تجمع حوامل ليبيا [الأرشيف] - الصفحة 31 - منتديات حوامل النسائية

عاشقة الصحراء

01-26-2011, 03:56 PM

كيييييييييييف حالك يا أم قصي ؟؟ عجباتك الصورة ؟؟ عارفة روحي ذويقة هههههههههه ( شكار روحه يقعد بروحه ) ههههههههه تسلميلي كلك ذوق .
حنيييييييييييييييييين ياحنين باهي اللي شفناك ..شن أمورك وشن دايرة فيك مصر .. بالنسبة للوجع اللي تحسي فيه كان هلبا معناها شوفي دكتورتك وريحي روحك ونقصي حركة لأن صار معاي وجع فظييييييييييع في الليلة اللي قبل مشيتي للمستشفى تعرفي لين قعدت نبكي ولما مشيت عطتني إبر تثبيت .. ردي بالك حبيبتي وخففي من الحركة ..
أيوووووووته النحولة تبي تجيبي الليلة شوفي روحك وديري لراجلك زعتر واعطيه حبوب بندول امتع الزكمة باش من هني لليل يتحسن وتمشي أمورك هههههههههههههههههههههههههه
ووووووووووه سهفتوني في العصيدة ومش حنديرها في جيابي انشالله لأني بندير لمة وحدة كبير ومانبيش سريب الماشي والجاي .. خلي نلم الحبايب مرة وحدة ونرتاح وبندير عشي كبير للرجالة انشالله طبعا مازال بكري على هالتخطيطات لكن من توا خطتي واضحة

عاشقة الصحراء

01-26-2011, 04:00 PM

تعرفوا يا صبايا احنا الطوارق عندنا اعتماد كبير عالأعشاب والدوا العربي .. يعني عندنا الوحدة لما تخش شهرها تبدا تاخد في خلطة أعشاب زي المسهل والله العظيم أمي وبنات اعمامي وقريباتي كلهم يحلفولي ان الوحدة فيهم تجيب على طول وبدون تعب ووجع ظهر زيادة وقالولي ان في بداية الوجع تحسي كإنك تبي تخشي الحمام وبعدين تتفاجئ بالولادة ... ناوية بإذن الله وكان ربي تمم عليا بخير حنتبع نفس الطريقة انشالله .

ღॐ آية ღॐ

01-26-2011, 04:04 PM

عاشقة صورتك حلوة تشبهلك هلبا هههههههههههههههه
غر ما تزعليش بس الا زعلك ...
وبنسبة للاعشاب شن هيا
افيديني وخياتك يبو يجبو اليوم قبل غدوة..

ღॐ آية ღॐ

01-26-2011, 04:06 PM

- يسهل وضع القرفصاء الولادة ، لذا حاولي الاستناد على كرسي مع فرد الظهر ، وإذا وجدتِ صعوبة فى أداء هذا الوضع يمكنك الاستعانة ببطانية تحت كعبيكِ.
http://forum.hwaml.com/imgcache2/hwaml.com_1296047219_246.png (http://www.hayah.cc/forum/t15933.html)

ღॐ آية ღॐ

01-26-2011, 04:07 PM

- هذا التمرين يساعد على تقوية عضلات الحوض والفخذين ،اجلسي جلسة القرفصاء ، على أن يكون القدمين مفرودان تماماً على الأرض وظهرك مستقيم ، ضمي كلا يديك بالضغط بقوة باتجاه معاكس ، استمري فى هذا التمرين وخاصة إذا كان يشعرك بالراحة.

http://forum.hwaml.com/imgcache2/hwaml.com_1296047266_459.png (http://www.hayah.cc/forum/t15933.html)

ღॐ آية ღॐ

01-26-2011, 04:08 PM

- اجلسي على الأرض وظهرك مستقيم واعكسي وضع قدميكِ كما هو موضح بالصورة ، مع تشبيك الساعدين بشكل عكسي أمام الصدر ،وشد الكتفين برفق ناحية الصدر والذقن ، وبدلي الوضع مع كل مرفق وارفعي رأسك وتنفسي ببطء ، كرري التمرين مرتين.

http://forum.hwaml.com/imgcache2/hwaml.com_1296047306_731.png (http://www.hayah.cc/forum/t15933.html)

ربي يسهل علينا يارب

أم سعد

01-26-2011, 04:12 PM

يارب يسهل علينا

خايفة آخرتي تكون عملية

ღॐ آية ღॐ

01-26-2011, 04:16 PM

توكلي على ربي ام سعد
ربي يهونها وحتى لو عمليه والله بدت الولادة بلعمليه سهله
مرت خوي مشاء الله عليها جابت بلعمليه وقبل الاسبوعين ناضت وصحت
ربي يسهل عليك وتولدي طبيعي يارب..

