دردشة حوامل مصر - دردشة بنات مصر - تجمع حوامل مصر

[دودى اشرف]

تسلمى يا حبيبتى .. الله يخليكى .. والله انا سيباه نايم لان نومه خفيف موووووت ولما بدخل عليه بيقلق فا قلت هسيبه لحد ما يصحى لوحده ان شاء الله ... عملتله ليمون بليل وعمله حرقان فى صدره وجيت اديله عصير الصبح مرضيش ابدااااااا ... مستنية يصحى ان شاء الله علشان ياكل وياخد برشامة .. سلملنا على ماما

[MALAK2010]

الله يسلمك يا حبيبتى
هى حمات ابنك مادخلتش النهاردة ولا اية
عاوزين نطمن عليها قبل السفر

[توتة السيد]

انا جيييييييييييت اخبركم ايه ياحلوات

[توتة السيد]

دودي قلبي عاملة ايه ياحمات بنتي الف سلامة علي حمي بنتي بعد الشر عنه هي نزلة

البرد رخمة رخامة وكمان يعيني علشان الشغل والمجهود بتزيد ربنا يعفي عنه ياعمري وماتقلقيش حبيبتي اخبار عريس بنتي ايه بيخبط ويرزع ههههههههههههههه

[توتة السيد]

ايوش قلبوظة اهلا بيكي حبيبتي

ام حنين ياهلا ياهلا نورتي

حنين 88 اهلا بيكي حبيبتي واكيد ياجوز كان نفسي يبقي لا يجوز علشان مانزلش ههههههههههههه

ريهام ازيك ياقمر عاملة ايه

[توتة السيد]

هى حمات ابنك مادخلتش النهاردة ولا اية
عاوزين نطمن عليها قبل السفر

ههههههههههه انا اهو اناهو

تسلميلس ياقلبي سألت عليكي العافية حبيبتي

[توتة السيد]

رحتوا فييييييييييييييييييييييييييييييييييييييييييييييين

[توتة السيد]

ياقوووووووووووم

[بقلظة]

السلام عليكم ورحمة الله وبركاته

انا هناااااااhwaml03

[توتة السيد]

اهئ اهئ اهئ اهئ اهئ وااااااااااااااااااء

[توتة السيد]

اهلا بيكي بقلظة حبيبتي وعليك السلام والرحمة ياقلبي عاملة ايه والنونو عامل ايه

[MALAK2010]

توتة: ازيك يا قلبى لسة كنت بسال عليكى خفت ماتدخليش
وحشاااااااااااااااااااااااااانى

[بقلظة]

ازيك يا توتة عاملة ايه

انا امل وحامل في الشهر السابع وانتي؟

[MALAK2010]

بقلظة:ازيك ياجميل انا كمان موجودة hwaml7

[بقلظة]

ممكن اتعرف عليكوا ممكن؟؟

[بقلظة]

hwaml93hwaml93hwaml93ملك انا بحسبك بتكلميني معرفشي انك بتكلمي توتة

بس انا حبيتكوا وحابة اشارك معاكوا وان شاء الله نكون اصحاب

[MALAK2010]

بصى يا ستى انا ملك وحامل ان شاء الله زى ما التوقيع بيقول
حامل فى الشهر التانى بقالى عمممممممممممممممممممر فية
كنت فاكرة ان الشهر اربع اسابيع بس بعد الحمل اكتشفت انهم عشروميت اسبوع ههههههههههه
متجوزة من خمس شهور ونصف ومغتربة فى الامارات بس ياستى عاوزة لسة اية كمان وانا هعترف علطوووووووووووول هههههههههههه

[MALAK2010]

بس انا بعتلك بعدها علطول ماتزعليش ولاحاجة
انتو الاتنين واحد

[بقلظة]

بصى يا ستى انا ملك وحامل ان شاء الله زى ما التوقيع بيقول
حامل فى الشهر التانى بقالى عمممممممممممممممممممر فية
كنت فاكرة ان الشهر اربع اسابيع بس بعد الحمل اكتشفت انهم عشروميت اسبوع ههههههههههه
متجوزة من خمس شهور ونصف ومغتربة فى الامارات بس ياستى عاوزة لسة اية كمان وانا هعترف علطوووووووووووول هههههههههههه
اهلا بيكي يا ملوكة

ربنا يثبت حملك علي خير

انتي اول حمل ليكي زيي بالظبط

بما انك بتعترفي علطوول انتي عندك كام سنة وهتولدي فين؟

[دودى اشرف]

اهلين توته ..ازيك حبيبتى تسلميلى على سؤالك يا قلبى ... حمى ابنك تعبان خالص يا حبيبى ... مش عارفة اعمله ايه .. نده عليا ودخلت لاقيته تعبان ومش عاوز ولا يشرب عصير ولا ياكل اى حاجة شربته شوية عصير بالعافية وحتت تفاحة وسيباه مريح .. هقوم اعمله فرخة بشوربة ... وسخن كمان ومش عارفة اعمله ايه وانا لوحدى ومش بيسمع كلامى خالص

[دودى اشرف]

ملوكة معلش حبيبتى سيبتك فجأة لان اشرف نده عليا فاقومت

[توتة السيد]

توتة: ازيك يا قلبى لسة كنت بسال عليكى خفت ماتدخليش
وحشاااااااااااااااااااااااااانى

الحمد لله ياحبي بخير ربنا يخليكي انتي عاملة ايه
انتي وحشتييييييينيييييييييييي اكتر حبيبتي

[دودى اشرف]

معلش يا بنات مضطرة اسيبكم شوية بس هعلق على الفرخة واجيلكم ان شاء الله

[MALAK2010]

دودى:طالما فى سخونية بلاش فراخ ولا لحمة كفاية رز وشوربة بس خلية ياكل وياخد دوا خافض للحرارة ضرووووورى والف سلامة علية

[بقلظة]

دودي وملك وتوتة انا سعيدة بمعرفتكم

وان شاء الله نتقابل تاني

اشوفكم علي خير

[دودى اشرف]

بلاش فراخ ... يعنى اعملها واديله شوربتها بس .. للاسف معنديش خضار علشان اعمله شوربة خضار

[دودى اشرف]

انا اكتر يا بقلظة ... مع السلامة يا حبيبتى نشوفك على خير ان شاء الله

ملك انا معنديش خافض للحرارة .. عندى حاجة اسمها ادول زى البنادول بس .. مش عارفة بقى انا لوحدى ومش عارفة اعمله حاجة اهىء اهىء اهىء اهىء اهىء

[MALAK2010]

مش مشكلة كفاية رز وشوربة وخافض للحرارة وسوايل كتير وربنا يشفية

[دودى اشرف]

تسلميلى يا حبيبتى ... ماشى هقوم اعمله الشوربة وربنا يسهل ان شاء الله

سلام مؤقت .... توته فيييييينك يا حبيبتى

[MALAK2010]

البنادول بحس انة ضعيف
مش البنادول بتاع الصداع انا باخدة ومش بياثر
مش عارفة والهى بس خافض الحرارة بيبقى قوى

[توتة السيد]

سلام مؤقت حبيباتي

[MALAK2010]

سلام يا حبيبتى واذا عرفتى تدخلى ابقى طمنينى

[MALAK2010]

توتة :انا خايفة اسالك السؤال الاذلى بتاع الشنط وخايفة تجاوبى نفس الاجابة لو جاوبتيها خايفة اتهور ههههههههههههههههه

[MALAK2010]

بقلظة:انتى فيييييييييييييييييييين مش هنكمل الاعترافات

[ام يحيي 2011]

ممكن أكمل الأعترفات معكى يا ملوكه لو لسه موجوده

[ام يحيي 2011]

ألف ألف ألف سلامه على بعلك يا غاده شفاه الله وعفاه الله يكون فى عونك بصراحه الواحد يهون عليه تعبه ولا يهون عليه أبدااااااااااااااااا تعب أحبابه

لو تعرفى تجيب بارامول خافض للحراره وربنا يطمنك عليه ياااااااااااااااااااارب

كيفيك يا توته مستنينك .وأيه أخبار نونتك


واحده حكتلى قصتها ومخوفنى من سعتها الله يستر ويحفظنا وبيبهتنا ياااااااااااااااااااااااااااااااااارب

[MALAK2010]

اهلا اهلا بام حنين
انا موجودة طول العصر بس انتى ماتخروجيش زيهم ههههههه يلا ياستى قولى وانا سمعاكى

[ايوشه]

hwaml15انا جيت تانى موجودين ولا زى المره اللى فاتتhwaml15hwaml15hwaml15

[ايوشه]

ملوكه ازيك ياجميل عامله ايه وام حنين ايه اخبارك الف سلامه على جوزك يادودى وربنا يشفيهولك يارب وانتى ياتوته باقى يومان جهزتى الشنطه ولاشكلك بتعملى كده عشان تتلككى وتقعدى ههههههههههههههههههه

[ام يحيي 2011]

بقلظه هتوحشنا ومستنينك علطول ما تتأخريش

[MALAK2010]

ايوشة:انا موجودة ومش عارفة ام حنين طلعت ولا اييييية

انتى كل مرة تحطى صورة رمزية اغرب من اللى قبلها انتى بتحبى الاطفال المعبرين(الاشقيا) مش الهادييييييييين مش كدة

[ام يحيي 2011]

لا ما تخفيش أنا قاعده معكى يا ملوكه هيا ياستى نكمل سؤال بقلظه عندك كام سنه وخريجة أيه بالضبط

أزيك يا أيوش ما أنا ردت عليك بس أنتى ما أخدتش بالك سعتها وطلعتى علطول يا جميل

[ام يحيي 2011]

لالالالالالالالالا يا جميل أنا هو مش شايفه المنتدى منور ههههههههههههههههه

ها أعترفى يلالالالالالالالالالالالالالالالالا

[MALAK2010]

انا عندى 29 سنة وخريجة هندسة
وانتم عرفونى بنفسكم

[توتة السيد]

امل حبيبتي اهلا بيكي ربي يقومك بالف سلامة يارب

انا نهاد او توتة اللي يريحك حامل برضه زيك في الشهر السابع

وده اول حمل ليا متجوزة من سبع شهور وعندي 23 سنة

وانا مغتربة في الامارات وان شاء الله نازلة مصر بعد بكرة وهولد هناك

[ايوشه]

