تجمع حوامل ليبيا [الأرشيف] - الصفحة 23 - منتديات حوامل النسائية

ღॐ آية ღॐ

12-11-2010, 10:45 PM

مساء الخيرات كيف الحال
عيون نورتي وربي يعاونك
...
كنت طالعهة نشري في حوايج للبيبي
جهزتلها شنطة المستشفى ومزال شنطي انا
بصراحة لفيت طرابلس كلها محل محل للمواليد
بس بلاخر شريت كل شي من محل حنين في زاوية الدهماني اسعارة حلوة وفيه كل شي
ننصحكم يا بنات طرابلس ماتخطوشي في تجهيزات المولود والله اسعارة حلوة ومناسبة

أم سعد

12-11-2010, 10:48 PM

أهلا أهلا آية

وأخيرا شريتي ... يلا نبو بالتفصيل شن شريتي

أم سعد

12-11-2010, 10:57 PM

تي هيا قبل مايجي راجلي ويروح بيا

كلمني قالي وتي روحك

أم ردينة

12-11-2010, 11:11 PM

يا آيه المحل يبيع في لبس المواليد بس ولا حتى الاطفال بصفه عامه . وشني شريتي؟؟ هههههه

أم سعد

12-11-2010, 11:14 PM

نستنى فيها .. مشت تستف في الحاجات وخلتنا

تو فرحانه بالحويجات تو نحصلو معاها طريق غير نعبو

تي تعالي احكيلنا وبعدين بري ستفيهم الحاجات

أنا راجلي على وصله

ღॐ آية ღॐ

12-11-2010, 11:18 PM

ههههههههههههههههههه
والله ضحكتيني يا ام سعد
ستفتهم من الي روحت وكملت
ما نقدرش نصبر هههههههه
ام ردينة فيه ملابس اطفال من 0 الى عام
ويمكن فيه اكبر بس والله ما نتبهت ..
حاضر يا ام سعد حنقولك شن شريت بتفصيل الممل

ღॐ آية ღॐ

12-11-2010, 11:22 PM

هادا ياحنه شريت ساكو لونه احمر وبيج حلو هلبا
وشريت شيشة شيكو وزلباحة شيكو
وشريت قطع داخلية بي اكمام عدد 5
وقاميجوات شتوية عدد5
وشخاشر نصف وكاملة عدد 4
وفوط وروب للاستحمام
وشراشيف لون زهري
وبطانية
وعود اودان
ومنتجات جنسون للاستحمام
وليفة ناااااااعمه
وكندرة زهرية
وطرمس زهري
وكولنيه ماركت شيكو للمواليد

أم سعد

12-11-2010, 11:22 PM

لولولولولولولولولولللللللللللللللللللللللللللللللل لللي

ردت علينا

الراجل جي

ღॐ آية ღॐ

12-11-2010, 11:25 PM

وقماط لصرة
وشال صوف
ومريقات
وطاقيتين قطنيات
وكوانتيت

ღॐ آية ღॐ

12-11-2010, 11:27 PM

ان شاء الله تروحي بسلامة
وعقباليك يارب

ღॐ آية ღॐ

12-11-2010, 11:29 PM

ام ردينة بالك نسية حاجة ماخديتهاش؟؟
والله حاسه بنفسي ناسية حاجات لاكن مش عارفة شن هيا

أم سعد

12-11-2010, 11:33 PM

تو نوصل للحوش ونقولك شن شريت حتى أنا

ونفكرو بعضنا في الحاجات الناقصة

:)

ام اسيل

12-11-2010, 11:34 PM

ماشاء الله ياام ايوب واسيل
ان شاء الله تشوفيها صحيحة بين ايديك وتلبسيها كسوتهايارب

والله دبش البيبي يسهف انا كل مانمشي للسوق كان نلقى نشري نقول اهو مرات نحمل نلقاه وراجلي يقولي بلا هبال

عقابلك ام سعد تقولينا شن شريتي

تعرفو الجو عندنا اليوم في طاعة الله عواصف وريح غير عادية

لولي وينك ياهرابة معش خشيتي خشي عليك الامان

أم ردينة

12-11-2010, 11:43 PM

علاش الشخاشير النص والكامله توه البيبي مش ح يستفيد منهم قصدك بتلبسي شخاشيروالكامجوات كثرثي راهو البيبي فيسع يكبر يعني في اسبوعين يكبر عليهم

حبل الوصل

12-12-2010, 12:00 AM

السلام عليكم فيه حد موجود هنى

ღॐ آية ღॐ

12-12-2010, 12:07 AM

يا ام ردينه الكاميجوات نقصد بدله كامله
زي هادي
http://forum.hwaml.com/imgcache2/hwaml.com_1292101647_831.jpg
وشخشير كامل قطني يدفي لاني بنجيب نهاية شهر واحد بدايت شهر 2
وحتى ايوب زمان شريتله والحمد لله ما مرضش مني وكانو مدفينه وشاديلة جنابة
وشخاشير نص
http://forum.hwaml.com/imgcache2/hwaml.com_1292101648_145.gif
مع قفاطين وكندرة يطلعو حلوات
..اوخيتك خبرة بنسبه للارقام خديت 0 وو1
وان شاء الله تقعد تلبسهم شهرين

ღॐ آية ღॐ

12-12-2010, 12:10 AM

ام اسيل والله حوايج المواليد ديمة يسفهو فيا من الي كنت بنت..
تصدقي بعد ما شريت الحوايج استاحشت نشوفها مش غر انا حتى بوها
نستنى نجيبها بساعه والدقيقة تقول عليا بكرة هههههههههه

ღॐ آية ღॐ

12-12-2010, 12:14 AM

تو نوصل للحوش ونقولك شن شريت حتى أنا

ونفكرو بعضنا في الحاجات الناقصة

:)

اوك مطوليش نستنى فيكhwaml7

ღॐ آية ღॐ

12-12-2010, 12:14 AM

وعليكم السلام حبل
انا موجودة
انتي شن اخبارك؟؟

ღॐ آية ღॐ

12-12-2010, 12:24 AM

ام سعد الداخليات خديتهم يشبهو لي هادم
وكلهم بي الاكمام
http://forum.hwaml.com/imgcache2/hwaml.com_1292102673_579.jpg
قطنيات وسعر الوحدة زوز دينار

ღॐ آية ღॐ

12-12-2010, 12:25 AM

وينكم رقتو
؟؟؟؟؟؟؟؟؟؟؟؟؟؟؟؟؟؟؟؟؟

عيون زوجي

12-12-2010, 12:34 AM

السلاااااااام عليكم
كيف حالكم توا......................
مبروك اعليك ما شريتي يا أيه..وعقبال ماتلبسي اسيل بالصحه والسلامه ليك وليها
ويارب اتجيك تامه الخلقه والخلق
انتي وليبيا قلبي وام سعد وحنين وعقبال الباقيات يارب
الشهر الجاي نسمعوا الخير على الكل
انا اليوم مشيت لمحل ماقريتش اسمه في نفس الشارع يلي فيه سوق العاشوري وسوق الحايس
محل حلو عالاخر
شريت منه كبوط لسارة وردي وفانيليات داخليه بالكلبسات لسارة ومحمد
وشريت صاكو احمر في اصفر لمحمد
لانه يا ناري يستعمل في صاكو سارة القديم

عيون زوجي

12-12-2010, 12:35 AM

وينكم يا مدامات؟

عيون زوجي

12-12-2010, 12:41 AM

تعرفوا يا بنات فيه ناس عندهم مصايب يشيب منها الراس
ابتلاءات من رب العالمين ربي يصبرهم ويؤجرهم
والحمدلله الذي عافانا بما ابتلاهم به وفضلنا على كثير من خلقه بفضله تفضيلا
فيه وحدة مرات ولد خوي سلفتي جابت بنت فيها رجل وحدة بس ومهناش مكان الرجل التانيه ابدا
والبنت توا عمرها 4شهور كويسه وقنينه وبرجل وحدة وماليهاش حل
وعزوزتي مشت لوحدة قريبتها جايبه
حتى هي ابنيه رقبتها مسكرة تتنفس من فتحه في القصبه الهوائية وتتغدى من ابرة التغذيه
ربي يصبرهم ويعفينا................

أم سعد

12-12-2010, 12:42 AM

أنا جيييييييييييييييت

من قاعد منكم؟؟

عيون زوجي

12-12-2010, 12:43 AM

وينكم
خاصة البنات يلي متاع الليل
لولي انتي ديمه متواجدة وينك مهناش انشاءالله المانع خيررررررررر

عيون زوجي

12-12-2010, 12:46 AM

سئلتكم من مدة عن احسن طريقه لمنع الحمل شن ناخد
او بالاصح كل وحدة تقولي شن تاخد وتنصحني شن ناخد
اندير لولب ولا ناخد حبوب
نبي حبوب ما يسمنوش
لان حبوب المنع زي الميكروجينون يسمنوا

عيون زوجي

12-12-2010, 12:47 AM

hwaml7hwaml7hwaml7

أم سعد

12-12-2010, 12:48 AM

كان بتستنيني لين نجرب تو نقولك

بس أنا اللولب مش مقتنعة بيه في اللي يقول حرام من ناحية شرعية

والحبوب مانحبهمش

والطبيعي مايمشي معانا

حتى أنا حايرة كيف بندير بعد الجياب

يصير خير

ღॐ آية ღॐ

12-12-2010, 12:54 AM

عيون زوجي
والله قبل اليوم بنمشو للحايس لاكن ما سخرش ربي
ياريتك جيتي لي حنين ولا انا مشيت للحايس رانا تلاقينا
>>على اساس بيعرفو بعض ههههههههههه
....
وان شاء الله ربي ما يورينا هم
وربي يمتع صغوريتنا بصحة والعافية...

