دردشة حوامل مصر - دردشة بنات مصر - تجمع حوامل مصر

[dr.princess]

ايه النووووم ده كله

[رنا خالد]

فينكم يابنات المنتدي مهجور ليه كده النهارده

[dr.princess]

ازيك يارنا انا برده معرفش فين البنات النهاردة

[PROMASS]

مساااااااااااااء الخيرات عليكم جميعا

[dr.princess]

بروميس مساء النور ازيك ايه اخبارك

[Om Rodina]

السلام عليكم ورحمة الله وبركاته
لولو ازيك ياحبيبتى واخبارك ايه انهارده
رنا ازيك وحمد لله على سلامتك ولوجى عاملة ايه

[dr.princess]

ام دانا انا الحمدلله كويسة
انتى اخبارك ايه

[PROMASS]

تماااااااااااام الحمد لله يا برنس
عارفه انا رحت للدكتور امبارح وطمنى الحمد لله
بس فى مشكله وزنى كتير قليل يعنى انا فى اول الحمل كان وزنى 46 ودلوقتى وزنى الدكتور فى اول التامن لقانى 53ونص فى حين ان وزن الجنين بيزيد وكان قايلى الدكتور فى اخر السادس لما روحتلى وكان وزنى 52 لغايه ماتجيلى المره الجايه هتبقى 60 كيلو شوفتى بقه انا متضايه عشان الموضوع ده رغم انى باكل كويس وطلب منى تحليل هيموجلبين وقالى لو النسبه فوق العشره يبقى تماام ولو اقل من كده يبقى لازم حقن
عرفتى ليه بقه انا كنت خايفه من صغر حجم بطنى

[Om Rodina]

روحتوا فين

[Om Rodina]

انا بخير الحمد لله يالولو
بروميس ازيك واخبارك ايه وماتقلقى ان شاء الله خيراهم حاجة ان النونو كويس ونبضه وحجمه ووزنه

[dr.princess]

ماتقلقيش بروميس برده صاحبتى فى مصر كان وزنها زيك كده فى حملها والحمد لله ولدت طبيعى وجابت بنوتة زى العسل بس كانت المشكلة انها كان عندها انيميا حادة وبهدلتها فانتى اعملى تحليل الهيموجلوبين علشان لو فى حاجة تلحقى تاخدى حقن الحديد بتتاخد بمحلول علشان ماينفعش تتاخد وريد او عضل لانها تقيله اوى فبتتاخد فى محلول
وانتى حاولى تاكلى زيادة شوية

[PROMASS]

شكرا يا برنس يا عسل طمنتينى
يعنى فى امل ان شاء الله

[dr.princess]

بروميس ماتقلقيش خالص انا رحت لصاحبتى فى السبوع ولقيت بنتها ماشاء الله تبارك الله بس برده حاولى تتغذى كويس

[PROMASS]

انشاء الله هحاول رغم انى حاسه انى باكل كتير

[رنا خالد]

فينكم يابنات انا لما بختفي بتظهروا واول ماظهر تختفوا

[توته السيد]

الف حمد لله ع سلامتك يارنا ربنا يخليلك لوجين وتتربي بعزكم بس احكيلي عن ولادتك بالتفصيل الننل وادعيلنا احنا كمان يكملنا ع خير ويفرحنا بشوفه بيبيهاتنا سلام وبالف عافية
بنات وحشتوني جدا جدا جدا اخباركم اية

[بقلظة]

السلام عليكم

فينكم يا بنات

انا زهقانة جدااا

[dr.princess]

توتة فيييييييييييين الغيبة دى كلها
امل انا هنا كنتى فين امبارح ؟؟

[بقلظة]

ازيك يا توتة

عاملة ايه

[بقلظة]

ازيك يا لولو انتي عامة ايه

امبارح تعبت بالليل ومش قدرت ادخل بسبب الكحة المتواصلة

بس انهاردة احسن الحمد لله

[dr.princess]

الف سلامة عليكى حبيبتى
طيب ليه مش بتاخدى دواء للكحة انتى عارفة انها مش كويسة فى الحمل

[توته السيد]

لولو وحشتيني جدا جدا جدا عامله اية والله اديني موجوده بس حصلت ظروف كده خلتني اغيب عاملين اية وملوكه وكل البنات
امل حبي ايوه كده ادخلي كنا مفتقدينك قوي اخبار النونو اية

[dr.princess]

توتة وانتى كمان وحشتينا
ياااارب يكون خير ان شاء الله
كل البنات كويسين الحمدلله

[بقلظة]

الحمد لله يا توتة انا بخير الحمد لله حمد الله علي سلامتك

انهاردة احسن من الايام اللي فاتت الكحة كانت مش سيابني ومفيش دوا نافع معها

والكتورة قالت لي اشربي حاجات دافية كتير وبرتقال وعملت كده ومكنشي نافع

بس انهاردة اول يوم احس بالتحسن الحمد لله

بس انا زعلاانة اوووي ومش عارفة انام ومضايقة اووي محتاجة افضفض معاكوا

[توته السيد]

بنات انتوا شايفين التوقيع بتاعي قولولي ماكتوب فيه اية علشان مش واضح عندي علشان داخله من نت الموبايل

[توته السيد]

والله يالولو الحمد لله ع كل حال بس تيته توفيت وماما منهاره وتعبانة ربنا يصبرها
امل الف سلامه عليك حبيبتي خدي بالك من نفسك الايام دي علشان البرد

[توته السيد]

دودي مادخلتش من سعت ماقالت انها وصلت ولا دخلت
ورنا ولدت طبيعي ولا قيصري طمنوني

[dr.princess]

امل انتى عارفة فى ناس كتير بترتاح على مغلى ورق الجوافة بيعالج الكحة واحنا درسناها فى الكلية حتى فى دواء اسمه جوافة فى الصيدلية للكحة

[dr.princess]

توتة توقيعك مش عارفة افهم ايه اللى مكتوب فيه

[dr.princess]

توتة البقاء لله ربنا يصبركم يااااارب

[توته السيد]

رحتوا فين ياحلوات

[بقلظة]

