دردشة حوامل مصر - دردشة بنات مصر - تجمع حوامل مصر

[أم نورين2012]

إيه ده بصره تاني هو أنتو قرايب كمان عامله زي ياحببتي المشكله أن ماما وبابا نصحوني كتير قبل الجواز بس تقولي إيه مرايه الحب عاميه
ولا يهمك ياقمر خودي رحتك علي أخر في الكلام أحنا أخوات

[gogo]

ميرى كل سنه وانتى طيبه

[dr.princess]

جوجو والله عندك حق
ده انا حماتى وحمايا فضلوا يسالوا بهبل لحد ماجوزى قالهم احنا مش مستعجلين وكله رزق ربنا ولما يحصل حاجة هنقولكم فطبعا حماتى مارتاحتش وراحت بعدها سألت ماما تقولها انتى ليه ماقولتيلهاش الحاجات اللى تعملها علشان تحمل شفتى قلة .....

وبالنسبة لجارتى عملت كذا حاجة كده معجبتنيش فبقيت بقصر معاها كده احسن انا مرتاحة هى كانت معرفة غلط من الاول

[dr.princess]

ميرى لالالالا احنا مش قرايب ولا حاجة
بس انا بحس ان القرايب يعنى لو حصلت مشكلة محدش بيعرف يتكلم والحقوق بتضيع وبصراحة شفت كذا واحدة حماتها واخدة راحتها على الاخر علشان خالتها ولا عمتها فبتيجى عليها بخسارة

[gogo]

دنتى حماتك جباره اوى يالولو بس كويس ان جوزك صدهم
والحمد لله انك حملتى وسكتيهم
بعد الولاده بقى تقلك هتخاويه امتى هههههههههه

[أم نورين2012]

جوجو‏"‏ وأنت طيب ياجميل عقبال السنه الجايه لمانكون حوامل أن شاء الله وتكون لولو بقي ولدت وحامل تاني هههههههه

[gogo]

ههههههههههه ميرى لولو كده هتبقى ارنبه

[gogo]

لولو مش جارتك دى مصريه

[dr.princess]

لالالالالالالالالا حمل وولادة تانى بعد سنة حرام عليكى
طيب خلى حماتى تنطقها كده وبالشبشب على طول هههههههههههههههههه جايز تعملها لان بنت بنتها يادوب سنة و 9 شهور وحملت اهى شهر ونص ولا شهرين

[أم نورين2012]

عارفين أناحماتي مابتسألنيش أنا بس بتسأل جوزي ومش بيحبك السؤال غير وأنا جنبو وطبعا أول ماتيجي الدوره يجري يقولهاأ
أما يالولو علي المشاكل فأنا فعلن وقعه فيها من تاني أسبوع الفرح

[dr.princess]

اه مصرية يا جوجو والله انا اعرف سودانيات هنا برقية المصريات ومن غير زعل وعارفة برده كذا واحدة مصرية كويسين اوى برده ( السودانيات والمصريات دول مراتات اصحاب جوزى مش جيرانى )

[أم نورين2012]

بس قولولي حمواتكم مسيطره علي جوازكم‏!‏

[gogo]

انتى ياميرى لازم تتفقى مع جوزك ان ده شىء يخصكوا انتوا
هما الاهل لو عليهم هيسالوا كل يوم ابنهم هو الى يقدر يسكتهم وهو الى يخليهم يتمادوا بردوا

[dr.princess]

ميرى ماهو السؤال مش لجوزك لا ده زى مابيتقال الكلام ليكى يا جارة
وبعدين سامحينى ازاى جوزك يقولها دى حاجة خاصة جدا جدا مينفعش تتقال
وعلى المشاكل طبعا انا توقعتها من كلامك فى الاول

[gogo]

انا الحمد لله جوزى حتى قبل ما يعرفنى مع نفسه ميحبش حد يدخل ف اموره واهله حفظينه على كده ف مفرقش بعد الجواز هما محولوش يدخلوا ف حاجه علشان عارفين ابنهم ميحبش حد يدخل ف خصوصياتوا الا انا طبعا ههههههه

[أم نورين2012]

ياحببتي علي رأي ماما ده أبن أمو هههههه

[dr.princess]

جوجو معاكى حق 100 فى ال 100
انا لما جوزى قالهم تقريبا كده انهم مايسالوش انا ارتحت واتبسطت جدا ولما قلتله كويس انك قلتلهم كده وان كلامهم ماكنش عاجبنى وانى كده هرتاح مستحملش الكلام عليهم واتخانقنا خناقة لرب السماء الله مايوريكم
فتيجى من جوزك ماتجيش منك انتى ياميرى

[gogo]

ميرى تقدرى تخليه يحفظ خصوصياتكوا ده جوزك الوقتى انتى الى عايشه معاه تقدرى تطبعيه على كده اتناقشوا مع بعض بهدوء وحاولى توصليله انك حابه ان الى جوا بيتكوا لا اهلك ولا اهله يعرفوه

[dr.princess]

لالالا انا جوزى الحمدلله مامته مش مسيطرة عليه بس بحس انه بيحبهم بزيادة ومابيستحملش عليهم الهوا الطاير ولو جات سيرتهم ولو حتى شايف حاجة غلط منهم عمره مايعترف وانا اللى دايما غلطانة ووحشة فى حقهم ودايما بتحصل مشاكل بينا على كده
بس بقول كده ارحم من انه يبقى حد مسيطر عليه

[أم نورين2012]

عارفين يابنات أنا لما أكلمهافي التليفون تتصل وتكلم ماما وتقلها أني كلمتها ومبسوطه أوي وتقول لماما حبيت أطمنك عليها تردماما وتقلها ماهي بتكلمني كل يوم عشان أنابكلم حماتي مره في الأسبوع

[gogo]

يالولو مهو على راى المثل ادعى على ولدى واكره الى يقول امين

[dr.princess]

ايوه يا ميرى انتى فى ساعة روقان كده ممكن توصليله ايه اللى يتقال لمامته وايه اللى مينفعش يتقال وان لازم يبقى فى حدود فى الكلام

[أم نورين2012]

