دردشة حوامل مصر - دردشة بنات مصر - تجمع حوامل مصر [الأرشيف] - الصفحة 64

MALAK2010

12-30-2010, 05:20 PM

من امبارح كان عندها مغص زى البريود وراحت المستشفى النهاردة والدكتورة طمنتها وعطيتها مسكنات وقالتلها لو تعبتى تانى تعالى
فمش عارفة هى اتحسنت على الدوا ولا اية ربنا يشفيها ويطمنا عليها

somia

12-30-2010, 05:20 PM

ابويا متخانق معايا على اني اقولهم بقاله كثير وانا خايفة لو استنيت عن كده ابويا يعمل فيا حاجة

somia

12-30-2010, 05:22 PM

ربنا يسترها معاها يا رب ... عارفة يا بنتي انا عندي المغص ده بقالي حوالي أسبوع وممكن يصحيني من النوم من كثر الألم

MALAK2010

12-30-2010, 05:28 PM

اذا كان عندك المغص دة روحى للدكتورة
احنا ماعندناش خبرة روحى اعرفى دة من اية وربنا يشفيكى

ربنا يشفى باباكى وعمك وطالما باباكى عاوزك تقوليلهم قولى وربنا هو الحافظ

MALAK2010

12-30-2010, 05:30 PM

انا مش هخوفك يا سمية بس الدكتورة شافت البيبى فى السونار واطمنت علية وبعدها كشفت من تحت علشان تتاكد ان الرحم مقفول
والحمدد لله لقيتة مقفول
فانتى تروحى علشان المغص دة لة كذا سبب وربنا يطمنا عليكى

MALAK2010

12-30-2010, 05:48 PM

انا خارجة الوقتى يا جميل لان جوزى جة واذا رحتى للدكتورة ابقى طمنينى

dr.princess

12-30-2010, 06:36 PM

شكرا يا ملك على سؤالك
انا الحمدلله احسن الوجع لسه موجود بس اخف من قبل كده الحمدلله
الدواء الثالث اللى قلتلك عليه اخدته طلع لتهدئة الرحم من التقلصات
ربنا يستر ويعدى الموضوع ده على خير
دعواااااااتك

somia

12-30-2010, 07:28 PM

السلام عليكم ورحمة الله وبركاته ..
حد هنا؟؟؟؟

somia

12-30-2010, 07:37 PM

ملك الماتش اشتغل بقاله نص ساعة ... انتي فيييييييييييين؟؟؟

somia

12-30-2010, 08:08 PM

يا جماعة انتوا فيييين؟؟؟

somia

12-30-2010, 08:43 PM

لو حد دخل انا موجوده يكتب رد بس وهيلاقيني معاه علطول

رنا خالد

12-30-2010, 10:45 PM

سميه وحشتيني اوي والله فينك غايبه عننا ليه كده

somia

12-30-2010, 11:00 PM

وانتي كمان وحشتيني قوي يا رنا والانسة لوجي طبعا يا ترى عاملة ايه معاكي؟؟؟

Om Rodina

12-31-2010, 12:03 AM

سمسمة حبيبتى ازيك واخبارك ايه والنونو عامل ايه
وحشتينى والله كتير

أم نورين2012

12-31-2010, 02:35 AM

مساء الخير يابنات ‏ أنامبسوطه جدا أن في جروب كل مصرين يعفي اللواحد ياخد رحتو‏ أنا أم مريم أو ميري أناطبعا لسه مجبتهاش ودا لأن أنا لسه متجوزه من3 شهور وأسبوع المهم أنا من أسكندريه بس كنت مقيمه في مكه المكرمه بعد كده أتجوزت وعشت في جده أنا عمري لسه 18 سنه و3شهور يعني صغنونه بس معتمده علي الله ثم عليكو في أي حاجه تخص الحمل لماربنا يكرمني من واقع خبرتكم طبعا وبسhwaml12

MALAK2010

12-31-2010, 09:44 AM

لولو:الحمد لله انى اطمنت عليكى وياااااااار ب يكمل شفاكى على خير
طيب انتى هتروحى تانى للدكتورة امتى ولا قالتلك هتبطلى الدوا امتى

سمية:معلش معرفتش ادخل امبارح لان كلن عندى صدااااااااااااااع صعب اووووووووووى بسبب رقبتى تقريبا كنت نايمة غلط او قاعدة غلط فرقبتى وجعتنى وسببتلى صدااااااااع
كنت عاوزة ادخل اسال لو حد يعرف دوا لة بس قالولى بلاش ادوية يلا عدت الحمد لله

MALAK2010

12-31-2010, 09:46 AM

ام ميرى:اهلا بيكى معانا ياجميل ربنا يرزقك بالحمل الثابت يااااااارب
واحنا معاكى فى اى حاجة عوزاها ان شاء الله

MALAK2010

12-31-2010, 09:56 AM

http://forum.hwaml.com/imgcache2/hwaml.com_1293778582_439.gif

dr.princess

12-31-2010, 10:19 AM

MALAK2010

12-31-2010, 11:54 AM

لولو:الحمد لله الصداع خف بس رقبتى لسة بتوجعنى شوية اهم حاجة الصداع راح
هو فى دوا للصداع ينفع للحوامل

ماتزعليش من البنات لان ماعدش حد بيدخل كتيرفممكن مايعرفوش (انا وانتى بس يا حبيبتى http://forum.hwaml.com/imgcache2/hwaml.com_1293785683_812.gif اللى هنا )

كويس انك سالتى على حقنة التيتانوس علشان تاخديها هى قالتلك حقنتين مش كدة هتاخديها فى الشهر الكام والتانية امتى

dr.princess

12-31-2010, 12:29 PM

الف سلامة عليكى
اه ممكن تاخدى بنادول العادى اللى هو مدور ده او بنادول اكتى فاست انا بستعمل ده علشان اسرع

انا كنت اتصلت على الدكتورة اول الاسبوع قبل موضوع المغص ده وقالتلى بتتاخد فى اى وقت من الخامس لاخر الحمل بس شكلها كده بتتكلم عن حقنة واحدة لانها مجبتش سيرة مرتين

أم نورين2012

12-31-2010, 02:11 PM

مرسي ياملوكا علي ردك ليا ياقمر ويارب نكون أصحاب حببتي ممكن أسئلك سؤال إيه أعراض الحمل اللبتيجي قبل البيريد بأسبوع أنا حاسه بحجات غريبه قول مره أحس بيها ا
وإيه هي أعراض الحمل ياريت تردي عليا أنتي وبنات بلدي

رنا خالد

12-31-2010, 02:19 PM

اولا الف سلامه عليكي يالولو من اي تعب وان شاء الله تكوني في احسن صحه وسلامه انا ماكنتش اعرف انك تعبانه اكمني مابدخلش ولما بدخل بقعد ثواني واخرج بسبب العفريته اللي مجنناني عندي ربنا يهديهالي
وانتي ياملك وحشاني جدا والف الف سلامه عليكي من اي تعب ياقمر وعلي فكره بانادول حلو اوي للصداع
وميري منوره منتدانا وياريت تكوني واحده مننا

رنا خالد

12-31-2010, 02:29 PM

روحتوا فين ياحلوييييييييييين

MALAK2010

12-31-2010, 02:40 PM

لولو:بصى يا جميل انا عرفت موضوع الحقنة دى من توتة ودودى
قالولى انها بتتاخد من بعد الخامس وهم اتنين وبيكون الفرق بينهم شهر يعنى مثلا الخامس والسابع
واكدت الكلام بقلظة بس قالت انهم اتنين بس فى اول طفل اما بعد كدة فى اى حمل ان شاء الله بيكونوا واحدة بس

رنا :تسلمى يا جميل وربنا يباركلك فى لوجى وعقبالنا يارب لما نتشغل احنا كمان

somia

12-31-2010, 04:39 PM

صباح الخير ياملك
ربنا يخليكى ليا انتى الوحيدة اللى سألتى عليا
والله الدكتورة ما قالت حاجة وانا مفقتش اسئلها على حاجة
بس المفروض انى اروحلها قريب علشان حقنة التيتانوس

الف سلامة على رقبتك يارب تكون بقت احسن دلوقتى

لولو ألف سلامة عليكي يا بنتي معلشي والله امبارح كنت قاعدة على كذا منتدى فمركزتش ... ألف سلامة عليكي وربنا يسترها معاكي ومعايا أنا بقالي فترة عندي نفس الألم ده لدرجة اني ساعات بصحى من النوم بسببها فربنايسترها ويكون خير...
ملك مفيش مشكلة بس عايزة نصيحة مني اصبري على الصداع شوية أحسن بكثير من انك تاخدي مسكن أما رقبتك ادهنيها فكس ودفيها كويس

