دردشة حوامل مصر - دردشة بنات مصر - تجمع حوامل مصر

[dr.princess]

جوجو ايه النور ده نورتى الفترة الصباحية
طلعتى جدعه اهو ووفيتى بالوعد

[ماما قلقانه]

صباح الخير يا بنات حد موجود

[ماما قلقانه]

كالمعتاد طبعا محدش موجود.يلا سلام

[dr.princess]

سمر فييييييييييييييييينك يابنتى

[MALAK2010]

انا جييييييييييييت

[dr.princess]

وانا كمان
فى شغل فى الشقة اللى فوقى بقالهم اسبوعين صدعونى

[dr.princess]

تعالى اشربى تمر هندى

[MALAK2010]

بتعملية ازاى
عملتة فى اول جوازى كانت اول مرة بس معجبش جوزى وانا اصلا مش بشربة فمش عارفة طعمة اية
حماتى بتحط علية كركدية حطيت ومفيش فايدة

[dr.princess]

لالا انا مش بحب الكركديه بينزل الضغط وانا مش ناقصة
بصى بقطعه صغير وبنقعه فى ميه وسكر حوالى يوم بس خدى بالك اوقات بيبقى فيه بذر شيليه واضربه فى الخلاط واصفيه كويس علشان مايبقاش فيه فتل وحاجات زى كده طعمه بيلسع شويه كده فانتى زودى السكر شوية وبس كده طلع حلو ماشاء الله

[MALAK2010]

هم بيحطوا التمر هندى مع الكركدية
انا بعمل كدة بس مش حلو
طيب قولى الكميات ممكن يكون فيها غلط

[MALAK2010]

التمر هندى اللى بجيبة بيقى على شكل قوالب
بس مهما احط علية سكر بيبقى مملح

[dr.princess]

لا والله معرفش الكميات انا بعمله بالنظر كده
انا عملت نص الكمية اللى بتتشرى جاهزة دى ونقعته فى ميه دافيه علشان يذوب كويس وسكر ولما جيت اعمله فى الخلاط زودت ميه وسكر لحد مالقيته قوامه كويس وطعمه حلو
ماما بتعمله كده وابدا مش بتحط كركديه

[dr.princess]

انا برده بجيب القوالب ده
بس هو اصلا طعمه مزز فمبيبقاش حلو يعنى مسكر لا بيبقى مقبول وانا بزود سكر علشان ميلسعش

[MALAK2010]

طيب انا عندى قوالب كتييييير جوزى جابهم لانة بيحبة بس للاسف لقانى فاشلة فية فمعتدش بيطلبة ونفسى اعملة
قولت لماما علية قالتلى على الطريقة عملتها ماعجبتوش
اتصلت بحماتى علشان تقولى عملتها برضة معجبتوش فقولت خلاص بقا انا حاولت كتير وخسارة السكر اللى بيضيع فيها ههههههههههههههه

[Om Rodina]

السلام عليكم ورحمة الله وبركاته
لولو وملك ازيكم عاملين ايه والنونو اخبارهم ايه وحشتونى خالص

[dr.princess]

ههههههههههههههه لا انا اول مرة اجيبه بعد ما اتجوزت
طيب اسئليه هو جايز عنده طريقه بيحبه بيها وتوفرى على نفسك التعب

[dr.princess]

ازيك يا ام دانا اخبارك ايه
انا والنونو الحمدلله كويسينِ

[MALAK2010]

ام دنا ازيك يا حبيبتى وحشتينا

[dr.princess]

مش تباركيلى عملت حركة جريئة ولاول مرة الاسبوع اللى فات ومبسوطة من نفسى اوى

[dr.princess]

اصلى اخيرا ولأول مرة رديت على حماتى هههههههههههههه

[Om Rodina]

انا بخير الحمد لله والله والنونة كمان بخير

[MALAK2010]

يعنى اية رديتى علية مش فاهمة
اوعى يكون اللى فى بالى

[MALAK2010]

ام دنا انتى بتروحى فين؟؟؟؟؟
هو النت بيقطع ولا اية

[dr.princess]

مش عارفة ايه اللى فى بالك
بس حماتى قالتلى حاجة معجبتنيش فرديت عليها اخيررررررررررررا هههههههههههه

[MALAK2010]

مش عارفة ايه اللى فى بالك
بس حماتى قالتلى حاجة معجبتنيش فرديت عليها اخيررررررررررررا هههههههههههه

ماهو دة اللى فى بالى
طيب وهى ردها كان اية واخدت بالها ولا لاء

[MALAK2010]

لولو:انتى شكلك مبسوطة اوى من اللى عملتية

[Om Rodina]

انا معاكم بس مش عاوزة اقطع الحديث عليكم بس انا معاكم ومتابعة معاكم وشكرا يالولو على طريقة الكيكة دى انا باحب الكيكة اوى وباحب عمايلها كمان لانى باظبطها اوى

[MALAK2010]

ام دنا ادخلى ولا يهمك يابنتى

[dr.princess]

انا مزقططة حتى قلت لماما قالتلى ايوه كده
يابنتى من اول مرة قلتلها انى حامل وهى تقولى يارب تجيبى بنت زى روان ( بنت بنتها ) تطلع عينك وتعمل فيكى اللى عاملاه فينا طبعا اتضايقت وقالتهالى يجى 10 مرات وانا مغيوظة
فالاسبوع اللى فات جاية تقولها قلتلها طيب روان وانتوا قاعدين بيها انا بقى اجيب مين يقعد بيها فسكتت خالص وقالتلى ربنا يرزقك بالزرية الصالحة طيب فين الدعوة دى من 5 شهور يا هانم قلتها وارتحت جدا

[dr.princess]

ام دانا انا فكرتك قفلتى علشان كده كنت بكلم ملك لوحدها
الكيكة اعمليها ان شاء الله هتعجبك وابقى ادعيلى

[MALAK2010]

لولو:ماشى ياستى مش ارتحتى خلاص
اللى اتقال اتقال

[Om Rodina]

انا بادعيلك من غير حاجة حبيبتى لوو وتسلم ايدك ان شاء الله تطلع حلوة اوى وانا معاكم والله

[dr.princess]

ملك اه قلت الكلمتين وارتحت

[dr.princess]

