دردشة حوامل مصر - دردشة بنات مصر - تجمع حوامل مصر

[MALAK2010]

انتى عارفه بعد ماحط كله على بعضه بصلصه كمان
عمل اغرب حاجة بس دى مش هعملها
جاب صنية وحط فيها طبقات جلاش وبعدين حط الرز وبعدها حط طبقةجلاش تانية ودخلها الفرن

[MALAK2010]

كوكتيل قصدى الرز بكبد الفراخ والبسله

[dr.princess]

انا لقيت على فتكات طريقة فراخ فى الفرن كنت بعملها اول الجواز ومعدتش بعملها معرفش ليه بس كانت بتبقى حلوة اوى حتى جوزى لسه سائلنى عليها اول الاسبوع
http://forums.fatakat.com/thread410409
بس انا كنت بزود معاه جنزبيل طازة

[MALAK2010]

دى وصفه الرز اللى بقولك عليه اهو

http://forums.fatakat.com/thread991239

[dr.princess]

ايه الحاجات الغريبة دى

[MALAK2010]

ماشى يا لولو انا هقوم اعمل الاختراع العجيب دة ورجعالك هههههههههههه
وهشوف الوصفات اللى انتى بعتيه ان شاء الله
تفتكرى هيطلع حلو

[dr.princess]

تعرفى بقالى اسبوع على بالى اوى اعمل جلاش باللحمة المفرومة عمرى ماعملتها وحتى ماما قليل اوى لو عملته وحتى قلت لجوزى يجيب جلاش مرحبش بالفكرة بس هغصب عليه وهجيبه برده

[dr.princess]

بصراحة جلاش ورز مش متخيلاها ابدا انتى وحظك بقى
زى ماكنت بقولك من شوية لو عندك لحمة مفرومة اعملى جلاش باللحمة المفرومة اضمن

[dr.princess]

اه معلشى مخدتش بالى من كلامك اللى فات
لو مش هتحطى جلاش يبقى خلاص

[MALAK2010]

انا برضة بحب اعمل الجلاش باللحمه المفرومة
وبحب السمبوسك برضة

[MALAK2010]

لا جلاش مين دة كدة يبقى اسمه عك رسمى هههههههههه

[dr.princess]

انا عمرى ماعملت الجلاش ولا السمبوسة

[MALAK2010]

طيب هقوم جايز الحق
بقولك جربتى قبل كده وانتى بتحمرى الفراخ تحطيها فى بيض وبعدها دقيق

[MALAK2010]

سمبوسك جميله ماشاء الله

[dr.princess]

قصدك تتحمر بدقيق بس من غير بقسماط يعنى ولا ايه ؟؟؟

[dr.princess]

لما ترجعى بقى ابقى قوليلى بتعملى السمبوسة ازاى ؟؟؟

[MALAK2010]

انا خارجه يا لولو سلام ونتقابل ان شاء الله بعد الغدا
يارب الحق ههههه

[MALAK2010]

طيب ان شاء الله هقولك

[dr.princess]

ايه ده هتخرجى من بدرى كده هو انتى هتعملى ديك رومى ولا ايه ههههههههههههههههه

خلاص اشوفك لما تخلصى ان شاء الله

[جيرا]

سلام عليكم ياحبايب قلبى ملك ولولو وسمر ونورا
وكل البنات

[MALAK2010]

انا هناااااااااااااااااا
جيرا ازيك يا حبيبتى يارب تكونى بخير لما تدخلى ابقى طمنينى عملتى ايه وحركة النونو اخبارها ايه

[dr.princess]

اه يانى ياصداعى يانى

[dr.princess]

استغفرك ربى واتوب اليك
يارب ارحمنا براحمتك ياااااااااااااارب

[MALAK2010]

الف سلامه عليكى يا لولو
انا كمان عندى صدااااااااااااااااااااااااااااااااااااااااااع من الانفلونزا

[dr.princess]

حد يدخل بقى مخنووووووووقة اوى

[dr.princess]

الف سلامة عليكى يا ملك

[MALAK2010]

مش انا عملت الارز راااااااااااااااااااااائع
بس عملت حاجات بطريقتى

[MALAK2010]

مالك يا لولو مخنوقه من ايه خير

[dr.princess]

ما شاء الله شكله جميل فعلا بالهنا والشفا

[dr.princess]

اخويا اخيرا جه اجازة من الجيش امبارح بالليل
فبكلمه من شوية لقيته بيقولى ان واحد من اصحابه مجالوش جيش وراح يشتغل فى صيدلية فى شرم الشيخ المهم نزل البحر وغرق ماشاءالله الولد ده امور اوى وابن ناس ومؤدب ولسه 22 سنة قلبى وجعنى عليه
ربنا يرحمه ويصبر اهله

[MALAK2010]

معلش النت بطئ
لا حول ولا قوة الا بالله ربنا يصبر اهله
انا اصل بكرة البحر جداااااا وعمرى ما احب وا انزل فيه ولا حتى اركب حاجه فيه من كتر اللى بسمعه عنه بس هو قدر ونصيب سبحان الله

[مدام هبه الحامل]

انا مصريه من بورسعيد ولسه بدء التامن ادعولى

[dr.princess]

سبحان الله انا بحس ان الناس الصغيرة اللى بتموت دى بتبقى من احسن الناس فالواحد بيتوجع عليهم مرتين
كان لينا بنت زميلتنا فى الكلية جالها تقريبا ليوكيميا او تقريبا حاجة فى المناعة محدش عارف وماتت واحنا فى تانية كانت بنت مؤدبة وشاطرة وعارفة ربنا اوى
وبرده 4 ولاد زمايلنا فى الكلية عملوا حادثة 3 ماتوا وواحد ربنا نجاه
وبرده واحنا فى الثانوى واحد زميلنا غرق فى راس البر

[dr.princess]

اهلا يا هبة معانا
معلشى دخلتى فى ساعة اكتئاب بس خلاص احنا هنغير السيرة ماتقلقيش

[dr.princess]

ملك رحتى فييين

[توتة السيد]

ازيكم ياامهات الكتاكيت عاملين ايه

[dr.princess]

ازيك يا توتة انتى فين بقالك يومين

[توتة السيد]

ازيك يالولو عامل ايه ابن اختك وصحبتك يارب يكونوا بخير

ملوكة ازيك ياجميل عاملة ايه

هبة اهلا بيكي حبيبتي وربي يكملك علي خير

[توتة السيد]

الحمد لله يالولو بخير بعافر مع الكتكوتة النوم بالليل خلاص اهئ فبعوض بالنهار

تلاقيني بنتهز اي فرصه بتنام فيها وازرق جمها واخخخخخخخخخخ

وحشتوني

[dr.princess]