ايوشة:انا موجودة ومش عارفة ام حنين طلعت ولا اييييية

انتى كل مرة تحطى صورة رمزية اغرب من اللى قبلها انتى بتحبى الاطفال المعبرين(الاشقيا) مش الهادييييييييين مش كدة
هههههههههههههههههههههههههه ايه رايك بس عسل والله كل ماشوفها اقعد اضحك لابنخاف ولابنكش احنا كده اللى عنده حاجه يقولها انا جايباها عشان عمر ابن دودى يخاف ههههههههههههههههههههههههhwaml02hwaml02hwaml02hwaml 02

[ايوشه]

انا عندى 29 سنة وخريجة هندسة
وانتم عرفونى بنفسكم
ده احنا طلعنا زمل ياملوكه انا خريجة هندسة شبرا 2008 اتصالات وعندى 24 انتى جامعة ايه وقسم ايهhwaml7hwaml7hwaml7

[توتة السيد]

اهلين توته ..ازيك حبيبتى تسلميلى على سؤالك يا قلبى ... حمى ابنك تعبان خالص يا حبيبى ... مش عارفة اعمله ايه .. نده عليا ودخلت لاقيته تعبان ومش عاوز ولا يشرب عصير ولا ياكل اى حاجة شربته شوية عصير بالعافية وحتت تفاحة وسيباه مريح .. هقوم اعمله فرخة بشوربة ... وسخن كمان ومش عارفة اعمله ايه وانا لوحدى ومش بيسمع كلامى خالص


حبيبتي الف سلامة عليه ماتقلقيش هي نزلة البرد شديدة شوية طيب هو ماجبش علاج للبرد بانادول مثلا وادعكيله دماغه باليمونة علشان السخونة تروح وربي يعفي عنه ياقمر وخليه يسمع الكلام علشان مصلحته وشغله

[ام يحيي 2011]

نورتى من جديد يا توته

أنا أسمى ساره يا ستى عندى 22 سنه خريجة دراسات أسلامية قسم شريعه متجوزه من خمس شهور

أى أعترفات تانى

[MALAK2010]

هههههههههههههههههههههههههه ايه رايك بس عسل والله كل ماشوفها اقعد اضحك لابنخاف ولابنكش احنا كده اللى عنده حاجه يقولها انا جايباها عشان عمر ابن دودى يخاف ههههههههههههههههههههههههhwaml02hwaml02hwaml02hwaml 02

سيبى عمر فى حالة باباة تعبان ربنا يشفية
بس الصورة جميلة والله

[يارا ويوسف]

ازيكم وحشتونى يابنات

[MALAK2010]

ده احنا طلعنا زمل ياملوكه انا خريجة هندسة شبرا 2008 اتصالات وعندى 24 انتى جامعة ايه وقسم ايهhwaml7hwaml7hwaml7

والله احنا زمل زمل ياستى
انا هندسة المنصورة الكترونيات تخصص اتصالات برضة
انتى بتشتغلى ولا قاعدة زيى

[ام يحيي 2011]

اسم جميل يا توته عاشت الأسامى يا ستى على راء نولارا أم أحمد

منوره يا أيوشه أيوه غصونى بقى أصلى كان نفسى أدخل هندسه بس مت فيش نصيب بقى

[ايوشه]

لا ما تخفيش أنا قاعده معكى يا ملوكه هيا ياستى نكمل سؤال بقلظه عندك كام سنه وخريجة أيه بالضبط

أزيك يا أيوش ما أنا ردت عليك بس أنتى ما أخدتش بالك سعتها وطلعتى علطول يا جميل
الله يسلمك يام حنين اه انا ماخدتش بالى ان حد موجود فخرجت

[ام يحيي 2011]

أهلا يا يارا منورةةةةةةةةةةةةةة

[توتة السيد]

توتة :انا خايفة اسالك السؤال الاذلى بتاع الشنط وخايفة تجاوبى نفس الاجابة لو جاوبتيها خايفة اتهور ههههههههههههههههه


ههههههههههههههههههههههههههههههه يالهوي هضرب شكلي الحق استخبي بقي

[ام يحيي 2011]

ولا يهمك يا أيوش المهم أننا أتجمعنا دلوقت

[ايوشه]

والله احنا زمل زمل ياستى
انا هندسة المنصورة الكترونيات تخصص اتصالات برضة
انتى بتشتغلى ولا قاعدة زيى
وده اسمه كلام طبعا قاعده هههههههههههههههههههههه حسيت انى اتخصصت فى حاجه غلط يمكن القسم ده عملينه عشان اللى مش عايز يشتغلhwaml7hwaml7hwaml7

[MALAK2010]

نورتى من جديد يا توته

أنا أسمى ساره يا ستى عندى 22 سنه خريجة دراسات أسلامية قسم شريعه متجوزه من خمس شهور

أى أعترفات تانى

عارفة ياسارة انا كنت بقول انى ماستفادتش بالكلية فى حاجة لانى مش بشتغل ولا حاجة فكنت بقول ياريتنى دخلت ازهر وكنت استفدت من السنين اللى عدت وكنت ادرس دينى
اية رايك

[توتة السيد]

النور نورك حبيبتي ام حنين عاملة ايه واخبار النونو ايه

خير ياقمر قصة ايه اللي خوفتك احكيلنا

[ام يحيي 2011]

توتة :انا خايفة اسالك السؤال الاذلى بتاع الشنط وخايفة تجاوبى نفس الاجابة لو جاوبتيها خايفة اتهور ههههههههههههههههه


ههههههههههههههههههههههههههههههه يالهوي هضرب شكلي الحق استخبي بقي


والله بصراحه الله يكون فعونك يا توته أنا لو مكانك بصراحه مش هنزل وحد يجيلى بقى أو أنزله معيا بالعافيه

ربنا ما يبعدكم عن بعض أبدااااااااااااااااااااا يااااااااااااارب

[توتة السيد]

اسم جميل يا توته عاشت الأسامى يا ستى على راء نولارا أم أحمد

عشتي وسلمتي حبيبتي ام حنين ربنا يخليكي

[MALAK2010]

وده اسمه كلام طبعا قاعده هههههههههههههههههههههه حسيت انى اتخصصت فى حاجه غلط يمكن القسم ده عملينه عشان اللى مش عايز يشتغلhwaml7hwaml7hwaml7

على رايك انا ماشفتش حد دخل القسم دة واشتغل مش عارفة فى اية ههههههههههه

[توتة السيد]

والله بصراحه الله يكون فعونك يا توته أنا لو مكانك بصراحه مش هنزل وحد يجيلى بقى أو أنزله معيا بالعافيه

ربنا ما يبعدكم عن بعض أبدااااااااااااااااااااا يااااااااااااارب


من اصعب ما يكون والله ربنا يصبرني ومتهورش وخلي الطيارة تفوتني ورجع تاني هههههههههه

آميييييييييييييييييييييييييييييييييييين يارب يارب تسلمي حبيبتي ويخليلك زوجك ياغالية تسلمي

[MALAK2010]

توتة :انا خايفة اسالك السؤال الاذلى بتاع الشنط وخايفة تجاوبى نفس الاجابة لو جاوبتيها خايفة اتهور ههههههههههههههههه


ههههههههههههههههههههههههههههههه يالهوي هضرب شكلي الحق استخبي بقي
يانهاااااااااااااااااااااااااااااااار ابيض انتى لسة

[ام يحيي 2011]

أكيد لها أستفاده كبيرة يا ملوكه بس إلى بيخدها بحب مش حفظ وصب فى الورقه وخلاص بس أنا بحب الدراسات الشرعيه أوى وبابا نفسه أتصقف أكتر وأطلع داعيه ههههههههههه النونو هيجى بقى ونتصقف فيه بس بقرأ كتب وما سبت درستى وحاول أكمل درستى كمان بأذن الله


أهلا بيك يا توته

بصى يا ستى هى واحده كانت قربتى ودكتوره ونساء برده وكانت حامل بتعمل بقى سونار كل يوم تتطمن على البيبى وفجأه فى أخر التالت لقيت ما فيش نبض كده لوحده ونزلته ربنا يعفيها ويعفيناااااااااااااااااا يارب فقلت أوى وكان نفسى أعرف إلى حصل ده ليه وبقى هاين علينا أروح كل يوم للدكتوره أطمن على النونو

ربنا يستر ويعفينا مما أبتلى به كثيرا من الناس يااااااااااااااااااااااااااارب

[توتة السيد]

ثواني ياحلوات وراجعة

[ام يحيي 2011]

اللهم آمينننننننننننننننن يارب يا جميل ويقومك بالسلامه يااااااااارب حبيبتى وتشفى أجمل بنوته فالدنيااااااااااا يااااااااااااااارب ويرجعك لزوجك بالسلامه يارب بس أنتى ليه هتنزلى بدرى كده

[ايوشه]

هاسيبكم شويه وارجعلكم تانى

[MALAK2010]

أهلا بيك يا توته

بصى يا ستى هى واحده كانت قربتى ودكتوره ونساء برده وكانت حامل بتعمل بقى سونار كل يوم تتطمن على البيبى وفجأه فى أخر التالت لقيت ما فيش نبض كده لوحده ونزلته ربنا يعفيها ويعفيناااااااااااااااااا يارب فقلت أوى وكان نفسى أعرف إلى حصل ده ليه وبقى هاين علينا أروح كل يوم للدكتوره أطمن على النونو

ربنا يستر ويعفينا مما أبتلى به كثيرا من الناس يااااااااااااااااااااااااااارب
ربنا يستر انا مش ناقصة اهئ اهئ اهئ

[MALAK2010]

مستنياكم يا بنات

[ام يحيي 2011]

لالالالالالا يا جميل ما تخفيش وسبيها على ربنا

هقولك على حاجه هى دايما كانت قلقانه وخايفه والواحد هيقلل ليه أدام ربنا معه وربنا بيقول (أنا عند ظن عبدى بى فليظن عبدى بى ما شاء)فى الحديث القدسى

فلازم الواحد يظن بربنا خير والحمد لله واثقة أووووووووووووى فربنا أنه هيكرمنا بأحلى ذرية بأذن الله بس قولى يارب وتوكلى على الله

أحنا بس ممكن نأخد عبرة من القصه أننا نحمد ربنا على نعمه علينا ونشكره أوى ( ولأن شكرتم لأذيدنكم)

فياربى لك ألف حمد وشكر

[توتة السيد]

