دردشة حوامل مصر - دردشة بنات مصر - تجمع حوامل مصر

[dr.princess]

تمام كده يا دينا
ايمى انا والنونو الحمدلله كويسين

حاسة انى داخلة على دور اكتئاب او فعلا دخلت خلاص

[*رحمه*]

شفتوا يا جماعة موضوع تطوير المنتدى ده و هيقفلوه اسبوعين من اول يوم الاتنين

[ايمان العليمي]

ياريت تدخلوا وتقرؤا موضوعي ولو عندكم اي معلومات افيدوني الله يرضي عنكم

[*رحمه*]

ليه كده يا لولو ربنا ما يجيب اكتئاب ان شاء الله

[ايمان العليمي]

بصي يا لولو ده عادي جدا متستغربيش يا حبيبتي وان شاء الله مع الوقت كله حيحروح


سبحان من يغير ولا يتغير

[ايمان العليمي]

اسبوعين كتيييير اوي ..........حكلمكم ازاي طيب ؟؟؟

[ايمان العليمي]

لولو هو في حاجهحصلت ضيقتك وي السبب في الاكتائب ولا انتي لوحدك كده؟؟؟؟؟؟

[dr.princess]

ايمان ماهى دينا معانا اهى بس غيرت اسمها ل رحمة

[*رحمه*]

قرأت موضوعك يا ايمان ، بس ما عنديش اي معلومات عنه ، ربنا يكمل حملك على خير يا حبيبتي

[ايمان العليمي]

بجد ..............يعني رحمه=دينا عرفه



وحشااااااني اوي انتي فينك المده دي كلها يا بنتي


يا نهاري طيب ولا سيباني اسال عنك كده مش تردي عليا يا بنتي

[dr.princess]

انا كنت عايزة اخرج امبارح وجوزى مارضيش وخرج هو عااادى يعنى
المهم اتضايقت اوى مش عارفة ليه وعيطت قبل ما انام وصاحية برده مش تمااام خالص الظاهر بتلكك ولا ايه

[*رحمه*]

يا حبيبتي يا ايمان
والله انا حسيت برده انك مش عارفاني
انا هو يا حبيبتي موجوده و بخير بس غيرت الاسم

[ايمان العليمي]

بقولك يا دينا غيرتي اسمك ازااااااي ؟؟؟؟؟؟؟؟

[*رحمه*]

انا لسه واخده بالي يا ايمان لما سألتي لولو
لولو بيتهيألي ان ده سببه انك عايزه تولدي فبطلعي زهقك فأي حاجه
روووووووووووووووقي يا بنتي و كبررررررررررري دماغك
هو اكيد كان خايف عليكي يسيبك لوحدك

[ايمان العليمي]

عادي يا لولو هو اخر شهر رخم فكده ممكن تكون حجات بتحصل عادي في حياتك بس


انتي دلوقتي لو اي حاجه جرت بتبقي مضايقه وكتئبه وزعلانه ده عادي


اكثري بس كده من الاستغفار وربي يفك ركبك ان شاء الله

[ايمان العليمي]

اقصد ربنا يفك كربك مش ركبك............احم احم


غلطه مطبعيه :)

[ايمان العليمي]

تعرفي يا دينا والله بقالي مده بسال عنك ومش عارفه عنك اي شي


بس الحمد الله اننا التقينا

[*رحمه*]

بصي يا ايمان بتبعتي رساله خاصه لحد من الاداره بالاسم اللي انتي عايزاه و يغيره
زي مثلا العضوه rose أو سموة الشوق
اي حد منهم

[dr.princess]

ايمى انا هنا اعرف واحدة نفس نظام اللولب واللى حصلك ده
المهم الدكتور قالها هنفتح جراحة او منظار والحمدلله عملت منظار مش عملية
وبعدها حملت بشوية ممكن نفس التوقيت بتاعك ده او اقل لانها برده مخدتش حاجة لمنع الحمل وولدت من كام شهر الحمد لله بس هى ابدا مقالتش عن اى مشاكل حصلت فى الحمل ده
فبتهيألى انتى المفروض تعملى اشعة او مش عارفة ايه بالظبط اللى يبين اذا كان حصلت حاجة جوه ولالا اسئلى دكتورتك هى تعرف اكتر

[ايمان العليمي]

اها طيب كويس اصلي بفكر اعملها فعلا

[*رحمه*]

الحمد لله يا ايمان انا كنت فاكراكي كنتي موجوده و قت ما غيرت الاسم و بكلمك على انك عارفاني
هي لولو راحت تولد ولا ايه
لولووووووووووووووووووووووووووووووووووو

[ايمان العليمي]

اها ما شاء الله ربي يبارك لها بس انا منفعش معايا منظار لانه جربته وكان اللوب


راشق فبطني في جدار الامعاء والدكتور حتي معرفشيجيبوا وقال لازم جراحه بس معرفش بقي


الي النتايج المترتبه علي الموضوع ده

[*رحمه*]

هتعملوا غدا ايه النهارده يا كتاكيييييييييت

[dr.princess]

هههههههههههههههههه ضحكتينى يا ايمان ركبى اصلا فاكة لوحدها مش ناقصة

ربنا يخليكم يا بنات ريحتونى بكلامكم

[ايمان العليمي]

قدر وما شاء فعل يا دي دي :)

[*رحمه*]

يعني انتي يا ايمان لسه اللوب في بطنك ما شلتيهوش
انا كنت اسمع انهم بيشيلوه وقت الولاده الله اعلم

[ايمان العليمي]

الاب توب من ساعت ما راح عشان يتصلح ووانا نيله خاااالص فالكتابه


وعندي غلطات كتيييييييييييييير للررركب فعلا

[ايمان العليمي]

يا دينا انا عملت عمله بعد ولادتي بشهرين وفتحت مكان القيصري تاني وخرجته بفضل الله


في سعتها

[dr.princess]

نصيب يا ايمى
الدكتور قالها لو كان فتحلها جراحة كانت هتبقى على الفاضى لانه كان بعيد اوى عن مكان الفتح

برده لازم تسئلى دكتورتك يا ايمان

[*رحمه*]

ايوه يا ايمان حاسه ان فيه كلام بيقع منك

[ايمان العليمي]

تقريبا يا دينا ال بيشلوا وقت الولاده دول الي بيحملوا عليه بس بيكون مكانه في الرحم


لكن انا بتاعي كان مميز خرج وبرطع بره مطمرش فيه يقعد معايا شويه

[*رحمه*]

طيب الحمدلله يا ايمان قدر الله و ما شاء فعل ما تستعمليش البتاع ده تاني بقى

[ايمان العليمي]

بصي يا لولو انا خلاص خرجته من زمان والله


معلش يا دينا الكلام بيقع مني لانه في ردود بتوصل متاخر ........غصب عني :(

[dr.princess]

انتى عارفة يا ايمان صاحبتى دى حملت على اللولب واللولب انطلق فى جسمها وطبعا معرفتش تشيله ومانزلش فى الولادة وولدت اصلا فى السابع والولد توفى الله يرحمه وبعدها عملت المنظار ده يعنى اتبهدلت على الاخر
بس ربنا عوضها بعدها على طول وجابت ولد زى القمررررر ما شاء الله عليه سمته كريم عنده 8 شهور دلوقتى وعندها احمد عنده 3 سنين ونص

[*رحمه*]

ايوه صح يا ايمان ، الناس اللي بتحمل عليه ، سبحان الله مفيش وسيله آمنه 100 % كل شيء بأمر الله

[ايمان العليمي]

ده انا مش حستخدمه خااالص توبه والله .ده انا لما رحت اركبه تعبت فيه اكتر من الولاده



وقعدت الاسبوعين دول متعذبه اوي اوي الي كان قاعد فيهم في جسمي


الحمد الله

[dr.princess]

دينا سؤال يطرح نفسه والله موضوع هنطبخ ايه النهاردة
يللا ادينى اقتراحات

[ايمان العليمي]

الله يصبرها يا لولو ويعوضها خير



لا يا دينا في وسيله امنه 100% وهي زي السنه ..وهي العزل

[*رحمه*]

والله يا لولو حسب انتي عندك ايه ، والضيوف عندك لسه ولا مشيوا ؟؟؟؟

[ايمان العليمي]

ايه رايك يا لولو تعملي تطبخي فاصوليا خضراء مع ارز بالشعريه مع بانيه ؟؟؟؟

[ايمان العليمي]

نفسي فكوز ذره اعمل ايه ؟؟؟؟



حموت واكله

[*رحمه*]

و الله يا ايمان معرفش ما عنديش خبره في الحاجات دي ، اهم حاجه بعد كده خدي الوسيله الآمنه بالنسبه لك عشان صحتك

[ايمان العليمي]

يااااااااااااااااااه انا جعانه اوي


يارب استر .....!!!!!!