انا الحمدلله كويسة
عبودى ولولو ان شاء الله يكونوا بقوا احسن النهاردة

[dr.princess]

ربنا يعينك ياحبيبتى وزى ماقلتى اول ماتنام نامى انتى كمان

[توتة السيد]

ان شاء الله يكونوا بالف خير والف سلامة عليهم

[توتة السيد]

يارب يارب ياله حاولوا تناموا علي قد ماتقدروا خزنوا نوم بقي

[dr.princess]

ننام ايه بس انا كل يوم بصحى من الساعة 4 وايام قبل كده كمان

[توتة السيد]

ليه كده علشان مواعيد جوزك يعني ربنا معاكي بس حاولي تنامي علشان مترهقيش نفسك ومايجلكيش صداع

[dr.princess]

والله انا صاحية من النوم اصلا مصدعة دلوقتى هاخد بنادول علشان مايزيدش

[dr.princess]

لالا المفروض نصحى الساعة 6 بس يوميا بقلق من 4 او قبل كده

[توتة السيد]

الف سلامة عليك حبيبتي

اه القلق ده مشكلة

[توتة السيد]

ماتعرفيش دودي ولدت ولا لسه مادخلتش خالص

[dr.princess]

الله يسلمك
لا والله ابدا لا حس ولا خبر شكلها كده ولدت مادام غابت الغيبة الطويلة دى

[توتة السيد]

ربنا معاها ويطمنا عليها وعلي العريس ياخيتي اتوحش عروسته هههههههههه

[dr.princess]

ربنا يقومها بالسلامة ياااااااااااارب

[somia]

السلام عليكم ورحمة الله وبركاته..
حد هنا؟؟؟

[gogo]

انا هنا حد لسه هنا

[أم إياد]

مساء الخير يابنات
ازيكم كلكم يارب تكونوا بخير..
ملك .. ألف سلامة أخبار الانفلونزا ايه دلوقتي؟
ازيك يالولو.. الف سلامة عليكي من الصداع..
انا كمان بقالي كام يوم انام واصحى والصداع لسه عندي باحاول استحمل ومااخودش بانادول عشان انا لسه في الشهور الاولى..
ميرسي يالولو انتي وملك على الوصفات الحلوة..

ملك عندي وصفة للانفلونزا كويسة يارب تنفع معاكي.. انك تجيبي (زهرة البابونج) من العطار لو متوفرة هي موجوده هنا في مصر.. وتغليها وتستنشقي البخار بتاعها وهي بتغلي..
جربيها .. آهو أحسن من الادوية

[أم إياد]

بنااااااات ازيكم .. حد لسه موجود؟
معلش بأفتح في اوقات بتكونوا انتم قفلتوا hwaml25

[gogo]

ام اياد منوره

[يارا ويوسف]

ازيكم ياحلووين وحشتونى بكلكوو بجد

[يارا ويوسف]

سومية كنت عاوزة اسألك سؤال

انتى فى اخر السادس صح عاوزة اعرف انا فى اول اسبوع فى السادس وبطنى صغيرة مش باينة اكنى فى الرابع

[gogo]

يارا منوره

[gogo]

سميه مش هنا بس انا ممكن اجاوبك انا اختى قعدت لحد التامن مش باينلها بطن كانت صغيره ده بيختلف من واحده للتانيه وفيه ناس من التالت بيبان عليها

[أم إياد]

ازيك ياجوجو.. ازيك يايارا..
انتم في الشهر الكام؟
بالنسبة لموضوع كبر البطن فهو فعلا بيختلف من واحدة لواحدة وعلى فكرة هو مش دليل على كبر البيبي.. اوصغره..
اعرف بنت كانت بطنها كبيرة اوي بس النونو كان صغير خالص لما اتولد.. وواحده برضه كانت بطنها صغيرة مازادتش عن حجمها الا في السادس وبسيط.. وماشاء الله كان البيبي مش صغير..
ربنا يتمم لنا كلنا بخير

[يارا ويوسف]

سميه مش هنا بس انا ممكن اجاوبك انا اختى قعدت لحد التامن مش باينلها بطن كانت صغيره ده بيختلف من واحده للتانيه وفيه ناس من التالت بيبان عليها


طيب ربنا يطمنك يارب انتى فى الشهر الكام دلواتى ربنا يتملنا جميعا على خيير

[gogo]

انا تمام الحمد لله يأم اياد انا لسه مش حامل
انتى ف الشهر الكام

[يارا ويوسف]

ازيك ياجوجو.. ازيك يايارا..
انتم في الشهر الكام؟
بالنسبة لموضوع كبر البطن فهو فعلا بيختلف من واحدة لواحدة وعلى فكرة هو مش دليل على كبر البيبي.. اوصغره..
اعرف بنت كانت بطنها كبيرة اوي بس النونو كان صغير خالص لما اتولد.. وواحده برضه كانت بطنها صغيرة مازادتش عن حجمها الا في السادس وبسيط.. وماشاء الله كان البيبي مش صغير..
ربنا يتمم لنا كلنا بخير


ربنا يكرمك ياحبيبتى انا فى اول السادس انشاء

الله وولادنا يجوو سلام معافين اللهم امين

[gogo]

يارب يتمملكم على خير يايارا بس يارا ويوسف دى الاسامى الى ناويه تسميها ولا دول ولادك

[يارا ويوسف]

يارب يتمملكم على خير يايارا بس يارا ويوسف دى الاسامى الى ناويه تسميها ولا دول ولادك

لاياقمر دى الاسامى اللى عاوزة اختار منها انشاء الله لو ولد او بنت

[ام يحيي 2011]

أزيكم يا بننيت وحشتونى موووووووووت

أنا عارفه أنكم هتموتونى عشان بغيب عنكم بس والله النت كان فاصل عشان كان فى حبة بلطجيه كده ربنا يخدهم كسروا السنترال العمومى والنت كان فاصل عن الكل الحمد لله

المهم لسه راجع النهارده

المهم أنتوا عملين أيه كلكم

ودودى ولدت ولا لسه وأدعولنا كده معكم وأنا بدعلكم كلكم والله

بجد بجد بحبكم أوووووووووووووووووى ووحشتونى

[أم إياد]

صباح الخير يابنات.. قصدي مساء الخير..
أخباركم ايه ؟
أديني فتحت أهه عشان اتطمن عليكم .. معقول ماحدش فاتح دا النهاردة الجمعة..
يارب تكونوا بخير جميعا..
مش عارفين نوفق وقت دخولنا مع بعض..hwaml15

جوجو انا في الشهر التالت..
ربنا يرزقنا بالذرية الصالحة.. انتي عندك اولاد ولا لسه؟

[dr.princess]

ام اياد انا هنا من زمااااااااااااااااااااااااااان

[جيرا]

انا هناااااااااااااااااا
جيرا ازيك يا حبيبتى يارب تكونى بخير لما تدخلى ابقى طمنينى عملتى ايه وحركة النونو اخبارها ايه
الحمد لله ياملك ربنا يخليكى ليا ياحبيبتى ياااارب لسه جايه
عملت تخطيط والحمد لله طلع بخير

[أم إياد]

لولو ازيك معلش ماخدتش بالي انك كنتي فاتحة..
اصل لما فتحت ومالقيتش حد اتضايقت وقفلت على طول ..
طمنيني عليكي .. أخبارك ايه؟ والحمل عامل ايه معاكي..
ربنا يتمم لي واياكي بخير..

