دردشة حوامل مصر - دردشة بنات مصر - تجمع حوامل مصر

[ام البنوتة]

السلام عليكم ورحمة الله وبركاته
ازيكم يا قمرات

[dr.princess]

ولا الهوا معرفش اى حاجة معملتوش قبل كده بصراحة
بس الشيف شربينى على الحياة كان عامله محشى قبل كده

[dr.princess]

بصى الموقع ده عليه كل فيديوهات برامج الطبخ دورى فيه وان شاء الله تلاقى اللى انتى عايزاه
http://tvcook.allourlife.com/

[dr.princess]

ام البنوتة وعليكم السلام ورحمة الله وبركاته
ازيك ايه اخبارك واخبار النونو

[ام البنوتة]

الحمد لله والنونة تمام والحمد لله

[ام البنوتة]

وانتم ايه اخباركم واخبار النونات بقوا اشقيا ولا لسه هاديين

[dr.princess]

والله كان بدأ يتشاقى وبعدين بقى هااااااااااااااادى بشكل يقلق بقاله كام يوم

[MALAK2010]

ام البنوتة:ازيك يا حبيبتى مش بتدخلى كتير لية

[MALAK2010]

انا عارفة موضوع المحشى دة بس المشكلة انى قطعتة خلاص ماينفعش يتعمل محشى

[MALAK2010]

النونو كويس الحمد لله

[ام البنوتة]

اصل انا يا ملوكة عند ماما لحد الولادة ومافيش نت هنا بدخل بال usb لما يكون معايا رصيد وده مش دايما طبعا ههههه

[ام البنوتة]

والله كان بدأ يتشاقى وبعدين بقى هااااااااااااااادى بشكل يقلق بقاله كام يوم

جايز نومه تقيل ماتقلقيهوش خليه هادي احسن

[ام البنوتة]

خلي بالكم لو فجأة مالاقيتوش اني برد يبقى الرصيد خلص

[ام البنوتة]

اخدتم تطعيم التيتانوس ولا لسه

[dr.princess]

والله ما اعرف خلينى اشوف اخره ايه الواد ده

[dr.princess]

ماشى ولا يهمك
انا ان شاء الله هروح للدكتورة كمان 10 ايام عشان اخده
انتى اخدتيه ولا لسه ؟؟؟

[ام البنوتة]

سيبيه بيدلع عليكي شوية عشان يعرف غلاوته عندك

[dr.princess]

يدلع براحته بس بلاش التقل ده خليه كده يعمل اى حركة اتطمن بيها بدل القلق ده

[ام البنوتة]

انا اخدت جرعة الشهر اللي فات والجرعة الجاية هاخدها يوم الخميس ان شاء الله

[MALAK2010]

هو ينفع الحقنة دى تتاخد فى الشهر التاسع ولا اخرها التامن

[ام البنوتة]

وانتي يا ملوكة اخدتيه ولا لأ لان ساعات الدكاترة بينسوا

[MALAK2010]

شكرا يا لولو على الموقع باين علية حلو
هو دة كتاب ابله نظيرة الايام دى ههههههههههههه

[dr.princess]

هى الدكتورة قالتلى بتتاخد فى اى وقت من بعد الشهر الخامس بس موضحتش بقى هتدينى جرعة ولا اتنين لما اروح كده واشوف ان شاء الله

[MALAK2010]

ان ان شاء الله هاخدها لما ارجع مصر
لان توتة قالتلى انهم بيعطوها بس للى عندهم تامين وان مش عندى

[dr.princess]

ايوه كتاب ابلة نظيرة بس فيديو واوديو هههههههههههههههههه

[dr.princess]

لالا يا ملك انا مش عندى تأمين ولا حاجة وهاخدها عادى ان شاء الله

[ام البنوتة]

لأ عادي انا ماعنديش تأمين واخدتها ف الوحدة الصحية ببلاش

[dr.princess]

ايوه يا ام البنوتة خليكى مع الوحدة الصحية بيعملوا متابعات كويسة اوى للحوامل
انا اشتغلت سنة ونص فى مستشفى و شهرين فى وحدة صحية ولقيت نظام كامل متابعة للحوامل فى الوحدة

[MALAK2010]

ممكن يكون النظام مختلف فى الامارات مش عارفة على العموم انا هاخدها ان شاء الله لماانزل مصر

[ام البنوتة]

لأ انا متابعة مع دكتورة في عيادتها بس هى رئيسة الوحدات الصحية هنا ف بورسعيد

[dr.princess]

اللى انا شفته فى الوحدة ان كل حامل بيبقى ليه كراسة متابعة خاصة بيها ودوريا بتتقاس الوزن والضغط وبتلف على كل واحدة ممرضة تفكرها بالتطعيمات وحاجات شبه كده ونظام كبير عليه اشراف جامد من الوزارة

[ام البنوتة]

بس ف الولادة مافيش اهتمام مرات خالي اتبهدلت وهى بتولد مش بيدوا مسكنات ولا بنج ويسبوكي تتألمي والاحسن اني اولد ف عيادة الدكتورة بالفلوس بتدي مسكنات وبنج نصفي يعني مش بنتعذب

[ام البنوتة]

وهى متابعني وعارفة حالتي كويس

[dr.princess]

لالا وحدة ايه اللى حد يولد فيها لالالالالالالا النظافة والتعقيم نفسه هيبقى اى كلام خليكى اما فى العيادة او فى اى مستشفى كويسة

[MALAK2010]

هو الحقنة بتاعت الولادة اللى بتتاخد فى الضهر دى صعبة او خطرة
وبتتاخد فين بالظبط
وعاوزة اعرف هو فى دكاترة ستات للتخدير
هو دكتور التخدير بيفضل واقف طول فترة الولادة

[dr.princess]

ابرة الظهر دى سمعت اكتر من واحدة هنا بتقول انها بتتعب الظهر بعدين
اه فى دكاترة تخدير ستات اختى ولدت مرتين قيصرى وكانت دكتورة تخدير مش دكتور طبعا لانها كانت متابعة مع دكتورة منقبة واللى معاها دكتورة تخدير مش دكتور علشان حرام طبعا

[ام البنوتة]

انا جوزي اخد حقنة الضهر دي وهوا بيعمل الزايدة بس ادولوا اربعة وكان لسه حاسس ف ادولوا بنج كلي بعد كده بس بيقولي انها بتوجع اوي بس اكيد اللي احنا هنبقى فيه مش هيخلينا نحس بيها

[ام البنوتة]

السلام عليكم ورحمة الله وبركاته
اشوفكم بعدين ان شاء الله

[dr.princess]

وعليكم السلام ورحمة الله وبركاته
نشوفك على خير ان شاء الله ام البنوتة

[MALAK2010]

هو الكل خرج ولا نام؟؟؟؟

[dr.princess]

لالا انا فكرتك انتى خرجتى

[MALAK2010]

