دردشة حوامل مصر - دردشة بنات مصر - تجمع حوامل مصر

[نولارا]

لولو
ياصباح الخير بالليل ههههههههههههههههه

[ام البنوتة]

لولو ايه اخبار صينية البطاطس؟؟؟؟

[MALAK2010]

لولو:اقولك على خبرين حلوين قبل ما امشى
رنا بتولد النهاردة يارب يقومها بالسلامة
وبقلظة رجعت تدخل تانى

وانا ماشية سلااااااااااااااااااااام

[نولارا]

ملوكه ايه رايك فى التوقيع الجديد
ام البنوته ده اول حمل ليكى

[dr.princess]

شفتى بقى يانورا يابنتى احنا ناس متميزة مش زيكم اصحى من الصبح والكلام الفاضى ده لالالالالالالالا هههههههههههههه

[MALAK2010]

نورا:الصورة جميييييييييييلة اوى

لولو:انا هندى طريقة لصانية البطاطس حلوة اوى هبقى اقولهالك بعدين

يلا سلاااااااااااااااام

[ام البنوتة]

ايوه يا نورا وانتي ولدتي مش كده
ده اول بيبي؟

[dr.princess]

ام البنوتة الصينية طلعت جميييييلة ماشاء الله
سألت اختى بالليل امبارح وقالتلى طريقة حلوة وسهلة وطلعت حلوة الحمدلله

[ام البنوتة]

تمام يا لولو بالهنا والشفا

[dr.princess]

ملك خلاص نويتى الرحيل ماشى ياستى اشوفك بكرة ان شاء الله
ماشاء الله يااااااااارب رنا تكون ولدت على خير وماتتبهدلش بعد العملية زى اختى
وكمان امولة رجعت ايه الاخبار الحلوة دى

[dr.princess]

نورا التوقيع حلو اوى ماشاء الله
اخبار احمد ايه ماما بتقولى الجو امبارح كان وحش اوى حتى اختى مخلتش ابنها يروح الحضانة بتقولى بتشتى من 7 الصبح
خلى بالك عليه من البرد

[dr.princess]

ملك ربنا يخليكى يا حبيبتى اختى قالتلى على طريقة حلوة
بس برده هستنى تقوليلى بتعمليها ازاى

[ام البنوتة]

وانتي يا لولو دفا عندكم ولا بردانين زينا

[dr.princess]

ام البنوتة الجو حلو خالص هنا شوية الفجر بس اللى بيبقوا برد وباقى اليوم حلو طبعا لانى قاعدة فى البيت بس جوزى بيقول برد بره بالليل

[ام البنوتة]

هنا بيضحكوا علينا ويقولوا درجة الحرارة 13 لكن تحسي انها بالكتير 5 ولا 6

[dr.princess]

ربنا يعينكم على البرد ده بس اهم حاجة ادفوا كويس

[dr.princess]

رحتوا فين يا بنات

[ام البنوتة]

انا هناااااااااااااااااااا

[ام البنوتة]

انتي بتشتغلي يا لولو ولا قاعدة ف البيت زي حالاتي

[dr.princess]

انا اشتغلت بعد ما اتخرجت بس لما اتجوزت وجيت هنا مفيش شغل

[ام البنوتة]

تلاقيكي زهقانة وكمان عشان لوحدك ف بلد غريبة
ولا في حد من اقاربك هناك؟

[dr.princess]

اه والله بس اتعودت خلاص
اخويا فى القصيم بيجيلى تقريبا كل 4 شهور مرة لما بيقدر

[ام البنوتة]

الله يكون ف عونك حالك من حالي مانا برضه مابشوفش اهلي الا كل شهرين كده

[dr.princess]

انا لو فى مصر واقعد شهرين ماشوفش اهلى ده كان يجرالى حاجة
اصل بيتى وبيت اختى وبيتنا مش بعيد اوى عن بعض فأنا ان شاء الله هبقى لاجئة عند ماما زى اختى كده هههههههههههه

[ام البنوتة]

ما هي اختي كده ساكنة ف عمارة ف نفس شارع ماما لكن انا بقى ف بلد تانية وكمان بروح اقعد عند اهل جوزي ف اسوان بالشهر

[dr.princess]

لا انا مش قريبة منها اوى للدرجة دى بس برده مش بعيد يعنى مش سفر ولا حاجة
ربنا يعينك كل عيلة فى حتة وانتى فى حتة وكلهم مسافات محترمة

[ام البنوتة]

فكرتي هتسمي البيبي ايه لو ولد او بنت؟

[dr.princess]

لو ولد ان شاء الله محمد بس لو بنت لسه مش مستقريين على اسم

[ام البنوتة]

معلش حبيبتي انا هخرج عشان تعبت شوية اشوفك بعدين ان شاء الله
السلام عليكم ورحمة الله وبركاته

[dr.princess]

ماشى ولا يهمك الف سلامة عليكى
وعليكم السلام ورحمة الله وبركاته

[ايوشه]

ازيكم يابنات عاملين ايه
رنااااااااااااااااااا يارب تكونى قومتى بالسلامه
وحمد لله على رجوعك يابقلظه

[gogo]

السلام عليكم
حد هنا يابنات
فين نبتشيه باليل

[MALAK2010]

انا جييييييييييييييييييييييييييييت حد هنا ولا نايمين

[بقلظة]

وانا كماااااااااان هنا

[MALAK2010]

اخيراااااااااااااااااااااااااا حد دخل انا كنت زهقت

[بقلظة]

ازيك يا ملك

صباح الخير حبيبتي

[MALAK2010]

صباح النور يا جميل حساكى متفائلة

[بقلظة]

روحتي فين

hwaml5

[بقلظة]

صباح النور يا جميل حساكى متفائلة
هههههههههههه

علشان ايه؟

[ام عمر ومريم]