[أم إياد]

بنااااات حد موجود دلوقتي؟؟

[somia]

ازيكوا يا بنات معلشي مش بعرف ادخل عشان النت بقى بيفصل كل شوية وبقالي فترة مش عارفة ادخل على الصفحة دي من أصله .. دعواتكوا النت يظبط معايا

[أم نورين2012]

وحشتوني ياحبايبي معلش أنا مش عرفت أدخل أمبارح وأنهرده عشان كنت عند أهلي عشان جم من مصر
ملك لولو أم إياد سوميه جيرا وكل البنات أخباركم إيه وأخبار البيبيهات إيه إن شاء الله تكون بخير
أما أنا وجوجو فأن شاء الله ربنا يكرمنا قريب أحنا وكل محرومه
ملك الأكله شكلها جامد بس ياتري أطعم عامل أزاي
لولو الله يرحم صاحب أخوكي ومش هاقول غير ربنا يصبر أهله أنتي صعبان عليكي صاحب أخوكي أنا بقي أخويا غرق في بحر أسكندريه كان عنده برده22 سنه وكان شاب زي الورد الله يرحمه برحمته هو وكل أموات المسلمين

[gogo]

ميرى ازيك ايه اخبارك
تسلمى على الدعوه الحلوه دى ربنا يكرمك ويكرمنى ويكرم كل مشتاقه بالخلف الصالح ان شاء الله

[أم نورين2012]

أهلا إزيك ياقمر عامله إيه
ولا يهمك ياحببتي وقريب أن شاء نفرح بعض المهم راحب البال

[أم نورين2012]

أنت كلكم نيمين وأنا سهرانه لوحدي

[gogo]

انا هنا ياميرى النت بس فصل

[gogo]

انتى ايه اخبارك واتعوتى على الغربه ولا لسه

[أم نورين2012]

ياحببتي أنا متعوده عليها من زمان بس أنا الحمدلله أهلي دلوقتي جنبي في مكه بنا 75 كيلو برحلهم كل خميس
أنتي رحتي سوريا

[gogo]

اه ياميرى انا ف سوريا بقالى 10 ايام هى عامله زى مصر بالظبط بس مصر احلى
انتى متجوزه قريب غربه ايه الى من زمان

[أم نورين2012]

أنا متجوزه 24/9 يعني كاملت خمس شهور
أقصد أن أحنا عشان عيشين في السعوديه من يوم ماتولدنا وكان كل واحد من أخوات بينزل مصر عشان يكمل دراسته فكانت ماما علي طولي شويه في مصر وشويه في مكه فخدنا خلاص علي الغربه مابنا
أنتي مجوزه أمته

[أم نورين2012]

عارفه ياجوجو نفسي أكون حامل الشهر ده أوي زهقت من القاعده لوحدي وجوزي في الشغل

[gogo]

ميرى معلش على التأخير
عارفه ياميرى يمكن احنا فعلا بنفكر ف الحمل كتير علشان الوحده انا الشهر الى نزلته مصر نسيت الحمل لانى كنت مشغوله
بس انتى خمس شهور يعنى لسه يابنتى مش المفروض تشيلى هم من الوقتى

[gogo]

انتى بطلى تفكير ياميرى وهتحملى ان شاء الله انا حملى الاول كنت لسه رايحه قبرص ومكنتش بفكر ف الشهر ده ف الحمل خالص وحملت بس ربنا مكتبلوش يكمل الحمد لله على كل حال

[أم إياد]

صباح الخير يابنات
ازيك ياميري انتي وجوجو..؟
لسه مصلية الفجر ودعيتلكم انتم الاتنين دعوة خاصة بظهر الغيب ان ربنا يكرمكم عن قريب ويرزقكم بالذرية الصالحة ان شاء الله..
وهتزهقوا م العيال لماhwaml15 ههههه
المهم بس سيبوها على الله , لان مجربة فعلا كتر التفكير في الحمل بيأخره.. وكمان عشان الغربة والوحدة عاذراكم اكيد بتزهقوا..
انتم بس عيشوا حياتكم دلوقتي قبل ماتتزنقوا زنقتنا والوجع والصداع والدوخة وال.. وبعد كده وأواة العيال.. يااااه بكرة تجربوا لما تزهقوا وتقولوا ياترى اللي جرى ماكان..هههههههه
حبيت بس اهزر معاكم..
ربنا يكرمكم يارب..
طمنونا عليكم دايما..

[dr.princess]

صباح الخييييييييييير

[dr.princess]

جوجو ميرى ربنا بفرحنا بيكم عن قريييب يااااااااااارب

جوجو ياوحشة ابقى ادخلى بدرى شوية خلينا نسلم عليكى

[dr.princess]

ام اياد صباح الخير ماشاءالله صاحية بدرى زينا النهاردة

[dr.princess]

ملك طبعا سايبانى امبارح لوحدى والنهاردة اكيد نفس النظام

[أم نورين2012]

صباح الخير يالولو
أم إياد ربنا يخليكي ياحببتي وأن شاء الله أنت ولولو دعواتك تستجاب ونفرحكم قريب وهزارك زي العسل

[MALAK2010]

ملك تعبااااااااااااااااااانة اوى
ولا حد جه زارها منكم وجابلها 2 كيلو قشر برتقال اية البخل ده
انا داخلة اصبح عليكم اول ما فوقت شويه

[dr.princess]

صباح النوووور ياميرى
اوعى تكونى خرجتى

[dr.princess]

ايه ده ياملك هو البرد زاد عليكى ولا ايه ؟؟؟؟
الف سلامة عليكى ياقلبى
يابنتى طاوعينى وخدى دواء زى ماقلتلك ارحمى نفسك من التعب ده

[dr.princess]

ملك يا ملك اوعى تكونى خرجتى عايزة اوريلك السالوبيتات الجديدة

[MALAK2010]

