دردشة حوامل مصر - دردشة بنات مصر - تجمع حوامل مصر

[dr.princess]

ازيكم يا بنااااات
اخيرا صحيتوا يا كسلانين ههههههههههههههه

[somia]

ازيك يا نولار عاملة ايه يا بنتي..
لعلمك المحشي امبارح فضلت مستنياه ومجاش يا ترى شيلتيلي نصيبي ولا لأ؟؟؟

[دودى اشرف]

برنسيس صحى النوم ... اصل انتى بتصحى بدرى اوىىىىىى يا قمر ... انا بصراحة مقدرش ... مع انى برضه بخاف انام لوحدى زى ملك ... لكن بحاول اتعود والا هنهار من التعب وقالولى لازم الحامل ترتاح على اد ما تقدر وتاخد كفايتها فى النوم لانه بيأثر عليها وعلى الجنين وبتبقى عصبية ... بس انتى كويس انك بتعوضى بالنهار وقريت ان نوم بعد الظهر برضه للحامل كويس لما تريحلها شوية بعد الظهر وربنا يقوينا

[دودى اشرف]

والله القاعدة معاكم بتنسى الواحد الوحدة ... وتنسيه جوزه كمان ... هههههههههههه
... ليه بقى بقول كده ... علشان انا من شوية كنت بعمل شاى لجوزى على ما ياخد حمامه وقلت اسيب المية تغلى على ما نصلى العصر .. وجيت اكمل كلام معاكم سمعته فى المطبخ بيصب الشاى وخارج بيه وانا قاعدة ومش مركزة خالص هههههههههههه .. خرج من المطبخ واناداخلة بقوله انا جاية اعمله راح باصصلى كده شذرا .. بس تهريج يعنى متقلقوش ..هههههههههههههه

[dr.princess]

ياه يا برنسس صعبة قوي يوم عسل دي ربنا يعينك يا بنتي وطبعا من أول يوم عمايل أكل .. ده أنا مكانش عاجبني ان ماما جابتلي الأكل 4 أيام بس عشان حصلتلهم ظروف منعتهم يجوا زيادة على كده.. ده طلعت مدلعة قوي هههههههههههه


لالا انا فضلت اكتر 10 ايام مطبختش الحمد لله
ماما ربنا يخليهالى يااااااارب محرمتنيش من حاجة كانت مشيلانى أكل بالهبل انا مكنتش عايزة اخد اكل بس هى غصبت عليا بس الحمد لله انى سمعت كلامها
كانت عاملالى مكرونة بشاميل ومحشى وكفتة وحمام وبط وفراخ وطبعا كله مستوى وجاهز وكمياات طبعا ومقلوكوش بقى طبيخ ماما عامل ازاى يجنن وكمان بطة وفرختين مش مستوييين
ياااااااااارب ماتحرمنا منها أبدا مالناش غيرها

[MALAK2010]

عارفة يا دودى بقول لجوزى انى ان شاء الله لو ربنا كتبهالى لما اولد مش هاخد وسيلة للتنظيم الحمل علشان عاوزة اولادى ان شاء الله ورى بعض هو طبعا مش راضى

بس نيتى فى الموضوع انى انزل مصر فى الولادة علشان ماما وانتى عارفة اجازة الولادة غير الاجازة العادية هههههههههههههه

[دودى اشرف]

انا حاسة ان انا الوحيدة اللى برغى فيكم ... هتحسسونى انى مملة على فكرة ... انتوا بتروحوا فيييييييين بس

[دودى اشرف]

ربنا يخليهلك يارب يا برنسيس .. هى الامهات كده ... بيبقى بالنسبة ليهم مش تعب بتبقى فرحة كبيرة ... ربنا يخلى كل ام يااااااااااااااااااااااااارب لان مفيش بعدهم ويفرحوا بعيالنا .. امين يارب العالمين .

[dr.princess]

دودى
عندك حق انا بصحى بدرى اوى مع جوزى بس مش برضى انام اول مايمشى لانى كده ممكن اصحى مثلا على 11 وبخاف ارجع انام وقت مايجى فبقول اقعد شوية وانام وارجع اصحى عشان اطبخ وبعدين ننام بس بقيت بعانى بالليل علشان انام تانى بس ادينى نمت الصبح احسن من انى مانمش لا بالليل ولا بالنهار

[MALAK2010]

اصلى بكلم ماما كتابة لغاية مااشوف موضوع الصوت
وكل شوية ابص عليكم وارد

[دودى اشرف]

عارفة يا دودى بقول لجوزى انى ان شاء الله لو ربنا كتبهالى لما اولد مش هاخد وسيلة للتنظيم الحمل علشان عاوزة اولادى ان شاء الله ورى بعض هو طبعا مش راضى

بس نيتى فى الموضوع انى انزل مصر فى الولادة علشان ماما وانتى عارفة اجازة الولادة غير الاجازة العادية هههههههههههههه

ربنا يديكى يارب يا ملوكة ... فعلا الولادة جنب الام موضوع تانى .. انتى ناوية ان شاء الله تنزل تولدى فى مصر ولا هو مش راضى ؟؟؟ اصل انا جوزى مكانش راضى الاول واتخانقنا اد كده اول الحمل وعاوزة اقولك ان لما عرفت انى حامل واجنا فى نكد بدل ما نفرح ونعيش اللحظة ههههههههههه ... بسبب برضه نزولى او اجيب ماما ... لحد ما سبت الموضوع بقى لربنا وقلت اللى كتبهولى هشوفه من غير خناق .. بس كنت بدعى كل صلاة ان ربنا يهديه عليا ويرضى ينزلنى وتيجى منه مش منى علشان معملش مشكلة معاه .. لان ماما مكانتش هتقدر تجيلى وهى مفرحتش بجوازى فى مصر وقلت كمان مش هتفرح بولادتى كمان .. فاكنت محتارة بين ان معملش مشكلة مع جوزى ومزعلش ماما فى نفس الوقت انى احرمها من الفرحة وانا كمان افرح وانا جنبها .... لحد ما ربنا قبل منى وسهلها الحمدلله ورضى ينزلى بعد ما حسبها انى هبقى لوحدى قال فرحتهم فى مصر بيا اكبر من فرحته علشان اخواته وامى واخواتى كل دول مش هييجوا حاجة حنبه .. قلتله طبعا انت الفرحة الاهم بس المشكلة ان يبقى فى حد بس يراعينى بذات انه اول حمل وانا مفيش خبرة طبعا خالص غير انى خيبة شوية ..بس .. برضه رغييييييييييت ...
يا جماعة محدش يفتحنى فى الكلام ههههههههههههههههههههههههههه

[dr.princess]

يا بناااااااااااااااااات
عايزة منكم خدمة
انا اخدت طريقة عمل المحشى من ماما بس عمره ما بيطلعش ابدا زى بتاع ماما مش عارفة ايه المشكلة وبقيت مبحبش اعمله علشان مبتعجبنيش النتيجة
انا قلت جايز ورق العنب المعلب ده اللى وحش وجايز انى بعمله بصلصة مش بعصير طماطم زى ماما مش عارفة والله
فقلت أخد نصايح منكم ايه اللى ممكن يطلع المحشى حلو

[دودى اشرف]

برنسيس انا برضه عملت محشى قبل كده ومعجبنيش برضه زى بتاع ماما خااااااااالص .. مع انى عملته زى ما قلتلى برضه ههههههههههههه ...بس مش عارفة ليه مطلعش زيها ... بس الممبار هو اللى اتظبط منى اخر مرة ... وورق العنب انا جبت مرة البرطمان ده وطلع وحش اوىىىىىى استغفر الله العظيم ... رجعت التانى ورميت الباقى ... ناشف وتحسى انه ورق شجر .. على العموم انا هقولك على خلطة الممبار ووهى هى المحشى بس المحشى خلطته بتتسبك ... طبعا بتقطعى بصلة وانا اخر مرة حطيت عليها فص توم كبير او فصين صغيرين .. وبعدين حمرتهم شوية بس مش تحمير يجوب يدبلوا وبعدين تحطى الصلصة اللى هى الطماطم وتحطى شوية صلصلة علشان بس تحمر شوية .. وتحطى ورقة ماجى او نص على حسب الكمية وتحطى طبعا توابل ملح بس مش كتير لان الماجى والصلصة بتملحها يعنى تشوف الحدق اللى عاوزاه وبعدين تحطى فلفل وشطة وممكن تحطى بهارات لو حابة ( انا حطيت بهارات لحمة ) وفى ناس بتحط ارنفل بس المطحون بس وتكونى مجهزة الخضرة ( بقدونس وكرفس وممكن شبت ) وتحطيهم عليهم وتسيبها تتسبك شوية وبعدين تطفى وتكونى محضرة الرز وتحطيه عليهم وتقلبيهم وبعدين تحشى بقى وبالف هنا وشفا ... وطبعا انتى عارفة بيتسوى ازاى ... لو ورقيات بتنفرشى طبعا من تحت ورق من اللى بتعمليه .. وترسى المحشى وبعدين تسقيه بشوربة وورقة ماجى او بشوربة وكل شوية بس تدورى الحلة وترجيها .. بس ويارب اكون افادتك ... ومرغتش هههههههههههههه hwaml02

[دودى اشرف]

سمية ... انتى روحتى فين ... ونولارا سألت واختفت ...ودودو صبحت ونامت .. ورنا مش عارفة فين .. هههههههههههههههههه .. انتوا فييييييييييييييييييين

[دودى اشرف]

ايمان .. ازيك يا قمر ... عاملة ايه ...انشالله تكونى بخير.. انتى لسه مجيتيش عند مامتك .. وحشتينا يا جميل ونفسنا تشتركى فى الرغى ده ... هنستناكى قريب ان شاء الله .