عاشقة الصحراء

01-26-2011, 04:20 PM

لالالالا حبيبتي آية صدقيني اني أحلى من الصورة بهلباااااااااااااا ههههههههه ( رسمي اليوم نازل عليا الغرور ) مابينزعل منك ياعسل ..
بالنسبة للأعشاب والله العظيم مانعرف حتى اسم وحدة منهم احني نجيبوا في الخلطة من الجنوب من عند المرا المداوية توصل جاهزة ونشربوا وخلاص ... فيها مخدراااااااااات فيها سموووووووووم اللللللللللللللللللله أعلم المهم تسهل الولادة وخلاص هههههههههههههه .
صدقيني الطريقة اللي قلتلك عليها أحسن شي بري اشري بندول (Cold &Flu ) وتوا تتسهل أمورك الليلة ههههههههههههههه .. انتي اللي ماتزعليش بالك زودتها عليك شويا

عاشقة الصحراء

01-26-2011, 04:23 PM

أم سعد ماتخافيش لأن التفكير هلبا في هالمرحلة مش كويس لا ليك ولا للبيبي توكلي علي ربي ولو عملية عادي شن هي العملية يعني .. المهم سلامتك وسلامة البيبي . بالعكس عالأقل أخف وجع وتفكي روحك من العياط هههههههههههههههه ( اضحك ياحلو وخليك من التفكير )

عاشقة الصحراء

01-26-2011, 04:27 PM

آية ماشاااااااااااااااالله عليك طالعة حلوة وانتي تديري في التمارين هههههههههههههههههه

ღॐ آية ღॐ

01-26-2011, 08:43 PM

عاشقه مفيش حاجة تزعل بلعكس بصرتك حلوة hwaml02
هونت عليا الخوف وتغير جوي hwaml7
خطري نجيب الليلة حتى حوشي جاهز على الاخر غسلت الحوايج \ وغسلت لي ايوب
زوزي طلع والليلة ليلته والله متحلفه معادش فيها
والله نبي نرتاح دعواتكم يا حلواة

غرام الغالي

01-26-2011, 08:58 PM

خيرات بناويت بلادي و ان شاء الله على خير و سلامة
اية و ام سعد باش تطمنونا عليكم
يقولون النساء الكبار بالسن ان الرب (دبس التمر) هذا متاع العصيدة البيضاء مفيد في تسهيل الولادة و بالتالي فالتمر اولى و كذلك كثيرا ما تذكر كف امنا مريم و هذي تلقونها عند العطار
و مغلي القرفة يساعد في الطلق و يسهل الولادة
اما ما قراءته فان الزنجبيل يساعد على فتح الرحم و بالتالي على تيسير الولادة و انقل لكن ما وجدته من احد المنتديات و لا تنسوني من الدعاء بتثبيت جنيني و حفظه من كل سوء
تسهيل وتخفيف الآم الولاده

مستحلب اليانسون:

تستخدم هذه الوصفة في تقوية الطلق اثناء الولادة وتعمل على تسهيلها. كما تفيد في تهدئة اعصاب المرأة وازالة القلق عنها. وطريقة تحضير مستحلب اليانسون هي بوضع ملعقتين كبيرتين من مسحوق اليانسون في كوب ثم يصب عليه الماء المغلي ويقلب جيداً ويغطى بعد تحليته بملعقتي سكر صغيرتين لمدة عشر دقائق ثم يصفى ويشرب. هذه الوصفة تستعمل بمجرد حدوث الطلق.

وصفة اخرى : خليط ثمار اليانسون والشمر والكراوية والاهليج والبلح الكابلي الهندي: يطحن مزيج بكميات متساوية من المواد المذكورة ويحفظ في برطمان محكم الغلق. يؤخذ منه ملعقة كبيرة على كوب ماء مغلي ويحلى بالسكر وذلك قبل موعد الولادة المنتظر بثلاثة ايام ويكرر يومياً حتى تبدأ الولادة حيث ان هذا المشروب يسهل خروج المولود بأقل معاناة للأم.