والله يا لولو قعدت اقول مش واخده لغاااااااااايه امبارح الساعه واحده بالليل لقيتنى مش قادرة افتح عينى من كتر الالم صداع ورشح ودموع من عينى
فقلت خلاص هجيب دوا طبعا جوزى مش بيقتنع بكلام الصيادله اللى هنا كان عاوز يتصل بجوز اخته بس قلتله الساع بقت 12 عندهم لانهم فى السعوديه فكانت الدكتورة بتاعتى كنت سالها على دوا للصداع فجبتة امبارح بس ريحنى شويه الحمد لله بس خايفه يجى تانى انا ماعتدش قادرة 3 ايام تعب من غير دوا صعب

[MALAK2010]

يلا ورينى قبل ما قوم لانى مش بقدر ابص كتير للاب توب معلش يالولو انا دخلالك لانك وحشتينى
حاسه ان عينى طلعت برة من كتر الصداع اللى شفته ههههههههه

[dr.princess]

والله انتى دماغك ناشف ومبتسمعيش الكلام
كان زمانك اخدتى الدواء من اول يوم ومكنتيش اتبهدلتى كل البهدلة دى
انتى محتاجة تاخدى مضاد حيوى ودواء للصداع علشان بيبقى كمان مضاد للالتهاب وخافض للحرارة
شفاكى الله وعافاكى الف سلامة عليكى

[dr.princess]

السالوبيتين اهم
جبتهم يوم الخميس
قوليلى رأيك فيهم

[dr.princess]

انا كمان افتكرت انى كنت زمااااااان مصورة الفراخ اللى قلتلك عليها اخر مرة
وصورها اهى لو حبيتى تجربيها

[MALAK2010]

السالوبيتين عسسسسسسسسسسسسسسسسل اوى ماشاء الله مبروك يا حبيبتى
بس جوزك رضى ازاى انك تجيبى احمر هههههههههههه
جبتيهم من بيبى شوب ولا من مكان تانى
والفراخ باين عليها جميله ماشاء الله بالهنا ياجميل

[MALAK2010]

باين فى حد معانا على التجمع لان عدد اللى شافوا الصور 2 غيرى فى حد بيتجسس علينا ولا ايه ههههههههههههه

[MALAK2010]

بصى انا اخدت للصداع باراسيتامول دة كويس ومش مضر ؟؟؟؟

[dr.princess]

هههههههههههههههههه طيب تخيلى بقى ان جوزى هو اللى شاف السالوبيت ده وجابهولى قلتله ايه ده انت متأكد من نفسك ههههههههههههههههههه اصلى قلتله كتير اوى انى نفسى اجيب حاجة حمراء او بنفسجى طبعا فجبر بخاطرى بقى ههههههههههههههه
لالا مش من بيبى شوب جبتهم من مول هنا جنب مسجد قباء

الله يهنيكى حبيبتى ابقى جربى الفراخ وان شاء الله هتعجبك
انا تبلت الفراخ وهعملها النهاردة بنفس الطريقة ان شاء الله

[dr.princess]

اه عادى ماهو البنادول عبارة عن باراسيتامول 500
بس اهم حاجة ان الدواء مايبقاش فيه كافيين

[MALAK2010]

انا هقوم يا لولو جوزى صحى وهحاول ادخل تانى ان شاء الله سلام يا حبيبتى

[MALAK2010]

كافين ازاى يعنى اشوف ايه علشان اعرف

[dr.princess]

لالا ده انا اللى فتحت الصور علشان اشوفهم صورتهم حلوة ولالا

[dr.princess]

بيبقى الدواء مكتوب فى محتوياته باراسيتامول وكافيين زى أبيمول اكسترا وبنادول اكسترا كلمة اكسترا يبقى فيه كافيين مفعوله اقوى يعنى زى اى منتج مكتوب عليه اكسترا ده لا ماينفعش للحمل
لو باراسيتامول لوحده يبقى أمن باذن الله

[dr.princess]

ماشى ياحبيبتى روحى علشان تفطريه وارتاحى شوية ولو قدرتى تدخلى تانى انا موجوده ان شاء الله

[MALAK2010]

لا مش مكتوب كافين
تسلمى يا جميل على المعلومة
انا هقوم يالولو وابقى سلميلى على البنات اذا دخلوا سلام

[dr.princess]

طيب الحمدلله لا شكر على واجب ياقلبى
يااااااااارب حد يدخل بس وانا هسلملك عليهم جرررررى هههههههههههههههه

[dr.princess]

عايزة اقول حاجة بس مش عارفة اقول ايه تقريبا اتهبلت من الوحدة والحمدلله ههههههههههههههههههههه

[dr.princess]

حتى ماما واختى برن عليهم علشان نتكلم على النت معبرونيش
حتى انت يا بروتس ههههههههههههههههههههههه

[somia]

السلام عليكم ورحمة الله وبركاته..
يا رب تكوني لسة هنا يا لولو

[dr.princess]

ايه ده مش ممكن اخيرا حد جه
اوعى تمشى ياسمية

[somia]

ملك تعبااااااااااااااااااانة اوى
ولا حد جه زارها منكم وجابلها 2 كيلو قشر برتقال اية البخل ده
انا داخلة اصبح عليكم اول ما فوقت شويه
ألف لا بأس طهورا ان شاء الله عليكي يا لوكة ..
أنا هاجيبلك 5 كيلو جوافة احسن من البرتقال ايه رأيك؟؟؟

[somia]

لا متقلقيش انا هنا صحيح شوية وهاخرج بس لسة ساعة كمان ان شاء الله تعالى

[dr.princess]

طيب وانا كمان عايزة جوافة
ربنا مايحكم عليكى بالجوافة اللى هنا استغفرك ربى واتوب اليك

[somia]

السلوبيتات ماشاء الله تحفة يا لولو..
صحيح انا هصلي بس وهانزلك الحاجات بتاعة النونو من جهاز زوجي

[dr.princess]

طيب كويس انا هنا لساعة ونص كمان
بس هبقى رايحة جاية على المطبخ فمتقلقيش لو اتأخرت فى الرد

[dr.princess]

الحمدلله انها عجبتك
اخيييييييييرا
مستنياكى بعد الصلاة

[أم إياد]

ازيك يالولو
ميرسي ع المعلومة.. ايوه كده ياعم هو ده شغل الصيدلة.. يلا كده فيضي علينا بمعلوماتك ههههه

دا الفجر فتحت ارد على ميري وقفلت على طول .. اصل كنت سهرانة باعمل ابحاث وشغل كده نمت قرب الساعة 2 والفجر صحيت صليت وفتحت رديت ودخلت جررري تحت البطانية لسه الجو برد عندنا..