رنا خالد

12-31-2010, 08:34 PM

المنتدي للأسف بقي مهجور خالص
فينكم يابنات انتوا متخاصمين مع بعض ولا ايه

somia

12-31-2010, 09:55 PM

ازيك يا رنا عاملة ايه .. يا ترى انتي موجوده ولا أنا لوحدي هنا؟؟؟

رنا خالد

12-31-2010, 10:25 PM

سميه انا موجوده ونفسي الاقيكم من بدري
عامله ايه ياقمر

somia

12-31-2010, 11:02 PM

الحمد لله تمام .. انتي ازيك وازي لوجي.. معلشي على ما شفت ردك

توتة السيد

12-31-2010, 11:16 PM

ازيكم ياحلوات وحشتوني حد موجود ولا لا اوعوا اتقولوا لا

توتة السيد

12-31-2010, 11:18 PM

سومة القمر عاش من شافك وحشتينااااااااااااااااا جدا انتي اختفيتي رحتي فين

عاملة ايه واخبار الكتكوت /ة

gogo

01-01-2011, 02:44 AM

السلام عليكم
حد هنا يابنات

طالبة رضا الله

01-01-2011, 03:31 AM

MALAK2010

01-01-2011, 08:54 AM

انا جيييييييييييييييييييييييييييييت

MALAK2010

01-01-2011, 08:59 AM

السلام عليكم ورحمة الله وبركاته
عضوة جديدة حبيت اشارك معكم
انا حامل فى الشهر الثانى
اخر دورة لى كان يوم 19/11
ان شاء الله ميعاد ولادتى 25 أغسطس
ربنا يكملنا على خير ويرزقنا الذرية الصالحة
اللهم أميين
اهلا بيكى معانا ياجميل hwaml7 وربنا يكملك على خير ياااارب واحنا مستنينك تدخلى معانا ونرغى طبعااااااااااااااا هههههههههههه
على فكرة اسمك جمييييييييييييييل ما شاء الله

dr.princess

01-01-2011, 09:01 AM

صباح الخير

dr.princess

01-01-2011, 09:04 AM

النهاردة عيد ميلاد ماما ربنا يخليهالنا ويباركلنا فى عمرها ويجمعنا بيها على خير ياااااااااااارب

MALAK2010

01-01-2011, 09:05 AM

صباح النور يا قمر عاملة اية النهاردة

dr.princess

01-01-2011, 09:07 AM

انا الحمدلله كويسة نحمد ربنا على كل حاجة

MALAK2010

01-01-2011, 09:09 AM

كل سنة وهى طيبة انا ماما نت يوم 21 اللى فات انتى اتصلتى عليها ولا لسة
ربنا يباركلك فيها يااااااااارب

http://forum.hwaml.com/imgcache2/hwaml.com_1293862168_986.jpg

انا جيباها بالكريمة علشان ماتكليش منها دى لطنط بس ههههههههههههه

MALAK2010

01-01-2011, 09:10 AM

انا يومها صحيت ماما من النوم هههههههههههه علشان اقولها بس فرحت اوووى

MALAK2010

01-01-2011, 09:12 AM

يعنى انتى حاسة بتحسن والمغص راح ولا اتحسن شوية

انتى قولتى لمامتك على اللى حصلك

dr.princess

01-01-2011, 09:13 AM

لا انا كلمتها من بالليل اول امبارح انا وجوزى ومش عايزة اتصل بيها بدرى كده علشان من يوم التعب ده وهى اعصابها تعبانة وخايفة اقلقها فلما الوقت يتأخر شوية هأكلمها هبعتلها رسالة دلوقتى تصبيرة
اه للاسف كلها كريمة اسيبها بقى لماما اليوم يومها النهاردة

dr.princess

01-01-2011, 09:18 AM

لالا ماما بتصحى من الفجر كل يوم
اه قلتلها طبعا كان هيجرالها حاجة بعيد الشر عنها
والله الوجع بيتحسن بس مبقيتش اعرف اقعد او اقف اكتر من ربع ساعة وبطنى توجعنى فطول الوقت نايمة حتى جوزى قالى انسى خالص موضوع الخروج دلوقتى خالص يللا الحمدلله

dr.princess

01-01-2011, 09:20 AM

معلشى ماما لما بعتلها الرسالة فتحت النت تكلمنى عندها اجازة النهاردة
هروح اكلمها وارجعلك ان شاء الله

MALAK2010

01-01-2011, 09:23 AM

طيب ماشى يا حبيبتى بس سلميلى عليها كتيييييييييييير وقوللها كل سنة وهى طيبة

MALAK2010

01-01-2011, 09:33 AM

انا كمان خارجة علشان عندى شوية حاجات اعملها قبل ما جوزى يصحى سلام

dr.princess

01-01-2011, 03:25 PM

أم نورين2012

01-01-2011, 04:46 PM

مساء الحب حد موجود عايزه أسئل سؤال مهم بخصوص أعراض الحمل بليز ردو عليا ياقمرات مصر

somia

01-01-2011, 05:24 PM

ميري ازيك.. أنا هنا لو عايزة أي استفسار ...

somia

01-01-2011, 05:28 PM

سومة القمر عاش من شافك وحشتينااااااااااااااااا جدا انتي اختفيتي رحتي فين

عاملة ايه واخبار الكتكوت /ة
توتة ازيك انتي عاملة ايه .. انا هنا انتي اللي اختفيتي من زمان قوي يا ترى الحمل عامل معاكي ايه دلوقتي والنونو بتلعب ولا بتتخانق معاكي..هههههههه...

somia

01-01-2011, 05:30 PM

السلام عليكم ورحمة الله وبركاته
عضوة جديدة حبيت اشارك معكم
انا حامل فى الشهر الثانى
اخر دورة لى كان يوم 19/11
ان شاء الله ميعاد ولادتى 25 أغسطس
ربنا يكملنا على خير ويرزقنا الذرية الصالحة
اللهم أميين\
وعليكم السلام ورحمة الله وبركاته
ألف مبارك عليكي الحمل أختي .. تممه الله لك على خير وسهل لك ولادتك وجعله لك ذرية صالحة .. اللهم اااااااااااااااامين

somia

01-01-2011, 05:33 PM

والله الوجع بيتحسن بس مبقيتش اعرف اقعد او اقف اكتر من ربع ساعة وبطنى توجعنى فطول الوقت نايمة حتى جوزى قالى انسى خالص موضوع الخروج دلوقتى خالص يلا الحمدلله

لولو ألف لا بأس طهروا ان شاء الله وباذن الله تعالى تبقي أحسن مع الدوا بس انتي حاولي فعلا تفردي ظهرك كثير عشان الألم يخف والتقلصات تهدى معاك شوية ..
ألف لا بأس طهورا ان شاء الله ..
كل سنة ومامتك بألف خير .. للمعلومة أنا عايزة حتة من التورتة بتاعة ملك .. أنا ماليش دعوة ...هههههههههههههههه

somia

01-01-2011, 05:40 PM

سمية لو زى ما بتقولى ان عندك المغص ده ماتستنيش على نفسك وروحى اكشفى علشان ممكن تكون انذار لولادة مبكرة او حاجة تانية بعيد الشر ( لانها كشفت عليا من تحت علشان تشوف الرحم مفتوح ولالا ) فروحى ممكن تكتبلك دواء تهدى الرحم زى اللى بدأت أخده او تشوف ايه السبب
بس مش عارفة المغص بتاعك زى اللى كان عندى لان كان بعيد عننا جميعا شبه الطلق كل خمس او عشر دقايق وكان صعب اوى ربنا يعافينا

ربنا يسترها يا لولو أنا باذن الله هحاول أكلممها النهاردة عشان أروحلها يا النهاردة يا بكرة لأني مش عارفة أوقف المثبت امتى بس انتي عارفة المشكلة انه فعلا يبقى عامل زي ألم الطلق لأني جربته مع الإبر اللي كنت باخدها بعد العملية بس ده مبيروحش أصلا يعني ممكن يفضل بالساعات عندي وبعدين بيروح لوحده والغريبة انه بيجي فجأة يعنيب من غير أي أسباب فهحاول أكلمها لاني قربت أدخل الخامس باذن الله وهيه كانت قايلالي لو الالام دي فضلت للخامس هنغير نوع المثبت فربنا يسترها ويكون خير يا رب

طالبة رضا الله

01-01-2011, 10:34 PM

اهلا بيكى معانا ياجميل hwaml7 وربنا يكملك على خير ياااارب واحنا مستنينك تدخلى معانا ونرغى طبعااااااااااااااا هههههههههههه
على فكرة اسمك جمييييييييييييييل ما شاء الله

ربنا يخليكى ياحبيبتى انتى الاجمل
اكيد طبعا هنرغى كتيييير

طالبة رضا الله

01-01-2011, 10:46 PM

\
وعليكم السلام ورحمة الله وبركاته
ألف مبارك عليكي الحمل أختي .. تممه الله لك على خير وسهل لك ولادتك وجعله لك ذرية صالحة .. اللهم اااااااااااااااامين

