دردشة حوامل مصر - دردشة بنات مصر - تجمع حوامل مصر

[احساس الأمومه]

بيتهيألى يا ملك البيضا الشفافه دى عاديه لأنى كنت سألت الدكتورة وقالتلى عادى مفيهاش قلق

[dr.princess]

بصى يا ملك انا لما بلاقى افرازات مش طبيعية بفضل اراقب نفسى 3 او 4 ايام لو لقيتها بتتكرر او فى اليوم الواحد اكتر من مرة بعرف ساعتها انى محتاجة علاج

[dr.princess]

طيب ما انا لسه عاملة التحليل ومفيش املاح ولا حاجة واهى الافرازات رجعت تانى

[احساس الأمومه]

بنات هو انا لما اورح للدكتورة يوم السبت بأذن الله
يعنى بعد 40 يوم ان شاء الله هقدر اشوف الجنين وأسمع النبض؟

[MALAK2010]

اصلى موسوسة من يوم ما رحت حللت واستعملت التواليت بتعهم وان مش متعودة اقعد على تواليتات بس الحمام كان ضيق اوى فغصب عنى قعدت
انا حتى اذا احتاجت حمام وانا برة مش بلمس القعدة يعنى بعمل سيرك فى الحمام هههه
المهم مالمسش القعدة من بعيد ههههههه
ربنا يستر
اية الكلام فى المواضيع الحلوة دى ههههههههه

[MALAK2010]

احساس:النبض ممكن بس احتمال ضعيف

[احساس الأمومه]

بس يا ملك لحد يسمعنا
هههههههههههه

[dr.princess]

ان شاء الله تشوفيه ساعتها بس لو فرضا ماشوفتيش حاجة عادى فى ناس بتتأخر ان البيبى يبان على ماانا فاكرة سمية اتأخرت عن 40 يوم وفى الاخر الحمدلله شافته

[احساس الأمومه]

يارب يا لولو
يارب يا ملك
أشوفه عشان أطمن مبقاش فى قلق
أنا ليا صديقتى أتأخرت بردو لما شاف البيبى والدكتوره قلقتها وقالتلها الكيس فاضى ومواضيع كده وقعدت 10 ايام زعلانه هى وجوزها وراحت لدكتورة تانيه طمنتها وشفته

[MALAK2010]

احساس :كنت عاوزة اقولك كدة بس خفت تقلقى
يارب تطمنى وابقى طمنينا

[احساس الأمومه]

سميه صح مدخلتش امبارح خاااااالص
انا متكلمتش معاها غير مره واحده

لولو انتى فى الشهر الكام

[dr.princess]

احساس انا الحمد لله فى اول الخامس

[MALAK2010]

السؤال الاذلى هطبخ اييييييييييييييييييييه

[MALAK2010]

الحمل باين عليكى يالولو ولا مش اوى

[احساس الأمومه]

ملوكه انا عايزه اشوفه عشان أتأكد أنى حامل
ههههههههههههههههه
مش مكفينى التعب ألى بدأ يظهر عليا وعايزه لسه أتأكد
تعرفى أنى امبارح اتغديت بالعافيه وكأنى بزق الأكل ومش عايز يتبلع وبطنى وجعانى طول الليل

[احساس الأمومه]

صح زى ملك ما بتقول الحمل باين عليكوا ولا لسه
هى البطن بتبان من الشهر الكام

[MALAK2010]

احساس:معلش هو ال3 شهور الاولى كدة ربنا يعديهم على خير ويارب ماتجربى القرفة والترجيع والحاجات الجميلة اللى احنا جربناها دى ويبقى حملك سهل

[dr.princess]

ملك اه بان الحمل من تقريبا اسبوعين او اكتر بالذات معرفش ليه فى عبايات الخروج فضايح وخلاص

[MALAK2010]

المفروض على مابسمع بيبان على الخامس بس مش عارفة قصدهم اية انها بتبان من فوق الهدوم ولا من تحت الهدوم
يعنى انا مثلا بطنى كبرت شوية بس لما بلبس لبس الخروج مفيش حاجة باينة

[احساس الأمومه]

ملك تعرفى من الاسبوع الخامس وانا بيجيلى غممان نفس كتير بس لسه موصلتش لمرحلة الترجيع
لولو هيييييييييييييييه يعنى النونو بيبان فى أول الخامس

[MALAK2010]

عارفة انا كنت قبل الجواز لما بشوف واحدة حامل استغرب شكلها وبطنها
اما الوقتى اقعد ابصلها بحنان وفرحة ههههههههههه
بس نفسى اشوف واحدة حامل شيك يااااااارب كلهم متبهدلين

[dr.princess]

ملك ماتستعجليش كلها ايام ويبان فى لبس الخروج
احساس من قبل الخامس يعنى ممكن تقولى من اول الرابع او نصه

[dr.princess]

قررتى تطبخى ايه النهاردة يا ملك
بلاش اغيظك واقولك احنا هنتغدى ايه النهاردة

[MALAK2010]

انا مش مستعجلة خالص
بس ساعات اقول منظر البطن هيخلى الواحد يصدق انة حامل ههههههههه

[احساس الأمومه]

عارفة انا كنت قبل الجواز لما بشوف واحدة حامل استغرب شكلها وبطنها
اما الوقتى اقعد ابصلها بحنان وفرحة ههههههههههه
بس نفسى اشوف واحدة حامل شيك يااااااارب كلهم متبهدلين
هههههههههههه
يعنى كلهم مبهدلين يا عينى من الحمل
لولو يعنى بطنى هتبان على عيد ميلادى انا عيد ميلادى هيكون فى الشهر الرابع شهر 2 باذن الله

[MALAK2010]

طيب قولى وانا ممكن اعمل زيك انا ماعتدش لاقية طبخة ليا نفس فيها علشان اطبخها
بس اوعى يكون كشرى مصرى

