دردشة حوامل مصر - دردشة بنات مصر - تجمع حوامل مصر

[dr.princess]

انا بتهيألى مفيهاش زعل ياجيرا انك تجيبى مامتك وبعدها ربنا يسهل ابقوا هاتوا حماتك قولى لجوزك الكلام ده بذوق كده لا هو هيزعل ولا حماتك كمان وان شاء الله تجيبى مامتك

[MALAK2010]

انتوا فهمتونى غلط مش انا اللى بقول لازم لاء جوزى كل مايتكلم بيقول كدة
وعلى رايك لو الظروف ماتسمحش غير بواحدة طبعا مامتها اولى

[جيرا]

ازيك ياام لوجين وحمدالله على سلامتك
ربنا يحفظهالك يااااااااااارب

[dr.princess]

رنا لا ياحبيبتى ماما ان شاء الله هى اللى هتيجى حماتى لا طبعا مش وقتها خالص وكمان علشان اخد راحتى قدام ماما مش هتكسف لو اى حتة منى اتكشفت اما حماتى مستحييل
دى جيرا هى اللى عندها موضوع حماتها ولا مامتها ده مش انا

[جيرا]

يارب والله نفسى تكون معايا وكمان انا بنتها الكبيره والوحيده
ودا اول بيبى وهى كانت صديقتى مش امى

[جيرا]

عندك حق يالولو والله

[MALAK2010]

لا ياحبيبتى مش عندى تامين
هو ايه التامين دا اصلا
فهمينى
التامين الصحى دة بيقلل الفلوس اللى بتتدفع فى الكشف والولادة
يعنى مثلا الكشف عندى بحوالى 450 جنية اما لو فى تامين بتدفعى 50 بس
ودة بيتعمل فى شغل جوزك
ولو مش عندك تامين صحى انا اسمع ان الولادة هنا غالية اووووووى

[MALAK2010]

لولو:انا حرمت من ساعة موضوع اية حاولوا تقفلوا الموضوع دة لحسن مش قادرة ونفسى اشارك برايى هههههههههههههههههههههه

[dr.princess]

ملك يا جبااانة هههههههههههههه

[رنا خالد]

اه دي المشكله عند جيرا مش عند لولو معلش حصل لبس ههههههه
بصي ياجيرا المنطقي ان مامتك ستر وغطا عليكي ولما هاتطلبي منها حاجه مش هتتأخر لكن حماتك اكيد هاتكوني مكسوفه منها وهاتضططري تقومي وتخدمي نفسك عشان ماتقولش عليكي بتدلعي وربنا يقومك بالسلامه وتفرحي بيها او بيه ان شاء الله

[جيرا]

اه والله الكشف والولاده وكله غالى جدا

[dr.princess]

ملك ايه معدتش فتحت الموضوع تانى يااارب يكونوا استقروا على حاجة
وبعدين يابنتى انتى مغلطيش فى حاجة فى موضوع ايه انا مقتنعة بكده
فخدى راحتك واتكلمى

[MALAK2010]

رنا صحيح هو النونو المفروض يرضع كام مرة لحسن جوزى بيقولى انة بيرضع كل ساعتين ههههه صحيح مش هو فطار وغدا وعشا وخلاص ههههههههههه

[MALAK2010]

يعنى اتكلم على ضمانتك يا لولو

[MALAK2010]

جيرا:انتوا تقدروا تجيبوا التنين ولا واحدة بس ؟؟؟؟؟
يعنى بالنسبة لظروفكم المادية وكمان الشقة بتاعتك
لو تقدروا خلاص هتوهم هم الاتنين اية المشكله فى كدة
لو مش هتقدروا غير بواحدة بس كدة الموضوع هيختلف طبعا

[ماما قلقانه]

مساء الفل يا بنات

[dr.princess]

اتكلمى يا ملك خدى راحتك وراكى رجاله ههههههههههههه

[MALAK2010]

سمورة:ازيك ياحبيبتى

[ماما قلقانه]

حمدلله على سلامتك يا رنا .اللى جابلك يخليلك.عامله ايه دلوقتى يا حبيبتى

[MALAK2010]

اتكلمى يا ملك خدى راحتك وراكى رجاله ههههههههههههه

ااااه رجالة اوى وساعة الجد مش بيتكلموا

[ماما قلقانه]

ازيك يا ملوكه .حرام عليكى ياملك عايزه تجمعى الحموات مع بعض طب ده كلام .قوليلها حاجه يا لولو

[جيرا]

والله هو جوزى عادى عاوز يريحنى لو قولت الاثنين هاييجو بس مش عاوزه اظلمه وخصوصا احنا مابقلناش 6شهور متجوزين

[MALAK2010]

سمورة:انا مش بجمع حد والله هم اللى هيتجمعوا لوحدهم ههههههههههههههه

[جيرا]

قولولها ملك العسل دى

[dr.princess]

معلشى يا بنات بكلم ماما وحشانى بقالى يومين مكلمتهاش

[MALAK2010]

انا رايى المتواضع
الظلومة الاكبر لجوزك ولادتك هنا فى البلد الغالية النار دى

[ماما قلقانه]

انتى نيتك خير ياملك ههههههههههه

[جيرا]

ماما النت عندهم بايظ وحشتنى اووووووووووى

[ماما قلقانه]

ضهرك عمل ايه النهارده يا ملك ابقى خدى بالك يا حبيبتى

[جيرا]

يعنى انزل اولد فى مصر ولا انتى شايفه ايه
بس والله مش هااقدر

[MALAK2010]

هو هيجرى اية لو اتجمعوا مع بعض دى مدة قصيرة اقصلها شهر
قولولى لان جوزى بيقول ان هو هيجيبهم الاتنين بس لما وضعنا يتحسن