الله يبارك فيكِ اختى
أسعدنى ردك وترحيبك

ربنا يسترها يا لولو أنا باذن الله هحاول أكلممها النهاردة عشان أروحلها يا النهاردة يا بكرة لأني مش عارفة أوقف المثبت امتى بس انتي عارفة المشكلة انه فعلا يبقى عامل زي ألم الطلق لأني جربته مع الإبر اللي كنت باخدها بعد العملية بس ده مبيروحش أصلا يعني ممكن يفضل بالساعات عندي وبعدين بيروح لوحده والغريبة انه بيجي فجأة يعنيب من غير أي أسباب فهحاول أكلمها لاني قربت أدخل الخامس باذن الله وهيه كانت قايلالي لو الالام دي فضلت للخامس هنغير نوع المثبت فربنا يسترها ويكون خير يا رب

ألف لابأس عليكِ ياأختى
شفاكِ الله وعفاكِ
ان شاء الله خير وتيجى تطمنينا عليكِ
وربنا يسهلك الحمل والولادة

توته السيد

01-01-2011, 11:28 PM

ازيكم ازيكم طبعا مافيش حد موجود كالعاده انا تعبانة يابنات ومش قادره انام انا عايزه اولد واخلص بقي يارب الصبر

توته السيد

01-01-2011, 11:31 PM

سومه حبيبتي انا بخير بس تعبانة نفسي اعرف انام وحشني النوم بجد هي سيرة تتعارك دي مقومه حرب بتلعب جمباز جوه ربنا يسهل ويعدي الباقي ع خير وتنور دنيتي حبيبه مهجتي

رنا خالد

01-02-2011, 12:14 AM

بجد والله زعلتيني يالولو الف سلامه عليكي
وانتي ياسمسمه طمنينا عليكي بعد ماتيجي من عند الدكتوره
بس لازم الراحه التامه يابنات ونخلي النشاط والهايبره دي لبعد الولاده وربنا يطمنا عليكم
وكل سنه ومامتك طيبه يالولو وهاحضرلها تروتايه بس شوكولاته عشان تاكلي منها معاها ههههههه حقك برضه
وانتي ياتوته نفسي اعتر فيكي علي طول بختفي اول مانتي تظهري وبتختفي اول مانا اظهر معلش حظي معاكي كده
وملوكه القمر صاحبة الفتره الصباحيه يارب تكوني بخير والصداع يكون راح وتبقي دايما كويسه ومنعنشه هههههههه

توته السيد

01-02-2011, 12:39 AM

ام لوجي حبيبتي وحشتيني انا كمان نفسي اعتر فيكي وحشني الكلام معاكي عامله اية ولوجي اخبارها اية

توته السيد

01-02-2011, 12:40 AM

يارب تكوني موجوده دلوقتي ونتكلم

توته السيد

01-02-2011, 12:44 AM

قوليلي يارنا اية احطه في شنطه الولاده اصلي نويت ان اجهز الشنطه ‏

توته السيد

01-02-2011, 12:46 AM

اهئ اظاهر رنا اختفت

رنا خالد

01-02-2011, 02:40 AM

تووووووووووووته سهرانه النهرده ده من حسن حظي
يارب تدخلي عايزه ارغي معاكي يابنتي والله وحشني هزارك اللي زي العسل

رنا خالد

01-02-2011, 02:48 AM

يارب تدخلي ياجوجو بجد ليكي وحشه كبييييييييره

MALAK2010

01-02-2011, 07:41 AM

انا جيييييييييييت

dr.princess

01-02-2011, 07:46 AM

صباح الخير يا ملك

MALAK2010

01-02-2011, 07:48 AM

صباح النور يا قمر عاملة اية النهاردة

MALAK2010

01-02-2011, 07:50 AM

على فكرة انا رحت للدكتورة امبارح الحمد لله طمنتنى على النونو وماجبتش سيرة نوعه اظاهر لسة بدرررررررررررررررى هههههههههههه
بس الحمد لله ورتنى راسة جوزى بيسالنى يعنى شوفتى راسة قولتلة شفت حاجة مدورة طبيعى تبقى راس هههههههه عقبال الباقى يااااااارب

dr.princess

01-02-2011, 07:51 AM

انا الحمدلله كويسة انتى اخبارك ايه
روحتى للدكتورة امبارح ولا لا ؟؟

MALAK2010

01-02-2011, 07:52 AM

بس واحنا مروحين عملنا حادثة صغنونة بس الحمد لله ربنا ستر

dr.princess

01-02-2011, 07:54 AM

طيب الحمدلله انك اتطمنتى ولو كنتى عايزه تعرفى نوعه كنتى سألتيها انتى وبعدين ليه جوزك مش بيدخل معاكى ؟؟

dr.princess

01-02-2011, 07:56 AM

حادثة ؟؟؟ بعيدالشر عنكم الحمدلله ان ربنا ستر

MALAK2010

01-02-2011, 07:56 AM

جوزى بيدخل معايا الكشف وبيسمع نبضة معايا الحمد لله اما الاوضة اللى فيها السونار مش بيرضوا يدخلوا الرجالة لان ممكن يكون فى ستات جوة

MALAK2010

01-02-2011, 08:03 AM

والله يابنتى المستشفى اللى بروحها فى الامارة اللى جنبنا بينا وبينهم حاجة بسيطة اقل من 11 كيلويعنى المفروض عشر دقايق بس على مانروح فيها 3/4ساعة لان طريقها مش كويس ضيق والناس ماشية بسرعة فالعربية اتخبطت بس الحمد لله محصلش حاجة بس الخضة بقا هى اللى صعبة لان المشوار بتاع المستشفى دى بتبقى مليانة نرفزة من جوزى بسبب سواقة الناس

وجوزى قبل ما يحصل كدة قالى احنا معدناش راحين المستشفى دى وجاب اسم دكتورة فى الشارقة علشان نكمل متابعة عندها

بس الدكتورة امبارح قالتلى تعالى كمان اسبوعين علشان تعملى سونار ثلاثى الابعاد فمش عارفة اروح ولا لاء

dr.princess

01-02-2011, 08:09 AM

الحمدلله انها جات سليمة
ولو على السونار الثلاثى ده موجود فى مستشفيات كتيرة اتصلى اسألى لو موجود عند الدكتورة الجديدة روحيلها ولو مالقيتهوش خليكى عند اللى متابعة عندها

MALAK2010

01-02-2011, 08:16 AM

عارفة يا لولو امبارح اتخنقت من الدكتورة
احنا دخلنا نكشف (يعنى بنسمع نبض الجنين ) وبعدها بنروح اوضة تانية علشان السونار وبعدين جالها تليفون علشان تروح تشوف حالة عندها فى المستشفى سابتنى وراحت لها وفى واحدة دخلت اوضة الكشف هى وجوزها وانا لسة ماسالتهاش على الاسئلة اللى عندى استنيتها برة اوضة الكشف لغاية ماجت وهى اصلا طبعها بيجرى فقولتلها عندى لسة اسئلة وفى واحدة جوة هى جوزها قالتلى لما اخلصها الاول مش عارفة اقولها اية لولا جوزى كان اصلا مخنوق (لانة كان لسة متخانق مع معمل التحاليل لانهم مش لاقين نتيجة تحاليلى)وكلمها فدخلتنى تانى اوضة السونار علشان اسئلها بدل الطورقة اللى واقفة فيها
كنت حاسة انى قاعدة اجرى وراها

امبارح كان يوم كل تعب اعصاب يلا الحمد لله

MALAK2010

01-02-2011, 08:22 AM

انا النسبة الهيمجلوبين الشهر اللى فات كانت 12.9قبل ما ابدا اخد الحديد
الدكتورة بتقولى كملى حديد
بس جوزاخت جوزى بيقول لو النسبة 11 بلاش اخدة
اعمل اية اخدة ولا لاء

MALAK2010

01-02-2011, 08:23 AM

لولو:انتى كويسة؟؟؟؟؟؟؟؟؟؟؟؟؟؟؟؟؟

dr.princess

01-02-2011, 08:23 AM

وانتى اصلا ايه اللى خرجك من اوضة الكشف انا لو منك مخرجش لحد مااخلص اللى عايزة اسئلها فيها وبعدين انتى داخلة بفلوسك مش بتشحتى منها
الدكتورة بتاعتى برده بتدخل اللى بعدى تتوزن وتقيس الضغط بعد ما اخلص السونار علشان تكسب وقت وفى الوقت ده بسئلها طبعا ده بس لو جوزى مدخلش معايا اما لو جوزى معايا مش بتدخل حد انتى عارفة نظام الرجالة والستات هنا
وبعدين كمان ازاى مش لاقيين التحاليل بتاعتك ايه المستشفى دى لو منك متروحيش تانى الدكتورة مش تمام والمستشفى اهمال

