دردشة حوامل مصر - دردشة بنات مصر - تجمع حوامل مصر [الأرشيف] - الصفحة 116

رنا خالد

03-13-2011, 02:36 AM

سؤالك مافيهوش اي نوع من الاحراج ياسميه والله خضتيني يابنتي
بصي ياستي كلي برتقال لأنه ملين رهيب وخس طبعا بس لو الامساك مرحش في نقط بتتباع في الصيدليه امنه جدا للحوامل معموله عشانهم اصلا خطيره ياسميه 15 نقطه تحطيهم علي كوباية ميه من هنا وهاتباتي في الحمام من هنا بس ماتخافيش انا ياما امسكت ههههههه
والبت مانزلتش ولا حاجه بس لازم تلاقي له حل برضه

رنا خالد

03-13-2011, 02:39 AM

اه هو الخوف من البواسير اسمع انها عمليه محرجه ومؤلمه

somia

03-13-2011, 02:40 AM

توتة ليه هوه مش الامساك لغاية الولادة ايه اللي جابه بعد الولادة كمان؟؟

هيه ميري راحت فين يا جماعة؟؟؟

somia

03-13-2011, 02:42 AM

يا جماعة معلشي يعني بس هيه ايه البواسير دي اصلا .؟؟ اسمع عنها كثيييير بس ولا فاهمه دي ايه

Om Rodina

03-13-2011, 02:43 AM

لا ربنا يعافيكى يارب ياتوتة ويسلمك يارب

توتة السيد

03-13-2011, 02:44 AM

ربنا يطمنكم يا رب بس مش عارفة ليه حتى لو معنديش امساك يعني ساعات اسهال مية كده عذرا يعني لازم احزق برضه بالجامد قوي عشان اعرف

علشان البيبي بيكبر ياجميلة وبيضغط تحت انا في الشهر التاسع من كتر تقل بطني

حصاي شرخ يعني سوري في المسائل

somia

03-13-2011, 02:45 AM

بس يا جماعة انا اعمل ايه والله حتى لو مش في امساك بل وساعات اسهال كمان لازم احزق بالجامد .. ايه الحل في ده

Rania Negm

03-13-2011, 02:45 AM

وحشتوووووونى خااااااااااالص والله قومت محمد يجيبلى اللاب توب عشان اسلم عليييييكو

وحشتونى نااافر نااااافر

لولو انا لسه فاتحة دلوقتى ولاقيت رسالتك انا فعلا غيرت الانتى بيوتك

اخيييييييرا الحمدلله عترت على الهانم الدكتورة انهاردة بعد ما طلعت روحى الحمد لله

المغص لما زاد عليا يوم الخميس رحت الطورائ الفجر الدكتور افندى بتاع السونار قاعد بيلعب جييمز وكان عاصر على نفسه شادر لمون وهو بيكشف علياا وفى الاخر لما خلص قام وقعد يكمل لعب راح محمد راحله وقاله ايه الاخبار

قاله ماافيش حاجة .......... جاته ستيييييييييييييين 00000000000000 استغفر الله العظيم

وطلعت الولادة فى الطوارئ الست اللى المفروض دكتورة حطتنى على جهاز التخطيط ده وقالتلى البيبى كويس ومافيش طلق ... لو فضل عندك الم ابقى تعالى لدكتورتك ( ياعنى واحدة زى دى اعمل فيها ايه ) طبعا روحت وانا موش عارفة سبب الالم والله كنت بعيط مع كله حركة اتحركها

وكلها ساعتين ودرجة الحرارة بدأت تعلا اا ولله الحمد فضلت ورا الحرارة بالكمادات والانتى بيوتك نزلت ورجعت عليت تانى

رحت انهاردة باليل للدكتورة هانم بتاعتى وعرفت ايه اللى جاريلى اخييييييرا

صديد على البول وهو اللى معلى درجة الحرارة وسبب الالم فى جمبى انو اترسب على الحالب ولا الكلى انا عااااارفة

وضغط عالى

رااجعة طبعاا موش شايفة اودامى

اخدت الادوية اللى كتبتلى عليها والكمادات واول ما فوقت شوية قلت ادخل اسلم

بوووسة لكل قمراااية منكم وللعيال الفلائوتوسين الصغيرين لوجى ونورينا

على أد ما اقدر هبقى ادخل اسلم عليكو يابنااات

يلا سلاااااااام عليكم

Om Rodina

03-13-2011, 02:45 AM

البواسير دى ياسمسمة بتبقى عبارة عن زوائد بتخرج عند مكان الاخراج كده(الله يعزكم)وبتبقى مؤلمة جدا ومتعبة ربنا يعافينا كلنا منها يارب

dr.princess

03-13-2011, 02:46 AM

ايه ده يا رنا انتى معملتيش للنجرسكو بشاميل
انا لقيت واحدة على فتكات حطت بسلة وجزر للفراخ وهى بتسويها وطبعا بصل وفلفل وبهارات بقى زى ماتحبى فعملت زيها

رنا خالد

03-13-2011, 02:46 AM

انا النهارده اتخانقت مع جوزي بس خناقه غير كل خناقتنا اللي فاتت صوتي علي وصوته علي كانت خناقه بجد محترمه اخر حاجه

somia

03-13-2011, 02:47 AM

أهه انا كده فهمت اصلا انا البيبي عندي ماشاء الله عليه قاعد مأنخ كده وحاطط رجليه تحت وبيشتغل الله ينور مع المثانة ..هههههههههههه
ربنا يجعله ذرية صالحة ..
رناااااااااااااااا الساندويتشات موصلتشي ..اوعي تكوني كلتيهم ..
هيه ميري راحت فين يا جماعة؟؟؟

توتة السيد

03-13-2011, 02:47 AM

توتة ليه هوه مش الامساك لغاية الولادة ايه اللي جابه بعد الولادة كمان؟؟

اسكتي انا كنت اتدخل الحمام واصرخ وعيط عايزة اعمل حمام ومش قادرة امساك رهيب

والمشكلة اني مش قادرة اضغط جامد علشان الجرح مايتفتحش كان عذاب

لحد ماجبت مليين واخدت القزازة كلها مش 15 نقطة ليلة ماربنا فرجها

ولكن تكررن كثييير ياله الحمد لله

رنا خالد

03-13-2011, 02:48 AM

مش بقولك مسخره يالولو هي عملتها مره كانت اول مره واخر مره يابنتي
حرمت

somia

03-13-2011, 02:49 AM

ليه يا رنا .. يا بنتي الا ان صوتك يعلى عليه لحسن الرجاله مبينسوش الموضوع ده اطلاقا ..
ايه اللي حصل ؟؟

توتة السيد

03-13-2011, 02:50 AM

تسلمي يارب ياروفيدة الله يسلمك يارب

رنا ليه يابنتي كده ربنا يهدي سركم

Om Rodina

03-13-2011, 02:51 AM

رانيا الف سلامة عليكى ياحبيبتى وربنا يشفيكى ويعافيكى يارب من اى سوء
وربنا يطمنا عليكى باذن الله وخدى بالك من نفسك ياحبيبتى

رنا خالد

03-13-2011, 02:52 AM

والله ضاقت بيا اوي وهو مش حاسس انا هاحكيلكم الحكايه بالتفصيل
انتوا اخواتي ومش هاخبي عليكوا

somia

03-13-2011, 02:52 AM

بتفكريني بنفسي يا توتة انا مرة فضلت حوالي شهر وحاجة ما ادخلش حمام وكل ما ادخل اعيط لغاية ماماما عملتلي الحقنة الشرجية عذرا يعني وفتحت صوات يوميها بس الحمد لله ربنا فرجها

Rania Negm

03-13-2011, 02:53 AM

سمية انا قريت عن الامساك

ولسه الدكتورة انهاردة كاتبالى على لبووساية واحدة بس عشان تفضى اللى فى بطنى لأنى بقالى كام يوم موش عارفة اعمل ستووول ومن بكره هاخد دوا سيرب كدا بمقدار عشرة ميللى بس الصراحة موش قادرة اقوم اجيب شنطة الادوية ومحمد نام خلاص

بووصى كدا كدا انتى موش هتجيبيه انهاردة

بإذن الله هبعتلك اسمائهم بكره فى رسالة ... ربنا ييسر واكون فايقة وادخل

يلا تصبحوا على خير ياقمرات

dr.princess

03-13-2011, 02:54 AM

رانيا ياقلبى الف سلامة عليكى
طيب اعطتك دواء للصديد ولالا والضغط عالى وصل لكام اهم حاجة ابعدى عن الحوادق خااااااااااالص وان شاء الله كل حاجة تتظبط

somia

03-13-2011, 02:57 AM

رانيا الف سلامة عليكي يا بنتي وتسلمي على المعلومات ومستنية رسالتك بكرة ان شاء الله ..
بس طمنينا عليكي الله يخليكي انتي بقيتي احسن دلوقتي ولا ايه ؟؟؟

