دردشة حوامل مصر - دردشة بنات مصر - تجمع حوامل مصر [الأرشيف] - الصفحة 13

MALAK2010

10-26-2010, 07:49 AM

gogo:اهلا اهلا ياجميل نورتينا
قبرص مرة واحدة هههههههههههه ماشاء الله فكرتينى بايام السبعينات وافلام عادل امام فى المولد

كلمينا على البلد دى اللى اعرفة عنها انها مفتوحة اوى دة انطباعنا من الافلام قولى انتى (مستنياكى )ولو تعرفى تبعتيلنا صورة لاماكن فيها لانى برضة اعرف انها حلوة اوووووووووووووووى

MALAK2010

10-26-2010, 07:50 AM

لولو : مش هاخرك انا بس كنت عاوزة اصبح عليكى واقولك روحى للدكتورة النهاردة ان شاء الله
وتصبحى على خير زمانك بتامى على نفسك

dr.princess

10-26-2010, 07:50 AM

لا والله ياحبى شكلى مش هعرف كده اروح اليومين دول
انا هموت واروح بس اعمل ايه جوزى بيرجع خلصان من التعب وحرام عليا اعذبه معايا ( يعنى يادوب لسه نايم حالا ولو هنروح يبقى المفروض يصحى بعد ساعة ونص علشان نلحق فمش هينفع الظاهر )
المشكلة كمان ان زميله اللى معه رايح الحج فعلى معاد التبديل الجاى انه يرجع يشتغل الصبح تانى هيكون زميله بيحج فلازم جوزى يقسم الوقت شوية الصبح وشوية بالليل يعنى لا هنلحق مواعيد الصبح ولا مواعيد بالليل هى شكلها ملخبطة من كل الاتجاهات
هو قالى من شوية اننا هنروح الاسبوع الجاى ان شاء الله مش عارفة هنعرف ولالا ربنا ييسر الحال ان شاء الله

MALAK2010

10-26-2010, 07:51 AM

سمية :انا قلقانة عليكى اووووووووووووووووى طمنينا عليكى

dr.princess

10-26-2010, 07:52 AM

ملك انا هفضل شوية معاكى على ما الغسالة تخلص وانشر الهدوم هههههههههههههه

dr.princess

10-26-2010, 07:53 AM

اه والله عندك حق يا ملك اختفاء سمية المفاجىء ده ميطمنش
ربنا يطمنا عليها ان شاء الله

MALAK2010

10-26-2010, 07:53 AM

طيب ما ينفعش تروحى مع واحدة من معارفك ولا لازم مع جوزك

MALAK2010

10-26-2010, 07:54 AM

حبيبتى الغسالة بتاعتك لانها هتقعدك معايا يا قلبى ههههههههه

dr.princess

10-26-2010, 07:57 AM

لا مش لازم جوزى ولا حاجة
بس اللى اعرفها هنا وممكن تيجى معايا عندها ولادها فى المدرسة وحالتها حالة من اول الدراسة فصعب اوى اقولها تيجى خصوصا انهم لازم يجوا ياخدونى هى وجوزها طبعا ويستنوا وبعدين يرجعونى تانى وانتى عارفة مشوار الدكتورة ده اقل كلام 3 ساعات فهيبقى عبأ جامد عليهم

dr.princess

10-26-2010, 07:58 AM

ههههههههههه
حبيها براحتك هى تتحب بصراحة دى الغسالة المحترمة بتاعتى دى بتطلعلى موسيقى لما تخلص علشان اخد بالى انها خلصت واقوم اشيل الهدوم وكده
غسالة بنت ناس اوى هههههههههههههه

MALAK2010

10-26-2010, 07:59 AM

طيب اجيلك اوديكى انا فاضية اقوم البس ههههههه
والله بجد عاوزة اساعدك بس مش عارفة

MALAK2010

10-26-2010, 08:04 AM

عارفة انا مفتقدة البلكونات
عاوزة اطلع الحاجات فى الشمس والهوا بس هنا ممنوع اى حاجة تتحط
هههههههههه يوم العيد بقول لجوزى انا عاوزة اطلع السجادة فى الشمس وانفضها والتعب الفظيع اللى كنا بنعملة فى بلدنا
يوم العيد بيبقى البيوت مقلوبة حتى لو نضيفة هى كدة

dr.princess

10-26-2010, 08:06 AM

هههههههههههه
يللا استعدى وعدى عليا نروح بس اوعى تنسى النقاب ههههههههههههه

انا فى دماغى واحد صاحب جوزى عنده قرايبه ستات وانا اتعرفت عليهم واكتر من مرة قبل كده كانوا بيعدوا عليا واروح معاهم الحرم وجوزى لما كان بيخلص شغل كان بيحصلنا
فبفكر انهم يعدوا عليا واروح انا المستشفى وهم يقضوا مصالحهم ويرجعوا ياخدونى لما اخلص ويوصلونى للبيت
لسه هقترح على جوزى الفكرة واشوف كده ايه نظامه

dr.princess

10-26-2010, 08:10 AM

اه والله فكرتينى بالشمس
ده انا اوضتى كان فيها بلكونة وشباك كانوا عاملين احلى شغل بالنهار ينوروا البيت كله وبالليل كنت بفتحهم يدخلوا هواء رهيييب والقمر بقى ونظااااااااااام هههههههههههه
اما الشمس هنا بتلسع انا لما بخرج الصبح ببقى هموووت منها وعينى بتزغلل
وانا كمان فى العيد والله قلت لجوزى تعالى نطلع السجادة فى الشمس ( انا ساكنة فى ملحق على السطح اوضة فوق السطوح زى مابيقولوا هههههههههههه (دى اخرتها برده ههههههههه ) وباقى السطح فاضى ) قفلنى وقالى هتتملى تراب ههههههههههههههه

MALAK2010

10-26-2010, 08:12 AM

خلاص قولى لجوزك وان شاء الله يوافق مفيش قدامة حل تانى ياما هو اللى هيوديكى وظروف شغلة ملخبطة اليومين دول ربنا يسهل بس ابقى عرفينى هتعملى اية

بس عندك حق على موضوع النقاب الواحدة لما تسيب وشها بتبقى فرجة وبيعاكسوا كمان حاجة تخوف اوووووووووووى
امال لو روحتى مكة دة لااااااااااااااااااااااازم النقاب جدا

dr.princess

10-26-2010, 08:12 AM

ملك حبيبتى
معلشى هدخل انام انا دلوقتى علشان جوزى قلق من الكمبيوتر
وكمان اهى الغسالة خلصت على السيرة ههههههههههههههه
اشوفك لما اصحى ان شاء الله
سلميلى على البنات لما يصحوا

MALAK2010

10-26-2010, 08:15 AM

وانتى من اهلة يا حبيبتى كفاية سهر كتر خيريك وياريت نتقابل بالليل ان شاء الله

dr.princess

10-26-2010, 08:18 AM

اه والله
ده انا اتعاكست ثالث يوم جيت فيه ووالله كنا جنب البقيع بشوية والمصيبة ان جوزى هو اللى سمع
فقلت بعدها وانا هعمل مشاكل ليه بقيت بلبسه لما اخرج من البيت واقلعه لو رحنا الحرم او لو رحنا اى موول او كده يعنى ولقيتنى ببقى فرجة ومش بعرف اخد راحتى فبقيت بقلعه بس فى الحرم وفى اى مكان تانى بلبسه
اما فى مكة لالالالالالالا عادى جدا وبعدين ماتنسيش انك لازم وانتى بتحجى او تعتمرى انك تكونى كاشفة وشك وايدك انا حاسة الموضوع هناك ارحم من هنا
انا فى العمرتين كشفت وشى من بعد الميقات

تصبحى على خير بقى كده هفضل اتكلم ومش هنام فى يومى ده

MALAK2010

10-26-2010, 08:41 AM

اصل مجربتيش تمشى فى مكة خارج الحرم
لو مشيتى مش هتعرفى (مكة صعبة اوى )
لان المدينة فيها ناس سايبين وشهم كتير اما مكة ماتلاقيش فاى واحدة لو اتشافت بتبقى فرجة اوووى

عارفة المشكلة كمان اللى كشفة وشها بيحسسوكى انك بنت مش كويسة

انا هحكيلك موقف جرالى فى اخر يوم ليا فى المدينة وتانى يوم هنروح مكة علشان العمرة وانا طالعة من الحرم النبوى فى الساحة عارفة العربيات الصغيرة اللى بتمسح الارضية بتاعت الحرم كان لسة معدى وانا مش واخدة بالى فرجلى اتنت تحتى ووقعت ورجلى ورمت اتارى حصل تمزق فى الاربطة ماقدرتش اتحرك حاولت بس ماعرفتش جابولى الاسعاف ونقلونى المستشفى وانا قاعدة اتالم وبموت ولما وصلت المستشفى قعدت على الكرسى المتحرك(صعبت عليا نفسى اوى ساعتها ربنا يعافينا جميعا) ودخلونى بية لغاية مكان الكشف وانا داخلة من البوابة لغاية الدكتور نظرات من الستات مش انا صعبانة عليهم لا انى بنت كاشفة وشى ومش كويسة بصراحة عمرى ماهنسى النظرات دى تخيلى لابسة عبايتى وحجابى وبتالم وبرضة شايفنى انى حد مش كويس اتضايقت اووووووووووووى ربنا يسامحهم

مجتمع مقفول اوى فطبيعى دة يحصل فكل واحدة تلبس زى ما اهل المكان بيلبسوا بس انا ماكنتش عارفة بس برضة انا تعبانة يعنى مالهاش لازمة النظرات دى يلا الحمد لله

يارا ويوسف

10-26-2010, 02:32 PM

دودى اشرف

10-26-2010, 03:03 PM

صباح الخير يا حبايبى

دودى :ازيك يا قمر يارب تكونى بخير انتى والنونو ما قولتيش اشتريتى اية للنونو اخر مرة وخلصتى ولا لسة