[نولارا]

انا هنا انا هنا
بس احمد مطلع عينيه

[دودى اشرف]

الله يقويكى يا حبيبتى ... هو احمد عنده اد ايه ...وانتى فى الشهر الكام ان شاء الله ؟؟؟؟

[MALAK2010]

بصى يا جميل انتى جيتى فى ملعبى بس انا اعتزلت الطبخ بقالى مدة يلا الحمد لله ههههههههههههههه

انتى تجيبى
شبت وتقطعية
وصلصة تعمليها فى البيت مش الجاهزة لانها مش حلوة(تحمرى البصل بس مش اوى وتحطى عليها الطماطم المضروبة فى الخلاط وتتبليها بملح وفلفل خفيف ومكعب مرقة دجاج)
وتدقى كام فص توم
وطبعا تغسلى الرز وتحطية فى مصفا علشان مايعجنش
ولو عاوزة تحطى لحمة مفرومة او قطع لحمة صغيرة
وسمنة وزيت وكترى ولا يهمك
واى بهارات عندك حطيها (ملح-فلفل -بهارات لحمة -نعناع وكمون وكسبرة و اللى عندك
ممكن تبشرى بصلة صغيرة اوى
حطى كل دة على بعضة وحطى الصلصة كتير كل ما زادت بتطعمة وقلبيهم على النار علشان لو فى مية تنشف
شويية صغيرة على النر وبعدين لفية وحطى الشوربة بس لازم تكون الشوربة حلوة مش مية وخلاص لا كل ما الشوربة كانت طعمة كان المحشى احلى وعلى شوية علية وبعدين وطى
وبالهنا والشفا يارب اكون فيدتك

[dr.princess]

دودى
هى نفس الحاجات تقريبا اللى بعملها مع المحشى مع اختلافات بسيطة اوى بس مش عارفة ليه مش بيعجبنى جوزى بيقولى حلو بس عشان يرضينى وانا عارفة انه مش زى بتاع حماتى ولا بتاع مامتى
بس لو انتى بطلتى تجيبى ورق عنب معلب بقيتى بتعملى ايه ؟؟
كمان انا وجوزى مالناش اوى فى محشى الكرنب

[نولارا]

دودى انتى ليه مصممه انى انا حامل
احمد لسه عنده 5شهور بسسسسسسسس

[MALAK2010]

هنا مفيش ورق عنب ولسة بستعمل اللى ماما كانت عطيهولى
لسة باقى عندى شوية صغيرين حاسة انهم ثروة قومية مخزناها فى الفريزر هههههههههههه
بس الكرنب هنا مش زى اللى فى مصر هنا عاوز سلق كتييييييييييير
ممكن يكون ورق العنب كدة برضة ماجربتوش علشان افيدك

[دودى اشرف]

ههههههههههههههههههههههههههههههههههههههههه ... معلش يا قمر ... ربنا يخلى.. اكمن يعنى كل اللى موجود حامل فا قلت اكيد حامل ...وشوية لسه محفظتش ظروف كل واحدة اوى .. ماشى يا ستى متزعليش .... ان شاء الله يكبر وتخاويه .

[dr.princess]

malak2010
ايه التكنيك ده انا حاسة انى بكلم واحدة خبرة فى الطبيخ ههههههههههههه
انا بدأت أطبخ من بعد الجواز بس والله بقيت بطبخ حلو يعنى الحمدلله فى أمل هههههههههههههه

[MALAK2010]

دودى انتى ليه مصممه انى انا حامل
احمد لسه عنده 5شهور بسسسسسسسس


يلا بشرة خير يا جميل ولا انتى عاوزة تستنى شوية

[dr.princess]

malak2010
ورق العنب الى بجيبه معلب بيبقى مسلوق جاهز يعنى يادوب بيتحط فى ميه دقايق ويتصفى منه ويتلف على طول

[MALAK2010]

malak2010
ايه التكنيك ده انا حاسة انى بكلم واحدة خبرة فى الطبيخ ههههههههههههه
انا بدأت أطبخ من بعد الجواز بس والله بقيت بطبخ حلو يعنى الحمدلله فى أمل هههههههههههههه



هههههههههههههههه مش مهندسة يابنتى وبلا عمل اعمل اية بهندس فى المطبخ

[dr.princess]

نولارا
لالالالالا اوعى تسمعى كلام البنات دى محدش هينفعك ههههههههههههه
خدتى راحتك 3 او 4 سنين وبعدين ابقى احملى
اختى الفرق بين الولدين 3 سنين و 9 شهور ومتبهدلة امال الناس اللى بتجيبهم ورا بعض دول يعملوا ايه

[MALAK2010]

نولارا
لالالالالا اوعى تسمعى كلام البنات دى محدش هينفعك ههههههههههههه
خدتى راحتك 3 او 4 سنين وبعدين ابقى احملى
اختى الفرق بين الولدين 3 سنين و 9 شهور ومتبهدلة امال الناس اللى بتجيبهم ورا بعض دول يعملوا ايه


هجرب ان شاء الله واقولك بيعملة اية ههههههههه

[رنا خالد]

انتوا النهارده بتقدموا برنامج طبق اليوم ولا ايه ههههههههههههه
ده انا من كلامكم جوعت والله ونفسي اتفتحت علي المحشي
بس انصحكم بلاش المحشي المعلب ده لحسن ده ناشف اوي
وطعمه مخزن كده ومش طازه خليكوا معايا انا هاعمل لكم محشي حلو ونتلم كلنا وناكل لما ننفجر ههههههه
ايه رأيكم كل واحد بيعمل اكله حلوه يقولنا علي طريقتها واهو نتعلم من بعض يلا مين هايبدأ؟؟؟

[dr.princess]

malak2010
بكرة تندمى وتقولى لولو حبيبة قلبى نصحتنى وانا غلطانة انى مسمعتش كلامها هههههههههه

معلشى يا بنات انا هقفل عندى مواعيين تتغسل وبعدين هكوى لجوزى علشان الخروج بالليل
اشوفكم الصبح ان شاء الله

[نولارا]

انا ناويه استنى لما احمد يبقى سنه ونصوبعدين اشيل الشريط

[MALAK2010]

malak2010
بكرة تندمى وتقولى لولو حبيبة قلبى نصحتنى وانا غلطانة انى مسمعتش كلامها هههههههههه

معلشى يا بنات انا هقفل عندى مواعيين تتغسل وبعدين هكوى لجوزى علشان الخروج بالليل
اشوفكم الصبح ان شاء الله



تروحى وتيجى بالسلامة
وبكرة نبقى نتكلم فى موضوع تنظيم النسل لانى ليا فلسفة خاصة ومستقلة وافكار القرون الوسطى ههههههههههههه

[somia]

سمية ... انا من القاهرة يا قمر من المنيل ... بس انا قاعدة فى الكويت .. وانتى منين؟؟
أنا برضه من القاهرة وعايشة فيها

[somia]

نولار مقولتيليش برضه شيلتيلي نصيبي من المحشي ولا لأ انا نفسي فيه أوي .. اهئ اهئ اهئئئئئئ

[نولارا]

سميه

نصيبك محفوظ بس انتى تعالى
ملك
صدقينى اول ما النونو يشرف وتنسى انوم هتغيرى الفلسفه بتاعتك دى خالص

[دودى اشرف]

أنا برضه من القاهرة وعايشة فيها

انتى منين فى القاهرة يا سمية ؟؟

[somia]

معلشي يا جماعة اتأخرت عليكم عشان زوجي استولى عليه بس أديني رجعتلكم تاني

[MALAK2010]

انا خارجة يا جماعة لان جوزى زمانة على وصول
خدوا بالكم من نفسك ومن النونو سلااااااااااااااااااام

[somia]

دودي ..انا من حلوان
نولار طب مينفس تبعتيلي شوية على الواقف كده؟؟
يا جماعة محدش يعرف أي محل في القاهرة ممكن أكل عنده محشي؟؟؟

[MALAK2010]

وبلاش رغى كتير انا مش معاكم
اكلموا شوية صغيرين واطلعوا زيى انا وبرنسيس ههههههههههههه

[somia]

بالسلام يا ملاك .. هنستناكي بكرة ان شاء الله

[somia]

انتوا فيييييييييييييييين يا جماعة ؟؟؟ هوه انا بس اللي هنا ولا ايه؟؟؟

[رنا خالد]

انا كمان من حلوان ياسوميه احنا شكلنا كده هانطلع قرايب ههههههه

[حنين الجنة]

بتعملى ايه هنا يانورا
انتى مش حملتى وولدتى وجبتى موكشه
اطلعى من المود بئه
على فكرة احمد عسوووول ياختى الله اكبر ماشاء الله رايح عند انهى ستو بالظبط

[نولارا]

طبعا ستو امى انا يامصريه
انا زعلانه منك عشان مش ورتينى صوره جنه
وبعدين تجمع الاعضاء كل ما اكتب مش فى حد بيكتب بعدى بيطفشوا هههههههههههه

[حنين الجنة]

لاااااا كله الا زعلك
دنتى ام موكشه حبيبي
انا والله نزلت الاصورة وشيلتها تانى
هبعتهالك برايفت اوووكيش
بس برضو اعملى ايميل علشان لو نزلت مصر اعرف اكلمك يا ام الرزاله

[somia]

انا كمان من حلوان ياسوميه احنا شكلنا كده هانطلع قرايب ههههههه


رنا انتي منين من حلوان او كنتي فثانوي فمدرسة ايه فحلوان؟؟؟

[somia]

نولار... بسم الله ما شاء الله أحمد زي العسل.. ربنا يبارك لك فيه ويجعلهولك ذرية صالحة وتعرفي تنامي منه

[رنا خالد]

انا من حدايق حلوان ياسوميه وكنت في مدرسة زهراء حلوان
اللي في وادي حوف تعرفيها؟
وكنت بنزل حلوان كتيييير اوي بس طبعا قبل ماتجوز
ودلوقتي انا ساكنه في مدينة نصر

[د×و]

