دردشة حوامل مصر - دردشة بنات مصر - تجمع حوامل مصر

[Om Rodina]

انا هاقوم اصلى العشاء وارجعلكم تانى باذن الله

[somia]

انا جييييييييييييييييييييت..
حد رجع ولا لسة ..
مظنش يا روفي ده تنفع شبكة للنونو بيتهيألي على زمنهم هتبقى دبلة فضه للعريس والعروسة وكان الله بالسر عليم.. ربنا يسترها على البلد

[somia]

http://forum.hwaml.com/imgcache2/hwaml.com_1299865246_632.gif

[Om Rodina]

انا رجعت ياسومة
على رايك ياحبيبتى والله ربنا يصلح الاحوال

[dr.princess]

بنات الجزء الجديد لبرنامج خدعوك فقالوا هيبدأ النهاردة الساعة 9 و نص بتوقيت مصر على قناة اقرأ

[somia]

اهلا بعودتك يا روفي ...
لولو رحتي فيييييييييييييييييين .. مبقوش أربع ركعات يا بنتي .. اوعي يكون السرير ناداكي ولبيتي نداه

[Om Rodina]

ازيك يالولو اخبارك ايه وعاملة ايه والنونو اخباره ايه

[Om Rodina]

الله يكرمك يارب ياحبيبتى ياسمسمة

ربنا يجزيكى خير يالولو

[somia]

طب كويس انك رجعتي يا لولو ...
بقولكم يا جماعة هوه المفروض اما نسيب الباذنجات بالملح ينقط ميته قبل ما نقليه نسيبه أد إيه؟؟؟؟؟؟؟؟؟؟؟

[somia]

تعرفي انك رعبتيني من الحقنة التانية انا مقدرتش اخرخ اخدها يوم الخميس فالمفروض اخدها بكرة باذن الله تعالى

[أم إياد]

السلام عليكم
سومة ازيك ياجميل .. ماتسيبيهوش كتير عشان مايفقدش قيمته الغذائية ,يعني دقيقتين كده وبعدين صفيه او نشفيه قبل ماتقليه..
وانتي عاملة ايه؟

[dr.princess]

انا الحمدلله كويسة
انتوا اخباركم ايه سمية وام رودينا

تقريبا تسيبيه ساعة ياسمية

[Om Rodina]

عارفة ياسمسمة حاولى مش تسيبيه كتير فى الملح يعنى ربع ساعة او اقل

ام اياد ازيك ياحبيبتى واخبارك ايه وربنا يعينك ويقويكى يارب على دراستك وعملك

[dr.princess]

اسفة والله ياسمية
هى الممرضة بتاعة المرة دى اللى كانت ايديها تقيلة اوى وحاسة ان الحقنة اصلا مصرفتش لسه مكلكعة مكانها الحمدلله
طيب مانا خدت الحقنة الاولى ولا حصللى اى حاجة

[somia]

احم احم احم .. طب معلشي يا جماعة الحق اقوملك اعمله لحسن بقاله قرن وكنت فاكراه يتساب لغاية بكرة .. أصلي بقالي كثيييييييييييييييير معملتش مسقعة .. هاعمله بسرعة باذن الله تعالى وارجعلكوا..
ام اياد طمنينا على المذاكرة لغاية ما ارجعلكم

[dr.princess]

والله هو المفروض نسيبه قليل كده والله ماعرف لانى مش بعمل اى حاجة بالباذنجان فتقريبا مش بجيبه الا كل فين وفين وغالبا بيبوظ عندى وبيترمى

[أم إياد]

لولو ازيك ياجميل
أخبار الضغط عندك ايه دلوقتي؟
وفي اخبار جديدة عن موضوع الكفيل؟
طمنيني عليكي

[dr.princess]

ام اياد اخبارك ايه واخبار النونو ايه

[dr.princess]

انا الحمدلله كويسة
بتهيألى الضغط بقى كويس والله مقستوش بقالى كام يوم
مفيش جديد فى موضوع الكفيل ربنا يجيب الخير ان شاء الله

[somia]

يا جماعة انا حطيت الزيت يقدح أهه .. لولو انا المرة اللي فاتت مكلكعتش لا دي عملت ازرق في احمر حواليها كده في دايرة او مستحطيل قطرها حوالي 8 سانتي والم ربنا ما يوريه لحد .. ربنا يسترها معايا بكرة واقدر اصحى اصلا..
دعواتكم معايا الباذنجان يطلع كويس لحسن نفسي فيه قويييييييييييي

[dr.princess]

سمية انا برده عمل معايا دايرة حمرا كبيييييرة حواليها
ان شاء الله المرة دى تبقى الحقنة سهلة وميحصلش حاجة من دى

عايزة اعمل مسقعة انا كمان وجوزى مش بيحبها فمعملتهاش تقريبا من 9 شهور

[أم إياد]

ام رودينا ازيك انتي ياحبيبتي وجزاكي الله خيرا على دعوتك الحلوة..

سمية بتسأليني عاملة ايه في المذاكرة ههههه انتي عسل والله
تصدقي بالله لن لنا ماذاكرت خالص من اول مابدانا وامتحاناتي اول 6
اصل انا بيبقى عندي مهام في الكلية كمعيدة وبأدي محاضرات وسكاشن من 8 ل2
وبعدها ابدأ آخد انا محاضرات الدبلومة وبعد مااروح ابدأ اجهز لتاني يوم واعمل ابحاث للمواضيع باعة بكرة لأن احنا مالناش مناهج ولا بناخد ورق من الدكاترة هما بس يدونا المواضيع واحنا نبحث في المكتبة والنت..
طبعا مابألاقيش وقت اروح المكتبة فاول مااروح البيت اعمل أكل ده ان لحقت يعني وبعدين اقعد ع النت اعمل الابحاث وهكذا ..
اما بالنسبة للمذاكرة والكلام ده شكلها هتتكوم لغاية ماأقرب امتحن كالعادة..
عندي 9 مواد وياسلام بقى الدراسات العليا صعبة ومتعمقة مش زي ايام الكلية

دعوااااااااااتكم

[dr.princess]

بنات عايزة اكله جديدة مفتكسة كده حد عنده اى افكااار

[أم إياد]

لولو انتي عارفة فعلا الحقنة نفسها وجعها مش جامد اوي .. حسب ايد اللي بتديها بتفرق جااامد .. يعني بتوجع أوي لو اللي ادتهالك ايديها تقيلة .. لكن لو ايديها حلوة هتوجع آه بس على خفيف ومش هتقعد كتير ..
ربنا يهون علينا ياجميعا وكله فدا النونو

[dr.princess]

ربنا يعينك ويقدرك على التعب ده يا ام اياد

[MALAK2010]

حد هنا يا بنات

[somia]

انا رجعت .. اتفضلوا معايا ..
انا قلت هارجع الاقيكوا راغيين عشرين صفحة ما الاقيش غير صفحة واحدة؟؟