انا باخد يا لولو ورق جوافة كتير اووي ويانسون وسيكم للسعال الحمد لله علي كل حال

توتة انتي عندك في التوقيع شريط للحمل بس علي شكل فراشة

[dr.princess]

توتة دودى دخلت مرة بسرعة طمنتنا عليها وقفلت على طول
رنا ولدت قيصرى

[توته السيد]

ليه يالولو طيب مكتوب اية ممكن تكتبهولي معلش هتعبك
تسلمي حبيبتي البقاء لله وحده وربنا يصبرنا بفضله

[dr.princess]

والله يا توتة كلمة ملهاش اى معنى بس هكتبلك المكتوب وخلاص 33w4d مش عارفة يعنى ايه

[توته السيد]

امل حبي انا شايفه الفراشه بس مش مكتوب انا في اي اسبوع وباقي قد اية
لولو تسلمي حبيبتي ورنا مش بقيت كويسة الحمد لله

[dr.princess]

توتة مكتوب انك بين الاسبوع ال 30 وال 35 بس مش محدد بالظبط
رنا الحمدلله كويسة بنكلمها على طول بس للاسف دخلت النهاردة وملقتش حد

[gogo]

السلام عليكم
ازيكم يابنات

[بقلظة]

ههو مش واضح يا توتة زي ما كاتبة لولو بالظبط

[dr.princess]

جوجو صباح الخير ازيك

[توته السيد]

اه يالولو 33w4dيعني انا ليا في الحمل 33 اسبوع و4ايام

[بقلظة]

ازيك يا جوجو

اخبارك ايه

وحشتيني

[dr.princess]

قولولى يا بنات بتعملوا ايه فى حكاية الحموضة دى انا حاسة انى هيجرالى حاجة صدرى بيحرقنى اوى

[dr.princess]

توتة يا عينى ياعينى بقى الطلاسم دى طلع معناها كده

[رنا خالد]

الله الله سهرانين من غيري كده برضه يابنات

[gogo]

انا تمام الحمد لله انتوا ازيكوا
وحشتونى انتوا كمان
لولو كنتى تعبانه امبارح ازيك الوقتى
بقلظه ايه اخبار البانيه والحموضه
توته نورتى

[dr.princess]

ايه ده يا رنا انتى بتيجى على السيرة ولا ايه

[توته السيد]

شكرا يابنات تسلموا يارب معلش تعبتكم
جوجو كيفك ياقمر

[gogo]

رنا ازيك ولوجى ازيها

[gogo]

تمام ياتوته الحمد لله

[dr.princess]

جوجو الحمدلله النهاردة احسن الحمدلله مفيش ترجيع بس هموووت من الحموضة كل يوم حاجة شكل الحمدلله على كل حال

[gogo]

معلش يالولو استحملى فات الكتير مبقاش غير القليل

[توته السيد]

ماتقوليش يالولو ع الحموضه دي عذاب شرعي بس علاجها الوحيد انك تنامي ودماغك مرفوعه يعني ع كذا مخده
هههههههههه اه الطلاسم دي فكيت شفرتها وحكاية بين 30و35 يعني الشهر التامن بيبدأ في الاسبوع 30ويخلص في الاسبوع 35 وانا دلوقتي في الاسبوع 34

[توته السيد]

رنا حبي حمد لله ع السلامه اخبار كتكوتتنا اية اكيد حلوة زي مامتها احكيلي بقي ع الولاده ولحظه ماشفتي بالنونه

[gogo]

بقلظه ورنا فينكم

[توته السيد]

رحتوا فييين

[dr.princess]

جوجو قليل ايه اللى لسه باقى انا لسه بادئة فى الاسبوع ال 20 يعنى لسه بدرى ربنا يعيييييييييييين

[gogo]

بس عديتى نص المده يالولو بدام النص عدى الايام بتجرى وربنا يعينك ان شاء الله

[dr.princess]

توتة انا قلت لجوزى يجيبلى دواء وهو راجع المشكلة معرفش من ايه الاكل كان خفيف خالص النهاردة وماكلتش اى موالح خالص هى بادئة بقالها كام يوم شوية كده وتروح بس النهاردة زيادة

[بقلظة]

hwaml4hwaml4hwaml4

[gogo]

مالك يامل ايه الى مزعلك

[dr.princess]

جوجو ياااارب الايام الباقية دى تعدى على خير

[gogo]

ان شاء الله يالولو وبعدين انتى الحموضه دى دورى على الاكلات الى بتسببها وقللى منها وهتبقى كويسه وكترى من العصاير هتقللها

[gogo]

امل اختفت وجت زعلانه ومتكلمتش
مالك يأمل

[بقلظة]

اشربي لبن ساقع يا لولو اول ما تحسي بالحموضة

انا باخد له علااج اسمه مالوكس

حلو اووي

[توته السيد]

الف سلامه عليكي يالولو والله معانا كلنا الحموضه حاجه تجنن بس علاج اية اللي هتخديه

[dr.princess]

والله ياجوجو انا الحمدلله اكلى مش تقيل وانا سمعت انه طبيعى الحموضة فى الحمل بالذات لما البطن تبدأ تكبر

[gogo]

اها صح انا اختى علطول كانت تشرب لبن رايب اكتفيا

[بقلظة]

انا مش مبسوطة مش عارفة ليه

[توته السيد]

هي رنا راحت فين ياجماعه

[gogo]

كترى من العصاير والزبادى اكتفيا اسمع انه للحموضه

[dr.princess]

امل انا ماليش فى موضوع اللبن خالص
توتة دواء اسمه renni بيتمضغ اول مرة لسه هستعمله اصل دكتورتى الغريبة دى كانت كاتباهولى من شهر ونص لما قلتلها عندى غازات وانتفاخ وعلى مافقت لما خرجت من عندها افتكرت انه للحموضه مش للانتفاخ فجبت انا دواء تانى للانتفاخ

[توته السيد]

لية ياامل ياحبيبتي في شئ مزعلك ولا قلقانة علشان الولاده قربت

[gogo]

