع زى ماهى عايزه ربنا يتم لنا على خير

وربنا يكمل لايمى على خير وربنا يطمنها يارب هى فى الشهر الكام ؟

[ام انس المصريه]

نسيت

طب والمغص ده عادى

المغص بقى بيزيد لما بيحصل لقاء مع الدكتور كان مانع اول تلات شهور بس اول الرابع سمح

وبعد مابيحصل بحس بمغص ده عادى ولا بلاش والله انا بقول بلاش

[somia]

ايمي المفروض ده اول اسبوع ليها في التاسع هيه المفروض راحت الوقتي للدكتورة ربنا يطمنا عليها يارب

[somia]

ههههههههههههههههه ام انس حرام عليكي الراجل انتي ما بتصدقي ولا ايه .. اسألي الدكتور هوه يفيدك أفضل

[malak ahmed]

سميه ده انا هموتك انتي والتليفون بتاعك ده هههههههه ... يالهوي كل ده تليفون .. ده انا لوكنت سافرت لجوزي ورجعت كان هيبقي اسرع

[ام انس المصريه]

ههههههههههه هو اصلا كنا كل مابنروح للدكتور من اول شهر يقوله يادكتور هتفك الحصار امتى
هههههههههههههه

بس بجد والله بتعب والمغص بيزيد وقلت للدكتور قال خلاص لو بتتعبى بلاش او خليها مره فى الاسبوع فسمعت كلام الدكتور

عارفه ياسميه لسه بقرا الموضوع بتاعك اللى بتبشرينا فيه بحملك سبحان الله ان مع العسر يسرا

ربنا يفرح قلوبنا ويقر عيونا بااولادنا يارب

يارب يبقى عندنا عيال كتييييييييييييييييييييييييييييييييييييييير

نفسى اخلف 14 زى حماتى وعلى فكره جوزى هو الطفل 14 لحماتى اخر العنقود

[malak ahmed]

شيمااء انا من يوم ما حملت وبقيت انا وجوزي اكتر م الاخوات ..ههههههه لغايه ميعاد سفره
بصي هو كلو بايد ربنا ف الاول والاخر بس انا اتشاءمت م الجماع من بعد الحمل الاول مع اننا كنا مقللين اووووووي .. والدكتور كان سامحلنا بيه .. بس قدر الله وماشاء فعل

نصيحه مني بلاش جماع خالص او خليها كل اسبوعين مره ومش تتعبي نفسك .. لاننا ما صدقنا ربنا كرمنا وده دورنا ناخد بالاسباب ونحافظ عليه .. انا عارفه انه كلو ف الاول والاخر بايد ربنا .. بس انا امتنعت عن جوزي خالص اول ما حملت .. والمغص ده هيبقي م الجماع زي مانتي قولتي وابقي اسالي الدكتور

[somia]

معلشي يا ملك بس كانت واحدة قريبتي بقالي قرن مكلمتهاش فكانت عايزة تسألني على كذا حاجة وقبلها كانت ايمي

[malak ahmed]

قولولي كلكم ازواجكم اكبر منكم باد ايه ؟؟

[malak ahmed]

ولا يهمك ياسميه الحمد لله انك جيتي لينا بالسلامه حمدلله ع سلامتك يا بطه ههههههه

[ام انس المصريه]

والله ياملك قعدنا 3 شهور مفيش اى حاجه نهائىىىىىىى

اول الرابع الدكتور سمح بس والله اول مره حصل فيها بقيت اعيط من الخوف واقوله انا بحب النونو

اكتر منك

وبالنسبه لتلفونات سميه اكيد هى عامله خاصية احسن ناس بتاع الارارين على راى جوزى

هههههههههه انا طول النهار بكلم كتييييييييييير

[somia]

الحمد لله يا ام انس وسبحان مين بيكرم الواحد من عنده بس انتي قصدك على انهي موضوع؟؟
انا برضه لسة قارية موضوعك وباسم الله ماشاء الله عليكي انتي عندك قدرة رهيبة عالسماح ربنا يباركلك في زوجك وفي ذريتك ويتمملك حملك على خير|...
هقوم أصلي العصر وهارجعلكم

[ام انس المصريه]

جوزى اكبر منى ب3 سنين بس خاطبنى ونا عمرى 16 وهو 19 عيال ههههههههههههههههه صح

[رنا خالد]

عاملين ايه يابنات وحشتوني

[ام انس المصريه]

الموضوع بتاع الم فى المبيض الشمال هل هذا حمل

والله ياسميه انا تعبت كتير اوى اوى فى حياتى بس الحمد لله ميبنش عليا دايما بفضل الله الضحكه مش بتفارق وشى وبحمد ربنا وسبحان الله عندى تسامح كبير جدا لدرجه انى بقول لنفسى انا معنديش كرامه وجبله

بس بحمد ربنا على النعمه دى بنام واصحى ونا مش عندى غل لحد فى قلبى والله بفضل الله كل الناس بتحبنى وبتدعى لى بسبب لسانى ياختى اللى بينقط سكر على الناس كلها وبينقط زفت على جوزى ههههههههههههههههههههه جوزى بيقولى كده

[ام انس المصريه]

ازيك يارنا عامله ايه انا شيماء

[dr.princess]

الف سلامة على ايمى يا سمية
وبعدين تاسع ايه مش هى تقريبا فى الثالث

[ام انس المصريه]

اه ياجماعه بجد نفسى اعمل التوقيع بتاع النونو اللى بيتقلب ده بيتعمل ازاى

اصل ثقافتى المانى

هقوم اصلى العصر بقى

[رنا خالد]