[dr.princess]

ايمى مش بحب ابدا الفاصوليا الخضراء والشعيرية خلصت بس الحمدلله عندى بانية ههههههههههههههههه

[*رحمه*]

ايمان ما عندكوش بيتباع الذره الصفراء دي اللي بيبعوها في كوبايات ؟؟؟؟

[ايمان العليمي]

حاضر يا دينا المره الجايه باذن الله ناويه امشيها زي السنه


والله المستعان لانو مفيش وسيله اختراعها انسان ملهاش اضرار

[*رحمه*]

طيب عندك ايه يا لولو تعمليه جنب البانيه ؟؟؟؟؟

[ايمان العليمي]

عندنا يا دينا بس بتتباع فالاماكن النضيفه وبس وانا عايزه دلوقتي :(


وحتي مش حينفع انزل لانه ممنوع وانا فالوضع الجميل ده

[ايمان العليمي]

ممكن تعملي البانيه ده شاورمه


او تعملي جنبه مكرونه

[dr.princess]

الضيوف لسه ماجوش
لو وصلوا عندى العصر او المغرب هعمل غداء لو العشاء فنخرج معاهم على طول علشان عايزين يشتروا حاجات فعلى مانرجع بقى مش هيبقى غداء ابدا ممكن ساعتها اعمل شاورما او كده
بس لسه مستنية تليفون من جوزى علشان اشوف هعمل ايه

[*رحمه*]

هههههههههههه طيب اشتري من الهايبر و ابقى اسلقيها في البيت او اشويها في الفرن
لكن دلوقتي هنجيبها منيييييييييييييين ؟؟؟؟؟

[ايمان العليمي]

يا بنات انا حروح اريح شويه مش عايزين مني حاجه؟؟؟؟

[ايمان العليمي]

عايزه اريح قبل ما كرومبو تصحي

[*رحمه*]

صح يا لولو معاكي حق ،
تعرفي يا لولو انا لما كنت في العمره ، الحذاء بتاعي ضاع في الروضه
وقع مني و معرفتش اوطي اجيبه من الزحمه
و طبعا ما عرفتش ادخل اصلي على السجاجيد الخضراء من الزحمه
رحت صليت على السجاجيد الحمراء و ربنا يتقبل مني

[dr.princess]

ههههههههههههههه انتى مسمية ليلى كرومبو ايه الافتراء ده يا ايمان
تصبحى على خير

[*رحمه*]

شكرا يا ايمان تصبحي على خير

[ايمان العليمي]

يلا يا بنات استودعكم الله


السلام عليكم ورحمه الله وبركاته


:)

[*رحمه*]

لولو انا همووووووووووووووت من الحررررررررررررررررررررررررر
و التكييف صوتوا مزعج جدااااااااااااااااااااااااا
استني يا لولو هنقل قعدتي جوه

[dr.princess]

الستات هنا مابتتفاهمش بالكوع على طووول انا ببقى ماشية وعاملة سور حوالين بطنى ههههههههههههههههههه

وبعدين والله انتى عايزة الضرب يعنى تيجى لغاية المدينة وماتقوليش طيب حتى ياستى كنتى تسلمى بس

[dr.princess]

وهذه هى بيتزا الجمبرى عمايل ايديا وحياة عينيا

[dr.princess]

مستنياكى يا دينا

[*رحمه*]

و الله يا لولو انا رحت من فتره
يعني اول ما اتعرفت عليكوا بالمنتدى ، ما حبتش اكون دمي تقييل و اقولك نتقابل
لكن ان شاء الله المره الجايه ابقى اكلمك و نتقابل
و يكون معاكي محمد ان شاء الله

[*رحمه*]

وااااااااااااااااااااااااااو يا لولو شكلها جامد جدا ما شاء الله كأنها جاهزه
تسلم ايدك
قوليلي المقادير في السريع لو مش هتعبك

[dr.princess]

مفيش فيها تقل ولا حاجة خالص
ان شاء الله المرة الجاية لالالالالالالالازم تقولى علشان نقابلكم ان شاء الله

[*رحمه*]

بأذن الله تعالى يا لولو

[*رحمه*]

لولو يا لولو هبعتلك رقمي في مسج على الفيس توك و ابعتيلي رقمك

[dr.princess]

لالا مفيش تعب ابدا

2 كوب دقيق
ماء دافى
زيت زيتون
ربع معلقة ملح
معلقتين زبادى
زعتر وحبة البركة

معلقة صغيرة خميرة ومية دافية قليلة اوى يادوب معلقة كبيرة مثلا وسكر معلقة صغيرة مع بعض نخلطهم ونسيبهم لغاية ما الخميرة تخمر
واحدة صاحبتى قالتلى احط الخميرة كده من غير حركة المية الدافية دى باظت العجينة ماخمرتش منى

بنحط المية الدافية والملح والزبادى والزيت والزعتر وحبة البركة والخميرة اللى خمرت ونقلبها كويس مع بعضهم ونحط عليهم الدقيق المنخول كده احسن واسهل من انك تحطى السوائل على الدقيق
وتعجنى العجنة التمام وتزودى لو احتاجت مية او زيت
وتسيبها لغاية ماتخمر وتتضاعف

فى الصينية تدهنيها زيت وعليه دقيق وتفردى العجينة فيه وتسيبيها شوية تخمر تانى وتحطى الصلصة

الصلصة
بصلة مبشورة فى شوية زيت قليلين لغاية ما تصفر وتحطى عليها 2 طماطمة مبشورة وملح وفلفل وسكر وزعتر ومعلقة صلصة ومعلقة كاتشب وتسيبيها لغاية ما تنشف ميتها على الاخر لو مستعجله بحط كاتشب مكان الصلصة
وتفرديها على الصينية وتحطى الجمبرى انا بحط الصغير خالص كده من غير مااسويه ولا حاجة وهو بيستوى فى دقايق وممكن تحطى قبل الجمبرى شوية جبنة مبشورين براحتك مش كل مرة بعمل كده
وبعدين لان جوزى مش بيحب ابدا ياكل البصل وهو مش مستوى فبقطع البصل والفلف الاخضر شرايح رفيعة اوى واسويها على النار دقايق واحطهم على الجمبرى
وفوقهم احط الزيتون الاسود المقطع
اكون قبلها مولعة الفرن وسخن واحط الصينية تحت خالص على اقل درجة حرارة لغاية ما تستوى وتحمر من تحت ومن فوق
اطلع الصينية واحط الجبنة الموتزاريللا المبشورة دقايق بس تسيح وبالهنا والشفا

[dr.princess]

بعتلك الرقم و اتصلت عليكى قالى لايمكن الوصول اليه الان مش عارفة ليه

[*رحمه*]

ما شاء الله يا لولو طريقتك مميزه
تعرفي اتا بستسهل و ادهنها صلصه كده على الوش من العلبه على طول
بس طريقتك شكلها حلوه و زي المطاعم ان شاء الله اجربها
تسلم ايدك يا لولو

