دردشة حوامل مصر - دردشة بنات مصر - تجمع حوامل مصر

[Om Rodina]

روفي حبيبتي احنا بخير ربنا يخليكي انتي عاملة ايه وعروستنا الجميلة عاملة ايه

احنا بخير ياحبيبتى بس ادعيلها ترضى عليا وتيجى بقا بالسلامة عارفة والله عذرتك اما كنت بتقولى كده قبل الولادة انا حاسة انى خلاص ماعدت قادرة استحمل حاسة ان فيا تعب من كل ناحية الله المستعان

[dr.princess]

روفى ربنا يطمنا عليكى وتقومى بالسلامة ان شاء الله

[توتة السيد]

هههههههههههههههههههههههههههه توتة محسسانى انى خبيرة تجميل قاعدة

والله ولا اعرف

بس انا قردة من اول ما لاحظت الموضوع وانا شغالة ادى محمد كورسات ان ممكن يحصل اسمرار وكل الستات يشتكوا من كدا وده بسبب الاحتكاك وبسبب كلف الحمل والراجل استوعب وتفهم الامر

بس فعلا الموضوع مدايقنى لانى سبحان الله مكنتش كدااا خالص وانا بنت خااااااااااالص

الحمدلله على كل حال



اعملي حاجة لوجه الله مانطلعش منك بحاجة


ههههههههههههههههههههههه احسن حل هتحوسي روحك ليه خليه يسلم بالامر الواقع

[Om Rodina]

روفى ربنا يطمنا عليكى وتقومى بالسلامة ان شاء الله

يارب يخليكى يارب يالولو ياحبيبتى وتقومى بالسلامة ويفرحك بميدو يارب

[توتة السيد]

بنات في حاجة عايزة اقولكم واستشركم فيها موضوع كده ضايفني ومش عارفة انا صح ولا لا

[رنا خالد]

جوزي خلع وانا جيت جررررررررري
وحشتوني الشويه السخنتتين دول

[توتة السيد]

احنا بخير ياحبيبتى بس ادعيلها ترضى عليا وتيجى بقا بالسلامة عارفة والله عذرتك اما كنت بتقولى كده قبل الولادة انا حاسة انى خلاص ماعدت قادرة استحمل حاسة ان فيا تعب من كل ناحية الله المستعان



انا حاسة بيكي ياقلبي ربنا يهون عليكي الفترة اللي باقية دي وتجي تنور دنيتك يارب

[Om Rodina]

بنات في حاجة عايزة اقولكم واستشركم فيها موضوع كده ضايفني ومش عارفة انا صح ولا لا

خير ياتوتة يارب يكون خير ان شاء الله

[توتة السيد]

جوزي خلع وانا جيت جررررررررري
وحشتوني الشويه السخنتتين دول

حمد لله علي السلامة كنا عارفين انك هتيجي بدري برضه ههههههههههههه

[Om Rodina]

انا حاسة بيكي ياقلبي ربنا يهون عليكي الفترة اللي باقية دي وتجي تنور دنيتك يارب

ربنا يخليكى يارب ياتوتة ياحبيبتى ويفرحك بنور العسل وييسر لك سفرك على خير يارب

[Rania Negm]

يا حبيبتي انا نفاس واليوم صار لي 33 يوم وماتروشت الا مرتين بس اغسل جسمي وعالسريع وتكون منشفتك جاهزه وملابسك معك بالحمام
حتى جسمي اغسله في الاسبوع مره مرتين
لان البراد مو زين للنفاس
وخليك دايم لابسه بنطلون طويل دافي والشرابات ماتشيليهم ابدا
يعني دفي نفسك قد ماتقدرين حتى لو احتريتي لو عرقتي
هذا افضل لك لان الارحام مو زين يدخلها هواء وماعليك من حكي احد
اهم شي صحتك لانك لاراح تطلعين ولا شي كله جالسه في فراشك
انا الدفايه ام شرايح عندي مفتوحه 24 ساعه وجالسه وفوقي بطانيتين
الله يقومك بالسلامه

يا ستااااااااااار ياااارب

حاجات عجيبة

هو احنا موش بنستحمى فى فترة النفاااس ؟؟؟ يعععععععععععععععععععععععع

[رنا خالد]

سلامتك ياروفي الف مليون سلامه يلا هانت ورودي تشرف ان شاء الله

[Om Rodina]

جوزي خلع وانا جيت جررررررررري
وحشتوني الشويه السخنتتين دول

رونى حبيبتى ازيك واخبارك ايه وحشتينى كتير والله ولوجى القمر اخبارها ايه

[توتة السيد]

انا جوزي المفروض لو خلص الورق اسافر علي اخر الشهر

وكل شوية اقوله يارب يخلص وهو كمان بيحسسني انه برضه مستعجل

بس عرفت انه قايل قدام اهلي انه مش ناوي يبعتلي غير لما نور تكمل 3 شهور

وقالهم ماتقولوش لتوتة علي كده بصراحة انا اضيقت جامد ازاي معايا بتحسسني انك مستعجل وازاي مش ناوي تبعتلي خير بعد شهر تاني كمان انا مش عارفة اعمل ايه لاقدر ابينله اني عرفت

علشان ماصغرشي اهلي قدامه علشان قلولي وبصراحة برضه مش قادرة اسكت

[Rania Negm]

نووووورتى اللمة يارناااااااااااا

جوزك نام بس اكيد لوجى لسه مصحصحة طبعااا؟

[Om Rodina]

سلامتك ياروفي الف مليون سلامه يلا هانت ورودي تشرف ان شاء الله

الله يسلمك يارب يارونى وربنا يخليكى يارب ويفرحك بلوجى عروسة زى القمر كده

[رنا خالد]

لودي نايمه وفي سبعين تمنين نومه
بس انا اللي بقي عندي مشكله
لما هي بتنام في الوقت ده انا مابيجليش نوم لأن جسمي اتعود علي السهر
بفيص خالص بعد صلاة الفجر ساعات هي بقي بتوقوم في الوقت ده عكس عكاس

[توتة السيد]

انا اللي عمالة احضر وجهز وعايزة الحق عيد جوازنا علشان اسعده

وهو بينومني كده ومش ناوي يبعتلي دلوقتي

[Om Rodina]

لا ياتوتة ماتزعلى وماتضايقى نفسك هو اكيد محتاجك جنبه وعاوزك تبقى معاه علطول بس برده خايف عليكى وعلى نور وبيضمن انها تكون كبرت شوية علشان تقدر تستحمل السفر وماتتعب وتبهدلك معاها يعنى برده جاى على نفسه وعادى ماتعرفيه انك عرفتى ولا كأن فيه حاجة وان شاء الله ربنا يقدرلك اللى فيه الخير

[Rania Negm]

انا جوزي المفروض لو خلص الورق اسافر علي اخر الشهر

وكل شوية اقوله يارب يخلص وهو كمان بيحسسني انه برضه مستعجل

بس عرفت انه قايل قدام اهلي انه مش ناوي يبعتلي غير لما نور تكمل 3 شهور

وقالهم ماتقولوش لتوتة علي كده بصراحة انا اضيقت جامد ازاي معايا بتحسسني انك مستعجل وازاي مش ناوي تبعتلي خير بعد شهر تاني كمان انا مش عارفة اعمل ايه لاقدر ابينله اني عرفت

علشان ماصغرشي اهلي قدامه علشان قلولي وبصراحة برضه مش قادرة اسكت


يا الله هى صعب طبعااا بالنسبة لك تتأخرى 3 شهور

بس احسنى الظن بالراجل

واضح طبعا انو شايفك متعلقة وتعبانة وعاوزة ترجعى وهو موش عاوز يكئبك بالخبر ويقولك موضوع انك تستنى نوور تكمل 3 شهور

هو موش غلطان ولا حاجة

وانتى فعلا موش تقوليله انك عرفتى

بس بخبااثة وقعيه فى الكلام

ياعنى جيبى سيرة السفر على طول وانك استعديتى وان لو حصل تأخير موش عارفة ممكن استنى ازاى انا بقيت مؤهلة نفسيا وكلام من هذا القبيل

كمان قوليله ان ناس كتيير سافرت بالنونات وهم عندهم شهر بس

وقوليله عاوزة اروح للدكتور يأكدلى ان نور تركب الطيارة خلاص

وعلى فكرة انا 3 اعرفهم هنا سافروا بأطفالهم وهم عنددهم شهر وفاطمة زميلتى جت ببيتها قبل ما تكمل الشهر والله