منوره ياشيماء المنتدي كله
مرحبتين واهلين بيكي ياتري قدمتي السي في بتاعك ههههههههه
يعني اسمك سنك اتجوزتي امتي حملتي امتي شهادتك
وعنوانك كمان عشان الجوابات ههههههه
انا الفرق بيني وبين جوزي 7 سنين اتخطبنا كان عندي 21 وهو كان عنده 28
سميه وملوكه ازيكم يابطابيط

[somia]

رونيييييييييي ازيك .. والكتكوتة عاملة ايه ؟؟؟

[malak ahmed]

رنوووووووووووووووش وحشتيني يامززززة يا ام احلي لوجي ف الدنيا

شيماء قدمت يختي السي في ليا واي معلومه عاوزة تعرفيها لازم اول تدفعي رسوم ودمغات ووجع الدماغ اللي انتي عارفاه ده

اخبار البت لوجي ايه ؟؟ شكلها نايمه صح؟

[somia]

اه في اول اسبوع في التالت هوه انا قلت التاسع ؟؟؟ معلشي اصلي بخرف تخاريف ما قبل النوم ..ههههههههههههههه
شيماء ربنا يباركلك يا رب ويثبتك على ده
انا الفرق ما بيني وما بين زوجي حوالي 4 سنين ونص

[malak ahmed]

انا بقي وبلا فخر جوزي اكبر مني ب 9 سنين او عشره الا كده .. ومتجوزه وانا 19 سنه ... انا مستكبراه عليا بصراجه هههههههه بس هو مش باين عليه سنه .. لاني انا كمان شكلي اكبر من سني .. يعني زي ماتقولو حله ولقت غطاها ههههههههه

[somia]

يا جماعة انا قلقانة على ايمي قويييييييييييي المفرو انها كانت راحة الدكتورة على الظهر واول ما تروح هتطمني ودلوقتي اتصل على البيت لا من مجيب والموبيل مقفوووووووول انا مش عارفة اعمل اييييييييييييه

[malak ahmed]

ايمي مين يا سميه ؟؟

ع كل ان شاءالله ترجع بالسلامه وتطمني وتفءلي خير ان شاءالله

[somia]

لوكة ايمي ده واحدة صحبتي مسجله معانا في المنتدى

[رنا خالد]

ربنا يخليكم لبعض ياملك ياحله ياحلوه انتي هههههه
لولو منوره قلبتي كده خلاص الورديه يابنت الايه
سميه ماتقلقيش عليها ياقمر ان شاء الله خير هي بجد صعبانه عليا جدا
انا مش عارفه ازاي الواحده تبقي حامل ياعيني وهي لسه مسئوله عن بنت صغننه ماكملتش السنه
دي من الجمال ده انا لو عرفت اني حامل دلوقتي والله يجيني صدمه نفسيه وادخل سرايا المجانين هههههههه انا مسئوله عن واحده وهاشد شعري عشان كده انا مش هاحمل غير لما لوجين تكمل الاربع سنين عشان تاخد حقها ومظلمهاش وماظلمش البيبي اللي جاي
اللي انا خايفه منه بقي مووووووت انا توته مركبتش اللولب وراحت لجوزها يعني اوبا ربنا يستر معاها بجد هاتصعب عليا لو حصل حاجه كده ولا كده

[somia]

ربنا معاها والله يا رنا .. عارفة ايمي لسة حاكيالي امبارح على واحدة معرفتها لسة حامل وعلى اللولب .. ما تنسيش تقولي ان شاء الله لحسن نيجي نزورك في العباسية قريب ..هههههههههههه

[ام انس المصريه]

يارب نطمن كلنا على ايمى انتى قلتى ياسميه انها فى التاسع ولا التالت

..........

وانتى ياست ملك اقدم السي فى ده فين ولمين وفلوس ايه ودمغات ايه لو فيها فلوس مش هشارك

انا ياختى صارفه لحد دلوقتى اكتر من 20 الف جنيه والله علشان احمل بس

الدهب كله اتباع الجمعيات كلها انصرفت بقيت على الحديده والحمد لله انى حامل دلوقتى

كله يهون علشان ابقى ماما احلى كلمه فى الدنيا يارب ماتحرمنا منها ابدا واخلف 14 عيل

قولو اميييييييييييييييين

[somia]

يا جماعة مضطرة أسيبكم لحسن النوم قفلي عيني ادعولي بس ربانا يهديلي ظهري وجمبي واعرف انام ومتلاقونيش طابة عليكم كمان ربع ساعة

[ام انس المصريه]

يارب تعرفى تنامى انا نومى كله قلق مش بعرف انام خالص مع انى لسه فى الاول اومال لما ادخل على الاواخر هعمل ايه

الله المستعان

[somia]

ايمي في التالت يا شيماء ..
ربنا يتمملك حملك على خير ويرزقك بعدد الذرية اللي فيه الخير ليكي ويكونوا قرعة عين لكي ولوالدهم ويعينك على تربيتهم

[رنا خالد]

ان شاء الله طبعا وكله بأذن ربنا الواحده تعيش حياتها مع جوزها تخرج وتتفسح وتنبسط مش تتلخم بعيلين يابووووووووووي ده العيال تربيتهم عامله زي مضغ الزلط اسألوني انا مجربه
قوليلي ياسميه هي ايمي حملت بمزاجها ولا ماكنتش عامله حسابها؟
وانتوا يابنات ناويين تكرروا المأساه دي بعد اد ايه من الولاده
واوعوا تقولولي مش هانركب وسيله ونجيب عشر عيال والعيال عزوه والموال ده هههههههه
هانط في كرشكم

[somia]

السلام عليكم ورحمة الله وبركاته

[رنا خالد]

وعليكم السلام ياسمسمه نشوفك وقت تاني
البت لولو فيييييييييييين

[ام انس المصريه]

انا يارنا والله والله ماهركب وسيله وبتمنى من الله احمل على الاربعين وارضع صناعى كمان

يابنتى انا اللى اتجوزو معايا ماشاء الله معاهم 4 عيال اقوم انا اركب لولب لااااااااااااااا والف لا لكل لوالب الحياه

............