[dr.princess]

جوووووووووووووووووون
كشرى مصرى فعلا

[MALAK2010]

عارفة اكتر حاجة مش بحبها فى اللبس اللى يلبس لبس الحوامل بينرفزنى فى موديلات عادية ممكن الحوامل يلبسوها وبالاخص الايام دى كل اللبس اللى البنات لابسينة ينفع للحوامل هههههههههه

[احساس الأمومه]

ملك بتعملى زى عايزه بطنى تبان عشان أصدق انى حامل
ملك انتى مش عندك لحمة من امبارح لخصى بأه وأعمل أى حاجه جنبها
وفكريلى انا اعمل اكل ايه
جوزى عايز فراخ بس اعملها فى الفرن ولا بفجيتار واعمل جنبها ايه

[MALAK2010]

جوووووووووووووووووون
كشرى مصرى فعلا

لااااااااااااااااااااااااااااااااااااااااااااااااا اااااااااااااااااااااااااا

[MALAK2010]

بصى ممكن تعملى جنبها مكرونة اسباجتى وسلطة بطاطس محمرة

[dr.princess]

احساس انتى كنتى بتقولى امبارح على كفتة البطاطس
انا بعملها بطريقة كده انا مخترعاها
انتى بتعمليها ازاى

[احساس الأمومه]

كشرى والله احلى اكله وعلى بالى وإن شاء الله هعمله بكره
انا بعمله حلو وبيعجب جوزى تعالوا باه كلوا معانا ولا نيجى عندك يا لولو انا وملك النهارده

[MALAK2010]

اه انا عندى لحمة عملاها من امبارح بس اعمل رز واية بقا؟؟؟؟
انا عارفة ان فى حاجات كتير بس مليش نفس لاى حاجة
اصل بحب اطبخ اللى نفسى فية هههههههه مش اكل وخلاص

[dr.princess]

ملك
اااااااااااااااااااااااااااااااه
جوزى بالليل راح مستشفى علشان يعمل كشف طبى لتجديد رخصة الشغل فطلبت منه يجيب كشرى من محل مصرى قريب منها
ولقيته فعلا جايبه فقلت اسيبه النهاردة للغداء اسخنة واعمله دقة وصلصة ويبقى كده اترحمت من التفكير فى غداء النهاردة

[MALAK2010]

انا بعمل ترمس يابنات من امبارح
اول مرة هاكل ترمس مش فى يوم شم النسيم ههههههههههه
قلت اعملة افتكر روايح مصر

[dr.princess]

ملك اعملى رز بس كفاية لحمة ورز هتعملى ايه تانى
او ممكن تعملى اى خضار لوبيا او فاصوليا مثلا

[dr.princess]

ملك لالالالالالالالالالالالالا مش بحب الترمس ابدا
لو عندك حمص ابعتيه بمووووووووت فيه

[احساس الأمومه]

شكلها فعلا ياملك هترسى على مكرونه

لولو انا بسلق البطاطس وبحط عليها ملح وفلفل وكمون وشطه وبعدين أهرسها وأحط عليها شوية دقيق وأعجنهم فى بعض واعمل شكل كور وأمررها فى البيض وبعدين فيجيتار واقليها
ولو عندك لحمه مفرومه ممكن تحشيها بيها ومرقه دجاج تحطيها عليها بس انا مش بحبها
بس فى الحالتين بيبقى طعمها حلو والفيجيتار بيحليها
انتى بتعمليها أزاى؟

[احساس الأمومه]

ملك
لولو
هو غممان النفس ده جالكم فى الشهر الثانى بردو انا مش عارفه أعمل ايه عشان يروح أشرب عصير لمون

[MALAK2010]

انا عاوزة اعمل خضار بس لسة ماحددتش ربنا يسهل الوقت بيعدى وانا لسة ماحددتش

[dr.princess]

احساس انا بعملها قريبة اوى منك
بسلق البطاطس واهرسها واحط عليها ملح وفلفل وكمون وبقدونس متقطع بس بزود حاجة بتخلى طعمها يجنن جبنة مثلثات واهرسها معاها واكورها وفى بيض وبقسماط بتطلع طعمها حلو اوى

[MALAK2010]

عندى حمص هبعتهولك يا جميل وانتى تبعتيلى الكشرى اية رايك سلم واستلم

[احساس الأمومه]

ايه يا لولو التفكير الحلو ده
تصدقى هعملها مع جوزى مره وأخليه يجيب كشرى بالليل وأشيله للغدا عشان أريح نفسى
ملك بردو للأسف انا مش بحب الترمس أوى زى لولو بحب الحمص

[dr.princess]

لالالا خلى الحمص عندك انا عندى طرى هسلقه انا
اما الكشرى اجيب غيره منين دلوقتى هههههههههههههههههههه ( لولو ... مصلحتك اولا ههههههههههههههههه )

[MALAK2010]

طيب ماتعملوها بطريقتى
انا بجيب بطاطس كور صغيرة واقشرها واقورها بالمقورة بعدين احطها فى ميه بملح شوية وبعدها احمرها تحمير خفيف بسرعة على النار تاخد لون وبعدين اطلعها واحشيها لحمة مفرومة متعصجة وارصها فى حلها وطبعا افرش تحتها بواقى التقوير واحط عليها شوية شوربة
ونفس الطريقة بعملها فى الكوسة

[احساس الأمومه]

لولو جبنه مثلثات مش بتسيح فى القلى
على ضمانتك لو جربتها مره

[dr.princess]

تعرفوا يا بنااااات انى كنت داخلة الصبح عندى اكتئاب ومزاجى زى الزفت وكنت هخرج على طول
بس الحمد لله دلوقتى مزاجى اتحسن شوية

[dr.princess]

احساس لالا مش بتسيح انا مجرباها

[احساس الأمومه]