ازيكم يا بنات حد موجود ؟؟

عاملين ايه وحشتونى كان معادى النهارده عند الدكتوره فايادوب خلصت الشقه والمواعين ورحت عملت تحايل الخاصه بالحمل ورجعت


فكرتونى بالمحشي يا سلااااااام

استنو اجيبلكم طريقتى بالصور هههههههههههه

اصلى بحب الصور اوى

[somia]

رنا انا من حلوان نفسها وكنت اللي فحلوان وكنت بدرس فمعهد تبارك بتاع القراءات

[د×و]

دى وصفه نزلتها فى منتدى تانى



اولا نحتاج لعمل الخلطه التى حشوت بيها جميع الانواع عدا البطاطس

الخلطه


* المقادير *

بصل مفروم ناعم - لحم مفروم -فلفل اخضر مقطع ناعم - طماطم مضروبه فى الكبه - صلصه طماطم - خضرا (شبت كسبره بقدونس) - ارز مصرى مغسول -توابل (ملح فلفل جوزه الطيب بهرات مشكله)

* الطريقه *

موجوده بالصور المتحركه

1-نضع البصل على النار مع زيت نباتى حتى يزبل
2- نضيف اللحم المفروم مع التقليب
3-اضافه الفلفل الاخضر مع التقليب حتى تجف السوائل
4-اضافه الطماطم المخلوطه وصلصه الطماطم ونقلب حتى التسبيك مع اضافه التوابل السابق زكرها
5-نطفى النار ونضيف الخضرا والارز ونقلب ونظبط الملح اذا كان الخليط فى حاجه اليه

كده خلصنا الخلطه


http://forum.hwaml.com/imgcache2/hwaml.com_1287427961_422.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%73%65%64%74%79%2e%63%6f%6d%2f)


نعمل كمان الشوربة اللى هنسقي بيها المحشي
ماء على النار يغلى ويضاف له مرقه دجاج ماجى ضافه المكعبات حسب الكميه ونضيف صلصة طماطم وتوابل فلفل وحبهان وجوزه الطيب واى توابل تحبيها

ودى صورتها


http://forum.hwaml.com/imgcache2/hwaml.com_1287427962_348.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%73%65%64%74%79%2e%63%6f%6d%2f)


نبدا فى الحشو

* ورق العنب *


كما فى الصور المتحركة

الصور موضحه طريقه اللف
ونرص الاصابع فى حله فى قاعها بطاطس مقطعه شرائح
ونسقيه بالشوربه سابقه الذكر ونضع على الوجه قطع صغيره من الزبده تعطيه طعم ولمعه جذابه ويغطى ويسوى على نار منخفضه




http://forum.hwaml.com/imgcache2/hwaml.com_1287427959_686.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%73%65%64%74%79%2e%63%6f%6d%2f)


* البازنجان والكوسه والطماطم *


نقوم بتفريغ الكوسه والبازنجان والطماطم بالاداه الخاصه ( المقوار)

ونغسلهم جيدا ونضعهم فى ما به ملح

ثم نقوم بالحشو مع مراعاه ترك حوالى نصف سنتيمتر فارغ لان الارز عندما ينضج بيزيد فى الحجم

ونرصهم بشكل عمودى داخل الحله بعد وضع فى قاعها اللب الناتج من تقوير الكوسه ونضيف الشوربه الخاصه مع مراعاه عدم الاكثار لان الخضروات بها نسبه من الماء عاليه وتترك على نار منخفضه حتى النضج



http://forum.hwaml.com/imgcache2/hwaml.com_1287427959_609.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%73%65%64%74%79%2e%63%6f%6d%2f)



* الكرنب *

نسلق اوراق الكرنب فى ما مغلى مضاف اليه ملح وكمون
ثم نقطعه مربعات صغيره ونقوم بالحشو ويرص فى حله فى قاعها نضع عروق الاوراق

وبعد الانتهاء من صف الاصابع نغطيها بباقى العروق وتسقيها بالشوربه المغليه ونتركها لتنضج على نار هادئه



http://forum.hwaml.com/imgcache2/hwaml.com_1287427960_225.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%73%65%64%74%79%2e%63%6f%6d%2f)




* البطاطس *

نقشر البطاطس ونقعها 3 اقسام (او اثنان لو البطاطس صغيره)
وتغسل ونزيل اللب الداخلى بحرص
ثم تسلق فى شوربه( انا سلقتها فى شوربه دجاج كنت بسلقه)

وللحشو ناخد جزء من اللحم المفروم بعد اضافه الطماطم اليه ونحشو به البطاطس وتوضع بالفرن لتتحمر من اعلى



http://forum.hwaml.com/imgcache2/hwaml.com_1287427960_292.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%73%65%64%74%79%2e%63%6f%6d%2f)


وتقدم الانواع كلها مع الدجاج المحمر



http://forum.hwaml.com/imgcache2/hwaml.com_1287427962_964.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%73%65%64%74%79%2e%63%6f%6d%2f)




http://forum.hwaml.com/imgcache2/hwaml.com_1287427960_848.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%73%65%64%74%79%2e%63%6f%6d%2f)

[somia]

ههههههههه.. دودو الله يسترك بلاش المحشي بالصور لحسن انا بتوحم على محشي كرنب ومش عارفة اكله

[د×و]

سميه انتى هنا يا جميل


ازيك عامله ايه؟؟

[د×و]

ليه كده يا سميه مش عارفه تاكليه

خايفه يتعبك عشا تقيل

يا ستى اعمليه ومتكتريش من نفسك يعنى

[somia]

دودو حراااااااااااااااااااااااااااااااااااااااااااام كده حرام انا نفسي فمحشي كرنب تقومي مورياني صورته حرام عليكي.. اهئ اهئ اهئ

[somia]

دودو انا ولا طايقة ريحة لا الفراخ ولا اللحمة واي مجهود بعمله يتعب جدا ظهري بيصرخ عليا غير كده الصراحة مبعرفش اسوية انا بعرف اعمله زي الفل وباقي على السوا ببوظ كل اللي عملته.. هههههههههههه

[د×و]

لالالالا متعيطيش مكنتش اعرف ان الموضوع مؤثر معاكى اوى كده

هههههههههههههههه

اتكلى على الله واعملى حله صغننه

[د×و]

اه والله انتى هتقوليلى على القرفه انا الفراخ لاااازم اجيب اللى فى معدتى بعد ما انظفها :((

ربنا يعديها على خير

بس التسويه بتاعه المحشي سهله والله انتى بس لما تنوى قوليلى وانا اقولك على اسرار الطبخه ههههههه

[somia]

ههههههه.. طب اعمله شوربة ايه ااكنت لاطايقة ريحة الفراخ ولا اللحمة ولا هما مستويين ولا هما نيين.. أعمل إيه؟؟

[د×و]

بس بردو لازم تاكلى فراخ ولحمه لانهم مهمين جدااا
امال النونو هياكل ايه الغلبان

خدى دوا الترجيع (بريمبران) حلو اوى وكلى بسكوت مملح وادخلى عالمطبخ

[somia]

انا باكل سمك لكن فراخ ولحمة لا وألف لا الموضوع صعب قوي أنا مش بس برجع انا مقروفة منهم جدا مش طايقة أصلا أشوفهم

[د×و]

معليش يا حبيبتى فعلا مدام وصلتى للمرحله دى يبقى بلاش وان شاء الله هتبقي كويسه وتاكلى عادى بعد شهور الوحم الرخمه دى

والسمك مفيد جدا استمرى عليه وخلاص

[somia]

دودو متعرفيش ممكن أشتري محشي كرنب يكون كويس منييييييييييييين لحس صدقيني هخليكي تعمليه وهأطب عليكي أكله منك..ههههههههههههههههههههههههههه

[د×و]

هههههههههههههه

تعالى ياريت تنورينى بس هتعرفى تيجى السعوديه ههههههه

هو انتى ساكنه فين ؟؟

انا كنت فى فيصل بشتريه عادى من السوق اللى جنبنا او طبعا من السوبر ماركت

[somia]

أنا في القاهرة بس معنديش مشكلة أجيلك بس انتي فين في السعودية؟؟

[د×و]

انا فى مدينه اسمها الجبيل موجوده فى شرق السعوديه جنب الدمام

[somia]

انا عندي وحدة صحبتي عايشة هناك وانا هموت واجي الدمام تاني

[د×و]

تعالى يلا بسرعععععععععععععه على اول طياره:)

[د×و]

انتى جيتى الدمام قبل كده ؟

صاحبتك عايشه فى الدمام ؟ ولا الجبيل يمكن اكون عارفاها ههههههه

[somia]

انتي اعملي بس وهتلاقيني بخبط عالباب ولا طيارة ولا حاجة الواحد ياخد البساط الطائر يستلفه من علاء الدين واجيلك اكل المحشي واشرب شوية سفن ابلع وارجع تاني...ايه رأيك

[somia]

صاحبتي عايشة في الجبيل انا كنت عايشة في الدمام وانا صغيرة ولحد الان هموت وأرجعها

[د×و]

ههههههههه عجبتنى فكره البساط دى
والله فكره حلوة اشطه اول معمل محشي هبعتلك رساله بالحمام الزاجل تركبى البساط وطيراااان ههههه

[د×و]

يا شيخه انتى كنتى عايشه فى الدمام انا كان عندى صاحبتى عايشه فى الدمام وهى صغيره بردو بس اسمها مى
صاحبتك اسمها ايه طيب عشان انا اعرف مصريات هنا يمكن تكون واحده منهم مين عارف ههههههه

[somia]

صحبتي اسمها فاطمة
حلوة فكرة الحمام الزاجل بس على ما يوصلي هيكون المحشي اتنسف من زمان

[د×و]

اممممممممممم فاطمه لا مش عارفاها

خلاص اقولك خليكى عندى وبدل ما ابعت الرساله مع الحمام ابعت المحشي على طول ههههههه

[somia]