أم نورين2012

01-02-2011, 08:25 AM

صباح الخير يابنات أزيك ياملوكا ياحببتي أخبارك إيه والبيبي عامل إيه تمام عايزه أسئلك علي حاجه

dr.princess

01-02-2011, 08:27 AM

ما شاء الله النسبة كويسة اوى العادى يبقى 12 ده ال ideal
ولو زى ما بتقولى بيعملك امساك انا شايفة ان مالوش لزمة انا الحمدلله نسبتى كويسة برده ومش باخد بكتفى بس بالفيتامينات فيها نسبة حديد بسيطة وخلاص كده

MALAK2010

01-02-2011, 08:28 AM

انا خرجت من اوضة الكشف علشان ادخل اوضة السونار
المرة الجاية هسيب جوزى فى اوضة الكشف يحجز المكان ههههههه

وبتاع التحاليل يقولة فى عيب فى السيستم تعالى بكرة يكون اتصلح جوزى اتخانق ماقولكيش فطلعهولة علطول
انا بقولك هو المشوار دة برجع والله على النوم بحس انى فى معركة
ربنا يهون واشوف هعمل اية

MALAK2010

01-02-2011, 08:30 AM

ميرى: صباح النور يا حبيبتى انا الحمد لله كويسة والنونو بيسلم عليكم كلكم
اسئلة اية يا جميل قولى هنا معايا لولو حبيبتى ممكن نفيدك احنا الاتنين يااارب

أم نورين2012

01-02-2011, 08:32 AM

صباح الخير يابنات أزيك ياملوكا ياحببتي أخبارك إيه والبيبي عامل إيه تمام عايزه أسئلك علي حاجه

MALAK2010

01-02-2011, 08:33 AM

هما كاتبين ان النسبة لازم تبقى مابين 12.5 -16
يعنى نسبتى كويسة طيب ماكملش ؟؟؟؟
بس هو فية ضرر لو كملت اصلى

dr.princess

01-02-2011, 08:34 AM

لا انا الحمدلله السونار فى نفس اوضة الكشف وكمان التحاليل بتبقى مطبوعة ومتجهزة
هى بس المشكلة زحمة رهيبة ومفيش حجز بالتليفون فالبهدلة كلها فى الانتظار

على فكرة صحيح يوم ماتعبت اتوزنت لقيتنى نفس الوزن مش عارفة ايه الحكاية جوزى برقللى واتضايق وقال لماما علشان تزعقلى

أم نورين2012

01-02-2011, 08:40 AM

dr.princess

01-02-2011, 08:41 AM

لو قل عن 12 لازم بيتاخد حديد انا كان اوقات ينزل ل 10 و 9 وانا شايفة انه مالوش لازمة انك تاخدية وانتى وراحتك

MALAK2010

01-02-2011, 08:41 AM

بالنسبة للتحاليل برضة احنا غلطانين لانى عملاة من شهر وماروحتش جبتها بس هم قالوا انها اتوماتيك هيبعتوها على كمبيوتر الدكتورة
بالنسبة للوزن انا عمالة ازيد لما ربنا يستر اخر المدة هبقى شكلى اية هههههههههههه
عارفة جوزى وانا بجيب هدوم البيت بيحاول يجيبلى اكبر مقاس فلقى ترنج اسود اكبر مقاس 18 باين فقولتلة لا طبعا الاسود دة للتخان ههههههههههههههه قالى وال 18 دى للرفيعين ان شاء الله ههههههههههه احرجنى الصراحة

MALAK2010

01-02-2011, 08:45 AM

أول حاجه سلام للولو تاني حاجه ظهري هيموتني وعندي مغص البيريود ودي أول مره تحصل وجيني قبل المعاد بفتره ودوخه بسيطه عارفه وبحس بنغز في ظهري مش عارفه إيه ده أحترت بصراحه وفي حاجه كمان صدري كبر شويه وبيوجعني أوي طمنوني‏!‏
والله يا ميرى خايفة اعشمك بس زى مابقولك الاعراض متشابهة بين الحمل والبيريود
على العموم حاولى ترتاحى الفترة دى وياااااااارب يكون فية حمل
وابقى طمنينى

dr.princess

01-02-2011, 08:49 AM

خمس دقايق وهارجع تانى

أم نورين2012

01-02-2011, 08:49 AM

نسيت أقولك أمبارح حصلت حاجه غريبه أوي لقيت في الأندرنقطه لونها بني وحده بس لكن خوفتني أوي

أم نورين2012

01-02-2011, 08:53 AM

تخيلي في تحدي مابيني ومابين جوزي علي الحمل الشهر ده

MALAK2010

01-02-2011, 08:53 AM

بصى يا ميرى انتى فى حاجات من اللى بتقوليها من اعراض الحمل
انا قريت قبل كدة ان فى واحدة شافت نقط بنى وطلعت حامل
بس حاولى زى مابقولك ماتتعشميش علشان اذا ماحصلش لا قدر الله ماتزعليش سبيها لله والفترة دى ادعى ربنا وارتاحى وربنا ان شاء الله يعطيكى بالحمل الثابت

MALAK2010

01-02-2011, 08:54 AM

تخيلي في تحدي مابيني ومابين جوزي علي الحمل الشهر ده
بصى سبيها لله مفيش داعى للقلق ربنا يعطيكى وتبقى حامل معانا يااااااااااارب

MALAK2010

01-02-2011, 08:55 AM

مستنياكى يا لولو

أم نورين2012

01-02-2011, 08:58 AM

قوليلي هو أنتي منين من مصر وأعده فين أنتي ولولو

MALAK2010

01-02-2011, 09:00 AM

انا من المنصورة انا ولولو
انا قاعدة فى الشارقة فى الامارات
ولولو قاعدة فى المدينة المنورة

وانتى منين؟؟؟

أم نورين2012

01-02-2011, 09:02 AM

أنا من أسكندريه وكنت مقيمه مع أهلي قبل ماتجوز في مكه المكرمه لكن أتجوزت أبن عمي وأعده دلوقتي في جده جنب لولي

أم نورين2012

01-02-2011, 09:04 AM

هوأنالوسألتك أنتي عمرك كام تديئي عشان أشوف هو أنا الوحيده اللصغيره

MALAK2010

01-02-2011, 09:06 AM

لا ماتقلقيش انتى اصغر واحدة هنا يا جميل
انا عندى 29 سنة

أم نورين2012

01-02-2011, 09:09 AM

بس من خفت دمك بحس أنك صغيره أوي أنتي ولولو

أم نورين2012

01-02-2011, 09:11 AM

بصي بقي أناعيزاكي أنتي ولولو تكونو أصحابي أوي علي فكره أنابنت خالي في الأمارات

MALAK2010

01-02-2011, 09:12 AM

بس من خفت دمك بحس أنك صغيره أوي أنتي ولولو
ههههههههههههههههههههه
للدرجة دى بقيت من جيل الرواد هههههههههههههه

MALAK2010

01-02-2011, 09:14 AM

بصي بقي أناعيزاكي أنتي ولولو تكونو أصحابي أوي علي فكره أنابنت خالي في الأمارات
احنا بقينا اصحاب من اول يوم دخلتى فية معانا يا جميل

MALAK2010

01-02-2011, 09:16 AM

انتى هتطبخى اية النهاردة يا ميرى ممكن تفيدينى اصل عاوزة اطبخ ومش عارفة اطبخ اية

أم نورين2012

01-02-2011, 09:17 AM

هو أنتي مستعيلاني ولا إيه مش كفايه أني بقيب مدام بدري بسبب الحب

MALAK2010

01-02-2011, 09:20 AM

هو أنتي مستعيلاني ولا إيه مش كفايه أني بقيب مدام بدري بسبب الحب
لية بتقولى انى مستعيلاكى ابدا والله
ربنا يخليكم لبعض يا جميل وكل شئ نصيب وبميعاد

أم نورين2012

01-02-2011, 09:21 AM

مابلاش تسئلي السؤال ده كل يوم لازم تبقي في خناقه مع جوزي بيقولي أطبخ لأنتي عيزاه وأنا أعد أهري في نفسي عشان تجيني فكره واحده

dr.princess

01-02-2011, 09:24 AM

انا جييت
ملك ممكن تعملى كفتة سمك انا ناوية اعملها الاسبوع ده لاول مرة اجرب فيكى بقى

أم نورين2012

01-02-2011, 09:24 AM

بس أحتمال عشان اللواحد زهق من اللحمه والفراخه آعمل كشري مصري إي رإيك ولاعندك أقتراح تاني

MALAK2010

01-02-2011, 09:28 AM

بصى انا بقيت باكل انا وجوزى سمك كتير فى الاسبوع وماعتدش عاوزة اكل اى طبيخ
طلعت بانية ومكرونة بس ماليش نفس لهم عندى سمك فيلية بقول اعملهم بس احنا واكلين سمك امبارح واول امبارح
اعمل اية

