دردشة حوامل مصر - دردشة بنات مصر - تجمع حوامل مصر

[أم إياد]

لا ياحبيبتي مااضايقتش من السؤال ابدا ولاحاجة..
انتم اخواتي..
ربنا مايكتب عليكم اللي انا شفته ويتم لنا جميعا بخير

[ام يحيي 2011]

الحمد لله رب العالمين

ربنا يرحمك بيه رحمه واسعه يا روحى

وربنا يتمملك على خير ويرزقك بالى فيه الخير ليك يا قمر سيبك من شغل الحموات ده وربنا يهديهالك يااااااااااااااااااااااااااااااااااااارب

[ام يحيي 2011]

يارب يارب يارب

ويعفيكى يارب يا حبيبتى

سبحان الله اد ايه الضنى غالى اوى

[أم إياد]

سارة انتي ساكنة فين؟
طيب ولو الشغل جالك هتنزلي بعد الولادة ان شاء الله؟

[ام يحيي 2011]

هستأذنك عشر دقايق بس اوعى تمشى هصلى العصر واجى وعلى ما اجى فكرلى فاكله حلوه اعملها مش عارفه اعمل ايه

[ام يحيي 2011]

ساكنه فى اسكندريه مش عارفه والله ايه الى هيحصل الله المستعان بقى بس أعتقد ان الموضوع هيتأخر شويه عشان الى حاصل فالبلد ده

[أم إياد]

سوسو معلش ياجميل هاسيبك دلوقتي عشان انشر الغسيل واجهز الغدا
اصل اليوم اللي ماباروحش فيه الكلية بيبقى كله شغل البيت..
وهاقعد اعمل كفتة الرز صوابع واعينها في الفريزر للايام اللي جاية ان شاء الله عشان بابقى مشغولة..
وأول ماأخلص هادخل تاني ان شاء الله..
وسلامي لكل البناااااااات لأني مابألحقش اكلمهم..

[ام يحيي 2011]

طب يا جميل ربنا معكى ويقويكى ياااااااااااااااااااااارب

بس ابقى طمننا على صحتك يا حبيبتى

ويارب رانيا تدخل وتطمنا احسن انا مشغوله عليها اوى

ويارب حد يدخل يحسسنى ان فى حد معايا شويه

[ام يحيي 2011]

أسلى نفسى بأيه بقى لحد ما حد يدخل ويعبرنى

[ام يحيي 2011]

طب انا همشى بقى يا جماعه دماغى صدعت مووووووووووت من قاعده الكمبيوتر وما فيش حد يسلنى اقوم اعملى حبه تمارين رياضيه من الى الدكتوره قالتلى عليهم

وابقوا طمنونى عليكم كلكم يا حلواتhwaml7

[Om Rodina]

السلام عليكم ورحمة الله وبركاته
سارة حبيبتى ازيك واخبارك ايه واخبار يحيى ايه وحشتينى كتير والله

[Om Rodina]

سوسو انت هنا ولا مشيتى

[Om Rodina]

ام اياد حبيبتى ازيك واخبارك ايه واخبار النونو ايه يارب يفرح قلبك بيه ويتمملك على خير يارب ويوفقك فى دراستك وعملك

[somia]

السلام عليكم ورحمة الله وبركاته..
حد هنا؟؟؟

[Om Rodina]

وعليكم السلام ورحمة الله وبركاته
سمسمة ازيك ياحبيبتى اخبارك ايه
طمنينى اخدتى الحقنة التانية انهاردة ولا ايه

[أم إياد]

أم رودينا ازيك ياجميل..
سمسمة انتي روحتي فين .. خدتي الحقنة ولا لأ؟

[somia]

ازيك يا روفي .. معلشي كنت بعمل لقمة اكلها ..
اه الحمد لله تعالى خدتها اخييييييييييييرا النهاردة

[somia]

ام اياد ازيك عاملة ايه ... رحتي الكلية النهاردة؟؟؟

[somia]

انتوا رحتوا فيييييييييييين

[Om Rodina]

بخير ياام اياد الحمد لله ربنا ييسر لك الحال يارب
سمسمة حبيبتى ربنا يارب يفرحك بالنونة ويكملنا كلنا على خير يارب
هاصلى المغرب واجى علطول باذن الله ياحبايبى

[somia]

مستنياكي يا روفي ..
اية رحتي فيييييييييييييين؟؟

[أم إياد]

سمية ازيك ياجميل اخبارك ايه كويس انك خدتيها النهاردة..
كانت عاملة ايه اللي ادتهالك ايديها حلوة ولا ايه؟
وجعت زي المرة اللي فاتت ولا لسه الأعراض مابانتش

[somia]

ام اياد الحمد لله هيه نفس اللي ادتهاني المرة اللي فاتت هيه اللي ادتهاني النهاردة وربنا يسترها عشان اثارها بتبتدي من بكرة وبيني وبينك خايفة ابص مكانها الاقيها ازرقت

[أم إياد]

سمية كويس انك خدتي الحقنة .. اللي ادتهالك كانت ايديها عاملة ايه؟
معلش الحقنة دي مقرفة ماانا مجرباها..
لأ مارحتش الكلية النهاردة كنت تعبانة كده وماقدرتش اخرجش خفت ل التعب يزيد

[أم إياد]

في مشكلة عندي مش عارفة ايه ده بتفضل الصفحة واقفة على آخر مشاركة ليا وماباشوفش اللي بيكب بعد كده فما بىخدش بالي ان حد رد
لازم ارجع صفحة وبعدين اروح تاني الصفحة اللي كنت فيها..
حد عنده فكره من ايه؟

[somia]

الف سلامة عليكي من التعب يا اية .. هيه ايديها عادية بس انا اتعودت على الحقن خلاص والحمد لله تعالى .. ربنا يسترها معايا بكرة لان المرة اللي فاتت الالم اشتغل بعدها بيوم ..

