دردشة حوامل مصر - دردشة بنات مصر - تجمع حوامل مصر [الأرشيف] - الصفحة 36

دودى اشرف

11-22-2010, 11:08 PM

انا جيييييييييييييييييييت ... هاى عليكم ... سمية ازيك يا حبيبتى وحشتينى والله وعاملة ايه فى الوحم والنونو عامل ايه؟؟ ... ازيك اضواء القمر الله يكون فى عونك واهلا بيكى معانا .. معلش انا اول مرة التقى بيكى يا قمر ... وعاوزين اسم نناديلك بيه وكمان تشرحلنا احساسك وانتى فى التاسع كده زى رنا ما قالت علشان نعرف

دودى اشرف

11-22-2010, 11:09 PM

ههههههههههههههههههههههههه .. وصلت اهو يا رنونة ... رسينى على اسم صحيح ولا لسه لتنينتنا الجميلة؟؟

somia

11-22-2010, 11:12 PM

دودي اهلا بيكي انا الحمد لله بخير بس داخله على حته دور برد ربنا يسترها معايا ..
رنا ممكن تصوريلي السرير اللي جبتيه..
دودوي ممكن تبعتي الموقع اللي كنت حاطاه قبل كده اللي فيه صور حاجات الببيبي

رنا خالد

11-22-2010, 11:13 PM

هاسميها ست ابوها هههههههههه
اخر كلام من كتر مانا اتعقدت كل شويه انا واحمد برأي
سبتها علي الله وهي لما تكبر وتعتمد علي روحها تبقي تسمي نفسها
عايزه اكمل لكم باقي الصور لحسن انا استحليت الحكايه ههههههه
وشكلي كده هاخرب الكاميرا بتاعت جوزي وهايعلقني

somia

11-22-2010, 11:16 PM

ههههههههههههههه رنا انتي بتفكريني بابا فضل محتار في اسم اخويا لحد ما بقى عنده شهر و.. وبقى علينا غرامة 1000ريال.. خلي بالك هههههههههههههههه

رنا خالد

11-22-2010, 11:16 PM

عنيا الاتنين ياسميه بس هاصوره بكره ان شاء الله لحسن حجارة الكاميرا فضيت ومحتاجه تتشحن وبتقعد علي الشاحن حوالي ساعتين
بكره هانزلها بأذن الله
اما بالنسبه لحركه البيبي انا ماحستش بيها غير في اخر الرابع خالص
لسه ماتقلقيش
دودي ام عمر نورتينا عايزين نرحب بيكي بكوباية شاي ولا حاجه تشربي ايه؟ هههههههه

دودى اشرف

11-22-2010, 11:19 PM

الف سلامة عليكى يا سمية .. مين سمعك .. انا بكلمكم وانا على اخرى والله .. عندى برضه برد من امبارح بليل ان شاء الله ميطولش ... ده الموقع يا قمر http://www.vb.foxarab.com/t11920.html
http://forums.3roos.com/showthread.php?t=556088

مستنيين يا رنا باقى الحاجة

somia

11-22-2010, 11:20 PM

وهو كذلك يا رنا بس لو مكنتش موجوده لو ينفع تبعتيهالي رسالة يبقى كثر خيرك لاني بطلت مذاكرة خلاص

دودى اشرف

11-22-2010, 11:21 PM

هههههههههههههههههههههههههههههههه .. والله يا رنا ميرسى على الترحيب .. كل اللى يجى منك حلو يا قمر ... احسن حاجة سيبى الاسم كده لما تيجى بيه

رنا خالد

11-22-2010, 11:22 PM

دول بقية الهدوم لفيت مدينة نصر وحدايق حلوان وحلوان شارع شارع
لحد ماجبتهم تعبت فيهم اوي والله عشان كده من فرحتي نشرتهم كلهم في المنتدي ههههههه حاجه تكسف
1232

1233

1234

رنا خالد

11-22-2010, 11:24 PM

عنيا حاضر هابعتهالك ياسميه في رساله طالما بطلتي مذاكره زي
دودي شكلها لسه بتذاكر صح؟

دودى اشرف

11-22-2010, 11:26 PM

وليه اللف ده كله ... ده لبس البنات فظيييييييييع وكتير جدا يا بنتى وجميل كمان هههههههههههههههههههه بس حلوين اوى تتهنى بيهم يارب وعقبال الفستان الابيض امين يارب

somia

11-22-2010, 11:26 PM

رنا البتاع اللبني ده جبتيه بكام.. انتي جبتي ايه من حلوان ومن محلات ايه؟؟؟
http://forum.hwaml.com/imgcache2/hwaml.com_1290457596_275.jpgياجماعة حد شاف الاسفنجة ده في مصر قبل كده وممكن تكون بكام؟؟؟

دودى اشرف

11-22-2010, 11:27 PM

ههههههههههههههه انا بطلت من بدرى .. بس شكلك مش بتقرى اللى بكتبه اهىء اهىء اهىء

نولارا

11-22-2010, 11:28 PM

lمساء الخيرررررررررررررررررررررررررررررررررررر
احنا جينااااااااااااااااااااااااا

دودى اشرف

11-22-2010, 11:28 PM

سمية الصورة مش باينة

somia

11-22-2010, 11:29 PM

http://go.3roos.com/B9PnEHPziXT
http://forum.hwaml.com/imgcache2/hwaml.com_1290457779_465.jpg

انا بطلت مذاكرة لاني مبقتش بستحمل اقعد على الجهاز زي الاول فبستفل الفرصه في الكلام معاكوا احسن

دودى اشرف

11-22-2010, 11:29 PM

مساء الفلللللل .. اهلا اهلا بنورا وبعريس المنتدى القمر ... عاملين ايه ؟؟؟

somia

11-22-2010, 11:30 PM

نوراااااااااااا ازيك والباشا الدكتور احمد عامل ايه معاكي؟؟

رنا خالد

11-22-2010, 11:31 PM

البني ده جبته من التوحيد والنور اللي في مدينة نصر في شارع مكرم عبيد لو تسمعي عنه
وجبته ب15 جنيه هو لبس البيبهات في حاجات رخيصه جدا لدرجه اني كنت مش مصدقه
وفي حاجات غاليه جدا جدا ده انا اشتريت من يومين سلوبت بأيس كاب شكله جميل خالص ونيو بورن صغنن جدا بس كان للأسف ب85 جنيه
هانعمل ايه بقي ربنا يكون في عون اجوازتنا

رنا خالد

11-22-2010, 11:33 PM

نورا وموكشه منورين المنتدي
اكمل لكم باقي الصور قبل مااحمد يجي ويقفشني هههههههه

somia

11-22-2010, 11:34 PM

طب فيه ايه اشتريتيه من حلوان ومن انهي محل؟؟؟

دودى اشرف

11-22-2010, 11:34 PM

سمية انا والله مجبتش سفنجة ... قالولى هتحميه فى الاول كده بايدك بس ... بس هو فى زى ليفة كده جايباها مع الفوط بتاعته هى بتتباه بيها كده من نفس قماش الفوطة .. بس هتلاقى حاجات كتير لما تنزلى وتتفرجى

somia

11-22-2010, 11:36 PM

دودي الاسفنجه ده هوه الباشا نونو بيتحط عليها علشان ميتزحلقش من ايديكي

نولارا

11-22-2010, 11:37 PM

دودى
سميه
رنا
احمد اتطعم النمهارده وعنده سخونيه

دودى اشرف

11-22-2010, 11:37 PM

بنات معلش هستأذنكم احسن تعبت شوية من البرد بيشد مرة واحدة اشوفكم بكرة ان شاء الله يا حاويييييين ... تصبحوا خير

رنا خالد

11-22-2010, 11:39 PM

احمد جيه وجاب معاه اكل هادخل اضرب الاكل اللي جابه وجايه اوام
اوعوا تغيروا المحطه

دودى اشرف

11-22-2010, 11:40 PM

اه يا سمية صح .... بس انا شفت بقى هنا عندى حاجة الى بتاع زى الشييزلونج كده بس مخرم علشان المية تنزل بس مجبتوش اهىء اهىء اهىء ... يلا تصبحوا على خييييييير

somia

11-22-2010, 11:43 PM

دودي ربنا يشفيكي ويشفيني من عنده يا رب ..
رنا الف سلامة على احمد... تطعيم 6شهور صح؟؟؟

نولارا

11-22-2010, 11:45 PM

ايوا ياسمسمه 6 شهور
اديه لبوسه دلوقت يارب الحراره تنزل اصله بيرجع النقط
يلا كلها كام شهر وتبدوا فى القلق ده ان شاء الله

somia

11-22-2010, 11:47 PM

ههههههههههههههههه انا مش مستعجله انا اشوف النونو واطمن واستوعب الاول ان فيه نونو في بطني فعلا وبعدين ربنا يسهلها في باقي الحاجات.. صحيح هوه سحف ولا لسة ؟؟؟

somia

11-22-2010, 11:49 PM

ربنا يقومهولك بالسلامة ان شاء الله.. دعواتك معايا لحسن معاد الدكتورة بكرة وخايفة قوي من اللي ممكن تقوله عارفة انا خلاس تقدري تقولي اتعودت كل زيارة بحاجة جديدة ربنا يستر وتقولي الكيس راح لوحده يا رب

