دردشة حوامل مصر - دردشة بنات مصر - تجمع حوامل مصر

[dr.princess]

كنت تقريبا ازيد منك دلوقتى بكام يوم

[somia]

أهه.. صحيح ابتديتي المعركة الشهرية للسويت ولا لسة .. انا المفروض ابتدي فيها النهاردة بس الطبيعي شايله همها قوييييييييييي خايفة ينزل دم زي المرة اللي فاتت

[somia]

لولو معلشي هاضطر اخرج لحسن بطني شدت عليا قوي

[dr.princess]

اه الحمدلله عملت تحت بالسويت من شوية علشان هكشف كمان كام يوم وجسمى بيلتهب اوى فيادوب على مايخف والباقى بقى بكمله بالبراون
انا كنت شايلة هم عمايلها اوى بس توكلت على الله وقلت شر لابد منه وخلصت

[somia]

السلام عليكم ورحمة الله وبركاته

[dr.princess]

ماشى ياحبيبتى ولا يهمك الف سلامة

[dr.princess]

وعليكم السلام ورحمة الله وبركاته

[توته السيد]

سلخير ياحلوات حد موجود ولا كله بره

[dr.princess]

توتة حمد الله على السلامة قلقنا عليكى فييييييييينك

[توته السيد]

الواحد بطل يذاكر هيذاكر اية ولا اية سيباكم في الصفحه 700باين رجعت لقيتكم في الالف ماشاء الله حكي حكي حكي ههههههههه

[توته السيد]

لولو حبي وحشتيني جدااااااا الله يسلمك حبيبتي معلش والله اصلي ماما وبابا جوه من الحج وكركبه الناس داخله طالعه تسلم مش فاضية انام حتي انت عامله اية والنونو اخباره اية

[dr.princess]

حمدالله على سلامتهم
انا الحمد لله كويسة انتى اخبارك ايه واخبار البنوتة

[توته السيد]

اخبار الكروشات اية سومه وملك ورنا وايوش وامل وسمر وياسمين وحمات بنتي الغالية سافرت ولا لسه واخبارهم كلهم اية

[توته السيد]

الله يسلمك حبيبتي انا الحمد لله بخير والكتكوته بخير الحمد لله

[dr.princess]

الحمدلله كلهم كويسين
دودى هتسافر يوم الخميس ان شاء الله بس غطسانة من اول امبارح مش باينة

[توته السيد]

انت وصلتي لشهر الكام يالولو

[ماما قلقانه]

السلام عليكم ورحمة الله وبركاته

[dr.princess]

انا فى اخر الرابع دلوقتى الحمدلله
انتى بقيتى فى الكام ؟؟؟؟

[توته السيد]

يارب دايما بخير الجميع يعني ماسفرتش لسه سبوها تغطس براحتها باقي كام يوم وتنزل خليها مع جوزها انا حاسه جدا بيها رغم انها عايزه تسافر بس لما هتحين اللحظه هتبقي صعب قوي

[ماما قلقانه]

الف مبروك يا بنات عدينا الصفحه رقم 1000

[توته السيد]

وعليكي السلام والرحمه ياقمر اخبارك اية واخبار النونو

[dr.princess]

ازيك يا سمر اخبارك ايه

[ماما قلقانه]

الف حمدلله على سلامة بابا وماما يا توته ربنا يتقبل منهم يا رب يا حبيبتى

[توته السيد]

ماشاء الله يالولو يعني خلاص داخله الخامس ع خير حبيبتي انا في اول التامن

[ماما قلقانه]

انا الحمد لله كويسه انتوا اخباركم ايه والكتاكيت الصغننه عاملين ايه

[ماما قلقانه]

اوعى تنسى تدعى للمنتدى كله يا لولو

[توته السيد]

الله يسلمك حبيبتي ربنا يخليك ويقومك بالف سلامه يارب منهم ومن الجميع ويوعدنا والجميع يارب بزياره بيته

[dr.princess]

توتة اه الحمدلله ربنا يكملك ويكملنا على خير ان شاء الله

[dr.princess]

على فكرة يا توتة ملك كانت بتسأل عليكى الصبح

[توته السيد]

احنا بخير حبيبتي والكتاكيت بخير الحمد لله

[dr.princess]

سمر ماتقلقيش ان شاء الله مش هنسى

[ماما قلقانه]

ربنا يطمنك ان شاء الله يا لولو .اكيد عندك فضول تعرفى ولد ولا بنت

[dr.princess]

اه والله نفسى اعرف ولد ولا بنت بس جوزى مش عايز

[توته السيد]

آمييين حبيبتي لولو انت رايحه تعملي عمره ولا اية بيقولولك ادعيلنا ملك حبي وحشتني جدا سألت عليها العافية يارب عامله اية هي

[ماما قلقانه]

هو اكيد مش هيفرق كل اللى يجيبه ربنا كويس بس الواحده بيبقى نفسها تعرف جواها ايه.ربنا يديكى ويدينا اللى نفسنا فيه يارب.ويكونوا سالمين معافين اللهم امين

[ماما قلقانه]

ميعلد ولادتك امتى ان شاء الله يا توته

[dr.princess]

لا مش رايحة عمرة ولا حاجة بس سمية من شوية كانت بتقولى من شوية ادعيلها فى المسجد النبوى

[MALAK2010]

انا جيييييييييييييييت

[توته السيد]

جوزك بيدخل معاكي عند الدكتوره لو مابيدخلش اسألي انتي الدكتوره عن الجنس مافهاش حاجه

[dr.princess]

عندك حق والله ياسمر الواحد عايز يعرف جواه ايه هى دى الفكرة بس مش حاجة تانية واللى يجى من ربنا خيييير

[dr.princess]

توتة على حسب الزحمة عند الدكتورة لو زحمة اوى مش بيدخل ولو فاضية بيدخل
ربنا يسهل ساعتها بقى

[dr.princess]

ملك نورتى البيت اهلا اهلا

[MALAK2010]

مين توتة وسمر ولول دى القعدة هتبقى حلو بقا ههههههههههه

[dr.princess]

هى الناس راحت فين يا ملك انتى حسدتيهم ولا ايه هههههههههههههههه

[ماما قلقانه]

ازيك يا ملك عامله ايه يا حبيبتى واخبار النونو ايه

[MALAK2010]