ام دانا ربنا يكرمك ياااارب

[MALAK2010]

زمانك كنتى بتحضرى الكلمتين بقالك فترة هههههههه وطبعا قعدتى تشجعى نفسك علشان تقولية

[Om Rodina]

حبايبى بعد اذنكم ثوانى وراجعة لكم تانى

[MALAK2010]

ام دنا:ماشى ياجميل مستنياكى

[dr.princess]

ملك لا والله ابدا فجأة كده الكلمة طلعت وبعدين كانت فرصة بقى جوزى مكنش جنبى فأخدت راحتى هههههههههههههه

[dr.princess]

جارتى عاملة محشى ريحته ماشاء الله جبارة هههههههههههههه

[dr.princess]

ام دانا اتفضلى واحنا مستنينك

[MALAK2010]

ملك لا والله ابدا فجأة كده الكلمة طلعت وبعدين كانت فرصة بقى جوزى مكنش جنبى فأخدت راحتى هههههههههههههه

انتى بتسرحى بيا ههههههههههه
يعنى جوزك هو السبب اللى مش بيخليكى تاخدى راحتك
ومالة هعديها المرة دى هههههههههه

[MALAK2010]

جارتى عاملة محشى ريحته ماشاء الله جبارة هههههههههههههه

مصرية طبعا ولا جنسية تانية
انتى اتصاحبتى على اى جارة اللى فى الشقة اللى جنبك ولا واحدة تانية

[dr.princess]

هههههههههههههه صحيح مانتى عارفة كل حاجة
بس عديها المرة دى هههههههههههههههههه

[dr.princess]

اه هى اللى جنبى مصرية
ريحة المحشى لاتقاوم عايزة اخبط عليها واقولها اعطينا مما اعطاكى الله ههههههههههههه

[MALAK2010]

اه هى اللى جنبى مصرية
ريحة المحشى لاتقاوم عايزة اخبط عليها واقولها اعطينا مما اعطاكى الله ههههههههههههه

ولا يهمك يا حبيبتى اعملك حلة ياجميل بس هتيلى شوية سمنة بلدى من عندك وانا هظبطك هههههههههههه

[dr.princess]

انا كل اللى املكه معلقتين سمنة بلدى بتعامل معاهم دلوقتى كأنهم ذهب ههههههههههههههههه
يللا هبعتهم وانتى اتصرفى اصل المحشى بتاعى مش بيعجبنى بصراحة

[MALAK2010]

معلقتين بس فكرتينى بنفسى انا كنت جايبة معايا ورق عنب خلصتة ماعدا كام ورقة سيباهم للذكرى هههههههههههههه

[dr.princess]

ههههههههههههه حقك بصراحة ورق العنب المعلب ده اى كلام خالص

[MALAK2010]

هنا الكرنب غريب مش بلدى لا عاوز سلق كتيييير علشان يبقى حلو وينفع يتاكل ومشفتش ورق العنب اكيد لو دورت هلاقى بس مش متشجعة لانك بتقولوا وحش

[MALAK2010]

هنا فى سمنة بلدى بس مجربتهاش برطمان صغنون ب 60 جنية قلت بلاش علشان انسى هههههههه

[dr.princess]

مجربتش الكرنب بصراحة
وورق العنب غريب تلاقى جوه العلبه الواحدة ورق ناشف اوى وورق تانى مهرى خالص

[dr.princess]

ماما بتقولى الكيلو دلوقتى وصل تقريبا 60 جنيه

[MALAK2010]

يعنى بتسلقى ورق العنب ولا بتعملى اية
انا جوزى بيحب الكرنب فعشان كدة مدورتش على ورق العنب هنا

[MALAK2010]

عارفة انا كنت واخدة كمية سمنة بلدى وكنت بتعامل معاها باستهتار ههههههههه مش عارفة قيمتها ولا حلاوتها الوقتى عرفت بس انا موصية ماما تلملى اللى فى السوق هههههه

[MALAK2010]

انا اول مااتجوزت فى مصر كان عندى السمنة البلدى وكنت جايبة سمنة برضة بس مش فاكرة اسمها بس هى بلدى من مصنع هى مشهورة بس بجد جميلة وكانت عجبانى اكتر من البلدى

[MALAK2010]

اه فى البقرة الحلوب اللى العلبة بتاعتها خضرا وفى واحدة كمان انا كنت جايبة التانية ههههههه

[dr.princess]

لالا ورق العنب بيجى مسلوق جاهز انتى بس بتحطيه فى شوية ميه ربع ساعة علشان المواد الحافظة تروح وتصفيه منها وتستعمليه
انا برده مكنتش حاسة بقيمتها يللا بقى المرة الجاية ناخد بالنا

[dr.princess]

قوليلى الاسياخ الخشب بتاعة الشيش طاووق بتتجاب من السوبر ماركت عادى ولا منين عايزة اجيبها

[MALAK2010]

قوليلى الاسياخ الخشب بتاعة الشيش طاووق بتتجاب من السوبر ماركت عادى ولا منين عايزة اجيبها

اه من السوبر ماركت عادى
انتى نويتى خلاص هههه شدى حيلك

[MALAK2010]

عارفة احنا اشترينا شواية واسياخ بتاعت الكفتة وفحم والزيت بتاع الفحم وكرسين وترابيزة وكبريت كمان ههههههههههههه
كل دة علشان نخرج نروح اى جنينة فى دبى ونقضى اليوم ونشوى
ولا روحنا ولا حاجة اهئ اهئ

[dr.princess]

اه ان شاء الله
بس اصلى لقيت وصفة جديدة مبتكرة هجربها الاول لما اجيب الاسياخ دى وابقى اقولك عليها

[MALAK2010]

اه ان شاء الله
بس اصلى لقيت وصفة جديدة مبتكرة هجربها الاول لما اجيب الاسياخ دى وابقى اقولك عليها

مستنية ابتكاراتك وبالهنا يا حبيبتى

[dr.princess]

طيب روحوا مرة واحدة حتى بحق الحاجات دى ههههههههههههههه

[dr.princess]

مستنية ابتكاراتك وبالهنا يا حبيبتى

يا خوفى يا بدرااااااااااااان ههههههههههههههه

[MALAK2010]