ماهيا المشكله يالولو أن هو مش بيطئ كلمه عليهم بزات علي أمو هيادي مش سيطره بزمتك

[dr.princess]

ميرى مانا بقول لماما ياريت ولادى يحبونى زى ما جوزى بيحب اهله

[gogo]

ياميرى مهو انتى لازم تزوقى الكلام بردوا قوليلوا مامتك زى مامتى وانا عايزه اتفق معاك على ان خصوياتنا لا تعرفها مامتى ولا ماتك انا وانت وبس يعنى حسسيه انك بتتكلمى على اهلك قبل اهله وكام كلمتين حلوين ف النص وبس عمره ما هيزعل من الكلام بدام اتقال بالطريقه دى
لاكن انتى اكيد بتقليله مامتك قالت وعملت ومش من حقها وكده ف لازم يزعل

[أم نورين2012]

أنتي عارفه أنا تعبت منها دي مخليه جوز بنتها خاتم في صبعا من أيام الخطوبه عملتها أزاي معرفش بس العيب من ماما ماعملتش زيها هههه

[gogo]

وصدقونى يابنات الزوج كل ما بيلاقى مراته استحملت اهله ف حاجه هو الى بيدافع عنها وبيقف معاها قصادهم وبيحطها فوق راسه وبيقول كده للكل وهو ده الى عايزينه ف نصيحه اوعى تحسسيه انك واخده موقف عدائى منهم

[أم نورين2012]

عارفه ياجوجو أنه أول ماتجوزنا قالي كده بس أنا غابيه سمعت الكلام عارفه يالولو يوم الخميس ريحين لأخويا بخناقه وبيقولي بتقولي لمرات أخوكي كله حاجه طنشتو ودخلت نمب

[gogo]

والله ياميرى فيه حموات اوحش من كده بكتير انا بسمع بلاوى

[أم نورين2012]

نفسي أخليه يسمع كلامي أزاي؟‏!‏

[أم نورين2012]

بس عارفين رغم ده كله أنا عارفه أنه هو بيموت فيه والله مش حارمني من أي حاجه متعوده عليها في بيت أهلي ومدلعني أخر دلع بس أنا شاكه أن ده الغايظ حماتي عشان همه أصلا ماكنوش موفقين علي الجواز بس حبيبي صمم وتجوزني والله بحبه

[gogo]

ياميرى سهله اوى انتى زى ما قلتلك اتكلمى عن اهله كويس ودايما حسسيه انهم زى اهلك وعامليهم زى اهلك
ساعتها لو زعلوكى هو هياخدلك حقك وهيسمع كلامك لانه شايفك مش غلطانه ف حاجه
انتى كمان لسه ف بدايه حياتك معاه ف لسه بتتطبعوا بطباع بعض بكره لما تفهميه كويس هتعرفى تتصرفى معاه
ومدوريش ياميرى على انك تخليه يسمع كلامك لادورى على انك انتى وهو تبقى شخص واحد قرارتكوا مشتركه مبينكوا بس
حياتكوا مقفوله عليكوا انتوا بس اى راى تانى غيركوا يبقى استشارى مش اساسى

[أم نورين2012]

كانت الأستاذه عايزه تجوزه بنت خالتو بس الحمد لله أتجوزت ومطلع عين حمتها ومشي جوزها علي عجين ميلخبطوش

[gogo]

لولو انتى نمتى ولا ايه

[أم نورين2012]

طبعا حماتي بعد ماشافت كده حمده ربنا عليه ووفقت علي طول

[gogo]

هههههههههههه ميرى كنتى سبتى حماتك ليها كانت ظبطتها

[أم نورين2012]

عارفه كان نفسي تشوف منها يومين بس

[أم نورين2012]

هو أنتي ياجوجو عمرك أد إيه ومتجوزه من امته ومنين من مصر

[أم نورين2012]

أنتي فين يالولو

[gogo]

انا عمرى 23 سنه
متجوزه من سنه
ومن الهرم
وانتى

[dr.princess]

معلشى يا بنات حسيت انى تعبت فجأة هقفل دلوقتى سلالالام

[أم نورين2012]

ياااااه أخيرا لقيت واح قريبه من سني أنا من أسكندريه عمري 18سنه وأربع شهور متجوزه من 3شهور وأسبوعين

[أم نورين2012]

ياااااه أخيرا لقيت واحده قريبه من سني أنا من أسكندريه عمري 18سنه وأربع شهور متجوزه من 3شهور وأسبوعين

[أم نورين2012]

ألف سلامه عليكي يالولو روحي رايحه ونشوفك بكره أن شاء الله وأنتي كويسه

[gogo]

لولو مالك يابنتى قلقتينى

[أم نورين2012]

وأنتي ياجوجو هتنامي أمته

[gogo]

انا ياميرى مليش مواعيد حسب ما شحنى يفضه بلاقى نفسى عايزه انام بنام

[أم نورين2012]

جوجو أناكما هاروح أنام عشان بقيت بصأت خلاص

[أم نورين2012]

ولا نتكلم مع بعض شويه

[gogo]

تصبحى على خير ياميرى اشوفك على خير ام شاء الله

[ماما قلقانه]

انتوا فين يا بنات وحشتونى.كده تدخلوا بالليل من ورايا يا خونه .مبروك رجوع دودى بالسلامه للمنتدى كنتى وحشانا يا قمر.ومبروك يا سميه على البنوته ربنا يفرحك بشوفتها بخير يا حبيبتى ومبروك لملك ولولو على هدوم البيبى عقبال ما ييجوا بالسلامه ويتهنوا بيهم يا حبايبى.انا كمان جوزى بعتلى هدوم للبيبيهات امبارح ولسه هيجيب الباقى لما يرجع ان شاء الله.ربنا يكملنا على خير ان شاء الله.مستنياكم عشان افرجكم عليهم وتقولوا رايكم.يلا سلام.

