دردشة حوامل مصر - دردشة بنات مصر - تجمع حوامل مصر

[ام البنوتة]

احنا الاتنين اصله على اسم المرحومة مامته وانا كنت بحبها اوي

[بقلظة]

hwaml5hwaml5hwaml5

[بقلظة]

الله يرحمها ويغفر لها يا رب

[بقلظة]

تعرفي جميل اووي ان مرات الابن تحب حماتها

انا بصراحة مش شفت حاجة وحشة من حماتي فبحبها برضه

[ام البنوتة]

آمين يارب العالمين

[dr.princess]

بناات عايزة اعرف طريقة جديدة للسمك الفيلية لو تعرفوا لانى غالبا بعمله بانية وعايزة اغير

[ام البنوتة]

فعلا والله في حموات طيبين وفي اعوذ بالله بس دول والله قليلين

[ام البنوتة]

ممكن تقليه عادي بالدقيق وبعدين تعمليه صينية بالصلصة

[ام البنوتة]

عارفة ازاي يا لولو ؟ ولا اقولك

[بقلظة]

بناات عايزة اعرف طريقة جديدة للسمك الفيلية لو تعرفوا لانى غالبا بعمله بانية وعايزة اغير



لو تستني لبكرة ان شاء الله اسالك جوزي

يعرف اكتر مني بالموضووووع ده

[dr.princess]

انا مش بحب الصوانى اللى بصلصة اخرى معاها الفراخ
بس قوليلى كده بتتعمل ازاى ممكن افكر اعملها

[dr.princess]

امل ايه الراجل المحترم ده يعرف اكتر منك ماشاء الله
خلاص هستناكى لبكرة

[ام البنوتة]

ممكن بدل الصلصة تفرمي فلفل رومي احمر بيدي لون وطعم روعة مع السمك ما السمك ده تخصصي انتي ناسية اني بورسعيدية هههه

[بقلظة]

هههههههههههه شوفتي يا لولو

زوجي حبيبي رئيس طهاة

خبرة ممتاااااازة

ديكورات مقوليكشي

لو اعرف انزل صور كنت وريتك

[بقلظة]

بحب اوووي بور سعيد يا ام بنوتة

انتي ساكنة هناك؟

[dr.princess]

ام البنوتة انا مش بحب الفلفل ابدا ولا بحب طعمه فى الاكل خالص ولو استخدمته بهريه علشان محسش بيه
فياريت تقوليلى طريقة صينية الصلصة دى ارحم

[ام البنوتة]

بصي يا ستي افرمي بصلة وشوحيها ف زيت زيتون او درة لحد ما تدبل وبعدين حطي الثوم الفروم معاها لحد ما يصفر وبعدين حطي الصلصة والتوابل ويسبيها تتسبك شوية وبعدين حطي السمك المقلي وسيبيه ع النار دقيقتين وبالهنا والشفا وممكن تزودي بقدونس او شبت

[ام البنوتة]

لا انا من هناك وكل اهلي هناك بس انا متجوزة ف القاهرة

[dr.princess]

امل ماشاء الله على كل كده بقى مش هحتاج ادور على اى طبخه اجيلك على طول استغلال رسمى هههههههههههه

[dr.princess]

ام البنوتة انا كنت مستغربة انها تتقلى وبعدين تتحط فى صلصة وكمان مش بتتحط فى الفرن ؟؟؟

[بقلظة]

لو عاوزة اي حاجة بجد قوليلي وانا انقلك منه الوصفة

استغلي براحتك يا ستي

بس انتي ادعيلي بظهر الغيب

[ام البنوتة]

شوفي يا لولو ممكن تحطيها من غير قلي بس انا كده بحس بزفارة السمك
وممكن لو عايزة تحمري الوش تحطيها تحت الشواية شوية لكن ماتحطيهاش في الفرن عشان السمك مش بيستحمل هينشف

[dr.princess]

امل ماشى ياستى ده انا هبهدلك استغلال هههههههههههههه
وان شاء الله هدعيلك من غير حاجة خالص

[ام البنوتة]

وعلى كده يا امل بيطبخ ف البيت اصل كل الشيفات مش بيرضوا يطبخوا ف بيتهم

[dr.princess]

ام البنوتة بالعكس السمك الفيلية مفيش فيه اى زفارة خالص وكمان مش بينشف فى الفرن انا كنت بعمله صينية بالطحينة بس نفسى معدتش قابلاها وكان بيستوى حلو ويقرب يتهرى بس ابدا مش بينشف

[ام البنوتة]

اصلي بالرغم من اني من بورسعيد بس مش بطيق الزفارة خالص وبحس بيها بسهولة
والصلصلة بتنشف ف الفرن ده احنا بندهن بيها الفراخ لما تحبي تحمريها

[بقلظة]

لولو وام البنوتة

هاقوم اريح ضهري شوية

احاول اريح بس شوية احسن ضهري واجعني

ان شاء الله ارجع لكم تاني

[ام البنوتة]

اتفضلي يا قمر

[بقلظة]

وعلى كده يا امل بيطبخ ف البيت اصل كل الشيفات مش بيرضوا يطبخوا ف بيتهم



هو بصراحة في العزوومات بيعمل احلي شغل واحلي ديكور

بس في العادي انا بعمل الاكل

لكن الاكلاات الغريبة هو طبعا

لاني معرفهاش

[بقلظة]

