دردشة حوامل مصر - دردشة بنات مصر - تجمع حوامل مصر

[malak ahmed]

السلام عليكم ورحمة الله وبركاته
لولو وام اياد زملك ازيكم كلكم ياحبايبى عاملين ايه
ربنا يارب يكملكم على خير وتقوموا بالسلامة

وعليكم السلام ورحمه الله ... الحمد لله ياحبيبتي ازيك انتي اخبارك ايه؟؟

[dr.princess]

رفيدة ازيك ياحبيبتى اخبار الجرح ايه واخبار رودينا ؟؟

ام اياد ولا يهمك

[أم إياد]

أم رودي .. ازيك ياجميل وازي صحتك دلوقتي .. لسه الخياطة بتشد عليكي؟؟

ربنا يكمل شفاكي بخير..

وروديييييي أخبارها ايه كده؟؟ وصحتها عاملة ايه؟؟

[dr.princess]

غريب اوى سؤالك يا ايه
لو ربنا كرمنى بولادة طبيعية ليه اروح افتح بطنى ربنا ييسرلى الحال ويكتبلى الخير من عنده

[Om Rodina]

تسلمولى يارب يالولو وام اياد والله الحمد لله ماشى الحال بقيت احسن الحمد لله بس احيانا بيشد عليا الجرخ اوى والله
رودينا بخير الحمد لله وبتسلم عليكم كتير خالص
يارب يفرحنا بيكم وتقوموا بالسلامة وتكون ولادة سهلة وميسرة من عند ربنا باذن الله

[Om Rodina]

الحمد لله بخير ياملوكة الحمد لله

[dr.princess]

ربنا يتمم شفاكى على خير يا ام رودينا

[Om Rodina]

ربنا يخليكى يارب يالولو ويطمنا عليكى ويقومك بالسلامة يارب
لولو صحيح اخبار ملك ايه مش بتدخل بقالها مدة طويلة

[dr.princess]

ياااااااااارب اللهم امين
ملك والله اخر مرة كلمتها على الياهو من حوالى 10 ايام كانت كويسة الحمدلله
بس الايام دى لما بفتح الياهو مش بشوفها لانها غالبا بتبقى فاتحة بالليل

[Om Rodina]

ربنا يقومكم بالسلامة يارب ويطمنا عليكم ياحبيبتى

[malak ahmed]

بقيت احسن ياملوكة الحمد لله ربنا يخليكي ياحبيبتي
الف سلامة عليكي شكل دور البرد اللي عنك جااامد
الف لا بأس عليكي ,

هو فعلا الجو نااااار انا مش قدرت استحمل وصيفت وفتحت المروحة يلا ربنا يستر ..
خدي بالك من نفسك..

كويس اني اطمنت عليكي .. ربنا معاكي يارب ...

الله يسلمك يا ايه ... بيقولولي لسه الجو هيبرد تاني ومش عارفه صح ولا لا .. جوزي بيقولي ان عندهم تلج وبرد مووووووووووت ولسه الجو برد عندهم .. فانا بقول يمكن يومين والجو يفك عندنا بردو

[dr.princess]

ياااااااااااارب اللهم امين

ماقولتيش رودينا شبهك اكتر ولا شبه باباها

[malak ahmed]

بنات قولولي اعمل ايه عشان الايام تعدي بسرعه عليا .. مفيش حاجه بعملها غير اني نايمه وبتفرج عالتليفزيون يا اما بكلمكم هنا وماما كالعاده تيجي تزعقلي وتقولي غلط عليكي

انتو مريتو بالايام دي قبلي ؟؟ ياتري كنتو زيي كده ولا عدت عليكم ازاي ؟

[ام انس المصريه]

ياملك انا من الحبسه عندى اكتئااااااااااااااااب دايما قاعده لوحدى وماما سعات بتجيلى

وللاسف انا ممنوعه من الخروج بس هسال الدكتور ينفع انى اخرج بس لو حتى سمح لى بالخروج انا مش هخرج دنا لو وقفت اغسل طبقين رجولى توجعنى وظهرى يبقى هيتكسر من الوجع

ربنا يطوى لنا الايام ويقر ب البعيييييييد

[dr.princess]

فجأة هتلاقى الايام بتعدى
مااحنا كلنا مش بنشتغل و الشهور عدت هواااااا بس انتى بس متركزيش وتقعدى تحسبى يوم بيوم هتلاقيها فاتت

[malak ahmed]

طب ياريت ياشيماء اقعد لوحدي ف شقتي .. عالاقل هيكون ورايا حاجات كتيره اعملها ف شقتي وهنزل لحماتي واتكلم مع سلفتي شويه واليوم هحس انه هيعدي .. بس انا من يوم ما حملت ومن بعد حملي الاول بقيت بخاف اقف شويه او اعمل اي مجهود ومن يوم ماجوزي سافر ماما خدتني اقعد عندها وطبعااااا مللللللل لانها بتعمل كل شغل البيت وانا مش متعوده عالقعده دي خالص

[dr.princess]

طيب على الاقل ياملك انتى قاعدة مع مامتك وبتلاقى حد تكلميه ربنا يخليهالك اما احنا المغتربات مش بنلاقى حد يادوب بنكلمهم على النت شوية وخلاص لما تلاقى على اخر اليوم دماغك وجعتك من قلة الكلام والهدوء

ام انس اخبارك ايه

[malak ahmed]

يارب يالولو ربنا يهونها بقي ويعدي الايام دي ع خير .. الصيف لسه جاي ههههههه ويوم الصيف طويييييييييييييل

انا الدكتور قايلي اخرجي عادي ياشيماء بس انا بردو بخاف اخرج كتير وحتي لو خرجت فبتبقي زيارات لحماتي وتيتا وكده يعني مش فسح ومشي

[malak ahmed]

والله يالولو ماما طول اليوم ف المطبخ يا اما برا بتشتري حاجات يا اما عند تيتا .. وحتي لما بنقعد مع بعض مش بيبقي فيه كلام جديد .. ربنا يهونها يارب ..

[ام انس المصريه]

طيب ماشاء الله مامتك معاكى واخواتك بيسلوكى انا بقى قاعده 24 ساعه لوحدى جوزى فى شغله طول النهار وبيجى على النوم على طول والله مابيكلمنى ولا بيعمل معايا حوار خالصصصص

ربنا يعدى الايام على خير وينتعنا باللف سلامه ويارب النونو يجى يونسنا فى وحدتنا ياااااااااااااااااارب

[malak ahmed]

انا عندي ايوة اخ واخت .. بس اخويا لما بصحي م النوم الصبح بلاقيه ف الشغل ومش بشوفه وبييجي بليل بكون ساعتها يا اما نايمه يا اما هبتدي انام .. واختي متجوزة ومش بشوفها غير قليل اوى والله يا شيماء لانها اصلا كانت مسافره من اول ما اتجوزت ولما رجعت مش بتعرف تخرج من ابنها .. ع فكره انا اخر العنقود ههههههه ومتجوزه قبل اختي بشهر

[أم إياد]

غريب اوى سؤالك يا ايه
لو ربنا كرمنى بولادة طبيعية ليه اروح افتح بطنى ربنا ييسرلى الحال ويكتبلى الخير من عنده


مش قصدي يالولو في السؤال

انا بس ياحبيبتي اقصد ان في بنات دلوعة وبتخاف من الطبيعي ومش بتستحمل وجعه فبتطلب من الدكتور قيصري مع انها بيبقى وضعها مناسب للطبيعي..

ده بس كان قصدي ..
وانا عن نفسي اتمنى ربنا ييسر الامور ويكمل بخير وتكون ولادة طبيعي..

