دردشة حوامل مصر - دردشة بنات مصر - تجمع حوامل مصر

[ملاك بلا أجنحة]

أنا ياحبيبى أصلى من حلوان
بس حالا متزوجة فى القليوبية /شبين القناطر
لو تسمعى عنها؟
وأنتى فين دلوقتى

[somia]

انا لسة في القاهرة .. بقولك صحيح تسمعي عن حته اسمها... تصدقي نسييييييييييييت ...أه كان نفسي أسألل عنها من زمان

[somia]

افتكرت كفر الزيات .. تسمعي عنها؟؟؟

[ملاك بلا أجنحة]

موجوده فين ياعنى الحتة دى ؟؟؟؟؟؟؟؟؟؟
أنتى كام سنة سومه وفين فى القاهرة

[ملاك بلا أجنحة]

أسمع عنها بس بصراحة مش عارفة
هى فين بظبط

[somia]

انا مش عارفة هيه فين بالضبط بس اصل قريبتي هتتزوج فيها فكان نفسي اعرف هيه عاملة ازاي

[somia]

تعرفي اذا كانت بتطل على النيل ولا لأ؟؟؟

[somia]

انا عندي 24 سنة وانتي؟؟؟

[ملاك بلا أجنحة]

أنا كمان 24
هكملهم أن شاء الله
11/25
أنتى فين فى القاهرة مش قولتيلى

[somia]

انا من حلوان

[ملاك بلا أجنحة]

والله من انهى حتة فيها
أنا من العزبة القبلية

[somia]

انا منها نفسها نحية مدرسة صفية زغلول..
صحيح انتي كنتي فانهي مدرسة ثانوي؟؟؟

[ملاك بلا أجنحة]

حبيبتى فى موقع جميل جدا
أسمه بيبى سنتر أربيا
كل أسبوع بيبعتلى مسج يقلى
حالة البيبى ووزنه وطوله وكل حاجة عنه
لو حبة تشتركى فيه أنا مشتركه فى
كل اسبوع يبعتولى يعرفونى أنا فى الأسبوع الكام وكل المعلومات اللى محتجالها

[somia]

ابعيلي اسمه.. لو ممكن

[ملاك بلا أجنحة]

حبيبتى أبعتيلى الميل بتاعك وأعملك دعوة منه
ولو على أسمه أدخلى جوجل وأكتبى (موقع بيبى سنتر أربيا)وهتدخلى وتشتركى عادى
ولو مش عارفة تشتركى عرفينى وأنا عملهولك
بس بالبريد الالكترونى بتاعك أوكى

[somia]

مفيش مشكلة أنا هادخل على جوجل وابحث عنه ولو عصلج هأخلي زوجي تشوفهولي... جزاك الله خيرا..
مقولتليش انتي كنت فأنهي مدرسة ثانوي؟؟؟

[somia]

طمطم انتي فييييييييييييييييين؟؟؟؟

[ملاك بلا أجنحة]

معاكى ياسومه النت وحش شويه بقولك
كنت فى مدرسة زهراء الثانويه بنات

[somia]

دي فين دي؟؟؟

[ملاك بلا أجنحة]

فى حدائق حلوان

[somia]

طب ليه مدرستيش فحاجة فحلوان؟؟؟

[somia]

طمطم معلشي هضطر أخرج لحسن ظهري خلااااااااااااص مش قادرة وعيني قفلت خلااااااااااااص .. أما ملاك تدخل سلميلي عليها

[somia]

السلام عليكم ورحة الله وبركاته

[ملاك بلا أجنحة]

وعليكم السلام ورحمة الله وبركاتة ماشى يا جميل وألف سلام عليكى
أحلام سعيدة ان شاء اللهhwaml92
أنا كمان هخرج علشان ورايا حاجات هخلصها hwaml8
هطمن بكرة بقى عليكى ياملاكى أستنناكى ده كله وانتى مش دخلتى
لا أله الا الله محمد رسول اللهhwaml13

[توتة السيد]

مراحب مراحب ياحلويييييين حد موجود

[توتة السيد]

انتوا كلكم خرجتوا ولا ايه

[توتة السيد]

ملاك رجعتي ولا ليه

طمنينا عليكي

[ملاك بلا أجنحة]

توتة ياتوتة أخبارك أيه
انا هنا من بدرى أنا وسومه
بس هى هتنام وانا هقوم عندى حاجات كتير هخلصها
متعرفيش ملاك ده كل فين لحد دلوقتى مش دخلت

[توتة السيد]

ياقوم شكله مافيش حد

[توتة السيد]

هلا حبيبتي ملاك انا الحمد لله ربنا يخليكي انتي اخبارك ايه

سومة مشيت وانتي كمان هتمشي معلش حبايبي نلتقي بكرة علي خير ان شااء الله

والله يااملاك مش عارفة ملاك اتأخرت كده ليه ممكن يكون زحمة عند الدكتورة علشان كده اتأخرت ربنا يطمنا عليها ان شاء سبحانه

[توتة السيد]

ماتعرفيش هي ساكنة في اي امارة

[ملاك بلا أجنحة]

أن شاء الله ياحبيبتى
قوليلى بعد كده بقى ياطمطم
علشان مش نتلغبط أنا وملاك أوكى
يالا ياحبيبتى تصبحى على خير
وأسفة والله أنى هسيبك لوحدك أوعا تزعل ياقمرى
لا أله الا الله محمد رسول الله

[ملاك بلا أجنحة]

لاء والله ياحبيبى للأسف مش عارفة
ربنا يطمنا عليها يارب
أنتى صحيتى ليه ولا لسه مش نمتى أصلا.....

[توتة السيد]

لا ياعيوني ازعل من ايه ربنا يخليكي حبيبتي

وطمطم اسم جميل والاجمل صحبته

وانتي بالف خير حبيبتي

[توتة السيد]

يارب يطمنا عليها

هي يمكن تكون زحمة علشان لما انا بروح بتبقي امم جاية

لا والله ياحبي لسه مانمتش وصلت النوم بتعتي لسه ماجتش هههههههههههههه

[ملاك بلا أجنحة]

ماشى عيونى تصبحى على خير
وحولى على الأقل تريحى ظهرك شويه وعيونك الحلوين دول ماشى يا قمرى
سلام ياجميل

[توتة السيد]

وانتي بالف خير حبيبتي تسلمين ياعمري ربنا يخليك

اقوم دلوقتي احاول انام باااااااااااااي ياعسل

[نولارا]

فى حد ولا نمتوااااااااااااااا

[somia]

ملاك انتي فين يا بنتي .. طمنينا عليكي

[MALAK2010]

صباح الخير يا حبايبى وحشتووووووووووونى والله
تسلمولى على سؤالكم عليا فرحتونى اوووووووووووووى
طبعا بتقولوا اختصرى وقولى عملتى الية حاضر حاضر


الحمد لله الحمد لله الحمد لله hwaml58hwaml60hwaml64اطمنت
الدكتورة طمنتنى على البيبى وعلى حجمة ونبضة الحمد لله

بس ماردتش اقولها كلام الدكتورة اللى فاتت على التجمع الدموى سبتها هى اللى تشوف فى السونار وتقول ولانها لو كانت شايفة حاجة كان زمانها قالت