يا رب لما ارجع اليكوا تاني

في رعاية الله

[ام البنوتة]

ربنا يخليكوا لبعض ويهديه ليكي

[dr.princess]

ام البنوتة انا مكنش قصدى على الصلصة انا قصدى ان سمك الفيلية مش بينشف فى الفرن بس ان شاء الله احاول اجربها واقولك

[dr.princess]

انا كمان هيجرالى حاجة من وجع ظهرى هروح انا كمان اريح شوية

[ام البنوتة]

تمام يارب تعجبك وبالهنا والشفا
تصبحي على خير لاني هاصحى بدري
يارب اشوفك بكرة

[رنا خالد]

انتوا نمتوا ولا ايه ياحلوين يامقطقطين

[dr.princess]

حد لسه صاحى

[gogo]

انا هنا يالولو
ايه اخبارك انهارده

[dr.princess]

الحمدلله يا جوجو اخبارك ايه
اتأخرتى ليه النهاردة انا قلت مش هتدخلى

[gogo]

انا تمام الحمد لله
اصل جوزى لسه نايم الوقتى
ايه اخبار البنات كلهم مشيوا

[dr.princess]

اه تقريبا كلهم قفلوا
وانا برده غصب عنى لازم اقفل كمان علشان جوزى بيخلص بدرى ساعة النهاردة شوية وهيجى فهروح احضرله العشا معلشى بقى
اشوفك بكرة ان شاء الله

[gogo]

اوك يالولو
تصبحى على خير

[ام يحيي 2011]

ربنا يسمحكم أنا مخصماكم كده ما حدش يعبرنى

ولا تسألوا عليا كل الفتره دى

طب سلالالالالالالالالالالالام وانا زعلانه اووووووووووووووووووووووووووى

[ام يحيي 2011]

ويااااااااااااارب تكونوا بخير

رغم اى حاجه

[بقلظة]

السلام عليكم ورحمة الله وبركاته

صباح الخير ام حنين

زعلاانة ليه بس اكيد سالوا عنك بس انتي مش قريتي كل المشاركات

طبعا مش زعلاانة مني لاننا لسه مش اتعرفنا علي بعض

[Om Rodina]

السلام عليكم ورحمة الله وبركاته
ازيكم كلكم يا حبايبى عاملين ايه
حد هنا ولا كلكم لسه نايمين

[somia]

السلام عليكم ورحمة الله وبركاته..
حد هنا يا جماعة؟؟؟

[somia]

يا ناس يا هوه ادخلواااااااااااا .. أنا شوية ومش هعرف أدخل تاني

[somia]

قدر الله وماشاء فعل ..
لولو معلشي مقدرتش ادخل امبارح..
أراكم باذن الله تعالى بعد أسبوع..
هتوحشونييييييييييييييييييييييييي جدا جدا جدا ..
سلام مخصوص لأطفال التجمع .. الباشموهندس أحمد والدكتورة لوجين..
السلام عليكم ورحمة الله و بركاته

[ماما قلقانه]

ربنا يسمحكم أنا مخصماكم كده ما حدش يعبرنى

ولا تسألوا عليا كل الفتره دى

طب سلالالالالالالالالالالالام وانا زعلانه اووووووووووووووووووووووووووى
لا يا حبيبتى انا كنت بتكلم مره انا ولولو وتقريبا ملك وسالت عليكى.ربنا يطمنا عليكى يا حبيبتى وتكونى بخير

[dr.princess]

ايه ده يا بنااااات مالكم كده النهاردة

[dr.princess]

ام حنين لالالالا ماتزعليش بس احنا سألنا عليكى فى الصفحات اللى ورا شوية
منقدرش على زعلك ومستنينك تتكلمى معانا تانى زى الاول

[dr.princess]

سمية ان شاء الله النت ميتأخرش ويرجع على طوووووووووووول
هتوحشينا

[dr.princess]

ملك فيييييييييييييينك النهاردة

[MALAK2010]

حد هنااااااااااااا

[مدام احمد]

السلام عليكم
ازيك يا بنات بلدى

عايزه خدمة منكم .. مين يعرف د\محمد يحي بتاع مركز الخصوبة الدولى اللى عند مستشفى كليوباترا

حد اتعامل معاه او يعرف حد راح المركز ..وشاطر فعلا ولا ايه ظروفه

وجزاكن الله خيرا

[dr.princess]

ملك ازيك ياقلبى اخبارك ايه فييينك من بدرى

[MALAK2010]

ام حنين:زعلانة لية يا حبيبتى حقك عليا بس احنا فعلا سالنا عليكى زى ما سمر قالتلك وبعدين احنا عارفين ان لو حد مدخلش بيبقى من النت
اوعى تزعلى عشان خاطرى انا مايهونش عليا زعلك ولا زعل اى حد من البنات
ومستنياكى تدخلى ونرغى تانى زى الاول

[dr.princess]

مدام احمد اهلا بيكى معانا
غالبا انتى قصدك فى القاهرة معنديش اى فكرة انا من المنصورة ودلوقتى فى السعودية فمعنديش اى خلفية ان شاء الله باقى البنات يفيدوكى
وابقى ادخلى معانا هنا ان شاء الله التجمع يعجبك

[مدام احمد]