السلام عليكم
اذيكوا يا بنات عامليييييييين ايه

[MALAK2010]

مش عارفة وانا بقرا ردودك على القسم الاسلامى كنت حاسة بكدة ههههههه
غلط ولا اية

[MALAK2010]

ام عمر:ازيك ياحبيبتى

[MALAK2010]

ام عمر:هو عندكم فى ابو ظبى بيتكلموا عربى ولا انجليزى وفى مدرسة اولادك بيتكلموا اية؟؟؟

[بقلظة]

مش عارفة وانا بقرا ردودك على القسم الاسلامى كنت حاسة بكدة ههههههه
غلط ولا اية

ممكن تقريبا بس في العادي والله يا ملك

بس بفرح لما الناس تشاركني افكاري

[MALAK2010]

اتفضلوا ترمس معايا اخيرا اتعمل وخلص بقالى كام يوم بعمل فية

[بقلظة]

ازيك يا ام عمر عاملة ايه؟؟

بالهنا والشفا يا ملك بس ديه عزومة مراكبية

[بقلظة]

بقولك يا ملك في صور انا شفتها في منتدي تاني

عاوزة انزلها بالمنتدي هنا

اعمل ايه؟

[MALAK2010]

طيب تعالى وانتى تعرفى اذا كانت عزومة مراكبية ولا لاء هههههههههه

[بقلظة]

طيب تعالى وانتى تعرفى اذا كانت عزومة مراكبية ولا لاء هههههههههه


طيب يلا انا جاية اهوهhwaml16

افتحي الباب

[MALAK2010]

عندك طريقتين
اول حاجة اذا كانت الصورة على موقع ممكن تاخديها copy وبعدين فى المكان اللى بتكتبى فية تعمليلها paste

او اذا كانت الصورة على جهازك فى طريقة تانية
اضغطى على الانتقال للوضع المتطور وبعدين اضغطى على الزرار بتاع ارفاق ملف اللى شكلة زى السلك المعوج وبعدين هيطلعلك 3 اماكن لملفات اعملى browseواختارى الملف الاول وبعدها التانى والتالت وبعدين دوسى رفع واستنى شوية لغاية مايكمل رفع وبعدين اكتبى اى كلام فى المساحة بتاعت الكتابة وبعدين ارسال

[MALAK2010]

هتدخلى بالعجلة ولا اية هههههههههه
فتحتة ياستى ومستنية

[بقلظة]

طيب استني كده اجرب

هاعمله مووضوع

بس موضوع جامد

بالصور

[MALAK2010]

مستنياكى يا بقلظة مش بقولك متفائلة ههههههههههه
ام عمر رحتى فين

[بقلظة]

http://forum.hwaml.com/t37327.html#post557622


شوفي الموضوع ده

[بقلظة]

انتي فين
امشي والا استناكي

[MALAK2010]

انا معاكى جميل ماشاء الله
كنت بعدها بقرا انسحاب عضوة فى المنتدى قررت تنسحب امبارح بس رجعت

[بقلظة]

مين ديه يا ملك

[MALAK2010]

فاكرة اللى كتبتلك مكرر سموة الجرح

[MALAK2010]

انا خارجة الوقتى لانى لسة ماطبختش ومعتدش على الغدا غير ساعة ربنا يقوينى ويبارك فى الوقت اصلى مالييش مزتج اطبخ النهاردة زهقت سلام ونتقابل بعد الغدا ان شاء الله

[ايوشه]

صباح الخير ياحلوين
انا جييييييييييييييييييييييت

[بقلظة]

ايوة

انا فهمت امبارح هي كتبت مكرر ليه

وانا باقلب في مواضيع القديمة بالمنتدي

لقيت موضوع كاتبة فيه نفس الفكرة تقريبا بس باسم مين عاوزة تتغير قبل رمضان والموضوع

مش كمل وهي كانت من اول المشتركين فيه


فلما عملت الموضوع نفس الفكرة شكلها نسيت اسمي بس فاكرة الموضوع راحت قالت مكرر

[بقلظة]

ملك انا ماشية

هاروح انام شوية وابقا ارجع تاني ان شاء الله

اليوم مش هاعمل اكل

فاضية لكم يعني

[جيرا]

فيه حد موجود ياجماعه

[جيرا]

انتو فييييييين

[MALAK2010]

انا هنااااااااااااااااااااا

[جيرا]

ازيك ياملك ياحبيب قلبى ايه اخبارك

[MALAK2010]

انا الحمد لله كويسة
عارفة يا جيرا انا واخدة عندك انطباع غريب اول مرة اخد انطباع على حد من غير ماتكلم معاه وبالذات انى مش شيفاة

[جيرا]

اييه هو قلقتينى

[MALAK2010]

لا ابدا مفيش قلقلق ولا حاجة دة انطباع
حاسة انك هادية اووووووووووووى
وبرضة جالى انطباع بس مش هقولك من اية انك حزينة او مهمومة
طبعا كلامى ممكن يطلع غلط او صح
بس احنا لسة ماتكلمناش مع بعض كفاية

بس لو كان فى كلامى اى نسبة من الصح قوليلى اتفقنا

[جيرا]

على فكرة انا من النوع اللى بيحب الناس بسرعه بالذات ناس محرومه منهم فى حياتى
يعنى كل بنات المنتدى بلا استثناء بحبهم جدا جدا يمكن مايصدقوش بس ربنا الاعلم بكل اللى جوايا لان بجد بكيت كتيير جدا لان ماليش اخت اكلمها عن كل شىء بحس بيه
سواء الم او فرحه
ووجدتكم انتوا فحسيت ان حلمى اللى كان نفسي فيه خلاص بقى حقيقه

[جيرا]

بس انتى احساسك عالى اوى ياملوكه

[جيرا]

وربنا ياستى اكرمنى بزوج رائع الحمد لله عوضنى عن اى احساس بالوحده

[MALAK2010]