ربنا يقومك بالسلامة ياحبيبتي وتولدي طبيعي ويرزقك ساعة سهلة وكل الحوامل هنا يارب

[ام انس المصريه]

انا بقى شئت ام ابيت هولد قيصرى يعنى هولد قيصرى بااذن الله

لان اللى عامله حقن مجهرى لازم تولد اول التاسع قيصرررررى

عادى قيصرى قيصرى ربنا يكملى على خير انا واللى زيى ياااااااااااااااااارب

[ام انس المصريه]

اتفضلو معايا دوريتوس مشطشط

ولا تاكلو ترمس

[malak ahmed]

بت يا شيماء متاكليش حاجات من دي كتير .. خليها ف الاسبوع مرتين او تلاته بس عشان المواد الحافظه اللي فيه

بالهنا والشفا ياحبيبتي ... اااااااااااه نفسي فيه اوى بس بخاف اكلو مشطشط فبجيبه بالجبنه مع اني مش بحب اي حاجه بالجبنه

[malak ahmed]

روحتو فين يا جمااااااااااااااااااعه :(((((

[*رحمه*]

السلام عليكم يا بنات
انا كنت في الطوارئ من امبارح عشان كنت تعبانه قوووي ، ان شاء الله لما ابقى كويسه هكلمكوا ادعولي بالشفااااااااااااء
و سلمولي على كل البنات باي باي

[dr.princess]

دينااااااااااا الف سلامة عليكى خير فيه ايه ياريت تطمنينى عليكى

[dr.princess]

ام اياد يااااااااااااااارب ولا يهمك حبيبتى

[ام انس المصريه]

ازيك ياملوكه عامله ايه انا باكل دوريتوس على طووووووول وشيبسى بس قللت شويه اليومين اللى فاتو

.............

مالك ييارحمه الف سلامه عليكى طمنينا عليكى فيكى ايه ؟؟؟

[malak ahmed]

دينااااااااا انتي كده قلقتينا مش طمنتينا .. جرالك ايه .. مالك

علي كل الف سلامه عليكي وربنا معاكي ويشفيكي يارب لغايه ماتيجي تطمنينا تاني

[ام انس المصريه]

هى دينا حامل ياملك ؟؟؟؟

........

بقولك ياملك انا بينزل عندى افرازات بيضا ملهاش ريحه هو ده عادى ؟؟؟؟؟؟؟؟؟؟؟؟

[رنا خالد]

دينا بجد قلقت عليكي ياريت تطمنينا ياحبيبتي شغلتي بالي اوي
ام انس دينا مش حامل بس ربنا هايكرمها قريب اوي بأذن الله وتفرحنا لحسن البنت دي بجد طيبه اوي وعسل احنا اصدقاء في الدايت هههههههههه
عامله ايه يالوكه زهق ايه بس حد يبقي مع مامته وزهقان ده انا لو قعدت مع ماما سنتين في السنه مش هازهق ههههه
لولتي الاموره العسوله اللي يحيني تعبانه علي طول
عارفه يالولو لو اشتكيتي بعد ماتولدي هاعلقك علي باب المنتدي ده انتي وحمبوزو بتاعك هههههههه يارب اعتر فيكي النهارده

[malak ahmed]

لا يا شيماء مش حامل ... ربنا يرزقها يارب قريب ونفرح بيها ياااااااارب

بقولك يا شيماء الافرازات دي عاديه ف الحمل مش تقلقي اهم حاجه تكون زي ماقولتي بيضا ومن غير ريحه ... انا كانت سلفتي الدكتور بيقولها ان الافرازات دي هي اللي بتحمي البيبي وبيقولها انها متحاولش تمسحها خالص .. يعني تسيبها تنزل عادل وتغير ملابسها بس

اطمني ياحبيبتي

[malak ahmed]

ام لووووووووووجي جت هييييييييييييييييييه

يابت مللللللللللل وحر موووووووووووووت ونفسي بقي الايام تجري جررررررررري واشوف البت بنتي دي بقي ف حضني وادلعها وافضل ابوس فيها ومسيبهاش ابدا

اخبارك ايه ... واخبار لوجي ايه ؟؟

[malak ahmed]

ايه ده هو انتو بتروحو فين يابنات كده... تتكلمو كلمتين وتختفو ليه

يالهوي لتكونو اتخطفتووووووووووو

[رنا خالد]

لوووووووووكه
انا كنت زيك كده اول خمس شهور تنحين اوي بس بعد كده الايام بتجري اوي مش عارفه ليه
يمكن لأن التعب بيزيد والواحد بيتلهي عن عد الايام
بس خلاص هانت اللي فات اكتر من اللي جاي بكره تشرف بنوتك وتدلعيها اخر دلع

[ام انس المصريه]

الدنيا حرررررررررر اوووووووووووى

اومال هنعمل ايه لو الحر دخل علينا شويه هنتسلق

اللهم قنا عذابك يوم تجمع عبادك

اللهم قنا حر نار جهنم

امين

[رنا خالد]

شيماااااااااااااااء اهلين ياقمر عامله ايه وايه اخبار الزبادي اكلتوه ولا لسه ههههههههههه
بهزر والله لتفتكريني زي ناس متطفله انا بس بنكشك شويه

[malak ahmed]

هههههههههه شيماء انتي عندك كام سلفه يختي ع كده ... وانتي بردو يارنوش قولي

[*رحمه*]

ازيكم يا بنااات وحشتوني قوي كلكوا ، و ربنا يخليكوا كلكوا و شكرا انكم سألتوا عني
انا بقى امبارح جالي مغص في معدتي فظييييييييييييييع ربنا ما يحكم على حد بيه
رحت الطوارئ الساعة 3 بالليل قالولي يا أما التهاب في المعده يا أما المراره
و ادولي حقنتين مسكنين و تحميلتين
طبعا من شدة الالم ما جاليش نوم و رحت الطوارئ تاني الساعة 8 الصبح و ادتني حقنتين تانيين في الوريد زانتاك و بسكوبان و قالت لي لازم اعمل تحليل دم و بول عشان اشوف ايه المشكله
و قالتلي الحمد لله التحاليل سليمه بس عندي فقر دم حاااد ، و كتبتلي علاج لالتهاب المعده امشي عليه شويه و اشوف النتيجة
و بعدين اروح عشان اعالج فقر الدم لانها قالت لي انتي وصلتي لمرحلة انك لازم تاخدي حقن حديد و الحمد لله على كل حال انا اتحسنت دلوقتي شويه على العلاج
ادعولي ربنا يشفيني لان الالم كان فظيييييييييييييييييييييييييع

[malak ahmed]

الف سلامه عليكي يادودو .. ربنا يكمل شفاكي ع خير يارب يا حبيبتي .. كلو م الريجيم ده .. الحمد لله انك دلوقتي احسن وخلي بالك ع نفسك بعد كده

[*رحمه*]

ربنا يخليكي يا ملوكه و الحمد لله على كل حال ، وان شاء الله بعد كده اعمل ريجيم معتدل افضل من النظام ده و ربنا يعيني

[رنا خالد]

ياحبيبة قلبي يادينا سلامتك يابنتي ليه بس كده
شكلك بعيده عن الاكل اللي في حديد وده ماينفعش
يمكن عشان الدايت بس في اكل نسبة الحديد في عاليه ومش بيتخن زي السبانخ
والخرشوف والكبده والتفاح سعرهم الحراري هاااااااااايل وفي نفس الوقت مفيد للجسم
والله زعلتيني خدي بالك من صحتك اوي ويارب تبقي في صحه كويسه وزي الفل علي طول

[رنا خالد]

شفتوا السجق بتاعي حلو هايعجبكم اتفضلوا معايا منه بقي يابطابيطي

[malak ahmed]

ماهو اكيد لازم ف كل حاجه تعب وارف .. الحمد لله انها بتيجي علي اد كده ومش بيحصل حاجات جامده

والله يادينا انا عندي صاحبتي الانتيم بردو كانت راحت لدكتور وعملت ريجيم واحنا ف الكليه بس وشها بقي اصفر اوووووى وبقت زي العيانين وشعرها بدأ يقع الله يخربيت الريجيم ده والحمد لله دلوقتي بقت احسن وجسمها اتعود علي نمط اكل معين بس ف الاول بس كانت مضاعفات ظاهره شويه ... بس دلوقتي اتغيرت 360 درجه بقت واحده تانيه بجد خست اوووى وبقت مزة هههههه

وربنا معاكي يااااااااااااااارب ومش تتعبي تاني .. ونفرح بيكي قريب يارب

[*رحمه*]

الله يخليكي يا رنونه يا حبيبتي ، و فعلا انا مقصره جدا في الاكل اللي فيه الحديد و ربنا ييسر ان شاء الله بعد ما ارتاح من الم المعده ههتم بالاكل اللي فيه حديد ، انا اصلا عارفه ان صحتي ورق
يلا الحمد لله

[malak ahmed]

سجق ... نفسي فيه اوى يابت يا رنوش بس بخاف اكل الحاجات دي ف الحمل وكده .. الدكتور كان بيقولي لا عليها .. كوليلي انتي بقي

تعرفي انا نفسي ف حواوشي اوووووووووى من بتاع ماما فكرتيني بيه

[*رحمه*]