طيب روحوا مرة واحدة حتى بحق الحاجات دى ههههههههههههههه

عارفة اول مااشتريناهم جهزت كل حاجة اكنى طلعر رحلة وتبلت الريش وصبعت الكفتة وكل لوازم الخروجة واستنين جوزى لما يصحى وبعدين قالى ماليش مزاج من يومها وانا كمان مليش مزاج للخروجة دى مع انها جميلة والجناين هنا حلوة اوووووووووى والكل بيخرج وبيشوى
ربنا يسهل ونروح

[MALAK2010]

يا خوفى يا بدرااااااااااااان ههههههههههههههه
ماتقلقيش هيحصل اية يعنى دى فراخ هتبقى طعمة ان شاء الله

[dr.princess]

ربنا يسهل وتتطلع حلوة ان شاء الله

[dr.princess]

حد يجى يكويلى العباية مكسلة جدا

[MALAK2010]

النت عند مامتك اتصلح
انتى هتكلمى اختك امتى علشان القلقاس هو هتعملية النهاردة ولا بكرة

[MALAK2010]

حد يجى يكويلى العباية مكسلة جدا

انتى خارجة
انتى طلباتك كتر محشى وعباية كمان ههههههه يعنى علشان بحبك

[dr.princess]

لالا لسه متصلحش اهىء اهىء
واختى كمان مفتحتش علشان تقولى على القلقاس انا طبيعى مكنتش هعمله النهاردة ان شاء الله اعمله بعد بكرة

[MALAK2010]

صحيح هى الخروجة اللى مع مرات صاحب جوزك اللى عملتى لها البانية روحتيها ولا لسة واخبار البانية اية اكلتوة ولا عملتى حاجة تانية

[dr.princess]

معلشى بقى من العشم ياستى هههههههههههههههههههه

[dr.princess]

الخروجة اتأجلت الى اجل غير معلوم
والبانية طلعته من الفريزر وعملته واحنا صايمين تاسوعاء فطرنا بيه وكان جميل ماشاء الله

[MALAK2010]

الخروجة اتأجلت الى اجل غير معلوم
والبانية طلعته من الفريزر وعملته واحنا صايمين تاسوعاء فطرنا بيه وكان جميل ماشاء الله

بالهنا يا حبيبتى انتى كنتى خايفة ليكون مش كويس علشان فى الفريزر

هاتى العباية وانا اكويهالك انتى تامرى ياجميل

[dr.princess]

اصلى عمرى ماجربت اعينها بتتبيلتها بس طلعت زى ماهى متغيرش فيها حاجة الحمدلله
شكرا ياقلبى منتحرمش منك

[dr.princess]

معلشى ياملك هستأذن منك دلوقتى
هروح اكمل طبخ واكوى
اشوفك بكرة ان شاء الله

[MALAK2010]

ماشى ياجميل هستناكى نرغى ان شاء الله الصبح

[Om Rodina]

السلام عليكم ورحمة الله وبركاته
جد هنا ياجماعة ولا لا

[ايوشه]

ازيكم يابنات ماسالتوش عليا ليه انا زعلانه منكم
بس خليها عليا عقبالكم بقه كلكم انا ولدتتتتتتتتتتتتتتتتتتتتتتتتتتتتت يوم الجمعه
وجبت احمد معلش بقه مش عارفه ادخل عشان لسه جايه من المستشفى وتعبانه
هابقه ادخل احكى لكم قريب ان شاء الله

[Om Rodina]

حد هنا يابنات

[gogo]

السلام عليكم
حد هنا يابنات

[رنا خالد]

جوجو وحشتيني ياقمر انا هنا
بس اظاهر مافيش غيري

[gogo]

انا الحمد لله يارنا
انتى ايه اخبارك انتى ولوجى

[ام مسلم المصريه]

انا ام مسلم

[gogo]

اهلا بيكى ام مسلم

[dr.princess]

ايه الف مبروووووووووووووووووووووك حمدالله على السلامة
شكلك كده عملتيها وولدتى قيصرى مادام لسه راجعة امبارح
ربنا يباركلك فيه ومبروووك الاسم حلو اوى
مستنينك لما تقدرى تدخلى علشان تطمنينا عليكى انتى واحمد وتحكيلنا التفاصيل كلها

[MALAK2010]

انا هناااااااااااااااااااا

[dr.princess]

ملك صباااااح الخير

[MALAK2010]

لولو :صباح النور يا جميل اية الاخبار الحلوة دى انا مبسوطة لما قريت انا اية ولدت واتبسطت اكتر بالاسم ههههههههههههه
ربا يباركلها فية وتقوم بالسلامة

[MALAK2010]

اظاهر الايام دى كلة قيصرى ربنا يقومهم بالسلامة

[dr.princess]

ملك انتى بتقولى فيها انا كنت قلقانة بصراحة من الاسم
انا مش متأكده انها قيصرى ولالا بس لو طبيعى بتطلع فى نفس اليوم ممكن يكون النظام مختلف فى الكويت معرفش

[MALAK2010]

مش الولادة القيصرى بتكون قبل معادها اما الطبيعى بتكون لما تتم التاسع
ولا مش شرط

[MALAK2010]

انا عمالة اكل خس لما حاسة انى هزرع هههههه

[dr.princess]

ملك معرفش فى موضوع الولادات دى انتى عارفة اختى بتخلص بدرى بدرى هههههههههههههههههه

[MALAK2010]

وياترى امل عملتها هى كمان ولا لسة هى كانت قايلة ان جوزها تعبان ربنا يشفية
حاسة انها هتدخل تقول ولدت ههههههه ربنا يطمنا عليها

[dr.princess]

ههههههههههههههه لو كان الامساك ده من الحديد غيرى النوع
فى نوع حديد انا مجرباه اسمه فيروز مش بيعمل امساك حتى البنات هنا فى المنتدى قالوا كده

[MALAK2010]

عارفة انا ماصحتش افطر جوزى النهاردة (زعلانة من نفسى)لانى كنت بحلم بالعروسة بتاعتى وانا صغيرة ههههههههههههههه
انا مش عارفة اية اللى فكرنى بيها ههههههه

[dr.princess]