ملك كده تبقى محشى بطاطس مش كفته
لولو طب كويس انك رقتى تعرفى بردو لما ادخل وأكلم معاكو برتاح ومودى بيتحسن

[MALAK2010]

لولو:على راى رنا احنا بنسلى ولا الفول السودانى ههههههههههههههه

انتوا بعد مابتكوروها بتقلوها فى الزيت مش بتفك ولا بيتغير شكله وبتعلوا النار ولا بتهدوا

[احساس الأمومه]

بنات مقولتليش
غممان النفس ده جالكم من الشهر الثانى بردو
اشرب عصير لمون ولا أعمل ايه عشان يروح

[dr.princess]

انتى عارفة يا ملك فى طريقة تانية قريبة للى بتعمليها
الاول تسلقى البطاطس وتكوريها كور كبيرة شوية ومن النص تحطى فيها اللحمة المتعصجة وتقفلى الكورة تانى وبعدين فى بيض وبقسماط وتتحمر بيطلع طعمها حلو وشكلها بيبقى حلو اوى انا معملتهاش بس مرات عمى واختى كانوا بيعملوها

[dr.princess]

انتوا عيال وحشة اوى على فكرة محدش سأل زعلانة ليه
اخويا هيدخل الجيش وهو مكتئب وماما مكتئبة وانا قلقانة على ماما تعيش لوحدها ازاى ومن امبارح وانا مزاجى وحش اوى

[MALAK2010]

انا بدا الغممان من الاسبوع السابع تقريبا او اخر السادس واستمر واستمر ههههههههههه
والله انا كنت برتاح لما بعمل عصير ليمون بس قريت ان الاحماض غلط زى الليمون والبرتقال مش عارفة لية بالرغم من فايدته بس كنت كل ما بتعب اوى اشرب عصير ليمون
وبرضة اللى كان بيهدينى البسكوت ولما اجوع اوى اكل تفاح او بسكوت

[MALAK2010]

لولو:انتى قولتى انك مكتئبة علشان اللبوس
دخل خلاص معلش اكيد خير
وماتقلقيش مش اختك فى نفس البلد اكيد هتروحلها كل يوم

[dr.princess]

عصير الليمون الكتير يا احساس ممكن يعملك حموضة
انا اخدت حبوب بس بتهيألى معملتليش حاجة ممكن تكون رحمتنى من الترجيع شوية
انا كنت باكل بسكويت مملح بينفع وقرأت ان الموز بيجيب نتيجة حلوة برده

[احساس الأمومه]

يا لولو انا سالتك الاكتئاب من ايه
بس اكيد مختيش بالك

[dr.princess]

الحمد لله على كل حال

[MALAK2010]

بس عارفة يا لولو ماما بردة عايشة لوحدها وانا قلبى بيتقطع عليها واخواتى بيفوتوا عليها كل يوم لما يخلصوا شغلهم على 11 او 12 بالليل وطبعا بيقعدوا شوية صغيرين ويمشوا علشان ياحبايبى بيبقى تعبانين من اشغل
شوفى بعد ماربت وكبرت الوقتى مش لاقية حد جنبها حتى بنتها الوحيدة بعيدة عنها

بس الوضع عندك ان شاء الله مختلف اختك معاها

[MALAK2010]

قلبتى علية وعيطتينى
انا هخرج بقا علشان اشوف اللى ورايا سلام

[dr.princess]

ليه بس العيااااط الظاهر النهاردة هيتقلب يوم الاكتئاااااااب العالمى
خلاص ماشى لما ترجعى تانى نتكلم

[احساس الأمومه]

وانا كمان هستأذن
وارجعلكم تانى

[dr.princess]

وانا كمان اشمعنى انا يعنى

[نولارا]

يابنات تعالوا
انا هنااااااااااااااااااااااااا

[احساس الأمومه]

انا جييييييييييت
ازيك ياأم أحمد نولارا
انتى هنا

[احساس الأمومه]

محدش هناااااااااااا

[احساس الأمومه]

طب انا هخرج هصلى الظهر و انام شويه وأرجع تانى

[ام عمر ومريم]

السلام عليكم
عاملين ايه يا بنات
ملك واحساس ونولار وبرنسيس منورييييييييين

[ام البنوتة]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
ازيكم يا بنات انا عضوة جديدة

[ام البنوتة]

في حد يا ترى ولا نايمين زي امبارح بليل

[ام البنوتة]

كلكم خرجتوا ولا ايه

[ام البنوتة]

النداء الاخير لحوامل مصر
مافيش حد؟

[ام البنوتة]

سلام بقى اجرب بعدين

[ام البنوتة]

فين الحوامل المصريات

[MALAK2010]

انا هنااااااااااااااااااا

[احساس الأمومه]

ملك انتى هنا

[احساس الأمومه]

يارب يا ملك بنتى تطلع شبه البنوته ألى بالصورة عندك
اموووووووووووووره أوى ما شاء الله وضحكتها عسل
أول ما اتاكد أنا حامل فى ايه على الشهر الرابع هبصلها

[احساس الأمومه]

ملك سؤال غريب وملح جه على بالى أنتى أتوحمتى على إيه
أصلى من يومين نفسى راحت للرنجه ومش عارفه ده وحم ولا إيه

[MALAK2010]

ازيك يا احساس
اتفضلى البنوتة كلها يا حبيبتى هههههههههه
انا مش عارفة موضوع الوحم دة بيبقا ازاى لغاية الوقتى ههههههههه
حتى قعدت اركز كدة واقول انا عاوزة اكل اية مالقيتش حاجة عوزاها

يوم العيد كلنا متعودين ناكل كبدة فى الفطار فكنت نفسى اكلها علشان متعودة لازم يوم العيد الصبح جوزى دور ملاقاش غير كبدة خرفان وانا مش بحبها عملتهالة وانا اكلت شاورما
وبعدين جوزى جة يدور تانى عليها قلتلة لاء مش عاوزة بس حسيت الناس كلها بتاكل كبدة وانا لاء
مش عارفة دة وحم ولا لاء