عارفة انا حاسة بيكى لانى ماليش اخوات بنات
وكل ماتعرف على حد تلاقى مشاعر الاخوة مع الصحوبية
فالمشاعر كتيييييييييييير الحمد لله
يعنى انتى بس مهمومة او حزينة علشان مالكيش اخوات بنات

[MALAK2010]

نسيت اقولك انى مش متطفلة والله ههههههههههه لحسن تقولى اية الحشرية دى

[جيرا]

لا ابدا ياحبيبتى انتى حره طبعا معايا ولا يهمك احنا اخوات بس كمان الغربه صعبه اوى واهلى وحشونى اوى وكل الناس فى مصر وخايفه طبعا من هواجس الحمل والولاده وخصوصا ان الحمل تاعبنى اوى

[MALAK2010]

انتى بتحسي باية فى الحمل
وبتقولى لدكتورتك على تعبك وهى بتقولك اية
طمنينى عليكى

[جيرا]

المغص ورجلى الشمال من اول يوم فى الخامس مش قادره احركها دكتوره قالت دا من الالتهابات الشديده وواحده تانيه اعطتنى مراهم وكريمات وكمان مضادات حيويه والوحام لسه مستمر معايا الترجيع اكل وعلى طول على التواليت
والصدااااع اتهريت بنادول
ودا كله ولسه ماحستش باى حركه للبيبى
معلش بقه سديت نفسكم
بس والله تعبت بجد
اعمل ايه بس
الحمد لله كله فى سبيل الامومه

[MALAK2010]

انتى تتكلمى براحتك معانا وتقولى كل اللى تعبك
معلش يا حبيبتى
بس انا عاوزة اتكلم معاكى كتير وبالذات فى تعب الحمل وكنت عاوزة اعرف راى دكتورتك بس معلش جوزى على وصول علشان الغدا وهدخل كمان اقل من ساعة ان شاء الله ياريت تدخلى سلام مؤقت

[جيرا]

ماشى حبيبتى سلام
انا كمان جوزى دخل من بدرى وعاوز ه اكمل الاكل سلام
مؤقت

[MALAK2010]

انا جييييييييييييييت

[ام عمر ومريم]

السلام عليكم اناجييييييت معلش النت فصل ولسه راجع من شويه

[MALAK2010]

ازيك يا جميل

[جيرا]

ازيك كم ياحبيبى انا رجعتلكم

[ام عمر ومريم]

الحمد لله يا ملك انتى عامله ايه
اهلا بيكى حبيبتى جيرا منورة

[ام عمر ومريم]

بقلظه رجعت تانى منورة والله
امال يا ملك متعرفيش حاجه عن دودى وتوتاالسيد حاجه

[MALAK2010]

دودى نزلت مصر من فترة ودخلت طمنتنا وخرجت علطول

[جيرا]

ازيك ياام عمر اخبار ايه

[MALAK2010]

توتة السيد نزلت مصر قبلها وكل فترة تدخل نطمن عليها وتشتكيلنا زعلها على فراق جوزها وتوجعلى قلبى وافتكر اللى هيجرالى

[جيرا]

مش هاتقولى لى ياملوكه اعمل ايه فى الشكوى اللى قدمتهالك

[MALAK2010]

جيرا ازيك ياجميل

[ام عمر ومريم]

طيب الحمد لله ربنا يطمنا عليهم يااارب ويقومهم بالفسلامه اللهم اميييييييييين
انا على فكرة انا روحت للدكتور امبارح وقالى انى ممكن اولد قيصرى وبصراحه انا خايفه اوى لان اول مرة اولد قيصرى طول عمرى طبيعى

[MALAK2010]

انتى بتقولى عندك التهابات ربنا يشفيكى يا جميل لية مش بتاخدى دوا وتابعى مع دكتورة شاطرة
لان الدكاترة بصراحة حدث ولا حرج اسالينى انا
وبالنسبة لتقليب البيبى الدكتورة قالتلك انة امتى تقلقى من الموضوع دة وهى بطمنك على نموة ولا لاء

ربنا يشفيكى يا حبيبتى ويطمن قلبك

[MALAK2010]

طيب الحمد لله ربنا يطمنا عليهم يااارب ويقومهم بالفسلامه اللهم اميييييييييين
انا على فكرة انا روحت للدكتور امبارح وقالى انى ممكن اولد قيصرى وبصراحه انا خايفه اوى لان اول مرة اولد قيصرى طول عمرى طبيعى
بيبان من بدرى كدة مش انتى فى اول التامن
ولية هتولدى قيصرى

[MALAK2010]

ام عمر:كنت سالتك بس نتك فصل هو فى ابوظبى بتتكلموا انجليزى ولا عربى واولادك فى المدرسة بيتكلموا معاهم بالانجليزى ولا العربى

[MALAK2010]

على فكرة احنا التلاتة عايشين فى الامارات اية الصدفة دى
جيرا دبى
ام عمر ابوظبى
انا الشارقة

[جيرا]

اخر مره عملت سونار ماكنش بيتحرك
قالت انه نايم وطمنتنى عليه انه كويس وحتى قلت انه ولد
والالتهابات اخدت مضاد حيوى وحاسه لسه انه ماجبش نتيجه
بس اللى تاعبنى اوى كمان ان رجلى مخليه حركتى صعبه ومؤلمه

[جيرا]

اه والله بصراحه
صدفه جميله جدا

[MALAK2010]

جيرا:لولو صاحبتنا الدكتورة بتعطيلها لبوس مهبلى بس مش عارفة ينفع لكى ولا لاء والدكتورة قالتلك سببة اية
اصل اعرف ان فى بسبب الاملاح او سورى الجماع شوفى السبب وحاولى تظبطية

عارفة انا جربت موضوع ان رجلى تقف ومش بقدر احركها بس مش عارفة بسبب اية تفتكرى يكون من الالتهابات

