تجمع حوامل ليبيا

[hatoo]

اهلين زهوره كيف حالك والله النت عندي كان ضعيف من ايام الصقع الي فاتو علي الريفي جيت عند هلي توا وخاشه من dsl انتي شنو اخبارك واخبار البنوته شنو اسمها هيا وكم عمرها , اهلين حنين انتي من وين في بنغازي ؟

[رغوده2006]

يقونه حالي من لما اوصلت من هذه لهذه زي المجنونه نقعز غير لما ارضع في احمد وبعدين انولي
كيف حالك انت توه وكيف حال قروتي وخيرك معاها العفو وسعي بالك

[عيون زوجي]

السلام عليكم ورحمة الله
كيف حالكم اليوووووم ومشكورات عالنشده يالغالياااات

[رغوده2006]

هاتو كيف حالك وحال العويله
اوخيتي هاتو غيري حجم الخط عيوني خلاااااااااااااااص

[عيون زوجي]

يقونه الف لاباس اعليك لازم اتخشي بعد معاينتك اطمنينا اعليك
هاتو كيف حالك وحال رتال والتكركير معاك
رغودة ربي يعاونك كانا احني بلا خدمة وان شاءالله نرتاحوا الا بعد المغرب او صلاة العشي
ش كيف حالك وحال لين والحمل
حنين مرحبتين بيك وانتي مواليد كم وكم عمره ولدك وربي يبثلك حملك
الفراشه كيف حالك اليوم وربي يصبرك ويهدي القلوب
ام ناريز انا سئلت اعليك والدليل قتلك عجبتني طاولة الاكل والكراسي الاسود والاحمر
ام قصي يارب تسافري وتلحقي بيا يارب وانا ننصحك بتركيا
حبل الوصل كيف حال صغيورتك والف لا باس على شدى
ام اسيل كيف حالك وحال الضابط والصغار وخصوصا يوسف
تمورة وينك اليوم وشنو تبي لون السيارة
ام روفيده وينك وشنو صار في برنامجك
ايه خشي يا احبيبه فقدناك
ميمونه خشي بلا دلع يا امورة
ام وسونه خشي نعطيك طريقة التشيز كيك بلا تزلبيح راهو تعالي

[رغوده2006]

عيون راجلها اهلا
تي كيف حالك وحال صغويرتك انشاءالله احسن شنو اكيد جهزتي روحك غدوه مسافره عاد تمشي وتجي بالسلامه ياااااااااااااااااااااااارب

[hatoo]

هههههههههههه حاضر من عيوني , انتي كيف حالك

[hatoo]

اهلين عيون كيف حالك ها وتيتي روحك ؟

[عيون زوجي]

رغودة التجهيز ما يكملش حاله وخلاص لتوا الشناطي مازالوا فاتحين فمهم قلت في الليل انشيك عليهم التشيك الاخير ونسكرهم وعقبال عندك يا احبيبه

[رغوده2006]

هيا توه بسلامتكم بنمشي انكمل باقي فطوري المغرب قريب

[عيون زوجي]

عقبال عندك يا هاااتووو

[عيون زوجي]

صحتين رغوودة وشنو فطورك وامتى العيد متاعك نبوا الفطيرة والسفنز والحلويات وبنجوك

[عيون زوجي]

هاتووو شنو عشاكم؟ وقداش عندك خواات؟

[زهرة2000]

حنين خيرات شوفى الدكتور مبروكه القنين فى الام الحنون كويسه انا عندها
عيون خيرك كاتبه اسمى ش ان شاء الله تمشي وتجى بالسلامه
هاتو كيف حالك وحال رتولى بنت عمرها 18 شهر واسماها لين
يقين انا الحمد لله جايبه بعمليه وماجربتش الطبيعى ردى ع اسالتى كنك ؟؟؟

[ام روفيدة]