ربنا يستر امل خليها تستنى شوية بتهيألى لسه فى اول التاسع ربنا يتمم عليها بخير

[MALAK2010]

انا بطلت الحديد بقالى يومين تعبت قلت لما ابقى اشوف اللى انا فية وبعدين هرجع اخدة

[MALAK2010]

هو لو الواحدة ولدت فى اول التاسع اية اللى هيحصل
انا بسمع انها بس تعدى اى يوم فى التاسع وبعدين تبقى امان
ربنا يسهل للجميع

[dr.princess]

ههههههههههههه متزعليش انا بعملها فى جوزى كتييير
انا بقى كنت بحلم 100 حلم فى بعض لما صاحية مش قادرة افصلهم عن بعض ههههههههههههههههه

[MALAK2010]

حاسة ان احنا فى شهر الحصاد ههههههههههه ماشاء الله فى ولادات الشهر دة
على راى نورا الكل بيفقس هههههه

[dr.princess]

لالا ميحصلش حاجة عادى مفيش قلق يعنى بس انا بقول خليها يومين
مانتى عارفة اختى ولدت مرة فى السابع ومرة قبل السابع صحيح دخلوا الحضانة بس كويسين دلوقتى الحمدلله

[dr.princess]

هههههههههههههه الظاهر موسم فعلا

[MALAK2010]

مفيش اى اخبار عن القلقاس

[dr.princess]

لا جديد بخصوص القلقاس هههههههههههه
لسه هكلم اختى النهاردة واعرفه منها

[dr.princess]

خرجنا امبارح فقلت اشوف محلات البيبهات دخلنا محلييين الاسعار ناااااااااااااااااااااار فى الاخر اشتريت شبشب ب 6 ريال و روحت ههههههههههههههههههههه

[MALAK2010]

شوفى الصورة دى عجبتنى هههههههههههههه

http://forum.hwaml.com/imgcache2/hwaml.com_1293427356_384.gif

[MALAK2010]

خرجنا امبارح فقلت اشوف محلات البيبهات دخلنا محلييين الاسعار ناااااااااااااااااااااار فى الاخر اشتريت شبشب ب 6 ريال و روحت ههههههههههههههههههههه

هههههههههههههههههههههه
وياترى الشبشب دة ليكى ولا للنونو ههههههههه

[dr.princess]

هههههههههههههههههههه حلوة الصورة موتتنى من الضحك

[MALAK2010]

طيب ماتبقى تسالى جارتك او مرتات اصحاب جوزك على المحلات علشان ماتلفيش كتير ولا تتصدمى

[dr.princess]

ليا طبعا نونو مييين الشبشب مصلحتك اولا ههههههههههههههههه

[MALAK2010]

بس الاذواق حلوة ولا عادية انتى طبعا عندك خبرة علشان اختك

[dr.princess]

انا عارفة كذا محل اسعارهم معقولة بس هى امبارح حكمت معايا قلاطة وقلت ادخل مذركير و اتش اند ام فطبعا اسعارهم زى الزفت
والله يا بنتى بلوفر اكبر من كف الايد كده بشوية صغيرين ب 136 ريال يعنى بتهيألى لبيبى 3 شهور بس
بس انا نويت ان شاء الله مش هشترى الا بعد شهرين بس كنت باخد فكرة بس

[dr.princess]

لالالا الاذواق حلوة جدا ماركات بقى
ورحت محل جنبى هنا اسعاره رخيصة بس اذواق وحشة والقماش أوحش وهو ده اللى جبت منه الشبشب ههههههههههههههه حتى كمان ملقيتش احمر جبت أزرق

[MALAK2010]

ادخلى بيبى شوب لو عندكم هتلاقى اسعارة معقولة وفية حاجات حلوة
انا دخلت مزركير واتش اند ام مفيش فيهم حاجة كتير للرضع اغلب حجاتة للكبار شوية
وبعدين انتى هتولدى ان شاء الله فى الصيف
هدوم الشتوى بتبقى برضة اغلى من الصيفى

[MALAK2010]

انتوا عندكم محلات اسعارها حلوة اوووووووووى
انا عرفت محل اسمة بوارث وفى واحد كمان جنبة بس مش فاكرة اسمة
انا كنت دخلتة لما كنت فى العمرة حاجات حلوة ورخيصة جدا وبالاخص الشتوى وشفت هناك هدوم اطفال الطقم بحوالى 10-15 ريال

[dr.princess]

فعلا مذركير و اتش اند ام معظم الحاجات مش للبيبهات وكمان معظم الحاجات المعروضة عندهم شتوى
فى هنا اه بيبى شوب فى سنتربوينت جنب الحرم على طول كنا شاريين منه قبل كده ل مرات صاحب جوزى لما ولدت
بس كنا اتأخرنا امبارح فجوزى قالى خليها المرة الجاية حتى بيقولوا عليه خصومات 50% الايام دى

[dr.princess]

معرفش فين بوارث ده
بس فى محل هنا اسمه البدر اللى انا جايبة منه هدوم الشتاء بتاعتى كنت بصيت بسرعة كده لقيت حاجات حلوة واسعاره كويسه

[MALAK2010]

اسالى على بوارث
بس هو بعيد شوية عن الحرم هتركبى تاكس طبعا
وجنبة محلات من نفس النوع
كلها مليانة على الاخر كبار وصغيرين وببيهات وصيفى على شتوى وانتيكات دنيا يابنتى
احنا دخلناه مفيش ساعة ماكفتش
واتفرجى ولو عجبك حاجة اشترى بس انا شفت فى المحلات حاجات خاماتها جميلة جدا ورخيصة اوى وطبعا فى حاجات وحشة

[MALAK2010]

عارفة الترنجات الرجالى اللى هى سويتر وبنطلون وممكن تتلبس على الوشين بتتباع فى مصر ب 160 او اكتر هناك ب 35 جنية ونفس الخامة ومفيش فرق

[dr.princess]

هسأل كده واشوف
والله زى ما قلتلك انى مش ناوية اشترى الا بعد شهرين ( لما الظروف تتحسن شوية ) بس ان شاء الله الاربعاء او الخميس هنروح بيبى شوب فلو لقيت حاجات عجبتنى هشتريها بس مش هكتر انتى عارفة حاجاتهم نظيفة اوى وكمان فى خصم فحرام اسيبها وبعدين ابقى اجيب الباقى ان شاء الله