[دمعه حزن]

انا مصريه ولسه محملتش ومش عرفه اعمل ايه ممكن تردى انا جوزى مسافر وهيغيب عنى فتره وكان نفسو افرحو قبل ميسافر انا متزوجه من 4 شهور ولم يحدث حمل وزهبت للطبيب مرتان المره الاولى اعطانى حقنه والمره الثانيه اعطانى برشام كلوميد ونفس الحقنه للتنشيط ومع زلك من ساعه ماستعملت المنشطات كانت الدوره تجينى قبل ميعادها باسبوع مالالحل

[somia]

أختي دمعة حزن ...
متستعجليييييييش لسة بدري على الحمل المفروض اصلا متروحيش تكشفي الا بعد مرور سنة على الزواج .. بصي انا هقولك على الطريقة اللي ربنا كرمني بيها طبعا الدعاء والاستغفار على الاقل 100 مرة في اليوم والصدقة بنية الحمل واياكي اياكي والذنوب اتركيها كلها وطبعا عليكي برضاء زوجك وامه وامك وتخليهم يدعولك على طول وصدقيني هتلاقي ربنا كرمك بس اما تطلعي الصدقة طلعيها وانتي واثقة بكرم ربنا مش تطلعيها تجربة .. وربنا يكرمك عاجلا غير اجل يااااااااااااا رب

[somia]

انتى حطيتى نفسك فى موقف مش كويس انك قولتى لناس وسبتى ناس طبعا اللى انتى ماتصلتيش عليهم استحالة يتصلوا عليكى لانك ماقولتيش لهم زى الباقى واذا اتصلوا عليكى هيعاتبوكى انهم عرفوا من برة
وبالنسبة لخالاتك مش لازم انتى اللى تقولى ممكن مامتك هى اللى تقولهم
ملك والله العظيم الناس دي انا ما قادرة اقولهم يا بنتي انا دوقت منهم كثير قوييييييييييي اما تقدري تقولي كده كرهتهم وبعدين عمتي مثلا بنتها كانت في السادس وحتى ماقالتليش دا انا عرفت بالصدفة كده واصلا مبتتصلش حتى تسأل عليا اطلاقا أقولها ازاي وعمي اللي قولت لمراته حتى مكلفش خاطره واتصل بيا يباركلي .. عارفة مرات عمي اتصلت بيا امبارح انا فرحت قوي قت اخيرا بيسألوا ويطمنوا أتاريها متصله تسألني رحت الدكتورة ولا لأ عشان تعرف الدكتورة قالتلي انا في الشهر الكام عارفة بعد اما قفلت معاها قلت في بالي انتي مكنتيش تتصلي بيا أحسن من اللي عملتيه ده

[somia]

أما عن خالاتي يا ملك فأنا أصلا مش عايزة أقولهم لأنهم والله ما يستاهلوا يعرفوا برضه لاني من ساعة ما اتجوزت تقريبا محدش فيهم اتصل بيا الا عشان يبقى شكله حلو قدام ماما يعني بيتصلوا يقولولي ابقي قولي لماما ان احنا بنتصل نسأل عليكي مفيش غير خال واحد ليا هوه اللي كان نادرا ما يتصل بس بيتصل يتطمن فعلا وانا قلتله خلاص اما الباقي فأكيد هيعرفوا منه بس ميبقاش مني لاني مش هأدور ألف على الكل أقوله عارفة لو حد اتصل بيا ممكن اقوله لكن مش هالف عليهم أقولهم

[MALAK2010]

انا هنا سمية انتى موجودة

[MALAK2010]

سمية:معلش وماتزعليش نفسك
انا والله حاسة بيكى
بس ماتركزيش معاهم كتير اللى يعملوة يعملوة
طالما انتى مش غلطانة خلاص وطالما هم اصلا من النوع اللى بيخبى
خليكى فى فرحتك وماتنكديش على نفسك

[MALAK2010]

ماما قلقانة:ازيك يا جميل
مبروووووووووك على الهدوم ربنا يكملك على خير
ومستنياكى تصورى الهدوم علشان نشوفها

[somia]

ملوووووووووووكة معلشي مخدتش بالي انك هنا .. كنت بذاكر اللي فاتني

[MALAK2010]

سمية :عارفة استغربت hwaml03 hwaml03 hwaml03 hwaml03 والله لما خالاتك لما يتصلو بيكى ويقولولك قولى لمامتك ان احنا بنتصل عليكى

[somia]

صحيح انا اما يجي زوجي هاستأذنه و أصور الحاجات اللي انا جبتها .. اشمنى انا يعني هما صحيح حاجات مفعوصة كده بس برضه أصورها حتى أوريكي المأشوطة دي يعني ايه... ايه رأيك

[MALAK2010]

سمية:رجعالك ثوانى ماتتطلعيش

[somia]

عارفة والله يا ملك انا دمي بيتحرق منهم يعني كلمتين في الاول طبعا انتي عاملة ايه وكده وبعدين ابقي قولي لماما ان احنا بنتصل بيكي ولعلمك مش خالاتي لأ هيه خاله واحدة التانية مبسمعش صوتها اصلا وخيلاني هوه واحد بس والباقيين ولا الهوا

[somia]

و أنا في انتظارك

[dr.princess]

ملك سمية ازيكم يا بنات

[MALAK2010]

ان جيييييييييييت
لولو كمان هنا اية النور دة

[MALAK2010]

لولو:صاحية بدرى النهاردة ياريت كدة كل يوم

[somia]

لولو ازيك يا بنتي عاملة ايه

[dr.princess]

بنوووورك ياملك
طبيعى عندى لخبطة فى النوم وقلقت تقريبا من ساعتين ونص ومعرفتش انام تانى

[MALAK2010]

لولو:اقعدى معانا وسيبك من النوم
افتحوا الحياة البنفسجى

[MALAK2010]

بيتكلموا على (الرجيم) فكرينى الكلمة دى من زمااااااان ماسمعتهاش ههههههههههههههههه

[dr.princess]

ازيك ياسمية انا الحمدلله كويسة انتى اخبارك ايه

[MALAK2010]

سمسم:مبرووووووووووك انك جبتى هدوم لنونو والله فرحتينى اوووووووووووى
ومستنيين الصور

[dr.princess]

حتى مش هقدر اقعد معاكم شوية وهقوم اكمل طبخ
مش عارفة افتح التليفزيون جوزى نايم وبيقلق من اقل صوت

[dr.princess]