مدام احمد اهلا بيكى معانا
غالبا انتى قصدك فى القاهرة معنديش اى فكرة انا من المنصورة ودلوقتى فى السعودية فمعنديش اى خلفية ان شاء الله باقى البنات يفيدوكى
وابقى ادخلى معانا هنا ان شاء الله التجمع يعجبك



اهلا وسهلا بيكى يا قمر
ايوة انا اصدى فى القاهرة ..لانى حجزت عنده اخر الشهر بس عايزه اعرف حد اتعامل معاه ..ربنا يكملكم جميعا على خير واحصلكم ان شاء الله :)

[ام البنوتة]

السلام عليكم ورحمة الله وبركاته
وحشتووووووووووني يا قمرات

[جيرا]

سلام عليكم يااحلى مدامات

[MALAK2010]

السلام عليكم
ازيك يا بنات بلدى

عايزه خدمة منكم .. مين يعرف د\محمد يحي بتاع مركز الخصوبة الدولى اللى عند مستشفى كليوباترا

حد اتعامل معاه او يعرف حد راح المركز ..وشاطر فعلا ولا ايه ظروفه

وجزاكن الله خيرا

كان نفسى افيدك يا جميل بس انا مش من القاهرة
بس تابعى معانا وفى بنات من القاهرة ممكن يفيدوكى

[ام البنوتة]

وعليكم السلام ورحمة الله وبركاته
اهلا جيرا

[Om Rodina]

السلام عليكم ورجمة الله وبركاته
انا دخلت الصبح وسلمت عليكم كلكم ومافى حد رد عليا
عموما ازيكم كلكم وعاملين ايه

[مدام احمد]

وعليكم السلام ورحمه الله وبركاته

[جيرا]

ازيك ياملوكه ولولو وام البنوته وكل الموجودين والله وحشتونى
كتييييييييييييييييييييييير

[ام البنوتة]

الحمد لله يا ام دانا ازيك ودندون عاملة ايه؟

[جيرا]

معلش ياحبيبتو والله انا كمان بدخل مش بلاقى حد يرد
بس مش بيكونوا موجودين

[Om Rodina]

ملك ولوولو وام البنوتة ومدام احمد وجيرا
ازيكم كلكم واخباركم ايه والنونو بتاعكم عاملين ايه

[مدام احمد]

كان نفسى افيدك يا جميل بس انا مش من القاهرة
بس تابعى معانا وفى بنات من القاهرة ممكن يفيدوكى

تسلمى يا ملك كلك ذوق
ودعواتك يا بنات ربنا يجعل الدكتور سبب لخير والحمل بإذن الله

[Om Rodina]

الحمد لله بخير وبتسلم على خالتو ام البنوتة كتير وبتسلم على صاحبتها كمان منمن

[ام البنوتة]

ربنا يرزقك يا ام احمد بالذرية الصالحة ان شاء الله

[جيرا]

والله بقى النونو دا خلاص زهقنى مش راضى يتحرك
نفسى فى ضربه رجل واحده بس ههههههههههه

[مدام احمد]

ملك ولوولو وام البنوتة ومدام احمد وجيرا
ازيكم كلكم واخباركم ايه والنونو بتاعكم عاملين ايه


ازيك يا ام دانا

كل سنة وانتوا طيبين

[ام البنوتة]

وياترى شقية زي صحبتها ولا دانا مؤدبة وامورة هههههههه

[ام البنوتة]

انتي في الشهر الكام يا جيرا

[جيرا]

ياااارب يامدام احمد يرزقك بالذريه الصالحه ان شاء الله
ويجعلك الخير فى الدكتور ده

[جيرا]

فى نص الخامس ووالله هموت من الرعب والقلق
ومش عارفه انام وخصوصا بيقولوا الولد حركته بتبدا من بدرى

[Om Rodina]

حبيبتى جيرا بكرة ربنا يفرح قلبك بحركة النونو ويطمنك عليه ماتقلق خالص وخصوصا لو اول نونو بتبقى حركته مش واضحة اوى او ممكن ماتقدرى تميزيها

[Om Rodina]

وانت طيبة وبخير ام احمد وربنا يرزقك الذرية الصالحة

[جيرا]

يااااااااااااارب

[ام البنوتة]

يا بنتي سيبيه هادي لاحسن تندمي ويطلع شقي ههههههه
حد طايل

[Om Rodina]

والله ياحبيبتى باين عليها هاتبقى شقية بس بتموتنى من القلق عليها بتقعد فترة طويلة مش تتحرك وبعدين بتشن الحرب عليا يعنى بمزاجها ههههههه

[ام البنوتة]

ههههههههه يبقى زي صحبتها تماااااااام غاوية تلعب كورة نص الليل

[Om Rodina]

ملك ولولو روحتوا فين

[مدام احمد]

ربنا يرزقك يا ام احمد بالذرية الصالحة ان شاء الله

اللهم امين ..جزاك الله خيرا على دعوتك

[جيرا]

ياجماعه ماشاء الله عليهم دا افضل من السكوووووووووووت زى الواد ده

[Om Rodina]

فعلا والله مش بتبدا تمارس الرياضة بتاعتها الا وانا رايحة انام والله شكلها هاتربينى مش انا اللى هاربيها وهاتمشينى على مزاجها ههههههه بنات اخر زمن

[ام البنوتة]