بصى يا ستى هى واحده كانت قربتى ودكتوره ونساء برده وكانت حامل بتعمل بقى سونار كل يوم تتطمن على البيبى وفجأه فى أخر التالت لقيت ما فيش نبض كده لوحده ونزلته ربنا يعفيها ويعفيناااااااااااااااااا يارب فقلت أوى وكان نفسى أعرف إلى حصل ده ليه وبقى هاين علينا أروح كل يوم للدكتوره أطمن على النونو

ربنا يستر ويعفينا مما أبتلى به كثيرا من الناس يااااااااااااااااااااااااااارب


حبيبتي غلط السونار كل يوم دا بيقول المفروض مايبقاش غير 3 مرات بس في الحمل قوم هي تعمل كل يوم ربنا يعوضها خير ويعافينا ويحفظ لنا مافي بطونا بالف سلامة

[ام يحيي 2011]

المهم أنتى أيه أخبار صحتك النهارده وأيه أخبارك فى الأكل وكده

[ام يحيي 2011]

اللهم آآآآآآآآآآآآآآآآآآآآمين يااااااااااااارب يا توته

بس أنا بعمل سونار على بطنى كل ما أرح للدكتوره عادى ولا أيه

[توتة السيد]

يانهاااااااااااااااااااااااااااااااار ابيض انتى لسة

ههههههههههههههههههههههههه هضرب يالهوي

لا اطمني اخيرا جيت علي نفسي وحضرت الشنطة ههههههههههه

[MALAK2010]

ام حنين :عندك حق يارب يكملنا على خير ويتم علينا ان شاء الله

[ام يحيي 2011]

روحتوا فين يا حلوين

[توتة السيد]

اللهم آمينننننننننننننننن يارب يا جميل ويقومك بالسلامه يااااااااارب حبيبتى وتشفى أجمل بنوته فالدنيااااااااااا يااااااااااااااارب ويرجعك لزوجك بالسلامه يارب بس أنتى ليه هتنزلى بدرى كده


تسلمي ياعمري ربنا يخليكي ويخليك زوجك وتفرحي بحنين يارب ويقومك بالف سلامة

[دودى اشرف]

ألف ألف ألف سلامه على بعلك يا غاده شفاه الله وعفاه الله يكون فى عونك بصراحه الواحد يهون عليه تعبه ولا يهون عليه أبدااااااااااااااااا تعب أحبابه

لو تعرفى تجيب بارامول خافض للحراره وربنا يطمنك عليه ياااااااااااااااااااارب



تسلميلى ام حنين ربنا يخليك يا حبيبتى ... والله انا مش عارفة اجيب حاجة هنا خالص ... عملتله كمدات وربنا يسهل السخونية تنزل شوية .. تاعبنى والله عامل زى الاطفال ولا عاوز ياكل ولا يشرب ويقولى انا عارف بعمل اييييييييييه .. قلتله انت غلبت الاطفال هههههههههههههههههههههههههه .. ان شاء الله يقوم كويس

[MALAK2010]

توتة :الف مبرررررررررررررررروك اخيرا الشنط جهزتيهاhttp://forum.hwaml.com/imgcache2/hwaml.com_1288792891_340.gif

[توتة السيد]

اللهم آآآآآآآآآآآآآآآآآآآآمين يااااااااااااارب يا توته

بس أنا بعمل سونار على بطنى كل ما أرح للدكتوره عادى ولا أيه

عادي حبيبتي ده كل شهر يعني في فترة مابنهم ماتخفيش وربنا يحفظنا جميعا

[توتة السيد]

ههههههههههههههههههههههههههههههههههههههههههههههههه

اعتقد الزغروتة دي بمناسبة تجهيز نهاد للشنطة هههههههههههههههههههه

[ام يحيي 2011]

ام حنين :عندك حق يارب يكملنا على خير ويتم علينا ان شاء الله


اللهم آآآآآآآآآآآآآآآآمين ياااااااااااااااارب يا حبيبتى

تعالوا بقى نسيب الحزن وندخل فالفرح

ربنا يفرحك يارب يا ملوكه ويكبر نونتك وتحسى بحركته هتفرحى أوى أنا الحمد لله حسيت بحركته من أسبوع تقريبا وكل ما يتحرك أبقى فرحانه أووووووووووووى الحمد لله هو ما أتحركش النهارده لسه بس لأنى تعبته أمبارح فشكله نايم

تعرفى يا توته

لما كنت بقرأ كلامك على نونتك وأد أيه كنت قلقانه عليه لما كانت بتتحرك براحه عنيا دمعت وكنت بعيط

قعدت أقول سبحان الله إلى جعل فقلبنا الحب ده كله لجنين لسه فبطونا وما شفنهوش فما باللك بقى بحب ربنا إلى خلقنا
أكيد أكتتتتتتتتتر بكتييييييييييييير

كتير أقعد أحط أيدى على بطنى وأكلم النونو وقوله شف ربنا بيحبنا أد أيه عايزك تحب ربنا أكتر من أى حد زى ما هو بيحبنا أكتر من أى مخلوق

فيا ربى لك الحمد والشكر

[MALAK2010]

ههههههههههههههههههههههههههههههههههههههههههههههههه

اعتقد الزغروتة دي بمناسبة تجهيز نهاد للشنطة هههههههههههههههههههه

طبعا طبعا هو فى حاجة تانى تفرح غيرك ههههههههههه

[ام يحيي 2011]

نورتى يا دودى معلش يا حبيبتى هو البرد كده أسألنى أنا مليش نفس لأى حاجه وعايزه أنام وبس معلش يا جميل بأذن الله تشوفيه بخير

روحتوا فين بقى

[ام يحيي 2011]

أنتوا مشيتوا كلكم فجأه كده ليه

[توتة السيد]

تعرفى يا توته

لما كنت بقرأ كلامك على نونتك وأد أيه كنت قلقانه عليه لما كانت بتتحرك براحه عنيا دمعت وكنت بعيط

قعدت أقول سبحان الله إلى جعل فقلبنا الحب ده كله لجنين لسه فبطونا وما شفنهوش فما باللك بقى بحب ربنا إلى خلقنا
أكيد أكتتتتتتتتتر بكتييييييييييييير

كتير أقعد أحط أيدى على بطنى وأكلم النونو وقوله شف ربنا بيحبنا أد أيه عايزك تحب ربنا أكتر من أى حد زى ما هو بيحبنا أكتر من أى مخلوق

فيا ربى لك الحمد والشكر

فعلا ياام حنين سبحان الخلاق العظيم لو تشوفي انا كنت عاملة ازاي انا وجوزي امبارح والله ربي وحده اعلي واعلم احنا كنا ازاي سبحانه لا اله الا هو الحي القيوم يارب تسامحنا علي تقصيرنا في حق عبادتك وطاعتك انت العالم بعبادك ياارحم الراحمين

ربي يحفظلنا بيبيهاتنا جميعا ويقر عينا بيهم بالف سلامة وخير

[MALAK2010]

ربنا يفرحك يارب يا ملوكه ويكبر نونتك وتحسى بحركته هتفرحى أوى أنا الحمد لله حسيت بحركته من أسبوع تقريبا وكل ما يتحرك أبقى فرحانه أووووووووووووى الحمد لله هو ما أتحركش النهارده لسه بس لأنى تعبته أمبارح فشكله نايم


ياااااااااااااااااااااااارب عارفة انى نفسى اووووى انى احس بحركتها علشان اطمن عليها اما الصمت الرهيييييييييييب اللى انا فية دة ربنا يصبرنى علية هههههههههههه

[توتة السيد]

طبعا طبعا هو فى حاجة تانى تفرح غيرك ههههههههههه


هههههههههههههههههههه بفكر اطلع الهدوم تاني لسه بدري ههههههههههههههه هروب سريع لتضربي ياتوتة

[MALAK2010]

طبعا طبعا هو فى حاجة تانى تفرح غيرك ههههههههههه


هههههههههههههههههههه بفكر اطلع الهدوم تاني لسه بدري ههههههههههههههه هروب سريع لتضربي ياتوتة

هههههههههههههههههههههههههههههههههههههههههههههههههه ههههههههه

[ام يحيي 2011]

ربي يحفظلنا بيبيهاتنا جميعا ويقر عينا بيهم بالف سلامة وخير


ياااااااااااااااااااااااااااااااااارب اللهم أمين يا توته معلش يا جميل الخوف البسيط دى بيخلى للحياة طعم لما نحس أد أيه ربنا معنا

أنا برده من أسبوعين كنت تعبانه أوى ونزل عليا مايه كده بس مش كتير يعنى الحمد لله بس خفت جدا أتصلت بزوجى ونزل من الشغل وروحنا للدكتوره قالتلى لا ما تخفيش النونو بخير الحمد لله والمايه حوله كويسه هتلقيها بس أفرازات ما تعرفيش البيت كله كان عامل أذى وماما تتصل وبابا والكل وقعدوا يزعقولى خلى بالك من نفسك وما تعملي حاجه

بس لما بنطمن بنحمد ربنا أوى وبنحس أد أيه هما غالين


الحمد لله

[دودى اشرف]

ميرسى ايوشه على سؤالك يا جميل ... تسلميلى حبيبتى

[ام يحيي 2011]

إن شاء الله تكبر ويتحرك وينزل كمان بأذن الله يا جميل ويبقى بخير صحه وسعاده

هانت يا جميل فضلك شهر كده وشويه بأذن الله وتبقى أحسن فكل حاجه

[دودى اشرف]

ميرسى ايوشه على سؤالك يا جميل ... تسلميلى حبيبتى

ازيكم يا بنات .. خرجتوا ولا هنا ... طيب هصلى المغرب واجيلكم

[MALAK2010]

دودى:كويس انك دخلتى قبل ما اخرج علشان اطمن عملتى اية يا حبيبتى واخبار جوزك اية

[ام يحيي 2011]

لا أحنا هنا ياجميل تقبل الله مقدما ودعواتك لينا معنا

وأيه أخبار التعب

[نولارا]

احنا جينننننننننننننننننننا

[MALAK2010]

نورا:ازيك ياحبيبتى وازاى حمادة

[ام يحيي 2011]

أم أحمد العسل

يا هلا هلا

وأيه أخر أخبار الشطور أحمد

[نولارا]

ملك
وام حنين
اهلا بيكم
احمد بيسلم عليكم
وبيقولكم انا اشتريت لبس الشتاءقبلكم

[MALAK2010]