[جيرا]

ايه ياسموره عشان انا جديده معاكم مش هتسلمى ولا اييه

[ماما قلقانه]

مش عارفه يا بنات انا حاسه بمغص شديد قوى بقالى يومين ادعولى يكون خير

[ماما قلقانه]

انا اقدر يا جيرا ازيك يا قمر.معلشى موضوع الحموات لبخنا

[جيرا]

والله انا كمان عندى مغص ورحت كشفت النهارده قالو دا طبيعى

[ماما قلقانه]

انتى فى الشهر الكام يا جيرا

[جيرا]

ولا يهمك ياحبيبتى عادى والله بهزر معاكى
ما هما الاخوات كده ولاايييييييه

[جيرا]

الخامس ياسموره

[MALAK2010]

بصى يا جيرا انتى اكتر واحدة عارفة ظروفك وحالتكم المادية وجوزك وحماتك
اه صحيح فى بنات بتولد فى الغربة لوحدهم وربنا بيوقفلهم ناس ولاد حلال على راى ماما
بس بالنسبالى انا ماقدرش اولد هنا الاسعار غالية والطب وحش اوى
وجوزى كمان هيكون عندة سفرية فى شغلة فمن كل ناحية ماقدرش اولد هنا

انتى ممكن تنزلى تولدى وهو يجى على الولادة انا حاسة بكى ان كنت انا بعيط من الوقتى انى هبعد عن جوزى بس بهدى نفسى واقول كلها وقت ويخلص ونرجع تانى لبعض

بس لو ظروفكم كويسة وتقدرى تولدى هنا وجوزك يبجيب مامتك وحماتكم خلاص ماشى برضة هى لها حق تفرح بابنها

[جيرا]

راحوا فين البناويت
زوغوا ولا ايه

[ماما قلقانه]

انا فى الرابع يا جيرا .بس انا قلقانه عشان توام .يارب يكملنا على خير كلنا يارب

[MALAK2010]

سمورة:الف سلامة عليكى ممكن تقل علشان هم تؤام ماشاء الله

[جيرا]

يعنى ولاده هنا وكمان الاتنين اناحاسه انه كتييير عليه حتى سالته على موضوع التامين قال المدرسين مالهومش

[جيرا]

ماشاااء الله ربنا يحفظهم ياحبيبتى يارب ويثبت حملك ان شاء الله ماتقلقيش والله ان شاء الله خير هو الحمل كله كده انا كمان حته ولد مطلع عينى ومخلى كل حاجه فى جسمى تعبانى

[MALAK2010]

جيرا:هو جوزك الابن الوحيد او الابن الكبير

[جيرا]

فيه اكبر منه ومراته حامل فى السادس
والاصغر منه لسه هايخطب
يعنى الوسطانى

[MALAK2010]

انتى عرفتى نوع النونو امتى

[ماما قلقانه]

انتى عايشه فى الامارات يا جيرا

[جيرا]

معلش ياحبيبى هااروح احضر لجوزى ياكل اصله بيحب يتعشى بدرى كان نفسى والله اكمل الحديث الجميل دا معاكم بس اول ماازوغ هااجى على طول
بحبكم
سلام
لااله الا الله

[جيرا]

انا هاارد بسرعه على حبايب قلبى
انا فى الامارات من اربع شهور ياسموره
وعرفت انه ولد من اول الخامس ياملوكه ياحبى
باااااااااى
باى ياحبا

[ماما قلقانه]

محمد رسول الله يا جيرا مستنينك يا حبيبتى

[ماما قلقانه]

ايه يا ملك هتزوغى انتى كمان ولا ايه

[MALAK2010]

جيرا: مع السلامة ياجميل

[ماما قلقانه]

ايوشه يا بنات دخلت النهارده؟

[MALAK2010]

سمر:انتى بتقرى افكارى هههههههههههههه انا قاعدة ممن الصبح ماعتدش قادرة اقعد والله معلش ياجميل

[MALAK2010]

اية:دخلت امبارح وضغطها عالى برضة ربنا يستر

[MALAK2010]

سلام ياجميل

[ماما قلقانه]

سلام يا ملك انا كمان هروح اتصل بالدكتور اساله على المغص ده .سلااااااااااااام

[MALAK2010]

ربنا يطمنا عليكى

[نولارا]

,وحشتووووووووونى
يلا ياملك قوليلى مموجز لاهم الاخبار

[somia]

السلام عليكم ورحمة الله وبركاته.. انتوا هنا يا جماعة؟؟؟

[somia]

ميرسي ليكو كثير بس محدش يعرف دكتور كويس بالدقى
أختي استغفار انا دكتورتي اللي متابعة معاها ماشاء الله كويسة جدا وهيه اصلا دكتورة في القصر العيني وهيه في محطة مترو الدقي يعني يا دوب بطلع من المترو بلاقي العمارة اللي فيها العيادة وهيا اسمها..
د|دعاء صلاح الدين .. رقم تليفون العيادة..
0233357364

[somia]

انتوا فيييييييييييييييييييييييييييين؟؟؟

[somia]

يا جماعة انتوا فييييييييييييييييييين؟؟

[dr.princess]

سمية ازيك انا هناااا

[somia]

ازيك يا لولو كنتي فييييييييييييييييييييين؟؟؟

[somia]

انا الحمد لله بخير انتي عاملة ايه؟؟؟

[somia]

لولو رحتي فييييييييييييييييين؟؟؟

[ايوشه]

ازيكو يابنات عاملين ايه
لولو وسميه منورين

[dr.princess]

معلشى فكرتك خرجتى
اخبار الصيام ايه النهاردة ؟؟؟

[dr.princess]