ههههههههههههههه معنديش مشكلة انا مستنياه بس كرنب وابعتيلي 3كده نيين عشان بحب ساعات اكله ني..هههههههههههه

[د×و]

سمسمه انا هقوم دلوقتى يادوب استعد للنوووووووم

سلميلى على البنات اللى نشاطهم نهارى دول

مع ان الكلام بليل مسلى اكتر ههههههههههههه

[somia]

ههههههههههههههه.. دودوانا برضه هادخل اسلم النمر لحسن هموت وانام

[رنا خالد]

ايه ياجماعه انتوا بتناموا بدري اوي زي الكتاكيت كده ليه
ولا هي سيرة الاكل خلتكوا تقلتوا وريحتوا شويه

[somia]

يا جماعة في حد صاحي ولا ادخل انام زييكم.. برنسس .. ملاك.. انتوا فييييييييييييييييييين؟؟

[somia]

فيييييييييييييييييييييييييييييييييييييينكم؟؟؟؟

[somia]

بما أنه مفيش غيري صاحي يبقى أدخل أنام أنا كمان ..
تصبحوا على خير

[dr.princess]

انا هنااااااااااااااااااااااااا

[MALAK2010]

وانا كمان هنااااااااااااااااا

[dr.princess]

يا هلا يا هلا بالناس اللى صحت

[MALAK2010]

صباح الخير يا حبيبتى
عاملة اية انتى والنونو
وعملتى اية امبارح شديتى حيلك فى الدعاء

عارفة حاسة ان اليوم بيخلص وبيجى غيرة بسرعة ونصحى نتكلم بس لما اجى احسب فى مدة الحمل الاقى مفيش حاجة فاتت

[MALAK2010]

كل يوم اقعد ابص فى فلاش الجنين وعاوزة شكلة يتغير بقى عاوزة يبقى لة ايدين ورجليين

مرة كنت تعبانة اوى فجوزى بيهزر معايا وبيقولى اضربة اللى تعبك دة قولتلة لما يطلعلة حاجة يضرب عليها هههههههههه ربنا يكملنا على خير ويتم فرحتنا

والصبر من عند ربنا 9 شهووووووووووووووووووور لغاية ما نشوفة

عارفة ساعات بحس ان الفلاش دة هو السونار ههههههههههههه فبطمن علية

[dr.princess]

انا الحمد لله كويسة
ان جيتى للحق انا قلبتكم امبارح فى الدعاء دعيت اى كلام كده مش زى كل مرة كل واحدة بالاسم حتى تقريبا مدعيتش لنفسى ( معلشى كنت مخنوقة شوية عندى سوء تفاهم مع ماما وكمان مع جوزى وكنت مش طايقة نفسى )

والله عندك حق انا كل ما اشوف شريط الحمل الاقى اليوم بيعدى بالعافية مع انه بيعدى بسرعة معاكم سبحان الله

[MALAK2010]

والهى قبل الحمل كانت الاسابيع بتعدى بسرعة والشهور كمان بس من ساعة ما حملت وانا عاوزة شهر عشر يعدى علشان شهر 11 ىجى وبعدين 12 وهكذا ابدا مش راضى

زعلتينى انك زعلانة معلش والهى الواحد لما يكون فى سوء تفاهم مع زوجى بحس ان الدنيا ضايقة اووووووووووووى علشان احنا فى الغربة كمان

حاولى تحطى نفسك مكانة فى موضوع الخلاف وجايز يكون معاة حق فى حاجات

وهدى نفسك علشان البيبى لانة خلاص هيشد شعرة مننا بس لما يبقى يطلعلة شعر

وبالنسبة لطنط حتى لو انت معاكى الحق لازم تراضيها وعلى فكرة رضى الام بسهووووووووووولة عن رضى الزوج

ساعات اقعد اقول ان احنا الخسرانين فى الزعل لاننا قاعدين فى البيت نعيد ونزيد فى التفكير والموضوع بيكبر معانا
اما ازواجنا فبيخرجوا يروحوا شغلهم فمش بيفكروا فى الموضوع زينا وممكن يهدوا اسرع

وابقى طمنينى عليكى

[dr.princess]

اللى غايظنى ان هم الاتنين تقريبا ميعرفوش انى زعلانة منهم يعنى حاجات حصلت منهم ضايقتنى وهم مش حاسين ازاى انها ممكن تزعلنى وانا قاعدة متضايقة مع نفسى كده
والله بعد ماسبتكم امبارح كلمت اختى وفضلت اعيط زى الهبلة بالظبط ومكنتش طبيعية
انا والحمدلله الايام دى من سىء لأسوء مش عارفة مالى كده فى حالة يرثى لها


لا اله الا أنت سبحانك انى كنت من الظالمين

[MALAK2010]

بصى يا حبيبتى انتى ممكن تكونى حاجة من اتنين

اما حساسة اليومين دول فبتاخدى كل حاجة على اعصابك وممكن تكون الحاجات ماتستاهلش وتكبريها وفى الحالة دى هتتعبى اوى

او انهم فعلا غلطانين بس ماتستخدميش نظام( انهم هيحسوا انك زعلانة او انهم هيعرفوا انهم زعلوكى لوحدهم ) هم لو عارفين انهم زعلوكى ماكنوش عملوا اللى عملوة من الاول فقوليلهم انا زعلانة من كذا ومن كذا وشوفى اية اللى هيجرى وبغض النظر مين الصح ومين اللى غلطان هترتاحى لان اللى مضايقك اكتر انهم مش حاسين

وبالنسبة لماماك اكيد اختك قالتلها فهتكلم فى اللى مزعلك
اما جوزك لسة مايعرفش وطبعا هيلاقيكى متغيرة معاه فممكن يزعل هو يعملوها والهى هم بيتلككوا هههههههههههه

المهم ريحى اعصابك مفيش حاجة تستاهل وربنا يريح قلبك

[dr.princess]

والله انا معدتش عارفة انا اللى بقيت حساسة ولا هم غلطانين فعلا ولا ايه اللى بيحصل
وبعدين انتى هتقوليلى على التلكيك انا كام مرة الاقينى انا اللى بصالحه وبعد شوية افتكر انى انا اللى كنت زعلانة مش هو ههههههههه

[MALAK2010]

انا والهى من يوم ما اتخطبت لما يحصل اى حاجة يكون معايا الحق مية فى المية ماعرفش اية اللى بيحصل الاقينى بقيت الغلطانة والمشكلة الاكبر انى بقتنع انى انا اللى غلطانة ههههههههههه ساااااااااااااااااااحر

بقولة انت كنت لازم تشتغل محامى لانة معاه الحق علطوووووووووووووووول

وانتى لما اشتكيتى لاختك قالتلك معاكى حق ولا اية ممكن انطباع اختك هو اللى يعرفك اذا كنتى مكبرة الموضوع ولا الموضوع يستاهل

[dr.princess]

هى فضلت تقولى انها اكيد مش قصدها المعنى اللى وصلنى و حاجات زى كده وانى ماخدش الموضوع بحساسية علشان انا عارفة انها بتحبنى واكيد عايزالى الخير

[dr.princess]

لالالالا انا بفضل اصالحه وانا متغاظة منه انه بيقلب الموضوع
وجات مرة بقى قلتله بقولك ايه لا ماهو مش كل مرة كده انا دلوقتى زعلانة منك وليا حق عليك انك تصالحنى وتراضينى نفسى احس الاحساس ده ماهو مش كل مرة انا اللى اصالح ههههههههههههه

[MALAK2010]

طيب خلاص بقا ياحبيبتى بالسبة لماما اول ماتعرف انك زعلانة حنان الامهيظهر واحنا طبعا هندلل وهى تصالحنا وتطيب خاطرنا

اما جوزك بقا ما اعرفش هيحصل اية اما

يكون غلطان فعلا وتصعبى علية ويصالحك ويراضيكى وتحسى بالاحساس اللى نفسك فية انة يصالحك وطبعا مش هتفوتنا الموقف دمعتين حلوين ياثروا فية اكتر ههههههههه ويبقى جو رومانسى وناقص شمع وموسيقى رومانسية

او يبدا فى حكاية انا جاى من الشغل تعبان ومشاكل فى الشغل ومشاكل هنا واية الموضوع البسيط دة وانتى فاضية والروايات دى هههههههه

[dr.princess]

هو راجع امبارح من الشغل بيقولى مالك كده مش بتناكفى فيا زى كل يوم قلتله خلاص بطلت
هو عايز يجى من الشغل يفضل ساكت وانا اشتغل راديو جنبه ( ماانتوا عارفينى مش ببطل كلام )
ولو قلت طيب اتكلم قول اى حاجة يشغل اسطوانة انا صاحى من بدرى ومنمتش كويس وطالع عينى فى الشغل ومش قادر وووو ( بس هو الصراحة عمره ماقالى انتى فاضية دى اصل هزعل اوى لو قالها ) فبقيت أسكت أحسن وخلاص

[MALAK2010]

معلش ياجميل هم فعلا بيتعبوا وبيتكلموا كتيييييييييييير برة فبيبقوا زهقوا من كتر الكلام

المهم روقى وكلة بيعدى

انتى لما قلتى انك كروتى فى الدعاء التجمع كان هيفترسك هههههههههههه بس لما عرفت لية هنسامحك المرة دى وممكن نجى كلنا بعيالنا نصالحكم علشان مصلحتنا طبعا هههههههههههه
وانا عليا الورد والشمووع

قوليلى روحتى امتى امبارح؟؟؟
وهتطبخى اية النهاردة علشان معاد العقاب بتاعى قرب هههههههههه

[MALAK2010]

على فكرة انتى ممكن تيجى تصالحينى على جوزى انا كمان
لان بكرة عيد ميلادى و نولارا نبهتنى ان الموضوع مهم اوى ربنا يستر ويعدى فى الامتحان زى ابو احمد ههههههههههه

والهى بيصعبوا عليا قاعدين بنتكتك لهم وهم ولا عارفين

[dr.princess]