ملوكة تسلميلى على سؤالك يا حبيبتى ربنا يخليكى .... والله انا قلت انتوا نستونى خلاااااااااااص وكنت زعلانة اوى .. بس النت كان فاصل عندى ولسه راجع ... بالنسبة لحاجة النونو انا الحمدلله خلصتها وبعتها مصر كمان مع ابن خالى جوزى ههههههه ... علشان اضمن ان شاء الله النزول ... مش فاضلى غير الببرونات والشامبو والزيوت بتاعته واخر مرة جبتله البطانية والناموسية وكوفرتة تانى والفوط وجبت سالبوت قطيفة تانى فى النص كده هههههههههه hwaml02..... انتى عاملة ايه وازى النونو بتاعك وعاملة ايه فى الحمل يارب تكونى بخير ان شاء الله وعقبال ما تبتدى تجيبى انتى والبنات بقى ... هى حاجة تغلب على فكرة بس هتلاقيها اتلكت برضه فى الاخر وجبتى الحمدلله كل حاجة .. بس متكتريش فى الخروج لانه حجمه بيتغير .. وانا قالولى هاتى من 3-0 مش نيو بورن ... علشان حجمه من تانى اسبوع بتلاقيه اتغير ممكن تجيبى حاجة او حاجتين نيو بورن والباقى من زيرو لتلات شهور احسن ... هتعرفى اللى بقوله ان شاء الله لما تنزلى تجيبى لانى انا مكنتش فاهمة فى الاول ايه الفرق .hwaml7

دودى اشرف

10-26-2010, 03:05 PM

سلام عليكم ازيكم ياحلوييين ربنا يتملكووو على خييير

انا مصرية وحامل فى الشهرا الثانى ممكن تقبلونى معاكم وياريت اعرف الاوقات

اللى بتتجمعوو فيها علشان اقدر اتجمع معاكووو

وربنا يتملنا جميعا يارب على خييير

hwaml72hwaml72hwaml72

اهلا بيكى يا قمر تنورينا وتزودينا وربنا يتملك ويثبت حملك يارب
بس يارا ويوسف دولا اولادك ان شاء الله ؟؟؟ ولا ايه

somia

10-26-2010, 03:08 PM

أنا جييييييييييييييييييييييييييييييييييييييييت..
شكرا لكل اللي قلقوا عليا حسستوني ان احنا اخوات فعلا بس الانترنت كان فاصل من اول امبارح بالليل فمعرفتش اكلمكم ولا ادخل اطمنكم بس الحمد لله انا بخير

somia

10-26-2010, 03:16 PM

مجتمع مقفول اوى فطبيعى دة يحصل فكل واحدة تلبس زى ما اهل المكان بيلبسوا بس انا ماكنتش عارفة بس برضة انا تعبانة يعنى مالهاش لازمة النظرات دى يلا الحمد لله
ملاك المجتمع هناك مش بالسوء اللي انتي متخيلاه ولعلمك مع اني مصرية الا اني بعشق السعودية زي مصر بالضبط لاني اتربيت فيها وعشت فيها وحبيت اهلها وكل مكان فيه الحلو وفيه الوحش اه صحيح اللي مش مغطيه وشها هناك بيبقى الموضوع صعب قوي بس برضه من اللي مغطين ناس وحشين وجدا كمان بس مش كلهم " انا بغطي وشي برضه" متخيلش ان الكل كان بيبصلك كده عشان وشك اكيد كانوا زعلانين عشانك بس انتي مخدتيش بالك

وبالنسبة للصبح يا ستي قوليلي انتي بس بتدخلي امتى وهتلاقيلي نطالك في المنتدى بس قوليلي عشان بكره اكلم نفسي

somia

10-26-2010, 03:27 PM

هوه مفيش حد صاحي غيري؟؟؟؟؟؟؟؟؟؟؟؟؟؟؟؟؟؟؟؟؟؟؟

دودى اشرف

10-26-2010, 03:29 PM

توتة
ان شاء الله بس القلق بقى نعمل فيه ايه
وجات ماما بكلمها قعدت تهدى النفوس هههههههههه وقعدت تقولي اوعى تسكتى على نفسك لازم تروحى تكشفى متكسليش وخليكى وراه لغاية ماتروحوا وكلام من ده بقى

لولو ازيك حبيبتى عاملة ايه وازى ظهرك ... والف سلامة من الشد العضلى ... ميرسى على سؤالكم والله .. كنت فاكرة انكم نستونى ... ان شاء الله تروحى للكتور وتطمنى بس انا عاوزاكى تطمنى ان شاء الله .. انا اصلا اول مرة روحت للدكتور كنت فى الرابع والله وكنت هموت من اول الحمل واطمن ... بس قالولى مدام الحمدلله مفيش حاجة مش طبيعية يبقى اطمنى الحمدلله ده تعب عادى بتاع الوحم ... وان شا ءالله خير يا حبيبتى .. بس هى الامهات كده بتبقى قلقانة وفى دماغها ان اجوازنا مكبرين ههههههههههههههه .. انا ماما برضه كانت تقولى خليه يوديكى ازاى متروحيش لحد دلوقتى لحد معدى التلات شهور وروحت كشفت الحمدلله وشوفت البيبى على طول هههههههههههههههههههههه ... مشوفتهوش فى الاول خالص لما كان لحمة ... وربنا يطمنا جميعا يا رب .

دودى اشرف

10-26-2010, 03:30 PM

انا هنااااااااااااااااا

دودى اشرف

10-26-2010, 03:32 PM

ازيك يا سوما .. عاملة ايه انهارده .. طمنينا عليكى ... انا كنت لسه بقرا اللى فاتنى ولسه بذاكر برضه هههههههههههه .. وعرفت انك مدخلتيش امبارح والبنات قلقوا عليكى... يارب تكونى بخير يا قمر .... انا برضه النت كان فاصل عندى امبارح واول امبارح مدخلتش تقريبا .. المهم نطمن عليكى .

دودى اشرف

10-26-2010, 03:36 PM

السلام عليكم ورحمة الله وبركاته
أذيكم يابنات عاملين أيه
أنا روحت للدكتورة أنهاردة
وطمنتنى على البيبى
وقالتلى أن شاء الله أحتمال كبير
حامل فى بنوتة
أنا فرحانة أوووووووووى
وقالتلى على الأنقباضات أنها عادى فى الشهر ده
لأنى حساسة أوى لأن الرحم بيكون بيستعد
لو حصل ولادة فى السابع
وعن الضغط الواطى
قالتلى أحسن أنه واطى
لأن الأم المصابة بالضغط العالى
البيبى أول ما يتولد
بيدخلوا حضانة على طول
ف الحمد لله أنى أطمنت
وحبيت ياعنى أطمنكم أنتوا كمان
أوى بس بجد وحشتونى

الف مبروووووك يا طمطم ... عقبال ما ربنا يقر عينك بشوفتها معافية ان شاء الله بين اديكيى يا حبيبتى ويتملك على خير ... كويس انك اطمنتى وطمنتينا ... ربنا يتملك ويتم للجميع على خير ياربhwaml7

somia

10-26-2010, 03:36 PM

انا الحمد لله بخير وانتي عاملة ايه؟؟؟

somia

10-26-2010, 03:45 PM

أخواتي سأخرج الان وسأعود إليكم بعد المغرب باذن الله

دودى اشرف

10-26-2010, 03:45 PM

الحمدلله حبيبتى .. انتى كويسة دلوقتى الحمدلله ؟؟

دودى اشرف

10-26-2010, 03:47 PM

جوجو اهلا بيكى يا قمر معانا .. وربنا معانا جميعا فى الغربة ... انتى حامل بقى فى الشهر الكام ؟؟؟

دودى اشرف

10-26-2010, 03:51 PM

ازيكم يا بنات عاملين ايه .... وحشتونى والله جدا ... ومستنية بقى اكلمكم انهارده ان شاء الله لما تصحوا ... اصل النت عندى كان فاصل امبارح ... صحيح عندى تحليل بكرة ان شاء الله ههههههههههههههههههه .. بس ان شاء الله هصحى لانى لسه هعمله ... تحليل اجسام مضادة حاجة كده والله مافاكرة اسمه ايه ... هههههههه ... بس مش عارفة النتيجى هتطلع فى ساعتها ولا لأ .. ان شاء الله احاول ابقى معاكم انهارده .

توته يا جميلة ازيك يا قمر وحشتينى ... كده برضه متسأليش عليا ...مكانش العشم اهىء اهىء اهىء

توتة السيد

10-26-2010, 04:55 PM

اولا مساء الخيرات عليكم جميعا الموجود وغي الموجود

"دودي حياتي " وانتي تتنسي برضه في ح ينسي روحه

سامحيني والله امبارح كنت بدخل وخرج بسرعة ماكنش في حد خالص غير برنسيس وجت بعدين

انتي عاملة ايه حبيبتي واخبار النونو ايه ؟

"سومة القمر " انتي عايزة تضربي بجد قلقنا عليكي امبارح واول قولنا ايه اللي حصل

بس الحمد لله انك بخير طمنيني عنك عاملة ايه دلوقتي

طمطم" حبيبتي الف مبروووووووووووووووك وربي يجبهالك بالف سلامة

والحمد لله انك اطمنتي عليها ربي يحفظها والاسمين احلي من بعض

جوجو اهلابيكي احتي بين اخواتك وربي يسعدك معانا ويقومك بالف سلامة وبجد هاتيلنا صور عن قبرص علشان بيقولوا جميلة

يارا ويوسف اهلا بيكي حبيبتي ربي يكملك علي خير وتفؤحي بشوفته

دودى اشرف

10-26-2010, 05:03 PM

اهلا اهلا توته حبيبتى... ازيك يا قمر .. قاعدة لوحدى مستنية حد يدخل
حبيبتى ولا يهمك والف سلامة عليكى .. عامل ايه معاكى البرد دلوقتى يا رب يكون مشى خلاص

دودى اشرف

10-26-2010, 05:07 PM

توته شكلك بتذاكرى ... صح؟؟ ههههههههههههه

توتة السيد

10-26-2010, 05:09 PM

هلا حبيبتي الغالية دودي ربنا يخليكي ياقمر الله يسلمك الحمد لله والله بس لسه ماسك فيا وعنيا حمرا وفيها حرقان مش عارفة ليه وجسمي مكسر علي اخره