مبروك على حمادة هدوم الشتا عقبال هدوم المدرسة ان شاء الله

[MALAK2010]

انا هقوم يا بنات جوزى على وصول
دودى :هبقى ادخل تانى علشان اطمن عملتى اية

[دودى اشرف]

دودى:كويس انك دخلتى قبل ما اخرج علشان اطمن عملتى اية يا حبيبتى واخبار جوزك اية

تسلميلى حبيبة قلبى على السؤال ... ربنا يخليكم ... والله الحمدلله عملتله كمدات والسخونة نزلت شوية ... لكن مش راضى ياكل ابدااااااااااااااااا ونايم .. بس الحمدلله ... ميرسي يا قلبى

[دودى اشرف]

ام حنين تسلميلى يا حبيبتى والله نايم .. بس الحمدلله ... بس من غير اكل من ساعة راح الشغل وجه .. مش عاوز ياكل اى حاجة وتعبنى والله معاه ... سبته براحته .. ونام

[دودى اشرف]

نورا ازيك يا قمر عاملة ايه وازى السكر الصغنن ... ربنا يخليهولك حبيبتى

[دودى اشرف]

توته مبرووووووووووووووك على الشنطة .. اخيييييييييييرا لولولولولوولللللللىىىىىىىىىىىىى

انتى فييييييييييينك حبيبتى

[dr.princess]

ازيكم يا بناااااااااااات

[ام يحيي 2011]

مبروووووووك يا حماده بس أحنا شتنا قبله ربنا يخلهولك يا قمر

ربنا يعفهولك يا دودى طب معلش سبيه يرتاح البرد علاجه النوم والراحه بس بلالالالالالاش شغل عشان يبقى أحسن بأذن الله

[توتة السيد]

حبيباتي استأذنكم معلش وارجعلكم تاني سلام مؤقت

[dr.princess]

انا تقريبا كل يوم بدخل اول ما ملك تقول مع السلامة وتقفل
ايه الحظ الوحش ده

[ام يحيي 2011]

ازيكم يا بناااااااااااات



لولووللىىىىىىىىىى مش ممكن مين هنا

أزيك يا لولو عامله تسلمى على الطريقة البيتزا الكميله أوووووووووووووووى

[ماما قلقانه]

ازيكوا يا حلوين

[نولارا]

معلش يابنات كنت بذاكر شويه من اللى فاتنى
ايوشه ورنا كانوا بيسالوا
البكريه بتولد بدرى
لالالالالا البكريه بتتاخر وتكمل التاسع
انا كنت المفروض اولد 4\5 ولدت 9\5
يعنى خلصت التاسع وزودت عليه كمان
ايوشه
طبعا الطبيعى احسن من القيصرى
الطبيعى
تعب ساعه الولاده بس
القيصرى بتتعبى حوالى شهر بعدها بسبب الخياطه

[ماما قلقانه]

الف سلامه على جوزك يا دودى

[نولارا]

دودى الف سلامه على جوزك

[ماما قلقانه]

ازيك يا ام حنين .فينك من زمان

[dr.princess]

ايه ده توتة كمان هتخرج
هو انا جيت علشان اطفشكم ولا ايه ههههههههههههههه

[دودى اشرف]

لولو ازيك حبيبتى عاملة ايه انهارده وازى ودنك .. انشالله تكون بقت احسن

سمر تسلميلى حبيبتى الله يسلمك يارب .. عاملة ايه وازى النونو

توته مستنينك يا قلبى

[نولارا]

لولو انا هنا معاكى

[دودى اشرف]

ميرسى نورا تسلمى يا روحى .. ميرسى لكيم والله يا بنات معلش قلقتكم معايا ...

ام حنين هو مراحش الدوام التانى والله مش قادر ... ان شاء الله يصحى احسن .. تسلمولى كلكم ياااااااااااااااااااااارب ... ممممممممووووووواااااااااااااااااااااااااااه

[ام يحيي 2011]

أزيك يا سموره كنت تعبانه والله برد بقى الحمد لله
أنتى علمه أيه يا قمر وحشنى والله

وأيه أخبار النونو

[dr.princess]

ام حنين ازيك انا الحمدلله كويسة
ربنا يخليكى يا حبيبتى المهم ان طريقتها عجبتك

[ام يحيي 2011]

لا تسلمى يا جميل طلعت حلوه والله اول مره اعمل بيتزا فحياتى شفتى بقى ربنا يجعله فمزان حسانتك يا روحى

بتوحشنى والله ايه اخبار ودنك دلوقت

[dr.princess]

دودى ازيك يا حبيبتى
اخبار البرد اللى عند جوزك ايه ؟؟؟

[dr.princess]

ام حنين
ايه ده انتى عملتيها زى طريقتى يارب تكون عجبتك وقوليلى عملتيها بايه
والله ودنى مبهدلانى كنت هموت منها الصبح وشوية تهدى وترجع توجعنى تانى

[دودى اشرف]

الحمدلله يالولو ... احسن شوية تسلميلى يارب .. انتى ودنك عاملة ايه ؟؟

[نولارا]

ايه التجمع اللى كلوا تعبانين ده
الحق اخد ابنى واجرى ههههههههههه
سلامه ودنك يالولو

[ماما قلقانه]

والله يا ام حنين انا كمان عندى برد فظيع.الف سلامه عليكى يا قمر

[dr.princess]

نورا هههههههههههههههه خدى احمد واجرى من هنا التجمع بقى كله فيروسات
وشوفتوا الناس اللى بتخيب على كبر لسه داخله الرابع النهاردة ورجعت الصبح مش عارفة ايه الخيبة اللى انا فيها دى

[ماما قلقانه]

الف بعيد الشر عن ابنك يا نورا احنا كلنا فداء لاحمد باشا.وخصوصا انه على اسم ابنى

[ام يحيي 2011]

أيوه يا عسوله عملتها باللجبنه كان نفسى أعملها بالجمبرى بس لما أروح كرفور بقى بأذن الله نجيب جمبرى وأعملها أصلى بموووووووووووت فالجمبرى


عسل يا أم أحمد ما تخفيش التعب والبرد مش بينتقل من على النت أوعى أنتى بس تتعبى وتدبسه فيناااااااااااااااا

[نولارا]

شكرا ياماما
والف سلامه عليكى

[ماما قلقانه]

انا اكتشفت انى اكبر واحده سنا فيكوا .حد عنده اعتاض يورينى نفسه

[ماما قلقانه]

يعنى ملك 29 سنه.انا بقى 30

[دودى اشرف]

الف سلامة على احمد يا نورا ههههههههههههههههههههه ... متخفيش انا جوزى بس مش انا ههههههههههههههه

لولو لسه شوية حبيبتى على ما الوحم يروح مش بيروح اول يوم فى الرابع ههههههههههههههه .. يعنى اسبوع كدده تانى ولا حاجة بس هتلاقى الموضوع خف بس شوية عن الاول

[نولارا]

عندك كام سنه؟؟؟؟؟؟؟؟؟؟؟

[MALAK2010]

اناااااااااااااااااااااااااااارجعت يا بنات

[دودى اشرف]

سمر انا اكبر منك ههههههههههههههههههههههههههه واكبر واحدة فى التجمع .. المفروض الكل يقولى يا ابلة ههههههههههههههههههههه انا 34 ... بس لا تحسدونى هاهاهاهاهاهاهاهاها

[دودى اشرف]

ويلكام باك ملوكة حبيبتى .

[MALAK2010]

انا تقريبا كل يوم بدخل اول ما ملك تقول مع السلامة وتقفل
ايه الحظ الوحش ده


انا اللى حظى وحش يا حبيبتى بس هنعوضها النهاردة جوزى فى مشوار فقلت ادخل اكلمك مع ان ضهرى وجعنى من القاعدة عجزت ههههههههههههه

[رنا خالد]

عاملين ايه يابنات يارب تكونوا بخير
والف الف سلامه علي حماده يانورا
كنت حابه اسألك انتي ولدتي احمد في اي يوم في التاسع
اصلهم بيقولوا ان البكريه بتولد في اول التاسع صحيح الكلام ده ولا لا ؟

[ام يحيي 2011]

والله يا ام حنين انا كمان عندى برد فظيع.الف سلامه عليكى يا قمر


ألف الف ألف سلامة عليك يا جميل معلش هو دور وماشى بس أنا حاسه أنى شاربه حاجه على الصبح دماغى بتلف

وبعدين يا ستى ولا كبيرة ولا حاجه أنتى لسه شبااااااااااااااب ربنا يبركلنا فعمرك يا قمر

[MALAK2010]

دودى: ربنا يطمنك على جوزك كل شوية ادخلى بصى علية مش عاوزين نشغلك عنة ربنا يخلية ليكى بصحة وعافية

[dr.princess]

ملك حمد الله على السلامة يا قمر

[ام يحيي 2011]

أزيك يا رنا نورت والله

الصفحه نورت من جديد يا ملوكه

بس للأسف أنا كمان حبه وهمشى برده زوجى على وصول بأذن الله هتوحشونى

[MALAK2010]

ملك حمد الله على السلامة يا قمر


وحشتينى يا حبيبتى وازاى يس (ان شاء الله)عامل اية

[دودى اشرف]

تسلميلى ملك ... اه ما انا بدخله كل شوية يا حبيبتى

رنا ازيك يا قمر ... ربنا معاكى يارب

[نولارا]

لا اكبر واحده
ماشى كلنا هنسمع كلامك

[ام يحيي 2011]

يا بنات عايزه أشتكلكم حاجه بقى

أهئ أهئ أهئ





كل ما حد يشفنى يقولى أوحشتى الحمل وحشك ونفخ وشك وأنفك أعمل أيه أمال فالشهور الأخيرة هيقولولى أيه


أنا زعلالالالالالالالالالالالالالالالالالالالانه


أهئ أهئ أهئئئئئئئئئئئئئئئئئئئئئ

[MALAK2010]

لولو رجعتى النهاردة ؟؟؟؟؟؟؟؟؟؟؟
بشرة خير هههههههههههههههههه

[نولارا]

رنا معلش انا خرجت امبارح قبل ما اشوف سؤالك
انتى وايوشه
وجاوبت النهارده ا ول ما شوفته
بس هاجاوب تانى عشانك ياقمر

[MALAK2010]