انا قاعدة من ساعتها لما بخرج بقول
انتى كنتى عاوزة تعملى البيتفور
اكلتية عند مين وشجعك على عمايلة
مامتك مش هتصدق اللى انت بقيتى فية ماشاء الله

[dr.princess]

كنت من مدة عند واحدة جوزها صاحب جوزى وماشاء الله تبارك الله كانت عاملة بتيفور يجننننننننننننننننننننننن من هنا لبكرة حتى من كتر ما ابديت اعجابى بيه ادتنى الباقى عندها شفتى الطفاسة اللى اختك فيها ههههههههههههههههههههههه وجوزى اتهبل عليه وقالى هجيبلك المكنة بتاعته علشان تعملى زيه
انا اخدت الوصفة وربنا يسهل واعمله

[MALAK2010]

هههههههههههههههههه
وجوزك كمان هيجيب المكبس يلا ورينا شطارتك يا جميل
دبستى نفسك يا جميل هههههههه

[dr.princess]

ههههههههههههههههه فعلا دبست نفسى بس فعلا لو طلع حلو زى بتاعها ده انا اعمله كل يوم ههههههههههههههههههههه

[MALAK2010]

طالما هتعملى بيتفور
اساليها على الغريبة
مالولو خلاص بقت شطووووووووورة

[MALAK2010]

انا بحب البيتفور جداااااااااااااا
وكمان اللانكشير بس مش عارفة هم نفس العجينة ولا فى اختلاف

[MALAK2010]

هى مصرية ولا جنسيتها اية؟؟؟؟

[dr.princess]

اه مصرية من قنا بس ماشاء الله قمرررررررر وحبوبة اوى عندها بنتين وولد انا عرفتها يوم ما اتجوزت
والله انا كمان بموووت فى الغريبة بس ايه اللانكشير ده
هى قالتلى انها بتعمل معمول حلو اوى قلتلها خلينا واحدة واحدة هههههههههههه
وبعدين هو القر هيبدأ من دلوقتى ولا ايه ههههههههههههههه

[MALAK2010]

انا مش بقر والله انا بشجعك وارفع من روحك المعنوية هههههههههههه
وبعدين ماتعمليش القر شماعه يلا ورينا شطارتك
عارفة انا برضة كنت قبل الجواز بعمل معمول حلو اوووووووووووووى بس نسيت بيتعمل ازاى هههههههه
اللنكشير دة بيبقى بيتفورتين لازقين فى بعض بمربى اكيد تعرفية
بس مش عارفة هم فعلا بيتفور ولا عجينتة مختلفة

[dr.princess]

هههههههههههههههه انا هخليه شماعة لغاية ما اعمله واشوف النتيجة هههههههههههههههههه
ماهى كانت عاملاه كده 2 بتيفور وحاطه بينهم مربى انا مكنتش اعرف ان له اسم تانى بس هو ده اللى اخدت وصفته منها

[MALAK2010]

بصى تقريبا الانكشيرالاصلى له مقادير مختلفة شوية
بس ممكن تعملى بتفورتين وتلزقيهم فى بعض عادى

ودة شكل الانكشير الاصلى
http://forum.hwaml.com/imgcache2/hwaml.com_1295635967_168.gif

[MALAK2010]

يلا شدى حيلك يا لولو انا بمووووووووووووت فى البسكوت كمان
يلا عاوزة ادوق

[MALAK2010]

انا خارجة بقا يا لولو لان الماتش خلص وهقوم اعمل العشا اتفضلى معايا

[dr.princess]

بالهنا والشفا حبيبتى
انا كمان جوزى زمانه على وصول
اشوفك بكرة ان شاء الله

[توتة السيد]

توتة حبيبتى انتى لسة مافقستيش هههههههههههههههه
عاملة اية زمانك زهقتى من السؤال دة

وهي سيرة زهق ياناس انا فلست وطهقت وتعبت يابوووووووووووووي

[توتة السيد]

برضه مافيش حد اهئ اهئ اهئ ليييييييييييييييه

[توتة السيد]

طيب مافيش حد يأزرني في زهقي اهئ

[رنا خالد]

انا هناااااااااااااااااااا

[توتة السيد]

لاننكن ابدا مش مصدقة وداني رنا هنا يامرحبة يامرحبة

ازيك ياام لوجي وازي لوجي وحشتينااااااااااااااااااااااااا

[توتة السيد]

انتي لحقتي تطلعي اهئ يانااس اشد شعري

[رنا خالد]

توته وحشتيني اووووووووووووووي والله العظيم
فينك ياقمر لسه مافقستيش

[MALAK2010]

صباح الخير يااااااااااااااااااااااااقوم

[dr.princess]

ايه ده اخيييييييييييرا صحيتى

[MALAK2010]

اصل النهاردة اجازة لجوزى فمبصدق انام شوية لانك عارفة مش بنام خالص طول النهار
انتى عاملة اية

[MALAK2010]

افتحى قناة ابوظبى على منال العالم شوفى اللى بتعملة
انا شفتها امبارح وعجبتنى

[MALAK2010]

بتعمل وردة بالشيكولاتة

[dr.princess]

انا الحمدلله كويسة
باكل دوريتوس من القهر اللى انا فيه ههههههههههههههههه

[MALAK2010]

قهر لية بعد الشر
خير مالك

[dr.princess]

الست دى هتموتنى بقالها كام حلقة بتعمل حاجات بالشيكولاته بس لما هيجرالى حاجة ههههههههههههههههههه

[dr.princess]

صاحية بقالى تقريبا 6 ساعات كذا حاجة شاغلة بالى فقلقت مبطلتش تفكير وصاحية اهو زى القرد هههههههههههههههه

[MALAK2010]

دى اول حلقة من حلقات الشيكولاتة اشوفها

[dr.princess]

لا دى شغالة كدا بقالها يجى 3 اسابيع او اكتر انا مش متابعاها بس كل مابشوفها الاقيها شغالة حاجات بالشيكولاته

[MALAK2010]

كذا حاجة شاغلة بالك
الواحد لما يكون فى حاجة واحدة مش بينام انتى عندك كذا حاجة طبعا مفيش نوم

[dr.princess]

عندك حق والله كأن فى حاجة قاعدة بتاكل فى دماغك اعوذ بالله

[MALAK2010]

هى بعد ما هتخلص الوردة هتعمل كريم كارميل بالشيكولاتة
جوزى اول ما شافها امبارح قالى جميلة اعمليها لانه بيحب الشيكولاته اووووووووووووى
بالرغم ان الكريم كارميل العادى شكلة احلى ههههههه
هجربها واشوف بس كان الارسال باظ امبارح علشان الشتا انا فاتحة اهو لما اشوف بتعملها ازى وامرى لله

[MALAK2010]

واللى بتفكرى فية لقيتى لة حل خلاص وهتنامى النهاردة ولا لسة

[dr.princess]

انا الحاجة الوحيدة اللى مسموحلى اعملها بالكاكاو هى الكيكة المخططة غير كده جوزى مانع كل حاجة

[dr.princess]