السلام عليكم ورحمة الله وبركاته كيف حالكم اليوم كلكم ؟
يقووووووونة لابأس طهورا إن شاء الله وامشي للعيادة وطمنينا
عيون كيف حالك وكيف حال الصغار وشن صار في التجهيزات للسفر؟
ميمونة خشي للتجمع بالله عليك راهوا فاقداتك لين خلاص والبنات كلهم فاقدينك
ام قصي كيف حالك وحال بنياتك وننصحك بتركيا ايقولوا احسن من مصر والله اعلم
سالي كيف حالك ووينك ؟
اية كيف حالك وكيف حال ايوب واسيل ووينك ما عاش اتخشي هلبة زي قبل ؟
ام نوزة كيف حالك وكيف حال نوزة ؟
ميراس وينك ليك فترة غايبة يارب اتكوني بخير ؟
رغودة كيف حالك وحال الصغار ؟
هاتوا كيف حالك وحال رتولي وشن حال الحمل معاك وامتى موعد ولادتك؟
حبل الوصل كيف حالك وحال الصغار ونورتينا مرة ثانية

[hatoo]

ربي يخليها لك ان شاء الله نفس بنت عمتي بنتها اسمها لين وعمرها قريب سنتين وتسكن في قاريونس بس هيا عندها بنتين ههههههههههههه حتي انتي نفس حالاتي جايبه بالعمليه عليش وشنو قالولك توا كيف تجيبي , اهلين ام روفيده كيف حالك وكيف حال الاسره انا الحمدلله تمام ورتولي تمام وان شاء الله موعدي في نص شهر 3

[يقين]

زهره كنت انتابع عند مجدي مسعد في بنتي راهو في عيادات الخارجيه لمستشفي المقاولون العرب باهي وجبت في نفس المشتشفي ههههههه
اممممم وشن تاني وتوا نتابع عند الدكتوره شيرين المغازي في مركز التيسير الطبي اممم وشن تاني هادي دكتوره شاطره وحبابه وكانت مع بوها وامها ساكنه في سبها
وان شالله ناويه نجيب في مصر الدولي اهوي مستشفي كبير ومشهوروراقي جدا ان شالله هالمره بنهيج فيه هههههه
اي سؤال يا حبوبه ني تحت امرك

[hatoo]

انا عندي 3 خوات وحده متجوزه وعايشه في طرابلس واثنين قاعدات انا مازال مفكرت في عشاي انا هلي كلهم في مصر انا جايه للحوش نبرم عليه ونشوفه

[hatoo]

اهلين يقونه شكلك نسيتيني بكل كيف حالك

[زهرة2000]

هاتو ان شاء الله ع خير وسلامه انا سبب العمليه وضع البيبي مقعدى ومابرمش فقررولى عمليه وتو قالولى ع حسب وضع البيبي بس ممكن عمليه لان ماسكرتش سنتين

[ام اسيل]

حبل الوصل
والله وحشتيني ياغالية كيف حالك خاطرنا نهدرزو زي قبل
يوم شنو جبتي شذى نبي نعرف كم بينها وبين يوسف انا جبت 2 _11 اليوم سكر شهرين
تذكري زمان سبحان الله جبنا قريب من بعض انا وانتي وميرنا الحمد لله يارب
لاباس عليها العروس حتى انا يوسف جاته الصفرا لاني جبته بدري وبالعملية
احكيلي على قصة جيبتك

[ام روفيدة]

بالنسبة لبرنامجي يا عيون بديت فيه ولله الحمد رجيم قاسيييييييييييييي وهو كالاتي :
نفطر على اربع كاسات ماء على الريق
بعدها ناخد زبادي سادة ونخلط معاه ملعقة كبيرة عسل طبيعي
والغداء تفاحة
والدكتورة نصحتني نشرب الشاهي الاخضر واني ما نشربش في الشاهي ولا القهوة لكن بنضطر نرجع نشرب الشاهي الاخضر اربع مرات في اليوم
ناخد في حبوب الفيتامينات اسمهم A_Z multivitamins
ونشرب في المية على فترات في اليوم
وهدا هو برنامجي وياااااااااااااارب نثبت عليه وينقص وزني اللهم امين