[*رحمه*]

هو تقريبا فاصل شحن عشان كده غير متاح

[*رحمه*]

اومال انتي مواعيد نومك ايه يا لولو ؟؟؟؟

[dr.princess]

ربنا يخليكى يا دينا هى فعلا بتطلع حلوة اوى ما شاء الله
بس بتهيألى الصلصة يبقى طعمها غريب على الاقل الكاتشب طعمه حلو
انا جايبة المقادير من الشيف يسرى والصلصة من واحدة على النت وحركة الجبنة فى الاخر خالص دى من واحدة تانية على النت
و بحط حبة البركة لان جوزى بيحبها جدا علشان سنة حتى بحطهاله فى البيض المفقوش
والزعتر علشان انا بحبه وبيعطيلها طعم حلو اووووى

جربيها كده وهتعجبك ان شاء الله

على فكرة صحيح احنا مش بنحب البيتزا ناشفة فبعملها بتبقى طرية وتخينة شوية مش اوى يعنى لو بتحبوها ناشفة قللى بقى الدقيق

[dr.princess]

انا تقريبا معدش بنام يا دينا بالعافية على مابقدر
حتى لو ربنا كرمنى ونمت لازم اصحى علشان اروح للحمام وطبعا مبعرفش ارجع انام تانى

[*رحمه*]

ماشي يا لولو هجرب طريقتك و لسه واحده صاحبتي مدياني كيس زعتر كبييييييييييييييير هعمل بيتزا كل يوم
صحيح بتحطي الزعتر على اكلات ايه تاني ؟؟؟؟

[*رحمه*]

ربنا يهون عليكي يا لولو ويعدي الايام بسرعة و تولدي بالسلامه ان شاء الله
انا كمان ما نمتش من امبارح

[dr.princess]

على المعجنات بس يا دينا
الحشوة بتاعة خلية النحل والبيتزا بس كده
انا بحبه جدا بفكر بقى احطه على الجبنة هجرب وابقى اقولك

[dr.princess]

ياااااااااارب اللهم امين
قلة النوم دى حاجة مقرفة اوى

[*رحمه*]

انا اسمع يا لولو ان في ناس بتحطه على الفراخ ، بس بيبقى حلو او وحش الله اعلم

[dr.princess]

مجربتوش والله خالص مع الفراخ مش عارفة

[*رحمه*]

بصي يا لولو طريقة الفراخ دي انا دقتها في مؤمن و كانت حلوه قوي
http://forums.3roos.com/showthread.php?t=212207

[*رحمه*]

كمان بيحط مع الزبده زعتر بتبقى حلوه قوي

[dr.princess]

انا سمعت عنها بس مادوقتهاش
هى شوية شبه الكوردون بلو اللى نفسى اعمله ومعملتوش قبل كده

[*رحمه*]

دي طعمها جناااااااااااااااااان با لولو طالما بتحبي البانيه و الزعتر ، ابقى جربيها
و انا لما هجربها هقولك ان شاء الله

[dr.princess]

خلاص ماشى اعملها قريب ان شاء الله

[dr.princess]

عايزة اخد رأيك فى موضوع مهم

[*رحمه*]

لولو انا هسيبك دلوقتي لاني صدعت من قلة النوم
و هسيب اللاب مفتوح لو ما نمتش هتلاقيني نطيت في الدردشة تاني
مش عايزه اي حاجه

[*رحمه*]

طيب خدي رأي يا لولو انا معاكي

[dr.princess]

ليا واحدة صاحبتى عزيزة عليا اوى اتعرفت عليا لما كنت بشتغل فى مصر قمراااااية واخلاق وذوق جدا واهلها طيبين اوى وكل حاجة فيها
المهم فى واحد معرفة اختى كلمها تدورله على عروسة واختى كلمته عنها
وانا كلمتها عليه مكنتش موافقة علشان باباها لسه متوفى قريب وبعد الضغط والالحاح وافقت والمفروض مستنيانى علشان اقولها معاد يروحلها المستشفى يشوفوا بعض
المهم اختى قالتله بتشتغل فين وبتروح ايام ايه والبيه راح بص عليها وكلم اختى وقالها محصلش ارتياح كده
دلوقتى بقى انا شكلى زبالة هرد عليها اقولها ايه المفروض انها مستنيانى اكلمها من اسبوعين بس هو لسه شايفها اول امبارح فمكنش عندى حاجة ارد بيها عليها
الموقف الانيل من كده انى جبتلها عريس قبل كده وخلع بعد ما كلمتها عليه بس مكنش راحلها ولا حاجة بس برده احرااااااااااااج رجالة اخر زمن

دبرنى يا وزيرى اعمل ايه فى الموقف اللى لا احسد عليه ده

[dr.princess]

معلشى يا دينا لو هعطلك عن النوم

[*رحمه*]

انا حصل معايا الموقف ده يا لولو قبل كده ، صاحب جوزي خطب بنت صاحب بابا عن طريقنا و بعدين قال انا مش مرتاح
المهم انا عندي فكره ، قوليلها حصلت له ظروف صعبه قووي ، و لما تخلص الظروف دي هيبقى يحدد ميعاد
ايه رأيك ؟؟؟؟

[*رحمه*]

لا يا لولو انا بتلكك اصلا عشان منامش خدي راحتك

[dr.princess]

مش عارفة
انا فكرت اقولها انه كان مكلم واحد صاحبه برده ( لانه شغال هنا و نازل اجازة ) وشاف عروسة تانية
هو فعلا كان فى موضوع صاحبه ده ومحصلش نصيب

[*رحمه*]

بس حاسها محرجه شويه ليها ،
طيب بلاش ايه رأيك تقوليلها انه جاله سفر في شغله و مضطر انه يسافر بسرعة مثلا و انك ما تعرفيش امتى السفريه دي هتخلص

[dr.princess]

تصدقى فكرة حلوة
انا حصلى الموقف ده فعلا
جالى عريس وجه شافنى فى الصيدلية وبعت حد يكلمنا وقبل مايجى فعلا بعتوله وسافر بس بجد فعلا

[*رحمه*]

طيب تمام حلوه الفكره دي و ما فيهاش احراج ليها

[dr.princess]

يااااااااادى الفضايح
رحت اطلع الفرخة قلت اطلعها واتبلها على ما اشوف هيجوا على الغداء ولالا مالقيتش فرخة ههههههههههههههههه
والله ولا اعرف ان الفراخ خلصت عندى نص فرخة بس

عندى لحمة الحمدلله هبقى اطلعها واعملها كباب حلة

[*رحمه*]

ههههههههههههههههههههههههه حلو حلو مشيها لحمه مش مشكله

[*رحمه*]

بس طلعيها من بدري لانها بتاخد وقت عشان تفك

[dr.princess]

لا وبقلب جامد ماما امبارح تقولى فرخة واحدة قليلة اقولها ليه احنا هنبقى اربعة يعنى فرخة كفاية وفى الاخر ملاقيش غير صدر وورك بس
انا برده هطلعها تبقى جنب اللحمة علشان الحجة مرات جده لو مش بتحب اللحمة وهم مش غرب مش هتكسف لو عملت نص الفرخة بس

[*رحمه*]

طيب صح معاكي حق ، و ان شاء الله تبقى عزومه موفقه
لولو انا هقوم بقى
لو معرفتش انام هجي تاني
و ابقى ادخلي طمنينا عنك في السريع
السلام عليكم

[dr.princess]

خلاص ماشى يا دينا
ان شاء الله تعرفى تنامى
لو عرفت اكيد هدخل اكلمكم ان شاء الله

[dr.princess]

هيييييييييه هييييييييييييه
مش هيجوا النهاردة هيجيوا بكرة ان شاء الله

[somia]