انا لسة بقول يا هادى وراحة اتكلم ملاقيش حد اهئ اهئ

[توته السيد]

معلش النت فصل
سمر انا موعد الولاده بتاع الدكتوره 2/2
لولو ربنا يديكي حبيبتي عمره وحج وكل ماتتمني
ملوكه حياتي وحشتيني عامله اية حبيبتي

[MALAK2010]

الحمد لله يا سمر
هو انا لو رحت للدكتورة الايام دى هشوف النونو ان شاء الله فى السونار اوضح ولا برضة هيبقى مش مفهوم

[MALAK2010]

توتة :حمد الله على سلامة باباكى ومامتك

[توته السيد]

ههههههههه انا هنا ياملوكه

[dr.princess]

توتة ياااااااااااااارب اللهم امين انا وانتم يااارب

[MALAK2010]

توتة احكيلى على اللقاء الحار بينك وبين مامتك او ماشوفتيها

[توته السيد]

الله يسلمك حبيبتي ملوكه

[MALAK2010]

قلوليى السونار بيقى واضح اليومين دول ولا بردة مش هفهم حاجة وجوزى هيزعل منى

[ماما قلقانه]

اطمنى يا ملك السونار ان شاء الله بيكون واضح جدا

[توته السيد]

اسكتي ياملوكه استقبلتهم بمب العيد كنت مخليه شوية ضربتهم احتفالا وطبعا ماقولكيش بالاحضان والقبلات ياه والدموع طبعا

[dr.princess]

ملك انا فى وقتك كده شفت شبح فى السونار ههههههههههههههه بس نسبيا اوضح من قبل كده

[ماما قلقانه]

انا رحت من اسبوعين وكان واضح وورانى كل بيبى لوحده وقالى كده 10 شهور ربنا يكملى ويكملكم على خير يارب

[توته السيد]

وبابا كمان ياه كنت مشتقالهم قوي

[ماما قلقانه]

اسفه يا بنات 10 اسابيع ههههههههههههههههه

[ماما قلقانه]

ربنا يخليهم لك يارب يا توته

[توته السيد]

سمر 10شهور حته واحده هههههههه ماشاء الله انتي حامل في تؤام ياحبي ربنا يجبهملك بالف خير

[MALAK2010]

ربنا يطمنكم اصل المرة اللى فاتت ماكنتش فاهمة ولا شايفة حاجة فى السونار وجوزى مادخلش معايا ولما خرجت قعد يقولى اوصفيلى شفت اية قلتلة ماشوفتش حاجة زعل منى

توتة:بمب حرام عليكى ههههههههههههههههه

سمر :ربنا يكملك يا جميل على خير بس يعنى اية 10 شهور

[MALAK2010]

اااااااااااااااه
عشر اسابيع انا برضة قلت اية 10 شهور دى ههههههههههههه

[dr.princess]

بنات هسيبكم شوية هروح اطبخ ولما اخلص هرجعلكم ان شاء الله

[توته السيد]

تسلمي ياسمر يارب ويقومك بالف سلامه

[MALAK2010]

بقولكم هو التورلى دة حلو اصل ماجربتوش قبل كدة وبفكر اعملة لانى مش بحب اللحمة المسلوقة وجوزى كمان بقى مش بيحب ياكلها فبقول اجرب الاكلة دى جايز تتاكل
هى حلو ولا اية

[MALAK2010]

ماشى يالولو وبالهنا مقدما

[توته السيد]

اه والله ياملوكه بمب وصواريخ كمان ههههههههه

[dr.princess]

ملك لما اخلص طبخ هقولك الطريقة اللى بعمل بيها التورللى وبيطلع حلو اوى اوى جوزى لسه طالبه منى امبارح وغالبا هعمله بكره لو لينا عمر

[توته السيد]

التورلي وت ذا مييننج اف تورلي اول مره اسمع عنه ازاي ده ياملك
لولو بالف هنا وصحه حبيبتي

[MALAK2010]

عارفة يا توتة
دودى بيقولها شكلك فرحان انك نازلة مصر ومش زعلانة انك هتسبينى فبتقول انها من النوع اللى مش بيحس بالموضوع الا بعدها يعنى ممكن تعيط فى الطيارة

بقول لجوزى عليها قالى اه انا كمان من النوع دة مش هيبان انى متاثر الا بعد ما انا امشى قلتلة ابداااااااااا لو ماشفتش دموع منهمرة مش همشى ههههههههههههه

[MALAK2010]

التورلى دى حاجات على بعضها بطاطس وجزر وكوسة وفى ناس بيحطوا باذنجان ولحمة

[توته السيد]

هههههههههههههههه احب ما عليه انك ماتمشيش زي جوزي بيقولي نفسك في حاجه قبل ماتسافري قولتله اه نفسي ماسافرش قعد يضحك قال الا دي غصب عنا احنا الاتنين ههههههه صح في ناس كده مابتحسش بالوجع الا بعد ما يحصل فعلا

[توته السيد]

طيب حلو التورلي ده وسهل

[توته السيد]

رحتوا فين حبايبي

[MALAK2010]

هو كدة بيسهل على نفسة انا اذا ماتاثرش دة انا يجرالى حاجة

[MALAK2010]

مش عارفة سمر اختفت هى كمان

[توته السيد]

اهئ اهئ اهئ مشيتوا

[MALAK2010]

لا انا معاكى يا جميل

[توته السيد]

ههههههههه بعد الشر عنك حبيبتي اكيد متأثر حتي لو حاول يتماسك قدامك برضه من جوه متأثر وجدا كمان

[MALAK2010]

لازم يبينلى ماليش دعوة ههههههه

[MALAK2010]

انتى بتعملى اية طول النهار

[dr.princess]

انا جيييييييييت

[توته السيد]

هههههههه خلاص ينزلك دمعتين وخلاص
والله ياملوكه الايام زي بعضها انا بصحي افطر في شقيتي وانزل تحت مع سلايفي اقعد معاهم لحد مايجيني نوم اطلع انام اما وانا عند اهلي بقعد معاهم طبعا

[MALAK2010]

نورتى يا لولو
قوليلى التورلى بيتعمل ازاى وحلو ولا لاء

[MALAK2010]

هههههههه خلاص ينزلك دمعتين وخلاص
والله ياملوكه الايام زي بعضها انا بصحي افطر في شقيتي وانزل تحت مع سلايفي اقعد معاهم لحد مايجيني نوم اطلع انام اما وانا عند اهلي بقعد معاهم طبعا
ههههههههههههههه
انتى عندك كام سلفة وعندك اخوات لجوزك