[somia]

لووووووووووووووووكة وحشتيني عاملة ايه والكتكوتة بتاعتك عاملة ايه؟؟؟

[dr.princess]

ملك ازيك ياحبيبتى عاملة ايه دلوقتى

قاعدة بدور على اكلة اعملها بكرة اصل جوزى قالى اعملى سمك وانا استغفر الله العظيم معدتش طايقة السمك الفليه ده فبدور على اكلة تانية اعملها

[somia]

http://forum.hwaml.com/imgcache2/hwaml.com_1299869526_405.png (http://forums.fatakat.com/thread1162585)

[MALAK2010]

سميه - لولو وحشتونى اوى كويس انكم دخلتم اصل نفسيتى وحشه اووووووووى

[somia]

لولو ما تعملي السمك كفتة

[MALAK2010]

لولو:ممكن تعملي السمك سنجارى

[MALAK2010]

وممكن بصلصه ببصل او صلصه بتومه

[somia]

ليه يا لوكة خير يا بنتي ايه اللي مضايقك؟؟؟

[dr.princess]

ليييييييه بس ياملك قوليلى فيه ايه

[أم إياد]

ملوكة اهلا ازيك ياحبيبتي
عارفة انك مشغولة اليومين دول الضيوف والزيارات وكده ربنا يخليلك حبايبك ويحبب فيكي خلقه ..
أخبارك ايه؟

لولو قررتي تعملي ايه؟

[MALAK2010]

انا والله مخنوقه ومزاجى وحش عاشان بعيده عن جوزى حاسه ان فى حاجه كبيرة اووووى نقصانى حاسه ان حياتى ملخبطه مش عارفه ايه يرضينى والله قاعده اعيط وانا بكتب

[dr.princess]

سمية والله معدتش طايقة كفتة السمك لما عملتها المرة اللى فاتت تقريبا مكلتش منها حاجة

ملك يعنى ايه مش فاهمة سنجارى ولا بصلصة ازاى يعنى

[somia]

حد ياكل معايا فراولة وخوووووووووووووووخ
لوكة ايه اللي مضايقك

[MALAK2010]

ام اياد ازيك يا جميل عامله ايه تسلمى على الدعوه الحلوة

[أم إياد]

ملوكة معلش ياحبيبتي انا عاذراكي والله اصل انا كمان باعمل كده لمل جوزي بيسافر فترة تبع الشغل بتبقى نفسيتي تعبانة..
معلش يالوكة عشان بس لسه في الاول وماخدتيش انك تبعدي عنه ربنا يخليهولك وترجعيله انتي والنونو بالسلامة

[somia]

لوكة والله انا حساكي قوي انا زوجي برضه في مامورية بس هتطول شوية وعملتله مناحة قبل ما يمشي وكل شوية بعمل مع نفسي مناحة بس هنعمل ايه هوه ده نصيبنا

[dr.princess]

ملك ياحبيبتى الف سلامة عليكى من الخنقة
معلشى بس هتعملى ايه كلها ايام وهتعدى بس انتى حاولى تتناسى الموضوع علشان متضيقيش نفسك فكرى انك احسن من غيرى كلها شوية باذن الله وترجعيله انتى والنونو فى ناس تانية بتفضل بالسنين من غير اجوازها فالحمدلله على كل حال
وحاولى كده تاخدى مامتك او اصحابك وتخرجوا تغيروا جو

[somia]

بقولك يا لوكة هوه صحيح زوجك هيقدر ينزل يحضر الولادة؟؟

[dr.princess]

انا انا ياسمية نفسى فى الخوخ وجوزى كل مايدور يلاقيه وحش اهىء اهىء

[MALAK2010]

ولا هنا مرتاحه ولا هناك مرتاحه علشان ببعد عن ماما
عارفين كان نفسى اعيش زى اى واحده معاها جوزها ومامتها فى نفس البلد بس قدر الله وماشاء فعل الحمد لله غيرى يتمنى الوضع اللى انا فيه بس انا حاسه انى بينهم هم الاتنين ومش عارفه ارتاح

[somia]

لولو اتفضلي يا بنتي ..

[توتة السيد]

مع السلام عليكم

[dr.princess]

معلشى ياملك هو نصيبنا كده نعمل ايه الحمدلله على كل حال

[somia]

لولو انا اول مرة اشوفه في السوق النهاردة وجامد وتحفة ... اوعي تكوني بتحبيه طري زي زوجي؟؟

[somia]

توتة ازيك يا بنتي ونورا عاملة ايييييييييييييه؟؟

[MALAK2010]

الحمد لله ربنا يصبرنا

[MALAK2010]

انا خارجه يا بنات سلام

[somia]

ليه يا لوكة كده ماتخليكي معانا

[dr.princess]

اه بحبه طرى وحلو كده اصل لما بيبقى جامد اوقات كتير بيبقى طعمه مش حلو
بس جوزى كل مايدور هنا يلاقيه سايب من بعضه اوى كده فمش بيجيبه

[dr.princess]

ايه ده ياملك انتى رايحة فين خليكى معانا

[somia]

انا ما بعرفشي اكل الخوخ ده الا وهوه ناشف لكن لو طري بسيبه لزوجي

[MALAK2010]

شميه: معلش بس مليش مزاج اكلم فى اى حاجه اشوفكم بكرة على خير ان شاء الله

[أم إياد]

لوكة كلها شهرين وترجعيله ان شاء الله وحاولي تكلميه كل يوم وربنا يهون الايام ياحبيبتي لما تولدي بالسلامة هتتشغلي بالنونو ومش هتلحقي تفكري في حد ههههه يلا اضحكي بقى..
فينها توتة دلوقتي تقولك كام نكتة من الجامدين بتوعها هههههههه

خليكي بقى قاعدة معانا شوية لحقتي تزهقي مننا

[somia]

توتة رحتي فييييييييييييييييين؟؟

[dr.princess]

خلاص ياملك خليكى براحتك بس بالله عليكى حاولى تفكى شوية
وهنستناكى بكرة ان شاء الله

[dr.princess]

خدعوك فقالوا بدأ يارجالة

[somia]

ماشي يا لوكة حساكي والله حاولي تناميلك شوية او تشمي هوا في البلكونة واحنا مستنيينك

[somia]

لولو هوه انتي كمان هتسيبيني ..
ام اياد, روفي ..
رحتوا فيييييييييييين؟؟؟

[أم إياد]

سمية انا هنا ياحبيبتي معلش بس النت عندي بطيييييييييئ جدا بيشلني على مااكتب رد اصل يوم الجمعة بيبقى عليه ضغط جامد فبيبقى بطئ..