السلام عليكم ورحمة الله وبركاته..
حد هنا؟؟؟

[dr.princess]

انااا انااااااا

[somia]

ازيك يا لولو عاملة ايه .. والاستاذ محمد مش ناوي يشرف لسة؟؟؟

[dr.princess]

انا الحمدلله كويسة
لا الاستاذ محمد شكله مستريح جوه كده
وبينى وبينك خليه كده كام يوم اصلى مش بحب التواريخ الاخيرة فى الشهر دى خليه كده اول 5 يعنى قدامى من 1 ل 10 حلوة الارقام دى

[somia]

هههههههههههههههههههههه طب يا اختي استحملي لغاية اول الشهر زي الموظفين

[dr.princess]

هههههههههههههههههه استنى ياختى هى جات على الكام يوم دول

[somia]

بس كده هتستنى حوالي 8 أياااااااااااااااااااااااااااااااااااااام ..أد الانتظار؟؟؟

[somia]

بقولك صحيح ادعي للبت ايمي لحسن لسة قافلة معايا التليفون وتعبانة جدا وعاملة زي ما يكون بيغمى عليها

[somia]

صحيح هوه ايه فكرة اغلاق المنتدى لاسبوعين كاملين للتطوير .. هما مش شايفنها فترة طوييييييييييييييييييلة ولا انا بيتهيألي؟؟؟

[dr.princess]

8 ايام 8 ايام مانا حامل بقالى 9 شهور و20 يوم الحمدلله جات على دول يعنى

[dr.princess]

الف سلامة عليها
طيب ابقى طمنينى عليها

[dr.princess]

ايوه فعلا انا قلت كده اسبوعين ايه هم بيطوروا عمارة حاجة غريبة فعلا

[somia]

هههههههههههههههههههههه ايه يا بنتي ده ههههههههههههههههه انتي شكلك زهقتي من الحمل خلاااااااااااااااااااااااص .. صح؟؟؟

[ام يحيي 2011]

السلام عليكم يا حبايبى

[somia]

والله يا لولو ربنا يسترها البت دي صعبانة عليا قوي لان الانسة لولو متعبة جدا .. عارفة دا احنا كنا متفقين انها هيه اللي هتشيلني ساعة الولادة الوقتي أهه خلت بيا ..هههههههههههه سبحان الله في حملي الاول حملت بعديها بشهر وفي حملي الثاني حملت بعد ولادتها بشهر

[ام يحيي 2011]

ما حد ياخد منى يحيى شويه نفسى اناااااااااااااااااااااام ومفتحه بالعافيه

[somia]

وعليكم السلام ورحمة الله وبركاته..
ازيك يا سارة عاملة ايييييييييييييه؟؟؟

[dr.princess]

مش قصة زهقت حاسة انى عفنت عايزة انضف كده وانزل اشترى حاجات جديدة للخروج وللبيت
وكمان كل شوية بقيت بحس بأماكن فى جسمى بدأت تغمق بغباااااااااااااااء وانا بيضاء الحمدلله فالمنظر مش لطيف ابدااااااا

[dr.princess]

ازيك يا سارة اخبارك ايه انتى ويحيى

[ام يحيي 2011]

الحمد لله بجد وحشتونى مووووووت

[somia]

هههههههههههه لولو انا بقيت عامله زي اللوحة البيضاء اللي في عيل مسكها وقعد يشخبط فيها بالاحمر والازرق لغاية ما ملاها شخابيط وجت اخته مسكت القلم الرصاص وكملت عليها ...هههههههههههههه ايه رأيكم في التشبيه ده
سارة جيبيه شوية يا ستي وخشي غفليلك خمسة كده .. خمسة بس لحسن انا مبقاش عندي طولة بال للعيال خاااااااااااالص مش عارفة ليه بقيت بنهك منهم قويييييي

[ام يحيي 2011]

ايه اخبار التاسع معكى يا لولو

وايه اخبار توتا معكى يا سمسم

[ام يحيي 2011]

ههههه من دلوقت يا غسل امال لما تجى عائشة هتعملى ايه

[dr.princess]

هههههههههههههههههه سمية انا لسه حالا والله ببص فى المراية وبتفرج على الخطوط اللى طلعتلى فى كل حتة

وانتى يا سارة كمان وحشتينا اوى

[somia]

والله يا سارة أنا اظن ان الموضوع ده بسبب الحمل لاني بقيت بتعب بسرعة تفوق الصاروخ فيا رب ربنا يكرمني والنونة تبقى هادية كده ووقت ما احب انام تسيبني انام ..ههههههههههههههه بحلم ما هي الاحلام ببلاش ..
أه والله يا لولو الواحد بقى عبارة عن جبال ووديان ..ههههههههههههه

[dr.princess]

اهو مفيش جديد يا سارة زى ما انا

[somia]

لولو كده تعملي بيتزا ومتعزميش

[somia]

عارفة يا لولو كنت لسة بفكر فيكي امبارح .. امبارح كان ظهري نااااااااااااااااااار وهموت وانام فدخلت قعدتلي ساعة ولا ساعة ونص لغاية ما ربنا كرمني ونمت شوية وزوجي جه ينام جمبي بيقولي كنت عمالة تقولي أه ااااااااااااااااااااه اااااااااااااااااه .. افتكرت لما زوجك لقاكي في نفس الموقف ده

[somia]

انتوا رحتوا فيييييييييييييييييييييييييييييييييييييييييييين؟؟؟

[dr.princess]

ههههههههههههههه عملتها يوم الثلاثاء وهجمنا عليها
المرة الجاية ابقى بعتلك واحدة بالبريد السريع
بس ايه رأيك فى ابداعاتى

[dr.princess]

ههههههههههههههه ياعينى
انا جوزى بقى بيتفزع وبيصحى من النوم على اصواتى مسكين معايا الراجل ده

[somia]

ماشاء الله شكلها تحفففففففففففففففففففففففففة ...
بس انتي عملتي واحدة بسسسسسسسسسسسسسسسسسسسسسسسسس؟؟؟

[somia]

ربنا يعينهم الرجالة دول علينا والله بيصعبوا عليا قوي

[dr.princess]

ربنا يخليكى
ايوه واحدة بس دى كانت كبيرة علينا اصلا حتى اتبقى منها 3 قطعات كلناها قبل ما ننام

[ام انس المصريه]

السلام عليكم

ازيكم ياحلوين عاملين اييييه يارب تكونو بخير

مش عارفه اعمل توقيع البيبى اللى انتو عاملينو ده

انتو بتعملوه ازاى

[somia]

باسم الله ماشاء الله انا يا بنتي اما بعملها بعملي 5 واحدة تحت واتنين لينا كعشاء واتنين لينا تاني يوم فطار ..ههههههههههههههههه

[dr.princess]

ام انس ازيك
اخر مرة حاولت اعمله لواحدة هنا مظبطش خالص الظاهر نسيت الطريقة

[somia]

ازيك يا شيماء عاملة اييييييييييييييييييييييييه؟؟؟
لولو مش اختي الحمد لله تعالى لقتلي المرهم

[dr.princess]

ما شاء الله تبارك الله
لا يا سمية انا بعملها على الغداء واتبقى منها كمان

[ام انس المصريه]

والرجاله بيصعبو عليكى ليه ياسميه

ميصعبش عليكى غالى ياحببتى هههههههههههههه

انا جوزى مبيصعبش عليا خالص الا لما يكون عيان لكن انا لما بكون عيانه بيناولنى بق الميه بااعجوبه

[MALAK2010]

حد هنااااااااااااااااااااااااااااااااا

[dr.princess]

يالهوى على الزهايمر يا سمية نسيت خاااااااااااالص اسئل جوزى معلشى سامحينى

[ام انس المصريه]

طب بتعملى البيتزا ازاى يالولو مره عملتها وطلعت عبره كانت وحشه اوووووى

خايفه اعملها تانى

[dr.princess]