[يقين]

عيون مرحبتين بالغاليه كيف حالك وحال وليداتك اسمعي راك تنسي تحطي سامينسه وحاجات تاكليهم في الطياره هههههههه ريت هالنصيح
الحق ماكلت الطايرات وعععععع مش طيبه وماتشبعش باهي
عارفه اني لما نسافر تلقي شنطي مليانه سامينه وفستق ونقعد نمرش في الطياره زي الجربوعه ههههههه
ولما نطلع نركب في السياره خلي فيهم يبكوا وني نقب في السامينسه اااااااااه عليك جو
ان شالله طريق السلامه ومفتوحه قدامكم وجيبلي معاك كادو

[ام اسيل]

عيون تسلمي ياعيوني يوسف والضابط وصغاره كويسين والله فرحانة بيوسف انا وبوه كان اول مرة نجيبو كيف حال صغارك انتي وبوهم السمح

هاتووووووووو كيف حالك وحال الحمل والقمر

ليبيا قلبي كيف حالك يالسمحة وحال البنوتة

يقين مبروك الحمل وكيف حال فروتي يعوينك وحشتني مصر

ميمونة انتي احسن من اي راجل ياخذ سوك وتو تاخذي سيد سيده

ام سعد شن اخبارك

اية وينك ياحلو
ام قصي سافري وتعالي احكينا على المتعة

رغوووود اهلا بيك

[يقين]

هاتومعقوله ننساك يا غاليه نكتبلكم بالدور مشالله مانبي حد يزعل كلكم خواتي
قوليلي كيف حالك وحال بنيتك والحمل وراجلك ان شالله

[ام روفيدة]

يقونة غير عدلي علينا بس

[hatoo]

نفس حالتي قالولي لما تخشي شهرك نرجوك لو جاتك ليه وكل شيء طبيعي ممكن تجيبي طبيعي يااما عمليه وانا سبب العمليه سكرت شهري واليه مجتنيش والميه تقعد كل شويه تنقص بعدها بدا النبض يضعف فخششوني عمليه علي طول

[hatoo]

الحمدلله تمام انتي كيف حالك

[يقين]

ام روفيده مرحبتي الغوالي كلهم التموا مشاااااااالله عيني ماضركم
كيف حالك يا احبيبه وحال وليدك وبوه تمام ان شالله
معقوله تغدي تفاحه وتفطري اميه مانسحابكش هكي بكل واني من بيسايرني هههههههه في هالشحم اللهم عافينا تي كان ماننزل قبلك تو تشبحي شن رايك نديروا مسابقه اللي تنزل من الدروج قبل هههههه
ان ربي يعاونك وتنزلي 50 كيلو وتولي رشيقه وتفتكي والعقبه ليا بعد الولاه ان شالله

[hatoo]

تمام الحمدلله ياام اسيل وينك انتي معش تخشي كيف زمان, ام روفيده حسك سهفتيني بالرجيم ناويه اول مانجيب رجيييييييييييييم قاااااااااااااااسي شوفي حملتين وراء بعضهم ودهون متراكمه هههههههههههههه

[يقين]

ام اسيل كيف حالك وحال صغارك مصر جوها مش عااااادي هالايام
لاباس علي وسيفا اسمعي يا ام اسيل انتي عندك بنيه ووليد قبل يوسف ولا ني غالطه

[ام قصى محمد]