توتة السيد

03-13-2011, 03:01 AM

رانيا حبيبتي الف سلامة عليكي طمنينا عاملة ايه دلوقتي

somia

03-13-2011, 03:02 AM

يا جماعة انتوا رحتوا فين ؟؟؟

رنا خالد

03-13-2011, 03:03 AM

انا وهو كنا خارجين يوم الخميس
هانجيب طلبات للبيت واغير جو وفرصه لأن ماما عندي هاتشيل البنت مني ياعني هانعرف نخرج وبعد مالبست وجهزت نفسي اتصل بيا وقال مش هاينفع نخرج اصل واحد صاحبي اخوه مات سكت بس بصراحه اضايقت وبعدين اتصل بيا تاني قالي طب خلاص يلا نخرج قولتله لا خلاص نفسي اتسدت المهم خرجنا وكان ماشي معايا متعصب جدا وبيسوق بسرعه وكان هايعمل بيا حادثه كل ده عشان نفسي اغير جو وكانت خروجه نحس
راح يوم الجمعه لصاحبه وفضل معاه طول اليوم قلت يابت معلش واول مادخل البيت شويه ونام سكت
والنهرده انا سمعت ضرب نار في المنطقه حواليا فخفت جيت اتصل بيه لقيته مابيرضش
اتصلت اكتر من مره وفي الاخر رد عليا بشكل مش حلو وقالي انا لسه خارج حالا من الشغل
فضلت قاعده مستنياه ساعه اتنين تلاته قلقت عليه اوي ولما دخل بسأله اتأخرت ليه لقيته بيكلمني وحش واستدرجته في الكلام قالي انا كنت مع صاحبي وبعدين عديت لي اهلي وفهمت من كلامه انه كدب عليا قالي خلصت شغل الساعه 7 وهو مخلص من خمسه وعمال يلف علي اليمين والشمال بصراحه اتحرق دمي انا هنا مرعوبه من الخوف وهو خايف علي صاحبه ولا هامه مراته مش عارفه بجد اقول عليه ايه

رنا خالد

03-13-2011, 03:05 AM

رانيا وحشتيني اوي سلامتك ربنا يطمنا عليكي ياقمر وتكوني احسن بكره ان شاء الله
دمك الخفيف وشقاوتك وحشوني

somia

03-13-2011, 03:10 AM

بصي يا رنا هتستغربي اما اقولك مشكلة الخرج ده مشكلة ازليه معايا انا كمان بعد ما اجهز نفسي يقولي خلاص مش هنخرج ونفسي تتقفل يقولي يلا ونفضل نتخانق ..
بس الحاجة اللي تضايق فعلا حتة انه ضحك عليكي في معاد خروجه من الشغل بس هوه ممكن مكانش عايز يضايقك او يخليكي تقلقي عليه

somia

03-13-2011, 03:12 AM

يا جماعة انا قريت الكلام ده في فتكات وحبيت تقروه معايا..

(http://www.sweetim.com/s.asp?im=gen&lpver=3&ref=10)
ذات مره وقع طائر في حب ورده بيضاء وقرر ان يصارحها ولكنها رفضت وقالت انها لا تحبه فظل يصارحها بشكل يومي
حتى قالت له الورده البيضاء عندما يصبح لوني احمر سوف احبك ففي أحد الايام اتي الطائر وقطع جناحيه ونشر دمائه علي الورده البيضاء حتي اصبح لونها احمر وح...ينها
ادركت الورده كم احبها الطائر ولكن الوقت قد فات لأن الطائر قد مات لذلك عليك احترام مشاعر الشخص الذي يحبك قبل أن يموت لإجلك...

Om Rodina

03-13-2011, 03:12 AM

لا يارنا ياحبيبتى ماتزعليش وماتزعلى زوجك منك واعذريه اكيد بيتعب فى شغله برده وربنا يصلح مابينكم ويبعد الشيطان عنكم

حبايبى انا هاستئذنكم واقوم انام لانى تعبت من القعدة اوى واشوفكم على خير بكرة ان شاء الله فى رعاية الله ودعواتكم ليا بالله عليكم

رنا خالد

03-13-2011, 03:16 AM

والله ياسميه انا تعبت الحب مش كلام الحب تصرفات
بيقول انه بيحبني بس فين الاثبات فاكر الحب هدايا وورد وتورت
انا الحب بالنسبه لي صدق وثقه وخوف ع الشخص اللي بتحبه
افضل ابكي قدامه وهو ولاهنا قلبه جامد عليا اوي وانا لازم اجمد واخلي عندي كرامه
كفايه اوي تنازلات انا نزلت من نفسي كتير واستحملته بما فيه الكفايه من هنا ورايح هايشوف مني وش جديد عليه انا بعرف اتحكم في مشاعري بس انا اللي كنت مش عايزه كده بس هو اللي اختار
يقابل بقي

رنا خالد

03-13-2011, 03:16 AM

ربنا يرزقك بساعه سهله ياروفيده يارب ويفرح عينك بيها ان شاء الله
وتصبحي علي الف خير

رنا خالد

03-13-2011, 03:19 AM

توته ولولو راحوا فين

somia

03-13-2011, 03:22 AM

رنا يا حبيبتي والله فاهماكي انا ببقى بعيط وجسمي بيتنفض جمبه عالسرير من العياط وهوه ولا الهوا وشوية خخخخخخخخخخخخخخ .. بس يا رنا استحملي ما هو برضه اكيد ليه حاجات كويسة معاكي ومتغيريش طريقتك معاه عشان متلاقيش الدنيا اتربست فوق دمغك اكثر استحملي ولهي نفسك بالكتكوتة المكتكتة لوجي .. عارفة انا بفضل اقوله بكرة تيجي النونة ولا هاكلمك وساعتها تغير منها .. فعيشي حياتك مع لوجي ومتجعليهوش هوه بس محور حياتك عشان متتعبيش

روفي ماشي يا بنتي..
لولو توتة .. ميرييييييييييييييييييييييييييي .. رحتوا فين؟؟؟

somia

03-13-2011, 03:25 AM

مش عارفة والله يا رنا هما اختفوا ..
صحيح لوجي عاملة معاكي ايه الوقتي ..ابتدت تناغي وكده ولا لسة وابتدت تشدلك شعرك وانتي بترضيعها ولا لسة برضه؟؟؟

توتة السيد

03-13-2011, 03:26 AM

رنا حبيبتي انا عارفة ان الوحده مننا بتحب ان جوزها يبادلها الحب دايما ويبين مشاعره اتجاها

بس انتي باللي ناوية عليه مش بتصلحي انتي بتصلحي الخطأ بخطأ اكبر منه ماينفعش

ربنا يهدي سركم ويبعد عنكم الشيطان

رنا خالد

03-13-2011, 03:27 AM

عارفه المشكله ياسميه فيا مش فيه انا لو عرفت اتحكم في مشاعري هو هايتعدل اصل هو البني ادم بطبعه لما يلاقي اللي بيجري وراه يدلل ولما يتكرف يجري هو ورا حبيبه
نفسي احس اني عايشه مع حد في البيت ده والله حاسه اني عايشه في سجن انفرادي
ربنا يسامحه في ظلمه ليا
والله انا ببكي وانا بكتب الكلام ده صعبان عليا نفسي اوي

somia

03-13-2011, 03:28 AM

صحيح نسيت أسألك هيه صاحية معانا ولا ربنا كرمها ونامت ..
وفيه طلب صغنن كده انا عارفة انه مش وقته بس والله الكتكوتة ده بتوحشني قوي .. احم احم .. فيه صور جديدة؟؟

dr.princess

03-13-2011, 03:28 AM

رنا استهدى بالله كده واقعدى يوم معاه واعملى جو رومانسى فى البيت وفهميه انتى بتحبى ايه ومش بتحبى ايه وقوليله على اللى مزعلك منه
غير كده لو خدتى الموضوع بالصوت العالى والزعيق هتبقى بالنسية ليه ست نكدية ده غير كتر الخناقات هتزهقه فيكى وفى البيت وهتلاقيه ياما طول الوقت بره البيت او لو جه البيت هتلاقيه نايم علشان يريح دماغه من زعيقك
وربنا يصلح مابينكم يارب

رنا خالد

03-13-2011, 03:29 AM

لوجي كويسه وبفت بتنام بالليل كويس بتقلق ساعتين كده في النص وبتكمل الحمد لله
وبتقول اوغا وايه و أو
عقبال عائشه ياسميه
توته كويس انك هنا مامشتيش
ناقص دودي ولولو

somia

03-13-2011, 03:31 AM

فاهماكي يا رنا بس خلي بالك متسمحيش للكلام ده انه يخش جواكي تجاه زوجك عشان هتلاقي نفسك تعبانة قوي ومضايقه منه شيلي اول باول وبرضه م علطول تدلقي عليه لا شوية وشوية وباذن الله هتلاقيه بقى احسن معاكي