[جيرا]

انا حاسه انه من الالتهابات
وهى بتقول انى عندى املاح كتييير جدا
وجوزى دا والله ظلماه معايا بصراحه لانى تعبانه علطول
هههههههه
اعمل ايه بس ربنا يسامحنى

[MALAK2010]

خلاص انتى عرفتى السبب حاولى تظبطى موضوع الاملاح والالتهابات وتعب الرجلين ان شاء الله هيروحوا ياااااااااارب

[جيرا]

انا كنت بستخدم اللبوس دا وانا فى الشهر التانى
بس مااستعملتوش تانى بصراحه

[MALAK2010]

جيرا:ربنا يشفيكى يارب وتطمنى على النونو
انا عندى سؤال بس نفسى اعرفة هو الجنين الوقتى فى البطن من تحت خالص امتى هيبقى فى البطن نفسها

[ام عمر ومريم]

ااه يياملك قاللى ان الوزن عندى زيادة وبالتالى مش هينفع اولد طبيعى
بالنسبه احنا هنا بنتكلم كله انجليزى مفيش عربى الا لو اتكلمتى مع واحد عربى زيك
وبرده المدارس نفس النظام

[جيرا]

انا قللت خالص الملح فى اكلى
حتى كنت بحب الاكل يكون سبايسى
مولع نار بس الشطه دى مصيبه كبيره والله
بس الحمد لله منعتها من اسبوعين نهائى

[MALAK2010]

طيب وانتى بتتكلمى انجليزى يا ام عمر اصل الموضوع دة معقدنى

[جيرا]

هو الولاده الطبيعيه ياجماعه
مرتبطه بوزن معين

[MALAK2010]

جيرا :معلش بس الاكل دة مش صحى وانتى جربتى ربنا يشفيكى وشوية وهتتعودى على الاكل

[MALAK2010]

ام عمر:لو فيها غلاسة انتى وزنك كام
اصل انا زدت فى 3 شهور الوحم وماكنتش باكل نهائى زدت 3 كيلو فانا خايفة من موضوع الوزن دة

[MALAK2010]

جيرا :اية اخبار الدكاترة عندكم؟؟؟؟

[ام عمر ومريم]

هههههههههههههه لا بلاش يا ملك عشان الاحراج بس انا زايدة اوى لان انا اصلا كنت قبل الحمل ده زايدة لان حصلى حملين قبل ده بس محصلش نصيب وكنت بزيد
بصى انتى متعديش ال90 كيلو لانك لوعديتى كده غلط والدكتور هيولد قيصرى

[ام عمر ومريم]

انا زيك بالظبط يا جيرا عندى التهابات وباخد مضاد حيوى ومطهر للبول ربنا يعزك
وبرده من الاملاح الزايدة سبحان الله لسه حتى كنت بقول لملك واحساس بالامومه

[MALAK2010]

طيب انا الوقتى فى الشهر الرابع ينفع امشى يوم ويوم مثلا نصف ساعة ولا غلط اصلى بتخن جدا من القعدة مش من الاكل وخايفة من موضوع الوزن دة

[ام عمر ومريم]

انا بصراحه اخاف اقولك امشى والمشى مش كويس للحمل بصراحه
انا الدكتورة كانت تقولى الراحه ثم الراحه لما خلتنى من الوزن مش قادرة وفى الاخر هولد قيصرى

[جيرا]

لا ياملك المشى غلط جدا دلوقتى
دايكون فى اخر التامن ان شاء الله
ماتستعجليش بالمشى

[جيرا]

ربنا يعينا ياام عمر بقى
هنعمل ايه
الحمد لله

[جيرا]

وعارفه يام عمر انا الدكتوره بتاعتى فى راس الخيمه
اصل دى ليا قرايب كتيير بيتابعوا معاها وقالولى انها شاطره
واحنا ان شاء الله ننقل مع قرايبنا دول

[MALAK2010]

بس ان قريت انهم كمان بيعملوا رياضة ماهو مشى على خفيف
انا كدة على اخر الحمل هضرب اووووووووى

[جيرا]

نفسى اكون معاهم اهو يونسونى فى الغربه

[جيرا]

الرياضه تكون خفيفه واذا حسيتى باى الم توقفى على طول

[جيرا]

كلنا فى زياده
انا كمان خايفه اضرب والله

[MALAK2010]

ممكن يا بنات مايكنش خطر لانى مش بعمل حاجة خالص طول النهار غير شغل البيت وعلى خفيف
طيب مافى ستات حوامل بيشتغلوا وبيروحوا شغلهم مشى او بيعملوا مشوار ويمشوا

[جيرا]

هااروح اصلى ياجماعه
مااااااشى

[MALAK2010]

جيرا:مستنياكى

[ايوشه]

انا جيييييييييييييييييييت اخرج تانى ولا استنى
ازيك ياملوكه عامله ايه
ازيك ياجيرا منورانا

[مروا]

ازيكم يا حوامل مصر انا اول مرة اسجل في اى منتدى انا حامل فى الشهر السادس ويسعدنى اكون معاكو علي الاقل نفهم بعض ونفيد بعض

[MALAK2010]

انا هنااااااااااااااااااااااا

[ايوشه]

اهلا يامروا منور التجمع هنا

[MALAK2010]

مروا -اية تعالواااااااااااااااااااااااااا

[ايوشه]

لاء لاء مش هاجى بس بقه سبينى

[MALAK2010]

لاء لاء مش هاجى بس بقه سبينى
انتى سكر ههههههههه

[احساس الأمومه]

أهلا يا ملك أهلا يا أيوشه
وحشتونى اوى
انا لسه جايه من عند الدكتورة يا ملك وطلعت فى أول الثانى ولسه نبض الجنين مظهرش فى السونار بس هى طمنتنى انه ساعات بيتأخر شويه
أصلى رحت لدكتورة تانيه غير ألى قولتلكم عليها
وعشان أنا بقيت مزاجيه اوى وعصبيه من الحمل وجوزى طبعه عصبى فطلبت منه أقعد عند والدتى اسبوع لحد ما أرتاح شويه