ღॐ آية ღॐ

12-12-2010, 12:55 AM

هلا هلا ام سعد الحمد لله على سلامتك
بنقصقصك شن خديتي للبيبي؟؟

ღॐ آية ღॐ

12-12-2010, 01:00 AM

سئلتكم من مدة عن احسن طريقه لمنع الحمل شن ناخد
او بالاصح كل وحدة تقولي شن تاخد وتنصحني شن ناخد
اندير لولب ولا ناخد حبوب
نبي حبوب ما يسمنوش
لان حبوب المنع زي الميكروجينون يسمنوا

يا عيون في هدا المجال ماعنديش خبرة
اوكان نعرف راني توة منكركرش
لاني كنت نبي ناجل موضوع الحمل لا بعد مايتم البني ونحول
لاكن هدي قدرت الله
والحمد لله على كل حال
...
بس اكتر شي مضمون اللولب بشرط انك اتابعي كويس
والدكتورة نادية الي في مصحة نسرين ممتازة اختي وسلفتي مديرينه من سنين عندها
ومشاء الله اختي بعد ما نحت الولب حملت على طول

ღॐ آية ღॐ

12-12-2010, 01:01 AM

وينكم العفوووووووووووووووووووو؟

أم سعد

12-12-2010, 01:07 AM

الله يسلمك يا آية أنا جاياتك

أم سعد

12-12-2010, 01:09 AM

هذه كندرة

والبقية جاية

http://forum.hwaml.com/imgcache2/hwaml.com_1292105370_393.jpg

أم سعد

12-12-2010, 01:16 AM

http://forum.hwaml.com/imgcache2/hwaml.com_1292105779_287.jpg
وهذه الصورة فيها :

شيشة ... وليفة ... وأعواد أذن ... صنة .. بودرة سائلة ..شامبو .. من شيكو

وفيها .. 4 قامجوات ... 3 داخلية نص .. 2 طاقية .. 3 داخلية كم ... 3 قماميط

2 شراشيف .. دستة فوط صغيرات ... داخلية كم معاها مريقة وشخشير

أم سعد

12-12-2010, 01:22 AM

http://forum.hwaml.com/imgcache2/hwaml.com_1292106134_549.jpg

والصورة هذه فيها :

شرشاف .. يارغان .. بدلة (سروال وفانيليا وطاقية وشخشير) ... و 3 قامجوات .. ومعطر ملابس

أم سعد

12-12-2010, 01:23 AM

وينكم العفووووووووووووو؟؟؟؟؟؟؟؟؟؟؟

أم سعد

12-12-2010, 01:49 AM

في آخر الحلقة قعدت بروحي

:(

ليبياقلبي

12-12-2010, 02:24 AM

مبروك عليك يا اية ويا ام سعد ماشريتوا وربي يقومكم بالسلامة وتعرفي يا اية قالولي عليه حنين عنده فرع في مصراتة اسمه السندباد قالوا حلو بس انا عاد اول بيبي اماليا بيشروا انا هدكا اليوم خديت طواقي نحبهم الحق خديت بودري عاد بس حتي انا متشوقة لحاجات اماليا
عيون شن اخبارك والله تبي الحق حتى انا شكرولي اللولب وحتى انا نخمم من توا شنو المانع قولي انت غير حطي هدا
ويا اسيل ربي يعطيك يارب من نعيمه يارب تحملي يارب اسمعي انت ونسرينا جربتوا مياة زمزم وفيها الزعفران والله عندي قريبتي ليها تلاتة سنين متزوجة محملتيش المهم عاينت حتى في الاردن بلا فايدة تعرفوا شن دارت عيت من الدواء دارت رقية والله كويسة وكل يوم تقرا في سورة البقرة كل فجر ودارت مياة زمزم وفيها زعفران ممكن متاع 8ايترا المهم وحتى الحنة من السعودية طجينتها ومش عارف شن دارتلها واسمعوا راهو الرقية مش تغتسلي في ميياه بس في حاجات تانية راهو انا توا في شيخة مشيتلها وحدة تبي تحمل قتلها تبي علاج كامل وحجامة لانو التصفيح مش ياهي والله لو تبوا العلاك ناخده منها ونقوللكم عليه وربي يعطيكم يارب
للللللللللللللللولي وووووووووووووينك
تيمو شن اخبار بنيتك كبرت شنو رضاعة طبيعية بس ولا شيشة
وحبل الوصل وسورينام وام رودينا وينكم

نسرينا

12-12-2010, 10:06 AM

أم سعد

12-12-2010, 12:51 PM

السلام عليكم

صباح الخيرات

نسرينا .. أسأل الله العظيم إنه يرزقك بالذرية الصالحة الطيبة

ونشوفوك انتي و7 صغار يحومو عليك

poucie

12-12-2010, 12:53 PM

خييييييييييييير ع الجميع
ايه وام سعد مبروك عليكم وانشاء الله ربي يتم حملكم على خير
نسرينا عادي ورأس وخيتي ما تعدلي عليها وما تحطيش في بالك وما تغششيش روحك انشاء الله ربي يرزقك ويملا حزامك ويعمر عليك عاجلا غير اجلا يا رب العالمين

نسرينا

12-12-2010, 01:00 PM

صباح النور والسرور

اللهم آآآآمين

.

حبل الوصل

12-12-2010, 01:03 PM

نسرينا والله حاسة بيك موقف صعب بس والله ماتغششي روحك ان شاءالله ربي يرزقك في القريب العاجل
والله معذورة ياوخيتى انى اللي عندى وقريب نهبل مابعدك اللى معنداش والله احساس صعب جدا ربي يكون في عوننا ويرزقك بالحمل السليم وتعبي حوشك صغار

نسرينا

12-12-2010, 01:15 PM

اهلين / حبل الوصل

امين... ربي يسمع منك ويطعمنا اجمعين ولا يحرمنا ..

.

حبل الوصل

12-12-2010, 01:19 PM

نسرينا انتى وين تسكنى بالزبط

نسرينا

12-12-2010, 01:19 PM

راجية

ميمونة

ان شاء الله صاير معاكم خير ، والامور تمام التمام ...

.

نسرينا

12-12-2010, 01:22 PM

حبل الوصل

نسكن في عين زاره ، وكنا في تاجوراء وحولنا لينا امممممم ممكن 3 سنينن ونص

هههههههههه بديرلي زيارة ؟؟؟؟

.

ღॐ آية ღॐ

12-12-2010, 01:24 PM

صباح الخير

اية و ام سعد / ربي يتتم فرحتكم على خير وتشوفوا صغاركم سالمين وفي اتم صحة

تعرفوا نشوف في صور حويجات صغاركم والله نين خنقتني العبرة ....

هذا غير ان امبارح صارح موقف وجعلي قلبي وزعلني علاخر ...
امبارح كنت في حوش عزوزتي اني وسلفاتي ،
عندي سلفتي عندها بنية صغيرة متع عام ونص
المهم قعدت انلعب فيها ..
مشي امها قالت تكلم في بنتها : يلا يلا خلاص قوليلها خلاص ...

تعرفوا قريب متت معاش عرفت شنو انقول والا اندير
سيبتهم و طلعت برا للجنان وقعدت نبكي ، ، ،

.ولتوا قاعدة واجعتني في وسط خاطري

.يا كريم يااااااااااااااااااا رب

.

لا حول ولا قوة الابالله
وراس وخيتي متعدلي الي عطاها قادر ياخد منها
ويرزقك ويملى عليك حوشك صغار
الحمد لله انتي مافيك شي مسئلة وقت وبس
وهادي ام سلفتك والله ما تستحي (حسبي الله ونعم الوكيل فيها )
والله حسيت كان الموقف صار معاي انا حتى من ضغطي ارتفع.
ربي يعمر عليك وتحملي وتشري حويجات للبيبي
وتعبيلنا المنتدى صور لحويجات والله ربي كريم ومفيش من اكرم منه
ربي يرزقك مش بنية تلات ولاد وتلات بنات يشبهوك ويشبهو بوهم يارب
ياكريييييييييييييييييييييييييييم

ღॐ آية ღॐ

12-12-2010, 01:27 PM

ام سعد مشاء الله
حويجاتك نزكات
ومنسيتي شي تبارك الرحمن
وياااااااارب تجيبي وتنوضي بسلامة وتشوفيهم لابسهم
يارب

نسرينا

12-12-2010, 01:28 PM

آآآآآآآآآآآآآآآمين يا أية

وربي يسهلك ولادتك ويثبتك لموعدك و يفرح قلبك بشوفة عيلك سلللليم ومعافى من زيادة او نقصاان

آية / اللي تكلمت سلفتي مش امها ، قصدي ان سلفتي كلمت بنتها الصغيرة اللي اني انلعب فيها

.