وبعدين كويس انة ملقاش لانها مضرها فى الشهنور الاولى

[احساس الأمومه]

ملك الكبده مضطرة فى الشهور الأولى انا كلت منها أول أمبارح بس بسيط جوزى كان جيبها وعملتهاله ومش عارفه ليه جالى احساس انى مكلش منها كتير
وانا كمان يا ملك مش عارفه الوحم بيجى ازاى انا لما نفسى بتروح لحاجه بكلها وخلاص

[احساس الأمومه]

تعرفى انا سبتكم وقمت نمت نوم كانى واخده منوم بنام كتير أوى بس لما نمت أرتحت من غممان النفس والدوخه ألى كانت عندى
بنام عشان أهرب من المذاكره قصدى تعب الحمل بيفكرنى بأيام الثانويه العامه كنت انام عشان مذاكرش ههههههههههههههhwaml7

[MALAK2010]

بصى الدكتورة بتاعتى قالتلة انها مضرة بس مش فاكرة دكتورة حد من البنات قالت انها مغذية يعنى عكس بعض
بس انا قريت على النت انها ممنوعة
واذا لازم اوى تتسوى كويس جدا لان فى ناس بيكلوها نص سوى
واعرف برضة ان التونة غلط فى الحمل

[MALAK2010]

البيض برضة لازم يكون مستوى كويس
وممنوع الاكلات الجاهزة او الشيبسى

[احساس الأمومه]

انا قريت ان التونه فيها نسبة زئبق هى والسمك الماكرل وده غلط

[احساس الأمومه]

بس البيض فيه كالسيوم يا ملك
انا اعرف انه مهم فى الحمل على الاقل بيضه فى اليوم وكباية لبن أو زبادى
والعسل الاسود مش بحبه خاااااااالص وخليت جوزى يجيبه عشان فيه حديد ومسئول عن تكوين كرات الدم الحمراء للبيبى

[MALAK2010]

بس انا ناوية على الفسيخ هنزل مصر وهحضر شم النسيم هناك بقول لجوزى انا نازلة على الفسيخ ههههههههههه
مع انى مبحبوش اوى بس بهزر معاه يقولى مش هنزلك طالما فيها فسيخ

[MALAK2010]

انا بقولك البيض لازم يكون مستوى فى ناس بتحبة نص سوى ودة غلط

[احساس الأمومه]

لا مش بحب الفسيخ خاااالص مع انى مره كالته بس محبتش طعمه
انا اخرى رنجه وتونه وملوحه بس

[احساس الأمومه]

ايوه فهمتك بالذات البيض العيون تلاقيه نص سوا
بس انا بسلقه افضل

[احساس الأمومه]

ملك انتى كاتبه وحشتينى يا بقلظه
لبنتك انتى عيزاها بقلظه زى بس شايله همها لو بقلظت اوى هجبها أزاى هتتعبنى معاها

[ايوشه]

انا جيتتتتتتتتتتتتتتتتتتتتتتتتتتت
بس مش هقعد كتير
ازيك ياملوكه ازيك ياحساس عاملين ايه
ملوكه انا عندى كبده جاموسى تعالى كلىىىىىىىىىىىىىىىىىىىىىىىىىى

[احساس الأمومه]

ازيك يا أيوشه منوره
عامله ايه والبيبى اخباره ايه ؟

[احساس الأمومه]

ملوكه رحتى فين؟

[MALAK2010]

ايوشة:حبيبتى وحشتينى
النهاردة فكراكى وعاوزة اسالك بتعملى اية طول النهار اصلك مش بتدخلى كتير فاية اللى بيشغلك ممكن اعملة انا كمان لان عينى تعبتنى من الكمبيوتر بس مفيش حاجة تانية تسلينى

[MALAK2010]

معلش كنت بقرا موضوع لواحدة اثر فيا

بصى بقلظة دى واحدة صاحبتنا هنا فى المنتدى حصلها موقف هنا فى المنتدى فقررت ماعتدش تتدخل فهى وحشانى فكتباها
ودودى :لانها مسافرة مصر ووحشتنى
اصل التوقيع بتاعى عبارة عن لستة بالمتغيبين هههههه

[ايوشه]

ازيك ياحساس وانتى ياملوكه
انا بقضيها نوم ياحبيبتى بفطر انا وجوزى وبعد مايمشى اخدها نوم لحد الظهر وبعدين اصحى اخلص اللى ورايا ده غير بقه النت ورخامته كتير بيرخم ويفصل

[ايوشه]

انا قربت ابقه فى التوقيع مش لما اولد ان شاء الله هتحطينى ولا هتنسى بقه

[احساس الأمومه]

تعرفوا ان القاعده على الكمبيوتر غير أنها بتتعب النظر بتتعب الجسم بردو تعرفوا انا من كتر قاعدتى على الكمبيوتر حتى لما رحت الاسبوع ألى فات لماما قاعدت على الكمبيوتر و
أختى بتقولى هطلعى عيالك شبهك هيقعدوا على الجهاز ليل ونهار إيه الادمان ده
بس بقعد عشان مش لاقيه حاجه تانيه تسلينى

[ايوشه]

انتى عارفه ياحساس انا لو فى مصر ماعتقدش انى هقعد عليه كتير هنا اصل انتى ماجربتش الغربه وانك ماتعرفيش حد غير النت والتليفزيون

[MALAK2010]

ايوشة:اولدى انتى بس بالسلامة وهتلاقى اسمك منور انتى والنونو ههههههههههه

[احساس الأمومه]

شفتى يا ملك يعنى ايوشه غصب عنا متبقاش على النت ليل نهار زينا
طلع بيفصل

[MALAK2010]