أخبارك ايه هتاخدي الحقنة بكرة ان شاء الله؟

[somia]

اه باذن الله تعالى هاخدها بكرة دعواتك بقى اقدر اصحى..
بقولك صحيح انتي كليتك فين؟؟

[somia]

انتوا رحتوا فيييييييييييييييين؟؟؟

[أم إياد]

كليتي ياسمسمة في مصر الجديدة بنات عين شمس في شارع الطيران قريبة من طيبة مول عباس العقاد

انتي في مدينة نصر مش كده؟

[somia]

لا انا مش في مدينة نصر بس عمتي ساكنة هناك..
صحيح هوه انتي في الشهر الكام دلوقتي؟؟؟

[dr.princess]

فى حد هناا

[somia]

انا هنا يا لولو

[dr.princess]

كويس انك هنا ياسمية
كنت عايزة اسئلك عن الغنة لو عندك اى كتب عنها لانى مش عارفة امتى النطق بيبقى بغنة وامتى لا

[رنا خالد]

سوميه ولولو انا كمان هنا
عاملين ايه

[dr.princess]

رنا كيف الحال ماشاءالله داخلة بدرى النهاردة
اخبار لوجى القمر ايه

[somia]

لولو الغنة بتبقى في الادغام ..
لو جاء بعد النون الساكنة او التنوين حرف من الحروف التالية ..ي م و ن ..
هوه ده اللي قصدك عليه ولا حاجة تانية..؟؟

رنا عاملة ايه والانسة لوجي اخبارها ايييييييييه؟؟؟

[somia]

يا جماعة الشيخ ابو اسحاق الحويني على قناة الحافظ دلوقتي بيتكلم على اللي بيحصل في البلد

[رنا خالد]

لولو عامله ايه ياحبيبتي وازي صحتك دلوقتي واخبار ضغطك ايه والدكتوره اللي مزهأكي ياعيني
قولت ادخل بدري الحق السهره من اولها قبل مالنوم يغلبني ولوجي بخير الحمد لله بس مطلعه عيني كالعاده عقبال محمد لما يشرف بالسلامه بس يارب يطلع هادي

[رنا خالد]

بصراحه انا مابملش لأسحاق الحويني بحسه متشدد بزياده اوي ومكشر علي طول
انا بسمع لمحمد حسان ومحمود المصري وعمرو خالد طبعا
ومصطفي حسني

[dr.princess]

تقريبا هو ده ياسمية
مش عارفة مش ظابطة معايا المرة الجاية اخلى الست توضحولى اكتر

[dr.princess]

انا حاسة ان الحمدلله الضغط اتظبط بس هو الخمول ده مش عارفة فيه ايه الواحد مش عايز ولا قادر اصلا يقوم من مكانة

[somia]

انا بحب الشيخ ده جدا كل كلامه بيبقى بالاحاديث الصحيحة وسبحان الله ولا بحب اسمع عمرو خالد ولا مصطفى حسني

[somia]

يا جماعة انا حاسة ان بطني بلونة وهتنفجر مني

[رنا خالد]

هي يمكت اختلاف في الاراء ياسمسمه وكل شيخ وله طريقته الخاصه والناس اللي بتسمع له
قوليلي ياسمسمه انتي منتقبه مني امتي واحكيلي قصة نقابك حابه اسمعها جدا ياام عائشه الحلوه

[أم إياد]

لولو معلش موضوع الخمول ده وتقل الجسم والاجهاد عادي اهم حاجة ان الضغط يبقى في الرينج المظبوط ..

سمية انا في الاسبوع ال13 مش عارفة بقى خلصت التالت ولا لسه..
انتي ساكنة فين ياسمسم

[رنا خالد]

اهلا ام اياد منوره انتي بكريه ولا معاكي ولاد

[somia]

رنا انا لابسة النقاب من اول ما بلغت من وانا في اولى اعدادي بس لبسته بجد وانا في اولى ثانوي ..
كانت المديرة بتاعة المدرسة بتاعتي في الاعدادية طبعا انا كنت في السعودية ساعتها كانت بتجيب شيوخ بيدونا دروس دينية واما نزلت مصر في بعد ما اخدت الاعدادية بابا حاول يقلعهولي وحرمني من الخروج وكانت خناقة محترمة والحمد لله ربنا كرمني وثبتني عليه

[dr.princess]

قست الضغط لقيته 111/78 الحمدلله كويس

[somia]

ام اياد اظن انك في اول الرابع الوقتي وانا من حلوان بس متزوجه في المرج

[رنا خالد]

ربنا يثبتك علي طاعته ياسمسمه يارب قوليلي الحياه هنا احسن ولا في السوعديه
لولو ضغط كده زي الفل ماشاء الله
هي توته ورانيا وجوجو اتأخروا ليه مش هايجوا العيال دول بقي وحشوني اوي

[somia]

رنا العيشة في الدمام كانت احلى من هنا مليون مرة الواحد كان عايز ينزل مصر واما نزل لقى هناك احسن مليون مرة بس اسافر بزوجي وامي وابويا واخويا واختي واصحابي

[dr.princess]

اه الحمدلله يا رنا انا مشكلة ضغطى مش فى انه بيعلى لالالالالالالا المشكله فى انه بينزززززززززززززل اوقات كان بيوصل ل 90/60

[somia]

يا جماعة ادعوا لايمي لحسن تعبانة قوي وادعولي انا كمان لحسن وسطي مكسور وبطني هتنفجر

[dr.princess]

الف سلامة عليكى ياسمية
مالها ايمى كانت معانا بالليل وكانت الحمدلله كويسة

[somia]

لسة مكلماها من شوية وبطنها وظهرها وصدرها واجعينها جدا

[أم نورين2012]

مساء الحب علي حبايبي

[أم إياد]

سمية ربنا يثبتك ياحبيبتي ويقوي ايماننا جميعا..
لولو لو ضغطك نازل كلي حاجة حادقة بس بسيط هيرفعه ..

رنا كنتي بتسأليني انا بكرية وعندي ولاد..
بصي ياحبيبتي ده تاني حمل ليا انا ولدت شهر 6 اللي فات وكان اسمه اياد بس مات بعد 3ايام.. وانا اسمي آية

دعواتك بقى يعيش او تعيش المرة دي

استأذنكم بقى يابنات ميعاد النوم دلوقتي انتوا عارفين نظامي ومقدرين..
تصبحوا على خير

[رنا خالد]

ميري اهيه بدأت تندع شويه ورانيا وجوجو وتوته هايظهروا
عالمه ايه ياميمو

[أم نورين2012]

أزيك ياسوما أنتي ولولو ورنا أخبار كتاكيتك إيه
ألف سلامه لإيمان ربنا يشفيها أن شاء الله

[dr.princess]

الف سلامة عليها ياسمية هى كانت بتقول انها شاكة انها حامل شكلها كده فعلا حامل

[dr.princess]

دودى ازيك ياقمر اخبارك ايه واخبار المغص ايه دلوقتى

[أم نورين2012]

أخبار لوجي إيه يارنوشه بوسيها من خددها جامد وحضنيها وقوللها دول من خالتو دودي

[رنا خالد]