وانا كنت ناوية انزل بالبيبى بعد شهر من الولادة

ياعنى كلميه طول الوقت وهو اكيد هيقع فى الكلام ويقولك ياعنى متسأليهوش مباشرةhwaml5

[رنا خالد]

انتي عايزه رأي كلميه وافهمي منه لأن ممكن ده يكون اقتراح اهله وبس
والراجل ياعيني مالوش ذنب وكده هاتزعلي علي الفاضي وحتي لو قالك اه انا قلت كده افهمي منه ليه الصراحه حلوه عشان ماتشلوش من بعض
اكيد عند اسبابه وانتي عايزه رأي ياتوته
انا بقول انك تخليكي لحد مانور تشد حيلها شويه اهو تلاقي حد يشيل عنك وروحي لمامتك يابنتي اشبعي منها قبل ماتسافري ازاي تبقي معاها في نفس البلد وانتي في شقه وهي شقه ليها حق عليكي ياتوته وخاصة انها مش هاتشوف حفيدتها غير في السنه مره وحاولي تقنعيه بكده
فكري في كلامي كويس انتي اخت ليا وانا والله عايزه مصلحتك

[توتة السيد]

يا ستااااااااااار ياااارب

حاجات عجيبة

هو احنا موش بنستحمى فى فترة النفاااس ؟؟؟ يعععععععععععععععععععععععع



ههههههههههههههههه لا يارنا بتستحمي بس تاخدي باللك ماتبرديش

وفعلا لازم تدفي كويس علشان لو ختي برد في حته هيتعبك جاااامد

[somia]

السلام عليكم ورحمة الله وبركاته..
وحشتونيييييييييييييييييييي ..
الف حمد الله على سلامتك يا رانيا ويا رب تكوني احسن الوقتي ..
ازيكوا يا جماعة عاملين ايه ..

[Rania Negm]

ياسمسمة حمدلله ع السامة افتقدتك

انا بخير ياحبيبتى الله يكرمك والله متشكرة على سؤالك

[رنا خالد]

سمسمه ياسلام فيكي الخير لسه كنت هسأل عليكي حالا
رانيا طمنيني عليكي النهارده احسن الحمد لله يارب دايما انتي وحلموس تبقوا بخير
لولو اختفت اكييييييييييييد طبييييييييييييخ اهئ اهئ

[رنا خالد]

توته فكي بقي قشطه يامان بيس يامان
ايه كلام العيال الفاقده دي ههههه

[Om Rodina]

يااااااه سهرتكم جميلة اوى والله ونفسى اكمل السهرة معاكم بس انا فعلا تعبت من القعدة وماعدت قادرة خالص من ظهرى هاستئذنكم كلكم ياحبايبى واشوفكم على خير بكرة ان شاء الله تصبحوا على خير ياحبايبى

[Rania Negm]

كله تمام يا رنوووش الحمدلله

بس لسه مستهبلة فيها ونايمة فى السرير وعايشة دور المرض وموش راضية اخف

عشان نشترى اكل من بره ومغسلش المواعين ومروقش نيااااااااااااهاهاهاهاهاهاها

[توتة السيد]

ربنا يخليكوا يابنات انا عارفة انه عامل علي مصلحتي ومصلحة نور بس انا صراحة

اضيقت انه مخبي الموضوع ده كان يقولي وانا اكيد هقدر هو عارفني كويس

رانيا حبيبتي انا مش هقعد 3 شهور هو شهر ونص تاني نور دلةقتي عندها شهر ونص

رنا حبيبتي انا عند ماما فعلا روحت انهارده وهقعد عندها شوية

[somia]

انا هنا والحمد لله انا بخير بس انا في حلوان والنت هنا زي الزفت لانه من خط التليفون فمش هطول معاكم انا كنت بس عايزة اطمن عليكم ..
رنا طمنيني على لوجي وانتي يا توتة الانسة نور اخبارها ايه ؟؟؟
حد ولد يا جماعة وانا مش موجوده ولا لسة؟؟؟

[Rania Negm]

وانتى من اهل الخير يارفيدة هحاول ادخل بالنهار ان شاء الله عشان اشوفك

[رنا خالد]

وانتي من اهل الخير ياام رودينا نشوفك علي خير بكره
بأذن الله رانيا مش انا جيب الكريم اللي قولتيلي عليه قلت لجوزي يجيبه وهو جاي وجهزت بقي الميه السخنه والشاور ولما دخل من الباب جريت حليه وخدت الكريم وبقله فين الحجرا قالي نسيت
ااااااااااااااااه كنت هاغزه في نظارته
سمسمه كيف الاحوال عسي الله خير يابنيتي

[توتة السيد]

ازيك ياسمسمة عاملة ايه نور بتسلم عليكي

[dr.princess]

سامعاكوا بتجيبوا سيرتى
لالالا مش بطبخ يارنا الغداء بكرة الساعة 11 بالليل فهطبخ براحتى

سمسمة فينك يابنتى

[توتة السيد]

توته فكي بقي قشطه يامان بيس يامان
ايه كلام العيال الفاقده دي ههههه

بصراحة زعلانة مش قادرة ابسبس ههههههههههههههههههه

[Rania Negm]

ههههههههههههههههههههههههههههه طيب اشطة يارنا

النتيجة هتلاقيها تحفة والله

حطيه كل يوم باليل النتيجة روعة والله

[somia]

رنا هيه لولو راحت فين ... ولوكة عاملة ايه الوقتي ؟؟؟

[توتة السيد]

وانتي بالف خير ياروفي ياحبي في رعاية الله

[توتة السيد]

ااااااااااااااااه كنت هاغزه في نظارته

ياباي علي الفتري يانااااااااااااس

[رنا خالد]

لوجي بتبوسك ياسمسيمو في حلوان من غيري اه ماما وحشتني اوووووووووي
اهو انا بحب جوزي جداااااااااااا علي عيني وعلي راسي وهو سندي في الدنيا
بس امي عندي الدنيا ومافيها لو جوزي سافر وقاللي تعاليلي هاقسم نفسي نصين
زي الغساله ام روحين كده نص هنا ونص هناك
الام ماتتعوضش هي رقم واحد بلي منازع

[dr.princess]

ههههههههههههههههههه هتغزيه فى نظارته علشان كده بقى جوزى مش لابس نظارة خايف من الغز طبعا ههههههههههههههههههه

[somia]

لولو انا هنا بس في حلوان والنت هنا زي الزفت فمش بفتحه اصلا ادعولناا نركب دي اس ال ونستريح بقى لحسن ببقى هموت وادخل اكلمكوا والهانم ايمي بتفضل تحنسني بس اما بفتح النت ده بتشل بجد

[رنا خالد]

لولو هو في زي لولو اكيد وبالتأكيد في المطبخ اظاهر انه اوسع مكان في البيت فبتحب تتهوي فيه شويه لما تتخنق اه منها

[Rania Negm]

انا بحس ان الراجل بتبقى ناقصاه حاجة لو موش لابس نضارة

وطول عمرى متخيلة انى لازم هتجوز واحد بنضاارة

ومحمد بقى اييييييييييييه عليه فترينة ترد الرووووووووووووووح

اول حاجة عملتها لما اتخطبنا صارحته بالحقيقة وقللتله لو مغيرتش النضارة هفشكل الخطوبة

والحمدلله تم التغيير

[dr.princess]

توتة كلميه بالراحة كده وقوليله انا نفسى اجى واقضى معاك عيد جوازنا وانا مجهزة نفسى على كده وحبتين من دول بقى فاهمانى هتلاقى الورق جاهز من بكرة هههههههههههههههههههههه

[رنا خالد]

لولو لولو
هيه هيه
يحي العدل
يحي العدل
تعيش الوحده الوطنيه
يعيش الهلال مع الصليب ههههههه
واخيرا سابت المطبخ ااااااااااااااااااه

[dr.princess]

ههههههههههههههههه لا والله يا رنا بكلم صاحبتى على الفيس

[somia]

ههههههههههههههه ايه قصيدة الغزل اللي انتي عاملاها في مامتك دي يا رنا يلا يا ستي تعالي معايا