ربنا معاكى ياايمى وتطمنى يارب

[ام انس المصريه]

طب انا الفت اغنيه ونا قاعده

اسمعوها واعملو بيها

لا والف لا لكل لوالب الحياه سيبى نفسك كده ده الحمل مفتاح الحياه

هههههههههههههههههههه

[رنا خالد]

ربنا يرزقك يارب باتنين وتلاته وعشره ياشيماء انا مالي انتي اللي هاتشربي من كيعانك ههههههههههههه
بس صدقيني رأيك هايتغير بعد اول شهر اصلي كنت زيك كده
انا كان عندي تكيس علي المبايض ودكاتره كتير قبل الجواز قالولي اني هتأخر في الحمل لما اتجوز بس ربنا اراد وحملت بعد شهر من جوازي بفضل ربنا ثم دعاء ماما ليا ربنا مايحرمني منها وانا حامل قلت مش هاركب اللولب وبعد ماولدت بأسبوع حلفت اني مش هاخلف تاني وصمت تلت ايام بعد ماطهرت ههههههههه
ودلوقتي بقول هاخلف بس عشان مسبهاش وحيده في الدنيا بس بعد فتره مش اقل من اربع سنين وكله بأرادة الله
اصلي بحب جوزي اوي وحياتنا حلوه بنخرج وبنتفسح وبنسافر وبنسهر بره وحياتنا منعنشه بالبنت ممكن حياتنا تبقي كده مع بذل شوية مجهود
اما لو اتنين صعب لا هنعرف نخرج ولانعمل اي حاجه ولا نستمتع بحياتنا فبأجلها علي اد ماقدر
وفي ناس مش زي كده بتحب العيال والهيصه ومش مهم اي حاجه تانيه ودي وجهات نظر وانا بحترم وجهة نظر الاخر طبعا

[رنا خالد]

طب شكلكم فلسعتوا اقوم انا بقي اودب البيت
وبعد ماهاخلص هاجي

[أم إياد]

السلام عليكم

بناااااااات ازيكم كلكم وحشتوني اوييييييييييي

أخباركم ايه؟؟

[أم إياد]

متشكرة اوي يابنات وقفتكم جنبي وردكم عليا في موضوع الطلق المبكر..

وباطمنكم عليا انا الحمد لله بقيت احسن دلوقتي ..
اعراض الطلق دي وقفت , لسه بس شوية مغص ووجع الظهر..

وماخدتش ادوية ولا حاجة الحمد لله..

أكيد بس من الارهاق في الكلية الشغل والدراسة وكده ..
دعوااااتكم

وربنا يتمملي وكل حامل فيكم بخير ,, وكل اللي ولدوا ربنا يباركلكم في ولادكم ويخليهم لكم..

[أم إياد]

فيييييييييييييينكم يابنااااااات ؟؟

كل ماادخل ما الاقيش حد هناااا

وحشتووووووووووني كتير

[dr.princess]

الف سلامة يا ايه يارب تكونى شفتى ردى عليكى
معلشى جوزى شوية وهيجى ان شاء الله فبحضر الغداء مش هقدر استنى معاكى

[أم إياد]

الله يسلمك يالولو .. شفت ردك ياحبيبتي جزاكي الله خيرا..
ربنا يخليكي يالولو .. وانتي اخبارك ايه؟ وصحتك عاملة ايه؟
ربنا يهون عليكي الايام ويقومك بالسلامة..

انا كمان جوزي في الطريق هاقوم اجهز الغدا..

وسلامي لكل البنات..

السلام عليكم

[دودى اشرف]

ازيكم يا بنات عاملين ايه
يا ترى مين موجوووووود؟؟

[malak ahmed]

متشكرة اوي يابنات وقفتكم جنبي وردكم عليا في موضوع الطلق المبكر..

وباطمنكم عليا انا الحمد لله بقيت احسن دلوقتي ..
اعراض الطلق دي وقفت , لسه بس شوية مغص ووجع الظهر..

وماخدتش ادوية ولا حاجة الحمد لله..

أكيد بس من الارهاق في الكلية الشغل والدراسة وكده ..
دعوااااتكم

وربنا يتمملي وكل حامل فيكم بخير ,, وكل اللي ولدوا ربنا يباركلكم في ولادكم ويخليهم لكم..


الف سلامه عليكي يا ايه .. كويس انك اطمنتي وبقيتي بخير .. بس حاولي تخلي بالك ع نفسك وتريحي نفسك علي قد ماتقدري ياحبيبتي وربنا معااااااااااااكي يارب ويتمم ليكي ع خير وتشوفي البيبي ف حضنك قريب يارب

[malak ahmed]

حد هنا يابنات !!!!!!

[أم إياد]

الله يسلمك يا أم ملوكة.. ربنا يخليكي ياحبيبتي
دعوووواتك وربنا يتمملنا بخير ويفرحنا بذريتنا الصالحة ان شاء الله..

طمنيني عليكي ,, ملوكة حركتها عاملة ايه دلوقتي .. كنتي قلقانة عليها..
بتحسي بحركتها دلوقتي كويس؟؟

[malak ahmed]

والله يا ايه عشان اول مره فمش عارفه كويس افرق بين حركه الامعاء وحركه البيبي .. بس حتي لما بحس بيها وماما تقولي هي بتبقي قليله اوى وبموت م القلق ع ما احس بحاجه تاني

قوليلي روحتي للدكتور ولا لسه بعد التعب ده ؟

[يارا ويوسف]

ازيكم يابنات

ملك عاملة اية ياجميل

[أم إياد]

لا والله ياملوكة مارحتش للدكتور ,,
انا كنت عنده في الميعاد العادي للمتابعة اليوم اللي قبل ما الوجع ده يجيلي ,,
وكان عندي مغص والم جامد في اسفل الظهر وكتبلي فيسيرالجين لبوس مسكن..
وقاللي كل مايجيلك الوجع ده خديه..