يصراحه انا مش عارفه ايمان مين بس سلامتها برضه

[أم نورين2012]

أخبار لوجي إيه يارنوشه بوسيها له خددها جامد وحضنيها وقوللها دول من خالتو دودي

[*رحمه*]

السلام عليكم يا بنااااااااااااات
سمية شكرا حبيبتي انك صوتي لي و لو عايزاني ابعتلك محشي عنيا ليكي

[رنا خالد]

دودي مين ياجماعه انا عامله زي الاطرش في الزفه ايمي ودودي ده يوم مادخلتش فيه حصل في كل ده هههههههه

[أم نورين2012]

أنا الحمدلله والمغص خلاص راح أنتي إيه أخبارك يالولي والله وحشتيني سلامتك ياحببتي ألف سلامه أنتي بقيتي كويسه دلوقت

[رنا خالد]

اه فهمت ميري هي دودي طب وايمي بقي تبقي مين فاجأوني اوعي تكون لولو هههههههه

[somia]

والله يا لولو الواحد شاكك انها حامل بس الواحد ما يعرفشي الخير ليها ايه فربنا يكرمها باللي فيه الخير ليها
ميري ازيك يا بنتي عاملة ايه
ايه ربنا يتمملك حملك على خير ويجعالهالك ذرية صالحة ...هنستناكي بكرة باذن الله تعالى

[أم نورين2012]

يابت يارنا أنا دودي عشان ده دلع أسمي

[أم نورين2012]

يسمع منك ربنا ياسوما بس أنا مش حامل البريود جات وده تالت يوم

[رنا خالد]

اه تبقي ميري ده اسم بنوتك اللي جايه ان شاء الله صح
ياسلام علي ذكاوتي فظيعه انا عبقريه طبعا

[رنا خالد]

دودي انا حاسه ان ربنا هايكرمك قريب جدا انش اء الله طب انا هاحكيلك قصتي عشان تتفألي

[somia]

ايمي دي صحبتي الانتيم اللي حكيتلكم على مشكلتها مع اللوب قبل كده هيه اشتركت من يومين كده وبتدخل التجمع معانا..
دينا ربنا يخليكي الحقيني بالطبق كله الله يخليكي وطبعا جمبيه صينية البيتزا خلي بالك انا اكلي ماشاء الله عليا الوقتي بالصواني ..ههههههههههههه

[*رحمه*]

يا بناااااااااااات انتوا مش شايفيني ولا ايه ؟؟؟؟؟

[أم نورين2012]

إيوه يارنو ده أسم برده دلع بنتي أن شاء الله وأسمها هايكون ميرنا

[dr.princess]

ههههههههههههههه ضحكتينى يا رنا لالالالا انا لولو وسأظل لولو ماتقلقيش هههههههههههههههههه
ايمى دى صاحبة سمية دخلت معانا بقالها يومين

[أم نورين2012]

أخبارك إيه يادينا أنا مش أعرفك بس حابه أتعرف عليكي

[رنا خالد]

دينا انا شايفاكي ياكتكوته وفكراكي كمان انا اول مادخلت المنتدي من ست شهور كنتي انتي موجوده بس فجأه اختفيتي

[*رحمه*]

يا قلبي يا سمية انتي تامري والله ، والف هنا عليكي حبيبتي

[رنا خالد]

ههههههههههههه ايوه كده يالولو الله يكرمك ده انتي من ثوابت المنتدي معقول فجأه اسمك يتغير لالا
ماصدقش طبعا

[أم نورين2012]

لولي إيه أخبار الجو عندك أنا عندي في مكه وجده جو فوق الخيال وفي رياض سيول ورياح

[somia]

دينا انا شفتك وطلبت منك صينية المحشي بس بعد اذنك يعني اعمليلي معاه ورق عنب وصينية البيتزا .. شفتي القناعة بتاعتي .. انتي شكلك كده بتهربي من الطلب بتاعي ... اهئ اهئ اهئ ..
اكمني يعني بقيت كرومبة .. اهئ اهئ اهئ .. دا هما يادوب صينيتين بس ..
ميري انا كان قصدي ايه ام اياد .. ان شاء الله ربنا يكرمك عما قريب وتفرحينا ..
رنا احكيلنا حكايتك..

[dr.princess]

دينا صباح الخير انا قلت انتى هتخلعى وتنسينا بس تماااام انتى وفيتى بوعدك اهو
كنتى بتسألى امبارح انى لسه هتعشى الفجر ؟؟ ايوه ياستى اصل جوزى بيشتغل الاسبوعين دول من المغرب للفجر فطبعا بنتغدى المغرب وبنتعشى الفجر

[*رحمه*]

ازيك يا ميري عاملة ايه
رنونة عاملة ايه شطووورة انك افتكرتيني
ده السي في بتاعي
دينا
27 سنة
مهندسة مدني
مصرية و عايشة في الرياض
متزوجة من 3 سنوات
و معنديش اولاد
وبثثثثثثثثثثثث

[*رحمه*]

لااااااااااا يا سمسمة انا رديت عليكي بس شكلك ما شفتيش كلامي ارجعي شوفيه
حلو يا لولو تغيير المواعييد ده عشان الواحد ما يحسش بالملل

[dr.princess]

هههههههههههههههههههههه طبعا من ثوابت المنتدى
بس فعلا والله بفكر اغير الاسم السخيف اللى مسجلة بيه

[أم نورين2012]

إيه يارنو أتأخرتي ليه أنا مستنيه الحكايه
أه ياسوما منا أخت بالي بعد ماكتبت معلش بقي حصل سوء فهم

[dr.princess]

دودى الجو حر اوى هنا بس بالليل الى حد ما بيبقى فى نسمة هوا كده

[رنا خالد]

ربنا يرزقك بالذريه الصالحه يادينا عن قريب
ماشي ياسمسمه احكيلك حكايتي ياستي

[*رحمه*]

لولو انتي حرااانة و احنا هنا عندنا برق و رعد و مطر فظيييييييييييع

[dr.princess]

دينا بس تغيير المواعيد ده مبهدلنى فى النوم اخر بهدلة يا اما مش بنام خالص يا اما بنام ومش بصحى يللا الحمدلله

[*رحمه*]

الله يكرمك يا رنونة

[رنا خالد]

انا ياستي كانت البيريود بتتأخر عندي دايما بتيجي كل شهرين وتلاته وانا بطنش وبعدين رحت كشفت الدكتوره عملت لي سونار وقالتلي عندك تكيس علي المبايض وتكيس شديد وبدأت كورس علاج معاها ساعتها كنت مخطوبه وبصراحه لما عرفت ان عندي تكيس بدأت اسأل ايه هو التكيس ده المهم عرفت انه بياخر الحمل بنسبه كبيره جدا وممكن كمان يكون عائق لحدوث الحمل بصراحه نفسيتي كانت زي الزفتوكنت خايفه اوي بعد ماتجوز اتأخر او مخلفش خالص
ولما اتجوزت جاتلي اول شهر عارفه انهارت وكنت مابنمش وكل اما الاقي واحد شايله بيبي كنت انقهر وكنت كل شويه اجيب تحليل منزلي واعمل اختبار واروح المعمل عشان احلل وكنت عامله زي المجنونه