ام حنين: بصى كل حاجة بتتغير فى الحمل يعنى انتى سايبة البطن اللى كبرت وخلت شكلنا رائع واحنا ماشيين وجاية على المناخير يااااااااااااااستى كل فدى النونو القمر

بس عارفة انا لسة ماحصليش اللى انتى بتقولى علية ولا حتى البطن بس قبل الجواز كنت بقول ان عمرى ما هخرج الشارع ولا هخلى حد يشوفنى وانا حامل هبقى مكسوفة لان جسمى هيبقى باين كدة مش عارفة الوقتى رايى هيتغير ولا اية ربنا يهون علينا كلنا

[ماما قلقانه]

ابقى اطمنى على ابو عمر يادودى احسن يدعى علينا علشان واخدينك منه

[نولارا]

رنا البكريه بتخلص التاسع وتزود عليه انا المفروض كنت اولد 4\5 ولدت 9\5

[رنا خالد]

ولا يهمك يانورا انا لما لقيتك مردتيش فهمت ان انتي خرجتي
معلش بلح عليكي بسؤالي اصل انا هاروح لماما بعد مايعدي اسبوعين من التاسع
وخايفه يجيلي الطلق في اول اسبوعين عشان كده حبيت اسألك

[dr.princess]

ملك
انا الحمد لله كويسة
انا رجعت فى رأيى و هسمي محمد ان شاء الله لو ولد زى ما جوزى عاوز زى الحديث اللى فيما معناه ان احسن الاسماء ما عبد وحمد
فقلت الاول يبقى محمد وان شاء الله الثانى اسميه عبدالله على اسم حمايا

وشوفتى المسخرة ده انا كنت وقفت خلاص حبوب الترجيع فلما رجعت جوزى قالى خديها تانى وهيجيبلى علبة جديدة كمان حاجة تقهر والله

[ماما قلقانه]

على فكره ياملك تقريبا انا وانتى فى نفس الشهر

[دودى اشرف]

ههههههههههههههههههه .. لا سمر متخفيش حبيبتى ... انا ببص عليه كل شوية يا عمرى

ام حنين معلش حبيبتى دى الضريبة يا قمر ... انا بقيت مكعبرة اصلا وكل متفرج على صورى قبل الجواز واول الجواز ازعلللل ... بس بقول الحمدلله انه رزقنا ومش مهم اى حاجة .. وكل واحدة حملها مختلف انا حملى جايلى فى صدرى ... مش عارفة هيروح فين تانى من كتر ما كبر ههههههههههههههههههههههههههههههههه ووزنى عمال يزيد اهىء اهىء اهىء اهىء

[نولارا]

رنا ولا الحاح ولا حاجه احنا اخوات واكتر
ماما
جميله الصوره الجديده

[dr.princess]

نورا انا باذن الله لو ربنا كتبلى انى اكمل الحمل على خير فباذن الله هولد تقريبا فى نفس الوقت اللى ولدتى فيه ويبقى احمد اكبر من نوننتى بسنة بالظبط

[رنا خالد]

طب حلو اوي واهو كل مالبيبي يقعد في بطن ماماته بيكون احسن له
وانا خليني جنب احمد لحد نص الشهر بدل ماسيبه لوحده واقفل بيتي شهر بحاله
شكرا يانورا والف سلامه علي حماده وخلي بالك لتتعدي منه انتي او باباه بعد الشر عليكوا
لحسن ده الدور ده منتشر اليومين دول ده انا ماما واختي برضه ماسكهم الدور ومطلع عنيهم

[نولارا]

رنا احمد الحمد لله مش تعبان
دا انا كنت بقول اهرب من التجمع انا وابنى قبل ماننعدى

[ماما قلقانه]

الحمدلله انها عجبتك يا نورا.على فكره انا اسمى سمر

[نولارا]

لولو انتىر دوره جتلك كانت بتاريخ كام
انا اخر دوره جاتلى قبل الحمل كانت بتاريخ 27\7

[ام يحيي 2011]

هههههههههههه أهه يا ملوك لسه بطنى ما كبرتش أوى ده أنا نفسى تكبر وأحس بيه كده أنه كبر وبقى راجل أو بقت عروسه جميله يا بنتى الحمد لله دى نعمة والله بس على الله أجوزنا ما يزهقوش مننا ولا حاجه بس أنا بقول لزوجى عشان تحس بالفرق وبحلاوة مراتك بعد الولادة لما ترجع عسوله


عندك حق والله يا أم عمرو أنا كمان صدرى كبر أوى وجوزى كل ما هو ماشى معيا يقولى أعدلى هدموك وخمارك أنتى عمله كده ليه أقوله طب أعمل أيه أروح فين يعنى مش ذنبى ههههههههههه أمال لما يبقى فيه لبن بأذن الله هنعمل أيه يلا

على الحمد لله كله عشان خاطر النونو يهوون على رأيكم

الحمد لله نعمة اللهم أحفظها من الزوال يااااااااااااااااااااارب

[نولارا]

ماشى ياسموره
وانا اسمى انوار بس نسيته بعد الدراسه
كل الناس بتقولى نورا اصل انوار برضه تقيل شويه

[dr.princess]

نولارا
ايه ده احنا اخوات ولا ايه اخر دورة كانت جايالى يوم 26/7

[MALAK2010]

ملك
انا الحمد لله كويسة
انا رجعت فى رأيى و هسمي محمد ان شاء الله لو ولد زى ما جوزى عاوز زى الحديث اللى فيما معناه ان احسن الاسماء ما عبد وحمد
فقلت الاول يبقى محمد وان شاء الله الثانى اسميه عبدالله على اسم حمايا

وشوفتى المسخرة ده انا كنت وقفت خلاص حبوب الترجيع فلما رجعت جوزى قالى خديها تانى وهيجيبلى علبة جديدة كمان حاجة تقهر والله

يا حبيبتى ربنا يقويكى بس انا اسمع اللى الوحم بتاعها صعب كدة بتبقى حامل ان شاء الله فى ولد
محمد او يس المهم انهم يجيوا بالسلامة ان شاء الله

بس عارفة الحمد لله ان الموضة بتاعت تسمية المولود على اسم الاب دى مش عندى الحمد لله اصل اسم حمايا مش بحبة ابدااااااااااااااااااااااااااااااا والغريب ان اسم جوزى اسم مدلع هيركب علية الاسم دة ازاااااااااااااى ههههههههههههههههههه

[MALAK2010]

على فكره ياملك تقريبا انا وانتى فى نفس الشهر

ربنا يقومنا بالسلامة
احنا برضة معانا سمية بس مش عارفة مختفية لية يارب تكون بخير

[ماما قلقانه]

شهد جت من الدرس دلوقتى واسمعوا يا جماعه احدت ايه.هل رايت البقرة يا حسن.نعم رايتها وهى تاكل البرسيم وبجانبها ولدها يرضع

[نولارا]

لولو يلا بقى بالمره قولى انك اتجوزتى يوم 3\ 7
شهر 7 عشان اللخبطه
ملك
على فكره انتى هربتى وما كملتيش حكايتك انتى وجوزك
بنات
هى سميه راحت فيين باقلها كتير مش بتبان

[رنا خالد]

معلش يانورا كنت بحسبه تعبان بس الحمد لله انه مش تعبان ياقمر وربنا يخليهولك انتي وباباه وتشوفيه عريس بالبدله وجنبه عروسته وتبقي جده كمان ههههههه
انا هادخل دلوقتي اصلي المغرب واعمل الاكل
انا هاعمل النهارده رز اسكندراني وسمك فيليه اتفضلوا معايا
واول ماخلص الاكل هاجي نكمل كلامنا سلام مؤقت

[نولارا]

ملك
كنت لسه انا كمان بسال عن سميه
توارد خواطر ههههههه

[MALAK2010]

نورا بس انا حكايتى طويلة وانا لكاكة وهتزهقوا

[dr.princess]

ملك
انا اللى حابة اسمى الولد التانى على اسم حمايا ( عبدالله )هو فى غالب الاوقات كويس معايا مش جوزى هو اللى عايز ولا حاجة وانا قلت افرحه يعنى محدش من بناته سماه وكمان جوزى ولد وحيد على بنتين انتى عارفة اللى هيتسمى على اسمه ده بيبقى ليه غلاوة كده بس لو كان اسمه وحش مكنتش عبرته ههههههههههههههههههه والحمد لله جوزى اسمه احمد فيقبل كل الاسماء عليه

[dr.princess]

نورا هههههههههههههههه لالالا انا اتجوزت 26/3
بس عايزة اسئلك لو فاكرة يعنى دكتورتك كانت قايلالك كل يوم كام بتبدأى شهر جديد اصل الدكتورة بتاعتى كل مرة بكلام مختلف

[MALAK2010]

ملك
انا اللى حابة اسمى الولد التانى على اسم حمايا ( عبدالله )هو فى غالب الاوقات كويس معايا مش جوزى هو اللى عايز ولا حاجة وانا قلت افرحه يعنى محدش من بناته سماه وكمان جوزى ولد وحيد على بنتين انتى عارفة اللى هيتسمى على اسمه ده بيبقى ليه غلاوة كده بس لو كان اسمه وحش مكنتش عبرته ههههههههههههههههههه والحمد لله جوزى اسمه احمد فيقبل كل الاسماء عليه


ههههههههههههههههههه
طيب يا قمر كملى جميلك وسمى الطفل الاول عبد الله خلينا فى اللى فى ايدينا
حلاوتها اكتر انه يكون الكبير ولا اية هههههههههههههههههه

[dr.princess]

صح فعلا يا بنات سمية بقالها يومين ماشوفنهاش امبارح كانت على بالى بس نسيت اسئل عليها
ياااااااارب يبقى خير ان شاء الله

[نولارا]

لولو
انا كنت تابعت اول كام شهر عند دكتوره ما عجبتنيش ولا نظامها عجبنى
وكانت برضه ملخبطانى
فقررت انى كل يوم 4 بخلص شهر وخلاص
اصل انا دماغ لوحدى هههههههههه

[dr.princess]