بس ياجماعة حظرت اووووووووووى من الكبدة والجزر

وسالتها على المثبت اللى كنت باخدة قالتلى مالوش لازمة بس مش مشكلة خديه للامان لغاية اخر الشهر
وسالت جوز اخت زوجى هو دكتور فى السعودية اذا وقفت المثبت هيحصل حاجة قالى هينزل نقط دم فقلت خلاص امرى لله صحيح الله يسامحها الدكتورة الاولى لانة ماكنش لة لازمة بس خلاص هاخدة اصلى لو شفت نقطة دم ممكن لا قدر الله يغمى علية من الخوف على البيبى (كلة بامر الله)

وانا بعمل السونار لقيت الدكتورة بتبسم وتقولى دة البيبى وبعدين وشها اتغير وسكتت والله الثوانى دى مش عارفة عدت عليا ازاى انا قلت كلام الدكتورة الاولى صح بس الحمد لله رجعت تكلمنى عادى وتطمنى مفيش حاجة انا باين اللى كنت قلقانة زيادة

معلش انا رجعت متاخرة امبارح لان الدكتورة فى امارة وانا فى امار تانية وامبارح الخميس بيقى زحمة على الطريق وكان فى زحمة فى المستشفى ورجعت مكسرة من الطريق لان احنا توهنا كتير على ماوصلنا hwaml34وعلى ماروحنا ههههههههه

على فكرة ياتوتة انا من الشارقة

وعقبالك ياااااااااااااااااااااارب يا سمية لما تطمنى بكرة ان شاء الله وتشوفى hwaml42نبضة وتفرحى بية ياااااااااااارب
ويارب يعطى كل محروم


سمية:الموقع اللى قالتلك علية طمطم انا مشتركة فية بس بجد حلو فعلا كل اسبوع بيبعت رسالة يعرفك اية اعراض الاسبوع ونمو البيبىhwaml42 فى الاسبوع دة حلووووووو اوى


انا طولت عليكم بس حبيت احكى كل حاجة وزى ما قلقتوا معيا تتبسطوا معايا اصلى مابحبش hwaml15 اللى يشيلنى الهم وساعة مايتبسط ماشفهوش ههههههه hwaml02 ودى بتحصلى كتيييييييييييير حتى كنت بقول لماما هو انا للشكوى بس مش وش فرح خالص ههههههههههههه

[توتة السيد]

حمد لله علي السلامة ياملاك ايه يابنتي قلقتينا عليكي

بس الحمد لله طمنتينا وفرحتي قلبنا دلوقتي شفتي مواهب والنظارة بتعتها ههههههههه

الحمد لله ياحبيبتي انك اطمنتي ربي يكملك علي خير وتقومي بالف سلامة

اه صحيح الكبدة مش راضية عنها ابدا وكمان الجزر

هههههههههههه عملتها فيكي برضه بتعملها فيا تضحك الاول وتقولي ده البيبي

وبعد كده تتغير وتسكت اقولها ايه في حاجة ترجع تضحك وطمني هي كده ههههههههه

اه اسكتي الطريق عذاب والزحمة حاجة وحشة يعني المهم حمد لله علي السلامة وربي يسعدك دايما

زي ما طمنتينا عليكي حبيبتي بس وصلتي السلام للنونو ولا كلتيه هههههههههههه

[توتة السيد]

عقبالك ياسومة لما تطمني وطمنينا

[dr.princess]

صباح الخير يا بناااااااات

[dr.princess]

malak2010
مبرووووك يا قلبى
الحمد لله انك اتطمنتى وطمنتينا
عقبالى ياااااارب وباقى البنات

[somia]

ياااااااااااااااااااااااااااااااااااااااااه..
الحمد لله بجد فرحتيني قوي يا ملاك ...عقبااااااااااااااااااالي يا رب

[somia]

برنسس هصلي الظهر وأرجعلك اوعي تخشي تنامي ...ههههههههه

[dr.princess]

هستناكى
لا متقلقيش انا هفضل ساعة كمان تقريبا

[somia]

أنا رجعت تاني

[somia]

بقولك... ممكن تدخلي تشوفي الملف الشخصي بتاعي أنا قعدت عليه حوالي ساعة عشان أضبطة شوفيه وقوليلي رأيك

[dr.princess]

تقبل الله منا ومنكم

[somia]

ااااااااااااااااامين

[somia]

برنسس رحتي فييييييييييييييييييييييين؟؟؟

[dr.princess]

somia
دخلت على الملف بتاعك
جميل خالص بس ليه مش باين غير شعر البنوتة فيييييييييييين وشها ؟؟؟

[MALAK2010]

اناااااااااااااااااااااااا جيت

[somia]

أصل انا عندي احباط من موضوع الشعر ده...ههههههههههههههههههههههههه
الوش للاسف ش راضي يظهر عشان التوقيع مخبيه

[dr.princess]

malak2010
نورتى البيت

[somia]

ازيك يا ملوكة..
حرام عليكي انا اول مرة انام متأخ كده كان امبارح عشان أطمن عليكي وفي الاخر نمت على نار برضه والفجرية مكنتش قادرة أفتح عيني دخلت أطمن عليكي وخرجت علطول ويا رتني اطمنت ساعتها... بطلي ثقل علينا بقى كفاية الثقل اللي بتتقليه على زوجك

[somia]

المهم مقولتيش انتي سمعتي دقات قلب النونو؟؟ نفسي اسمعها قوييييييييييييييي

[MALAK2010]

malak2010
نورتى البيت



ازيك يا حبيبتى وحشتيييييييييييينى عاملة اية والنونو عامل معاكى اية يارب تكونى بخير
بقولك قريبة ليا ولدت الحمد لله امبارح وجابت فريدة اية رايك فى الاسم ولا برضة بسملة يكسب عن نفسى الاسم مش شددنى اوى حاساة قديم

[somia]

فريدة حلو وعاجب زوجي قوي ... بنت خالتي مسمياه والبنت ماشاء الله زي العس

[MALAK2010]

ازيك يا ملوكة..
حرام عليكي انا اول مرة انام متأخ كده كان امبارح عشان أطمن عليكي وفي الاخر نمت على نار برضه والفجرية مكنتش قادرة أفتح عيني دخلت أطمن عليكي وخرجت علطول ويا رتني اطمنت ساعتها... بطلي ثقل علينا بقى كفاية الثقل اللي بتتقليه على زوجك


معلش والله لو اعرف انكم مستنينى كنت دخلت علطول بس والله رحت وجيت فى خمس ساعات ونصف كنت تعبت من العربية ومن التوتر فنمت علطول
بس تسلمولى بجد ربنا يخليكم ليا
اصل كانت ماما قلقانة اوى عليا وطلعتوا انتم كمان قلقانين

مين قالك انى بتقل على جوزى ههههههههههه هو فى واحدة بتعرف تتقل على جوزها هم اللى بيتقلوا
ممكن قصدك فى الميزان اه عندك حق تقيلة علية ههههههههههههه

[MALAK2010]

المهم مقولتيش انتي سمعتي دقات قلب النونو؟؟ نفسي اسمعها قوييييييييييييييي

انا ماسمعتش انتى بتشوفى نبضات بس (انا كنت فاكرة زيك كدة)

ربنا يطمنك ياااااااااارب انتى وبرنسيس

[somia]