أم نورين2012

01-02-2011, 09:28 AM

عرفين أناجوزي هيدخل الجنه بسببي عشان أنا أول مره أطبخ كانت بعد جواز وأعده أجرب في جميع أنواع الأكل وهو ياكل أحيانا من جوع لكن دلوقتي بيقولي أطمع بقي حلو (أزيك يالولو‏)‏

MALAK2010

01-02-2011, 09:30 AM

كفتة سمك ماليش فيها يالولو انتى ناوية تعمليها
انتى كلتيها قبل كدة ولا اول مرة
الكشرى جوزى مش بيحبة
دورولى على حاجة تانية هههههههههه

أم نورين2012

01-02-2011, 09:30 AM

لولو أزاي بتعملي كفة السمك

dr.princess

01-02-2011, 09:31 AM

ميرى اعملى كشرى مصرى وكلى بالنيابة عننا انا وملك انا بصراحة نفسى فيه بس بصراحة بهدلة فى عمايله
ملك انا بقالى تقريبا 10 ايام مأكلتش سمك فخلاص نويت اعمل كفتة سمك هجربها كده النهاردة يارب تطلع حلوة
وانتى عارفة انا بموووت فى البانية يللا بالهنا والشفا اتغذى كويس وسيبك من حوار الوزن ده

MALAK2010

01-02-2011, 09:32 AM

عرفين أناجوزي هيدخل الجنه بسببي عشان أنا أول مره أطبخ كانت بعد جواز وأعده أجرب في جميع أنواع الأكل وهو ياكل أحيانا من جوع لكن دلوقتي بيقولي أطمع بقي حلو (أزيك يالولو‏)‏
فى بنات كتير كدة بس طالما الطعم بيتحسن خلاص

أم نورين2012

01-02-2011, 09:33 AM

أمته خر مره أكلتي فراخ وعلي أنامبحبش أسمك خالص بأنواعه بس نفسي في سمك بوري مشوي

dr.princess

01-02-2011, 09:33 AM

ميرى انا الحمدلله كويسة
والله مش جوزك لوحده انا كمان جوزى جربت فيه كتييير لانى برده اتعلمت بعد الجواز بس هو الحمدلله بيستحملنى بيقولى لو مجربتيش عمرك ماهتعملى حاجة

MALAK2010

01-02-2011, 09:34 AM

والله يا لولو انا مش باكل طبيخ مش علشان الوزن لاااااااااااا
انا ماعتدش بحب اكل طبيخ ماليش نفس لة خااااااااالص

MALAK2010

01-02-2011, 09:36 AM

أمته خر مره أكلتي فراخ وعلي أنامبحبش أسمك خالص بأنواعه بس نفسي في سمك بوري مشوي
كنتى تعالى كلى معايا امبارح يا حبيبتى

MALAK2010

01-02-2011, 09:38 AM

انا عاوزة اطبببببببببببببببببببببببببببببخ
اعمل اييييييييييييييييييييييييية
بقول اقوم اعمل بسلة ورز وشيش طاوق بس برضة مايش نفس للحاجات دى

dr.princess

01-02-2011, 09:40 AM

والله اول مرة هعملها بس شفتها على التليفزيون والنت اكتر من مرة
طبعا سمك فيليه هقطعه مكعبات واحطه يتفرم فى المطحنة بتاعة الخلاط لانى معنديش مفرمة ولا كبة ومعاه بصل مفروم وبقدونس وشبت وبهارات ملح فلفل كمون وممكن احط فص ثوم وشوية بقسماط يمسكوا العجينة وانا فى الكفتة العادية بحط بيضة برده بتمسك العجينة بس مش عارفة لسه هحط ولالا هشوف ساعتها وارجع احطها تانى فى المطحنة علشان كله ينعم مع بعضه وبعدين اصبعه وفى دقيق وبيض وبقسماط وبالهنا والشفا ان شاء الله دى الطريقة اللى ناوية اعملها بيها
ملحوظة فى ناس بتحط معاه رز مسلوق بس انا مش بعمل اى كفتة بالرز فمش هحط

أم نورين2012

01-02-2011, 09:40 AM

مش كنتي تعزمي أفرضي أناحامل بتوحم الواد يطلع في راسو سمكه ههههههه

dr.princess

01-02-2011, 09:41 AM

ملك اعملى بيتزا خفيفة وحلوة وتغيير برده

dr.princess

01-02-2011, 09:43 AM

على رأيك يا ميرى انا كمان نفسى فى اى سمك مشوى بس للاسف مفيش حد بيشوى جنبى فكله بيبقى مقلى

MALAK2010

01-02-2011, 09:43 AM

مش كنتي تعزمي أفرضي أناحامل بتوحم الواد يطلع في راسو سمكه ههههههه
هههههههههههههههه انا بعزم اهو ياجميل

MALAK2010

01-02-2011, 09:45 AM

ملك اعملى بيتزا خفيفة وحلوة وتغيير برده

الدقيق خلص وانا ماجبتش حاجات البيت امبارح لان كان عندنا كذا مشوار
عارفة انا عملت الحوواشى يوم ما قولتلك وطلع جميل اووووووووووووووى

أم نورين2012

01-02-2011, 09:45 AM

أخاف أعملها أنهرده بصي ياقمر أنتي أعمليها عرفيني يالولو كان طعمها إيه

MALAK2010

01-02-2011, 09:46 AM

احنا عرفنا مكان للشوى وبقيت بشوى انا كنت زيك يالولو باكل كلة مقلى او سنجارى او بالصلصة وكان نفسى فى المشوى

dr.princess

01-02-2011, 09:47 AM

ملك تمااااام انا عمرى ما عملته قبل كده
قوليلى عصجتى اللحمة الاول زى ماقلتى ولا حطتيها نية ؟؟؟

dr.princess

01-02-2011, 09:49 AM

خلاص ماشى يا ميرى هعملها النهاردة ان شاء الله واقولك
وبرده انتى متخافيش جربى براحتك

dr.princess

01-02-2011, 09:50 AM

ملك انا كمان عايزة اسئل ممكن الاقى مكان هنا للشوى

أم نورين2012

01-02-2011, 09:53 AM

عارفه يالولو أحسن بلد رحتها هيا المدينه نفسي أرحهاتاني بقولك ياملوكا ماتقولي لجوزك يجيب جاهز وريحي نفسك وبعدين أنتو شكلكم جامد في الطبيخ أبقوا علموني

MALAK2010

01-02-2011, 09:53 AM

لولو:بصى ياحبيبتى انا عصجتها
ماحمرتش البصلة اوى يعنى تشويح وبعدها حطيت اللحمة المفرومة وقبل ماتستوى بشوية حطيت الفلفل الاخضر (قطعتة صغير) وقبل ما اطفى بدقايق حطيت طماطم متقطعة حتت صغيرة وطبعا التوابل حطيها
وجبت العيش وحطيت فية اللحمة ودهنتة من برة على الوشين بزيت ولفيتة بورق فويل وحطيتة فى صنية ودخلتة الفرن حرارتة هادية شوية مش كتير

وممكن لو عاوزاه مقرمش بعد ماتتطلعية تشيلى الفويل وتدخلية الفرن هتنشف وترقمش وبالهنا يا جميل

أم نورين2012

01-02-2011, 09:54 AM

ماشاء الله عشان الحسدبس

dr.princess

01-02-2011, 09:56 AM

المدينة جميلة بصراحة وهادية ونظيفة زى مابيقولوا روحها خفيفة
وبعدين اعمليها مرة وتعالى شرفينا

MALAK2010

01-02-2011, 09:56 AM

ميرى :ماينفعش يجيب اكل جاهز لان مدة البريك بتاع الغدا نص ساعة هيبقى صعب يروح يجيب وبعدين يجى البيت
انا خلاص نويت هعمل رز وبطاطس وبانية هو صحيح البانية مش لايق على البطاطس ههههههههه بس ومالة

dr.princess

01-02-2011, 09:58 AM

ميرى لا جامدين ولا حاجة احنا لسه بنتعلم
ولو حبيتى تعرفى اى حاجة احنا موجودين اسئلى بس

أم نورين2012

01-02-2011, 09:59 AM

عارفه ياملوكا هاجرب أعمل الحووشي ولو طلع حلوه لكي مني بوسه

dr.princess

01-02-2011, 10:00 AM

ملك ماشاء الله شكله طلع حلو
هسئل جوزى كده لو قالى بيحبه هعملهوله ان شاء الله

ممكن تعملى بطاطس مقلية تبقى مناسبة جدا مع البانية

MALAK2010

01-02-2011, 10:04 AM

تسلمولى ههههههههه انا غلطانة اللى ماصورتوش بس بصراحة عجبنى اوى الحمد لله جربوة وقولولى ويااااارب يطلع حلو
بس الفرن يبقى هادى اووووى والمدة مش كتير لان كل حاجة مستوية