اوراق المرمية:
تستعمل اوراق المرمية لتقوية الرحم وتخفيف آلام الوضع حيث تؤخذ ملعقة كبيرة من مسحوق اوراق المرمية وتغمر في وعاء به ملء كوب ماء وتوضع على النار حتى درجة الغليان وتقلب جيداً ثم تغطى وتترك مدة عشر دقائق ثم يصفى ويشرب بمجرد الشعور ببوادر الطلق التي تعرفها المرأة بغريزتها.

زيت بذر الكتان:
تأخذ المرأة المقدمة على الوضع ملعقتين من زيت بذر الكتان الحار حيث انه يسهل عملية الولادة وهذه الطريقة مجربة ومضمونة

نبات كف مريم:

لقد قام الصيدلي طه خليفة بعمل رسالة دكتوراه في نبات كف مريم السعودي واثبت ان نبات كف مريم يسهل ويعجل الولادة ويمكن استخدامه لهذا الغرض بأمان. الأخت أم أنس تسأل عن رأيي في عشبة كف مريم للتحريض على الولادة كما ترجو الافادة عن بعض الأعشاب الأخرى التي تساعد على الولادة؟
- الأخت أم أنس لقد كتبت مقالاً كاملاً عن كف مريم في عيادة "الرياض" وذكرت انها من النباتات الوطنية التي تساعد على الولادة وهي مأمونة جداً، أما الأعشاب الأخرى التي تساعد على الولادة فهي توت العليق وعنب الحجال. "جريدة الرياض "

العسل والحلبه:

لو شربت المرأة عند بدء الطلق فنجان عسل فإنها ستلد بإذن الله تعالى بيسر وسهولة، ولتكثر من أكل العسل بخبز القمح البلدي بعد الولادة، ولإدرار الطمث، وللقضاء على آلامه تشرب كوباً من الحلبة المغلية جيداً وتحليها بعسل وذلك في الصباح والمساء.

والدش المهبلي بالعسل والماء الدافئ مريح للمرأة، وبدل الكشط المهبلي وغسيل الرحم المؤلم والضار.

عموماً العسل للمرأة يجعلها تحيا حياة كلها عسل في عسل بتقوى الله سبحانه وتعالى.

ام قصى محمد

01-27-2011, 04:48 AM

ايه ايه ايه نبته كف مريم انا مجربتها فى بناتى الاثنين نشرحلك كيف لما تجيك الليه واكيد بدايه ولاده خوذيها ونقعيها فى ماء زهرفى كاس كبير واقعدى ماشيه جايه اشربى منها والله ماتاخذ معاك يوم نين تجيبى انا فى بكريتى بدت الليه 11 فى الصبح جبت 9فى الليل رقم قياسى للبكريه وفى الثانيه بدت 6الفجر جبت 2 الظهر وحتى لما رميت شربتها فى الصبح وانا تقوى معايا القصد مش تشربى كوب واحد كثرى منها وماتخافيش المثل يقول( اسأل مجرب ولاتسأل طبيب)وانشالله تبشرينا عن قريب

عاشقة الصحراء

01-27-2011, 12:21 PM

صباح الخيييييييييير .. كيف الحال ؟؟
آية انشالله تكون تسهلت أمورك ومشي الحال معاك ...هههههههههه طمنينا .
أم قصي كيف حالك اليوم ؟؟
نسرينا - ميمونة-حنين-ليبيا-ام سعد -عيون - بوسي- حبل الوصل-أضوء.. انشالله مانكون نسيت حد .... كيف حالكم كلكم ووين هالغيبة انشالله خير

ღॐ آية ღॐ

01-27-2011, 01:46 PM

مساء الانور
كيف الحال ان شاء الله تكونو بخير
انا من امس بليل بعد ما رقدت مع زوجي فيا الوجع بس بعيد على بعضه
واليوم طلعت لسوق على رجليا لقيت فيه دم احمربعد ما روحت بس الوجع اختفي
ومفيش ميه نزلت رح نستنى لليل لو ما رجعش الوجع بنشرب زيت خروع في عصير برتقال.
ومنقوع عشبة كف مريم في مية زهر..
بارك الله فيك اختي ام قصي الليلة بادن لله نشربها
نحس فيه حاجة نازله تحت هلبا وبطني نزلت يااااااااااارب
نجيب الليلة على خير ونرتاح