ليه يا امل مالك
لو فتره زهق وملل عادى يبقى هتفك من الرغى
عارفه انتى لما اتكلمتى على البانيه خلتينى تانى يوم اعمله

[dr.princess]

امل ليه مش مبسوطة ؟؟

[بقلظة]

احسن حاجة للحموضة لبن ساقع ولو في علااج طبعا

انا باخد ده او ده اول ما احس بالحموضة

اجمدي كده يا لولو ده التقيل ورا

[رنا خالد]

معلش يابنات كنت برضع لوجي وبعدين نيمتها وجيت علي طول

[توته السيد]

لولو حبيبتي ماتكتريش اخد ادوية حاولي تشوفي علاج من الطبيعه افضل اشربي عصير برتقان فريش ممتاز للحموضه

[gogo]

رنا انتى بتفكرينى باختى وهى بتكلمنى ميل
بس هتعملى سبوع ولا لا

[بقلظة]

امل انا ماليش فى موضوع اللبن خالص
توتة دواء اسمه renni بيتمضغ اول مرة لسه هستعمله اصل دكتورتى الغريبة دى كانت كاتباهولى من شهر ونص لما قلتلها عندى غازات وانتفاخ وعلى مافقت لما خرجت من عندها افتكرت انه للحموضه مش للانتفاخ فجبت انا دواء تانى للانتفاخ



لاء مش حلو برشام المضغ ده جربته ومش نفع معايا خاالص يا لولو

يا رب ترتاحي عليه

[بقلظة]

ليه يا امل مالك
لو فتره زهق وملل عادى يبقى هتفك من الرغى
عارفه انتى لما اتكلمتى على البانيه خلتينى تانى يوم اعمله


برافووو عليكي

وبالهنا والشفا


اقولك بقا انا اكلت ايه امبارح

والا بلاشhwaml03

[توته السيد]

صحه والف هنا يالوجي ياقمر ونوم العوافي يارب

[رنا خالد]

اه طبعا هاعمل سبوع برغم ان احمد كان عايز يكتفي بالذبح بس وبيقول السبوع بدعه بس رضاني وقاللي نعمل سبوع عشان ماتزعليش يوم الجمعه اللي جايا ان شاء الله
توته علي فكره انتي وحشاني موووووووت وبجد وحشني الكلام معاكي وخفة دمك

[gogo]

لا قولى يأمل
خلينا نشوف هتطبخ ايه بكره يمكن الاقى حاجه جديده تايهه عنى

[رنا خالد]

احكي ايه ولا ايه ياتوته ده يوم الولاده ده كان يوم ربنا وحده اللي يعلم بيه والله

[dr.princess]

توتة اعمل ايه بس غصبت على نفسى وكلت زبادى معملش حاجة واكلت تفاحة ساقعة مفيش نتيجة مفيش حل غير الدواء وكمان البرتقال خلص من عندى وجوزى مش هيلاقى حد فاتح يجيبلى منه وهو راجع النهاردة

امل والله ادينى هجربه وانا ونصيبى بقى

[gogo]

الرجاله كلهم ده راءيهم ف السبوع
بس كويس انك هتعملى السبوع فرحه

[بقلظة]

أكلت ممبار وكرشة بس تحفة
ايه رآيك

ليكي في الأكل ده

[dr.princess]

صحيح يا امل مناسبة الطبيخ اخبار الاستغلال بتاعى ايه ؟؟؟

[gogo]

ليه ف الممبار بس
وده مفيش هنا منه مبيعرفوش الحجات دى هناhwaml15

[dr.princess]

امل متفكرنيش بالممبار نفسى فيه من اول الحمل هيجرالى حاجة واكله اهىء اهىء اهىء

[نولارا]

الف مبروك يارنا وحمد الله على السلامه انتى ولوجى
ويلا احجزيها لاحمد
نسيت اقول لكمن صباح الخير بالليل ههههههههههههه

[dr.princess]

نورا انتى فيييين يابنتى روحتى وقلتى عدولى

[رنا خالد]

لو كانتوا في مصر كنتوا نورتوني في السبوع والله
بس انا هاشيل لكم نصيبكم طبعا
سلامتك الف سلامه يالولو بس انا هاقولك حاجه تبسطك
الحموضه دي معناها ان البيبي بدأ شعره يظهر وهو ده اللي بيدي الاحساس بالحموضه انا من بدايه السادس وانا كنت بشتكي بيها وقالولي كده وفعلا طلعت لوجي بشعر حلو وكثيف

[gogo]

نولارا ازيك يابنتى فينك انتى بقيتى فتره صباحيه محدش شافك من مده
واحمد ازيه بقى ينيمك بدرى ولا ايه

[بقلظة]

ايوة يا لولو صحيح

بصي يا ستي

هاتي شبت وبقدونس وكسبرة وبصل وكل ده يتفرم مع بعضه وتحطي عليهم التوابل و تتبليهم كلهم مع السمك الفليه وكوبية صلصة طماطم وحطيها في طاجن فالفرن

وقالي ممكن كمان يتشوي بيكون تحفة برضه

[نولارا]

ياعنى كنتوا سالتوا عليا يالولو
انا زعلانه منكم اهىء اهىء

[رنا خالد]

نورا مش معقول عماله ايه يابنتي انتي وموكشه عاش من شافك
الله يبارك فيكي وهانحجز لوجي لموكشه هو احنا نطول

[توته السيد]

ياروحي يارنا انت وحشاني اكترررررر ونفسي اتكلم معاكي وكنت مستنية تدخلي بفارغ الصبر علشان اطمن عليكي احكيلي حصل اية انا عارفه طبعا يوم ما يعلم بية الا ربنا بس احكي احكي

[gogo]

انا بحب عليب السبوع جدا مش التحف التانيه الى هى فانوس بتبقى عامله زى مخزن الاسرار كده فيها من كل شكل ولون

[نولارا]

ايوا ياجوجو بقى بينام بدرى ويصحى من الفجر
عشان كده سهرته النهارده عشان ينام للصبح ان شاء الله

[dr.princess]

رنا يا سلالالالالام لو كده انا استحمل علشان خاطر عيونة بس لو طلع اقرع حسابه معايا لما يجى ههههههههههههه