مين سمعك يفضوا يقولوا الثقل ده شغل الستات واحنا أفشل ناس فيه الرجالة بس الله ما شاء الله عليهم فيه يمكن عشان هما مش بيستعجلوا على الحاجة زيينا فعندهم امكانية تقل رهيييييييييييييبة...هههههههههه

[somia]

ااااااااااااااامين يا رب .. بس فيه كذا واحدة في النتدى قالوا انهم سمعوه ...تيجي ازاي دي؟؟؟

[somia]

برنسس أخر كلام هتروحي للدكتورة امتى يا بنتي؟؟؟؟

[dr.princess]

malak2010
فريدة مش عارفة والله بس ايه اللى يخلينى فريدة حاساه مالوش اى اهمية يعنى ده انا حتى جدتى اسمها زينب حاساه احسن من فريدة ( اختيار غير موفق لبنت لسه بيبى صراحة يعنى )

[somia]

نفسي أفهم بتختفوا فجأة كده ليييييييييييييييييه؟؟؟

[MALAK2010]

malak2010
فريدة مش عارفة والله بس ايه اللى يخلينى فريدة حاساه مالوش اى اهمية يعنى ده انا حتى جدتى اسمها زينب حاساه احسن من فريدة ( اختيار غير موفق لبنت لسه بيبى صراحة يعنى )



ههههههههههههههههه طيب يا ستى
انا بقول انة قديم شوية (يعنى ملك اللى جديد نوفى ههههه دة اقدم منة) وممكن اسمية لو اسم مامتى او حماتى كدة اما اسمية كدة لوحدة برضة مستغرباة

[dr.princess]

والله يابنات انا لاسمعت ولا شفت نبض ولا نيلة
الدكتورة الله يسامحها ماجبتش سيرة وانا كمان وقتها نسيت
ان شاء الله المرة الجاية أسئلها

[somia]

برنسس باذن الله المرة الجاية تتطمني بس أخر كلام هتروحلها امتى باذن الله...؟؟؟

[MALAK2010]

ااااااااااااااامين يا رب .. بس فيه كذا واحدة في النتدى قالوا انهم سمعوه ...تيجي ازاي دي؟؟؟


مش عارفة انتى هتقلقينى لية انا مش ناقصة قلق انا اللى طلبت من الدكتورة سالتها ينفعش اسمع نبض البيبى فورتنى النبضات دى وقالتلى هو دة ممكن التانين عندهم سونار حديث مثلا فية الصوت

ممكن علشان انتى يا برنسيس ماطلبتيش منها امرة اللى فاتت فعلشان كدة معرفتكيش لانها عرفتنى لما طلبت

بس افتكر نولارا قالت انها ماسمعتهموش الا يوم الولادة يارت تدخل وتفيدنا

[dr.princess]

ان شاء الله ممكن اروح الاثنين لسه متفقتش مع جوزى

[يكفيــــMوجووودكMــــني]

سور ي دخلت عرض بس حابه اقولكم اني لما كنت حامل سمعت نبض الجنين فيه

جهاز صغير بيسمعكم نبضااااته اذا رحتوا للدكتورة اطلبوا منها تسمعكم..

واسفه للمرة الثانيه اني دخلت عرض..للمعلومية انا من السعوديه

[somia]

ربنا بسترها معانا يا رب

[MALAK2010]

سور ي دخلت عرض بس حابه اقولكم اني لما كنت حامل سمعت نبض الجنين فيه

جهاز صغير بيسمعكم نبضااااته اذا رحتوا للدكتورة اطلبوا منها تسمعكم..

واسفه للمرة الثانيه اني دخلت عرض..للمعلومية انا من السعوديه

بالعكس انتى جيتى فى وقتك

طيب افرضى انا ماسمعتوش هى ورتنى النبضات بس من غير صوت عادى ولا اية

[somia]

ام راكان انتي موجوده .. أبي أسألك سؤال؟؟

[somia]

هههههههههههههههههههههههه... ملاك انتي عايزة تقلقي وخلاص يا بنتي؟؟؟

[يكفيــــMوجووودكMــــني]

http://forum.hwaml.com/imgcache2/hwaml.com_1287744956_381.jpg

الجهاز زي كذا وله اشكال ثااااااااانيه..اتمنى افدتكم

[يكفيــــMوجووودكMــــني]

ملاك ايوه عااااااادي بعض السونار مافيه صوت..

سميه آمري حبيبتي

[somia]

أم راكان انتي من الشرقية؟؟؟

[dr.princess]

يكفينى وجودك
اختى ولا يهمك بالعكس انتى افدتينا
وان شاء الله المرة الجاية أسئل الدكتورة عليه

[dr.princess]

malak2010
وليه قلقانة مادام شفتى النبض يبقى كأنك سمعتيه
متجيبيش لنفسك القلق على الفاضى
امال انا اعمل ايه البيبى بتاعى بقى عنده 100 سنة وانا لسه معرفش عنه حاجة هههههههههههه

[somia]

هههههههههههههههه ...شكل كل واحدة فينا هتستحلف للدكتورة المرة الجاية..ربنا يعين الدكتورة بكرة عليا

[يكفيــــMوجووودكMــــني]

هذا من ذوقك حبيبتي..

سمية لااا مش من الشرقيةhttp://forum.hwaml.com/imgcache2/hwaml.com_1287745251_894.gif

[somia]

يكفيني وجودك اين انت؟؟؟

[MALAK2010]

هههههههههههههههههههههههه... ملاك انتي عايزة تقلقي وخلاص يا بنتي؟؟؟


لا والله بس الدكاترة هنا مش زى مصر فبقلل وانا جربت الدكتورة الاولى فتلاقينى ما عتدش بصدق بسهولة

[somia]

طب متعرفيش حد من الدمام .. لي صديقة هناك من وانا صغيرة نفسي أقابلها جدا؟؟؟

[يكفيــــMوجووودكMــــني]

سميه ايش اسمها ؟؟انا لي معارف بالدمام بس مو كثير..

[somia]

وفاء سعيد الغامدي

[MALAK2010]

malak2010
وليه قلقانة مادام شفتى النبض يبقى كأنك سمعتيه
متجيبيش لنفسك القلق على الفاضى
امال انا اعمل ايه البيبى بتاعى بقى عنده 100 سنة وانا لسه معرفش عنه حاجة هههههههههههه


ان شاء الله خير وهتتطمنى بس يا برنسيس الدكتورة بتاعتك مصرية دى حاجة كويسة انا امبارح تشوفينى قاعدة قدام الدكتورة بتاعتى مركزة اوى علشان افهم وبرضة فى كلام مفهمتوش اصلها عراقية واللى قبلها شكلها اجنبية وبتتكلم عربى بالقوة لما كنت بسالها ماكنتش بتفهم جوزى ينزل الترجمة ههههههههههه علشان تعرف انا عاوزة اية
وربنا يطمن قلبك وتشوفى بعد كام شهر بين ايديكى بخير يااااااااااارب

[يكفيــــMوجووودكMــــني]

لا والله حبيبتي ما اعرفهااااا

سوري

[dr.princess]

والله يا malak2010
عراقية او اجنبية بتتكلم أحسن من مصرية خرساء ههههههههههههه

[somia]