أم نورين2012

01-02-2011, 10:05 AM

مشكله حكاية البريك أناكمان جوزي بيجي ياكل وهو لابس الشوز مش بيفكر يقلعوا من الأستعجال وبالنسبه لأكل أعملي مكرونه حمرا أي نوع عندك وبطاطس محمره وبانيه

dr.princess

01-02-2011, 10:08 AM

انا جوزى معندوش بريك فبطبخ براحتى على مايجى وهو كمان ياكل براحته بس المشكلة انه بينسى نفسه طول اليوم مش بياكل حاجة

أم نورين2012

01-02-2011, 10:09 AM

أنا عندي هدوم عايزه أطبقها وهدوم عايزه تكوي وطبيخ مين يسعدني‏!‏

أم نورين2012

01-02-2011, 10:13 AM

عارفه يالولو أنا دلوقتي عشان الشركه عندي جوزي بتفقل أخر السنه فعندهم شغل كتير فامش بيجي البريك بتاعه يعني مش بشوفه غير الساعه5 وبيجي تعبان وجعان أخرحاجه

MALAK2010

01-02-2011, 10:13 AM

أنا عندي هدوم عايزه أطبقها وهدوم عايزه تكوي وطبيخ مين يسعدني‏!‏
ههههههههههههههههه انا عندى زيك بالظبط وعندى كمان اطباق عاوزة تتغسل هههههه لانى اتغديت امبارح ورحت للدكتورة علطول وجيت نمت

MALAK2010

01-02-2011, 10:14 AM

انا جوزى معندوش بريك فبطبخ براحتى على مايجى وهو كمان ياكل براحته بس المشكلة انه بينسى نفسه طول اليوم مش بياكل حاجة

طيب ما تعطيلة اكل معاه سانويتشات مثلا انتى عارفة الرجالة طبعا بينسوا نفسهم

أم نورين2012

01-02-2011, 10:16 AM

بصي أنا هاطبق الهدوم وهاكوي شويه لحد ماتعب وبكره أكمل أعملي كده ياملك فينك يالولو

dr.princess

01-02-2011, 10:16 AM

ليه بتفكرونى بس انا كمان عندى شغل كتير
وسيرة الكوى دى بتعصبنى ببقى شايلة همه بصراحة معدتش بقدر اقف اكوى ربنا يعيننا

dr.princess

01-02-2011, 10:19 AM

ملك مش بيرضى ياخد سندوتشات فبعمله كيك وباديهوله بس بيقولى بلاش كل يوم علشان مازهقش فمبقتش بعمله كتير علشان يفضل حابه

أم نورين2012

01-02-2011, 10:20 AM

أنا جعانه مع أني فتره مع جوزي مين يفتح نفسي ويجي ياكل

أم نورين2012

01-02-2011, 10:23 AM

نفسي الكلمه اللبيقلها جوزي ليا بلاش تعملي كيك كتير عشان مازهقش

dr.princess

01-02-2011, 10:23 AM

ميرى بالهنا والشفا

MALAK2010

01-02-2011, 10:25 AM

انتى زى ما بتعملى كيك او قطعتين بيتزا مثلا وازازة عصير صغيرة من عندك مش معلبات
هو فعلا الواحد بيصعب عليه
انا كان اخواتى ممكن يفضلوا طول النهار ومش بيكلة حتى المية بيكسلوا يشربوها

MALAK2010

01-02-2011, 10:28 AM

انا بكوى كل الهدوم مرة واحدة علشان ماشفش المكوة طول الاسبوع لانى مش بطيقها

أم نورين2012

01-02-2011, 10:28 AM

طيب أنا هاروح أطبق الغسيل وأروء الشقه واكل وأكوي وأطبخ وبقي أرجعلكوا

MALAK2010

01-02-2011, 10:28 AM

ميرى بالهنا يا جميل

أم نورين2012

01-02-2011, 10:30 AM

أه ياربي كل ده أدعولي برحمه سلام أشوفكم علي عصر

dr.princess

01-02-2011, 10:32 AM

ماشى يا ميرى ربنا معاكى

MALAK2010

01-02-2011, 10:37 AM

ربنا معاكى ومعانا
لولو:مامتك كويسة وعملت اية امبارح فى عيد ميلادها اختها راحتلها

dr.princess

01-02-2011, 10:40 AM

ماما معملتش حاجة وبتهيألى اخواتى مجبولهاش حاجة لسه هسئلها النهاردة حتى اختى مارحتلهاش والله كان عبودى تعبان اوى وراحت كشفت عليه طلع عنده التهاب وصديد على اللوز وكان فى سخونية واسهال فماما طبعا هى اللى راحتلها ربنا يشفيه يارب

MALAK2010

01-02-2011, 10:47 AM

الف سلامة علية الشتا كلة تعب للاطفال ربنا يحمية

MALAK2010

01-02-2011, 10:49 AM

عارفة امبارح الدكتورة وهى بتعمل سونار قعدت تضغط على بطنى جامد افتكرتك ساعتها لانك قولتيلى الشهر اللى فات ان بطنك وجعتك من كتر الضغط

dr.princess

01-02-2011, 10:51 AM

اه والله فعلا هما كلهم اصلا تعبانين جوزها اتعدى من العيانين فى العيادة و هيما من الحضانة قبالتالى اختى وعبودى اتعدوا منهم

dr.princess

01-02-2011, 10:54 AM

يالهوى ماتفكرنيش ده انا كنت هموت انا بتهيالى انها قعدت تضغط لما وصلت لظهرى فخرجت من عندها بطنى وظهرى هيموتونى من الوجع

MALAK2010

01-02-2011, 10:59 AM

بس هى قاعدت تسالنى على حركتة اكتر من مرة
ربنا يسهل ويتحرك بقا علشان اطمن
هى ضغطت المرة دى كمان ولا بس المرة اللى فاتت

dr.princess

01-02-2011, 11:05 AM

انا طبعا متوقعتش انها تسال على الحركة وطبعا ماسألتش بس ماتقلقيش كلها ايام وتحسى بيها وبتبقى خفيفة اوى ممكن متحسيش بيها
لا المرة دى بسرعة تقريبا كانت بس بتتاكد انه الحمدلله حى الحمدلله لانها كانت مهتمة اكتر بسبب المغص مش بالسونار

MALAK2010

01-02-2011, 11:11 AM

ربنا يسهل
هو او ماتحرك معاكى فهمتى ان دى حركة من البيبى
يعنى هى حركة مختلفة عن اى حاجة ممكن تحصل فى البطن

حماتى بتقولى كلى حاجة مسكرة اول مابتصحى وخليكى على ضهرك نصف ساعة بس طبعا الموضوع دة ماينفعش معايا علشان بقوم اجرى الصبح على المطبخ هههههه

dr.princess

01-02-2011, 11:16 AM

اول مرة حسيت حاجة زى النبش كده هو ده الوصف الدقيق او زى مابيقولوا زى الرفرفة سألت ماما قالتلى اه بس هى مرة كده وخلاص وبعدها بكام يوم واحدة تانية
وموضوع الحاجات المسكرة بتهيألى مش من الاول كده انا مرة اكلت حتة بسبوسة ااااااااااد كده علشان احس بيها جابتلى مغص وبرده محستش بحاجة

MALAK2010

01-02-2011, 11:24 AM

ياحبيبى وانتى بتقولى نبش حسستينى انة كتكوت ياقلبى ربنا يباركلك فية ويكملك على خير وتقومى بالسلامة يا حبيبتى

انا هقوم الوقتى يا لولو ونتقابل ان شاء الله بعد الغدا

dr.princess

01-02-2011, 11:27 AM

اه والله فعلا نبش زى الكتكوت وان شاء الله يومين وتحسيها
ياااااااااارب ربنا يكرمك على الدعاء

ماشى ياحبيبتى بالهنا والشفا

توته السيد

01-02-2011, 12:40 PM

صباح الخير ياأمهات الكتاكيت الحلوين

توته السيد

01-02-2011, 12:44 PM

لولو ملوكه حبيباتي عاملين اية واخبار كتاكيتكم اية

توته السيد

01-02-2011, 12:46 PM

قولولي يابنات اية اللي يتحط في شنطه الولاده بالظبط

توته السيد

01-02-2011, 12:48 PM

مشيتوا ولا اية

توته السيد

01-02-2011, 12:50 PM

طيب كده برضه اهئ
طيب لو مافهاش تقل ممكن اي حد يجاوب ع سؤالي احط اية في شنطه الولاده بالظبط ولما ادخل اقرأها سلام

dr.princess

01-02-2011, 01:00 PM

توتة انتى لسه هنا ياحبيبتى معلشى كنت فى المطبخ

dr.princess

01-02-2011, 01:14 PM

على شنطة المستشفى يا توتة هقولك اللى اعرفه وباقى البنات يفيدوكى
فوط صحية ليكى مثلا علبة او اتنين محدش عارف الظروف
هدوم داخلية مثلا 3
علشان البرد خدى بدى و شورت وبنطلون يدفوكى
قميص بزراير علشان الرضاعة ربنا يكرمك ان شاء الله
طرحة
فوطة علشان لو هتستحمى
شامبو وصابونة و مشط ومراية وشبشب
بامبرز للنونو اكتر من واحد
غيار كامل للنونو
لو هيحموا النونو خدى الحاجات اللازمة
بطانية للنونو وقت مايخرج يتلف بيها ويبقى احسن لو اخدتى الشنطة اللى بيتشال فيها علشان البرد صعب اليومين دول
فى ولادات اختى ماما كانت بتاخد ملاية ووش مخدة انتى وراحتك