[بقلظة]

رنا ونورا ام احمد ازيكم معلش يا رنا مسلمتيش عليكي الاول اصل انا دماغي ملخبطة خالص والله

ولسه عايزة افضفض معاكوا في حاجات مديقاني

[dr.princess]

امل شكل انك سألتيه حبيبتى
والله كنت هعملها النهاردة كده بس مكنتش هحط البقدونس والحاجات دى وعلى اخر الوقت جوزى قالى عايز حاجة خفيفة فعملت ملوخية

[gogo]

مالك يامل ايه الى مضايقك دنتى حتى واكله ممبا حد ياكله ويدايق

[dr.princess]

نورا والله على بالى حتى ولو انى مكتبتش هنا كده بس كنت بفكر فيكى

[نولارا]

ازيك ياامل

ايه اللى مضايقك


رنا ماشى خلاص بس العريس لازم يشوف العروسه الاول
اظن من حقه وبعدين هى معاها صورته

[توته السيد]

نورا ازيك ياقمر واخبار أحمد اية

[dr.princess]

امل ايه اللى مضايقك فضفضى

[نولارا]

نورا والله على بالى حتى ولو انى مكتبتش هنا كده بس كنت بفكر فيكى

دا نفاق ولا حقيقه يالولو هههههههههههه

[بقلظة]

لولو ايوه سالته وقال لي كده واكد علي الكرفس مهم جداا

جوجو كان فعلا جميل الممبار تصدقي انا نفسي اكله تاني

[نولارا]

توته حمد الله على السلامه
اخبار الصعيد ايه على حسك
واخبار النونو ايه
عامله ايه من غير حماه ابنك هههههههه

[dr.princess]

نورا اخص عليكى انا برده كده لا والله حقيقة

[رنا خالد]

ايه اللي مضايق ياموله احكي ياقمر احنا سامعينك
اما بقي عن الولاده ياتوته فهو كان يوم غرييييييييب كنت هاموت من الخوف وخاصة وانا داخله اودة العمليات وبصراحه بعد مافقت من البنج كنت حاسه بألم فظييييييييع
بس الحمد لله علي كل شئ اهي غلقه وراحت والجرح الحمد لله بدأ المه يخف بس هي المشكله اني عندي كحه وكل اما اكح احس بوجع في الجرح وعندي امل اني ارجع زي ماكنت بس الغريبه بقي اني حاسه بأكتئاب فظيع ليه مش عارفه هل ده طبيعي يابنات ولا ايه
واللي بيهون عليا الاحساس ده البصه في وش بنتي ادعولي ربنا يخليهالي

[dr.princess]

امل انا كان قصدى اقولك شكرا بس كتبتها غلط
والله عمرى ماجربت الكرفس قبل كده بس هخلى جوزى يجيبهولى واجربه ان شاء الله

[نولارا]

خلاص يالولو مصدقاكى
انا بس كنت بهزر ههههههههه

[gogo]

رنا ده اكتئاب ما بعد الولاده ستات كتيربيجلهم بس انتى متسبهوش يسيطر عليكى
والسبوع قرب اهو هتفرحى وتهيصى فيه

[نولارا]

الاكتئاب بعد الولاده طبيعى يارنا متقلقيش
فتره وتعدى ان شاء الله

[رنا خالد]

لا ماتخافيش يانورا العروسه هاتعجبه دي حاجه كده مستورده خالص هههههههه
وهاصورهاله بس بعد ماتكمل اربعين يوم اصل جوزي بيقولي انه حرام البيبي يتصور قبل مايعدي عليه اربعين يوم

[dr.princess]

رنا ربنا يخليهالك حبيبتى بس معرفش موضوع الاكتئاب ده طبيعى ولالا
بس حاولى تشوفى حل للكحة علشان الجرح

[نولارا]

ياجماعه جوزى شكله بيعانى من حرمان عاطفى ههه
وانا فى اجازه عندى البيريود
دخل الاوضه التانيه وقالى خليكى قاعده مع صحابك
هسيبكم معلش وادخل اكلمه انا واحمد هههههههه احسن يطردنا من البيت

[توته السيد]

الله يسلمك يانورا حبيبتي الصعيد تمام التمام والنونو كمان الحمد لله والله مفتقداها قوي والعروسه وحشها العريس

[بقلظة]

بصوا يا بنات

انا متفقة انا وجوزي اني بعد الولادة ان شاء الله اروح اقعد عند اختي وهو معايا طبعا ممكن اقعد شهر هناك اولا لانها عندها امتحانات وهي تقريبا اقرب لي واحدة في العائلة ومش هتعرف تجيلي المسافة كبيرة فانا هاوفر عليها واقعد عندها واعمل العقبقة ان شاء الله عندها

ده اللي متفقين عليه

بس هي امتحاناتها نفس الشهر اللي هاولد فيه ان شاء الله هو شهر واحد

هي امتحانات الدكتوراة بتاعتها

انهاردة كانت عندنا فبتقولي علي المذاكرة وكده وبتقول لحماتي انا كلمت واحدة صاحبتي اني لو معرفتيش اذاكر في الشقة هاروح اقعد عندها علشان اعرف اركز

انا تضايقت بس مش بينت وعارفة كويس اووي لو قلت لها مش هاجي هتزعل مني لانها فرحانة اني اروح لها انا متأكدة من كده

بس هي برضه عندها امتحانات مهمة وجوزي بقا متردد زي وقالي شوفي انتي عاوزة ايه

اعمل ايه افيدوني؟

[dr.princess]

رنا مأظنش ابدا انه حرام تصويرها قبل اربعين يوم بس اعملى زى جوزك مابيقول علشان ميزعلش

[dr.princess]

نورا ماشى ياستى مصدقاكى

[توته السيد]

ياحبيبتي يارنا الحمد لله انك قمتي بالسلامه وربي يخليلك لوجي القمر اما الاكتئاب ده طبيعي علشان الوضع الجديد والمسؤلية لسه جديده عليكي

[dr.princess]