[أم إياد]

سمية ازيك ياجميل؟
اخبارك ايه.. انتي في الشهر الكام؟

[MALAK2010]

انا جيييييييييييييييييت انا كمان

[MALAK2010]

شفتى يالولو كنتى قاعده طول النهار لوحدك الوقتى كام واحده هههههههههههه

[MALAK2010]

ام اياد ازيك يا جميل عامله ايه فى الحمل
وربنا يوفقك فى الابحاث اللى بتعمليها

[أم إياد]

ملوكة ألف سلامة ياحبيبتي
ربنا يخفف عنيكي ويشفيكي ..
عاملة ايه طيب دلوقتي؟
ألف لا بأس عليكي

[dr.princess]

هههههههههههههههه انتى تؤمرى بس يا ام اياد
ربنا يعينك انتى خريجة ايه ولا بتعملى ايه ؟؟

بطانية ايه بس ده الجو هنا ناااااااااااااار الله مايوريكى

[dr.princess]

ملوكة اخبارك ايه دلوقتى ؟؟؟
انتوا فين من بدرى ده انا جالى استبحس هههههههههههههههههه

[أم إياد]

لولو اكيد في المطبخ دلوقتي..
ابعتيلي لنا قطمة كده ندوق.. هههه
السالوبيتات جميلة.. يلبسهم يارب في الهنا..

[somia]

انا جيييييييييييييييييييت معلشي عاى ما حملت الحاجة على الجهاز

[dr.princess]

اه كنت فعلا بحط الفراخ فى الفرن وحطيت المكرونة تتسلق

ربنا يخليكى يا ام اياد هو انتى فى الشهر الكام ؟؟

[somia]

ازيكوا يا لوكة وام اياد

[أم إياد]

مش بايدي والله يالولو الابحاث دي اجباري
انا اتعينت معيدة في الكلية من سنتين . ولازم اجباري اعمل دراسات عليا واكمل المشوار في المجال اللي اتعينت انا في عين شمس كنت في علوم تربوية كيمياء حيوي وتغذية ولما اتعينت بقيت في التربية في قسم تطوير تعليم مناهج وطرق تدريس , عندي سنتين دبلومة
انا لسه في السنة الاولى منهم لاني ضيعت السنة اللي فاتت ماعرفش آخدها عشان ولدت في شهر 6 بتاع الامتحانات..
بأبقى مشغولة بقى في الكلية الصبح بأدي محاضرات وآخر النهار آخد محاضرات الدراسات العليا باروح البيت متأخرة ومهدودة ويادوب لو كنت هالحق اعمل اكل وبعدين اقعد اجهز ابحاث وشغل لتاني يوم.. ربنا يسهل بقى مش عارفة لما العيال تيجي هيبقى حالي ازاي.. شغلانتي دي عايزة واحده متفررررررغة..

والسنادي عمالين يأجلوا الدراسه في الجامعات عشان الظروف بتاعة البلد الفترة اللي فاتت كانت كل حاجة متعطله..
يلا ربنا يسهل ويعين الجميع.. دعواااااتكم

[dr.princess]

ربنا يعينك يا ام اياد ايه العذاب ده
ماما بتقولى ان مواد تربوى دى غلسة اوى

[somia]

بصوا دي الكوفرتة واللفة عشان الفرق ما بينهم يبقى واضح..

[أم نورين2012]

أزيكم ياحلوين وحشتوني

[أم إياد]

ربنا يخليكي يالولو..
فعلا الله التربوي غلس اوي , انا اصلا لو كنت باعمل دراسات حرة ماكنتش هاختار المجال ده بس لما اتعينت ودوني ع التربوي وانا أي نعم كنت باجيب فيه درجات عالية بس ماكنتش باحبه كنت باذاكر وخلاص عشان الامتحان
كان نفسي اكمل في الكيميا والتغذية باحبهم اوي يلا بقى قدر الله وماشاء فعل

انا ف نص التالت يالولو .. وانتي؟

[MALAK2010]

معلش يا بنات النت كان بطئ كل ما ارد مايوصلش الرد
لولو معلش ياحبيبتى من بكرة هنرجع تانى لبعض هههههههههههههههه
سمسم الف مبروك على الحاجات واخيرا عرفت الفرق بينهم
ام اياد ربنا يقويكى على العذاب دة انا كنت نسيت الحاجات دى من زمان هههههههههه

[somia]

وده حاجات تانية

[MALAK2010]

ميرى:ازيك يا جميل
كنتى بتسالى على طعم الرز كان جميل وعجبنى الحمد لله اصلى من النوع اللى مش بغير فى الاكل غير لما تكون حاجه تستاهل

[dr.princess]

ربنا يعينك يا ام اياد
انا فى نص السابع الحمدلله

[أم إياد]

ربنا يخليكي ياملوكة..
البرد عامل ايه معاكي دلوقتي؟
الف سلامة

[أم نورين2012]

أزيك ياأم أياد أنتي ولولو وسميه
حلوين أوي ياسميه الحاجه النتي جبتيها
إيه جمال السلبيتات ديه يالولو بس عجبني أكتر الفراخ أنالسه شويه فراخ يوم الأربعاء
ملوكه حببتي ألف سلامه عليكي ياقمر أن شاء الله عدوينك

[dr.princess]

ايه الفرق ياسمية ان فى حاجة بغطاء للراس والتانية من غير طيب قوليلى اسم دى واسم دى علشان افرق ؟؟

[MALAK2010]

لولو نسيت اقولك مش ماما لسه قيلالى انهم هيعملوا السبوع يوم ما اروح ان شاء الله وانا ماكنتش قلتلها حاجه تصورى انا مبسوطه اوووى

[dr.princess]

ميرى تعالى اتفضلى انا لسه بعملها فى الفرن اهو

[MALAK2010]

انا بقيت احسن الحمد لله
معلش انا هخرج يا بنات كان نفسى اكمل معاكم بس بكرة بقا ان شاء الله

[dr.princess]

سمية باقى الحاجات جميلة اوى ماشاء الله

[أم إياد]

ربنا يتمم لك بخير يالولو..