توتة السيد

10-26-2010, 05:10 PM

ههههههههههههههههههههه بالظبط كده

توتة السيد

10-26-2010, 05:11 PM

لابس مادام انتي هنا مش هذاكر ههههههه

توتة السيد

10-26-2010, 05:14 PM

رحتي فين دودي

دودى اشرف

10-26-2010, 05:19 PM

هههههههههههههههههه ... ماشى حبيبتى ... اكيد البرد بيكسر الجسم وبيحرق العين ... بس خليكى على الليمون والبرتقال على اد متقدرى ... البرتقال احسن .. بس هو من التكييف فعلا
كنت عاوزة اسأل على حاجة يا قمر ... انتى جالك احتقان فى الانف ... يعنى كان بينزل منك دم من مناخيرك ؟؟ اصل انا عندى كده ... بس حاليا مش اوى .. لكن الاسبوع اللى فات كنت كل ما اجى اخخخخ هههههههههه فاهمة طبعا ... زى البرد كده كان بينزل منى دم فاكان زايد عليا شوية فا قلت اسأل البنات وانتى سبقانى بشهر فا قلت يمكن تكونى مريتى بيها .. وانا كنت قريت على النت ان ده علشان احتقان الدم فى الجسم وتجمعه ... فا علشان كده بسألك ولا هو مش بييحى لاى حد ... طولت معلش

دودى اشرف

10-26-2010, 05:20 PM

معاكى يا قمر ... بس كنت بكتب واصلى بكلم ماما برضه ... فا بتوه شوية علشان مش بركز فى الاتنين هههههههههههههههههههههههههههههه ... اصل بقالى يومين مش بكلمهم

توتة السيد

10-26-2010, 05:23 PM

ايوة حبيبتي تعالي اه والله التكيف ابن الذين هو السبب والله اهو مع البرتقان لما حاسة اني زرعت هههههههههههههههه لا ياحبيبتي ماتخفيش ده عادي وطبيعي جدا انا لحد دلوقتي برضه لما اخخخخخ هههههههه بينزل دم وده طبيعي ماتقلقيش علشان احتقان الانف والتغيرات اللي في الجسم بيحصل كده

توتة السيد

10-26-2010, 05:24 PM

لا حبيبتي ولا يهمك انا كمان بكلم ماما واخواتي

سلميلنا علي ماما ربنا يخليهالك

بسم الله

10-26-2010, 05:25 PM

دودى اشرف

10-26-2010, 05:25 PM

ههههههههههههههههههه ... طب الحمدلله .... اصله بس كان زايد عليا الفترة اللى فاتت فا قلت اسألك ... الحمل عامل ايه معاكى يا حبيبتى .... وعرفتى امتى ان شاء الله نازلة ولا لسه ؟؟؟

دودى اشرف

10-26-2010, 05:29 PM

السلام عليكم ورحمة الله وبركاته كيف حالك إن شاء الله دائما بخير الحمدلله والصلاة والسلام على رسول الله وعلى آله وصحبه أجمعين هلا بحوامل مصر كلهم انا بالشهر الثامن ودخله على التاسع وخايفه جدا لانى فى مراحل التعب فى الثامن كل الاشهرراحت بسرعه ما عاد الشهر هدا طول جدا وجع فى الظهر على طول ايه اعمل لاتخلص منه

اهلا بيكى بسم الله ... وعليكم السلام ورحمة الله وبركاته .. عليه افضل الصلاة والسلام .. ربنا يهون عليكى حبيبتى ويقومك بالسلامة يااااااااااااارب ... بس الحقيقة اللى هتفيدك اللى ولدت قبل كده او معاكى فى نفس الشهر ... انا لسه فى السادس وان شاء الله يتملنا جميعا على خير

دودى اشرف

10-26-2010, 05:29 PM

توته يا قمر انا هقوم اصلى المغرب واجى ... اوعى تمشى بس

بسم الله

10-26-2010, 05:30 PM

توتة السيد

10-26-2010, 05:32 PM

لا ماتقلقيش دا عادي ياحبي

الحمد لله ياحبي بخير ماشي الحال ربنا يخليكي

بس النوووووووووووم وحشني قوي بجد صعوبة في النوم

الله يعينا اه ياقلبي ان شاء الله نازلة يوم 5 /11

بسم الله

10-26-2010, 05:34 PM

دودى انا بشكرك جدا جدا على الرد بس حبيبت اقولك كل الاشهر ما كانت عندى بالشكل ده اشمعنى الشهر ده بالذات وهل القعده غلط امام الكمبيوتر

توتة السيد

10-26-2010, 05:34 PM

اختي الجميلة بسم الله ما اروع اسمك تسلمي

وعليكي السلام والرحمة وعليف افضل صلاة وازكي التسليم

ربي يقومك بالف سلامة حبيبتي معلش اصبري هانت خلاص ربي

يجعلك ساعة سهلة وتقومي بالف خير ده اول حمل ليكي ولا عندك اولاد

توتة السيد

10-26-2010, 05:37 PM

بعد ازنك يادودي هرد لا حبيبتي مش حكاية الكمبيوتر بس علشان البيبي بيكبر في الشهر ده اضعاف مابيكبر في الشهور اللي فاتت فبيضغط علي الضهر ماتقلقيش وماتحوليش تقعدي كتير علي الكمبيوتر الا لو كنتي مرتاحة في القعدة ورافعة رجليكي شوية علي مخددات

دودى اشرف

10-26-2010, 05:41 PM

يااااااااااااااه . انتى قربتى خلاص خالص ... ان شاء الله توصلى بالف سلامة يا حبيبتى .. هنفتقدك بجد ... بس هتكلمينا بقى من هناك ولا مش هتعرفى ؟؟؟ ابقى طمنينا عليكى من وقت للتانى بس ... الله يعينك حبيبتى بس هو اللى بيدخل السادس مش بينام ولا ايه ... اصل انا خلاص قربت عليه .. فاضلى كام يوم وادخله ان شاء الله .

دودى اشرف

10-26-2010, 05:43 PM

طبعا يا توته حبيبتى اتفضلى مدام عندك معلومة تفيدها .. انا علشان لسه موصلتش فا مقدرش اقول حاجة .. وربنا يقومها بالسلامة ويقومنا جميعا ياااااااااااااااااااااااااااااارب ويبعتلنا كلنا ساعة سهلة امين يارب

دودى اشرف

10-26-2010, 05:48 PM

توته روحتى فين يا قمر ؟؟؟ مش فاضية ؟

dr.princess

10-26-2010, 05:50 PM

ازيكم يا بناااات
هسلم بسرعة واروح اخد دش اصل الجو هنا ناااااااااار النهاردة
هرجعلكم تانى ان شاء الله

توتة السيد

10-26-2010, 05:51 PM

الله يسلمك ياقمري ربنا يخليكي ان شاء الله ابقي اكلمكم من هناك تسلميلي ياغالية

والله مش مع كله بس انا عن نفسي من سعت مادخلت السادس والنوم ده بقي فاكهة بالنسبة ليا بشتهيها ومش طيلاها ربنا يعينا جميعا

دودى اشرف

10-26-2010, 05:52 PM

اهلا لولو ... صحى النوم ... حمام الهنا يا قمر ... عاملة ايه دلوقتى؟؟؟

توتة السيد

10-26-2010, 05:53 PM

تسلمي ياحبي اصلي انا بقرأ كتير في النت ومتابعة

صحباتي البنات فبعرف المعلومات علشان ابقي عاملة حسابي

توتة السيد

10-26-2010, 05:54 PM

انا موجودة حبيبتي وفاضية بس الجهاز هنج

دودى اشرف

10-26-2010, 05:54 PM

طيب توته انتى جايلك ارق يعنى من الحمل ... اصل انا مكنتش بنام كويس فى الشهور الاولى .. مع انهم كانوا بيقولوا ان فى الاول بتكونى كسلانة وعاوزة تنامى على طول .. بس انا دايما بحس بعكس اللى بسمعه ههههههههههههههههههههههههههههه ... بس الحمدلله بقول ربنا عالم بيا انى لوحدى علشان كده سترها معايا والوحم مجاليش جامد... خايفة يكون مخبيلى حاجة الشهور الجاية ههههههههههههههههههههههههههههههه ربنا يسترها ان شاء الله

توتة السيد

10-26-2010, 05:55 PM

هلا ومية هلا يالولو ناموسيتك كحلي كل ده نوم نوم العوافي ياحبي

وحمام الهنا يارب مستنينك

دودى اشرف

10-26-2010, 05:58 PM

عندى خيار والله عاوزة اقوم اخلله ... علشان لما بيقعد فى التلاجة كام يوم بيبوظ من الجو هنا ... الخضرة والفاكههة هنا مالهاش روح خالص بتبوظ بسرعة ... ومش عاوزة اقوم واسيبكم احسن اجى الاقيكم رغيتوا اد كده واقعد تانى اذاكر ... مصدقت خلصت اللى فاتنى وبقيت ماشية معاكم شوية ههههههههههههههههههههههههههههههههههههههه ... شكلى هضرب بسببكم ... والله كنت بحلم بيكم اصلا من يومين ... قلت لالالالالا ... الموضوع كده كبيير ... واضح انى بفكر فيكم كتير ... ربنا يديم المحبة فى الله ان شاء الله

توتة السيد

10-26-2010, 05:58 PM

لا انا عكسك تماما في الشهور الاولي

انا كنت بنام بغباء يعني تقريبا بنام 25 ساعة في 24 هههههههههههه

اظاهر اللي نمته بط بط هيطلع عليا كتاكيت كاتكيت ومن سعت السادس وانا انوم حاجة وحشة

لا ربنا يسترها يارب معاكي ويتمملك علي الف خير ياحبي ماتخفيش

يقين

10-26-2010, 06:05 PM

هاي حبيباتي انا ليبيه وادرس انا وزوجي في مصرواني حامل في الشهر التالت والله تعبانه كتير ادعولي الله يقومني بالسلامه هادا اول بيبي ليا

يقين

10-26-2010, 06:08 PM

مو معقول مقوله ما احد يرد انا زعلانه لاني لوحدي اسال واجاوب

يقين

10-26-2010, 06:09 PM

يلاباي يا حلوات

دودى اشرف

10-26-2010, 06:21 PM

اهلا بيكى يقين فى مصر ومعانا واهلا باهل ليبيا كلهم... الله يتملك على خير حبيبتى ويهون ليكى الشهور ويثبت حملك ان شاء الله