[أم نورين2012]

وأنا أتشرف بعرفتك يادينا أنا بقي هدير بس أسمي في المنتدي هنا يادودي أو ياميري عمري 18 سنه وكام شهر متجوزه من خمس شهور مصريه وعايشه في جده ومش حامل لسه بس ربنا كريم

[*رحمه*]

انا كمان يا دودي اتشرفت بيكي و ربنا يرزقك حبيبتي و انا وياكي

[dr.princess]

ايه ده يا دينا رعد وبرق ومطر كمان
ده انا هنا طول اليوم سورى يعنى هدومى غرقانة مية من العرق وبصحى من النوم شعرى مبلول من العرق وجوزى طبعا مانع التكييف علشان متعبش

[أم نورين2012]

ها وبعدين يارنا

[baby 7abibi]

ازيكم يا بنات انا ام اياد وحامل دلوقتي في الشهر الثامن احب ادردش معاكم

[أم نورين2012]

ربنا يعينك يالولي بس فعلا الجو حلو هنا موت عارفه أمبارح كنت في مكه عند أهلي كنت هاتلج من البرد وأنهرده رحت البحر ماتصوريش الهوا كان أزاي

[رنا خالد]

وتاني شهر عملت اختبار برضه لقيته نيجاتيف وادخل علي منتديات فيها بنات عندها تكيس واتكلم معاهم الاقيهم بقالهم ياما مخلفوش وبدات احس اني هابقي واحده منهم
وعدي تاني شهر وفي مره كنت داخله البلكونه لقيت يمامه بيضه بصراحه لما شوفتها فرحت وحسيت انها زي ماتكون اشاره من ربنا ونمت حلمت اني حامل في بنت قمت من النوم فرحانه اوي قلت هاروح احلل طب ازاي مانا لسه محلله من اربع ايام جيه في بالي احلل بس في مكان تاني يمكن يكون المعمل اللي روحت له غلط وفعلا رحت حللت وساعتها قالتلي ان في شك اني حامل بس اخد دوا واستني بعد عشر ايام لو البيريود نزلت ابقي مش حامل ولو مانزلتش ابقي حامل وفعلا قعدت اعد الايام يوم بعد يوم وساعه ورا ساعه وعدوا بالعافيه وامنزلتش وحللت وطلعت حامل من الفرحه بقيت ابكي بكاء هيستيري وطول الحمل كنت خايفه اني انزل الجنين وفرحتي ماتكملش بس الحمد لله ربنا كرمني وعشان كده ولدت قيصري كنت مستعجله اوي اني اشوف بنوتي وخايفه تروح في اخر ايام اصلي بصراحه ماصدقت احمل وولدت في نص التاسع
دي قصتي معلش صدعتكم

[أم نورين2012]

أهلا ياأم إياد منوره ياجميل ربنا يتمملك حملك علي خير ودردشي براحتك علي الأخر معانا أنتي هنا في بيتك

[somia]

رنا كملييييييييييييييييييي

[baby 7abibi]

الجو هنا في مصر كمان بررررررررررررررررررررررد فظيع

[رنا خالد]

وفضلت اليمامه وبيضتها عندي في البلكون واول ماعرفت بخبر حملي خدت بيضتها وطارت في نفس اليوم وكأن ربنا بعتلي اشاره لحد ماطمن

[أم نورين2012]

والحمد لله جات لوجي
ياحبيبه قلبي ربنا يخلهالك وعقبال أن شاء الله ماتجبلها أخ أو أخت بس أنتي ماصدعتناش ولا حاجه دي جميله

[baby 7abibi]

ماشاء الله يا رنا ربنا يخليلك بنتك ويرزق اختي بالذلاية الصالحة..قولو امين

[baby 7abibi]

ده نورك يا ميري ربنا يخليكي

[somia]

ايه ده كلنا يا رنا ايه الرعب اللي انتي كنت معيشة نفسك فيه ده..
ربنا يباركلك في الكتكوتة لوجي يا رب ويجعلهالك ذرية صالحة وقرة عين لكي ولباباها

[رنا خالد]

امين يارب ياام اياد منورانا عي فكره
المنتدي اتزحم يابنات ايوه كده خلي السهره تحلو

[أم نورين2012]

أمين
أنا وهي وكل محرومه من بنات المسلمين

[somia]

سبحان الله يا رنا فعلا في حاجات كده ربنا بيبعتها للواحد تطمنه

[ملكت عيوني]

هلوووووووووو

كيفكم كراااااريش

ابي اسئلكم لازم جاوبوني

عندي موعد هالاسبوع وش اقول لدكتورة مثلا شنو اسئلها انتو شنو تسئلو بالعاده

ماعندي خوات اكبر مني اسئلهم لانهووووو

[رنا خالد]

والله كنت مرعوبه ياسميه بجد لأني كنت مريضه ومش طبيعيه وعدم نزول البيريود كان بيتعبني كنت ببقي سخنه ومتوتره دايما وجسمي واجعني وبدأ وزني يزيد كنت طول عمري وزني حاجه وخمسين دخلت في الستين لحد مابقيت 65 كيلو بعد ماكنت 55 ولأني بحب جوزي جدا كنت خايفه ابقي سبب في حرمانه بس بصراحه الصبر حلو وكل حاجه بتيجي في وقتها لما ربنا بيكتب لنا حاجه اكيد فيها الخير( وعسي ان تكرهوا شئ وهو خير لكم وعسي ان تحبوا شئ وهو شر لكم والله يعلم وانتم لاتعلمون) صدق الله العظيم

[somia]

ام اياد .. اهلا بيكي معانا .. عرفينا بنفسك؟؟؟

[somia]

ملكت عيوني .. انتي بالشهر الكام طيب ؟؟؟
رنا بس بصراحة كده مش حاسة انك اتطمنتي ونفسك لوجي ترجع بطنك تاني ..ههههههههههه اصل كل اللي بيولدوا بيقولوا كده

[توتة السيد]

عوده بعد الفاصل الطوييييييييييييييل بساء الخير ياحلوات

[رنا خالد]

توتة قلبي وروحي فينك يابنتي عماله اسأل عليكي عامله ايه نور وحشاني جدا

[baby 7abibi]

اهلا يا سميه
اسمي نهلة ..دكتورة اسنان..عمري 26...من اسكندرية بس مجوزة وعايشة في القاهرة

[توتة السيد]

ازيكم نفراية نفراية عاملييين ايه كلكم علي بعضكم " اسلوب اختصار"

بتتكلموا في ايه بقي

[somia]