[Om Rodina]

ام اياد الف سلامة عليكى وشفاكى الله وعافاكى
ان شاء الله ربنا يعافيكى ياسمسمة ومايحصل اللى حصل المرة اللى فاتت باذن الله
مش عارفة انا لما سالت الدكتورة بتاعتى على الحقنة دى قالتلى براحتك عاوزة تاخديها خديها مش عاوزة بلاش وسالتها هى ضرورية ولا ايه قالتلى هى كانت بتتاخد زمان علشان اللى كانت بتولد على نفسها اوتولدها داية فكانت علشان التعقيم ومنع التلوث اما دلوقتى الولادة بتبقى فى المستشفى وان شاء الله مش يحصل حاجة
مش عارفة ايه رايكم مع ان انا كده عديت مرات اخدها

[somia]

روفي انا برضه الدكتورة قالتلي كده بس خدتهم احتياطي..
ابقي اسالي توتة او دودي لانهم خدوها متاخر برضه\..
ام اياد اعملي تحديث للصفحة كل شوية

[Om Rodina]

ان شاء الله ياسمسمة ربنا يسهل كده ويعدى اللى باقى على خير ويقومنا كلنا بالسلامة يارب

[أم إياد]

معلش ياسمسمة هي الحقنة دي كده وساعات بيبقى في ناس عنها حساسية منها
انا اول مرة خدتها دراعي ورم كله لدرجة الكم بقى ضيق وفي فرق كبير بينه والدراع التاني, وحرارتي عليت اوي وجسمس كان بينشر 3ايام من يوم ماخدتها بالليل
فقالولي دي حساسية منه لو دي اول مرة الواحد ياخد التيتانوس في حياته..
هي كويسة عشان بتعمل مناعة للعدوى عليكي وعلى الجنين..
اول حمل بتتاخد مرتين والحمل التاني وكده مرة واحدة
انا اخدت الحقنة دي اول مرة في نص السابع والتانية في نص التامن

[Om Rodina]

والله بصراحة ياام اياد انا خايفة اخدها اصلى بخاف موت من الحقن وربنا يستر

[somia]

يسمع منك ربنا يا روفي

[أم إياد]

بنات استأذنكم جوزي قرب يوصل هأقوم اشطب الاكل , وهادخل تاني ان شاء الله بعد الغدا قصدي العشا ههههه

[Om Rodina]

اتفضلى ياام اياد بالهنا والشفا ياحبيبتى واحنا مستنينك

[somia]

هاقوم اصلي العشا ورارجعلكم تاني باذن الله تعالى

[dr.princess]

ادعولى يابنات عندى مغص جامد واسهال من الصبح شكلى كده اخدت برد فى معدتى

[somia]

روفي انتي رحتي فيييييييييييين؟؟

[Om Rodina]

انا معاكى ياسمسمة ياحبيبتى
لولو ازيك ياحبيبتى اخبارك ايه الف سلامة عليكى شفاكى الله وعافاكى حاولى تشربى حاجة دافية ودفى نفسك كويس

[somia]

لولو وحشتيني جدا .. ألف سلامة عليكي يا بنتي ..

[somia]

ايمي بتسلم عليكي وبتقولك هيا عملت التحليل النهاردة

[somia]

لولو انتي لسة هنا؟؟؟

[dr.princess]

ام رودينا سمسمة الله يسلمكم حبايبى
والله عملت نعناع ومرتحتش اوى شوية كده واعمل تانى

[Om Rodina]

حبيبتى لولو حاولى تدفى بطنك وتلبسى حاجة تقيلة عليها علشان البرد وربنا يعافيكى يارب

[dr.princess]

الله يسلمها سلميلى عليها ياسمية
طيب وايه اخبار التحليل

[somia]

ايمي حاااااااااااااااااااااااااااامل .. عقبال كل اللي بتمننى الحمل

[somia]

الله يسلمك يا لولو هيه ممكن كمان شوية تدخل لو قدرت



http://forum.hwaml.com/imgcache2/hwaml.com_1299953738_844.gif

[Om Rodina]

ماشاء الله مبارك عليها وربنا يكملها على خير باذن الله
ويرزق كل محرومة يارب

[dr.princess]

ماشاءالله مبروووووووووووووووك والله كنت حاسة عقبال جوجو وميرى ودينا وكل بنات المسلمين

ام رودينا والله اتدفيت بس هزود جرعة الدفا كمان مع انى حرانة بس اعمل ايه

[Om Rodina]

يارب يالولو اللهم امين
معلش ياحبيبتى علشان البرد مايطول معاكى وتخفى منه علطول باذن الله ممكن تلفى حاجة على بطنك ووسطك كده مش شرط تلبسى هدوم تقيلة وربنا يتم شفاكى على خير يارب

[somia]

الله يبارك فيكوا يا جماعة وعقبال كل اللي نفسه في الذرية وربنا يعينها على التوفيق ما بين لولو والحمل وبعد كده ما بين النونتين وادعولها وادعولي ربنا يسهلنا الولادة والرضاعة لحسن هيه مرعوبة من الرضاعة لان تجربتها اللي فاتت كانت صعبة قوي ..
لولو تحبي اسلفك شوية تلج من اللي عندنا؟؟؟؟؟؟؟؟؟؟؟؟؟

[Om Rodina]

ربنا معاها يارب ياسمسمة وان شاء الله ربنا يكرمها وماتتعرض لشئ سئ تانى وربنا يباركلها يارب ببنتها والنونو كمان يارب

[ريهان هانى]

مساء الخير يا سيدات مصر انا مصريه جديدة علي المنتدي احب اتعرف بيكم

[MALAK2010]

السلام عليكم ازيكم يا بنااااااااااااات

[ريهان هانى]

يا ريت حد يرد عليا انا عندي فيروسين فيروس تكسوبلازما وفيروس cmvوالاتنينigg وياريت حدي طمني انا حامل في الشهر الاول وبتابع مع دكتور بس قلقانة وعايزة واحدة فيكم تطمني

[MALAK2010]

ريهان هانى:اهلا بيكى معانا يا جميل
ام دنا :ازيك يا حبيبتى عامله ايه واخبار رودى ايه

[somia]

روفي يسمع منك ربنا ..ااااااااااااااااااااااامين ..
ريهان اهلا بيكي معانا عرفينا عليكي ؟؟؟
لوكة وحشتينييييييييييييييييييييي .. ملك عاملة ايه ؟؟؟ تعرفي لو جالك ضيوف الوقتي هتلاقيني طبيت عليكي ضيفة انا كمان .ههههههههههههه

[ريهان هانى]

وعليكم السلام ملك

[MALAK2010]

ريهام:الف سلامه عليكى انا الحقيقه ماعنديش خلفيه على الموضوع دة بس انتى طالما بتابعى مع دكتور كويس ماتقلقيش توكلى على الله وربنا يكملك على خير

[dr.princess]

انا بتهيألى هى المفروض مش تقلق من الرضااعة لالالا المفروض تقلق على غرز القيصرى اللى فاتت هى قالت انها فتحتها علشان موضوع اللولب ده فممكن تكون بقت ضعيفة ربنا يكملها على خير

[somia]

ريهان كان نفسي افيدك بس انا معرفشي الفايرس ده ايه ..ربنا يثبتلك حملك ويتمملك على خير

[dr.princess]

ملك ازيك وحشتينى اخبار مزاجك ايه دلوقتى
ماما وسمية بيقولوا الجو ثلج عندكم طيب ماتبعتولى شوية

[MALAK2010]

سميه:ياريت تجينى انتى تنورينى والله لى لى بتسلم عليكى كتييييييييييييير

[ريهان هانى]

انا ريهان 24 س متزوجة من سنتين واول سنة واول شهر جواز كنت حامل وما كملت والدكاترة قالو لي مجهود وبعدين السنة التانية حملت وفضل الحمل لحد شهر عشرة النة اللي فاتت بس برضو ما كملت في السادس البيبي توفي ربنا ما يوري حد بعد عملت تحليل فيروسات لاقيت عندي فيروسين igg تكسوبلازما وcmvعايزة واحدة تطمني

[Om Rodina]

ملوووووووووكة حبيبتى اخبارك ايه وعاملة ايه ونونتك حبيبتك اخبارها ايه وحشتينى خالص والله انا بخير ورودى كمان بخير وبتسلم عليكى كتير

[somia]

والله يا لولو الموضوع متربس معاها من كل ناحية هيه ساعات بتحس ان العملية دي كانها عاملاها امبارح بس هيه نفسها ربنا يكرمها وترضع وخايفة قوي لانها كانت بتصوت وتعيط من كثر الام الرضاعة مع لولو..