دودى اشرف

10-26-2010, 06:22 PM

توته روحتى فين يا قمر ؟؟ مش فاضية ولا ايه؟

دودى اشرف

10-26-2010, 06:24 PM

يقين بتدرسى فين فى مصر ... وفى اى كلية ؟؟؟ وعندك كام سنة ... عرفينا بنفسك

دودى اشرف

10-26-2010, 06:27 PM

طيب .. واضح ان محدش فاضى....هقوم انا بقى واشوفكم لما اخلص ان شاء الله

dr.princess

10-26-2010, 06:27 PM

دودى
ازيك يا قلبى ايه الاخبار
بتقولى عندك تحليل بكرة علشان ايه بالظبط ؟؟؟

نولارا

10-26-2010, 06:30 PM

انا جييييييت
دودى وبرنسيس
عاملين ايه ياحلويين

dr.princess

10-26-2010, 06:32 PM

نولارا
سبحان الله والله والله كنت لسه بفكر فيكى من دقيقة وبقول فى نفسى مبتدخلش ليه

نولارا

10-26-2010, 06:42 PM

مفيش والله احمد نومه ملخبط خالص
تقريبا طول اليوم بحاول انيمه ولما ينام هما يادوب 10 دقايق ويصحى تانى
وده جايبلى صداااااااااااااااااااااااااع

dr.princess

10-26-2010, 06:50 PM

نولارا
اختى كانت بتتعذب من كده برده بس بقت اوقات كتيير تسيب ابنها لغاية ماينام لوحده فيبقى خلاص استنفذ كل الطاقة فينام اكتر شوية

دودى اشرف

10-26-2010, 06:59 PM

ازيك يا نولارا عاملة ايه يا حبيبتى...وازى البشمهندس احمد ... ربنا يهدهولك يارب ويقويكى عليه .

برنسيس عاملة ايه دلوقتى .... انا يا حبيبتى كويسة الحمدلله ... هى طالبة منى تحليل اجسام مضاة باين علشان فى اجسام مضادة عندى ... بس مش فاكرة اسم التحليل بالظبط بصراحة بس تقريبا كده ... اكيد نولارا عندها فكرة تفدينا .

دودى اشرف

10-26-2010, 07:03 PM

تعالوا كلو خس يا بنااااااات ... اصلى عاملة وى الارنب .. ههههههههههههههههههههه ... الدكتور كا قالى كلى خس كتير علشان ملين للامساك هههههههههههههه

نولارا

10-26-2010, 07:04 PM

لا والله يادودى معنديش فكره معلش
احمد قاعد على البوتى هشوفه وارجعلكم

dr.princess

10-26-2010, 07:06 PM

دودى
ممكن يكون ده تحليل rh اللى هو عامل ريسس تقريبا هو

دودى اشرف

10-26-2010, 07:09 PM

مش عارفة والله ... بس انا عملت تحاليل قبل كده بتاعت الحمل ... دم وبول وسكر .. وده طلبته منى اخر مرة ولسه معاد المتابعة ان شاء الله التانية بعد العيد ... تخيلى دى تانى متابعة ليا اللى جاية دى هههههههههههههههههه وانا داخلة على السادس اهو

نولارا

10-26-2010, 07:09 PM

برنسيس انا فكرت فى كده برضه
بس قلت الRhبيبقى من بدايه الحمل

dr.princess

10-26-2010, 07:11 PM

توتة
لالالالا خليكى انتى مع خسك
انا عندى مسهل طبيعى تانى واسرع اللبن اول ما اشربه جررررررررى على الحمام هههههههههههههه

دودى اشرف

10-26-2010, 07:13 PM

هههههههههههههههه .. انا بشرب اللبن ومش بيعمل حاجة .. انا دودى على فكرة مش توته بس واحد طبعا ... كلنا واحد
انا تقريبا برضه عملت ال hr فى الاول على العموم بكرة هعرف ان شاء الله

dr.princess

10-26-2010, 07:13 PM

دودى
ياقلبك يا شيخة تانى متابعة وانتى داخله السادس ده انتى قلبك جامد اوى

dr.princess

10-26-2010, 07:15 PM

دودى
ههههههههههههههههه
معلشى الحول اشتغل بقى هههههههههههههههه

دودى اشرف

10-26-2010, 07:19 PM

لولو والله غصب عنى ... كنت حكيتلك فى الرد لما كنتى بتقولى على مامتك بتقولك لازم تروحى ... انا كنت غصب عنى ساكتة لان الكويت مفيش فيها اى متابعة الا بعد التالت يعنى فى الرابع ... ومكنتش اعرف الحمل ايه اخباره ولا اى حاجة عن البيبى والله ... بس مكنتش جامده والله كنت باكل فى نفسى لكن كنت هعمل ايه ... وكلهم فى مصر كانوا لما يعرفوا انى لسه مروحتش اكشف كانوا بيستغربوا وبيزعلوا بس كنت هعمل ايه ... والكشف الخاص هنا نااار ... لحد الرابع بقى روحت مستشفى خاصة اعمل سونار بسسس من غير كشف ... والحمدلله كنت شوفته بقى اول مرة بس كان الحمدلله اتكون يعنى مشوفتوش وهو لحمة لسه والحمدلله انى اطمنت فى الاخر وكانوا بيقولولى ان مدام الحمدلله مفيش دم ولا حاجة بينزل عليكى يبقى الحمل كويس بس.عقبال متطمنى يارب

دودى اشرف

10-26-2010, 07:22 PM

دودى
ههههههههههههههههه
معلشى الحول اشتغل بقى هههههههههههههههه

ههههههههههههههههه .. ولا يهمك يا قمر ... شكلك لسه مفوقتيش هههههههههههه... مقلتيش ظهرك والشد العضلى عاملين ايه ؟؟؟ يارب تكونى بقيتى احسن .

dr.princess

10-26-2010, 07:31 PM

دودى
ده انا لسه قافلة مع ماما حالا وقعدت تزعقلى انى ازاى مارحتش وقالتلى قولى لجوزك احجزلى واروح اتابعى عند ماما وكلام كتير كده
ولما لقيتها زودتها اوى حسيت ان فيها حاجة غلط سألتها قلتلها مين اللى عندك حصله مشكله فضلت تقول مفيش حاجة وفى الاخر بعد الضغط قالتلى ان بنت صاحبتها البيبى توفى فى بطنها ( ربنا يعافينا يااااااااااارب ) وفضلت شهر مش عارفة ولسه عاملة من ساعة عملية تنظيف وكانت طبعا قلقانة وحالتها مش طبيعية
بس ان شاء الله يبقى خير ومايبقاش فى قلق باذن الله

dr.princess

10-26-2010, 07:33 PM

دودى
لا الحمد لله احسن دلوقتى الوجع العادى يعنى

دودى اشرف

10-26-2010, 07:36 PM

لا حبيبتى بعد الشر عنك وعن الجميع يارب ... انا برضه كنت بسمع حاجات من دى على منتدى كنت مشتركة فيه قبل ما اعرف ده لحد ما اكتأبت ومبقتش ادخل تانى لانى كنت مش عارفة حاجة ... بس مامتك مقلتلكيش انها حست بحاجة طيب ولا ايه؟؟؟ يارب يطمنك يا حبيبتى ... بس انتى لو عندك امكانية تروحى للدكتور روحى يا حبيبتى علشان ترتاحى وتطمنى قلبك انا عارفة القلق ده .... انا اللى كان مانعنى انى معنديش ... وان شاء الله تطمنينا عليكى .

dr.princess

10-26-2010, 07:43 PM

دودى
دى ماما اصلا مكنتش عايزة تقول علشان قال ايه متفولش عليا قلتلها يا ماما محدش بياخد اكتر من نصيبه يعنى الكلام هيعمل ايه بس هى اللى قالقها انى لوحدى ومش معايا حد
ماما بتقول انها كانت عند الدكتور اول الشهر ومتابعة عادى ولما راحتله من يومين قالها النمو وقف معمتلتش حاجة وقتها وراحت اتاكدت عند دكتور تانى واكد الكلام واداها معاد النهاردة علشان العملية ولسه يادوب الصبح النهاردة حاسة بوجع الاجهاض مغص جامد ووجع فى الظهر طبعا مع نزول دم ربنا يعافيينا ياااااااااااارب

يللا نغير السيرة مش ناقصيين

دودى اشرف

10-26-2010, 07:48 PM

ماشى يا قمر ... انتى صحيح منقبة يا لولو ؟؟؟ كل ما اجى اسألك انسى او مالاقيكيش
وكمان ايه بقى يخليكى تسهرى بليل كده بعد ما كنتى بتنامى بدرى .. جوزك مواعيده اتغيرت ؟؟

dr.princess

10-26-2010, 07:56 PM

لالا انا مش منقبة انا كنت فى مصر بلبس طرح طويلة وتونيكات وجيبات واوقات عبايات بس لما جيت هنا بقى لازم العباية والنقاب هو نظام البلد كده ولازم مايبقاش الواحد شكله غريب وسط الناس

بصى ياستى انا جوزى صيدلى ونظام الشغل انه يشتغل اسبوعين من بعدالفجر للمغرب والاسبوعين التانيين من المغرب للفجر لانهم اتنين فبيبدلوا مع بعض وهو بدأ الايام دى شغل بالليل فاتشقلبت المواعيد معاه كل حاجة بقت بالليل حتى الطبخ نفسه بقيت بطبخ بالليل عشان انام براحتى بالنهار

دودى اشرف

10-26-2010, 07:56 PM

نتوا روحتوا فيييييييييييين؟؟؟

دودى اشرف

10-26-2010, 08:01 PM

الله يقويه يارب ويقويكى حبيبتى .... ربنا يخليكوا لبعض ... انا ليا بنت عمتى بس اكتر من اختى ومتعلقين ببعض جدا انا وهى ... هى عايشة فى جده بس اول مرة السنة دى تنزل مصر وتقضى السنة كلها هناك حتى نقلت ابنها مدرسة فى مصر لان ظروف جوزها اتلخبطت شوية وقالها خليكوا السنة دى لحد ما يرتب اموره تانى ... ياريتكم كنتوا جنب بعض علشان وقت مترجع تعرفيها ... مش قادرة اقولك خدومة اد ايييييييييييييه هى وجوزها وكنتى هتدعيلى لو كنتى عرفتيها ... بس الله يعينك فى العيشة عندك...هى جده مفتوحة شوية متهيألى عن عندك ... صح؟؟ هى بتلبس عبايات بس

dr.princess

10-26-2010, 08:06 PM

ربنا يخليكى يا دودى منتحرمش من خدماتك وربنا يخليكم لبعض ياااارب
اه جده مفتوحة كتييييير وكلها اجانب بيقولوا زى مصر كده بس انا بصراحة مرحتهاش