سمية انتى جبتى هدوم للبيبى ؟؟ مبرووووووووووووووك

[MALAK2010]

لولو:انا اخيرا معملتش سمك النهاردة بركيلى هههههههههه
عملت مكرونة بالباشميل

[dr.princess]

ملك اخيرااااااااااااااااااااا ايوه كده علشان الراجل ميزهقش

[MALAK2010]

ملك اخيرااااااااااااااااااااا ايوه كده علشان الراجل ميزهقش

اصل انا فى ال 3 شهور الاولى فى الحمل كانت الدكتورة منعانى من السمك معرفش لية
فكنت متشوقة للسمك من ساعة ما بدات الرابع
بس زودتها شويه ههههههههههههههه

[MALAK2010]

لولو:انا قريت انك نفسك فى مخلل
لية مابتعملهوش فى البيت احلى وانضف
انا عملت خيار وبصل والله طلعوا حلوين اوووووى جربى وقوليلى

[dr.princess]

ليه كانت مانعاكى من السمك مع انه مفيد جدا وفى دكاترة بينصحوا انه يبقى مرتين فى الاسبوع غريبة اوى دى

[dr.princess]

جوزى جاب مخلل يونانى طلع حلو
مش عارفة مفكرتش انى اعمله ومادام جاب بقى خلاص

وبعدين انا نفسى فى مورتة مش مخلل

[somia]

لولو وملك يسمع من بقكوا ربنا .. لا طبعا زوجي لسه عايز يستنى اما الخامس يخلص .. بقلوا هتفضل تقولي كدا لغاية اما البيبي يتولد.. كل شهر بيأخر للشهر الي بعده .. انا هاصور حاجات الصيدلية اللي جبتها ..ههههههههههههههههه
لولو لعملك انا سألت الدكتورة على وجع البطن...

[MALAK2010]

ليه كانت مانعاكى من السمك مع انه مفيد جدا وفى دكاترة بينصحوا انه يبقى مرتين فى الاسبوع غريبة اوى دى

انا عارفة بقا
كل دكتورة ولها كلامها ربنا معانا

[somia]

يا جماعة اللي هياكل مورتة ياكلي معاه لحسن هاموت واكلها وانا لسة عندي سمنة مش هاعرف اجيب واسيح بس همووووووووووت عليها

[MALAK2010]

يا جماعة اللي هياكل مورتة ياكلي معاه لحسن هاموت واكلها وانا لسة عندي سمنة مش هاعرف اجيب واسيح بس همووووووووووت عليها
انتى بتقولى كدة وانتى فى مصر
امال اللى برة مصر يجبوها منين
لولو نفسها فيها اوووووى هى كمان

[MALAK2010]

جوزى جاب مخلل يونانى طلع حلو
مش عارفة مفكرتش انى اعمله ومادام جاب بقى خلاص

وبعدين انا نفسى فى مورتة مش مخلل

عارفة انا جربت الزيتون الاسود هنا من كذا بلد معجبنيش الا اليونانى

[somia]

انا في مصر أه بس حد يقولي أجيبها ازاي يعني انا عندي سمنة أسيح تاني ازاي ولا في محل بيبيعها ... لو كده حد ينجدني ويقولي عليه

[MALAK2010]

لولو وملك يسمع من بقكوا ربنا .. لا طبعا زوجي لسه عايز يستنى اما الخامس يخلص .. بقلوا هتفضل تقولي كدا لغاية اما البيبي يتولد.. كل شهر بيأخر للشهر الي بعده .. انا هاصور حاجات الصيدلية اللي جبتها ..ههههههههههههههههه
لولو لعملك انا سألت الدكتورة على وجع البطن...
طيب مستنين الصور
وهانت ياستى مش حجتة لما تخلصى الخامس الايام هتجرى ان شاء الله ماتقلقيش

[MALAK2010]

انا في مصر أه بس حد يقولي أجيبها ازاي يعني انا عندي سمنة أسيح تاني ازاي ولا في محل بيبيعها ... لو كده حد ينجدني ويقولي عليه
انا ماعرفش بتتباع فين عندكم ولا اعرف بتتعمل ازاى
بس اسالى حماتك اكيد تعرف

[MALAK2010]

بتهيالى وش اللبن هو لما يسيح بيعمل سمنة وكمان مورتة

[somia]

ملك بيقولي كده من ساعة التالت قالي اما نخلص الثالت والرابع شرحه وأدي لخامس ..
لولو لعلمك الدكتورةادتني مرهم لبطني وظهري وقالتلي لو استمر هنبتدي ناخد مثبت تاني

[somia]

ملك انا بعرف اعملها يعني بسيح السمنة وبتطلع فعلا بس المشكلة ان عندي فعلا وانا اصلا مش بستخدم سمنة كثير يعني بحط للحاجة شوية سمنة على زيت عشان ما اتعبش فلو عملت تاني هيبقى حرام

[MALAK2010]

ملك بيقولي كده من ساعة التالت قالي اما نخلص الثالت والرابع شرحه وأدي لخامس ..
لولو لعلمك الدكتورةادتني مرهم لبطني وظهري وقالتلي لو استمر هنبتدي ناخد مثبت تاني
غريبة انها عطيتك مرهم
انا اعرف المرهم للاستخدام الظاهرى
وانتى عندك مغص
يعنى هو المرهم للعضلات ولا لاية

[somia]

ما هيه بتقولي ممكن يكون عشان البطن ابتدت تكبر فالعضلات بتوجعك فهنشوف كده قبل اما نبتدي ناخد حاجة تانية

[somia]

هيه لولو راحت فين؟؟؟

[MALAK2010]

ممكن تكون قامت تطبخ اصل جوزها فى البيت

[MALAK2010]

سمية:ااسالى على المحلات الكويسة للاطفال علشان ماتلفيش كتير

[dr.princess]

معلشى يا بنات كنت بطبخ
سمية على فكرة المورتة بتتباع سايبة بالكيلو او زى مانتى عايزة فى اى سوبر ماركت كبير شوية هتلاقيها فى قسم الاجبان
جوزى بيقولى انها هنا فى بندة المرة الجاية لما نروح هابقى اسئل عليها ان شاء الله

[MALAK2010]