[Om Rodina]

اهلا بيكى يا ريهان معانا وربنا يشفيكى يارب ياحبيبتى بس طالما بتابعى مع دكتور يبقى كويس وربنا يسلملك جنينك يارب ويعافيكى

[ريهان هانى]

يا سيدات حد بيفيدني بمعلومات انا الان حامل في الشهر الاول بس خايفة جدا وكل ساعة بموت من الرعب عالبيبي

[somia]

بقولك يا لوكة كنت عايزة اسالك على ثلاثي الابعاد .. هوه بيتعمل ازاي .؟؟؟ زي السونار العادي ولا ايه النظام؟؟؟

[ريهان هانى]

الله يخليكي ام دانا بس عايزة واحدة تكون مرت بتجربتي او حتي تعرف حد عندها جاب بيبي وكان في فيروسات البيبي عدي منها

[dr.princess]

ريهان فيروس ال toxoplasmosis عادى بيتاخدله دواء اما التانى مش عارفة والله

[MALAK2010]

لولو:ازيك ياجميل عامله ايه وميدو عامل معاكى ايه

[Om Rodina]

ريهان حبيبتى حاولى تدخلى ع النت وتشوفى عن الفيرسين دول وايه مخاطرهم وان شاء الله ربنا يطمنك ومايكون فيه شئ وحش وربنا يحفظلك جنينك يارب

[ريهان هانى]

سوميه ثلاثي الابعاد جهاز متطور زي السونار بالظبظ بي ملون

[ريهان هانى]

يا ام دانا النت خربلي دماغي وفي معلومات غير موثوقة تعرفي انتي موقع مميز متتخصص في فيروسات igg

[MALAK2010]

سميه:السونار الثلاثى زى العادى بس قالولى اشربى ميه كتير قبل ماتيجى
وفرصه ان شاء الله تتاكدى من نوع النونو

[somia]

يعني هوه انا برضه هاضطر اعري بطني وكده برضه ولا ايه؟؟؟
ريهان انتي عملتيه قبل كده في مصر فين وبكام؟؟؟

[ريهان هانى]

اشوفكم بخير شكلي تقيله عليكم سلام

[ريهان هانى]

سومية عملته في حلوان عند دكتور كبير ب 350 ج قبل كدا

[somia]

لوكة في مصر هنا ب200 جنيه وعشان اخد السي دي 225 ..
هوه انتي بينلك النوع ساعتها وبتشوفي شكل البيبي وكده انا فاكرة انك قلتي انك مشوفتيش حاجة برضه .. تمام كده؟؟؟

[somia]

لا والله يا ريهان ما تقيلة ولا حاجة بس احنا للاسف الشديد معلوماتنا على قدنا شوية عشان كده مش عارفيين نفيدك ..
خلكي معانا

[ريهان هانى]

سومية انصحك مش تعمليه اصلا الا اذا الدكتور طلب منك دا علشان ثلاثي الابعاد بيكون فيه اشاعات مركزة

[Om Rodina]

لا ياريهان ياحبيبتى مش تقولى كده بس انت حاولى ماتشغليش بالك بكل الكلام اللى ع النت وطالما بتابعى مع دكتورك وبيطمنك يبقى افضل تسمعى بس له وان شاء الله ربنا يعافيكى منه ويسلملك الجنين يارب

[MALAK2010]

ريهام ليه بتقولى تقيله انتى طالما دخلتى معانا بتبقى اختنا

[somia]

يا جماعة الفساتين ده جابتلي احباط فحبيت افرجكم معايا ...فين ايام الرشاقة .. اهئ اهئ اهئ

http://files2.fatakat.com/2011/3/12999536457997.jpg

[ريهان هانى]

شكرا ام دانا بس ربنا قادر علي كل شي انا بس كنت عايزة اسال لو في واحدة مرت بتجربتي تفيدني شويه مش اكتر

[dr.princess]

ريهان على فكرة انا رديت عليكى طولى بالك علينا شوية

[Om Rodina]

ملوكة اخبارك ايه وعامله ايه والنونة العسولة عامله ايه

[somia]

ريهان يعني ايه اشعة مركزة .. أنا الدكتورة طلبته مني وقالتلي نعمله عشان نطمن انه لا قدر الله مفيش تشوهات في الجنين وبالمرة نشوف النوع ..
هوه خطر على الجنين؟؟؟؟؟؟؟؟؟؟؟؟؟؟؟؟

[MALAK2010]

انا عملته يا سميه وانا فى نص الخامس وقالتلى صغير مش باين بس انتى الوقتى ماشاء الله فى السابع يعنى الفرصه اكبر

[somia]

http://forum.hwaml.com/imgcache2/hwaml.com_1299956254_667.jpg (http://forums.fatakat.com/thread1313721)

[Om Rodina]

طيب ياريهان ياحبيبتى مش انت بتابعى مع دكتور علشان تتعالجى منه حاولى تساليه ايه خطورته ع الجنين وعليكى وربنا يارب يتم شفاكى على خير وان شاء الله مش يكون حاجة وحشة وربنا يعافيكى منها علطول

[somia]

http://files2.fatakat.com/2011/3/12999537509637.jpg (http://forums.fatakat.com/thread1313721)

[Om Rodina]

سمسمة انت كده بصراحة غاوية تعقيد ياحبيبتى ماتقلقى كلها شهور بسيطة وتعودى كما كنت من قبل باذن الله ههههههه

[somia]

ربنا يسترها يا لوكة لحسن كلام ريهان قلقني بس كنت عايزة اعرف هوه احنا بنعري بطننا وكده برضه ولا ايه ..
ريهان انتي عملتيه قبل كده وكان فين وبكام لحسن انا محتاسة قوي

[MALAK2010]

ماعتقدش ان فيه خطورة لانهم بيعملوه عادى ومن غير مبرر

[somia]