ايه ازيك عاملة ايه

[ايوشه]

الحمد لله يالولو

[ايوشه]

انتى عامله ايه وايه اخبارك

[dr.princess]

ايه اخبار الضغط ايه النهاردة

[ايوشه]

هو لسه عالى يالولو بس اقل من اول امبارح
بقولك هو انهارده 137/87
يبقه عالى ولا ايه

[dr.princess]

انا الحمدلله كويسة

[somia]

الحمد لله الصيام النهاردة عدى على خير وعقبال بكرة يا رب وانتي الصيام كان اخباره ايه النهارده معاكي ..
أية عامله ايه النهارده؟؟؟

[somia]

ايه صحيح عملتي ايه في موضوع الاسم؟؟؟

[dr.princess]

هو عالى شوية المفروض يكون 120/80
بس انتى بتقولى انه اقل من قبل كده فان شاء الله ينزل كمان

[dr.princess]

سمية الحمدلله الصيام كان خفيف النهاردة والحمدلله خلصت خلاص
ربنا يعينك وبكرة يعدى كمان على خير

[ايوشه]

اول امبارح كان 140/100
فكده الحمد لله ربنا يستر حتى قولت اروح المستشفى اقول للدكتوره لقيت دكتور غيرها بقوله يقولى اعمل ايه شوفتى حاجه تغيظ

[somia]

ااااااااااااااامين .. عارفة يا لولو لسة عليا 3 ايام من رمضان عايزة أصومهم هما كمان عشان أطمن

[dr.princess]

ايه 140/100 كتييير فعلا
سيبك منه اهو الحمد لله فى طريقه للنزول ماتقلقيش خير ان شاء الله

[dr.princess]

سمية انا الحمدلله الحمل حصل فى رمضان او قبله بايام فاترحمت الحمدلله
3 ايام بسيطة لو يوم كل اسبوعين وتخلصى

[somia]

انا الحمل ده حصل بعد رمضان علطول وزي ما كنتيس شايفة مكنتش هاقدر اصوم انا صمت 3 ايام قبل ما اعرف اني حامل وقبل ما الوحم يبتدي فربنا المعين على الباقي

[ايوشه]

والله يالولو نرفزنى قوى وبعد كده يقولى قيسيه كل يوم وسجليه قولت له وبعد كده اعمل ايه ياعنى قالى لو وصل 140/90 تعالى ولا كانهم دكاتره

[dr.princess]

سمية الحمدلله على كل حال وان شاء الله ربنا يعينك وتخلصى ال 3 ايام دول كمان

[dr.princess]

ايه ايه الكلام الغريب ده ما 140/90 وحش برده وانتى الحمدلله نزلتى عنه اهو
خليكى مع دكتورتك احسن وسيبك منه

[somia]

ايه سيبك منه الواحد شاف دكاترة فعلا حتى اللقب خسارة فيهم انتي تابعيه ولو لا قدر الله علي تاني روحيله

[somia]

ايه طمنيني عملتي ايه في موضوع الاسم؟؟؟

[somia]

أية , لولو.. انتوا فيييييييييييييييييييييييييييييييين؟؟؟

[dr.princess]

رحتوا فين يا بنات

[somia]

انا هنا انتوا اللي اختفيتوا فجأة

[dr.princess]

لالا انا معاكى

[somia]

لولو انا هاخرج دلوقتي لحسن الصداع هرالي دماغي وهحاول أدخل على الساعة 2 كده على الساعة عندنا في مصر

[somia]

هتبقي موجودة؟؟؟

[dr.princess]

الف سلامة عليكى
ان شاء الله ابقى موجودة لما تدخلى تانى

[gogo]

السلام عليكم
حد هنا يابنات

[بقلظة]

انا هنا وزهقانة اوووووووووي

[gogo]

بقلظه جيه ف وقتك والله انا كمان زهقانه اوى
وكان نفسى الاقى حد هنا

[بقلظة]

ازيك يا جوجو عاملة ايه وزهقانة ليه

[بقلظة]

انا مش عارفة اناااااام خالص من التعب جسمي كله بيوجعني

فكريني يا جوجو انتي ساكنة فين وفي الشهر الكام

[gogo]

انا تمام الحم لله
وزهقانه علشان سهرانه ومش لاقيه حد
انتى بقى زهقانه ليه

[gogo]

الف سلامه معلش انتى ف الشهور الاخيره اهو هانت
اما بقى ساكنه فين ف قبرص ف الشهر الكام يبقى انتى مش محتاجه تفتكرينى لانك متعرفنيش خالص هههههههه
انا مش حامل

[gogo]

بقلظه انتى اختفيتى فين

[somia]

السلام عليكم ورحمة الله وبركاته..
حد هنا؟؟؟

[gogo]

وعليكم السلام
ازيك ياسومه وازى النونو

[بقلظة]

احنا فعلا اول مرة نتكلم مع بعض

بس انا بنسي بسرعة كمان وده عيبي

ربنا يرزقك بالذرية الصالحة اللهم امين

انتي بتدخلي علطول الوقت ده

[بقلظة]

ازيك يا سوما

عاملة ايه

[dr.princess]

ازيكم يا بنااات

[somia]

الحمد لله انا تمام ..
ازيكوا انتوا عاملين ايه؟؟؟

[gogo]

اه يابقلظه انا من حزب السهرانين هنا بس مش بلاقى حد كتير غير برنسيس
بس حتى الى متكلمتش معاهم اعرفهم بعد اتابع الكلام وانا سهرانه اتفرج على المحادثات بتاعه الصبح

[somia]

ازيك يا لولو عاملة ايه؟؟؟

[بقلظة]

انا بدخل علطول الصبح

بس اليومين دول مش بنام بالليل

قلت ادخل انهاردة

[gogo]