توتة السيد

03-13-2011, 03:31 AM

يارنا ياقلبي ماتعيطيش وتزعلي انتي بترضعي حبيبتي ادعي ربنا يصلح حاله

وماتعمليش في نفسك كده

رنا خالد

03-13-2011, 03:32 AM

انا مصورتهاش صور جديده بس عندي صور قديمه ماشوفتهاش ياسميه
هابعتهالك حالا

somia

03-13-2011, 03:33 AM

ربنا يباركلك فيها يا رب .. ويجعلهالك ذرية صالحة يا رب ..
ويرزقني بعائشة لحسن انا زهقت وبجد ابتديت اتنرفز من كلام حماتي عن الولد ... عرفة والله العظيم النهاردة كنت هافقد اعصابي عليها من كثر ما عمالة تقول ان شاء الله هتجيبي ولد وهوه كده اللي في بطنك ولد اما بجد اتشليت واتنقطت ملحقتنيش غير ايمي اما رنت عليا تقولي عن حملها رحت سايبة الشقة وطالعة شقتي

somia

03-13-2011, 03:37 AM

انا مستنياها يا رنا .. وعقبالي يا رب كده اما احطلكم صورة القمر بتاعتي ..
صحيح يا توتة انتي كان فيه حاجة نفسك بنتك تاخدها .. خدتها ولا لأ..؟؟؟

رنا خالد

03-13-2011, 03:37 AM

كام صوره للوجي اهم

رنا خالد

03-13-2011, 03:39 AM

اظاهر عشان النت ضعيف الصور ماتحملوش بس اوعدك هانزلهم لك بكره ان شاء الله
اقولكم تصبحوا علي خير لحسن فصلت شحن خالص
اشوفكم علي خير بكره ياحلوين

dr.princess

03-13-2011, 03:39 AM

طيب انتى ياسمية حماتك بتدعى يطلع ولد اما انا حماتى الله يسامحها بتدعى عليا ان يجى البيبى شقى ويطلع عينى ويعذبنى شفتى حد كده الله يسامحها وبتقولى فى وشى البعيدة

توتة السيد

03-13-2011, 03:40 AM

صحيح يا توتة انتي كان فيه حاجة نفسك بنتك تاخدها .. خدتها ولا لأ..؟؟؟

هههههههههههههه حاجة ايه ياسومة مش فاكرة الصراحة وضحي اكتر

توتة السيد

03-13-2011, 03:41 AM

وانتي بالف خير يارنا ماتزعليش وفرفشي كده وحياة لوجي عندك

somia

03-13-2011, 03:44 AM

ايه ده ؟؟؟ ليه كده يا لولو ؟؟ هوه انتي عدوتها ولا ايه .. عارفة اللي بيستفزني انها بتبقى عارفة اني هموت على بنت ومع ذلك عمالة بتدعي يبقى ولد .. عارفة والله يا بنتي انا الحمد لله ما عاد فارق معايا بنت ولا ولد المهم يجي بالسلام بس بجد كلامها بيستفزني وينرفزني قوي ..
رنا للاسف مش هاعرف ادخل بكرة عشان هابقى عند اختي ادعولي اعرف اشتركلها في النت لان التليفون هناك باسمي وانا بطاقتي خلصت..
توتة مش فاكرة والله كانت نغزة تقريبا او شكل عنين حاجة كده مش فاكرة

توتة السيد

03-13-2011, 03:45 AM

طيب ياحلوات ربنا فرجها ونور نامت اروح انا كمان انام

لاحسن خلاص حاسة دماغي هتتفرتك تصبحوا علي الف خييييييييييييير

توتة السيد

03-13-2011, 03:47 AM

توتة مش فاكرة والله كانت نغزة تقريبا او شكل عنين حاجة كده مش فاكرة

هههههههههههههه تصدقي ولا انا فاكرة يمكن الصداع مأثر بكرة ان شاء الله افتكر وقولك

somia

03-13-2011, 03:48 AM

يا جماعة صحيح كنت عايزة اسالكم على شيالة البيبي اللي عاملة زي السرير دي مفيدة ولا لأ اصل عاجباني واحدة بحوالي 170 جنية ومستحرمة اجيبها وبعدين ما أستخدمهتاش .. انتوا رأيكوا فيها ايه؟؟؟

somia

03-13-2011, 03:50 AM

اهئ اهئ اهئ .. كلكوا سبتوني وخرجتوا ..دا انا سهرانة مخصوص عشانكم ..
لولو انتي هنا ولا نمتي ؟؟؟

dr.princess

03-13-2011, 03:51 AM

والله مش عارفة ياسمية الست دى عايزة منى ايه مع انى كلمتها قبل كده واتظبطت وقعدت شهرين ماقلتش الدعوة الزفت دى ولقيتها امبارح بتقولها تانى لما كنت حاسة انى عايزة اضربها بالجزمة
بس خلاص انا نويت اكلم جوزى فى الحكاية دى مع انى عارفة انه هيقولى دى بتهزر معاكى بس خلاص معدتش مستحملة الطوب اللى بيطلع منها هى وحمايا زى مايكونوا بيحوشولى الكلام الزفت الله يسامحهم

somia

03-13-2011, 03:56 AM

لولو سيبك منها واما تكلمك قوليلي بس يا ماما او شوفي انتي بتقوليلها ايه ده لو طلع عيني هيطلع عين فلان على زوجك وانتي طبعا ميهونش عليكي ابنك كل يوم ابنه ينكد عليه .. اخبطي الاتنين في بعض وريحي دماغك لانك لو قلتي لزوجك هيقولك فعلا دي بتهزر وهوه انتي بتاخدي كلامها جد كده ليه انتي عايزة تعملي مشكلة من مافيش والكلام اللي بناخده علطول ده ..
بقولك صحيح زوجك واصحابه كلموا الكفيل ولا لسة؟؟؟

dr.princess

03-13-2011, 03:56 AM

لالالا مالهاش لزمة ياسمية ماتجيبيهاش وبعدين ب 170 ليه ان شاء الله غالية اوى

dr.princess

03-13-2011, 04:00 AM

ربنا يهديها
جوزى كلم الكفيل على الحاجات اللى عايزينها فى حاجات قاله عليها لا وحاجات قاله هفكر وادينا مستنين

معلشى الموقع بطىء جدا معايا فبالعافية على مابشوف الكلام و ارد عليه

somia

03-13-2011, 04:01 AM

مش عارفة والله يا لولو بس اصل شكلها عاجبني قوي وبيقولولي مش هتعرفي تشيلي البيبي من غيرها مع اني حاسة انها هتبقى لخمة على الفاضي وبالخص اني اصلا نادرا جدا اما بروح حتة غير حلوان فمستحرماها قوي وفي منها ب50 بس بصراحة زي الزفت شكلها غبي وناشفة قوي على البيبيهاخاف احط فيها النونة قوي وفي نفس الوقت بيقولولي مع النونو التاني باذن واحد كريم مش هتستخدميها فلو جبتها حرام 170 على اربع شهور وخلاص كده؟؟ صح ولا انتي ايه رايك ..
ولو مجبتهاش ينفع اخرج بالبيبي كده وهوه لسة صغنن ولا غلط على ظهرة؟؟؟

somia

03-13-2011, 04:04 AM

ربنا يسهلهاله من عنده يا رب ويقدملكوا ايه فيه الخير ..
مفيش مشكلة .. الغربية ان الكل بيقول الموقع النهاردة بطييييييييء انا بقى اللهم لا حسد يعني اول يوم يبقى سريع معايا ... هههههههه كل يوم كنت ببقى هاتشل منه بس النهارده سبحان من هداه عليا .. ااااااا وانتوا لأه

dr.princess

03-13-2011, 04:07 AM

عادى يابنتى انا مش ناوية اجيبها اصلا
وعادى انك تشيلى البيبى بس المهم الشيلة الصح انك تبقى ساندة ظهرة وراسه كويس بايديكى الاتنين ولما يبدأ يعرف يسند راسه كويس مش بيبقى فى قلق خلاص

somia

03-13-2011, 04:10 AM

خلاص كده تمام باذن الله تعالى مش هاجيبها لاني الصراحة مش بحب اجيب اي حاجة والسلام وفي نفس الوقت حرام 170 جنيه على اربع شهور ..
طب وبالنسبة للعربية انا حساها مالهاش لازمة ..انتي ايه رأيك؟؟

dr.princess

03-13-2011, 04:10 AM

هههههههههههههههههه ماشى ياستى ربنا يهنيكى بيه
انا النهاردة مش عارفة في ايه الموقع ده وفتكات بطيئين جدا واى موقع تانى تمااااام

somia

03-13-2011, 04:13 AM

انا فتكات معايا ماشاء الله تمام والموقع ده النهاردة اول يوم يبقى تمام ماشاء الله عليه هوه كمان لحسن ما يحسد النعمه الا اصحابها ..هههههههههههههه

somia

03-13-2011, 04:14 AM

بصي القطة المقطقطة دي ..