[dr.princess]

انا كنت رحت مع ناس معارف جوزى مرة كده محل اسمه شبرا مش بعيد عن الحرم اسعاره فى الارض خالص زى مابتقولى كده

[MALAK2010]

احنا بيبى شوب عندهم خصم 60 % حلوة اوى بس مش عارفة الخصم دة لغاية فين
احنا عندنا شبرا بس بيبع احذية بس مادخلتوش

[dr.princess]

لالا شبرا اللى هنا ده فيه كل حاجة احذية وعبايات وبيتى واطفال ورجالى ولانجيرى كل حاجة فيه بس الاذواق مش عالية اوى يعنى كل كام حاجة كده لما يعجبك حاجة منهم

[MALAK2010]

انا اول ماجيت هنا دخلت محل اطفال كان شيك اووووووووى
نفسى ادخلة الوقتى علشان اشترى منة بس للاسف مش عارفة هو كان فى اى مول كل اسبوع بنزل مول واقعد ادور علية هههههههههههه ولا اعرف هو فى اى مول ولا اعرف اسمة اية بس نفسى اروحة اوى كان راااااااااائع

[dr.princess]

مقولتيش انتى ناوية تجيبى حاجات البيبى من عندك ولا لما تبقى تنزلى تجيبيها من المنصورة

[MALAK2010]

ادخلى بيبى شوب اليومين دول لانة ارخص من اى حتة علشان الخصم اللى حطة
هو دة اللى انا حكيتلك عنة لما دخلت اشتريت سالوبيت وطاقية وبافتة ودفعت 10 درهم

[dr.princess]

ايوه ان شاء الله هنروحه اخر الاسبوع بس ماشاء الله حاجاتك كانت حلوة اوى
وفعلا فى الخصم بيبقى اسعاره حلوة اوى

[MALAK2010]

انا ممكن اشترى شوية حاجات كمان واكمل من المنصورة بس ممكن الشهر الجاى بس مش عارفة الخصم هيفضل لغاية امتى هههههههههههههه
مايعملوة طول السنة وخلاص
عارفة اذواق الشتا جميلة اوى ان كان هدوم ولا بطاطي ولا لحاف اما الصيفى مش اوى وبالذات اللفة بتاعت البيبهات عاوزة اجيب واحدة مختلفة علشان ان شاء الله السبوع عن الموجودين فى السوق والباقى اجيبهم التقليدين

[dr.princess]

فى محل اسمه اجياد فى السكة الجديدة اختى دايما بتجيب منه حاجات ولادها ماشاء الله حاجاته تجنن خامتها نظيفه قطن قطن الحلو ده واسعارة حلوة اوى

[MALAK2010]

المحل دة فية للبيبيهات كمان
طيب حاولى توصفية اكتر يعنى فين من الملكة

[dr.princess]

هههههههههههه انتى نشنتى صح
هو قدام الملكة على طول انتى عارفة محل خان الخليلى بتاع الذهب تدخلى على طول شويه جوه كده هتلاقيه اسمه اجياد انا فاكره انه كان دورين هو مش محل كبير بس حاجاته نظيفة اوى
ايوه هى كانت جايبة منه حاجات عبودى الهدوم الداخلية والسالوبيتات والشرابات والبافيتات والمقص والمشط والحاجات دى كل حاجة كانت جايباه من عنده

[MALAK2010]

لما انزل ان شاء الله هدور علية
ماانا هبقى فاضية اربع شهوووووووووووووووووووور هههههههه

[MALAK2010]

انتى عارفة عاوزة اعمل مخلل بصل وخيار
اول مرة اعملهم
اللى شجعنى لان عندى بصل صغنون قلت احدقة ربنا يسهل عندك خبرة فى الموضوع دة

[dr.princess]

ااااه ربنا يصبرك يابنتى وضيفيلهم كمان الولادة وما بعد الولادة انا شكلى كده جاية اهدى النفوس هههههههههههه

[dr.princess]

لالالا والله معنديش فكرة عن المخلل بيتعمل ازاى انا نفسى اعمل بس مجربتش

[MALAK2010]

ااااه ربنا يصبرك يابنتى وضيفيلهم كمان الولادة وما بعد الولادة انا شكلى كده جاية اهدى النفوس هههههههههههه

ههههه
ان شاء الله جوزى هيجى على الولادة وهيبقى معايا بقا يارب

[dr.princess]

ان شاء الله يجيلك وقت الولادة هتفرق اكييييد

[MALAK2010]

لالالا والله معنديش فكرة عن المخلل بيتعمل ازاى انا نفسى اعمل بس مجربتش

انا جبت البرطمنات
بيقولك املى نصفة مية وحطي فية معلقتين كبار ملح وتوم بقشرة مدقوق باين مش متاكدة من النقطة دى ادقة ولا لاء واحط الخيار وفى ناس بيحطة خل علية

اما البصل فتقشرية وتحطية فى مية وملح وتسبية ممكن اسبوعين
بس فى ناس بتاخدة غلوة

[dr.princess]

ولا الهوا معنديش اى فكرة ابدا
انتى عارفة اى حاجة جديدة عليا باخد طريقتها من ماما ربنا يخليهالى يارب

[MALAK2010]

انا واخدة الطريقة من ماما بس نسيت ومش متشجعة اعملهم مش عارفة لية انا كنت عمرى ما افكر اعمل حاجتين المخلل ولا المربى
بس قومت الوقتى عملت الخيار يارب يطلع حلو لانى بحبة اووى وهستنى اتاكد تانى من البصل علشان اعمله لان جوزى بيحبة ومش عاوزة تريقة

[dr.princess]

هههههههههههه ايوه خليكى فى المضمون احسن و ان شاء الله يطلعوا حلوين

[dr.princess]

ملك انا فصلت
هروح اناااام شوية

[MALAK2010]

طيب يا جميل تصبحى على خير

[MALAK2010]

http://forum.hwaml.com/imgcache2/hwaml.com_1293438056_709.gif

[Om Rodina]

حد هنا
ملك انت موجودة ولا قمتىىى

[MALAK2010]