ღॐ آية ღॐ

12-12-2010, 01:33 PM

اها فهمت
يا كبدي محرفها سلفتك
ومقسى قلبها
ربي يمتع عيونك بي الدرية الصالحة في القريب العاجل
اللهم امييييييييييييييييين

حبل الوصل

12-12-2010, 01:42 PM

نسرينا احنى عندنا ناس من سبها واجدين يسكنو في عين زارة
وانى عندى حوازة وبيت في وادى الربيع

ღॐ آية ღॐ

12-12-2010, 01:43 PM

ام اسعد حتى انا تو انصور الحاجات في اقرب وقت
لاكن غر يشريلي راجلى وصلة البلوتوث لان وصلة موبايلي
فسده فسدها ايوب

حبل الوصل

12-12-2010, 01:44 PM

أية وام سعد ماشاءالله على دبش عويلتكم ان شاءالله تلبسوهم بالصحة يارب وتفرحو بصغاركم ياربي

ღॐ آية ღॐ

12-12-2010, 01:46 PM

حبل الوصل ربي يحفضلك صغيويرتك
تبارك الله مشاء الله
ولاحول ولا قوة الا لالله

حبل الوصل

12-12-2010, 01:49 PM

هذى بنتى ومعاها ولد عمتها يعنى هذا ولد حماتى هذى الصورة في الصيف

ღॐ آية ღॐ

12-12-2010, 01:52 PM

مشاء الله ولد عمتها يشبهلها
ربي حفضهملكم

نسرينا

12-12-2010, 01:59 PM

حبل الوصل

12-12-2010, 01:59 PM

الله يسلمك ويحفضلك ولدك وتجيبي بنتك على خير يارب

حبل الوصل

12-12-2010, 02:08 PM

ما شاء الله يا حبل الوصل
هادي اخلاص ، شكلهاااا وحييييييييييدة سلامتها ههههههههههههههههههههه

أية / هادي سلفتي شيخة وحاملة كتاب الله ، بس مرات تفصل ههههههههه زي فصلة امبارح ، ربي يسامحها وجعتلي كبدي ونكدت عليا ، خلتني من غير عشي امبارح ههههههههههههههههههه

.
.
الله يسلمك كيف يعنى شكلها وحيدة مافهمتش
وبالنسبة لسلفتك عندى زيها لكن انى مش ساكتتلها يعنى زى ماتقولى نقول اقوى منها والله توة بدت تديرلي في الف حساب وترجى فيا غير نرضى عليها

poucie

12-12-2010, 02:09 PM

ماشاء الله يا حبل الوصل ربي يحفضلك بنيتك يا رب والوليد حتى هو ما شاء الله عليه

حبل الوصل

12-12-2010, 02:15 PM

الله يسلمك يابوسي شن حالك وحال بنيتك وكيف دايرة انتى والحمل

نسرينا

12-12-2010, 02:16 PM

حبل الوصل /
قصدي اوحيييدة يعني سلامتها شويطينة وناشطة هههههههههههههههه من شدتها في ولد عمتها ، كابسة عليه المسكين مش قادر يتنفس هههههههههههههههههههههههه

.

نسرينا

12-12-2010, 02:17 PM

بوسي /
اكيد قالولك ولد والا بنت ...

انتي قبل عندك روان وتوا ،، شنو ناوية بتمسي ان شاء الله

.

ღॐ آية ღॐ

12-12-2010, 02:20 PM

ما شاء الله يا حبل الوصل

أية / هادي سلفتي شيخة وحاملة كتاب الله ، بس مرات تفصل ههههههههه زي فصلة امبارح ، ربي يسامحها وجعتلي كبدي ونكدت عليا ، خلتني من غير عشي امبارح ههههههههههههههههههه

.
.

شيخة زيادة ومتعرفش تتعامل والله حرامhwaml15
ربي يهديها بس نصيحه تجنبيها وتجنبي بنيتها احسن ليك والله
وزي ما قالتلك حبل راهي تاخد الغلبه عليك
وريها العين الحمراء
اوكان تبي مساعدة احنى جهزين للخدمهhwaml4hwaml17

ღॐ آية ღॐ

12-12-2010, 02:22 PM

بوسي نورتي التجمع
وربي يتمم حملك على خير يارب

نسرينا

12-12-2010, 02:25 PM

ههههههههههههههههههههه

مشكورة آية ،،،

ان شاء الله يارب يارب لما نطلب مساعدتكم في شري حويجات العيل يارب العالمين

.

.

نسرينا

12-12-2010, 02:26 PM

يارب تمم حملها على خير
يارب تمم حملها على خير
يارب تمم حملها على خير
يارب تمم حملها على خير
يارب تمم حملها على خير
يارب تمم حملها على خير
يارب تمم حملها على خير

poucie

12-12-2010, 02:46 PM

الله يسلمك يابوسي شن حالك وحال بنيتك وكيف دايرة انتى والحمل
والله الحمد الله سلامتها بتهبلني وماعادش قادرتها عشان الحمل انا من النوعية اللي نتوحم ووحمي واعر وشية واهو لا تواء مع اني قريب انخش الخامس وقاعدة نفس الشئي والحمد الله

poucie

12-12-2010, 02:50 PM

بوسي /
اكيد قالولك ولد والا بنت ...

انتي قبل عندك روان وتوا ،، شنو ناوية بتمسي ان شاء الله

.
لا يا نسرينا والله مازال ما نعرف المرة اللي فاتت قالتلي الدكتورة مازال مش بائن والشهر الجاي انشاء الله ايكون بان تواء نستنا موعدي انشاء الله الاسبوع الجاي واللي ايجي من ربي يامحلاه المهم الخلقة الكاملة يا رب.
بالنسبة للاسم والله قاعدة ما فكرت قلت خلي نعرف قبل وليد والا بنية
وانشاء الله العقبة ليك يا رب والله ندعيلك من وسط قلبي

poucie

12-12-2010, 02:52 PM

بوسي نورتي التجمع
وربي يتمم حملك على خير يارب
منور بوجودك يا آية صحيتي وانشاء الله حتى انتي ربي يتمملك على خير يا رب

أم سعد

12-12-2010, 02:52 PM

يقولو

مركب الضراير ساير ومركب السلفات حاير

:)

منورين التجمع

أم سعد

12-12-2010, 02:56 PM

تعرفو اليوم بنحول لحوش بوي

لأنهم مسافرين

تخايلو كيف الحالة وعاها نلم في دبشي وضمان

:(

ღॐ آية ღॐ

12-12-2010, 02:57 PM

سلمها ياربي
وجزاك الله كل خير
وربي ينولك الي تتمنيه
واي شيء تبيه اتفضلي بعتبار وليت خبرة انا في حوايج الصغار http://forum.hwaml.com/imgcache2/hwaml.com_1292155029_473.gif (http://www.sweetim.com/s.asp?im=gen&lpver=3&ref=10&p={4D986A24-C3F1-11DE-9775-0018716BBC82})

بوسي يارب تفوت مرحلة الوحام على غير
وفيه هلبا اطول عندهم فترة الوحم زيني والله لا نهاية السادس باش طار .

ღॐ آية ღॐ

12-12-2010, 02:58 PM

نورتي ام سعد
وسلمك فمك عندك حق
احسن شي التعامل معاهم بحدر وسطحيه
صح ولا انا غلطانة..

ღॐ آية ღॐ

12-12-2010, 02:59 PM

ربي يكون في عونك
وراك تقيمي رزين
ردي بالك
خالي راجلك يساعدك ..

أم سعد

12-12-2010, 03:03 PM

صح يا آية

إن شاء الله

ام اسيل

12-12-2010, 03:36 PM

خيرات عا الحلوات
حبل الوصل ماشاء الله على اخلاص ربي يخليها لكي شن صار في علاجك ولا معش اهتميتي

ام سعد ماشاء الله على حاجات سعد يهبلو

حبل الوصل

12-12-2010, 05:09 PM

حبل الوصل /
قصدي اوحيييدة يعني سلامتها شويطينة وناشطة هههههههههههههههه من شدتها في ولد عمتها ، كابسة عليه المسكين مش قادر يتنفس هههههههههههههههههههههههه

.
لا هيا ماشاءالله قوية وشيطانة بكلللللللللللللللل وديما كلمتها واتية وماتحبش الغلط

حبل الوصل

12-12-2010, 05:11 PM

خيرات عا الحلوات
حبل الوصل ماشاء الله على اخلاص ربي يخليها لكي شن صار في علاجك ولا معش اهتميتي

ام سعد ماشاء الله على حاجات سعد يهبلو

الله يسلمك والله يام اسيل مش معادش اهتميت المشكلة الراجل ماكملش علاج بلكى في شهر 1 نكملو ربك يستر

حبل الوصل

12-12-2010, 05:12 PM

يابنات نبي نسالكم عندى حكة من تحت مهبلتنى نبي علاج ليها ومنبيش نمشي للدكتورة معنديش جو للعيادات كرهتهم شنو الحل

حبل الوصل

12-12-2010, 05:17 PM

ربي يعينك ياام سعد وردى بالك على روحك
انا غير مغيرة ديكور البيت ولى البيت حالته حالة ومازلت ماكملت ليا 4 ايام
معراج وينك
ميمونة طمنينا عليك شن صار عندك

أم سعد

12-12-2010, 05:36 PM

ايه حاااااااااااااااااااااااله صايرة فيا ظهري انقسم

ربي يحفظلك هالبنوتة ويرزقك يارب

بالنسبة للحكة ممكن التهابات

أنا زيك مانحبش المشي للدكاترة

آخر مرة صارتلي توا في الحمل قعدت نغسل بصابون طبي

ودرت ريجيم (بمفهوم نسرينا يعني معاش كليت وجبات)