حلوة الحاجات اللي جبتيها ياسمية..
انا طبعا لسه بدري اني اجهز حاجات النونو من دلوقتي
بس انا مش هاجهز اصلا .. انا عندي حاجات كتير كنت جايباها لاياد.. لسه بلفتهم مااتفتحوش.. هيفضلوا للي جاي ان شاء الله ولد ولا بنت هالبسها الولادي برضه ماانا كنت شارياهم ومالحقتش اتهنى بيهم .. ارميهم يعني؟
ههههههه

[somia]

لولو الكوفرتة اللي فيها غطاء للرأس وبتبقى أتقل بكثيييييييييييييير من اللفة

[dr.princess]

ملك طيب الحمدلله والله كتر خيرهم انهم اخروه شوية علشان تفرحى معاهم

[somia]

أم إياد , لولو الله يبارك فيكي ..
لوكة اصبري شوية انا مبقتش اعرف ادخلك بدري اطلاقا

[أم نورين2012]

حببتي يالولو بلاش أحسن مخليش ولاتفتوفه أنابموت فالفراخ المشويه
علي الفكره أنا كمان هاخرج عشان جوزي خلاص راجع من الشغل بس وعد بكره هاقوم من بدري أقعد معاكم
معلش يالولو والله ماشفتك الصبح

[أم إياد]

لولو هي الفراخ دي اللي انتي كنتي باعته طريقتها ع الرابط ولا دي طريقة تانية؟

بتحطي عليها ايه؟ وبتقضي كل تسويتها في الفرن؟ بتاخد اد ايه؟

[أم نورين2012]

الحاجه الباقيه حلوه أوي ياسوما وزوقها رقيق

[أم نورين2012]

أم إياد لأ طبعا ماترميش الهدوم علي أقل لبسي النونو في البيت هو إياد عنده أد إيه

[dr.princess]

ام اياد انا بحط عليها بصل وثوم مفرومين وزبادى وخل وزيت زيتون وملح وفلفل وقرفة وكارى وحبهان مطحون وبهارات فرااخ
وبعمل فتحات فى الفرخة واحط الخليط واسيبها شوية محترمين
وبسويها فى الفرن ممكن مثلا ساعة الا ربع بغطيها بورق فويل وبحطها تحت خالص ولما تستوى بحطها تحت الشواية تاخد لون
وبتطلع زى الصورة اللى كنت حاطاهاا

[dr.princess]

ميرى تعالى اتفضلى ولا يهمك
بس ابعدى عن الصدر بتاع جوزى الراجل شقيان طول اليوم ههههههههههه خلينا فى الورك بتاعى نخمس فيه هههههههههههههه انا كده كده مش باكل غير نصه

[somia]

ميري ربنا يباركلك وعقبال ما نفرح بخبر حملك عاجلا غير اجل .. يا جماعة معلشي هاضطر امشي الوقتي

[توتة السيد]

ازيكم ياحلوات دخول سريع ندحرج التماسي

[dr.princess]

ايه الحركات دى كل الناس خلعت ولا ايه

[توتة السيد]

اه علي الاكلات الحلوة دي تسلم الايادي يالولو

بس بقي خليلي حته والله الفرخة مطلعها اسويها ومن قله النوم هروح انام ومش هسوي لما قوم بقي

البت الشقية دي منوماني 11 الصبح انهاردة

[توتة السيد]

والله مشتاقة للنوم العميييييييييييييك

[dr.princess]

الانبوبة فضت يا رجالة اهىء اهىء اهىء

[dr.princess]

ازيك ياتوتة معلشى ربنا يعينك ياحبيبتى

[او جني]

السلام عليكم
انا مصرية من القاهرة
وانهاردة بس عملت تحليل اختبار حمل في البيت
والحمد الله لقيت نفسي حامل
سؤالي انا اول حمل بعد العملية القيصرية مكنتش حاسة بانقبضات الرحم (المغص)
اما الحمل التاني كنت اتمني اموت وارتاح من الالم لاني كنت بولد ببنج كلي

ودلوقت عايزة اعرف هو انا لو ولدت بنج نصفي حيبقي في الالم برضو
ارجوكم ردددي عليا

[dr.princess]

ام جنى مبروووووووووك الحمل
والله معنديش اى فكرة ربنا يكملك على خير ان شاء الله

[أم إياد]

ايه يابنانيت ماحدش فاتح غيري؟

[نولارا]

انا جيييييييييييييييييييت حد هنا ولا كالعاده

[أم إياد]

ازيك يانورا؟
انا هنا من بدري بس ماخدتش بالي انك موجوده ..
اهلا بيكي.. انا جديدة في الجروب هنا..

[gogo]

السلام عليكم
ازيكم يابنات
ام اياد تسلمى على الدعوه الحلوه وربنا يقومك بالسلامه وتجيبى احلى نونو

[ام يحيي 2011]

فى حد هنا يا بنات

[ام يحيي 2011]

طيب وحشتونى أوووووووووووووووووى

وأبقوا طمنونى عليكم يا حلوين

[أم نورين2012]

مساء الخير أنا جيت أنا حبيت أمسي عليكم لو حد موجود ياريت يكلمني أحسن أنا أعده لوحدي أهئ أهئ أهئ

[توتة السيد]

انا جيت نورت التجمع هههههههه

[somia]

السلام عليكم ورحمة الله وبركاته..
حد هنا؟؟؟

[أم نورين2012]

أهلا ياتوته
أزيك ياسميه من زمان أوي متكلمناش مع بعض عامله إيه ياحببتي وهاتولدي أمته علي خير أن شاء الله

[توتة السيد]

ودلوقت عايزة اعرف هو انا لو ولدت بنج نصفي حيبقي في الالم برضوارجوكم ردددي علياام جني الف مبروك علي الحمل وربي يكملك علي خير ويخليلك جني بالنسبة للبنج النصفي مش هتحسي باي حاجة انا لسه والده من شهر تقريبا واخدت بنج نصفي وماحسيتش باي شئ وكانت ولادة طبيعي الحمد لله فمش هتحسي باي شئ وربنا يقومك بالف سلامة

[somia]

معلشي يا ميري هاضطر اطلع الوقتي وهحاول ادخل تاني باذن الله تعالى

[توتة السيد]

اهلا بيكي ياميري اخبارك ايه وحشتينا

[توتة السيد]

انتي لحقتي ياسومة رايحة فين

[gogo]

السلام عليكم
حد هنا يابنات

[أم نورين2012]

إيه ياجوجو هو أنا وأنتي بتوع اليل ولا إيه

[أم نورين2012]

المرادي بقي ياجوجو عايزين نتكلم مع بعض شويه ماشي ياقمر

[gogo]

شكلنا كده ياميرى مفيش غيرنا بيسهر بس لولو فتره وفتره
المرادى فعلا مش عايزين نتوه من بعض انتى عامله ايه انهارده

[gogo]

ميرى انتى روحتى فين

[Rania Negm]

بنات السلام عليكم

أنا مصرية بس عايشة فى جدة
ومرعوبة مووت عشان هولد هنا بعيد عن اهلى وخبراتى قليلة جداا وتايهة بين الدكاترة وربنا ييسر الحال
خليكوووووووووو معاياااااا

[gogo]

رانيا اولا اهلا بيكى ف التجمع وربنا يقومك بالسلامه
متقلقيش بنات كتير بيولدوا ف الغربه بس انتى حواليكى معارف هناك صحبات او كده يكونوا معاكى

[أم نورين2012]

جوجو أنا كويسه الحمد لله أنتي عامله إيه ياقمر لولو بتصحي الأيام دي تقريبا بعد الفجر عشان بتنام بدري