يكفيني وجودك.. قدر الله وما شاء فعل بس ان أمكن تسأليلي عنها معارفك في الدمام يبقى كثر خيرك هيه كانت ساكنة فحي عبدالله فؤاد بس الحين ما أعرف ان كانت عزلت أو اتزوجت او وينها.. ممكن

[MALAK2010]

والله يا malak2010
عراقية او اجنبية بتتكلم أحسن من مصرية خرساء ههههههههههههه

هههههههههههههه
بس انتى اسالى مالكيش دعوة بيها انتى مشيتى على نظامها المرتين اللى فاتوا والنتيجة قلقانة وبعدين الكشف مش بيبقى تانى يوم لااااااا بيبقى بعدها بشهر فتقلقى نفسك شهر لية ولا اقولك القول الماثور(مش بتدفعى فلوس ولا بتدخلى ببلاش)

[يكفيــــMوجووودكMــــني]

مع اني ما احتك فيهم كثير بس ولا يهمك راح اسألهم كم سمية عندناااااااااا؟؟؟http://forum.hwaml.com/imgcache2/hwaml.com_1287746372_387.gif

[somia]

ههههههههههههههههههه حلوة التامر على الدكاترة ده ... انا الدكتورة في الغالب بدخلها بلستة أسئلة وهيه عشان عرفاني لاني متابعه معاها من شهر 2 من ساعة العملية فبقت تستحملني

[dr.princess]

malak2020
على رأيك ان شاء الله المرة اللى جاية هخلص منها اللى قضى واللى مضى هههههههههههههههه

[somia]

برنسس انا باكل تاك ... تحبي أبعتلك ولا لسة عندك؟؟؟

[MALAK2010]

malak2020
على رأيك ان شاء الله المرة اللى جاية هخلص منها اللى قضى واللى مضى هههههههههههههههه


ايوا كدة شطووووووووووووووورة بس مايبقاش كلام وبس

عارفة انك فكرتينى بنفسى كنت لما اروح لدكتور ويبقى زحمة والناس مش طايقة نفسها واللى عاوز يروح واللى تعبان نستنى كتيييييييييييير على ما دورنا يجى واول ما بدخل عند الدكتورببقى عاوزة اخرج بسرعة علشان الناس اللى برة تدخل وانسى اسال فى حاجات كتير وانا مالى مهما هيدخلوا خيبة والله

[somia]

ههههههههههه .. خايفة على الناس.. يا اختي ياحلاوتك خافي على قلقك انتي اللي هتحسي بيه عشان سؤال نسيتي تأليه الأول.. ههههههههههه

[dr.princess]

somia
هههههههههههههههه
تصدقى والله تك تاك قدامى اهو بس مش قادرة اكل النهاردة حاجة اصلى رجعت امبارح قبل ما انام على طول فمعدتى تعبانى النهاردة
مش عارفة انا كنت بقول خلاص ايام وارتاح من غممان النفس والقرف دلوقتى بدأت فى الترجيع مش عارفة بقى هبدأ ارجع من دلوقتى ولا ايه تبقى مصيبة انا قبل كده مرة واحدة بس رجعت وكان كل التعب اللى عندى غممان النفس والمعدة المقلوبة على طول
ربنا يسهلها علينا

[somia]

صحيح يا جماعة انتوا ناويين ان شاء الله تولدوا عندكم ولا هتنزلوا مصر تولدوا؟؟؟

[MALAK2010]

ههههههههههه .. خايفة على الناس.. يا اختي ياحلاوتك خافي على قلقك انتي اللي هتحسي بيه عشان سؤال نسيتي تأليه الأول.. ههههههههههه

شمعة تحترق من اجل الاخرين هههههههههههههههههه

[MALAK2010]

صحيح يا جماعة انتوا ناويين ان شاء الله تولدوا عندكم ولا هتنزلوا مصر تولدوا؟؟؟

ان شاء الله ان شاء الله فى مصر ام الدنيا

[dr.princess]

انا غالبا 90% قررت انى مش هنزل مصر وهولد هنا وان شاء الله أجيب ماما عندى هنا

[somia]

ربنا يسترها انا امبارح مكلتش حاجة تقريبا غير جبنة وطماطم الظهرية فالحمد لله صاحية جعااااااااااااااااااااانة وبما انه الطبيعي ان نفسي مش جايباني على حاجة وبقالي كثير مكلتش بسكويت فقلت اكلي واحد عشان أقدر أخد البرشام.. اهئ اهئ اهئ فكرتوني انا مخدتش لسة الفوليك أسيد أأأأأأه بكرهه طعمه وحش قوي وبرشامتين مش وحدة بس .. بس الحمد لله اني افتكرته

[MALAK2010]

somia
مش عارفة انا كنت بقول خلاص ايام وارتاح من غممان النفس والقرف دلوقتى بدأت فى الترجيع مش عارفة بقى هبدأ ارجع من دلوقتى ولا ايه تبقى مصيبة انا قبل كده مرة واحدة بس رجعت وكان كل التعب اللى عندى غممان النفس والمعدة المقلوبة على طول
ربنا يسهلها علينا


لااااااااااااااا امسكى نفسك كفاية الغممان احنا مش قدة هتدخلى فى ترجيع وتعب من دة احنا وراكى انتى عارفة hwaml5

[نولارا]

صباح الخير على احلى حوامل
عقبالكوا كده كلكوا
سلفتى ولدت امبارح بالليل وجابت بلال
عسوله وصغنونه خالص

[somia]

برنسس هتعرفي تعملي اقامة لمامتك ولا هتعمللها زيارة وازاي هيه مش قرايب درجة أولى لزوجك.. مش هوه بس اللي شغال وانتي لا؟؟

[dr.princess]

somia
الفوليك اسيد مالوش طعم خالص يعنى مش وحش بكرة تجربى حبوب الحديد وتقولى يوم من ايام الفوليك اسيد
وبعدين ليه بتاخدى حبايتين انا باخد واحدة بس

[dr.princess]

malak2010
والله مقولكيش على تعب الترجيع ده انا كنت هموووووووت دخلت الحمام كنت هقع من طولى وحسيت انى مش هخرج منه
ربنا مايعدوش تانى ياااااااااارب

[somia]

صباح الخير على احلى حوامل
عقبالكوا كده كلكوا
سلفتى ولدت امبارح بالليل وجابت بلال
عسوله وصغنونه خالص
نولار .. صباح النور..
هوه مش بلال ده ولد برضه ازاي عسوله وصغنونة .؟؟؟؟ معلشي أصلي فهمي تقيل شوية ..ههههههههههه

[somia]

لااااااااااااااا امسكى نفسك كفاية الغممان احنا مش قدة هتدخلى فى ترجيع وتعب من دة احنا وراكى انتى عارفة hwaml5
هههههههههههههههه كل واحدة همها على نفسها يا بنتي طب ما انا شغالة ترجيع .. عادي يعني .. كل واحدة ووحمها غريب الشكل و الأطوار

[dr.princess]

somia
بتهيألى عادى اعملها زيارة شهر وممكن تتجدد لشهر تانى
فى واحد صاحب جوزى كان جايب مامته وكمان حماته زيارة فى رمضان ( ومراته برده مش بتشتغل ولا حاجة ) بتهيألى مفيش فيها مشاكل
هبقى اتأكد برده

[MALAK2010]