الحاجة الاولى اللى كانت هتموتنى ان حركة البيبى بقالها مدة خفيفة بعد ما كانت بقت واضحة جدا لا واوقات بتوجع بقالها كام يوم خفيفة
وامبارح واول من كتر ماهى خفيفة مكنتش اصلا متأكده اذا كان اتحرك ولالا فكان هيجرالى حاجة وكنت ناوية لو استمر كده اروح للدكتورة بالليل
بس الحمدلله رب العالمين اتحرك من شوية مش قوى صحيح بس اتحرك واتطمنت

[MALAK2010]

عارفة انا عاوزة حد يعمل قدامى كيكة الشطرنج

[MALAK2010]

الحمد لله انك اتطمنتى على البيبى
بس لما يحصل كدة جربى انك تاكلى حاجة مسكرة وتنامى على ضهرك
بس اسمع ان البيبى مش لازم كل يوم يتحرك حركة تحسيها
هو طبعا بيتحرك بس جايز ماتحسيهاش لانة برضة لسة صغير

[dr.princess]

دى اللى فيها بتتقطع حتت من كيكة بيضاء وحتت من كيكة شيكولاته وتتحط جنب بعض زى الشطرنج لو قصدك على دى دى عذاااااااااااااب

[MALAK2010]

دى كيكة الشطرنج

http://forum.hwaml.com/imgcache2/hwaml.com_1295678874_128.png

[dr.princess]

لالا ياملك الحركة كانت انتظمت جدا كل يوم واكتر من مرة وملحوظة جدا شوية كده وتحسى اللى بتكلم عنه ان شاء الله
ماما بتقولى من قلة الاكل مش عارفة بقى ماما وجوزى مبهدلنى على موضوع الاكل ده لحد ما والله كرهت نفسى اعمل ايه بس

[MALAK2010]

هما بيعملوها كدة بس مش عارفة بيظبطوا الدواير ازااااااااااى

http://forum.hwaml.com/imgcache2/hwaml.com_1295679004_208.gif

[dr.princess]

ايوه انا شفتها على النت عذااااااااااااااب يابنتى

[dr.princess]

على فتكات واحدة عاملاها بالصور ومظبوطة اوى الدواير والطبقات دورى عليها هناك

[MALAK2010]

طيب حاولى تاكلى علشان النونو حرام
وكلى برضة حاجة مسكرة هتلاقيه يتحرك ان شاء الله
ربنا يطمنك علية
انتى بتاكلى كويس زى قبل الحمل ولا مش بتاكلى زى الشهور الوحم

[dr.princess]

منال العالم حطت على الكريم كراميل لبن وكريمة وقشطة وكاكاو ده اكيد يبقى تقييييييييييييل اوى

[dr.princess]

انا حاسة ان معدتى مقفولة يعنى قطمتين واشبع لما بقوم من الغداء كأنى مأكلتش حاجة يعنى مثلا صابعين كفتة او اقل من نص الورك ومثلا نص سمكة فيليه وهكذا
ومش بجوع ولو غصبت واكلت وانا مش جعانة معدتى تتقلب فهو تقريبا فعلا مش بيوصله حاجه

[MALAK2010]

معلش جايز زى ما مامتى بتقولى انة علشان انتى اللى طابخة
جايز لو اكلتى من اكل حد تانى تاكلى كويس
بصى شوفى كل يوم اية الاكلة اللى بتحبيها اوى او اللى لكى نفس تاكليها واطبخيها

يبقى كدة احنا عرفنا اول حاجة من الحاجات اللى شغلاكى لسة الباقى

[MALAK2010]

معلش يا توتة جوزى صحى وهحضر الفطار
هدخل تانى قرب العصر ان شاء الله على ماينزل
ونكمل اللى شغلك سلام مؤقت

[dr.princess]

يعنى اجيب مين بس يطبخلى
والله نفسى مبقتش تروح لحاجة يعنى كل الاكل بقى شبه بعضه
بس هى ممكن الفراخ البانية بصراحة نفسى رايحة ليها وبحبها اوى

[dr.princess]

خلاص ماشى ولا يهمك
اشوفك تانى ان شاء الله

[يارا ويوسف]

ازيكم ياحلووووووووووووووووووووووووين

[يارا ويوسف]

ازيك ياتوتة

[رنا خالد]

صباح الخير يابنات وحشتوني جداااااااااااا
قلت اصبح عليكم وارغي معاكم شويه بس اظاهر مافيش حد اشوفكم بقي بالليل ان شاء الله سلام مؤقت كده

[توتة السيد]

رنااااااااااااااااااااااااااااا

انت موجودة ولا مشيتي ياناس

[somia]

السلام عليكم ورحمة الله وبركاته
وحشتوووووووووووووووني .
توتة انا كل شوية دخل عشان اطمن عليكي مش ناوية تفقسي بقى ولا ايه؟؟؟؟؟؟؟؟؟؟؟؟؟؟؟

[توتة السيد]

السلام عليكم ورحمة الله وبركاته
وحشتوووووووووووووووني .
توتة انا كل شوية دخل عشان اطمن عليكي مش ناوية تفقسي بقى ولا ايه؟؟؟؟؟؟؟؟؟؟؟؟؟؟؟

وعليكي السلام والرحمة ياسومة انتي وحشتيناااااااااااااا اكتر حبيبتي عاملة ايه واخبار النونو ايه

تسلمي يارب ربا يخليك لسه والله اهئ الوضع علي ماهو عليه شكلها عجبها الحال جوه

ومش عايزة تسيبه اهئ وانا زهقت والنحمة علي الاخر

[توتة السيد]

يابناااااااااااااااااااات انتوا هاجرتوا كلكم كده ولا ايه

فيييييييييييييييييييييييييييييييييينكم

[رنا خالد]

هو ايه اللي حصل هو العمل اللي اتعملنا علي رجل النمله رجع تاني ولا ايه مع اننا في شتا ومافيش نمل ههههههه
بجد وحشتوني يابنات نفسي اتكلم معاكم يارب بقي بكره الاقيكم

[توتة السيد]

يارنا والله انا اهو ارجو انك تكوني موجوده

[توتة السيد]

عاملة ايه رنا حبي وحشتيني انا هتجنن من بدري واقول فينكم يابنات مافيش حد عبرني

اخبار لوجي القمر ايه

[توتة السيد]

برضه مشيتي يارنا يابووووووووووووووي

[MALAK2010]

صباح الخير يا بناااااااااااااااااااااات

[dr.princess]

صباح النووووووووووور

[MALAK2010]

ازيك يا لولو عاملة اية وحشاااااااانى

[dr.princess]

انا الحمدلله كويسة انتى كمان وحشاااااانى
انتى اخبارك ايه واخبار النونو ايه

[MALAK2010]

الحمد لله كويسة
بس كنت تعبااااااااانة اوى امبارح بس الحمد لله
اصل خرجت اجيب حاجة البيت والله ماتاخرتش يادوبك ساعه بس تعبت اوى
بس الظاهر زرار البنطلون كان ماسك شوية ماخدتش بالى الا لما خرجت
بطنى وجعتنى اوووووى بس بقيت احسن الحمد لله