والدكتور ده اصلا من النوع اللي مهما اشتكيت له ومهما كان عندي بيكبر دماغه ويقوللي عادي فما رحتلهوش تاني من وقتها وقلت لو الوجع اللي زي الطلق ده زاد هاروحله..
بس الحمد لله الالم راح لوحده .. هو كان زي طلق الولادة كده وبييجي كل 5 دقايق ..
قعد معايا اكتر من ساعة وكان جامد اوي..

بس ربنا سترها الحمد لله وراح لوحده وماخدتش ادوية.. بس لسه عندي شوية مغص والم في الظهر بيروح وييجي..

ربنا يهون من عنده ويكمل لنا بخير..

بالنسبة لحركة ملك , فاكيد فعلا انتي بتتلخبطي بينها وبين حركة الامعاء خصوصا الفترة دي بتكون لسه الحركة مش جامدة , الواحده مش بتقدر تميزها , انا كنت كده الحمل اللي فات,
بش دلوقتي عشان خلاص عرفت الحركة بتكون شكلها ايه , فبأحس بيها..

انتي بس ماتقلقيش نفسك , والحركات اللي بتحسي بيها دي وشاكة.. هي الجنين .. طالما هي حركة غريبة انتي مش متعودة عليها في جسمك .. هي فعلا في اول ما تحسي بيها كان هوا في البطن بس هي بتكون الجنين..


ربنا يتمم لنا بخير ياحبيبتي..

استاذنك بقى هأسيبك دلوقتي .. جوزي عايز اللاب هيعمل شغل ع النت..

وسلميلي كتير على كل البنات..

السلام عليكم..

[يارا ويوسف]

ملك بتروحى فين
انا كل اما اجى انتى تخرجى

[malak ahmed]

اتفضلي يا ايه .. ربنا معاكي ياحبيبتي

[malak ahmed]

ملك بتروحى فين
انا كل اما اجى انتى تخرجى


موجوده والله يا يارا اهو .. مواعيدنا مش مظبوطه مع بعض ههههههه
انا كل شويه اجي ملاقيش حد وبعديها اجي الاقي حد رد عليا اقوم كاتبه كلام ليه وامشي علي مايرد وهكذا ..
انتي هنا دلوقتي ولا ايه ؟؟ واخبارك ايه ف الحمل ؟؟ طمنيني عنك

[somia]

السلام عليكم ورحمة الله وبركاته
حد هناااااااااااا؟؟؟

[malak ahmed]

نحن هناااااااااااااااااا

هههههههههه انا حاسه انكم زهقتو مني لاني انا الوحيده اللي بتقعد ال 24 ساعه هنا

وحشتيني يابت

[نولارا]

hهااااااااااااااااااااااااااا
مين هناك

[somia]

يا جماعة انتوا فييييييييييييييييييييين؟؟؟

[malak ahmed]

يا ماشاااااااااء الله البت العسل ام الواد العسل بردو جت اهي

اخبارك ايه يانورا حاسه اني من زمان مكلمتكيش

[malak ahmed]

ايه يابت يا سوسو انتي مش شايفه الرد ولا ايه ؟؟ ولا ده بردو من تاثير الحمل هههههههه

[somia]

لا طبعا يا لوكة ازاي ازعل منك انا وانا في الخامس كنت زيك كده بس الوقتي مبقتش اقدر اقعد كثير..
نورا ازيك عاملة اييييييييييييييييه والباشا احمد اخباره ايييييييييييييه ؟؟؟

[somia]

ههههههههههههههه الحمل بيعمل اكثر من كثر يا لوكة واول حاجة بيعملها اني عايزة اكل مشوي حالا ومعنديش حد يجيبلي مش عارفة اعمل ايييييييييييييييييييييه ؟؟؟
محدش مخبي طبق كباب ولا كفتة كده ولا حتى شيش طاووق في التلاجة يجيبهولي ..
هههههههههههههههه

[malak ahmed]

يعني هخف قريب يا دكتوره سميه ؟؟ طمنتيني يابت

اخبارك ايه دلوقتي انتي والبت عائشه العسل

[malak ahmed]

يععععععععععععع كباب وكفته ايه بس .. مش تجيبيلي سيره لحوم خالص قرفااااااااااانه منها اوووووى لسه

تعرفي انا نفسي ف دره مشوي موووووووت بما انك جيبتي سيره المشوي بقي

[malak ahmed]

هي نورا راحت فين ؟؟؟ شكلها مكانتش متوقعه ان حد يرد عليها

بت يانوررررررررررررررررررررررررا

[somia]

ههههههههههههههه انا حتى الان عندي القرفة بتاعة اللحوم والفراخ وحتى لو جبرت على نفسي برجع بستطعم بس المشوي بل ونفسي فيه قوي وياه لو معاه رقاق باللحمة المفرومة وبيتزا وشيبسي وبيبسي كبير.. اااااااااااااااااه ياني من الجوع
لوكة الدرة المشوية موجوده دلوقتي في السوق انزلي جيبيلك شوية محترمين وقزقزي براحتك ..هههههههههههههه
شكلي كده ثواني وهاسيبكم احتمال انزل تحت

[نولارا]

ازيك ياسميه
ازيك ياملك
محدش ياخد موكشه اناااااااااا م شويه
احسن عيونى بتحرقنى جاااااامد
هى البت رانيا عملتها ولا ايه
مش باينه من امبارح

[somia]

البت عائشة كويسة بس هيه جعانة برضه .. اهئ اهئ ويا ريت جمبهم طبق محشي ورق عنب

[malak ahmed]

ماشي ياسميه روحي يختي ...