[توته السيد]

عندي 3 سلايف واخت واحده بس هي اللي قاعده في البيت معانا مش متجوزه الباقي متجوز

[dr.princess]

بصى ياملك انا بعمله بطريقة غريبة شوية بس والله بتطلع حلوة اوى
انا بحب اقطع اللحمة مكعبات نيجى بقى للتتبيلة
زبادى + خل + زيت زيتون + صلصة والبهارات ملح وفلفل وكركم وحبهان مطحون وبهارات لحمة وندعكها كلها وببيتها فى التتبيلة دى
واجيب صينية الفرن احط فيها اللحمة واحط معاها جزر وبسلة واى خضار انتى حاباه وبحط فوقها شوربة او مرقة انا بعملها دايما بمكعبين مرقة بس تزودى شوية علشان بتاخد وقت طويل وتسوى الخضار واللحمة
واغطيها بورق فويل وادخلها الفرن حوالى ساعة ونص لحد مابتتسوى على الاخر وتشوفى حدقها حسب مانتى حابه وبتتطلع زى الفل والحمد لله

[MALAK2010]

تسلمى يا لولو على الوصفة الجميلة دى
بس اللحمة بتغسليها من التتبيلة قبل ماتحطيها معاهم ولا تحطيها بالتتبيلة

[MALAK2010]

عندي 3 سلايف واخت واحده بس هي اللي قاعده في البيت معانا مش متجوزه الباقي متجوز
وانتوا بتاكلوا كلكم عند حماتك فى الغدا وبتطبخوا مع بعض ولا كل واحدة فى شقتها

[MALAK2010]

لولو :ماحطش فيها ولا بصل ولا طماطم او صلصة
بتبقى بيضى كدة

[dr.princess]

ملك لا بتحطيه باللتبيله بتاعتها بس طبعا الزبادى الزيادة فى طبق التتبيلة مش بتحطية
الزبادى بيطلع اللحمة طرية خالص
بس المهم قلبى اللحمة والخضار كويس فى الشوربة علشان التتبيلة تدوب فى الشوربة وياخدوا من طعم بعض

[MALAK2010]

ربنا يسهل هحاول اعملها بكرة ويااااارب تتطلع حلوة

[dr.princess]

ملك فى التتبيلة نفسها انا ببقى حاطة تقريبا معلقتين صلصة فبتبقى لونها مش بيضاء وبرده مش حمراء حمراء يعنى فى النص كده
انا مش بحط لا بصل ولا طماطم
والله لو بتحبوا الاكل بصلصة كتير او ببصل وطماطم وتسبيكة يعنى انتى وراحتك وانتى عارفة جوزك بيحب ايه بس بطريقتى بتطلع خفيفة اوى حتى انا كنت عاملاها لاخويا يوم عرفة وهو عامل رجيم ومعترضش عليها وعجبته كمان

[نولارا]

احنا جيناااااااااااااااا

[dr.princess]

ملك انا شفت ناس بتعملها بالتسبيكة العادية بصل وصلصة وكده وتزود الشوربة والخضار واللحمة
انا عملتها مرة بالطريقة دى بس كان خضار بس من غير لحمة وطلعت تقيلة

[dr.princess]

نورا ازيك وازى العسل احمد

[MALAK2010]

ربنا يسهل يالولو هعملة وهقولك رايى
انتى لكى اخ يالولو عندك فى السعودية ولا يوم عرفة السنة اللى فاتت

[dr.princess]

اسكتى يا ملك البامية طلعت تجنن الحمدلله يااااااااااااارب تعجب جوزى ويرضى ياكل منها اصله مش بيحبها

[dr.princess]

اه اخويا الكبير فى القصيم جالى يوم عرفة بالليل ومشى يوم العيد العصر
واهم حاجة فى الموضوع انه جابلى كمية محترمة جدا من التفاح لسه عندى لغاية دلوقتى وصدور مخلية وسمك كمان وهم كمان لسه عندى همى على بطنى طبعا هههههههههههههههه

[MALAK2010]

لولو :الحمد لله انك عند ك اخ فى نفس البلد معاكى بتقلل الغربة شوية ربنا يخليهولك

نورا:ازيك ياجميل وحمادة عامل اية والسخونية اخبارها اية معاه

[نولارا]

حماده بيحيكوا وبيمسى عليكوا ههههههههههههههه
مفيش واحده منكم تيجى تلعب معاه شويه وانا انام ساعتين ههههههههههههه

[dr.princess]

اه ياملك الحمدلله دى تانى مرة يجيللى من اول ماجيت
نورا اجى انا العب معاه يابنتى اى حاجة هتبقى احسن من الصمت الرهيب اللى احنا فيه هنا احمدى ربنا

[نولارا]

الحمد لله
النوم جمييييييييييييييييييييل برضه
انا تحت عيونى بقى زى مدمنيييين المخدرات ههههههههههه

[dr.princess]

بنات جوزى على وصول فى اى وقت هقفل

[dr.princess]

نورا انتى هتقوليلى ده النوم سلطاااااااااااااااااان هههههههههههههههه
انا شايلة هم النوم ده هعمل ايه بعد ما اولد ان شاء الله ده انا بعز النوم اد عينيا

[ايوشه]

اس اس السلام عليكم ههههههههههههههههه انا داخله اسلم عليكم واخرج تانى رخامه بقه تقولو ايه

[ايوشه]

توته ولولو وملوكه ونولار وموكشه عاملين ايه

[dr.princess]

ايوشة انتى كل شوية سلام عليكى وتختفى بالساعات
يابنتى خليكى معانا شوية

[ايوشه]

هى دودى دخلت ولا لاء هى عامله مقاطعه لحد ماتسافر ولا ايه
ورنا خالد مادخلتش ليه اوعو تكون ولدت احسن انا مظبطه نفسى عليها

[MALAK2010]

ايوشة:كل شوية تدخلى وتطلعى وراكى اية شاغلك عنا

[ايوشه]

والله غصب عنى يالولو اول مره النت فصل وتانى مره جالى تليفون ساعتين الا تلت هههههههههههه شفتى وعلى ماطبخت قولت ادخل وزمان جوزى جاى قولت الحق اسلم