http://forum.hwaml.com/imgcache2/hwaml.com_1299978886_748.jpg

dr.princess

03-13-2011, 04:15 AM

والله انا كنت ناوية اجيب عربية البيبى دى بس شوية قدام كده لاننا مفيش عندنا عربية وانتى عارفة البهدلة هنا من غير العربية فقلت اجيب عربية البيبى تريحنى شوية مش هتبقى بهدلة من كل ناحية
فالمهم ياستى كان فى واحد صاحب جوزى مراته ولدت قريب وكنا جيبنالهم هدية محترمة اوى فكلم جوزى قريب وقالوا احنا جيبنالكم عربية البيبى علشان متجيبوهاش فالحمدلله اترحمنا

somia

03-13-2011, 04:19 AM

ههههههههههههههههه ... حلو قوي نظام الهدايا ده .. بس المشكلة ان عندي في المرج الطرق زي الزفت وبعدين بيني وبينك في الوضع ده هابقى خايفة على البيبي لحسن يتخطف من العربية وانا مش واخده بالي فعشان كده شايله هم شيله ده انا اما كنت باخرج مع وحدة من اصحابي وكنت بشيلها بنتها بالشيالة دي شوية كنت بتعب فما بالك اما يبقى ابنك ولا بنتك انتي ومفروض طبعا تشيليه بيها علطول

dr.princess

03-13-2011, 04:20 AM

مش بحب القطط بخاف منها
كانت واحدة صاحبتى عندها قطة واول ما اروحلها تشتغل القطة حب فيا تنط عليا وعايزة تلعب معايا وتفضل لازقة فيا طول القعدة لغاية ما كرهت اروحلها اصلا

somia

03-13-2011, 04:23 AM

ليه كده دا انا بعشق القطط الشيرازي مع اني بخاف منها برضه ساعات بس اصل عمي مربي منهم فعشان كده اتعودت عليهم وكنت عايزة اخد منهم بس زوجي من واحنا مخطوبين رافض تماما تماما الفكرة دي

dr.princess

03-13-2011, 04:24 AM

اه فعلا الوضع بقى يقلق اوى فى مصر لالالا سيبك خالص من العربية
والله انتى ممكن تجيبى الشيالة اللى بتبقى على الصدر دى بس بتهيألى متنفعش مع النقاب والطرحة او الخمار اللى بتلبسيه

somia

03-13-2011, 04:28 AM

بس عارفة القطط اللي عند عمي ماشاء الله مؤدبة قوي يعني الذكر ساعة الاكل متشوفيهوش اصلا بيستخبى لغاية مامرات عمي تنادي عليه عشان الاكل اما البت فدي كنت عايزة اضربها كنا معزومين عندهم وده يا امي نازلة تماحيك في زوجي ولازقة فيه ونشيلها ترجع تاني اما اتنرفزت عليا طبعا هتستغربي بس والله غيرت منها ونرفزتني ما تسيب الراجل في حاله بقى ..هههههههههه

dr.princess

03-13-2011, 04:29 AM

انا بخاف من ااى حاجة بتتحرك يعنى القطط والكلاب والنمل والصراصير والبرص كله كله

somia

03-13-2011, 04:30 AM

فعلا متنفعشي وعارفة ايمي جابتها وملبستهاش غير مرة او مرتينم وبقت تصوت من ظهرها وكرهتني فيها مع انها اصلا مش هتنفع معايا عشان الخمار .. بس والله كويس انك فكرتيني اسالها هيه لبستها ازاي اصلا لانها برضه منتقبه

somia

03-13-2011, 04:33 AM

ههههههههههههههه ايه يا بنتي الرعب اللي انتي عايشة فيه ده .. عارفة انا كنت زيك كده بس الظروف اللي عشت فيها وبالذات السنة اللي عشت فيها لوحدي ربنا كرمني كده وجمدلي قلب قوي ..عارفة هاحيلك موقف حصلي في السنة اللي عشت فيها عند عمتي

dr.princess

03-13-2011, 04:34 AM

ههههههههههههههههههه يالهوى هى وصلت انك تغيرى من القطة

somia

03-13-2011, 04:37 AM

كنا قاعدين مرة انا وبنت عمتي بنتفرج على الكمبيوتر وطبعا فاتحين الشبابيك على رجل لان بيتها ماشاء الله مش مكشوف المهم بنت عمتي التانية واقفة بتكلمنا من باب الغرفة وفجأة الاقيها بتصوت فاااااااااااااااااااااااااااار .. طبعا انا والتانية قمنا منفوضين المهم زوج عمتي كان نايم فانا قولتلهم جيبيولي عصاية احاول اطلعه ودول كلهم طلعوا وعمتوا جابلتي العصاية وقفلوا عليا الباب والباشا الفار استخبى ورا الفريزر وانا ماسكة العصاية وعمالة بقول كل الاذكار اللي انا حافظاها واهبد بالعصاية وادعي انه يخرج وفي نفس الوقت ركبي بتترعش وعماله بستحلفه بالله انه يخرج لغاية ما خرج فعلا من الشباك تاني وعلى ما عمو صحي كانت المهمة انتهت والحمد لله تعالى ..
متسألنيش عملتي كدهع ازاي لاني معرفشي ..هههههههههههه

dr.princess

03-13-2011, 04:37 AM

يابنتى ده انا كنت بموت فى الكلية كنا بنشرح ضفادع وبنمسك فيران بيضاء وبنحقنها وحاجات تانية الله يعافيكى

somia

03-13-2011, 04:40 AM

ههههههههه يا بنتي انا في الغيرة دي نااااااااااار ولا تقوليلي ايه ازا كنت بتخانق معاه اما يدي وشه للحيطة وهوه نايم ومبيدينيش وشه اقعد اقوله يعني الشباك شكله احسن مني ولا ايه .. بجد ربنا يصبر الراجل ده عليا بس خلي بالك هوه برضه غيرته نااااااااااااااااار زيي برضه .. يعني احنا الاتنين بنعمل حريقة مع بعض ..هههههههههههههههه

dr.princess

03-13-2011, 04:41 AM

هههههههههههههههههه ياقلبك ياشيخة
انا فى الحالة دى الجرى مش بس نص الجدعنة لالالالا دى الجدعنة كلها هههههههههههههههه

somia

03-13-2011, 04:42 AM

اختي برضه شايله هم موضوع الفيران دي قوي الحمد لله الضفادع عدت على خير وعقبال الفيران يا رب

somia

03-13-2011, 04:46 AM

ههههههههههههههههههه حلوة قوي الجدعنه كلها دي .. عارفة يا بنتي كان اما يدخل دبور من الشباك كان الكل يسيبني انا برضه اتعامل معاه واحدة تدخل الحمام تستخبي وعمتي تدخل غرفتها وبنت عمتي تستخبى ورا الستارة وانا ابص عليهم واسخسخ على نفسي من الضحك وميطلعوش غير اما يطمنوا ان الامن استت والعدو ساب البيت وهج.. ههههههههههههه

dr.princess

03-13-2011, 04:46 AM

معلشى ياسمية جوزى على وصول الحق اروح احضر العشا اشوفك بكرة او بعده على حسب ماتقدرى تكونى موجوده باذن الرحمن

somia

03-13-2011, 04:50 AM

مفيش مشكلة يا لولو .. خلي بالك من نفسك ومن الاستاذ محمد كويس

somia

03-13-2011, 06:28 AM

رنا انا جيييييييييييييييييييييت
السلام عليكم ورحمة الله وبركاته

رنا خالد

03-13-2011, 06:31 AM

نورتي ياسمسمه كويس اني لقيتك

somia

03-13-2011, 06:33 AM

اصلي غفلتي ساعتين كده بالليل فساهرانه عليهم ى..
انتي ايه اللي صحاكي ..اكيد الانسة لوجي؟؟؟

somia

03-13-2011, 06:35 AM

صحيح نفسيتك الوقتي احسن؟؟؟

somia

03-13-2011, 06:36 AM

رنا انتي رحتي فييييييييييييييييييييييين؟؟؟

رنا خالد

03-13-2011, 06:37 AM

اه اكيد طبعا بس حتي لما مش بتصحيني انا اتعودت اقلق بالليل ساعات كتير بتبقي نايمه وانا صاحيه اصلي باقلي 3 شهور بصحي طول الليل ولما جت تتظبط مبقتش عارفه انا اظبط نفسي وبقلق برضه
كنتوا بتتكلموا علي العربيه انا لسه جايباها من يومين

somia

03-13-2011, 06:42 AM

ثواني هاكلم زوجي وارجعلك

رنا خالد

03-13-2011, 06:44 AM

ماشي ياقمر مستنياكي

somia

03-13-2011, 06:49 AM

انا جييييييييييييييييييييييت

somia

03-13-2011, 06:51 AM

داخله الحمام وجايه

رنا خالد

03-13-2011, 06:51 AM

نورتي البيت ياسميه

رنا خالد

03-13-2011, 06:52 AM

اوعي تقعي بقي في الحمام مستنياكي برضه

somia

03-13-2011, 06:56 AM

معلشي يا بنتي على التاخير بس خلاص انا جييييييييييييييييييييت

somia

03-13-2011, 06:59 AM

معلشي والله يا رنا اصلي ما بصدق زوجي يعبرني ويتصل يصحيني للفجر اصله هيرجع متأخر قوي من المأمورية دي .. اما الحمام فمش عارفة ايه نظام الحقنة دي معايا برضه اما خدتها المرة اللي فاتت عملت معايا كده اسهال غريب الشكل والاطوار بتزنق في لحظة وفي التو والحظة لازم ابقى في الحمام والا ... بلاش الا دي انا مش ناقصة غسيل ..هههههههههه

somia

03-13-2011, 07:02 AM

بقولك صحيح يا رنا انتي جبتي العربية منين وبكام ؟؟؟ ومش هتخافي تحطي لوجي فيها؟؟ انتي عارفة الدنيا بقت عاملة ازاي الوقتي ... وجبتي الشيالة السرير دي ولا لأ؟؟

somia

03-13-2011, 07:03 AM

رناااااااااااااااااااااااااا اوعي تكوني مشيتي ...