[MALAK2010]

اية:اوعى تخرجى زى عادتك تسلمى وتمشى

[ايوشه]

انا قاعده اهو ياملوكه شويه
منوره ياحساس ومبروك الشهر التانى

[MALAK2010]

أهلا يا ملك أهلا يا أيوشه
وحشتونى اوى
انا لسه جايه من عند الدكتورة يا ملك وطلعت فى أول الثانى ولسه نبض الجنين مظهرش فى السونار بس هى طمنتنى انه ساعات بيتأخر شويه
أصلى رحت لدكتورة تانيه غير ألى قولتلكم عليها
وعشان أنا بقيت مزاجيه اوى وعصبيه من الحمل وجوزى طبعه عصبى فطلبت منه أقعد عند والدتى اسبوع لحد ما أرتاح شويه
طمنتينى انا كنت قلقانة عليكى الحمد لله
انتى شفتى النونو ولا لسة
يابنتى النبض كمان شوية ماتقلقيش
وانتى الوقتى فين فى شقتك ولا عند طنط

[ايوشه]

هى مافيش اخبار جديده عن رنا
يارب تدخل وتطمنا بقه

[MALAK2010]

يعنى انتى عوزاها تولد امبارح وتدخل النهاردة خلاص اعمليها انتى وادخلى علطول تطمنينا

[MALAK2010]

اية:جبتى هدوم النونو ولا لسة

[احساس الأمومه]

الله يبارك فيكى يا ايوشه
انا شفت رسالتك يا ملك وقلت اكيد هلاقيكى هنا عشان اكلمك
انا شفت الكيس ونققطه صغيره اوى فى السونار ده لسه صغنتوت اوى
والدكتورة كتبتلى على الفلوليك حبايه بعد العشا وطلبت منى تحاليل
انا عند ماما لأن نفسيتى صعبه اوى وجوزى عصبى وانا بأه خلقى ضيق من الحمل وبشيل فى نفسى وأقعد أعيط فقلت أحسن حل أروح لماما يومين بعيد عن جوزى

[احساس الأمومه]

ايوشه ملك هى رنا ولدت

[ايوشه]

اه ياملوكه اصل انا قلقلانه قوى
ومابقتش اعرف انام خالص
ربنا يستر بقه

[MALAK2010]

بصى هدى نفسك واقرى قران او شغلى قران
واكثرى من الاستغفار

[احساس الأمومه]

ايوشه انا شيفاكى فى التاسع قربتى ولا لسه
ربنا يقومك بالسلامه

[MALAK2010]

رنا بتقول انها راحة تولد امبارح الساعة 10 الصبح ربنا يقومها بالسلامة

[ايوشه]

ماتقلقليش ياحساس انا لحد يمكن اول السادس ماحستش بالحركه وده طبيعى لانه اول حمل
وكمان الدكتور ماكنش بيكشف وبيشوف النبض فى الاول ياعنى يمكن اول الرابع بدأيشوف النبض قبل كده لا

[احساس الأمومه]

معاكى يا ملك بستغفر ربنا وبصلى الحمدلله
بس انتى اكيد جربتى الشهور الأولى دى صعبه شويه بتبقى تعب نفسى اكتر منه جسدى

[احساس الأمومه]

كمان على الرابع يا ايوشه
لسه بدرى

[MALAK2010]

احساس:بصى ماتحطيش فى دماغك ان الحمل بياثر على النفسية لانك بالطريقة دى هتزيدى

[ايوشه]

امال بقه لما تبقوا خلاص مستنين الولاده
ربنا يسهلهلنا كلنا انا ماكنتش بفكر فيها لكن دلوقتى خلاص اهئ اهئ اهئ

[MALAK2010]

بصى يا اية كل ماتقلقى افتكرى انك ان شاء الله بعد كام يوم هشيلى ابنك بالف صحة وهيسليكى بدل الوحدة اللى احنا فيها

[ايوشه]

ماهو ده اللى مصبرنى ياملوكه يالا ربنا معانا

[MALAK2010]

اية:انتى جبتى الهدوم ولا لسة انا سالتك السؤال دة يجى 3 مرات وانتى مردتيش

[ايوشه]

هههههههههههههه معلش ياملك اه الحمد لله جبت الهدوم بس ماجبتش كتير قالولى لما يتولد ان شاء الله هاتى تانى عشان المقاس وبعدين انا جبت شتوى وعندنا هنا الشتاء مش بيطول بالكتير شهر ويرجع تانى

[MALAK2010]

عارفة ان دودى وحشتنى مش مصدقة انها تغيب كتير كدة علينا بس بلاش الوم لانى هنزل ان شاء الله مصر ومش عارفة هعمل اية ههههههههههههه

[ايوشه]

ماهو خلاص بقه اللى بينزل مصر بينسانا مين لقه احبابه

[MALAK2010]

عقبالك يا جميل لماتنزلى مصر وانتى شايلة اجمل هدية من ربنا

[ايوشه]

معلش هكلم ماما اسيبكم شويه

[MALAK2010]

طيب ياجميل

[احساس الأمومه]

ملك بجد انتى هتنزلى مصر امتى يا جميل

[MALAK2010]

لسة محددتش بسعلى اول السادس ان شاء الله

[احساس الأمومه]

تليكى عايزه السادس يجى بفارغ الصبر
هتنزلى لوحدك يا ملوكه ولا مع جوزك

[MALAK2010]

ابدا انا كل ما افكر اعييييييييييييييييييييط
فى المطار فى بوابة كدة بتعديها وماينفعش اللى معاكى يدخل فيها
اول ماتخيلت انى مش هكون معاها قعدت اعيط
ربنا يصبرنى