ملك عندك حق برده
بس جوزى عايز الاول يسمى محمد ومصمم عليه من زمااااان ولما اجى اتكلم ( كنت بقوله نسمى على انا بحب الاسم ده اوى) يقولى الاول محمد وبعدين سمى اللى انتى عايزاه هو بيقولى ان فى حديث فيما معناه ان اللى يسمى محمد بس حبا فى الحبيب عليه الصلاة والسلام بيبقى ليه ثواب كبير ده كمان بيقولى لو اعرف اسميهم كلهم محمد متأخرش
اهو احنا كده لو قلنا 100 اسم ولد كلهم بيعجبونا احنا الاتنين واول ما بنتكلم فى اسماء البنات نبدأ نتخانق ههههههههههههههه
اقولكم جوزى عايز يسمى لو بنت ايه ؟؟

[MALAK2010]

اييييييييييييييييييييييييييية

[dr.princess]

معلشى يا بناااات استأذن منكم شوية اكلم ماما لانى مكلمتهاش امبارح

[MALAK2010]

لولو:طيب يا حبيبتى بس ماقولتيش جوزك عاوز يسمى اية

[نولارا]

ملك
بطلى هرررررررررروب وكملى القصه
احسن اجى اعضك

[MALAK2010]

ولا عض ولا غيرة عارفة انا يومها كنت كتبتها بس لولا ظروف سمية
فسيفتها على الجهاز لانى ماقدرش اكتب تانى ههههههههههههههههههههههه

ماشى يا ستى نكمل الجزء التانى

فى يوم كنا بنتغدى انا وماما لقيت اتصال من خالة جوزى بتتقدم لى وجوزى كان فى الامارات مش فى مصر
ماما اتفاجات جدا لان عمرها ما لمحت
وجوزى اصلا ماكنش مصرح لحد يدوبك من كتر حبة اللى كتمة فى قلبة يتكلم عن اخلاقى وبس

ماما خلصت معاها التليفون وراحت تقولى قلتلها مين دة قالتلى فلان الفلانى ههههههههه
اغرب رد عمرى ما هنساة (قلتلها لا لا دة مش بستظرفة)(معلش يا حبيبى بس بعترف للبنات هههههه)

ماما قالتلى ازاى يعنى قلتلها ماعرفش بس من صغرى وانا واخدة الانطباع دة عنة (وانا اصلا عمرى ماحصل موقف يجمعنى بية بس انطباع وخلاص)

المهم ماما شافت انة مش مبرر

ونسيت الحكاية لقيت مامتة بتتصل بالليل فى نفس اليوم وعاوزة الرد
بصراحة هم ناس الحمد لله كويسين اوى واحنا نعرفهم جدا فهنسال عنهم طبعا لا

فصليت استخارة وحسيت انىمرتاحة الحمد لله
على فكرة انا كانت بتجينى حالة غريبة لما حد يتقدم ليا كنت بفضل اعييييييييييييييييييييييييط حتى ماما تقولى المفروض اى واحدة بيجيلها عريس تبقى مبسوطة حتى لو رفضتة انا كنت بخاف وبقلق

بس المرة دى كنت مبسوطة وماعيطش الحمد لله نصيبى طبعا

مامتة جت علشان تتعرف عليا كنت مكسووووووووووووفة اووووووووووى ووشى احمر جت هى واختة وخالت جوزى الوسيط

المهم دخلت وطبعا ولا عصير ولامسكت حاجة بايدى انا اصلا صوتى ماكنش بيطلع من الكسوف

وبعدين لقيت جوزى بيتصل على موبايل مامتة وعاوز يكلم ماما وبعد ما كلم ماما قالها ممكن اكلم العروسة(اية الجرءة دى)ماما ازبهلت وبتعطينى الموبايل من غير ما تكلمنى(نايمة تنويم مغناطيسى هههههه)
ماردتش اخد الموبايل كلهم قالولى اتكلمى اية يعنى قلت لا (دماغ نشفة) المهم مامتة قالتلى اتكلمى بس قولى سلام عليكم

اخدت الموبايل وانا مكسوفة ماتكلمتش لقيتة بيقولى (ازيك انا كنت محضر كلام كتيييييييييييير علشان قولة لكى بس مش فاكر ولا كلمة بس لما اجيلك هقولك كل اللى جوايا )

عطيت الموبايل لاختة من غير كلام هههههههههههه
بس بصراحة المكالمة دى فرقت معايا كتير فعلا لما يكون فى نصيب ربنا يوفق بالصوت كمان من غير حتى ما اشوفة

المهم كان لسة كام يوم وينزل مصر فكان عاوز يعرف الرد قبل ماينزل
ويوم مانزل مصر كان الفجر جة فى نفس اليوم هو واهلة واتقريت فاتحتى من غير ما ادخل ولا اشوفة عميانى ههههههههههههههههه

وبعدين دخلت ماقولكوش كنت مكسوفة وبصة فى الارض سلمت عليهم كلهم الا هو وزى ماقلت قبل كدة قعدت بينى وبينة كرسى وكنت عاملة الطرحة خيمة ههههه هو عاوز يشوفنى تخيلوا السنين دى كلها ماشفنيش فوطى وميل نحيتى بكل فرحة (عمرى ماهنسى فرحة عنية ماشاء الله) وبيقولى مبروك

بس باباة مشى وهو هيقعد شوية سلمت على باباة ودخلت جوة علطول وقف فى الصالون يقول لاخويا مشت لية ههههههههههههه
المهم الحمد لله عرفت انة بيحبنى طول السنين دى وكان عاوز يرتبط بيا بس انا اللى منحوسة وكل شوية يحصل ظروف اسخف من اللى قبلها كل شئ بميعاد

كانت اجازتة 18 يوم بس جبنا الشبكة وعملنا حفلة عائلية صغيرة انا ماكنتش عاوزة حفلات وبعدين صمم يكتب الكتاب انا بصراحة كنت قلقانة اووووووووووووى بس هو كان يقول انا مصدقت انى وصلت للخطوة دى انا عاوز اكتب الكتاب علشان اضمن ههههههههههههههههه
وفعلا كتبنا الكتاب ويومها دخل عليا باجمل بوكية ورد احمر


وكفاية كدة انا حاسة انى اتكلمت كتيييييييييييييييييييييييييييييييير وتفاصيل كتير بس حبيت اختصر مش عارفة بس فى حاجات سيباها انا احداثى كتييييييييييييييييييييرة

[دودى اشرف]

ربنا يسعدك ياملك يا حبيبتى يارب ويجعله زوج الدنيا والاخرة ان شاء الله وتفرحوا بالنونو الصغنن ان شاءالله .... والله فعلا كل شىء نصيييييييييييييييب ومهما الواحد عمل مش بياخد غير اللى مكتوبله وبسسسسسس ... ربنا يوفقك حبيبتى ويخليكوا لبعض

[MALAK2010]

ربنا يسعدك ياملك يا حبيبتى يارب ويجعله زوج الدنيا والاخرة ان شاء الله وتفرحوا بالنونو الصغنن ان شاءالله .... والله فعلا كل شىء نصيييييييييييييييب ومهما الواحد عمل مش بياخد غير اللى مكتوبله وبسسسسسس ... ربنا يوفقك حبيبتى ويخليكوا لبعض

تسلميلى يا حبيبتى بس انا لكاكة اووووووووووووووى صح هههههههههههه

[MALAK2010]

هى نورا فين قعدت تقول هرابة هرابة وبعدين هى اللى هربت
هى الحكاية وحشة اوى كدة ولا اية ههههههههههههههههه

[دودى اشرف]

ههههههههههههههههههههههه .. لا يا حبيبتى ... اصلا الواحد لما بيكون حابب حاجة اوى بيحب يتكلم عنها طول الوقت واطول وقت ممكن ... ربنا يسعدك يا رب يا حبيبتى ... انا حاسة باحساسك

[دودى اشرف]

ههههههههههههههههههههههههههههه .. تلاقى احمد عمل شقاوة ولا حاجة او جوزها اكيد وصل لو كانت خرجت هههههههههههههههههه

[MALAK2010]

دودى:جوزك عامل اية الوقتى الحرارة نزلت

[MALAK2010]

انا لوحدى هنا ولا اية اهئ اهئ

[دودى اشرف]

انا هنااااا يا حبيبتى ... الحمدلله والله بتنزل وبتطلع .. ونايم ومش راضى ياكل ابدا

[MALAK2010]

خلاص طالما مش عاوز ياكل بس لازم سوايل
وبعدين لازم يكون عندك فى البيت صيدلية صغيرة فيها دوا الصداع والحرارة والمغص والاسهال سورى ومضاد حيوى وحاجات من دى يعنى بدل ماتحتاجى وماتعرفيش تجيبى زى النهاردة
انا عندى دورج كامل من الدوا ربنا يعافينا

[دودى اشرف]

والله هو دماغه ناشفة .. عملاله من بدرى من ساعة مل كلمتكم الفراخ والرز وقلتله احطله شوربة ورز علشان ياخد البرشامة اللى بياخدها مش راضى ابدا ... والله فعلا عاوزة ابقى اعمل حسابى على كده بس هو يرضى .. قلتله انزل اجبلك حاجة من الصيدلية قالى لا وحسيت انى مملة والله من كتر زنى فاقلى سيبينى انام بس وانا هقوم لوحدى فا كل شوية بس ببص عليه

[MALAK2010]

الواحد لما بيكون عيان وبالذات السخونية مش بيبقى عاوز ياكل ولا يحط حاجة فى بؤة وبيبقى الجسم تعبان وعاوز ينااااااااااااااااام

[دودى اشرف]

يعنى هيفضل كده من غير اكل .. انا كمان والله مكلت بس علشان الحلفان اكلت شوية كوسة بس قلت ما على ميقوم وناكل سوا علشان اشجعه

[دودى اشرف]

مامتك عاملة ايه .. اتعلمت تنزل ويندوز ولا لسه ههههههههههههههههههههههه

[MALAK2010]

عارفة لما بيكون حد تعبان فى البيت بيبقى البيت كئييييييييييييب
عارفة ماما لما كانت بتتعب كنت بنيمها فى الصالة وبجيبلها الغطى علشان تفضل فى وسطنا لان البيت بيبقى صعب اوووووووووووووووووى

[MALAK2010]

مامتك عاملة ايه .. اتعلمت تنزل ويندوز ولا لسه ههههههههههههههههههههههه

لا لسة ههههههههههههههههه اللى حواليها خايبين مش عارفين يعلموها

[دودى اشرف]

اه طبعا خصوصا الناس القريبين مننا اوى ... زى الام او الاب او الزوج والله واى حد عزيز عليكى ... بس فعلا حاسة ان البيت وحش مع انه موجود وانا زى كل يوم لوحدى برضه .. لكن يومى مش عادى ربنا يشفى كل مريض يارب ,, ويخللنا كل اللى بنحبهم