ملك ولولو اكيد ناموا ده العادي بتاعهم يناموا قدام الكمبيوتر كل يوم ههههههههههه

[جيرا]

ام دانا عاوزه اسالك عن موضوعك بتاع العين

[Om Rodina]

جيرا ماتقلقى والله انا باخر الشهر السادس ومش بدات احس بحركة نونتى الا فى نص واخر الخامس كده وكمان بتبقى حركة هادية اوى انت ممكن تحطى ايدك على بطنك وتحسى بحركة بسيطة اوى زى ما يكون كتكوت بينبش كده بس ودى بتبقى حركته

[ام البنوتة]

شوفي يا جيرا انا ليا واحدة قريبتي جابت ولد وبعدين بنت ماكنتش بتحس بحركة ف الولد خالص لكن البنت كانت بتتحرك كتير
والعكس بيحصل بعد الولادة الولاد بيكونوا اشقى من البنات متقلقيش هيطلع الهدوء ده على عينك لما يشرف ههههههههههه

[جيرا]

ياملك انتى ولولو رحتوا فييين تانى

[Om Rodina]

معاكى حق والله ام البنوتة
جيرا حبيبتى اتفضلى انا تحت امرك

[جيرا]

عارفين انا بحس بس بنبض فى بطنى

[ام البنوتة]

ده كويس اوي هوا بيريحك دلوقتي عشان لما يجي ماتقوليش تاعبني من يومك

[ام البنوتة]

ده فعلا نبض قلبه هتلاقيه حتى اسرع من نبضك انتي

[جيرا]

انا كمان كنت عملت عمليه الليزك وانا فى مصر من سنه وكانت نتيجتها 100%
لكن من بدايه حملى وخصوصا من بدايه شهرى الخامس احس بعينى مزغلله وعليها زى ضبابه
مش عارفه ايه السبب

[جيرا]

فعلا بحس بنبضه فى جسمى كله

[Om Rodina]

جيرا حبيبتى اطمنى خالص هى دى بتبقى حركته فى الاول وطالما بتحسى بنبه يبقى اطمنى عليه خالص وهو بخير باذن الله وروحى للدكتورة بتاعتك وخليها تطمن على نبضه وماتقلقى خالص وربنا يفرحك بيه يارب ويبقى عريس اد الدنيا

[جيرا]

يارب ياحبيبتى ويطمن كل بنات المنتدى على اطفالهم ويكملهم على خير ياااااااارب ويعطى كل من تريد

[ام البنوتة]

انا اختي كانت عاملة لينسيس نظر قبل الحمل وبعد الحمل ماكنتش بتشوف بيهم راحت للدكتور افتكرت انهم باظوا لكن الدكتور قالها مافيش حاجة بس الحمل بيقصر على النظر ولو عملتي قياس دلوقتي مش هيطلع مظبوط فخليها بعد الولادة

[Om Rodina]

بصى ياحبيبتى انا كان حصل لى زغللة ودوخة وحاسة انى بادوخ لما باركز شوية فى حاجة وده كان بداية الشهر الرابع وروحت كشفت على عينى وقالى الدكتور ده بيبقى ضعف عام من الحمل وبعد الولادة ان شاء الله تبقى كويسة بس ركزى على الكالسيوم والحديد علشان يعوض الناقص من جسمك ودكتورتى قالتلى برده كده لان احيانا الحمل بيسبب لبعض الحوامل شضعف عام بالجسم

[جيرا]

يعنى بيرجع تانى ولا بيستمر على حالته مش عارفه
فيه ناس كتيير قالولى انه من الحمل لكن مش عارفه صراحه

[Om Rodina]

يارب اللهم امين ربنا يعطى كل محروم

[جيرا]

يارب يكملنا على خير

[Om Rodina]

لا اطمنى باذن الله الامور بتستقر تانى بعد الولادة باذن الله بس انت ركزى على الفيتامينات والكالسيوم علشان جسمك

[جيرا]

هم البنات دول زوغوا مننا ولا ايييييييه

[Om Rodina]

يارب اللهم امين ياحبيبتى

[ام البنوتة]

عملية الليزك ممكن تقعد سليمة لمدة فوق العشر سنين لو مش بتقعدي قريب من التليفزيون و الحاجات اللي بتأثر على النظر وانتي لسه عاملاها السنة اللي فاتت يعني ده فعلا من الحمل ماتقلقيش

[Om Rodina]

مش عارفة والله راحوا فين
باين كده هربواههههههههه

[Om Rodina]

ام البنوتة مش عارفة اشترى ايه هدوم للنونة كده بالاول لو عارفة قوليلى الله يكرمك

[Om Rodina]

ام البنوتة روحتى فين وباقى البنات كمان

[ام البنوتة]

انتي هتولدي ف شهر ايه يا ام دانا لان بيفرق

[جيرا]

انتوا فى الشهور الكام ياجماعه

[ام البنوتة]

انا في اخر اسبوع من الخامس

[Om Rodina]

انا باذن الله شهر ولادتى شهر 3 الكتورة قالتلى اخر ميعاد باذن الله 30/3

[جيرا]

عقبال التاسع ياااااااارب

[Om Rodina]

انا فاضلى عشرة ايام وادخل بالسابع باذن الله

[Om Rodina]

يارب عقبالك ياجيرا وربنا يفرحك بالنونو يارب

[Om Rodina]