روفي غصب عني والله بس الفساتين وهمتني بس الواحد لو لبسها الفساتين هتتفرتك منه وهتطلع تجري وتشتكي باعلى صوت ..هههههههههههههههههه


http://forum.hwaml.com/imgcache2/hwaml.com_1299956556_636.jpg (http://forums.fatakat.com/thread1313721)

[MALAK2010]

ايوا بيبقى الكشف من على البطن بس بياخده وقت شويه مش زى السونار العدى

[somia]

http://files2.fatakat.com/2011/3/12999538484692.jpg (http://forums.fatakat.com/thread1313721)

[somia]

http://forum.hwaml.com/imgcache2/hwaml.com_1299956722_578.jpg (http://forums.fatakat.com/thread1313721)

[Om Rodina]

ياحبيبتى ان شاء الله ربنا يقومنا كده بالسلامة ونرجع تانى زى الاول وبعدين ابقى البسى اللى عاوزاه فيه امل برده ان شاء الله احنا مش هانفضل كده علطول دا حتى يبقى حرام الواحد نفسه يغمض ويفتح يلاقى النونة جت بالسلامة ورجعنا كده زى الاول الحرية حلوة برده والله ههههههه

[MALAK2010]

سميه :ريهام كانت ردت على سؤال فين وبكام فى الصفح اللى فاتت

[somia]

يعني طبعا واحدة ست اللي لازم تعمله .. ربنا يسهلها المشكلة اللي فيه ست ده في منطقة هسسسسسسسسسسسسسس تماما والواحد خايف يروحله في الوضع اللي احنا فيه ده .. ربنا يسترها .. بقولك صحيح ابتديتي تتابعي مع دكتورة كويسة عندك ؟؟؟
ريهان انتي عملتي ثلاثي الابعاد ده ؟؟؟

[somia]

يا حالولي وانا طبعا مخدتش بالي .. جاري الرجوع للصفحات الخلفية..ههههههههههههه

[dr.princess]

كرهت نفسى مش عارفة الموقع اللى تقيل ولا النت وحش الصفحة بتتفتح بطلوع الروح

[somia]

يا جماعة ما حد يقولي رايه في الفساتين .. اكمل ولا بلاش مش عاجباكم .. اهئ اهئ اهئ

[somia]

معلشي يا لولو فعلا الموقع ساعات بيبقى تقيل بغباء

[Om Rodina]

الموقع كمان احيانا بيبقى مش مظبوط حتى لو النت بيبقى كويس ممكن يبقى ضفط على السيرفر الخاص بيه يالولو ماتزهقى نفسك

[MALAK2010]

انا عاجبنى الاصفر القصير ابو حزام اسود ولو كان احمر يبقى صاروخ

[somia]

سومية عملته في حلوان عند دكتور كبير ب 350 ج قبل كدا
ريهان فين في حلوان واللي عملتهولك ست ولا راجل؟؟؟
معلشي انا لسة واخده بالي من الرد الفساتين لحستلي دماغي خلاص ..هههههههههههه

[somia]

وانا ايضا الفستان ده وهم بس انا بعشق اللون الاصفر ده وزوجي بيكرهه ..ههههههههههه
طيب طالما محدش اتعرض نكمل ههههههههههههههههههه


http://forum.hwaml.com/imgcache2/hwaml.com_1299957281_518.jpg (http://forums.fatakat.com/thread1313721)

[somia]

http://forum.hwaml.com/imgcache2/hwaml.com_1299957402_610.jpg (http://forums.fatakat.com/thread1313721)

[Om Rodina]

ايه ياسمسمة الحلاوة دى بس كده وحش على نفسيتنا وخصوصا اليومين دول ههههههههه

[somia]

http://forum.hwaml.com/imgcache2/hwaml.com_1299957460_682.jpg (http://forums.fatakat.com/thread1313721)

[somia]

http://forum.hwaml.com/imgcache2/hwaml.com_1299957540_929.jpg (http://forums.fatakat.com/thread1313855)

[MALAK2010]

انا خارجه يا بنات واشوفكم بكرة ان شاء الله فى نفس المعاد

[somia]

ما انا بقول كده وبعدين برجع اقول عشان تبقى عندنا الشجاعة والاصرار اننا نخس بعدالولادة .ههههههههههههه
لوكة رايحة فييييييييييييييييييييين؟؟؟ يا بنتي انتي ملحقتيش تقعدي اصلا

[somia]

http://forum.hwaml.com/imgcache2/hwaml.com_1299957713_839.jpg (http://forums.fatakat.com/thread1313855)

[MALAK2010]

معلش يا سمسم اصل القعده متعبه اووووووووووووووووى لانه كمبيوتر مش لاب توب والكرسى وجعلى بطنى وضهرى
وماما كمان سيباها لوحدها بقالها فترة
هدخل بكرة ان شاء الله فى نفس المعاد

[somia]

http://files2.fatakat.com/2011/3/12999540723387.jpg (http://forums.fatakat.com/thread1313721)

[somia]

مفيش مشكلة يا لوكة روحي ريحي جسمك واقعدي مع مامتك ... بس نا احتمال كبير مبقاش موجوده بكرة لاني راحة لاختي

[somia]

لولو رفيدة انتوا رحتوا فييييييييييييييييييييييييين؟؟؟

[Om Rodina]

ملوكة حبيبتى قومى ريحى جسمك بس ابقى ادخلى علشان نطمن عليكى

[Om Rodina]

انا معاكى ياسمسمة بصراحة انتى حاطة شوية فساتين انما ايه تعقيييييييييييييييد محترم ههههههههههههه

[somia]

والله يا رفيدة انا نفسي اتعقدت على الاخر

[somia]

روفي انتي قلتي اخر معادك اخر الشهر ده ان شاء الله .. تمام كده..؟؟
لولو رحتي فييييييييييييييييين؟؟؟

[Om Rodina]

يالا ربنا معانا ويهون علينا ويقومنا بالسلامة يارب ياسمسمة

[somia]

روفي معلشي هاضطر اطلع انا كمان لحسن خلااااااااااص عيني قفلت وهاحاول ادخل لوقلقت بالليل ابقي سلميلي على الجميع اما يدخلوا وخصوصا صغار التجمع .. احمد وعمر ولوجي ونوران

[Om Rodina]

ايوا ياحبيبتى ان شاء الله بس هاروح للدكتورة يوم 20/3 ان شاء الله علشان تحدد اذا كانت قيصرى ولا طبيعى ربنا يسهلها من عنده باذن الله

[somia]

السلام عليكم ورحمة الله وبركاته

[Om Rodina]

ماشى ياحبيبتى اتفضلى وتصبحى على خير ياجميل وان شاء الله يوصل
نوما هنيئا واحلام سعيدة

[توتة السيد]

ايه ياخواتي العسل ده فساتين تجنن ياسومة مساء السكر عليكم

[توتة السيد]