[دودى اشرف]

بس مامتك شكلها طموحة ههههههههههههههههههه .. هتتعلم ان شاء الله باى طريقة

[دودى اشرف]

انتى مشتغلتيش خالص بعد الجامعة يا ملوكة .. ولا اتجوزتى على طول؟؟؟

[dr.princess]

انا رجعت
ملك قصتك حلوة اوى ما شاء الله والحمد لله ان الموضوع مشى بسرعة اوى زى حالاتى ربنا يكتبلكم الخير يااااااااااارب

دودى ملك معاها حق لازم يبقى عندك دواء للحاجات البسيطة دى علشان ماتحتاسيش وقتها وربنا يشفيه ويعافيه ان شاء الله

[MALAK2010]

اخيرا رجعتى يا لولو
بقولكم يا بنات الدكتورة بتقولى ماتقعديش بزاوية 90 مش عارفة افهمكم هى قالت اية بس هحاول قالتلى اقعدى لورى بس انا بتعب اوى من القعدة من ايام المذاكرة(دة اللى اختة من ورا المذاكرة هههههه) فقرات ضهرى من تحت بتوجعنى وخايفة يجيلى الحاجات اللى بسمع عنها هههه ربنا يستر

[dr.princess]

حبايبى جوزى اتفق مع الناس اللى هييجوا ينقلوا العفش
وباذن الله هننقل الجمعة ان شاء الله على خير
فغالبا بكرة هيبقى اخر يوم ليا معاكم لحد ما النت يرجع تانى بس لو قدرت ادخل وقت صلاة الجمعة هافتح واكلمكم ان شاء الله

[دودى اشرف]

تسلميلى يا لولو ... يا جماعة والله انا تعبتكم ودوشتكم انهارده بتعب جوزى ... معلشششششششششششش

[MALAK2010]

تسلميلى يا لولو ... يا جماعة والله انا تعبتكم ودوشتكم انهارده بتعب جوزى ... معلشششششششششششش

ماتقوليش كدة احنا اخوات وبعدين احنا عملنا اية

[دودى اشرف]

ربنا يعافيك يا حبيبتى من اى حاجة وحشة ... ان شاء الله ميحصلش حاجة .. بس انا مش فاهمة برضه القاعدة ايه

لولو مبروك يا حبيبتى .. يعنى انتى وتوته كده فى يوم واحد تسبونا ... ربنا يوفقكم يارب

[MALAK2010]

حبايبى جوزى اتفق مع الناس اللى هييجوا ينقلوا العفش
وباذن الله هننقل الجمعة ان شاء الله على خير
فغالبا بكرة هيبقى اخر يوم ليا معاكم لحد ما النت يرجع تانى بس لو قدرت ادخل وقت صلاة الجمعة هافتح واكلمكم ان شاء الله


هتوحشينى اووووووووووى يا لولو

[دودى اشرف]

ماتقوليش كدة احنا اخوات وبعدين احنا عملنا اية

اكيد طبعا يا حبيبتى احلى اخوات ... ميرسى يا قمر .. كفاية سؤالكم واهتمامكم بجد والله ده بيفرق على فكرة .. مقلتليش يا قمر اشتغلتى بعد التخرج ولا اتجوزتى على طول ؟؟hwaml7

[dr.princess]

انا حاسة اللى بتقولى عليه ده يا ملك الوجع ده كتيييير بيبقى معايا ان ماكنش طول الوقت
ماما برده بتقولى ماتقعديش كتير اقعدى شوية ونامى شوية فانا بقيت بحط الللاب توب على الارض واقعد وانام جنبه هقولك سر خطير انا معنديش هنا ولا كرسى فى البيت مسخرة فعلا يعنى ههههههههههههه علشان المساحة صغيرة جوزى كان جايب كرسى من اللى بيتفتح ويتقفل ده مش عارفه عارفينه ولالا دايما بيبقى مع الحجاج والمعتمرين بيصلوا بيه فى الحرم المهم هو زى صفيح كده ولا حديد مش عارفة واول اسبوعين فى الحمل وقعت بيه واتكسر تقريبا حس ان التقل زاد ههههههههههههههه الحمد لله ربنا ستر ومحصلش حاجة وحشة بس عملى بقعتين زرق حلوين كده فى ايدى ورجلى

[MALAK2010]

دودى:تقعدى بس ضهرك ترجعية على ورا علشان ماتضغطيش على بطنك بس انا تعبانة اوى من القعدة دى

[dr.princess]

اه صحيح ده هيبقى انا وتوتة مع بعض فى نفس اليوم
يللا بقى خبطتين فى الراس توجع هههههههههههه

[دودى اشرف]

دودى:تقعدى بس ضهرك ترجعية على ورا علشان ماتضغطيش على بطنك بس انا تعبانة اوى من القعدة دى

ااااااااااه .. بس انتى يا حبيبتى لازم تفردى ظهرك كتير الفترة دى ... متحاوليش توطى ولا تعملى حركة فجائية او سريعة ... حاولى تريحى ظهرك على اد ما تقدرى

لولو الف سلامة عليكى هههههههههههههه .. معلش .. انا برضه فى اول تلات شهور اخدت هدر واتزحلقت فى الحمام على ظهرى .. بس الحمدلله برضه ربنا ستر وكنت خايفة اوى بس لحقت امسك فى الحوض وده مخلاش الواقعة الحمدلله تبقى جامدة ههههههههههههههههههههههههههههه

[MALAK2010]

لولو:ان شاء الله دى فترة وهتتغير والحمد لله غيرتى السكن لسكن احلى وان شاء الله هتجيبى كل اللى عاوزينة وتبقى احلى حاجة فى الدنيا

انتى عارفة انا ساعات اقعد اقول وانا اية اللى يتعبنى كدة وانا عندى احلى شقة واحلى عفش واحلى مطبخ (طبعا من وجهة نظرى هههههه)الحمد لله فى مصر
بس دة حال الدنيا

[MALAK2010]

دودى:معملش حركات مفاجئو ولا اوطى ليييييييييييييية اية اللى هيحصل بس براحة عليا لانى قلقانة خلقة هههههههه

[دودى اشرف]

اه صحيح ده هيبقى انا وتوتة مع بعض فى نفس اليوم
يللا بقى خبطتين فى الراس توجع هههههههههههه


اه شفتى بقى الحظ ... بس بجد هتوحشونا كتييييييييير وهنفتقدكم جداااااااااااااااااااااااا .. ترجعلنا بالسلامة ان شاء الله ... انتوا من رموز هذا التجمع ههههههههههههههههههههههههههه hwaml7hwaml7

[dr.princess]

ملك والله عندك حق
وانا الحمد لله فى مصر جيبت اللى نفسى فيه سواء جهازى او جهاز جوزى ( الا الكرسى الهزاز كان نفسى فيه وحمايا ضحك عليا وماجابوش هههههههههههههههه ) بس على احجام مصغرة اصل الشقة ضيقة جدا هههههههههههههههه
وان شاء الله فى الشقة الجديدة اجيب كرسى براحتى ههههههههههههههههه الحمد لله فى اوضة تانية غير اوضة النوم هنعملها زى صالة كده

وانتى كمان هتوحشينى اوى والله

[دودى اشرف]

هههههههههههههههههه ... ملك متقلقيش يا حبيبتى .... بس التوطيه بيقولو غلط فى اول الحمل وكمان قالولى متقفيش قدام الفرن وهو مفتوح كتير ولا اوطى ولا امشى كتير وكمان مشربش حاجات سخنة اوى اسيبها تبرد شوية علشان تجمع الدم يعنى ههههههههههههههه انا بقول الكلام اللى كان بيتقالى وكله قالوااااااااااااا .. بس ربك بيسترها والله .. انا كنت بوطى برضه لكن للضرورة .. وكنت بسيب الحاجة تبرد علشان اشربها مع انها مش عادتى .. كنت بعمل بالنصايح وخلاص لانى مكنتش متابعة مع حد فا كنت باخد معلوماتى من المجرب والنت ههههههههههههههههههههههه

[MALAK2010]

لولو :هى الشقق عنكم اوض مفيش صالة يعنى الشقة الجديدة اوضتين من غير صالة مش فاهمة
انا اعرف الشقة اوضو بس
او اوضة وصالة اما اوضتين من غير صالة جديدة دى

[dr.princess]

ملك انا فعلا ماما قالتلى بلاش الحركات المفاجئة ولا انى اوطى كتير لسه من ربع ساعة بتقولى وانتى بتوضبى الحاجات ماتوطيش كتير
انتى عارفة لو حبيت انضف حاجة ولا كده بقعد وانا بنضفها سواء كان فى الحمام ولا فى المطبخ
بس انا اللى عاملى مشكلة انى بعطس بشكل مبالغ فيه من غير مايكون عندى برد ولا حاجة ومش عارفة من ايه بس ده من اول ماجيت هنا مش اليومين دول بس بس لما بعطس بقى اقول الحمد لله واحسس كده على بطنى كأنى بقوله معلشى ياعين امك ازعجتك ههههههههههههههههه

[dr.princess]

اه الشقة اوضتين بس ومطبخ وحمام فهنعمل واحدة اوضة نوم ونعمل التانية صالة
فى شقق بتبقى تصميمها اوض وصالة او اتنين وفى اوض بيتبقى اوض بس وانتى حرة تظبطيها ازاى

[MALAK2010]

ربنا يستر ويكملنا على خير
عارفين ماما بتقولى من كتر مابحكيلها على القصص الغريبة فى الحمل اللى موجودة على النت وبقلق اكتر واكتر تقولى اقفلى النت بقا ارحميييييييييييييييييييييييييييينى

[دودى اشرف]

ملك دى نصائح للحمل فى الشهور الاولى وبرضه التوطية غلط لينا كلنا اصلا وربنا هو الستار

نصائح للحامل فى الشهور الاولي
نفسية الحامل و سلوكها مرآة تعكس ما بداخلها من اضطرابات هرمونية لوجود كائن جديد في بطنها فالاضطرابات الهضمية كالغثيان و القيء و اللعاب و الاضطرابات النفسية مثل : تغير المزاج و الشهية و غيرها ,, كل ذلك يجعل من الحامل إنسان رقيق المشاعر لذلك يجب التعامل معها و معاشرتها بهدوء و صبر و كذلك يجب رعايتها في الشهرين الأخيرين تحسباً للولادة قبل الميعاد
.
للحامل في الشهور الثلاثة الأولى ننصح بما يلي :