عارفة انى لغاية الوقتى مش قادرة احس انى حامل وفى الخامس مش عارفة يثبتولى ازاى

[dr.princess]

سمية غريبة اوى حكاية المرهم دى
اصل انا قبل ما اروح للدكتورة يوم ماتعبت كلمت زوج اختى وقالى هتديكى حبوب تهدى الرحم وفعلا هى عطتنى الحبوب دى
طيب هى ماقلتش ايه سبب المغص ده

[somia]

ربنا يعينها يا رب..
ملك عارفة على اد ما انا عايزة انزل على قد ما انا بتعب جدا من الحركة يعني حركتين كده وتلاقيني فطست من التعب مش عارفة هلف ازاي والمشكلة ان المحلات متوزعة في كذا حتة

[dr.princess]

سمية بدل ماتلفى وتتبهدلى
اسألى امل ورنا جهزوا منين وهم اكيد جايبين حاجات نظيفة وانزلى على المحلات دى على طول بدل ماتتعبى نفسك على الفاضى

[somia]

لوو يا رب يكون بجد انا كده ممكن ننزل المحمل ولا اولاد رجب نجيبها لاني بجد هموت عليها ..
ملك.. ههههههههههههههانا اما بروح الدكتورة وتوريني النونو واسمع نبضه بحس انه نونو اه بس بجد والله مش مستوعبه لسة ان الباشا ده جوه بطني عارفة بستوعب بس اما بتعب وبقعد اقوله بالراحة على ماما شوية او اما بينام فوق المثانة وكل 5 دقايق بالضبط الاقي نفسي في الحام بقوله ابوس ايديك سيب المثانة في حالها انا مش قادرة اقوم من مكاني ... وطبعا ولا كإني بكلم نفسي.. هههههههههههههه

[somia]

ما هي المشكلة اني مش عارفة اقابلهم خالص وبعدين صحبتي بتقولي بس المحلات كل محل في حتة

[dr.princess]

الميزة بقى فى المنصورة ان معظم الحاجات اللى تعوزيها تلاقيها فى شارعين طوال شوية ولا اللف والبهدلة على 100 حتة

[dr.princess]

لو عايزانى اسألك رنا بالليل او امل لو دخلت النهاردة مفيش مشكلة

[MALAK2010]

هى امل ماعدتش بتدخل لية لتكون عملتها وولدت

[MALAK2010]

لولو:انتى طبخة اية النهاردة

[dr.princess]

يللا يابنات عن اذنكم بقى اروح اصلى العصر واحضر الاكل علشان جوزى صحى
اشوفكم بعد ساعة وشوية ان شاء الله

[somia]

يا ريت والله يا ولو وانا هاحو ادخل بالليل باذن الله تعالى ..
أسيبكم دلوقتي لحسن لسة معملتش أكل وهموت من الجووووووووووع

[MALAK2010]

لولو :ماشى يا جميل بس ممكن ماكونش موجودة انتى عارفة المواعيد بتاعتى

[MALAK2010]

انتوا الاتنين طلعتوا
وماما مشغولة ومش عارفة تكلمنى وجوزى فى الشغل
اعمل ايييييييية انا الوقتى اهئ اهئ

[أم نورين2012]

مساء الخير ياملك والله وحشتيني سألت عليكي أمبارح لولو

[أم نورين2012]

عامله إيه وإيه أخبار النونو ياجميل

[MALAK2010]

ميرى:ازيك يا جميل انتى عاملة اية
اختفيتى فجاة

[ماما قلقانه]

ازيك يا ملك لسه موجوده ولا خرجتى

[أم نورين2012]

عامله إيه وإيه أخبار النونو ياجميل

[MALAK2010]

انا هنا يا جميل انتى عاملة اية فين الصورة يلا عاوزة اشوف

[ماما قلقانه]

ازيك يا ميرى عامله ايه

[ماما قلقانه]

اخيرا يا بنتى لقيتك.انتى فين امبارح ما ظهرتيش.ازيك انتى والنونو

[أم نورين2012]

ملك يعني هو أنتي سألتي ياوحشه
ماما قلقانه أزيك ياقمر

[MALAK2010]

ميرى:معلش يا حبيبتى بس والله الجمعه والسبت مش بدخل اوووى لان جوزى بيبقا فى البيت اما الاحد بكون على التجمع

[توتة السيد]

هلا والله بالحلوين

منورين القعده تملي

كيف حالكم

[MALAK2010]

توتة:ازيك يا جميل عاملة اية وحشانى اوووووووووى

[توتة السيد]

ميري ازيك ياقمر

ملوكة حبي كيف حالك وحشتيني اخبار الكتكوت/ة ايه

ماما قلقانة عاش من شافك ياقمر عاملة ايه والكتاكيت عاملين ايه

[توتة السيد]

انا الحمد لله حبيبتي بخير انتي وحشتيني اكتررررررررررررر

[MALAK2010]

انا كويسة الحمد لله
بقولك ياتوتة هى الورقة بتاعت المطار بتتعمل ازاى وبتتطلع من المستشفى فى نفس اليوم ولا بتاخد وقت

[توتة السيد]

انتو مشيتوا ولا ايه

[توتة السيد]

لا حبيبتي مابتخدش وقت ممكن تطلع في نفس اليوم بس يكون بدري علشان المسؤلة عن الورقة السكرتيرة يعني بتكون بدري موجودة بس انتي اضمن طلعيها قبل السفر بيوم واحد بس مش قبل كده لانها مدتها 3 ايام بس فانتي اضمن طلعيها قبل السفر بيوم واحد ولو قدرتي في نفس اليوم يبقي خير وبركة

[ماما قلقانه]

اهلا يا توته يا قمر ازى البنوته السكر بتاعتنا ربنا يحميها

[ماما قلقانه]

انا اتاخرت عليكى يا ملك معلشى كنت بصور الحاجه.زوق جوزى باه وما ادراكم.ههههههههههه محدش يضحك

[MALAK2010]

طيب يلاااااااااااا علشان انا هقوم كمان شوية

[MALAK2010]

لا مش هنضحك يا بنتى كفاية انة تعب نفسة ونزل واشترى ربنا يخليهولك

[MALAK2010]

