دردشة حوامل مصر - دردشة بنات مصر - تجمع حوامل مصر

[dr.princess]

يعنى هو كلامه مش كتيير بس المشكلة انى كل ما اكلمه يبقى عنده زباين والمشكلة كمان كان فى طلبية دواء كبيرة جاتلهم امبارح وكان مشغول اوى

[MALAK2010]

ماتقلقيش فى بنات بتتاخر عن كده كتيير فانتى طولى بالك مادام اتطمنتى عليه بالسونار

انا مش قلقانة ولا مستعجلة طالما الحمد لله اطمنت علية بس حماتى كل شوية تسالنى على الحركة من اول يوم فى الرابع وحمايا بيسال على النوع

[dr.princess]

مقولتلكيش بقى العقاب ههههههههههههههههه
قلتله عايزة اروح سنتربوينت قبل الخصومات ماتخلص وطبعا زى ماقلتلك مش مرحب بفكرة الشراء دلوقتى خالص مش عارفة ايه التشاؤم ده بيقولى محدش عارف بكره هيحصل فيه ايه شفتى ؟؟؟ المهم غصبت عليه كده بالذوق ورحنا صلينا العشاء وبعدها على سنتربوينت

[dr.princess]

سيبك منهم متشغليش بالك بيهم كل واحدة وليها نظامها

[MALAK2010]

طيب الحمد لله ان مفيش زعل بينكم وربنا يهديكم لبعض
بس تصدقى حلو العقاب دة اجنا لازم نعممه ههههههههههههه
بس هو كمان كويس انة يغير جو بدل طول النهار فى شغل وضيقة من المشاكل اللى بتقولى عليها

بس قوليلى الخصومات لس موجودة ولحد امتى وجبتى حاجة ولا لاء

[dr.princess]

اه الخصومات موجودة على معظم الحاجات بس مش عارفة هتفضل لامتى
معرفتش اجيب حاجات كتييير علشان معرفناش نوع البيبى والحاجات هناك صريحة اوى بناتى او ولادى فجبنا حاجات خفيفة كده محايدة وكمان زى ماقلتلك الظروف ماتسمحش دلوقتى فمن الناحيتين

جبت 3 سلوبيتات داخلية كت و 3 نص و3 سالوبيتات خارجية طقم على بعضة و 5 بافيتات و البتاعة اللى بيتلف بيها البيبى و مخدة
وجوزى صمم على طقم ولادى حلو اوى قلتله لما نتأكد قالى لو بنت هبقى اشحته هههههههههههههههههه

كنت هصورهم علشان تشوفيهم بس الشمس لسه مطلعتش اوى والاضاءة مظلمة فى التصوير شوية كده وهصورهم

[MALAK2010]

مبرووووووووووووووووووك يا جميل
عقبال مايلبسهم يااااارب
بس احساسك اية من ساعة ماجبتيهم انا كنت كل شوية ابص عليهم واطبقهم واعينهم وبعد شوية اطلعهم واتفرج عليهم واطبقهم واعينهم وهكذا هههههههههه لغاية ما قولت الهدوم خلاص هتتوسخ فخفت عليهم هههههه
بس انا بشترى البافتات على حسب الهدوم كل ما اجيب سالوبيت بجيب بافتتة

بس لازم تصورهملى واشوفهم النهاردة مستنية الشمس تطلع

[MALAK2010]

انا شفت مخدات وكنت عاوزة اجيبها لانها حلوة اووى بس بتهيالى الاطفال مش بيحطوا مخدة ولا اية
انا سمعت دكتور بيقول نحط مخدة للطفل اللى بيرجع الرضعة علطول

[dr.princess]

ههههههههههههه انتى بتقولى فيهم انا قعدتهم فى حضنى ساعة امبارح ودلوقتى جنبى على السرير اهم
على موضوع البافيتات انا كنت عملت كده فى الاول اشتريت كذا واحدة الوان بس لقيت طقم 5 على بعضهم قطن قطن ابيض فجيبتهم لان انا من خبرتى مع اختى البافيتات اللى بتبقى خشنة دى تنظيفهم صعب اوى ووحشين خشنين بتهيالى كمان يضايقوا النونو فلما لقيت القطن ده جبته

كان عاجبنى طقم بافيتات بيضة عليها بقرة اشكال كده جوزى قالى لالالا ابنى مايلبسش بقرة ابدا واصر نجيب السادة ههههههههههههههههه مع ان اختى كانت جايبة لابنها بيجامه عليها قرد كانت تهبل وكنت بموووت فيها ههههههههههههه

ان شاء الله قبل ماتقفلى للغداء هتكونى شفتيهم

[dr.princess]

انا جايباه مخدة صغنتوتة وقطن طرية خالص متضايقوش انا حاسة انه لو منمش على مخدة رقبته توجعه مش عارفة اصل انا كده فقلت اجيبها نفعت نفعت منفعتش يبقى يلعب بيها مش خسرانين هههههههههههههههه
ماما كانت عاملة لابراهيم وعبدالرحمن ولاد اختى مخدات صغيرة كده وعادى مفيش حاجة
هناك كان فى اكتر من شكل وخامة انا جبت اكتر واحدة طرية مع ان كان فى حاجات احلى منها بس قلت علشان متتعبوش

[MALAK2010]

انا جوزى فى الاول ماكنش عارف نشترى اية وكل شوية يغمزنى ويقولى هو احنا نجيب اية بالظبط الوقتى بقا بينتشر فى المحل وبيجيب على ذوقة هههههههههههههههه

بس انا جايبة البافيتات بتاعتى قطن بس افتكر كان قرايبى بيجيبوا بافتات بمشمع من ورا مش فاكرة دى عملية اكتر بس انا عجبانى اكتر البافتات اللى جبتها
بس بيقولك ماتجبيش البفتة اللى برباط جيبى اللى بكباسين او بلزق علشان الطفل

[MALAK2010]

يلا بقا عاوزة اشوفهم شوقتينى قومى بس افتحى النور وانا هشوف

[dr.princess]

انا جوزى مكنش عايز نجيب حاجة مش عارفة قلقان من ايه يسيبها على ربنا بس طبعا نقينا كل الحاجات مع بعض
اختى برضه كانت جايبة باقيتات قطن وبافيتات بمشمع بس انا فضلت القطن علشان صوت المشمع ده مش بحبه واه جايباها بكباسين مش رباط

[MALAK2010]

http://forum.hwaml.com/imgcache2/hwaml.com_1294292325_629.gif

[dr.princess]

تشوفى بقى حاجات البنات وقفت عندهم ساعة من الساعة ونص اللى اشترينا فيهم حاجات تجننننننننننننننننننننننننننننننننننن ياقلبى على حلاوتهم حتى الهدوم الداخلية حروفها بمبى وفيونكات وشوية فساتين اااااااااااااااه توجع القلب من الطعامة ياخراشى عليهم هههههههههههههههههههههه

[MALAK2010]

فى بافتة من اللى جايباهم بجيب ههههههههه وانا بورى ماما الهدوم بتقولى دة جيب قلتلها اه علشان المصروف بتاعة ههههههه حبيبى ربنا يجيبهولى بالسلامة

[MALAK2010]

انا محرمتش نفسى جبت فانلات بفيونكات بس بيضا لو ولد يلبسها ولو بنت طبعا تلبسها هههههه

[MALAK2010]

بس الفساتين من سن (0-3)بتهيالى اكبر مش كدة
هم كلهم بيلبسوا سالوبيتات لغاية مثلا 3-4 شهور
اى حاجة لونها بمبة بحبها

[dr.princess]

انا صورتهم اهو بس الصور مش واضحة اوى
مبدئيا ده اللحاف بتاعى هههههههههههههههههه

[dr.princess]