ايه ده ياسومة انا حظي كده علي طول اهئ

روفي الجميلة عاملة ايه ياقلبي ورودينا اخبارها ايه

[توتة السيد]

ايه ده كلكم مشيتوا ولا ايه اهئ اهئ اهئ

[أم نورين2012]

مساء الخير

[أم نورين2012]

hwaml12hwaml17hwaml03

[توتة السيد]

مساؤك سكر ياقمر اخيرا دخلتي عاملة ايه ياميري وحشتيني

[أم نورين2012]

أنتي كمان وحشتيني ياقمر أخبار العكروته الزغننه إيه وحشتي موتhwaml13

[أم نورين2012]

أنتي بدأتي تجهزي في ورق السفر ولا لسه

[توتة السيد]

الحمد لله ياقلبي بخير وبتبوس خالتو ميري بوسة كبيييييييييييييرة

[أم نورين2012]

أنتي بدأتي تجهزي في ورق السفر ولا لسه

[توتة السيد]

أنتي بدأتي تجهزي في ورق السفر ولا لسه

اه ياقلبي الحمد لله بدأت ادعيلي بقي بالتساهيل

[أم نورين2012]

يسلملي اللبيبوس خالتو ياناس البوسه بتعتها ماشاء الله طعمه
ها أقوليلي إيه أخبار هل جد في الأمور جديد

[أم نورين2012]

أن شاء الله ربنا معاكي ويسهلك أمرك وتخلصي بسرعه ورقك وورق الننوسه

[Om Rodina]

السلام عليكم ورحمة الله وبركاته
توتة حبيبتى اخبارك ايه واخبار نور حبيبة خالتها ايه
ميرى حبيبتى اخبارك ايه وعامله ايه

[أم نورين2012]

أنا الحمد لله تمام أنتي بقي عامله إيه ياروفي وأخبار رودي إيه أن شاء الله تكون كويسه

[Om Rodina]

الحمد لله بخير يادودو ياحبيبتى ورودى كمان بخير وبتسلم عليكى كتير خالص وبتبوس خالتو الصغنونة كمان

[توتة السيد]

معلش ياقمر بتاخر في الرد النت اخر رخامة

تسلمي حبيبتي يارب اخبار من حيث ايه ياعسل

[Om Rodina]

توتة حبيبتى اخبارك ايه واخبار نور حبيبة خالتها ايه

[توتة السيد]

روفي ياقمر عاملة ايه ورودينا اخبارها ايه

مافيش اي علامة كده تبين قرب وصول القمر

احنا بخير حبيبتي ربنا يخليكي

[توتة السيد]

رانيا مادخلتش تاني يابنات انا قلقانة عليها قوي ربنا يطمنا عليها

[توتة السيد]

ميري انت خرجتي ولا ايه

[dr.princess]

انا جيت بس النت زبالة فلو اتأخرت فى الرد ماتقلقوش

[توتة السيد]

رحتوا فيييييييييييييييييين

[توتة السيد]

ازيك يالولو ياقمر عاملة ايه خف الاسهال شوية

في الهوا سوي النت اخر رخامة انهاردة مش فاهمة ليه

[توتة السيد]

حتي ميري ورفيده اختفوا ايذفجأتن وحشتنا والله وعايزين نطمن عليها

[توتة السيد]

طيب انا هقوم اجيب كوب من الحليب لحد ماتردي

[dr.princess]

بطنى والاسهال تاعبنى اصلى امبارح كنت لبسة خفيف اوى وفضلت فاتحة البلكونة طول الليل وكان فى شوية هوا فى التمام فطبعا خدت برد محترم فى معدتى

[أم نورين2012]

سلامتك يالولي ألف سلامه أبقي تقلي من تحت عشان شكلك حساسه أوي أن شاء الله بقيتي أحسن

[توتة السيد]

بطنى والاسهال تاعبنى اصلى امبارح كنت لبسة خفيف اوى وفضلت فاتحة البلكونة طول الليل وكان فى شوية هوا فى التمام فطبعا خدت برد محترم فى معدتى



ليه كده ياقلبي خدي باللك من نفسك الف سلامة عليكي

لو عندك قهوة اعملي كوباية قهوة وعصري عليها ليمون يضيع الاسهال خالص

[توتة السيد]

كنت فين يابت الله هجيب العصاية بعد كده

[dr.princess]

على فكرة رانيا بعتتلى تسألنى على مضاد حيوى اخدته امبارح بتقول كان عندها سخونية وبعدين بعد شوية جاتلها رعشة جامدة وضيق فى التنفس المهم بتقول انها الحمدلله السخونية نزلت شوية
ده اللى انا عرفته عنها وحبيت اطمنكم بس بتقول انها مراحتش تكشف تانى من يومها ربنا يطمنا عليها يارب

[توتة السيد]

انا كمان عندي صداع نصفي هيموتني ومش عارفة انااااااااااااام

وكل اسناني وجعاني اه ياني

[أم نورين2012]

لأ خلاص حرمت ياماما نوديhwaml17

[توتة السيد]

الف سلامة عليها طيب ليه ماراحتش تكشف ليكون تسمم حمل العراض اللي بتقولها تتابق

ربنا يسترها معاها ويطمنا عليها ياااااااااارب

[توتة السيد]

لأ خلاص حرمت ياماما نوديhttp://forum.hwaml.com/images/smilies/TR%20(11).gif

ايوة كده نبقي حلوين نسمع الكلام ونشرب اللبن ونروح المدرسة هههههههههههه

[أم نورين2012]

ألف سلامه عليكي ياتوته
ألف سلامه علي رانيا أن شاء الله تكون أتحسنت وتتدخل تطمنا عليها يارتني أخد رقمها كنت كلمتها

[رنا خالد]

السلام عليكم ورحمة الله وبركاته
عاملين ايه ياكتاكيت زعلتوني والله لما عرفت ان رانيا تعبانه
دي بتعمل روح دعابه جامده لما بتبقي موجوده افتقدناها امبارح في سهرتنا
يارب تدخل بقي النهارده

[أم نورين2012]

أه يابنات فيه حاجه غريبه حصلتليhwaml03

[رنا خالد]

سلامتك ياتوته الف مليون سلامه اشربي لبن ياتوته لأن كده شكل الكالسيوم عندك ناقص ومع الرضاعه نقص اكتر

[توتة السيد]

الله يسلمك ياميري ياقمر تعيشي

[توتة السيد]

ام لوجييييييييييي القمر وعليكي السلام عاملة ايه حبيبتي

وعاملة ايه لوجي

[توتة السيد]

حصلك ايه ياميري خييييييييييير يارب

[رنا خالد]

وحشتيني اووووووووي ياتوته انتي ونور والله وبجد بتسلم عليكي لوجي

[أم نورين2012]