توتة:واية فايدة الورقة دى
يعنى لازم اعملها

[MALAK2010]

انتوا فييييييييين انا قدامى ربع ساعه بالكتير وامشى

[توتة السيد]

انا بخير حبيبتي والبنوتة بخير الحمد لله ربنا يخليكي

[ماما قلقانه]

ايه رايك فى ده.لسه الباقى

[MALAK2010]

سمر: جمال يا حبيبتى يلا كملى مستنينك

[ماما قلقانه]

طبعا فى من كل حاجه اتنين نفس اللون

[MALAK2010]

هو جايب الوان علشان لو ولد او بنت كتر خيرة
هى الدكتورة عرفتك نوع النونات ولا زيى

[ماما قلقانه]

ده الكت .لسه استنوا

[MALAK2010]

بس هو جايب كلة كم لية مش انتى هتولدى فى الصيف
انا جبت الفانلات الداخلية بكت وبنص

[MALAK2010]

يا حبايبى عسل وانتى حطى الفانلتين جنب بعض
عقبال مايلبسوهم بصحة يااااارب

[توتة السيد]

اه ياملك لازم تعمليها مش هيعدوكي من المطار اللي بيها

[ماما قلقانه]

لا يا ملك لسه مارحتش للدكتور .بس حسيت بحركتهم من 20يوم تقريبا.بس مش عارفه ولد ولا بنت

[MALAK2010]

اه ياملك لازم تعمليها مش هيعدوكي من المطار اللي بيها
طيب ان شاء الله هعملها
بس قوليلى اخر معاد لسفر الحامل بتكون فى الكام
انا اسمع انة السابع يعنى فى اولة ولا ينفع فى اخرة

[MALAK2010]

اللكاليك دى عسل اوى بس بناتى خاااااااالص

[ماما قلقانه]

اخدتى بالك من البافته المشمع بتاعة الاكل .جوزى متخيل انهم هيجوا هيقعدوا ادام الحله.ايه رايك يا توته

[MALAK2010]

ههههههههههههه انا شفت البافتات المشمع هنا وانا بشترى بس فعلا كبيرة بس هتستعمل ان شاء الله لما يكبروا شوية
ربنا يكملك على خير ياجميل وعقبال لما تلبسيهم ياااارب

[ماما قلقانه]

كفايه كده النهارده.بكره اصور السرير

[MALAK2010]

ماشى يا جميل الف مبرووووووووووك وعقبال الولادة ان شاء الله
وانا كمان هقوم علشان جوزى على وصول
ومستنية بكرة السرير ان شاء الله

[ماما قلقانه]

خلاص يا ملوكه مع السلامه

[dr.princess]

انا جيييييييييييييييت

[dr.princess]

سمر ماشاء الله تبارك الله الحاجات جميلة عقبال ياااارب ماتلبسيهم للنونات

[MALAK2010]

لولو:يعنى جاية تستلمى النبتشية منى هههههههههههه

[dr.princess]

ملك ياخسارة ملحقتيش يللا ان شاء الله الحقك بكرة

[dr.princess]

ملك طبيعى جدااااااااااااااااا انا لسه هبدأ نبطشيتى
على سؤالك صحيح انا كنت عاملة بانية ومكرونة

[MALAK2010]

انا لسة هنا بس جوزى خلاص على وصول
يعنى هطلع فى اى لحظة

[توتة السيد]

اخر معاد ياملوكة اخر السابع لكن لو دخلتي التامن بيبقي صعب شوية السفر

ماما قلقانة ما شاء الله يجننوا يسلموا يارب اصحابهم ويجوا ينوروا الدنيا

ويعيشوا ويلبسوا

[MALAK2010]

بس انتى النهاردة حاضرة فى النبتشيتين ههههههههه

[MALAK2010]

توتة :انتى بتغطسى فييييييييييييين بتكلمى مين غيرنا هههههههههههه

[توتة السيد]

اهلا يالولو اخبارك ايه واخبار الكتكوت /ة

[MALAK2010]

لولو:اية حكايتك مع البانية
صحيح قوليلى عاوزة اعمل كفتة السمك ابعتيلى طريقتها
لانى جبت سمكة وانا اللى خليتها بس توبة مش مكرراهت تانى اخليها برة احسن
المهم فى حتت اتهدرت معايا فقولت اعملها كفتة

[توتة السيد]

توتة :انتى بتغطسى فييييييييييييين بتكلمى مين غيرنا هههههههههههه

ههههههههههههههه كنت بكلم بعلي ياخيتي اتوحشته

[dr.princess]

اه اعمل ايه بس فى لخبطة النوم اللى عندى دى ماهى كلها كام ساعة وافصل واناملى شوية قبل جوزى مايجى

[dr.princess]

هههههههههههههه انتى بترديلى اللى عملته فيكى بسبب السمك
لا ياختى انا معملتش بانية من شهر تقريبا هههههههههههههه

هكتبلك دلوقتى طريقة كفتة السمك

[dr.princess]

الاول حطيت السمك الفيلية فى فوطة مطبخ علشان يمتص كل المية اللى فيه علشان ماتتهراش فى التسوية
قطعت السمك مكعبات وفى المطحنة او الكبة فرمتة ثوانى وتلاقيه اتفرم ناعم
فرمت بصلة ناعم و2 فص ثوم ناعم وفرمت بقدونس وشبت ناعم بس يادوب كام عود يعطوا ريحة وطعم بس ماتزوديش علشان الكفتة ماتخضرش اوى
وبعدين خلطت السمك المفروم والبصلة والثوم والشبت والبقدونس وتحطى بهارات ملح وفلفل وكمون وكسبرة وشوية بقسماط يمسكهم فى بعض وعلى المطحنة تانى ينعموا كلهم مع بعض وتصبعيهم وفى بيض وبقسماط هتلاقى ريحتها جميلة وطعمها اجمل ان شاء الله
وبس كده وبالهنا والشفا

ملحوظة انا عملت المقادير دى لسمكتين فيلية

[dr.princess]

ملحوظة تانية البصلة تكون متوسطة لا كبيرة ولا صغيرة

[dr.princess]