ايوشة:عندك حق انا لما كنت فى مصر مانتش بدخل غير لما بكلم جوزى

[ايوشه]

هانت ياملوكه ادعولى انتو بس اصل الواحد ابتدى يقلق ويخاف ربنا يستر

[MALAK2010]

انا بس عينى بدات توجعنى منة هو دة اللى قالقنى

[MALAK2010]

هى الدكتورة حددتلك ولا لسة
صحيح انتى جبتى هدوم النونو ولا لسة

[ايوشه]

باى باى بقه عشان جوزى جاى اشوفكم فى اقرب وقت سلاااااااااااااماااااااا

[MALAK2010]

كالمعتاد يا اية بتدخلى وتحرجى فى ثوانى ههههههه انا مش بلحق اكلمك

[احساس الأمومه]

انا جيت
رحت أصلى العصر ورجعت
هى ايوشه خرجت ولا إيه هى لحقت

[احساس الأمومه]

ملك انتى هنا ولا خرجتى

[MALAK2010]

انا هنااااااا

[احساس الأمومه]

انا بجد زهقت يا ملك ومش لاقيه حاجه جديده أعملها
حتى التليفزيون مفيش جديد
بس امبارح كان فى فيلم الحب كده لحماده هلال اتفرجت عليه أصله كوميدى قلت أفرفش نفسى شويه

[MALAK2010]

ومين سمعك يا بنتى
بتروحى لمامتك كل اد اية

[dr.princess]

هو انا ليه مخنووقة بالشكل ده النهاردة

[احساس الأمومه]

اهلا لولو لسه انا وملك كنا بنتكلم على الخنقه

[dr.princess]

انا مخنووووقة لدرجة القرف حاسة انى عايزة اعيط وماليش نفس اعمل اى حاجة
استغفر الله العظيم

[احساس الأمومه]

انا بروح لماما كل اسبوع يا ملك وبعدين أصلى فى الدور السابع وصعب أنزل السلم وأطلع كل شويه
بس تعرفى لو قعدت أسبوع مروحش عند ماما بحس انى مخنوقه اوى ومضايقه وكأن روحى رايحه منى ومش برتاح غير لما أروح وأشفها حالتى بتتحسن
وبقول يارب عيالى يطلعوا كده يبقوا حنينين عليا انا وباباهم ويسالوا عنا بعد الجواز
بجد الله يكون فى عونك انتى ولولو

[احساس الأمومه]

لولو أذكر الله وقولى أعوذ بالله وقدرته من شر ما أجد وأحاذر كرريها هترتاحى

[MALAK2010]

لولو:انتى مخنوقة من الموضوع اللى حكيتهولى ولا فى حاجة تانية

[احساس الأمومه]

لولو حاولى تلهى نفسك فى اى حاجه
وليكى حق تفكرى فى مامتك وانها هتبقى لوحدها
بس أكيد اخواتك مش هيسبوها

[MALAK2010]

معلش يا لولو الواحد لما بيكتئب مش بيعرف هو زعلان من اية ولا من اية

[dr.princess]

والله مانا عارفة انا بس مخنوقة من كده ولا مالى

[احساس الأمومه]

معلش يالولو اقلك نكته
طب روحى عند ملوكه اتفرجى على مسابقة المراكب
اكيد ملك هايصه دلوقتى

[MALAK2010]

معلش يا لولو انا حاسة بيكى والله
عارفة احنا بنتلصم اى زعلة بنقلب كلة على بعضة
انا سيبتكم وقعدت اعيط النهاردة لما استكفيت

[احساس الأمومه]

ليه بس كده يا ملك يعنى رحتى عيطى وانا كنت فكراكى هتخرجى عشان الغدا
بس تعرفوا والله الأكتئاب والزعل ألى من غير سبب ده بيبقى من الحمل لأنى لاحظت نفسى بقيت حساسه أوى ونفسيتى مضايقه من أقل حاجه تحصل
لولو احنا قرينا عليكى ولا أيه لما قلنا مش هتطبخى وتفكرى فى الغدا وعندك كشرى

[MALAK2010]

احساس:العياط والاكتئاب مش من غير سبب احنا علشان متغربين عن امنا واهلنا دى لواحدها سبب كافى للاكتئاب

[احساس الأمومه]

روحتوا فين ملك لولو
هتقلقونى ليه بس متقلبوش عليا المواجع
انتوا فييييييييييييييين

[dr.princess]

اه الظاهر كده ملك حسدتنى علشان عايزة الكشرى وانا مرضيتش اديهولها وانتى يا احساس حسدتينى علشان انتى هتطبخى وانا لا يللا الواحد بعد كده ياخد باله ومعدش يكلم ههههههههههههههههه
اوعوا تزعلوا انا بهزر

[dr.princess]

ملك روقى كده متتحسسنيش بالذنب بقى
طيب ابعتلك لبوسة من الاتنين الباقيين تجربيها كده ههههههههههههههه

[احساس الأمومه]

والله حاسه بيكو اوى يا ملك
انا هنا جنب ماما ولو قعدت اسبوع مشفهاش بتعب اوى وحالتى النفسيه بتبقى زفت وبحس كأن روحى رايحه منى
ربنا يصبركم بجد

هو انتوا طيب هتفضلوا على طول بره مصر

[احساس الأمومه]

ومن شر حاسدا إذا حسد
خلاص يا لولو مش هنحسد تانى حرمنا من المره دى
ههههههههه

[MALAK2010]

لولو:انا كويسة ياحبيبتى بس انتى روقى

[dr.princess]

ملك لالالالالالالالالالالا انا مصممة برده ابعتلك لبوسة من الاتنين مفيهاش مفر ههههههههههههههه

احساس لالا انا بعد كده هقلق ههههههههههههههههه

[MALAK2010]