يااااااااااااااارب يا ملوكه
هو فين السجق ده يا رنا ؟؟؟

[malak ahmed]

وحشنا اكلك يابت يادودو ... هاتيلي رغيفين حواوشي بقي ازلطهم دلوقتي

[رنا خالد]

في مواضيعي ادخلوا عليه سجق دايت بالصوره بتاعته وممكن مايبقاش دايت لو ضفتوا له زيت عادي واكلتوه مع مكرونه اور رز
يعني وجهين لعمله واحده حلوه وجهين لعمله واحده دي
شفتوا الثقافه ده انفع اشتغل في بنك ههههههه

[*رحمه*]

اتفضلي يا لووكه

http://forum.hwaml.com/imgcache2/hwaml.com_1303063476_241.jpg

[malak ahmed]

احلي حاجه عندك يارنا انك كل الاكل عندك بتعمليه دايت ف الاخر هههههههه ... شكلك مش هتجبيها البر

خليتو نفسي انعشي حاجه غريبه ؟؟؟ اتعشي ايه .. قولولي رايكم

[رنا خالد]

انا بعمل الحواوشي علي طاسه تيفال مع اني عندي شوايه
والفرت بتاع بوتجازي حلو بس بيبقي ليه شمخه خطيره وهو معمول علي الطاسه بيبقي طري مش مخشب زي الفن
في مره اتغديت بره واكلته عجبني حجا فخليت جوزي يسأل الشيف هو طري كده ازاي مش مأنفد زي بتاع الفرن قاله بنعمله في طاسه تيفال ومن ساعتها وانا بعمله كده خطيييييييييييييييييير
وبعمله فحمايه كمان بيبقي ولا الكباب
جربو ومش هاتندمو

[malak ahmed]

الله الله الله عليكي يادودو ... طب واللي هيموت وياكلو دلوقتي يعمل ايه ينط ازاي ف الطبق ده؟؟؟؟؟

ونفسي من امباارح اوووووى ف ذره مشوي

قوليلي يارنا صحيح انتي اتوحمتي ع ايه ف حملك

[رنا خالد]

الحروف عندي مبعزأه ههههههههههههه
يارب تعرفوا تفهموا حاجه من اللي كتبته
حول وعمي حيسي بعد كده هاجيب الكيبورد زرايره بتنور اشوفه مع اني نظري 6علي 6شارب

[*رحمه*]

حلو قوووي السجق يا بت يا رنونه ، ما عندكيش كبده ؟؟؟؟هههههههه
هجرب الحواووشي اللي من فوق ده شكله جامد فعلا

[malak ahmed]

خدي يادودو كلي ده اللي هيرجعلك الحديد الناقص وهيخليكي تمااااااااااااام ومتديش للبت رنا دي حاجه

http://forum.hwaml.com/imgcache2/hwaml.com_1303064052_532.jpg

http://forum.hwaml.com/imgcache2/hwaml.com_1303064053_464.jpg

http://forum.hwaml.com/imgcache2/hwaml.com_1303064053_314.jpg

http://forum.hwaml.com/imgcache2/hwaml.com_1303064053_429.jpg

http://forum.hwaml.com/imgcache2/hwaml.com_1303064053_622.png

[رنا خالد]

ابصي بقي ياستي الكوميديه بمناسبة الوحم
انا ماعرفتش اني حامل غير بعد شهرين من حملي واول ماعرفت بعدها بساعه قلت لجوزي ياه ده انا بدأت اتوحم جوزي ضحك وقالي اظاهر انك كنتي مستنيه التحليل بتاع الحمل عشان تتوحمي ههههههههههههه
نفسي في برقوق ياحماده جوزي لف شرق وغرب ملقهوش كنا في شهر خمسه اللي فات وماكنش في برقوق المهم خد نمر موبايلات كل الفكهانيه عشان يجيبوا البرقوق بعد يومين ويكلموه
وفعلا بعد يومين كلموه وجابلي البرقوق جابلي اتنين كيلو
المهم خلص بعد يومين مسحته ازالته ازاله تااااااااااااااامه هههههههه هاقولك الباقي ده انا ليا مع الوحم قصص

[malak ahmed]

الف سلامه ع الكيبورد يارنا ... ربنا يشفيها ههههههه ده بس اللي فهمته م الكلام المش مفهوم بتاعك ده

[*رحمه*]

ههههههههههههههههههه ده انتي مشكله يا رنا
بناااات هسيبكم دلوقتي و اقوم انام شويه باي باي
بكره هكمل قصة الوحم بتاعتك يا رنا



و دي صورة كبده اسكندراني عجبتني


http://forum.hwaml.com/imgcache2/hwaml.com_1303064326_294.jpg

[malak ahmed]

ههههههه حتي ف وحمك تاعبه الراجل ... حد يتوحم ع البرقوق بذمتك .. ده بيكون قليل اوى فعلا وحتي لو موجود مش بيبقي حلو لانه بيبقي بتاع تلاجات

شكلك اتوحمتي علي 500 حاجه هههههه


انا بقي اتوحمت عالبطيييييييييييخ والبرتقال الاخضر وكنا ف الشتا ومكانش فيه بردو بطيخ وبردو زي حالاتك كده حصلت مغامرات وجبناه من بلد تانيه

[*رحمه*]

الله الله الله يا ملك على الاكل شكله يجنن ، تسلم ايدك يا لووكه

[malak ahmed]

اوك يادودو تصبحي ع خير ياقمر ... ابقي طمنينا عليكي
ربنا معاكي

[malak ahmed]

الله يسلمك يا قمر والله لو كنت اعرف اجيلك وازغطك الاكل ده كلو كنت عملتها هههههه.. عشان شكلك هفتانه ... كلي يابت ومش تسيبي نفسك كده

[رنا خالد]

تصبحي علي خير يادودوبس لسه هنستناكي لحد بكره لو قدرتي تدخلي بالليل ادخلي
معلش بنتقل عليكي بس اصل الكلام معاكي حلو وربنا
باااااااااي ياقمر والف سلامه عليكي مره تانيه

[رنا خالد]

هاحكيلك يالوكه وانتي كمان هاتحكيلي طبعا علي قصة وحمك
نكمل المهم جالي اسهااااااااااااال سوري
من البرقوق لأن في نسبة حديد عاليه وانا بيجيلي اسهال سوري تاني هههههههههه
من الحديد
قلت بقي اخش علي حاجه تانيه بعدها بكام اسبوع قلتله نفسي في حرنكش برضه مالقوش راح جابهولي من اولاد رجب اللي اخر مدينة نصر خالص اكلته ومافضلش ولا نصايه
وياعيني جيه ياكل منه لقاه خلص قلتله احسن عشان مش حلو الحرنكش ده في املاح خطر عليك هههههههههه
شوفتي المسخره خطر عليه ومش خطر عليا
وبعدين اتوحمت علي الدوم تعرفيه؟ لف عليه ملقهوش خالص سأل عليه قالوله في مدرسه قريبه من بيتنا زارعين في الجنينه بتاعتها شجرة دوم راح لبواب المدرسه وقاله انا عايز دوم من الشجره اللي عندكم هههههههههههههههههههههههههه اصل مراتي بتدلع قصدي بتتوحم
البواب بصله كده ومذبهل وجابله شوية ودفعله حقهم وزياده وكلته كلللللللللللله
اكملك الباقي

[malak ahmed]

ههههههههههههه يالهوي عليكي يارنا مش بقولك تلاقيكي اتوحمتي ع 500 حاجه
كملي يختي كملي

[رنا خالد]

وبعدين اتوحمت ع الكريز بس اتكسفت اقوله اصلي تعبته معايا اوي
وكمان جوزي له هيبه كده ووقور وانا بهدلته بدلعي اخر بهدله كفايا لما راح لبواب المدرسه حاجه تكسف
فقررت اجيب الكريز من وراه
ولحسن الحظ بعد اسبوع كده من الوحم بتاع الكريز ده لقيته داخل وجايب تورته بمربي الكريز هههههههههههههه
وكأنه حاسس بيا طبعا لقط الكريز من علي وش التورته زي المفاجيع ههههههه
وهبرت التورته وكده تنتهي قصتي مع الوحم
الله يكون في عونك ياحبيبي عليا والله ليه الجنه
وربنا يعيني ع الرجيم بقي وابطل طفاسه بقي مع انك لو شفتيني ماتحسيش اني 73 كيلو شكلي مش تخين بس اظاهر ان الميزان بقي قاصد يضايقني ههههههههههه
هلزقها في الميزان