رنا أم لوجي منور ياجميل علي الساحه
والله عندك حق يارنا أنا رانيا وحشتني خالص ونفسي أطمن عليها عشان قلقه عليها أوي

[توتة السيد]

سلامتك ياتوته الف مليون سلامه اشربي لبن ياتوته لأن كده شكل الكالسيوم عندك ناقص ومع الرضاعه نقص اكتر

الله يسلم قلبك ياغالية تسلميلي اظاهر كده فعلا لاني حاسة عضمي كله وجعني قوي

اديني بقيت اواظب اشرب لبن بس قوليلي عندي حبوب كالسيوم من اللي كنت باخدها وانا حامل ينفع اخدها دلوقتي هي والحديد

[توتة السيد]

وحشتيني اووووووووي ياتوته انتي ونور والله وبجد بتسلم عليكي لوجي

انت اكتررررررر حبيبتي والله يارب تسلم وتعيش ويخليهالك ياااارب بوسيهالي بوية كبييييييييرة

[أم نورين2012]

واحده أسمها غريب كدا وشكلها لسه مشتركه جديد في المنتدي المهم بعتالي موقع منتدي أسمه أنتي أجمل عشان أشترك فيها والله معرفت أعمل إيه

[أم نورين2012]

hwaml4يابنات رحتي فين

[أم نورين2012]

يقطع النت علي النتيت علي الجابو أبو علي الجابو أمو كمان أهاhwaml15

[توتة السيد]

يقطع النت علي النتيت علي الجابو أبو علي الجابو أمو كمان أهاhttp://forum.hwaml.com/images/smilies/TR%20(8).gif

هههههههههههههههههههههههه

صلي علي النبي مش كده معلش ياقمر كنت برضع نور

هو النت انهارده في حاجة غلط رخم وتقيل

[dr.princess]

يخرب بيت ده موقع انا كرهته هو وفتكات بطيئين النهاردة بشكل يفقع

[توتة السيد]

عادي ياميري اللي بعتتلك الموقع اكيد مشتركة فيه وبتعمله دعاية علشان تشتركي فيه

مافيش مشكلة وده حسب راحتك تشتركي او لا

[رنا خالد]

كنت برضع فتكات وجيت
كنا بنقول ايه بقي

[توتة السيد]

يخرب بيت ده موقع انا كرهته هو وفتكات بطيئين النهاردة بشكل يفقع


مع الكل والله يالولو مش عارفة ليه كده

[توتة السيد]

كنت برضع فتكات وجيت
كنا بنقول ايه بقي

ههههههههههه صحة وهنا يارب يعني صاحية زي صحبتها

كنا بنقول ارجعي ورا صفحة وقري بقي هههههههههههه

[Om Rodina]

انا رجعت تانى الحمد لله انا مش هاظلم النت عندى هو كويس بس كنت باكلم زوجى
اخباركم ايه كلكم ياحبايبى وعاملين ايه

[somia]

السلام عليكم ورحمة الله وبركاته

[somia]

ازيكوا يا جماعة الخير عاملين ايييييييييييييه؟؟؟

[رنا خالد]

هههههههههه قريت اللي فاتني
فاكره ياتوته لما كانت دودي تذاكر كل الصفح اللي فاتت وعبال ماتخلصهم تيجي تكلمنا نكون احنا مشينا هههههههه وانتي تقوللها بلاش مذاكره يادودي وهي برضه مصره

[Om Rodina]

رنا حبيبتى اخبارك ايه واخبارلوجى ايه
الف سلامة عليكى يارانيا وربنا يطمنا عليها يارب

[Om Rodina]

صح النوم ياسمسمة
وعليكم السلام ورحمة الله وبركاته

[رنا خالد]

ام رودي وام ايوشه كمان هنا دي القاعه هاتحلو يامعلم اتنين شيشه بقي وهانتسلطن للصبح
http://forum.hwaml.com/imgcache2/hwaml.com_1299969915_190.jpg

[رنا خالد]

لولو فين اختفت فجأتن زي مارانيا بتقول

[توتة السيد]

ايوة كده تعالوا

رفيدة ياجميلة ربنا يجمهك بزوجي علي خير ياقلبي

سومة وعليكي السلاام قلقتي في النوم برضه الف مبروك لايمي

ربنا يكملها علي خير بركالها لحد ماتدخل وابارك لها بنفسي

[somia]

ازيك يا توتة ويا رنا ويا رفيدة ويا لولو ويا ميري ... حد تاني موجود؟؟؟
وازي الكتاكيت الصغنين عاملين ايييييييييييه؟؟؟

[Om Rodina]

توتة حبيبتى بما انك جربتى الحمد لله الولادة وقمتى بالسلامة وانت بتسالينى فيه علامات للولادة تبشر بقرب مجئ الننوسة طيب عرفينى ايه اكتر علامة ممكن تظهر او تبقى واضحة اكتر طمنينى الله يكرمك يارب

[Om Rodina]

الله يكرمك يارب ياتوتة ويوصلك بالسلامة ونور لباباكم يارب اللهم امين

[توتة السيد]

اسفة ياروفيده الصداع عامل عمايلة ربنا يجمعك بزوجك علي خير

[رنا خالد]

بصوا هاعمل بس سندوتشين لحمه علي الماشي كده اصبر نفسي بيهم
خمس دقايق وجايه اوعوا تتسربوا واحده ورا التانيه

[somia]

الله يبارك فيكي يا توتة ..
والله يا جماعة انا قلت من النوم على الحمام طبعا وبطني الاهي ما يكتب على حد اللي فيها وشكلي كده خدت دور برد شغالة عطس وفوق ده كله طبعا ... جعااااااااااااااااااااانة

[dr.princess]

اانا هنا يا رنا بس من ناحية بطبخ ومن الناحية التانية الموقع بطىء جدا

[توتة السيد]

هههههههههه قريت اللي فاتني
فاكره ياتوته لما كانت دودي تذاكر كل الصفح اللي فاتت وعبال ماتخلصهم تيجي تكلمنا نكون احنا مشينا هههههههه وانتي تقوللها بلاش مذاكره يادودي وهي برضه مصره


ههههههههههههههههههه طيب في سؤال كان مطروح من قبلي ردي عليه بقي يارنا

ههههههههههههههه اكيد فاكرة كان اصرار غريب يابنتي طيب كلمينا ودي ابدا

ايام حلوة والله

[Om Rodina]

لا ياتوتة ياحبيبتى سلامتك شفاكى الله وعافاكى ربنا يعافيكى ياارب

[somia]

مستنيينك يا ام لوجي..
روفي بلاش توتة في الموضوع ده لحسن نور المكان جوه كان عاجبها قويييييييييييي

[Om Rodina]

بالهنا والشفا يارب يارنا واحنا مستنينك اهو مش هانمشى

[رنا خالد]