نولارا

11-22-2010, 11:50 PM

لسه شكل السنان هتعطله شويه
طبعا اول صوره له يسحف هاوريهالكم ان شاء الله

somia

11-22-2010, 11:54 PM

بقولك نورا ايه رايك في سرير البيبي اللي في الصورة دي انا هاتهبل عليه
http://forum.hwaml.com/redirector.php?url=%68%74%74%70%3a%2f%2f%67%61%6d% 65%73%2e%6d%35%7a%6e%2e%63%6f%6d%2f%63%6f%6f%6b%69 %6e%67%5f%67%61%6d%65%73%2e%68%74%6d%6c

نولارا

11-22-2010, 11:55 PM

سمسمه ما تييجى يشد شعرك شويه
احسن شعرى خلالالالالاص مش مستحمل

somia

11-22-2010, 11:57 PM

هيه فعلا السنان بتعطل السحف والمشي انا ابن اخت زوجي ماشاء الله بتهيالي 8 شهور ومبيسحفش لسة لالالالا الصراحة هوه بيسحف بس للوراء يعني اما يحب يقرب من حد ويسحفله يلاقي نفسه بعد ويقعد يسحف تاني ويعط ويتخانق معانا..هههههههههههههههه

نولارا

11-22-2010, 11:58 PM

الصفحه مش فيها سراير ياسمسمه

somia

11-22-2010, 11:59 PM

معنديش مشكلة اهوه يضيعهولي زيادة ما هو ضايع اصلا..هههههههههههههه

somia

11-23-2010, 12:01 AM

نورا وداني بتشر من جوا دم أعمل ايييييييييييييه؟؟؟

somia

11-23-2010, 12:03 AM

نورا هتلاقيه في الصفحة دي

somia

11-23-2010, 12:04 AM

http://forum.hwaml.com/t32763.html

somia

11-23-2010, 12:05 AM

نورا رحتي فييييييييييييييييين؟؟؟

نولارا

11-23-2010, 12:06 AM

ليه بس كده
الف سلامه على ودانك
روحى اكشفى انف واذن
وعرفى الدكتوره انك حامل

نولارا

11-23-2010, 12:08 AM

جميل جدا السرير

somia

11-23-2010, 12:09 AM

مش عارفة والله يا نورا هوه الدم اهه تقريبا وقف والحمد لله بس انا كرهت كلمة دكتوووووووووورة خلاص انا اتعقدت منهم .. ربنا يستر انا كده كده عندي باذن الله استشارة بكرة يارب الدكتورة تقدر تفيدني ادعيلي...

somia

11-23-2010, 12:11 AM

عارفة سألت اللي عارضاه فبتقولي السرير ب800 ريال والشحن هيكلف حوالي 250ريال برضه يعني السرير هيبقى ب1500 جنيه تقريبا وقالتلي انه حديد ملبس المفرش وللاسف مش هينفع ابعلتها شكل السرير وهيا تفصلي عليه .. مشوفتيش انتي زي المفارش دي هنا في مصر؟؟؟

somia

11-23-2010, 12:12 AM

صحيح اقري الموضوع ده وقوليلي رأيك فيه..
http://forum.hwaml.com/t35198.html

نولارا

11-23-2010, 12:14 AM

والله ياسمسمه
مش قادره افيدك بس ممكن تشترى القماش ولما يوصلك السرير تاخدى مقاساته وتديها لخياطه شاطرره وتوريها الصور كمان

somia

11-23-2010, 12:18 AM

نورا الصراحة انا مستغليه السرير على السرير وهوه مش هزاز فعشان كده كنت عايزة اشتري انا السرير وهيه تفصلي عليه

somia

11-23-2010, 12:21 AM

نورا انتي جبتي لاحمد سرير صغنن؟؟؟

نولارا

11-23-2010, 12:24 AM

لا والله ياسمسمه
اصلا مين هتصحى من النوم كل شويه وتوصل للسرير
وتشيل ابنها ترجع للسرير التانى وترضعه وبعدين تحطه تانى فى سريره مشوره هههههههههههه
ان شاءالله لما نفطشمه نجيبله سرير ودولاب ونحطهم فى اوضته
ونوزع سرير ودولاب حماتى هههه نداله

somia

11-23-2010, 12:30 AM

هههههههههههههههه نورا هيه حماتك ليها سرير ودولاب كمان في شقتك..
بس ازاي هتفصليه كده مرة واحدة ومش بياخد شلاليت ولا بوكسات كده وانتوا نايميين..هههههههه انا اخاف اصحى مرة الاقي النونة على الارض هربا من السرير..هههههههههههههه

نولارا

11-23-2010, 12:33 AM

اسكتى مش حماتى بقى ليها شقه لوحدها الحمد لله بس مش راضيه تاخد سريرها ودولابها من عندنا
ايوا موكشه بينام معانا على نفس السرير وهوا اللىبيدينا الشلالايت والبوكسات ههههههههههه

somia

11-23-2010, 12:41 AM

ههههههههههههههههه |..نورا طب ازاي هتنيميه في غرفة لوحدة فجأة كده؟؟؟

نولارا

11-23-2010, 12:44 AM

ممكن اقعد جنبه لحد ما يروح فى النوم وبعدين اروح اغلس على ابوه هههههههههه
احنا دلوقت بنام على اللسرير بالعرض ههههههههههههه

somia

11-23-2010, 12:46 AM

ههههههههههههههههه بالعرض ليه يا بنتي كده رجليكوا هتبقى بره السرير..ههههههههههه

somia

11-23-2010, 12:48 AM

نورا طب انتي بتلبسي براحتك قدامه ازاي واما يبكر عن كده هتلبسي قدامه ازاي على ما يروح غرفة جنابه؟؟؟

نولارا

11-23-2010, 12:49 AM

معلش ياسمسم تصبحى على خير بقى الساعه بقت 12
اشوفك بكره ان شاء الله

نولارا

11-23-2010, 12:50 AM

احنا مش بنعمل حاجه غير لما ينام وبنكون فى اوضه تانيه غير اللى هو نايم فيها ويبقى الحال كما هو عليه ههههههههههههههه

somia

11-23-2010, 12:53 AM

مفيش مشكلة يا بنتي ..تصبحي على خير

Om Rodina

11-23-2010, 01:32 AM

سمسمة انتى لسه هنا ولا مشيتى

dr.princess

11-23-2010, 07:10 AM

صباح الورد
انا رجعت تانى
ازيكم يا بنات وحشتووووووووووووووووووووونى موووووت
اخيرا جبنا خط نت جديد امبارح بالليل ولما جوزى راح الشغل قلت ادخل بقى اغلس عليكم
يللا طمنونى عليكم وقولولى ايه الجديد عندكم

dr.princess

11-23-2010, 07:13 AM

على فكرة يا بنااااات
لما فتحت الياهو لقيت توتة بعتالى رسالة اوف لاين بتسلم عليكم كلكم وبالذات حماة بنتها يللا نقول ايه شغل مصالح بقى هههههههههههههههههه
مش عارفة اذا كانت دخلت بعد ما وصلت مصر بالسلامة ولا لا بس قلت اوصل الرسالة وخلاص

MALAK2010

11-23-2010, 07:21 AM

لولو:وحشتينننننننننننننننننننننننننننننننننننننننن نننننننننننننننننننى

dr.princess

11-23-2010, 07:38 AM

ملك
وانتى كمااااااااااان وحشتيييييييييييييييييينى اوى اوى
ايه اخبارك واخبار النونو

MALAK2010

11-23-2010, 07:42 AM

وحشتينى اوووووووووووووووووووووى اوى يا لولو مش عارفة اقولك انا مبسووووووووووووطة اد اية انك رجعتيلى يا حبيبتى

MALAK2010

11-23-2010, 07:44 AM

مبروووووووووووووووووك على الشقة يا قلبى
يارب يارب تكون شقة الهنا وينور فيها النونو ويملاها واوأه
اوعى تكونى تعبتى نفسك فى النقل والتستيف

dr.princess

11-23-2010, 07:49 AM

وانا كمان والله يا ملك
ادينى رجعتلك اهو وهكبس على نفسكم امبارح نزلت انا وجوزى اشترينا خط نت جديد اسمه go مدفوع سنة مقدم والميزة انه اتركب على طول لا فى توصيلات ولا موظف بيعمل اى حاجة اول مارجعنا شغلناه وفى ساعتها اتوصل النت والنهاردة هنلغى الخط القديم ان شاء الله
يعنى ياستى سنة كاملة اهو باذن الله ميقطعش يعنى رسمى كابسة على نفسكم

dr.princess

11-23-2010, 07:53 AM

يااااااااااارب اللهم امين الله يبارك فيكى حبيبتى
والله اتبهدلت فى التوضيب والتستيف ده انا فضلت اسبوع همووووووت من التعب بس اعمل ايه غصب عنى كنت لازم اشتغل مكنش ينفع اسيب الدنيا مكركبة كده ربنا يستر بقى

MALAK2010

11-23-2010, 07:58 AM

عاوزة تعرفى اخر اخبارنا
شوفى يا ستى
توتة:كلمتنا اخيرا من يومين بس لسة مش منتظمة واتاكدت انها حامل فى بنت الحمد لله