[ايوشه]

ملك الظروف بقه انتى شايفه العيال وابوهم مش عارفه اعمل ايه ولا ايه ههههههههههههههه

[نولارا]

لولو لما تولدى قولى وداعا للنوم
ولما ان شاء الله يبقى فى عمر احمد قولى وداعا لشعرك
انا بكتب وانا مكتفاه بايدى عشان ما يشدش شعرى

[MALAK2010]

مرحلة شد الشعر دى فترة وهتنتهى بانتهاء شعرك هههههههه

[ايوشه]

لولو شفتك بتقولى رايحه الحرم بكره اوعى تنسى الدعوه اللى طلبتها فاكره ولا لاء

[dr.princess]

نورا ههههههههههههه وداعا لشعرى وللحلق ولودانى مع الحلق ههههههههههههه ولايدى ولحاجات تانية لما يبدأ يعضعض
دى تجاربى مع ابن اختى ده جات عليه فترة اول مايشوفنى يسلم عليا انه يضربنى بالقلم شفتى الهنا ههههههههههه

[MALAK2010]

لولو رايحة الحرم؟؟؟؟؟؟؟؟؟؟؟؟؟؟؟؟
اوعى تنسينى ياحبيبتى بالحمل الثابت وتكون ذرية صالحة ويكون جميل الخلق والخلقة وبارا بيا

[dr.princess]

ايوشة معلشى فكرينى تقريبا ان جوزك يغير الاسم اللى ناوى يسميه للبيبى ولا كان ايه معلشى الذاكرة بايظة خالص

[dr.princess]

ملك حاضر ياحبيبتى من عينيا
ان شاء الله هروح بكرة

[ايوشه]

ربنا يطمنك يالولو انتى ونورا انا مبسوطه جاتلى جيران عندهم عيال صغيرين بقول ابقه اجيبهم يلعبوا بيه هههههههههههههههههههههههه عشان يسيبنى انام

[ايوشه]

تمام يالولو انتى فاكره اهو وانا ليا اول دعوه انا اللى طلبت الاول ماشى

[dr.princess]

ايوشة على خبرتى انا وملك مع الجيران غالبا محدش هيعبرك منهم ههههههههههههههههههه زى ما عملوا معانا

[dr.princess]

ماشى يا ايوشة ولا يهمك
يبقى كده انتى وملك وسمية وباقى البنات اكيد ان شاء الله مش هنساهم من الدعاء

[ايوشه]

هما الجيران هما اللى وحشين ولا احنا يمكن العيب فينا ياجماعه وانا مانعرفش هههههههههههههههه

[ايوشه]

انتى صحيح يالولو شفتى بنت ولا ولد

[MALAK2010]

انتى بتكلمى جيرانك يا اية
احنا طبعا اللى العيب فينا ووحشين ههههههههههه

[dr.princess]

ايوشة هو جوزك عايز يسمى ايه ومضايقك اوى كده

[MALAK2010]

ماحستيش بحركتة تانى يا لولو

[dr.princess]

ايوشة لسه معادى بعد كام يوم ومش عارفة هيبان ولالا

[MALAK2010]

عارفة يا لولو ابنك فى التوقيع بتاعك تحسى انة ماسك ناى وبيعزف ههههههه اية المزاج دة

[ايوشه]

عايز يسمى على اسم باباه وهو لايتوافق بالمره مع اسمى انا وهو وكمان كبير جدا على اسم بيبى دى عقدتى يابنتى بدعى ان ربنا يحلها

[ايوشه]

مش دخلتى الرابع ولا ايه انا شفت فى نص الرابع كده

[MALAK2010]

اية : جايز تكونى علشان مجبرة على الاسم مضايقة منة اما لو فكرتى فية من غير ما تفكرى ان جوزك عاوزة جايز تغيرى رايك

[dr.princess]

ملك طبعا يابنتى طالع لامه مزاااااااااااج هههههههههههههه

[dr.princess]

سلالالالالالالالالالالالالام

[ايوشه]

لا ياملوكه انا اساسا بحب باباه مش معترضه على كده اعتراضى انه ماينفعش والله خالص

[MALAK2010]

ماشى يا حبيبتى سلام وانا هخرج كمان لحظات لان جوزى على وصول

[نولارا]

يلا يالولو عشان لو عروسه اخطبها لاحمد
ولا صحيح انا نسيت ولاد خالاتها حجزينها هههههههههههه
ملك
فعلا انا شعرى قرب يخلص
دا احنا عملنا خناقه دلوقت لحد ما غيرنا البامبرز

[MALAK2010]

يعنى اصعب من اسم خطاب
والله انا اعرف حد مسمى الاسم دة والطفل قمر ورقيييييييق سبحان الله

[ايوشه]

انا كمان خارجه باااااااااااااااااااااااااى

[MALAK2010]

نورا:انتى رجعتى للبامبرز تانى مش كنتى قلتى انة اتعلم يعمل حمام خلاص وبفى راجل هههههه

[ايوشه]

اقولك ياملوكه اصعب والله عايز يسمى عفيفى شفتى بقه انى معايا حق

[MALAK2010]

وانا كمان سلاااااااااااااااااام
معلش يانورا بس جوزى خلاص على وصول واختك عاوزة تلحق حتى تسرح شعرها ههههههههههههه

[ايوشه]

وجوزى اسمه رامى شفتى بقه

[MALAK2010]

اقولك ياملوكه اصعب والله عايز يسمى عفيفى شفتى بقه انى معايا حق
يا حبيبى مش عارفة ارد عليكى والله

[MALAK2010]

اية:وحماكى موافق على الجريمة دى

[ايوشه]

يلا بقه باى عشان هناكل تعالو كلو معانا

[نولارا]

ايوه ياملوكه دا بالنسبه سورى يعنى للتقيله
لكن الخفيفه مش معقول كل ربع ساعه هاقلعه كده يجيله اسهاااااااااااااااااااال

[MALAK2010]

سلااااااااااااااااااااام يا بنات

[نولارا]

عادى ياملوكه انا كمان رايحه اجيب الدوا لموكشه

[دودى اشرف]

السلام عليكم ... ازيكم يا بنااااااات ... وحشتونى والله
معلش مش بدخل اليومين دول بس مشغولة شوية .... دعواتكم بقى علشان مسافرة الخميس ان شاء الله ... وهحاول ابقى معاكم قبلها علشان اسلم عليكم