ملك لالالالالالالالا يومين ورا بعض مش قادرة اصدق عينيا

[ام انس المصريه]

ازيك يالولو عامله ايه

ازيك ياسميه والحمل معاكم اخباره ايه

ازيك ياام يحيى والواد يحيوحه عامل ايييييه بوسيه ليه بوسه كبييييييييره وقوليله من طنطك شيماء

[dr.princess]

دى الطريقة يا شيماء كنت كاتباها لدينا من كام ساعة



لالا مفيش تعب ابدا

2 كوب دقيق
ماء دافى
زيت زيتون
ربع معلقة ملح
معلقتين زبادى
زعتر وحبة البركة

معلقة صغيرة خميرة ومية دافية قليلة اوى يادوب معلقة كبيرة مثلا وسكر معلقة صغيرة مع بعض نخلطهم ونسيبهم لغاية ما الخميرة تخمر
واحدة صاحبتى قالتلى احط الخميرة كده من غير حركة المية الدافية دى باظت العجينة ماخمرتش منى

بنحط المية الدافية والملح والزبادى والزيت والزعتر وحبة البركة والخميرة اللى خمرت ونقلبها كويس مع بعضهم ونحط عليهم الدقيق المنخول كده احسن واسهل من انك تحطى السوائل على الدقيق
وتعجنى العجنة التمام وتزودى لو احتاجت مية او زيت
وتسيبها لغاية ماتخمر وتتضاعف

فى الصينية تدهنيها زيت وعليه دقيق وتفردى العجينة فيه وتسيبيها شوية تخمر تانى وتحطى الصلصة

الصلصة
بصلة مبشورة فى شوية زيت قليلين لغاية ما تصفر وتحطى عليها 2 طماطمة مبشورة وملح وفلفل وسكر وزعتر ومعلقة صلصة ومعلقة كاتشب وتسيبيها لغاية ما تنشف ميتها على الاخر لو مستعجله بحط كاتشب مكان الصلصة
وتفرديها على الصينية وتحطى الجمبرى انا بحط الصغير خالص كده من غير مااسويه ولا حاجة وهو بيستوى فى دقايق وممكن تحطى قبل الجمبرى شوية جبنة مبشورين براحتك مش كل مرة بعمل كده
وبعدين لان جوزى مش بيحب ابدا ياكل البصل وهو مش مستوى فبقطع البصل والفلف الاخضر شرايح رفيعة اوى واسويها على النار دقايق واحطهم على الجمبرى
وفوقهم احط الزيتون الاسود المقطع
اكون قبلها مولعة الفرن وسخن واحط الصينية تحت خالص على اقل درجة حرارة لغاية ما تستوى وتحمر من تحت ومن فوق
اطلع الصينية واحط الجبنة الموتزاريللا المبشورة دقايق بس تسيح وبالهنا والشفا

[MALAK2010]

ازيكم عاملين ايه شوفتوا بقا يومين ورا بعض

[somia]

http://forum.hwaml.com/t32946.html


هوه ده الموضوع بتاع التوقيع يا شيماء ...
هقوم أصلييييييييييييييييي

[MALAK2010]

لولو -سمسم -ام انس عاملين ايه واخبار الحمل معاكم ايه

[dr.princess]

معلشى يا بنات فصلت شحن هروح احاول انام شوية
معلشى يا ملك انتى اللى جيتى متأخر او انا اللى صاحية بدرى مش عارفة
على فكرة كانت ام انس قالت من كام يوم على حرمانية اسم ملك او لا خليها تقولهولك تانى

[MALAK2010]

طيب قولى حرام لييييييييييييييه

[ام انس المصريه]

شكرا يالولو على البيتزاااا

وشكرا ياسميه على الرابط بس معرفتش اعمل اى حاااااااااااجه

انتى هنا ياملك؟؟؟؟؟؟

[ام انس المصريه]

هو انتى اسمك ملك ولا نفسك تسمى بنوتك ملك؟؟؟؟؟؟؟

بصى ياستى الكفار زمان كانو بيقولو ان الملائكه بنات الله (اجعلو الملائكة الذين هم عباد الرحمن اناثا اشهدو خلقهم )

وربنا قال (اله البنات ولهم البنون)

فكانو بيقولو ان الملائكه اناث فاانتى عايزه تسمى ملك والملك ده عبد من عباد الله بيعبده ازاى احنا نسمى بنت ملك يعنى كده بنشبه الملك باانه انثى

يارب اكون عرفت اشرحلك

كنت سامعه الكلام ده من شيخ وقال انه مش مستحب

[MALAK2010]

ام انس انا هنا انتى بتقولى حرام اسم ملك ليييييييييييه

[ام انس المصريه]

انا قلت اهو ياملوكه

طب انتى اللى اسمك ملك ولا عندك بنوته ونفسك تسميها ملك

[MALAK2010]

انا عاوزة اسمى بنتى ملك
بس انتى متاكده انه حرام اهئ اهئ اهئ يا فرحة لولو

[ام انس المصريه]

متزعليش الاسامى كتييييييييييير اوى

طب انتى اسمك ايه وعندك كم سنه

انا شيماء ده اول حمل ليه متزوجه من 8 سنين وعندى 25 سنه

[tota_tooo]

مساء الخير ياجماعه انا اسمى توتا من مصر وحابه انضم معاكوا فى الجروب بتاعكو وانا حامل فى الشهر الرابع وربنا يكملنا على خير يااااااااااااااااااااارب

[ام انس المصريه]

منووووووووووره ياتوتا

عامله ايه

انا كمان فى الشهر الرابع واسمى شيماء

[ام انس المصريه]

انا جعانه اوى لسه مش فطرت هقوم افطر بقى

سلام ياقمرات

[somia]

حد لسة هنا يا جماعة ؟؟؟

[somia]

هوه مفيش حد غيري .. اهئ اهئ اهئ

[ام انس المصريه]

انا جيييييييييييييت نورت البيت

شلونى بحنيه ماما تعبت فيا

ازيك ياسمسم النونه عامله ايه

[ام انس المصريه]

سمسم ينوبك ثواب ياختى لو تعرفى تعملى التوقيع بتاع النونو اللى بيشقلب ده اعملهولى وينوبك ثواب

[رنا خالد]

شيماء اخبارك ايه ياجميل وازي النونو

[ام انس المصريه]

رنا انتى فينك من زماااااااااااااااااان وحشانى يابت

ازى بنوتك بوسيهالى بوسه كبيره وقرقشيها كمان

النونو بتاعى جميل شكلى بالظبط ههههههههههههه شفته فى السونار نايم على بطنه

كل مااروح الاقيه نايم على بطنه زيى

[رنا خالد]

انتي اللي وحشتيني والله ياشوشو
بقي النون بتاعك نايم علي بطنه ههههههههه والله عسل
انا لوجي كانت في وضع السجود يلا براحتهم نايمين قاعدين مش مستريحين خلاص احنا مالنا
انتي عامله ايه وجوزك لسه مطنشك ولا ربنا هداه
وسلفتك بتاعة الزبادي ايه نظامها هههههههههههه

[ام انس المصريه]

لسه بقرا يارنا قصه ولادتك وانك تعبتى فيها اووووووووى

بس اللى هون عليكى التعب انك لما بوستى لوجى وبصيتى فى وشها بالدنيا كلها

عقبالى ياااااااااااااارب لما ابوس النونو بتاعى اللى هيطلع عسل شبهى هههههههههههههههه

[ام انس المصريه]

جوزى ياختى بيرخم عليا فى الطالعه والداخله بس غلبان والله وطيب بيقولى ان شاء الله حياتنا هتتغير لما النونو يشرف فرحت اوى بالكلمه دى

والنهارده بيصحينى من النوم يقولى صاحبى رايح السعوديه هديلو فلوس يجيب لنا لبس نونو من هناك

قلت له وهتجيبه ايه بقى لبس بنت ولا لبس ولد وقمت شخطه فيه وقلت له اركز كده واهده مش دلوقتى انا لسه فى الرابع

قالى تصدقى انا غلطان خساره فيكى حاجه خالص مش جايب لبس خالص وابقى اشحتى بقى لبس

[ام انس المصريه]

سلفتى بتاع الزبادى شكلها مقموصه منى احسسسسن يارب تكون مقموصه بجد عشان متطلعش عندى

.........