دودى :مسافرة مصر يوم الخميس مش عارفة الخميس دة ولا اللى بعدة وزهقت خلاص وخلقها ضيق بتقول عاوزة تاخد جرعة من مصر ربنا يوصلها بالسلامة وعقبالى يااااااارب

سمية :لسة يا قلبى تعبانة وبينزل عليها دم ربنا يسلمها ويكملها على خير وهتروح للدكتورة اليومين دول

رنا:بتتدخل معانا اليومين دول وانا مزهقاها فى الاسئلة عن هدوم البيبى وصورتلنا حاجات من اللى هى جيباة لبنتها ربنا يقومها بالسلامة
اه جوزها صالحها وجابلها ورد ههههههههههههههه انتى عارفة ان الورد دة خبر مهم لا يمكن يتنسى هههههههههههه

ملاك بلا اجنحة (طمطم): مش بتدخل كتير بس كانت تعبت ايام العيد من التنضيف

جوجو:بتدخل يا حبيبتى كل يوم متاخر وكل يوم تسال سؤال هو فى حد ولا حياة لمن تنادى

نورا:صورتلنا صور جديدة لحمادة وكان تعبان الفترة اللى فاتت

ام دنا:وجة جديد هتتعرفى علية

امل(بقلظة):مش عارفة انتى عرفاها ولا لاء بس بنت عسولة وبتدخل معايا الصبح وهى فى الشهر التامن وحامل فى ولد ودوبت دكاترة مصر كلهم ههههههه

انا:مفيش جديد غير انى هروح للدكتورة ان شاء الله الاسبوع الجاى وربنا يستر
ورجعت كذا مرة من ساعة ما دخلت التالت
بس مش فكرة اى اخبار

انا حاسة انى لكيت كتيييييييييييير ههههههههههههههه

MALAK2010

11-23-2010, 08:05 AM

اه استنى لسة ماخلصتش انتى عارفة الذاكرة بقت على ادها

ماما قلقانة(سمر):مش عارفة انتى عرفاها ولا لاء بس هى ماشاء الله حامل فى تؤام والدكتور الله يسامحة قالها ان عندك تليف فى الرحم بس الحمد لله اتاكدت الفترة اللى فاتت ان مفيش حاجة وهى تمام الحمد لله
واذا افتكرت حد تانى هقولك ههههههه

MALAK2010

11-23-2010, 08:06 AM

انتى غلطانة انك تجهدتى نفسك فى التستيف اللى يخلص على يومين يخلص فى اسبوع المهم راحتك انتى والنونو

MALAK2010

11-23-2010, 08:11 AM

انتى فين يا لولو؟؟؟؟؟؟؟؟؟؟؟؟؟؟؟؟؟؟؟؟؟؟؟؟ النت فصل ولا اية

dr.princess

11-23-2010, 08:11 AM

لالالالالالالا لا لكيتى ولا حاجة انتى كده كفيتى ووفيتى انا كده اتطمنت عليكم
توتة : الحمد لله انها وصلت بالسلامة واتطمنت على البنوتة خلاص
دودى : ايه ده انتى كمان نازلة هتفضلوا واحدة ورا التانية كده تنزل مصر وانا قاعدة زى خيبتها هنا ههههههههههههههه توصلى بالسلامة ياقلبى
سمية : ربنا يعينك ياحبيبتى وان شاء الله خير واهم حاجة الراحة وتواظبى على المثبت
رنا : ربنا ميجيبش مشاكل ابدا ياااااااارب
طمطم : الف سلامة عليكى
جوجو : انتى اكيد الوحيدة اللى مفتقدانى لان سهرتنا كانت صباحى انا وانتى ههههههههههه شوفى بقى ازاى كنت عاملة فرق
نورا : الف سلامة على حمادة ربنا يحميه ويحفظه
ام دانا : اهلا بيكى معانا ان شاء الله تعرف عليكى
بقلظة : اه طبعا عارفاها وياستى حقها تلف اللى ميعجبهاش تغيرها وتروح لدكتورة تانية ياريتنى انا كمان اعرف الاقى دكتورة كويسة وكنت على طول سيبت اللى بتابع معاها
ملوكة ياقلبى شكلنا كده هنروح نكشف مع بعض انا كمان رايحة الاسبوع الجاى شوفتى الترجيع وحش ازاى ربنا يعين سمية اللى كل يوم كده يارب يكون خف عندها شوية
وعايزة اقولك ان الشهر الثالث ده اغلس شهر انا فضلت فيه تقريبا سنتين بطىء بشكل ملوش وصف اما الرابع ماشاء الله جرى بسرعة كلها اسبوع واخلصه باذن الله

dr.princess

11-23-2010, 08:20 AM

سمر ماشاء الله تبارك الله ربنا يعينها والحمد لله انها اتطمنت ومطلعش حاجة وحشة

يابنتى اعمل ايه بس انا جيت لقيت الشقة زبالة تراب وقرف وكله كوم والنمل كوم خلانى اشد فى شعرى
طبعا مرتحتش اول يوم الا لما كنست ومسحت وطبعا طبعا الحمام غسلة محترمة لحد ما كان هيجرالى حاجة طبعا لانى كنت متبهدلة قبلها فى توضيب الحاجات وقلة النوم بس مقدرتش اقعد كده ده طبعا غير بقى تفريغ الكراتين وتظبيط البيت والله يابنتى انا جه عليا يوم كنت بصوت من ظهرى مكنتش حتى قادرة اصلى وغير وجع بطنى بقى عيااااط من كتر الوجع ربنا يستر ان شاء الله

MALAK2010

11-23-2010, 08:20 AM

نسيت اقولك احنا قعدنا فترة بعد ماانتى وتوتة مشيتوا مش عارفين نتجمع ولا نتكلم مع بعض حتى كلنا قلنا انك انتى وتوتة عملتوا عمل على رجل نملة ههههههههههههههههههه ومش راضين ان احنا نتكلم من غيركم هههههههههه بس الحمد لله العمل اتفك ورجعنا نتكلم وكمان انتى وتوتة دخلتوا

dr.princess

11-23-2010, 08:23 AM

ههههههههههههه لو على رجل نملة يبقى مصدقاكى انا عندى منهم كتيييييير هنا فى الشقة ههههههههههههههههههه

MALAK2010

11-23-2010, 08:25 AM

الف سلامة يا حبيبتى معلش وانتى حاسة انك احسن الوقتى؟؟؟؟
عارفة احتمال نغير شقتنا برضة بس هكون انا فى مصر ربنا يقوى جوزى
وتوتة برضة هتنقل هتيجى الشارقة عندى بس جوزها هو اللى هينقل

نسيت احكيلك على توتة وهى فى المطار عسسسسسسسسسسسسسسسسل عملت عمايل وعيطت يا قلبى وفرجت على جوزها المطار سكر والله وبتقولى شدونى بالعافية منة

MALAK2010

11-23-2010, 08:28 AM

ههههههههههههه لو على رجل نملة يبقى مصدقاكى انا عندى منهم كتيييييير هنا فى الشقة ههههههههههههههههههه

شفتى بقا يعنى احنا مغلطناش ههههههههههههه
بس شوفى حل للنمل انا اعرف فى بودرة معينة بتتحط على الارض وبتمنعهة
وفى بودر فظيعة بتتحط على مية وبتمسحى بيها الارض ماتسكتيش علية علشان ممكن يقرص
وبعدين بلاش تبوخى مبيد حشرى علشان بيرجع تانى وعلشان بيخنق وممكن من كترة يعمل حساسية

dr.princess

11-23-2010, 08:33 AM

الحمد لله احسن دلوقتى عن ايام النقل بس مش عارفة ليه طول الوقت وجع فى الجزء الشمال بس من بطنى واليمين ولا اى حاجة مش عارفة ايه السبب فى اول الحمل كان برده وجع بس من تحت كده ناحية المبيض الشمال دلوقتى الوجع بقى فى الجزء الشمال كله ان شاء الله مايبقاش في حاجة
وياستى الحمدلله ان انتى وتوتة مش هتبقوا موجودين فى النقل اصله بهدله مقولكيش ربة بقى يعين الرجال هم هيستحملوا
ههههههههههههههههه ايه الفضايح دى ياتوتة بس اصدق انها تعملها بصراحة وبتهيألى انا لو مكانها هعمل كده واكتر

dr.princess

11-23-2010, 08:40 AM

والله انا اول ماجيت كان فى كميات مهولة من النمل تقريبا لان الشقة بقالها مدة محدش سكن فيها فتقريبا ماصدقوا بقى
بس دلوقتى خف عن الاول و بقيت برش البخاخ ده لو لقيت نمل وبقيت باخد بالى اوى مسيبش اكل برة ومفيش اكل يقع على الارض وكده يعنى
وكمان مرات صاحب جوزى قالتلى ان جوزها بيجيب بودرة كده بيستعملوها فى المزارع او بيجيبها من المزارع حاجة كده وبتقول بتفضل بالشهور مفيش نمل عندها فقلت لجوزى يخلى صاحبه ده يجيبلنا منها

MALAK2010

11-23-2010, 08:40 AM

انا برضة عندى الوجع بتاع الشمال دة
بس قريت مرة بيقول لو الحركة بتاعت البيبى شمال بيبقى حاجة ولا يمين بيبقى حاجة تانية يعنى ولد او بنت علشان مش عارفة افهمك