ملك شكلك كده خرجتى
المهم يارب لما تفتحى بكرة تشوفى طريقة كفتة السمك ويارب تعجبك ان شاء الله

[MALAK2010]

تسلمى يا لولو انا هقراها بكرة كويس لان جوزى جة
سلام يا بنات الوقتى

[توتة السيد]

ياناس ابلة نظيرة معانا عبر اثير التجمع

بجد تسلم ايديكي انا تخيلت الشكل والريحة تحفة

تسلم الايادي وبأذن الله اجربها

[dr.princess]

ماشى ياحبيبتى ولا يهمك واشوفك بكرة ان شاء الله

[توتة السيد]

بس قوليلي يالولو السمك الفيليه ده بتجبيه جاهز يعني لما تيجي تشتري تقوليله عايزة سمك فيليه

[توتة السيد]

سلام ياملوكة نشوفك علي خير

[dr.princess]

هههههههههههههههههه يا كثوفى هههههههههههههههههههه اخجلت تواضعنا
والله طلعت جميلة ماشاء الله جربيها يا توتة
جوزى مقولتلوش دى كفتة ايه وبعد اول قطمة فضل عجبته وفضل مستغرب بيفكر دى ايه وقالى دى ايه قلتله كفتة سمك قالى هى حلوة اوى بس مالهاش علاقة بالسمك هههههههههههههه

[توتة السيد]

هههههههههههههههههههههه ياكثوفها ياناس

بأذن الله اجربها

ههههههههههههه المهم انها عجبته بقي ليها علاقة بالسمك ولا مالهاش اهم حاجة انها عجبته

دقيق جدا جوزك ههههههههههههههه

[dr.princess]

والله ياتوتة انا بجيبه مجمد بالكيلو وموجود فى مصر برده مجمد بس ملك قالتلى انه وحش وانى مجبش المجمد تانى وان الطازة احسن وبتهيألى انك ممكن تقولى للسماك يخليلك السمك من العظم والجلد و كده يبقى فيليه

[توتة السيد]

ان ان اه بيني هعملها وفقس ياناس اااااااااااااااااااااااااااااااااااااااااااااه

[توتة السيد]

اه ممكن برضه اوصيه وملك معاها حق الطازة افضل واضمن

[dr.princess]

هههههههههه جوزى ده مسكين فى الاكل فضل عمره كله اكلات معينة كده ميقربش منها بدون سبب وبعد ما اتجوزنا عملتهاله واتصدم انها طلعت حلوة يعنى منها البامية والقرنبيط وبالذات القرنبيط طلبته منه جابهولى من اسبوعين وقالى مش بحبه قلتله ليه قالى معرفش ولما عملته عجبه جدا وجابهولى تانى من يومين علشان اعمله تانى

[مامامشمشة]

السلام عليكم

[مامامشمشة]

ممكن اتشارك معاكم

[dr.princess]

توتة انتى هتفقسى وانتى قاعدة دلوقتى هههههههههههههههه ربنا يستر

[مامامشمشة]

hwaml7انا مصرية بالدمام

[dr.princess]

ماما مشمشة طبعا ممكن تشتركى معانا ومن غير استئذان كمان

[مامامشمشة]

حامل فالشهر السابع

[مامامشمشة]

انتى صيدلانية ولا بشرية

[dr.princess]

وانا مصرية فى المدينة المنورة محدش احسن من حد يعنى هههههههههههههه

[مامامشمشة]

اناصيدلانية

[dr.princess]

وانا فى السادس انتى كده احسن منى هههههههههههههههههه

[مامامشمشة]

اهلا بيكى انا اختى عايشة فالمدينة

[dr.princess]

هههههههههههههه بصرة مش بقولك محدش احسن من حد انا كمان صيدلانية

[توتة السيد]

ههههههههههههههههه خلاص خليه يجبلك كل الحاجات اللي مابيحبهاش وعملهاله وهو يحبها علي طول

[مامامشمشة]

اهلا بيكى وبكل الكروشات هنا

[توتة السيد]

وعليكي السلام ماما مشمشة اكيد يسعدنا انضمامك اهلا بيكي

وربنا يكملك علي خير ياتري فيكي بنوتة ولا صبي " اعملك زي الستات الكبيرة واسال اول سؤال عن النوع هههههههههههههه"

[dr.princess]

توتة هههههههههههههه مانا برده خليته يجيب قلقاس طبعا برده مقربش منه قبل كده بس لسه معملتوش يااااارب يعجبه

[dr.princess]

5 دقايق وارجعلكم يا بنات

[توتة السيد]

هههههههههههههههههه اظاهر كده يالولو عندي مغص كده وضهري وجعني قوي

لو اختفيت فجأة اعرفوا ان هفقس بقي هههههههههههه

[توتة السيد]

ان شاء الله يعجبه وينضم للقائمة المفضلة

[مامامشمشة]

انا مش عارفة بنت ولا ولد

[مامامشمشة]

مرة يقولوا بنت ومرة ولد ومرة مش باين بس انا هروح الاسبوع الجاى واعرف عشان اشترى الحاجات واحساسى انها بنت

[توتة السيد]

هههههههههههههههههههه بصرة معايا انا المرة دي

انا كمان حتي هذه اللحظة ماعرفش فيا ايه مش فاهمة ايه الحكاية دي

[مامامشمشة]

بس اللى يشفنى يقولى شكلك حامل فولد

[مامامشمشة]

انتى فالشهر الكام

[توتة السيد]

الدكتورة اللي كنت متابعة عندها في الامارات

كل ما اسألها تقولي لسه صغير مو مبين الله حنش ياكلها

لحد السادس لسه صغير مو مبين بس طلع العيب بقي مش منها

لما نزلت مصر ورحت للدكتور قعد ربع ساعة علشان يعرف وفي الاخر قالي مش قادر احدد

البيبي قافل رجله البيه مكسوف

[توتة السيد]

بس اللى يشفنى يقولى شكلك حامل فولد

بصرة كمان انا زيك كل اللي يشفني يقولي ولد الدكاترة مش عارفين

[توتة السيد]

انا في الشهر التاسع خلاص ادعيلي بقي ربنا يسهل عليا وفقس حاكم زهقت اهئ

[مامامشمشة]