لا ياقلبى الفساتين من 0-3 انا كنت همووووت عليها

[dr.princess]

ودى صور السالوبيتات الداخلية والبافيتات مش عارفة صورتهم ليه مانتى عارفاهم

[MALAK2010]

ههههههههههههههههه
انتى بتصوريلى اللحاف بتاعك ضحكتينى

[dr.princess]

ودى البتاعة اللى بيتلف فيها النونو والمخدة والطقم اياه بتاع جوزى ههههههههههه

[dr.princess]

هههههههههههههههه علشان هو الخلفية هههههههههههههههه

[MALAK2010]

عسووووووووووول اوى ماشاء الله عقبال الباقى يارب
بس الطقم بتع جوزك تحسى انة طفل كبير مش بيبى صغير هو عاوز يكبرة بسرعة ولا اية ههههههههههه بس شكلة رقيق ماشاء الله

[dr.princess]

وده بقى طقم السالوبيتات الخارجية بس مش واضحين خالص هحاول ابقى اصورهملك تانى

التانى ده بيج سادة والثالث بيج فيه زى دواير صغيرة كده

[dr.princess]

مش بيقولى ابنى مايلبسش بقرة يبقى طبعا عايز يكبره ههههههههههههههههه
هو مكتوب عليه 0-6

[dr.princess]

اللى غاظنى ان السالوبيتات الشتوى تهبل وتنفع للبنات والولاد والصيفى قليل اوى هناك

[MALAK2010]

لا باينين جمال والله ربنا يقومك بالسلامة ويلبسهم يااااارب

[MALAK2010]

ماهو الصيفى قليل فعلا لازم تدورى على ماتلاقى ولما تلاقى لازم تنقى حاجة حلوة لان طبعا مش الكل على ذوقك

[dr.princess]

كان فى حاجات برتقالى واحمر كانوا عاجبينى اوى بس جوزى قالى لا الالوان دى تتعب اعصاب البيبى وتنرفزه بتخليه عصبى فقلنا خلينا فى البيج هادى

[MALAK2010]

بس كنتى تجيبى
السالوبيتات ب 3 الوان
هم الثلاتة على بيج

[dr.princess]

بجد والله حلوين ؟؟؟

[MALAK2010]

لا البرتقالى والاحمر مش يتعب اعصاب البيبى يتعب اعصابى انا ههههههههههه
فى لبنى وسيمون وابيض واصفر هادى

[dr.princess]

هم طقم على بعضه مقلم وسادة ودواير
وللاسف مكنش فى كتير صيفى وده اكتر حاجة عجبتنا

[MALAK2010]

اه والله حلوين انا مش بعرف اجامل فى الهدوم بالذات بيبان عليا علطول هههههههههه فضيحة

[dr.princess]

هههههههههههههه طيب كويس علشان اتطمن

[MALAK2010]

هم طقم على بعضه مقلم وسادة ودواير
وللاسف مكنش فى كتير صيفى وده اكتر حاجة عجبتنا

ااااااه طالما طقم على بعضة هتلاقية على لون واحد بس حلو ماشاء الله
وانا كنت بشترى كنت متحيرة اجيب السالوبيت بنص كم ولا كم واجيبة ببنطلون ولا بشورت ولا كت

[dr.princess]

كان فى حاجات هناك تشيرتات وبنطلون بس لالالا الاول كده اريح السالوبيتات
وعجبنا برده سالوبيتات بكت كنت خلاص هجيبهم ورجعت قلت لا انا مش هلبسه كت اول 3 شهور خلينا فى الكم ال3 شهور الاولانيين وبعدها نبقى نجيب كت

[MALAK2010]

ماهو صحيح انتى هتولدى فى الصيف بس اعملى حساب التكيف
فافضل بكم لغاية مايكبر شوية

[dr.princess]

والله جوزى امبارح كان عايز يشترى شتوى بيقولى علشان التكييف بس ان شاء الله مفتحوش الشوية الاولنيين دول انا برده قلقانة من موضوع التكييف ده ربنا يستر

[MALAK2010]

لا مش لدرجة شتوى ماهو لابس فانلة كت وفانلة نص وسالوبيت وممكن تلفية باللفة بتاعتة كفاية اوووووووووى

[dr.princess]

مانا قلتله كده مش للدرجة دى يعنى

طيب قوليلى بقى ايه اللى يتشرى تانى

[MALAK2010]

عارفة فى واحدة اعرفها بتقولى انها بتولد فى الصيف فى مصر وعادى جدا والتكيف شغال ومش بتقل على اولادها وممكن تحميهم وتنزل بيهم الشارع
وبتقولى الطفل على ماتعودية
كنت عاوزة ازعقلها هههههههههههه واقولها حراااااااام
بس بيبى لسة خارج من بطن مامتة اقوم انزله الشارع عادى كدة واعرضه للتكيف وهو مخفف هدومة

[dr.princess]

لالالالا دى بتستهبل كده ده الواد كده يتبهدل اخر بهدلة

[MALAK2010]

والله انا تقريبا جايبة زيك لغاية الوقتى
المفروض نجيب اية كمان؟؟؟ انا اعرف ان لسة فى حاجات كتير بس مش فاكرة منهم حاجة ههههههههه

[MALAK2010]

اسالى مامتك وقوليلى
مامتك خبرة طبعا ماشاء الله

[dr.princess]

انا هسأل ماما واختى ولما اعرف منهم هقولك

[dr.princess]

اه اكيد ان شاء الله

[MALAK2010]

يلا قومى عينى الحاجة بدل فردتهم على السرير

[dr.princess]

لا ياختى قلبى مش مطاوعنى هههههههههههههههههه
انا ببص للحاجات وبقول ايه السحلول اللى هيلبس دول ههههههههههههههه

[dr.princess]

بقول لجوزى كده امبارح فقالى طبعا ماهو بنظام اكلك ده لازم هيكون سحلول هههههههههههههههه

[MALAK2010]

بقول لجوزى كده امبارح فقالى طبعا ماهو بنظام اكلك ده لازم هيكون سحلول هههههههههههههههه

بتجيبى لنفسك الكلام
بس انا كنت بقول زيك كدة
بس شفت طفلة على ايد بباها صغيرة اوووووووووى يعنى اللبس اللى بتقولى علية صغير هى تغرق فية

[MALAK2010]

انا بمسك السالوبيتات وبقعد اهشتكهم ههههههههههههه
عقبال سمية لما تشترى يارب وتفرح
عارفة لما جربت الفرحة لما الواحدة تشترى هدوم البيبى بقيت عاوزة اى واحدة حامل تنزل تشترى لانه احساس حلو اووووى

[dr.princess]

هههههههههههههههه على رايك انا اللى جبته لنفسى
انا اكتر واحدة شفت عيال بتغرق فى الهدوم ولاد اختى الكبير كان مولود كيلو و 300 جرام والصغير كان كيلو و 600

[dr.princess]

والله فعلا احساس حلو اوى ان شاء الله كل البنات تجربه

[MALAK2010]

هههههههههههههههه على رايك انا اللى جبته لنفسى
انا اكتر واحدة شفت عيال بتغرق فى الهدوم ولاد اختى الكبير كان مولود كيلو و 300 جرام والصغير كان كيلو و 600

يا حبيبى دة صغير اووووى
هم الوقتى رفيعين ولا زادوا شويه

[dr.princess]

رفيعين وصحتهم ضعيفة خالص مفيش مناعة علشان الرضاعة صناعى مش طبيعية وكمان مولودين بدرى اوى بس الحمدلله انتى كنتى تشوفيهم بعد مابيجوا من الحضانة تخافى انا كنت بعيط من شكلهم زررررق الحمدلله ربنا يباركلنا فيهم عيال زى العسل

[MALAK2010]