[MALAK2010]

كل يوم اقعد اقول انى ماتخنتش واقول لجوزى
امبارح جوزى ماسكنى بهدلنى علشان النونو وعلشان اقر واعترف انى تخنت هههههه وبطنى ظهرت

[dr.princess]

لالا الف سلامة عليكى
فعلا اليوم اللى بشترى فيه حاجات البيت بيبقى متعب جدا فخليته مرة كل شهرين انزل اجيب حاجة الشهرين على بعضها
بس خدى بالك متلبسيش حاجة ضيقة او هاتى بنطلون او جيبة حمل حلوين اوى

[dr.princess]

هههههههههههههه اعتراف تحت تهديد السلاح هههههههههههههههههه مفيش داعى للانكار دى باينة للاعمى يابنتى ههههههههههههههههه

[MALAK2010]

الله يسلمك
اه اسمع عن بنطلون الحمل
اصلى بلبس هدومى عادى من اول الحمل ولانهم فى الاساس كانوا واسعين فماخدتش بالى ان الدنيا اتغيرت هههههه

[dr.princess]

ههههههههههههههه لالا خدى بالك ياختى ده انا لبست امبارح قميص فاتح فلقيت الفضايح كلها اللى مكنتش باينة فى القمصان الغامقة كرش من قدام وبلاوى من ورا وحاجة اخر مسخرة ههههههههههههههههههه

[MALAK2010]

ياترى نمتى كويس النهاردة ولا قلقتى زى امبارح
واخبار حركة النونو اية الوقتى احسن

[MALAK2010]

ههههههههههههههه لالا خدى بالك ياختى ده انا لبست امبارح قميص فاتح فلقيت الفضايح كلها اللى مكنتش باينة فى القمصان الغامقة كرش من قدام وبلاوى من ورا وحاجة اخر مسخرة ههههههههههههههههههه

ههههههههههه يعنى استنى حاجات اكتر من كدة ربنا يسهل

[dr.princess]

حركة النونو الحمدلله رجعت احس بيها
صاحية والله من الساعة 4 بس الحمدلله مكنش فى حاجة شاغلة بالى النهاردة بس قلقت ومعرفتش انام تانى

[dr.princess]

هههههههههههه اه استنى انا زايدة كيلو واحد و حاسة انى بقيت على شكل مربع هههههههههههههههههه لانى زى ماقلتلك قبل كده قصيرة لالالا قصدى الطول كافى ووافى هههههههههههههههههههه فمربع صريح صريح يعنى ههههههههههههههههه

[MALAK2010]

حركة النونو الحمدلله رجعت احس بيها
صاحية والله من الساعة 4 بس الحمدلله مكنش فى حاجة شاغلة بالى النهاردة بس قلقت ومعرفتش انام تانى

الحمد لله انك اطمنتى على النونو
ربنا يكملك على خير
وكويس ان ماعتدتش حاجة قلقاكى
عارفة انا نايمة من التعب من الساعه 9 ونصف لغااااااااااااية الساعه 8 وكنت عاوزة انام كمان ههههه

[dr.princess]

فعلا والله ايام ما بيبقى فى شغل فى البيت او لما بخرج برجع انام الليل بطوله اما الايام العادية بفضل كل شوية اقلق

[MALAK2010]

هههههههههههه اه استنى انا زايدة كيلو واحد و حاسة انى بقيت على شكل مربع هههههههههههههههههه لانى زى ماقلتلك قبل كده قصيرة لالالا قصدى الطول كافى ووافى هههههههههههههههههههه فمربع صريح صريح يعنى ههههههههههههههههه

هههههههه صحيح ازاى تكونى زايدة كيلو واحد وحصلك كل دة حتى لو قصيرة
مش جايز يكون الميزان بايظ
الكيلو مايخليش حتى البطن تبان

[dr.princess]

هههههههههههههه ما انا بقول برده امال لو زدت 10 هيبقى شكلى عامل ازاى
لالا الميزان مظبوط لانى اتوزنت كام شهر عند الدكتورة ووزنت نفسى فى مول جنب الحرم طلع نفس الوزن
ماما سألت دكتور نسا جارنا قالها عادى انها ماتزدش والبيبى ياخد من اكلها بس لازم تتأكد من الدكتورة ان وزن البيبى ونموه كويسين فالمرة الجاية هسئلها ان شاء الله

[MALAK2010]

ههههههههه
شوفى نفسك بعد زيادة شهر بقيتى مربع امال انا وسمية نعمل اية

[dr.princess]

ههههههههههههههههه هتبقوا كورة ان شاء الله هههههههههههههههه انا بهزر

[dr.princess]

صحيح كنت عايزة اسئلك على حاجة
سمعت فى ناس بتعمل دورة غسيل بالخل لتنظيف وتعقيم الغسالة وعايزة اعملها تعرفى اى معلومات عن الحكاية دى ؟؟؟؟

[MALAK2010]

انا اعرف انك ممكن تغسلى الغسالة تعملى دورة بالمسحوق بس ماعرفش ان ممكن نحط فيه خل
والله فكرتينى عاوزة ابقى اغسل الغسالة قبل ماامشى ان شاء الله

[dr.princess]

لا اللى انا سمعته انهم بيحطوا خل بس من غير مسحوق ولا حاجة مش عارفة بقى

صحيح كنت عايزة اسئلك سؤال سخيف ممكن ؟؟

[MALAK2010]

اسالى براحتك يا لولو انتى بتستاذنى
انا هعمل بحث على النت عن غسيل الغسالة بصراحة ماما اللى كانت بتغسلها انا مغسلتهاش قبل كدة هسالها وهتاكد

[dr.princess]

انا دورت علي دورة الغسيل بالخل دلوقتى
زى ماقلتلك كده فى ناس بتقول ان بيتعمل دورة غسيل بالخل طبعا من غير هدوم ولا حاجة ومن غير مسحوق وفى ناس بتقول يتحط معاه ملح ليمون طبعا مش عندى وفى ناس بتقول فى مية سخنة او دافية

[dr.princess]

بصى ياستى انا ان شاء الله اخيييييييييييييرا هخرج النهاردة وغالبا ممكن اروح اشترى مضرب البيض فبما انى مش هجيب ماركة وهجيب حاجة على قدنا دلوقتى فقلت اسئلك اسم بتاعك ايه مادام انك مجرباه وقلتى ماشاء الله شغال كويس ولو ليه صورة يبقى تمااااام اوى

ملحوظة انا خايفة جدا ان بتاعك يبوظ ويبقى شكلى وحش بس انا والله قلت ماشاءالله

[MALAK2010]

ههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههه
والله ضحكتينى جدا فقلت ابعتلك الضحكة الاول وبعدين هرد بالتفصيل على ما اجيبها من جوة

[dr.princess]