[malak ahmed]

هههههههههه ربنا يخليهولك يارب ويباركلك فيه

لو قررتي تحملي بعد كده قوليله يفتح الاول محل فاكهه عشان مش تتحرمي من حاجه

قوليلي هو انتي طويله ولا لا ؟؟

[نولارا]

حد هناااااااااااااااااااااااااااااااااا

[malak ahmed]

طبعا انا اللي هنا ههههههههههه .. هو فيه مين غيري يعني لازق ليل نهار

اخبارك ايه يا نورا ؟؟ واخبار الواد موكشه ايه

[نولارا]

يانهار ابيض ياملك انتى السكيوريتى بتاع الدردشه هههههههههههه

[malak ahmed]

ايوة يابت شكلي كده

انا هقوم دلوقتي ... وادعي يارب اجي تاني عشان اكمل كلامي معاكي

سلام يا قمر

[نولارا]

ملك انتى زعلتى ولا ايه
ولا انا حسدتك
تعالى انا بهزر معاااااااااااااكى

[نولارا]

ياقووووووووووووووووووووووووووووووووووووووووووووووو ووم

[gogo]

اناهنا هل من مجيب

[نولارا]

اخيييييييييييييييييرا جوجو
عامله ايه ياجوجو

[gogo]

انا تمام الحمد لله يانورا انتى عامله ايه قاعده طبعا فاضيه والدروس شغاله والحسابه بتحسبhwaml02

[نولارا]

ده نق ولا قر هههههههههههههههه
الاجازه بعد شهر يااختى وهنقعد مأاشفرين هههههههههه
ام هند انتى عامله ايه ياجوجو

[gogo]

هههههههههههه يانورا ابقوا وانتوا فاضين ف الاجازه ادوا دروس ل احمد
ومنى ام هند دى همشيها الاخطاء الاملائيه دى
انا تمام الحمد لله وهفطس من الحر

[نولارا]

ااااااااااااااااااااااه من الحر
الواد احمد بيعرق بغباء

[gogo]

ابقى حطى مشى ايدك وهى مبلوله على وشه كل شويه ورقبته علشان الحامونيل ميديقوش

[نولارا]

انا هاحميه كل يوم ان شاء الله
معن ماحد حوش ههههههههههههههههه

[gogo]

ههههههههههههه على رايك هتوفروا ميه لحد امتى

[Rania Negm]

صباحووووووووووووووووووووووووو

ايه ده ؟؟؟ هو الصيف جه مصر ؟؟؟؟

ليه بدرى كدا ؟؟

هع هع هع هع

محدش احسن من حد

دانا بحقد عليكو انا الصيف عندى 14 شهر فى السنة هنا

[Rania Negm]

النت زووبالة أنهاردة

شركة stc واقعة فى البلد كلهااااااااا

هووووووووووف

ازيكو يا ستات عاملين ايه

وحشانى موت ياجوجو انتى بقيتى عاملة زى الطير ما اتعود عشه فين وفين لما بنشوفك

ونوووووووووووووور وحشتينى انتى وموكشتى

على فكرة سألتلك فى مكتبة جرير انا ومحمد معندهمش بروسيسرات وصفولنا مكان فيه بيتباع هنبقى نعدى عليه فى الخطة الخمسية الجاية ان شاء الله

بس محمد بيقولى ان موش اى بروسيسور يتجاب بتهيألى لازم نوعية محددة حس الماذر بورد اللى عندك وكمان انتى عاوزاه للاب توب ولا كومبيوتر ؟؟

[رنا خالد]

مساء البطابيط ياحلوين

[Rania Negm]

وبعدين بئى فى الناس اللى نايمة دى

اللاااااااااااب توب هيفصل وهحرمكوا من طلعتى البهية

الحقوا اخطفلكوا معاية ربعااااااااااية

الله ؟ الله ؟ الله بئى ؟؟؟؟

[Rania Negm]

رنا رنا أحسن من مافيش

هههههههههههههههههههههههههههههههههههه

ازيك يا رونا

البت لوجى فين وبتعمل ايه البنتوووسة دى ؟

[رنا خالد]

ربعايه هو رغيف عيش يامقروضه انتي ههههههه
عامله ايه مش هاتولدي بقي ياشيخه انتي ولولو ولا هاتعتقوا ولا ايه بالظبط
الجو حررررررررررر موووووووووووووووت
هاقلع الجلابيه

[رنا خالد]

لوجي بتتفرج ع التليفزيون مريحاني يس بتزن كل خمس دقايق مظبطه المنبه بتاعها
انتي ايه اللي مسهرك حادثه مش ستك الحكيمه الله يمسيها بالخير قالتلك تنامي بدري
بس كويس عشان اتكلم معاكي شويه

[Rania Negm]

ههههههههههههههههههههههههههههه جللابية ايه اللى انتى لابساها ؟؟؟ ورابطة الأمطة ولا لااءة؟؟

الراجل هيروحك على بيت مامتك

اومى ياشيخة البسيلك شورت ولا اشترتش هههههههههههههههههههههههههههه

انا شخصيا هولد على نفسى

قاعدة من الصبح باصة فى الحيطة ومتنحة ومبتحركش مركزة مع بطنى مستنية الطلق ربنا يسهل ههههههههههههههههههههههههههههه

موش بعمل حاجة فى الشقة احسن يجيلى طلق وانا موش واخدة بالى

[Rania Negm]

والله يارنا فعلا وحشتونى

قلت ادخل ادور على اى حد منكو ارغى معاه

مانا موش هطول عشان كدا موش شحنت اللاب توب قلت عشان يفصل غصب واقتدار وانام بالعافية

[Rania Negm]

أووووووووووووووووووف

يا رنوووشة أنا خلقى ديق وهتلاقينى قمت جبتك من شعرك انتى وبنتك

رحتى فييييييييييييييييييييين ؟؟؟ انا وقتى من ذهب

[رنا خالد]

جلابيه بس جامده
حملات وقصيره فوق الركبه وتايجر كمان وظهرها مشلح ههههههههههههههههه
ياكزوفي ياكزوفي
ممكن تتسمي قميص بس انا بستسهل بقي
لا ماتخافيش انا متظبطه بقالي حوالي شهر حمامات كريم ولبس جديد وبرفانات رجعت عايقه ومضايقه زي الاول ههههههه بس الجو يخلي الواحد يطلع من خلجاته
بتمشي كتير ولا مأنتخه ياام حمبوزو عشان تولدي بقي وتجيبي من الاخر بدل ماتعصب عليكوا اها

[رنا خالد]

ذهب يامقروضه ده انا هاجي اقرقضك انتي وحمبوزو بتاعك اللي لازق جوه ده

[يارا ويوسف]

ربعايه هو رغيف عيش يامقروضه انتي ههههههه
عامله ايه مش هاتولدي بقي ياشيخه انتي ولولو ولا هاتعتقوا ولا ايه بالظبط
الجو حررررررررررر موووووووووووووووت
هاقلع الجلابيه


هتقلعى الجلابية وبعدين يارنا
hwaml03hwaml03hwaml03hwaml03hwaml02hwaml02hwaml02

[Rania Negm]

لاااااااااااااااا موش بتمشى خالص

جربت اتمشى من يومين تعبت

عشر دقايق وفيصت

مقدرتش اكمل للعربية وقفت مكانى ومحمد راح جبها وركبتها وروحنا هههههههههههههههههههههههههه

قلتله دى اخر مرة هتمشى موش همشى تانى

[Rania Negm]

ههههههههههههههههههههههههههههه بوصى الناس هتتلم فى التجمع عشان هتقلعى الجلابية

هههههههههههههههههههههههههه يقولوا علينا ايه الناس ؟؟؟ تحمع منافى للآداب ؟؟؟

[Rania Negm]

اللاب توب إدى الاشارة الحمراااااااااااا

عاوزة ارغى معاكى بحاول اقاااوم عشان فعلا لما بسهر دماغى بتبقى هتفرقع وعنيا بتزغلل وبحس ان ضغطى بقى 150

[رنا خالد]

خلاص ياقمر خشي نامي عشان صحتك واشوفك ان شاء الله بكره يارانيا
تصبحي علي الف خير ياام حمبوزو

[رنا خالد]

ام يارا هاقلع الجلابيه والبس البلوفر ههههههههههههههه
عشان الجلابيه مكشوفه حبتين اما البلوفر محتشم كده ومقفل
عامله ايه ياقمر؟
منافي للأداب يارانيا ده انا هاجي اعلقك من صباع رجلك الصغير لحد ماتولدي ههههههه