لأن الالتهابات تنتقل للراجل ويردهالك

توا الحمد لله أموري تمام

جربي بس هو الأحسن انك تشوفي دكتورة

أم سعد

12-12-2010, 07:39 PM

وينكم شنو كلكم طالعين

وأنا قاعدة بروووووووووووووووووووووووووووحي

وكملت لمان قشيشي

وجيت بنكسد عليكم

لكن الباين ان مافي حد

:(

ღॐ آية ღॐ

12-12-2010, 09:00 PM

هلا بنات من موجود

راجيه فرج ربها

12-12-2010, 09:46 PM

يابنات عالسريع نبي نسألكم عن محلات لملابس بنات بعمر 11عام علشان هالعمر حرج نعى وانا ندور لبني وهي بسلامتها تتحشم من الملابس القصيره والبنطولات الضيقه انا وبوها مانحبش تلبس هالملابس لان الاطفال شن تعودهم من الصغر المهم انا جايه هاليومين لطرابلس ونبي تنصحوني على محلات لملابس الاطفال بهالعمر وايضا نبي محلات للثريات تكون حلوه لكن موش الكبار واجد المهم نازكات وفي نفس الوقت موش غوالي واجد ولي عوده لردودكم ان شاء الله اجمل الامنيات باحلى امسيات محفوفه بدكر الله

أم سعد

12-12-2010, 11:08 PM

أهلين مدامات

كيفكم؟؟

راجية .. بالنسبة لملابس الأطفال في هلبه محلات بس أنا والله للعمر هذا مانعرف لأن مازال ماعندي صغار

وبالنسبة للثريات في شارع النوفليين نشبح فيهم كلهم محلات ثريات

عيون زوجي

12-12-2010, 11:54 PM

السلام عليكم
كيف حالكم يا مداماااااااااااات
اية @ ام سعد...مبروك اعليكم ما شريتوا
وانشاءالله تلبسوهملهم بالصحه والسلامه
حبل الوصل ربي يحفظلك اخلاص
وبنسئلك واعلاش ماتسكنيش في وادي الربيع
نحسها خيرلك من سبها
سبها يحكوا اعليها انها صحراء واسخونه هلبه هلبه وصيفها ما يتحملش
تعالي اسكني جنبنا ونورينا
بالك تغيير العتبه ايجيب الحمل
مش يقولوا نواصي وعتب وبعض من الذريه

عيون زوجي

12-12-2010, 11:55 PM

نسرينا..الصبر والدعاء مفتاح الفرج
ربي ينولك الحمل السليم ويفرح قلبك
انتي وميمونه وميرنا وحبل الوصل وام اسيل وراجيه يارب

عيون زوجي

12-12-2010, 11:57 PM

صحيتوا على نصايحكم يا خواتي
انا مقتنعه باللولب بس زوجي رافض فكرته
بنمشي يوم السبت للدكتورة ونقوللها تكتبلي حبوب واخلاص
سورينام حبيبتي شنو اسم الحبوب يلي تاخدي فيهم

عيون زوجي

12-13-2010, 12:00 AM

عيون زوجي

12-13-2010, 12:04 AM

لولي وينك انشاءالله خير
تيمو شن صار في المحوال وشن تاخدي من مانع حاليا
ليبيا قلبي كيف حال حملك
ام سعد انتي بكرة ولا لا
بوسي ربي يرزقك بوليد يونس اوخيته
راجيه انا واخدة ثريات حوشي من سوق الثلاثاء قبل ما يهدموه
وواخدة ثريا من محل في بن عاشور مقابل وكيل تشيكو حلووووو ومعقول
ايه..ياريت تلاقينا اكيد بنعرفوا بعض بالقلوب
مشيت قصيت شعري في مزين مروة وقعدت مركزة في وحدة حامل قدامي قلت ممكن ايه
بس طلعت بكرة تاكدت انها مش انتي

عيون زوجي

12-13-2010, 12:09 AM

راجيه محلات اطفال كبار مش عارفه
لكن مجمع سوق الثلاثاء فيه ملابس حلوة وماركة
تعرفي تلقي حاجتك فيهم
او في قرقارش في محلات ماركة زي او في اس و اتش (h@m) ام ومانجو وكوتون تلقي حاجتك تشري حاجتين حلويين خير من عشرة نص نص

عيون زوجي

12-13-2010, 12:12 AM

شكلي نهدرز بروحي
مش مهم بنسئلكم
اليوم تغذيت في مطعم كوك دور
وفي التحليه طلبنا كنافه بالجبنه
طعمتها اتجنن من تعرف طريقتها
هي الكنافة اكيد معروف كيف تتطيب بس سؤالي شن نوع الجبنه المحشيه بيها شن اسمها

عيون زوجي

12-13-2010, 12:14 AM

حنين كيف حالك ووينك
سامحوني لو نسيت حد
ام ردينه طهرتي عباده ولا لا
انا حمودي بنطهره انشاءالله لما يولي عمره 3شهور كاملات

أم سعد

12-13-2010, 12:16 AM

أهلين عيون

ايه أنا بكرة

ماشاء الله شادتيها هياجة :)

عيون زوجي

12-13-2010, 12:16 AM

راجيه فيه محلات اطفال في شارع الاتحاد قبل وبعد الاشارة الضوئيه

عيون زوجي

12-13-2010, 12:17 AM

ام سعد مرحبتين بيك
فرصتي ولدي عند امي من الجمعه
مشيت للمزين قصيت شعري وجبدته وتغديت
ودرت دورة عالمحلات وبعدها مشيت لامي جبت حمودي وروحت

عيون زوجي

12-13-2010, 12:18 AM

حويجات سعد ماشاءالله اعليهم
تلبسيهم بالصحه اعليه
وين مسافرين اهلك...

عيون زوجي

12-13-2010, 12:20 AM

شكلي شادتها هياجه ودوه
هيا تصبحوا على الف خيررررررررررر

أم سعد

12-13-2010, 12:21 AM

الله يسلمك

والله الفترة هذه نسقد غير في المسافرين

مرت خوي مشت لأهلها في بريطانيا يوم الخميس

ويوم السبت خوي مشي لألمانيا

وغدوة أمي وبوي ماشيين للأردن

ام اسيل

12-13-2010, 12:49 AM

حبل الوصل للحكة اغسلي بغسول اسمهla fame
وكريم مهبليcanstine vaginal cream
ولو حسيتيها قويه لازم تمشي لدكتورة باش تعطيك حبوب مضادة للفطريات(انتي فنقيanti fungi
زي الفلاجيل كويسات بس لازم استشارة طبيب
حبل الوصل لاباس عليك وهاتي وذنك راهو عيون مسيبة الصيدلة من زمان ونست الدكترة من زمان اني وقظتك افطني بالك تديري دوا تلقي روحك متحولة شي حاجة افطنيhwaml02

ام اسيل

12-13-2010, 12:53 AM

ميرنا جديات وحشتينا يانوارتنا
نبي نقولك انا كان عندي هرمون الحليب 144 وخذيت حبة كل اسبوع اسمها دوستيكس مش متاكدة من الاسم المهم الحبة بعشرة جنيه ومن اسبوع حللت لقيته 17 انا فبل ناخذ في الدوا متاع حبة كل يوم باردويل بس هضا الدكتورة قالتلي احسن واجد

عيون زوجي

12-13-2010, 01:13 AM

حبل الوصل لاباس عليك وهاتي وذنك راهو عيون مسيبة الصيدلة من زمان ونست الدكترة من زمان اني وقظتك افطني بالك تديري دوا تلقي روحك متحولة شي حاجة افطنيhwaml02
ههههههههههههه
واعلاش تفضحي فياhwaml4
ليا مده ماجربت في حد حاجه hwaml9
خلي نجربوا في حبل الوصلhwaml10
ونديروا اختبار ذاكرة hwaml5
مشي حالها كويس هادي يلي نبوهhwaml7
تحولت لمخلوق ثانيhwaml03
حتى هذا انجاز واكتشاف علميhwaml02
ههههههههههههههههههه

عيون زوجي

12-13-2010, 01:14 AM

سلامتك يا ام اسيل
الحبوب اسمهم دوستنيكس
مع اني مسيبه الخدمه من سنين هههههههههههههه

عيون زوجي

12-13-2010, 01:16 AM

ام سعد ..انشاءالله
زي ما تودعوا تلاقوا
ويروحوا بالسلامه
مرت خوك ليبيه ولا انكليزيه
وخوك مسافر لالمانيا اي مدينه سهفني
وامك وبوك سلامتهم انشاءالله
////قصقصه اندايركت////

عيون زوجي

12-13-2010, 01:21 AM

عرفتها الجبنه صحيتوا
جبنه عكاوي (جبنه معمل) منقعه ليله تامة في اميه وتتغير اميتها مرتين وتصفى كويس
وجبنه موزاريلا تتنقع ليله تامة وتتغير اميتها مرة وحدة
ونعجنوهم مع بعض
وعجينه الكنافة
كنافة مفرومه او شعيريه محمصه
عجينه الكنافه تتقطع او تفرم ونسقوها بالسمن او الزبدة
وتتطرح نص او 3/4 كميه الكنافه في طاجين مدهون بالزبده
ونحط اعليها خليط الجبنه
ونضغط على الجبنه بفوطة كوجينه نظيف باش نتاكدوا انها جفت من الميه
ونصب بقيه الكنافه فوق وندخلها الفرن لين تتحمر
نخلوها ترتاح 10 دقايق
ونقلبها ونشربها بالشراب
ونزينها فستق مجروش
وتقدم ساخنه(اهم نقطه)