رنا خالد

03-13-2011, 07:03 AM

هههههههههه معلش ولا يهمك الحمام اضمن
ياعني انتي بايته لوحدك النهرده

somia

03-13-2011, 07:06 AM

أه بايتة بكلم نفسييييييييييييييييي.. وعلى رأي زوجي انا سايب معاكي النونو اهه عشان يسليكي ..هههههههههههههه

somia

03-13-2011, 07:07 AM

رنا مقولتيش انتي نفسيتك أحسن الوقتي ؟؟؟

رنا خالد

03-13-2011, 07:10 AM

اه الحمد لله لما نمت شويه هديت
والله بحبه ياسميه عشان كده بطلب انه يقعد معايا بس اظاهر ان الحب الزياده بيأذي صاحبه

somia

03-13-2011, 07:12 AM

مش حكاية بيئذي صاحبه بس هما بيفهموا الحب انه طالما مراعيكي وعينه طالعة في الشغل عشان يريحك يبقى كده عملك كل اللي عليه نحيته .. انتي بس طنشي وهتستريحي ركزي مع الكتكوتة بتاعتنا وخلاص

رنا خالد

03-13-2011, 07:14 AM

صح معاكي حق قوليلي اخبارك ايه مع حماتك هي عايشه معاكي في نفس البيت

somia

03-13-2011, 07:17 AM

أه عايشين تحتي .. هيه غلبانة قوي بس ساعات بيبقى ليها كلام كده تحفة الصراحة وبالذات موضوع الواد اللي نفسها يكون في بطني ده .. اما اخوته فخلينا ساكتين الله يسترك وخلي الطابق مستوووووووووووووور ..هههههههههههههههه

somia

03-13-2011, 07:19 AM

رنا انا عايزة الصور اللي قلتيلي عليها بتاعة القمر بتاعنا .. ننكن؟؟؟
وانتي حماتك عايشة فين ..؟؟
صحيح مقولتليش على العربية جايباها منين وبكام ومش هتخافي تحطي لوجي فيها .. ربنا يحفظها من كل مكروه يا رب.. وجبتي الشيالة اللي هيه السرير بتاعة البيبي؟؟

somia

03-13-2011, 07:22 AM

رنا انتي بتروحي فيييييييييييييييييييييين؟؟؟

رنا خالد

03-13-2011, 07:24 AM

هههههههههه لا خليه مستور عشان مانغتبش حد الواحد مش ناقص
انا جبت العربيه ياسميه بتاعة البيبي مهمه جدا علي فكره وهاتنفعك لحد مالبيبي يبقي عنده سنه عشان يكون قادر يمشي وهاتنفعك كمان بعد مايمشي لو مشيتي لمسافات طويله مش هايقدر يمشي معاكي ساعتها يعني هاتنفعك لحد مايبقي عنده 3 سنين عشان يكون قادر يمشي زي الكبير مسافات طويله وماتخافيش مش هايتخطف ولا حاجه اعملي الايد عكسيه يعني تبقي شايفه البيبي قدام عينك وانتي ماشيه وهو شايفك كمان فاهماني
انا جبتها ب300 جنيه من التوحيد والنور

رنا خالد

03-13-2011, 07:26 AM

وبتنفع كمان في البيت يعني بتنيمي البيبي فيها ساعات ولما بيزن بتحطيه فيها وتمشيه في الشقه وتهزيها بيسكت خالص ده عندي لو جين فرحانه بيها اوي كل اما تعيط احطها وامشيها في الشقه تتلهي وتسكت

somia

03-13-2011, 07:30 AM

طب كويس بس بصي كده على العربية اللي في الرابط ده وقوليلي رايك ولو ينفع تنزلي صورة اللي عندك وصور العسل اللي نايمة عشان انتي مش واخده بالك اصلي بتوحم عليها هيه وابن اخته ميرو ..ههههههههههههههههه

رنا خالد

03-13-2011, 07:30 AM

شكلك نمتي ياسمسمه

somia

03-13-2011, 07:31 AM

لا انا هنا بس عمالة احدث في الصفحة ومش واخدة بالي ان فيه صفحة غيرها ..هههههههههههههه
معلشي السطل ابتدى يشتغل معايا

رنا خالد

03-13-2011, 07:32 AM

مافيش رابط ظهر قصادي واوعدك هاصورهالك بكره وانزلها لك ان شاء الله
وهحاول دلوقتي ابعتلك صور لوجين تاني يمكن تظبط

somia

03-13-2011, 07:35 AM

http://forums.fatakat.com/thread1303030

الرابط أهه ..
ما تحاولي تصوريها الوقتي لحسن بكرة احتمال كبير مش هينفع ادخل عشان هابقى في حلوان

somia

03-13-2011, 07:37 AM

مستنية صورة الانسة لوجي مع اني نفسي والله اشوفها في الحقيقة بس انا خلاص خدت منك وعد واما اجي اولد باذن الله هاخلي ايمي تدخل تقولكم تدعولي وانتي تجيبي لوجي وجري على الفرنساوي .. اتفقنا ..هههههههههههههه

رنا خالد

03-13-2011, 07:40 AM

يارب ينزلو بقي ومايصدمونيش

رنا خالد

03-13-2011, 07:42 AM

اه هاشد شعري
مانزلوش برضه يلا نحاول في وقت تاني ان شاء الله
ماتخافيش هاجي بأذن الله ومبروك لأيمي هي متجوزه من امتي ياسميه

somia

03-13-2011, 07:43 AM

اهئ اهئ اهئ .. هما راحوا فييييييييييييييييييين؟؟

somia

03-13-2011, 07:45 AM

ايمي متزوجة قبلي بسبع شهور تقريبا متزوجه بالضبط من سنتين وشهر وعندها الانسة لولو ..وليلى عندها 7 شهور

somia

03-13-2011, 07:47 AM

الله يبارك فيكي يا رنا ..
صحيح انتي ناوية تشيلي المانع امتى ؟؟؟

somia

03-13-2011, 07:49 AM

الووووووووووووووووووووو .. رنا هيه لوجي صحيت ولا ايه انا حاسة انها بتاخد مني .. ولا الغلبانة نايمة وانا ظالماها؟؟

رنا خالد

03-13-2011, 07:51 AM

يانهار ابيض دول لسه صغيرين جدا
لا انا مش هاشيلو الا لما يبقي عند لوجي اربع سنين وممكن ماشلهوش خالص
انا لو عليا مش عاوزه تاني بس صعبان عليا لو جين تبقي لوحدها في الدنيا لو شلته يبقي عشان خاطرها وبس والله تربيه العيال مش سهله خالص ياسميه بالعكس دي عامله زي مضغ الزلط
انا في اول شهرين كنت ببكي ليل ونهار من البنت كانت مابتنيمنيش خالص وعياط متواصل لحد لما كنت بحس ان قلبها هايقف لازم الواحد يفكر قبل اي خطوه
يعني ايمي معاها توأم ماشاء الله

somia

03-13-2011, 07:54 AM

ايه يا رنا ده كله 4 سنين حرام عليكي..
ايمي عندها بنت واحدة لولو هيه ليلى

somia

03-13-2011, 07:56 AM

بس بجد ربنا يطمنك على موضوع التربية ماما بتقولي برضه انتي لسة شفتي حاجة ده لسة الولادة والرضاعة والتربية .. ربنا يسترها من عنده

somia

03-13-2011, 08:00 AM

بقولك يا رنا طب والشيالة اللي على شكل سرير دي جبتيها ولا لأ وهل ليها لازمة ولا قلتها أحسن؟؟؟
صحيح السرير بتاع لوجي مفيد ولا قلته أحسن؟؟؟

رنا خالد

03-13-2011, 08:03 AM

بصي ياسميه لازم يبقي في فرق مابين الطفلين عشان كل واحد ياخد حقه يعني اقل حاجه اوي بعد 3 سنين ممكن تشيلي المانع عشان حتي الطفل الاول ياخد حقه في الحنان والاهتمام
وتلحقي تنسي تعب الحمل والولاده والتربيه هي مش مسابقه انا ده رأي بصراحه
حابه لوجين تاخد حقها لأني بحبها جدا ويصعب عليا اني اقلل اهتمامي بيها عشان بيبي جديد

somia

03-13-2011, 08:07 AM

رنا .. عايزة أقولك حاجة جميلة كده ..
احم احم احم .. انا مش ناوية استخدم مانع اصلا لان عندي عقدة نفسية منه وذكريات زي الزفت بس بدعي ربنا ان بعد اما افطم بثلاث اربع شهور كده ربنا يكرمني تاني