انتى بتضحكى والله انا بتكلم بجد
يعنى مثلا من مدة وريت لجارتى الرز اللى انا عاملاه وقعدت اقولها انه حلو ومفلفل وزى الفل تانى يوم الرز عجن وماحصلش كده معايا من اول الجواز حتى جوزى استغرب على طول هى جات فى بالى
معلشى دماغى بايظ شويتين

[MALAK2010]

لا يابنتى ماتفكريش كدة وبعدين تيجى فى الرز ويعجن ولا تجى فى مضرب البيض ويبوظ ههههههههههههههههه
بهزر والله

[MALAK2010]

انا والله الى خايفة تجيبى الماركة بتاعتى وماتعجبكيش ربنا يستر

[dr.princess]

هههههههههههههههههههه ماشى ياستى
بس افتكرى انى قلت ماشاءالله

[dr.princess]

هييييييييييييييه وشفت ايدك وشفت ايدك هههههههههههههههههه اشمعنى انتى يعنى شفتى صورة الفرح والعمرة وكمان وانا فى الحرم ادينى شفت ايدك اهو مفيش حد احسن من التانى هههههههههههههه

على فكرة اليكتا دى بيعملوا عليها عروض كتير فى بنده لو تسمعى عنها بس منتجات تانية مش المضرب يعنى اسمها معروف هنا
طيب قوليلى البتاع الملولو اللى على العلبة ده بيستخدم فى ايه

[MALAK2010]

ههههههههههههههههههههههههه
خلاص يا ستى انت شفتى حتة منى عقبال الباقى بوريكى حتة حتة علشان الصدمة ههههههههههههه
هى الماركة معروفة فى الصينى
كان عندى كتالوج فية منتجات اصلى والتقليد بتاعها هو الماركة دى

الملولوة دى يعنى لما تعملى حاجة فيها عجينة يعنى من قوة المضرب هنستعملها كمان زى العجانة هههههههههههههههه

[dr.princess]

هههههههههههههههه حلوة علشان الصدمة دى هههههههههههههههههههه
كمان من قوته هنعجن بيه مش بقولك ودعى بقى الاخ ده خلاص هههههههههههههههههههههههه وانا هبقى اشترى اتنين واحد ليا وواحد ليكى علشان ده غالبا مش هيكمل ههههههههههههههههه ربنا يستر

يابنتى ماهو كل حاجة هنا دلوقتى بقت صينى
يعنى انا جوزى اشترى خلاط ومطحنة مولينكس وعليه صنع فى فرنسا محفورة عليه تسد عين الشمس ومن تانى شهر دخن وطلع روايح غريبه وداه التوكيل قالوا مفيهوش حاجة ولحد دلوقتى بيطلع ريحة كده لو طولت فى استخدامه

[MALAK2010]

هههههههههههههههه
والله ضحكتينى لما كنت هفطس

احنا فى مصر لازم بنجيب الاصلى وياعالم بية كمان
اما هنا مش لازم بس التقليد هنا حلو والله

[MALAK2010]

بس اذا لقيتى المضرب دة ممكن تلاقية ارخص كمان لان هنا الاسعار بتبقى اغلى من عندكم
بس مفيش داعى للتهور وانك تعجنى بية صحيح يوضع سرة فى اضعف خلقة بس مش للدرجة دى ههههههههههه

[dr.princess]

انا الحمدلله ماما اشترتلى حاجات المطبخ دى وهى بتحج تقريبا من 5 او 6 سنين فمكنش ساعتها انتشر اوى المضروب والصينى فبتهيألى انها اصليه

[dr.princess]

ههههههههههههههههههه عندك حق بلاش افترى يعنى تخيلى العجانة بتاعة كينوود اللى بتيجى فى برامج الطبخ اللى لونها فضى دى ب 2500 و ب 3000 ريال افتراااااااااا
انا هشوفه كده جنب الحرم وربنا يسهل

[MALAK2010]

وانا كنت فى العمرة من حوالى 3-4 سنين اشتريت براون سيلك ابيل محفورعليها المانى وكل وش فيها محفور علية المانى ولما روحت مصر للاسف علشان اجربها ولا بتشيل غير شعرة شعرة كل فين وفين دة اذا شالت اصلا
ومش بستعملها واشتريت واحدة تانية بس ماركة تانية
شرا الاجهزة بتبقى صدف

[MALAK2010]

هتقوليلى على العجانة دى انا اتصدمت لما شفت تمانها هى هنا بحوالى 5000 جنية
والمشكلة انا الناس كله تتصل بيهم وتسالهم على العجانة وعاوزين يشتروها لو عرفوا تمنها هههههههه

[dr.princess]

لا انا ماما اشترتلى براون سيلك ابيل برده وقت ما كانت بتحج بس ماشاء الله حلوة هى بس اللى بقت بتعلق الحتة اللى بتركب على الوش علشان تخفف الالم دى اكيد عارفاها يعنى بقت بتفصل من المكنة وانا بستعملها فكذا مرة عورتنى وقلت هبقى اشوف ليها قطع غيار هنا
بس هى فعلا بتبقى حظوظ زيها زى الموبايلات كده انتى ونصيبك

[dr.princess]

بجد سعرها مبالغ فيه اوى 5000 جنيه ليه يعنى يعنى بتمن ثلاجة وغسالة اوتوماتيك وممكن كمان بوتوجاز

[MALAK2010]

بس عارفة انا شفت هنا التلاجات الجديدة عجبتنى اوووووووووووووى

[dr.princess]

الثلاجات الجديدة قصدك ايه اللى ببابين ولا ايه ؟؟
انا جوزى جايب سامسونج جديدة قبل مانتجوز قصدى مش مستعملة يعنى وماشاء الله الحمدلله حلوة اوى

[MALAK2010]

شفتيها؟؟ وفى اشكال تانية جميلة بردة انا شفت صورة لها قبل كدة بس لما وقفت قدامها وفتحتها عجبتنى

http://media.kenanaonline.com/photos/1238021/1238021163/gallery_1238021163.jpg?1294083077

[dr.princess]

شفتها اه فى هيبر بانده بسماحولتش افتحها قلت بقى اسيبها للفيلا الجديدة احسن ههههههههههههههه
بس تخيلى ان كانت فى واحدة فى منتدى تانى بتقول انها كانت جايباها من بره بما يعادل 14000 جنيه تخيللللللللللللللللللللللى

[رنا خالد]

ملك ولولو وحشتوني عاملين ايه يابنات والنونهات عامله ايه
لقيتكم بتتكلموا علي التلاجات والمضارب وماكينات الشعر كمان
انتوا سيبتوا الكيكهات وبرامج الاكل دخلتوا علي الاجهزه ولا ايه

[MALAK2010]

هههههههههههه وبرضة لفيلتى الجديدة ان شاء الله
بس سعرها مش فاكرة بس بتهيالى مش غالية اوى كدة
انا كنت فاكرة بندة مكان بيبعوا فية جبن بس

[رنا خالد]