انا جيييييت

[MALAK2010]

ام دنا:ازيك يا جميل عاملة اية ودندون عاملة معاكى اية هادية ولااااااااااااااااااااا

[Om Rodina]

ملوكة حبيبتى ازيك وعاملة ايه
والله بمزاجها شوية تبقى شقية اوى وشوية تانية تبقى هادية خالص ومش حاسة بيها
انت اخبارك ايه والنونو عهامل ايه

[Om Rodina]

النونو بدا يحسسك بنفسه ولا لسه ياملوكة

[Om Rodina]

ملوكة انت فيييييييييين

[MALAK2010]

مش راضى يحسسنى باى حاجة طالع مؤدب لمامتة
بس عارفة والله قلقانة ربنا يهون بالكام يوم اللى جايين علشان اروح للدكتورة ويارب تطمنى

[Om Rodina]

حبيبتى والله ماتقلقى عارفة انا مش بدات احس بحركتها الا بالخامس وكان صعب كمان انى احدده وربنا يطمنك عليه ويحسسك بنفسه ويبقى نونو عسل

[Om Rodina]

انت دخلتى بالخامس ولا لسه ياملوكة

[MALAK2010]

انا لسة مادخلتش الخامس ومش قلقانة من موضوع الحركة لانى عارفة انة لسة شوية على الحركة
بس الشهر اللى بين المتابعة والتانية كتيرة اووووووووى عليا بحس انها سنة

[Om Rodina]

معاكى حق والله باحس انها مدة طويلة جدا مش شهر
يمكن بنبقى مستعجلين علشان نفسنا نشوفهم يالا ربنا يهون ويجيبهم لنا بالسلامة

[MALAK2010]

انا السونار عند الدكتورة وحش اوى ولا بشوف ايد من رجل
بس كل الحكاية انى بستنى تطمنى وبس ربنا يسهل

[Om Rodina]

عارفة والله السونار ده مشكلة انا برده مش باشوفها كويس وباسال الدكتورة فين اديها ورجليها وراسها نفسى اشوف اى حاجة بس مش باشوف الا حاجة كده وخلاص لان الصورة بتبقى ابيض واسود بابقى هاتهبل واشوفها وبرده زيك بالظبط باستنى الدكتورة تطمنى وتقولى مش شايفاها ازاى دى باينة خالص

[MALAK2010]

اعلى الاقل دكتورتك شايفة حاجة ههههه انا دكتورتى بقولها مش فاهمة ولا شايففة تقولى لسة بدرى هههه

[Om Rodina]

لا والله دا هيا شايفاها من اول لما اتكونت لغاية دلوقتى الحمد لله وبطمنى على نبضها وحجمها بس ربنا يسهل وتيجى بالسلامة عارفة ياملوكة كل ماالوقت بيقرب بابقى نفسى تيجى بقا مشتاقة لها اوى حاسة انها هاتغير حياتى كتيرباذن الله

[Om Rodina]

عارفة خايفة اشترى لها لبس من دلوقتى لانى خايفة هاقعد اكلم نفسى لغاية ماتيجى وكأنى باكلمها هههههههههههههه اصل انا باحب الاطفال اوى

[MALAK2010]

ربنا يكملك على خير وتقومى بالسلامة
بس لو بداتى تشترى هتبقى مبسوطة اوووووووووووووووووووى

[Om Rodina]

ربنا يخليكى ياحبيبتى انا عارفة والله وناوية باذن الله اشترى لها على اخر الاسبوع ده باذن الله يعنى ابدا اجيبلها وربنا يكملك انت كمان على خير ويفرحك بنونتك ويطمنك عليها

[MALAK2010]

تسلمى يا جميل
ولما تجيبى حاجة صوريها ونزليها على التجمع هنا علشان نتفرج ونبارك ههههههه انتى عارفة دى هدوم بنوتة بقا

[Om Rodina]

اكيد ان شاء الله ولما اشترى هاصورها باذن الله ياحبيبتى

[MALAK2010]

انا مش عارفة مخنوقة لية وحاسة انى زهقااااااااااااااااااااااانة

[MALAK2010]

انا هقوم اصلى وراجعه تانى ان شاء الله

[Om Rodina]

ماشى ياحبيبتى اتفضلى وانا كمان هاقوم شوية وراجعة تاني

[dr.princess]

عايزة اناااااااااااااااااام

[dr.princess]

انتوا فين يا بنااات

[رنا خالد]

لولو عامله ايه ليكي وحشه كبييييييييره
لو عايزه تنامي نامي يالولو واشبعي نوم قبل مايجي اللي يقل راحتك
ده انا لوجين مطيره النوم من عيني نفسي انام تلت اربع ساعات متواصل بس مش عارفه

[ايوشه]

انا جييييييييييييييييييييييت

[MALAK2010]

http://forum.hwaml.com/imgcache2/hwaml.com_1293457007_750.gif (http://www.sweetim.com/s.asp?im=gen&lpver=3&ref=10)

[MALAK2010]

ايووووووووووووووووووشة:ازيك يا جميل
الف مبرووووووووووووووووووووووووووووووك
والله فرحتلك اووووووووووى

[MALAK2010]

ام لوجين: ازيك يا جميل وازاى لوجى

[ايوشه]

الله يسلمك ياملوكه وعقبالك ان شاء الله
ويتمم ليكى على خير يارب

[MALAK2010]

ايوشة :هى الدكتورة كانت محددالك معاد ولا الولادة كانت فجاة
وانتى ولدتى طبيعى ولا قيصرى

[ايوشه]

ولدت طبيعى ياملوكه وجات فجاه بس كانت الدكتوره قايلالى انه فى طلق

[MALAK2010]

الحمد لله
وحسيتى باية اول ماشوفتية
وشبهك ولا شبهة باباة معلش متطفلة بقا هههههههههههههه

[MALAK2010]

انتى كويسة الوقتى يا جميل طمنينى عليكى

[ايوشه]

قوليلى الاول هو كنا بنعمل التوقيع ازاى اصل مش بيتظبط معايا
انا ياستى ولدت من غير بنج خالص اههههههههههههههههههههههههههههههههه كنت بموت
وده عشان رحت متاخر المستشفى وكان الرحم مفتوح 6سم سماينفعش اخد بنج ياعنى حسيت بكل حاجه اول ماشفته نسيت التعب كله بس خدوه على طول وبعد ماخرجت جابوه بقه كنت حاسه انى بحلم