تمام الحمد لله
برنسيس متأخره انهارده

[gogo]

ياسلام الخير لما بيجى بيجى مره واحده من شويه كنت قاعده بكلم نفسى

[somia]

امل هوه النونو مش بينيمك الليل؟؟؟

[dr.princess]

امل جوجو ازيكم يا حلوين
انا موجودة من بدرى بس كنت بشوف اقسام المنتدى الثانية

[gogo]

يابقلظه هو بيدربك بس على السهر النونو كتر خيره بيديكى خلفيه عن الوضع بعد ما يجى

[بقلظة]

عملت حاجة مش تمام

وشكلي مش هنااام خالص

[gogo]

انا تمام الحمد لله برنسيس
انتى ازيك وبعدين تعالى سجلى حضور الاول وبعدين لفى

[somia]

عملتي ايه يا أمل؟؟؟

[gogo]

شكلك شربتى شاى او قهوه يابقلظه

[بقلظة]

ازيك يا لولو عاملة ايه

المشكلة في ضيق التنفس والحموضة مش بعرف انام ولو نمت بنام شبه قاعدة علشان مش يجيلي

حموضة ضيفي علي كده البرد والكحة اللي بتزيد بالليل فالعملية بايظة عندي خالص وانهاردة بقا

انا كملت عالموضوع ده كله

[بقلظة]

متضحكوش عليا

[dr.princess]

جوجو انا بصيت مالقيتش حد فقلت انطلق بقى ههههههههههه

[بقلظة]

احنا اتغدينا مكرونة وبانيه قبل المغرب تقريبا

انا بموووووووووت في الاكلة ديه جداا لأبعد الحدود

من نصف ساعة كده قمت وعملت طبق كبير مكرونة وبانية واكلت

حاسة اني مش قادرة

وندمانة اني عملت كده

لاني تعبانة اوي دلوقتي وده زود تعبي اكتر

[dr.princess]

امل فى واحدة صاحبتى كانت الدكتورة قايلاها وهى حامل انها تنام على مخدة عالية شوية عن جسمها وبتقولى بتقلل الحموضة خالص جربى كده

[somia]

انا عايزة اقولك انا الوقتي كده فربنا بجد يستر بعد كده؟؟
بس انتي كملتي ازاي؟؟

[بقلظة]

hwaml5

انا بكلم نفسي

انا عاوزة اعيط

[gogo]

ههههههههه بقلظه بتفكرينى بنفسى انا لما كنت حامل كنت عامله على الغدا كشرى اسكندرانى وخلص باليل مكنتش قادره انام هموت واكله تانى قمت باليل عملت الكشرى وكلته والله ومعرفتش انام الا لما كلته

[dr.princess]

ههههههههههه هى دى العملة اللى عملتيها يا شيخة خضتينى طيب مش تعزمى ولا ايه ؟؟؟
انا امبارح فى نفس الوقت كنت باكل كفتة عادى يعنى

[بقلظة]

امل فى واحدة صاحبتى كانت الدكتورة قايلاها وهى حامل انها تنام على مخدة عالية شوية عن جسمها وبتقولى بتقلل الحموضة خالص جربى كده



انا بنام كده فعلا

علي مخدات عالية

لان الحموضة والكحة تعبني اووي بالليل بالذات

[gogo]

طب ما تشربى لمون بتهيقلى حلو للحموضه

[somia]

على بركة الله بس انتي ابعتيلي طبق عشان متتعبيش .. أنا همي على مصلحتك طبعا.. ههههههههههههههه

[بقلظة]

بتضحكوا عليا

اااااااااااااااااااه يا بطني

بقولك حموضة مع تعب معدة وع كحة عاملين شغل جامد اوووووووي

[بقلظة]

ده اخر طبق وطمعت فيه لوحدي

عزمت علي جوزي عزومة مركبية
قالي لاء مش عاوز

روحت التهمته لوحدي

وطبق ايه بقا

مكرونة اسباجيتي علي بانية طبق محترم يعني مش اي كلاام

[gogo]

جوعتونى على السيره

[somia]

بصي يا أمل انا لما بتجيلي بقوم وأجبر نفسي اني أرجع طبعا بتعب قوي بس بستريح بعديها

[بقلظة]

بقولكوا يا بنات

حقنة التاتنوس انا مش اخذتها

في ضرر عليا او علي البيبي بعد الشر

[بقلظة]

تعالي يا جوجو وانا اعملك طبق زيه بالظبط وايه كمان معاه ليمون مخلل بالعصفر وحبة البركة روووعة

[gogo]

ده تطعيم للحامل يابقلظه ولا تطعيم عادى

[gogo]

بقلظه دى عزومه مركبيه زى الى عزمتيها على جوزك هههههههه
انا شبطه ومبصدق وجعانه حاليا ف هشبط

[بقلظة]

سوما تعرفي انا مش عندي القدرة اعمل كده

انا كنت اول 3 شهوور ماسكة نفسي عالاخر علشان مش ارجع

ربنا يسترها

انتي بتسهري ليه بقا يا سوما

[بقلظة]

ده تطعيم للحامل يابقلظه ولا تطعيم عادى


ده حقنة علشان لو في تلوث في العملية او في الولادة مش تتأثر الحامل ولا البيبي

وانا مش اخذت الحقنة لان محدش قالي عليها

[بقلظة]

بقلظه دى عزومه مركبيه زى الى عزمتيها على جوزك هههههههه
انا شبطه ومبصدق وجعانه حاليا ف هشبط


لاء مش عزومية مركبية والله

تعالي بس وانتي تشوفي

ابعتلك العجلة بتاعتي

hwaml16

[dr.princess]