طب انتى عرفتى ان البيبى بنت فى الشهر الكام يارنا

[رنا خالد]

ولادتي اااااااااااااااااه
ماتفكرنيش دي كانت مأساويات المشكله مش في الولاده وبس المشكله اني جالي اكتئاب مابعد الولاده كنت بعيط بهيستريا وكنت اقعد ابص للبنت وانا مستغربه واقول بقي انا مسئوله عن البنت دي لا مش هاقدر اتحمل المسئوليه دي لوحدي هههههههه
وكأني يعني خلفت عشره وفضلت كده اول شهر وكمان البنت كانت فظيييييييييييييييعه ماكنتش بتنيمني وعلي طول عياااااااااااااط وانا اعيط جنبها والله كان فيلم درامي ولا افلام السينما
بس بعد ماكملت 3 شهور ربنا هداها الحمد لله
بس ساعات بتزن بدون سبب اظاهر انها بتمارس هوايتها المفضله الاوهي (الزن) هههههه

[رنا خالد]

ههههههههه سديتي نفس الراجل يامفتريه ياقويه هههههههههه
سبيه يجيب ولو منفعهوش ابقي اديه لسلفتك هههههههه بهزر طبعا
نقطاني سلفتك دي ياشيخه

[رنا خالد]

ياستي في الخامس رحت عشان اعرف النوع قلتلي مش باين بس الاغلب بنت وبعد كده بان يعني بيتهيألي في السابع بس كان بنسبه 90% بنت
وكنت خابفه بعد كده اجي اولد الاقيه ولد واتصدم بعد ماجهزت حاجة البنوته وقعدت اتخيلها وكده بس الحمد لله ربنا سترها

[رنا خالد]

هي سميه فلسعت ولا ايه

[Rania Negm]

صباحووووووووووووووووو

أبت يارناا وحشتينى مووووووووت ياخفاااشة

موش بتدخلى زى زوومان لييييش ؟؟؟؟؟

كيفك يا شوشو عاملة ايه حبيبتى انتى والنونووو ؟

[ام انس المصريه]

تصورى يارنا انا مش خايفه من الولاده ابداااااا انا نفسى ربنا يكملى على خير واولد والنونو يكون بخير وانا كمان

انا عملت عمليات اصعب من الولاده القيصرى وانا كده كده هولد قيصرى لانى عامله حقن مجهرى

...............

وبالنسبه لجوزى صاحبه بقى يقول عليه بيحضر لبس النونو من دلوقتى ويحسدونا واحنا مش ناقصن ار كفايه ان اصحابه مستغلينو انا دايما اقوله انت هلاهوطه هههههههههههههه

كل الناس بتستغلو الا اناااااااااا مش عارفه استغلو خالص

...........

سلفتى بقى ياستى دى عندها حفيده عمرها 6 شهور اخدو الاسم اللى كان نفسى اسميه اوى وسمو البت بيه

كنت كل مااكلم اقول لما ربنا يكرمنى ببنت هسميها رحمه عشان لما اخلف بخلفى ده ربنا هيرحمنى من حجات كتيييييييير

فااخدو الاسم بتاعى اهىء اهىء

[رنا خالد]

رانيا باشا هنا اهلين يامعلم
مادخلتش امبارح عشان خرجت ياستو انا
واول امبارح دخلت خمسه ع السريع مالقتش الاسميه اتكلمنا شويه وبخ
وحشتيني ونفسي اسمع بقي انك ولدتي ياام حمبوزو اخبارك ايه لسه بتفعصي في ابنك وبيفعص فيكي وبتمارسي رياضتك المفضله مع الواد الغلبان اللي في بطنك ده

[ام انس المصريه]

هلوووووووو رنوش ازيك وازى النونه هو كلكو كده مخلفين بنات مفيش واحده مخلفه ولد عشان حتى تجوز ابنها لبنت من بناتكو

بجد نسبة خلف البنات اكتر بكتييييييييير من الولاد

بس ياختى كميله البنات عسل لو جبتى لها فستان ب10 جنيه بتليق فيه وتبقى عسل

لكن الولاد لو لبستيهم طقم ب200 جنيه بيبقو عره هههههههههههههه

ولا ايه

[رنا خالد]

بصوا انا هاضطر اسفه متأسفه اقوم عشان اعمل الاكل واغسل المواعين المتلتله اللي في المطبخ هاخلص واجي جررررررررررري
يارب الاقيكم

[Rania Negm]

ايوة يارنا هو انا ورايا غير كدااا

لو مبخنقش فى محمد بخنق فيه هو قلب ماما

اومال هخلفة ان شاء الله ليه ؟؟؟ موش عشان اطلع عليه جنانى ؟؟

هااااااااااااه ربنا المستعان

البت لوووجى عاملة ايه ههههههههههههههههههههههه انا هموت واشوفها البت دى حاسه انك انتى وهى عاملين مغامرات

[ام انس المصريه]

انا كمان بقعد افعص فى بطنى على ان النونو يتحرك مفيييش طالع هادى ورظين لابوه مش نشيط زيى

[Rania Negm]

ؤكيتوووو رنوووشة

بس اكيد موش هتلاقينى عشان حمبوئتى راجع كمان نصااية ان شاء الله

[Rania Negm]

اصبرى ع الحركة يا شوشو موش دلوقتى هتحسى بيهاا

هو بيتحرك اكيد طبعاا

بس هو حجمه صغمم أوى وضعيف عشان تحسى بحركته

بس عموما أى حركة جديدة فى بطنك كأنها زفلطة امعاء أو كدا دى بتبقى حركة النووووونو

أنا حسيت بحركتين بسسسسسسسسسس فى نهاية الشهر الخامس

ومن اول السادس بدأت الحركات تكتر شوية بشوية

[ام انس المصريه]

رنيا ازيك يابت وحشانى هتولدى امتىىىىى بقى نفسى حد يولد بقى

انتى ناويه تسمى النونو بتاعك ايييييييه

انا لو بنت هسميه جنى

لو ولد انس

بس جوزى بيحلف انها لو بنت هيسميها حميده اهىء اهىء

حميده اااااااااااااااه ياقلبى

وادلعها اقول لها حميدووووووووو
او حاحا ههههههههههههههههههههههههه

ادعولى يطلع ولد مع انى بحب البنات موووووووووت

[ام انس المصريه]

يعنى انا فى اول الخامس

سعات بحس عارفه السمكه الصغننه اللى فى حوض السمك سعات بحس انها فى بطنى

او بحس بفراشه رقيقه اوى تتحرك فجاه وتسكت على طول

دى حركة النونو ولا غازات ههههههههههههههههههههههه

[Rania Negm]

هههههههههههههههههههههه حميدة ؟؟؟ ياربى صعب على بنوتة صغننة اوى

لو مضطر عشان مامته أوكيييييييييز بس ابقى طلعيلها اسم تانى تندهوها بيه وتتعودوا عليه

عارفة يا شوشو ؟؟ أخت صاحبتى هى أكبر مننا

بس قصة اسمها بئى ياستى

لما الممرضة خرجت على باباهم قالتله مبروك ياحااااااااااج بنت

قالها الله يبشرك بالخييير انتى اسمك ايه ؟ والله لاسميها على اسمك

قالتله فتحية هههههههههههههههههههههههههههههههههههههههههه

راح سماها فتحية ههههههههههههههههههههههههههه

المهم انها عسل اصلااا وروشة كدا وقمراية ومفلئسة وصغنتتة وموش لايق عليها فتحية خالص

بيقولولها آية واللى بيقولها فتحية موش بترد عليه هههههههههههههههههههه مافيش غير باباها بيقولها يافتحية

أنا البيبى بوووووى ان شاء الله هسميه أحمد على اسم حمايا بإذن الله

بس احساس دخيل عليااا بيقول لما هولد هتطلع بنت والدكتورة غلطانة موش عارفة ليه

[Rania Negm]

ايوة يا شوشو

اى حركة مكنتيش متعودة عليها قبل كدا وغريبة بتكون حركة النونو

انا كمان كنت فاكرة ان فى غازات بتتمشى فى بطنى

بس اكتشفت انها كانت حركة نونو

[ام انس المصريه]

هى الدكتوره بتاعتك عندها سونار ثلاثى الابعاد ولا سونار من ابو جنيه وربع ده هههههههههههه

.......