عاشقة الصحراء

01-27-2011, 02:08 PM

هلا اية النحولة ... انشالله يكون خير الدم علامة من علامات الولادة بإذن الله الليلة تولدي على خير يارب.. أهم شي طمنينا عليك وردي بالك على روحك ...
حبيباتي عندي سؤال مقلقني هلبا بالنسبة لعلامات تمدد الجلد اللي تطلع في البطن ( التفزيرات) كيف مدايرين معاهم وهل يمشوا بعد الولادة ولا خلاص البطن سلامتنا فيها ... قريت اكتر من مرة ان ضروري تندهن البطن بكريمات أو زيت زيتون باش ترطب الجلد وتمنع تشققه لما يتمدد.. ارجوا منكم الإفادة حبيباتي

ღॐ آية ღॐ

01-27-2011, 02:40 PM

صحيح عاشقة انا بطني تعبت طرق في ايوب لاكن كنت ندهن فيها بزيت الزيتون
مانبيش نكدب ونقول اختفو يقعد بس بشكل بسيط
وحتى توا ندهن بزيت الزيتون لاكن ما ننصحكش بلكريمات ردي بالك
ادهني بزيت زيتون فقط ..حتى لونها يتغير في نهاية الحمل وتولي سوده البطن ومنطقة السرة لاكن الحمد لله تختفي بعد 6 شهور..

عاشقة الصحراء

01-27-2011, 03:06 PM

يسلمواااااااااااااااا يا آية النحولة والله مش عارفة كيف بنعيش من غيرك لما تمشي تجيبي وتغيبي ووووووووووووووووووووووووووي ... خلاص بإذن الله حندهن بزيت الزيتون فقط بس ...
تعرفي جيعاااااااااااااااااانة والفترة هذي ديما جيعانة وحالتي حاااااااااااااااالة لا وأحلى من هكي نوبة الجوع امتع الساعة 2 في نص الليل ويجي في خاطري حاجة من برا ... مرة جتني عالطعمية في نص الليل هبلت ونوضت راجلي ودراتله حااااااااااالة مسكين قريب هج وقعد يقوللي ارقدي بنيتي راهو الدنيا ليل ومافيش حاجة مفتوحة هههههههههه المهم تاني يوم من الصبح ماشية للجامعة باش ناخد طعمية من الكافتيريا امتع كلية الطب هههههههههههههههههههه
حااااااااااااااااااااااااااالة

ღॐ آية ღॐ

01-27-2011, 03:17 PM

ياستي خلي ندليلو
هما هكي يبو مش يبو الصغار يتحملو
استغلي الفرص مش حتتعوض الا بحمل تاني
لاكن انا زايدة عصبيتي هليومين والله وليت نتعرك مع كل شي
امس قالي خيرك تغيرتي قعدت نبكي قلتله انت مش مقدرني انا بنمر بتجربة صعبة
تبيني نضحك ونبصر ونكون عادية و الله ياعاشقة هدا شي فوق طاقتي 24 ساعة نفكر في لحضة
الولادة وندعي ما نتعبش زي في ايوب نفكر في الخياطة والي يترتب عليها
يااااااااااارب يسر ولادتي والا تعسرهآ يارب يا غفور..

عاشقة الصحراء

01-27-2011, 03:36 PM

آية حبيبتي هونيها تهون وحاسة بيك وعارفة كيف الوحدة مش طايقة حتى روحها وتوا فعلاً تأكدت ان الرجالة مستحيل يحسوا بينا يعني سبحان الله مرات تلقي انه حنون ومشالله وبعدها بشويا يجي يقول خيرك تغيرتي وااااااااااااااااااااك .. مرات نتمنى لو ان الراجل يقدر يحمل باش يحسوا شويا بينا هههههههههههههه ... معليشي ياحبيبتي هانت وخلاص انشالله بالك الليلة تجيبي وترتاحي وتريحي راجلك وربي يخليكم لبعض ويهنيكم بصغاركم ...
بالنسبة للولادة والله اني من توا مدايرتلي كوابيس ويحكولي صاحباتي عالبونتوات وكيف صعبات ويوجعوا لدرجة مرات نفكر نطلب الولادة بالعملية ونريح جمالي لا بونتوات لا غيره ناقصين توا احني ... ربي يسهل انشالله

ليبياقلبي

01-27-2011, 05:02 PM

مساء الخير وربي يسهل عليك ايوتة وام سعد يارب طبيعي والله حتى انا تعيانة وربك يستر وسلام لي عاشقة وووووووووووين ميمونة ونسرينا