[رنا خالد]

عاملين ايه يابنات وحشتوني كلكم بجد
انتوا فين ؟
دودي توصلي بالسلامه مصر ان شاء الله ياقمر
بس ياريت ماتنسيناش وانتي هناك وتكلمينا
يارب تدخلوا بقي عشان نرغي شويه مع بعض

[ايوشه]

مين هنا دودى انتى لسه موجوده

[ايوشه]

رنا مش معقول ازيك ياجميل عامله ايه وايه اخبار التنينه
انا كنت بسال عليكى قولت احسن تكونى عملتيها وولدتى

[رنا خالد]

ايه ازيك ياجميل اخيرا لقيت حد لولولي
عامله ياجميل وازي عريسنا القمر
هاتسميه ايه صحيح ياايوشه عشان بعد كده ننادي له بأسمه

[ايوشه]

رحتى ففيييييييييييييييييييييييييين انتى لحقتى تخرجى ولا ايه

[ايوشه]

لسه كنت بشكى للبنات الاسم اهو

[ايوشه]

كل شويه تفكرونى بالاسم ياعنى اهئ اهئ اهئ وانتى استقريتى ولا لسه على الاسم

[رنا خالد]

لا لسه ماولدتش قوليلي ياايه انا اخر دوه ليا كانت يوم 3-18
كده انا بدخل الشهر الجديد يوم ايه تعرفي؟
اصل دكتورتي قالتلي يوم 25 من كل شهر وبعد كده غيرت كلامها وقالتلي بتدخلي شهر جديد من يوم واحد في الشهر وانا احترت وعايزه اعرف انا دخلت التاسع ولا لسه؟
لو تعرفي ياريت تجاوبيني

[ايوشه]

انتى كده المفروض دخلتى التاسع زى حسابات الدكتور بتاعى لان اخر دوره ليا كانت 29/3 وقالى يوم 6 بتدخلى شهر جديد

[ايوشه]

رنااااااااااااااااااااااااااااااااااااااااااااا

[ايوشه]

اين ذهبتى يابنيتىىىىىىىىىىىىىىىىىىىىىىى

[رنا خالد]

طب الحمد لله اني دخلت التاسع
نفسي اولد بقي لحسن زهقت والله ماتعرفيش اعمل ايه يخليني اولد في اول التاسع؟
انا عملت السونار اخر مره والحمد لله كانت راس البنوته تحت ووزنها كويس اوي
فبصارحه اتمنيت اولد بدري في اول التاسع اصلي مستعجله جدااااااااا
ونفسي اشوفها بقي واخلص من الولاده بصعوبتها عشان افوق

[ايوشه]

والله انا كمان زيك بس كل اللى بيولد بدرى فى التاسع بيكون قيصرى لكن الطبيعى بيقعد لاخر التاسع

[ايوشه]

هى الدكتوره محدده ليكى يوم 25/12 ولاده ولا قبل كده

[ايوشه]

بقولك صحيح انا بطنى مش كبيره قوى بس ظهر عندى خطوط حمراء كده فى الجانبين ظهرت عندك حاجه كده برضه ولا لاء وقالولى فى كريم اسمه زبدة الكاكاو بس سالت عليه مره مش لقيته مافيش حاجه تانيه غيره

[رنا خالد]

انا برضه بطني مش كبيره اوي وكنت في البدايه خايفه بس لما سألت الدكتوره قالتلي ان حجم البطن مالوش علاقه بوزن الجنين
اما الخطوط الحمرا فهي ماظهرتش عندي بس هاقولك علي اسم مرهم حلو
كاميزان ادهني بيه بطنك ومنطقة الصدر عشان مايجلكيش التهابات اثناء الرضاعه
وعشان الجلد يكون رطب ومايحصلش تشققات
بجد مرهم حلو اوي ومتوافر في كل الصيدليات بدل زبدة الكاكاو

[ايوشه]

خلاص اجيبه ان شاء الله اصلها ظهرت كده مره واحده وماكنش عندى فى الاول اى حاجه ربنا يسهل بقه وتروح انتى هتولدى عند مامتك ولا فى شقتك

[رنا خالد]

انا متابعه عند دكتوره عند ماما فاهرو ان شاء الله بعد مايعدي عشر ايام من التاسع
عند ماما واول ماولد هاجي علي بيتي وماما طبعا هاتكون معايا
وانتي ياايوشه هاتنزلي مصر ولا هاتولدي عندك هناك

[رنا خالد]

انا جوزي جيه ياجميل هاقوم عشان احضر له الاكل واقعد معاه شويه وهاجي تاني النهارده
ياريت الاقيكي عشان نكمل الدردشه الحلوه
سلام مؤقت ياجميل

[ايوشه]

لاء خلاص انا هولد هنا ان شاء الله ماينفعش انزل مصر دلوقتى وبالهنا والشفا مقدما سلام ياقمر

[somia]

السلام عليكم ورحمة الله وبركاته
حد هنا؟؟؟

[dr.princess]

صبااااح الخييييير

[ايوشه]

صباح الخير انتى هنا يالولو

[dr.princess]

ازيك يا ايوشة صبااح الخييير

[ايوشه]

صباح الخير ياجميل انتى صبحتى ومشيتى على طول ولا ايه

[dr.princess]

لالالا انا لسه موجودة
غريبة انك صاحية بدرى كده النهاردة

[ايوشه]

مانا بصحى مع جوزى كل يوم عشان افطره وبرجع انام تانى بس قولت ادخل انهارده اشوفكم موجودين ولا لاء

[MALAK2010]

صباح الخير يابنات

[ايوشه]

وملوكه كمان جات صباح النور ياجميل

[dr.princess]

انتى عاملة زيى يا ايوشة بس بقالى كام يوم مبفوقش الا وهو خارج الراجل ده مسكين معايا بيروح يشترى فطار وهو ماشى ويفطر فى الصيدلية ولا كأنه عازب
يللا حظه كده بقى

[dr.princess]

صباح الخير يا ملك

[MALAK2010]

ازيك يا بنات وحشتونى

[ايوشه]

والله يالولو انا قبل الجواز عمرى ماكنت افطر كده على الصبح لازم اقعد ساعتين كده ولا حاجه من بعد ماتجوزت وانا لازم اصحى افطر معاه ممنوع انى اقول لاء