[توتة السيد]

اكيد يارنا الام رقم واحد كل سنة وانتي طيبة اهو احنا بقينا امهات

ربنا يهدي عيالنا هلينا بقي

[somia]

انا بحس ان الراجل بتبقى ناقصاه حاجة لو موش لابس نضارة

وطول عمرى متخيلة انى لازم هتجوز واحد بنضاارة


رانيا نفس فكرتي بالضبط بس شوفي الغرابة بقى اانا كنت عايزاه يبقى لابس نظارة بس مش 24 ساعة يعي ساعات وساعات والحمد لله ربنا كرمني وطلع كده برضه

[رنا خالد]

انا برضه احمد لابس نظاره بس سمبتيك خالص ببتلون ازرق كده والوان الطيف بس بتخنقني اقولك ليه يارانيا
اصله لما بنبقي قاعدين مع بعض بيغمض عينه وهو لابسها مستخبي فيها قال يعني مش هاشوف انه نام وطبعا بلقطه بس لو كان من غيرها كنت هالقطه اسرع من كده فكل شويه اقوله
ياحبيبي اقلع النظاره عشان اشوف جمال عنيك والنية طبعا واضحه
وياما كسرت له نظارات غصب عني يلا فدايا اعيش واكسر ههههههههه

[somia]

أضحكم عليا يا بنات مش انا النهاردة رحت محل الور واشتريت لنفسي ورداية .. اهه الواحد يجبر خاطر نفسه طالما محدش بيجيبله ورد

[رنا خالد]

بصراحه عماله اقاوم الجوع بس مش قادررررررررررررررره
جعانه جدا
هاقوم انعكش في التلاجه علي اي حاجه تسكت جوعي كده واجي 3 دقائق فقط لاغير
اوعوا تتسربوا يابطابيط

[رنا خالد]

اوعي تقولي ياسميه من عند بتاع الورد اللي قدام العصر الحديث ده ورده طالع من عيني

[somia]

ههههههههههههههه
رنا انا زوجي صريح في الموضوع ده بيقلع النظارة وبينام عااااااااااادي عيني عينك واما اكلمه يقولي اتكلمي انا مدد بس وطبعا بعد فترة صمت صغننه اسمع خخخخخخخخخخخخ

[somia]

أه طبعا يا رنا اصلي دخلت العصر الحديث جبت فانيلات للنونة س بجد اول مرة اعرف ان عندهم هدوم حديثي ولادة اصلا واسعارهم احسن من ياسمين وبلازا سيتي بمليون مرة .. فطبعا جذبتني رائحة الورد ولم استطع المغادرة دون شراء 3 وردات واحدة ليا وواحدة لاختي وواحدة لصحبتي مع ان الوردغالي مش عارفة ليه .. تحبي أجيبلك وردة

[somia]

انتوا رحتوا فيييييييييييييييين ...؟؟؟
اوعوا تكونوا سبتوني ونمتوا انا مش هاقعد كثير ... اهئ اهئ اهئ

[somia]

يا جماعة حد يحب ياكل حرنكش ؟؟؟
اللي عايز يتفضل معايا

[dr.princess]

انتوا وحشين على فكرة حطيتلكم صورة ابن اختى ومحدش عبرنى

[رنا خالد]

جيت يابطابيط وقدامي قلايه فيها بيضتين مقليين بالبسطرمه
يادي البسطرمه اللي انا منقوعه فيها دي
اصلي ادمان بسطرمه انا وجوزي
اتفضلوا بس ماتحفوش حته وقوموا

[رنا خالد]

عسل هيما والله يالولو معلش الجوع كافر قلت املي بطني واجي ابحلق وعلق
ماشاء الله عليه امور بجد

[somia]

معلشي يا لولو على ما حملت الصورة عندي انا فقدت الامل فسبتها تحمل ونسيتها ..
باسم الله ماشاء الله عليه ...هوه ده اللي انتي متبنياه .. صح؟؟؟ شبه اخويا اما كان صغير ونفس تعبيرات وشه

[رنا خالد]

تسلمي ياسميه يااحلي ورده وكأنك جبتيها ووصلت
واحي جوزك علي صراحته هههههه

[dr.princess]

ربنا يخليكم يا بنات
انا بمووووت فيه هو عليه ضحكة تهبل بصراحة

[dr.princess]

رانيا وتوتة راحوا فين

[somia]

رنا انا وزوجي بقى بنموت في حاجة اسمها بسطرمة نية نلاقيني بقطع على البيض وبحط ادهم في بطني بس من ساعة الحمل منعتها من البيت الى اجل مسمى باذن الله تعالى

[رنا خالد]

توته رانيا سابونا وراحوا باي

[رنا خالد]

انتوا فين يابنات

[توتة السيد]

يابوي علي العيال ياناااااااااااااس

[dr.princess]

جوزى جاب رطب النهاردة كلت كتيييييير والله مسكت نفسى بالعافية وخايفة يجيبلى تقلصات زى مابيقولوا بس مش قادرة بموووووت فيه

[توتة السيد]

الله يالولو ما شاء الله علي هيمه انا شفته علي فكرة علي الفيس

وانتي بتعيدي عليه ربنا يحمية يااارب وعقبال ماتشوفي محمد كده يارب

[رنا خالد]

يابوي وبس ياتوته
يابوي وياما وخالتو وخالو وجدو وانه
وعمو ومرات عمو كمان
ده انا فيصت

[dr.princess]

ربنا يخليكى ياتوتة عقبال ماتشوفى نور كده وهى بتكبر

[توتة السيد]

جوزى جاب رطب النهاردة كلت كتيييييير والله مسكت نفسى بالعافية وخايفة يجيبلى تقلصات زى مابيقولوا بس مش قادرة بموووووت فيه



تمام يالولو كده تعجبيني علشان وزن البيبي يزيد لا ماتخفيش والله انا من اول السابع

وشتغلت علي البلح والرطب لحد ماكانت بطني هتستغيث وماعملش لاتقلصات ولا حاجة

الست كانت مأنتخة علي الاخر

[توتة السيد]

يابوي وبس ياتوته
يابوي وياما وخالتو وخالو وجدو وانه
وعمو ومرات عمو كمان
ده انا فيصت

ههههههههههههههههههههه والعيلة كلها ياخيتي

لازم وحتما ولابد انها تنام علي رجلي لما رجلي جالها فنتوش الفشية

[dr.princess]

يالهوى ياتوتة ده انا انقضيت على العلبة وشلتها بالعافية والله خفت بس طعمه رهيييييب يا ناس اعمل ايه

[somia]

يا جماعة صحيح هوه احنا اول شهر بس هنلبس سلوبيتات ولا جلبيات وأد إيييييييييييييه وهوه لازم الجلبيات يبقى ليها بناطيل في عز الصيف كده لحسن مش لاقية بناطيل حلوة ..
رنا لعلمك العصر الحديث لسة جايله بضاعة امبارح شفت منها حاجات تحفة واحتمال اروح تاني النهارده باذن الله لاني بشطارتي طبعا جبت بيجامة للنونو واما وصلت البيت اكتشفت ان فيها بقعة محترمة دعواتكم الاقي فيها بناطيل

[توتة السيد]

اية رائيكم مادام البنات خلعوا احنا نكمل عبر الاقمار الصناعية

[somia]

لولو ربنا يباركلك يا رب انا اشتريت عجوة شكلها من بره تهبل بتاعة ماي واي وربنا ما يوريكي شكلها من جوه .. من ساعة ما فتحها مش قادرة أكل منها ولا واحدة

[رنا خالد]

بألف هنا يالولو كلي كلي ده احنا مصدقنه يابنتي
يعني ياعبعال فنتوش الفشني
عديها بجي

[dr.princess]

ليه اصلا ياسمية بتجيبى اكل من ماى واى ماتجيبيه من الراجل اللى بيبعها فى الاسواق

[somia]

يعني ايه عبر الاقمار الصناعية دي اوعوا تسيبوني وتمشوااااااااااااااااااااااااااااا..
رنا صحيح انتي بتستخدمي سرير لوجي ولا ايه النظام ولو بتستخدميه بتنيمية فيه علطول ولا امتى ؟؟؟

[رنا خالد]

صح ياتوته بينا نسافر القمر

[توتة السيد]