أم سعد

01-27-2011, 05:13 PM

أهلين ليبيا قلبي

ألف لاباس عليك

وربي يسهل علينا يااااااااااااااااااااااااااارب

آية .. عاشقة .. الحال من بعضه معليشي

حنين88

01-27-2011, 05:38 PM

اية يارب تجيبي اليوم وتفتكي ربي معاك حبيبتي

عاشقة حتى اني نازلة في زيت الزيتون من مدة ندهن بيه كويس اهو شديها كل ليلة ادهني بطنك وجنابك وحتى صدرك بشوية بشوية

وزعمة من الحركة هلبة صارلي وجع لاني حق الايام اللي فاتو نتحرك ونطبس ممكن هادا لاش
وشن بنقولك عاشقة تحسي في روحك بطنك بسرعة تتعبى لما تاكلي تعرفي مرات ناكل نتشتين خبزة نحس في بطني تعبت ونبدا متضايقة تقول عليا واكلة طنجرة مكرونة مبكبكة واني مازال خاطري ناكل معاش عرفت حتى انتي هكي ايصيرلك ؟؟؟

حنين88

01-27-2011, 05:42 PM

عندي سؤال بخصوص حوايج البيبي

حقا مفروض ينشروهم داخل يعني في الحوش داخل مش في الشمس ؟؟؟
وكيف طريقة غسلهم يعني في الغسالة ولا باليد ؟؟؟؟؟ وشن الصابون اللي نستعمله في اغسيلهم ؟؟؟؟؟

عاشقة الصحراء

01-27-2011, 06:13 PM

مساء الخيرات ياحلوات ياكروشات ... كيف حالكم ...
أم سعد وليبيا كيف حالكم وانشالله ربي يسهل عليكم انتو و آية ياااااااااااارب وتفرحونا وتحكولنا على تجربتكم ...
حنين كيف حالك حبيبتي وشن أخبار مصر معاك ؟؟؟ بالنسبة للوجع اللي عندك أكيد من الحركة ردي بالك وخففي من التطبيس والفلاحة توا ههههههههههههههه ... انشالله حنبدا ندهن في زيت الزيتون لكن حاجة وحدة نفكر فيها هي ريحته باهي وحدة جنب راجلها كيف بتقعد ريحتها زيت زيتون حااااااااااااااااالة وخلاص .. مرة درت حمام زيت لشعري حسسني إني من المريخ على قولت شن هالريحةههههههههههههه كيف مدايرين انتو يابنات لما تدهنوا بيه ...
وبالنسبة للشعور اللي تحسي بيه مع الماكلة والله العظيم توا نكلم فيك وصايرلي نفس الشعور تعرفي لما ناكل تنتفخ بطني وتقولي كله ينزل عند فم كبدي ومانحكيلكش عالحموضة مع إني قاعدة ماشبعتش لكن قولي الحمد لله مايطولش هلبا هالشعور وبمجرد مايفوت تلقي روحك جعتي جوع تقول ليك يومين من غير أكل هههههههههههه وليت وحش الكوجينة ... ربي يحفظك وردي بالك علي روحك ياحنو .

عاشقة الصحراء

01-27-2011, 06:18 PM

مانعرفش بالنسبة لحوايج البيبي ياحنو لكن اللي نعرفه ونسمع بيه هلبا ان مصر جوها ملوث والله يقولولي تنشري حاجة بيضا برا تجي تلقيها مش بيضا والله أعلم ( إنتي أدرى ) فلو هكي يستحسن في رايي حوايج البيبي تخليهم الداخل ... وطبعا أصحاب الخبرة موجودات ويفيدوك أكتر مني ...

معراج

01-28-2011, 12:28 AM

السلام عليكم والله ليييييكم وحشه موش طبيعيه بس كنت تعبانه هلفتره الوحم داير عمايله فيا وحشاكن رقتلي الحراره مع زكمه ولوز ملتهبه ودراه كبد الوحم ولاكن الحمد لله ياارب ياايه يخلصك الله بلسلامه وتفرحي ببنيتك يااارب وماتكدريش روحك لما ربي ياسخرله تجي ساعة الولاده ونا حاساتك طاااايبه غضوه ان شاء الله في حجرة الولاده وينكن ياحبل الوصل ونسرينا وهاتو وام لقمان وصابره الغاليه وميرنا وام اسيل وحبيبتي ميمونه والله خاطره عليا وكم مره بنكلمك يخبط الباب انبطل وسلامي للكل خايفه ننسى حد سامحوني داكرتي ولت بلهون