[ايوشه]

وانتى كمان يملوكه اخبارك ايه واخبار النونو

[dr.princess]

وانتى كمان وحشتينا يا ملك

[MALAK2010]

انا برضة كنت كدة يا ايوشة
وذا صحيت بدرى قبل الجواز كانت تبقى بطنى مقلوبة ومش قادرة اكل
الوقتى بقيت بصحى على الفطار علطول هههههههههههههه

[dr.princess]

ايوشة انتى عاملة زيى بالظبط انا برده مش بفطر ابدا اول ما اصحى بعمل الفطار لجوزى ومبفطرش معاه اقل حاجة بعد ساعة او اتنين

[ايوشه]

هنعمل ايه بقه ياملوكه مش بيقولو قبل الجواز بتبقى براحتك بعده لالالاالالالالالالالالالالالالالا

[ايوشه]

اه ياملوكه شفتى بقه انا من حقى اعترض على الاسم ولا لاء

[MALAK2010]

بقولك يا اية معلش سؤال غلس وهقلب عليكى بس سالتهولك امبارح وانتى خرجتى قبل ماتردى
هو حماكى عارف بموضوع تسمية الاسم وموافق؟؟؟؟

[dr.princess]

لالالا يا ايوشة جوزى حرم يغصبنى على الاكل لان من مدة كده كلت غصب عنى ورجعت فمن يومها اقوله ملكش دعوة لما اجوع ههجم على الاكل مش هتكسف ههههههههههههههههههه
وهو كمان بقى عارف نظام اكلى فخلاص

[MALAK2010]

معلش يا اية
دى جريمة
انا مش بهييج بس صعب فعلا

[ايوشه]

اه ياملوكه يوم ماشوفنا انه ولد بعت رساله لحماتى وقالها المهم هى ماصدقت مسكت فى الكلمه وكلمتنى بعدها وبتقولى راح حمايا قاعد جنبها قالى مش هنسميه كده هو ده اللى ربنا قدره عليه ومافتحش الموضوع تانى طيب قول له ماتسميش كده ولاسال زى ماتقولى ماصدق هو كمان

[dr.princess]

صحيح يا ايوشة على موضوع الاسم ده لالالالا انا متوقعتش انه يبقى بشع كده
بس حرام والله بس ليه جوزك مصمم كده على الاسم حتى لو اسم ابوه ايه يعنى مش اخر الدنيا
هو فعلا خلاص بالنسبة لجوزك الاسم ده نهائى ولا ايه النظام
طيب وسطى حد من اهلك او اهله يكلموه ممكن يغير رأيه

[dr.princess]

ايوشه ليه يعنى هو شايف ان اسمه حلو ولا ايه ؟؟؟؟؟؟؟؟

[ايوشه]

والله ياملوكه انا اول ماعرفت انى حامل قعدت ادعى ربنا انها تكون بنت وكنت على يقين انها بنت سبحان الله لما عرفت انه ولدت من اول ماخرجنا من عند الدكتوره وانا بعيط ومن وقتها وانا متنكده وقرفانه بس اعمل ايه كل مافتح الموضوع نتخانق وانتى عارفه اننا فى غربه فمش ناقصه مشاكل ونتخاصم مابقتش عارفه اعمل ايه

[ايوشه]

انا يالولو خايفه اخلى بابا يكلمه فيشيل منه وبابا ممكن يزهق ويزعق واهله هقولهم ازاى مش عارفه

[dr.princess]

بس معلشى يا ايوشة احنا مش بنقلبك على جوزك ولا حاجة بس يبقى حرام اوى لو سميتى البيبى كده ده الرسول عليه الصلاة والسلام وصى بحسن اختيار اسماء المواليد

[ايوشه]

انا عارفه والله يالولو الكلام ده بس المشكله انه شايفه حلو ده اللى غايظنى

[dr.princess]

ايوشه لا بلاش باباكى ممكن لو ليكى اخوات او ليه اخوات يتدخلوا هم احسن
قوليلى انتى قلتى لاهلك على موضوع الاسم ده ولا لا

[ايوشه]

وكمان شفتو النفاق اختو هنا برده بتقول هتسمو ايه قولتلها مش هنسمى هنسيبه من غير اسم تقولى ليه ده اسم بابا جميل بصيت لها كده وسكت

[dr.princess]

شايفه حلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا اله الا الله

[MALAK2010]

بصى امسكى فى كلمة ان حماكى مش راضى
حتى لما حماتك تكلمك قوليلها انا حماكى مش موافق على الاسم

ممكن لما تكلمي حماكى قوليلة انت اللى هتسمى ابننا انت طبعا مش موافق على عفيفى وعندك حق ان كان حضرتك مسمى ابنك رامى هتسمى حفيدك اية ارمى الكورة فى ملعبة زى مابيقولوا
كدة هتكسفية وتخليه يركز ان الاسم نفسة مش حلو بس اعملى كدة وشوفى

[ايوشه]

قولت لهم عليه وكلهم معترضين بس انا خايفه انهم يدخلو فكله يشيل من بعضه مش عارفه اعمل ايه واخواته طبعا هيقولو على اسم ابوهم حلو وماسكلى بقه انا الولد الوحيد ولازم والكلام الفاضى ده حتى قولت له بلاش اول مره والمره الجايه ابقه سميه يقولى انا اسمى اول اسم وانتى سمى الباقى كله

[dr.princess]

يالهوى عليها طيب قوليلها ما تسميه انتى

[MALAK2010]

او بلاش انت اللى هتسمى ابننا قوليلة قولى اقتراحات على اسماء لانى محتارة اسمية اية وكملى باقى الكلام اللى قلتة

شوية صبر مع حسن تصرف ولباقة علشان محدش يزعل منك

[ايوشه]

انتى عارفه هى مسميه ايه عمرو وسيف شفتى مش عارفه والله الناس دى الواحد يعمل معاها ايه مش تقوله ماينفعش ولا حاجه

[dr.princess]

فكرة ملك والله حلوة اوى
بس ليه الحق مبيطلعش ازاى شايفين اسم ابوهم حلو ايه التهريج ده

[MALAK2010]

بلاش تبينى لحد رفضك للاسم

[ايوشه]