دول اللى على بالى دلوقتى لو افتكرت حاجة تانية اقولك

أم نورين2012

01-02-2011, 02:30 PM

لولو أزيك وحشتيني من الصبح

dr.princess

01-02-2011, 02:33 PM

ازيك يا ميرى طبختى ولا لسه ؟؟؟

أم نورين2012

01-02-2011, 02:40 PM

لولو أزيك وحشتيني من الصبح

dr.princess

01-02-2011, 02:41 PM

مين اللى حاطاه فى الصورة الرمزية ده ؟؟

أم نورين2012

01-02-2011, 02:42 PM

طبخت وطبقت الغسيل وكويت يعني مواريش حاجه أنتي خلصتي

أم نورين2012

01-02-2011, 02:43 PM

إيه رأيك حلو!‏‏!‏‏!‏

dr.princess

01-02-2011, 02:43 PM

ولا الهوا ولا عملت اى حاجة

dr.princess

01-02-2011, 02:44 PM

اه ماشاء الله عسل اوى

أم نورين2012

01-02-2011, 02:45 PM

ده أبن أخويا

dr.princess

01-02-2011, 02:46 PM

ما شاء الله ربنا يبارك فيه اسمه ايه ؟؟

أم نورين2012

01-02-2011, 02:49 PM

أحمد حبيبي عقبالك لماتشوفي الكتكوت بتاعك أنتي حامل في الكام

أم نورين2012

01-02-2011, 02:51 PM

وعقبالي أناكمان لما أبقي حامل ودلع زيك ياجميل

dr.princess

01-02-2011, 02:51 PM

ماشاء الله عقبالك انتى كمان
انا الحمدلله فى اخر الخامس

أم نورين2012

01-02-2011, 02:55 PM

ربنا يكملك علي خير قوليلي بصراحه الحمل صعب ولاسهل حلو ولامش أد كده

أم نورين2012

01-02-2011, 02:58 PM

أنتي أعده بتعملي إيه

dr.princess

01-02-2011, 03:00 PM

الحمل نفسه الاحساس جميل اوى
بس من اول الحمل كل يوم تعب شكل الوحم والتقل وكل شوية تستكشفى ده غير القلق اللى بتبقى فيه بس طبعا كله بأجره ان شاء الله

dr.princess

01-02-2011, 03:01 PM

انا دلوقتى بكلم ماما واخويا

dr.princess

01-02-2011, 03:08 PM

افتحى على برنامج كلام من القلب على الحياة البنفسجى بيتكلم عن الحمل

gogo

01-02-2011, 03:13 PM

السلام عليكم
ازيكم يابنات

gogo

01-02-2011, 03:14 PM

لولو وحشانى عامله ايه وامتى هترجعى لفتره باليل

dr.princess

01-02-2011, 03:14 PM

جوجوو ازيك ليكى وحشة يابنتى

طالبة رضا الله

01-02-2011, 03:16 PM

هلا يابناك كيف حالكم اليوم
ان شاء الله تكونوا باحسن حال
صحيت اليوم وحاسة بدوخة وغثيان غير طبيعى ومش قادرة أكل ولا أعمل أى حاجة
حد يقولى على حاجة تبعد عنى الاحساس ده مش قادرة اتحمله
الله المستعاان

ميرى ازيك ياحبيبتى ان شاء الله تكون حامل وتبقى معنا الشهر ده
عاوزة أطمنك من النقط البنى ان شاء الله خير
تخيلى فى ميعاد البيرود بتاعى فى نزلت عادى بس حاجات بنى واصفر
وتخيلتها بيرود وقعدت معاى 5 أيام وعادى خالص وبعد الطهارة بيومين فوجئت بنقطة دم
الصراحة ما حطتيش فى بالى وتانى يوم لقيت افرازات بنى فقلت لماما قالتلى ممكن تكونى حامل واللى جت ماكنتش بيرود وأصرت انى أعمل تحليل حمل وعملته وطلعت حامل
سبحاان الله ما كنتش متوقعة وخاصة انى منتظرة الحمل بقالى سنتين والشهر الوحيد اللى محتطش الحمل فى دماغى وسبحان الله ربنا أراد
عقبالك يا حبيبتى وان شاء الله تطمنينا عليكِ

dr.princess

01-02-2011, 03:16 PM

انا الحمدلله كويسة احتمال ان شاء الله اخر الاسبوع ارجع معاكى تانى

gogo

01-02-2011, 03:17 PM

انا تمام الحمد لله
وايه اخبار بقلظه وملك ورنا والكل

MALAK2010

01-02-2011, 03:17 PM

انا كمان هناااااااااااااااااااااااا
ازيك ياجوجو يا حبيبتى وحشانى
لولو:ازيك يا جميل معلش اتاخرت على ماخلصت مكوة الاسبوع

gogo

01-02-2011, 03:19 PM

ياسلام والله هتنورى يالولو
طالبه رضا الله انتى علشان متحسيش بالغثيان قبل ما تقومى من السرير كولى اى حاجه حتى بسكويته لان المعده الفاضيه تخلى الوحم يزيد

gogo

01-02-2011, 03:20 PM

ملك ازيك يابنتى وحشانى ايه اخبار البيبى

MALAK2010

01-02-2011, 03:24 PM

جوجو:انا الحمد لله والنونو كويس الحمد لله
انتى كنتى بتقولى هتجيبى لاب توب هتجبية امتى عاوزينك تدخلى معانا علطوووووول

MALAK2010

01-02-2011, 03:27 PM

لولو:كدة اهون عليكى تسبينى

MALAK2010

01-02-2011, 03:30 PM

طالبة رضا الله:بصى يا حبيبتى جهزى نفسك الفترة اللى جاية هتبقى بالشكل دة علطووووووووووول
بس جوجو قالتلك اللى كنت هقولة
وربنا يهون عليكى الفترة دى وعفبال ماجوجو تدخل وتشتكيلنا من الوحم يااااااااااااااارب

MALAK2010

01-02-2011, 03:31 PM

انتوا رحتوا فيييييييييييييييييييييين

dr.princess

01-02-2011, 03:36 PM

معلشى يا بناااات بكلم ماما

MALAK2010

01-02-2011, 03:40 PM

لولو:ماشى يا حبيبتى سلميلى عليها
يابنااااااااااااااااااااات محدش هنا ولا اية

أم نورين2012

01-02-2011, 04:16 PM

أزيكم يابنات أخبارك إيه ياملك أناكمان خلصت مكوة الأسبوع والحمد لله ‏.طالبه رضاالله شكرا أوي ياجميل طمنتي قلبي ربنا يطمن قلبك ويارب يكون وشكم خير عليا وادعولي باقي علي البريود يومين

MALAK2010

01-02-2011, 04:23 PM

ميرى:ربنا يرزقك بالحمل الثابت ياااااااااارب

MALAK2010

01-02-2011, 04:39 PM

انا خارجة يا بنات طالما مفيش حد ونتقابل بكرة ان شاء الله

أم نورين2012

01-02-2011, 04:41 PM

أدعيلي وأنتي بتصلي علي عشان أبشركم قريب

Om Rodina

01-02-2011, 06:34 PM

السلام عليكم ورحمة الله وبركاته
ازيكم ياحبايبى وحشتونى اوى والله
اخباركم ايه واخبار النونو كمان والف سلامة عليكى يالولو وربنا يفرحك قلبك ياميرى يااااااارب وربنا يطمنك على خير ياملوكة

Om Rodina

01-02-2011, 06:56 PM

مافيش حد هنا خالص

أم نورين2012

01-03-2011, 12:03 AM

أزيكم يابنات كلكم نيمين ولا في حد صاحي

أم نورين2012

01-03-2011, 12:10 AM

أزيكم يابنات كلكم نيمين ولا في حد صاحي

dr.princess

01-03-2011, 01:18 AM

ايه لخبطة النوم دى بس يا رجالة

رنا خالد

01-03-2011, 01:55 AM

لولو امتي تنوري الفتره المسائيه ونرجع نتلم تاني بالليل انا وانتي وجوجو وبقلظه زي ماكنا بنعمل

dr.princess

01-03-2011, 02:08 AM

رنا ازيك اخبارك ايه انتى ولوجى
لسه اخر الاسبوع ان شاء الله بس ادينى اهو مشرفة الفترة المسائية النهاردة

رنا خالد

01-03-2011, 03:27 AM

معلش يالولو نفسي اتكلم معاكي بس غصب عني البنت كل شويه تعيط
بجد وحشتني الايام اللي كنت حامل فيها كنت مستريحه والله
عشان كده بقولكم يابنات عيشوا حياتكم الكام شهر دول قبل المعتقل ههههههه اه والله العظيم معتقل والعن كمان ربنا يصبرنا

dr.princess

01-03-2011, 03:31 AM

ياستى ولا يهمك ربنا يخليهالك يااارب وشوية كده ان شاء الله ونومها يتظبط بس خدى بالك عليها من البرد ده

مدام احمد

01-03-2011, 03:51 AM

السلام عليكم ورحمه الله وبركاته

ازيكم يا بنات بلدى ..