خلاص ياستى تعالى صالحينا وهعمل نفسى مش واخدة بالى هههههههههه
والله لسه مش عارفة اطبخ ايه
طيب ساعدينى وقوليلى انتى هتطبخى ايه او اقترحى عليا حاجة اعملها النهاردة

[dr.princess]

لالالا ربنا يستر ويطلع جدع كده ويفتكر اصل تبقى مصيبة وتطير فيها رقااب ههههههههههههههههه
وبعدين نتكتك براحتنا ماهم اللى بيجيبوه لنفسهم وبينسوا حاجات مهمة زى دى

وكل سنة وانتى طيبة وبالف صحة ياااااااااااااارب وعقبال 100 سنة (بلاش مبالغة حد بيقعد مليون سنة هههههههههههههه)

[MALAK2010]

وانتى طيبة يا حبيبة قلبى وفى سعادة مع جوزك ابو عياااااااااااااااااااالك هههههههههههههه مش عيل واحد خدى بالك عاوزاكى تنضمى معايا فى نادى الستة هقولك بعدين موضوعة بس يارب ماعتزلش بدرى بدرى هههههههههههه

انا بفكر اعمل ملوخية جوزى بيحبها وانا اصلا بطبخلة لانى مش بتغدى

[dr.princess]

ستة ايه مستحييييييل
انا عيلة جوزى من انصار ال 3 هو واخواته 3
واخته عندها 3 و2 اخواله عندهم 3
وغالبا انا هبقى زيهم باذن الله او اقل كمان اختى عندها 2 ومش ناوية تجيب تانى

انا لسه كنت عاملة ملوخية الاسبوع اللى فات ( وبعدين حاولى تاكلى اى حاجه معاه لو حتى قطمتين )
غالبا هعمل كفتة حاتى ومكرونة اسباجيتى و سلطة طحينة

[MALAK2010]

اسيبك انا يا جميل وياريت اكون غيرت مودك شوية
هقوم علشان اطبخ ادعيلى

[dr.princess]

انا الحمد لله دلوقتى متقلقيش عليا
ربنا يعينك على الطبيخ

[نولارا]

صباح الخيرررررررررررر
شوفتوا صوره احمد ولا لا

[نولارا]

ملك
كل سنه وانتى طيبه وعقبال مليوووووون سنه بالعند فى برنسيس

[dr.princess]

نولارا
صباح النووووووووووور
ماشاء الله تبارك الله احمد زى القمر اكيد طالعلك

وماشى ياستى مليون سنة مليون سنة انا هجيب حاجة من عندى يعنى ههههههههههه

[MALAK2010]

انا جيت

برنسيس: كويس انك لسة مانمتيش علشان نرغى شوية

نولارا:احمد ما شاء الله علية ربنا يخليهولك يارب

[MALAK2010]

سمية :انتى فين النهاردة

[dr.princess]

يابنتى انا دايما موجودة فى كل وقت وفى كل مكان هههههههههههه
سمية شكلها راحت عليها نومة النهاردة

[MALAK2010]

انا هقوم اصلى ونرج نرغى ان شاء الله
ومبرك على التوقيع الجديد غيرتى لية

[dr.princess]

تقبل الله
الله يبارك فيكى تغييير بس اصلى بزهق بسرعة

[MALAK2010]

انا جيت تانى ههههههههههه
انتى مانمتيش النهاردة لية بالك لسة مشغول

[dr.princess]

لالالا ده انا هموت من التعب منمتش بالليل كويس كالعادة
وكنت مستنية بس لما ترجعى علشان اقولك انا هروح انام بس انتى سبقتينى ههههههههههههه

[MALAK2010]

طيب يا حبيبتى تصبحى على خير واحلام سعيدة

[dr.princess]

وانتى من اهله

[somia]

سمية :انتى فين النهاردة
أنا هنا يا جماعة فضلت مستنياكم الصبح ساعة وفي الاخر دخلت نمت والمشكلة اني لقيت برنسس دخلت بعدي ب3 دقايق وانا مختش بالي

[somia]

على فكرة انتى ممكن تيجى تصالحينى على جوزى انا كمان
لان بكرة عيد ميلادى و نولارا نبهتنى ان الموضوع مهم اوى ربنا يستر ويعدى فى الامتحان زى ابو احمد ههههههههههه

والهى بيصعبوا عليا قاعدين بنتكتك لهم وهم ولا عارفين
ملاك كل سنة وانتي طيبة بس متعشميش نفسك عشان لو نسي متبقاش مشكلة

[somia]

صباح الخيرررررررررررر
شوفتوا صوره احمد ولا لا
نولار أحمد بسم الله ماشاء الله عليه زي القمر ربنا يبارك لك فيه ويجعلهولك ذرية صالحة ويخليكي تعرفي تنامي

[somia]

وانتى طيبة يا حبيبة قلبى وفى سعادة مع جوزك ابو عياااااااااااااااااااالك هههههههههههههه مش عيل واحد خدى بالك عاوزاكى تنضمى معايا فى نادى الستة هقولك بعدين موضوعة بس يارب ماعتزلش بدرى بدرى هههههههههههه


هههههههههه ستة بس انا ناوية ان شاء الله على ثمانية بس يارب فعلا منغيرش رأينا بعد اول عيل

[somia]

ايه يا جماعة هوه انا كل اما ادخل ملاقيش حد خالص كده... اهئ اهئ اهئ

[ام صيصة]

انا هووووووو ممكن

[somia]

كيفك أم صيصة؟؟؟

[ام صيصة]

الحمد الله يا حبيبتي
انت فمصر و لا مغتربة

[somia]

أنا ساكنة بمصر

[somia]

ايه يا جماعة النوم ده كله... قوموا اصحوا بقى كفاية كده...

[د×و]

ساعات اقعد اقول ان احنا الخسرانين فى الزعل لاننا قاعدين فى البيت نعيد ونزيد فى التفكير والموضوع بيكبر معانا
اما ازواجنا فبيخرجوا يروحوا شغلهم فمش بيفكروا فى الموضوع زينا وممكن يهدوا اسرع

وابقى طمنينى عليكى

عندك حق جداااااااااااا يا ملوكه وهى دى طبيعه الست اصلا حتى لو خرجتى هتكونى متنكده لكن الرجاله مش بتحط فى دماغها
انا لو متخانقه مع زوجى لايمكن يجينى نوم لكن هو بينااااام عااااااااااادى
حاجه تقهر hwaml4hwaml4

[somia]

لولولولوي أخيرا في حد صحي..
صباح الخير يا دودو

[د×و]

اللى غايظنى ان هم الاتنين تقريبا ميعرفوش انى زعلانة منهم يعنى حاجات حصلت منهم ضايقتنى وهم مش حاسين ازاى انها ممكن تزعلنى وانا قاعدة متضايقة مع نفسى كده
والله بعد ماسبتكم امبارح كلمت اختى وفضلت اعيط زى الهبلة بالظبط ومكنتش طبيعية
انا والحمدلله الايام دى من سىء لأسوء مش عارفة مالى كده فى حالة يرثى لها


لا اله الا أنت سبحانك انى كنت من الظالمين



حاولى ماتكتميش يا بسبس غلط عليكى احكى اللى مزعلك اول باول لانى انا كنت زيك كده ممكا ازعل مع جوزى من حاجه هو اصلا ميكونش واخد باله
وافضل اكتم فى نفسي واتعب اوى
وكمان اللى بيزود الحمل لان فى لخبطه فى هرمونات الجسم بتخليكى مودك مش حلو ده غير الغربه اللى احنا فيها ربنا يعيننا على كل ده ويعدى شهور الحمل على خير يااارب حاولى تهدى نفسك ومتضايقيش ولا تكتمى جواكى
وربنا يصلح حالك وحالنا وحال المسلمين اجمعين يارب

[د×و]

لولولولوي أخيرا في حد صحي..
صباح الخير يا دودو

هههههههههه صباح الفل يا سمسمه عامله ايه يا جميل
معليش كنت بشوف المشاركات اللى قبل كده

ايه اخبارك النهارده صحيتى امتى؟؟

[dr.princess]

انا كمان صحيت متزعليش

[somia]

ده ايه العز اللي انا فيه ده دودو وبرنسس كمان..هههههههههه

[somia]

أنا صاحية بقالي 3ساعات تقريبا

[د×و]

هو راجع امبارح من الشغل بيقولى مالك كده مش بتناكفى فيا زى كل يوم قلتله خلاص بطلت
هو عايز يجى من الشغل يفضل ساكت وانا اشتغل راديو جنبه ( ماانتوا عارفينى مش ببطل كلام )
ولو قلت طيب اتكلم قول اى حاجة يشغل اسطوانة انا صاحى من بدرى ومنمتش كويس وطالع عينى فى الشغل ومش قادر وووو ( بس هو الصراحة عمره ماقالى انتى فاضية دى اصل هزعل اوى لو قالها ) فبقيت أسكت أحسن وخلاص



ههههههههههه
ياستى احمدى ربنا وبصي لنص الكبايه المليان
جوزك عالاقل بيحب يسمع منك فى رجاله حتى مش بيدو فرصه لزوجاتهم انها تتكلم ويقول مش ناقص وجع دماغhwaml15
الحمد لله انا كمان جوزى مش كده hwaml03
بلاش افترى بئا يا برنسوسه ههههههههههه

[د×و]

اه والله هنا فعلا برنسيس بقالى كتير مش بقابلها اما انا نايمه اما هى نايمه

سمسمه انتى كمان بتصحى بدرى وترجعى تنامى؟؟

[د×و]

عقبال ما ملوكه تيجى بردو بقالى كتير مش بقابلها صحيح كل سنه وانتى طيبه ويا ملووكه وعقبال مليووووووووون سنه يارب

وفين دودى النهاره وبقاى البنات ؟؟؟

[د×و]