انا قلت ادخل اسلم كده علي الماشي قبل مانام لحسن انا مانمتش من امبارح بسبب العفريته اللي عندي هادخل انام وارجع لكم تاني ان شاء الله بعد العصر كده او بالليل

[MALAK2010]

رنا حبيبتى الفراغ وحش هههههههههه بس انتى بتلحقى تذاكرى اللى فاتك فين لوجى هههههههههه
كنت عاوزة اكلمك بقالى كام يوم واحكيلك على الحلم اللى حلمتة
حلمت خير ان شاء الله بلوجى والله بس وهى بتمشى وكانت ماشاء الله تبارك الله كانت زى العسل وقمت من النوم مبسوطة اوووووووووى

[dr.princess]

رنا رايحة فين يابت انتى خليكى شوية معانا
قلنا نريح شوية من الاكل واشتغلنا النهاردة فى الالكترونيات هههههههههههههههه

[dr.princess]

لالا يابنتى بنده ده زى مابيقولوا فيه من الابرة للصاروخ طبعا فيه بنده وهايبر بنده انا بروح الهايبر علشان اكبر وفيه كل حاجة
فيه موبايلات ولاب توبات وكل اجهزة والكترونيات البيت وادوات المطبخ واكل طبعا وهدوم بس مش اوى يعنى اى حاجة على بالك تلاقيها هناك
وعرفت كمان انها ملك الامير الوليد بن طلال

[dr.princess]

ماشاء الله ايه الحلم الحلو ده يا ملك
انا برده الحمدلله حلمت حلمين حلوين من كام يوم وبعدها حلمت حلم وحش فمقلتوش لحد ربنا يعافينا

[MALAK2010]

مرات صاحب جوزى بتحكيلى على جارتها مصرية برضة ولما احكيلك هتتاكدى انها مصرية ههههههههه
الشقة بتاعتها فيها اوضة زيادة عملاها صالون وماحدش يدخلها من اولادها ولا يقعد على الصالون نهائيا ههههههههههه
ملحوظة احنا عندنا كدة صعب ومش عملى خالص لان هنا الشقة اوضة وصاله بحوالى 45000 جنية فى السنة ما بالك اوضتين او تلاتة
فهى جايبة شقة غالية وفى الاخر ماتستعملش الاوضة وتبقى للضيوف وياريت فى ضيوف هههههههههه
وياعينى رجعت مصر الفترة اللى فاتت وباعت كل اللى فى الشقة كله كله ب 500 درهم تخيلى وصاحبتى بتقولى ان الصالون ماكنش اتلمس اهئ اهئ
قلتلها انتى زعلانة على الصالون ولا الاوضة اللى كانت بتدفع تمنها كل شهر وفى الاخر مش بتستعملها
مش بقولك مصرية اصيله ههههه

[MALAK2010]

هنا فى الشارقة فى كذا مول مش كبار اوى زى دبى
دبى ماشاء الله مليانة مولات كبيرة اوووووووووى وحلوة طبعا

[dr.princess]

ههههههههههههههه دى مصرية صرف ههههههههههههههههههه
وايه العذاب والضنا ده طيب تعالى شوفى شقة اختى ولا بيت ماما لو هى جات هى والولدين امال هو الحاجات دى بنجيبها ليه مش لينا ولعيالنا وعلى رأيك هو اصلا في ضيوف دى حاجة وحشة اوى ياشيخة

[dr.princess]

هنا اكبر حاجات هايبر بنده وكارفور وبن داوود وفى كذا مول تانى بس انا معرفش الا دول

[MALAK2010]

لو فى مصر تعمل اللى هى عوزاة لان العفش بيبقى بتاع العمر ان شاء الله اما هنا فى اى لحظة ياما هترجع مصر ياما هتروح بلد تانية مفيش استقرارغير مصر طبعا

[MALAK2010]

هههههههههههه فكرتينى ب (بن داود)
كان فى قدام الحرم يافتة مكتوب عليها بن داود فخالتى مش واخدة بالها بتقول افتكروا قبل مانمشى نشترى( بن )من المحل دة ههههههه اكيد هيبقى حلو
وماخدناش بالنا خاص غير اخر يوم لينا فى البلد هههههههههههههههه

[dr.princess]

ههههههههههههههههه هى فكرته بيبع بن
بس المحل ده حرااااااااااااااااامى كبير اسعاره فظيعة الحاجة تمنها اضعاف مضاعفة هناك حاجة وحشة اوى بس له فرع تانى بعيد عن الحرم بينزلوا فيه عروض بس برده لقيته غالى

[MALAK2010]

انا دخلت المحل اللى قدام الحرم دة بس الدور الارضى بس مش فاكرة اسمه
دخلت محل عبيان لقيت العباية ب 3000 ريال وهى مفيهاش حاجة خالص عباية سودا عادية فيها ورد صغنون متركب هى فى نظرى 45 جنية بس علشان المكان حلو فنخليها ب 100 هههههههه

[dr.princess]

اه هو قدام الحرم على طول يعتبر تحت الارض بيتنزله بسلالم
هههههههههههههه ايه الكرم ده يا ملك
لا انا بجيب العبايات من نفس المول اللى فيه بن داوود بس الادوار اللى فوقه واسعارها معقوله جدا
اسم المول كله اللى فيه العبايات وبن داوود اسمه مركز طيبة هو قدام هيلتون على طول

[MALAK2010]

هتطبخى اية النهاردة
يلا نجيب سيرة الاكل علشان رنا تعرف ان احنا اتكلما فى كل حاجة هههههههههههه

[dr.princess]

ههههههههههههههههههه
جوزى كان عايز يعزمنى على بيتزا الجمبرى النهاردة زى ماقلتلك من كام يوم
بس بما انى هروح النهاردة اجيب حاجات للمطبخ قلتله انا هتنازل عن العزومة وهعملك انا بيتزا الجمبرى شفتى التضحية بقى هههههههههههههههههه

[MALAK2010]

ههههههههههه لا مضحية
محنا مش بنعمل اى تنازل غير بيبقى قصدها تدبيسة محترمة هههههههه

[dr.princess]

هههههههههههههههه فعلا
طيب اقولك على حاجة البرفان بتاع جوزى خلص فبقوله لما نخرج النهاردة نجيبلك واحد جديد فلقيته مطنش كده فقلتله والله عادى ماشتريش انا حاجة النهاردة وتجيب انت برفان جديد قالى ياسلالالام تخيلى مصدقش انى اضحى بالشرى علشانه اهىء اهىء

[MALAK2010]

ههههههه الرجالة بيصعبوا علية اوووووووى علشان يرضونا بيقصروا فى حق نفسهم ربنا يخليهم لينا ياااااااااارب
اعمليها بقا وخلية يجيب البارفان بتاعة وبلاش حاجات المطبخ المرة دى
ورينا بقا الحب هههههههههههه ولا كلااااااام

[dr.princess]