طيب يا امل لو هتولدى فى مكان نظيف قلقانة ليه ؟؟؟

[gogo]

طب هو مينفعش تخديها الوقتى يأمل

[بقلظة]

طيب يا امل لو هتولدى فى مكان نظيف قلقانة ليه ؟؟؟



انا روحت شفت المستشفي هي كويسة بس انتي عارفة بقا القلق لما يدخل في دماخ الواحد
خاصا ان انظف المستشفيات دلوقتي بيغلطوا

[بقلظة]

دلوقتي فات ميعادها

انا فاضل لي يومين وادخل التاسع ان شاء الله

[gogo]

خلاص يأمل انتى خليها على ربنا ومتقلقيش نفسك هما الستات زمان كانوا بيولوا بحله ميه وربنا كان بيسترها والعيال كانت كويسه
هما بس محبكنها الايام دى

[dr.princess]

امل ماتقلقيش نفسك وسيبيها على الله لانك خلاص معدش ينفع تاخديها دلوقتى هتعملى ايه يعنى
وان شاء الله خير

[بقلظة]

انا بارجع واقول زيك يا جوجو

ربنا هو الحافظ

[بقلظة]

امل ماتقلقيش نفسك وسيبيها على الله لانك خلاص معدش ينفع تاخديها دلوقتى هتعملى ايه يعنى
وان شاء الله خير



ربنا ييسر الخير ان شاء الله

دعواتكم بس لي

[gogo]

ان شاء الله تولدى بالسلامه
عرفتى نوع الجنين

[بقلظة]

انا هاقوم اتحرك شوية بالشقة علشان اهضم شوية حاسة الاكل علي معدتي

وارجع لكم تاني

[dr.princess]

امل المفروض تتاخد فى السابع ولا امتى ؟؟

[gogo]

ماشى اتمشى فعلا احسن واشربى لمون لو عندك بيريح المعده

[بقلظة]

ان شاء الله تولدى بالسلامه
عرفتى نوع الجنين


ربنا يخليكي يا جوجو

السونار قال ولد ان شاء الله

[بقلظة]

امل المفروض تتاخد فى السابع ولا امتى ؟؟



لاء يا لولو

بتتاخد في الخامس حقنة وحقنة تانية في السابع

بس الاول في الخامس

[بقلظة]

ماشى اتمشى فعلا احسن واشربى لمون لو عندك بيريح المعده


ماشي

هاقوم اتمشي شوية وراجعة لكم تاني ان شاء الله

لما ارجع ان شاء الله ابقا اعمل شاي بالمون علشان البرد

[dr.princess]

ههههههههههه امل شكلى هحصلك
انا كنت عند الدكتورة اول مادخلت الخامس ولا جابت سبرة

[dr.princess]

امل حبيبتى الشاى بيزود الحموضة وكمان الليمون هو بطبعه حامض زى مابيسموه فى لبنان وسوريا

[gogo]

برنسيس الافضل انكوا تقراوا على النت على كل شهر ف الحمل وتستفسروا من الدكاتره لان فيه دكاتره ف الطراوه

[gogo]

ياسلام المون بيزود الحموضه مع انى كنت بستريح عليه اوى هو وعصير التفاح

[gogo]

هى سومه اختفت ليه

[dr.princess]

ياسلام انتى هتقوليلى دكتورتى فى الطراوة على الاخر ده انا اللى بفكرها بتغيير الادوية والتحاليل حاجة ذل والله
المرة الجاية اسئلها ان شاء الله

[dr.princess]

الليمون حامى اصلا بيقولوا اللبن بيقلل الحموضة مش عارفة

[dr.princess]

سمية اختفت معرفش راحت فين

[gogo]

والله الواحد ف الغربه بيبقى مضطر انه يروح لدكتوره واحده معندوش اختيارات
حتى لو حاسس انها مقلب

[gogo]

برنسيس ايه اخبار الصداقات الجديده مستريحه معاهم

[dr.princess]

والله عندك حق انا خايفة منها اوى تهبل معايا وقت الولادة مع انى اعرف واحدة هنا تابعت عندها 3 مرات وولدت عندها برده وهى مرتاحه ليها بتقولى كويسة مع انى مش مرتاحة خالص

[بقلظة]

انا رجعت دلوقتي

اعمل ايه دلوقتي

اشرب لمون سخن والا يا نسون

[dr.princess]

الحمدلله انا اتعرفت على جارتى وهى كويسة وكانت لسه عندى النهاردة

[gogo]

السعوديه مليانه دكاتره ستات مصرين متروحى لحد هناك

[dr.princess]

امل بتهيالى الينسون احسن

[dr.princess]

جوجو ياقلبى ماهى مصرية

[gogo]

اشربى ينسون بدام المون بيجيب حموضه انا كنت بستريح عليه بس كل معده مش زى التانيه الاحسن الينسون

[gogo]

طب خلاص شوفى سعوديه هههههههه

[gogo]

انا كان نفسى الاقى دكتوره مصريه ف قبرص مش عارفه ليه بس كنت هبقى مستريحه نفسيا اكتر
دكتورتى كانت فلسطنيه بس ملحقتش اعرف شاطره ولالا هههههههه

[بقلظة]

يا خبر

علي التعب ده

بس دلوقتي احسن الحمد لله

[dr.princess]

جوجو هههههههههههه فكره برده

[بقلظة]

لولو لازم تسألي الدكتورة علي الحقنة ديه

انتي في الكام دلوقتي؟

[gogo]

الحمد لله يأمل
بس قوليلى ايه سر اسم بقلظه اول مره اشوف ست تسمى نفسها كده الستات يحبوا يبعدوا عنهم شبهتين السن والبقلظه

[بقلظة]