ام اسيل

12-13-2010, 01:21 AM

سلامتك يا ام اسيل
الحبوب اسمهم دوستنيكس
مع اني مسيبه الخدمه من سنين هههههههههههههه

لا ياعيون انا قصدي شريف نسهف فيك عا الخدمة كيفي
بيش تقعدي تعبانة ومرهقة لان الارهاق يوريك قيمة الحياةhwaml10

ام اسيل

12-13-2010, 01:31 AM

واو ياعيون سهفتيني انا هذي عندي احلى حاجة
بترقديني وانا جيعانة
تصبحو على كنافة قصدي على خير

ام لقمان

12-13-2010, 05:11 AM

السلام عليكم
ام سعد انشالله كيف ما ودعتى اتلاقى
وربى يسلمك ويعينك
خودى على روحك بالشوى وما اديريش نفسك فالحه هلبه
كله ايكمل المهم صحتك واعويلك

ام لقمان

12-13-2010, 05:15 AM

تسلم ايدياتك ياعيون
سلامتك يا ام اسيل
نسرينا العاطى حى ويارب اتجيبى ما يفرح بالك

نسرينا

12-13-2010, 11:07 AM

صباح الخير

وشكرا جزيلا للجميع

.

نسرينا

12-13-2010, 11:34 AM

هههههههههههه
نحكيلكم شن حلمت امبارح ،،،
المرة هادي اني حلمت ما حد حلم بيا.

هذا يا ستي خير والصلاة على النبي ..." صلى الله عليه وسلم "

حلمت اني درت اختبار الحمل المنزلي ههههههه وبان فيه خط احمر واااااااضح " هذا فالحلم طبعاً ههههههه ، بس الخط مش طويل مش عامل يعني نصه بس .. """ زعما حمل في بدايته "ههههههههههههههههههههه

ان شاء الله خير يارب .

وللعلم

اني شهر 10 خذيت كلوميد لما نزلت الدورة شهر 11 سيبت ومعادش راجعت وقررت اني مش حناخذه ثاني اقله مؤقتاً ..

وقررت اني نقرأ سورة البقرة كل يوم بعد الفجر والحمد لله ليا اليوم 25 يوم ووقات نقرأ فيها على ماء ونشرب منها اني وراجلي
وقعدت اسبوع كل ليلة نشرب في الميرامية .
وقريت رقية شرعية على زيت زيتون وندهن بيه....

، اخر دورة جتني يوم 07 . 11 .

الحق اني متفائلة خيرررر لان سورة البقرة فضلها خيااااالي .

.

نسرينا

12-13-2010, 01:34 PM

وينكم ؟؟؟؟؟؟؟؟

اليوم جمعة وإلا شنو ؟؟؟؟؟؟؟؟؟؟

والله شككتوني في روحي

.

أم سعد

12-13-2010, 01:38 PM

السلام عليكم

صباح الخيرات

تعرفي نسرينا أنا لما حملت أمي قتلي قريتلك سورة البقرة بنية انك تحملي

أنا حملت بعد 4 شهور من الزواج ... تقول عليا حملت بعد 4 سنين :(

إن شاء الله ياااااااااااااااااااااااااااااااااااااااارب تكوني حامل هالشهر ياااااااااااااااااااااااااااارب

أم سعد

12-13-2010, 01:42 PM

ام سعد ..انشاءالله
زي ما تودعوا تلاقوا
ويروحوا بالسلامه
مرت خوك ليبيه ولا انكليزيه
وخوك مسافر لالمانيا اي مدينه سهفني
وامك وبوك سلامتهم انشاءالله
////قصقصه اندايركت////

سلمك عيون

مرت خوي ليبية

وخوي والله مانذكر بس هو يقرأ بيمشي يحضر هو خريج طب بشري

وتوا بيكمل اللغة وبيبدأ في التحضير

وأمي وبوي ماشيين يديرو في كشف عاااام

نسرينا

12-13-2010, 01:45 PM

آآآآآآآآمين

تعرفي والله متفائلة جدا واكثر مما تتصوري ، ومطمنة بسورة البقرة على الاخر ، لان عندي معاها تجربة سبحان الله ...

بإذن واحد احد فرد صمد ، نهاية الشهر نبشركم ، وبجد شكراااااا والف شكر لكل من دعتلي ، من قلبها لان الدعاء بظهر الغيب مستجاب وان شاء الله ربي يفتح عليكم ويتمملكم ويفرح قلوبكم ويسخرلكم ازواجكم واعيالكم يااارب .

.

تيمو ليبيا

12-13-2010, 01:49 PM

اهلين نسرينا انشالله حامل ياقلبي ومتغشاشيش روحك ومتخليش حد يضايقك لان حاله نفسيه ليها دور ام سعد مشالله حاجات البيبي حلوين هلبه شكله وليد الامور انشالله ربي يتمملك حملك علي خير ويتشوفيه بين ايديك

تيمو ليبيا

12-13-2010, 01:52 PM

عيون اني مدرتش مانع خديت بنصيحة بوسي وربك يستر ايدي علي قلبي والحبوب راجلي ميبيهمش قالي مضاعفاتهم اكتر منهم وقعده اندور في مانع مضمون ولولب في من حرمه والهي اعلم وبيني وبينك ايضايق هو هلبه والكنافه عقلي اني جيبتيها في خاطري بس انحبها بلقشطه اكتر امي ادير فيها روعه خاطري فيا وااااااااااااااااااااااااااااااااك

تيمو ليبيا

12-13-2010, 01:54 PM

حبل الوصل سلمها ها الاموره عقبال متشوفيها عروسه يارب و وين صورت عمر حطيها خلي نشوفوه العريس ربي يخليهمك

ღॐ آية ღॐ

12-13-2010, 02:18 PM

السلام عليكم
اختي راجية فيه محلات في قرقارش لملابس بهدا العمر وفيه في السياحيه شعارع بطوطة
مختص بملابس الاطفال وان شاء الله اكيد تلقى شي مناسب ليها
وبنسبة لمحلات الثريات فيه في السراج يهبلو وباسعار معقولة ..
بنسبه للحوايج فيه حتى في غوت الشعال
نزكات ومستورات ...

ღॐ آية ღॐ

12-13-2010, 02:20 PM

نسرينا يارب تبشرينا هدا الشهربحملك
يااااااااااااااااااااارب

أم سعد

12-13-2010, 03:58 PM

هل من أحد هنا؟؟

ღॐ آية ღॐ

12-13-2010, 04:51 PM

اهلا ام سعد
كيف حالك وكيف حال البيبي اليوم

أم سعد

12-13-2010, 04:55 PM

اهلين ايه
الحمد لله
وانتي كيف حالك وحال البيبي

ღॐ آية ღॐ

12-13-2010, 05:16 PM

الحمد لله
بخير ...
البنات شكلهم امقيلات
وانا والله مهناك نوم
رغم ان حركة البيبي قلت
بس الرزن زاد وربي يهونها

أم سعد

12-13-2010, 05:31 PM

الحال من بعضه يا آية

راجيه فرج ربها

12-13-2010, 06:16 PM

السلام عليكم ورحمة الله وبركاته

صحيتو حبايبي ام سعد وعيون وايه على اجابتكم الشافيه وان شاء الله يرضي المحروس يلفلف بيا كل هالمحلات ومازلت نستنا بالك وحده تاكدلي على المحل بالضبط ويارب يعطيكم الي في خاطركم يارب الي دعت لي والي متفكرتني يارب

عيون زوجي

12-13-2010, 07:35 PM

السلاااااااااااام عليكم
كيف حالكم توا توا توا...
يارب تكونوا كويسااات

عيون زوجي

12-13-2010, 07:36 PM

راجيه ياريتنا اقدرنا نفيدوك اكثر
بس ربي ينولك يلي في بالك
ايه وام سعد وكل حامل ربي يهونها اعليكم ويسهلها اعليكم يارب

عيون زوجي

12-13-2010, 07:37 PM

سوريناااااااااااااااااااااام
لوووووووووووووووولي
وينكم مفقودات انشاءالله خير
شغلتوني.....