هههههههههههههههههه اه والله فعلا انا هخليه يشترى برفان الاول انتى عارفة هو اوقات بيجيب العطور الشرقية فى حاجات صغيرة كده بيسموها هنا تولة لو تعرفيها بحس انها احسن من الفرنسية والحاجات دى
انا نفسى يجيب مسك انا بحبه اوى
بس هخليه براحته اللى يعجبه يجيبه بس طبعا لازم يعجبنى انا كمان ههههههههههههههه

[MALAK2010]

ربنا يخليكم لبعض يا حبيبتى

[MALAK2010]

انا هخرج الوقتى يالولو اظبط شوية حاجات فى المطبخ ونتقابل بعد الغدا ان شاء الله
سلام مؤقت يا قمر

[dr.princess]

يااااااااااااارب ربنا يخليكى
انا كمان هعجن البيتزا وانام شوية اشوفك لما اصحى ان شاء الله

[MALAK2010]

انا هناااااااااااااااااااا

[MALAK2010]

http://forum.hwaml.com/imgcache2/hwaml.com_1295782416_907.gif

هههههههههههههههههههههههههه

[dr.princess]

هههههههههههههههههههههههه ربنا يستر ومنلاقيش العيال قاعدين جوه الثلاجة ههههههههههههههههههه

[MALAK2010]

اخيرااااااااااااااااا صحيتى كل دة نوم

[dr.princess]

معلشى اصلى مانمتش الا الساعة 1 نمت ساعتين بس علشان اقدر اقاوم بالليل ومانمش فى الشارع هههههههههههههه

[MALAK2010]

لااااااااااااااا نامى كويس وارتاحى دة فية خروجة النهاردة ان شاء الله ولف واحنا اصلا بنتلصم ههههههه

[dr.princess]

بقولك ايه بعد ماعملت عجينة البيتزا وكله تمام افتكرت انى محطتش زبادى وانا اصلا معنديش ولا عندى حتى لبن بودرة وخايفة تطلع ناشفة او متطلعش اصلا
تفتكرى اتوكل على الله واكملها ولا بلاش خلينى فى المضمون والحق اطبخ حاجة تانية النهاردة
دبرنى يا وزيرى بسررررررررررررررعة

[dr.princess]

يا اختى حتى من غير مشى ولا لف بعد خطوتين تحسى انك ماشية مع واحدة عندها 200 سنة ولا حاجة حاجة تكسف هههههههههههههه

[MALAK2010]

مش عارفة من غيرها هتبقى شكلها اية ماتغامريش دى فيها جمبرى ههههههههههههههههههه
اعملى حاجة تانية وخلاص

[dr.princess]

تصدقى فعلا عندك حق
بس ايه اللى الحق اعمله دلوقتى كل حاجة متجمدة عندى

[MALAK2010]

اعملى صنية بطاطس اكيد مش متجمدة وطلعى اى حاجة جنبها لحمة او فراخ

[dr.princess]

افتحى كده الحياة البنفسجى فيه طبخة بالكانيلونى زى ماكنتى عايزة

[dr.princess]

انا كنت عاملة امبارح صينية فراخ بالبطاطس وفعلا باقى عندى منها بطاطس حاطاها فى الفريز وطبعا مش هالحق اعمل لحمة لان جوزى هيرجع بعد ساعة ونص

يا اما هطلعها من الفريزر وبس كده او هعمل مكرونة بالتونة وكفتة بطاطس هتصل بجوزى اسئله

[MALAK2010]

بيقول طريقة البيتزا من غير زبادى يعنى ينفع

[MALAK2010]

انا عاوزة الكاليمارى مش الكانيلونى ههههه
حاجة تلخبط ههههههههههههه

[dr.princess]

تصدقى انا سمعته برده وقلت جايز ماخدتش بالى
جوزى قالى كمليها وخلاص وبعدين لما قلتله لا قالى طلعى البطاطس وخلاص

[dr.princess]

ههههههههههههههه تصدقى فعلا انا اتلخبطت هههههههههههههههه

[dr.princess]

بصى انا هكملها وخلاص وانا ونصيبى بقى

[MALAK2010]

مش انتى مسوية الجمبرى؟؟؟
اعملى طحينة وسلطة وخلاص
ولو هتطلعى البطاطس لو عندك فراخ طلعيها وابشرى بصلة وفلفل اخضر وحطيها فى حلة وشوية وهتستوى وياما تحمريها فى الطاسة ياما تدخليها تتحمر فى الفرن

[دودى اشرف]

السلام عليكم
ازيكم يا بنات عاملين ايه

ازيك يا لولو ويا ملوكة عاملين ايه وحشنى كتير
توته عاملة ايه ... ياترى فقست ولا لسه؟

[MALAK2010]

دودى:ازيك يا جميل عاملة اية وحشاااااااااااانى

[MALAK2010]

توتة لسة مافقستش ربنا يكملنا على خير

[dr.princess]

لالا الجمبرى بيستوى مع البيتزا لانه صغير مش بياخد سوى كتيير
والفراخ على ماتفك وتنظف من الدم محتاجلها كام ساعة علشان انا بقرف فلازم اتأكد انها نضفت اوى قبل ما اسويها

[dr.princess]

ازيك يا دودى اخبارك ايه فينك يابنتى من زمان كده نسيتينا خلاص

[MALAK2010]

الشيف بيقول المكرونة بالجمبرى شوفيها لو عجبتك اعمليها

[دودى اشرف]

ربنا معاها يارب ... ويقومها بالسلامة

انا هنا اهو بس والله مش بيكون فى وقت ادخل

[MALAK2010]

انتى مش بتنضفى الفراخ قبل ماتعنيها فى الفريزر؟؟؟؟
عارفة اذا فكت يبقى طبعا هتنزل دم وهتتزفر وكمان هتفقد فايدتها
انا بنضفها قبل ما بحطها فى الفريزر ولما تتطلع بغسلها واشطفها وبتبقى نضيفة الحمد لله ومش زفرة خالص لانى باخد بالى من نضافة الفراخ والسمك

[MALAK2010]

اية اللى شغلك عننا يا دودى؟؟؟؟؟؟؟؟؟

[MALAK2010]

دودى:اسالك اخبارك اية؟ ؟؟ولا هتقولى عليا غلسة بس والله عاوزة اطمن ان امورك بقت كويسة

[dr.princess]

ماشوفتهاش يا ملك كنت فى المطبخ انا عملتها قبل كده بس مش عارفة هو عملها ازاى

[MALAK2010]

ماشوفتهاش يا ملك كنت فى المطبخ انا عملتها قبل كده بس مش عارفة هو عملها ازاى

ماخدتش بالى اصل هو سؤال على التليفون فرد عليها معملهاش

[دودى اشرف]

معلش انشغلت اصلى كنت بكلم جوزى

والله يا لولو زى ما انا ... ربنا يهدى الحال

[MALAK2010]

انا خارجة الوقتى يا بنات سلااااااااااااااام

[dr.princess]

معلشى يا بنات كنت فى المطبخ

[SoSo!!]