نهلة أهلا بيكي .. معلشي اصل عندنا ام اياد تانية برضه بس اسمهاايه فعشان افرق بينكم

[رنا خالد]

هارضع البنت وجايه ياحلوين

[dr.princess]

وطنى وصباى واحلامى ايه التهييس ده ههههههههههههههههههههه

[توتة السيد]

توتة قلبي وروحي فينك يابنتي عماله اسأل عليكي عامله ايه نور وحشاني جدا



هلا ياعمري عاملة ايه واخبار لوجي الجميلة ايه

احنا بخير ياقملر ونور بعتالك بوسة كبييييييييييييييرة ليكي وبوسة للوجي

انتي وحشاني اكتر حبيبتي

[baby 7abibi]

ولا يهمك يا سمسم

[توتة السيد]

شايفة وجهوه جديده هنا مرحبة بكل المستجدين

نهلة وسوما في حد تاني نسياه قولولي

[*رحمه*]

بااااااااااااك سوري يا جماعة كنت بظبط السي في
بنات اللي فيكوا مصوتش في المسابقة يدخل يصوت بليزززززز

[baby 7abibi]

بتجيلي حموضة فظيعة حد عنده حل يا جماعة

[توتة السيد]

وطنى وصباى واحلامى ايه التهييس ده ههههههههههههههههههههه


يالذيذ يارايق انت صباح الخير بالليل ياوزه ههههههههههههههههههه

[somia]

حلو قوي الاختصار ده .. يا جماعة هوه مينفعشي نبقى نجمع بدري عن كده انا بقعد من بعد المغرب اهاتي مع نفسي وانتوا تبتدوا تتجمعوا وانا معاد نومي يكون كده .. حرام كدااااااااااااااااااااا

[*رحمه*]

خلاص يا سمسمة غيري مواعيدك

[توتة السيد]

بتجيلي حموضة فظيعة حد عنده حل يا جماعة

علاج الحموضة كولي ياقمر برتقان كتيييييييير وكمان زبادي

[somia]

نهلة كلنا كده بس انتي حاولي ما تناميش بعد الاكل بساعتين على الاقل

[baby 7abibi]

انا اصلي يا يميه اياد ابني مبيخلنيش اقعد خالص على الكمبيوتر لانه بيحتلو فمش بعد غير لما ينام فبيكون الوقت متأخر

[dr.princess]

توتة هههههههههههههههههههههه انتى لسه فاكره يابطة
معلشى اصلى بدأت افصل شحن

[*رحمه*]

معقولة يا توتة علاج الحموضة اكل البرتقال ، البرتقال من الحوامض

[baby 7abibi]

بجد يا توتة انا كان بيتهيألي ان البرتقال بيزود الحموضة

[somia]

يا سلام يا دينا ما هو كده هيبقى الصبح ليل واليل صبح ...هههههههههههههه

[somia]

معلشي يا نهلة .. ربنا يهديهولك ويصلحلك حاله..
هيه ميري راحت فين يا جماعة...؟؟؟
حد يعرف رانيا عاملة ايه الوقتي؟؟؟

[dr.princess]

نهلة ام اياد اهلا بيكى معلشى على مافقت

صحيح ياتوتة ده البرتقال ده يزود الحموضة هو والليمون

[baby 7abibi]

امين يا سميه
بس يا رب يهديه قبل ما اولد ...

[رنا خالد]

طلاما بيجي لك حموضه ابشري يبقي البيبي بشعر
انا اسمع كده ان الشعر بيعنل حموضه فظيعه وفعلا انا كنت بشتكي من الحموضه اوي وطلعت لوجين بشعر الحمد لله مع اني كنت متأكده اني هاجيب بنت قرعه هههههههههه
بس يلا ربنا ستر وكل خلقة ربنا حلوه طبعا

[رنا خالد]

ياجماعه انا عايزه اشتكي لكم من جوزي والله تعبت ومش عارفه ليا حق ولا انا اللي بدلع

[توتة السيد]

ايه رائيك ياسومة اختصار هايل هههههههههههه

خليكي شوية ايه ده هو انا لقت اقعد معاكي

والله انا بدخل بدري بس انهارده اوت كده معلش

[ملكت عيوني]

هلوووووووووو

كيفكم كراااااريش

ابي اسئلكم لازم جاوبوني

عندي موعد هالاسبوع وش اقول لدكتورة مثلا شنو اسئلها انتو شنو تسئلو بالعاده

ماعندي خوات اكبر مني اسئلهم لانهووووو

انا بالشهر الرابع نهايته

اسبوع وادخل الخامس

[somia]

طب على كده انا عايزة من الحمضه دي يا ناس ..هههههههههههه
احكي يا رنا خير يا بنتي ايه اللي حصل؟؟؟

[baby 7abibi]

اهلا برنسيس
انت دكتورة ايه؟؟؟ولا ده جست نيك نيم

[baby 7abibi]

قولي يا رنا ..الحق دايما مع الام

[somia]

توتة اديني قاعدة شوية بس ربنا يسترها واعرف اصحى بكرة عشان الهانم الحقنة..
ملكت عيوني .. اسأليها لو لسة مخدتيش الكالسيوم والحديد والفيتامينات عليهم وفيه تحاليل بتتعمل الشهر الخامس اساليها عليهم وطبعا حقنة التيتانوس واي تعب عندك يعني مثلا عذرا افرازات او التهابات او وجع بالظهر وطبعا حاولي تشوفي نوع البيبي واطمني عليه.. بصي انا كان اي حاجة احتار فيها بكتبها في ورقة وساعة ما اروح الدكتورة امسكله وابتدي في القاء الاسئلة وللاسف اما بطلت العادة دي بقيت اروح وارجع وانسى اللي كنت عايزة اقولهولها

[رنا خالد]

يجي من الشغل يغير هدومه ويقعد ادام التليفزيون وشويه وتفضل عينه تقفل تقفل
لحد مالاقيه ناااااااااااااااام اه ببقي هاشد شعري ولما اتكلم معاه يقولي لا انتي ظلماني انا بقعد معاكي اظاهر بيقعد معايا في احلامه ولا انا اللي بيتهيألي انه نام مش عارفه مع اني انا اوقات كتير ببقي هاموت وانام وتبقي البنت نامت الساعه 6 او خمسه وافضل قاعده مستنياه لحد سبعه عشان اشوفه واحضر له فطاره اشمعني انا باجي علي نفسي وهو لا مش لاقيه حدد اتكلم معاه وحاسه اني هاطق

[أم نورين2012]

باااااك معلش ياجماعه أصلي كنت بشوف المسجات اللعلي الفيس والمسن

[توتة السيد]

توتة هههههههههههههههههههههه انتى لسه فاكره يابطة
معلشى اصلى بدأت افصل شحن



ههههههههههههه فاكرة ياقمر اه زمانك نايمة دلوقتي انتي بتصحي متاخر

اه يادينا البرتقال علاج هايل للحموضة انا كنت لما تجيني حموضة

ادخل جوة كيس برتقان اتشقلب فيه كده ابقي زي الفل

[baby 7abibi]