[يارا ويوسف]

رنا ازيك ياجميل

[يارا ويوسف]

ام يارا هاقلع الجلابيه والبس البلوفر ههههههههههههههه
عشان الجلابيه مكشوفه حبتين اما البلوفر محتشم كده ومقفل
عامله ايه ياقمر؟
منافي للأداب يارانيا ده انا هاجي اعلقك من صباع رجلك الصغير لحد ماتولدي ههههههه


بققى دة اسمو كلام يارنا اما الواحد بيبقى حران بيلبس بلوفر بردمك ولا انتى سقعانة

فهمينا بالظبط
hwaml03hwaml03hwaml03

[رنا خالد]

بخير ياقمر ياام يارا
انتي اخبارك ايه وعايشه فين صحيح

[رنا خالد]

انا حرانه موووووووووووت
بس قلت هالبس البلوفر عشان ارخم علي نفسي شويه
الجو فظيع فظاع فظعظع

[يارا ويوسف]

انا الحمد لله كويسة وانا عايشة فى القاهرة وانتى ياجمبل قاعدة فين حاليا

[يارا ويوسف]

رنا رحتى فين

[يارا ويوسف]

رنا انتى نمتى ولا اية بالظبط

[رنا خالد]

لا مانمتش يايارا بس لوجي زنت فرضعتها وجيت
بصي 3 دقايق بالظبط وجايه هاغير لها اصل بعد مارضعت انتي عارفه الباقي بقي عشان مأرفكيش هههههه

[dr.princess]

فى حد صااحى

[رباه فرج همي]

هلا بنااااااااااااات

تنوووويه ..!!!!!!!!!!

http://forum.hwaml.com/t53597.html#post971905 (http://forum.hwaml.com/t53597.html#post971905)

[somia]

السلام عليكم ورحمة الله وبركاته

[somia]

حد هنا؟؟؟؟؟؟؟

[somia]

طب بصوا انا موجوده هاصلي الفجر بس وباذن الله تعالى هارجعلكم

[somia]

انا صليت ورجعت انتوا فيييييييييييييييييين...

[somia]

لولو انتي فيييييييييييييين؟؟؟

[dr.princess]

صباح الخير يا سمسمة

[somia]

صباح النور يا لولو انا كنت فقدت الامل وقلت تلاقيكي دخلتي نمتي ..

[dr.princess]

لالا انا الحمدلله نمت ساعتين وخلاص على كده

[somia]

ربنا يعينك يا بنتي ويتمملك حملك على خير ويسهلك ولادتك انتي والبت روني عشان الواحد يحسن انه هوه اللي عليه الدور في الولادة

[dr.princess]

يااااااااااارب اللهم امين
عايزة تحسى الاحساس ده ليه احساس مش لطيف على فكرة

[somia]

ليه كده بس انا نفسي أحس انه خلاص النونة قربت تشرف وان الام الظهر والام الكلة والمغص ده كلهم يروحوا وانااااااااااااااااااااااااااااااااااااااااااااااا اااام واكل اي حاة ومرجعش ولا ادوخ

[dr.princess]

مش عايزة اقلقك بس كلها شوية وتفهمى انا قصدى ايه

[somia]

ربنا يطمنك يا لولو ... هوه انتظار الولادة مقلق ولا اييييه؟؟؟
عارفة انا ابتديت اتخنق واقلق من الدكتورة بتاعتي ..
صحيح انتي رحتي للدكتورة تاني ولا لسة؟؟؟

[dr.princess]

هروح اصحى جوزى يا سمية

[somia]

ماشي يا لولو هستناكي

[somia]

لولو انتي رحتي تصحي زوجك ولا رحتي تنامي جمبك .. قري واعترفي يلا ..ههههههههههههههههههه
أكيد انتي مستنياه يخرج الاول مفيش مشكلة انا برضه مستنياكي ..
وراكي وراكي والزمن طويل

[somia]

هههههههههههههههههههههه

[somia]

طب أحطلك شوية صور من بتوع الاحباط بس خلي عندنا امل اننا بعد الولادة ان شاء الله هنلبس منهم
http://forum.hwaml.com/imgcache2/hwaml.com_1303098737_599.jpg (http://forums.fatakat.com/thread1419698)

[somia]

http://forum.hwaml.com/imgcache2/hwaml.com_1303098848_329.jpg (http://forums.fatakat.com/thread1419698)

[somia]

http://forum.hwaml.com/imgcache2/hwaml.com_1303098963_235.jpg (http://forums.fatakat.com/thread1419698)

[somia]

وده بقى عاجباني وقماشته ولونه قويييييييييييييييييييييييي

http://forum.hwaml.com/imgcache2/hwaml.com_1303099071_884.jpg (http://forums.fatakat.com/thread1419698)

[somia]

http://forum.hwaml.com/imgcache2/hwaml.com_1303099159_376.jpg (http://forums.fatakat.com/thread1419698)

[somia]

http://forum.hwaml.com/imgcache2/hwaml.com_1303099207_872.jpg (http://forums.fatakat.com/thread1419698)

[somia]

http://forum.hwaml.com/imgcache2/hwaml.com_1303099509_495.jpg (http://forums.fatakat.com/thread1419698)

[somia]

http://forum.hwaml.com/imgcache2/hwaml.com_1303100297_732.jpg (http://forums.fatakat.com/thread1419698)

[somia]

ده لونه برضه وهم

http://forum.hwaml.com/imgcache2/hwaml.com_1303100523_497.jpg (http://forums.fatakat.com/thread1419698)

[dr.princess]

ااااااااااااسفة جدا على التأخير

[somia]

طب يا جماعة الى ان تاتي لولو حد يجبر بخاطري كده ويخش يدردش معايا كده شوية بدل ما انا بهاتي مع نفسي

[dr.princess]

دبرنى يا وزيرى اطبخ ايه النهاردة

[somia]

لولولولولولولوي لوووووووووووووووووووووووووووووووووووووولوي
لولو جت .. الحمد لله تعالى
مفيش مشكلة يا بنتي انا خفت بس تكوني غيرتي رايك ونمتي

[somia]

ههههههههههههههههههه اعملي زيي انا سبت تحت فلوس فرخة مشوية وبيبسي وهيعملوا جمبها مكرونة وكان الله بالسر علييييييييييييييييييم .. هههههههههههه اصلي بقيت خلاص غير قادرة على الحركة اطلاقا

[dr.princess]

لالالا مش جايلى نوم خالص وصاحية بقالى 5 ساعات ومليش نفس للاكل كمان ومش عارفة صاحية اصلا مزاجى مش متظبط ليه

[somia]

او لو حاسة نفسك تقدري تعملي حاجة قوليلي عندك ايه في الفريزر اصلا الاول عشان نشوف ايه اللي ممكن يكون خفيف كده ..
نسيت اباركلك الف مباااااااااااااااااااااااااااارك على الخروج

[dr.princess]

انا كان ممكن اطبخ اى حاجة وخلاص بس جوزى صايم النهاردة وكمان شغال ل 8 فحراااام انى اقلبه فى الاكل
ممكن اعمله فرخه ولسان عصفور بشوربتها

[dr.princess]

الله يبارك فيكى
انا حتى كمان خرجت امبارح وقابلنا 2 اصحاب جوزى ومراتاتهم وكالعادة تعبت 3 او 4 مرات وانا معاهم فواحدة منهم قالتلى ان دى مقدامات الولادة فغالبا كده من ساعتها مزاجى مقلوب ومعرفتش انام

[dr.princess]

صحيح كنتى بتقولى مالها دكتورتك
انا المفروض اروح للدكتورة النهاردة بس خال جوزى جاى عمرة هو ومامته ( مرات جد جوزى ) وهيروح يقابلهم ومش هيمشى الا الاثنين الجاى فشكلى كده مش هروحلها الا على الولادة بقى مع انى كمان كنت عايزة ابدأ امشى بس برده مش هينفع

[somia]

يمكن يكون النونو بيفكر يشرف فتفكيرك مع تفكيره عملك تفكير مش متظبط ...ايه رايك في التفسير ده ..
هههههههههههههههههه

[somia]

ربنا يعينك يا لولو يا رب ويتمملك على خير سيبيها انتي بس على ربنا ..
لو تقدري اعمليله فرخة وشوربة لسان ولو مكرونة كمان عشان حاجة تشبع

[somia]