ربنا يكملك على خير ياام البنوتة يارب ويقومك بالسلامة ويفرحك بعروستك

[جيرا]

يااارب انا وانتوا وكل البنات

[Om Rodina]

يارب ياحبيبتى اللهم امين ودا اول نونو لك ياجيرا باذن الله

[ام البنوتة]

بصي يعني الجو هيكون كويس
كل الهدوم لازم تكون قطن 100% لان البيبيهات جلدهم حساس وماتجيبيش حاجات كتير نفس المقاس لان بيكبروا بسرعة ماشاء الله
هتحتاجي هدوم داخلية فيه فانلات بكابسين من تحت دي بتكون عملية بدل ما تجيبي قطعتين جيبي بنص كم حوالي 4 وبكم 4 برضه ومن بره سالوبيتات ده بتكون عملية ف الشهور الاولى

[جيرا]

على فكره انا بدات فى حاجه البيبى بقول ابدأ وانا كويسه شويه قبل مالتعب يخلينى مش اركز فى الحاجه ولا انتوا ايه رايكم

[جيرا]

نعم ياام دانا اول بيبى ان شاء الله

[Om Rodina]

جزاكى الله خيرا حبيبتى ام البنوتة وعقبال ماتجيبى حاجة منمن يارب وتفرحى بيها
جيرا والله ماما قالتلى ماتبداى تجيبى حاجة الا بالتامن كده ولا حاجة

[Om Rodina]

ربنا يباركلك فيه ياجيرا يارب ويقر عينك بيه

[Om Rodina]

معلش ام البنوتة قوليلى ايه الاماكن الكويسة والمضمونة فى القاهرة او الاسكندرية علشان اشترى منها للنونة

[ام البنوتة]

هوريكم بعض حاجات م اللي جيبتها لمني

[جيرا]

ام دانا انا اسكندرانيه فبه اماكن كتيير تشترى منها كويس
الابراهيميه والمنشيه وكمان محطه الرمل واماكن كتيير

[ام البنوتة]

حلوين يا بنات ؟

[Om Rodina]

خلاص ماشى وجبتيها منين عارفة والله انا مشتاقة اوى اجيب حاجة للنونة وخايفة اتجنن لما اشوفها هاحس انى عاوزة اشوف النونة اوى

[ام البنوتة]

ام دانا الحاجات دي من سيتي سنتر المعادي

[جيرا]

تسلم ايديكى جميله جدا عقبال ماتشوفيها لبساهم

[Om Rodina]

الله ايه العسل ده وحاجته كويسة ياام البنوتة ومضمونة باذن الله
جيرا ربنا يجزيكى خير وايه رايك فى كارفور حاجته كويسة بتاعت البيبى ولا لا

[ام البنوتة]

وعقبال ابنك يارب

[ام البنوتة]

كل الحاجات قطن فعلا والاسعار معقولة جدا
ماهي الحاجات دي من كارفور اللي جوه المعادي سيتي سنتر

[Om Rodina]

ربنا يجزيكى خير ام البنوتة ويفرحك بالنونة وبحاجتها يارب

[ام البنوتة]

آمين وعقبال ماتجيبي لدانا وتلبسهم وتوسخهم وانتي تغسلي ههههههه

[Om Rodina]

اكيد ده اللى هايحصل باين كده لازم نرتاح اليومين دول علشان هانتربى منجديد بعد كده وننسى الدلع والراحة قبل مايشرفواهههههههههه

[جيرا]

ايوة حبيبتى كارفور حاجته جميله ومضمونه جدا

[ام البنوتة]

معلش يا بنات استأذنكم لان ورايا مشوار
اشوفكم بعدين ان شاء الله
السلام عليكم

[Om Rodina]

ربنا يجزيكى خير ياجيرا وعقبال لبس احمد يارب
ام البنوتة اتفضلى ونشوفك على خير باذن الله

[بقلظة]

انا هنااااااااا

[Om Rodina]

امولة ازيك اخبارك ايه وحشتينى جدا والله
انت فين من زمان وحشتينى والله

[Om Rodina]

امولة انتى فييييييييين
اخبارك ايه واخبار حموده ايه ربنا يباركلك فيه ويقومك بالسلامة يارب

[Om Rodina]

انت فييييييييين يا امل

[لولا]

ممكن تقبلونى معاكم

[Om Rodina]

اتفضلى حبيبتى لولا واحنا هنا كلنا اخوات

[Om Rodina]

حبيبتى لولا انت موجودة لسه ولا ايه

[لولا]

ام دانا انا افتكرت ان مفيش حد سووورى

[Om Rodina]

لا ياحبيبتى ولا يهمك انا معاكى

[Om Rodina]

لولا دا اول نونو ليكى ولا ايه انت منين من مصر

[Om Rodina]

لولا حبيبتى انت معايا
روحتى فيييييييين

[dr.princess]

اللهم يا من جعلت عيسى بلا أب
و جعلت سليمان يكلم من يأكل الحَب
و نصرت موسى على من قال أنه الرب
و أحببت محمد حب ليس بعده حب
و حميت مريم من القذف و السب
و أخرجت يونس من الظلمات و يوسف من الجُب
و جعلت الشجر و الحجر يسبحونك بلا روح و لا قلب
ربي أنت القريب و الصاحب
أنت المجيب و السامع
فارحم ضعفنا و يسر أمرنا
و حقق لنا نجاحا فإننا بحاجة إليك