دودى اشرف

10-26-2010, 08:09 PM

ولسه متعرفتيش على حد عندك خالص ... ولا عرفتى حد ؟

dr.princess

10-26-2010, 08:12 PM

عرفت 3 مراتات اصحاب جوزى بس اكبر منى وكل واحدة ملبوخة فى عيالها فين وفين لو شفتهم او اتكلمنا
وانا خلاص عادى تأقلمت على انى ابقى لوحدى اعمل ايه بس بكلم ماما تقريبا كل يوم وكمان اختى واصحابى فى مصر كل مدة وخلاص كده

dr.princess

10-26-2010, 08:13 PM

انتى اتعرفتى على حد عندك ؟؟

somia

10-26-2010, 08:13 PM

السلام عليكم ورحمة الله وبركاته .. يا جماعة انا جيييييييييييييييييييييت
هذاكر بس اللي فاتني وهأنضمم اليكم سريعا باذن الله...ههههههههههههه

somia

10-26-2010, 08:17 PM

تعالوا كلو خس يا بنااااااات ... اصلى عاملة وى الارنب .. ههههههههههههههههههههه ... الدكتور كا قالى كلى خس كتير علشان ملين للامساك هههههههههههههه
اديني خس معاكي لحسن انا بقالي كم يوم مش عندي امساك بس لأ ده أنا أصلا مبدخلشي حمام مع انه هيقوم القاولون باشا عليا الا انه ربنا يستر...

dr.princess

10-26-2010, 08:17 PM

سمسمة
وحشتييييييييييييييييييييييينى

دودى اشرف

10-26-2010, 08:20 PM

اهلا سوما .. حمدالله على السلامة يا قمر يارب تكونى بخير

لولو والله كنت اعرف مرات صاحب جوزى فى اول ما جيت وكنا على طول بنروح وهى كويسة بس برضه عندها 3 اولاد يارب يخلى ...لكن بقالنا شهرين تقريبا مفييش علاقة اوى لان حصل سوء تفاهم بين الازواج وانا وهى اتكلمنا شوية بالتليفون وقطعنا برضه .. وليا واحدة جارتى جابتلى مرة زيارة فى العيد من مصر كحك ينى وانا رديت الزيارة وجتلى مرة وبعدين برضه مبقتش تسأل تانى وانا محبتش اتطفل بس قلت يمكن مشغولة بالعيال وكمان هى حامل فى التالت وبتشتغل الله يكون فى عونها وبرضه عندها 3 اولاد ماشاء الله ههههههههههههههه ... وليا واحدة تانية دى اعرفها اصلا من مصر جارت بنت عمتى اللى بقولك عليها فا هى فى الكويت بقالها فترة لكن برضه متعرفش حد كتير ومعاها برضه 3 هههههههههههههههههههههه .. وطبعا محدش بيبقى فاضيلى بقى ..هى دى اللى بروحلها وبتكلمنى بس .. لكن برضه خلاص اتعودت ابقى لوحدى بس برضه بزهق مووووووت ... الله يهون علينا كلنا الغربة يارب

دودى اشرف

10-26-2010, 08:21 PM

سوما كلى خس كتير وطماطم وخيار الحاجات جى بتعمل تليين .. وان شاء الله تدخلى الحمام انهارده ههههههههههههههه

somia

10-26-2010, 08:26 PM

لولو والله العظيم وانتوا كلكوا وحشتوني موت وبالذات الاستاذ أحمد أكثر من مامته كمان لأني بعشق الأطفال عقبال ما كل واحدة فينا تشيل طفلها على ايديها يا رب..
دودي والله ربنا يستر انا زوجي النهاردة برضه فمأورية فمش عارفة هينف يجيبلي الحاجات دي وهو جاي ولا لأ لأني زي ما انتي عارفة ممنوعة من الحركة ده غير اني أصلا مش طايقة أخرج لاني مش طايقة أي حاجة على زوري فما بالك بالخمار والنقاب فوقية؟؟؟هههههههههههه

dr.princess

10-26-2010, 08:26 PM

دودى
ههههههههههههههه ايه حكاية ال 3 معاكى ماشاء الله تبارك الله
انا اخر واحدة فيهم زرتها هى اصغر واحدة وكانت والدة جابت الولد التانى ماشاء الله ورحت انا وجوزى اشترينا هدية للبيبى بس اتذلينا على ما لقينا حاجة حلوة ولادى وحاجة البنات تقهر من حلاوتها ههههههههه
المهم رحنا زرناهم نبارك بالمولود بعد رمضان ومن اسبوعين كده قابلناهم فى الحرم والباقى علشان المدارس مبقناش نشوفهم

somia

10-26-2010, 08:27 PM

يا جماعة حد يعرف ملاك بتدخل امتى بالضبط نفسي أدخل أكلهما ؟؟؟؟

dr.princess

10-26-2010, 08:28 PM

سمية
لو محتاجة الخضار ده علشان الامساك وكده طيب ماتشوفي عند حماتى ايه المشكلة

dr.princess

10-26-2010, 08:30 PM

سمية
انا كلمت ملك النهاردة الصبح تقريبا الساعة 7 ونص بالتوقيت هنا يعنى بتوقيت مصر 6 ونص

somia

10-26-2010, 08:30 PM

لولو فعلا حتى هنا في مصر نادر قوي لو لقيتي هدوم ولاد حلوة لكن هدوم البنات حتة ن الخيال هية صحيح سعرها خيال برضه الا انها بجد تحفة

dr.princess

10-26-2010, 08:31 PM

خدوا يا بنات الرابط ده
فيه حاجات مريحة اوى للنفس
http://www.facebook.com/MustafaHosny

دودى اشرف

10-26-2010, 08:33 PM

الله يقويكى يا حبيبتى ... معلش ان شاء الله ييجى بالسلامة .. ابقى خلييهم عندك على طول .... انتى بقى اللى منقبة ههههههههههههههههههه ... اصل انا كنت بسأل لولو على النقاب ... الله يقويكى حبيبتى

somia

10-26-2010, 08:36 PM

لولو اخوات زوجي وحدة زمانها نامت والتانية عندها نبطشية فمفيش حد هيقدر يخرج يشتريلي ..
6ز30 صعبة قوي دا انا الوقتي بصلي الفجر بالعافية وعالسرير دوغري ببقى مفتحة عنيا في الصلاة بالعافية..ههههههههههههه
طب هيه بتخرج امتى يمكن ألحقها قبل ما تنام

دودى اشرف

10-26-2010, 08:38 PM

شوفتى يا لولو وشك حلو ... جارتى اللى جنبى بتكلمنى اهى ههههههههههههههههههههه .. جت على السيرة

somia

10-26-2010, 08:39 PM

دودي انا لابسة النقاب من زمان والحمد لله عن اقتناع يعني ولا حد غصبني ولا حاجة والحمد لله تعالى ..
دودي .. انتي هتمشي تقعدي معاها وتسيبينا ... اهئ اهئ اهئ

gogo

10-26-2010, 08:39 PM

السلام عليكم
ازيكم ياجماعه
برنسيس ازيك

somia

10-26-2010, 08:45 PM

جوجو الحمد لله احنا بخير...
انتي عاملة ايه؟؟؟

دودى اشرف

10-26-2010, 08:47 PM

لا معاكم يا سوما ... هى بتكلمنى على التليفون بس ... بس معاكم يا قمر ... وربنا يثبتك ان شاء الله .

دودى اشرف

10-26-2010, 08:48 PM

جوجو ازيك يا قمر .. عامله ايه ؟؟

dr.princess

10-26-2010, 08:48 PM

سمية
اقعد مع مين صحى النوووم انتى عملتى زيى من شوية قلت ل دودى يا توتة
انا محدش بيعبرنى هنا لانى ساكنة فى اوضة بس ومن غير صالة حتى

يا حاجة لا مش قصدى تخرجيهم يشترولك لالالا انتى انزلى افتحى الثلاجة وشوفى ايه اللى انتى عايزاه عندهم ايه المشكلة

dr.princess

10-26-2010, 08:51 PM

تصدقوا ان الحول اشتغل فعلا هههههههههههه
ده انا شايفة دود لولو يالهوى ههههههههههههه
معلشى والله عندى صداع فى عينى والبنادول معملش حاجة معايا اعذرونى

somia

10-26-2010, 08:51 PM

طيب كويس احنا الاصل برضه..هههههههههههههههههههههه
ربنا يسترها معايا لحسن النهارده كلت رنجة اما بطني بقت بتتقطع...

dr.princess

10-26-2010, 08:52 PM

ازيك يا جوجو
انتى كنتى نايمة كل ده ولا ايه ؟؟

gogo

10-26-2010, 08:52 PM

انا تمام الحمد لله
انتوا ازيكوا وايه اخبار الحمل معاكوا سومه ودودى انتوا عايشين ف مصر