انتى عارفه ياملوكه انا نفسى يفتح الكلام عشان اقوله بس كلهم مابقوش يتكلمو من وقت ماقال كده لانى ساعتها قولت لحماتى لمايبقه يجى نبقه نسميه وانا زعلانه فمن وقتها وهى مابقتش تفتح الموضوع

[dr.princess]

افتحى الكلام انتى يا ايوشه ايه المشكلة يعنى

[ايوشه]

هحاول ياملوكه اقوله بس ربنا يقدرنى واعرف اتكلم لانى وقت الكلام مابعرفش ارد وبعدها اقعد اعاتب فى نفسى واقول ياريتنى كنت قولت

[MALAK2010]

ماتستنيش حد يفتح لان الوقتى جوزك عطى كلمة لمامتة خلاص ومش عاوز يطلع بيسمع كلام مراتة والكلام العبيط دة

صدقينى خليها تطلع من حماكى علشان شكل جوزك مايبقاش وحش قدام مامتة ولا باباة ولا اخواتة لان الموضوع اتعرف وحماتك مستنية ابنها الهمام هيعمل اية

لما يتصل عليكى او لما تكلمية افتحى الموضوع باى طريقة بس الاول صلى ركعتين استعانة بربنا علشان يحلل عقدة من لسانك

[dr.princess]

ايوشه لا لازم تتكلمى ده حقك وحق ابنك

[ايوشه]

ربنا يسهل اول فرصه نتكلم هكلمه فيها ان شاء الله وربنا يسهل لانى فقدت الامل انى جوزى يغير رايه والله كنت سايباها على ربنا ده انا ساعات اصحى باليل واقعد اعيط بجد كل مافتكر الموضوع

[MALAK2010]

بصى انا لما يبقى عندى موضوع كدة بكتب الكلام قدامى واقعد اذاكرة
معلش احنا مش من البنات اللى تعرف تاخد حقها بسهولة خيبة قوية

[ايوشه]

يارب ياملوكه المشكله ان اخواته كلهم مسمين اسماء حلوه جدا وماحددش مسمى على اسم حماه حاجه تقرف ياشيخه كانى انا اللى مكتوب عليا كده حتى اقوله هناديله ازاى وعمرى ماهخلى حد ينادينى غير باسمى وبس وهتحصل مشاكل كتير لو سماه كده لانى هضايق كل ماسمع الاسم

[ايوشه]

تصدقى الواحد يكتب الكلام اه فعلا بس ممكن يقولى سموه كذا ومايقولش لابنه زى ماول الحمل قبل مانعرف يقولى هنجيب احمد ومحمود طيب قول لابنك لا يقولى انا وكان الله بالسر عليما

[dr.princess]

ربنا يعينك يا ايوشة

[MALAK2010]

بصى انا حتى فكرت انك تسمية باسم شبة بس اخف بس من امبارح مش لاقية
يعنى فى واحدة عاوزة ابنها يسمى بنتة باسمها وكان اسمها نادية فمراتة مرديتش وقالت خلاص نسمى ندى اهو شبة نادية
بس مش لاقية اسم اخف فكرى كدة ممكن تلاقى

[ايوشه]

انتى عارفه انا قولت هسيبها لحد الولاده ووقتها اقعد اعيط له واتحايل عليه شويه بس برده ماكنتش متاكده انه هيغير رايه هو دده اللى كان على بالى لانى خالاص جبت الاخر المشكله انه طيب جدااااااااااااااااا ماعدا الموضوع ده اللى مصمم عليه بشكل فظيع

[MALAK2010]

تصدقى الواحد يكتب الكلام اه فعلا بس ممكن يقولى سموه كذا ومايقولش لابنه زى ماول الحمل قبل مانعرف يقولى هنجيب احمد ومحمود طيب قول لابنك لا يقولى انا وكان الله بالسر عليما

طيب انتى قولتى لجوزك على الاسماء اللى سماها حماكى

ماتزعليش منى انتى اتاخرتى فى الكلام لان كل ما الايام تعدى كل ما الموضوع عند حماكى وحماتك بيكبر وبيبقى عادى كنتى تتحركى من الاول

وحماكى الفكرة اكيد كبرت فى دماغة

[MALAK2010]

هو مصمم علشان دبس نفسة قدام الكل
ويعنى كان لازم يروح يقول بالسرعة دى

[dr.princess]

لا يا ايوشة لازم تتفقوا
لان جوزى قريب كان بيقولى على واحد صاحبه مراته ولدت المولود الثالث ومسميهم اسماء غريبة لا والبعيد بيفتحر انه بيقول لمراته اسم ولما تولد يروح يسميه الاسم اللى على مزاجه

[ايوشه]

ماهو المشكله فى كده يالولو انهم هما اللى بيكتبوا كنت بقول ياريتنى نزلت ولدت فى مصر كنت هسمى براحتى بس نصيب

[MALAK2010]

نصيحتى بلاش تدخلى حد من اهلك الموضوع حساس جدا
اللى هيحل الموضوع دة من غير مشاكل هو حماكى
هو جوزك معندوش اخت قريبة ليكى؟؟؟

[ايوشه]

يابنتى ده انا كنت لسه عند الدكتوره وهو خرج بعت لمامتى وحماتى ماما طبعا خدتها عادى مش انه بجد لكن التانيه طبعا خدتها بجد وانكشحت واتبسطت حاجه تقرف لو واحده من بناتها ماكانتش سكتت

[ايوشه]

انتى ماشفتيش وانا بقول انه اخته بتقول ده جميل (جميل)واخده بالك انتى

[MALAK2010]

ربنا يعينك يا بنتى انتى صعبانة عليا من امبارح والله

[ايوشه]

شفتى بقه ان عندى حق امال انا اعمل ايه بس بجد ادعولى بقه انه مايحصلش عشان هتبقه عقدت حياتى

[MALAK2010]

هو ملوش غير واحدة بس؟بتاعت جميل دى
طيب اختة مسمية على اسم حماها
ماهو لو الاسم مناسب كنا سميناة
وبعدين حماكى نفسة مسمى جوزك اسم معلش مدلع صغير ويقوم يوافق على الاسم دة

[MALAK2010]

اعملى زى ما بقولك اتعبى شوية بس من غير مشاكل علشان ترتاحى العمر كلة ومتشيليش ذنب ابنك

[ايوشه]