معلش بس اختك تحاول تعطيهم الحاجات المفيدة علشان المناعة وربنا يسترها معاهم
هتروحى للدكتورة النهاردة ولا خلاص صرفتى نظر

[MALAK2010]

عارفة النهاردة حلمت انى بتخانق مع واحدة ضايقتنى كتيييييييييييييير هههههه
وقولتلها كلااااااااااااام من القلبى يحبة طيب ماتشطر كدة واقولهولها فى الحقيقة ولا فالحة بس فى الاحلام لما صاحية دماغى وجعانى من الخناق ههههههههه بس انتصرت عليها ههههههه
بيحصلى كتير الحلم دة

[dr.princess]

انا قلت لجوزى قالى خليها الاسبوع الجاى علشان نروح الصبح مفيش زحمة نترحم من الانتظار ان شاء الله ( انا بغيظك بس هو هيبدل المواعيد وهنروح الصبح هههههههههههه )

[dr.princess]

هههههههههههههههههه ايه الحلم ده للدرجة دى نفسك تتخانقى مع حد ياقلبى ماتحرميش نفسك من حاجة اللى يضايقك افتحى فيه على طول ههههههههههههههه

[MALAK2010]

انا قلت لجوزى قالى خليها الاسبوع الجاى علشان نروح الصبح مفيش زحمة نترحم من الانتظار ان شاء الله ( انا بغيظك بس هو هيبدل المواعيد وهنروح الصبح هههههههههههه )

يعنى هتسبينى الاسبوع الجاى اهئ اهئ http://forum.hwaml.com/imgcache2/hwaml.com_1294299363_819.gif (http://forums.fatakat.com/thread1095813) http://forum.hwaml.com/imgcache2/hwaml.com_1294299363_819.gif (http://forums.fatakat.com/thread1095813) http://forum.hwaml.com/imgcache2/hwaml.com_1294299363_819.gif (http://forums.fatakat.com/thread1095813)

[MALAK2010]

هههههههههههههههههه ايه الحلم ده للدرجة دى نفسك تتخانقى مع حد ياقلبى ماتحرميش نفسك من حاجة اللى يضايقك افتحى فيه على طول ههههههههههههههه

يعنى اللى يضايقنى افتح فية علطول
اعمل كدة على ضمانتك
خلاص فى واحدة (اسمها لولو) قالتلى على خبر زعلنى الوقتى http://forum.hwaml.com/imgcache2/hwaml.com_1294299477_109.gif (http://www.sweetim.com/s.asp?im=gen&lpver=3&ref=10) اية رايك اعمل فيها ايييييييييييية

[dr.princess]

ههههههههههههههههه حلوة
ده بقى المثل اللى بيتقال واتقلب السحر على الساحر هههههههههههههههه

جوزى بيقول غالبا هيبدل بكرة بس لسه مش عارفة

[MALAK2010]

طيب كالمعتاد السلام لجوجو اللى صعبانة عليا كل شوية تنادى على حد يكلمها ولا حد يرد عليها ههههههههه

[MALAK2010]

مش تباركيلى مش هبدا الخامس بكرة ان شاء الله
بس شريط الحمل مدخلنى من كام يوم

[dr.princess]

مبرووووووووووووووك عقبال التاسع يااارب
انا مظبطة شريطى باليوم بالظبط معايا

[dr.princess]

والسلام هيوصل لجوجو ان شاء الله اروح اونسها بقى بدل ياعينى ما بتبقى لوحدها كل يوم

[MALAK2010]

والسلام هيوصل لجوجو ان شاء الله اروح اونسها بقى بدل ياعينى ما بتبقى لوحدها كل يوم

ماشى يا ستى روحى ونسيها وسبينى انا لوحدى

[MALAK2010]

مبرووووووووووووووك عقبال التاسع يااارب
انا مظبطة شريطى باليوم بالظبط معايا

انتى مش حاطة شريط الحمل فى توقيعك انا مش قصدى فلاش الجنين المتحرك
انا بحسب كل يوم 7 فى الشهر بدخل شهر جديد ام الشريط لة حسابات غريبة بالسبوع يعنى ادخل الخامس فى الاسبوع 17 وخمس ايام

[dr.princess]

ههههههههههههه معلشى ياستى اهم يومين ويعدوا هوا

[dr.princess]

مانا عارفة بس انا مظبطة الفلاش على الايام اللى انا حاسباها لنفسى فى الحمل ومش حاطاه على ميعاد حساب الدكتورة لكل اول شهر او تاريخ الولادة اللى هى محدداه لانه فعلا كده بيبقى حسابه غريب وانا فعلا بمشى معاه فى حسابه مش بحساب الدكتورة

[MALAK2010]

المهم اى حساب وخلاص مش هدقق اوى الفرق بيبقا بسيط حوالى يومين تلاتة
بس بصراحة هم اليومين دول بيفرقوا يعنى بدل الرابع يبقى الخامس احلى مش كدة ههههههههههههه ربنا يهون بالباقى

[dr.princess]

ماهو جوزى بيقولى كده يعنى هى جات على الكام يوم دول ياستى المهم نعدى الشهور وخلاص

[MALAK2010]

ماهو جوزى بيقولى كده يعنى هى جات على الكام يوم دول ياستى المهم نعدى الشهور وخلاص

http://forum.hwaml.com/imgcache2/hwaml.com_1294302522_930.gif يااااااااااااااااااارب http://forum.hwaml.com/imgcache2/hwaml.com_1294302522_930.gif

[dr.princess]

والله انا نفسى حسيت ان الشهور اللى فاتت دى عدت بسرعة رغم التعب اللى فيها عقبال الباقى يكمل على خير ان شاء الله

[MALAK2010]

بتهيالى الشهور الاخيرة هى اللى بتبقى تقيلة لان خلاص بيبقى البطن بانت فبتلاقى منظرك كدة لمدة طويلة وتبقى محتاسة فى المقاس دة غير التقل والتعب
اما الشهور الاولى بتبقى شكلك عادى زى البنات العاديين

[dr.princess]

يالهوى متتكلميش على التقل مع انه لسه بدرى بس امبارح ماشية شكلى غريب وجوزى ماشى بابطأ حاجة عنده وانا وراه بنص متر هههههههههههههه مش عارفة حاسة انى مش قادرة امشى بس انا ملاحظة الحكاية دى زادت من بعد التعب الاخير ربنا ما يعيده تانى

[MALAK2010]

ربنا يهون علينا
انا هسيبك الوقتى ونتقابل بعد الغدا ان شاء الله
سلام ياجمييييل

[dr.princess]

يااااااااااااااااااارب
ماشى ياحبيبتى بالهنا والشفا بس اوعى يكون سمك اصل انا حاسة انى مش عايزة اعمله بكرة بسببك هههههههههههههههههه

[MALAK2010]

انا هنااااااااااااااااااااااااااا انا هناااااااااااااااااااااا

[dr.princess]

ازيك يا ملك معلشى كنت مشغولة فى الطبخ وبكلم ماما كمان

[Om Rodina]

السلام عليكم ورحمة الله وبركاته
ملوكة ازيك حبيبتى عاملة ايه واخبار النونو ايه
لولو ازيك ياجميل وعاملة ايه ومبارك على الحاجات الصغنونة الجميلة دى ربنا يفرح قلبك بالنونو وبحاجته

[توتة السيد]

ايوجد احد هنا ام كالعاده فارغ المكان " حلوة الفصحي دي هههههههههههه"

[توتة السيد]

ملوكة حبيبتي كيف الحال

لولو اخبارك ايه ياجميل

ام دانا عاملة ايه حبيبتي

[رنا خالد]

توته والله نفسي اتكلم معاكي
هاموت واتكلم معاكي
تتخلعلي عين واتكلم معاكي ههههههههههه