دودى اشرف

10-26-2010, 08:53 PM

ثوانى يا حلوات .. هقوم بس احط المكرونة فى الصلصة احسن جوزى قرب ييجى ... اتفضلوااااا والله

somia

10-26-2010, 08:55 PM

لولو..هههههههههههههههههههههههه
يا بنتي ولا حول ولا حاجة انا اللي كنت نايمة وكتبت لولو الاول وبعدين عملت تعديل وخليتها دودي.,..ههههههههههههههههه متقلقيش المرحلة دي لسة بدري عليها..
لولو انا مش قادر انزل انا على ما هالبس عشان ممكن الاقي حد من اخواته الولاد تحت وانزل هكون فطست من التعب وبعدين زي ما بقولك انا مش مستحمله اي حاجة على زوري نهائيا

somia

10-26-2010, 09:00 PM

جوجو.. ايوة انا عايشة بمصر..
لولو صحيح مش ناوية تروحي الحرم قريب... أصلي مجهزالك شوية دعوات لو ينفع يعني تدعيهملي هناك.. هههههههههههههههههههه معلشي استغلال شوية

dr.princess

10-26-2010, 09:02 PM

سمية
ههههههههههههه حرام عليكى
شككتينى فى نفسى قلت ايه ده مرتين فى ربع ساعة لا لالا ده انا كده بظت خالص هههههههههههه
وبعدين انتى عندك التهاب فى زورك ولا ايه مش مستحملة حاجة على زورى ليه؟؟

dr.princess

10-26-2010, 09:06 PM

سمية
لا والله ياقلبى مش هروح لغاية ماجوزى يرجع يشتغل الصبح تانى لان الخروج بالنهار هنا موووووت فبستنى لما يبدل ونروح بالليل
بس ان شاء الله لما اروح هقولك وياستى اطلبى براحتك ولا يهمك

somia

10-26-2010, 09:07 PM

هههههههههههههههههههههه..
لولو المشكلة ان اي لمسة لزوري معناها الله يرحم الأكل اللي فبطني فعشان كده بحترم نفسي وببعد عن زوري عشان يفضل اللقمتين اللي كلتهم ببطني

somia

10-26-2010, 09:10 PM

لولو مفيش مشكلة نستنى لغاية ما زوجك يرجع يشتغل تاني الصبح بس الى ذلك الحين عايزاكم تدعوا لوحدة صحبتي اسمها ايمي ان ربنا يحنن صدرها باللبن على بنتها لانها معندهاش لبن خالص

gogo

10-26-2010, 09:12 PM

برنسيس انا كويسه الحمد لله
انا مبعرفش ادخل الصبح علشان لسه مجبتش جهاز بستنى جوزى لما يجى استخدم جهازه

somia

10-26-2010, 09:14 PM

جوجو انتي هنا فمصر ولا فين؟؟؟

somia

10-26-2010, 09:23 PM

رحتوا فيييييييييييييييييييييييييييييييييييييييييين؟؟؟

دودى اشرف

10-26-2010, 09:26 PM

بنات هسيبكم شوية .. بس جوزى على وصول ان شاء الله بس نتعشى واكلمكم تانى ... اوعوا تروحوا فى حتة .. جيالكم ان شاء الله سلاااااااااااااااااام

somia

10-26-2010, 09:34 PM

دودي انا هروح انام لاني شكلي بكلم نفسي وانا مبقتش قادرة خلاص .. نتقابل بكرة ان شاء الله

dr.princess

10-26-2010, 09:39 PM

معلشى يابنات كنت بنتكلم فى التليفون

نولارا

10-26-2010, 09:40 PM

لولو
انا واحمد هنااااااااااااااااااا

dr.princess

10-26-2010, 09:44 PM

نولارا
انا اهو موجودة انا كمان

دودى هنستناكى لما ترجعى

somia

10-26-2010, 09:47 PM

نولار عارفة الواد أحمد ده سبحان الله بقيت أحبه قوي شكلي كده هاجزة لتوتي مع اني حاسة انه هيبقى ولد مش بنت ربنا يستر وكل اللي يجيبه ربنا خير

somia

10-26-2010, 09:49 PM

لولو صحيح ايه رأيك في الدلع توتي .. حلو ولا نخلينا في شيتي أحلى؟؟؟

نولارا

10-26-2010, 09:49 PM

ياجماعه قولتلكم جهزوا انتوا بس المهر والشبكه ههههههههههههه
ان شاء الله لما العرايس يوصلوا بالسلامه حطولوا صورهم وهو يختار

somia

10-26-2010, 09:52 PM

نولار احنا هنا فمصر مش في الهند هيه هتحط رجل على رجل وتستنى المهر والشبكة وشقة تمليك كمان ..هههههههههههههههههه

dr.princess

10-26-2010, 09:55 PM

سمية
لالا خليتا فى توتى ارحم كتير من شيتى دى وحشة اوى بتفكرنى ب شيتا ههههههههههه

وبعدين يا بنتى خليكى فى الواقع الاليم على وقت احمد وبنتك هيبقى ولد لكل 100 بنت فحقه يتشرط هههههههههههه

نولارا

10-26-2010, 09:56 PM

سميه معلش حطيلى الرابط بتاع الكرتون
احمد عمل عمله وحشه هنروح ناخد شاور بسرعه ونرجعلكم

somia

10-26-2010, 09:59 PM

ههههههههههههههههههههههه ..
لا يا ماما انا عندي هنا ألف واحد يتمناها من قبل ما تيجي هيه صحيح طلباتها صعبة شويتين مش شوية بس بس ان شاء الله الأستاذ أحمد باباه هيدفع لها كل حاجة . ولا إيه يا نولار ؟؟
ههههههههههههههههههههه

dr.princess

10-26-2010, 10:12 PM

سمية
طيب بس بلاش تتخانقوا من دلوقتى على رأيك ممكن فى الاخر تطلعى حامل فى ولد وتبقى الخناقة على الفاضى هههههههههههههه

somia

10-26-2010, 10:15 PM

هيييييييييييييييييييه.. في حد بيحب الكرتون زيي..
الموقع ده كنز فعلا لكل من يحب الكرتون ويا رب تعرفي تسجلي فيه لأن توتة معرفتش
http://www.msoms-anime.net/f20.html

توتة السيد

10-26-2010, 10:16 PM

السلام علي من اتبع الهدي

ازيكم ياحلوين بعد فاصل طويل رجعتلكم ههههههههههه

في حد موجود لا فلسعتوا

somia

10-26-2010, 10:17 PM

ولو معرفتيش تسجلي قوليلي ايه اللي انتي عايزة تحمليه وانا باذن الله أبعتلك الروابط بتاعته علطول

توتة السيد

10-26-2010, 10:17 PM

الله اكبر ما شاء الله لاقوة الا بالله

اللهم بارك له وفيه ولاتضره جننن حبيبتي نولارا احمد القمر ربنا يخليهولك يارب

توتة السيد

10-26-2010, 10:18 PM

كونان لااااااااااااااااااااا ماتجيبوش سرته دا ذلني ذل

somia

10-26-2010, 10:20 PM

نولار .. بسم الله ماشاء الله زي القمر ربنا يبارك لك فيه ويجعلهولك ذرية صالحة .. اللهم ااااااااااااااامين..
توتة أنا هنا.. ايه أخبارك وأخبار كونان معاكي؟؟؟

dr.princess

10-26-2010, 10:24 PM

نولارا
ماشاء الله تبارك الله زى القمر ربنا يباركلك فيه يااااارب

نولارا

10-26-2010, 10:25 PM

توته ان شاء الله اول خروجه هنزلك صوره فريش له

توتة السيد

10-26-2010, 10:27 PM

وانا في انتظار طلة القمر احمد عليا

somia

10-26-2010, 10:28 PM

توتة قلتلك يا بنتي انا ممكن أبعتلك الروابط اللي انتي عايزاها انتي اللي رفضتي ... بس هوه برضه مرضاش يسجل معاكي..
نولار ايه أخبار الموقع رضي يسجل معاكي ولا ايه الأخبار؟؟؟؟

نولارا

10-26-2010, 10:30 PM

لو نزلتكم صورته يوم السبوع هتقولوا ايه الوحاشه دى الصفرا كانت بهدلته خاااااااااااااااالص
خدوا بالكوا من فيتامين c عشان النونو يقى كويس ومش جيله صفرااااااا بعد الشر

نولارا

10-26-2010, 10:31 PM

الموقع انا سيباه لجوزى لما يجى هو اللى مدمن كرتون

dr.princess

10-26-2010, 10:32 PM

يا بناااات
حد يفكر معايا المفروض انى هطبخ كمان شوية
ومحتارة اطبخ ايه بفكر اعمل مكرونة بالجمبرى كنت عاملة النهاردة صينية لحمة بالخضار وطلعت جمييييييييييلة ماشاء الله
يللا اقترحوا عليا حاجة

توتة السيد

10-26-2010, 10:33 PM

والله ياسومة مارضي معايا ابدا مش فاهمة ليه شكلي مش عاجبه اظاهر

هههههههههههه خلاص ياحبي ابعتيهم معلش هتعبك بس هتيهم وهاتي الحلقة اللي انتي قولتيلي عليها حلوة قوي

توتة السيد

10-26-2010, 10:35 PM

اه والله يانولارا فعلا فيتامين c مهم جدا وكمان سمعت

ان العسل الاسود برضه يحمي الطفل من الصفرا

ملاك بلا أجنحة

10-26-2010, 10:35 PM

السلام على أهل السلام
السلام عليكم ورحمة الله وبركاته
أذيكم يابنات عاملين
أيه أنتوا والبيبهات بتعتكم
طمنونى عليكم

نورا بأسم الله ماشاء الله أحمد زى القمر
ربنا يحرصهولك يارب

أذيك ياسومة عاملة أيه وحشتينى

أخبارك أيه يالولو لسه عندك شد عضلى برضو

أذيك ياتوتة وحشتينننننى جدا جدا
وأخبار البنبينو ايه

توتة السيد

10-26-2010, 10:36 PM

والله يالولو جميلة الماكرونة بالجمبري رغم اني لا احب الجمبري بتاتا

لكن جميلة وانتي بتحبيها انا عارفة ههههههههه

نولارا

10-26-2010, 10:36 PM

ايه اللحمه بالخضار دى يالولو
تورلى يعنى؟؟؟؟؟؟؟؟؟؟؟؟

توتة السيد

10-26-2010, 10:38 PM

طمطم ازيك حبيبتي انتي وحشتيني اكتر الف مبروك علي النتوتة يارب يجبهالك بالف سلامة وتفرحي بشوفتها ياله بقي ابدئي اشتري حاجات الننة البنات بيقولوا لبس البنات يجنن

somia

10-26-2010, 10:39 PM

هههههههههههههههههه يعني زوجك هوه اللي مدمن كرتون .. طب يجي يعدي زوجي شوية مع اني ابتديت اعدية أنا أصلا...ههههههههههههه
مكرونة بالجمبري .. حرام عليكي يا نولار ايه الاكل الغريب ده يا بنتي كلوا كبسة انتوا عايشيين وسط الكبسة ده أنا هموت وأجي السعودية تاني وأكلها
بصي اعملي ملوخية انا لسة واكلاها امبارح واعملي جمبها صينية مكرونة في الفرن وفراخ لو مبتعتبريهاش أكله