يالهوى ياتوتة ده انا انقضيت على العلبة وشلتها بالعافية والله خفت بس طعمه رهيييييب يا ناس اعمل ايه


لا تمام والله مابيعمل حاجة ومفيد جداااااااااااااااا للبيبي

[dr.princess]

هههههههههههههههه فرصة بقى ان فى حاجة عجبتنى ابات جوه العلبة يعنى هههههههههههههههههههههه

[somia]

الصراحة يا لولو شكل العلبة بتاعتها وهم فتح نفسي عليها قوي .. من بره هالله هالله ومن جوه يعلم الله ...يلا ربنا يعوض علينا خير

[رنا خالد]

والله ياسميه مبستخدمهوش خالص اصلها بتنام جنبي لسه شويه عليه

[dr.princess]

جوزى مش راضى ابدا اننا ننيمه جنبنا باذن الله وقالى لازم نشترى سرير بس مش هنجيب جديد مالوش لازمة هنشوف مستعمل ان شاء الله

[somia]

طب ومبتخافيش عليها تاخد بوكسات وانتوا نايمين ؟؟؟ وناوية تبتدي تستخدمية متى باذن الله تعالى؟؟؟

[dr.princess]

ماهو ده اللى قالق جوزى ياسمية بيقولى اخاف نتقلب عليه ومنحسش

[somia]

لولو انتي باذن الله هتجيبي اللي هوه الكبير ده ولا الصغنن بتاع النون ؟؟؟
توتة انتي جبتي لنور سرير صغنن كده ؟؟؟

[dr.princess]

مش هنجيب صغنن اوى يعنى بتهيألى ممكن يكفى ل 3 سنين ولا حاجة والله لسه هننزل الحراج ونشوف

[somia]

أه والله يا لولو زوجي بيقولي نحطها في النص قلتله اه عشان تديها شلوت ممن بتوعك البت تفطس مننا .. ههههههههههههه
أنا بفكر أنيمها باذن الله جمبنا لغاية ما تبتدي تتقلب بعدين انقلها على سريرها بس تبقى جمبي انا طبعا مش في النص خالص

[somia]

لولو يعني ايه الحراج؟؟؟

[رنا خالد]

اول 6 شهور استحاله البيبي ينام لوحده علي سرير
ويمكن اول سنه كمان وصعب جوزك يبقي نايم في نفس الاوده عشان الزن

[dr.princess]

ماهى المشكلة ياسمية ان السرير محطوط فى نص الاوضة يعنى من الجنبين مفيش حيطة ومينفعش نزقه جنب الحيطة كمان وجوزى اصلا مش موافق على فكرة انه يبقى على نفس السرير بيخاف

الحراج ده سوق الحاجات المستعملة هنا جوزى جايب منه اوضة النوم والمطبخ وكل الناس هنا بتجيب منه

[dr.princess]

سمية رحتى فين
على العموم هقفل معلشى جوزى شوية وهيجى بالسلامة اشوفك بكرة باذن الله

[مدام فاطمة]

السلام عليكم . أنا فاطمة من اسكندرية

[Om Rodina]

السلام عليكم ورحمة الله وبركاته
ازيكم يابنات
حد موجود ولا لأ

[MALAK2010]

انا جييييييييييييت حد هناااااااااااااااا

[بقلظة]

السلام عليكم ورحمة الله وبركاته

وحشوني وحشتوني وحشتوني اووووووووي

يا رب تكووا فاكرني والا نستوني خلااص

ايه اخر اخباركم

طمنوني عليكم

بحبكم جداااااا في الله

[بقلظة]

hwaml16hwaml16hwaml16


انا جيت يا بنات


احمد بيسلم عليكواhwaml03

[MALAK2010]

بقلظه ازيك يا جميل انتى فين من زماااااااااااااااااااان وحشتينى
وازاى حماده عامل معاكى ايه واخدك مننا خاااااااالص
طمنينى عليكى

[بقلظة]

ازيك يا ملك وحشتيني اوووووووي و

وحشني الكلاام معاكي

احمد واخدني من كل حاجة مش بقعد علي النت خالص منه

انتي عاملة ايه يا حبيبتي وحشتيني انتي في الكام دلوقتي والحمل عامل معاكي ايه

[MALAK2010]

انا الحمد لله كويسه انا فى السابع وكمان نزلت مصر
ربنا يباركلك فيه يارب هو بقى عنده اد ايه الوقتى
ايه برضه ماعدتش بتدخل الا نادر جدا واذا دخلت تسلم وتتطلع ربنا معاكم
بس توته ورنا بيدخلوا معانا
جوزك سافر ولا لسه

[مدام فاطمة]

السلام عليكم . أنا أختكم فاطمة من اسكندرية وربنا يتمم لنا على خير

[MALAK2010]

اهلا بيكى يا فاطمه مبروك على الحمل عامله ايه

[مدام فاطمة]

الحمد لله يا ملك أنا في الثامن وانتي منين يا أختي؟

[MALAK2010]

انا من المنصورة
ماشاء الله انتى فى التامن هانت
معاد ولادتك امتى ان شاء الله

[مدام فاطمة]

أول شهر 5 وانتي؟

[Om Rodina]

السلام عليكم ورحمة الله وبركاته
ملوكة حبيبتى اخبارك ايه واخبار النونة ايه

[Om Rodina]

فاطمة اخبارك ايه وعاملة ايه
ربنا يارب يكملك على خير وتقومى بالسلامة

[Om Rodina]

إيه يابنااااااااااااااااااات
انتوا فييييييييييييييييييييييييين

[أم نورين2012]

مساء الخير

[Om Rodina]

ميرى حبيبتى حمد لله على السلامة ايه يابنتى كنت فين اخبارك ايه وعاملة ايه

[ام يحيي 2011]

فى حد هنا يا بنات

[ام يحيي 2011]

السلام عليكم

ازيك يا روفى يا حبيتى وعروستنا عمله ايه هانت ولا لسه

امال فين البنات

ازيك يا كيرى انت لسه هنا ولا مشيتى يا قمر

[رنا خالد]

ايه يابطابيط انتوا نمتوا بدري ولا ايه
ده انا جايه اسهر معاكم

[Om Rodina]

سوسو حبيبتى ازيك واخبارك ايه واخبار حبيب خالتو عامل ايه
والله ياحبيبى دعواتك واضح انها استحلت القعدة جوه ربنا يارب يجيبهالى بالسلامة لانها وحشانى اوى والله

[ام يحيي 2011]

ما فيش حد هنا ولا ايه

كلكم نايمين النهارده ولا بتحضروا لأستفتاء بكره ولا ايه يا كماحه

[رنا خالد]

سااااااااااااااره
ام رووووووووودي
انا هنا

[ام يحيي 2011]

ربنا يجبهالك بالسلامه يا روحى

رنا يا اهلين وسهلين مش عارفين البنات نايمين ليه النهارده

هترحوا الأستفتاء بكره؟؟؟؟؟؟؟؟؟؟؟؟؟؟؟؟؟؟

ليه الصفحه تقيله اوى النهارده كده

[Om Rodina]

رنون حبيبتى اخبارك ايه واخبار لوجى العسل ايه
مافيش حد موجود انهارده كلهم نايمين

[ام يحيي 2011]

منوره يا جميل انتى ولجى لسه مصحصه ولا ايه وايه اخبرا بابها صلحتيه ولا

[Om Rodina]

ربنا يخليكى يارب ياسوسو ويفرحك بيحيى ويقومك بالسلامة يارب

[رنا خالد]

والله ان ارفت من البت اللي معايا دجي عماله تعيط ومش عارفه اكتب لكم حرف واحد علي بعضه
فظييييييييييييييييييعه

[ام يحيي 2011]

يااااااااااااااااااااااااااااااااااااااااارب واياكى يا عسل

ما قلتوليش هترحوا بكره ولا ايه

[ام يحيي 2011]

معلش يا رونى ربنا يخليهالك ويهديهالك يااااااااااااااااااااااااااااااااااااااااااااااااا رب

[ام يحيي 2011]

ايه يا جدعان السؤال صعب للدرجه دى ولا ملكوش فالسياسه

[Om Rodina]

حبايبى معلش هاقوم انام شوية لانى باتعب من السهر والله
كان نفسى تدخلوا من بدرى انا كنت موجودة من بدرى وكنت اكلمكوا تصبحوا على خير ياحبايبى