أم سعد

12-13-2010, 07:38 PM

أهلين عيون كيف حالك؟؟

عيون زوجي

12-13-2010, 07:38 PM

بنسئلكم غدوة جايتني وحدة العشية
هذا وين تفكرت اني جايبه وحمودي خاش عال3 شهور
المهم
شن تقترحوا اندير

عيون زوجي

12-13-2010, 07:41 PM

انا فكرت اندير حلبه(طبيخة الخلوط متاع الحلبه)
ومعاها امبطن وطعميه وبيتزا
او بدل البيتزا خبزة بصل ومعدنوس
ومعاه سلاطة ومشروب وفاكهه
وبندير كب كيك مع كابتشينو
وطاسة شاهي باللوز
وطبعا روزاطة وعبمبر
شن رايكم
ماخاطريش فيها نهائي لكن بالسيف
قولولي اوكي ولا نحدف حاجه ولا نزيد حاجه شنو رايكم

عيون زوجي

12-13-2010, 07:42 PM

ويــــــــــــــــــــــــــنـــــــــــــــــــــ ــــــــكم؟؟

عيون زوجي

12-13-2010, 07:43 PM

اليوم درت كب كيك بصوص التوفي طعمته ايجنن قلت غدوة انعاود انديره

أم سعد

12-13-2010, 07:43 PM

نحس فيه هكي كويس هلبه

زيادة ماتزيدي شي

وممكن بيتزا أحسن من الخبزة

:)

أم سعد

12-13-2010, 07:44 PM

قوليلي على الطريقة خللي نديره حتى أنا غدوة

عيون زوجي

12-13-2010, 07:46 PM

اهليين ام سعد
سامحيني ماريتكش
كيف حالك اليوم
وحولتي لحوش بوك ولا لا
ولاباس على اهلك يارب
بالنسبه لخوك اكيد زوجي يعرفه
احنا السنه يلي فاتت تعرفنا على طلبه اطباء بشري يقروا في اللغه هلبه
يسكنوا في بون ويقروا في معهد جوته للغه
وبالزبط يسكنوا في بادقودسبيرغ
اكتر اتنين انا شخصيا نعرف زوجاتهم واحد اسمه ايهاب والتاني عبدالعظيم
وهما رح يبدوا دراستهم في المستشفيات شهر 1 صح

عيون زوجي

12-13-2010, 07:47 PM

عندك طاجين الكب كيك ولا لا...

عيون زوجي

12-13-2010, 07:48 PM

لحظة ونرجعلك ولدي بيرقد
ورح نكبتلك الطريقه.....

أم سعد

12-13-2010, 07:56 PM

ايه حولت لحوش بوي

وخوي لما جي قري فاتحة بس مازال مادارش عرس

وهو اسمه مؤيد وصاحبه ساكن معاه اسمه سراج

ღॐ آية ღॐ

12-13-2010, 09:35 PM

عيون بنعزم عمري وبنجيك انباركلك معاها
احسبيني مش تنسيني في شي..
هكي ساد مشاء الله فيه البركة.

ღॐ آية ღॐ

12-13-2010, 09:37 PM

ام سعد
ربي يهونها عليك وعليا
كم مزالك وتخشي التامن هي بسرعه لحقي عليا
وانتي موعد ولادتك ام يوم بزبط ؟؟

ღॐ آية ღॐ

12-13-2010, 10:28 PM

أم سعد

12-14-2010, 12:26 AM

آية أنا يوم 21/12 نخش للثامن

وموعد ولادتي 21/2 ويستر الله

:(

ليبياقلبي

12-14-2010, 03:11 AM

ام سعد ربي يطمنك علا اهليك وتصدقي انضنا نفس الموعد غير انا 22_2
وووووووووووشلام لي اية وعيون ونسرينا ربي يرزقك يارب وراجية وتيمو وينك يا لولي ةحنو غطست
ممكن سوال من الشهر السابع الجماع اي وضع يتخد قريت في النت الجانبي بس حسيته صعب هو والخلفي حسيته مش كويس للحامل والبطني حسيته يتعب ويضايق البطن لي عندها معلومة تقولها حقا بنقولكم عيد زواجي يوم 16_12 بنديرا في طربلس بناخد حجرة في فندق انا وزوجي

حبل الوصل

12-14-2010, 09:59 AM

حبل الوصل

12-14-2010, 10:00 AM

حبل الوصل للحكة اغسلي بغسول اسمهla fame
وكريم مهبليcanstine vaginal cream
ولو حسيتيها قويه لازم تمشي لدكتورة باش تعطيك حبوب مضادة للفطريات(انتي فنقيanti fungi
زي الفلاجيل كويسات بس لازم استشارة طبيب
صحيتى ياوخيتى ربي يعطيك مافي بالك ويسخرلك زوجك ويباركلك في عيالك ويجعلهم من البارين

نسرينا

12-14-2010, 11:40 AM

صباح الخير

.

أم سعد

12-14-2010, 12:11 PM

صباح النور

نسرينا

12-14-2010, 01:12 PM

خيرات / ام سعد

امبكرة ما شاء الله اليوم هههه

عاد الحوش حوش بونا .... ههههههه

.

ღॐ آية ღॐ

12-14-2010, 01:26 PM

آية أنا يوم 21/12 نخش للثامن

وموعد ولادتي 21/2 ويستر الله

:(

ام سعد ربي يسهل عليك
وتكون ولادتك سهلة ميسرة
انا8/2
يعني بينا تقريبا اسبوعين
ربي يسهل على الجميع يارب

ღॐ آية ღॐ

12-14-2010, 01:27 PM

صباح الخيرات نسرينا كيف حالك اليوم؟

نسرينا

12-14-2010, 01:38 PM

بخير اية ، بارك الله فيك

ربي يسهل عليكم وييسرلكم الحال يارب العالمين

.

أم سعد

12-14-2010, 01:42 PM

خيرات / ام سعد

امبكرة ما شاء الله اليوم هههه

عاد الحوش حوش بونا .... ههههههه

.

هههههههههههه

ايه مش زي حوشي زي حوش بوي

أم سعد

12-14-2010, 01:43 PM

أهلين آية

ربي يسهل علينا يارب

انتي مجربة وعارفه اللي مستنيك ... أنا الرعب بدي راكبني من توا

:(

نسرينا

12-14-2010, 01:47 PM

ههههههههههههههه

بالله هو فيه حاجة احلى والا اريح من حوش الام ....

ربي يحفظلك اميميتك و ابويك ويطول عمرهم ويرجعوا سالمين غانمين

.

أم سعد

12-14-2010, 01:55 PM

سلمك يا نسرينا

لكن تبي الحق تعودت على بروحي

نبي ناخد راحتي
:(

عيون زوجي

12-14-2010, 02:09 PM

عيوووووووووووووووون عيووووووووووووون
نبيك بسرعه
بخصوص الفطريات المهبليه
بنسبه للغسول المهبلي لافام والكريم
انا وصفهملي الدكتور الكريمة لونها اخضر داكن من تحت ومعاها تحميلات
والغسول ريحته حلوة ونستعمل فيه حتى اليوم
بس مفيش تحسن عليهم
فا وصفلي حبوب تحميلات للمهبل .
عندي كورس لمدة اسبوع خديت حبه امس
فيه حرقان داخلي هلبا لما درتها والله مجاني نوم.. هل هدا شي طبيعي
ولا نوقف عليها
ياريت تفيديني لو عندك معلومة..
ايه سامحيني ما خشيتش امس
لازم ترجعي لدكتورتك
الحرقان شي مش طبيعي
المفروض لو التحاميل ماشية معك تنقص الحكة
ولو فيه افراز يتغير لونه وريحته وبعدين يختفي
ولهذا لازم تراجعي وخصوصا انت غير
انتي حامل والالتهابات خطيرة جدا ليك
ممكن تنتقل من المهبل الى عنق الرحم للبيبي
وطهور انشاءالله

نسرينا

12-14-2010, 02:11 PM

ومنو معاك في الحوش ؟؟؟

آآآه على ما اظن اختك وبنت اختك ؟؟

.

عيون زوجي

12-14-2010, 02:12 PM

عيون بنعزم عمري وبنجيك انباركلك معاها
احسبيني مش تنسيني في شي..
هكي ساد مشاء الله فيه البركة.

مرحبتين بيك
ديريها جدياتhwaml03
عنوان حوشي ساهل وقريبhwaml16
ومن توا مدايرة الطبيخة عالنار
وبنوض نوتي الطعميه وعجينه البيتزاhwaml02
الدعوه عاااااااااااامه تفضلوا كلكمhwaml7hwaml7hwaml7

نسرينا

12-14-2010, 02:13 PM

مرااااحب عيون

.

نسرينا

12-14-2010, 02:14 PM

نجي حتى اني ؟؟؟؟

.

عيون زوجي

12-14-2010, 02:14 PM

انشاءالله لاباس اعليك يا ايه
بجد الالتهابات واعرة من غير حمل
مش لابال الوحدة تكركر
ربي يهونها اعليك وعلى ام سعد وكل حامل يارب

عيون زوجي

12-14-2010, 02:19 PM

ويـــــــــــــــــــــــــــــنــــــــــــــــــ ـكم

عيون زوجي

12-14-2010, 02:22 PM

هلا نسرينا
مرحبتين بيك
انتي بالذات تعالي بكري وعولي معاي
البنات هلبه والعوله هلبه
تعالي شدي حمودي وهدرزي اعليا

عيون زوجي

12-14-2010, 02:23 PM

عقبال ما نجيك في وليدك ونشدهولك
يارب يا نسرينا
انشاءالله تشدي ولدك بين ايديك في هالسنه الجديدة يارب

عيون زوجي

12-14-2010, 02:24 PM

كيف حالكم اليوم
وشن الجو
وشن غداكم
ومن منكم صايمه لتاسوعا وعاشورا

poucie

12-14-2010, 02:57 PM

خييييير يامدامات شن الاخبار عندكم انشاء الله كلكم كويسات
نسرينا انشاء الله انشاء الله الشهر هذا تبشرينا ويارب إفرح قلبك باللي تتمنيه
تيمو ماتخافيش منه المانع الطبيعي طالما انتي وراجلك واخذين حذركم