والله يا رنا كأنك بتوصفي حالي تمام
تصدقي انا بقيت بكره التلفزيون من كتر ما بيعد قدامه ومبيعدش معايا

[رنا خالد]

هي رانيا فين
يارانياااااااااااااااااااااااااااااا
تعالي بقي وحشتني شقاوتك وجنانك

[somia]

ههههههههههههههههه معلشي يا رنا بضحك على الهم اللي احنا فيه انا زوجي بيعمل نفس النظام بيقعد قدام الاب والتلفزيون لغاااااااااااااااية ما عينه تقفل وينام وكل ما اكلمه يقولي ما انا قاعد معاكي اهه وباتكلم معاكي والغريبة انه اما باجي اناقشة في حاجات مهمة يرد عليا وهوه بيكتب على الاب وحتى مبيهنش عليه يبصلي اصلا .. بس عارفة انا عندي ده اهون مليون مرة من انه يبقى في مأمورية ومشوفهوش طول اليوم

[رنا خالد]

والله يانهله تعبت نفسي نلاقي موضوع نتكلم فيه ونفسي الاقيه فايق
علي طول مدروخ وكأنه شغال في الفاعل عشان اكون صادقه ساعات بيقعد معايا بس قليل علي طول عايز ينام مع ان لو في ماتش بيقعد مفنجل عينه قدام التلفزيون انا بحبه ومش عايزه ازعله بس انا بصراحه زهقت اوي ومليت

[أم نورين2012]

عادي يارنا أنا جوزي لما بيجي من الشغل بيكون تعبان يتغدي ويسكت شويه بعد كدا حبه دلع وهظار وحبه صمت وهدوء تام

[dr.princess]

نهلة انا صيدلانية

[somia]

وعارفة يا رنا ساعات بصتاده بعد ما يقفل الاب واقعد ارغي وفجأة اسمعلك خخخخخخخخخخخ أبص أكتشف ان زوجي حبيبي نااااااااااااااام وان انا عمالة اهتاتي واحكي لنفسي

[أم نورين2012]

عارفه أحيانا أجي اكلمو بحس كلامي كأن نموسه معديه ولا حاسه بيها ولا سمعها وهي بتزن

[رنا خالد]

انا هاعقبه هو بيحب يصحي الصبح يلاقيني مستنياه واقعد اتكلم معاه قبل مايروح الشغل
انا مش هاعمل كده ومش هاجي علي نفسي هنام وساعتها هايحس بالفرق ويعرف انه زي مابياخد لازم يدي مش انا اقاوم النوم وابقي قاعده له وهو دالئني والله ببقي هاموت وانام مطبقه لحد 8 الصبح عشانه مع ان البنت نايمه بس خلاص بقي كفايه عليه كده الاوكازيون شطب

[baby 7abibi]

غير الزهق كمان يا رنا
بصراحة هو كتيييييييييير بيوحشني قوي وبحس انه مش حاسس بيا وده احساس بيعزبني
وبعد اقول امال لما اولد وتزيد مشغولياتي هيحصل ايه
بخاف قوي نبعد عن بعض اكتر

[*رحمه*]

يااااااااااااا يا رنونة كل الرجالة كده ، انا كمان بقعد زي القرد لوحدي ، ده كمان مسافر النهاردة مامورية و هقعد يومين لوحدي ، يعني يومين هكلم نفسي :(

[somia]

هههههههههههههههههههه .. ميري لا وانتي الصادقة ده الناموسة بيرفع ايده يهشها .. انا بقوله هوه انا بحكيلك حدوتة قبل النوم وانا معرفشي..هههههههههههه

[أم نورين2012]

عارفين هم مش حسين أنهم كدا مقصرين بس تعالي أنتي بقي هو يكلمك وأنتي تقوليلو معلش ياحبيبي بتفرج علي المسلسل يقلب الدنيا ويقولك أنت مش مهتميه بيا ويديكي بقي لحد أخر الشريط

[رنا خالد]

بصي يانهله هو بيوحشني اه وببقي هاتجنن ويجي البيت بس بصراحه بعد مابلاقيه كده نايم او مدروخ بحس كأنه مجاش وبزعل بيني وبين نفسي يلا الحمد لله ربنا يهديهولي ويهدي لكم ازواجكم

[رنا خالد]

بصوا انا هاموت وانام هادخل اغفلي شويه ولوقدرت هارجع تاني
سي يو سون ياكتاكيت

[dr.princess]

فكرتونى بواحدة كانت كاتبة موضوع على فتكات بتقول فيه انها بتعمل لجوزها تنويم مغناطيسى بتقول اول مابيشوفها اخخخخخخخخخخخخخخخخخخخخ على طول

[somia]

رنا لا يا بنتي طالما في وقت بيكلم فيه استغلي الوقت ده وتعالي على نفسك والا واسال مجرب مش هتلاقيلك وقت اساسا

[baby 7abibi]

ربنا يهدي كل الازواج
يا رب

[baby 7abibi]

تصبحي على خير يا رنا

[أم نورين2012]

وأنا كمان يابنات خلاص مش قدره أفتح عنيا أبقو سلمولي علي توته وخليهاتبوس نور كتير
تصبحي علي خير يارنا
يلا يابنات جود نايت

[baby 7abibi]

وانت من اهله يا ميري

[dr.princess]

رنا دودى تصبحوا على خير واحلام سعيدة

[somia]

وانا كمان كده خلااااااااااااااااااص الحق اناملي شوية عشان العرف اصحى بكرة للحقنة..
دعواتكم معايا تعدي على خير وتبقى سلسة وهينة ومتتعبنيش زي المرةاللي فاتت

[dr.princess]

حتى انتى يا سمية تصبحى على خير
ربنا يهون عليكى الحقنة وتبقى خفيفة ومتحسيش بيها خالص باذن الله

[توتة السيد]

اكيد كله مشي اهئ

[توتة السيد]

اعمل ايه في النت الكئيب

[dr.princess]

توتة انا هنا بس دقايق وجوزى هيجى بالسلامة ان شاء الله
معلشى بقى حظك كده الجمعة بيخلص ساعة بدرى

[توتة السيد]

ولا يهمك ياقلبي يجي بالف سلامة

[ايمان العليمي]

السلام عليكم ورحمه الله وبركاته

في حد هنا يا بنات ؟؟؟؟

[somia]

السلام عليكم ورحمة الله وبركاته
حد هنا؟؟؟

[ايمان العليمي]

وعليكم السلام ورحمه الله وبركاته


سوما انتي لسه موجوده ولا مشيتي ؟؟؟؟؟

[أم إياد]

ايمان , سمية أخباركم ايه ؟
حد لسه هنا؟؟؟

[أم نورين2012]