لولو: ربنا يشفيكى يا حبيبتى
احساس:معلش زعلناكى معانا

[احساس الأمومه]

ههههههههههههه
ماشى يا لولو دارى على شمعتك بأه عشان تنور

بقولك ايه انتى هتفضلى انتى وجوزك بره مصر على طول ولا فتره وهترجعوا تعيشوا فى مصر

[MALAK2010]

لولو:انتى بجد بقيتى كويسة

[احساس الأمومه]

ملك بجد اه زعلتونى معاكو
وكرهتونى فى السفر بجد صعب أوى
يلا كل واحد يجبلى حاجه حلوه عشان أروق دمى
ههههههههههههههههه أستغلاليه صح
هههههههههه

[MALAK2010]

احساس:انتى ممكن تسافرى

[dr.princess]

انا الحمد لله احسن
بس هروح بقى اعمل صلصة ودقة للكشرى

[MALAK2010]

تانى قولى السيكو سيكو علشان الحسد هههههههههههه

[احساس الأمومه]

ملك انا كنت بقلكم الصبح
انا جوزى عايز يسافر وانا رافضه الفكره دى نهائى لأنه كمان لو سافر هيأخد وقت لما يبعتلى
وبعدين جوزى كان مسافر ونزل مصر خطبنى واتجوزنا فمجرب الغربه برده
ورغم كده اول فرصه كويسه هتيجى هيسافر

[حيـاتي سوسو]

يابنات انا حامل في الشهر العاشر متى راح اولد

[MALAK2010]

احساس:اتفضلى يا ستى علشان تروقى

http://forum.hwaml.com/imgcache2/hwaml.com_1291903265_336.jpg

[MALAK2010]

يابنات انا حامل في الشهر العاشر متى راح اولد
انتى خلصتى التاسع بقالك كام يوم

[احساس الأمومه]

يا سلام يا ملك الله حلوه اوى وكابرى كمان ايه الكرم ده كله

[احساس الأمومه]

حياتى سوسو بتقولى ايه العاشر ازاى
اكيد انتى حسبتى غلط

[احساس الأمومه]

ملك بمناسبة الشيكولاته
هى الشيكولاته وحشه للحوامل أصلى سمعت كده

[MALAK2010]

والله سمعت انها مضرة وسمعت انها مفيدة مش عارفة بس ما حبتش اكلها
بالرغم انى كنت بموووووووت فيها

والايس كريم بلاش تاكلية خالص ال3 شهور دول صحيح انا كلته بس مرتين بس

[MALAK2010]

انا خارجة معلش يا بنات
سلام

[احساس الأمومه]

ماشى سلا م يا ملوكه

[احساس الأمومه]

حد هناااااااااااااااا
ولا انا لوحدى

[احساس الأمومه]

شكلى هخرج انا كمان
لأنى مش عارفه مالى النهارده تعبانه اوى
سلام

[ام البنوتة]

السلام عليكم ورحمة الله وبركاته

[ام البنوتة]

في حد هنا؟

[برنسيسه المنتدى]

ازيكم ياقمرات اخباااااااركم ايه

[رنا خالد]

برنسيسه منوره المنتدي انا هنااااااا

[gogo]

السلام عليكم
ازيكم يابنات
رنا ايه اخبارك

[رنا خالد]

جوجو مش معقول ليكي وحشه كبيييييييييره
عامله انتي ايه ياقمر

[gogo]

انا كويسه الحمد لله يارنا
النت عندى كان فاصل فتره وحتى لما باجى مبلاقيش حد
انتى ايه اخبارك انتى والنونو

[gogo]

انتى قربتى تولدى اهو انتى ف اول التاسع ولا ف اخره

[رنا خالد]

حمد الله علي السامه ياجوجو وكويس ان النت اتصلح
انا ياستي في نص التاسع وخلاص علي وشك ان شاء الله
انتي عامله ايه في قبرص وناويه تنزلي اجازه ولا لسه شويه

[gogo]

قبرص تمام وانا نزلت اجازه اسبوع من فتره قصيره ف لسه بدرى على الاجازه الجايه
رنا متنسيش تدعيلى وانتى بتولدى
ومتنسيش السبوع بعد ما تولدى هههههههه
طلباتى كتير
انتى ايه اخبار موضوع السفر واشتريتى حاجه البيبى ولا لسه

[رنا خالد]

لا مش هنساكي طبعا في السبوع والدعاء اكيد
من غير ماتقولي ياجميل وحاجات النونو انا خلصتها الحمد لله
قوليلي ياجوجو انا فاكره ان انتي قولتي انه حصل حمل قبل كده ومحصلش نصيب صح ولا انا غلطانه ولو مش حابه تتكلمي في الموضوع ده براحتك طبعا

[gogo]

هو حصل حمل بس مكملش الجنين نبضه وقف ف الشهر التانى بعيد عن السامعين يارب
وعملت تنضيف كنت ف نص التالت وبقالى 6 شهور من بعد الاجهاض

[رنا خالد]

انا حاسه انك هاتبلغينا بخبر حملك قريب ان شاء الله
انتي عارفه انا عندي تكيس بالمبايض وكنت خايفه جدااااااااا
ان حملي يتأخر اومحملش وكنت دايما مهمومه من قبل الجواز ولما حد يجيب سيرة اطفال قدامي كنت ابقي حزينه وحاسه اني مش هاخلف
بس الحمد لله حملت بعد شهر ونص من جوازي والله بفضل دعاء امي ليا
بجد الصبر حلو اوي واللي رايده ربنا هايكون ياجوجو
انا اسفه لو كنت ضايقتك

[gogo]

لا ابدا يارنا والله انا بس متكلمتش عن الموضوع ده قبل كده لان التجمع للحوامل ما شاء الله محبتش ادايق حد
انا عارفه ان كل حاجه هتيجى ف وقتها وزى ما ربنا يريد وانا رحت للدكتوره واطمنت ان كل شىء تمام ومفيش حاجه تمنع الحمل لما ربنا يريد