يا بنات مش 13 اسبوع يعنى المفروض دخلت فى الشهر الرابع ؟؟

ليه توقيعى لسه الشهر التالت:(((

[somia]

انا بصحى الفجرية ساعات بقدر أكمل وأفضل صاحية وساعات الشحن بتاعي بيخلص فبضطرأنام عشانه أعيده..هههههههههههههه

[د×و]

انتو رحتو فين انا عماله احكى مع نفسي؟؟؟

[د×و]

هههههههههههه
حلوة الشحن بيخلص يا سمسمه

انا والله مصدعه ونفسي انام بس طبعا مقدرش انام اسيب ست لوجى لوحدها:(

[MALAK2010]

عقبال ما ملوكه تيجى بردو بقالى كتير مش بقابلها صحيح كل سنه وانتى طيبه ويا ملووكه وعقبال مليووووووووون سنه يارب

وفين دودى النهاره وبقاى البنات ؟؟؟


شبيك لبيك تتمنى اية تانى هههههههههههههههه

[dr.princess]

معلشى يا دودو
انا مواعيد نومى ملخبطة لما بتدخلى بكون نايمة والصبح لما انا بدخل بتكونى نايمة يللا بقى الحمل مبوظ الدنيا خالص

[somia]

هههههههههههه مستعجله على الرابع بتفكريني بزوجي كل ما يبص على توقيعي يقولي هيه الايام دي مش راضيه تقل خالص كده ليه...هههههههههههه

[somia]

صباح الخير ملاك .. كل سنة وانتي طيبة يا بنتي.. تميتي كم سنة.. السن الحقيقي هه؟؟
ههههههه

[dr.princess]

دودو
انا قرأت فى موضوع هنا على المنتدى ان الرابع بيبدأ من الاسبوع 13 و 3 ايام والله اعلم
وانا غالبا معدتش بحسب بالاسابيع بقيت بحسب بالشهر يعنى كل يوم معين فى الشهر يبقى بدأ شهر جديد

[د×و]

هههههههههههه
الله يا ملوكه عليكى يا سلام لو كل الامنيات تتحقق كده بسرعه ههههههههه

اه والله انا عارفه يا بسبس النوم بيكون عامل ازاى خاصه فى بدايه الحمل يلا نامو وخدو راحتكم عشان الحمل التانى هيكون صعب اوى وعندك طفل انك تاخدى راحتك:( زى حلاتى واكيد ملوووكه مجربه

اه والله مستعجله اوى عالرابع حاسه ان الشهر التالت ده طويييييييييييييل وممل

[د×و]

انا اهم حاجه عندى اخلص من الوحم والقرفه دى وادخل فى الرابع
اترقى يعنى هههههههه

[MALAK2010]

انا مش بنام انتوا عارفين انا بكلم ماما كتابة على ما الصوت يتصلح ومامتى عسل عاوزة تكبر الخط فاتشغلت معاها لغاية ماعرفت

وانتم كلكم طيبين وبخير ونفضل اصحاب علطوووووووووووووول حتى بعد الولادة

فى بنت تسال بنت عن سنها برضة هههههههههههههههههه

[dr.princess]

دودو
انتى هتقوليلى الشهر الثالث ده بطىء اوى حاسة انى بادئه فيه من سنتين ههههههههههههههه

بس ملوووكة معندهاش بيبيهات ازاى تكون جربت قبل كده ؟؟؟

[MALAK2010]

هههههههههههه
الله يا ملوكه عليكى يا سلام لو كل الامنيات تتحقق كده بسرعه ههههههههه

اه والله انا عارفه يا بسبس النوم بيكون عامل ازاى خاصه فى بدايه الحمل يلا نامو وخدو راحتكم عشان الحمل التانى هيكون صعب اوى وعندك طفل انك تاخدى راحتك:( زى حلاتى واكيد ملوووكه مجربه

اه والله مستعجله اوى عالرابع حاسه ان الشهر التالت ده طويييييييييييييل وممل



انتى تقصدينى انا
انا لسة حامل فى اول طفل وبشرة خير منك ياااااااااااااارب

[somia]

دودو حلوة أترى دي انا برضه نفسي شهور الوحم والقرف من كل حاجة دي تخلص على خير بقى

[د×و]

ااااااااااااه بجد انتى اول طفل يبقى انا اطلخبطت بينك وبين موكا
فاكراها يا بونسيس هى عندها بنت اسمها ملك عشان كده اتلخبطت هههههههههه
يلا بشره خير فعلا

[dr.princess]

malak2010
مالناش دعوة عايزين نعرف انتى كده بقيتى كام سنة ؟؟؟
وكمان معرفناش somia كام سنة
يللا بقى عايزين اعترافات دلوقتى ههههههههههه

[MALAK2010]

انتىقصدك موكا القمر بس هى بقالها كتيييييييييييير مادخلتش يارب تكون بخير

[د×و]

مين فيكم بدأت تشترى حجات للنونو

انا لسه مجبتش ايييييي حاجه
بس ممكن من الشهر الجى ان شاء الله عشان اعرف بنت ولا ولد

[MALAK2010]

ماقولتيش اعمل حفلة صغنونة ولا لاء بصراحة انا ماليش نفس مش عارفة لييييييييييية ممكن من تعب بطنى
بالرغم فى عيد ميلاد جوزى كنت عاملة حفلة لذيذة وهو فرح بيها اوى ولا اسيبة هو اللى يخطط للموضوع دة اذا كان فاكر

[د×و]

اه فعلا هى فين موكا وحشانى اوى

نولار فينها كمان تلاقيها بتلحق تنام قبل ما احمد يصحيها
صحيح ماشاء الله عليه زى العسل ربنا يحميه يارب

[dr.princess]

دودو
انا غالبا مش هبدأ أشترى حاجة الا فى السابع باذن الله

[د×و]

لا انتى النهارده ملكه يا ملوكه لايقه مش كده ههههههه
يعنى اليوم يومك متتعبيش نفسك وهو ان شاءء الله هيعملك يوم حلو:)
بس انا لو منك كنت فكرته كده قبلها بكم يوم هههههههه
يعنى كانى بتكلم عادى واقول ايه ده تصدق عيد ميلادى الاسبوع الجى انا كنت ناسيه هههههههه

[MALAK2010]

انا هبدا اشترى فى الخامس او السادس ربنا يتملنا على خير

[MALAK2010]

لا انا اتعلمت الصبر من نولارا
دى فضلت صابرة طووووووووووووول اليوم ولما جة من الشغل وحلق دقنة وبعد كدة عرفها ههههههههههههههههههه

[د×و]

ههههههههههههه بجد عملت كده لا انا مقدرش معنديش صبر فى الحجات دى

ده لازم يقولى من الساعه 12 بليل كل سنه وانتى طيبه والا هقلب وازعل
اصلى عيله اوى

[د×و]

هى فين سميه راحت فين؟؟

وانتى يا برنسيس شكلك مش فى الموود خالص ساكته ليه؟؟

[MALAK2010]

ممكن يكونوا بيطبخوا

[dr.princess]

معلشى كنت بأكل كانت بطنى واجعانى من الجوع
اصلى لقيت صدفة عسل أسود هنا واشتريته الاسبوع اللى فات فقلت بقى أجربه ولا أسيبه مسكين كده فى الثلاجة هههههههههههه

[MALAK2010]

بالهنا يا حبيبتى

[somia]

هههههههههههههههه.. ملاك نولار ربنا يباركلها زوجها ده حالة خاصة ممكن اه يفتكر ويقولك كل سنة وانتي طيبة بس أكثر من كده متعشميش نفسك

[dr.princess]

لالالا لسه مطبختش والله
صاحية من النوم مصدعة وتعبانة فقررت ءأجل الكفتة لبكرة واعمل النهاردة كشرى عادى وخلاص

[د×و]

اه فعلا العسل الاسود حلو كمان عشان الحديد دى الدكتوره فى حملى الاول كانت بتقولى اشربيه شرب
بس بصراحه من ساعتها بطلت اكله لانى اتهريييييت

النونو التانى ده مظلوم معايا ههههههههه

[MALAK2010]

هههههههههههههههه.. ملاك نولار ربنا يباركلها زوجها ده حالة خاصة ممكن اه يفتكر ويقولك كل سنة وانتي طيبة بس أكثر من كده متعشميش نفسك


تفتكرى؟؟؟؟؟؟؟؟؟؟؟
على العموم كفاية كل سنة وانتى طيبة حلوة برضة ههههههههههه

[د×و]

الله كشرى مصرى يا برنسيس ابعتيلى طبق واتوصى

بس يا بنتى ده الكشرى عاوز شغل كتير

[MALAK2010]

الكشرى العادى بتاع العدس ولا الكشرى اللى فية حاجات كتيرة

[د×و]

على رايك يا ملوكه كفايه كل سنه وانتى طيبه احلى حاجه انه يفتكر ويقولها دى بالدنيا *_^

[د×و]

انا هسيبكم بقا عشان يا دوب اعمل الكبده جوزى قريب يرجع اشوفكم بليل ان شاء الله ومتنسيش يا بسبس تبعتى الكشري

[MALAK2010]

عارفين فى الاول الكشرى ماكنتش بحبة ابدا واقولهم دة اكل فراخ(علشان حاجات كتير على بعض)
بس لما دوقتة بقيت بمووووت فية
سبيلى معلقتين يا برنسس على ادى

[dr.princess]

والله انا اول مرة الاقيه هنا فى السعودية من يوم ماجيت

بس الحمد لله اللى رحمنى شوية فى موضوع الحديد ده انى انا عارفة من سنين انى عندى انيميا كانت نسبته عندى 9 فسبحان الله قبل الحمل باكتر من شهر قررت انى ابدأ اخد كورس حديد مكثف ( كنت باخد حبوب اسمها فيروز حديد + فوليك اسيد مع بعض هى بتتمضع وبطعم الشيكولاته اختى كانت بتاخدها وهى حامل والمهم انها مبتعملش امساك ) اخدتها كده مع نفسى والحمدلله لما حملت لقيت الحديد اتظبط شوية عندى