[رنا خالد]

ملك ولولو وحشتووووووووني اوي عاملين ايه يابنات

[رنا خالد]

مش معقووووووووله
انتوا خرجتوا ولا ايه
انا مستنياكم يابنات
ده انا سايبه الاكل وقاعده معاكم ودي كبيره عندي اوي هههههههه
ده الاكل ده كل حياتي اليومين دول بسبب الرضاعه علي طول جعانه
وجايه علي نفسي ومستنياكم اهو وانا جعااااااااااااانه

[توتة السيد]

سلامة عيونك ياجميل

رنا الله اكبر الله اكبر انتصرنا اخيرا

[توتة السيد]

هههههههههههههههههههه

ياحبيبتي طيب شفيلك سندوتش ولا حاجة قرقضي فيه وانتي معانا
اصلي بصراحة مش قادرة اقولك روحي كولي انا صدقت مالقيتك

[gogo]

السلام عليكم
ازيكم يابنات منورين

[Om Rodina]

توتة ورنا حبايبى اخباركم ايه
نونة توتة عاملة ايه واخبارها ايه وكمان لوجى القمر عاملة ايه

[Om Rodina]

ازيك اجوجو اخبارك ايه وعاملة ايه

[رنا خالد]

توته سلامة خلجاتك ياقمر اخيييييييييران انتصرنا ورفعنا العلم هههههه
عالمه ايه يابنتي واخبار النونه اللي علي وصول ايه

[توتة السيد]

ازيك ياجوجو عاملة ايه انا بخير ربنا يخليكي

ام دانا حبيبتي انا بخير الحمد لله والنونة كمان

انتي عاملة ايه

ايوة كده اتجمعوا

[gogo]

تمام الحمد لله
انتى عامله ايه يأم دانا
ودانا دى البيبى ولا اخت البيبى

[Om Rodina]

رنا ربنا يباركلك فى لوجى ماشاء الله اللهم بارك ربنا يحفظها لك من اى سوء ويقر عينك بيها

[رنا خالد]

جوجو وام دانا منورين والله العظيم
جوجو النت فصل امبارح معلش اوعي تزعلي كنت حابه نتكلم بس النت بقي استهبل شويه

[gogo]

تمام ياتوته انتى عامله ايه
رنا ظهرت اه قبل ما تجننك

[رنا خالد]

انا لسه مصوراها كام صوره طازه هاويهالكم حالا

[توتة السيد]

توته سلامة خلجاتك ياقمر اخيييييييييران انتصرنا ورفعنا العلم هههههه
عالمه ايه يابنتي واخبار النونه اللي علي وصول ايه


ههههههههههههههههه اه كنت هقطعهم امبارح بس مسكت نفسي علي اخر لحظة

ياستير اخيرا رفعنا العلم وحشتينيييييييييييييييييي جدا

انا بخير حبيبتي والنونو بخير ادعيلي حاكم انا زهقت وعايزة اولد

والكتكوتة شكلها بلطة وهتبلط في الخط لاخر الشهر لاني مش حاسة باي وجع

او اي علامة تدل اني قربت

[gogo]

لا يارنا انا حفظت حتى لو مفصلش عارفه انك بتختفى علشان لوجى منتى بقيتى نسخه من اختى الله يعينكم

[ام عمر ومريم]

السلام عليكم اذيكوايابنات عاملين ايه

[Om Rodina]

لا ياجوجو ياحبيبتى دى البيبى ان شاء الله وماعندي غيرها لسه هى الاول باذن الله عقبال ماربنا يفرح قلبك ويرزقك بالذرية الصالحة

[توتة السيد]

ورينا يارنا انا شفتها في الصور اللي فاتت

ما شاء الله اللهم بارك ولا تضر كتكوتة

مزة مزة يعني ههههههههههههههه

[ام عمر ومريم]

جوجو وام رنا وتوته ايه اخباركوا عاملين ايه

[gogo]

وعليكم السلام يأم عمر منوره

[Om Rodina]

ام عمر ازيك ياحبيبتى واخبارك ايه والنونو عامل ايه

[توتة السيد]

وعليك السلام والرحمة ياام عمر كيف الحال

[gogo]

ربنا يخليكى يأم دانا ويفرحك بيها يارب وتوريهالنا زى رنا

[gogo]

يابنات انا مضطره اقوم بقى علشان خارجين كان نفسى اعد معاكم
ابقوا ادخلوا باليل بقى مجيش الاقى صحره
يلا سلاممممم

[رنا خالد]

طول النهار اصور فيها والله لما البنت زهقت مني وهاتشتكيني
دول الصور الجديده بتوعها
1577

1578

1579

[dr.princess]

سلام سريييع لكل القمرات اللى منوريين
جوزى على وصول قلت اسلم واجرى هههههههههههههههه
تعالوا اتفضلوا احلى مكرونة بالبشاميل شغل ايديا وحياة عنيا هههههههههههه

[رنا خالد]

ازيك ياام عمر منورانا بوجودك
توته اهو انتي اللي مزه وستين مزه ههههههههههه
ونوران كمان مزتين تلاته ربنا يفرحك بشوفتها واكيد هاتبقي قمر زي باباها ومامتها ام دم زي العسل وشربات

[توتة السيد]

شكلها كده يارنا هتشتكيكي للانن المتحده ههههههههههههه

بتعيط ياروحي انا تبارك الله ما شاء الله اللهم بارك لها وفيها ولا تضرها

[Om Rodina]

ربنا يكرمك يارب ياجوجو ويفرح قلبك
لولو تسلمى ياعمرى وبالهنا والشفا ووحشتينى كتير والله

[رنا خالد]

عيني فيها يالولو
مكرونه بالباشميل هاحقد عليكي ماليش دعوه
يلا بالهنا والشفا بس سيبولي حته

[Om Rodina]

ماشاء الله تبارك الله ايه العسل ده يارنون بس سيباها تعيط ليه خلى بالك منها ربنا مايحرمك منها ابدا ولا يحرمها منك

[توتة السيد]

توته اهو انتي اللي مزه وستين مزه ههههههههههه
ونوران كمان مزتين تلاته ربنا يفرحك بشوفتها واكيد هاتبقي قمر زي باباها ومامتها ام دم زي العسل وشربات


ههههههههههههههههههه

تسلميلي ياروحي ربنا يخليكي من ذوقك ياسكر ويارب يفرحني بيها مشتاقة اشوفها

[رنا خالد]

الله يخليكي ياتوته يام لسان بينقط شهد وعقبال ماتصوري لنا النونه ان شاء الله
انا هاروح استحمي مش هتأخر والله وهاجيلكم تاني لحسن انا بقالي 3 ايام ماستحمتش بسببها اوعوا تمشوا اوعوا اوعوا اهئ اهئ

[Om Rodina]

توتة ورنون كنت عاوزة اسالكم ايه الاحلى فى الاسماء دانا ولا رهف اصل كل مااقول لحد دانا ييستغرب الاسم بصراحة هما حيرونى اعمل ايه

[Om Rodina]

توتة انت هنا ولا مشيتى زى رنا والباقى كمان

[توتة السيد]

ربنا يخليكي يارنرون آمين يارب

هههههههههههه ماتعيطيش مستنينك بس اوعي تاخدك الجلالة وتباتي في الحمام هههههههه

[توتة السيد]

ياصلاة النبي يعني رهف هو اللي مفهوم هههههههههههه بهزر معاكي حبيبتي

انا شايفة دانا جميل قوي ورهف كمان بس مش عارفة انا حاسة ان دانا افضل واخف تخيلي

[توتة السيد]

انا موجودة حبيبتي

[Om Rodina]