مش عارفة انا اساسا بحب اسم بقلظ

وكنت حاسة اني حامل في بنت في اول حملي

فسميت نفسي بالمنتدي بقلظة

لو كنت عارفة انه ولد كنت سميت نفسي ام بقلظ ههههههه

بس انا مش كده خالص هههههه

انا بس بقلظت في حمل قصدي ورمت في الحمل

بس طبيعة جسمي رفيعة وطويلة كمان

[dr.princess]

جوجو ان شاء تلاقى المهم واحدة عربية وياريت لو مسلمة وخلاص وان شاء الله قريب اوى يبقى فى حاجة وتاخدى راحتك معاها

[gogo]

فكرتى هتسمى بقلظ ايه

[بقلظة]

انا بقا بحب المفتقة جدااا

مش عارفة انتوا عارفينها والا لاء

وجوزي مش عاوز يجيبها لي

بس هي مفيدة جداا بس عيبها انها تتخن

مش عارفة اصمم عليها والا بلاش علشان مش اتخن

[gogo]

ان شاء الله يابرنسيس
بس دى سابت البلد خلاص شكلها زهقت منى هههههههه
مبقاش قدامى غير القبارصه

[dr.princess]

امل انا فى نص الخامس الحمدلله
انا كنت مفكرة انها بتتاخد فى الشهر السابع علشان كده مسألتش اخر مرة
هروحلها على اول السادس ان شاء الله واسئلها

[بقلظة]

ان شاء الله اسمي أحمد

[بقلظة]

مش عارفة يا لولو انتي كده متهألي هتتاخري زيي

انا رآيي اسألي من دلوقتي قبل ما تدخلي السادس يا حبيبتي

[رنا خالد]

مفتقه حته واحده يامل ياشيخة حراااااااااام عليكي
ههههههه هي السهره النهارده علي المفتقه ولا ايه
وياتري ايه سبب السهر المفاجئ ده يابنات

[dr.princess]

امل لا معرفش المفتقة دى ايه بس سمعت عنها

[gogo]

المفتقه مين ميعرفهاش
بس انا مبحبهاش خالص ماما كانت بتحبها ودايما تجبها
انتى يأمل يستحسن متكليهاش الوقتى لانها سكريات جامده علشان الحمل وبعد الولاده كلى براحتك هى تتخن لو استمريتى عليها فتره انتى كلى على قد نفسك وخلاص

[dr.princess]

جوجو مفيش حاجة بعيدة على ربنا انوى انتى بس وهتلاقى دكتورة عربية ومسلمة كمان ان شاء الله

[gogo]

رنا ازيك وازى لوجين
انهارده السهره عماله تحلو

[بقلظة]

رنا حبيبتي وحشتيني

حمد الله علي سلامتك يا قمر

مبسوطة اووي اني كلمتك اون لاين

طمنيني عنك وعن بنوتك لوجي

نفسي اشوفها

[gogo]

يارب يابرنسيس الاتنين احمل الاول والاقى دكتوره عربيه ومسلمه

[dr.princess]

رنا ازيك احنا كده علشان خاطر عيون لوجى هنلاقيكى معانا كل يوم بالليل

[dr.princess]

جوجو ياااااااااارب اللهم امين ياحبيبتى

[بقلظة]

المفتقة ديه بقا انا باعشقها هي عسل اسود وفيها حلبة وكسرات وسمسم كتير حاجة من الاخر

عاملة زي دوريتوس اللي في الاعلاان لو بتتفرجو علي القنوات المصرية بيقول في الاعلاان عامل زي ال ------ عارف انت ال------- طعم هيخبطك

عرفين الاعلاان ده

انا بقا بحب المفتقة كده بالظبط

[بقلظة]

جوجو ان شاء الله ربنا يرزقك بالذرية الصالحة

طيب انتي مش نزلتي عند دكاترة في مصر احسن

[رنا خالد]

والله انتي اللي وحشتيني ياامل جداااااااااا ومبسوطه انك رجعتي للمنتدي تاني
بجد كنا هانفتقدك وماتزعليش من سؤ التفاهم اللي حصل
وفرحانه طبعا لأني لقيت جوجو ولولو سهرانين النهارده ومنورين المنتدي وبجد السهره هاتحلو
لوجي بقي بتسلم عليكم بس مش عارفه هي النهارده مأريفه شويه وعمالة تعيط ليه مع انها اليومين اللي فاتوا كانت هاديه ومؤدبه خالص

[gogo]

ايه يا امل ده كله الى يشوفك يقول انك بتتكلمى على صنيه بسبوسه مثلا دى المفتقه دى ليها حوادث معايا كتير كنت وانا صغيره علشان لونها اسود اوى اغطى البقسماط طله بيها واسيبه

[dr.princess]

امل ههههههههههههههه ايوه شفتها مرة من عند العطار كانت بنت بتشتريها علشان تتخن قلتلها بكرة تندمى ههههههههههههه
بتهيالى بلاش منها يا امل او لو نفسك فيها يبقى معلقتين وخلاص

[dr.princess]

رنا ممكن يكون عندها مغص او غازات لو عندك ماء غريب اديها منه

[gogo]

هى بتعد اول يومين بتبقى فاكره نفسها ف بطن ممتها علشان كده بتبقى هاديه وبعدين لما تحس ان المكان اتغير بتعيط انتى لما تعيط احضنيها علشان تسمع دقات قلبك هتهدى لانها ف الرحم مكنتش بتسمع غير دقات قلبك وبتعرفك منها ف الاول

[بقلظة]