[MALAK2010]

هنزل لوحدى ان شاء الله وممكن جوزى يجى على الولادة

[احساس الأمومه]

ربنا يصبرك بجد يا ملك
يعنى كمان هتنزلى لوحدك
هتروحى عند والدتك يا ملك لحد الولاده
بجد يا ملك معادله صعب البنت تكون مع جوزها عايزه مامتها
ولما تكون مع مامتها بتبقى عايزه جوزها

[MALAK2010]

ادعيلى انة يجيلى ان شاء الله على الولادة يااااااارب

[MALAK2010]

ربنااااااااااااا يسهل

[احساس الأمومه]

إن شاء الله يجيلك على الولاده
خاصة انه اول بيبى ليكم وهيبقى صعب انه ميشفهوش لما يتولد
ربنا يقومك بالسلامه يا ملك

[MALAK2010]

انتى بقالك كام يوم عند مامتك

[MALAK2010]

اصلة ممكن يكون عندة سفرية ايام الولادة ربنا يسهل

[احساس الأمومه]

لسه من امبارح يا ملك
وحاسه جوزى بأه فرحان
طيب ماشى لما أروحله
ههههههههههههههههههههه

[احساس الأمومه]

اصلة ممكن يكون عندة سفرية ايام الولادة ربنا يسهل
سفريه تانى لأ ربنا هيستر
مش انتو فى الامارات
طب ليه سفريه هو طبيعة شغله بيسافر على طول

[MALAK2010]

ولا فرحان ولا حاجة هو بيهزر معاكى

[احساس الأمومه]

ولا فرحان ولا حاجة هو بيهزر معاكى
ايوه ايوه بركاتك ياملوكه
مكشوف عنك الحجاب يعنى هو زعلان
طب كويس انا قلت هيخرج مع اصحابه بأه ويعيش حياته hwaml7
بعد لما خنقته يومين حلوين

[MALAK2010]

ربنا يسهل يااااارب

[احساس الأمومه]

هتجيبى حاجة النونو من مصر

[MALAK2010]

جبت حاجات قليلة اوى بالصدفة مش بنزل مخصوص لسة بدرى وشكلى هجيب من مصر لان الدكتورة بتاعتى شكلها مش هتقول نوع الجنين
فالافضل هجيب من مصر

[احساس الأمومه]

ليه ياملك أنتى مش كنتى قلتى انه احتمال بنت ولا لسه مش باين

[MALAK2010]

ههههههههههههههه
الدكتورة بتاعتى مش عارفة تورينى ايد من رجل هتقوم تعرف جنس المولود قلبك ابيض ههههههههههههههه

[احساس الأمومه]

ههههههههههههههه
ياه دى دكتورة شاطرة أوى
طب ما تروحى لغيرها

[MALAK2010]

ماانا كنت عند غيرها الله يسامحها اول دكتورة رحتلها كانت اجنبية والعيادة فظييييييييييييييعة والسونار تحفة وفى الاخر صدمتنى وقالتلى البيبى بعد الشر تحتة تجمع دموى وطلع كلام غلط بعد ماحالتى النفسية بقت وحشة
يلا كلها كام يوم وارجع مصر

[احساس الأمومه]

عندك حق فى دكاتره بيقلقوه انا زميلتى كانت حامل فى الاول والدكتورة قلتلها مفيش حاجه خالص زعلت وحالتها كانت صعبه وبعدين راحت لغيرها قلتلها لسه حجمه صغير عشان كده مش باين

[احساس الأمومه]

كلها كام يوم ده لسه شهرين وتنزلى مصر
بجد يا ملوكه فرحانه انك هتنزلى وتشوفى أهلك ولا زعلانه انك هتسيبى جوزك
سؤال صعب صح

[احساس الأمومه]

مش عارفه ليه يا ملك انتى بتقوليلى مضيقيش نفسك وبتهونى عليا
وانا حاسه انك مضايقه ليه مش عارفه هو احساس من كلامك

[MALAK2010]

بصى انا يوم الخميس اللى فات مابطلتش عياط حتى اتفقت مع جوزى مايجبش السيرة دى تانى
بس ارجع واقول ماما كمان محتجالى اوووووووووووووووووووى
المفروض علشان اريح نفسى اقول دى فترة وهتخلص ان كان هنا ولا فى مصر

[MALAK2010]

ابدا مش زعلانة ولا حاجة انا تمام الحمد لله بس انتى جبتى سرة السفر وبعدها الدكتورة الاولى وافتكرت اللى جرالى بس يمكن الكلام فى الحاجات دى هو اللى اداكى الاحساس دة بس انا الحمد لله كويسة اطمنى

[Om Rodina]

السلام عليكم ورحمة الله وبركاته
حد هنا موجود

[MALAK2010]

ام دنا:ازيك يا جميل عاملة اية

[Om Rodina]

ازيك يا ملوكة اخبارك ايه وعاملة ايه وحشتينى واللله اوى

[Om Rodina]

اخبارك ايه واخبار النونو ايه يارب يكون بخير

[MALAK2010]

انا الحمد لله
انتى معدتيش بتدخلى كتير لية

[Om Rodina]

والله من يوم مادخلت فى الشهر السادس وانا تعبانة اوى ظهرى بقا بيشد عليا كتير من القعدة وكمان بيجيلى حرقان فى معدتى جامد اوى بيزهقنى علشان كده دايما زهقانة

[Om Rodina]

علشان كده مش باعرف اقعد كتير المهم انت اخبارك ايه واخبار النونو ايه يارب يطمنك عليه

[MALAK2010]

تجى احساس تسمع الاعراض اللى بتحصل هههههههه

[Om Rodina]

والله بجد الواحد كل يو م بيفاجأ بحاجة جديدة الحمد لله هانعمل ايه بس ههههههه ولما اتكلم مع حد يقولى كل شئ متوقع