انا الدكتورة هانم بتاعتي اللي شكلي كده هابتدي اتخنق منها كان المفروض ان انا بتعلها نتايج التحاليل من اسبوع تقريبا بس معرفتش اكلمها اتصل بيها النهاردة على العيادة اكتشف انها مسافرة وحتى مكتبتليش علاج مع انها عارفة ان الكلية مبهدلاني وكنا مستنيين التحاليل تطلع عشان نشوف هاخد ايه علاج والكارثة ان اختي النهاردة لفت جمب الجامعة على المرهم تاني وقالولها دا ناقص من السوق فكنت عايزة اسالها على بديل لان ظهري بيقيد نار عليا وببقى بصوت منه والرعب بقى انها تسافر كده وانا في التاسع واجي اولد ماالقهاش واحتااااااااااااااااااس

[somia]

لولو انتي لسة هنا.؟؟؟
بصي اقري الرابط ده كده
http://forums.fatakat.com/thread1447017

[dr.princess]

مش عارفة مالها الدكاترة كده مفيش حد بقى قلبه على الناس التعبانة ومحتاجالهم
دكتورتى امبارح بكلمها اقولها اجى اكشف ولالا قالتلى طبعااااااااا لازم كل اسبوع ده اهم شهر طيب مانا كنت هناك اول التاسع ماقلتش ليه حسبى الله ونعم الوكيل

بالنسبة لموضوع المرهم ممكن تسألى فى العزبى اكيد هتلاقيه

[somia]

والله يا لولو ما انا فاهمالهم فعلا حاجة تحرق الدم عارفة اي دكتور ممكن يسافر براحته الا بتاع النسا والولادة لان الواحدة اما بتابع مع واحدة وتستريحلها بيبقى صعب انها تستريح مع حد تاني والمشكلة ان المشاكل في الحمل بتبقى دايما غير متوقعه ولازم تتعالج

[dr.princess]

هههههههههههههههههههههههههههههههه
هههههههههههههههههههههههههههههههههههههه
يالهوووووووووووووووى يانا ياما
واحدة باعتلى رسالة بعريس على فتكات
بس لما جوزى يرجع بس وهقوله مراتك لسه مزة وبيتقدملها عرسان هههههههههههههههههههههههه

[somia]

اديني هاكلم العزبي الوقتي واشوف عندهم ولا لا مع ان اختي سالت في علي وعلي قالولها ده ناقص من السوق

[dr.princess]

انا من شهرين كده سألت الدكتورة انتى هتنزلى اجازة امتى استغربت كده قلتلها علشان اشوف ظروفك ايه وقت ولادتى ما الواحد لازم يبقى عارف راسه من رجله ده مش لعب عيال

[somia]

ههههههههههههههههههههههههه
الحمد لله اني متبتعتتليش انا .. لو زوجي سمع حاجة زي دي هيمنعني ادخل المنتدى خااااااااااااااااااااالص

[somia]

وقالتلك اجازتها امتى ؟؟؟
انا شكلي كده المرة الجاية هاخد معايا اخت زوجي واصدرهالها لاني من النوع اللي بيتكسف جدا بس فعلا هتبقى كارثة لو في التاسف ولا ساعة الولادة لقيتها سافرت ده ممكن ساعتها تاخد مني شوية دعا من اللي قلبك يحبهم

[dr.princess]

لا الحمدلله مش نازلة السنة دى اصلا
بس سبحان الله عليها مش عارفة مستحملة ازاى تبقى لوحدها هنا وكمان متنزلش اجازة

[dr.princess]

هعمل شاى بلبن وارجعلك

[somia]

أديني يا اختي اتصلت بالعزبي وبرضه قالولي ناقص ... شفتي حظي التحففففففففففففففففففففففة

[somia]

هاقوم انا كمان اعملي واحد ..
فتحتي نفسي ..ههههههههههههههههه

[somia]

عارفة يا لولو الغربة والفرقة اللي عشت فيها طول عمري علمت الواحد ان لقمة العيش فعلا صعبة قوي وان الواحد روحة بتطلع على ما يجيب القرش لبيته وولاده

[dr.princess]

انتى هتقوليلى هنا تحسيهم بيعاملوا الناس كأنهم خدامين عندهم الله المستعان

طيب قوليلى اسم المرهم ممكن افتكر بديل ليه ولو مفتكرتش هسألك جوزى او اختى

[dr.princess]

ايوه كده انا عايزة حد يشجعنى على الاكل

[somia]

والله يا بنتي مش عندكم بس حتى في مصر بيطلعوا عين الواحد عشان يدوله المرتب ..
المرهم اسمه ديافورمين...

[somia]

تاكلي معايا فطير بالتمر ؟؟؟

[somia]

بقولك يا لولو البت اختي النهارده بتقولي في تحاليل بتتعمل لمية البيبي عشان نطمن عليها ؟؟؟
وبتقولي كمان الدكتور بيقولهم ان المفروش نشيل المشية في ثلاجة مخصصة عشان لو لا قدر البيبي تعب بعد كده واحتاج ياخد منها ماياخدش من الحبل الشوكي ؟؟
ايه رايك في الكلام ده؟؟؟

[dr.princess]

للاسف مش فاكرة ياسمية هسألك جوزى
بس برده قوليلى المادة بتاعته ايه

[somia]

بقالي قرن بعمل ريفرش ومش واخده بالي ان فيه صفحة جديدة

[dr.princess]

بالهنا والشفا
بتتعمل فعلا تحاليل بسحب السائل الامينوسى اللى حوالين البيبى حتى منه بيعملوا تحليل dna قبل ما يتولد البيبى
بس موضوع المشيمة دى غريبة
بس انا فعلا شفتها فى مسلسل طبى خلوا واحدة تحمل علشان ياخدوا حاجة منها لعلاج بنتها اللى كان عندها مشاكل صحية ملهاش حل غير كده

انتى شفتى المشيمة دى قبل كده انا شفتها بعينى منظرها مرعب مين اللى يستحمل يعينها فى الثلاجة وبعدين ليه نقدر البلاء قبل وقوعه سيبيها على ربنا

[somia]

خلاصة البروبوليس
راتنج الصنوبرات النمساوي
راتنج اللارسن ..
طبعا انا كاتبة بالعربي لاني بتشل على ما بكتب حرف واحد انجليز وبعدين النبي عربي مش كده ولا ايييييييييييييه؟؟؟

[dr.princess]

ههههههههههههههههههه اكيد
هسألك جوزى وابقى ابعتلك رسالة بالليل

[somia]

اختي بتقولي موضوع المشيمة ده سعره1500 بس بس مفيد جدا بعد كده انا طبعا ماشفتهاش قبل كده بس مش مستريحاله

أما التحاليل دي ازاي اصلا بتتعمل وايه اهميتها اصلا ..؟؟؟

[somia]

باذن الله تعالى وانا هاستنى رسالتك

[dr.princess]

انا شفت التكنيك بتاعها فى مسلسل طبى بيسحبوا بسرنجة من حتة معينة حوالين البيبى بصراحة قلبى وجعنى من المنظر
شفتهم مرة بيعملوها علشان يعملوا تحليل dna
والمرة التانية علشان يشوفوا فى تشوهات ولالا وعلى حسب احداث المسلسل انهم لقوا البيبى كده واتولد فعلا كده والعلم عند الله فعلا

[dr.princess]

شفتى الافكار الجامدة دى
http://forums.fatakat.com/thread1447042

[somia]

يعني ايه لقوا البيبي كده واتولد كده ؟؟؟
وبعدين معلشي يعني هيه الحقنة دي بتخش منين اصلا من بطني يعني ولا ايه ؟؟ وبعدين ليه عملوه ومعملوش الثلاثي او الرباعي مش ده بيبين التشوهات برضه وربنا يحفظنا ..
اختي بتقولي الدكتور قالهم ده عشان البيبي ساعات بيبقى عنده حساسية مثلا من حاجات معينة زي اللاكتوز تقريبا اللي هوه المكون الاساسي للبن الام فساعتها بيتمنع يرضع طبيعي اصلا وبيرضع لبن صناعي من غير سكر
بس اللي نفسي افهمه حتى لو لا قدر الله احفظنا يا رب واجنتنا وكل المسلمين من كل سوء البيبي طلع فيه تشوهات اهله هيعملوا ايه ما هو تنزيله حرام لانه ساعات بيبقى كلام الدكاترة في السونار غلط

[dr.princess]