[dr.princess]

لالالالا الكشرى العادى الاصفر
لو كشرى مصرى يبقى انا ارحملى اقوم اعمل كفتة ههههههههه

[dr.princess]

والله انا كمان نفسى فى الكشرى المصرى
بس مين اللى فينا قادرة تعمل حاجة علشان تعمله ده بيحتاج شغل جامد اوى
هبقى اخلى جوزى يشتريهولى جاهز وخلاص

[MALAK2010]

صحيح الكبدة مش كويسة للحامل
ولا لو استوت كويس خلاص

[dr.princess]

malak2010
البنات عندهم حق احمدى ربنا اوى لو افتكر وقالك كل سنة وانتى طيبة وبوسى ايدك شعر ودقن ( على رأى اخونا اللمبى هههههههههههه)

[somia]

معلشي يا جماعة كنت بصلي.. انا لسة واكلة كشري من كام يوم مش قادرة أقولكم القاولون يوميها كنت بموت منه

[dr.princess]

والله جوزى بيقولى المهم فى الكمية تكون قليلة وطبعا طبعا لازم تطبخيها كويس
لانى كنت يومها بقوله على الجزر لانه كمان زى الكبده فيه فيتامين أ كتير فقالى ان الحامل بس متكترش منهم
بتهيألى معاه حق لان الكبدة والجزر مفيدين جدا

[MALAK2010]

على فكرة انا مش مستنية اكتر من انة يقول كل سنة وانتى طيبة
ولو ماقلهاش مش هزعل
انا السنة دى مش فى المود
بالرغم انا كل سنة عندى عيد ميلادى دة حاجة مهمة ولازم ماما من قبلها باسبوع كل يوم تقولى

[dr.princess]

فكرتينى بنفسى
قبل عيد ميلادى افضل اقول لماما واخواتى عيد ميلادى يوم كذا علشان مينسوش يقولولى كل سنة وانتى طيبة علشان لو نسيوا ببهدلهم هههههههههههههههه

[somia]

يا جماعة معلشي فهومني هوه مش الوحم بيبقى حاجة واحدةوخلاص ..؟؟؟انا كل شوية أشم ريحة حاجة وتفسني تجيبني عليها قوي .. أعمل إييييييييييييييييييه.؟؟

[MALAK2010]

انا هقوم علشان خلاص جوزى على وصول نتكلم بكرة
ويااااااااااااااارب اجى بكرة الاقى النونو طلعلة ايدين ورجلين فى التوقيع

[somia]

هههههههههههههه ماشي ملاك نتقابل بكرة ان شاء الله

[dr.princess]

somia
انا زيك بالظبط نفسى بتروح لحاجات كتيرة جدا واخلى جوزى يشترى الحاجات وافضل املى فى الثلاجة وفى الاخر على رأى جوزى بيقولى الحاجات دى مابتتاكلش ليه مش انتى اللى طالباها عنده حق والله

malak2010
ماشى يا حبيبتى ربنا معاكى ونتكلم الصبح ان شاء الله
وبعدين بكرة تلاقى النونو بيمشى ياستى ماتقلقيش هههههههههههه

[somia]

برنسس طب الواحد يعمل ايه .. انا اعصابي اتوترت من كثر ما نفسي بتجيبني على حاجات

[somia]

برنسس صحيح هوه الشاي غلط على البيبي أصلي نفسي أشربلي كوباية قوي مع أني أصلا مبشربهوش

[dr.princess]

somia
انتى عارفة والله بقيت بكبر دماغى وبقيت اعمل اولويات للحاجات اللى نفسى رايحالها علشان كده هخرب الدنيا ان مكنتش خربتها فعلا اصلى اشتريت حاجات كتييييرة اوى من اول ماحملت وبعدين اقرف منها ويبقى مصيرها الزبالة
يعنى اخر حاجة جبتها كانت المانجو كان نفسى فيها اوى
ووالله انا حاسة ان اول ما بشترى الحاجة وتبقى جنبى برتاح حتى من غير ما أكلها يعنى اهى المانجو فى الثلاجة وماحدش بيعبرها
وبتهيألى ان مع الوقت الموضوع بيقل

[dr.princess]

هو فعلا الشاى مضر
والله انا سمعت انه ممكن يتشرب بس بكميات قليلة حتى القهوة كمان
وانا كمان والله هموت واشرب شاى ونسكافيه بالذات بس من اول الحمل وانا وقفتهم تجنبا لاى مشاكل

[somia]

طب برنسس ممكن تبعتهالي لاني انا بعشقها وللاسف خلصت هنا في مصر.. أنا مبقولش للفاكهه لأ أبدا الا المووووووووووز والتين البرشومي...هههههههههه
مقولتليش عالشاي ينفع أشربه ولا بلاش أحسن؟؟

[dr.princess]

طيب انا هبعتلك مانجو وانتى تبعتيلى تين نفسى فيه اوى ومن اول ماجيت مالقيتوش هنا
يللا نفوق لمصلحتنا بقى شوية ههههههههههه

[dr.princess]

معلشى يا سوسو هقفل دلوقتى واروح اطبخ واكوى
سلالالالالالالام

[somia]

معنديش أي مشكلة .. سبحان الله مع اني بعشق التين الشوكي جدا إلا إني مبطيقش البرشومي الا نادرا جدا يعني ممكن أكون كلته مرتين أو ثلاثة فعمري كله

[somia]

مفيش أي مشكلة برنسس بس حاولي بكرة تدخلي بدري عشان هستناكي باذن الله تعالى

[همس الايمان]

السلام عليكم ورحمه الله وبركاته
أخواتى فى الله أنا الحمد لله ولدت وجبت عمر من أسبوع
والحمد لله ربى يحفظه من كل شر .. وعقبال كل حوامل المنتدى

[somia]

همس ألف مبارك عليكي الاستاذ عمر ربنا يجعلهولك ذرية صالحة اللهم اااااااااااامين

[دودى اشرف]

اليسلام عليكم ورحمة الله وبركاته .. اازيكم يا بنات عاملين ايه ..
كل سنة وانتى طيبة يا ملوكة وعقبال 100 سنة وان شاء الله جوزك يفتكر ويبقى يوم سعيد عليكم
برنسيس انشالله تكونى احسن دلوقتى والامور بإذن الله تبقى كويسة معاكى .. بس اللى انتى فيه طبيعى من الحمل لانه بيغير المود تماما فى ثانية وممكن شوية وتلاقى نفسك مودك اتغير للاحسن وهكذا ... ان شاء الله خير يا حبيبتى
نولارا .. ماشاء الله على ابنك ربنا يخليهولك يا رب زى القمر وربنا يوعدنى بولد شبهه يارب.. انا معلقتش لانى كنت فاكراها صورة عادية بس بسم الله ماشاء الله عليه ...
سمية ازيك يا قمر عاملة ايه انهارده
دودو ازيك يا جميلة ... انا داخلة بقالى ساعة بس لسه بقرا الردود ولسه مخلصتهاش ... ماشاء الله كل الصفح دى علشان مدخلتش بدرى انهارده ...ههههههههههه
انشالله تكونوا كلكم بخير يارب

[دودى اشرف]

السلام عليكم ورحمه الله وبركاته

أخواتى فى الله أنا الحمد لله ولدت وجبت عمر من أسبوع

والحمد لله ربى يحفظه من كل شر .. وعقبال كل حوامل المنتدى


الف مبرووووووووووك يا همس .. يتربى فى عزك انتى وباباه ان شاء الله وعقبالنا جميعا يا رب ... انا كمان ان شاء الله ناوية على عمر بس سبقتينى بقى ربنا يباركلك فيه يارب .

[دودى اشرف]

واضح انى دخلت متأخرة اوى ... اوكيه اشوفكم على خير ان شاء الله

[دودى اشرف]

http://pregnancy.about.com/cs/pregnancycalendar/l/blpregcalc.htm
ده موقع لحساب اسابيع الحمل ... كان حد سأل بس بصراحة مش فاكرة مين .. انتى بتكتبى تاريخ الدورة وبعدين بيظهرلك جدول حاسب من اول اسبوع ... ان شاء الله يفيدكم.

[somia]

دودي انتي لسة هنا ولا مشيتي؟؟

[دودى اشرف]

هنا يا قمر ... ازيك عاملة ايه؟؟

[somia]

الحمد لله .. ازيك انتي يا دودي عاملة ايه النهاردة والنونو عامل معاك ايه؟؟؟
صحيح انتي بتحسي بيه بيرفس صح؟؟

[دودى اشرف]

الحمدلله .... تمام الحمدلله مستنية اشوفه بس والمسه ... اه لسه رافصنى دلوقتى هههههههههه ... احساس جميييييييييييييييييييييل ان شاء الله تحسيه بعد الشهور دى متعدى

[somia]

باذن الله ..دودي انتي شوفتي بالسونار ولد ولا بنت ولا لسة؟؟

[دودى اشرف]

اه الحمدلله شوفت وقالى ولد والله اعلم ... فى ناس بتقول حاجة ويطلع فى الاخر حاجة تانية ... بس ان شاء الله عمر ... مع ان جوزى بيحب البنات اوى وانا بصراحة كان نفسى بنوتة بس الحمدلله رب العالمين انه اطعمنا طبعا ... بس علشان انا كنت حاسة انى هجيب بنت فى الاول لانى كنت حلمت قبل ما ابقى حامل انى جبت توأم بنتين فالما حملت قلت اكيد ان شاء الله بنت .