بنات اللى عايشين فى السعوديه لو حد يعرف حد عايش فى الجنوب تحديدا فى خميس مشيط او ابها
وحتاج عفش او شقه ..انا ببيع عفش شقتى كلها ومحتاجه مساعده الله يكرمك ضرورى

والشقه بالتفصيل موجوده فى موضوعاتى بكل العفش اللى فيها

اللى يعرف حد يساعدنى الله يكرمك
وجزاكم الله خيرا

رنا خالد

01-03-2011, 03:55 AM

انتي عامله ايه قوليلي المغص لسه بنفس شدته ولا في تحسن
يارب تكوني بخير يالولو بس انا ملاحظه انك نشيطه حبتين عايزاكي تبقي كسلااااااانه لأبعد الحدود اصل الحمل ده عدو النشاط ههههههه
واهي فرصه تدلعي شويه برضه علي حس الحمل
والف سلامه عليكي

dr.princess

01-03-2011, 03:58 AM

مدام احمد ربنا ييسرلك الحال ان شاء الله وتلاقى حد يشترى العفش بسعر يناسبك

dr.princess

01-03-2011, 04:05 AM

شكرا يارنا على سؤالك الله يسلمك حبيبتى لالا المغص اياه ده الحمدلله خلاص بس بطنى مش مرتاحة كده بتتعب من اقل حاجة مش عارفة ليه يعنى لسه واخده من شوية بوسكوبان قلت تريحنى شوية ولسه بطنى واجعانى
لالا بالعكس انا عمرى ما كنت نشيطة حتى دى كانت من اكتر الحاجات اللى كانت بتضايق ماما منى وكمان بعد التعب الاخير ده مبقيتش اقدر اقعد او اقف اكتر من ربع ساعة و اتعب فطول الوقت نايمة حتى والله جوه اطباق عايزة تتغسل مش قادرة اقوم اعملها

dr.princess

01-03-2011, 04:11 AM

بس عارفة ماما كانت بتشتكى انى نشيطة فى ايه
فى الخروج ( جوزى اشتكى من الحتة دى لانى كل يوم عايزة اخرج ) والشراء وعلى رأيها بعزقة الفلوس هههههههههههه

dr.princess

01-03-2011, 04:41 AM

اكلم نفسى بقى مادام مفيش حد موجود حتى جوجو مدخلتش النهاردة على حظى

عارفين انا نفسى فى ايه نفسى اضرب مج نسكافية و كابتشينو و كاكاو محترمين كده وسنيكرز و تويكس و مورو بدل الحرمان اللى انا فيه وايه تانى خليهم دول مؤقتا على ما افتكر الباقى

بقلظة

01-03-2011, 07:48 AM

السلام عليكم ورحمة الله وبركاته

ازيكم يا بناااااات وحشتوني اووووووووي

النت كان فاصل عندي

وحشتوووني جدااا جدااا

dr.princess

01-03-2011, 07:53 AM

لالالالالالالالالا اخيرا امل وحشينى والله وقلقت عليكى
اخبارك ايه يابنتى

MALAK2010

01-03-2011, 07:58 AM

صباح الخير يا بنات
بقلظة ازيك يا حبيبتى اية الغيبة الطويلة دى عاملة اية وحشتييييييييييييينى طمنينى جوزك بقا احسن الوقتى ربنا يشفية
انا قلت لتكونى عملتيها وولدتى بس الظاهر لسة

لولو ازيك يا حبيبتى عاملة اية انتى كنتى قلقانة طول الليل لية
على فكرة انا لسة جايبة كيس مليان كل اللى نفسك فية من الشيكولاتات تعالى اتفضلى معايا

بقلظة

01-03-2011, 08:05 AM

ازيك يا لولووانتي كمان وحشتيني اووي اخبارك ايه يا قمر

ازيك يا ملوكة وحشتيني جدااا عاملة ايه

ايه التوقيع الحلو ده يا ملوكة

انا بقيت احب اغيب عن المنتدي علشان اشوف اسمي في توقيعك ههههههه

انا بخير الحمد لله وجوزي بقا احسن ونزل الشغل

وكمان النت كان فاصل عندي الفترة الللي فاتت معرفتيش ادخل

ولسه مش عملتها يا ملوكة ادعيلي

dr.princess

01-03-2011, 08:05 AM

صباح الخير يا ملك
انا امبارح مكنتش خدت راحتى فى النوم فمجرد جوزى ماجه واتغدينا نمت على نفسى وانا قاعدة من بعد 7 وقلقت الساعة 12 وخلاص بقى راح النوم لدوقتى
ياحبيبتى مانتحرمش انا عندى جوه فى الثلاجة شيكولاتة مش فاكرة تقريبا dairy milk بس جوزى مانعنى منها

MALAK2010

01-03-2011, 08:12 AM

بقلظة:الحمد لله انة بقا بخير
وياستى انا هحطك ان شاء الله قريب فى توقيعى انتى والنونو ياااااارب يقومك بالسلامة وعقبالن لما نخلص ال 9 شهور بالسلامة يارب

لولو :انا مش عارفة البرد باين هو اللى بينيم وبيخلى الواحد يكسل يقوم من النوم برضة النهاردة ماحستش بجوزى غير وهو ماشى

عارفة انا سالت الدكتورة على كريم الخطوط البيضا قالتلى مفيش كريم يمنع حدوثها
وبتقولى لما تظهر ابقى استعمليها مابتاثرش قبلها او تمنع حدوثها صحيح الكلام دة

dr.princess

01-03-2011, 08:16 AM

والله ما اعرف فى بنات هنا فى المنتدى بيقولوا انهم استعملوا حاجات ومنعت ظهورها وبعدين كل جسم وقابليته يعنى ممكن ميطلعلكيش خالص مش شرط يعنى وانا بصراحة مش شاغلة بالى بيها يعنى عندى الكريم اهو واخر مرة حطيته كان من شهرين تقريبا

بقلظة

01-03-2011, 08:16 AM

لولو كنت عاوزة اسئلك سؤال شاغلني جداا

انتي عاملة اقامة في السعودية طبعا مش زيارة صح؟

انا جوزي هيسافر ان شاء الله المدينة الشهر الجاي

وهيبعت لي ان شاء الله بس بيقولوا له ان

الاقامة علشان يبعت لي لازم يدفع فلوس عشرين الف ريال

وكمان مش علطول ده قدامه

اقل شيء اربع شهور علشان ينفع يبعت لي وفي الاول زيارة بس

وبعدين يعمل لي اقامة

مش عارفة انتي فهماني والا لاء ؟

Om Rodina

01-03-2011, 08:18 AM

السلام عليكم ورحمة الله وبركاته
امولة وملك ولولو اخباركم ايه وعاملين ايه وحشتونى والله وكل ماادخل الاقيكم مش موجودين

MALAK2010

01-03-2011, 08:19 AM

بقلظة:يا حبيبتى هتبقى من المغتربين امثالنا ربنا يقويكى

MALAK2010

01-03-2011, 08:20 AM

اية دة دة الفترة الصباحية نورت
ام دنا كمان احمدك ياااارب

Om Rodina

01-03-2011, 08:24 AM

هاعمل ايه بس ياملوكة انتوا وحشتونى ومش عارفة الاقيكم قلت ادخل الصبح اكلمكم لانكم والله وحشتونى اوى النونو اخباره ايه بدأ يثبت نفسه ولا لسه

dr.princess

01-03-2011, 08:25 AM

امل بجد هتيجى وتونسينى هنا طيب يللا انجزوا بقى
لالالالا كل الكلام ده هبل 20000 ليه يعنى احنا راحين استراليا لا طبعا
ايوه انا الحمدلله عاملة اقامة جوزى راح جدة عمل ورق استقدام ب 2000 او 2000 ريال والله مش فاكرة بس غالبا 2000 واقريبا دفع فلوس تانية علشان يطلع ليا اقامة امشى بيها زى البطاقة كده هسئله واقولك اما موضوع الاربع شهور ده معرفش هسئلك جوزى وانا جاية على طول على الاقامة مش زيارة ولا حاجة
والتفاصيل كلها هتأكدلك منها من جوزى واقولك بكرة ان شاء الله