ღॐ آية ღॐ

12-14-2010, 04:01 PM

ღॐ آية ღॐ

12-14-2010, 04:08 PM

أهلين آية

ربي يسهل علينا يارب

انتي مجربة وعارفه اللي مستنيك ... أنا الرعب بدي راكبني من توا

:(

تصدقي والله في حملي الاول ماكنتش خايفة هكي
كنت غافلة والوضع كان احسن
ام توة سيناريو الولادة الاولى نفكر فيه في كل وقت في اليوم
وندعي هل مرة تكون الولادة سهلة ميسرة
يارب تكون ولاتك سهلة وتجيبي وتنوضي بخير يارب
..ام سعد امتى اخر مرة مشيتي درتي جهاز؟؟

ღॐ آية ღॐ

12-14-2010, 04:11 PM

ايه سامحيني ما خشيتش امس
لازم ترجعي لدكتورتك
الحرقان شي مش طبيعي
المفروض لو التحاميل ماشية معك تنقص الحكة
ولو فيه افراز يتغير لونه وريحته وبعدين يختفي
ولهذا لازم تراجعي وخصوصا انت غير
انتي حامل والالتهابات خطيرة جدا ليك
ممكن تنتقل من المهبل الى عنق الرحم للبيبي
وطهور انشاءالله

ياعيون والله انا اياست من العلاج
وحلفت هدا اخر شي ناخدة والله كبيتي تمروجت ومفيش تحسن..
الي كاتبه ربي يصير وان شاء الله خير
مشكورة حبيبتي وجزاك الله الف خير

أم سعد

12-14-2010, 04:20 PM

ومنو معاك في الحوش ؟؟؟

آآآه على ما اظن اختك وبنت اختك ؟؟

.

لالا لالا لالا لالا

معاي زوجي وبس

بس خوتي يديرو عليا في دورة

أم سعد

12-14-2010, 04:24 PM

انشاءالله لاباس اعليك يا ايه
بجد الالتهابات واعرة من غير حمل
مش لابال الوحدة تكركر
ربي يهونها اعليك وعلى ام سعد وكل حامل يارب

سلمك ياعيون

حتى أنا بنجي

وين الحوش هي؟؟

أم سعد

12-14-2010, 04:26 PM

هلا بنوارات التجمع
كيف الحال
والله كنت خاطري نصيم بس راجلي عرضلي
قالي عندك فقر دم وبتصيمي ..مافيش صيام
من دارت حمص وفول
متقولوش مادرتوش ...!!
انا طناجري على النار وبندير كسكسي
وراجلي مروح موخر اليومhwaml15

تي هو اليوم قداش التاريخ الهجري

حيه عليك يا آية ... الفول والحمص بدعة ... غير جاااائز

وصحتين على الكسكسي

أم سعد

12-14-2010, 04:28 PM

تصدقي والله في حملي الاول ماكنتش خايفة هكي
كنت غافلة والوضع كان احسن
ام توة سيناريو الولادة الاولى نفكر فيه في كل وقت في اليوم
وندعي هل مرة تكون الولادة سهلة ميسرة
يارب تكون ولاتك سهلة وتجيبي وتنوضي بخير يارب
..ام سعد امتى اخر مرة مشيتي درتي جهاز؟؟

درته يوم 21/11

لما خشيت السابع

حبل الوصل

12-14-2010, 04:29 PM

الف لاباس عليك يااية والله الالتهابات حالة

عيون زوجي

12-14-2010, 05:42 PM

تخيلوا يا بنات
طيبت الطبيخه وجهزت الطعميه
واتيه على القلي بس
والبيتزا
وزوجي جاب كل شي فواكه وعصائر
وحلويات
تتصل الخانم وتقول:اسفه ماصارش
سيارتهم واقفه
ماسد جايتني توا وولدي خاش عال3شهور
وتكلفني وتخليني مسيبه ولدي يعيط
ونمسح ونضم ونطيب وفي الاخر تعتذر
ناس ماتفهمش....

عيون زوجي

12-14-2010, 05:43 PM

نستنى فيكم انتم تفضلوا
ما اديروش زيها
هههههههههههههه
راني كرهتها بجد

عيون زوجي

12-14-2010, 05:44 PM

كيف حالك يا حبل الوصل
ماشاءالله على عموري ربي يعمر بيه دارك
ويرزقك بخوته وخواتها ويخليلك اخلاص

أم سعد

12-14-2010, 05:45 PM

لا حول ولا قوة إلا بالله

قداش مانحبهاش هالحركات هذه

هي انا جاياتك وتي كل شي وجاية

هيا نسرينا وآية واللي يبي يمشي نخطم عليه مش مشكلة

نخشو عليها برطة المعلم :)

عيون زوجي

12-14-2010, 05:45 PM

انا ما انديرش في الفول والحمص
لانه بدعه على قولة ام سعد
بس عزوزتي طناجرها من الصبح يركركوا
اكيد رح نمشوا وناكلوا منه
صحتين يا ايه...

عيون زوجي

12-14-2010, 05:46 PM

مرحبتين يا مرحبتين بام سعودي
وبالبنات هيا تعالوا
وكانكم عالفول تو انجيبلكم من عمتي(عزوزتي)

عيون زوجي

12-14-2010, 05:48 PM

ام سعد بنعطيك طريقه الكب كيك
بالله جربيها
وقدميها مع كابتشينو سخون لابو سعد
اتجنن
ديريها وادعيلي

ღॐ آية ღॐ

12-14-2010, 05:49 PM

عيون خيرها في غيرها تو تتصل بيك يوم تاني وتقولك جاية
وتتعبي تاني ومتجيش
اخخخخخخخخخخخخخ حاله
معليش كولي انتي وراجلك وبنيتك وبعتيلي صوينيه
..
ام سعد عارفه والله عارفه بدعه
بس والله نحبه الفول والحمص
والفول المنقوع متلقيشي غير في هدا اليوم
وباش نخالف جابلي هلبا حتى غدوة وبعد غدوة بنديرة
ام سعد شن وضع البيبي قعد فارسي ولا تعدل؟؟

عيون زوجي

12-14-2010, 05:49 PM

عندك طاجين الكب كيك والورق ولا لا..
كان هذا اشريهم يقعدولك تحتاجيهم

عيون زوجي

12-14-2010, 05:51 PM

ايه بنسئلك حبيبتي انتي مواليد كم انتي وام سعد
انتم عارفين مواليدي 1982

عيون زوجي

12-14-2010, 05:52 PM

ياريتك جنبي يا ايه
راهو بعتلك صونيه مش صوينيه

ღॐ آية ღॐ

12-14-2010, 05:52 PM

حتى ماما مديرش فيه بس بابا يشريه
وطيبه بعدها بفترة
بس والله انا مانقدر انقاوم ونستنى عليه
شورني فيا عرق مصري هههههههههههه
نصيحة لما اطيبو الفول ديروله كمون حوت ملعقة صغيرة تمص الغزات وميتعبش المعدة

ღॐ آية ღॐ

12-14-2010, 05:53 PM

انا مواليد 1987/21/10

ღॐ آية ღॐ

12-14-2010, 05:54 PM

اوصلي تاجورية حريفه زي ما يقولو ههههههههه
متصدقوش

عيون زوجي

12-14-2010, 05:56 PM

انا عندي اختي حامل في الثامن موعدها يوم 18/1/2011
من اسبوعين كان فارسي
امس مشت بشرتها ان البيبي ولى مستعرض واكيد مع المشي
ينزل راسه تحت
ومرات خوي مواليد1994 موعدها 28/1/2011
يعني الاتنين قريبين من ايه وام سعد
يارب يسهل ولادتكم وولادة اختي ومرت خوي يارب
لان مرت خوي غسلت البساط مع امي رحمها انفتح 1سم
وبدت اتجيها وجعات الولادة من توا

ღॐ آية ღॐ

12-14-2010, 05:58 PM

ربي يسهل عليهم يارب
ويولدو على خير وتشوفو صغيويرتهم صحيحين
ويسهل علينا ياااااااااااااااااااااااااااااا كررررررررريم

عيون زوجي

12-14-2010, 05:58 PM

اوصلي تاجورية حريفه زي ما يقولو ههههههههه
متصدقوش
هههههههههههههههههههههه
العمر كله انشاءالله
التاجوريات فالحات هلبه
وسياستهم مع رجالتهم غير

عيون زوجي

12-14-2010, 06:00 PM

اتزوجتي صغيرة يا ايه
كملتي قرايتك ولا لا
انا انخطبت في سنه خامسه جامعه
وقعد 3سنوات خطبه وبعدين تزوجت
لان زوجي اتعرفت اعليه في الجامعه في ايام مشروع التخرج
الكل يقولوا فالحه
خديتي شهادة وراجل مع بعض

ღॐ آية ღॐ

12-14-2010, 06:01 PM

مرت خوك موعدها نفس موعد اختي
غر اختي مسكينه تعبة
جتها جلطة حمل في رجليها الزوز وقعدة تمشي بكروسه تصدقي من قبل
العيد الاضحى ما شفتهاش
ربي يسهل عليها يارب

عيون زوجي

12-14-2010, 06:01 PM

انتي كيف تعرفتي على ابو ايوب؟؟

ღॐ آية ღॐ

12-14-2010, 06:03 PM

تسلمي يا عيون تي انتي الي غير والله وعسولة
انا تزوجت ياستي بعد ما كملت دبلوم متوسط
وبنتابع دراسه بعد ما نولد على خير والبيبي يشد صحيحته