[ام يحيي 2011]

ليه بس كده
على العموم تصبحى على خير يا جميل يالى بتهرب من السؤال انت هتوحشتنااااااااااااااااااا


روحتى فين يا رونى

[أم نورين2012]

أنا هنا عيزني ولا أقوم أروح

[أم نورين2012]

تصبحي علي خير ياروفي بس أنا الحمدلله تمام وأنتي وحشتيني‏ أكتر وألف سلامه عليكي ياقمر

[ام يحيي 2011]

يا بنتى انتى الى بتنامى

بتروحى فين يا دودى

طبعا ما نستغناش يا عسل

واحنا لينا بركه الأ انت يا جميل

[أم نورين2012]

أخبار إيه ياساره وحشتيني ياجميل وأخبار فرقع لوز إيه أن شاء الله يكون تمام

[ام يحيي 2011]

روحتوا فيييييييييييييييييييييييييييييين

شكلى هفيس منكم

شفتى انتى الى بتمشى اهو يا ميرى

ايه يا رنا كل ده نونتك بتعيط ولا ايه ربنا يهديهالك ياااااااااااااااااااااارب

[أم نورين2012]

أه يابنات هاموت ونام

[رنا خالد]

ميري وساره انا جيت
نيمتها واخيراااااااااااا
نرغي بقي يلا

[ام يحيي 2011]

الحمد لله تمام بس تعبنى معاه ما بقتش اعرف انام خالص قلبى بينقبض لما بروح على السرير من كتر التعب

[أم نورين2012]

حاسه أني مخنوقه أوي وتعبانه أوي وشايله هم جبال

[رنا خالد]

طول النهر زن زن والليل زن
هوايتها المفضله الزنزنه لما دماغي هاتفرقع
اخبارك ايه ياام يحي قوليلي صحيح ازاي يحي وانتي مسجله بأسم ام حنين
وانتي يادودو عامله ايه ياقمر سيبك من النوم بقي وخليكي نلك حبتين

[ام يحيي 2011]

يا رنااااااااااااااااااااااااااااا هتروحى الأستفتاء بكره ولالالالالالالالالالالالالالالالالالالالالا

[ام يحيي 2011]

ههههههههههههه

بصى يا ستى انا سجلت فى اول حملى وانا لسه ما عرفش انها بنت ولا ولد فكنت بقول حنين على اعتبار انها بنت يعنى

بس الحمد لله طلع يحيى المره الجايه حنين بأذن الله

[رنا خالد]

كان بودي بس اعمل ايه في اللي معايا دي
صاحيه طول الليل وبالنهار بناااااااااااااام
قولي يارب

[أم نورين2012]

ساره سلامتك ياحببتي ألف سلامه معلش هو عايز يتعبك دلوقتي عشان بعد كده يبقي مطيع
رنا أطلع ياجميل علي الساحه عشان تنور يابت وحشتيني أخبارك إيه والزئرده بتعتك لسه مجنناكي يلا ياحببتي ربنا يهديهالك أن شاء الله

[رنا خالد]

صدقيني لما هاتجربي مره ياساره هاتقولي توبه
علي رأي عبد الحليم
انا يابنتي جطعت خلجاتي وشعري وناقص اقطع شعر الراجل الامير الطيب جوزي
اللي مستحملنا في البيت انا لو منه اقول امشوا اطلعوا بررررررررررررره
زي الافلام كده
ربنا يبارك لك فيه يارب ويجعله بار بيكي وبوالده
قولي امين

[رنا خالد]

زئرده ياميري دي دزنانور يابنتي
علي رأي سكينه ههههههه
حد يخدها يفسحها شويه ويتوهها

[أم نورين2012]

يابنات مخنوقه أوي

[أم نورين2012]

وتعبانه أوي وحاسه أن شايله هم جبال

[ام يحيي 2011]

يا حبيتى ما هو لحد الساعه 7 مساء فممكن تروحى

كان سبوع واحد قربنا النهارده وكان عامل سبوع ذى العسل ما شاء االله اغرى الواحد ما انا بأذن الله ناويه اعمل عقيقه مش سبوع بس ليه فرحته برده ايه رأيكم بأذن الله طبعا

[توتة السيد]

هلووووووووووووووووووووووو

[ام يحيي 2011]

معلش يا جميل ربنا يهديهالك ياااااااااااارب طلعه شقيه ليكى ولا ايه

مالك يا قمر مخنوقه من ايه طمنينا

[رنا خالد]

ليه بس يادودي فضفضي انا سمعاكي انا وساره ويحي كمان
اهو نحط همنا علي بعض

[ام يحيي 2011]

ايوه هلو هلو وانا ماشيه ماشى يا وحشييييييييييييييين

اهلين يا توته شو اخبارك يا عسل انتى ونور

[رنا خالد]

وربنا ياتوته لسه كنت بكتب حالا
هي توتي فين يابنات
طب تصدقي انتي بنت حلال مصفي
ازيك وازي الدزنانور بتاعك
دزنانوري بيسلم علي دزنانورك

[أم نورين2012]

أزيك ياتوته أخبارك إيه

[رنا خالد]

يانهار بطاطا البت شكلها كده هاتصحي
عماله تقول اوغا اوغا اوغا علقت
وفتحت عينها الشمال هذا وان دل علي شئ فيدل علي
اني هارتكب جريمه واطلع في خلف الاسوار

[ام يحيي 2011]

نص ساعه وراجعه باذن الله اوعى حد يمشى

[توتة السيد]

ايوه هلو هلو وانا ماشيه ماشى يا وحشييييييييييييييين

اهلين يا توته شو اخبارك يا عسل انتى ونور

هههههههههههههههه ليه ياسارة خليكي شوية دا انا لسه بقول ياهادي

انا بخير حبيبتي الحمد لله ونور بتسلم عليكي انتي ويحيي عاملين ايه

[أم نورين2012]

عارفين يابنات لماتكوني عندك صحبه وتكون زي أختك لمده كبيره ومورياكي أنها كويسه ومحترمه ومحافظه وفجأه تكتشفي حاجه تانيه أنا لأسف صحبت عمري أتخدعت فيها وأخدت قرار أني أقطع علاقتي بيها لأنها ظهرت علي حقيقتها بعد عشر سنين وأحنا صحاب

[رنا خالد]

انا اظاهر بكلم روحي يابنات
ايه امشي ولا انتوا جايين ولا ايه النظام

[توتة السيد]

وربنا ياتوته لسه كنت بكتب حالا
هي توتي فين يابنات
طب تصدقي انتي بنت حلال مصفي
ازيك وازي الدزنانور بتاعك
دزنانوري بيسلم علي دزنانورك


ياقلبي القلوب عند بعضها والله

ربنا يخليكي ياجميل

دينزوري بيسلم علي دينازورك واهو صاحي ومفتح عنيه

[أم نورين2012]

الموضوع ده خنقني أوي بس أنا لما حكيت لمودي علي الحصل قالي أنتي كدا صح وعندك حق

[رنا خالد]

ايوه كدوا يابطابيط هلو هلو
توتي عامله ايه ياجميل وايه اخبار سفرك

[توتة السيد]

عارفين يابنات لماتكوني عندك صحبه وتكون زي أختك لمده كبيره ومورياكي أنها كويسه ومحترمه ومحافظه وفجأه تكتشفي حاجه تانيه أنا لأسف صحبت عمري أتخدعت فيها وأخدت قرار أني أقطع علاقتي بيها لأنها ظهرت علي حقيقتها بعد عشر سنين وأحنا صحاب



ازيك ياميري ياجميلة وحشتينا

معلش حبيبتي انا عارفة انه صعب بس الغلطة مش غلطتك

انتي حبتيها باخلاص وهي اللي كانت بداري وشها الحقيقي عنك

[توتة السيد]

ايوه كدوا يابطابيط هلو هلو
توتي عامله ايه ياجميل وايه اخبار سفرك

الحمد لله ياقمر بخير والله ربنا ييسر الحال لو اتظبطت الامور

قبل اخر اربعة ان شاء الله يارب تتظبط

[رنا خالد]