انتى حسيتى بحركة البيبى ولا لسة
عارفة انا حاسة ان الشهر التالت مشى بسرعة علشان كان فى اجازة وجوزى معايا وكدة
وانتى برضة حسيتى ان الرابع عدى بسرعة علشان النقل وكدة احنا لو كنا بنشتغل او مشغولين فى حاجة كانت الايام عدت اسرع ربنا يهون انا لسة 13 يوم وادخل الرابع ربنا يصبرنا

MALAK2010

11-23-2010, 08:42 AM

بلاش البخاخ علشان ريحتة مش كويسة وممكن تجيب حساسية اعملى بالودرة بس برضة متقربيش لان ساعات بتبقى ريحتها نفاذة

dr.princess

11-23-2010, 08:49 AM

والله مانا عارفة بس الوجع مستمر يعنى زى ماتحسى بتقل كده فى الشمال بس انا بقول لجوزى انا حاسة ان شايلة طوبة فى الحتة الشمال دى متقلة بطنى يااارب خير ان شاء الله
انا اول امبارح حسيت بحاجة كده وبرده فى الناحية الشمال مش عارفة اذا كانت دى حركتة ولا بتهيألى لانى زى ماقلتلك الجزء الشمال ده مش مرتاحة دايما منه فممكن تكون غازات او مغص او كده وانا اتهيألى مش عارفة
وعلى رأيك ممكن تكون ان الواحد اتشغل بحاجة فعدت الايام بسرعة

MALAK2010

11-23-2010, 08:52 AM

انتى اتعودتى على البيت ولا لسة
والبلد عندكم هدت كتييييييييييير عن ايام الحج
طبعا فى ايام الحج ماكنتيش بتقدرى تخرجى او تروحى الحرم من الزحمة

dr.princess

11-23-2010, 08:58 AM

اه الحمد لله اتعودت خلاص
والله يابنتى انا مخرجتش من زمان تقريبا من شهر لان جوزى كان بيشتغل من المغرب للفجر فهنخرج امتى
وكمان ايام الحج كان زميله بيحج فكان جوزى بيشتغل دوامين من 8 الصبح: 12 الظهر ويرجع تانى من 4 العصر: 1بالليل يعنى كان اليوم بايظ خالص فطبعا مخرجتش وقت الحج حتى العيد مخرجتش فيه ولما زميله رجع من الحج جوزى رجع يشتغل تانى من الصبح للمغرب فاول يوم اخرج امبارح كان زحمة برده لسه فى حجاج بس مش اوى يعنى

MALAK2010

11-23-2010, 09:07 AM

عقبال ما تحجوا السنة الجاية ويكون معاكى محمد الصغير ان شاء الله
انا هسيبك بس ساعة اصلى الضحى واطبخ واجيلك تكون سمر وامل دخلوا نرغى كلنا سوا
ونشوف جيرانك هيتعرفوا وتتصاحبوا ولا زى جيرانى اللى مش عاوزين يتصاحبوا على حد وصدقى انا كمان نسيت الكلام وماعتدش عارفة اتعرف ازاى هههههههه
من كام يوم زانا نازلة فى الاسانسير لقيت واحدة دخلت مت السكان اللى تحتى انا طبعا اول مرة اشوفها وهى حطت وشها فى الارض ونا احاول افتكر اية الكلام اللى بيتقال فى المناسبة دى ههههههههههههههههه ابدا نسيت يا بنتى الكلام من كتر ماعتدش بكلم غيركم وجوزى وماما
فقولت خلاص مش مشكلة يلا اشمعنى هى ههههههه

dr.princess

11-23-2010, 09:15 AM

ان شاء الله ونبقى صحبة
اوكى حبيبتى ولا يهمك انا موجودة وفاضية النهاردة عندى بانية من امبارح متبقى
لما ترجعى احكيلك على جارتى اللى جنبى وعلى رأيك الواحد من كتر القاعدة لوحده معدش عارف يتكلم مع حد ربنا يعين
مستنياكى

رنا خالد

11-23-2010, 09:23 AM

لولو مش معقووووووول
وحشتينا اوووووووي والله عامله ايه ياقمر وازي النونه
وحمد الله علي السلامه ده المنتدي كان مضلم من غيرك

dr.princess

11-23-2010, 09:27 AM

رنا ازييييييييييييييك
انتوا كمان وحشتونى اوى
طبعا يابنتى انا النور كله هههههههههههههه
انتى اخبارك ايه واخبار البنوتة

رنا خالد

11-23-2010, 09:34 AM

انا بخير والنونه بتسلم عليكي كمان
بجد كنا مفتقدينك جداااااااا انتي وتوته
هجرتونا وبدأنا نشك اننا اتعملنا عمل علي رجل تمله
ولا بلاش النمل لحسن انا ذاكرت اللي كتبتوه انتي وملك ولقيتك عندك فوبيا من النمل ههههه بلاش يابنتي تتعبي نفسك اوي كده عشان خاطر البامبينو القمر

dr.princess

11-23-2010, 09:38 AM

الله يسلمك منتحرمش منك
اه والنبى بلاش النمل مش عايزه حد يجيبلى سيرته
خلاص معدش فى شغل دلوقتى يادوب شغل البيت اليومى وخلاص

رنا خالد

11-23-2010, 09:44 AM

طب الحمد لله انك خلصتي كل اللي وراكي
لحسن الواحد لما بيبقي وراه حاجه بيكون مأريف وشايل همها
بس كويش شكلنا كده هانرجع نتلم تاني اخيرا بعد غياب
ده المنتدي كان مهجور خالص
انا بقي ياستي عامله معرض هههههه اه والله
كل يوم انزلي كام صوره لهدوم البيبي والكل بيتفرج ويشجع هههههههههه
ماهو الفاضي يعمل قاضي الواحد من فرحته فرج هدوم البنت للناس كلها وعلي الملأ
من قبل حتي ماتلبسها قوليلي انتي جبتي الهدوم ولا لسه؟

رنا خالد

11-23-2010, 09:52 AM

هاسيبك انا دلوقتي يالولو لحسن جعاااااااااانه جدا
اصلي بجوع كل ساعه هانزل اجيب فطار وادمر الفطار كله
وانام لي شويه وهارجع تاني
نتقابل العصريه ان شاء الله ياريت الاقيكي واوعي تختفي تاني عشان بتوحشينا

dr.princess

11-23-2010, 09:55 AM

اه والله عندك حق لما بيكون ورايا حاجات اعملها بتبقى زى الهم بالظبط
ايه ده طيب اشمعنى انا عايزة اشوف الصور انا كمان ماليش دعوة
والله انا كنت غيرت رأيى ونويت انى ابدأ اشترى من الشهر ده بس للاسف الظروف المادية مش مظبطة ابدا اليومين دول فمستحيل انى اطلب اى حاجة الايام دى خصوصا انى كمان هدوم الشتاء اللى كنت جايباها معايا معدتش تنفع وهضطر اشترى غيرها ومش وقتها خالص صراحة بس اعمل ايه فغالبا كده هسيب موضوع الهدوم ده للسابع او الثامن باذن الله تكون الامور ظبطت شوية ساعتها

dr.princess

11-23-2010, 09:57 AM

رنا بالهنا والشفا
والله لو عرفت ادخل العصر هبقى موجودة بس غالبا كده هكلم ماما ربنا يسهل ساعتها

MALAK2010

11-23-2010, 10:15 AM

انا هنااااااااااااااااااااااا

dr.princess

11-23-2010, 10:18 AM

وانا كماااااااااااااان

MALAK2010

11-23-2010, 10:22 AM

اظاهر انا بختك ونصيبك النهاردة بقولك مالكيش غيرى ورجعتيلى هههههههههههههههه

بقلظة

11-23-2010, 10:25 AM

السلام عليكم ورحمة الله وبركاته
hwaml03hwaml03hwaml03

اقول ايه صباااح الخير

والا ايه النور ده

والا حمد الله علي سلامتك

والا نورتي التجمع يا قمرhwaml84

وحشتينا يا لولو يا رب تكوني فكراني

MALAK2010

11-23-2010, 10:26 AM

بتفرج على برنامج على المحور جيبين دكتور معرفش دكتور تجميل ولا اية
كل حاجة بيظبطوها لما حد بيكبر
تحسى ان الواحدة عجينة وهما بيشكلوها ان كان رقبة بيفردوها وايدين بيملوها وعنين بيوسعوها وشفايف بيملوها
ايه دة ربنا يستر علينا احنا مش هنعمل لما نكبر حاجة اما اللى حوالينا هيعملوا يعنى تعبينا صغيرين وكبار

بقلظة

11-23-2010, 10:26 AM

ملوكة حبيبتي صباح الخير يا عسل

MALAK2010

11-23-2010, 10:29 AM

امولة حبيبتى عاملة اية ماتقلقيش لولو فكرة الكل هى كانت نسيتنى شوية بس انا فكرتها بنفسى هههههههه
عاملة اية النهاردة اخبار ضغطك اية النهاردة

dr.princess

11-23-2010, 10:30 AM

MALAK2010

11-23-2010, 10:35 AM

ده يبقى انا على كده محظوظة ايه الحظ الحلو ده
اخبار الاكل معاكى ايه دلوقتى
انا بقيت زى ما رنا قالت من شوية كل ساعة تقريبا لازم اكل بقيت بجوع بسرعة اوى بس مش باكل كميات المهم اى حاجة تتاكل وخلاص لو حتى تفاحة تقضى الغرض