عيون زوجي

12-14-2010, 06:03 PM

الله المستعان
وجعتني اوخيتك
اسأل الله العظيم رب العرش العظيم ان يشفيها
وينوضها بالسلامه
اول مرة نسمع بحد نعرفه جاته
كيف مدايرة المسكينه وبكرة ولا لا
وولادتها قيصري صح

ღॐ آية ღॐ

12-14-2010, 06:05 PM

كانت خطوية تقليدية هوا قريبي
وشافتني سلفتي عجبتها قالتله عليا
كلمو ماما وجي شافني وشفته وحبينا بعض من اول نضرة والله
وعشنا احلى قصة حب فترة الخطوبة سنه ونص بعدين تزوجنا والحمد لله
بيني وبينه سبع سنين هو مواليد 1980

عيون زوجي

12-14-2010, 06:05 PM

عيون زوجي

12-14-2010, 06:07 PM

حتى راجلك لما تزوج اصغير
بنسميكم العيله الصغيرونه
ربي يباركلكم في بعض
انا راجلي اكبر مني ب8 سنوات
هو مواليد1974

ღॐ آية ღॐ

12-14-2010, 06:07 PM

الله يسلمك ويارب ما يوجعك غالي
هيا عندها ولدين وبنيه
وقالوللها رح تولد قيصري اول ما تخش التاسع يعني قبل موعدها

عيون زوجي

12-14-2010, 06:09 PM

بعد ما يكبروا اصغارنا شويه ونرتاحوا فترة من الحمل
ونشدوا روحنا ونوقفوا لاعمارنا
يارب نتلاقوا على خير
واعلاش لا
بعد فترة طويله مش طويله هلبه
انكونوا نعرفوا بعض زي لوخيات
ونتلاقوا على خير يارب

ღॐ آية ღॐ

12-14-2010, 06:10 PM

ربي يحفظك شكلك اصغيرة وفالحه
مش قلنا التاجوريات فالحات
حوش خالتي اصلهم تاجوراء من عيلة الزوبيك
وهما يسكنوا في بوسليم
ربي يعاونك بتصعب اعليك قرايه وزوز اصغار
ربي يعينك ويسهلها اعليك

سلمها ياربي
حتى راجلي يقولي انتي صغيرونها هدا علاش ولدك مايقولكش ماما
مش مقتنع ينادي عليا باسمي والمشكلة ينادي على بوة بابا وانا يقولي ياية
بلفم المليانhwaml03

عيون زوجي

12-14-2010, 06:11 PM

ربي يقومها بالسلامه
هي وانتي وام سعد واختي ومرت خوي وبوسي وحنين وليبيا وام الصبيان
وكل حامل مسلمه يارب

ღॐ آية ღॐ

12-14-2010, 06:13 PM

عيون زوجي

12-14-2010, 06:13 PM

هههههههههههههههههههههههههه
ضحكني هالايوب
تستاهلي حمري عينك تو يناديك ماما
انا مرت خوي كل مناسبه تتطلب في لعبه مع اللبسه
في اخر عيد جابلها قطوسه كبيرة متاع لعبه اتهبل
وسرير موبيليتها بعد ماترتبها اتستف اعليه الدببه والقطوسه
ديمه انقوليها انتي مفرخ
اطلعي العبي برا

ღॐ آية ღॐ

12-14-2010, 06:13 PM

اللهم اميييييييييييين

أم سعد

12-14-2010, 06:15 PM

عيون أنا مواليد 1985

آية .. أنا موعدي الثلاثاء الجاي مع الدكتورة ونشوفها شن تقولي

عيون زوجي

12-14-2010, 06:16 PM

والله خاطري نشوفكم كلكم
انا تلاقيت مع ميمونة والحق خشت خاطري
وزي ما توقعتها بزبط مشاء الله عليها محترمة
وان شاء الله بنواصلها
وانا احساسي ديمة في مكانه وحاسه انك زي وخيتي
ويااااااارب نتلاقو على خير..

بجد تلاقيتوا اول مرة نسمع بيها
هذا خبر حلو
ام سعد ونسرينا يعرفوا بعض
وانتي وميمونه متلاقيين
شكلها زي ماتخيلتيها ولا لا
لانني راسمه في مخيلتي صورة لكل وحدة منكم
بجد
اكيد تلاقيتوا في مزين مروة

ღॐ آية ღॐ

12-14-2010, 06:17 PM

هادي شكلها زيني
والله حتى انا مكتبتي معبيتها العاب
وايوب توة قريب يهبل عليهم
ديمة يوقف قدام المكتبة ويقولي هاتيه
وانا ماكرة كيف نعطيهملهم وهما العابي من الي كنت صغيرة حتى اليوم
وبوه ينزله فيهم بدرقا عليا هههههههههههههههه
مديرين عليا عصابه

ღॐ آية ღॐ

12-14-2010, 06:19 PM

تلاقين في مصحة الفردوس
وباحساسي عرفتها
وزي ما توقعتها مشاء الله عليها
ونكلمو في بعض بستمرار
ونحس فيها صحبتي من سنييييييييييين

أم سعد

12-14-2010, 06:20 PM

ياريت نتلاقو ونتعرفو على بعض

أنا والله خشيتو خاطري

:)

ღॐ آية ღॐ

12-14-2010, 06:20 PM

ان شاء الله خير يا ام سعد
ويارب يطمنك وتطمنينا

ღॐ آية ღॐ

12-14-2010, 06:24 PM

والله وانتي اكتر
ويااارب نتلاقو على خير

عيون زوجي

12-14-2010, 06:27 PM

.........................................

ღॐ آية ღॐ

12-14-2010, 06:31 PM

وينكــــــــــــــــــــ؟؟؟ ــــــــــــــ!!!!ـــم

ღॐ آية ღॐ

12-14-2010, 06:33 PM

تصدقو يوم الثلاثاء منحباش
نقعد بروحي من الصبح حتى الساعه 9 بليل
والله كساد وراجلي في الاكاديمية
ديمة يروح يلقى فيا جوي مش حلو والله يا بنات لين نستاحش صوتي

عيون زوجي

12-14-2010, 06:33 PM

محمد ناض يعيط حاشاكم
لقيت عنده اسهال مفاجئ
والشمال مسرب على حوايجه كلهم
وحالته حاله مسكين

أم سعد

12-14-2010, 06:33 PM

أنا قاعدة :)

عيون زوجي

12-14-2010, 06:34 PM

ام سعد ماقلتيش انتي مواليد شنو

أم سعد

12-14-2010, 06:35 PM

ياناري .. تصيرلهم الصغار هذه

ولد خوي الفترة اللي فاتت طلع حتى على الجراي ... والمشكلة انه الشمال (حاشاكم) لقاته أمه فاااااضي نظيف والشي طالع على برا

ضحكنا عليه هلبه

عيون زوجي

12-14-2010, 06:35 PM

وينكم....................

ღॐ آية ღॐ

12-14-2010, 06:36 PM

مسكين فكرني في ايوب
يبدى قريب يوصل لي شعرة
انا نعيط وبوة يعيط
حالة والله

عيون زوجي

12-14-2010, 06:36 PM

من يعرف لولي وسورينام وينهم

ღॐ آية ღॐ

12-14-2010, 06:37 PM

موجودة ومكسدة ليييييييييييييييييييين خلاااااااااااااااااااااااااااااااااص

أم سعد

12-14-2010, 06:37 PM

أنا 9/10/1985

ღॐ آية ღॐ

12-14-2010, 06:38 PM

والله مش عارفة حتى معراج مختفيه وام اسيل
ان شاء الله خير

أم سعد

12-14-2010, 06:38 PM

حتى انا ضاربني الكساد

قاعدة برووووووووووووووحي

عيون زوجي

12-14-2010, 06:39 PM

hwaml03hwaml03hwaml03hwaml03hwaml03hwaml03hwaml03h waml03hwaml03hwaml03

ღॐ آية ღॐ

12-14-2010, 06:42 PM

مشناهم الرجاله امتى يطلعو ويخلوك بروحك في الحوش
والله الحوش من غيرة تقول فيه غولة

عيون زوجي

12-14-2010, 06:44 PM

وين ايوب؟؟؟؟؟؟؟؟؟؟؟؟؟

أم سعد

12-14-2010, 06:44 PM

ايييييييييييييييييييييييييييييه يا آية زي حالاتي حتى انتي

قبل في العشية نقوله كان بتطلع حطني في حوش بوي

لكن توا أنا في حوش بوي وفاااااااااااااااااااااضي مشناه

ღॐ آية ღॐ

12-14-2010, 06:50 PM

ايوب يلعب بجنبي
ممخلي شن امداير سلامته
تصدقي من الي خش الشتي وهو الكحاحه مابتش تمشي منه
ومش مخلي سروله انا نلبس وهو ينحي وديمه نلقى فيه منحيه ورجليته مسقعات
حتى شخشير بسروال مش مخليه سلامته

أم سعد

12-14-2010, 06:52 PM

ههههههههههههه

سلمه ياربي

اقعدي في جرته وبس

ღॐ آية ღॐ

12-14-2010, 06:59 PM

والله حالة توة خشيت للكوجينه بنشوف العشاء جيت لاقيته منحيه ضربته
والمشكلة عندة قلت سمع الكلام مهبلتني وهبلا بوة
ووالله كبدك ما تنهان في الضرب
بس الله غالب راسه كاسح وعنايدي.
عيون شن مدايرة مع سرورة.