الحمد لله يانور ازيك انتي ..هاتيه العب معاه شويه علي ماتعرفي تنامي .. بس قوليلي هو طيوب ولا م الاطفال المتوحشه هههههههه

لا رانيا دخلت النهارده الصبح وخرجت علطول .. هنعرف ان شاءالله لو ولدت اكيد

[malak ahmed]

ايه الاكل اللي علي بليل ده .. الواحد لسه متعشي وبطنه ملياااااااانه عالااااااااااخر ....

ابقي كليهم ف الحلم النهارده بقي لانك لو كلتيهم فعلا دلوقتي مش هيحصل كويس وانتي نايمه

[somia]

مش عارفة والله ربنا يطمنا عليها يا رب ..
هاتيه شوية بس خلي بالك انا كمان هموووووووووووووت وانام وكالعادة مش عارفة بس اكل الاول يا رب ..ههههههههههههههه

[نولارا]

بيضرب ويعض ويشد الشعر بس ياملك
يعنى طيوووووووووووووووووووووووووووب خالص

[somia]

يا اختي انا ممكن ااجل النوم شايفاه يعني على الباب ..
انا اخر مرة كلت كانت سمبوسك بالجبنة الساعة 10 تقريبا والحمد لله مدقتش حاجة بعدها

[نولارا]

تعالى استلمى ياسميه
انتى موش هتعرفى تنامى وانتى جعانه
وهو هيكرهك فى الاكل والنوم وكل حاجه

[malak ahmed]

ههههههههه يا عيني عليكي يابت يانور
انا عارفه نوعيات العيال دي ومجرباها كويس ههههههههه ربنا يهديه يارب ... بس بتلاقيهم عسل والله وهزارهم خفيف

مبقاش فيه عيال هاديه ابداااااااااا .. وربنا يستر ع ملوكه الصغننه بقي وتطلع هاديه يارب عشان اغيظكم ههههههه

[somia]

يا جماعة هاضطر أسيبكم عشان نازلة تحت

[somia]

السلام عليكم ورحمة الله وبركاته

[malak ahmed]

ماشي يا سميه .. مع السلامه وربنا معاكي

نورا انتي قاعده كتير ولا هتقومي بردو

[malak ahmed]

وعليكم السلام ورحمه الله وبركاته

[نولارا]

هزار خفيف ااااااااااه دا الكف صغنن وبينزل كله على الخد
البت تطلع هاديه
ها ها ها ها هااااااااااااااااااى عشمان ياحنا تخش الجنه

[نولارا]

سلالالالالالالالام ياسميه
انا هنا حتى ياتى زوجى او تحصل معجزه وابنى يناااااااااااام

[malak ahmed]

طب عشان اغيظك بقي هفضل احذرها واعلمها الادب من دلوقتي عشان تطلع تسمع الكلام ههههههه
وبيني وبينك انا عارفه ان كلامي ده كلو ف الهوا لانها هتبقي دلوعه البيت بقي وما بالك بالعيال المتدلعه يعني بيبقو هزار مع دلع ورخامه ياااااااااااه ههههههه

[malak ahmed]

هو جوزك بيشتغل ايه يا نورا ..

[نولارا]

مدرس انجليزى
He was my teacher

[malak ahmed]

ههههههه ايوة ياعم .. تيرارارارارارارار

انا بقي جوزي يبقي ابن الجيران بس وربنا مكنتش بشوفه خااااالص وحتي لما كان جاي يقرا فاتحتي مكنتش اعرف شكلو ايه ... سبحان الله النصيب بقي لما بييجي

[نولارا]

Jتيرارار
لو فايقالك كنت روقتك ياملك
حظك انى مدروخه وعاوزه اناااااااام

[malak ahmed]

دي ابن الجيران دي لوحدها تفتح دفتر تريقه ههههههههه

اوك ياقمر نكمل تريقه وانتي فايقه بكره ان شاءالله

[malak ahmed]

تعرفي ماما عملت ايه جت قعدت جنبي عالكرسي وزنقاني خااااالص ومش مدياني غير حته صغيره قاعده عليها ههههههههه

شكلي هقوم يا نورا

[نولارا]

انتى رايحه فيييييييييين

[malak ahmed]

نورا قومي حاولي تنيمي احمد ... وانا هقوم بردو عشان هتضرب وشكلها هتوقعني ههههههه

تصبحي ع خير ياقمر

[malak ahmed]

والله كان نفسي اكلمك شويه واسهر معاكي اكتر من كده بس اعمل ايه حكم القوي عالضعيف

ان شاءالله بكره اولد واروح شقتي وابقي فاااااضيه واتكلم براحتي بقي نهار وليل ههههههه (ده ع اساس اني هخلف ملاك م السما ومش هتعيط خالص )

سلام عليكم ....

[أم إياد]

انا جيييييييت

ام أحمد ام ملك ام عائشة أخباركم ايه؟؟؟
واخبار العيال؟؟

بأعيشكم دور الأمومة بقى هههههههه

[يارا ويوسف]

بقولكم اية بقى انا كل اما اجى كدة
تمشوو انتو

[أم إياد]

سمسمة اخبارك ايه ياجميل؟

اسمك الحقيقي ايه؟

يارا ويوسف ولادك ولا الاسامي اللي عايزة تسميها ان شاء الله؟

وعاملة ايه في الحمل؟

[يارا ويوسف]

سمسمة اخبارك ايه ياجميل؟

اسمك الحقيقي ايه؟

يارا ويوسف ولادك ولا الاسامي اللي عايزة تسميها ان شاء الله؟

وعاملة ايه في الحمل؟


ام ايادةعاملة اية ياقمر دول ياستى اسامى اللى عاوزة اسميها وانا الحمد لله كويسة
وانتى عاملة اية

[أم إياد]

انا بخير ياحبيبتي ..
ربنا يرزقك وتسمي الاسامي اللي انتي عايزاها ان شاء الله..