امييين اميييين يارب العالمين
وصلى اللهم وسلم وزد وبارك على حبيبك ونبيك سيدنا محمد عليه أفضل السلام وأتم التسليم

[Om Rodina]

روحتى فيييييييييييييييييييين يالولا

[Om Rodina]

لولو ازيك ياحبيبتى واخبارك ايه
النونو عامل ايه وحشتينى كتير

[Om Rodina]

ايه الدعاء الرائع ده ياجميل
ربنا يبارك فيك انا هانسخه عالجهاز عندى لانه بجد رائع

[لولا]

كان فى حمل قبل كدة بس محصلش نصيب الحمدلله على كل حال ويارب يكملى على خير المرة دى انا من الجيزة وانتى ياقمر؟معلش النت عندى بطئ شوية جننى

[dr.princess]

ام دانا قلت اسلم على السريع
معلشى مش هقدر افضل معاكى عندى مغص وشربت حاجات دافية معملتش حاجة وكمان رجعت اول ماصحيت فمعدتى مش مظبوطة خالص
هستأذن منك حبيبتى

[Om Rodina]

لولا يارب يكملك على خير ويفرحك بالنونو ويسلمه ويعافيه لك
انا من كفرالشيخ ياحبيبتى

[dr.princess]

الدعاء لقيت واحدة صاحبتى حاطاه على الفيس بوك عجبنى اوى فقلت احطه هنا ليكم
ياااريت تدعولها بالزوج الصالح

[Om Rodina]

لا الف سلامة عليكى يالولو وربنا يعافيكى لاياحبيبتى قومى اتفضلى وريحى

[لولا]

ودة اول بيبى ليكى؟

[Om Rodina]

ايوا يالولا دااول نونو وان شاء الله بنوتة ربنا يحفظلك نونتك يارب ياحبيبتى

[gogo]

السلام عليكم
ازيكم يابنات

[لولا]

ربنا يفرحك بيها انتى فى الشهر الكام؟

[لولا]

وعليكم السلام ورحمه الله وبركاته

[Om Rodina]

انا بالشهر السادس يالولا

[gogo]

ايه يابنات مفيش حد

[لولا]

ربنا يقومك بالسلامة

[لولا]

انا هنااهووووووووووووو

[gogo]

اهلا بيكى يالولا
نرغى بقى بدام مفيش غيرنا
انتى منين

[لولا]

الجيزة وانتى ؟

[gogo]

انا من الهرم
عندك كام سنه انا 23

[لولا]

انا عندى 25 سنة

[gogo]

انتى جديده ف المنتدى ولا كنتى متابعه ولسه مسجله

[لولا]

انا عرفت المنتدى بالصدفة فى حملى الاولانى ولما ربنا مارادش ومتمش بعدها سجلت فية وانا شاكة انى حامل وكنت متفائلة جدااااااااااااااا بالمنتدى وفعلا بعد ماسجلت رحت للدكتور وبعدها ربنا اكرمنى بالحمل

[لولا]

انتى حامل فى الشهر الكام ؟

[gogo]

انا مش حامل

[لولا]

ربنا ان شاء الله يرزقك بالحمل السليم العافى

[gogo]

يارب ربنا يحليكى ويتمملك على خير
انتى عامله ايه ف الوحم

[لولا]

الحمدلله على كل حال بس تعبانة جدااااااااااا ومش طايقة حتى نفسى ومستحملة وبتمنى بس ان ربنا يكملى على خير المرة دى

[لولا]

وبكرة ان شاء الله اول سونار ليا ويارب الدكتور يطمنى

[gogo]

ان شاء الله تتطمنى وتفرحى يارب
واستحملى انتى ق الشهر التانى نقصلك شهر وتخلصى من الوحم باذن الله
بس انتى حملتى قبل كده

[رنا خالد]

جوجو وحشتيني عامله ايه
لولا منوره المنتدي ياقمر
هي السهره النهارده مقتصره علينا بس ولا ايه

[لولا]

اة كنت حامل ومكملش الحمدلله على كل حال
دة نورك يارنا

[gogo]

رنا ازيك زايه اخبار لوجى
عايزين نشوفها بقى
السهره انهارده لسه مقتصره علينا بس لسه بدرى زمانهم جاين

[gogo]

ولولا انا عارفه انه سؤال رزل شويه بس ايه سبب ان الحمل مكملش وحملتى بعد اد ايه اصل انا حصلى كده ف بحب اعرف يمكن الاقى معلومه مفيده

[لولا]

لاو لايهمك انا حملى فضل لحد الشهر السادس وبعدين شوية مجهود وجماع فامحصلش نصيب والحمدلله على كل حال والدكتور قالى المرة الجاية ان شاء الله هنعمل ربك لعنق الرحم بس مفيش سبب واضح الله اعلم وانتى كنتى فى الشهر الكام؟

[gogo]

ايه يابنات روحتوا فين

[لولا]

معلش انا عندى النت بطئ شوية

[gogo]

انا كنت ف الشهر التالت والسبب توقف نبض الجنين بعيد هن السامعين يارب ومفيش سبب

[رنا خالد]