انا غالبا 90% قررت انى مش هنزل مصر وهولد هنا وان شاء الله أجيب ماما عندى هنا


مش هتنزلى لية
انا عاوزة انزل اولد فى مصر بس مش عاوزة انزل على السادس عاوزة انزل فى الاخر بس بيقولوا ماينفعش بس المدة هتبقى كبيرة وجوزى هيصعب عليا انة هيبقى لوحدة
بس بصراحة انا مقدرش اولد هنا لكذا سبب
عاوزة اولد فى وسط اهلى ويفرحوا معايا مش عاوزة اللحظات اللى هتيجى تتنسى فى الغربة لمة العيلة والسبوع والناس جيالك وطبعا ان شاء الله جوزى هيجى على الولادة

وهنا مش ضامنة الدكاترة بصراحة
وهنا التكاليف الولادة غالية اوى ان كان المتابعة كتيرة برضة البلد هنا غالية فى كل حاجة

[somia]

الدكتورة قايلالي واحد ملي جرام وانا مش لاقيه الا 500 مكرو جرام فبضطر أخد 2.. اهئ اهئ اهئ نفسي بس ألاقيه مغلف خليت زوجي يدورلي عليه مغلف وللأسف ملقيتوش

[dr.princess]

نولارا صباح الخير
الف مبروووووووووك لسلفتك
انا كنت لسه هسألك برده زى سمية ما سألتك مش بلال ده ولد برده ولا ايه ؟؟؟

[dr.princess]

هههههههههههههههه كل واحدة همها على نفسها يا بنتي طب ما انا شغالة ترجيع .. عادي يعني .. كل واحدة ووحمها غريب الشكل و الأطوار


معلشى احنا فى الحاجات دى منعرفكيش ههههههههههههههههه
ربنا والله بيعين كل واحدة على حالها جايز لانى مش متعودة عليه فتعبت اوى

[نولارا]

ملك
الحمد لله انك اتطمنتى على النونو
وبعدين مش قولتلكوا السونار مش بتسمعى فيه النبض
الجهاز اللى ام راكان وريتهولكوا اسمه الدوبلر هو اللى بيسمعك نبض الجنين
انا مسمعتش غير فى الشهر التاسع لما رحت المستشفى اللى هاولد فيه
لان الدكتوره اللى كنت بتابع عندها مش كان عندها دوبلر
لكن من الشهر الخامس تقريبا جوزى كان بيحط ودنه على بطنى وبيسمع نبضه
يعنى كمان كام شهر وممكن تطمنوا على النبض كلللللللللللل يوم
بس اوعوا تحقدوا على ازواجكم عشان هيسمعوا وانتوا لا
ولو فى واحده ودنها ممكن توصل لبطنها يبقى خير وبركه ههههههههههههههههه

[somia]

ملاك هيه الولادة الطبيعي عندكوا بتكلف كام والقيصري كام؟؟؟

[MALAK2010]

نولارا :الف مبروك يا جميل يتربى فى عز بباة ومامتة بس نا مش هسال زيهم لانة عادى تقولى كدة على بيبى سواء بنت ولا ولد

[dr.princess]

somia
عندك حق تاخدى حبايتين انا باخد واحدة بس لانى عندى 1 ملجم

[somia]

لكن من الشهر الخامس تقريبا جوزى كان بيحط ودنه على بطنى وبيسمع نبضه
يعنى كمان كام شهر وممكن تطمنوا على النبض كلللللللللللل يوم
بس اوعوا تحقدوا على ازواجكم عشان هيسمعوا وانتوا لا
ولو فى واحده ودنها ممكن توصل لبطنها يبقى خير وبركه ههههههههههههههههه
ههههههههههههههههههههههه... ايه التفرقة العنصرية دي .. يعني أنا أحمل وأتعب وأتوحم وأذوق الأمرين في الترجيع وغممان النفس ويجي جناب حضرته يسمع النبض عالجاهز .. ومش بس كده لأ انا مسمعهوش كمان .. دي تفرقة عنصرية

[نولارا]

ياصباح التوهان والدماغ العمرانه
ما انا بدلع احمد وانا بلاعبه واقوله ياقطه وياصغنونه
ايه المشكله ياجماعه
خليكواااااااا فريش احنا فى رحله
بلال ولد طبعا ربنا يخليه لها وعقبالكم يااااااااارب

[MALAK2010]

somia
عندك حق تاخدى حبايتين انا باخد واحدة بس لانى عندى 1 ملجم



بما انك صيدلانية انا بتاعى 400mcg
يعنى انا كدة بنتحر ولا اية طمنينى هههههههه

[somia]

بما انك صيدلانية انا بتاعى 400mcg
يعنى انا كدة بنتحر ولا اية طمنينى هههههههه
ههههههههههه حبيبة قلبي انتي كده وبكل بساطة المفروض تاخدي 2 ونص ..ههههههههههههه

[نولارا]

الحمد لله ملك معايا على الخط

[somia]

ياصباح التوهان والدماغ العمرانه
ما انا بدلع احمد وانا بلاعبه واقوله ياقطه وياصغنونه
ايه المشكله ياجماعه
خليكواااااااا فريش احنا فى رحله
بلال ولد طبعا ربنا يخليه لها وعقبالكم يااااااااارب
معلشي يا بنتي انتي عارفة الوحم والسطل بتاعه... نفوق بس وهتلاقينا مركزين معاكي مية المية .. تقريبا اللبن اللي مبنشربهوش عامل عمايلة في دماغنا..ههههههههه

[توتة السيد]

هااااااااااااااااي عليكم يابنات

[توتة السيد]

ملاك سومة نولارا برنسيس الغالييين كيفكم عاملين ايه

[dr.princess]

malak2010
لا عادى ماهى الحباية 1 ملجم = 2.5 حباية من اللى بتاخديه

[dr.princess]

توتة
صباح الخير على الناس النايمة

[توتة السيد]

مبروك لسيلفتك يانولارا ربي يحفظ لها بلال

وعقبالنا جميعا

[توتة السيد]

ههههههههههههههههههه

صباح الورود ياقمر والله صاحية من بدري

دخلت اطمنت علي ملاك وخرجت تاني كان عندي عزومة انهاردة

وواقفة طول النهار يادوب لسه قاعدة انتي عاملة ايه ياقمر

[MALAK2010]

malak2010
لا عادى ماهى الحباية 1 ملجم = 2.5 حباية من اللى بتاخديه


يعنى اخدة حبيتين ونصف فى اليوم؟؟؟؟
انا باخد حباية واحدة يعنى كدة فية ضرر

سمية :اساليلى الدكتورة بتاعتك بكرة ان شاء الله

بس الدكتورة هى الى قايلة هاتى 400 ممكن تكون قصدها اخد مرتين وانا ماخدتش بالى

مش بقولكم تجمع قلق مصر اخلص نبض الجنين يطلع الفوليك اسيد ربنا يعينا

[توتة السيد]

انتوا مشيتوا ولا ايه

[توتة السيد]

ياملاك انتي بتقلقي ليه

انا الدكتور بتاع مصر اداني فولك اسيد 400 وقالي حباية واحدة في اليوم

يعني عادي ماتقليقيش

[somia]

ازيك يا توتة..
أهم حاجة عاملة في العزومة محشي كرنب ولا لأ؟؟؟

[MALAK2010]