تعرفو انا متضايقه
متضايقه
لينا 5 سنوات وهو يوعد فيا بالسفر امس اكد لى اننا توا نسافرو الاسبوع هذا
وكلمته عشان ياكد علىطلب الاجازه
رجع وقالى ان المدير مش قاعد وبنهايه الاسبوع بيش يجى وانه راح ياخذ وقت فى
دز الطلب الى الرئيسى وعشان يردو تبيلهم ايام
يعنى خلاص والله نكتب ونبكى كرهته خلاص شنو هذا كرهته من جد
استغرب رده فعلى لا تكلمت ولا عصبت ولا حاجه بالعكس عاملته عادى بس عيونى مليانه دموع وقعد العشيه كلها يكلمنى بس انا خلاص مليت توا طلع للمسجد يصلى المغرب قلت انكلمكم

[hatoo]

متزعليش روحك واكيد هو اكتر منك خاطره تسافرو وتغيرو جو بس اكيد في سبب للتأخير وان شاء الله يوفقولكم علي الاجازه وتسافروا وتنبسطوا يا ام قصي

[يقين]

رغوده صحه فطورك يا حبوبه راك تشربي اميه هلبا بطنك تنتفخ وتقعدي تنيني هههه زيني

[يقين]

ام قصي يا حبيبتي ماتزعليش روحك وهدي اعصابك الله غالب هوا صارله هكي شن بيدير توا ان شالله ياخد اجازه وانتي تاخدي اجازه وتسافروا
ولا في عطله خمسطاش سافروا ماتنكديش روحك بجوها خلاص شن بديري يعني غير حرق اعصاب بس

[يقين]

ام روفيده معقوله اني مانعدلش عليك هادا كلام توا مع انك بعد فتره معاش بتولي من فصيلتي لكن هيا الله غالب شن بندير

[ام قصى محمد]

تعرفى يا هاتو هو يحمس فيا ويقولى فى خاطرى نسافر ونغير جو
من زمان كان كل مره عندنا حاجه
فى بدايه زواجنا بنينا الشقه ونحمل ونجيب وهذا اثاث
وتوا الحمدلله جا وقت التغيير
وفى خاطرى تركيه
تعرفى سلفتى وهى عروس مشو لمصر
تحكى مره وانا قاعده قالت لها وحده انتى ما ادهورتيش فى مصر كويس فى اما كان ما مشيتلهاش
تعرفى بحتت فيا بطرف عينها وقالت على الاقل انا مشيت لمصر
قديش قهرتنى
نحس باهل زوجى يضحكو عليا لانى بينت قديش فى خاطر نسافر وراجلى ما شالنيش
ومش بس هكى نبى نطلع

[يقين]

وين ايوته مغيبه ان شالله خير ياااااارب ربي يسعدها ويهنيها هيا وعويلتها
وساااااااااالي الغاليه والله مشغوله عليها ليها ايام مغيبه واليوم مهناش حتي في الياهو استاحشتها ربي يسعدها ان شالله

[ام قصى محمد]

لا يايقين مافيش عطله 15
مافيش طلعه الا فى الصيف
وتعرفى انا لى ليلتين وانا قاعده نبحث فى النت على الفنادق
وام قعمر معايا وحتى اخترنا الفندق فى تركيا اذا مشينلها
وتوا احلامى راحت
حاسه بنفسيتى من فوووووووووووووووووق لى تحت تحت

[الفراشة الواحة]

كيف الحال يا حلوات

[ام روفيدة]

ام روفيده معقوله اني مانعدلش عليك هادا كلام توا مع انك بعد فتره معاش بتولي من فصيلتي لكن هيا الله غالب شن بندير

هخلاص يا يقونة خلينا انديروا سباق من ينزل من الدروج الاول لكن مازال خلي لين كرشتك تطلع يعني في الخامس ولا السادس باش نغلبك غير راك اطيحي على كرشتك وانتي نازلة تجري هههههههههههههه ومن قال ما عاش بنبدا من فصيلتك يا ودي شكلك صخفتيني ومش هاينات عليا الشحيمات الباين بنوقف هالرجيم القاسي هههههههههههههههه

[hatoo]