انا كمان باحب اسم دانا اوى بس هاعمل ايه وبعدين هى طلبت عناد بقا اللى يقولى بلاش دانا اقولهم خلاص هاسميها رهف ههههههههههههه

[Om Rodina]

انت باذن الله ياتوتة ناوية تسمى بنوتك ايه

[توتة السيد]

هههههههههههههههه

من غير عناد دي بنتك وانتي وبباها تحددوا وفي الاخير ربنا كاتب اسمها عنده سبحانه فاتختاري اللي رايد ربك بيه

[توتة السيد]

بأذن الله ناوية اسميها " نوران"

[Om Rodina]

انا عارفة والله ان ربنا سبحانه وتعالى مقدرها باسمها باذن الله وربنا يارب يقومك بالسلامة ويفرحك بنوران يارب

[توتة السيد]

آمييييييييييييييين يارب وانتي كمان حبيبتي ويفرحك بدانا او رهف

[Om Rodina]

توتة هاستئذنك اقوم اصلى المغرب واجيلك باذن الله

[توتة السيد]

شف رنا قالت مش هتأخر اكيد خدتها الجلالة وهتبات انا قولت هههههههه

[Om Rodina]

الله يكرمك يارب ياحبيبتى

[توتة السيد]

اتفضلي حبيبتي تقبل الله وحرما مقدما

انا كمان اقوم اصلي المغرب اذن اهو

[توتة السيد]

رايحة اصلي يارنا لحسن تقوولي سبناكي وهنرجع تاني

[ام عمر ومريم]

تقبل الله يا بنات
ده نوركوا يابنات

[لولا]

السلام عليكم ازيكو ياقمرات

[ام عمر ومريم]

هو يا بنات المفروض ابتدى التاسع زى الشريط والا زى ميعاد اللى ميحدداه الدكتورة

[ام عمر ومريم]

وعليكم السلام اهلا يا لولا
عامله ايه

[لولا]

الحمدلله انتى اخبارك اية؟

[ام عمر ومريم]

الحمد لله حبيبتى بخير
ربنايكملك على خيريااارب

[دودى اشرف]

السلام عليكم
ازيييييييييييكم .. انا عارفة انى مقصرة والله بس غصب عنى .. كلكم وحشتوووووووووووونىىىىىىىىى موووووووووت والله ووحشنى الكلام معاكم وعاوزة اطمن عليكم كلكم واعرف مين ولد شوفت بالصدفة ان رنا الحمدلله ولدت وجابت لوجين ماشاء الله حمدالله على السلامة يا جميل وعقبالنا يارب
توته حبيبة قلبى حمات ابنى الغالية كده بتفلسعينى ماشششششششى ... عقبال منفرح بولادتك بالف سلامة ايارب انتى وامولة ان شاء الله واحنا وراكمم باذن الله ويهون علينا جميعا يارب ويجعلها ساعة سهلة ان شاء الله على الجميع ...
ملوكة يا جميلة انتى وحشتينى اكتر والله ولولو وسمية وبقلظة ومنى وكل البنات بس مش فاكرة الاسماء والله خالص
بس غصب عنى مكنتش بدخل لانى كنت بمر بظروف كده معلش ... واول لما بلاقى فرصة بدخل .. انا عند ماما وان شاء الله هبقى ادخل فى اقرب وقت انا قلت ادخل اشوف مين موجود واسيب السلام للجميع hwaml7hwaml7

[دودى اشرف]

شايفة وجوه جديدة كتير ... ازيكم جميعا ومنورين المنتدى ... وشكلى انا اللى بقيت جديدة عليكم بقى .. اعرفكم بيا ... انا دودى وحامل فى الشهر التامن وان شاء الله هجيب عمر وعقبال الجميع يارب ... وربنا يقومنا جميعا بالسلامة ويقر عينا بشوفتهم سلام معافين باذن الله

[ام عمر ومريم]

اهلا اهلا دودى اشرف عامله ايه حبيبتى وحشتينا والنونو ايه اخبارة
ربنا معاكى يااارب وتكون ظروفك كويسه ان شاء الله ربنا معاكى حبيبتى

[ام عمر ومريم]

يارب يادودى يا رب تفرحى بعمر اللهم امييييييييييين

[دودى اشرف]

ميرسى يا ام عمر ومريم ربنا يخليكى يا قمر ويقومك بالسلامة يارب .. احساسكم ايه فى التاسع ؟؟؟ احكولى

[دودى اشرف]

محدش هنا من البنات ولا ايه... كل قافل ... طبعا نسيت المواعيد هههههههههههههههههههههههه

[توتة السيد]

انا جيييييييييييييييييييييييت نورت البيت ههههههههه

[توتة السيد]

لأ ماتقولش دودي هنا انا مش مصدقة وداني

ازيك ياحمات بنتي بس بس زعلانة منك انا برضه كل ده ومطمنناش عليكي

طيب بلاش علشاني علشان عروسة ابنك

[دودى اشرف]

توووووووووته حبيبتى.... ازييييييييييييييييييك .. ربنا معاكى يارب

[توتة السيد]

ازيك انتي ياحبي بجد وحشتيني جدااااااااااااااااااااااااااااا

والعروسة وحشها العريس برضه كده تبعدي العريس المدة دي كلها

عن عروسته طيب هيتعرفوا ازاي علي بعض كده ولا خليها بعد الجواز هههههههههه

عاملة ايه وعريسنا عامل ايه اصبح عنيف زي عروسته

ادعيلي ربنا يهل عليا حاكم خلاص زهقت بقي وعايزة اولد

[دودى اشرف]

انتى وجشانى اكتر والله والبنات كلها وحشونى بجد .... ربنا معاكى يا حبيبتى ويبعتلك ساعة سهلة يارب من عنده ... العريس شوية يتشاقى وشوية يبقى هادى .. بس طبعا اتشاقى عن الاول ربنا يجبهم لينا بالف سلامة يارب ... قوليلى احساسك ايه يا قمر فى التاسع وخايفة ولا عادى زحددتى ولادة ايه ولا على حسب ؟؟

[توتة السيد]

احكيلي عملتي ايه المده اللي فاتت واخبار الاحساحيس ايه جوزك وحشك مش كده

عملتي ايه يوم السفر عيطتي ولا مسكتي نفسك احكيلي

[توتة السيد]

آمييييييييييييييييييييين حبيبتي يارب

والله يادودي انا زهقانة ده احساسي حاليا وعايزة اولد رغم اني بينتابني " حلوة بينتابني دي ههههههه" شعور بالخوف بس بقول لا مش خايفة بس اولد وخلص وكمان مشتاقة اضم الكتكوتة في صدري انا اخر مرة رحت للدكتور قالي البيبي خلاص نزل الحوض لما تحسي بوجع تعالي

[رنا خالد]

نظفت لولولولولي
باركولي الحمد لله عرفت استحمي بسلام

[دودى اشرف]