ياملاك انتي بتقلقي ليه

انا الدكتور بتاع مصر اداني فولك اسيد 400 وقالي حباية واحدة في اليوم

يعني عادي ماتقليقيش

طيب يعنى ماقلقش يا شيخة كنت عاوزة اقلق شوية النهاردة هههههههههه حرمتينى من المتعة دى كتر خيرك

[توتة السيد]

ازيك ياسومة ياقمر

انا الحمد لله

ههههههههههه لا والله مافيش محشي كرنب

العزومة كانت سمك باشكاله وانواعه

ورز صيادية

[توتة السيد]

ههههههههههههههههههههه

لا معلش تعالي علي نفسك وماتقليقش خدي اجازة انهاردة من القلق

[MALAK2010]

والله انا نفسى حد يقوم ياكلنى
انا خلاص طبخت لجوزى سمك بس انا مش عارفة لسة هاكل اية ممكن ماتغداش زى كل يوم
بيقولوا السمك ممنوع ال 3 شهور الاولى

[somia]

يعنى اخدة حبيتين ونصف فى اليوم؟؟؟؟
انا باخد حباية واحدة يعنى كدة فية ضرر

سمية :اساليلى الدكتورة بتاعتك بكرة ان شاء الله

بس الدكتورة هى الى قايلة هاتى 400 ممكن تكون قصدها اخد مرتين وانا ماخدتش بالى

مش بقولكم تجمع قلق مصر اخلص نبض الجنين يطلع الفوليك اسيد ربنا يعينا
ملاك انا الدكتورة كانت سألتني فأول مرة رحتلها ان كنت باخذ أدوية أو فوليك أسيد فقولتلها انا باخذ فوليك أسيد لان زوجي كان جابرني أخذه عشان أما ربنا يكرمنا قالتلي كويس فقلتلها بس انا باخذ حباية واحدة قالتلي ما هوه حباية واحدة بس انتي بتاخدي أد ايه قلتلها 500 قالتلي لأ كده المفروض تاخدي 2 عشان المفروض في اليوم 1 ملجم..
بالنسبة للتوتر يا بنتي مينفعش نعيش من غيره يا بنتي ده احنا من غيره مش هنبقى احنا.هههههههههههههههههه

[توتة السيد]

مين قال السمك ممنوع في الشهور الاولي جننوني جننوني

[somia]

ازيك ياسومة ياقمر

انا الحمد لله

ههههههههههه لا والله مافيش محشي كرنب

العزومة كانت سمك باشكاله وانواعه

ورز صيادية
عشان كده زوجك كان جايبلك سوق السمك امبارح معاه... ربنا يعينك يا بنتي ..
بس خلاص طالما مفيش محشي كرني يبقى انا مش هاجي العزومة.. بعزم نفسي وبأرفض ..ههههههههههههه

[dr.princess]

malak2010
مين قال السمك ممنوع فى اول الحمل بالعكس السمك مفيد جدا
وانا سألت الدكتورة اول زيارة قالتلى لا السمك ولا التونة انا باكلهم عادى

[somia]

والله انا نفسى حد يقوم ياكلنى
انا خلاص طبخت لجوزى سمك بس انا مش عارفة لسة هاكل اية ممكن ماتغداش زى كل يوم
بيقولوا السمك ممنوع ال 3 شهور الاولى
يا بنتي ولا خطرولا حاجة انا الدكتورة قايلالي لازم سمك مرة في الأسبوع بس مش أي نوع سمك أنا أسمع ان التونة ممنووووووووووووع
ااااااااااااااااااااااااااااااه ... انا نسيت من يومين اتعزمنا على سمك وكان تونة سنجاري وانا بذكائي الخارق كلت ونسيييييت خالص لسة فاكرة دلوقتي... اهئ اهئ اهئ

[dr.princess]

انتوا كلكم عاملين سمك النهاردة ولا ايه
انا كمان كنت هعمل سمك برده بس لقيت جوزى عنده اجتماع وفيه غداء فهو هيتغدى بره فانا قررت مطبخش النهاردة

[توتة السيد]

ياسلام ياسومة بس اتي تعالي نوريني وانا اعملك محشي دلوقتي مخصوص

[توتة السيد]

اظاهر يوم السمك العالمي انهاردة هههههههههههههه

[somia]

برنسس انا قريت في المنتدى ان التونة غلط بس كويس انكم فكرتوني عشان باذن الله أسأل الدكتورة عليه بكرة...فرصة..ههههههههههههه

[MALAK2010]

malak2010
مين قال السمك ممنوع فى اول الحمل بالعكس السمك مفيد جدا
وانا سألت الدكتورة اول زيارة قالتلى لا السمك ولا التونة انا باكلهم عادى


دكتور قريب جوزى يقول بلاش سمك ال3 شهور الاولى
والدكتورة الاجنبية كاتبة فى ورق عطيتهولى بلاش سمك مقلى وممكن مشوى
انا مش عارفة hwaml15hwaml15hwaml15
بس الاكيد ان التونة غلط والعلم لله

[MALAK2010]

بس انا مش حامة نفسى من حاجة لما اكلها حابة اكلها بكلها لان اكلى نادر
انا لسة واكلة سمك الاسبوع اللى فات

[somia]

ياسلام ياسومة بس اتي تعالي نوريني وانا اعملك محشي دلوقتي مخصوص
ما المشكلة ان المسافة بعييييييييييييييييييد على ما أجي هكون فطست ونغيرت رأيي في المحشي ..ههههههههههههههههههههه

[MALAK2010]

اظاهر يوم السمك العالمي انهاردة هههههههههههههه

غالبا يوم الجمعة بيبقى سمك

[somia]

انتوا كلكم عاملين سمك النهاردة ولا ايه
انا كمان كنت هعمل سمك برده بس لقيت جوزى عنده اجتماع وفيه غداء فهو هيتغدى بره فانا قررت مطبخش النهاردة

انتي عاملة زيي تمام ..فرصة حلوة بس انا أصلا مكنتش هأطبخ فهوه ربنا رزقه بالغدا من عنده...هههههههههههههههههه

[توتة السيد]

التونة صح غلط لكن السمك لا

دا بيقول لازم تاكلي 3 مرات في الاسبوع سمك

والله اعلم

[توتة السيد]

ههههههههههههههههههه

انتي تعالي واللي يجي علي مزاجك نعمله محشي غير محشي تحت امرك

[dr.princess]

لا والله somia
انا كنت هعمل سمك فيليه بس على رأيك جت من عنده وهيأكل بره بدل وقفة المطبخ والبهدلة هههههههههههههههه

[توتة السيد]

طيب ياملاك ماسألتيش مواهب ليه امبارح

[somia]

غالبا يوم الجمعة بيبقى سمك
احنا وانا عند ماما كان فعلا يوم الجمعة ده بيبقى يوم السمك العالمي

[dr.princess]

والله انتوا هبلتونى
السمك لا والتونة لا وناس تقول السمك اه والتونة لا ودكتورتى تقول السمك اه والتونة اه
طيب يا ست malak2010
اجيب السمك المشوى ده منين بقى مفيش مكان جنبى يشويه فأخرى مع السمك اما مقلى او فى الفرن

[MALAK2010]

طيب ياملاك ماسألتيش مواهب ليه امبارح


انا اصلا مش مغرمة بالكل علشان اسال وبعدين انا مش مقتنعة ان السمك مضر ولما احب اكلة اسمى واتوكل على الله هههههههههههه