ياريت ياجوجو يحصلونا وتبقي السهره صباحي
وعلي فكره لوجي بتسلم عليكي وبتبوسك كمان
انتي ولولا عشان محدش يزعل منها
لولا ياريت تعرفينا بنفسك اكتر
يعني عايزين السي في بتاعك هههههه

[لولا]

على فكرة انا ناوية لو ربنا رزقنى ببنت ممكن اسميها لوجين او تالا لسة مش عارفة

[لولا]

ربنا يعوضك خير ان شاء الله ياgogo

[gogo]

ههههههههه رنا متخصصه سيفهات
رنا شكلك هتضحكى علينا ومتوريناش لوجى وبوسيهالى بوسه كبيره
لولا ربنا يرزقك بالى تتمنيه يارب ويبقى عندنا اتنين لوجين

[لولا]

انا ياستى من الجيزة 25 سنة وحامل لتانى مرة ويارب يكملى على خير المرة دىوبكرة ان شاء الله اول سونار ليا وبس

[رنا خالد]

والله يالولا انا موضوع الاسم ده جنني
اول ماعرفت اني حامل في بنت قلت هاسميها جودي وبعدين غيرت رأي وقلت هاسميها حلا
وبعدين قررت لوجين قبل ماتتولد بأيام لما احمد جوزي اتجنن مني كل شويه برأي

[لولا]

اهو فى حاجة ناقصة؟ فى السى فى؟؟؟؟؟؟؟؟؟

[رنا خالد]

لاو الله هاورهالكم بس اصل باباها بيقولي انه حرام نصورها قبل ماتكمل اريعين يوم
ليه مش عارفه وكل شويه اغيظه واقوله هاصورها من وراك

[لولا]

هههههههههه عادى عادى انا جوزى بيقولى هتختارى اسم وبعدين هتسمى حاجة تانية خاااااالص حافظنى

[لولا]

ربنا يحفظهالكو ويباركلو فيها ان شاء الله

[رنا خالد]

ربنا يخليكي يالولا وتفرحي بشوفته او شوفتها
ونسمع كمان من جوجو خبر حلو يفرحنا الشهر ده ان شاء الله
اصل التجمع ده وشه حلو علي كل البنات

[gogo]

خلاص يارنا سماح اربعين يوم يعنى ناقص شهر ونلاقى صوره لوجى منوره
وايه اخبار الامومه خدتى عليها ولا لسه

[رنا خالد]

والسي في كده ميه ميه علي فكره انا شيكت عليه اخر تمام ههههههه
تحبي انا كمان اقدم لك السي في بتاعي

[gogo]

والله يارنا كله بيقلى التجمع وشه حلو لحد الوقتى مشفتش غير قفاه هههههههه

[gogo]

لولا لسه معرفناش درستى ايه وبقالك قد ايه متجوزه

[رنا خالد]

بصي ياجوجو انا والله فرحانه بيها بس المشكله حاسه ان حياتي اتغيرت ومبقتش قادره اقعد مع احمد زي الاول خايفه اقصر في حقه ومنقدرش نرجع نتفسح ونخرج ونعيش حياتنا زي زمان اصلي بحب جوزي اوي وخايفه حبنا لبعض يقل يمكن ده يكون احساس خاطئ؟؟

[لولا]

طبعا يارنا عايزة السى فى بتاعك

[لولا]

انا درست اداب انجليزى ومتجوزة بقالى تقريبا سنة

[gogo]

رنا بالعكس حبكوا هيزيد انتوا بقى بنكوا طفل حته منك ومنوا ده اكبر رابط بين اتنين
وبعدين طبيعى ان الحياه بس الوقتى مش مستقره لسه انتى تعبانه ولسه مخدتوش على انكوا تتعاملوا مع طفله ولسه ناس جين ورايحين كلها كام يوم ولما تستقراوا هتحسى انها زادت بتكوا سعاده
انا اختى ولدت وف الفتره الاولانيه كانت مش مستقره الوقتى حياتها ماشيه عادى ومهتمه بنفسها وبنتها وفسح وخروج ومبسوطين مع بنتهم انتى بس اصبرى

[gogo]

لولا انتى زى انا بردوا سنه تمتها من كام يوم

[لولا]

رنا اصبرى هتلاقى حياتك ماشية لوحدها سبحان الله ومش هتقصرى ان شاء الله فى اى حاجة

[لولا]

بصرة ياجوجو

[رنا خالد]

معاكي حق ياجوجو اكيد انا بيتهيألي ولأن الوضه لسه جديد عليا ان شاء الله هاتعود
لولا انا ياستي اسمي رنا عندي 23 سنه معايا ليسانس اداب علم نفس
متجوزه من عشر شهور وخلفت الاسبوع اللي فات وعايشه في مدينة نصر

[رنا خالد]

هاسيبكم انا دلوقتي يابنات والحق انام لي شويه قبل الورديه بتاعة لوجين
تصبحوا علي الف خير واشوفكم بكره ان شاء الله
فاصل نواصل ههههههه

[gogo]

مامتك لسه معاكى يارنا

[gogo]

وانتى من اهله يارنا
نشوفك على خير ان شاء الله

[لولا]

وانتى من اهل الخير ياقمر

[gogo]

لولا انتى بتشتغلى

[كنت احبك]

سلام عليكم بناااااااااااااااات ادرى بتعبكم شؤؤؤؤؤؤؤؤي ولله بس ياريت الى عندهاااااااا اي فكررررررر او نصيحة ااااااااااووووو اي شيء اوسامعه اااااااااووووووو انت اااااااااامانة تقولولى جعلكم ماتشوفووووون النااااااااااار اامين يارب ويرزقكم ربي؟؟؟؟؟؟؟؟؟؟؟؟؟







بنااااااات بنت عمي حامل الحين بشهرها لاول وعندها بنت,,,
وزوجهااااااا يبقااااء ولد وهى خاااااااااااايفة حيل انها تنجب بنت
(((تعرفوووون حبايب ان الرجااااال يبي صبي ))) اي كمل......