احكيلك ايه ولا ايه بس .. ههههههههههههههههههههههههههههههههههههههه
والله مش هتصدقوا انى كنت فى مشاكل مايعلم بيها الا ربنا .. الحمدلله على كل شىء
لحد ما سافرت كانت الامور الحمدلله كويسة بعد الحادثة بتاعت جوزى مكنتش هنزل بس هو اصر انى انزل برضه علشان يعرف يتحرك من غيرى وكمان مبقاش فى عربية ... المهم انا معيطش اصلا وانا بودعه ... لكن عيطت لما كلمنى من بره المطار على التلييفون علشان يطمن عاملة ايه ... بس ومشيت ... وهو نزل ورايا باسبوع ..الخميس اللى بعد اللى مشيت فيه على طول .. ومن ساعتها واحنا فى مشاكل والله ميعلم بيها الا ربنا وكانت نزولة زفت بعيد عنكم ..هههههههههههههههههه ... انا معرفش انه نازل لكن نزل علشان اخد اجازة مرصى علشان الكسر اللى كان فى ايده والجرح اللى فى راسه .. فا انا كنت بقوله لو اخدها ينزل يقضيها معانا وياريتنى مقلت .. ولا كان نزل ... الحمدلله .. بس يا ستى ولسه ماشى يوم الاحد اللى قبل اللى فات يوم 26/12 بالظبط وانا جيت عند ماما ..وفى الاسبوعين اللى نزلهم قضناهم خناق وقرف ... وغضبت مرة عند ماما قبل ما يسافر بيومين والله وجه صالحنى علشان ماشى فاروحت علشان برضه كان ماشى بس لكن ماشى واحنا متغيرين مع بعض وهو فاهم انى اتغيرت من ساعة منزلت .. بس والله ابدا .. هو اللى بقى غريب من ساعة منزل .. حصل حوارات وافلام كده وواضح ان فى كلام واصله غلط او بشكل مش حلو عن اهلى لانهم جم وقعدنا فى الشقة كام يوم على اساس انى همشى معاهم لما اسلم على الكل وهو نزل بالصدفة فا مشيو ...اصل اختوا فوقيا والتانية فى نفس الشارع واهله كلهم حواليه .. فالله اعلم بقى اليه اللى حصل ومين اللى لعب فى ودانه .. الحمدلله على كل شىء وربنا يهديلنا الحال يارب ويهدى الجميع .. انا قلت اقول علشان تعذرونى

[رنا خالد]

دودي مش معقووووووووووول
ايه يابنيه انتي بعتينا ولا ايه
ده انتي وحشانا جدا ولما دخلتي من يومين حطيت لك صور عليها كلمة i miss you
قولت يمكن نصعب عليكي وتحسي ان احنا مفتقدينك فتدخلي تاني هههههه

[دودى اشرف]

ربنا معاكى يا توته يارب يا حبيبتى ويقومك بالف سلامة وتطمنينا

رنا حبيبتى الف الف الف الف مبروك وحمدالله على السلامة يا حبيبتى ... ربنا يخليهالك وتفرحى بيها امين يارب ... انتى بقالك اد ايه والدة ؟؟

[رنا خالد]

ليه بس كده يادودي المشاكل دي
ماحلتيش الامور ليه كده بكلمتين حلوين وشوية دلع
بس معلش حاولي تصلحي الامور بحكمة ده باين علي جوزك انه بيحبك وانتي كمان بتحبيه
توتة قلبي انا جاهزه لأي اسئله ياام نوران يامنوره

[دودى اشرف]

ربنا يخليكى يا ام لوجيييييين والله انتوا اكتر ... بس لما تقرى حكايتى هتعذرينى هههههههههههههههههههههههههههههه (( برنامج حياتى )) مش عارفة حد عارفه ولا لأ ولا انا بس اللى قديمة هنا اهىء اهىء اهىء هههههههههههههههه

[توتة السيد]

رنا ما لسة بدري خدتك الجلالة وانتي في الحمام ههههههههه

حمام الهنا يارب

[توتة السيد]

ايه ده ايه كل ده كل ده حصل واحنا مانعرفش حادثة ايه اسم الله عليه

وكمان نزل بعدك وسافر وليه الخناق بس ربنا يبعده عنكم ياحبي انا مش عايزة اكون متطفلة واقولك ايه السبب بس مهما كانت الاسباب ربنا يصلح الحال ويهدي النفوس ويبعد عنكم الناس الوحشة ياحبيبتي كل ده شيله لوحدك واحنا بنقول نسيتنا اسم الله عليكي حبيبتي ماضيقيش نفسك علشان اللي في بطنك سبيها لرب العباد وان شاء الله تنحل

[توتة السيد]

تسلميلي يارنرون قوليلي بقي انتي ماكنتيش حاسة بوجع ولا اي حاجة بعد مادخلتي التاسع

اصلي كل اللي بيسألني حاسة بوجع في الضهر ولا البطن اقوله لا يستغرب هو ده طبيعي ولا ايه

[رنا خالد]

حاولي يادودي تخرجي نفسك من المود ده عشان خاطر عمر حبيبك
وانا ياستي والده بقالي 25 يوم بالظبط
توته انا ماخدتنيش الجلاله ولا حاجه بس بعد ماطلعت من الحمام كويت حبة من شعري اهو فرصه جوزي يشوفني محلوه شويه ههههههههه بدل مايقول انه من بعد الخلفه ادهولت

[توتة السيد]

رحتوا فييييييييييييييييييييييييين

[توتة السيد]

هههههههههههههههههه

كويتي حبة بس طيب والباقي ههههههههههه

ربنا يسعدكم حبيبتي يارب

[رنا خالد]

انا ياتوته ولدت قيصري ضغطي كان عالي شويه الدكتوره قالتلي اصبري شويه وخدي ادويه تنزل الضغط بس انا رفضت واستعجلت وقررت اولد قيصري بعد 18 يوم من التاسع مع ان البنت كانت نازله الحوض من نص التامن بس انا خفت وولدت يوم 12-12

[رنا خالد]

سألتيني عن تحضير الشنطه صح ولا حد تاني اللي سألني
معلش زهايمر

[دودى اشرف]

ربنا يخليكوا يا بنات .. انا مكنتش هقول لكن علشان تعرفوا بس سبب تأخيرى عنكم ... وربنا يهدى الحال
توته حبيبتى مش تطفل .. لكن والله مش عارفة اقول سبب بعينه ... هو مش عارفة كان قالب عليا ليه فجأة وحاسة انه واخد موقف من اهلى برضه ومش عارفة ايه السبب .. لكن حاسة ان فى كلام واصله هو مش عاوز يقوله يمكن اكون متأكده كمان من ده لكن هو مش بيقول ... بس للاسف انا اكتشفت ان هو ودنى ودى اوحش حاجة فى الراجل ... ربنا يهديه يارب ونرجع زى الاول ... مش قادرة اوصفلك انا شايفاه انسان غريب غير اللى عرفته هناك خالص .. هو كمان بيقول عليا كده لكن يعلم ربنا انى معملتش اى حاجة تخليه يحس ده .. هو بس الكلام اللى وصله ده .... وكمان اتعامل معايا باسلوب مش حلو ابدا وهو هنا .. مش عارفة ايه اللى جراله ... ربنا يهديه وينور بصيرته

[توتة السيد]

دودي رحتي فين خليكي معانا

الف حمد لله علي سلامتك يارنا وربي يخليلك لوجي

بس قوليلي القيصري متعب ولا كويس اصلي انا بصراحة خايفة من شق العجان في الولادة الطبيعية

[دودى اشرف]

معلش يا بنات ... مضطرة اقفل علشان هنتغدى ... تعالوا كلوا ... وكمان بنت عمتى جاية ... ان شاء الله هحاول ابقى ادخل قريب ... سلامى لكل البناااااااااااااااااااااااات امانة عليكم
مممممموووووووووووواااااااااااااااااه

[توتة السيد]

ان شاء الله حبيبتي ربنا يهديه ويرجع زي الاول واحسن

يمكن هو علشان ظروف الحادثة وتعبه وكمان زي مابتقولي يمكن حد كده ولا كده قاله حاجة

ربنا يبعد عنكم الشر وترجعوا زي الاول وافضل كمان بس انتي حاولي ماتضيقيش علشان عمر

وبأذن الله عمر هيكون وش السعد ويصلح الامور كلها رغم اننا عايزنها تتصلح بدري عن كده

[توتة السيد]

اتفضلي حبيبتي الغالية وبالله عليكي تاخدي بالك من نفسك

وابقي طمنينا ولو تدخلي 10 دقايق بس سلاااااااااااااااااااااااااااااااااااااام ياروحي