هو ده اللى غايظنىىىىىىىىىىىىىىىىىىىىىىىىىىىىىىى والله يابنتى انا من كتر الزعل كنت خايفه يحصلى حاجه اخر حاجه قالى كل واحد بينزل باسمه قولت ربنا هو اللى هيحلها من عنده

[ايوشه]

هحاول لما نكلمه ان شاء الله اقوله بس رتبى ليا شوية كلام كده وافتح الموضوع ازلى احسن انا خايبه قوى

[dr.princess]

ايوشة عمر ما فى حماة بتعامل مرات ابنها زى بنتها تحسى ان عندهم انفصام فى الشخصية
حماتى تفضل تقولى نصايح غالبا على انى ازاى اوفر لجوزى والمصاريف وكده وبعد 3 ثوانى تحكيلى على اجواز بناتها جايبنلهم ايه وعاملين ليهم ايه
ببقى عايزه الطشها بالقلم والله

[ايوشه]

ههههههههههههههههههههههههه عندك حق والله يالولو

[ايوشه]

انا حماتى يابنتى هو نفس الكلمتين كل مره ازيك عامله ايه واخبار الحمل وكان الله بالسر عليما مش بعرف اتكلم معاها اصلا مش بلاقى كلام اقوله لها

[dr.princess]

نفس حالاتى يا ايوشة هم الكلمتين وخلاص
وجوزى 100 مرة يتشاكل معايا قال ايه انى بكلمهم بالقطارة ومش طايقاهم اقوله ابدا يقولى امال مش بتتكلمى ليه وتفتحى مواضيع زى مع مامتك ( حوزى ده عايش فى الخيال هكلم حماتى ازاى زى مامتى يعنى مش كفاية انها غاصبة عليا انى اقولها يا ماما حاجة هم ) ولما اقوله مفيش مواضيع بيننا يقولى انتى هتغلبى يعنى هو انتى بتبطلى كلام
رجالة اخر زمن هههههههههههههه

[MALAK2010]

ههههههههههههههههههههههههه
عندك حق والله يا لولو عندنا نفس الحكاية قبل ما اسافر قالتلى لو ابنى موفرش يبقى انتى السبب ههههههههههههه

وبعدها قعدت تحكيلى على بناتها واد اية هم مسرفين هم واجوازهم

يعنى انا بنت البطة السودة على راى اخويا ههههههههههههههههه

[ايوشه]

والله يالولو بتفكرينى بنفسى بالظبط حتى قبل الجواز كان يقولى اتصلى بماما اقوله هقولها ايه مافيش كلام يقولى امال هتبقى تقعدى معاها ازاى ههههههههه

[ايوشه]

تجنبى تقولى ياماما قوليلها ازيك وعامله ايه زى مابعمل لما الظروف تضطرك ابقى قوليها انما عمال على بطال كده لاء

[MALAK2010]

هحاول لما نكلمه ان شاء الله اقوله بس رتبى ليا شوية كلام كده وافتح الموضوع ازلى احسن انا خايبه قوى
مفيش اتكلمى الكلام العادى عن صحتة واخبارهم
وبعدين هيسالك اكيد انتى عاملة اية فى الحمل قوليلة الحمد لله والنونو بيسلم عليك يا عمو وبيقولك اختارتلى اسم اية
صحيح ياعمو اهنسمى النونو اية انا شيفاك مسمى جوزى اسم حلو والله عجبنى عوزاك تختارلى اسم كدة يكون حلو زى رامى وماتسيبهوش الا لما يقر ويعترف وبعدين قوليلة اسال طنط كدة الاسم عجبها ولا لاءو خدى حماتك وكلميها واستعبطى على اد ما تقدرى وقوليلها الاسم حلو ولا اية وكل مرة لما يتصل كررى الاسم اللى اختارة علشان ينسوا الاسم القديم دة وانتى وشطارتك بقا يا جميل
انا حاسة انى بكتب مخطط ارهابى ما انا شاطرة فى الكلام اما فعل ماتلاقيش ههههههه

[ايوشه]

امال بقه يالولو لو كنتى قعدتى شويه بعد الجواز فى مصر ده انتى ربنا بيحبك انك سافرتى على طول

[dr.princess]

والله يا ملك ايام الخطوبة دى ماتهنيتش بيها لان جوزى سافر وسابنى وكانت حماتى تستلمنى بقى كلام من النوع ده وكمان معايا فى نفس البيت عمه ومرات عمه اللى قلتلك عليها اسمها عائشة لو فاكرة ( عمه ومراته دول مفيش بينى وبينهم عمار ابدا )دول بقى كانوا يقولولى اى كلام مفيش اى رقيب على لسانهم يعنى انا والحمد لله عندى حماتيين وده بأمر من جوزى لان عمه معندوش ولاد لدرجة ان فى ايام افضل اعيط بالساعات بعد الزيارة الكريمة دى من الاخت اللى فوق والاخت اللى تحت
حسبنا الله ونعم الوكيل

[ايوشه]

عندك حق ياملوكه كده تمام ان شاء الله اول مكالمه هعمل كده دعواتكم معايا بقه وانتو بتصلوا ادعولى لحد ماقولكم اخر الاخبار وانتى يالولو اوعى تنسينى بجد عندك فى الحرم كده ادعيلى

[MALAK2010]

ايوش:طبعا لازم تكلمى حماتك ايام الخطوبة وبعد الجواز انا كنت بكلمها حوالى 3 مرات فى الاسبوع اسال عليها وعلى صحتها
انا بتعامل معاها زى ماما انا بقدم السبت علشان تجيلى مرات ابنى ان شاء الله تتطمن عليا
وعلشان ربنا والله برضة

[dr.princess]

والله ماما واختى بيقولولى انك اترحمتى انك مش عايشة معاهم ولانى كمان جيت لجوزى هنا عروسة فبيقولولى لو كنتى بدأتى حياتك معاهم كانوا مشوكى زى ماهم عايزين وطبعا جوزى مش هيتكلم لانه بيحبهم حب غرييييييب

لا انا مش بس بقول لمامته يا ماما لا وكمان مرات عمه بأمر جوزى
لا وايه عمه كمان طلب انى اقوله يا بابا وانا مرضيتش ابدا لان بابا متوفى وانا 5 سنين والموضوع ده حساس اوى عندى فمستحيل اقولها لحد تانى وباباه تكرم وتعطف عليا وقالى مش هقولك تقوليلى يا بابا علشان الظروف دى فيه الخير والله