الحين هى بشهرها لاول وطبعاااااااان مايبان الجنين لسة ع سوناااار بعد ,,,,,, فان شنو لاغدية او لاطعمة اللى تنصحوها تاكله او تشربهاا
يعنى احتمالات تخله يطلع ولد وشنو لاشيء اللى لازم تبتعد عنهاااا تتخله تنجب بنااااااااااااات(((ادرى بتقولون كل شيء بيدى ربي اي ولله صجين )))))))) انا سمعت انى الى تتوحم بملح صبي والى تتوحم بسكر بنت؟؟؟؟؟؟؟؟ يالله يابناااااات الى جربت وانجبت صبي
امانة ردوووووووووووو الله يحفظجن ياااااارب ناطره ردودجن

[amera]

احب اشارك معاكوا انا فى اول الرابع والمشيمة عندى لتحت وكيس الحمل ضعيف ادعولى ربنا يكملى الحمل على خير واللى عندها فكرة عن حالتى ياريت تفدنى

[gogo]

ربنا يكرمها يارب وديها الولد
بس جنس الجنين اكيد متحدد خلاص يعنى الاكلات والحجات دى كانت قبل الحمل
لاكن الوقتى جنس الجنين خلاص متحدد
وانا هقلك قصه خليها تقلها لجوزها يمكن يتعظ منها
انا اعرف واحده كانت كل خلفتها بنات وجوزها كانت زعلان جدا ومكنش راضى ولما جت اخر بنت هو حبها اوى وشال فكره الولد من دماغه ورضى بالى ربنا كتبه مراته حملت علطول بعد اخر ولاده وربنا اداهم الولد خليها تقله يرضى علشان ربنا يرضيه

[لولا]

انا مش بشتغل ياجوجو وانتى ؟

[gogo]

اميره اهلا بيكى
انا اختى زيك وربنا تمملها على خير ومعاها بنوته زى القمر الوقتى
اهم حاجه ف حالتك الراحه التامه هى مكنتش حتى بتقوم من على السرير خالص الا للضرروره القصوى حتى اكلك يجيلك على السرير لحد لما المشيمه تترفع
وان شاء الله ربنا يتمملك على خير

[لولا]

اهلا بيكى يااميرة واهم حاجة ليكى الراحة وربنا يتمملك بخير ان شاء الله

[لولا]

ربنا ان شاء الله يرزقها بالولد الصالح ويهدى زوجها

[gogo]

ولا انا يالولا
مقلتليش بتتوحمى على ايه

[لولا]

دة انا جننت جوزى هههههههههههه برقوق

[لولا]

والراجل ياعينى لف وجابهولى قلتله وانا مالى مش ابنك ولا بنتك ههههههههه ودة الحاجة الوحيدة الى كلتها بنفس وبعد كدة خلاص قفلت

[gogo]

ههههههههه جنننتيه ليه دنتى طيبه اهو برقوق
ده انا ف حملى اتوحمت على ممبار اتبعتلى من مصر مخصوص

[gogo]

لولا انتى حملتى بعد الاجهاض بقد ايه

[لولا]

لا انا ارحم بقى ههههههههههه

[لولا]

خمس شهور تقريبا بس بعد العلاج

[لولا]

بس من غير منشطات انا بس كنت بنظم البريود لانها كانت ملخبطة

[لولا]

انتى رحتى لدكتور؟

[gogo]

كلامك رفع من معنوياتى اصل انا كل شويه اقول لجوزى بقالى 6 شهور يبقى مش هحمل ههههههههه جننته بالحمل ده

[gogo]

انا رحت بعد الجهاض وكل شىء تمام
ورحت من 3 شهور وقالتلى كله تمام بس فيه التهابات بسيطه ادتنى علاج 10 ايام وخلاص

[لولا]

يبقى من القلق ياقمر بصى والله والله الشهر الى قلت مش هحمل في ربنا اكرمنى وبقيت حامل تصدقى؟

[gogo]

انا فعلا بفكر كتير الحمل جننى ههههههههه
بس كل شهر التفكير بيقل عن الى بعده بحاول مفكرش

[لولا]

ربنا يرزقك ان شاء الله

[gogo]

ان شاء الله

[لولا]

انا هقولك تصبحى على خير ياقمر لانى خلاص فصلت

[gogo]

وانتى من اهله يالولا
وابقى ادخلى طمنينا عليكى بكره

[جيرا]

سلااااااااااااام عليكم

[Om Rodina]

السلام عليكم ورحمة الله وبركاته
حد هنا ولا لا

[لولا]

السلام عليكم

[Om Rodina]

لولا حبيبتى اخبارك ايه انهارده والنونو عامل ايه