رنا خالد

03-13-2011, 08:08 AM

الشياله حماتي جابتهالي بصراحه بتنفع في اول اربع شهور
احسن لك ماتجبيهاش بس كده مش هاتقدري تخرجيبالبنت غير بعد اربع شهور
لأنك هاتولدي في صيف والبنت مش هاتبقي لبسه هدوم كتير تخليكي تعرفي تملكيها
انا اللي نافعني اني ولدت في شتا فا جبتلها سلوبت مبطن خلاني اعرف املكها وماكنتش بحتاج للشياله انتي وراحتك
اما العربيه فلازم طبعا وهاتنفعك لحد مابنتك يبقي عندها 3 سنين عشان تكون قادره تمشي لمسافات طويله

somia

03-13-2011, 08:11 AM

عارفة يا رنا حاسة ان الشيالة دي هتلخمني قوي عشان الخمار والنقاب وكده وفي نفس الوقت مش عارفة هاشيلها ازاي من غيرها برضه واصلا انا نادرا ما بخرج من البيت غير لحلوان بس وطبعا هوه المترو وخلاص وبيني وبينك انا عجبتني واحدة بحوالي 170 ججنيه فمستحرمه أجيبها وأستخدمها 4 شهور وبس .. ايه رأيك؟؟

رنا خالد

03-13-2011, 08:12 AM

بصي هارضع لوجي وجايه

somia

03-13-2011, 08:13 AM

طب والعربية هاتصرف بيها في المترو ازاي وانتي عارفة نظام زحمة المترو ومتعرفيش بقى السلالم المتخلفة اللي عندنا في المحطة ؟؟؟

somia

03-13-2011, 08:14 AM

ماشي وانا مستنياكي

رنا خالد

03-13-2011, 08:24 AM

انا جيت ياقمر

رنا خالد

03-13-2011, 08:26 AM

اه هي حكاية سلالم المترو دي مشكله صح مش عارفه والله ياسمسه

somia

03-13-2011, 08:26 AM

أكلتي العسل بتاعنا ؟؟؟

somia

03-13-2011, 08:28 AM

عارفة يا رنا الواحد محتار قوي مش عارفة اجيبهم ولا لأ..
بقولك صحيح انتي فانيلات لولو اللي هيه زي الشاية وسلوبيت دي جبتيها منين انا اشتليت وانا بدور وفي الاخر مجبتش غير اربعة اتنين كت واتنين بكم

رنا خالد

03-13-2011, 08:29 AM

اه خلاص اكلتها وقلبظتها عقابل ايوشه ماتقلبظ كده

رنا خالد

03-13-2011, 08:31 AM

بصي انا جبتها من محل في الحدايق عندي عند ماما ياعني
جيبي بنص وكم بس بنص اكتر عشان انتي هاتولدي في الصيف
انتي هاتولدي امتي بالظبط

somia

03-13-2011, 08:32 AM

مين أيوشة ..؟؟؟هادلعها توتة ان شاء الله تعالى بس تيجي بس لحسن انا اتذليت ..
كل ما اشكي لزوجي من اللي فيا يقولي امال انا دافعلك جنيه مهر ليه عشان تحملي وتربي العيال

somia

03-13-2011, 08:34 AM

بس ليه بكم؟؟ انا المفروض معادي ان شاء الله تعالى 12\6
بكام كانوا ؟؟؟

رنا خالد

03-13-2011, 08:37 AM

هههههههههههه صح معاه حق بس المشكله ان احنا عيال فعيال بتربي عيال يابنتي الله يعينا وكمان امهاتنا بعيده علينا
بصي انتي قصدك علي اني شياله انا بتكلم علي الشنطه اللي بتتمسك في الايد مش اللي بتتحط علي الصدر دي لا دي فظيعه بتوجع الكتاف جدا
بس العربيه هاتنفعك لو نزلتي مع جوزك اتمشيتوا في المنطق او اتمشيتي في حلوان عند مامتك كده يعني وانتي وراحتك هي حكاية سلالم المترو دي تنحه اصل انا عارفه سلالم المرج تيته كانت ساكنه هناك

رنا خالد

03-13-2011, 08:39 AM

بصي ممكن تجيبي اتنين بكم عشان اول اسبوعين تلاته صعب يبقي البيبي لابس بنص الا لو السلوبت اللي بره بكم ساعتها ملهاش لزمه الكم

رنا خالد

03-13-2011, 08:41 AM

محتاجه اقرب من ربنا اكتر من كده بصراحه مضايقه من نفسي بطلت اقرأ قرأن كل اللي بعمله اني بصلي وبس تيجي نشجع بعض ياسميه نفسي في حد يأزرني

somia

03-13-2011, 08:42 AM

ايوة ما هيه دي الي انا قصدي عليها اللي هيا عاملة زي السرير دي ..
عارفة يا رنا زوجي علطول بيقولي حاجة من الاتنين يا اما .. انا حاسس اني متزوج عيلة يا اما انا متجوز مجنونة ..ههههههههههههه
العربية ممكن تنفعني في حلوان بس انا اصلا مبتمشاش هناخالص مفيش حتة ممكن تتراح اصلا ...

somia

03-13-2011, 08:46 AM

انا جايبة جلابيات بكم لان ماما جايبالي السلوبيتات مع اني مش عارفة هاخدهم منها ازاي بس ربنا يسهلها ..
والله مين سمعك يا رنا انا زوجي امنية حياته اني اراجع اللي كنت حافظاه بس المشكلة اني مش عارفة مالي اجي اراجع الاقي نفسي مش فاكرة حاجة اروح قافلة المصحب بس الحمد لله من امبارح مشغلة العفاسي للقران الكريم وبحاول اركز معاها لعل وعسى الواحد ربنا يهديه ويبتدي يراجع

somia

03-13-2011, 08:47 AM

رنا معلشي اثر الحقنة اشتغل تاني هاروح حمام ثواني بس

رنا خالد

03-13-2011, 08:48 AM

روحي ياقمر ولايهمك

رنا خالد

03-13-2011, 08:52 AM

انتي هاتولدي تاني يوم عيد ميلادي
انا عيد ميلادي 11

somia

03-13-2011, 08:56 AM

انا بقيت خايفة انزل حلوان دا انا بتزنق كل شوية ولازم في ساعتها ادخل حمام .. نفسي افهم الحقنة دي بتعمل فيا ايه بالضبط

somia

03-13-2011, 08:58 AM

رنا انتي مواليد سنة كام .. انا برضه مواليد 11 بس شهر 8 مش ستة

رنا خالد

03-13-2011, 08:59 AM

انا مواليد 87

somia

03-13-2011, 09:01 AM

ياااااااااااااااااااااه انتي صغنونة قويييييييييييييييييييييي .. انا اكبر منك انا اكبر منك ..ااااااا

رنا خالد

03-13-2011, 09:03 AM

ليه انتي مواليد كام

somia

03-13-2011, 09:05 AM

86 .. أكبر منك ب10 شهور كاملين ..
هههههههههههههههههههههههه

رنا خالد

03-13-2011, 09:06 AM

سميه جوزي صحي هادخل انا انام بدل مايكلمني وانا بصراحه مش حابه اكلمه خالص

رنا خالد

03-13-2011, 09:06 AM

تصبحي علي الف خير

somia

03-13-2011, 09:08 AM

وانتي من أهله يا رنا

princess princess

03-13-2011, 02:12 PM

السلام عليكم يا كابوتشاات .. اولا اتمنى ليكم جميعا تمام الصحه والعافيه .. انا بأذن الله لسه ببدأ التاسع .. وطبعا فاهمين المرحله دى .. ربنا يهونها عليا وعليكم .. بس بالله عليكم محتاجه رأيكم فى حاجتين
1- اقتراحات مستشفيات الولاده اللى فيها خدمه ليا وللجنين كويسه وسعر مناسب ( انا بفكر بين الجلاء -القسم الفندقى- عشان كفائتهم وده تخصصهم وبين العجوزه عشان لى قريبه هناك. بس العجوزه مش بيجى طبيب اطفال لفحص الطفل بعد الولاده ) بس اللى عندها اقتراح تانى تتفضل بالله عليكم .
2-انا بأذن الله حامل فى ولد . ياريت نتشارك فى اسماء جديده وشيك.
ولكم جزيل الشكر اخواتى الاحباااء .. بارك الله لكم فى حملكم وازواجكم

أم إياد

03-13-2011, 04:37 PM

السلام عليكم
بناااااااااااات حد هنا؟

أم إياد

03-13-2011, 04:39 PM

برنسيس اهلا بيكي معانا..
عرفينا بنفسك اكتر؟

ام يحيي 2011

03-13-2011, 05:49 PM

فى حد هنا

انتى هنا يا ايوته ولا مشيتى

ام يحيي 2011

03-13-2011, 05:54 PM

نورتى الدردشه يا برنسيسه بس والله انى مليش خبره فى المستشفيات اوى انا من اسكندريه وبأذن الله هولد فى اسكندريه فمستشفى الأهلى عشان فيها الدكتوره الى بتابع معها