امل بيتهيالى فى الظروف دى ممكن اختك هى اللى تيجى تقعد عندك ولما تحب تذاكر او وقت الامتحانات ترجع شقتها هيبقى احسن من انكم تروحوا شقتها وهى اللى تمشى منها

[gogo]

أمل اختك مكنتش تقصد انك هدايقيها ولا حاجه هى بس كانت بتتكلم بعفويه
وبعدين من كلامك انكوا ملكوش غير بعض يبقى لازم تشيلوا بعض روحى ومتتردديش دى اختك مفيش واحده هتخدمك وهى فرحانه اكتر منها وياستى هى ظبطت نفسها لو معرفتش تزاكر هتروح لصحبتها وترجع تانى تكونى تحت عنيها
وتهتم بيكى وبكده هى تكون زاكرت وراعتك هو ده قصدها

[dr.princess]

نورا ماشى ياستى الطيب احسن برده هههههههههههه

[رنا خالد]

امل مش حابه تكوني مضايقه وانا رأي انه من الافضل انك تولدي في بيتك
هاتكوني براحتك اكتر وخاصة ان البيبهات في الاسبوع الاول بيعيطوا كتير من غير سبب وهاتحسي انك متقله علي اختك انا زيك علي فكره اخواتي بيمتحنوا وبعد ماكنت هاولد واقعد عند ماما غيرت رأيي وجيت علي بيتي وبلاش تضايقي ده انتي فاضلك ايام وتشوفي النونو وتخديه في حضنك يلا افرحي بقي وارمي اي حاجه ورا ضهرك

[مى سامح]

صباح الخير انا اسمى مى وعندى 29 سنة ولسة مش حامل ولا حاجة ادعولى احمل فى اقرب وقت ان شاء الله

[بقلظة]

هي فرحانة لأبعد الحدود لدرجة بتيجي وخدت هدوم البيبي من هنا وهدوم لي وفضت هناك دولاب مخصص ورست فيه الهدوم وفرحانة اوووي

بس انا حساسة جدا انا عارفة انها مش هتقدر تروح لصاحبتها وتعمل كده بس معرفش الكلمة زعلتني

وقلت لجوزي بعد ما مشيت اني مش عاوزة اروح هناك بس مقدرش اقول لها كده هتزعل اووي ومتعرفوش احنا مرطبتين ببعض قد ايه

جوزي قالي شوفي انتي عاوزة ايه وانا خايفة تزعل ومعرفش اعمل ايه

[gogo]

منوره يامى ان شاء الله تحملى
تعالى انضميلى انا عامله طابور هنا مستنيه زيك

[بقلظة]

صباح الخير انا اسمى مى وعندى 29 سنة ولسة مش حامل ولا حاجة ادعولى احمل فى اقرب وقت ان شاء الله


اهلا بيكي يا مي وان شاء الله ربنا يرزقك الحمل السليم والذرية الصالحة المعافة قريبا يا رب

[رنا خالد]

ربنا يرزقك بالحمل يامي عاجلا ليس اجلا وبجد المنتدي ده وشه حلو علي بنات كتير
وقريب تفرحينا بخبر حملك قوليلي يامي انتي متجوزه من امتي وياتري ايه سبب التأخير

[gogo]

يامل اختك مش صغيره وهى اكيد هترتب امورها وانتى بتقولى انها فرحانه اوى انك هتروحى عندها يبقى اتوكلى على الله وروحى دنتوا اخوات يابنتى مبنكوش حرج

[dr.princess]

ازيك يا مى ربنا يرزقك يارب بالحمل عن قريب انتى وجوجو

[بقلظة]

تصدقي بالله يا لولو انا عاوزة كده لاني فعلا حساسة اوي لاي كلمة حتي لو مش مقصودة

بس انا في نفس الوقت اختي صعبانة عليا احنا مع بعض في كل حاجة قبل الزواج عايشين مع بعض انا بعد الزواج هي عايشة لوحدها وانا باحاول اعوضها اني اروح لها اقعد معها اطول وقت ممكن

هي مش بتوافق تيجي علشان المرتبة عندي يانسين مش قطن وهي مش بتستريح عليها

فأضطر انا اروح لها بعد الحاح منها وانا بصراحة بتصعب علي لما تلح علي جامد

انا بالنسبة للموضوع ده الهدوم اخدتها وظبطنا كل شيء علي كده واتفقت معها

ولو قلت لها مش هاجي هتقولي ايه السبب

انا معرفش الصراحة مش عاوزة ازعلها برضه

[gogo]

ايوه كده يالولو الزقى اسمى ف اى دعوه هههههههههه

[dr.princess]

امل انا مع رنا فى اول شوية دول اختك فعلا مش هتعرف تذاكر البيت هيبقى مقلوب طبعا بالناس اللى هتجيلك وهتبقى هى صاحبة البيت مش هتعرف تسيبهم وكمان مواعيد النوم كلها هتتشقلب اما لو هى عندك مفيش لوم عليها لو دخلت تذاكر مثلا وسابت الضيوف فى الاخر هى ضيفة ووقت ماتحب ترجع بيتها هترجع انا مجربة ولادة اختى قبل كده فى الامتحانات وقف حال بصراحة وبتبقى الدنيا مكهربة مع ان ابن اختى ربنا يبعد عننا كل وحش فضل شهر فى الحضانة على ماجه امال لو كان رجع معاها كان ايه اللى حصل

[gogo]

امل بعد الكلام الى بتقوليه ده يبقى تروحى على الاقل عشانها هى اكيد هتفرح بيكى اوى وانتى معاها

[بقلظة]

ربنا ييسر الخير ان شاء الله

[dr.princess]

ياسلام يا جوجو انتى تؤمرى بس

[gogo]

هى مى اختفت ليه ده انا كونت هكون جمعيه هنا انا وهى هههههههههه

[gogo]

أمل مدايقيش نفسك سبيى الامور تمشى زى ما هى ومتفكريش غير ف بقلظ يأم بقلظ
قوليلى خلصتى كل حاجته ولا لسه

[بقلظة]

انا جبت الحاجات الداخلية والبيجامات اللي في البيت

اخت جوزي هتبعت السلوبيتات من الكويت لسه

[gogo]