[رنا خالد]

بأذن الله نبارك لك قريب ياجوجو وتفرحي بشوفته اوشوفتها امين يارب
معلش هاسيبك انا دلوقتي لحسن انا واخده مضاد حيوي مخليني مهدوده خالص وعايزه انام اوي واشوفك بكره ان شاء الله ياريت تدخلي ويارب النت عندك مايفصلش
سلام مؤقت وتصبحي علي الف خير

[gogo]

وانتى من اهله يارنا اشوفك بكره ان شاء الله
وتسلمى على الدعوه الجميله دى

[dr.princess]

نوم نوم نوم كفاااااااااااااااااااااااية

[ماما قلقانه]

صباح الخير يا لولو عامله ايه انتى والنونو

[ماما قلقانه]

انا بقالى كام يوم مش عارفه اكلم حد .اوعى تكونى خرجتى

[ماما قلقانه]

دودى لسه ما ظهرتش ربنا يسهل وتدخل اصلها وحشتنى اوى

[dr.princess]

ازيك يا سمر انا موجودة بس على وشك اخرج علشان احضر الغداء على جوزى مايرجع من الصلاة
على فكرة دودى دخلت مرة بسرعة اوى وخرجت الحمدلله اننا اتطمنا عليها

[ماما قلقانه]

انا كمان هخرج على طول عشان الولاد يفطروا

[ماما قلقانه]

هتدخلوا امتى عشان وحشتونى

[dr.princess]

انا هدخل بالليل ان شاء الله
باقى البنات معرفش النهاردة الجمعة ومواعيدهم بتبقى ملخبطة

[Om Rodina]

السلام عليكم ورحمة الله وبركاته
ازيكم كلكم ياحبايبى وحشتونى اوى والله عاملين ايه
انا بادخل باوقات بتكونوا فيها مش موجودين يارب ييسر واتجمع معاكم تانى باذن الله
سلامى للجميع

[ام البنوتة]

السلام عليكم ورحمة الله وبركاته
انا كل لما ادخل مالاقيش حد!!!
يا ريت لما حد يدخل يكتب المواعيد اللي ممكن بتكونوا موجودين فيها

[dr.princess]

ام البنوتة
انا هناااااااااااا
استنى اصلى المغرب وارجعلك تانى ان شاء الله

[ام البنوتة]

اوكى حبيبتي انا موجودة

[dr.princess]

ام البنوتة اخبارك ايه
اهلا بيكى معانا

[ام البنوتة]

الحمد لله
ربنا يخليكي

[dr.princess]

الحمد لله حبيبتى

[ام البنوتة]

انتي منين من مصر؟

[dr.princess]

من المنصورة

[ام البنوتة]

احسن ناس تشرفنا يا حبيبتي

[dr.princess]

ربنا يخليكى
وانتى منين ؟؟؟؟

[ام البنوتة]

انا من بورسعيد بس متجوزة وعايشة في القاهرة

[dr.princess]

اهلا وسهلا انا رحت بورسعيد مرة واحدة بس من زماااااان اوى وكمان بنت عمتى كانت فى تمريض بورسعيد

[ام البنوتة]

اكيد لما جيتي كانت منورة بيكي

[dr.princess]

ربنا يكرمك يااارب
بس والله من زمااااااااان اوى وانا فى الاعدادى تقريبا فمش فاكراها خالص

[dr.princess]

قوليلى اخبار الحمل معاكى ايه ؟؟؟؟
وده اول حمل ولا عندك بيبهات

[ام البنوتة]

لا ده اول حمل انا لسه متجوزة جديد
وانتي عندك ولاد ولا انتي زي حالاتي

[dr.princess]

لا انا زيك ده اول حمل ليا الحمدلله

[ام البنوتة]

وعرفتي ولد ولا بنوتة ولا لسه

[dr.princess]

لا لسه ولد او بنت كله خير
انتى عرفتى ؟؟؟

[ام البنوتة]

طبعا كلهم زي العسل
انا عرفت من كام يوم بس الدكتورة قالت 80% تكون بنوتة

[dr.princess]

انا اسمع مش بيبقى اكيد انهم يعرفوا نوع البيبى الا فى السابع ان شاء الله تيجى بالسلامة
قررتوا تسموها ايه ولا لسه ؟؟

[احساس الأمومه]

السلام عليكم
أزيك يا لولو
ازيك يا ام البنوته

[dr.princess]

احساس ازيك انتى فين من بدرى

[ام البنوتة]

وعليكم السلام ورحمة الله وبركاته

[ام البنوتة]

لو ان شاء الله بنت هنسميها منى على اسم حماتي الله يرحمها
ولو ولد هنسميه مازن

[احساس الأمومه]

انا زعلانه منك يالولو
علشان انتى ألى حستينى
هههههههههههه

[dr.princess]

ام البنوتة ان شاء الله حبيبتى
حلو اسم مازن و طبعا مادام البنت على اسم حماتك الله يرحمها يبقى مقدرش اتكلم

[احساس الأمومه]

اسم منى حلو يا ام البنوته ومش بيقدم خااااااالص
ومازن جميل
ربنا يقومك بالسلامه

[dr.princess]

احساس ليه بس اوعى يكون اى حاجة بخصوص الكشرى هههههههههههههه

[ام البنوتة]

ربنا يخليكوا يا قمرات

[احساس الأمومه]

لأ متقلقيش مش الكشرى
انتى عدتينى بس

[dr.princess]

احساس اعوووووووذ بالله ياريتها كانت جات فى الكشرى مش فى ده ههههههههههههههه

[احساس الأمومه]

هى ملك مدخلتش النهارده يا لولو

[dr.princess]