بالهنا يا قلبى
وبعدين كلى براحتك احنا تعبنا 3 شهور نعوض بقا وبعدين الكرومباية اللى هتكون عندنا هتيجى من اية مش لازم اكل

بقلظة

11-23-2010, 10:38 AM

امولة حبيبتى عاملة اية ماتقلقيش لولو فكرة الكل هى كانت نسيتنى شوية بس انا فكرتها بنفسى هههههههه
عاملة اية النهاردة اخبار ضغطك اية النهاردة

ازيك يا ملك انا بخير الحمد لله مش قيست الضغط تاني والله بس حاسة اني بقيت كويسة الحمد لله

بقلظة

11-23-2010, 10:39 AM

لولو راحت فين يا ملك

MALAK2010

11-23-2010, 10:43 AM

امل:طيب وقولتى لجوزك ولا اية اللى جرى ولا نسيتى الموضوع

MALAK2010

11-23-2010, 10:44 AM

امل:الحمد لله على سلامتك
انتوا بتتاخروا فى الرد لييييييييييية

بقلظة

11-23-2010, 10:45 AM

روحتوا فين

dr.princess

11-23-2010, 10:48 AM

بقلظة اه طبعا فاكرانى ايه الكلام الحلو ده انتوا بتحرجونى بذوقكم والله
انا بفكر كده كل مدة ابقى اغطس شوية علشان اسمع الكلام الحلو ده شوية ههههههههههههه

بقلظة

11-23-2010, 10:52 AM

امل:طيب وقولتى لجوزك ولا اية اللى جرى ولا نسيتى الموضوع

والله يا ملك جوزي الي كان تعبان امباارح ونام بعد المغرب لتاني يوم يعني من 6 المغرب ل 6 الصبح ماشاء الله عليه مش عارفة بيحب النووم كده ليه حتي لما بيكون تعبان بس انا بصراحة سبته قلت علشان يقوم فايق لشغله وطبعا مش عرفت احكيله حاجة

MALAK2010

11-23-2010, 10:53 AM

لا يالولو دودى اللى عليها الدور فى الغطس وبعدها انا خلاص انتى اخدتى دورك ههههههه
بس عاوزة لما اغطس انا كمان تقولولى كلام حلو يدوخ كدة هههههههههههههه
لاااااا انا مش الدور عليا بعد دودى لا لسة رنا وامل اكيد لما يولدا هيختفوا عننا شوية يعنى ساعة ماغطس مش هلاقى حد يقولى حاجة اهئ اهئ

dr.princess

11-23-2010, 10:54 AM

ملك هى جات بس على الستات بس ده حتى الرجالة كمان بقوا بيعملوا عمليات تجميل
انتى عارفة انا بقيت بتفرج على برنامج طبى على mbc4 اسمه the doctors بس برنامج حلو اوى بيجى من السبت للاربعاء تقريبا الساعة 6 والاعادة كمان ساعة من دلوقتى تقريبا
وكمان بتفرج على ابوظبى على برنامج حكمة نساء بيجى يوم الاتنين الساعة 8 وبيتعاد يوم الجمعة وقت الصلاة
حلوة البرامج دى اوى بستفيد منها

وبعدين انا مش ممكن انساكى ابدا

بقلظة

11-23-2010, 10:55 AM

بقلظة اه طبعا فاكرانى ايه الكلام الحلو ده انتوا بتحرجونى بذوقكم والله
انا بفكر كده كل مدة ابقى اغطس شوية علشان اسمع الكلام الحلو ده شوية ههههههههههههه

تستهلي اكتر من كده يا لولو كمان

تعرفي انا بجد مبسوطة بالتجمع ده انا اشتركت في منتديات كتير بس مش استريحت غير ليكوا

MALAK2010

11-23-2010, 11:03 AM

لولو:حكمة نساء دة برنامج طبى ولا دينى

فى برنامج جديد بيجى باين على ابو ظبى او دبى اسمة لعب النجوم بيجى كل جمعة باليل بيجيب نجمين ممكن واحد مصرى مع واحد عربى وبيلعيوا زى السلم والتعبان كدة بس بيجيبوا اشهر النجوم وتلاقيهم بيرقصوا ويغنوا ويمثلوا وعلى طبيعتهم بزيادة مش منشيين جوزى بيقولى كل واحد زمانة قابض اد كدة مش تلفزيونات دبى هههههه

dr.princess

11-23-2010, 11:05 AM

ربنا يكرمك يا امل والحمدلله انك اتبسطتى معانا
ولا يهمك يا ملك لو كان فيا نفس وقت ما تغطسى هبقى ارحب بيكى ترحيب مخصوص بس ادعيلى بس اكمل الحمل على خير ومبقاش زى اختى

dr.princess

11-23-2010, 11:08 AM

حكمة نساء برنامج طبى على ابو ظبى فيه دكتورة نساء ودكتورة جلدية ودكتورة بتاعة مشاكل جهاز تنفسى واضطرابات النوم ومحللة نفسية
انا شفت حتة من برنامج لعب النجوم ده على دبى حسيت انهم مزودينها اوى بصراحة معجبنيش خالص

MALAK2010

11-23-2010, 11:10 AM

ربنا يكرمك يا امل والحمدلله انك اتبسطتى معانا
ولا يهمك يا ملك لو كان فيا نفس وقت ما تغطسى هبقى ارحب بيكى ترحيب مخصوص بس ادعيلى بس اكمل الحمل على خير ومبقاش زى اختى

ربنا يكملك على خير يا حبيبتى وبلاش تشاؤم وبعدين الحمد لله اختك عندها ولدين ومرة واحدة اللى حصلها كدة فان شاء الله تبقى زى اختك فى الخير علطول
وبعدين الحمد لله انتى عديتى فترة الخطر مش هى بتبقى ال3 شهور الاولى

MALAK2010

11-23-2010, 11:13 AM

امل:الف سلامة على جوزك وربنا يشفية

بقلظة

11-23-2010, 11:13 AM

انا مبسووووووووووووووطة اووووووووووووي

MALAK2010

11-23-2010, 11:14 AM

لولو:انتى مخدتيش بالك من التوقيع بتاعى وعملالك حركات وكاتبة يافتة فى غيابك انتى وتوتة ولا معبرانى هههههههههههههههه

dr.princess

11-23-2010, 11:16 AM

MALAK2010

11-23-2010, 11:16 AM

انا مبسووووووووووووووطة اووووووووووووي
ربنا يبسطك يا امولة بس من اية
ويارب بكرة مانكتئبش لحسن انتوا الحوامل خلتيونى اشد فى شعرى من مزاجكم المتقلب دة ههههههههههههه

بقلظة

11-23-2010, 11:18 AM

امل:الف سلامة على جوزك وربنا يشفية
الله يسلمك يا ملك

لاء هو كويس جداا انا عارفة جوزي علااجه النووم

ده من فرحته كلمني وهو في الطريق للشغل مبسووط

dr.princess

11-23-2010, 11:19 AM

اه صحيح والله يا ملك انا كنت هعلق عليها بس نسيت
مش عارفة اقولك ايه ربنا يخليكى ليا دايما وانتى عوضتينى عن اصحابى فى العيد محدش منهم عبرنى بعتلهم رسايل كلهم واتنين ثلاثة بس اللى ردوا عليا والباقيين معبرونيش ولا حتى برنة حاجة وحشة اوى

MALAK2010

11-23-2010, 11:19 AM

لا يا ملك اختى المرتين ولدت بدرى الولد الاول ولدت قبل السابع وحملت بعده وحصل اجهاض بس بدرى اوى يادوب شهر ونص والولد التانى ولدت فى السابع
بس ان شاء الله ميحصليش زيها هى نفسها بتقولى انا مش مقياس لاى حاجة انسينى خالص

يا حبيبتى
لكى حق تقلقى بس سبيها على اله وبعدين هى زى ما بتقول كل واحدة بتختلف على التانية وصدقينى كل طفل ولة ظروفة يعنى ممكن نفس الام ويحصل فى كل ولادة حاجة مابالك انتوا اتنين

dr.princess

11-23-2010, 11:21 AM

امل ياااارب دايما مبسوطة كده بس قوليلى فرحانة ليه فرحينا معاكى

بقلظة

11-23-2010, 11:23 AM

لا يا ملك اختى المرتين ولدت بدرى الولد الاول ولدت قبل السابع وحملت بعده وحصل اجهاض بس بدرى اوى يادوب شهر ونص والولد التانى ولدت فى السابع
بس ان شاء الله ميحصليش زيها هى نفسها بتقولى انا مش مقياس لاى حاجة انسينى خالص

يا دكتورة لولو اكيد انتي عارفة ان كل حالة غير التانية يعني لو في مشكلة عند اختك ربنا يشفيها يا رب مش شرط انتي كمان تكون عندك وبعدين انا اعرف طالما انتي دايما بتذكري الله ومتوكلة علي ربنا وبعدين ناخد بالاسباب يعني بلاش مجهوود فظيع زي اللي كنتي بتقولي عليه ل ملك والتعب ده والا اول ثلاث شهور والا في شهور الحمل كلها برضه غلط لانها ممكن تسبب لاقدر الله في ولادة مبكرة ربنا يبعده عنك وعنا يا رب