1: امتنعي عن تناول الأدوية مهما كانت الأسباب لإنها يمكن أن تشوه الجنين .
2: امتنعي عن الحمضيات ( ليمون ، برتقال ، مخلل ، خوخ ، تمر هندي ) .
3: يجب الإقلال من تناول المنبهات كالشاي و القهوة و البهارات.
4: عدد وجبات الطعام ( 4-5 مرات ) لكن كل وجبة قليلة المقدار .
5: امتنعي عن السفر قدر الإمكان ، وإذا كان لابد من ذلك فتجنبي الطرقات الوعرة .
6: لا تلبسي حذاء ذا كعب عال ، لإنه يضر بالعمود الفقري و يؤهب للإجهاض .
7: لا تنظري إلى أفلام الرعب أو المناظر المؤذية أو إلى الأشخاص المشوهين و المعوقين .
8: تجنبي الاستحمام بالماء الحار أو البارد ، و يستحسن الماء الفاتر ، ويجب أن تكون مدة الاستحمام قصيرة لا تزيد على ربع ساعة و ينشف الجلد مباشرة .
9: تجنبي الجلوس في وضع القرفصاء أو الوقوف لفترة طويلة .
10: تجنبي التعب و الأعمال المرهقة .
11: لا تلبسي سراويل ضيقة أو مشدات طبية .
12: لا تلبسي جوارب ذات تثبيت من المطاط الدائري الضاغطة لإنها تعيق رجوع الدم و تسبب الدوالي في الطرفين السفليين .
13: تجنبي التدخين و الجلوس في أماكن مغلقة فيها مدخنون .
14: إذا كنت تمارسين الرياضة فتجنبيها خلال هذه الشهور الثلاثة الأولى .
15: لا ينصح بالبقاء مدة طويلة تحت جهاز تجفيف الشعر .
16: يجب تفادي البقاء في وضع الوقوف ساعات طويلة بالمنزل حتى لا تثقل الساقان كما يجب تجنب رفع الأثقال من الأرض أو رفع الأطفال أو حملهم بين الذراعين أو دفع شيء ثقيل للأمام .
17: إياك و الانفعالات النفسية الشديدة لإنها قد تسبب انفكاك المشيمة قبل أوانها في الشهور الأخيرة .
18: اطلبي من طبيب أن يجري لك فحص بولي للتأكد من خلوة من الذلال ، و فحص الضغط كل 15 يوم

[دودى اشرف]

ربنا يستر ويكملنا على خير
عارفين ماما بتقولى من كتر مابحكيلها على القصص الغريبة فى الحمل اللى موجودة على النت وبقلق اكتر واكتر تقولى اقفلى النت بقا ارحميييييييييييييييييييييييييييينى
ههههههههههههههههههههههههههههه .. انا كمان اشرف كان بيقولى كده لانى كنت قاعدة 24 ساعة فاتحة معلومات عن الحمل وكنت بشوف برضه قصص واكتئب ... قالى بطلى تقرى ومتفتحيش حاجة تانى ههههههههههههههههههه hwaml02

[dr.princess]

دودى هههههههههههههههه طبعا احنا من عماويد التجميع مش بس رموز التجمع هههههههههههههههه

[MALAK2010]

تسلميلى يا دودى بس الليمون والبرتقال ممنوعين لية
انا اول امبارح كان عندى غثيان فظيع ماهدتش الا لما عملت عصير ليمون وشربتة وانا بشرب برتقال عادى

[MALAK2010]

انا جوزى قرب يوصل هخرج فجاه اعملوا حسابكم ههههههههههههههههه

[dr.princess]

لالالا بالعكس الليمون والبرتقال كله فوايد وفيتامين c وبيحمى من البرد
وبتهيألى مفيش منه قلق ابدا

[MALAK2010]

جوزى جة سلام

[dr.princess]

ماشى يا ملك مع السلامة حبيبتى

[دودى اشرف]

حبيبتى مش هيحصل حاجة ان شاء الله مش من مرة تقريبا بس الكثرة منهم بيقولوا بلاش .. بس اعتقد علشان الليمون والبرتقال حمض وعلشان الحموضة لكن مش متأكده طبعا وفى حاجات بتتجنبيها فى الشهور الاولى بس وبعد كده خلاص بس من غير متكترى فيها برضه ... زى الشاى والقهوة بيقولوا لو بتشربيهم بكثترة يبقى فنجان واحد بس فى اليوم وهكذا ... والله انا كنت كيفية شاى وبطلته فى الشهور الاولى ولحد دلوقتى كل فييييين وفيييييييييين لما بشرب فنجان ... الجزر برضه قاله علشان فيتامين أ والكبده كمان فيها فيتامين أ ... فا كنت برضه مش باكلهم لكن بقيت اكلى جزرة او تنين كده على الماشى هههههههههههههههههههه .. اللى عاوزة اقولهولك انتى بس خليكى فى السليم فى الشهور الاولى على اد متقدرى لحد ما يعدوا على خير ان شاء الله وتوكلى على الله

[دودى اشرف]

سلام ياملوكة .. نشوفك على خير حبيبتى

[دودى اشرف]

لولو هستأذنك اصلى العشا واجيلك .. سلام مؤقت حبيبتى

[dr.princess]

دودى تقبل الله حبيبتى
مستنياكى

[توتة 100]

السلام عليكم ورحمة الله وبركاته
انا عضوة جديدة معاكم هنا واتشرف بوجودى معاكم
انا لسة مسجلة
وحبيت اسال اصحاب الخبرة عن حاجة قلقانى اوى
اناحامل فى نص الخامس وبقالى تقريبا اربع ايام عندى اسهال ومغص هو ده فيه خطر على الحمل وحد عنده فكرة ازاى ممكن اوقف الاسهال ده
وجزاكم الله خيرا مقدما

[توتة السيد]

السلام عليكم ورحمة الله وبركاته
انا عضوة جديدة معاكم هنا واتشرف بوجودى معاكم
انا لسة مسجلة
وحبيت اسال اصحاب الخبرة عن حاجة قلقانى اوى
اناحامل فى نص الخامس وبقالى تقريبا اربع ايام عندى اسهال ومغص هو ده فيه خطر على الحمل وحد عنده فكرة ازاى ممكن اوقف الاسهال ده
وجزاكم الله خيرا مقدما

وعليكي السلام والرحمة ياتوتة احنا اصحلب في الاسم وهنبقي اصحاب ان شاء الله

ربي يحفظك ويقومك بالف سلامة هو الاسهال متعب ومش حلو في الحمل انتي اشربي عصير جوافة كتير وكولي موز كمان دول بيخففوا الاسهال وماتقلقيش ياقلبي ربي يحفظك ويحفظ لك النونو ياجميل

[توتة السيد]

ازيكم ياحلوات وحشتوووووووووووووووووووووووووووني كتييير

[بقلظة]

hwaml03hwaml03hwaml03

[توتة السيد]

دودي حبي الغالي عاملة ايه اخبار حمي بنتي ايه يارب يكون بالف خير خفت السخونة شوية واكل ولا لسه الف سلامة عليه حبيبتي وماتقربيش ليه كتير لحسن تتعدي ياقلبي النزلة بتبقي رخمة جدا وعلشان عريسنا الجميل

[توتة السيد]

ما هو سبب الاندهاش يابقلظة ههههههههههههههه

[dr.princess]

توتة 100 اهلا بيكى معانا واحنا كمان نتشرف بوجودك معانا
عايزة اقولك انتى ثالث واحدة معانا يبقى اسمها توتة ربنا يزيد ويبارك
بالنسبة لسؤالك ماما دايما تقولى حاولى بلاش يبقى عندك امساك ولا اسهال
وبالنسبة ليا انا غالبا ببقى عارفة لو جالى اسهال بيجيلى من اكل ايه بالظبط فحاولى لو انتى عارفة كلتى ايه عملك اسهال ومغص انك تبعدى عنه
ولو بالنسبة للحاجات الطبيعية اللى اعرفه ان الجوافة بتعمل امساك فممكن لو لقيتيها تاخديها توقف الاسهال بس متكتريش علشان متعملش امساك او ممكن تشربى شاى او قهوة لنفس السبب بس برده متكتريش علشان البيبى او ممكن تاكلى حاجات فيها الياف

[توتة السيد]

برنسيس ولولو الغالية عاملة ايه ياقلبي دخلتي الرابع وبرضه

بترجعي معلش حبيبتي هيروح فات الكتير

[dr.princess]

توتة حمد الله بالسلامة انتى فين من بدرى
دودو قفلت تقريبا من ساعة واكتر علشان تروح تصلى العشاء بس غالبا شكلها نسيت وراحت تصلى التراويح ههههههههههههه

[dr.princess]

اه شوفتى يا توتة
غالبا لانى اخدت دواء كتير امبارح من وجع ودنى
اخدت مضاد حيوى وبنادول ومرتحتش فجوزى قالى بعد مافطرنا خدى واحدة بنادول تانية علشان ترتاحى واول ما اخدتها بتهيألى اصلا ماوصلتش لزورى لسه جررررى على الحمام ورجعت اللى فطرته يللا الحمدلله على كل حال

[توتة 100]

شكرا اوى على اهتمامكم والله انتو اخوات بجد
بس انا بقالى تقريبا الاربع ايام دول باكل جوافة والاسهال بيزيد
المهم انا اتصلت بالدكتورة دلوقتى وقالتلى خدى دوا اسمه انتينال حد سمع عنه قبل كده

[دودى اشرف]

دودى تقبل الله حبيبتى
مستنياكى


معلش يا لولو اتأخرت عليكى علشان صحيت اشرف بالعافية علشان ياكل وعلى ما خصلت يا قمر

قوليلى هى الدكتورة كتبتلك على حديد من الشهر ده ... صح؟؟

[dr.princess]

اه يا حبيبتى انتينال ده مطهر معوى وما شاء الله فعال جدا انا كنت باخده وانا فى مصر
انتى اكلتى حاجة من بره من حتة مش نضيفة ممكن تكون هى اللى عملتلك المغص والاسهال ده او ممكن تكونى كلتى خضروات من غير ما تغسليها كويس ولا ايه السبب ؟؟؟