لا ملك مدخلتش النهاردة خالص
وكمان سمية بقالها يومين مش باينة ياااااااااارب خير

[احساس الأمومه]

لأ متفهميش غلط
هههههههههههه
انتى عدتينى فى الزهق
انا زهقاااااااااااااااااااااااااانه اوى ومخنوقه
شوفيلى حل

[احساس الأمومه]

تعرفى انا من زهقى قلت هدخل ويارب ألاقى حد فيكم
والحمدلله لقيتك

[dr.princess]

ههههههههه طيب كويس انى كنت فاهمة غلط
لا فى موضوع حل للزهق ده طبعا معنديش هو هبل كده شوية يجى لوحده ولوحده بيروح

[احساس الأمومه]

ام البنوته انتى فى مصر ولا عايشه بره

[احساس الأمومه]

ده انا
زهقاااااااااااااااااااااااااااااااااااااانه من الصبح
ومش عارفه من ايه؟
ماشى يالولو تلاقيكى فرحانه فيا عشان إمبارح قلتلك زهقانه من ايه بس
هههههههههههههههههه

[ام البنوتة]

لا يا احساس الحمد لله عايشة في مصر
بس برضه بعيد عن اهلي لاني من بورسعيد لكني متجوزة في القاهرة

[dr.princess]

لا والله ابدا بس الحالة دى ملهاش حل تحسى انك زهقانة من نفسك حتى

[احساس الأمومه]

سؤال ملح جداً جداً
هو الجو عندك فى السعودية دلوقتى برد ولا لسه
احنا عندنا الجو النهارده برد اوى

[dr.princess]

لن ازرعك وردا .. اخاف ان تقبلك الفراشات ولن ارسمك قمرا تسامره في الليالي ملايين النجمات ولن اضعك عطرا اذا فاح بمروري تناثر وعانق النسمات ولن اتكلم عنك فأغار عليك من الكلمات

ايه رأيكم فى الكلمات دى عجبتنى اوى لما قرأتها

[dr.princess]

احساس الجو هنا حلو طول النهار عادى يعنى انا دلوقتى لابسة بنص كم بس بالليل شوية والصبح بدرى بيسقع فبتقل شوية ساعتها

[ام البنوتة]

كلام جميل كلام معقول هههههههههه

[ام البنوتة]

لأ بجد كلام حلو

[dr.princess]

ههههههههه فكرتنى بايام الرومانسية يللا ايام بقى ههههههههههههههه

[ام البنوتة]

احساس انتي منين في مصر وعايشة فين

[ام البنوتة]

ايه يا برنسيس انتي الرومانسية ضايعة منك برضه ههههه

[dr.princess]

هو اللى بيحصلنا فى الحمل ده تنفع معاه الرومانسية هههههههههههه

[ام البنوتة]

والله يا بنتي احنا لو عايزين ممكن بس فين النفس
ههههههههههههههه

[ام البنوتة]

ايه يا احساس رحتي فين يا بنتي

[dr.princess]

على رأيك والله ههههههههههههه

[ام البنوتة]

انتي عايشة في السعودية يا برنسيس؟

[dr.princess]

ايوه انا فى المدينة المنورة الحمدلله

[ام البنوتة]

بسم الله ما شاء الله
انا حبيت المدينة اوي وانا في العمرة
تحسي فيها بهدوء نفسي رهيب

[احساس الأمومه]

انا هنا يا جماعه بس كنت بعيط شويه
يمكن أفك من الخنقه الى أنا فيها
هههههههههه

[احساس الأمومه]

لولو انتى بقالك قد ايه هناك
يا ترى حفظتى الأماكن ولا لسه

[dr.princess]

ام البنوتة انتى جيتى عمرة قريب ؟؟؟
فعلا المدينة هادية وجميلة ومريحة اوى

[ام البنوتة]

بتعيطي ليه يا بنتي وحدي الله
مافيش حاجة تستاهل

[ام البنوتة]

ايوه جيت عمرة رجب اللي فاتت

[dr.princess]

احساس اوقات العياط بيريح بس انتى دلوقتى احسن ولالا ؟؟؟
انا هنا من اول ما اتجوزت انا اللى جيت لجوزى
انا مش بخرج كتير الحرم بس ولو هنشترى حاجة او كده وطبعا مفيش ستات بتخرج هنا لوحدها فمعرفش اروح اى مكان لوحدى

[احساس الأمومه]

بجد يا أم البنوته انا زهقانه اوى مش عارفه من ايه بس
ولا ده بسبب الحمل وتعبه مش عارفه

[dr.princess]

ام البنوتة سبحان الله انا برده عملت اول عمرة ليه فى رجب

[ام البنوتة]

كانت هادية وكان الجو كويس والحمد لله

[احساس الأمومه]

انا فعلا أرتحت شوية يا لولو
بجد الله يكون فى عونك وانتى فى الغربه
بس سواء فى الغربه او فى بلدك
تعرفى الواحد خد على الوحده خلاص

[احساس الأمومه]

ام البنوته
انتى تعرفى حد هنا فى القاهره

[dr.princess]

هستأذن منكم يا بنااات دلوقتى
هيتذاع اون لاين دلوقتى محاضرة مباشرة للداعية مصطفى حسنى بيلقيها فى ساقية الصاوى وهيذيعوها على موقعه
الرابط اهو لو حابيين تشوفوها
http://mustafahosny.com/stream/
بيشتغل على الانترنت اكسبلورر

[ام البنوتة]

لأ خالص معرفش حد

[احساس الأمومه]

سلام يالولو
هستناكى بكره إن شاء الله

[ام البنوتة]

اتفضلي يا برنسيس
ربنا يجعله في ميزان حسناتك

[احساس الأمومه]

تلا قيكى بتضايقى من القاعده لوحدك
بتسلى نفسك أزاى

[ام البنوتة]

احساس انتي منين؟