ربنا يديكى الطفل المعافى هو انتى التغيرات عندك ظاهرة ازاى

[مامامشمشة]

انا مثلا السمار ملا جسمى ووشى تحنت حركة الطفل دايما فالجهة اليمين بقيت زنجية وحمى كان عالحوادق والى الان لااتقبل اى سكريات

[مامامشمشة]

ربنا يسهلك الامور

[توتة السيد]

اللهم آميييييييييييييييين حبيبتي

التغيرات في التاسع

بيبقي الم في الضهر ومغص احيانا يروح ويجي وبطنك بتنزل لتحت علشان البيبي بينزل الحوض والشهية بتعتك بتكون مفتوحة النوم بيبقي قمة في الصعوبة مش بخوفك بس بقول علي اللي بيحصل بس الباقي زي الشهور اللي فاتت زي انسداد في الانف ونزيف من اللثة وشد في الرجلين الاعراض اللي قبل كده يعني

[مامامشمشة]

انتى مشيتى

[توتة السيد]

انا اتخنت بس ماسمرتش بالعكس بيضت جدا

ووحمي انا كمان كان علي الحوادق

حركة البيبي انا في كل الاتجاهات

[توتة السيد]

لا موجودة حبيبتي معاكي

[dr.princess]

سمعتى يا توتة على فوط صحية للنفاس ؟؟

[ماما قلقانه]

مساء الفل يا بنات ايه الاخبار

[ماما قلقانه]

ايوه يالولو دى جميله جدا

[ماما قلقانه]

ايه يا توته هتعمليها ولا ايه

[dr.princess]

اه سمعت البنات هنا بيشكروا فيها اوى لانى بتبهدل من الاولويز بيعملى التهابات جامدة ربنا يعافيكم حتى القطن منه مكنتش بتنفعى غير اخر يومين فى البريود يعنى كده مش هتنفع فى النفاس
ان شاء الله هجيبها هى للاسف مش عند جوزى فى الصيدلية فهنشوفها فى اى صيدلية تانية او اى سوبرماركت كبير

[dr.princess]

ايه ده توتة اختفت يبقى عملتها يا رجالة

[توتة السيد]

والله يالولو انا ماكنتش اعرفها بس لسه قارية عليها في النت امبارح هي بتبقي زي اوليويز ولا مختلفة

[توتة السيد]

اهلا ماما قلقانة انتي تعرفيها بتبقي ازاي

[dr.princess]

انا ماشفتهاش بس بيقولوا بتبقى كبيرة وقطن علشان متتعبش

[dr.princess]

انا كمان ماشفتهاش فى مصر مكنتش موجودة فى الصيدليتن اللى اشتغلت فيهم

[ماما قلقانه]

هى بتبقى كبيره عن الالويز بس تقريبا لسه طالعه قريب لان مرات اخويا هى اللى استعملتها هى والده من 6شهور

[ماما قلقانه]

بس بصراحه بتشكر فيها جدا

[ماما قلقانه]

بتروحوا فين يا بنات

[ماما قلقانه]

لما يجيلك وجع يالولو ما تستعجليش لان البكريه بتاخد وقت الا لو نزل ميه

[ماما قلقانه]

سورى يا توته عقبالك يا لولو على الكامل ان شاء الله

[ماما قلقانه]

انا بكلم نفسى يا جماعه.هههههههههه

[dr.princess]

ياااااااارب اكمل للاخر يا سمر اصلى متعقدة على الاخر ولما تعبت من 10 ايام قلت خلاص انا هعملها يللا الحمدلله

[ماما قلقانه]

بعيد الشر عنك يالولو ربنا يكملك يا حبيبتى وتفرحى بيه يارب.واحنا يارب

[dr.princess]

ياااااااااااارب اللهم امين

[ماما قلقانه]

لو مالقتيش عندك يا لولو خلى ماما تبعتهالك من مصر.بس ان شاء الله هتلاقى

[ماما قلقانه]

وفيه كمان فوط صغيره للصدر علشان اللبن ما يبهدلش هدومك

[dr.princess]

لالا هى موجودة هنا بس جوزى هو اللى بيشتغل فى صيدلية منيلة معظم الحاجات مش عنده

[ماما قلقانه]

بقلظه بقالها فتره ما دخلتش يارب تكون ولدت وقامت بالسلامه

[dr.princess]

اه والله كانت لسه ملك بتقول وكانت على بالى ياااارب يكون خير ان شاء الله

[dr.princess]

ايوه انا عارفة بتاعة الصدر دى بس نبقى نشوف ساعتها ربنا يسهل

[ماما قلقانه]

بعد اذنك يالولو اكلم جوزى وارجعلك يا قلبى

[dr.princess]

ماشى ياحبيبتى ولا يهمك

[رنا خالد]

يابنات وحشتوني والله كان نفسي الاقيكم لحسن انا في حاله نفسيه زي الزفت ومحتاجه حد اتكلم معاه انا ساعه وهابقي موجود ان شاء الله ياريت الاقيكم اهو افضفض لكم شويه واخف عن نفسي من كتر المشاكل هاطق

[somia]

رنا انتي والكتكوتة لوجي هنا ولا لأ ؟؟؟

[أم نورين2012]

أنا جيت ياحلوين في حد هنا

[أم نورين2012]

إيه ده هو مافيش حد هنا ولا إيه طيب أقعد أكلم نفسي علي ماتيجوا

[Om Rodina]

ميرى ازيك ياحبيبتى واخبارك ايه

[توتة السيد]

انا كمان جيييييييييييييييت رنروني ليه حبيبتي سلامتك احنا مستنيينك

[توتة السيد]

ازيك ياميري اخبارك ايهام دانا كيف الحال واخبار دانا ايه

[Om Rodina]

توتة حبيبتى ازيك وعاملة ايه وامورتنا الحلوة اخبارها ايه ربنا يقومك بالسلامة ويطمنك يارب عليها ياحبيبتى انا بخير الحمد لله والنونة بتلعب ماتش رياضة جوه ههههههه

[Om Rodina]

توتة روحتى فيييييييين وانتى يا ميرى كمان