السلاام عليكم
وهاااى
انا ساره مصريه وعندى 17 سنه
وحامل الحمد لله حملى الثانى بس الاول ضاع
المهم انا خلاص بقالى 5 ايام واتم شهر ... ياريت تقبلونى صديقتكم واختكم ان شاء الله .

[dr.princess]

ايه ده ياملك انتى قفلتى
طيب اشوفك بكرة الصبح ان شاء الله

[dr.princess]

سوسو مبرووك الحمل وربنا يثبت حملك ويكمله على خير
اهلا بيكى معانا طبعا احنا كلنا اخوات اكيد

[SoSo!!]

مرسى ياقمر وربن يقومك بل سلامه ان شاء الله .

[dr.princess]

ياااااااااااااارب انا وانتى وكل بنات المسلمين

[اناهيد]

السلام عليكم ورحمة الله وبركاته
كيفكم اهل مصر hwaml7
حابه اسأل اذا وحده منكم كان زوجها عند مشاكل في الحيونات المنويه(الحركه/تشوهات/العدد)وحدث لها حمل بعد ما تعالج ارجوكم لاتبخلوا علي بردكم في انتظار الرد من صبايا ام الدنيا مصرhwaml5

[توتة السيد]

بساء الخير ياحلواااااااااااااات

عاملين ايه

[توتة السيد]

لولو كيفك ياقمر عاملة ايه

سارة اهلا بيك بينا وربي يكملك علي خير

والف مبروك حبيبيتي انتي صغيرة ماشاء الله

اناهيد اهلا بيكي حبيبتي والله ماعندي علم سامحيني اتمني

البنات اللي تعرف تفيدك وربي يكرمك بالذرية الصالحة عاجلا

[توتة السيد]

يابنات ايه الحكاية انتوا تفشطوا ولا ايه

[توتة السيد]

طيب لما ربنا يفرجها وحد يدخل انا موجودة يدزني بمسج اوكيه

[SoSo!!]

هااى زيك ياقمر ...
عامله اى ان شاء الله تمام ...^^

[ماما قلقانه]

هلا بيكى يا ساره معانا وربنا يكملك ان شاء الله يا قمر.ازيك يا توته موجوده ولا خرجتى

[توتة السيد]

سارة انا بخير حبيبتي الحمد لله انتي عاملة ايه

[توتة السيد]

ماما ازيك ياقمر عاملة ايه اا موجوده اهو

[توتة السيد]

البنات هجروا التجمع مافيش غير ملك ولولو وبيستلموا فترة الصبح

[توتة السيد]

انتوا كمان مشيتوا اهئ اهئ اهئ

[ماما قلقانه]

انا هنا يا توته.انتى عامله ايه

[ماما قلقانه]

ايه اخبار البنوته اللى تقلانه علينا دى

[ماما قلقانه]

شكلك خرجتى يا توته

[توتة السيد]

انا الحمد لله حبيبتي بخير انتي عاملة ايه واخبار الكتاكيت ايه

شفتي البنت تقلانة علينا ازاي اعمل ايه طيب اديني مستنية

[توتة السيد]

انا موجودة حبيبتي انتي موجودة

[dr.princess]

مفيش حد عنده منوم أخده علشان أنام اهىء اهىء اهىء

[MALAK2010]

انااااااااااااااااااااااااااااااااااااا

[dr.princess]

طيب ماتبعتيلى اختك صاحية بقالها 5 ساعاااااااااااااااااااات

[MALAK2010]

لية كدة يابنتى
بصى حاولى ماتناميش طول النهار علشان تعرفى تنامى بالليل

[MALAK2010]

انتى مش عارفة تنامى من الحمل ولا ارق

[dr.princess]

مانا لما عملت كده اول ماجوزى جه نمت وفضلت كده 3 ايام على نفس النظام لدرجة انى كنت بشوفه واحنا بنتغدى بس فطبعا مينفعش الكلام ده

[dr.princess]

بدون سبب انا قلقت طبعا للحمام وقمت صحيت جوزى وعملتله سحور وخلاص النوم راااااااااح مع انى همووت من التعب وظهرى مكسر خالص

[MALAK2010]

لو كنتى خرجتى امبارح المشى بينيم اليومين دول ههههههههههههه

[dr.princess]

والله خرجت ومشيت كتييير وقلت انا هاجى انااام على طول بس هم يادوب 3 ساعات اللى نمتهم

[MALAK2010]

يعنى مشيتى ولا فى فايدة غريبة لاانتى لازملك منوم فعلا

[dr.princess]

اهىء اهىء اهىء مش بقولك

[MALAK2010]

وجبتى الحاجات اللى عوزاها؟؟؟ ولا البرفان ؟؟؟؟؟
سؤال خبيث ههههههههههههههه

[MALAK2010]

انتى بتنامى كام ساعه فى النهار
يعنى بتعوضى صحيان بالليل ولا برضة بتنامى حاجة بسيطة

[dr.princess]

بنام ساعتين تقريبا بالنهار قال ايه علشان انام بالليل وبرده مفيش فايدة

[dr.princess]

جبت الحاجات والبرفان غصب طبعا على ماجابه جاب عود ومسك والراجل حطهم على بعض ريحته تهبللللللللللللللللللللل

[dr.princess]

بس اتضحك علينا فى تمن الحاجات لما كنت راجعة مخنوووقة والله

[MALAK2010]

مبروووووووووووووووووووووك يا جميل
جبتى المضرب؟؟؟؟
اتضحك عليكم فى السعر ازاى

[dr.princess]

الله يبارك فيكى ياقلبى
بصى ياستى اول ماسئلت على اليكتا تخيلى قالى ب 110 ولقيت اسعار غريبة كده لفينا كام محل ولقينا واحد شكله محترم كده لقينا كينوود وفيليبس وكام ماركة غريبة كده قلت لجوزى اختار انت قالى كينوود بكام ياعم ب 85 طيب عايزين كمان مكنة بتفور لقينا واحدة بس وشكلها اى كلام خالص بكام ب 20 اخدنا الكينوود ومكنة البتيفور ب 100 بالعافية

المهم كنت محتاجة طبق غويط كده علشان المضرب فقلت ننزل بن داوود كل المحلات اللى فاتت دى فى نفس المول من فوق
المهم لقينا نفس المضرب ب 75 ومكنة بتفور تضرب اللى جبناها بالجزمة ب 18 وده فى بن داوود الحرااااااااامى امال سعر الحاجات دى فعلا بكام شكلنا كده اتضحك علينا فى 20 او 30 اه مش كتير بس اتغظت

[MALAK2010]

مضربى ب 110 هههههه طيب خدى مضربى وبيعية عندك هههههههههه انا قلت هتلاقية ارخص عندك بس كويس انك جبتى ماركة كينوود بدل ماتجيبى اليكتا وتكون غالية وكمان مش ماركة
هو على رايك اضحك عليكى فى مبلغ صغير بس مش مشكلة يلا