[MALAK2010]

ربنا يسهل ويقومك بالسلامة

[احساس الأمومه]

معلش يا ملك لو كنت قلبت عليكى المواجع مش قصدى والله
أزيك يا ام دان بتجيبو سيرتى فى ايه
ربنا يستر يعنى التقيل لسه ورا لما ادخل فى السادس بإذن الله

[dr.princess]

انا جييييييت اكيد طبعا نورت البيت من غير كلام هههههههههههههه

[احساس الأمومه]

بس تعرفى ياام دانا انا بقيت مزاجيه اوى وكل ساعه بحال
ولما اتكلمت مع البنات الحوامل لققيت ده طبيعى فى اول ثلاث شهور

[Om Rodina]

ربنا يخليكى يا ملوكة يارب ويقومنى بالسلامة انا وانتى وكل حبايبنا بالسلامة
ازيك يااحساس يارب تكونى بخير ماتشغليش بالك انا كل لما اشتكى يتقالى لسه التقيل جاى هههههههه يعنى كده فى الاول بندلع زى ما بيقولوا

[MALAK2010]

معلش يا ملك لو كنت قلبت عليكى المواجع مش قصدى والله
أزيك يا ام دان بتجيبو سيرتى فى ايه
ربنا يستر يعنى التقيل لسه ورا لما ادخل فى السادس بإذن الله
ولا مواجع ولاحاجة انا تمام الحمد لله
المهم حاولى تظبطى مزاجك علشان ماتقعديش كتير بعيد عن جوزك ههههههههه
ربنا يخليكم لبعض

[احساس الأمومه]

لولو وحشاااااااااااااااااانى
ازيك عامله ايه

[احساس الأمومه]

ماشى ياملك
بس هو بعيد عنى من يوم الحمل
ههههههههههههههههه

[Om Rodina]

احساس ده اكيد والله فى الشهور الاولى كنت عصبية جدا ونفسيتى وحشة اوى وزى ما بيقولوا كل ساعة فىحال بس بيبقى غصبا عن الواحد بعد كده بترتاحى شوية يمكن على الرابع والخامس كده وبعدين تدخلى فى التقيل بقا

[MALAK2010]

لولو:طبعا طبعا نورتى يا جميل

[احساس الأمومه]

الحمدلله يا ام دانا انه في فترة هدنه فى الرابع
هههههههههههههه

[Om Rodina]

لولو حبيتى ازيك عاملة ايه نورتينا طبعا

[dr.princess]

احساس وانتى كمان انا الحمد لله كويسة
اخبارك ايه انتى والنونو
على فكرة صحيح انا عملت كفتة البطاطس اول امبارح بالطريقة اللى قلتلك عليها وكانت جمييييييلة الحمدلله بس الحمد لله زى مادخلت زى ماخرجت هههههههههههه دخلت دقيقة واحدة بس ومتهنيتش بيها يللا الحمد لله

[MALAK2010]

ماشى ياملك
بس هو بعيد عنى من يوم الحمل
ههههههههههههههههه
مش قصدى اللى جة فى بالك انتى دماغك راحت لبعيييييييييييد هههههههههههه

[Om Rodina]

اه والله على رايك يعتبر اخف شهور الحمل الرابع والخامس وانتى سميتيها هدنة وده احسن وصف لها ههههههههه

[dr.princess]

ملوكة وحشتييييييييييييينى ياقلبى

[dr.princess]

ام دانا ازيك فييييييييييينك يا بنتى

[احساس الأمومه]

لأ فهماكى يا ملوكه متخفيش
ههههههههههههههههه
اصله من يوم حملى بيرجع متأخر من الشغل تعبان يأكل وينام وانا بقيت أمل وبقيت لوحدى حتى بقيت أصعب عليه من الوحده يلا بكره حبيب ماما يسلينى
ازيك يا احساس متهنتيش ليه جوزك كلها منك ولا ايه ولا النونو اكيد النونو كلها لوحده
ههههههههههههههههههه

[MALAK2010]

لولو : انتى هترجعيلى امتى اهئ اهئ

[Om Rodina]

انا هنا والله بس الحمل ومتاعبه بقا هانعمل ايه
ربنا يقومنا كلنا بالسلامة يالولو يارب انتى اخبارك ايه والنونو عامل ايه

[dr.princess]

احساس لا ياقلبى ياريت كان جوزى ولا النونو خلصوا عليها
والله يابنتى مجرد ماخلصت الغداء رجعت الاكل كله وكنت هموووووووت يللا الحمدلله

[احساس الأمومه]

ام دانا
يعنى ملك ولولو فى فترة هدنه
مسمعش واحده منكم تشتكى من الحمل بأه
هههههههههههههههههههه

[dr.princess]

ملك باقى من الزمن 10 ايام او 17 على حسب بقى

[احساس الأمومه]

لأ الف سلامه عليكى يالولو بس بلاش تأكلى مقليات كتير عشان متتعبش صدرك وتعملك حميان فى القولون

[MALAK2010]

انا نويت ان شاء الله اعمل الكفتة اللى بتقولوا عليها
اسلق البطاطس وبعدين اهرسها واحط عليها ملح وكمون وشطة باين وبعدين اعملها كور وممكن احط فيها لحمة مفرومة وبيض وبقسماط وفى الزيت مش كدة

طيب البطاطس اسلقها ولا اقطعها مكعبات وبعدين اهرسها
يلا قولوا بسرعة جوزى زمانة جاى

[dr.princess]

ام دانا انا الحمدلله كويسة

[Om Rodina]

والله يا احساس كل واحدة بتختلف عن التانية فى الحمل مش شرط زى بعض وخصوصا الحمل لاول بيبى كل واحدة بتشوف حاجات غريبة وجديدة ههههههه

[dr.princess]