[MALAK2010]

والله مش فاكرة اوى موضوع التوقيع
اللى فكراة ان لو عندك صورة اعملي لها نسخ وحطيها لصق
ولو صورة متجددة زى رنا مش فكراها اوى معلش
طمنينى عليكى انتى الوقتى احسن

[ايوشه]

الحمد لله بس الخياطه بتوجع قوى الولاده بجد صعبه القيصرى مش بيحسوا بحاجه
عارفه انا كنت تعبانه وبعيط ومش راضيه اروح المستشفى خايفه اروح اولد ههههههههههههههههههههه

[MALAK2010]

الحمد لله بس الخياطه بتوجع قوى الولاده بجد صعبه القيصرى مش بيحسوا بحاجه
عارفه انا كنت تعبانه وبعيط ومش راضيه اروح المستشفى خايفه اروح اولد ههههههههههههههههههههه
معلش ياحبيبتى بس اعرف ان القيصرى تعب اوى بس بعد الولادة
وممين اللى بيعملك طلباتك ولا قاعدة لوحدك

[ايوشه]

لاء فى خدامه بتيجى تقعد معايا وتشوف طلباتى

[MALAK2010]

قوليلى اخبار حمادة اية مقلش خالتو ملك ههههههههههههههه

[Om Rodina]

ايه حبيبتى حمد لله على سلامتك ومبارك عليكى احمد وربنا يباركلك فيه وربنا يعافيك من الالم

[MALAK2010]

عارفة انا لسة بقول للولو انى فرحت انك ولدتى وفرحت اكتر باسم حمادة اللى تعبنا دة ههههه

[Om Rodina]

يالا كويس الحمد لله رنا وايه قاموا بالسلامة ماعاد باقى غير امل وتوتة وانا ولولو وملك بالدور كده ههههههههههههه

[MALAK2010]

ام دنا على رايك كل واحد هياخد دورة ربنا يسهل

[Om Rodina]

باذن الله ياحبيبتى والله وربنا يسهلها علينا ان شاء الله

[رنا خالد]

ايه ولدتي بجد حمد الله علي سلامتك والله فرحت جدااااااااااااا
بقينا امهات
احكيلي بقي عن تجربة الولاده وحسيتي بأيه بعد ماشوفتي النونو

[رنا خالد]

ملك وحشتيني جداااااااااااا فينك مختفيه ليه
وازيك ياام دانا وازي دندونه القمر
يابختكم يابنات لسه شويه عليكم حاولوا بقوا تعيشوا حياتكم الكام شهر دول عشان بعد كده الحياه هاتختلف واجوازتكم مش هايعرفوا يتلموا عليكم حتي ولو ساعه واحده
ده انا والله جوزي وحشني اوي مع انه عايش معايا في نفس البيت هههههه
بس يعتبر مابشوفهوش ربنا يعينا ويصبرنا اهم حاجه يصبرنا دي

[MALAK2010]

رنا انا حاسة انك ماعتديش فاضيلنا لوجين خلاص اخدتك مننا هههههههههههههه
عقبالى يااااااااااااارب هههههه

[Om Rodina]

رنون حبيبتى ازيك واخبارك ايه ولوجى حبيبتى عاملة ايه ربنا معاكى ويعينك ويقويك ويصبرك ياحبيبتى بس اهم حاجة تخلى بالك من لوجى هى كل حياتك دلوقتى ربنا يباركلك فيها

[MALAK2010]

http://forum.hwaml.com/imgcache2/hwaml.com_1293461225_964.gif

[MALAK2010]

انا هسيبكم بقا يابنات سلااااااااااااااااااااام

[Om Rodina]

سلام ياملوكة ونتقابل بكرة ان شاء الله

[رنا خالد]

انا كل اما ابقي فاضيه الاقيكوا خرجتوا اهئ اهئ
اعمل ايه بس واحشني يابنات اوي وعايزه اتكلم معاكم

[نولارا]

رنا انا هنا
انتى لسه هنا ولا خرجتى

[gogo]

السلام عليكم
حد هنا

[MALAK2010]

انا جييييييييييييت

[dr.princess]

وانا جييييييت من زمااااااااااااااااااااان

[MALAK2010]

لولو:ازيك يا حبيبتى وحشتينى عاملة اية

[MALAK2010]

انتى لية مش بتكملى نوم بعد ماجوزك يمشى بدل ماتنامى الضهر
انا لولا انى بخاف انام لوحدى كان زمانى نممممممممممممممممممممت فى البرد دة

[dr.princess]

انا الحمدلله كويسة وانتى كمان وحشتينى انتى اخبارك ايه والنونو
انا مش عارفة مالى اليومين دول
نايمة بعد 11 وقلقت 1 و 1/2 ومعرفتش انام من ساعتها

[dr.princess]

مفيش هنا برد ولا حاجة الجو حلو اوى وكمان مش بخاف ابدا انام لوحدى عادى خالص
بس جهازى العصبى شكله خرف من لخبطة مواعيد النوم شوية الصبح وشوية بالليل حاجة تقلق والله الحمدلله على كل حال

[MALAK2010]

انتى قلقانة من حاجة ولا تعبانة

[dr.princess]

لا عادى والله التعب المعتاد العادى يعنى ومفيش حاجة قلقانى الحمدلله النت جه عند ماما واتطمن عليها

يوم السبت برده صحيت من 3 و 1/2 ومعرفتش انام تانى

[MALAK2010]

انا مش عارفة مزاجى وحش لية من امبارح بالرغم ان مفيش حاجة حصلت تضايق

[MALAK2010]

انتى بس زى مابتقولى علشان لخبطة المواعيد بتاعتك شوية وهتاخدى على الوضع الجديد يكون جوزك غير مواعيدة وهكذا ربنا يعينك

[dr.princess]

انا اوقات ببقى زيك كده اتضايق لوحدى كده من غير سبب وشوية وارجع عادى
من اسبوعين تقريبا حصلى كده ونكدت على جوزى نكد ماقولكيش وفضلت اعيط ساعتين لحد ماعينى ورمت وشوية وخلاص