انا جيت بسرعه

[توتة السيد]

توتة حبيبتى بما انك جربتى الحمد لله الولادة وقمتى بالسلامة وانت بتسالينى فيه علامات للولادة تبشر بقرب مجئ الننوسة طيب عرفينى ايه اكتر علامة ممكن تظهر او تبقى واضحة اكتر طمنينى الله يكرمك يارب



شوفي ياروفي ياقمر انا لحد اليوم اللي قبل الولاده كانت مافيش اعراض تذكر

يعني الم خفيف يروح ويجي بطني نزلت لتحت خالص وتقل اسفل البطن

دي علامات يعني ممكن نقول انه قربت الولاده بس العلامة الفعلية للوولاده

كانت افرازات بني كده نزلت تاني يوم ولدت علي طوووووووووووووول

[Om Rodina]

والله ياسمسمة انا قصدى اللى سبقونا وقاموا بالسلامة يعنى يطمنونا لانى بجد والله خايفة اوى وكل ماافكر فى الموضوع ده اعصابى بتتعب فربنا يسهلها علينا يارب وخصوصا كمان ان زوجى مسافر ومش هايبقى معايا ودى لوحدها اكتر حاجة مأثرة على نفسيتى

[توتة السيد]

الله يسلمك ويعافيكي ياروفي ياقمر

روفي بلاش توتة في الموضوع ده لحسن نور المكان جوه كان عاجبها قويييييييييييي

هههههههههههههههههههه فاكرة كانت مبلطة في الخط علي الاخر لما كنت هتجن

بس هي البنات كده بتحب تبلط في الخط حضري نفسك بقي لو كانت بنوتة ههههههههههههه

[Om Rodina]

توتة انافعلا بدأت من بداية التاسع كده يجيلى الالام احيانا تبقى خفيفة واحيانا تبقى شديدة زى الالام البريود كده ومن يومين كده بدات احس ان بطنى كبرت لقدام كده ونزلت لتحت وفيه عندى تقل فظيع فى رجلى واسفل بطنى كده لدرجة بتخلينى مش باقدر اقف او امشى منها
مش عارفة بقا ده معناه ايه

[رنا خالد]

والله يارفيده ماتخافي بجد الولاده ساعه منسيه اه شوية تعب بس صبري نفسك انك هاتقومي تلاقي جنبك احلي حاجه في الدنيا انا ماجربتش الطبيعي بس اعرف ناس كتير ولدوو وتعبوا بقس مش اوي وانا ولدت قيصري والحمد لله تعبت اول يومين وبعد كده كنت زي الفل خليها علي الله بس
وانتي هاتقومي وهاتدخلي تكلمينا طول الليل زي انا وتوته كده هههههه

[توتة السيد]

حد ياكل لحمة الساعة 1 بالليل ايه ده بس هنعمل ايه الاكل في اي وقت للي في حالاتنا

[رنا خالد]

سوميه جعانه اقوم اعملك سندوتش لحمه معايا
انا عملت واحد تالت طفاسه بقي
اعملك انتي بقي الرابع

[somia]

يا جماعة انا هاكل بليلة سخنة كده وزي العسل حد ىيحب ياكل معايا؟؟؟

[رنا خالد]

يابنتي انا ساعات باكل حواوشي بالليل وصنية بطاطس وساعات مكرونه بالباشميل اصل انا غدايه بعد 12 اتفضلي معايا ياتوته والا احدف لك حته لحمه في الهوا كده وتلقفيها

[توتة السيد]

توتة انافعلا بدأت من بداية التاسع كده يجيلى الالام احيانا تبقى خفيفة واحيانا تبقى شديدة زى الالام البريود كده ومن يومين كده بدات احس ان بطنى كبرت لقدام كده ونزلت لتحت وفيه عندى تقل فظيع فى رجلى واسفل بطنى كده لدرجة بتخلينى مش باقدر اقف او امشى منها
مش عارفة بقا ده معناه ايه


تمام الالم ده عادي في الشهر التاسع ومادام حاسة اني

بطنك نزلت يبقي كويس البيبي نزل لوضع الولاده

والتقل ده برضه معناه انك قربتي ياجميل ربنا يقومك بالف سلامة

[somia]

لو شاورمة الحقيني بيه قبل البليلة ...هههههههههههههههه

[Om Rodina]

ربنا يطمنك يارب يارنون ويفرح قلبك بلوجى العسل وان شاء الله خير ربنا يعديها على خير باذن الله وبالهنا والشفا ياحبيبتى ربنا معاكى برده الرضاعة مش سهلة عليكى

[رنا خالد]

انااااااااااااا
الحقيني بيها ياسمسه الله يخليكي عشان احلي بيها بعد اللحمه

[somia]

بقولك يا رنا صحيح انتي خسيتي بعد الولادة زي توتة ولا الوضع عامل معاكي ايه؟؟
يلا خلي عندنا امل في الحياة ..هههههههههههه

[رنا خالد]

انا عملاها تشبه الشاورما مقطعه اللحمه مكعبات مش كبيره ومش صغننه ومشوحاها بقي كباب حله كده وفيها صوص بالفلفل الاخضر وعليها توابل بتاعة الطباخ في العلبه هههههههه
يعني حاجه تفرح القلب الحزين

[Om Rodina]

تمام الالم ده عادي في الشهر التاسع ومادام حاسة اني

بطنك نزلت يبقي كويس البيبي نزل لوضع الولاده

والتقل ده برضه معناه انك قربتي ياجميل ربنا يقومك بالف سلامة


ربنا يخليكى ويسلمك يارب ياتوتة ويسلملك نور العسل من اى شر

[توتة السيد]

صحة والف هنا يارنا يالة احدفي انا فاتحة بقي اهو ههههههههه انا زيك الغدي بعد الساعة 2 وحياتك

[somia]

من عنيا يا رنا .. سلم واستلم .. هاتي السندويتشين اديكي طبق بليلة ..ههههههههههههههه

[dr.princess]

انا قررت اعمل نجرسكو النهاردة باذن الرحمن جهزت تقريبا كل حاجة بس قولولى انتوا بتعملوها ازاى منكم نستفيد

[توتة السيد]

عملاها تشبه الشاورما مقطعه اللحمه مكعبات مش كبيره ومش صغننه ومشوحاها بقي كباب حله كده وفيها صوص بالفلفل الاخضر وعليها توابل بتاعة الطباخ في العلبه هههههههه
يعني حاجه تفرح القلب الحزين

طيب احدفي بقي بالذوق بدل ماجي واستولي عليهم كلهم فتحتي نفسي يابنت

[رنا خالد]