بصي ياميري احسن جاجه ان الواحد يدقق اوي لما يختار صاحب ليه لأنه بيبقي مرايته قدام الناس يعمي لو فلان ده وحش يبقي اكيد صاحبه زيه وبالتالي لما تتخمي في صاحبه ليكي وبعدين تشوفيها بوش جديد عليكي يبقي الاحسن تقطعي علاقتك معاها بتاتا
لأنها هاتضرك قبل ماتضر نفسها وانتي حد كويس يادودي ولازم اصحابك يبقوا ناس محترمه
انا علي فكره فاهمه قصدك

[أم نورين2012]

عارفه ياتوته أن محمد كان رأيو من زمان أني أبعد عنها بس أنا مردتش وأحترمت سنين الزماله اللكانت بنا بس عارفه أنا مبسوطه أني كشفتها دلوقتي بس زعلانه أني عرفتها عليكو عشان أنت تستهلو حد كويس بس ربنا عوضني فيكم أنت خير

[أم نورين2012]

أه والله يارنا المفروض اللواحده تدقق كويس في أختيار أصحبها بس أنامش ندمان علي أني خلاص قطعت علقتي بيها لكن ندمان علي سنين اللصاحبتها فيها ودخلتها بيتها وكل أهلي كانوا عارفين أهلها بس هو ده اللزعلانه عليه

[توتة السيد]

عارفه ياتوته أن محمد كان رأيو من زمان أني أبعد عنها بس أنا مردتش وأحترمت سنين الزماله اللكانت بنا بس عارفه أنا مبسوطه أني كشفتها دلوقتي بس زعلانه أني عرفتها عليكو عشان أنت تستهلو حد كويس بس ربنا عوضني فيكم أنت خير


افهم من كده انها ملوكا التوتا هي دي صحبتك

[أم نورين2012]

بالله عليكم ماتنامو وخليكم أعدين معايا شويه

[رنا خالد]

بصي ياميري احمدي ربنا انك كشفتيها
وربنا يعوضك بصاحبه احسن منها
هو انتي عشان كده ماكنتيش بتدخلي اليومين اللي فاتوا؟

[أم نورين2012]

ليه يازاكيه هو أنتي مش فاهمه من سعتها دي علي كدا رنا أذكي منك هههههه

[توتة السيد]

انا قاعدة ياميري نور لسه صاحية

[رنا خالد]

في فرق مابين البنت ومابين المتجوزه
المفروض ان البنت بتكون اكثر حيائا من اللي اتجوزت
يعني ممكن انا اتكلم معاكم في موضوع ما لو بنت ماتجوزتش اتكلمت فيه يبقي عيب فاهماني يادودي
بس للأسف في بنات مش بتفهم كده وبتحسب انه عادي
انا معاكي ومش هنام خالص علي فكره

[أم نورين2012]

رنا أه ياحببتي معرفتش أدخل كنت مكسوفه منكم علي الأخر بس لما حكيت لمحمد قالي لأ أدخلي بالعكس همه هايحترموكي أكتر بس أبقي قوللهم علي القرار اللأنتي أحدتيه فهو لماشجعني أمت راحه دخله أنهرده أه صحيح وكمان أعد يمدح فيكم ويقول أن أنت بنات محترمين وبيقولي أتصحبي عليهم علي طول

[توتة السيد]

ليه يازاكيه هو أنتي مش فاهمه من سعتها دي علي كدا رنا أذكي منك هههههه

يانهار دا انا ضفتها صديقة علي القتيس بوك ماينفعش تتلغي الصداقة

دي ياخوااااتي انا بصراحة وماتزعليش مني ماكنتش مرتحالها من اول دردشة دردشتها معانا

واكيد لحظتي ان معظم البنات ماكنش عاجبهم اسلوبها معلش كويس ان اكتشفتيها

[توتة السيد]

في فرق مابين البنت ومابين المتجوزه
المفروض ان البنت بتكون اكثر حيائا من اللي اتجوزت
يعني ممكن انا اتكلم معاكم في موضوع ما لو بنت ماتجوزتش اتكلمت فيه يبقي عيب فاهماني يادودي
بس للأسف في بنات مش بتفهم كده وبتحسب انه عادي
انا معاكي ومش هنام خالص علي فكره



تمام كده كلامك ياغزال ياغزال

[أم نورين2012]

نودي ربنا يهديلك نور بس برده ماتسبناش وتنامي
روني والله عندك حق أنا لحد دلوقتي مش بعرف أتكلم في المواضيع دي حتي مع مامي عشان بحسها عيب أوي فما بالك البنت

[رنا خالد]

يلا ربنا يسهلها الحمد لله انك قاطعتيها
قوليل الفرق مابينك وبين جوزك كام سنه ياهدير؟
وبتحبوا بعض بقي من امتي
ياعم انت ياعم يارومانسي
شويه حب بقي ياجدعان
يلا ياتوته

[أم نورين2012]

نودي أنا حذفتها من الإميل وعملت حظر عليها علي الفيس وغيرت رقم الموبايل بتاعي وبعدين ياحببتي أنا معاكي ومش زعلانه والله وده كمان كان رأي بعد مادخلت المنتدي وبانت علي حقيقتها وقالت كلام مش محترم

[رنا خالد]

هههههههههههههههههه
ياغزال ياغزال العشق حلال
وعلي رأي متقال يابت بيقولك ابوكي ماتطلعيش في القياله
شكلك غاويه اغاني التراث ياتوتي هههههههههههه
قال غزال قال ده انا بقيت فيييييييييييييل وناقصني الزلومه
وهاعمل دايت باركولي كمان

[ايمان العليمي]

السلام عليكم ورحمه الله وبركاته


عاملين ايه يا كرونبات الدردشه ؟؟؟؟


عساكم طيبين :)

[رنا خالد]

ايمان وحشتينا اخبارك ايه وليلي عامله ايه معاكي
ابوس ايدك وركبك ياشيخه قولي كويسه عشان انا عايشه علي هذا الامل
انها لما تكبر وتعقل قصدي يبقي عندها 6 او سبع شهور هاتبقي هاديه وناديه وكده يعني
هاوديني وقوليلي ملاك عشان افرح واهون علي نفسي

[توتة السيد]

يلا ربنا يسهلها الحمد لله انك قاطعتيها
قوليل الفرق مابينك وبين جوزك كام سنه ياهدير؟
وبتحبوا بعض بقي من امتي
ياعم انت ياعم يارومانسي
شويه حب بقي ياجدعان
يلا ياتوته


هههههههههههههههههه

الحب الحب الشوق الشوق ولليي ياول

[توتة السيد]

نودي أنا حذفتها من الإميل وعملت حظر عليها علي الفيس وغيرت رقم الموبايل بتاعي وبعدين ياحببتي أنا معاكي ومش زعلانه والله وده كمان كان رأي بعد مادخلت المنتدي وبانت علي حقيقتها وقالت كلام مش محترم



تمام ياميري وماضيقيش نفسك

بس قوليلي ازاي اعمل حظر علي الفيس بوك

[ايمان العليمي]

الحمد الله يا رنا انا بخير

ده انا مش قادره اقولك بنتي ما شاء الله عليها بتاكل وبتغير وبتحمي نفسها

دي حتي سعات بتقوم تروق الشقه كده وتعمل الاكل كمان .....