[MALAK2010]

ههههههههه لا انا ماعدش عندى دموع لانى خلصتها الاسبوع اللى فات هههههههههههه
لما احوش تانى ابق اعيط

[dr.princess]

ههههههههههههههه الحال من بعضه
اختى دايما لما كانت تشوفنى وانا بعيط تقولى ايه الكميات دى الحنفيات دى لما بتتفتح مابتتقفلش ولا ايه ههههههههههههههههههه بتقولى انتى بتنزلى بالاربعة مع بعض مش واحدة بس هههههههههههههههه

[MALAK2010]

ثوانى هقوم اصلى ورجعالك يا جميل

[dr.princess]

ماشى ياحبيبتى تقبل الله

[MALAK2010]

انا جيييييييييييييت

[MALAK2010]

اخوكى راحة الجيش ولا لسة

[dr.princess]

يا هلا يا هلا

[dr.princess]

متفكرنييش
هو خلاص عرف انه هيبقى عسكرى وتقريبا كان بيقولى امبارح انه يوم 16/1 هيعطوله ميعاد علشاد يروح مركز التدريب لو تسمعى عنه فى القاهرة قولتله ده انت هتتسحل يا معلم

[MALAK2010]

ربنا يقوية الجيش دة حكاية
وربنا يصبر مامتك

[MALAK2010]

معاه حد من اصحابة؟؟؟؟

[dr.princess]

بيقول معاه ناس من الكلية بس بتهيألى مش اصحابه
انا مش قلقانة عليه اهو يعرف يصرف نفسه انا قلقانة على ماما انها هتبقى لوحدها

[MALAK2010]

هى اختك بتروح لمامتك كل اد اية؟؟؟؟
هى ساكنة بعيد عن مامتك ولا قريبة منها

[dr.princess]

اختى فى المعتاد كل خميس هى والولدين بيباتوا عند ماما واوقات جوزها كمان بيبات معاهم وممكن تروحلها مرة او اتنين وسط الاسبوع او ماما اللى بتروحلها حسب الظروف
لا متعتبرش بعيدة عنها

[MALAK2010]

طيب كويس يعنى تقريبا بيشوفوا بعض يوم ويوم
ربنا يهون عليها السنة دى
وبعدين ممكن تعتبروة خلص الكلية وجاتلة سفرية شغل ماهو كدة كدة هيسيب مامتك

[MALAK2010]

انا بقرا موضوع لطيف اوى
اية المواقف المحرجة اللى حصلت يوم خطوبتك او فرحك
وبيحكوا عن مواقف لطيفة تضحك ههههههههه
انتى حصلك اى موقف فى الايام دى

[dr.princess]

عندك حق يللا ربنا يهون عليها الشوية دول

[dr.princess]

قوليلى يا ملك
انتى كنتى عاملة القرنبيط بالدقيق ولا بالبقسماط ؟؟؟

[MALAK2010]

اه بالبقسماط
هو القلقاس مشروعة فشل ولا اية

[dr.princess]

ههههههههههه لالا مفشلش ولا حاجة انا جبت الوصفة من ماما امبارح
بس انا كنت قايلة لجوزى من ايام يجيبلى قرنبيط فجابه امبارح فقلت اعمله هو الاول

طيب معلشى هو طلع حلو بالبقسماط اصل الراجل كان عامله فى التليفزيون من شوية حط البيض مع الدقيق والبهارات وحط القرنبيط فيهم وفى الزيت على طول

[MALAK2010]

انا مجربتش الدقيق بس لما عملتة بالبقسماط كان جميل اوووووووووى
اعملى شوية كدة وشوية كدة مش مشكلة

[MALAK2010]

http://forum.hwaml.com/imgcache2/hwaml.com_1293516984_263.gif

[dr.princess]

خلاص ماشى هجرب كده واشوف

[dr.princess]

معلشى هدخل انام مش قادرة
اشوفك لما اصحى ان شاء الله

[MALAK2010]

طيب يا جميل تصبحى على خير

[MALAK2010]

http://forum.hwaml.com/imgcache2/hwaml.com_1293540454_962.gif

[dr.princess]

انتوا فيين يا بنااات

[MALAK2010]

http://forum.hwaml.com/imgcache2/hwaml.com_1293540527_425.gif

[MALAK2010]

انا هنا يالولو

[dr.princess]

ازيك يا ملك فينك من ساعتها

[MALAK2010]

http://forum.hwaml.com/imgcache2/hwaml.com_1293540812_337.gif

[dr.princess]

حلوة الحاجات اللى انتى كاتباها يا ملك ربنا يبارك فيكى

[MALAK2010]

حلوة الحاجات اللى انتى كاتباها يا ملك ربنا يبارك فيكى

تسلمى يا حبيبتى شفتها على موقع عجبتنى
انا هنا من بدرى وكل شوية ابص ملاقيش حد دخل قلت مابدهاش اكلم نفسى ههههههههههه لقيتك دخلتى فى نفس اللحظة سبحان الله

[MALAK2010]

النهاردة قريت عن برنامج (روم)بتسطبية على جهازك بيعلمك التجويد وحفظ القران وهو للبنات بس
وفرحت وكنت راحة اسطبة لقيت حد باعت بيحظر وبيقول ان البرامج دى اصلها بتفتح الجهاز قدام الهاكر وممكن ياخد بياناتك او الباسورد او لو حاطة رقم الفيزا يدخل ياخد فلوسك
اترعبت والحمد لله مكنتش سطبتة بس قمت مسحت كل الرسايل اللى عندى هنا على الموقع واللى موجودة على الايميل لانى جباااااااااانة جدا فى موضوع النت دة

[dr.princess]

سبحان الله
انا صحيت الساعة 1 بس كنت بجهز الاكل جوزى جه اتغدى بسرعة ومشى هيشتغل النهاردة للساعة 11 ربنا يعينه

[dr.princess]

اول مرة اسمع عنه بصراحة
خليكى فى المضمون احسن ونزلى البرامج المعروفة

[MALAK2010]

ماهو المشكلة انة طلع مشهور جدا انا ماكنتش عرفاه بس الحمد لله برضة مسحت كل رسايلنا اضمن