ونفسى الاقى اسماء صبيان جديده وليها معنى

بس الاسماء الحاليه الكويسه

يس محمود حمزه معاذ ضياء نورالدين مؤمن يحيى مهند زياد

ام يحيي 2011

03-13-2011, 05:56 PM

انا بدأت فى التاسع يا رجاله الحمد لله

بركولى اولد بدرى بدرى كده ياااااااااااااااااااارب

وحشنى موووووووووووت الواد ده

ماما قلقانه

03-13-2011, 06:01 PM

ازيك يا ام يحيى

ام يحيي 2011

03-13-2011, 06:08 PM

ازيك يا قمرى عمله ايه وحشتنى موووووووووووووووت

تعرفى انا اول ما بشوف اسمك بطييييييييييييييير من الفرحه

طمننى عليكى يا عسل

ام يحيي 2011

03-13-2011, 06:17 PM

روحتى فين يا بنتى

ام يحيي 2011

03-13-2011, 06:24 PM

انتى سلمتى ومشيتى ولا ايه يارب تدخلى بسرعه عشان ربع ساعه وزوجى على وصول

Om Rodina

03-13-2011, 06:26 PM

السلام عليكم ورحمة الله وبركاته
ام يحيى ازيك ياحبيبتى اخبارك ايه واخبار النونو ايه
مبارك عليكى وعقبال ماتقومى بالسلامة يارب

Om Rodina

03-13-2011, 06:28 PM

على فكرة احنا الاتنين ورا بعض باذن الله انا بقالى اسبوعين فى التاسع وربنا يسهل بقا وترضى عليا وتيجى بالسلامة علشان نفسى الاقى اللى يسلينى واقعد اكلم معاه كده

ام يحيي 2011

03-13-2011, 06:29 PM

رفرف حبيبتى وحشتنى اوووووووووووووووووووى

ام يحيي 2011

03-13-2011, 06:31 PM

الله يبارك فيكى يا جميل

يارب يجبهالك بالسلامه يااااااااااااااااااااااااااااارب وتفرحى بشفتها يااااااااااااااااارب

وترجعى لزوجك بالسلامه يااااااااااارب يا جميل

معلش هانت

انا عارفه ان التاسع ده بيعدى بالعافيه

بتأكلى بلح بقى وبتشربى قرفه وبتمشى كتير وبتعملى التمارين والحاجات الكتيره المتعبه دى

Om Rodina

03-13-2011, 06:32 PM

والله انت اكتر ياسوسو اخبارك ايه واخبارالكتكوت ايه

Om Rodina

03-13-2011, 06:33 PM

ربنا يبارك فيكى يارب ياحبيبتى ويفرحك بيحيى يارب ويجعله قرة عين لك ولزوجك يارب
والله ياحبيبتى حاسة انه مش عاوز يعدى انا بس باكل تمر ويعنى بامشى بس مش كتير برده ربنا يسهلها من عنده باذن الله

Om Rodina

03-13-2011, 06:35 PM

خلصتى كل حاجة يحيى بقا ولا لسه بتشترى له حاجة
يارب يفرحك بيه يارب

ام يحيي 2011

03-13-2011, 06:36 PM

الحمد لله تمام بيسلم عليكى

طب بما انهم قريبين من بعض ايه رايك نخطبهم لبعض لو دانا ما حدش خطبها اصلها اكيد عسوله ذى مامتها

Om Rodina

03-13-2011, 06:38 PM

انتى الاجمل والاحلى ياحبيبتى هو احنا نطول طيب بس يحيى يوافق برودينا وانا مش عندى مانع بس هاتبقى اكبر منه كده ههههههههه

ام يحيي 2011

03-13-2011, 06:41 PM

يااااااااااااااااااااارب يا جميل واياكى

لا يا جميل حولى تمشى

وتعرفى التمرين الى اكنك فى حمام عربى ده وتقفى جميل اوى بيفتح الرحم علطول الدكتوره قالتىل عليه وكل اخواتى جربوه

تصدقى بالله انى جبت حاجات بسيطه اووووووى بس نزله بكره انا وماما بأذن الله نشريله هدومه كلها بأذن الله
بس جبتله سريره وشويه هدوك كده صغيره كنت حابه اجيبه فالأخر عشان تبقى بشرة خير كده

Om Rodina

03-13-2011, 06:44 PM

ربنا يخليكى يارب هاحاول ان شاء الله اجرب التمرين ده وربنا يبارك فيكى يارب وتفرحى بيحيى انا برده ماجبت حاجة رودينا الا اخر الشهر اللى فات ولسه مكملة حاجتها اليومين اللى فاتوا يالا ربنا يفرحنا بشوفتهم ويجيبهم لنا بالسلامة يارب

ام يحيي 2011

03-13-2011, 06:44 PM

يعنى هو فرق ايام ولا يهمك وممكن يجى بدرى ويجوا مع بعض

انا عندى امل انه ميطولش ويبقى محترم كده وينزل بدرى بدرى بأذن الله

وما تخفيش يجيى واد مؤدب وبيسمع الكلام

اهو بيرفس وبيسلم عليكى وعلى عروسته الحلوه

Om Rodina

03-13-2011, 06:46 PM

الله يسلمك ويسلمه يارب وربنا يجيبه بالسلامة ويفرحك بيه يارب
خلاص ياسوسو مافيش مشكلة رودينا كمان بتسلم عليكى وبتقولك هى موافقة خلاص هههههههه

ام يحيي 2011

03-13-2011, 06:46 PM

يااااااااااارب حبيبتى

ام يحيي 2011

03-13-2011, 06:47 PM

خلاص هنجيب الشبكه امتى بقى

ولا نستنى لما الدهب يرخص شويه

مه ان ما فيش حاجه تغلى على رودى

Om Rodina

03-13-2011, 06:51 PM

ربنا يكرمك يارب ياحبيبتى خلاص لما هما يشرفوا بالسلامة يبقوا يجيبوها سوا احنا كده ربطناهم مع بعض ولما ييجوا هما يبقوا حرين سوا بقا ههههههههه

ام يحيي 2011

03-13-2011, 06:54 PM

ههههههه

بأذن الله

يارب بس يجوا بالسلامه ياااااااااااااااااارب

انتى ناويه تولدى فين بأذن الله

Om Rodina

03-13-2011, 06:57 PM

يارب ياحبيبتى اللهم امين
والله ياحبيبتى لسه مش عارفة الدكتورة بتاعتى بتولد الطبيعى عندها فى العيادة اما القيصرى فبيكون فى المستشفى عندنا (الزهراء)حسب الولادة بقا هايتحدد وربنا يسهلها من عنده علينا كلنا يارب

ام يحيي 2011

03-13-2011, 07:00 PM

يااااااااااااااارب يا حبيبتى

طب معلش يا جميل هقفل انا بقى عشان ابوحميد جيه وهحضرله الغداء هدخل بعد ساعه كده هو هيمشى تانى ياااااااااارب تكونى لسه هنا

وسلامى للكل

Om Rodina

03-13-2011, 07:03 PM

ماشى ياحبيبتى اتفضلى وبالهنا والشفا
وباذن الله اكون لسه موجودة
فى امان الله

MALAK2010

03-13-2011, 07:26 PM

انا جيييييييييييييييت حد هنا

Om Rodina

03-13-2011, 07:46 PM

ملوكة حبيبتى ازيك واخبارك ايه وعاملة ايه دلوقتى
وحشتينى كتير والله ومفتقدينك خالص

MALAK2010

03-13-2011, 07:49 PM

ام رودى اويك يا جميل عامله ايه فين البنات النهاردة

somia

03-13-2011, 07:53 PM

Om Rodina

03-13-2011, 07:54 PM

الحمد لله بخير ياملوكة انت اخبارك ايه يارب تكونى بخير
انا بخير الحمد لله والله البنات بقوا بيدخلوا بالليل حولوا التجمع ليلى
علشان كده باقولك مفتقدينك ههههههه

dr.princess

03-13-2011, 07:54 PM

ملك ام رودينا ازيكم ياقمرات
قلت ادخل اسلم عليكم بس سامحونى مش هقدر استنى معاكم المغص لسه تاعبنى من امبارح ومش عارفة حتى اقعد منه يللا الله المستعان

somia

03-13-2011, 07:54 PM

لوكة روفي عامليين اييييييييييييييييييه .. والنون اخبارهم ايييييييييييييييييه؟؟؟

somia

03-13-2011, 07:56 PM

لولو الف سلامة عليكي ربنا يشفيكي يا رب ويخفف الف بطنك عاجلا غير اجل يا رب

MALAK2010

03-13-2011, 07:59 PM

لولو الف سلامه عليكى خير مالك؟

سميه ازيك يا جميل وحشاااااانى هتعملى السونار امتى؟

ام رودى تسلمى يا جميل انا والله مفتقداكم جداااااااااااااااا

somia

03-13-2011, 08:01 PM

روفي حاولي متولديش في العيادة حتى لو طبيعي لحسن لا قدر الله البيبي يحتاج حضانة وتحتاسوا على ما توصلوه المستشفى .. اخت زوجي ولدت طبيعي وابنها دخل الحضانة