تامريني بحاجه تانيه ؟؟؟؟

[ام يحيي 2011]

ما تزعليش يا ميرى انا حصلى نفس الموقف وامنت بتحاول توقع بينى وبين جوزى واحنا مخطوبين فى ناس كتير كده بس احمدى ربنا ان ربنا بينهالك على حقيقتها

نورتى المنتدى يا مونه ايه اخبار ليلى واخبار النونو الجديد


يا جماعه احمد سخن كده وعرقان جامد وهو نايم مش عارفه اعمل ايه اصحيه واديله حاجه ولا ايه

[أم نورين2012]

علي رأيك يارنا خلينا نغير السيره عشان أنا أتخنقت
بس ياستي طبعا أنا حكيت لتوته علي القصه كلها أنا مابيني وبين محمد تسع سنين بس توشوفي تقولي عنده عشرين سنه المهم حابني سنه من غير مايقولي يعني قبرص صامت وطبعا أنا وقتها كنت هاموت وسمع بحبك بس أستنيته هو يقول وبعدين السنه التانيه قالي أعدنا خمس شهور وبعد كده أتخطبنا وبعدها بسنه كمان جوزنا وعلي فكره هو أبن عمي وكنا بنحب بعض قبل الجواز 3 سنين والرابعه هي دي
وانت ياروني أحكلنا بقي

[توتة السيد]

هههههههههههههههههه
ياغزال ياغزال العشق حلال
وعلي رأي متقال يابت بيقولك ابوكي ماتطلعيش في القياله
شكلك غاويه اغاني التراث ياتوتي هههههههههههه
قال غزال قال ده انا بقيت فيييييييييييييل وناقصني الزلومه
وهاعمل دايت باركولي كمان



ههههههههههههه اه بحب الاغاني الشيعبي

رغم اني بحب اسمع الود كاظم بن الساهر هههههههههههه

شفتي النقيد بقي ههههههههههههههههه

فيل حتة واحدة لا يبقي لازم دايت علي بركت الله

[رنا خالد]

نسيتي ياتوته تمضي في الاخر
من طرف اخوكي اللمبي هههههههههههه
تعالوا نتكلم بقي عن ايام الخطوبه بتفاصيلها
يعني قعدتوا كام شهر او كام سنه مخطوبين قلتوا لبعض امتي كلام حلو
مسك ايدك امتي خطيبك يافوزيه علي رأي المسرحيه
كنتي سبيه يمسكها يافوزيه اهي كانت يمكن تطري في ايده ههههههههههه

[ايمان العليمي]

هو الرد بتاعي فين ؟؟؟؟؟؟؟؟؟؟

[توتة السيد]

ايمي ياجميلة عاملة ايه

ولي لي عاملة ايه واخبار ولي العهد اللي في السكة

[ايمان العليمي]

شوفوا الرابط ده

بجد مؤثر يا بنات
http://www.youtube.com/watch?v=Otkpn8YqAsQ

[ام يحيي 2011]

حد يجوبنى يا جماعه الله يخليكم انا مخضوضه اووووووووووووووى

[ايمان العليمي]

انا الحمد الله بخير يا ام حنين ........قولي لي احمد عندوا قد ايه ؟؟؟؟

[أم نورين2012]

أزيك ياإيمي وحشتيني ياقمر أخبارك إيه والعروسه اللبتروق وبتنضف لنفسها عامله إيه
ساره مشكلتهم مش بيبانو غير بعد زمن
نودي بصي ياقمر أنا دخلت علي الأعدادات وبعدين دخلت علي تعديك قائمة المحظورين وحظرتها

[ايمان العليمي]

الحمد الله يا توته انا كويسه وليلي بخير

انتي ايه اخبارك واخبار نوران ايه ؟؟؟؟

[رنا خالد]

قوليلي يايمان انتي هاتخدي وسيلة ايه بعد ماتخلفي؟

[ايمان العليمي]

قوليلي احمد عمره قد ايه ؟؟؟؟

وقستي الحراره ولا ؟؟؟؟

طمنيني يا قلبي ............

[ام يحيي 2011]

ههههههههههههه
ضحكتينى وانا مضيقه

لا احمد ده جوزى

يجيى ابنى لسه جوه ادعيله يجى بالسلامه يا جميل

[ايمان العليمي]

انا مفيش وسيله بتمشي معايا يا رنا

خاااااااااااااااالص

[رنا خالد]

صحيه ياساره ممكن يكون لابس كتير عشان كده عرقان صحيه اطمني عليه وطمنينا
بس ماتتخضيش

[توتة السيد]

نسيتي ياتوته تمضي في الاخر
من طرف اخوكي اللمبي هههههههههههه
تعالوا نتكلم بقي عن ايام الخطوبه بتفاصيلها
يعني قعدتوا كام شهر او كام سنه مخطوبين قلتوا لبعض امتي كلام حلو
مسك ايدك امتي خطيبك يافوزيه علي رأي المسرحيه
كنتي سبيه يمسكها يافوزيه اهي كانت يمكن تطري في ايده ههههههههههه



هههههههههههههههههههههه

ابدأ انا بقي انا اتخطبت شهرين فقط لاغير

وماكنتش شايفة خطيبي خالص مالص

كنا نتكلم عبر الهاتف في الاول كنا عايشين دور الملتزمين الكلام بحدود

والرسايل كلها دينية لحد ما عدي شهر وبدأنا الحب الحقيقي بيعيش ياحبيبي

خلاص ياعم محمد فؤاد ههههههههههه

والغرام والاحاسيس الله فترة جمييييييلة جدا والله

[ايمان العليمي]

بصي يا ستي حقك عليا

المهم ....قيسي بردوا الحراره ولو معديه ال37 صحيه ياخد اي خافض حراره

وربي يشفيه ويعافيه :)

[ايمان العليمي]

انا بقي قعدت سنتين مخطوبه ............وبعد كده اتجوزت :)

ايه رايكم ....قصه روعه صح ؟؟؟؟

[توتة السيد]

الف سلامة عليه ياقمر صحيه طيب وشفيه اعمليله كمادات لو سخن

ولو عندك بانادول اديله وحده يمكن داخل علي دور برد وطمنينا ياحبي

[رنا خالد]

طب هاتعملي ايه يابنتي ماهو استحاله حد يعيش كده
دي يبقي دمار شامل

[ام يحيي 2011]

ربنا يكرمك يا رنا انتى ومونه تسلمولى

انا صحيته واديتله بارموال خافض ومسكن وربنا يستر بقى اصل احمد اى ارهاق بيعمل فيه كده ربنا يعافيه ياااااااااااااااااااااااااارب

[توتة السيد]

الحمد لله ياايمي بخير ربنا يخليكي

ميري ماشي ياحبي ادخل واشوف

[رنا خالد]

انا اتخطبت سنه ونص وحبيته قبل الخطوبه بستة شهور
واتجوزنا وبقالنا سنه اهو ومعانا القنبله الموقوته لوجي
وهو اكبر مني ب7 سنين

[ايمان العليمي]

انا الحمد الله بخير يا ميري


وانتي ايه اخبارك ؟؟؟


هو ايه الي مزعلك اوي كده .........زلو حد ضايقك قولي هو مين وانا

حسلطلك عليه البت لولو...........:)

[ام يحيي 2011]

ان شاء الله يبقى كويس للأسف مش عندى ترمومتر

ولا يهمك يا ايمى عادى يا بنتى انا بهزر

هو بس لما بيرتاح بيبقى كويس

اصل الشركات الخاصه دى الله لا يوريكم بيمصوا دم الواحد على ما يديلو قرش ساغ دى هو حتى رايح الشغل النهارده رغم انه اجازه رسمى فكل مصر


حد يعرف حاجه عن نورا ام احمد يا جماعه من زمان ما دخلتش

[ايمان العليمي]

والله يا رنا انا حمشي باذن الله علي السنه

يعني القذف حيكون بره والله المستعان .........ودي احسن حاجه

[ام يحيي 2011]

ايه الناس الى بتحكى بأختصار دى لا الحكاوى يكون بضمير

[رنا خالد]

سلامته ياساره وان شاء الله هيتعافي
انا جوزي شغال محاسب في فندق موفنبيك
وعلي وشي اترقي وبقي مراجع حسابات
انتوا بقي يا جماعه اجوازتكم شغاله ايه

[ام يحيي 2011]

تحبوا اصدع ضمغكم وابدا بسرد القصه الطويله

[ايمان العليمي]

بقولك يا رنا انا فالمعادي ..........ايه رايك نتقابل؟؟؟

[ام يحيي 2011]

احمد شغال محاسب فى شركه ليسيكو بتاع السرميك لو تعرفوها والحمد لله أترقا وبقى رئيس قسم الحسابات فى شركه الصحى ليسكيو برده فى برج العربى

[ايمان العليمي]

بصي يا ساره ابقي اشتري من اي صيدليه ترمومتر ديجيتال

ده ضروري حته علشان البيبي كمان وطريقه استعماله سهله اوي

وحتلاقي ب 22 جنيه في الحدود دي يعني والله يعنيك ويشفيلك زوجك يارب

[أم نورين2012]

ربنا يخليكي ياإيموما بس أنا الحمدلله مبسوطه دلوقتي صحيح خسرت صاحبه بس كسبتكو أنت أصحابي وأخواتي وبعدين في حد يزعل وهو معاكو
ساره حببتي ألف سلامه علي جوزك وربنا يعافيه بعدين أنتي هاتقولي علي الشركات الخاصه ده أنا جوزي فعلا واله ممصوص دمه ومش بيبان عليه أبدا غير الأرهاق