ام لقمان

01-28-2011, 01:55 AM

السلام عليكمكيف الاحوال اخواتى؟وسلمك نشاده اختى معراجولاباس عليك طهور باذن الله

ام لقمان

01-28-2011, 02:04 AM

آآآآآآآيه العسوله
ربى يسهل عليك وتفرحينا
خليك قويه كثرى من التسبيح بيش نفسك اتكون مرتاحه اكثر
وانشالله نسمعوا عليك خبر خير

ام قصى محمد

01-28-2011, 05:20 AM

السلام عليكم تعرفو اليوم بس بيش طلعت لفرح من مده وكان فرح اخ خطيبه سلفى ماشالله على النظام والتقديم روعه وانا امس خشيت على مقاطع لتعلم كيف نحط مكياج لانى اخترت لون اول مره نديره وطلعت نهبل (شكار روحه خطم) عاشقه عرفتيه ههههههههههههههه وراجلى انجن هليا بس للاسف الدوره هههههههههههههه ايه شن قصه الدم عدى شوفى روحك لو كثر حبيبتى مانبيش نشغلك بس لو زاد ومافيش ليه ضرورى تمشى وتكشفى ام سعد وينك؟ ميمونه وين غاطسه طمنينى شن صار

معراج

01-28-2011, 01:18 PM

جمعه مباركه على الجميع وشنو حال عويلتك يا عيون وين حمادى يسوق في السياره ولا مزال ويخلصك الله بلسلامه يابوسي وليبا قلبي وتسال عنك العافيه ياام لقمان وشنو اخبار اخلاص وعمور يا حبل الوصل انا توه في تاني اسبوع في الرابع زعمه امتى نقدر نعرف جنسه شنو ياحنين ماتخافيش هدا كله طبيعي اختي لما كانت حامل ببناتها التؤم هكي يصيرلها وانتي امشي للدكتور واطمنى وما تكثريش من رقاية ونزول الدرج والمشي الى التاسع ان شاء الله

معراج

01-28-2011, 01:22 PM

منوره التجمع يا عاشقه وربي يخلصك بلسلامه يااارب

ميمونة

01-28-2011, 01:57 PM

السلام عليكم
شن حالكم نورتي معراج ليك وحشه_
أنا دورتي قاعدة ماشرفتش لها 6 أيام غايبه

ام قصى محمد

01-28-2011, 03:08 PM

اهلا بنات جمعه مباركه وين ميمونه شغلتينى والله شكلك حامل والوحم جاعليا هههههههههههههههه

هنو عدنان

01-28-2011, 03:16 PM

انا بكرية حامل بشهر ومتزجة ليا شهر

هنو عدنان

01-28-2011, 03:22 PM

انا جديندة على التجمع وفرحانة ان فى دردشة حوامل مين يقدر ايسعدنى فى مصحةكويسة ارجع فيها

سندس السموحه

01-28-2011, 04:17 PM

السلام عليكم انا سندس من سبها اراج عند الدكتور محمود وعندي 7شهور متجوزه وانا حامل في الشهر الرابع ادعولي ربي يتمم حملي علي خير علما بان صار لي اجهاض في اول شهر لي من الزواج وكان عمر الجنين اسبوعين وسبب الاجهاض كان عندي التهابات وكنت لسا جديده ومانعرف ان الالتهابات تسبسب الاجهاض واني نعاني منها ليت توا ومانعرفش كيف نعالجها عطتني الدكتور كريم عشان الالتهاب وقالتي كتري شرب الميه في اول شهر وتو انا في بدايه الرابع رجع الالتهاب بس قلولي بسيط وخفت من العلاج قاعده نشرب في الميه وحسيت روحي تحسنت عن قبل ياسر انشاالله نفتك من الالتهابات يارب

ليبياقلبي

01-28-2011, 05:30 PM

حنو حبيتي لالا حوايج البيبات ينشورا فيهم لداخل مش برا احسن مش يقعدوا صنتهم حلوة وبالنسبة للغسل علا الايدي والصابون يبعيوا اصلا في غسول لحوايج البيبات خاص تلاقي في المحلات وربي يسهلك
عاشقة شن اخبارك
معراج ربي يتمم حملك علا خير يارب
ام قصي ربي يتمم عليك الفرح وتحملي
ميمونة يارب بركة هالجمعة تكوني حامل
هلا هنو انستينا وانت بين خواتك وبالنسية للمصحة انت في اي منطقة مش ننصحوك
سندس مرحبتين بيك وعادي الاجهاض حتى انا اجهضت من لما تزوجت شهر بس وتوا الحمد لله حملت في التاسع عقبالك يارب وربي يسهلي صح تعيت شوية بس الالتهابات خلي بمتابعة الدكتور كل شي يمشي كويس