[دودى اشرف]

بقولك يا قمر هو شريط الحمل اللى حاطينه البنات بيبين انا فى الشهر الكام اوتوماتيك لوحده ولا مجرد صورة؟

[somia]

دودي ربنا يطمنك أنا نفسي أجيب بنت عشان أقعد ألعب معاها وتبقى تربيتها سهلة وخايفة جدا يبقى ولد مع ان الاثنين من عند ربنا نعمة وأخويا أمنية حياته ان أنا أجيب ولد لانه ولد وحيد فحد يلعب معاه الا انه ربنا يسهلها ولعلمك انا أخويا اسمه عمر برضه..هههههههههههههههه

[somia]

أه بيتطور اوتوماتيكي يعني كل اما تتمي شهر بيدخل على اللي بعده علطول

[دودى اشرف]

ربنا يديكى اللى بتتمنيه يارب ان شاء الله وربنا يخلى لك اخوكى ويخلى اسم عمر ههههههههههههههههههه

[دودى اشرف]

عاوزة اعمله بس مش عارفة برضه ههههههههههههههههههههههههههههههههههههههه

[somia]

هههههههههههه..صحيح دودي انتي كنت بتشتغلي فالشقة ازاي وانتي فالشهور الاولى أنا خايفة أعمل أي حاجة لان الدكتورة مدياني مثبت لانها بتقولي الجسم بيحاول يطرد الجنين

[دودى اشرف]

معلش بتأخر فى الرد لانى بتفرج على المسلسل ... ويمكن فجأة تلاقينى غيب شوية لان جوزى على وصول ... بس هبقى موجودة ... انتى جوزك برضه بيتأخر ولا عندك ؟

[somia]

دودي انتي عاوزة زي بتاعي ولا اللي هوه بالشهور؟؟

[somia]

انا زوجي موجود ..دودي انا عايزة أقولك نصيحة صغنونة معلشي خلي بالك من موضوع المسلسلات والافلام ده لان المعصية بتمنع البركة في الرزق وانا سقطت قبل كده والله يا بنتي عشان شوفت فيلم أجبني مفهوش اي حاجة بس كفاية ان فيه رجالة كبيرة وعدم غض بصر..
أنا عارفة اني حشرية شوية بس والله يا بنتي كلمة طالعة من قلبي لاني ابتليت من قبل بسببه

[دودى اشرف]

الحمدلله الشقة موكيب طلها ... ومش بتحتاج تنظيف قوى غير الكنس بالمكنسة وكانت برضه بتتعبنى بصراحة وتنظيف الخشب بس من التراب ... لكن والله جوزى كان بيساعدنى لانه قعد سنين لوحده فا كان هو اللى بيعملها وينظفها ويطبخ فا ساعدنى كتير بصراحة ربنا يخليهولى وكمان هو علشان طبعه اصلا منظم جداااا ومحنتف ونظيييييييف ...وهو بصراحة كان مقدر ..فا انتى احسنلك متعمليش حاجة .. هاتيلك واحدة كل اسبوع تنضفلك بما انك فى مصر فاالموضوع سهل عننا فى بلد غريبة ... انتى مش جنب مامتك ولا بعيدة عليها؟

[somia]

وانا برضه ممكن تلاقيني اختفيت فجأة عشان شوية هروح أكل لحسن مصارين بطني بتصوصو

[somia]

للاسف انا بعيدة جدا عن امي

[دودى اشرف]

عاوزة اللى بالشهور .... وبالنسبة للمسلسلات جزاكى الله خيرا طبعا ... مش حشرية ولا حاجة احنا كلنا بقينا اخوات فى الله ... فا اكيد كل واحدة عندها نصيحة بتقولها والله انا للاسف بس معنديش حاجة غيرهم تسلينى وانا لوحدى كده .. بس انا كنت اصلا مجنونة اغانى والبومات جديدة ... بس من ساعة من جيت وانا مش بسمع .. مش هقولك قطعت عمدا لكن الظروف جت كده وانا كمان قلت بلاها احسن واعود نفسى على عدم سماعها مع ان ممكن انزل كل الالبومات وحول على قنوات الاغانى ... بس قلت المسلسلات ارحم شوية ... اصل انتى مجرييش الغربة يا اختى ههههههههههههه .

[دودى اشرف]

ماشى يا قمر الف هنا وشفا على قلبك وقلب النونو

[somia]

جربتها والله يا دودي كثير لاني تقريبا طول عمري كنت فغربة ..
انتي عارفة انا بلهي نفسي فقنوات الاناشيد وقنوات الكرتون وبقيت مدمنة كرتون وتحميله من النت طول الوقت
بالنسبة للتوقيع هجيبلك الموضوع دلوقتي باذن الله

[somia]

الموضوع أهه طبعا انا اصلا مبعرفش اشرح فجبتلك الموضوع اسهل لك كتير من شرحي
http://forum.hwaml.com/t14737.html

[دودى اشرف]

انا برضه نزلت قنوات كرتون كتير من يومين .. وساعات بفتحها .. لكن والله طول الوقت تقريبا ببقى فاتحة التليفزيون لكن مش متابعة ...بس اهى حاجة شغالة .. ماشى يا قمر مستنياكى .. خدى راحتك

[دودى اشرف]

تسلمى يا قمر .. ميرسى

[somia]

العفو يا دودي.. معلشي أنا هطلع دلوقتي عشان الاكل ولو عايزة روابط لكراتين تحفة انتي أؤمري وهتلاقيني جيبلالك بل الرابط دسته..ههههههههههههه ماهأصدق حد يدمن الكرتون زيي

[ملاك بلا أجنحة]

السلام عليكم ورحمة الله وبركاته

أخباركم أيه ياحبايبى

ممكن انظم معاكم فى الدردشة لو مش يضايق حد منى

أنا من مصر أم الدنيا فى أنتظار ردودكم

لا أله الا الله

[دودى اشرف]

السلام عليكم ورحمة الله وبركاته

أخباركم أيه ياحبايبى

ممكن انظم معاكم فى الدردشة لو مش يضايق حد منى

أنا من مصر أم الدنيا فى أنتظار ردودكم

لا أله الا الله

وعليكم السلام ورحمة الله وبركاته ... اهلا بيكى يا ملاك ... نورتى التجمع يا قمر hwaml13

[دودى اشرف]

العفو يا دودي.. معلشي أنا هطلع دلوقتي عشان الاكل ولو عايزة روابط لكراتين تحفة انتي أؤمري وهتلاقيني جيبلالك بل الرابط دسته..ههههههههههههه ماهأصدق حد يدمن الكرتون زيي

بالف هنا يا سومة .... ربنا يخليكى ... هههههههههههههه اكيد لو عوزت مش هلاقى اخبر منك يفيدنى hwaml02

[somia]

السلام عليكم ورحمة الله و بركاته .. حد صاحييييييييييييييييييييييي؟؟؟؟

[dr.princess]

هو فى حد غيرى طبعا انا اللى صاحية
معلشى اتأخرت اصلى اول مرة اعمل فطاااااار لجوزى من زماااااان هههههههههه

[عاشقة طيور الجنه]

ربي يسعدكم ويسهل عليكم

حبيت اصبح على احلا بنات

[somia]

هو فى حد غيرى طبعا انا اللى صاحية
معلشى اتأخرت اصلى اول مرة اعمل فطاااااار لجوزى من زماااااان هههههههههه

ألف مبرووووووووووووووووووووووك المهم انتي كلتي ولا لأ؟؟؟
معلشي مخدتش بالي انك رديتي الا دلوقتي

[dr.princess]

عاشقة طيور الجنة
صباح النور على عيونك

[somia]

عائشة طيورالجنة.. الله يصبح عليكي بالخير..
صحيح مبارك عليكي الاشراف

[dr.princess]

somia
لا طبعا لسه مأكلتش
احنا بتوع الحاجات دى برده ههههههههههه

[somia]

عاشقة .. لعلمك توقيعك مؤثر جد بيفكرني بالفترة اللي كنت فيها بعد العملية عن جد بيخلي عيني تدمع..
انتي من مصر ولا منين؟؟؟

[عاشقة طيور الجنه]

الله يبارك فيكي

بس الاشراف من زماااان معايه لسه بتشوفيه

زعلت هههههههههههههههههههههه

[عاشقة طيور الجنه]

انا سعوديه بس بعشق مصر

[dr.princess]

somia
انا حتى من قبل الحمل وعمرى مابفطر اول ما اصحى ابدا لازم بعد ساعة او اتنين
يعنى بتهيألى من اول ما اتجوزت مفطرتش مع جوزى الا مرة او اتنين بس

[somia]

somia
لا طبعا لسه مأكلتش
احنا بتوع الحاجات دى برده ههههههههههه

ههههههههههههههههههههههه.. يا بنتي اتقي ربنا في النونو وكلي حاجة تسند البيبي زيي كده.. انا فطرت.. تخيلي فطرت اييييييييييييه؟؟هههههههههههههههههه

[dr.princess]

عاشقة طيور الجنة
ياستى وايه الفرق بين مصر والسعودية كلنا واحد
وانا هنا فى السعودية تقريبا من 7 شهور وان شاء الله لو رحتى مصر احنا نشيلك على راسنا

[somia]

انا سعوديه بس بعشق مصر
غريبة .. انا مصرية بس بعشق السعودية وبالأخص الدمام ونفسي أجيها ثاني من كل قلبي راح تضحكي عليا ان قلت لك بحلم بيها وانا نايمة اني رجعتلها بقالي حوالي عشر سنين..هههههههههههههه

[dr.princess]

somia
مبرووووووووك على الفطار
يابنتى احمدى ربنا و خافى من الحسد ههههههههههههههههه

[somia]

الله يبارك فيكي

بس الاشراف من زماااان معايه لسه بتشوفيه

زعلت هههههههههههههههههههههه
معلشي لسة واخدة بالي منه..هههههههههههههههههه

[somia]

somia
مبرووووووووك على الفطار
يابنتى احمدى ربنا و خافى من الحسد ههههههههههههههههه

تؤ تؤ تؤ تؤ كده تشكي فيا يا برنسس ..ههههههههههههه مش تسأليني الأول فطرت اييييييه؟؟؟