هم عملوه فى المسلسل علشان كانت الست فوق الاربعين وطلع عنده تشوه كده فى اطرافه ربنا يعافينا يااااااااااارب مش عارفة بقى كان ممكن يبان فى السونارات ولالا
وبعدين هم مش فارق عندهم ممكن ينزلوه عادى معندهمش حرام من حلال
وبصراحة مسمعتش انهم بدأوا يستخدموا التحليل ده هنا فى الشرق الاوسط العلم عند الله
وايوه بيدخلوا السرنجة كأنك بتاخدى حقنة بيغرزوها فى بطن الام بس بيسحبوا مش بيدخلوا محلول طبعا

[somia]

يامااااااااااااااااااااااااااااااااااااااااااااااا اه ... ده ايه الرعب ده يا بنتي ..
اللهم احفظنا واحفظ اجنتنا من كل سوء وارزقهم جمال وكمال الخلقة والخلق واجعلهم من حفظة كتابك الكريم وسنة حبيبك محمد صلى الله عليه وسلم وممن ينشرون دينك في ارضك ومن قادة تحرير الاقصى وارزقنا واياهم الشهادة في سبيلك مقبلين غير مدبرين واجعلهم بارين بنا وبابائهم واجعلهم قرة عين لنا في الدنيا وفي الاخرة وحبب فيهم خلقك واجعلهم ممن يقال عنهم ليسوا بالخب ولكن الخب لا يخدعم ويسر لنا حملهم وولادتهم ورضاعتهم وتربيتهم ..
عارفة يا لولو والله يا بنتي اترعب على بنتي وعيوني دمعت والله العظيم .. ربنا يطمنا على اجنتا يا رب ويرزق كل محرومة

[dr.princess]

ياااااااااااااارب اللهم امين
معلشى انا بس حكيتلك اللى شوفته على المسلسل اصلى مدمنة مسلسلات طبية

معلشى ياسمية هسيبك علشان اكلم ماما

[somia]

مفيش مشكلة يا رب تكون بخير

[somia]

اللي يدخل يرد بس وهيلاقيني باذن الله تعالى معاه علطول .. انا موجوده

[dr.princess]

النت فصل عند ماما

[somia]

قدر الله وماشاء فعل .. ممكن تبقى الكهرباء قطعت ولا حاجة ..
المهم هيه صحتها عاملة ايه الوقتي؟؟؟

[dr.princess]

زى ما هى الحمدلله بس طبعا رجعت الشغل وعلشان الحظ يكمل بعد ماكنا جبنا وسطة لاخويا وجه جيشه فى المنصورة رجع اتنقل الاسماعيلية اول امبارح الحمدلله على كل حال

[somia]

ايه اللي رجعه بعيد تاني تاني ...
لولو طالما رجلها لسة تعبانة ايه اللي رجعها الشغل تاني؟؟؟

[dr.princess]

مش عارفة هم نقلوه وكام واحد من زمايله على الاسماعيلية فماما بقت لوحدها

هى عملت اجازة مرضى وخلصت

[somia]

ربنا معاها يا لولو يا رب ويشفيها ويعينها بس هيه مينفعش تمد الاجازة دي خالص؟؟؟

[dr.princess]

يااااااااااااارب اللهم امين
هى اصلا محتاجة تعمل رنين مغناطيسى
بتهيألى لو عملته واخدته لمستشفى التأمين ممكن يعملولها اجازة تانية

[somia]

رنييييييييييييييييييييييييييين ...؟؟؟ليه يا بنتي ايه اللي وصل الموضوع لكده؟؟؟

[dr.princess]

هو الدكتور قايلها عليه من اول ماتعبت بس هى لسه معملتوش
هخليها تاخد زوج اختى او عمى وتروح تعمله

[somia]

ربنا يسترها معاها يا رب ويقومهالكم بالسلامة ويشفيها شفاء عاجلا لا يغادر سقما بس انتي افتكري وانتي بتولدي تدعيلها وتدعيلنا طبعا بتسهيل الولادة لان اللي بتولد على حسب ما قريت مستجابة الدعوة وبالذات ساعة الام الطلق

[dr.princess]

ياااااااااااارب اللهم امين
ان شاء الله اكيييد

[somia]

بقولك صحيح .. تحبي تضحكي على اختك سمية شوية؟؟؟

[dr.princess]

معلشى ياسمية الموقع هنج ومرضاش يفتح ابدا الا دلوقتى

[ام انس المصريه]

السلام عليكم

ازيكم ياكلوبظات مصر وحشتوووووووووونى يا بنات

مش ملاحظين حاجه ان دردشه حوامل مصر فيها مشاركات اكتر بكتييييييييييييير من الدردشات

التانيه ده دليل اننا المصرين بنحب بعض اوى وفى الفه بينا كبيره

وتانى حاجه اناا ارارين وبنكلم كتيييييييييييييييير ولوك لوك ههههههههههههههههههههه

صح ولا غلط؟؟؟؟؟؟؟؟؟؟؟؟؟؟؟؟؟؟

[ايمان العليمي]

السلام عليكم

انا جيت..في حد هنا ؟؟؟؟

[Rania Negm]

يااا خراشى يا جدع

سمية ولولو عليهم رغى

[ام انس المصريه]

السلام عليكم ياقمرات

فينك ياملك انتى وسميه

ازيك يارنيا انتى حامل ؟؟؟؟؟؟؟؟؟؟

[ام انس المصريه]

انتى هتولدى كمان 22 يوم مكتوب كده فى توقيعك

ربنا يوقمك بالسلامه وادعيلناااااااااا وانتى بتولدى ربنا يكملنا على خير يارنيا

[dr.princess]

هههههههههههههههههههههه ده قر ده ولا حسد يا رانيا

[ايمان العليمي]

يا بنات انتم لسه موجودين ولا لا ؟؟؟؟

[ايمان العليمي]

عارفين لو محدش رد عليا حزعل


عشان كل ما الموقع يفتح معايا ملقيش حد كده

ايه النحس اي انا بقيت فيه ده :(

[دودى اشرف]

السلام عليكم
ازيكم يا بنات
حد هنا ولا زى كل مرة محدش موجود

ازيك يا ايمان انا دودى ... يا ترى موجوده ولا فقدتى الامل

[دودى اشرف]

ايه يا بنات انتوا فين
محدش بقى موجود ولا انا اللى مواعيدى بقت مش مناسبة

[dr.princess]

حد هنااااااااا

دودى ازيك اخبارك ايه انتى وعمر باشا
ايمان اخبارك ايه دلوقتى والدكتورة قالتلك ايه

[ام انس المصريه]

ازيكم ياحلوين حد هنا

؟؟؟؟؟؟؟؟؟؟؟؟؟؟؟

[نولارا]

فى حد هنا ولا ايه
رانيا انتى كنتى فين اليومين اللى فاتوا
انا افتكرتك ولدتى يابونيه هههههههههه

[dr.princess]

نورا اخبارك ايه
دقايق وهخلع علشان ماتقوليش انى كل مرة بختفى

[dr.princess]

الحقينى قبل ما اخلع العشاء اذنت يعنى جوزى قفل الصيدلية وفى الطريق دلوقتى

[نولارا]

ياسلام ياست لولو ماشى
عانله ايه انتى والواد محمد
ناويه تفقسى امتى بقى
و

[dr.princess]

انا ومحمد الحمدلله كويسين
حصل موقف مستفز اوى من شوية
جارتى خبطت عليا من شوية وانا مشفتهاش ولا كلمتها من شهر تقريبا فلقيتها بتبص لبطنى اوى وبتقولى انتى لسه ماولدتيش وقامت حطت ايدها على بطنى وقالتلى اللى جوه ده ناوى يخرج امتى بصراحة اتضايقت اوى وكنت عايزة اضربها بالشلوت

[ام انس المصريه]

يا لولو اومال انا اعمل ايه سلفتى قالت لى بطنك كبيره اوى تلاقيكى حامل فى تؤام وقاعده تبص على بطنى

حلفت لها وقلت لها والله واحد تقولى يمكن واحد مدارى فى واحد قلت لها هو الدكتور اهبل يعنى تقولى يمكن الدكتور مخبى عليكى

وليه مستفزه كان نفسى اخنقها

وانا لسه حامل فى اخر الرابع وتقولى بطنك كبيره وهى والله ولا كبيره ولا حاجه ابدا

بس تقولى ايه غبااااااااااااااء

[نولارا]

ومالوا يااوختى اضربيها وفشى غلك هههههههههه
عالم حشريه بصحيح
انا بقى عندى ذبانه بنت تييييييييييييييييييييت مصممه تصحى موكشه من النوم وانا ما صدقت انه ناااااااااام