هلا سندس

سندس السموحه

01-28-2011, 05:55 PM

شكرا حبيبتي ليبا قلبي انا من سبها

ليبياقلبي

01-28-2011, 06:18 PM

اهلا بيك سندوسة نورتي وربي يسهلك

ميمونة

01-28-2011, 06:42 PM

هلا سندس شرفتي
ليبيا شن حالك ربي يتمملك علي خير ياقمر

ليبياقلبي

01-28-2011, 08:47 PM

ميمونة شن اخبارك انت اكتى بتحللي

ليبياقلبي

01-28-2011, 08:48 PM

شكلها ايوتة عملتها

ليبياقلبي

01-28-2011, 09:23 PM

شنو ليبيا بروحها مكسدة

غرام الغالي

01-28-2011, 09:55 PM

بناويت و ينكم؟؟؟
شكلها اية فعلا عملتها ربي يسهل عليها و علي خير يارب
من يطمنا عليها؟؟؟؟؟ و على ام سعد ربي يسهل عليها يارب
هنو عدنان انت من اين؟
انا من بنغازي

غرام الغالي

01-28-2011, 09:59 PM

ليبيا قلبي
ميمونة
سندس
تحية طيبة
محتارة و نبي نعرف هل في لقاحات تؤخذ خلال الحمل
مش عارفة هل عندنا بليبيا هالنوع من الوقاية و اخذ لقاحات معينة
من منكم اخذت لقاح خاص بالحمل خلال فترة حملها

ميمونة

01-28-2011, 10:33 PM

غرام هلا أنا من طرابلس
ليبيا_ والله بنحلل الأثنين بأذن الله

أم سعد

01-28-2011, 11:42 PM

السلام عليكم

مساء الخير

أنا حالي كويس .. والدكتورة قتلي إما الاربعاء أو الخميس الجاي نجيبك

يستر الله

وربي معاك يا آية ان شاء الله ربي يسهلك

معراج

01-29-2011, 12:00 AM

هلا بسندس وغرام الغالي نورتو التجمع يااااارب بحرمت هل الجمعه المباركه ربي يسهل عليك ياايه ويخلصك الله بلسلامه وترجعي البيتك وزوجك وولدك بلسلامه يارب انتي وام سعد والعقبه ليك ياليبيا قلبي ربي ييفرحك ويفرحني ويفرح كل حااامل بشوفت ضناها يااااارب يالله يالله ياالله ياميمونه ان شاء الله ما تشوفي الدوره الابعد ولادتك يااااارب وان شاء الله تكون ساعة استجابه وتكوني حاااااامل ياااارب

بنت الزنتان

01-29-2011, 01:30 AM

.....................

ام قصى محمد

01-29-2011, 01:37 AM

السلام عليكم كيفكم بنات انا رايفت عليكم وعقلى معاكم ايه شكلها ربى سهلها وجابت انشالله خير وميمونه كيف الاحوال شكلك ما قريتيش مشاركاتى عشان هكى ما رديتى ولا سلمتى المهم انشالله تبشرينا عن قريب مرحبتين ب هنووبنت الزنتان وغرام الغالى وسندس ام سعد ربى يسهلك اختى وليبيا عقبالك وتتهنى

ميمونة

01-29-2011, 09:11 AM

هلا أم قصي والله أنا نخش من النقال النت بطئ _المهم شن حالك وشن صار نزلت دورتك_ وشن حال بنيتك توا _

عاشقة الصحراء

01-29-2011, 11:16 AM

صباح الخير عالجميع .. وكيف حالكم يارب تكونوا بخير ..
آية شكلك عملتيها ..ربي يسهل عليك ويخليلك بنتك وتكون سليمة وصحيحة يااااااااااارب . طمنينا .
ميمونة كيف حالك وما اطول بالك قاعدة لتوا ماحللتيش ؟؟؟؟؟؟ خير انشالله حامل يااااااااااارب.
نسريييييييييييييييييييينا وينك ؟؟ غير خشي وقولي اني بخير وخلاص ولا الزكمة قاعدة مأثرة .. طمنينا عليك وشن صار حللتي ولا قاعدة زي ميمونة ..
أم سعد ربي يسهللك يارب وتولدي وتنوضي بالسلامة .. غير قوليلنا شن يصير معاك أول بأول .
ليبيا كيف حالك وشن أخبارك ربي يسهللك يارب .
عيون كيف حالك ياحلوة .. وينك ؟؟
أم قصي كيف حالك وشن أخبار ( شكار روحه ) شكله بعد ماطلع من عندي ختم عليك هههههههههههههه .
معراج كيف حالك والتجمع نور بيك حبيبتي
غرام ..هنو ..أم لقمان .. سندس .. نورتوا وكيف حالكم ؟؟؟