[رنا خالد]

بجد في المعادي ياايمان طيب انا هاروح لماما اول اربعه نشوف بعض ساعتاها ايه رأيك
انتي اصلا ساكنه هناك ولا عند مامتك

[توتة السيد]

انتوا بقي يا جماعه اجوازتكم شغاله ايه


انا يارنا جوزي شغال مهندس مدني


سارة اسردي يابنتي اسردي

[ايمان العليمي]

لعلمكم يا جماعه انا بحذركم من الابره بتاعت منع الحمل والله العظيم

مضره جدا انا عندي خالتي ومرات خالي كانوا بياخدواها وال 2 عملوا

اسئصال رحم ربنا يعفينا ويعافيكم وفيه وحده صحبتي ربي يصبرها

حملت عليها وفي الشهر ال3 الدكتوره اكتشفت انه اخر حقنه اخدتها

الهرمون بتاعها كله اخده البيبي وقالت لها انها ملهاش علاج غير الدعاء

لانو لو ربنا رزقه اببن تاحتمال كبير يكون عندها عقم ولو ولد ممكن يكون

فيه تشوهات او اعاقه .....فخلوا بالكم يا جماعه وربنا يعفاينا ويعافيكم

[رنا خالد]

ساره احكي القصه يلا حابه اسمعك ياقمر
بالتفصيل كمان
نورا فعلا طفشت من المنتدي بعد ماخطبت لوجين لموكشه
اخص عليكي يانورا كده سبتي البت متعلقه طب لو جالها حد دلوقتي نقوله ايه مقري فاتحتها وعريسها ساباها وبصراحه هي تتساب عليها زن يابوي يطفش بلد
يلا يانورا ده ربنا رحمكم من تحت ايدها الواد ابنك ده ربنا بيحبه ونجده من تحت ايد الدزنانور اللي عندي

[أم نورين2012]

إيه ده ياساره بصره أنا كمان جوزي سنير أكاونت يعني رئيس حسابات في شركه الجيو والتقنيه
إيمي أنا عمو هناك ساكن في المعادي

[ايمان العليمي]

طيب خير والله يا رنا ............ٌبل ما تروحي لممتك قولي بس قبلها

علشان استاذن زوجي ونتقابل باذن الله :)

[ام يحيي 2011]

هههههههههه

احمد يا جماحه صاحب اخوى كنت اعرفه من بعيد يعنى اسم بس اتخطبينا سنه كانت وقت الخطوبه ايام حلوه اوى ورد بقى وهدايا ورغى فى التليفونات وحاجت كده اتكتب كتابنا تقريبا سنه ونص كانت حلوه برده بس انتوا عرفين الشيطان احمد عصبى حبتين وكنا بنتخانق كتير احنا اتجوزنا الصيف ده قبل الفرح بشهرين زعلنا على حاجه هايفه بس كبرت وكنا هنسيب بعض بس الحمد لله عدت بس لحد الأن كل ما افتكر ازعل منه اوى المهم الحمد لله اتجوزنا وسبحان الله حسيت فعلا بمعنى الآيه " وجعلنا بينكم موده ورحمه" حسيت اننا بقنا اهدى كتير الحمد لله وانا بقت اعقل شويه وما زعلش من كل حاجه اصلى كنت خانيقه اوى فى الموضوع ده

بس ايه رايكم موضع طويل صح ههههههههههه

[رنا خالد]

لا حقنه ايه اللولب مافيش احسن منه
من ايام جدود الجدود والشكوي منه قليله يعني بنسبه 3 او اربعه في الميه اللي ضرهم والباقي ماشي معاه زي الفل
وكل 6 شهور بكشف عليه بالسونار عشان اتأكد انه في مكانه
وربنا هو الحافظ واللي مكتوب لنا هانشوفه

[أم نورين2012]

أه يابنات فعلا حقنه منع الحمل ماما أخدتها بعد ماجبتني وأعدت فتره طويل ينزل نزيف عليها وبعد كده عملت أستئصال الرحم برده وربنا أن شاء الله يعافيكم

[ايمان العليمي]

خدو دي يا بنات
محاســب مصــري بيســأل محاسـب امريكـي بتقبـض كــام ؟ قالـه 800 دولار اساســي و600 بـدل خطـر


و400 بـدل سفـر و300 بـدل غربـة. فـالامريكـي سألـه وانـت بتقبـض كـام قالـه 300جنيـة فقالـة بـدل ايـة


؟ قالـه بـدل مـا اشحــت

[أم نورين2012]

ياقوم إين أنتم

[ام يحيي 2011]

ربنا يخليهولك يا دودى ويرزقكم الذريه الصالحه يااااااااااااااااااااااااااااااااارب

بأذن الله هترجع بالسلامه يا رنا ما تخفيش لوجى لا تقاوم يا بنتى دى بتعملك حس فالبيت مش انتى استعجلتى عليها وجبتها قيصرى فا بطلعه عليكى شكلها كده هههههههه

[ايمان العليمي]

صح كلامك يا رنا

انتي بس اهم شي اهتمي ومتهمليش وروحي اعملي الصونار واتاكدي كل مده

كده من الفتله بتاعته وربي يحفظك يا نور عيوني

[ام يحيي 2011]

هههههههههههههه

عسل عسل يا ايمى

[رنا خالد]

ههههههههههههههههه
خطيره ياايمي نكته في الجون
توته وحشتني نكتك المسخره
طب يابنات انتوا خريجين ايه صحيح نسيت اسألكم
انا معايا ليسانس اداب قسم علم نفس سنة 2009
وانتوا؟

[توتة السيد]

انا رجعت تاني وصلته لفين بقي

[أم نورين2012]

ربنا يخليكي يساره علي الدعوه الحلوه دي
إيمي والله لما يقوم محمد هاقول النكت يلا خليني أفوقو شويه

[ام يحيي 2011]

انا خريجه دراسات إسلاميه قسم شريعه دفعه السنه الى فاتت

[توتة السيد]

ههههههههههههههههههههه

تجنن ياايمي

[رنا خالد]

ساره معاكي حق انا اللي جبت ده كله لنفسي
عملت شعري حمام كريم بوناويل بس ايه غرااااااااامحلو اوي وبيطري الشعر

[توتة السيد]

توته وحشتني نكتك المسخره
طب يابنات انتوا خريجين ايه صحيح نسيت اسألكم
انا معايا ليسانس اداب قسم علم نفس سنة 2009
وانتوا؟


هههههههههههههه حاضر من عيوني يارنون

انا ياحبي خريجة ليسانس تربية قسم لغة عربية 2008

[ام يحيي 2011]

هو مين يا جماعه جوزه بتاع قصه التمر الهندى حد فيكم

[ام يحيي 2011]

بجد ده ولا تريأ يا رنا حلو ولا وحش

[توتة السيد]

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!

الزوج: "فيه ايه يا بنت الحلال؟ ليه كدا ؟؟؟"

الزوجة : "ايه الورقه اللي في جيب بدلتك ومكتوب عليها "سوسو"؟؟"

الزوج: "يا بنت الحلال، ده اسم الحصان اللى بنشجعه في السباق!"

الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان،

وفجأة جت مراته وضربته بغطا الحلة على راسه !!

الزوج: "خير يابنت الحلال في ايه تاني؟؟"

الزوجه:"حصانك على التليفون"

[ام يحيي 2011]

توتا ما تعرفيش اعمل اكل ايه بكره بأذن الله اصلى محتاره

بأخد مكان لولو بقى احسن تنسوها الأسبوعين الصباحى بتوعها
ههههههههههههههههه

[ايمان العليمي]

جميل اوي تخصصك يا ساره ما شاء الله ربي يبارك فيكي :)

[رنا خالد]

ياعم انت يابتاع اللغه العربيه الفصحي
اشجينا بنكتك يامعلم
ايه ياحلوين انتوا بتغفلوا وانتوا قاعدين ولا ايه
فوقوا بقي يلا عشان السهره تنعنش كده

[ايمان العليمي]

حلوه اوي يا توته

[ام يحيي 2011]

ههههههههههههه

انا لو مكانها كنت موته مش ضربته بغطا الحله احمد عارف كده انى مجنونه واعملها