بقلظة

11-23-2010, 11:25 AM

اقولكم مبسوطة ليه ؟؟؟

MALAK2010

11-23-2010, 11:31 AM

امل:اااااااااااااااااااااااه عاوزة اسمع خبر حلو يلااااااااااااااا قولي

dr.princess

11-23-2010, 11:31 AM

ملك امل انا عارفة الكلام اللى بتقولوه ده وسايباها على ربنا والخير هيكون ان شاء الله

ايوه قولى يا امل مبسوطة من ايه

بقلظة

11-23-2010, 11:33 AM

وجب يا معلمه
انا هوزع البضاعه ومستنايكى عند بطن الزير
والواد شفشق والواد حلاطه وزعو التموين ومستنينك يا يا معلمه
الفيل فى المنديل
والسنجه فى الرنجه

MALAK2010

11-23-2010, 11:33 AM

لولو:انا عارفة كل الكلام اللى بيتقال بس انتى عندك حق تقلقى لانك شوفتى كل الحظات اللى اختك عاشيتها فى موضوع الحمل والاجهاض بس علشان كانت قاعدة معاكم طول المدة دى فطبيعى انك هتتاثرى ربنا يعينك ويحفظ جنينك ويكملك على خير

MALAK2010

11-23-2010, 11:35 AM

وجب يا معلمه

انا هوزع البضاعه ومستنايكى عند بطن الزير
والواد شفشق والواد حلاطه وزعو التموين ومستنينك يا يا معلمه
الفيل فى المنديل

والسنجه فى الرنجه

عروستى هههههههههههه

MALAK2010

11-23-2010, 11:42 AM

بقولك حد يعرف يعمل الحلاوة بس يقولى اعمل اية بالظبط طمية المية والسكر وتقعد اد اية على البوتجاز بس مقادير مظبوطة وبالذات اعرف ازاى انها بقت حلاوة لحسن ياما بتجمد معايا ياما بتكون سايحة ماما هى اللى كانت بتعملها ومن يوم ما سفرت بستعمل الeasy sweet
بس خلص مش عارفة فى هنا ولا لاء اللى شفتة الشمع بس مش بيعمل حاجة زى قلتة وبيسيب لزق على الجلد وخلاص
افيدووووونى

بقلظة

11-23-2010, 11:43 AM

انا الفترة اللي فاتت وبصراحة من يوم ماتزوجت

وانا زعلااانة اووي من نفسي حاسة اني مقصرة وربنا بيكرمني اوووي في كل حاجة

وانا حاسة بالتقصير جااامد انا بصلي الحمد لله بس الخشووع قل والاذكار بقولها بس بانساها اووقات والاستغفار ايام كتير انسي اقوله والصلاة علي النبي

ومفيش قيام ولا ورد قرآن ثابت يوميا

ده شيء مش مزعلني لاء مموتني ومكتئبة بسببه

المهم عملت مووضوع بس جاامد في منتدي تاني بتكلم فيه عن كده بس لقيت تفاعل كتير من اخووات عايزين نصلح من نفسنا

علشان كده مبسوطة اووي

ايه رآيكم انزله هنا بالقسم الاسلامي وتشتركوا معايا ؟

MALAK2010

11-23-2010, 11:44 AM

انتواااااااااااااا فييييييييييين

بقلظة

11-23-2010, 11:48 AM

hwaml7hwaml7hwaml7

dr.princess

11-23-2010, 11:50 AM

ملك مش عارفة والله عمرى ماعملتها
لما جيت هنا قلت لجوزى انى عايزاها فجابلى من عنده من الصيدلية علبة بلاستك كده ب 10 ريال فيها كمية محترمة كده بس ذل انك تشيليها او تقطعى منها حتة على قد ما انتى محتاجة مش سهلة زى الايزى سويت بس هى دى اللى موجودة هنا بتهيألى غالبا هتلاقيها عندك برده

MALAK2010

11-23-2010, 11:50 AM

بصى يا امل انا برضة كنت حاسة انى ملتزمة اكتر قبل الجواز ماعرفش الجواز عمل فيا اية هههه
بس نزلية فى القسم الدينى بس نزلية هنا كمان لان القسم الدينى ملاحظة ان مفيش فية تفاعل زى التجمعات التانية والدردشة
وخلينا نبدا مع بعض وربنا يجازيكى خير
يلا مستنية الموضوع هنا علشان نتفق نعمل اية مع بعض

dr.princess

11-23-2010, 11:51 AM

امل ياااااااااريت
نزلى الموضوع واحنا ان شاء الله نشترك معاكى فيه

dr.princess

11-23-2010, 11:52 AM

معلشى بتاخر فى الرد
بتفرج على the doctors

MALAK2010

11-23-2010, 11:52 AM

هشوف كدة يالولو لما انزل بس اللى هيجيبهالى جوزى لان طبعا هنا البلد انجليزى فى انجليزى فهو المترجم بتاعى فى البلد دى هههههههههههههه

بقلظة

11-23-2010, 11:52 AM

انا كمان يا ملك عمري ما عملتها بس بستعمل براون

بقلظة

11-23-2010, 11:55 AM

حااضر هانزله في القسم الاسلامي وابعتلكم الرابط

بس يا ملك مينفعش انزل الموضوع هنا علشان هينقلوه طبعا

dr.princess

11-23-2010, 11:56 AM

خلص خلاص ورجعتلكم

MALAK2010

11-23-2010, 11:59 AM

انا بستعمل الماكنة بس تحت من ساعة الحمل بخاف ياثر ولا حاجة فبستعمل easy sweet
طيب لما باقى البنات يدخلوا هسالهم لما نشوف

امل:مفيش حد بينقل دى لو مشاركة بتتنقل من قسم لقسم اما احنا فى دردشة عادى

MALAK2010

11-23-2010, 12:05 PM

لولو:انا فتحت لحقت اخر دقيقة بس
كانت حلقة حلوة؟؟؟

بقلظة

11-23-2010, 12:08 PM

http://forum.hwaml.com/t35247.html#post507317

الموضوع اهوه يلا ادخلوا وقوليلي رآيكم ايه

عقبال اقوم افطر وارجع لكم ان شاء الله

سلاام مؤقت

توته السيد

11-23-2010, 12:14 PM

صباح الورد ياحلوات عاملين اية

توته السيد

11-23-2010, 12:15 PM

ملوكه ياقمر وحشتيني عامله اية
بقلظه ياحبي وحشتيني اخبارك اية

MALAK2010

11-23-2010, 12:16 PM

توتة:ازيك يا حبيبتى انتى بتغيبى علينا لية كدة
على فكرة لولو رجعت اسيبكم تسلموا على بعض ههههه

dr.princess

11-23-2010, 12:17 PM

ملك انا برده ملحقتهاش من اولها
بس كانت بتتكلم عن الحاجات اللى احنا مش بناخد بالنا من انها ممكن يكون فيها جراثيم يعنى جابوا الجراثيم الموجودة فى الشنط اللى بتتاخد فى الجيم واللى على الموبايل وانه المفروض نطهره على طول بقطنة فيها كحول و فى المطاعم الحاجات اللى الناس كلها بتلمسها وفى البنزينة البتاعة دى اللى بتملى البنزين
وكمان دكتورة النسا قالت ان المفروض اللى عندها قطط وحامل تبعد خالص انها تنضف المكان اللى بتربيه فيها طبعا علشان التوكسوبلازموسيس
ودكتور الاطفال كان بيقول على الناس اللى بتدى ولادها المفاتيح يلعبوا بيها قال ان فيها رصاص وده خطر عليهم طبعا والمفروض يبقى فى مفاتيح بلاستيك ليهم للعب وكمان لو حاجة وقعت على الارض منرجعش نديهالهم تانى علشان هيحطوها فى بقهم
ده اللى انا شوفته

توته السيد

11-23-2010, 12:18 PM

صحيح دودي مسافره قريب تيجي بالسلامه ياقمري وتنوري مصر بس هتشوفي بعد زوجك عنك هيعمل فيكي اية اسلوب تخويف هههههههههه

dr.princess

11-23-2010, 12:20 PM

توتة حمدالله على السلامة
ازيك يا قمر اخبارك ايه والبنوتة يارب تكونوا كويسين
قوليلى لقيتى دكتورة كويسة ولا عملتى ايه

توته السيد

11-23-2010, 12:22 PM

حبيبتي ملوكه معلش غصب عني والله اصلي ماما وبابا خلاص جايين بكره فبنحضر مراسم الاستقبال فمابدخلش كتير بجد لولو القمر الف حمد لله ع السلامه حبيبتي اخبارك اية طمنينا عنك واحكيلنا فتره غيابك بالتفصيل الننل هههههههههه

dr.princess

11-23-2010, 12:24 PM

معلشى يا بنات هستأذن منكم دلوقتى عندى حاجات اعملها فى البيت وكمان هنام شوية وهرجعلكم ان شاء الله لما اصحى

توته السيد

11-23-2010, 12:25 PM

لولو الله يسلمك حبيبتي يارب احنا بخير الحمد لله ربنا يخليكي والله يالولو مالقتش رحت لدكتور اللي كنت بتابع عنده من الاول هعمل اية كل ما اعرف دكتوره يحذروني منها