[dr.princess]

اه والله يا بنااات احنا فى البيت وعند ماما وكل قرايبى لازم سمك الجمعة
مش عارفة ليه صراحة

[somia]

ههههههههههههههههههه

انتي تعالي واللي يجي علي مزاجك نعمله محشي غير محشي تحت امرك
تسلم ايديكي يا توتة

[توتة السيد]

ايوة جمد قلبك وغوص هههههههههههههههههه ربي يحفظك ياملاك من كل سوء

[MALAK2010]

والله انتوا هبلتونى
السمك لا والتونة لا وناس تقول السمك اه والتونة لا ودكتورتى تقول السمك اه والتونة اه
طيب يا ست malak2010
اجيب السمك المشوى ده منين بقى مفيش مكان جنبى يشويه فأخرى مع السمك اما مقلى او فى الفرن


بصى الشهر اللى عرفت فية انى حامل قبل ما اعرف كان حاجة غريبة فى المعتاد بناكلة مرة واحدة فى الاسبوع الشهر دة كنت باكلة 3 مرات وبكل الاشكال هههههههههههههه اظاهر كنت حاسة انى هتمنع منة

[MALAK2010]

اه والله يا بنااات احنا فى البيت وعند ماما وكل قرايبى لازم سمك الجمعة
مش عارفة ليه صراحة


احنا كان اساسى الفول بصلصة فى الفطار والسمك فى الغدا يوم الجمعة كانت اياااااااااااااااااااااااااااااااام

[dr.princess]

صحيح يا بناااات
نسيت اقولكم حاجة مهمة
ان شاء الله الاسبوعين الجايين انا مش هكون موجودة معاكم الصبح علشان جوزى هيغير المواعيد يعنى هيبدأ يشتغل من المغرب للفجر وبعد الاسبوعين هرجع تانى موجودة الصبح باذن الله
فباذن الله هكون موجودة معاكم من بعد الساعة 6 مساء

[توتة السيد]

احنا في انتظارك يابرنسيس في اي وقت

[MALAK2010]

صحيح يا بناااات
نسيت اقولكم حاجة مهمة
ان شاء الله الاسبوعين الجايين انا مش هكون موجودة معاكم الصبح علشان جوزى هيغير المواعيد يعنى هيبدأ يشتغل من المغرب للفجر وبعد الاسبوعين هرجع تانى موجودة الصبح باذن الله
فباذن الله هكون موجودة معاكم من بعد الساعة 6 مساء


كدة هيبقى صعب نتقابل اهئ اهئ اهئ

[MALAK2010]

انا هقوم بقا يابنات وسلمولى على باقى البنات لما يدخلوا سلاااااااااااااااااااااااااااام

[توتة السيد]

سلاااااااااااااااااااام ملاك الله يسلمك

[dr.princess]

malak2010
معلشى بس اعمل ايه ظروف الباشا كده
لو قادرة هبقى اقعد واكلمكم الصبح بس مش وعد لانى ببقى خلصانة من السهر ومابصدق انام
ده انا جهازى العصبى باظ اسبوعين ننام الصبح واسبوعين ننام بالليل
يللا نعمل ايه بقى

[MALAK2010]

ولا اقولكم قوموا انتوا كمان وكفاية رغى
صعبان عليا اطلع وانتم لسة قاعدين
احنا فى الصفحة 218 وماتزودوش كفاية كدة الورق غلا الايام دى هههههههههههههه
انا هدخل كمان شوية اراقب عدد الصفح هههههههه

[dr.princess]

malak2010
خدينى معاكى انا كمان هقفل دلوقتى
ونتكلم بالليل ان شاء الله

[MALAK2010]

malak2010
خدينى معاكى انا كمان هقفل دلوقتى
ونتكلم بالليل ان شاء الله


شطووووووووووووووووووووورة ايوا كدة عقبال الباقى

[somia]

نتقابل بالليل ان شاء الله بس نسيت أقولكم اني ممكن الاسبوع القادم وممكن الاسبوع اللي بعده برضه عشان احتمال الانترنت مش هيبقى موجود

[somia]

توتة اني موجودة ولا هتخرجي برضه

[توتة السيد]

يعني كله ماشي وانا هقعد لوحدي

[توتة السيد]

لا ياسومة موجودة مش هخرج انا لسه داخلة

هتقعدي معايا ياقمر

[ام عبدالمجيد00]

Hi ya banat Ana min alex bas 3aisha fy Qatar wana da5alt el shahr el talet b2aly osbo3 we ISA radian stamen 3alinakolina b5er

[somia]

يعني انتي قادة اقعد معاكي ولا نتكل على الله وننام

[توتة السيد]

اهللا بيكي ياام عبد المجيد نورتي بينا ياغالية

[توتة السيد]

لا انا قاعدة ياقمر انتي عايزة تنامي

[somia]

أهلا يا أم عبد المجيد مع اني مش فاهمه حاجة غير انك من الاسكندرية
توتة هاطلع أنا دلوقتي لحسن مش قادرة خلاص دماغي هتنفجر

[توتة السيد]

انتي ياسومة رايحة للدكتورة بكرة

[somia]

نفوخي يا عالم .. اللي فوقي شغالين بالشنيور .. مش هعرف أناااااااااااااااام .. انا معاكي يا بنتي .. هأطلع أصلي بس وهأرجعلك باذن الله

[توتة السيد]

اتفضلي ياسومة ياقمر بعد الشر عنك

نوم العوافي ياعسل سلاااااااااااااااام ونكمل بالليل ان شاء الله

[توتة السيد]

ههههههههههههههههههههه بيعملوا ايه بالشونيور

معلش حبيبتي انا موجودة وهستناكي وحرما مقدما

[توتة السيد]

ام عبد المجيد انتي ساكنة في الاسكندرية

ولا في دولة عربية

[somia]

انتي ياسومة رايحة للدكتورة بكرة
أه ان شاء الله عندي معاد معاها بكرة

[توتة السيد]

علي خير ان شاء الله ربنا يطمنك وابقي طمنينا

[توتة السيد]

لسه شغال الشونيور ههههههههههههه

[somia]

توتة معلشي نسيت أسألك ماما امبارح بس باذن الله شوية كده وأكلمهالك ولما تسألهم وترد علي هأقولك باذن الله تعالى

[توتة السيد]

لا ياحبيبتي ولا يهمك براحتك انا لسه باقي شوية علي بال ما انزل مصر براحتك عيوني

[somia]

باذن الله بكرة هأطمنكم بس احتمال يبقى متأخر لان الدكتورة بتيجي حدود الساعة 9ز30 وهيه في الدقي فعلى ما أوصل
هما الحمد لله بطلوا تقريبا راحوا يصلوا .. الاهي يا رب تلهيهم عن الازعاج ده لحسن أنا داغي مصدعة جدا والموضوع مش ناقص صداع زيادة

[somia]

بقولك يا توتة ممكن تشوفي الملف الشخصي بتاعي وتقوليلي رأيك فيه ايه .. أصل أنا تعبت فيه جدا ونفسي أعرف رأي الكل فيه ...ههههههههههه

[توتة السيد]