توتة السيد

10-26-2010, 10:39 PM

اظاهر انا كمان احوليت كاتبة النتوتة مش البنوتة هههههههههههه

نولارا

10-26-2010, 10:39 PM

الله يخليكم ياحبايبى عقبال ما تفرحوا كلكم بالنونات بتاعتكم يارب
ونشوف صورهم ونبارك لكم

dr.princess

10-26-2010, 10:39 PM

توتة
انتى عارفة انا بحب الجمبرى اوى بس عمرى ما عملت مكرونة بالجمبرى قبل كده فقلت اجرب اعملها كده وانا وحظى تيجى زى ماتيجى بقى

نولارا

10-26-2010, 10:43 PM

طمطم ياله لو البنوته بتاعتك عجبته نجوزهم
انا غيرانه منك لبس البنات يجنن
كل ما ننزل نشترى هدوم لاحمد عينى تبقى ها تطلع على الفساتين
وجوزى يشدنى من قدامهم ههههههههههه

توتة السيد

10-26-2010, 10:44 PM

خلاص يالولو جربيها وشوفي وان شاء الله تطلع جميلة من ايديكي حبيبتي

dr.princess

10-26-2010, 10:45 PM

نولارا
والله معرفش المسميات يعنى مش عارفة اسمها تورللى ولالا
بس انا الاول تبلت اللحمة بالزبادى وصلصة وملح وفلفل وكركم وحبهان مطحون وزيت زيتون وخل وسيبته كام ساعة
وبعدين فى صينية الفرن حطيت اللحمة وبصل شرايح وتوم مفروم وبسلة وجزرمكعبات وحطيت شوربة عليهم او بالاصح ماء + مرقة وغطيته بالفويل وفى الفرن على طول يعنى نى فى نى
بس والله طلعت جميلة اوى وخفيفة خالص ماشاء الله

توتة السيد

10-26-2010, 10:47 PM

قولولي ياحلوين انا لحد دلوقتي مش عارفة بالظبط نوع البيبي

وان شاء الله قريب هنزل اشتري حاجات البيبي محتارة مش عارفة

اشتري ولادي بناتي حاجة تمشي علي الوشين مش عارفة

dr.princess

10-26-2010, 10:48 PM

سمية اصلى لسه عاملة لحمة النهاردة فقلت بقى ابعد عن الاكل التقيل واعمل حاجة خفيفة لبكرة وممكن كمان يومين ابقى اعمل ملوخية
وبعدين لو نفسك فى كبسة ماتعمليها عندك كل حاجاتها موجودة فى مصر

نولارا

10-26-2010, 10:51 PM

هى يالولو بس انا بحط كمان بطاطس وفاصوليا وكوسه ههههه(سكالنس)

somia

10-26-2010, 10:54 PM

بعملها علطول بسانتي نسيتي ن انا الوقتي مقاطعة اللحمة والفراخ وهيه لازم يا بدي يا بدي

dr.princess

10-26-2010, 10:54 PM

نولارا هههههههههههههه
انا كنت عايزة احط بطاطس بس مالقيتش عندى وكوسة انا مش بحبها بس الفاصوليا لالا انا بعملها لوحدها بره

somia

10-26-2010, 10:56 PM

نولار .. توتة ..
هوه ده رابط تحميل الفيلم السادس لكونان .. خيال شارع بيكر وهو أكثر أفلام كونان روعة أما تتحملوه قولولي وانا أحطلكم روابط باقي الأفلام
http://www.mediafire.com/?izvl40nswgl#1
هأستنى رأيكم فيه

dr.princess

10-26-2010, 10:56 PM

سمية
انا والله عملتها قبل كده لوحدها من غير لحمة وفراخ بس حطيت فيها بطاطس وجزر وبسلة وفاصوليا خضراء وكانت جميلة اوى وكمان مفيدة فيها كل حاجة

نولارا

10-26-2010, 10:57 PM

لولو ملك هربت وما كملتش باقى قصتها
يالا انتى احكى يا شهرزاد

dr.princess

10-26-2010, 10:59 PM

توتة
اشترى اللى انتى عايزاه خدى راحتك
والله اختى كانت جايبة لابنها سالوبيت احمر بعد ما اتولد كمان مش قبل ماتعرف انه ولد وكان جميييل اوى عليه وهاتى الالوان العادية ابيض بيج برتقالى الالوان مفيش منها مشاكل خدى راحتك شوفى الولاد الكبار بيلبسوا ايه وهتيجى تحرمى على بيبى الالوان بس الاهم ان كل حاجة تبقى قطن

somia

10-26-2010, 11:01 PM

لولو هحاول أجربها كده بس ابقي اكتبيلي الطريقة لاني معملتهاش قبل كده ..
نولار معاكي حق لولو احكي يلا وكفاية هروب...
يلا عشان أنا خلاص داخلة أنام أسمع حكايتك وأنام علطول.. حدوتة قبل النوم..ههههههههههه

somia

10-26-2010, 11:05 PM

توتة ابتديتي تحملي الفيلم ولا لسة؟؟؟

dr.princess

10-26-2010, 11:05 PM

سمية
طيب انتى اختارى احكيلك طريقة الطبخة ولا الحكاية

برنسيسه المنتدى

10-26-2010, 11:06 PM

ازيكم ياقمررررررررات اخباركم ايه

ربنا يكملنا كلنا على خير

توتة السيد

10-26-2010, 11:07 PM

والله يالولو انا بأذن الله هعمل كده وربنا يسهل

وصحيح كل الالوان حلوة للبيبيهات تسلميلي ياحبي

نولارا

10-26-2010, 11:07 PM

الحكايه ياسمسم الحكايه

somia

10-26-2010, 11:08 PM

احكي الحكاية الاكله كده كده مش هطبخها النهارده؟؟؟

dr.princess

10-26-2010, 11:09 PM

ازيك يا برنسيسة
فينك كده مش بتدخلى على طول معانا ليه

نولارا

10-26-2010, 11:09 PM

برنسيسه انتى عملتى الدردشه وروحتى فين؟؟؟؟؟؟؟؟؟؟

توتة السيد

10-26-2010, 11:10 PM

برنسيسة المنتدي انتي فين انتي عملتي التجمع ومشيتي عاملة ايه واخبارك ايه

والحمل عامل معاكي ايه انتي في الشهر الكام

somia

10-26-2010, 11:11 PM

برنسيسة ازيك انتي عاملة ايه الوقتي ؟؟

dr.princess

10-26-2010, 11:12 PM

انتوا كلكم اتقاولتوا عليا ولا ايه
بس لو جوزى كرهنى هاجى اقتلكم انتوا ماليش دعوة

توتة السيد

10-26-2010, 11:12 PM

اه ياسومة اديني شغالة فيه حبيبتي

somia

10-26-2010, 11:13 PM

لولو هيكرهك ليه .. انتي غلبانة..احكيييييييييييييييييييييييي يلا يا ماما...

نولارا

10-26-2010, 11:14 PM

انا خلصت تحميل ياسمسم بس هستنى جوزى نتفرج سوااااااااااااا

somia

10-26-2010, 11:15 PM

طب كويس يا توتة ..اما تخلصي وتتفرجي طمنيني..

نولارا

10-26-2010, 11:15 PM

لولو انتى خايفه بجد ولا بتهزرى

يارا ويوسف

10-26-2010, 11:15 PM

سلام عليكم ازيكم انا سومة من مصر ممكن ابقى معاكم

somia

10-26-2010, 11:16 PM

طب كويس يا نولار تحبي اديكي رابط جديد؟؟؟

توتة السيد

10-26-2010, 11:17 PM

ماشي ياسومة

somia

10-26-2010, 11:17 PM

سومة .. اهلا بيكي معانا

يارا ويوسف

10-26-2010, 11:17 PM

ممكن اتعرف عليكوووو

توتة السيد

10-26-2010, 11:18 PM

اهلا بيكي ياسومة " يار ويوسف " اكيد يسعدنا تكوني معانا انتي حامل بالشهر الكام

dr.princess

10-26-2010, 11:18 PM

بصوا يا بنات
انا اعرف جوزى من زمان بس اختى تعرفه قبلى لانه كان معاها فى الكلية بس هو اكبر سنة
المهم نظام الكلية عندنا بيبقى فى اخر سنتين عندنا تدريب صيفى يعنى لازم انزل صيدلية واتدرب فى الصيف ورحت فعلا اتدرب ومين اللى كان بيشغل فى نفس الصيدلية ......... ايوه اديكوا عرفتوا جوزى
اللى عايزة اقوله انى كنت بكرهه وابدا مش بروح فى الوقت اللى هو يبقى موجود فيه مع انى مسجلة الميعاد فى الكلية علشان الدكاترة لو هيتابعونا او كده بس علشانة ابدا مكنتش بروح وهو موجود مع ان فيها ضرر عليا لو الدكتور اللى بيتابعنى ملقانيش موجودة

يارا ويوسف

10-26-2010, 11:18 PM

سومة .. اهلا بيكي معانا

ميرسى سومية

توتة السيد

10-26-2010, 11:20 PM

ياستير بتكرهه حتة وحده كملي كملي

يارا ويوسف

10-26-2010, 11:22 PM

اهلا بيكي ياسومة " يار ويوسف " اكيد يسعدنا تكوني معانا انتي حامل بالشهر الكام

ميرسى ليكى ياتوتة

انا حامل بالشهر التانى ادعولى ربنا يتملى على خير وطفلى يجى سليم معافى

يارا ويوسف

10-26-2010, 11:23 PM

نولارا

10-26-2010, 11:23 PM

ازيك ياسومه ربنا يتم لك على خير يارب
ويرزقك بنونو جميل
دا اول حمل ليكى

يارا ويوسف

10-26-2010, 11:25 PM

انتى حامل فى الشهر الكام يا سومية

somia

10-26-2010, 11:26 PM

لامحبة الا بعد عداوة ... كملي لولو ..
توتة نولار .. ده رابطين للفيلم الأول "العد التنازلي لناطحة السحاب"
جزء 1
http://www.mediafire.com/?gznlbc3fycz
جزء 2
http://www.mediafire.com/?ebbmo3d9gam

dr.princess

10-26-2010, 11:26 PM

المهم
انى لقيته بعد كده كان واخد باله بيقولى ده انتى يا مؤمنة عمرك ماجيتى وقت شغلى ابدا البنات كانت تتلزق فيا وانتى مبتقربيش خالص هههههههههههههههههه
المهم فضلت كده لاخر سنة فى الكلية وقبل التخرج رحت اجيب لاختى بامبرز من الصيدلية وهو كان موجود وملقيتش فبعت البنت اللى فى الصيدلية تجيبلى من بره وعلى ما جات اتكلمنا ودى كانت المرة الوحيدة اللى كلمته فيها
وبعدها هو سافر
المهم نسيت اقولكم انه قريب زوج اختى فهو كان عارف انى مش بحب الاخ ده اللى هو جوزى يعنى هههههههههه ولقيته بيقولى على فكره مادام سافر فأول اجازة هينزل يخطب وغالبا هتكونى انتى
وانا جاتلى ارتيكاريا وفضلت مرعوبة انه ينزل ويتقدم وكان كل اللى هاممنى انى الحق اتخطب قبل ماهو ينزل