Om Rodina

03-13-2011, 08:02 PM

سمسمة حبيبتى ازيك واخبارك ايه
لولو حبيبتى الف سلامة عليكى وربنا يشفيكى ويعافيكى يارب وخلى بالك من نفسك ياجميل

somia

03-13-2011, 08:03 PM

لوكة انا الحمد لله بخير .. والله لسة مش عارفة هاروح اعمله امتى؟؟؟؟

somia

03-13-2011, 08:05 PM

روفي انا الحمد لله بخير . رودي عاملة ايه معاكي؟؟؟

Om Rodina

03-13-2011, 08:07 PM

لا ماتقلقى ياسمسمة ان شاء الله باولد فى المستشفى حتى لو طبيعى كده افضل من حيث العناية والنظافة كمان باذن الله

Om Rodina

03-13-2011, 08:10 PM

بخير ياسمسمة الحمد لله ماشى الحال
بتسلم عليكى كتير ياحبيبتى

somia

03-13-2011, 08:13 PM

بالضبط كده

somia

03-13-2011, 08:16 PM

يا جماعة في حاجة غريبة كده بتحصلي .. عذرا يعني كل ما اجي انف الاقي عذرا يعني دم في المنديل

Om Rodina

03-13-2011, 08:19 PM

ياسمسمة اكيد ده ضعف انتى عارفة فى الحمل بيبقى الجسم ضعيف وممكن يكون ده سبب نزول الدم ربنا يعافيكى يارب

somia

03-13-2011, 08:19 PM

هاصلي العشاء وارجعلكم

somia

03-13-2011, 08:21 PM

ربنا يسترها يا لوفي

Om Rodina

03-13-2011, 08:22 PM

ماشى اتفضلى ياحبيبتى

somia

03-13-2011, 08:31 PM

انا جيييييت ..

Om Rodina

03-13-2011, 08:35 PM

نورتى ياحبيبتى
هى ملوكة ولولو راحوا فين؟

somia

03-13-2011, 08:37 PM

روفي , لوكة انتوا رحتوا فيييييييييييين؟؟؟

somia

03-13-2011, 08:38 PM

مش عارفة لوكة اختفت بس لولو قالت انها تعبانة شوية ومش هتقدر تقعد معانا

Om Rodina

03-13-2011, 08:40 PM

انا معاكى ياسمسمة
ايوا لولو قالت انها تعبانة ربنا يعافيها يارب
انت رحتى عند اختك انهاردة ولا لأ ياسمسمة

somia

03-13-2011, 08:43 PM

لا والله يا روفي انا اصلا كان مفروض اروح ابات هناك كام يوم بس جسمي مش قادرة احركة اصلا وبقوم من على السرير بطلوع الروح ده غير موضوع الحمام ده كل ساعة تقريبا بتزنق فجاة ولازم في التو واللحظة ادخل حمام فخف الصراحة اخرج يجرالي حاجة في الطريق وانا لوحدي

Om Rodina

03-13-2011, 08:45 PM

لا ياحبيبتى ربنا يعافيكى ويسلمك يارب وان شاء الله خير باذن الله

somia

03-13-2011, 08:51 PM

يسمع منك ربنا يا روفي ..ااااااااااااااااااامين

Om Rodina

03-13-2011, 08:56 PM

حبيبتى هاستئذنك اصلى العشاء وارجعلك باذن الله

somia

03-13-2011, 08:59 PM

روفي بقولك هوه مفيش حاجة طبيعية تتاخد للصداع بدل الادوية لحسن دماغي هتنفجر

somia

03-13-2011, 09:01 PM

مستنياكيييي

somia

03-13-2011, 09:36 PM

روفي انتي رحتي فييييييييييييييييييييييييييييين؟؟؟

Om Rodina

03-13-2011, 09:52 PM

انا معاكى معلش ياسمسمة اتاخرت عليكى كنت باكلم زوجى
حبيبتى والله حاولى تقرأى الفاتحة سبع مرات عليها باذن الله ربنا يعافيكى من الصداع ولو عاوزة مسكن عندك بارامول كويس ده اخف المسكنات على الجسم ومافى منه خطر باذن الله

somia

03-13-2011, 10:06 PM

ربنا يباركلك يا روفي انا حاسة اني ابتديت افوق شوية والحمد لله تعالى

ام يحيي 2011

03-13-2011, 10:10 PM

السلام عليكم

يا حلوت

Om Rodina

03-13-2011, 10:11 PM

الحمد لله ياسمسمة ربنا يعافيكى يارب
اهلا بام يحيى العسل اخبارك ايه

ام يحيي 2011

03-13-2011, 10:14 PM

الحمد لله تمام يا حبيبتى

عروستنا عمله ايه دلوقت

معلش أتاخرت عليكى تعبت شويه بعد الغداء فنمت مش عارفه بقالك كام يوم كل ما أكل أتعب أوى ومعدتى توجعنى وأحس أنى عايزه أرجع ما تعرفيش ليه

سمسمه حبيبتى وحشتنى ايه أخبار نونتك يا عسل

Om Rodina

03-13-2011, 10:19 PM

لا الف سلامة عليكى ياسوسو ربنا يعافيكى بس حبيبتى حاولى ماتنامى علطول بعد الاكل لان ده ممكن يتعب معدتك ويتعبك وبعدين اكيد كل حاجة بتحصل اليومين دول طبيعى علشان فى اخر الشهور ربنا يارب يكملنا على خير ويقومنا بالسلامة ويرزق كل محروم

ام يحيي 2011

03-13-2011, 10:20 PM

يارب اللهم آآآآآآآآآآآمين يا حبيبتى هى سمسه راحت فين

هو انتى عند مامتك دلوقت يا روفى ولا فبيتك

Om Rodina

03-13-2011, 10:25 PM

انا ياحبيبتى شقتى جنب بيت ماما خالص يعنى بينى وبينها حوالى عشر دقايق فلما زوجى سافر كنت فى شقتى وكانت اختى بتيجى تبات معايا بس لما دخلت التاسع ماما وبابا مش مخلينى ابات هناك لوحدى خايفين يبقى ولادة فى اى وقت وهما مش معايا فباروح شقتى الصبح افتحها واهويها وارجع كده اخر النهار معاهم يعنى بين هنا وهناك

Om Rodina

03-13-2011, 10:29 PM

مش عارفة ياسوسو قوليلى زوجى عاوزنى بعد الولادة ان شاء الله ارجع شقتى تانى واقعد فيها يعنى اطلع من المستشفى على شقتى وتبقى ماما معايا ومش اسيب شقتى وافضل فيها مع البنوتة وانا موافقة ومش عندى مانع المشكلة ان بابا وماما مش عاوزين كده وعاوزنى معاهم بس المشكلة ان اخواتى بيدرسوا لسه وخايفة اعملهم قلق وبرده خايفة على زعل ماما اعمل ايه

ام يحيي 2011

03-13-2011, 10:30 PM

ربنا يسهلك الحال يااااااااااارب يا حبيبتى وتجى البت رودى بالسلامه وتطولش يااااااااااارب

هو انتى اصلا عايشه فمصر ولا بره

ام يحيي 2011

03-13-2011, 10:32 PM

طب ايه نظرية زوجك انك تروحى البيت

بس بصراحه هتبقى صعبه على مامتك انا كان نفسى كده لأنى مش برتاح الا فبيتى ومش بعرف أنام أصلا ألا هنا

بس ماما مش هينفع تسيب بابا وأخواتى لوحدهم فصعوبتها فكده

Om Rodina

03-13-2011, 10:36 PM

لا ياحبيبتى انا فى مصر بس زوجى هو اللى مسافر
زوجى بيقولى مش عاوزين نعمل قلق فى البيت عندكم وكمان علشان اخواتى اللى بيدرسوا لسه وبيقولى بلاش تتعبى ماما كمان يعنى تقعد معاكى ايام الولادة وبعدين براحتها بعد كده تروح وتيجى عليكى هى وبابا واخواتك وفعلا هو معاه حق فى كده وانا كمان ماعدت بارتاح الا فى شقتى والله

dr.princess

03-13-2011, 10:37 PM

علشان اغير المووود شوية
ايه رأيكم فى الحاجات دى بموووووت فيهم فقلت تتفرجوا معايا

http://up.hwaml.com/download.php?img=1823

http://up.hwaml.com/download.php?img=1824

http://up.hwaml.com/download.php?img=1825

http://up.hwaml.com/download.php?img=1826

http://up.hwaml.com/download.php?img=1827

http://up.hwaml.com/download.php?img=1828

ده بقى عندى وشكلة تحففففة فى اللبس

http://up.hwaml.com/download.php?img=1829