ياسلام ده هيلبس مستورد من اولها
والشامبوهات والحجات بتاعه الاطفال دى متنسهاش لانهم بيطلبوها ف المستشفى علشان يحموه بيها اول ما ينزل

[بقلظة]

انا قلت كده هاسيب الموضوع زي ما تيجي تيجي

[بقلظة]

ياسلام ده هيلبس مستورد من اولها
والشامبوهات والحجات بتاعه الاطفال دى متنسهاش لانهم بيطلبوها ف المستشفى علشان يحموه بيها اول ما ينزل


ايوة فعلا

اخت جوزي هتبعتهم برضه

ربنا ييسر ان شاء الله

دعواتك بس لي

[gogo]

صح سبيها على ربنا صلى استخاره وربنا هيسر الامور
قوليلى ياأمل صحيح هى الحامل بتصلى وهى قاعده من الشهر الكام

[بقلظة]

انا كنت باصلي وانا قاعدة من الشهر السادس تقريبا

وفي اول 3 شهور علشان الدكتورة قالت لي الراحة التامة علشان نزل دم في اول شهور الحمل

[رنا خالد]

هاسيبكم انا دلوقتي يابنات عشان ادخل انام اقولكم تصبحوا علي الف خير ونكمل كلامنا بكره وعايزاكي ماتزعليش نفسك يااموله ياقمر
بااااااااااااااي

[gogo]

امل انتى عندك كام سنه

[gogo]

وانتى من اهله يارنا
نشوفك على خير ان شاء الله

[dr.princess]

ماشى يارنا تصبحى على خير حبيبتى

[gogo]

برنسيس مبتتكلميش ليه بدام موجوده انتى لسه تعبانه

[بقلظة]

تصبحي عالخير يا رنا

حاضر يا قمر مش هازعل نفسي

[بقلظة]

تديني كام سنة يا جوجو

[gogo]

انا حاسه انك من سنى يعنى 23 ف الحدود دى او اكبر بحاجه بسيطه
بس الى بيقول تدينى كام بيطلعوا عمرهم اكبر من المتوقع صح

[dr.princess]

انا معاكم بس مش عارفة اقول ايه
انا برده بقيت اوقات احس بتعب فى السجود بس بقول مش هبدأ اصلى على كرسى الا لو خلاص مبقتش قادرة

[gogo]

بدام بدءتى تحسى بتعب صلى على كرسى عادى يابنتى انتى حامل متتعافيش على نفسك لانك كده مبتتعبيش نفسك بس بتتعبى البيبى وربنا مديكى رخصه ليه متستخدمهاش

[بقلظة]

ايوة يا جوجو

انا كبيرة مش صغيرة اهيء اهيء

انا 30

متتخضيش اووي


شكلي صغنون

[gogo]

ههههههههه يا أمل هو 30 كبير يابنتى انتى لسه صغيره
انا اعرف واحده 34 وشكلها عيله خالص

[dr.princess]

والله ياجوجو انا قلت خلينى للاخر لما مبقاش قادرة خالص
اصلى كنت فى رمضان فى عمرة ومعايا مرات صاحب جوزى وكانت فى التاسع وكانت ماشاء الله تبارك الله بتصلى عادى فقلت خلينى لما خلاص مينفعش خالص

[gogo]

يابنات حد فيكوا صبغ شعره قبل كده انا نفسى اصبغه بس كل الى صيغوه بيخوفونى ان الصبغه بتبوظ الشعر عايزه حد تكون تجربته كويسه يشجعنى

[gogo]

والله يالولو الصلاه سواء كانت على كرسى او لا هى الصلاه يعنى الكرسى مش هينقص من صلاتك انتى اول ما تحسى انك تعبتى متضغطيش على نفسك

[بقلظة]

انا بقا شعري باظ من كتر الصبغة

بحب الصبغة جداااااااا

انا رآيي بلاش

ولو نفسك اوي تعمليها اعمليها عند واحدة ثقة وشاطرة وفي دلوقتي حاجات طبيعية بيحطوها مش بتبوظ الشعر

[dr.princess]

يا امل المهم الشكل مش السن
انتى عارفة اختى قربت على ال 30 لسه 4 شهور يعنى بينى وبينها 5 سنين والناس بتتلخبط بينا يعنى اكتر من مرة اكون مع جوز اختى واصحابه يكلموه على انى مراته ومرة رحت انا وهى محل واختى سألت الراجل على حاجة لقيته جاى يقولى مالقيتش قلتله هو ايه بص لاخر المحل وقالى ايه ده هو انتوا اتنين هههههههههههه بيفكرونا توأم مع انها ماشاء الله احلى منى

[بقلظة]

انا مشكلتي مش بقدر اقوم من وضع السجود للوقوف تاني

[gogo]

المشكله ان مفيش حد ثقه انا اختى عملتها ف مكان كويس اوى وبردوا بوظت شعرها
انا كان نفسى اصبغ هنا ف قبرص لان الناس هنا عايشين على الصبغات اكيد هتبقى هنا احسن بس المشكله ان الكوافيرات هنا كلها شغال فيها رجاله على ستات

[dr.princess]

لالا يا جوجو مانصحكيش بالصبغة خالص اختى صبغت مرة شعرها اتبهدل واتقصف وكانت حالته حالة وبيقع كتيير وفضلت كل شوية تقص فى طروفه علشان تخلص من اثر الصبغة
انا جوزى نفسه انى اصبغه من ايام الخطوبة بيقولى قلتله لا شعرى ضعيف اصلا وبيقع كتير ومش هيستحمل الصبغة

[بقلظة]

انتي منتقبة يا لولو

[dr.princess]

امل لالا انا لسه موصلتش انى مقدرش اقوم من السجود بس التعب فى ضغطة البطن نفسها فى السجود بالذات لو بعد الاكل

[gogo]

عندك حق يالولو مش بالسن خالص المهم الاهتمام لو الواحده مهتمه بنفسها بتديها اقل من سنها خالص

[dr.princess]