عامل ايه السابع معاكي..؟

ربنا يتمملنا بخير

[أم إياد]

يابناااااااااات فييييييييييينكم؟؟؟؟hwaml9

اهئ اهئ حظي كده وحش على طول ,كل ماادخل ما ألاقيش حد..hwaml4
وانتم عارفين ظروفي مش بأفضى ادخل كتير , وساعة ما أفضى تبقى صحرااااا
وحشتوووووووووني ..

[أم إياد]

اهئ اهئ ماااااشي .. انا زحلانة و هأقوم انام

[somia]

السلام عليكم ورحمة الله وبركاته
حد هنا؟؟؟؟؟؟؟؟؟؟؟؟

[somia]

يا رب حد يدخل اتكلم معاه شوية لحسن انا حالتي النفسية زفت ولو فضلت كده ممكن أطق

[رنا خالد]

انا هناااااااااااا ياسميه مالك ياقمر؟

[somia]

ازيك يا رنا عاملة ايه؟؟؟

[somia]

لسة طالعة من تحت ودمي محروق على الاخر وعكيت الدنيا عك ... ربنا يسترها بقى وميتقلبش على نفوخي..
المهم طمنيني انتي عاملة اييييييه ولوجي اخبارها ايه؟؟

[somia]

رنا انتي سبتيني ولا ايييييييه؟؟؟

[رنا خالد]

لا ياسميه انا هنا بس كنت بذاكر اللي فاتني فضفضي ياحبيبتي انا سمعاكي

[رنا خالد]

انا معاكي ياسمسمه بس بقرأ كلامك

[رنا خالد]

بصراحه ليكي حق تزعلي انا بقول الحق شكل سلايفك ناس مش سهله خالص

[ام انس المصريه]

متزعليش ياسميه فى ناس كده مايعلم بيهم الا ربنا وزى ما المثل بيقول الكحكه فى ايد اليتيم عجبه

طب اسمعى اللى حصلى امبارح من سلفتى

انتى عارفه انى فى الشهر الرابع فطلعت تقولى انتى حامل فى تؤام لانى عامله الحقن المجهرى يعنى فقلت لها ياريت والله ده واحد بس فقالت اصل بطنك كبيره كانك حامل فى تؤام قلت لها لا والله واحد

فقالت يمكن واحد مستخبى فى واحد ولا يكونو اتنين والدكتور بيقولك واحد فقلت لها والله هو واحد وبتكلمنى ومتقولش مثلا ماشاء الله بطنك كبيره لااااا وقاعده تبص لى من تحت لتحت

المهم شويه وتقولى اتغذى اصل النونو يطلع زى ابن عمتك وابن عمتى ده نزل مريض من بطن امه ومااااااات بعد شهر ونص

والله والله كانها جابت سكينه وحطتها فى قلبى اتقهرررررررت اوى

فبتقولى قولى لجوزك غزينى عشان العيل يطلع حلو بدل مايطلع زى ابن اموره

فقلت لها وانا افول فى وشه ليه ولا ابشر عليه ليه ده لو قلت له كده هيزعل ويتقهر

ففهمت انى بوجه لها الكلام فقالت انا مش ببشر عليكى

وهى سلفتى دى مجوزه بنتها عندها 17 سنه ودخلت حملت على طول وبصه ليه انا ياللى قعدت 8 سنين فى زل وقهر وعذاب وجوزى اتجوز عليا واتبهدلت اخر بهدله

متزعليش ياسميه بقى شوفى انا اتقهرت ازاى واتحرق دمى ازاى

المهم اننا بنعامل الاس كويس وهما بيعملونا معامله زى الزفت
افففففففف الواحد زهق بجد

[رنا خالد]

ياعيني ياحبيبة قلبي والله زعلت علي الكلام اللي اتقال لك معلش امسحوها فيا انا
سمية بالله عليكي ماتزعلي دول ناس مايستهلوش زعلك طنشي انا بسمع ساعات كلام من حماتي واطنش وبقول اهي طيبه واحست من غيرها وليها الحلو اكتر من الوحش
يعني كمان الواحد بيحاول يفتكر الحلو للشخص اللي قدامه ولو ملقاش يفوض امره لله

[somia]

والله يا جماعة المشكلة اني اصلا معبية من الصبح بس هيه الوقتي نادت عليا وقالتلي فيه ايه وانا قلتلها وزعلت مني اني زعلت وتقدروا تقولوا هيه انا صفيت وهيه اللي زعلت

[somia]

عارفة المشكلة انها طلتعلي من الاكل وانا حلفت اني مش هاكله ومستحرماه قوي لان زوجي هيجي باذن الله تعالى على الاربع وانا اصلا هموت من الجوع من انه من الضيق القاولون قام عليا قومه محترمة

[somia]

أم أنس ربنا يصبرك عليهم يا رب ويهديهملك من عنده

[somia]

انتوا رحتوا فيييييييييييييييييييين؟؟؟؟

[رنا خالد]

بصي سامحي ياسميه المسامح كريم وكبري دماغك عشان تعرفي تعيشي وعشان خاطر نفسك انتي عايشه في بيت عيله ولازم تتوقعي انه هايحصل من ده انتي اطلعي ذكيه وماتنزليش كتير خليكي دايما عزيزه ولما تنزلي ماطوليش

[gogo]

السلام عليكم
سميه يابنتى كبرى الواحده وحماتها زى توم وجيرى دى علاقه ازليه على راى رنا بصى للجانب الايجابى
رانا ايه يابنتى اخبار الرجيم انا عامله كيكه تخدى حتهhwaml02
ام انس منوره وسلفتك لما تقلك كده تانى عدى صوابعك الخمسه وحطيهم ف وشها