يلا القفوا حتة اللحمه المقلبظه دي ماطره مايسري يمري
مره جيت اقول لجوزي مطرح مايسري يمري قولتله مطره مايسري يهري هههههههه
سمعتها في فيلم وعلقت معايا فجت فيه يلا احسن عشان يبطل يزعلني وينكد عليا

[somia]

رنا لال تهربي من الاجابة .. خسيتي بعد الولادة ولا لأ؟؟؟؟
يا جماعة كنت عايزة اسالكم سؤال محرج كده ...ممكن؟؟؟

[رنا خالد]

انا بعمل نجرسكوا بس بطريقتي انا مسخره والله يالولو

[dr.princess]

انا عمرى مادقت البليلة دى طعمها عامل ازاى

[توتة السيد]

يلا القفوا حتة اللحمه المقلبظه دي ماطره مايسري يمري
مره جيت اقول لجوزي مطرح مايسري يمري قولتله مطره مايسري يهري هههههههه
سمعتها في فيلم وعلقت معايا فجت فيه يلا احسن عشان يبطل يزعلني وينكد عليا


ماطرح ما يهري يهري " مسرحية العيال كبرت "

ياحيني جت في الراجل ليه بس مزعلك يارنا

[somia]

حتة ايه يا رنا انتي هتضحكي علينا ولا ايه ..
احم احم احم .. انا عايزة ساندويتشين محترمين كده بعد اذنك..
ههههههههههههههه

[dr.princess]

هههههههههههههه حرام عليكى يارنا

[توتة السيد]

يا جماعة كنت عايزة اسالكم سؤال محرج كده ...ممكن؟؟؟


اسألي ياسومة ياقمر من غير احراج

[رنا خالد]

بصي ياسميه انا اول ماتجوزت كنت 63 كيلو بعد شهرين من الجواز بقيت 65 ولما حملت وزنت نفسي قبل ماولد كنت 79 كيلو تخيلي زدت في الحمل جدا
ووزنت نفسي اليومين دول لقيت نفسي 73 كيلو لما جالي احباط والله
ومش بحاول اقلل اكلي خالص لأني بجوووووووووووع ياناس اعمل ايه اصوم ياعني
اصلي بحب الاكل زي عنيا والرضاعه بتجوعني جدا بس عندي امل ان الرضاعه تخسسني هاستني كام شهر كده لو خسيت اول ماخستش هاعمل دايت وامري لله
اسألي ياسميه احنا هنا موجودين عشان الاسئله المحرجه ياحبيبتي هههههه

[Om Rodina]

ايه يابنات فيه ايه انتوا هاتفتحوا نفسنا على الاكل على اخر الليل ليه بس كده ههههههههه

[dr.princess]

انا عملتها قبل كده كام مرة زمااااااان ومكنتش اعرف ان دى النيجرسكو
قولى يارنا مش هتبقى مسخرة اكتر من الطريقة اللى كنت بعملها بيها

[Om Rodina]

البليلة دى يالولو عبارة عن قمح بيبقى مسلوق ع النار كويس لغاية مايستوى وبعديت بيكون عندك لبن مغلى ومحلياه طبعا القمح بقا بتصفيه من ميه السليق بتاعته وتغسليه وتضيفى اللبن المغلى عليه وبيبقى طعمها جميل اوى ماشاء الله

[somia]

بجد يا لولو .. حد مصري ما اكلش بليلة ؟؟؟ طب دوقتي العاشورا؟؟؟

[somia]

يا جماعة معلشي يعني على الاحراج بس انا ساعات بيبقى عندي امساك وباجي احزق بخاف النونو ينزل معايا .. محدش يتريق ..ههههههههههه بس بجد والله ببقى خايفة لال الاقي النونو نازل .. هيه الحزقة ده غلط عليه ولا انا بيتهيألي بس؟؟؟

[somia]

لولو انا اصلا مااعرفشي النجرسكو ده عبارة عن ايه..

[Om Rodina]

ايوا ياسمسمة طبعا اياكى والامساك الدكتورة دايما تحذرنى منه ولما اعطتنى حبوب حديد وعملتلى امساك وقولتلها غيرتها ليا علطول وقالتلى اياكى والامساك ده مش مطلوب خالص فى الحمل علشان البيبى ولو عندك امساك حاولى تاكلى خس او جرجير يعنى اى خضروات ورقية وكمان تشربى لبن هايحوش الامساك باذن الله ياجميل

[رنا خالد]

بصي يالولو انا بسلق المكرونه وبعدين احطها في الطبق بيضا خالص وبعدين بقطع صدور الفراخ شرايح واقطع بصله اشوحها في زبده وبعدين بضيف لها طماطم متقطعه صغنن وفلفل اخضر واشوحهم مع بعض وبعدين انزل بالفراخ البانيه وشويه ميه وتوابل لحد مايستوي البانيه وبعدين بحطه علي وش المكرونه مع الصوص بتاعه بكتره اوي عشان يحل محل الصلصه الحمرا بس بصراحه طريقه فاشله ماعجبنيش طعمه مع انه عجبه جوزي جدا

[توتة السيد]

يا جماعة معلشي يعني على الاحراج بس انا ساعات بيبقى عندي امساك وباجي احزق بخاف النونو ينزل معايا .. محدش يتريق ..ههههههههههه بس بجد والله ببقى خايفة لال الاقي النونو نازل .. هيه الحزقة ده غلط عليه ولا انا بيتهيألي بس؟؟؟


ههههههههههههههه يالاحراج هو الامساك مش كويس لكن مش لدرجة ينزل البيبي

عادي ياقمر ما انا طول الحمل عندي امساك وكنت شغالة سوري يعني حزق علي طول ونوران كانت مبلطة اخر تمام ماتقلقيش ياجميلة

[dr.princess]

هى بس كده يا ام رودى
لالا ياسمية ولا اعرف العاشورا دى سمعت عنها بس

[توتة السيد]

انتي ياسمسمة اشربي لبن علي قد ماتقدري مليين هايل

[Om Rodina]

ممكن يكون خطورة الامساك فى انه مش ينزل البيبى بس ممكن علشان الضغط اللى بيبقى عليه وربنا يعافيكى يارب ياسمسمة

[dr.princess]

لالالا ياسمية الامساك مش حلو خالص فى الحمل ماما دايما تقولى اياكى والامساك حاولى تعرفى ايه اللى بيعملك امساك وابعدى عنه خااااااااااالص

[توتة السيد]

اسكتي ده انا ليا صولات وجوالات في الامساك ده خصوصا بعد الولاده

تقريبا ولدت ميت مرة بعد الولادة الاصلية والولاده كانت اسهل والله

[Om Rodina]

هى بس كده يا ام رودى
لالا ياسمية ولا اعرف العاشورا دى سمعت عنها بس

ايوا يالولو ياحبيبتى دى اسهل وجبة تعمليها وفى نفس الوقت بتبقى مغذية ووجبة متكاملة باذن الله