توتة السيد

10-26-2010, 11:26 PM

ربي يكملك علي خير حبيبتي ويقر عينك بيه سليم معافي

somia

10-26-2010, 11:28 PM

انا في الثاني برضه

يارا ويوسف

10-26-2010, 11:28 PM

[quote=نولارا;446073]ازيك ياسومه ربنا يتم لك على خير يارب
ويرزقك بنونو جميل
دا اول حمل ليكى[/quote

التانى يانورا الحمد لله

يارا ويوسف

10-26-2010, 11:29 PM

انا في الثاني برضه

طيب كويس يعنى زى بعض بالظبط انتى اليوم الكام تتمى شهر

somia

10-26-2010, 11:31 PM

حلو الرعب اللي عملهولك ده .. ههههههههههههههههههههههههههه

توتة السيد

10-26-2010, 11:31 PM

بنات حد يشفلي حل عنيا تعباني جدا محمرة كده وحرقاني

وحاسة اني مكبوسة رمله مش عارفة ليه

يارا ويوسف

10-26-2010, 11:33 PM

توتة طيب ممكن تحطى قطرة للعين وتريحى عينك شوية من الكمبيوتر

somia

10-26-2010, 11:33 PM

توتة حاولي تبربشي برموشك كثير لغاية ما اللي فيا يطلع او افتحيها فمية
.. انا كل 4 ميلادي بدخل الشهر الجديد على حد علمي

نولارا

10-26-2010, 11:33 PM

طيب وجبتى ايه يارا ولا يوسف
وعنده كام سنه
عشان اشوف اجيب النمره التانيه امتى؟..ههههههه جوزى هيقتلنى

توتة السيد

10-26-2010, 11:33 PM

ههههههههههههههه كملي يالولو كملي

يارا ويوسف

10-26-2010, 11:36 PM

توتة حاولي تبربشي برموشك كثير لغاية ما اللي فيا يطلع او افتحيها فمية
.. انا كل 4 ميلادي بدخل الشهر الجديد على حد علمي

يعنى اية على حد علمى انتى مرحتيش لدكتورة لسة

دودى اشرف

10-26-2010, 11:36 PM

انا جيت يا بنات .. ازيكم عاملين ايه ... نولارا انا شايفة البنات بتقول على الصورة بتاعت احمد حلوة ... انتى حطيتى صورة له وانا مشوفتهاش ولا ايه؟

توته يا قمر...انتى ليه معرفتيش لحد دلوقتى نوع البيبى ... بس على العموم الحاجات الاساسية بتاعت البيبى تمشى الاتنين زى الشايات اللى السالبوتات اللى بتتلبس زى الفانلة من تحت .. بس طبعا شوفى الجو اللى هتولدى فيه .. هتولدى فى الشتا فاهاتى حاجات بكم وبنص وكام حاجة بس كت .. بس حاجات البنات تهبللللللللللل فى السوق .. فا هتبقى محتاجة تعرفى علشان كده بس هههههههههههههههههه .. لانى انا كنت كده .. وعينى كانت هتطلع على حاجات البنات . فظيييييييييعة موووووووووووت وكلها صغننة .. لكن الولاد مش عادى جدا .. من كتر حلاوة لبس البنات كنت طول ما انا ماشية اقول لجوزى يا خلاصووا بص حاجت البنات ... يقولى نعمل ايه طيب نروح نقول للدكتور غيرهولنا هههههههههههههههه .. بس الحمدلله على كل حال دى نعمة من عند ربنا بس ييجوا بالف سلامة وبصحة ان شاء الله .

dr.princess

10-26-2010, 11:37 PM

وفعلا محصلش نصيب لغاية مانزل اجازة وعرفت انه نزل وجالى اسهال ههههههههههههه لانى كان عندى احساس ان ماما ابدا مش هتمانع وانا وقتها كنت مش طايقاه
المهم خرجت يوم ورجعت وانا حاسة ان حد من عنده اتكلم وسالت ماما قالتلى لا ولقيت رقمهم على الاظهار ماما قالتلى اه اتكلموا وعايز يجى
ووقتها عرفت ان ابوه مكلم زوج اختى من سنة قبلها بس زوج اختى محبش يضايقنى ومقليش
وبعد العياط والنهنهة انا مش هقابله ابدا انا مش عايزاه فضلت ماما تحايل فيا واختى كمان على اعتبار انها تعرفه من ايام الكلية فوافقت غصب عنى
وفعلا تانى يوم جه لوحده مع جوز اختى ووصلى الساعة 12 وانا كان هاين عليا اضربه بالشلوت هههههههههههه
المهم كانت القعدة لطيفة والله وبدأت هه ابلعه شوية وقلت لماما ياريت مرة كمان انا يادوب بدأ اشيل الافكار الوحشة عنه وعايزة مرة كمان ادخل الافكار الحلوة ههههههههههههه بس كل اللى شفته فيه ايده لانى كنت قاعده فى الكرسى اللى جنبه فلما مشى اختى سألتى ايه رأيك قلتلها ايده حلوة اوى ماشاء الله ههههههههههه
وماما كلمتهم وجه بعدها الحمدلله تم القبول وجم اهله بعدها بايام وتقريبا فى 18 يوم كان قراية فاتحة وخطوبة وكتب كتاب مع انى كنت خايفة بس ماما وعمى اقنعونى والحمدلله
وفضل معايا تقريبا فى مصر شهر ونص وسافر
واتخطبنا تقريبا 8 شهور والظروف منفعتش انه ينزل نتجوز فشحنونى وجيت له هنا هههههههههههه

نولارا

10-26-2010, 11:38 PM

دودى حطيتها وشيلتها تانى انتى دايما متاخره كده هههههههههههههه

dr.princess

10-26-2010, 11:38 PM

بس خلاص
وخلصت الحكاية او بدأت مش عارفة ههههههههههههه والنهاردة يبقى 7 شهور باليوم
وادينى حامل اهو والحمدلله

يارا ويوسف

10-26-2010, 11:39 PM

منورة يادودى انا سومة من مصر

somia

10-26-2010, 11:39 PM

انا رحتلها بس مسألتهاش انا كل اد ايه هاكمل شهر لاننا اصلا مكناش شايفين بيبي بس هيه قالت موعد الولادة ان شاء الله 11-6 ميلادي

ملاك بلا أجنحة

10-26-2010, 11:39 PM

سلمتك ألف سلامة عليكى ياتوتةhwaml73

أستعملى قطرة بروزالين

هى غسول للعين

وحاولى مش تسهرى كتير أمام

الكمبيوتر علشان عيونك ياقمر

dr.princess

10-26-2010, 11:42 PM

على فكرة انتوا وحشين وانا زعلانة منكم فضلتوا تقولوا احكى وفى الاخر محدش متابع معايا
يللا انا هقوم عينيا واجعانى عندى صداع
سلالالالالالالالالام

somia

10-26-2010, 11:42 PM

حلوة قوي ايديه دي الايد شكلها مهم جدا طبعا...هههههههههههههه
سبحان مغير الاحوال بعد ما كنتيش طايقاه اتكتب كتابك عليه في 18 يوم...
وحلوة قوي شحنوني عليه دي..هههههههههههههه

توتة السيد

10-26-2010, 11:43 PM

حمد لله علي السلامة يادودي ياحبي

والله كل ما اروح للدكتورة تقولي لسة مو مبين ليه يابنت الناس تقولي مو مبين

عملت سونار الالتراسوند كان دكتور هندي قال نفس الكلام وبعد كده قال والله مش باين يمك بنت قولت بنت بنت بس ريحني مافيش حد مريحني اه والله البنات بتقول وانا كمان شفت لبس البنات تحفة كنت عايزة اتأكد علشان لو بنت ادلعها اخر دلع في اللبس بس انا هجيب من ده ومن ده وكله يمشي ان شاء الله ربنا يجيبهم يارب بالف سلامة ويقر عينا جميعا بيهم

نولارا

10-26-2010, 11:44 PM

لولو اكتر حاجه عجبتك ايده
انا كمان كنت معجبه بايد جوزى خصوصا ايام الدرس
طول الحصه كنت بتنح لهاههههههههههه

توتة السيد

10-26-2010, 11:44 PM

والله حطيتهم في مية ياسومة واديني ببربش اهو لما نشوف

somia

10-26-2010, 11:45 PM

لولو استني هنا ...
مين قالك ان احنا مش متابعين اقري الصفح اللي فاتت هتلاقينا معلقين على كل كلمة قلتيها تقريبا..

نولارا

10-26-2010, 11:46 PM

ياسمسم دى خم نوووووووووم بتلكك عشا تقوم تنام
وتقولك انتوا وحشيييييييييييين ههههههههههه

somia

10-26-2010, 11:47 PM

لولو انتي فييييييييييييييييييييييييييييييييييييييييييييييييي يييين..
الحقوا يا جماعة لولو زعلت..

توتة السيد

10-26-2010, 11:48 PM

وثبت المثل القائل " مامحبة الا بعد عداوة " والله قصة جميلة جدااااااااااااا يالولو

بجد سبحان الله النصيب غلاب ربنا يسعدكم يارب ويحببكم في بعض دايما ويخليكي ليه ويخليه ليكي وتفرحوا بالكتكوت اللي جاي علي خير ان شاء الله