متعدليش علي سلفتك وماتحسسيش حد انو خاطرك تسافري الا زوجك وان شاء الله تسافروا عن قريب وعسى انت تكرهو شيئآ وهو خيرآ لكم ربي لما يسخر ان شاء الله حتسافري وحتنبسطي علي الاخر ان شاء الله وخودي كلامي ومتزعليش روحك

[يقين]

ام قصي يا غاليه نقولك كليمتين مع انك اكبر مني قدر وفهم
يا وخيتي خليك متفاهمه انتي وزوجك لا ادوري سلفه ولا عزوز ولا عيله لو كان بنشبحوا لكلام سلفاتنا وعزيزنا نقعدوا ديما مقهورين
يا احبيبه تو تسافري وتعيشي حياتك مشالله مازلتي عريس وربي يباركلك في شبابك وزوزجك
ولو كان بنحكيلك علي السلفات وقطافهن معاش نسكت مع انهن اكبر مني بس ايديرن في مواقف باااااااايخه متاع وحده عمرها 12 سنه بس ني عايشه حياتي فري وفايتتهن بتاسعه
فوتي يا غاليه وخليك وحتسافري واديري اللي خاطرك فيه وربي يهنيك ويسعدك
راك تزعلي لو قلت شي برا الطريق اني اسفه انتي وخيتي راك

[ام قصى محمد]

عرفو انا نحكيلكم فشه خلق
لانى ما نقدرش نحكى لحد
لان اهلى مره صار قدامهم النقاش هذا وحسيت امى خذت على خاطرها من راجلى
قلت معش نحكى لحد
المشكله ان الناس يعتقدوا انه بخيل الى قاهرنى يشيل فيا فى ليبيا اى مكان ويشرلى الى نبيها بس هذا المشكله الوحيده السفر للخارج
قالى لو تحبى نمشو يومين لطرابلس تهعرفو قالى نحجز نمشو الخميس والجمه ونردو الاحد فى الصبح لو تحبى نشيلك لبنغازى
قلت له نحن دافعين دافعين نسافرو برا احسن
بعنى طرابلس مستقره بيش نمشولها

[hatoo]

بنات عن اذنكم نعدي نغير لرتولي ونجي

[الفراشة الواحة]

حتي اني زيك ياوخيتي ديمة يوعد فيا بسفرات وربي مايسخرش ماتزعليش روحك

[يقين]

ام روفيده اه يا شويطينه في الخامس اه بلعاني فيك بنوض ننزل من الدروج توا وبنشدها جري لاخر الشارع شن رايك ريتيني راهو معانديه ني
ديري ريجيمك باش حتي ني نتشجع وندير غوجيم كاسيييييي ونضعف ااااااه امتي بس
تعرفي يا ام روفيده اني كان قوامي ممشوق راهو مايغركش وزني الحالي هادا الحل دارها فيا هههههههههه حتي العيل مايصدقني

[ام قصى محمد]

انا مش هامتنى سلفتى
هى مشت لمصر وتوا لها 5 شهور عند هلها حرجانه وعلى طلاق
ام راجلى لانى مش من النوع الى ياخذ على خاطره وحتى كيف تقولى كلمه نمشيها تعرفو قالت انا رفعت ايديا منك ومن راجلك
لاننى عارفه اهم حاجه فى الدنيا حوشى وراجلى تعرفو انا نتبلكم نفش فى خلوقى بتاع الى خلاص نبى نطربق
لانى ماعنديش لمن نحكى الموضوع اصبح تافه
فعلا بس قلت هو مش قاعد خلنى نبكى ونفش شوى بلكى توا ما ننجلطش ههههه

[يقين]

ام قصي والله حاسه بيك فضفض احني وخياتك

[يقين]

ام قصي وك عليك تحركي من مكانك بعيد السو عليك من الجلطه سلامه قلبك فشي فشي كان تبي نمدلك ايدي من الجهاز تعضيها نمدلك عادي ههههههههههه بالله تضحكي