بصى يارنوش حميدو حميدو بس هى تيجى بالسلامه بصراحه حماتى طيبه اوى وعمرها مازعلتنى غير لما ابنها اجوز عليا كانت معاه وراحت حضرت شبكته وكانت مأيداه ولما قال لها هطلق التانيه وارجع شيماء

وقفت قصاده وضربته بالقلم وحلفت انى منا داخله البيت تانى

هو ده الموقف الوحش اللى عملتو معايا بس عندها حجات حلوه كتير عملتها معايا تغفر لها الحاجه الوحشه دى

فاانا هسميها حميده اولا ارضاء لجوزى ولامه وانا هبقى اقول لها جنى

[ام انس المصريه]

عندى مواعين متلتله ولسه معملتش الغدا

والدنيا متبهدله حوليا زى مايكون معايا عشر عيال

طبعا جوزى بعشر عيال بيوسخ الشقه بطريقه فظيعه صحى بدرى وحضر لنفسه الفطار المطبخ بقى على بعضه حتى الملح مهنش عليه يغطيه

ااااااااااااااه يانى جوزى ده عايز اربعه يخدموه وهو ميخدمش حدددددددد

بس بحبه وبموت فيه على ايه معرفشششششششششش

[ام انس المصريه]

وشربت حجرين ع الشيشه مع توتو والسيد فيشه ويانى يانى يانى مش هعمل كده تانى

ويانى يانى يانى ولعت الحجر التانى هههههههههههههههههه

ايه الهبل اللى بقوله ده

[Rania Negm]

ربنا يكملك بعقلك يا شوشو

بصى السونار طول الحمل هو السونار العادى ابو جنيه ونص اللى بتقولى عليه

بس هى مرة واحدة بس اللى قالتلى ان النونو ولد فى أول الخامس

بعد كداا مجبناش سيرته تانى

هبقى اسالها بكرة تانى لتكون ناسية الست دى ولا مسطلة ولا حاجة

احسن لو طلعت بنت موش هاخدهاااا

موش هصدق هقولهم لغبتطولى ابنى مع بنت تانية ماليش دعوة

مع انى سبحان الله احب البنات أكتر وانا ومحمد كان نفسنا فى بيبى بنت

بس أتأقلمت خلاص انو ولد موش هينفع أغير الأقلمة هههههههههههههههههههه

ياخراااشى انا هولد على حسك ولا ايه يا شوشو عندى ألم شديد غريب كدااا

[Rania Negm]

سبحان الله يا شوشو

جوزك يبهدل أد ما يبهدل وانتى بتستمتعى بخدمته سبحان الله

ماهو جنتك أو نارك

ارضيه واضحكى فى وشه وبوسى ايديه كماااان هيدوب فيكى ويقدرك ويمكن يديكى بوسة هههههههههههههههههه

[توتة السيد]

ازيكم ياقطاقيط يامقطقطين وحشتونييييييييييييييييييييييييييي عدد نجوم السماء لا كتييير هههههههههههههههههه بجد وحشتوني كاني ليه سنة ماكلمتكمش عاملين ايه مين فقس ومين حمل ومين عمل ايه وحشتوني يارب تكونوا موجودين

[Rania Negm]

يابنت الايه يا توتااااااااااااااااااااا

انا كل يوم بفتكرك والله

نستينا يا تحفة

انتى ونورينا كيفكوووو

واخبار الحب الحب والشوق الشوووق ؟؟؟؟؟؟

يا توتااااا انا ولولو اهو هنفقس على نفسنا دعواتك

[توتة السيد]

فييييييييييييينكم بقي

[ام انس المصريه]

يارب ولد يارب ولد ان شاء الله ولد يارنوش وكل اللى يجيبه ربنا رضا

...........

بصى يارنوش جوزى ده حبيبى حبى الاول والاخير معرفتش غيره فى حياتى كلها هو طيب وغلبان والله وحارب امه واهله كلهم علشانى وامه ضربته بسببى وجرى فى الشارع زى الاهبل ويقول

مش عايز عيال انا عايز شيماءءءءءءءء ويعيط الناس اللى فى الشارع هما اللى حكولى

..............

ربنا يهديه ويهدى سرنا

هلووووووو توته ازيك عامله ايه انتى حامل ولا ولدتى ولا ايه النظام

[Rania Negm]

يا جبانة يا توتا لسه فاكرة ؟؟ دا المنتدى هيقفل اسبوعين صياانة :))

[ام انس المصريه]

احنا هنا ياتوته

ايه بقى حكاية الشوق الشوق الحب الحب مشتاق مشتاق ود ياود ول يا ول

حلو ياحلو من طرف اخوكى عماد اللى هو جوزى هههههههههههه

اصل انا وجوزى اخوات دلوقتى

[Rania Negm]

ربنا يهدى سركوا يا شوشو يااااااااارب قادر ياكريم

[ام انس المصريه]

رنوووووووووش اعمليلى توقيع انا قادم كمان 17 يوم ده

بس النونو بتاعى قادم كمان يجى 120 يوم كده

انا فى اول يوم فى الخامس

[ام انس المصريه]

يارب يارنيا انا وانتى وكل المسلمين

رنوش مامتك ربت لكى فراخ عشان تنفسك بيهم ولا هتعملى ايييييييييه هتشترى جاهز

[Rania Negm]

حاضر يا شوشو هعملهولك ان شاء الله وعد

بس موش انهاردة لأنى حالا على وشك اقوم عشان محمد جاى فى الطريق

قوليلى بس اول يوم فى البريود كام كام ؟

[توتة السيد]

يابنت الايه يا توتااااااااااااااااااااا

انا كل يوم بفتكرك والله

نستينا يا تحفة

انتى ونورينا كيفكوووو

واخبار الحب الحب والشوق الشوووق ؟؟؟؟؟؟

يا توتااااا انا ولولو اهو هنفقس على نفسنا دعواتك

رانيااااااااااااااااااااااااا حبي عاملة ايه واخبار حمبوزو ايه وحشتينييييييييييييييييييي

افتكرتك العافية يارب وانا اقدر انساكم برضه بس والله الشقة ماكنش فيها نت يادوب انهاردة وصل النت وفتحت عليكم علي طول

هههههههههههه الحب الحب والروح والوجدان والريشة والالوان ياكثوفي ههههههههه

الحمد لله تمام التمام

ربنا معاكم يارب ويقومكم بالف سلامة هانت اهي

[توتة السيد]

يقفل لييييييييييييييييييييييه حراااااااااااااااااااام بقي اسبوعين كتييير

[توتة السيد]

احنا هنا ياتوته

ايه بقى حكاية الشوق الشوق الحب الحب مشتاق مشتاق ود ياود ول يا ول

حلو ياحلو من طرف اخوكى عماد اللى هو جوزى هههههههههههه

اصل انا وجوزى اخوات دلوقتى

اهلا بيكي ياشوشو معانا

هههههههه الحب الحب اصلي كنت بعيد عن جوزي والحمد لله سافرتله

ايه يابنتي اللي بتقوليه ده اخوات ايه الكلام ده صعب قوي اوعوا تكونوا قولته لبعض

[ام انس المصريه]