[رنا خالد]

ربنا يهديكوا لبعض يادودي ويبعد عنكم العين الوحشه والناس الوحشه وياريت تبقي تدخلي قريب واهو تفضفضي برضه وترتاحي
بصي ياتوته هي الولاده القيصري مش زي مانا كنت متخبله انا كنت فاكراها تقطيع ووجع بالاسابيع بس انا ماتعبتش غير اول يومين بس وبعد كده بدأت اتحسن بالتدريج وعملت سبوعي بعد 12 يوم من الولاده وكنت يوميها زي الفل بمشي كويس اوي وزي اي واحده طبيعيه هي بس مشكلتها ساعة اما بتفوقي من البنج اول ربع ساعه بتحسي بوجع رهييييييييييب مكان الجرح بس لحقوني بالمسكنات وبعد شويه فصلت خالص
انما دخول اودة العمليات والتعقيم ودخول دكتور البنج مرعب حبتين
بس اهو كله رعب سواء طبيعي او قيصري

[رنا خالد]

توته الكتكوته الاطؤطه ههههههههه
فينك

[توتة السيد]

ربنا يقدم مافيه الخير يارنا سواء في الطبيعي او القيصري

الواحد علي قد ما هو مشتاق علي قد ما الواحد خايف ربنا يسترها

استأذنكم حبيباتي اروح اتعشي بس وارجعلكم سلاااااااااااام مؤقت

[توتة السيد]

انا هنا ياروح الكتكوتة

استأذنك بس اتعشي علشان في حرب قايمة والكتكوتة بتقول جعاااااااااااااااااااااانة ياماما عيب عليكي هاتي اكول

[somia]

حد هنا يا جماعة؟؟؟؟؟؟؟؟؟؟

[gogo]

حد هنا يابنات

[gogo]

وهقااااااااااااااااااااننه مفيش حد ناوى يجىhwaml4

[رنا خالد]

كان نفسي الاقيكم يابنات لحسن انا زهقانه ونفسيتي زي الزفت
البنت عماله تعيط ليل ونهار لما ارفت من حياتي كلها والله تعبت

[somia]

السلام عليكم ورحمة الله وبركاته..
رنا انتي هنا..؟؟؟

[رنا خالد]

سمسمه انا هناااااااااا يارب تكوني لسه موجوده

[دودى اشرف]

ازيكم يا بنات.. رنا ماشاء الله بنوتك عسوووووووولة الفففففف مبروك وربنا يباركلك فيها يارب وتشوفيها عروسة ان شاء الله وعقبالنا جميعا ياااااااااااااااااااارب ويقويك على الفترة الجاية بقى hwaml7
انا قلت اسلم سريعا واخرج

[توتة السيد]

في حد موجود يابنات

[نولارا]

انا هنا ياتوته
انا هنا ياتوته

[MALAK2010]

انا هنا يا بنات حد هنا قبل ماطلع

[MALAK2010]

يا بنااااااااااااااااااااااااااااااااات

[dr.princess]

ملك يارب تكونى لسه موجودة

[MALAK2010]

لولوووووووووووووووووووو
انا كنت ياست
ازيك يا جميل عاملة اية

[dr.princess]

الحمد لله تماام انتى اخبارك ايه
انا شايفة دودى كانت موجودة امبارح البت دى وحشتنى اوى
يارب تدخل النهاردة واحنا موجودين

[MALAK2010]

اه بجد نفسى تدخل ونطمن عليها
مش انا ياستى رحت بيبى شوب امبارح لقيت جوزى جة من الشغل ولاقانى مكتئبة علشان بقالى كتير ماكلمتش ماما فقالى قومى نروح هو عارف انى بتبسط هناك ههههههههههههههههه
بس شالوا الخصومات اهئ اهئ
بس اشتريت 2 سالوبيت وكملت الفانلات وجبت بافتة وجبت حاجة غريبة مش متاكدة هى كدة ولا لاء ههههههه الرباط بتاع الحبل السورى

[dr.princess]

هههههههههههههه ده احنا بنستغل الرجالة لدى اسوأ استغلال ههههههههههههههههههههه
مبروووووك على الحاجات عقبال ماتخلصي كل حاجة ان شاء الله
فيييييييييين الحاجات ورييييييييييينى انا عارفة شكل الحزام وريهونى وانا اقولك هو ولالا

[MALAK2010]

ثوانى بصورهم وهبعتهم الوقتى

[dr.princess]

مستنياااااااااكى

[dr.princess]

بس انا شايفة كفاية سالوبيتات كده علشان البيبى فى اول 3 شهور بيكبر بسرعة وطبعا انتى وراحتك

[رنا خالد]

وانا كمان مستنياكي ياملوكه
عامله ايه يالولو والنونو عامل ايه وياتري اتصالحتي انتي وجوزك ولا لسه منشفه دماغك

[dr.princess]

عاملة ايه يارنا واخبار لجين ايه
ياستى مش طلع لا زعلان ولا حاجة وانا اللى كنت راوشة نفسى على الفاضى هههههههههههههههههه

[MALAK2010]

شوفى كدة هى الهدوم قالبة على بناتى ماعتدش قادرة امسك نفسى المرة الجاية هشتري فساتين بمبة واللى يحصل يحصل ههههههههههه

[MALAK2010]

ازيك يا ام لوجى عاملة اية وفين لوجى ههههههههههه

[dr.princess]

عسوليييييييييييييين اوى بس ياقلبى دول بناتى فعلا انتى عملتى زى جوزى شبطتى فى الحاجة وخلاص ههههههههههههههههه
غالبا اه هو ده حزام السرة بس هيتربط بايه اوعى يكون بدبوس ؟؟؟؟

[dr.princess]

بس شفتى الماركة اللى بيجيبوا منها juniors قطنها رهييييييييييب حلو اوى

[MALAK2010]

انتوا رحتوا فيييييييييييييييييييييييييييين
الهدوم وحشة للدرجة دى اهئ اهئ

[MALAK2010]

انا جايبة كل الحاجات الماركة دى
هو الحزام فيه رباط من الناحيتين مش عارفة بقا انا جايبة منة اربعه ههههههههه وياريت يطلع هو
والهدوم اه فعلا بناتى ياعاااااااااااااااالم بس حتى لو ولد هو مش هيبان ماهو بيبقى ملفوف ولما بيلبس البافتة هيدارى كل حاجة

[dr.princess]

اصلا كل الحاجات هناك منها بس بصراحة قطنها محترم جدا
كويس انه بيتربط انا خفت يكون كده بس ومالوش رباط
هههههههههههههههه مش بقولك شبطتى هههههههههههههه بصراحة حاجة البنات هناك لا تقاااااااااااااااااااااااااوم

[Om Rodina]

السلام عليكم ورحمة الله وبركاته
ازيك ياملوكة عاملة ايه وايه الحاجات العسل دى
دى حلوة اوى ماشاء الله

[MALAK2010]

بجد شكلهم كويس؟؟؟
بس عارفة الواحد برضة غلطان انه اشترى بدرى لان انا بشترى الحاجات اللى تنفع للولد وللبنت اما لو طلعت بنوتة ان شاء الله كان بقا لها نظام تانى خالص
بس ارجع اصبر نفسى واقول مش مشكلة نعدى ال3 شهور الاولى وبعد كدة هنشترى تانى براحتنا بقا

[Om Rodina]

لولو ازيك ياجميل عاملة ايه واخبار النونو ايه
انا شفت الحاجات اللى جبتيها برده حاجات حلوة اوى ربنا يباركلكم فيها

[MALAK2010]

تسلمى يا ام دنا دة من ذوقك ياجميل
عقبال ماتصورى حاجة دنا الجميلة طبعا هتبقى احلى من كدة بكتيييييييييير بنوتة بقا ربنا يكملك على خير