[ام انس المصريه]

تعرفى ياجوجو انا مرتحتش والله غير لما دخلت المطبخ وقرات قل اعوز برب الفلق

وقل اغوز برب الناس

ارتحتتتتتتت والله وحسيت انى اتحصنت بالمعوزتين

[somia]

والله يا بنتي انا بقيت بزهق لوحدي وبعدين الايام اللي فاتت دي اما كنت بنزل كانوا بيعاملوني الصراحة بما يرضي الله ..
هيه بتقولي انها قالتلي بعد اما انا قلتلها على العشرة بالهنا والشفا بس الصراحة انا مش فاكرة كلمة زي دي خاااااااااااااالص على العموم انا المشكلة اني مستحرمة الاكل ده يترمي مش عارفة اعمل ايه

[gogo]

ربنا يحميه ويوجبهولك بالسلامه يام انس ويفرحك بيه

[رنا خالد]

اخيرااااااااااااااااا نامت
نتكلم بقي علي روأه

[somia]

جوجو صحيح طمنينا عليكي اخبار مصر معاكي اييييييييييييه؟؟

[gogo]

سميه حرقه الدم دى مش صح للبيبى انتى هتتعبى نفسك ليه يابنتى كبرى وخلى اعصابك تلاجه مش خلاص انتى طلعتى بيتك انسى خالص وروقى كده وشوفى حاجه تكليها بدام جعانه
والاكل ده بدام حلفتى عليه شليه ف الفريزر لحد ما جوزك يجى مش هيبوظ ان شاء الله

[ام انس المصريه]

يااااااااااااارب ياجوجو

متزعليش بقى ياسميه اومال لو كانو قالو لكى زى الوليه سلفتى ده امى جاتلى النهارده وحكيت لها كانت عايزه تضارب معاها وتزعق لها بس اانا قلت لها خلاص ياماما ملهاش لزمه

[somia]

لولولولولولوي ... الف الف مبارك عليكي بس قولي ماشاء الله لحسن تغير رايها وتصهللك
هههههههههههههه

[gogo]

والله يا سوميه مصر القعده فيها حلوه والواحد وسط اهله كده

[رنا خالد]

بصي ياسميه ده يمين غضب كلي واستغفري ربنا ولو حاسه ان ضميرك وجعك ابقي صومي بعد ماتولدي واهو يبقي دايت وصيام
جوجو وحشتنيني بتقولي ايه ؟ كيكه ارحمكم الله ياحبيبتي ولا كأني سمعت حاجه وبألف هنا وشفتشي
البت توته وحشتني موووووووت مش عارف هي مش بتدخل ليه تكونش سابت نور هنا في مصر وسافرت هي

[ام انس المصريه]

نيمتى رنا ياام رنا بوسهالى بوسه كبيره وقولى لها من خلتك شيماء

وخلاص بقى ياسميه كبرى الجى وروقى الدى

[somia]

ام انس ربنا يصبرك والله يا بنتي

[ام انس المصريه]

هى بنوتك اللى اسمها رنا ولا ده اسمك اتلغبطت

[رنا خالد]

شوشو انا بنوتي اسمها لوجين وبقولها يالوجي انا اللي اسمي رنا
معلش غلطة مطبعيه
الجو حررررررررررررر مووووووووت حاسه اني هاولع في نفسي

[ام انس المصريه]

سميه طب اسمعى كمان الموقف ده علشان تنسى

سلفتى دى بتعد عليا الزبادى جوزى بيجيب بالست علب زبادى لاكتيل او اى نوع بالفواكه

تقولى جوزك اتعدل اهو جايب لكى زباااااااادى ونادى على ابنى طلعه لكى

حتى الزبااااااااااااااااااادى مستكترينه عليا

هههههههههههههههههههههههههههههههه

وعجبى

[ام انس المصريه]

ربنا يخلى لكى لوجى ياام لوجى

فعلا الجو كان ناااااااار النهارده انا صيففت خلاص وشغلت المراوح

[somia]

عارفة يا رنا انا حسبته لغو في اليمين وكلت لان المكرونة والبطاطس مش هيستحملوا وهيترموا وحرام نعمة ربنا تترمي اما البانية فمكلتوش لانه يستحمل يخش الفريزر لغاية ما زوجي يجي

[رنا خالد]

بقالي اربع ايام ثابته علي 73 كيلو مش عارفه ليه لما هدش الميزان في اتخن حيطه

[somia]

هههههههههههههه ربنا يهدي الكل يا ام انس

[رنا خالد]

ردي عليها وحيااااااااااااااااااااااااااة مامتك يابونيه لحسن دي فقعتني
انتي ساكته لها ليه دي عالم ماتجيش غير لما تتظبط وتتربط وتاخد علي افاها ههههههههه

[ام انس المصريه]

هههههههههههه 73 يارنا يارتنى اكون 83 ههههههههههههههههههههههه

بعد الحمل فشولت اخر فشوله كنت قبل الحمل 80 دلوقتى بقيت فشللللللللله

هههههههههههههههههههههههه

[gogo]

ياجماعه فاكرين كان فيه معانا واحده اسمها ملاك بلا اجنحه فكرينها اصلها كانت طيبه اوى وفجئه مبقتش تيجى

[رنا خالد]

سميه وجوجو وشيماء عندكم كام سنه
انا علي مااتذكر ان جوجو من سني 23 سنه ونص صح؟

[somia]

ههههههههههههه رنا والميزان ذنبه ايييييييييييييييييه بس

[ام انس المصريه]

انا بلا فخر 25 سنه

انا هقوم انااااااااااام بقى عينى غشلئت خلاص

[رنا خالد]

ولا يهمك ياشوشو براحتك خالص كلي وخلصي الزبادي وارمي العلبه فاضيه لسلفتك ههههههههههه

[somia]