[نولارا]

اسكتى يالولو انا قررت اعمل لانشون
ربنا يسترررررررررررررررررررررر
خالد نفسه فيه وقرفان من اللى بيتشترى بيقولى مش معروف هو ايه
قلته اعمله فى البيت
قالى موش عاوز اكرهه للابد
يرضيكى كده

[نولارا]

ازيك ياام انس لولو شكلها راحت تاكل جوزها

[ام انس المصريه]

ازيك يا نولارا عامله ايه وازى الواد ابنك

اعملى الانشون

اخرته هيترمى فى الزباله هههههههههههههههه وجوزك هيكره الانشون للابد

[نولارا]

اخص عليكى ياام انس
انا زعلانه منك
بدل ما تقولى هيطلع زى العسل ان شاء الله
طب ايه رايك بقى هعمله وان شاء الله يطلع زى الفل
وانزلك صورته اغيظك بيها
موش هدوق هولك هههه يالا بس

[أم إياد]

نوراااا لولووووو ام أنس حد هنااااا؟؟

[أم إياد]

رحتوووووووووووا فييييييييين ؟؟؟

ماصدقت فضيت 5 ادخل اتكلم معاااااكم

ايه الحظ ده hwaml4

[ام انس المصريه]

خلاص متزعليش يا نورلا ياام حموكشه انتى هيطلع زى الفل وهدوووووووق ماليش دعوه

ازيك ياام اياد وازى الواد اياد

[رنا خالد]

لانشون في البيت يانورا جديده دي
وماله يلا ادينا بنجرب هو احنا خسرانين حاجه ماهي اجوازتنا هما اللي بيدفعوا والحاجه لما تبوظ بنقول قضاء وقدر ههههههههههه بس ان شاء الله يطلع حلو
عاملين ايه ورحتوا فين كل واحد بيكتبله كلمتين ويطير

[malak ahmed]

سلام عليكم .. حد هنا ؟

[دودى اشرف]

السلام عليكم
حد موجوووووووووود فى الليلة دى ولا ايه برضه

[دودى اشرف]

برضه محدش موجود اهىء اهىء اهىء

[gogo]

ودى متزعليش ياستى انا هنا
ايه اخبارك ومبروك على الولاده

[دودى اشرف]

طيب خلاص بقى انا هخرج .. ابقوا سلمولى على نفسكم كتيييييير ... وكل البنات اللى متشرفتش بالتعرف عليها سلامى ليها كتير واتمنى نتجمع مرة كلنا زى زمااااااااااااااااان .. فكارييييييييين يا امهااااااات ولا اييييييييه

[دودى اشرف]

جوجو ازيك يا جميلة عاملة ايه
واخبار قبرص على حسك ايه ... وناولة تنزلى مصر امتى ولا مش ناوية
انا الحمدلله كويسة ... الله يبارك فيكى يا قمر عقبالك يارب

[gogo]

اده هو انتى معندكيش اخر خبر يابنتى انا سبت قبرص بقالى فتره ورحت سوريا ورجعت والوقتى قاعدين ف مصر لحين اشعار اخر
قوليلى بقى عمر عامل معاكى ايه وطالع شبه مين

[دودى اشرف]

يا نهااااااااااااااااااار ههههههههههههههههههههههه .. ده بعيده عن الاحداث خالص .. معلش اخر حاجة عرفاها قبرص ... وانتى عاملة ايه فى مصر وعاملة ايه فى الحمل ؟؟ عمر كويس الحمدلله اول منزل كان شبه باباه خااااااااالص وبعدين ابتدى يغير بس برضه فى من باباه شوية لكن مش عارفة بقى شبه مين لكن مش شبهى اهىء اهىء اهىء مع انهم عندى فى البيت بيقولوا قلب شوية شبهى لكن مش شايفاه كده .. ومسهرنا بقى بليل على طول .. وابتى يعرفنى شوية وده احساس جميل جدا عقبال مكل البنات يارب ربنا يقومها بالسلامة ويحسوا بيه .. صورته دى اللى انا حطاها على فكرة

[gogo]

ماشاء الله زى القمر ربنا يحميه
انتى بردوا مش متابعه الاحداث يادودى انا مش حامل اصلا ربنا يرزق

[دودى اشرف]

هههههههههههههههههههههههههههه يا لهوى عليا .. ده انا تايهه خالص .. معلش يا جوجو عذرا يا ختى...ربنا يرزقك ياااااااااااارب وبشرى بقى منى اهو ولو حصل ليا الحلاوة ان شاء الله بس متكليهاش عليا ... متعرفيش اخبار ملك ايه وتوته ؟؟

[gogo]

ماشى يادودى حلاوتك محفوظه ياستى وعمر معاكى كمان
ملك وتوته بقالهم مده مبيدخلوش توته ولدت وملك اخر حاجه اعرفها انها نزلت مصر

[ام يحيي 2011]

السلام عليكم خد هنا يا بنات

[gogo]

ام حنين منوره

[ام يحيي 2011]

جوجو ودودى ايه اخباركم

وحشتونى كلكم موووت والله

ايه اخبار كل البنات
وكنتى فين الغيبه دى كلها يا ام عمر

[gogo]

تمام الحمد لله انتى اخبارك ايه
ام حنين انتى كنتى بتدخلى باسم تانى ولاده اسمك من الاول

[gogo]

اده انتى ساره

[ام يحيي 2011]

يلهوى نستنى يا جوجو انا ساره ام يحيى

ده مش دودى بس الى عندها زهيمر بقى

[gogo]

اتلخبط لانك غيرتى الصوره وكمان ال2011 دى مكنتش باخد بالى منها
مبروك على الولاده واخبار يحيى ايه مغلبك

[دودى اشرف]

تسلمى يا جوجو .. عارفة اه ان توته ولدت وممكن تبقى رجعت الامارات بس بقالها فترة مش بتتدخل ..لكن لسه مشوفتش ملك خالص سلامى ليهم لو دخلوا وانا مش هنا احسن انا مش بقيت ادخل كتير خالص

ام حنين ازيك يا قمر .. انتى وحشانى اكتر والله عاملة ايه..ماشاء الله تبارك الله .. ده الكتكوتة حنين ولا ايه .. لكون تاييه برضه هههههههههه ..
معلش مضطرة اقوم علشان جوزى اخد عمر ودخلوا يناموا لما الحقهم بقى هههههههههههه
تصبحوا على خير واشوفكم بكرة ان شاء الله

[gogo]

اه والله ياساره الزهايمر لطش الواحد خالص الواحد مش مركز
قوليلى بقى ولدتى ازاى يعنى احكيلى اليوم كان عامل ازاى وحسيتى بايه

[ام يحيي 2011]

ماشى يا ستى سماح المره دى اهو مغلبنى الحمد لله ومش صاحى بس ومفنغل سهرتنا للعصر كده ولا حاجه ربنا يستر دعواتك

لا ده يحيي يا دودى على العموم انا ناويه اغير اسمى باذن الله واخليه ام يحيي

طمننى يا جوجو على كل البنات وما قلتليش ايه رايك فى يويو

[gogo]

ماشاء الله زى القمر والله ربنا يحميه
والبنات كويسين مبقناش نتلم على بعض بس بتابع اكلامهم وهما بخير الحمد لله
المهم انتى الوقتى بقيتى كويسه

[ام يحيي 2011]

بصى يا ستى يوم الجمعه يوم 8/4 الفجر ما كنش فى اى حاجه ودخلت كمان المنتدى وما كنش جيلى نوم على الساعه8 الصبح كده لقيت نافورة ماية واتفتحت كلمت الدكنوره قلتلى جهزى حاجتك وتعاليلى المستشفى

[ام يحيي 2011]

ورحت المستشفى وما كنش فى اى وجع كشفت عليا دكتوره قلتلى هديكى طلق صناعى يمكن وضع الجنين يتعدل وتولدى طبيعى بس كلمت دكتورتى وما رضتش قلتالها هو فى الوضع ده من اول التاسع وحرام نبهدلها وفالاخر تولد قيصرى برده جوزى بقى قعد يصورنى وانا بمريله العملايات ويقولى اول مره اشوف واحده بتولد وهى مفرفشه كده

[gogo]

طب كويس ان ده حصل يوم اجازه علشان يبقى جوزك معاكى ف البيت متبقيش لوحدك
عملتى سبوع يحيى ولا لسه