MALAK2010

11-23-2010, 12:27 PM

يحذروكى منها لية بتعمل اية هههههههههه

MALAK2010

11-23-2010, 12:35 PM

انا هخرج الوقتى لان جوزى خلاص على وصول
توتة:امل جاية الوقتى اتكلموا على ما اجى كلها نصف ساعة واجيلكم
امل انا قرات الموضوع رائع وتحسى ان الكلام بياثر فى الواحد ما شاء الله
انا كتبت نص الرد بس لما اجى هكملة لانى عاوزة اشارك بجد مش اكتبلك جزاكى الله خير وبس
ماشى يا جميل هاجى كمان نصف ساعة ان شاء الله سلااااام مؤقت

توته السيد

11-23-2010, 12:35 PM

بقلظة

11-23-2010, 12:36 PM

السلام عليكم ورحمة الله وبركاته

ازيك يا توتة عاملة ايه

انتي ساكنة فين طيب يا توتة ؟

بقلظة

11-23-2010, 12:38 PM

بقلظة

11-23-2010, 12:41 PM

يقولولي لأ دي راحت عندها فلانة وقالتلها البيبي بخير وانتي بخير وطلع عندها تسمم حمل وماعرفتوش والبيبي بعيد عنا وعنك وعن الجميع مات ووحده تاني قالتلها البيبي كويس تمام ونزل كفانا الله مشوه ووحده ادت الست حقن علشان كانت بتنزل دم موتت البيبي
معلش يا توتة انا برضه رآيي ان في دكاترة ستات كويسين انا برضه باسمع الكلاام ده حتي جوزي بدأ يقنعني اروح لدكتور راجل بس انا مش وافقت بس رديت رد معرفيش يقولي ايه قلت له ده رزق من عند ربنا ليه نبدأ حياته بمعصيته

بقلظة

11-23-2010, 12:43 PM

انا رآيي اصبري وهتلاقي دكاترة ستات كويسين ان شاء الله

انتي لو قريبة للهرم في دكتورة ممتازة بيشكروا فيها جداا

انا هاروح لها قرريب

بقلظة

11-23-2010, 12:43 PM

هاقوم اصلي الضهر وارجع لكم كمان شوية

MALAK2010

11-23-2010, 01:40 PM

انا جييييييييييت

Om Rodina

11-23-2010, 01:43 PM

السلام عليكم ورحمة الله وبركاته
ازيكم كلكم ياحبايبى عاملين ايه
بما انى لسه جديدة معاكم حاسة انى غريبة بينكم خصوصا لما باشوف كلامكم مع بعض باحس انكم عارفين بعض من وقت طويل
بجد نفسى يبقى ليا اخوات وصديقات مخلصين كده لانى مفتقدة ده من زمان
احبكم فى الله

Om Rodina

11-23-2010, 01:45 PM

هاقوم اصلى الظهر وهارجع تانى بس يارب الاقى حد موجود

MALAK2010

11-23-2010, 01:48 PM

ام دنا: بصى يا حبيبتى انا كنت زيك فى الاول بس صدقينى انتى خلاص بقيتى معانا من اول مشاركة كتبتيها وبقيتى مننا فبلاش تحسسى نفسك انك جديدة لاء خلاص التجمع دة بتاعك واحنا اصحابك وادخلى وكلمينا احنا خلاص عرفناكى كلنا حتى لولو كانت غايبة عننا اول ما دخلت قولتلها عليكى علشان تتعرف بيكى وهى رحبت بيكى وقالت انها عاوزة تتعرف عليكى

بقلظة

11-23-2010, 01:50 PM

وعليكم السلام ورحمة الله وبركاته

ازيك يا ام دانا انتي اخت لينا فعلا ومش غريبة والا حاجة صدقيني انا اول ما دخلت التجمع حسيت اني اعرفهم من زمان وكأني اتكلمت معاهم قبل كده

بس انتي خليككي معانا دايما

بقلظة

11-23-2010, 01:51 PM

انا جييييييييييت

نورتي يا ملك

بقلظة

11-23-2010, 01:52 PM

ملك ممكن اسألك سؤال

MALAK2010

11-23-2010, 01:54 PM

اتفضلى يا جميل بس يارب مايكونش زى السؤال اللى اتسالتة قبل كدة فى تجمع الامارات ههههههههههههه

بقلظة

11-23-2010, 02:00 PM

طيب ايه هوو علشان متحرجنيش بس

Om Rodina

11-23-2010, 02:00 PM

Om Rodina

11-23-2010, 02:01 PM

ازيك يا امل اخبارك ايه وعاملة ايه انهاردة يارب تكونى احسن

MALAK2010

11-23-2010, 02:01 PM

يلا يا امل قولى السؤال وانا هقولك سؤالهم عاوزة اعرف اية اللى عاوزة تعرفية قوليى

بقلظة

11-23-2010, 02:03 PM

اسمك الحقيقي ايه يا ملك؟

Om Rodina

11-23-2010, 02:03 PM

ازيك يا ملك اخبارك ايه
صورة البنوتة اللى حطاها دى امورة اوى باحس انها رقيقة اوى

بقلظة

11-23-2010, 02:04 PM

ازيك يا امل اخبارك ايه وعاملة ايه انهاردة يارب تكونى احسن

الحمد لله يا ريري انا بخير الحمد لله واحسن من الاول بكتير
انتي اخبارك ايه ؟

Om Rodina

11-23-2010, 02:06 PM

الحمد لله يا ريري انا بخير الحمد لله واحسن من الاول بكتير
انتي اخبارك ايه ؟
الحمد لله يارب دايما ياحبيبتى
انا الحمد لله بخير ماشى الحال الحمد لله

MALAK2010

11-23-2010, 02:07 PM

اسمك الحقيقي ايه يا ملك؟
ههههههههههههههههههههههههههههههههههههه
ضحكتينى اووووووووووووى
كل دى مقدمات علشان تعرفى اسمى هههههههههه
طيب احنا نعملها مسابقة واللى يعرف ياخد جايزة

Om Rodina

11-23-2010, 02:08 PM

ههههههههههههههههههههههههههههههههههههه
ضحكتينى اووووووووووووى
كل دى مقدمات علشان تعرفى اسمى هههههههههه
طيب احنا نعملها مسابقة واللى يعرف ياخد جايزة
بس لازم تسهلى اسئلة المسابقة دى وتحطى لنا اختيارات
ههههههههههه

MALAK2010

11-23-2010, 02:09 PM

بتوع تجمع الامارات سالوا سؤال تانى خالص
بس برضة بعد مقدمات طوووووووووووووووووووويلة
واحدة سالتنى انتى لابسة حجاب ولا لاء مش عارفة هم واخدين فكرة ان المصريات مش محجبات ولا اية بالرغم كنت بدخل علطول وابعت حاجات دينية ولما عرفوا انى لابسة حجاب فرحوا اوى هههههههه

بقلظة

11-23-2010, 02:11 PM

اصلي مشبحب الاحراج ده حاجة مش حلوة بصراحة

عيبي اني بزعل بسرعة لو حسيت بكده مش بعرف اتأقلم مع الموقف

هتقولي باه والا ازعلhwaml15

بقلظة

11-23-2010, 02:13 PM

MALAK2010

11-23-2010, 02:13 PM

بصوا انا ممكن اقول اسم تانى واكذب بس مش بحب كدة بس والله جوزى علشان يسمحلى انى ادخل هنا التجمع لانة ماكنش موافق انى ادخل منتديات لولا انة منتدى حوامل عمل شوية اوامر منها اسمى مش عارفة هيتخطف ولا اية ههههههههه بس مشوها ملك وخلاص واللى عاوز يسمينى باسم تانى لو كان ملك مش عجبكوا قولوة
طبعا مفيش زعل يا امولة يا حبيبتى

Om Rodina

11-23-2010, 02:16 PM

لا خلاص طالما انك بتحافظى على كلمتك مع زوجك يبقى ان شاء الله مافيش فيها زعل

ايوشه

11-23-2010, 02:16 PM

ازيكم ياحلوين يامقطقطين عاملين ايه

Om Rodina

11-23-2010, 02:17 PM

كلنا عارفين ان طاعة الزوج واجبة طالما انها مش فى معصية الله عزوجل

Om Rodina

11-23-2010, 02:18 PM

ازيكم ياحلوين يامقطقطين عاملين ايه
الحمد لله بخير ياقمر انتى اخبارك ايه

MALAK2010

11-23-2010, 02:18 PM

امولة انتى فيييييييييييييييييييييييين خصمتينى خلاص

ايوشه

11-23-2010, 02:18 PM

ازيك يالولو حمد لله على السلامه نورتينا تانى اهو كنت مستنياكى عشان تدعيلى يوم عرفات بس دخلتى بعده اهو يلا اول خروجه ليكى للروضه تدعيلى بقه ماليش دعوه