بصى يارنوش اول يوم فى البريود كان

10-12-2010

الدكتور حاسب ليه الحمل من يوم 20-12

[Rania Negm]

انا حماتى هتجيبلى معاها وهى جاية يا شوشو ان شا الله

انا اصلى فى جدة موش فى مصر

يابت يا لولو ورب الكعبة وحشتينى بشكل فظيييييييييييييييييع

دانتى كنتى مصيبة بتونسينى مووووووووووووت

ادخلى باليل الحق اكلمك شوية قبل ما يقفلوا المنتدى واروح اولد ومعرفش اعتر فيكى

[ام انس المصريه]

بصى ياتوته كنا اخوات عشان الدكتور هو اللى قال كده

وكان جوزى كل مانروح للدكتور يقوله الحصار هيتفك امتى يقوله لازم اادبك الادب الشرعى ياعماد

لغايه اول الرابع كده الدكتور قال خلاص فكو الحصار مره كل اسبوع بس

جوزى بقى بيقعد يعد الايام هههههههههههههههههههه

[ام انس المصريه]

بجدددددددد المنتدى هيتقفل يارنيا

هى حماتك اللى هاتيجى تخدمك وانى نفسه يارانيا طيب ليه مامتك مجتش احسن

الام برضو مهما كانت بتبقى حنينه اكتر من اى حد فى الدنيا

[Rania Negm]

والله موش عارفة المنتدى مخرف وتقريبا هيظبطوه

عشان كدا هيقفل اسبوعين

شوشو انا مامتى متوفية الله يرحمها عشان كدا حماتى هتيجى

الله المستعان بقى ويسترنى أودامها ان شاء الله

يا بنات انا هقوم محمد خلاااص أوشك على الاقترااااب هقوم اشطف وشى ولا اسرح شعرى ولا اعمل حاجة فى نفسى

يا توتة ادخلى تانى انهاردة عشان الحق اعرف اخبارك وارعى معاكى

المنتدى هيتقفل من يوم الاتنين

يلا سلام يا بناويييتى

اممممممممممممممممممممواه

[ام انس المصريه]

انا هقوم بقى اشوف اللى ورايا وابطل كسسسسسسسسل شويه

سلام دلوقتى يارنيا انتى وتوته ومش تنسى تعملى التوقيع معلش هتقل عليكى يارنوش

[ام انس المصريه]

ربنا يرحمها ويحسن اليها ياحببتى وربنا يحنن قلب حماتك عليكى يارب وتكون ليكى ام

وربنا يجيبلك ساعه سهله ويقومك باالف سلامه يارنيا يابنت حوا وادم

[توتة السيد]

اه علشان الحمل يعني ربنا يسعدكم ويكملك علي خير يارب

[توتة السيد]

ان شاء الله يارانيا هدخل بالليل سلام ياحلوات

[ام انس المصريه]

حد هنااااااااااااااااا

[ايمان العليمي]

السلام عليكم روحمه الله وبركاته

عاملين ايه يا بناااااااااات

[نولارا]

حد هنا يابنااااااااااااااااااات

[dr.princess]

نورااااااا بتيجى فى اوقات غرييييييييييبة يابت انتى
انا لسه هروح اطبخ لو خلصت قبل جوزى مايجى هرجعلك تانى

[دودى اشرف]

السلام عليكم
مش معقوووووووووووووووووووووووول توته حبيبة قلبى وحمات ابنى الغالية ... فينك وعاملة ايه واخبار حما ابنى ايه كده برضه تبعدى البت عن الواد المدة دى كلها من غير حتى مسجات .. وحشانى كتييييييييييييييييييييييييييييييير والله

نورا ازيك يا موكشة عاملة ايه وازى عريس المنتدى القمر

ام انس يا قمر عاملة ايه يا حبيبتى

ايمان ازيك يا حبيبتى عاملة ايه ؟؟
وايه موضوع المنتدى اللى هيقفل ده... احشن منعرفش نلاقى بعض تانى .. لو فى بنت تعرف تفتح صفحة جديدة نتكلم فيها تعملها ولا مينفعش ؟؟؟

[نولارا]

مااااااااااااشسى هتطبخى ايه النهارده يالولو

[دودى اشرف]

لولو ازيك يا حبيبتى مشوفتكيش والله

ايه ده هو كله قام ولا ايييييييييييييييييييييييييه .. اهىء اهىء اهىء

[ايمان العليمي]

انا الحمد لله بخير يا دودي وانتي ايه اخبارك؟؟؟؟

[ايمان العليمي]

انا موجوده يا دودي متخافيش :)

[يارا ويوسف]

بنااااااات ازيكم عاملين اية

على فكرة المنتدى بكرة هيبقى فى تعديلات ومش هنعرف ندخل كام يووووووووووم

[دودى اشرف]

يارا ازيك يا قمر عاملة ايه

ماشى يا ايمان منورة يا حبيبتى

[ايمان العليمي]

ازيك يا يارا ؟؟؟؟


ايه اخبارك ؟؟؟


ربنا يخليكي يا دودي

[ايمان العليمي]

انتم رحتوا فين؟؟؟؟؟؟؟

[ايمان العليمي]

سبتوني لوحدي ليه يا ولاد اللذينه؟؟؟؟ :(

[ايمان العليمي]

طيب طالما مفيش حد انا حخرج بقي

[dr.princess]

زوجى العزيز هيتأخر شوية فجيت بقى اغلس عليكم

[يارا ويوسف]

ازيك ياجميل تعالى غلسى شوية براحتك ياعسل

[gogo]

انا كمان جيت مناورين يابنانيت
عاملين ايه

[يارا ويوسف]

زوجى العزيز هيتأخر شوية فجيت بقى اغلس عليكم



انتى هتولدى امتى ياقمر انتى طولتى ولا انا بيتهيألى

[يارا ويوسف]

انا كمان جيت مناورين يابنانيت
عاملين ايه


دة نورك ياجوجو

[dr.princess]

لا مطولتش ولا حاجة لسه 10 ايام

[dr.princess]

جوجو يارا ازيكم يا بنات
جوزى على وصول خلاص يللا اشوفكم على خير

[gogo]

انتوا كلكوا الوقتى ف شهر الولاده ياترى مين هيفقس الاول
ماعدا انتى يايارا لسه شويه وملك وام انس لسه بردوا

[نولارا]

اس اس السلام عليكم
منى انتى لسه هنا
ازيك ياجوجو

[يارا ويوسف]

انتو بتروحو فين

[gogo]

ماشى يالولو ربنا معاكى

[gogo]

يارا احنا عاملين نرغى اهو انتى مش شيفانه ولا ايه

[يارا ويوسف]

لا مطولتش ولا حاجة لسه 10 ايام



طيب ربنا معاكى ومعانا كلنا انتى بتولدى طبيعى ولاقيصرى يا جميل

[نولارا]

اناااااااااااااااااااااااااااااهنااااااااااااااااا اااااااااااااااااااااااا

[gogo]

لولو مشيت يايارا علشان جوزها على وصول
انا هروح عشر دقايق وجايه

[منى مصر]

ازيك يا لولو الواد موكشة مجاش

[يارا ويوسف]

يارا احنا عاملين نرغى اهو انتى مش شيفانه ولا ايه

لاشيفاكو اهو ياجوجو عقبال مبعمل رفريش للصفحة

[نولارا]

ايه اللخبطه دى
انا هنا ياجوجو

[يارا ويوسف]

طيب ياجوجو انا مستنية اهو بس متتأخريش وانا هقوم اصلى وابقى ارجعلكم