[يقين]

فراشه اهلييييييين كيفك توا يا اموره تي وين تغطسي شن عشاك

[يقين]

امبكري سالتني حنيني اني نافس وحامل لالا يا غاليه اني بنتي عمرها 7 شهور مشالله وحملت وهيا عمرها 6 شهور

[يقين]

ام قصي والله بعد هالصبر تو تجيك سفره حلوه ومشالله اسمعي لما تسافري حطي بناتك بحدا امك

[ام قصى محمد]

تعرفى يايقين
والله متضايقه لانى عارفه انه فيها خير استغفر الله انقول لو انى من الناس الجاهله بتاع الى تقول ليش حظى هكى او شى
انا عارفه ومؤمنه ان ربى يريد لى فيها خير
عافه لانى ديما هكى الحاجه الى نضايق عليها نصبر ونقول الحمدلله ربى يبدلنى خير منها
والله زى ما نحكيلك بس الانسان من حقه يضايق
تعرفى الحمد لله والله بجد بكيت وبناتى خافى عليا
وتوا قاعده نضحك ومتريحه اكيد بناتى يقولو ماما مريضه نفسيا هههههههههههههه

[hatoo]

حاسه بيك ياام قصي فشي خاطرك واحنا زي خواتك نسمعوك وننصحوك بالي نقدرو عليه وان شاء الله ربي يسرلك وتسافري وتنبسطي يااااااااااااااارب

[ام قصى محمد]

ركبت سيدة بدينة جداً الاتوبيس فصاح أحد الراكبين متهكماً

.
.
.
... .
.

لم أعلم أن هذه السيارة مخصصة للفيلة

فردت عليه السيدة بهدوء :

لا ياسيدي .. هذه السيارة كسفينة نوح .. تركبها الفيله والحمير أيضاً

ان كيدهن عظيم
هذا عليش نضحك
فتحت الفيس قلت نغير جو

[hatoo]

ههههههههههههههههههههههههه ربي يخليلك بناتك ان شاء الله وبوهم

[الفراشة الواحة]

غطست في المطبخ طيبت مكرونة بالمفروم وقليت بطاطة ودرت سليطة

[ام قصى محمد]

مشكوره هاتو الموضوع ماليش حل
الحل الصبر

[ام قصى محمد]

رومنسية الرجل الليبي
?
?
?
?
... ... ?
?
?
?
?
?
?
?
جاءته باكيه تقول : أحرقت النار اصبعي
فأمسك بيدها و قام بتقبيل اصبعهآ و قال :
هيا أمسحي دمعك و لا تلومي النار يا حلوتي .. فقد ارادت أن تذوق طعم اصبعك .. ?

هذه ماهياش امتاعنا .. !! اصبـــــــــرو اصبروا
?
?
?
?
النسخه الليبية :

جاءته باكيه تقول : أحرقت النار اصبعي و قال :
تستاااااااااااااااااهلي هذي نار الدنيا ومازالت نار الاخرة..

عليك اسلوب يحشم

[ام قصى محمد]

سودانية لابسها جن مشت لشيخ بعالجها طاح فيها ضرب وهويقول اطلع اطلع
.
.
.
.
... ... ... .
.
.
.
.
قاله منين نطلع يا شيخ الدنيا ظلام ^_^

[hatoo]

هههههههههههههههههههههههههههههههههههههههههههههههه ضحكتني يام قصي علي السودانيه حلوه بكل

[hatoo]

اهلين فراشه الواحه صحه عشاكم , عرفيني عليك

[الفراشة الواحة]

ضحكتيني يا ام قصى

[يقين]

هههههههههههههههههههه ووووووووووو يا ام قصي الدنيا ظلام مسكين تفشول ههههههههههههه
والله نضحك باعلي صوتي زي المهبوله

[يقين]