اه فاكراها بقالها كثير فعلا مدخلتش يا جوجو..
يا جماعة اقروا الموضوع ده كده

[رنا خالد]

لازم يتربي الميزان ده ياسوميه عشان مايحبطنيش طب يجاملني فكيلو ولا اتنين يرفع من محاسيسي ومشاعيري شويه

[gogo]

رنا انا بقيت 24 خلاص راحت ايام 23

[ام انس المصريه]

ارمى العلبه فاضيه لسلفتى يارنا لاا حرام هى مبتكلش زبادى اغيظها ليييييييييه

انا قلت لجوزى ابقى هات الحاجه فى كيسه سمره مش ناقصين ار

[somia]

هههههههههههههههه
رنا خليكي محضر خير يا بنتي

[somia]

ههههههههههههه رنا انا اللي ينفسي يجاملني بجد الميزان اللي عند الدكتورة كل مرة ماشاء الله يزودني مينفعش ميزودنيش خالص انا بتكسف اقف عليه خوفا من الصدمه

[رنا خالد]

اه انا فاكره النيك نيم بس بصراحه ماتكلمتش معاها قبل كده

[somia]

يا جماعة الموضوع ده رائع طلوا عليه ..
شيماء ربنا معاكي ونستناكي بكرة ان شاء الله تعالى


http://forums.fatakat.com/thread1442693

[ام انس المصريه]

انا لما وقفت عليه اتصدمت واتزهلت واتخضيت مش هقول لكم لقيت نفسى كام ههههههههههههه

[رنا خالد]

اجوازتكم بيشتغلوا ايه صحيح
تطفل ههههههههه

[somia]

قولي يا شيما محدش ظرب الرقم القياسي بتاعي

[gogo]

انا جوزى مهندس اتصالات وهقوم انام بقى لحسن خلاص البطريه فضيت تصبحوا على خيررررررررررررررر

[somia]

عن نفسي زوجي مهندس وانتي يا رنا وياشيما؟؟؟

[رنا خالد]

عارفين نفسي اكل شوكولاته سايحه كده ياسلام http://forum.hwaml.com/imgcache2/hwaml.com_1302999679_171.jpg
ونفسي كمان في سندوتش سجق من اللي احمد عامله النهارده دهhttp://forum.hwaml.com/imgcache2/hwaml.com_1302999680_820.jpg
ونفسي في كوباية بيبسي ساقعه مشبره
http://forum.hwaml.com/imgcache2/hwaml.com_1302999680_671.gif

[somia]

انا برضه البطارية بتفنش خلاااااااااااااااص

[رنا خالد]

انا جوزي محاسب بس اترقي وبقي مراجع حسابات وشي حلو عليه

[somia]

ماشاء الله هوه زوجك بيعرف يطبخ يا رنا؟؟؟
طب ملقيش عندك كبابا وكفته ولا شيش طاووق أسلك بيهم زوري على الماشي كده..ههههههههههههههههههه

[somia]

ربنا يباركلك فيه يا رب عقبالك يا زوجي اما تترقى يا رب
انا هموت وانام وخايفة انام عشان لسة واكلة وغلط النوم قبل ساعتين عشان الوزن ميفرقعشي مش عارفة اعمل ايه

[رنا خالد]

لوجين صحيت وفنجلت عنيها هاروح اقعد معاها بدل ماتفضحني وتعيط

[somia]

ماشي يا بنتي ربنا يعينك

[dr.princess]

مفيش حد صااااااااحى

[dr.princess]

الواحد عايز يبلطج فى المحلات
خرجت جبت حاجات بسيطة خالص امبارح رجعت مزقططة هوس الشوبينج جوزى لو سابنى فى الشوارع مش هرجع البيت ابدا هههههههههههههههههههههه قمة التشرد

[أم إياد]

السلام عليكم

لولو انتي لسه هنا؟؟

[dr.princess]

ازيك يا ايه

[malak ahmed]

سلام عليكم .. ازيكم يابنات اخباركم ايه

[dr.princess]

وعليكم السلام ازيك ياملك اخبارك ايه

[malak ahmed]

الحمد لله يالولو .. اخبارك انتي ايه واخبار البيبي ايه

الدكتوره حددتلك ميعاد ولا لسه ياتري؟

[dr.princess]

ميعاد للولادة قصدك ؟؟؟ هى محدداه من شهور 3/5 ان شاء الله

[أم إياد]

انا بخير يالولو وانتي عاملة ايه؟

معلش ماخدتش بالي باحسبك مش هنا

[Om Rodina]

السلام عليكم ورحمة الله وبركاته
لولو وام اياد زملك ازيكم كلكم ياحبايبى عاملين ايه
ربنا يارب يكملكم على خير وتقوموا بالسلامة

[malak ahmed]

ربنا معااااااااااكي يارب ويقومك بالسلامه .. هانت يالولو

ربنا يهونها علينا وعليكي ياحبيبتي

ايه ازيك عامله ايه واخبار ضهرك والمغص ايه دلوقتي ؟
هموووووووووووووت م الحر وخايفه اصيف عشان انا عندي برد خايفه يزيد لو خففت هدومي ومش هينفع اشغل المروحه بردو

[أم إياد]

ازيك ياملوكة ..
أخبارك ايه؟ بداتي تلاحظي حركة البنوتة كويس؟

لولو صحتك عاملة ايه؟
ان شاء الله ناوية تولدي طبيعي ولا بتخافي؟

[أم إياد]

بقيت احسن ياملوكة الحمد لله ربنا يخليكي ياحبيبتي
الف سلامة عليكي شكل دور البرد اللي عنك جااامد
الف لا بأس عليكي ,

هو فعلا الجو نااااار انا مش قدرت استحمل وصيفت وفتحت المروحة يلا ربنا يستر ..
خدي بالك من نفسك..