الله يخليكي يا رنا اللي كنت مفتقداكوا والله

متزعلوش مني اني بعدت بس انا لاسف لما باخد قرار لازم انفذه طالما انه صح

وانتي عارفة الموضوع كله كان يضايق بس حصل خير الحمد لله

المهم حمد الله علي سلامتك وطمنيني نزل اللبن والا لسه

وبعدين اتاكدي انك دفيتها كويس لان الجو برد جداا وانها مش جعانة

[dr.princess]

جوجو الله كلامك حلو اوى يااارب نشوفك كده والنونو فى ايدك

[بقلظة]

ماشي يا لولو

حاضر يا جوجو

بلاش منها

هو مش عاوز يجيبها اساسا في البيت

كان بيضحك عليا بس ساعة الخطوبة وكل فترة يجبلي بالعلبتين

ضحك عليا

[gogo]

ربنا يخليكى يابرنسيس يارب عقبال ماتولدى يارب وتفرحى بطفلك بين اديكى

[رنا خالد]

مش بقولكم السهره النهرده علي المفتقه
هي طعمها حلو بس للأسف بتخن موت
ماتكتريش منها ياامل لحسن نبقي بقلظه بحق وحقيقي
ههههههه مع انك حلوه في اي حال

[gogo]

ههههههههه ياامل كلام الخطوبه مدهون بزبده يطلع عليه النهار يسيح

[بقلظة]

الله يخليكي يا رنا ده من زوقك يا حبيبتي

انا هاستني واشوف بعد الولادة هافضل منفوخة كده والا افش والا ايه نظامي

انا كمان مش بحب التخن

بقولك يا رنا انتي اخدتي حقنة التاتنوس وانتي حامل؟

[dr.princess]

امل ورنا سؤال سخيف معلشى
عايزة اسئلكم انتوا زدتوا اد ايه فى الحمل اصل لما كنت عند الدكتورة من اسبوعين يعنى اول الخامس لقيتنى زدت كيلو واحد بس اتبسطت قلت كويس انى مزدتش ولما قلت لماما لقيتها اتضايقت كده وقالتلى قليل اوى قلتها فى ناس بتتملى على الفاضى والبيبى يطلع حجمه صعير ملهومش علاقة ببعض
المهم انها كل يومين تسألنى على اكلى وانى زدت شوية ولالا انا حاسة ان الحمدلله الحمد لله كل حاجة تمام بس حابة اتطمن اكتر

[بقلظة]

ههههههههه ياامل كلام الخطوبه مدهون بزبده يطلع عليه النهار يسيح


هههههههه اه والله يا جوجو

تعرفي وقت الخطوبة مكنشي بينام ممكن نكلم عالنت لغاية ما يروح الشغل تاني يوم

بس بصراحة كلاام محترم متفهموش غلط

يعني نتكلم وممكن نسمع درس ديني سوا كل يوم

دلوقتي مفيش غير ثلاث حاجات بيعملها لما يجي

ياكل وينام ويتفرج علي قناة الاهلي

ماشاء الله عليه

[رنا خالد]

انا اخدت حقنه واحده بصراحه
انا كنت عايزه اخد الحقنتين بس لقيت كل البنات مااخدوهاش فقلت اخد واحده من باب الاحتياط

[بقلظة]

لولو انتي زيدتي كيلو واحد بس من اول الحمل والا ايه مش فاهمة

[رنا خالد]

بصي ياامل اكيد سيستم اليوم بيتغير بعد الجواز واكتر بعد مايجي البيبي
بس الست الشاطره هي اللي تخلي جوزها حابب يرجع البيت ويقعد معاها
انا مالي بتكلم زي ستات زمان كده ليه ههههههههه

[بقلظة]

انا مش اخدتها خالص وفات طبعا الاوان لاني هادخل التاسع بعد يومين ان شاء الله

انتي ولدتي كده في نصف التاسع يا رنا صح ؟ومش اخدتي حقنة الرئة اللي بيقولوا عليها؟

[بقلظة]

هو بصراحة مش بيروح لصحابه او يبعد كتير عن البيت الا للضرورة طبعا

بس العيب اللي فيه انه بينام كتير وبيحب ماتشات الكورة اووي


وبصراحة انا بضايق من كده

بقوله اقعد معايا واتكلم وسيب الكورة ديه شوية

يقولي انا معاكي اهو وانا بتفرج

اشد في شعري انا

[gogo]

ايه الحقن الكتير دى انا بخاف من الحقن ده حمل ولا معركه حربيه

[dr.princess]

امل ايوه انا وزنت نفسى فى اول كشف وفى تانى كشف لقيتنى نقصت كيلو وفى الثالث رجع الكيلو تانى يعنى زى اول كشف والرابع هو نفس الوزن والخامس زدت كيلو ماما بتقولى قليل مع انى مرتاحة كده انا اصلا زدت كتيير قبل الحمل ومش ناقصة ازيد تانى

[بقلظة]

ههههههههه متخافيش يا جوجو

انا سمعت بس ان اللي هتولد في اول التاسع او نصفه بتاخد حقنة رئة علشان البيبي

يمكن كلاامي غلط معرفش والله

[رنا خالد]

انا زدت 12 كيلو اثناء الحمل
كان وزني اول الجواز 65
وفي الشهر التاسع 77 كيلو طبعا اتصدمت بس الدكتوره قالتلي ده طبيعي وان المفروض الحامل بتزيد من 8 كيلو ل15 كيلو اثناء الحمل
شكلك كده يالولو عدوة الاكل لازم تاكلي كويس وخاصة الفتره اللي جايه
انا كنت زيك في بداية حملي مش طايقه الاكل لحد الشهر الخامس وبعد كده بقيت اجي علي نفسي واتفتحت ومبقاش حد عارف يلمني ههههههههه
والشهور اللي جايه دي بذات البيبي بيزيد فيها جدا وخاصة من بداية السابع
نصيحه مني يالولو
اللي تلاقيه في وشك كليه