حتي اني خطرت عليا سفرت تركيا تي لكن اني نخاااااااااااااااااااااااااااااااااااااااااااف من الطياره نركبها لما نكون مطره بس زي جيت مصر مثلا والله خاطرني نطلع بس نخااااااااااااف من الطياره
اخر سفره ليا درت فضيحه نحكيلكم عليها ولا ماخاطركموش تسمعوا الفضايح اللي درتهن هههههههههه

[الفراشة الواحة]

بالله احكى يا يقين

[hatoo]

هههههههههههههههههه احكي يايقونه

[يقين]

اخر مره جينا فيها لمصر في الازمه لما بيسكروا الطيران المهم سافرنا الاربعاء حال واحد هارب والخميس سكروا الطيران
المهم من عيد شوفت الطايره رعشت مدقدقه وشكلها زي البرويطه المهم ركبنا وليا ليلتين مارقدت حطيت راسي وغمضت عيوني وقعد ينعس فيا النوم
حيييييييييييي وتجي هاديكا الكبه ونعطيها هاديكا الصركه قسما بالله نسحابها بطيح تي عارفه صركت صركه وانفضحت وراجل مقمز بجنب راجلي قعد ايقوله اقرالها اقرالها يسحابني التمست ههههههههههه
والله زي مانحكيلكم والمشكله ني حامل جسمي كله قعد يرعش
وزدت كرهت الطايرات

[يقين]

هههههههههههههههه جتني حاله هستيريا معاش قدرت نسكت نضحك وخلاص

[الفراشة الواحة]

ههههههههههههههههه حمدله عسلامة

[hatoo]

هههههههههههههههههههههههههه

[الفراشة الواحة]

يقين علاش انتي هربتي لمصر

[يقين]

فراشه اني ما هربتش يا حبيبه بس قبل الازمه كنا في مصر راجلي يقرا لما جت ازمه مصر روحنا ليبيا ولما بدت الامور تدهور والطيران بيتسكر راجلي قالي مش حنضيع مستقبلي شن ندير قاعد اهني هوا عنده كورسات مسيبهم وموافقه امنيه نزلت لازم يسحبها ووراق وحاله وماكناش نعرفوا امتي تنحل الامور وبعدها كان خايف قالي كيف بتولدي والدنيا حايس خفنا تصير حاجه في البيبي او فيا فقررنا نسافروا قبل مايتسكر الطيران

[ام معاد]

السلام عليكم كيف حالكم يابنات بلادي

[ام روفيدة]

يتبع تفسير سورة الفاتحة


الحمد لله رب العالمين

الحمد لله : هو الثناء على الله بصفات الكمال وبأفعاله الدائرة بين الفضل والعدل فله الحمد الكامل بجميع الوجوه

رب العالمين : الرب هو المربي لجميع العالمين وهم من سوى الله بخلقه لهم وإعداده الالات وإنعامه عليهم بالنعم العظيمة التي لو فقدوها لم يمكن لهم البقاء فما بهم من نعمة فمنه تعالى .

وتربية الله تعالى لخلقه نوعان : عامة وخاصة .

العامة : هي خلقه للمخلوقين ورزقهم وهدايتهم لما فيه مصالحهم التي فيها بقاؤهم في الدنيا .

والخاصة : تربيته لأوليائه فيربيهم بالايمان ويوفقهم له ويكمله لهم ويدفع عنهم الصوارف والعوائق الحائلة بينهم وبين الايمان , وحقيقتها هي تربية التوفيق لكل خير والعصمة من كل شر ولعل هدا (المعنى ) هو السر كون أدعية أكثر الانبياء بلفظ الرب , فإن مطالبهم كلها داخلة تحت ربوبيته الخاصة.