[dr.princess]

ام دانا ازيييييييك شكرا ياحبيبتى ربنا يبارك فيكى
انتى جهزتى ولا لسه ؟؟

[توتة السيد]

بساء الخير ياحلوات

[MALAK2010]

بس عارفة يا لولو اكتر حاجة مضايقانى الفانلات الكت لان قصة الرقبة واسعة شوية على صدر الطفل
اما الفانلات اللى بنص ضيقة ولها كبسونة علشان الراس تتدخل

[dr.princess]

والله عندك حق يا ملك بس على رايك اول 3 شهور يعدوا باذن الله ونرجع نشترى تانى

[Om Rodina]

ربنا يكرمك يارب ياملوكة انتى ولولو ويفرحكم بالنونو يارب
اه الحمد لله يعنى بدات اجيب لها جبت لها تلات فساتين و4فانلات بكم و4 بناطيل و4شايات وسلوبيت يعنى اللى باشوفه حلو باجيبه لها

[MALAK2010]

توتة حبيبتى عاملة ايييييييييييييييييية
حماة بنتك جت خلاص مين قدك بقا

[dr.princess]

ملك لو هتولدى فى الشتاء اه تضايقى لو رقبتها واسعة اما انتى هتولدى فى الصيف ان شاء الله فمش هتفرق

[MALAK2010]

مبروووووووك يا ام دنا يلا صورى وورينا الحاجات العسل بتاعت البنات مستنينك

[Om Rodina]

توتة حبيبتى ازيك واخبارك ايه

[MALAK2010]

ملك لو هتولدى فى الشتاء اه تضايقى لو رقبتها واسعة اما انتى هتولدى فى الصيف ان شاء الله فمش هتفرق

عندك حق بس كنت عاوزة احسس نفسى انى بقيت خبرة ههههههههههه

[Om Rodina]

ان شاء الله والله ياملوكة وكان نفسى اصورهم من اول لما جبتهم بس فيه مشكلة عندى فى الكاميرا باذن الله اظبطها واصورهم واوريهم لكم باذن الله

[dr.princess]

توتة ازيك يا عسل الحمدلله لحقناكى النهاردة اهو

[dr.princess]

ملك ههههههههههههههههه ماشى ياعم الخبرة هههههههههههههههه

[MALAK2010]

طيب الخبرة فيكم تفهمنى حاجة الطفل اول مابيتولد بيعرف يلبس بامبرز ولا موضوع الحبل السورى دة ماينفعشش
طيب وفى حاجة كمان كنت بشوف زمان بيلبسوا الطفل اول اسبوع علشان الحبل السرى بيلبسوا الطفل جلاليب
هو لازم ولا ينفع سالوبيتات

[نولارا]

ثوانى اسرح شعرى واجيلكم

[MALAK2010]

ام دنا ماشى يا ستى بس ظبطتى الكاميرا وابقى ابعتى

[MALAK2010]

نورا :هو لسة فى شعر مش موكشة قضى علية ههههه

[Om Rodina]

بصى ياملوكة اللى اعرفه ان اول ايام للطفل فيها احسن انه يلبس جلاليب او فساتين للبنت علشان الحبل السرى بس مش عارفة بقا البامبرز ينفع ولا لأ

[dr.princess]

بتهيالى عادى انا رحت لصاحبتى فى السبوع وكانت ملبسة جودى بامبرز عادى وكمان لبس عادى مش جلابية ولا حاجة بصراحة اصلا مش بحب شكلهم

[dr.princess]

هههههههههههههه ماشى يا نورا مستنينك بعد ما تساوى الشعرتين هههههههههههههههه

[MALAK2010]

انا مش بطيق الجلاليب دى
حتى ماشفتش حاجة شكلها شيك كلة منظرة غريب
طيب لو لبس جلبية بيلبس بنطلون ولا من غير

[نولارا]

ازيكم ياكرومبات
اهم شعرتين لازم نسرحهم بدل ما نخض الراجل
هههههههههههههههههههههههه

[dr.princess]

فعلا شكلهم وحش اوى
والله معرفش ياملك التفاصيل دى لان ولاد اختى مش بشوفهم الا بعد شهر بعد الحضانة طبعا ربنا يكمل حملنا على خيييير يااااااااااااااارب

[MALAK2010]

انا شفت واحدة باعته صور تجهيز المولودة بتاعتها وكانت حاطة 3 جلاليب بس بصراحة حلووووين اوى وملونين وعليهم اورجانزا ومتشغلة بالخيط
بس انا ماشفتش اى محل بيبيع الحاجات دى

[نولارا]

اه ياملك بيلبسوا بامبرز عادى
بس بيتقفل تحت السره
بالنسبه لللالايب عادى برضه عاوزهتلبسيه او لا براحتك
ولو شتا يلبس بنطلون لو صيف عادى
ههههههههههههه
قصيده عادى

[dr.princess]

نورا هههههههههههههه حقك والله
انا من يومين بعد ماجوزى خرج ببص فى المراية لقيت شعرى يرثى لحاله قلت انا لو منه اقرف بصراحة ههههههههههههههههه بس انا كنت تعبانة بقى فعدت على خير هههههههههههههههه

[نولارا]

بس ايه ده ياملك موجوده دلوقت اديد بس عشان لولو ماشى ياستى
ربنا يهنى وانا اقعد كل يوم بالليل لوحدى

[dr.princess]

هههههههههههههههه ايه يا نورا القر الرسمى ده هههههههههههههههههه
انا قلت يا جماعة مش اى اى ولا زى زى محدش صدقنى ههههههههههههههه

[MALAK2010]

نورا يعنى ممكن يلبس جلاليب او سالوبيت فى اول اسبوع
يعنى لو لبس سالوبيت عادى؟؟؟؟

[نولارا]

عادى ياملك السلوبيت اظرف بكتييييييييييييير
تعالوا كلوا مرطه
تلاقيكوا مش عارفينها طبعا

[Om Rodina]

ازيك يانورا واخبارك ايه واخبار احمد ايه
يارب يكون كويس وكبر شوية

[نولارا]

ازيك ياام دانا
احمد جنبى اهو بياكل الكوره

[dr.princess]

اهىء اهىء اهىء بالله عليكى ماتجيبى سيرتها
همووووووووت نفسى فيها ابعتى كيلو من عندك يا نورا

[نولارا]

كيلو ده هوا طبق صغير تهريبه كده من عند امى
باكلها وجوزى مش فى البيت لانها من المحظورات
لكن ممكن اهربلك الكيلو من بره بره على السعوديه على طوووووووووووول

[Om Rodina]

ماشاء الله ربنا يباركلك فيه ويحفظه يارب

[dr.princess]

نورا ههههههههههههههه فكرتينى باختى اللى هى ماتهربوش ماما تانى يوم هى اللى تهربهولها هههههههههههههههه
ماشى من بره بره من جوه جوه المهم توصلنى وخلاص هههههههههههههه
انا والله مش عارفة ليه مش موجوده هنا مع ان ماشاء الله هنا كل حاجة

[MALAK2010]

اهىء اهىء اهىء بالله عليكى ماتجيبى سيرتها
همووووووووت نفسى فيها ابعتى كيلو من عندك يا نورا

كيلو ارحممممممممممممممممممممى نفسك يابنتى
قولى حتة -طبق مثلا اما كيلو هههههههههههههه

[MALAK2010]

انا خارجة يا بنات بقا سلااااااااااااام
وسلمولى على اللى هيدخلوا معاكم

[dr.princess]

ملك اهىء اهىء اعمل ايه بس نفسى رايحة ليها اوى وماشفتهاش هنا خالص حتى القشطة هنا طعمها غريب استغفر الله العظيم