[gogo]

المهم انه قاعد ف البيت ده لوحدوا انجاز فيه رجاله كتير مبيعدوش وعلطول بره مع اصحابهم كويس ان اجوازنا من البيت للشغل

[رنا خالد]

اه ياامل انا ماخدتش حقنة الرئه وولدت بعد 18 يوم من التاسع
علي فكره في ناس بتولد كمان في اول التاسع ومش بتاخدها
ده بيرجع حسب اكتمال نمو الرئه او بمعني اصح كل ماكن البيبي صحته كويسه كل اما كان مش محتاج لها

[بقلظة]

مامتك عندها حق طبعا يا لولو


قليل اوووووووي طبعا

انا زدت في الحمل حوالي 12 كيلو لغاية دلوقتي

بس انتي مفروض تكوني اكتر من كده

اهتمي شوية باكلك

[gogo]

هههههههههه يارنا متعممهاش لحسن تلاقى ف وشها ترابيزه وتنفذ نصيحتك

[بقلظة]

المهم انه قاعد ف البيت ده لوحدوا انجاز فيه رجاله كتير مبيعدوش وعلطول بره مع اصحابهم كويس ان اجوازنا من البيت للشغل


هو كمان بيقولي كده

بيقعد يا عيني يتذكر ايام الماضي لما كان بيتفسح هو واصحابه

وانا اقوله كان زمان حاول تنسي علشان تعرف تتعايش مع الواقع هههههههه

[gogo]

بس انتى فعلا يا لولو لازم تاكلى كويس سيبك من الوزن انتى الوقتى تفكرى ف صحتك وصحه البيبى مش الوزن كلى كويس لاتفترى اوى ولا تقللى كولى وجبات متكامله وبكميات كويسه

[dr.princess]

رنا 12 كيلو مش كتير بتهيالى ده المعدل العادى دى ماما عندها واحدة فى المدرسة فى الثامن وزايدة 20 كيلو طبعا كتيييييييييير
والله انا جالى اسبوعين كده كنت باكل كل ساعة كنت باكل كتيير اوى ورجعت معدتى تتقلب بعد الاكل وماستحملش اكل لغاية ان ماما وجوزى كل يوم يدونى موشح علشان الاكل

[بقلظة]

انتي ولدتي في مستشفي ايه يا رنا

معلش انا تعبتك باسئلتي

اصل انا كنت عاوزة اولد في مستشفي جنب مستشفي الشرطة في مدينة نصر

[gogo]

ههههههههه ياأمل الواقع المؤلم
بس هما بردوا بينسونا اصحابنا مش احنا بس

[بقلظة]

انتي عملتي تحليل هيموجلوبين يا لولو؟

[رنا خالد]

صح ياجوجو بلاش التعميم لحسن لولو تعمل بالنصيحه وتبقي كارثه
هاسيبكم انا دلوقتي يابنات وادخل انام شويه قبل مالوجي تصحي وتبقي السهره صباحي اكتر من كده
ادعولي اعرف انام وماتنزنش طول الليل وتصبحوا علي الف خير واشوفكم بكره بأذن الله
فاصل ونواصل ههههه

[gogo]

وانتى من اهله يارنا
نشوفك على خير ان شاء الله

[بقلظة]

تصبحي عالخير يا رناhwaml7

[dr.princess]

جوجو والله معدتش بستحمل الاكل خالص بحس انى هرجع يعنى كنت عاملة كفتة امبارح وانا صايمة يادوب كفتايتين وشبعت والنهاردة كنت صايمة برده كنت عاملة مكرونة بشاميل اكلت خرطة واحدة بالعافية معدتى بتتقلب بعد الاكل مش بستحمل

امل عملت اه تحليل هيموجلوبين من اسبوعين والحمد لله كويس حتى الدكتورة مكتبتليش على حديد بس الكالسيوم والفيتامينات

[بقلظة]

جوجو ولولو

انتوا نمتوا

امشي والا ايه

[dr.princess]

تصبحى على خير رنا ونشوفك بالليل ان شاء الله

[gogo]

طب اشربى عصاير كتير يالولو تعوض قله الاكل ولما تلاقى معدتك كويسه ابقى كولى كتير عوضى الاوقات الى مبتكليش فيها ومتخفيش مش بالوزن المهم يكون وزن البيبى كويس لان ممكن تكونى انتى بتخسى وهو بيزيد ف علشان كده مفيش زياده ف وزنك ابقى اسالى الدكتوره وزن البيبى كويس ولا لازم يزيد

[dr.princess]

لا يا امل استنى لسه 10 دقايق
جوزى بيوصل على 5.15

[بقلظة]

تعرفي انا الحاجة الوحيدة اللي معلقة معايا اوووي ومش قادرة اكلها السمك بس باغصب علي نفسي اووي لما عرفت فايدتها

حاولي تغصبي عالنفسك يا لولو واشربي عصاير فريش كتير حلوة اووي

وخلي بالك احنا في شتا بننسي نشرب ماية اوعي تنسيها علشان غلط

[gogo]

لا ياأمل موجودين

[بقلظة]

ان شاء الله يا بنات لو مش هنام بالليل كل يوم هبقا ادخل ارغي معاكوا

بس انتوا استحملوني

[dr.princess]

اه انا قلت المرة الجاية ان شاء الله هسئل الدكتورة على نمو البيبى والوزن
ماما قالتلى ماتضغطيش على نفسك كلى كميات قليلة بس مرات اكتر بحاول اعمل كده

[gogo]

يا أمل دنتى نورتى حزب السهرانين

[بقلظة]

جوجو انتي منين اساسا في مصر