فدل قوله تعالى (رب العالمين) : على انفراده بالخلق والتدبير والنعم وكمال غناه وتمام فقر العالمين إليه بكل وجه واعتبار

[الفراشة الواحة]

ربي يوفق زوجك شنو يقين تتوحمي ولا لا

[يقين]

ام معاد وعليكم السلام ورحمه الله وبركاته كيف حالك

[hatoo]

اهلين ام روفيده سمعت انك شاطره في عجينه اللوز ممكن تعطيني الوصفه

[يقين]

ام روفيده صحيتي بارك الله فيك
فراشه لا والله يا فراشه مانتوحمش عارفه في بنتي لين رقدت في المستشفي ونرجع وكرهت الماكله كلها الا البريوش وبالسيف ومشيت حملي بالتغديه والمحاليل للشهر الرابع بعدين تحسنت حالتي
لكن توا الحمدلله مشالله ماحسيت بشي عادي جدا مرات نحس كبدي تقلب عليا شويه لكن ما نرجعش مانعرفش شسبب

[يقين]

والله شكلي عينت روحي حسني بنرججججججججع ياربييييييييييي

[الفراشة الواحة]

حتي اي في ولدي توحمت قريب موت لكن الحمل هذا متواحمتش تقولي كذب الحمد لله

[ام معاد]

الحمد لله كيف حالك انت يايقين وكيف حال الحمل معاك

[يقين]

فراشه يمكن الاول بس اشبح
شن بنقولك وتيتي امورك كلهم ووتيتي لولاتك وشن قالولك نوع البيبي

[يقين]

ام معاد بارك الله فيك وتنشد عليك الصحه حالي باهي يا وخيتي والحمل الحمدلله ماشي وربي يثبته ان شالله اللهم امين

[زهرة2000]

ياقين كيف حالك تو انا سمعت ع مستشفى كليوبترا والمستشفى الامريكى وعبد القادر فهمى وصفوة القولف ما سمعتيش عليهم شن معاملتهم

[يقين]

خيركم سكتووووو

[يقين]

زهره الحق يا وخيتي عمري ماسمعت بيهم الا الامريكي انضني سامعه عنه انه كويس
ومستشفي الالماني غييييييييييير عادي طبعا القابلات متاع الولاده راهبات بس مشالله معامله ورقي ومستفي حلوووو بس الباقيات مانعرفهمش

[يقين]

هيا توا نستأذنكم تصبحوا علي خير ليلتكم سعيده

[ام روفيدة]

كتاب بلوغ المرام من ادلة الاحكام
كتاب الطهارة
باب المسح على الخفين
عن المغيرة بن شعبة رضي الله تعالى عنه قال :كنت مع النبي صلى الله عليه وسلم فتوضأ فأهويت لأنزع خفيه , فقال ((دعهما فإني أدخلتهما طاهرتين )) فمسح عليهما . متفق عليه
وعن عمر رضي الله تعالى عنه موقوفا وأنس مرفوعا (( إدا توضأ أحدكم ولبس خفيه فليمسح عليهما وليصل فيهما ولا يخلعهما إن شاء إلا من جنابة )) أخرجه الدارقطني والحاكم وصححه

وعن أبي بكرة رضي الله تعالى عنه عن النبي صلى الله عليه وسلم أنه رخص للمسافر ثلاثة أيام ولياليهن , وللمقيم يوم وليلةة إدا تطهر فلبس خفيه أن يمسح عليهما . اخرجه الدارقطني وصححه ابن خزيمة.

[عيون زوجي]

ام روفيده ان شاءالله في ميزان حسناتك بس حبيت نسئلك وانقولك ان ريجيمك قاسي جدا جدا وممكن يضرك او ينزلك الوزن بسرعه وبعد ما توقفي يرجع الضعف
من راسك البرنامج ولا مشيتي لدكتورة

[عيون زوجي]

منو موجودة توا؟؟؟

[عيون زوجي]

عويله؟؟؟؟؟؟؟؟؟؟

[عيون زوجي]

خشوا بليز زوزي مهناش مسافة الطريق وايخش وننشغل في العشي والصغار هيا خشوااا

[ام معاد]

كيف حالك ياعيون وحال الصغار