ايوشه

11-23-2010, 02:19 PM

ام دانا وملوكه واموله منورين

MALAK2010

11-23-2010, 02:20 PM

ايوش: ازيك يا حبيبتى عاملة اية وكنتى عاوزة لولو تدعى باية

Om Rodina

11-23-2010, 02:20 PM

ام دانا وملوكه واموله منورين
التجمع منور بيكى انتى يا حبيبتى

Om Rodina

11-23-2010, 02:21 PM

امولة انتى روحتى فين

بقلظة

11-23-2010, 02:23 PM

لاء عادي يا ملك مفيش زعل طبعا لازم تحترمي رآي جوزك

dr.princess

11-23-2010, 02:24 PM

ازيكم يا بنااات مجاليش مزاج انام فقلت ارجعلكم تانى

ايوشه

11-23-2010, 02:24 PM

ايوش: ازيك يا حبيبتى عاملة اية وكنتى عاوزة لولو تدعى باية
الحمد لله تمام انتى عامله ايه كنت عاوزاها تدعيلنا ربنا يكملنا على خير ونولد بقه احسن انا مرعوبه وخصوصا انى لوحدى وكمان جوزى يغير رايه ومايسميش الاسم اللى بيقول عليه اهئ اهئ اهئ

MALAK2010

11-23-2010, 02:25 PM

لاء عادي يا ملك مفيش زعل طبعا لازم تحترمي رآي جوزك

عارفة انا شيفاكى مكشرة وزعلانة اجى ازغزغك hwaml02hwaml02hwaml02hwaml02

ايوشه

11-23-2010, 02:26 PM

لولو ازيك كويس انك جيتى ادينى كتبتلك الدعوه اهى بالتفصيل لسه كنت جايبه فى سيرتك بتيجى على السيره ولا ايه

بقلظة

11-23-2010, 02:26 PM

ازيك يا ايوش عاملة ايه والثامن عامل معاكي ايه انا مش بعرف انام الليل خالص

MALAK2010

11-23-2010, 02:26 PM

ايوش:لولو جت على السيرة ههههههه
ازيك يا لولو صح النوم

Om Rodina

11-23-2010, 02:28 PM

ازيك يالولو عاملة ايه يشرفنى انى اتعرف عليكى

ايوشه

11-23-2010, 02:29 PM

ازيك يا ايوش عاملة ايه والثامن عامل معاكي ايه انا مش بعرف انام الليل خالص
والله يابنتى زى حالاتى بالظبط اقول انا هنام على ظهرى احس بتقل اقول اغير وانام على الجنب اليمين احس ان فى طوبه متقلاه اقول لا لا الشمال احسن ماقدرش اتنفس وارجع اعيد من الاول ههههههههههههههههههههه كل يوم كده ده غير بقه انى عملة اشتراك فى الحمام هههههههههههههههههههههه المفروض انام فيه احسن بدل ماطول اليل راحه جايه

dr.princess

11-23-2010, 02:30 PM

ايوشة انا والله مرحتش المسجد النبوى يوم عرفة جوزى كان عنده شغل وكمان كنت فطسانة من الصيام
ان شاء الله المرة الجاية لما ادخل الروضة ادعيلك باللى عايزاه بس يارب متكونيش ولدتى ساعتها او مؤقتا كده هبقى ادعى فى الصلاة وانا هناك

ايوشه

11-23-2010, 02:31 PM

على فكره ياملوكه شوفت سؤالك عن الحلاوه بس فى سويت جاهزه هنا برده زى مالولو قالت اكيد هتلاقيها عندك

dr.princess

11-23-2010, 02:32 PM

ملك والله مانمتش هنام مرة واحدة بقى بالليل وخلاص
ام دانا وانا كمان اكيد اتشرف بمعرفتك

ايوشه

11-23-2010, 02:33 PM

ان شاء الله ياجميل بس خلينا فى بالك وماتنسيش احسن ازعل واعيط

Om Rodina

11-23-2010, 02:33 PM

ربنا يجعل جمعنا ده فى الخير دايما ويجعلنا اخوات فى الله

بقلظة

11-23-2010, 02:34 PM

والله يابنتى زى حالاتى بالظبط اقول انا هنام على ظهرى احس بتقل اقول اغير وانام على الجنب اليمين احس ان فى طوبه متقلاه اقول لا لا الشمال احسن ماقدرش اتنفس وارجع اعيد من الاول ههههههههههههههههههههه كل يوم كده ده غير بقه انى عملة اشتراك فى الحمام هههههههههههههههههههههه المفروض انام فيه احسن بدل ماطول اليل راحه جايه

ههههههههههههه والله انا كمان كده بس حالتي تطورت شوية عنك بقيت اتكلم وانا نايمة واقول ااه خلالااص هنام اهوه انا بقيت كويسة دلوقتي وكأني بطمن نفسي علي نفسي

ايوشه

11-23-2010, 02:35 PM

اصلى العصر وارجعلكم على طول ان شاء الله

dr.princess

11-23-2010, 02:36 PM

ايوشة ولا يهمك ان شاء الله هروح الاسبوع الجاى وابقى ادعيلك هناك باذن الله

dr.princess

11-23-2010, 02:56 PM

انتوا رحتوا فين

MALAK2010

11-23-2010, 03:02 PM

انا معاكى يا لولو
مش بقولك بختك النهاردة

Om Rodina

11-23-2010, 03:02 PM

انا مش عارفة والله سكتوا كلهم مرة واحدة كده

توته السيد

11-23-2010, 03:05 PM

ازيكم ياحلوات اه تعبانة يابنات

ايوشه

11-23-2010, 03:06 PM

انا جيتتتتتتتتتتتتتتتتتت

ايوشه

11-23-2010, 03:06 PM

توته الف سلامه عليكى ياجميل مالك

ايوشه

11-23-2010, 03:08 PM

انتو روحتو فين ياعالم ياللى هنا ردوااااااااااااااا

Om Rodina

11-23-2010, 03:09 PM

الف سلامة عليكى يا توتة

Om Rodina

11-23-2010, 03:10 PM

انتو روحتو فين ياعالم ياللى هنا ردوااااااااااااااا
انا هنا بس مش عارفة مش حد بيرد

توته السيد

11-23-2010, 03:10 PM

الله يسلمك ايوش حبيبتي مش عارفه دلوقتي حسيت بنغظه في جمبي الشمال من تحت وبعد كده شوية مغص وضهري وجعني حتي سوري فخذي وجعني مش عارفه خايفه

ايوشه

11-23-2010, 03:11 PM

شكلهم ناموا يام دانا انتى صحيح ناويه تسمى بنوتك دانا

dr.princess

11-23-2010, 03:11 PM

توتة مالك ياحبيبتى فيكى ايه

MALAK2010

11-23-2010, 03:11 PM

توتة :مالك يا جميل \
اكيد تعبتى من وقفة المطبخ انتى بتقولى مامتك جاية بكرة ربنا يجيبها بالسلامة

Om Rodina

11-23-2010, 03:12 PM

شكلهم ناموا يام دانا انتى صحيح ناويه تسمى بنوتك دانا
والله ان شاء الله ايه رايك فى الاسم

ايوشه

11-23-2010, 03:12 PM

لا الف سلامه ياقمر انتى عملتى مجهود انهارده ولا حاجه

توته السيد

11-23-2010, 03:13 PM

غير ان ضروسي هيموتوني ومش لاقية حل
ام دانا الله يسلمك عيوني

MALAK2010

11-23-2010, 03:13 PM

توتة:الف سلامة عليكى ياحبيبتى

ايوشه

11-23-2010, 03:13 PM

دانا جميل ياحبيبتى بس معناه ايه

dr.princess

11-23-2010, 03:13 PM

الف سلامة عليكى يا توتة ان شاء الله خير ومفيش حاجة تقلق

Om Rodina

11-23-2010, 03:14 PM

غير ان ضروسي هيموتوني ومش لاقية حل
ام دانا الله يسلمك عيوني
لا الف سلامة عليكى شفاكى الله وعافاكى
اسال الله العظيم رب العرش الكريم ان يشفيك

MALAK2010

11-23-2010, 03:14 PM

بالنسبة لضروسك روحى للدكتور اللى بتابعى عندة وقوليلة

Om Rodina

11-23-2010, 03:14 PM

دانا جميل ياحبيبتى بس معناه ايه
معناه الجوهرة الكبيرة

دودى اشرف

11-23-2010, 03:16 PM

انا كمان جيييييييييييييييييييييت ... لولو حمدالله على السلامة يا قلبى والف الف مبروك على الشقة وربنا يجعلها قدم خير يارب ان شاء الله عليكوا ... عاملة وازى النونو وحشتينى كتيييييييييييير والله ووحشتى التجمع كله ... وماشاء الله ملك اديتلك التقرير تمام هههههههههههههههههههههههههههههه برافو عليها والله وفرت كتير .. انا قريت بس لما دخلتى وقلت اجى الحقكم علشان الحق اتكلم شوية معاكم لانى بطلت مذاكرة خلاص والحمدلله كلنا رجعنا اهو

توته يا حبيبة قلبى الف سلامة عليكى يا حمات ابنى يا غالية وحشتينى موووووت .. طمنينا على العروسة متقلقيش مش كنتى بتقولى ده العادى فى الشهور الاخيرة علشان التقل ... ان شاء الله خير يا حبيبتى .

ملك يا قمررررررررر المنتدى ... وحشتينى والله من امبارح عاملة ايه واخبار النونو ايه ؟؟

ايوشة يا عسللللل .. اخبارك ايه ونزلتى ولا لسه امبارح تجيبى حاجة؟