لالا انا بلبس التقاب هنا بحكم عادات البلد بس انا فى مصر كنت بلبس طرح طويلة وتونيكات وجيبات او عبايات

[بقلظة]

انا يا بنات حاسة اني كنت بهتم بنفسي قبل الزواج

معرفش ايه اللي حصل

ممكن علشان تعب الحمل والا ايه؟

[بقلظة]

يعني يا لولو لما تنزلي مصر ان شاء الله هتقلعي النقاب

[gogo]

هى المشكله فعلا فبهدله الشعر يالولو ده الى مخوفنى وانا بزعل اوى على شعرى لو جراله حاجه

[gogo]

اكيد يأمل الحمل بيخلى الواحده ملهاش نفس تهتم بحاجه هانت اهى ياستى وارجعى اهتمى تانى

[dr.princess]

انا برده بقيت مهملة فى نفسى اوى من اول الحمل حتى اوقات كتيير بحس انى مقصرة فى حق جوزى بس معدش ليا نفس اعمل حاجة خالص

[gogo]

يابنات اجوازكوا اكيد مقدرين الى انتوا فيه

[dr.princess]

انا هنا يا امل مش بلبسه طول الوقت يعنى بقلعه فى الحرم واوقات بقلعه فى المولات المشكلة انى بتخنق وبفضل انهج وبحس انى مش قادرة اخد نفسى فمش بستحمل البسه وقت طويل ولما انزل مصر اكيد مش هلبسه

[بقلظة]

تعرفي اللي مخليني مش مهتمة بنفسي كمان كلف الحمل ده مشكلة

[gogo]

ايه كلف الحمل ده

[بقلظة]

ان شاء الله يا لولو لو حابة النقاب ربنا يثبتك عليه ويحببك فيه انا كنت زيك الاول كده وبعدين نظرتي تغيرت 180 درجة سبحان الله

[dr.princess]

احنا اتشركنا يا امل انتى عندك كلف وانا عندى خطوط حمراء فى جسمى كله والبقية تأتى

[dr.princess]

والله يا امل مش عارفة ماما برده كانت نفسها تلبسه بس ياقلبى عندها ضيق تنفس مستحملتوش خالص
هو انتى لابسة نقاب يا امل ؟؟

[بقلظة]

يا جوجو ده سواد في مناطق معينة بالجسم والرقبة والوجه وتحت الابط وكده يعني

[gogo]

اده هو الحمل بيعمل كل ده

[بقلظة]

الحمد لله لابسة النقاب من اربع سنين تقريبا وقبلها كنت رافضاه نهائي ومش حابه البسه

سبحان الله

قصتي غريبة شوية مع النقاب

[dr.princess]

امل لالالا انا مش رافضاه ولا حاجة بس بتعب منه

[بقلظة]

هههههههه امال ايه يا جوجو

لولو الخطوط الحمرا ديه بداية السواد يا قمر

هي بتكون في البطن خطوط حمرا وبتقلب بعد كده اسود

[بقلظة]

ربنا يثبتنا يا رب علي طاعته

[بقلظة]

روحتوا فين

[gogo]

طب ودى بتفضل ولا وقت وبتروح

[بقلظة]

طيب تصبحوا عالخير

[بقلظة]

اعتقد انها بتروح يا جوجو

تصبحي عالخير

اشوفكم بكرة ان شاء الله

[gogo]

انا هنا ياامل

[dr.princess]

لالا امل الدكتورة قالتلى بتبقى حمراء وبعدين تبقى بيضاء
دى مالية جسمى كله جنابى وصدرى وزراعى ورجلى سورى يعنى الافخاذ واخر حاجه رجلى من تحت فوق مابيتلبس الشراب القصير كده مناظر مايعلم بيها الا ربنا
بس اللى طلعوا فى الجناب والافخاذ دول طلعوا اول الشهر اللى حملت فيه يعنى قبل الحمل ولما سألت الدكتورة قالتلى انه علشان انا زدت قبل الحمل

[gogo]

وانتى من اهله ياامل
نشوفك على خير ان شاء الله

[dr.princess]

ماشى يا امل ولا يهمك تصبحى على خير

[بقلظة]

ايوة يا لولو انا كانت عندي خطوط حمرا بس قلبت اسودبسبب برضه زيادة في الوزن

قالوا لي انها كلف حمل بس هترجع تاني بعد الولادة بيضا

ربنا ييسر ان شاء الله

كان نفسي اقعد اكمل كلاام معاكوا بس بردانة وعندي صداع

ان شاء الله بكرة نكمل كلاامنا علشان احكي لكم قصة لبسي النقاب ان شاء الله

تصبحوا عالخير

[gogo]

انا هقوم انا كمان انام علشان بكره عندى مشوار لازم اصحى بدرى
تصبحوا على خير

[dr.princess]

امل ربنا يستر يااارب ومتتقلبش اسود
خلاص بكرة نستنى منك قصة النقاب
الف سلامة عليكى تصبحى على خير واتدفى كويس

[dr.princess]

جوجو ماشى هسيبك بس علشان المشوار ده
وانتى من اهله حبيبتى

[ايوشه]

ازيكم يابنات عاملين ايه واخباركم ايه انتو والنونهات
وحشتونى كلكم مالكم كده المنتدى نايم ليه

[dr.princess]

ايه يا بنات مالكم كده
فييييييييييييينك يا ملك

[dr.princess]

ايه ازيك واخبار النونو ايه ؟؟
يللا السؤال اليومى اخبار الضغط ايه

[رنا خالد]

وحشتوني يابنات مختفيين ليه كده وفين ملك صاحبة الفتره الصباحيه

[dr.princess]

الصمت الرهييييييييييب

[لولا]

السلام عليكم

[رنا خالد]

السلام عليكم ورحمة الله وبركاته
مين هناااااااااااااااك

[gogo]

السلام عليكم
حد هنا

[لولا]

هل من مجيب؟

[gogo]

لولا ازيك
طمنينى عملتى ايه عند الدكتور

[لولا]

والله ياجوجو الدكتور وجعلى قلبى

[لولا]