[أم نورين2012]

رانيا منوره ياحببتي أخيرا لقيب واحده عايشه معايا في جده يلا يارنوش همتك بقي أعرفيلي دكاترت الحمل الكويسين عشان لماربنا يكرمني أتابع معاهم أن شاء الله بالنسبه للولاده متشليش همه ياحببتي وأن شاء الله ربنا يقفلك ولاد الحلال

[gogo]

انا كويسه الحمد لله ياميرى
لولو بتقضى اسبوعين بتبقى هنا باليل واسبوعين الصبح حسب مواعيد شغل جوزها
والبنات هنا عاملين ايه بقالى كتير مكلمتهمش ابقى وصللهم سلامى

[Rania Negm]

انا يا جوجو معايا مراتات اصحاب زوجى

كتيييييييييير جدا الحمدلله
المشكلة انو الدكاترة هنا جننونى قبل كدا كنت حامل مرتين وحصلى اجهاض دوخونى السبع دوخات
وكانت نفسيتى زفت بسبب ان محدش منهم صريح معايا . همهم انى اعمل اكبر قدر من التحاليل والاشعات اللى بيستفيدو منها وخلاص

متحلتش مشكلتى اللى طلعت تافهه جدا غير لما نزلت صر ورحت لدكتور شريف الغيطانى الله يكرمه وعرفنى المشكلة والحمدلله حملى استمر المرة دى وانا فى نهاية السابع

فأنا متعقدة من الدكاترة هنااااااااا ربنا ييسر وتكون ولادتى وحملى ساهلين محتاجش فيها لدكتور يعالجنى ويدوخنى معاه

[أم نورين2012]

إيه ياجوجو هو أنا أجي أنتي تروحي أحنا بنلعب ولا إيه

[Rania Negm]

ميرى مبسوووووووووطة انك معايا من جدة

ان شاء الله ربنا يكتبلنا الخير هنا .. انا بتابع فى السعوودى الالمانى بسلما اولد ان شاء الله هغيرها

[gogo]

لا ياميرى متقلقيش انا هنا
رانيا انتى حملك الى فات كان اجهاض نوعه ايه وطلع السبب ايه معلش هو تطفل بس انا اجهضت بردوا وقالوا مفيش سبب والواضح من كلامك انهم بردوا كانوا بيقلولك مفيش سبب

[أم نورين2012]

أن شاء الله ياجوجو همه أكيد أنتي حشتيهم أخبار سوريا معاكي إيه يارب تكوني مبسوطه ويكون وشها خير عليكي
رانيا: ربنا يبشرك بالخير ياحببتي وأنا اللبقول أن هنا اللولاده أحسن من مصر بس علي فكره في مستشفيات هنا نضيفه وكويسه علي العموم ربنا يكملك علي خير ياحببتي

[gogo]

ميرى انتى بدءتى مشوار الدكاتره ولا ايه

[أم نورين2012]

أيوه السعودي الألماني مستشفي جميله جدا وكويسه أنا رحتها كذا مره

[أم نورين2012]

أيوه السعودي الألماني مستشفي جميله جدا وكويسه أنا رحتها كذا مره وكنت هاقولك تبعي فيها وكمان مستشفي الجامعه

[gogo]

والله ياميرى انا لسه مش عارفه احس مبسوطه ولالا هنا لسه الوضع جديد لما استقر هيبان رحت انهارده مكان اسمه باب تومه حلو اوى فيه جو تراث كده

[أم نورين2012]

لأ والله ياجوجو بس أتفقت أنا وجوزي أنا لما يعدي ست شهور من جوزنا نروح نشوف إيه الأخر الحمل وباقي شهر علي الأتفاق

[gogo]

صح ست شهور فتره كويسه هما كل الدكاتره بيقولوا سنه الناس تنتظر فيها بس طبعا ده مينتبقش على الست العربيه دى بتبقى عايزه تحمل من اول شهر

[أم نورين2012]

أن شاء الله تتبسطي هناك أسمع أن سوريا حلوه وأهلها كويسين أنته عارفه مرات أخويا هتمو وتروح سوريا ومتابعه كل حاجه عنهم حتي كلمها بدأ يكون زيهم*

[أم نورين2012]

عارفه أنا قبل ماتجوز كنت بقول أنا هاخد حاجه تمنع الحمل وحمل بعد سنه ولاحاجه دلوقتي كان نفسي من أول الجواز خصوصا دلوقتي بعد أسئلة حماتي يلا ربنا كريم

[gogo]

هى بلد حلوه وفيها شبه كبير من مصر بس ف الاخر الغربه غربه تعرفى انا عشت ف قبرص سنه محستش بجمالها الا لما مشيت لانى كنت بصالها على انها غربه مش فسحه

[أم نورين2012]

هو أنتي جوزك بيشتغل إيه

[gogo]

مهندس اتصالات وانتى

[أم نورين2012]

حاولي تتمتعي دلوقتي بالمكان النتي عايشه فيه وفكري ديما أن ده وقت وهاترجعي بلدك قريب وربنا أن شاء الله يكون ونيسك وونيسي في الغربه
رانيا أنتي رحتي فين زهقتي بسرعه مننا

[أم نورين2012]

أنا رئيس حسابات

[gogo]

ميرى انتى عندك كام سنه ودرستى ايه

[أم نورين2012]

أنا عندي 18 سنه أنا كنسلت السنادي عشان أتجوزت فيها بس أن شاء الله سنه جايه هاكمل أعلام وأنتي عمرك أد إيه ومعاكي إيه

[Rania Negm]

جوجو انا حصلى اجهاض متكرر

لان فى نفس التوقيت بعد خمس اسبيع يحصلى اجهاض

ياعنى مجرد ما اعرف انى حامل يحصلى بعدها بيومين يحصل نزيف زى البريود

عملت كمية تحاليل ماهولة وخلونى اوقف الحمل لحد ما نعرف السبب

ولما نزلت مصر رحت لدكتور كويس جداا .. مخلانيش اكمل كلامى وقالى السبب

ان الاجهاض بيحصل بدرى جداا عشان عندى قصور فى الدورة الدموية ياعنى الدم موش بيوصل للمشيمة

فكنت محتاجة بس اسبرين اطفال عشان يعملى سيولة فى الدم

[gogo]

ميرى انتى صغنونه اوى
انا عندى 24 ومعاكى بكالريوس تجاره

[Rania Negm]

ميرى صغنتوتة خالص دانا على كدا بقيت تانت رانيا

انا كنت فاكرة نفسى صغيره هههههههههههههه

[Rania Negm]

ميرى لو زى ما فهمت انتى متجوزة السنة دى ومحصلش حمل متروحيش لدكاترة دلوقتى خاااااااااالص واستمتعى بالوقت ده انتى وجوزك