معلش ان شاء الله هنستناكي بكرة علشان نطمن عليكي

طيب الحقي نفسك واخطفيلك ربع ساعة نوم علشان تريحي دماغك من الصداع شوية

[توتة السيد]

حاضر ثانية اشوفه

[توتة السيد]

الله جميل والله يحبي منسق وعسل تسلم ايدك

[somia]

انا خايفة قوي أغمض عيني من هنا وهما يرجعوا يشغلوه تاني .. عملوها فيا كثير .. فأنا هتنرفز قوي وحرام عليا النرفزة عشان الكتكوتة اللي هموت وأشوفها دي

[somia]

الحمد لله تعبي ماراحش هدر ... ادعيلي ميشتغلوش تاني .. انا هستنى شوية لو مااشتغوش تاني انا هأستأذنك وأروح أنام ربنا يستر

[somia]

بقولك صحيح يا توتة انتي ليكي في الكرتون والأناشيد ولا لأ؟؟؟

[توتة السيد]

لا بلاش نرفزة

ان شاء الله ياخدو رست ساعة وتقدري تنامي واتفضلي حبيبتي لو عايزة تروحي عادي نتكلم بالليل انا مش عايزة اتعبك

[توتة السيد]

ههههههههههههه اه ليه الكارتون بحب توم وجيري جدا

والاناشيد بحبها جدا

[somia]

بصي يا بنتي .. معلشي أنا هأطلع أحاول أريحلي لغاية المغرب وربنا يستر وميشتغلوش تاني ... دعواتك

[توتة السيد]

ماشي حبيبتي اتفضلي ان شاء الله مايشتغلوش دلوقتي

سلااااااااااام ونكمل بالليل ان شاء الله باي ياحبي

[somia]

اهئ اهئ اهئ ... مش بقولك هما بس يشموا خبر اني هنام .. أديهم اشتغلوا تاني

[somia]

بقولك صحيح بتتفرجي على كونان ولا على أي حاجة غير توم وجيري؟؟؟

[توتة السيد]

ههههههههههههههههههه

معلش ياقلبي هما بيعملوا ايه كل ده

[somia]

مش عارفة والله يا بنتي هما بيخترعوا ايه..

[توتة السيد]

اه كونان جميل وبحب سابق لا تترد لاحق ههههههههههه

[توتة السيد]

بتسمعي اناشيد لمين

[somia]

بقولك عندي حتة موقع كنز فيه أفلام كونان ال13 انا طبعا نزلتهم كلهم وفيه الحقات كلها للحلقة 522 تحبي أبعتهولك

[somia]

أي أناشيد بتقع في ايدي بسمعها وبالذات ياسر أبو عمار وعبد الفتاح عوينات وعبد القادر قوزع أنا عندي كمية شرايط .. بسم الله ماشاء الله بحوشهم من وأنا صغيرة..ههههههههههههه

[توتة السيد]

ياريت هاتيه انا كنت بستناه في التي في بس بطل دلوقتي

[توتة السيد]

ماتقولش علي ابو عمار تحفة ما شاء الله واحمد ابو خاطر كمان ومشاري راشد

وقوزع الله اكبر عليهم جزاهم الف خير انا كمان عندي بس علي الكمبيوتر

[somia]

يا بنتي الموقع ده كنز وعارفة فيه مدبلج بس المترجم أحلى بمليون مرة طبعا الدبلجة بتلغي منه حاجات كثير وبعدين الأصوات الياباني ما شاء الله حاسين بالتمثيل طبعا أكثر مليومن مرة من العرب

[توتة السيد]

طيب هاتيه بسرعة

[somia]

انا نسيت أبو خاطر .. ما شاء الله عليه غني عن التعريف..
بصي الموقع أهه بس لازم تسجلي فيه قبل ما تشوفي الروابط ونصيحة أول حاجة تحمليها الفيلم السادس .. حاجة تحفة كدة .. وطبعا وانتي بتسجلي هيقولك ان كان في عضو دلك على النتدى فمتنسيش تكتبي اسمي وهوه نفس اسمي هنا..اتفقنا ..ههههههههههههههه

http://forum.hwaml.com/newreply.php?do=newreply&p=432054

[somia]

توتة أنا اسمي عليه
somiaa

[somia]

somiaa
باثنين a متنسيييييييييييييييييييييش

[توتة السيد]

تماااااااااااااااااااااااام حبيبتي اديني دخلت عليه

[توتة السيد]

حبيبتي الرابط غلط بيجبلي منتدي حوامل الرد علي الموضوع

[somia]

معلشي يا بنتي الموقع أهه..
http://www.msoms-anime.net/showthread.php?t=60250

[توتة السيد]

ههههههههههههههههههه

غلطي ونسختي الرابط بتاع حوامل

انا خمنت كده برضه معلش ياقلبي

[somia]

بالضبط كده..هههههههههههه
افتحيه وقوليلي ايه رأيك في الكنز ده ولعلمك عليه تقريبا كل الكراتين...

[توتة السيد]

هههههههههههه حلوة الكراتين دي

شكله يجنن انا دخلت اسجل اهو

[somia]

متنسيش somiaa هيه اللي نصحتك بالموقع ..هههههههههههههههههه

[توتة السيد]

ههههههههههههههههه حاضر هكتنبها سومة القمر

[somia]

ههههههههههههههههه... تسلم ايديكي

[somia]

توتة عيشي حياتك مع الموقع دقيقتين وراجعالك

[توتة السيد]

اخبار الشونيور ايه هههههههههه

[somia]

لسة زي ما ههوه شغااااااااااااال ..اهئ اهئ اهئ

[توتة السيد]

ماشي حبيبتي

[توتة السيد]

ايه الزهق ده كل ما اسجل يقولي كود التفعيل خاطئ ما انا بكتبه زي ممكتوب بوة

[توتة السيد]

ايه الذل ده مش عارفة اسجل يانااااااااااااااس

[somia]

توتة حاولي مرة تانية وان شاء الله هيشتغل معاكي ..
انا جيييييييييييييت

[somia]

ليه يا بنتي .. ايه المشكلة؟؟؟

[somia]

ايه الاخبار معاكي ؟؟؟

[توتة السيد]

hwaml15hwaml15hwaml15

زي ماهي مش راضي ابدا كل ماادخل الكود ويبقي صح يقولي خاطئ مش عارفة ايه ده

[توتة السيد]

اقتلهم كونان علشان يستريحوا

[somia]

هههههههههههههههههه ..
مش عارفة والله يا بنتي أصل انا مسجله فيه من كام شهر فمش فاكرة ازاي التسجيل

[توتة السيد]

برضه مش راضي وبعدين هجيب الشومة وهنزل في الموقع تكسير

[توتة السيد]

معلش ياسومة ياحبيبتي استأذن منك دللوقتي

ضهري وجعني من القعدة واتحرق دمي من كونان

ونكمل بالليل ياغالية سلامي لعيونك الحلوة

[somia]

ههههههههههههههههههههههههه..
بقولك طب أبعتلك على الخاص روابط تحميل الفيلم الأول تحاولي فيه لغاية ما يرضى يسجل معاكي ؟؟؟

[somia]

ماشي يا بنتي ... ألف سلامة عليكي ..
السلام عليكم ورحمة الله وبركاته

[dr.princess]

انتوا فيييين يا بناااات ؟؟؟

[رنا خالد]

انتوا مش هنا ولا ايه