قالى اعملى تحليل رقمى النهاردة والخميس ان شاء الله لان النمو مش زى ما المفروض يكون وبعد كدةهيشوف وطبعا مفهوم اية اللى هيحصل هقول اية الحمدلله على كل حال

[gogo]

لولا متخافيش يمكن يكون الحمل حصل قبل البريود بايام ف عمره صغير لسه
بتحصل كتير والحمل بيستمر عادى
ان شاء الله خير هيستمر ويتولد وتفرحى بيه ان شاء الله
انتى كمان روحى لدكتور تانى متخديش كلام من دكتور واحد لان فيه دكاتره بيخوفوا الواحد وهو مفيش داعى للخوف اصلا

[بقلظة]

السلام عليكم ورحمة الله وبركاته

[gogo]

وعليكم السلام
ازيك يامل متأخره ليه انهارده

[لولا]

يارب ياجوجو انا قولت اعمل التحليل وفعلا هروح ان شاء الله لدكتور تانى

[gogo]

ان شاء الله خير يالولا وابقى طمنينى عليكى

[لولا]

ان شاء الله انتى عاملة اية؟

[gogo]

انا كويسه الحمد لله
اخبارى زى اهرامى مفيش جديد
قاعده بتفرج على فيلم رعب اهو وبكلمك
ايه اخبار مصر مفيش جديد هناك

[لولا]

لا جديد على الساحة اللهم لااعتراض الحياة بقت كربون

[بقلظة]

الحمد لله يا جوجو ازيك انتي؟

ازيك يا لولا ربنا يطمن عليكي

لسه لولو مش دخلت ؟

[gogo]

عندك حق والله الحياه بقت كربون
انتى بتأخدى فولك اسيد يالولا

[gogo]

الحمد لله يأمل
لا لولو لسه مجتش زمانها جايه

[لولا]

اة فوليك اسد ومثبت

[gogo]

طب كويس كترى كمان من شرب الميه لان الناس ف الشتا بتنسى

[لولا]

الحمدلله ياامل انتى عاملة اية ؟ اللهم امين يارب واطمن

[بقلظة]

يا لولا

لييه الحزن ده يا حبيبتي

ربنا فرجه قريب اوووي

اسأليني انا ان مع العسر يسر

ان شاء الله



اقولكم علي خبر يضحك

بنت هيفاء وهبي اتجوزت

ههههههههه

اول مرة اعرف ان لها بنت وكبيرة كمان واتجوزت

[gogo]

ايه اخبار اكلاتك الجامده يا امل هتغظينا بأيه انهارده

[لولا]

ونعم بالله وانا املى فى الله كبير ياامل
انا مش بس المياه تصدقى ياجوجو انا طول اليوم مااكلتش غير واحدة جبنة نستو فقط

[لولا]

انا سمعت فعلا ان بنتها اتجوزت بس مفيش صور

[gogo]

اصل هيفا اتجوزت وهى صغيره وخلفت وسابت جوزها وبنتها وحاولت ترجع لبنتها لما بقت مشهوره وبنتها رفضت تعرفها علشان البوظان الى هيا فيه

[gogo]

بزمتك يالولا انتى كده مهتمه بجنينك وخايفه عليه لو خايفه عليه كولى كويس واشربى سوايل كتير وميه وابعدى عن الاناناس لانه مضر للحامل يابنتى ده الجنين ف اهم مراحل تكوينه انتى كده بتئذيه يلا قومى كولى حاجه متكمليش كلام الا لما تاكلى

[بقلظة]

ممكن تشوفيها لما تبحثي عنها بجوجل يا لولا

بقولك يا لولا الجبنة النستو مش حلوة تاكليها في اول الحمل

[gogo]

تعرفى ياأمل انا ف حملى كنت معرفش ايه المضر ولا اى حاجه وكنت باكل انناس بطريقه رهيبه كل يوم كان جوزى عارف انى بحبه يجبلى علب الانناس
وبعد كده عرفت انه غلط جدا لازم الواحده ف بدايه حملها تقرى كنير عن الاكلات المضره

[بقلظة]

ايوة يا لولا اسمعي كلاام جوجو

وعالفكرة مش كل كلاام الدكاترة تصدقيه

انا الدكتورة خوفتني وقالت لي المشيمة كبيرة جداا علي البيبي

وده مش حلو

انا خفت ومش نمت الليل

روحت عملت سونار رباعي الابعاد قال لاء عادي ومش تخوف ولا حاجة

فانتي خير ان شاء الله بس قلة الاكل ديه فعلا اللي غلط عليه لانه لسه بيتكون

[dr.princess]

اتفضلوا لبنة ومخلل وفى جبنة مثلثات للى تحب كلها حوادق النهاردة

[لولا]

ياجماعة والله غصب عنى معدتى مش قابلة الاكل ولا الميه لو بايدى اغذية اية لحد مايقولى كفاية ياماماههههههههههههه هخلية ينطق بس هو الجبنة النستو غلط لية؟ عموما انا اكلت واحدة بس

[gogo]

لبنه يالولو انتى قلبتى لبنانى
طب فين الفتوش والمناقيش بالزعتر

[dr.princess]

يع المخلل طلع طعمه وحش فالحين بس يقولوا مخلل مصرى مع انه مالوش علاقة بيه خالص

[dr.princess]

جوجو انا عندى الزعتر بس ينفع هههههههههههههه

[بقلظة]

انهاردة والله عملنا رز وسمك فليه

الرز كان طعمه حلو علشان كان فيه فلفل الوان وبصل وجزر كان طعمه جميل

[gogo]

اشربى عصاير يالولا تعوض شويه وفاكهه دى حجات خفيفه وعارفه سبب ان الست دايما بتحس ان معدتها مقلوبه ف الحمل فضيان المعده لو هى واكله حاجه هتبقى احسن

[dr.princess]

لولا مين اللى قال ان النستو مضر ده انا باكل كتييير منها وعمرى ماسمعت حاجة زى كده

[gogo]

هههههههه يالولو كله شغال
المخلل خلليه ف البيت احسن لو مش حلو

[بقلظة]

ازيك يا لولو


يا خبر


والله متعرفوش ان النستو غلط