دى اجمل فترة هتمر عليكى فى جوازك
اسألينى انا

[أم نورين2012]

أنتي عندك أد إيه ياتانت رانيا هههههههه
معلش ياأبله جوجو نسيت أقولك من الأول بس لولو وملك وسميه كانوا عرفين بعدين الصغنن مسيرو يكبر

[gogo]

انا اجهاضى كان مختلف كان توقف نبض الجنين ف الاسبوع ال 8 وقالوا مفيش سبب ولما رحت مصر من قريب وقلت لدكتورتى على موضوع الاجهاض قالتلى نفس الكلام يمكن الغذا مكنش بيوصل للجنين
انتى بقى يارنيا عندك كام سنه

[Rania Negm]

انا بقالى سنييييييييين موقفة نفسى عند 19 سنة ومحدش يجرؤ يستفسر :) بس طالما انتى 18 لابد من الاعتراف انا 25 ربيعا

[أم نورين2012]

أنتي متجوزه من أمته يارنيا بس المشكله أني نفسي أجيب نونه أوي عشان نكون كتاكيت زي بعض

[gogo]

من ناحيه كتاكيت ف انتوا هتبقوا كتاكيت خالص ياميرى
انتى يابنتى متستعجليش على نفسك انتى صغيره ياميرى عيشى حياتك شويه

[أم نورين2012]

الأعترافات المحرجه ياخراشي علي دمك والله دخلتي قلبي أنتي ساكنه في جده
جوجو هو حملك حصل بعد أد إيه من الجواز

[gogo]

بعد الجواز بشهرين جوزى سافر وانا رحتله بعد شهر وحملت ف نفس الشهر

[أم نورين2012]

والله ياجوجو عيشاها علي الحمد لله مع جوزي بطول ولعرض وهو كمان بيعملني كأني قططه الظغنونه وعلي طول يقولي لما تعقلي شويه وتكبري يامجنونه هبقي أفكر في موضوع الحمل بس من جواه نفسه أنا حاسه بيه

[أم نورين2012]

الأعترافات المحرجه ياخراشي علي دمك والله دخلتي قلبي أنتي ساكنه في جده
جوجو هو حملك حصل بعد أد إيه من الجواز

[gogo]

بس زى ما قلتلك ياميرى الشهر الى حملت فيه مكنتش بفكر ف الحمل نهائى جربى تنسى الحمل وانتى تحملى ان شاء الله

[أم نورين2012]

سوري ياجوجو لتكرار الكلام بس غصب عني
وبقالك أد إيه متجوزه

[Rania Negm]

؟؟؟؟؟؟؟؟؟؟؟؟؟؟؟ نمتوووووووو ؟؟؟؟؟؟؟؟؟؟

[أم نورين2012]

أنا الشهر ده ماشغلتش بالي بيه أبدا عشان أهلي جم من مصر ويارب خير

[Rania Negm]

النت وحش عندى جداااا..

انانسيت كنت بكلم مين وكنت بتكلم فى ايه :×

[gogo]

بقالى سنه و3 شهور
رانيا انتى ف الشهر الكام شكلك قربتى تولدى

[أم نورين2012]

أيوه لما جات سيرت بقالك أد إيه متجوزه قام مهنج متهربيش من سؤال وجوبي

[Rania Negm]

هو انا بس اللى بيحصل عندى كدا ؟؟؟ اعمل ريفريش او اخرج وارجع الصفحة مافيهاش اب دييت ... غير لما اعمل رد .

[Rania Negm]

لا والله ابدا يا ميرى ليت الشباب يعوود يوما ... انا شهر 10 اللى فات كان اول عيد جواز لينا ياعنى سنة واربع شهور ... مانا عشان كدااا بقولك كانت اجمل ايام قبل الحمل كنا براحتنا وبنتنطط وانا كنت بصحتى دلوقتى انا عاملة زى الست الكبيييييرة بقيت عضمة كبيرة وبيفضل هو يقلدنى فى مشيتى ويتريق عليااااااااااااااااااااا

فوالله كل مرحلة ليها جمالها استمتعى بيها بالطول والعرض

.. جوجو انا فى الشهر السااابع فى آخره وحاسه انى هولد على نفسى خلاص

[أم نورين2012]

أنته بتعملو التوقيعات الصور أزاي أنا عاملت ومش عايز يظبط

[Rania Negm]

موش عاااارفة .. انا جت معايا بالصدفة .. عاوزة اعمل حاجة تانية وموش عارفة

[gogo]

عادى بتكتبى الكلام الى عايزاه ف التوقيع ولو هضيفى صوره بتختاريها بس خدى بالك فيه مربع صغير لازم تعلمى عليه علشان بضيف الصوره لتوقيعك

[Rania Negm]

جوجو انتى حامل فى شهر الكام ؟؟؟ وانتى هنا فى جده بردو؟

[أم نورين2012]

ههههههه
بقيت عامله زي البطه يارانيا يلا أنا هاتريق عليكي بكره يجي الليتريق عليه
بالعكس‏ ياحببتي الواحده لماتكون حامل بتكون دلوعه وزي القمر

[gogo]

لا انا مش حامل حاليا يارانيا
انا الوقتى ف سوريا ياريت ف يوم من الايام انقل جده اومكه اى مكان ف السعوديه

[Rania Negm]

دلوووعة ؟؟؟ وزى القمر ؟؟؟؟؟ انا كنت دلوعة اه دلوقتى بقى بقيت غلسة ورخمة وخلقى ديق ونفسى ديق ومناخيرى منفوشة وصوابعى منوفخة وحاجات كتيير بتكبر مع نفسها كدا

[Rania Negm]

والله كله زى بعضه يا جوجو كله غربة .. اللى بيصبر الواحد هنا انو جمب الحرم دى اجمل حاجة

[gogo]

هههههههههه متقلقيش يارانيا كل دى ميه ف الجسم اول ما تولدى بالسلامه هتروح
انتى بتفكرينى باختى كانت رجلها واديها منفوخين زى متكون 100 كيلو وهى مفهاش اصلا

[أم نورين2012]

جوجو أنا أهلي عيشين في مكه وأنا عايشه في جده فقدر أرحب بيكي بالتنين

[gogo]

ربنا يخليكى ياميرى يارب انا حتى لو مجتش اعيش هناك ان شاء الله هاجى ف يوم من الايام احج واكيد ان شاء الله نتقابل

[أم نورين2012]

يابنات مش عايز يظبط بيقولي أني مش مشترك في مواضيع عشان يظهر ممكن واحده منكم ياحبيبي تعملهولي وطحت صوره علي ذوقها تليق بيه

[Rania Negm]

بتهيألى لازم تعمليه بنفسك

[أم نورين2012]

تنوري ياقمر