ملك انا بقطعها شرايح واسلقها وبعدين اهرسها واحط ملح وفلفل وكمون وبزود عليها جبنة مثلثات بتخليها جميييييييييييييلة واعملها كور او صوابع براحتك وفى بيض وبقسماط وتتحمر عجبت جوزى جدا الحمدلله

[MALAK2010]

ملك باقى من الزمن 10 ايام او 17 على حسب بقى

كتيييييييييييير عليا

[احساس الأمومه]

عندك حق ياام دانا
بصى يا ملك انتى ممكن تقشريه وتقطعيها وتسلقيه عشان تبقى سهله فى الهرس وبعدين بتحطى عليها الملح ولفلفل والشطه وحبة دقيق عشان تبقى متماسكه وبعدين تعملى كور صغيره وتمرريها فى البيض وبعدين لبقسماط وتقلى وبالف هنا

[MALAK2010]

ام دانا
يعنى ملك ولولو فى فترة هدنه
مسمعش واحده منكم تشتكى من الحمل بأه
هههههههههههههههههههه
انا ساكتة اهو هههههههههه

[MALAK2010]

طيب انتوا بتاكلوا جنبها اية؟؟؟؟؟؟؟

[Om Rodina]

لا الف سلامة عليكى يالولو وربنا يشفيكى ويعافيكى

[dr.princess]

ملك وانا كمان كتتتتتتتتير عليا بس اعمل ايه حكم القوى بقى هههههههههههههه

[MALAK2010]

لولو:هو لسة في ترجيع انتى قربتى على السادس يابنتى

[dr.princess]

تعالوا اتفضلوا اتغدوا معايا بانية ورز بالكارى وطبعا الكاتشب

[dr.princess]

ام دانا الله يسلمك حبيبتى

[MALAK2010]

صحيح الواحدة ممكن تولد قيصيرى لو ميزانها عالى؟؟؟

[احساس الأمومه]

تعالوا اتفضلوا اتغدوا معايا بانية ورز بالكارى وطبعا الكاتشب

بألف هنا يالولو
انا بأه عشان عند ماما هى بتعمل الأكل وبتعملى ممبار وكرشه وحاجات كده نفسى رحتلها ربنا يخلهالى

[Om Rodina]

لولو انتى لسه بترجعى الله المستعان ربنا معاكى ويقويكى
طيب بتاخدى دواء له ولا لا

[MALAK2010]

ام عمر بتقول المفروض الواحدة ماتزيدش عن 90 علشان ممكن تولد قيصرى

[dr.princess]

والله يا ملك معدتى مش مظبوطة بقالها اسبوع كل ما اكل حاجة معدتى تتقلب وفى الاخر رجعت مش عارفة اعمل ايه

[dr.princess]

احساس انا همووووووووووووت على الممبار نفسى فيه بقالى كام شهر
ابعتيلى شوية من عندك

[احساس الأمومه]

لولو مش فيه علاج بتخديه
ملك متخوفيش نفسك من الولاده فيه ناس مليانه وبتولد طبيعى وانا شفت ده
وبعدين ليه ده كله انتى بقيتى بقبظه خلاص
ههههههههههههه

[dr.princess]

ام دانا لا والله انا وقفت دواء الترجيع من اول الرابع

[Om Rodina]

معقول يا ملك الكلام ده والولادة بتتحدد بحسب الوزن ولا ايه

[احساس الأمومه]

احساس انا همووووووووووووت على الممبار نفسى فيه بقالى كام شهر
ابعتيلى شوية من عندك

أبعتهولك كله يا لولو بس أوعى تقرى عليا زى ما قريت عليكى فى الكشرى
ماهى واحده قصاد واحده باه
يلا خدى بطاركhwaml17
هههههههههههههههههههههه

[Om Rodina]

شفاكى الله وعافاكى يالولو وربنا يقومك بالسلامة ويكملك على خير ويفرحك بنونتك يا لولو

[dr.princess]

احساس هههههههههههههههه لا والله مش هحسد بس انتى برده ابقى سمى هههههههههههههههههه

[dr.princess]

ام دانا ياااااااااااارب ربنا يخليكى يارب

[MALAK2010]

لولو مش فيه علاج بتخديه
ملك متخوفيش نفسك من الولاده فيه ناس مليانه وبتولد طبيعى وانا شفت ده
وبعدين ليه ده كله انتى بقيتى بقبظه خلاص
ههههههههههههه
لا والله لسة مابقيتش بس خايفة ابقا ودة نتيجة متوقعة للقعدة اللى انا فيها بس بسال ممكن يكون عندكم علم بحاجة

[MALAK2010]

مقولتوش اعمل اية جنب كفتة البطاطس يلا جوزى جة عاوزة اعرف بسرعة

[dr.princess]

خلصت الغداء الحمدلله
يللا اخر عرض لسه باقى بانية وجوزى خد نصيبه خلاص هيفطر بيه فى الصيدلية يعنى البانية ده مالوش صاحب يللا وهعمل نفسى مش واخده بالى ههههههههههههه

[احساس الأمومه]

ماشى يالولو هسمى عشان اعمل حسابى بردو
هههههههههههههه
بصى ياملك الوزن ملوش دعوه طيب ما انا والله زيك خايفه لأنى قاعده فى البيت ولما بخرج مش بمشى فربنا يستر

[MALAK2010]

احنا فى الصفحة 1300 كفااااااااااااااية رغى ههههههههههههه

[dr.princess]

ملك انا اوقات بعمل كفتة البطاطس جنب الفراخ البانية او ممكن تعمليه جنب السمك الفيلية لو هتعمليه بانية برده او مثلا جنب المكرونة البشاميل بس مش عارفة تنفع ولالا
اول امبارح كنت عاملة مكرونة بالتونة وعملت الكفتة دى جنبها

[احساس الأمومه]

بنات انا هخرج عشان أصلى المغرب سلام