أنا هنا هل من أحد معي

[ام يحيي 2011]

انتى لسه هنا يا مرمر

[أم نورين2012]

طيب أنا هاقوم أخد الشور بتاعي بعد كده أرجع أشوف في حد معايا ولا أنا بهاتي مع نفسي

[ام يحيي 2011]

لالالالالالالالالالالالا نتكلم شويه وابقى مشى يا ستى

[أم نورين2012]

إيو ه أزيك ياساره عامله إيه ياقمر

[أم نورين2012]

عارفه أنا لازم أخده عشان لسه مخلصه طبيخ وجوزي هيجي الساعه خمسه

[ام يحيي 2011]

الحمد لله تمام

انتى ايه اخبارك يا جميل روحتى فين امبارح فجأة كده

[ام يحيي 2011]

يعنى هتسبينى برده

[ام يحيي 2011]

هى بقت كده اهئئئئئئئئئئئئئئئئ

[أم إياد]

ساااااااااااارة انا هنا
انتي لسه هنا؟

[أم نورين2012]

لأ مسبتكيش ولا حاجه أنا معاكي أنا أمبارح رحت بعد العشا البحر لكي أن تتخيلي الجو فيه كان عامل الأزاي

[ام يحيي 2011]

ايوه يا جميل

ايه اخبارك طمننى واخبار المذكره والكلام العسل ده

[أم نورين2012]

أنتي رحتي فين أنتي والكتكوت

[ام يحيي 2011]

بحر يعنى يعنى ماشى يا ستى الله يسهلك

اظن الدنيا كانت تلج

ها نقول نعيما ولا ايه

[أم إياد]

سارة اخبارك ايه ؟
ميري ازيك ياحبيبتي .. الظهر بياذن أهه وانا عمالة ادعيلك ربنا يكروك عن قريب ويفرح قلبك بالذرية الصالحة..

[ام يحيي 2011]

احنا هنا يا جميل

احنا بقى رحنا عند ماما

واختى ادتنى ابره بس ايه بتوجعنى لحد دلوقتى ابرة كده بعيد عنك للعضلات لان عضلات جسمى كلها بتوجعنى الحمد لله

[ام يحيي 2011]

الحمد لله يا ام اياد الا صحيح انتى اسمك ايه يا جميل

[أم إياد]

سارة ازيك ياجميل وازي يحيى ربنا يكرمك وتشوفيه على خير..
على فكرة انا ضايعة جدا في موضوع المذاكرة والكلام ده كانت برضه سمية لسه بتسالني امبارح وقعدت اشتكي لها من لخمتي في الشغل اصل بادي محاضرات وسكاشن وبعدها بآخد محاضرات الدبلومة وعلى مااروح بالليل يادوب الحق اعمل اكل وبعدين اقعد ع النت اعمل ابحاث واجهز لتاني يوم انتي عارفة بقى مالناش مناهج وكل حاجة احنا اللي بنجيبها من النت
دعوااااااااااااتك

[أم إياد]

ايوة ياسارة اسمي آية ياحبيبتي.ز
على فكرة انا ماخرجتش الكلية النهاردة عشان تعبانة من امبارح وعشان كده تلاقيني فاتحة في الوقت ده

[ام يحيي 2011]

ربنا معكى يا روحى وتبقى احلى دكتوره

انا كمان باذن الله هقدم على شغل بأذن الله دعواتك كده

[ام يحيي 2011]

الف سلامه يا جميل مالك طمننى عليكى

روحتى فين يا مرمر

[أم إياد]

ربنا يكرمك وتلاقي شغل مناسب ان شاء الله؟
بس قصدك بعد ماتولدي ولا ايه؟

بالنسبة للتعب هو مغص جامد كده عامل زي الطلق ماانتي عارفة بقى جربته قبل كده بس دا بقى في البطن بس ومن تحت ع الشمال بس مش قادرة اقف او اقعد منه بيروح وييجي كل شوية .. فكنت قلقانة وخفت أخرج

[ام يحيي 2011]

ألف ألف سلامه عليكى يا حبيبتى معلش بأذن الله يكون خير بس الأحسن روح للدكتوره وهى تطمنك

لا أصلى قدمت خلاص كانت فى مسابقه فالأزهر وقدمت تجى بقى وقت ما تجى ربنا يسهل بأذن الله وهبقى مدرسه بس يارب أكون أد المسؤليه يااااااااااااااااااااارب

معلش ممكن أسألك سؤال هو وحش شويه بس عايزه اعرف ليه أياد توفى وربنا يرحمه ويدخلك بيه الجنه يااااااااااااااااااارب كان فى سبب كعين يعنى وربنا يتمملك حملك ده على خير يااااااااااااااااااااااااااب

[ام يحيي 2011]

بس أنا ما جربتش الطلق قبل كده يا جميل ده اول نونو ليا بأذن الله وحنين دى على أنى كنت مفكرها بنوته بس كده

[ام يحيي 2011]

روحتى فين يا ايه لو كان سؤالى ضايقك خلاص اسحبه

[أم إياد]

ربنا يخليكي ياسارة ويوصلك يحيى بالسلامة
وجزاكي الله خيرا على دعواتك الحلوة..
قصدي جربت الطلق انا يعني.. ماانا عارفة ان حنين دي عشان قالولك انها بنت في الاول فسجلي بيه انا متابعة ههههه

بصي ياستي باختصار الموضوع هو اياد مات بعد 3 ايام من الولادة ..
انا تعبت اوي في الولادة وقعدت 3ايام واول مانزل ماعيطش على طول وبعد كام ساعة بدا يعيط عياط هستيري واطرافه ازرقث وبدا يترعش والسخونية زادت جامد..
وديناه حضانة حطوله محاليل وكده .. وتاني يوم قلبه وقف وطلبوا عناية مركزة..
على ماحجزناله في مستشفى نضيفة في بلد تانية مات في الاسعاف اللي كان هينقله لانه ماكانش مجهز كويس..
وكاتبين في شهادة الوفاة سببها تسمم دم..
مع اني كنت واخده حقنتين التيتانوس قدر الله وماشاء فعل..
ومن بعدها عملت تحاليل كتير لان حماي كانت دايما تقوللي انتي السبب في موت الولد وروحي حللي فحللت وكده حاجات كتير بس الحمد لله مافيش اي حاجة وكل الدكاترة رجحوا ان السبب عسر الولادة وطولها وعيب من الدكتور في الولادة أثر على عصب التنفس عنده فما قدرش يكمل.. وبس..

دعواتك بقى ربنا يتم بخير المرة دي
بنت او ولد كل اللي يجيبه ربنا حلو بس اللي يفكر كويس ويتقي الله..
اصل عليا ضغوطات جامده من حماتي وبناتها..
بس انا المهم عندي تكون ذرية صالحة تامة الخلقة والصحة واحمد ربنا كل الحمد