ميمونة

01-29-2011, 11:51 AM

هلا عاشقه كيف حال حملك _تعرفي خايفه إنحلل مانحسش في أعراض حمل
بس عندي تعب ومغص الدورة حتي صدري مايوجعش فيا

ميرنا

01-29-2011, 11:57 AM

يارب يا عالى فرح خيتى ميمونة وبشرها بلحمل عاجلا غير اجلا

ميمونة

01-29-2011, 12:46 PM

شكلها آيه جابت نتصل بيها نقالك مقفل بالله يارب يسهل ولادتها

ميمونة

01-29-2011, 12:50 PM

ياوخيتي ياميرنا ربي يحفظك ويعطيك اللي في بالك والله حسيت بدعوتك طالعه من قلبك

نسرينا

01-29-2011, 01:25 PM

السلام عليكم

قاااااااااااااااااااااااااااعدة مزكومة ومسكرة

.

أم سعد

01-29-2011, 02:07 PM

السلام عليكم

صباح الخير

نسرينا ... ألف لاباس عليك

وين التجمع فاضي والغياب كاثر

عاشقة الصحراء

01-29-2011, 02:08 PM

هااااااااااااااااااااي نسرينا ... عاش من شمك .. قصدي من شافك ههههههههههههههه
شن أخبارك ووينك هذا كله زكمة ولا حاجات ثانية ؟؟؟؟؟؟؟؟؟
ربي يشفيك يارب ... شن الجديد عندك ..
ميرنا كيف حالك ؟؟؟
ميمو بالله عليك حاولي تطمنينا على آية ولما تكلميها سلميلي عليها هلبااااااااااااااااا وقوليلها ربي يقويك ..

عاشقة الصحراء

01-29-2011, 02:09 PM

أم سعودي ... كيفك ؟؟؟
أنا هنا .. شن صاير فيك وكيف حاسة وشن تجهيزاتك ؟؟ درتي حوسة في روحك زي آية ولا مازال ؟؟؟

أم سعد

01-29-2011, 02:34 PM

أهلين عاشقة الصحراء شكرا على السؤال

والله بالنسبة للتجهيزات الحمد لله تمام كله ... ميشت ودرت الحلوى وشنطتي مسكرة

وأنا أصلا بنطلع في حوش أهلي فالأمور تمام غير يشرف الباشا

بس خااااااااااااااااااااايفة هللللللللللللللللللللللللللللللللللللبه ويستر الله

اليوم من قبل الفجر مرة مرة يجي وجع خفيف والدكتورة عاطيتني ليوم الثلاثاء وبتقررلي إما الاربعاء أو الخميس بديرلي وجع صناعي لو مامشاش حاله طوالي على العمليات وأنا تبي الحق مانبيش نجرب الزوز ياوجع يا عملية نعذب في روحي ليش

وفي نفس الوقت مادابيا نجيب طبيعي يقولو أحسن ... وخاااااااااااااااايفة من الزوز

ونبي نفتك ونشوف وليدي في جنبي ونرتاح من هالكابوس

يااااااااااااااااااااااااااااااااارب سهل ولادتنا ... وأعطي كل محروووووووووووووووووووم

ياااااااااااااااااااااااااااااااارب يامجيب الدعوات

عاشقة الصحراء

01-29-2011, 02:49 PM

ربي يسهللك حبيبتي وانشالله خير بإذن الله ربي حيخفف عليك غير انتي ماتخافيش لأن الحالة النفسية للأم مهمة هلبا يعني أحياناً تخلي حتى البيبي فوق ماينزلش من كتر الخوف ويمكن انتي قاعدة تعاني لتوا بسبب الخوف .. توكلي على ربي وكثري من الاستغفار والدعاء وبيني وبينك نصبر فيك وحتى اني صايرة فيا حالة من توا مع انه مازال بكري خااااااااااااايفة ونحلم هلبا بالولادة... قولي ربي يسهل حملي ويثبته للآخر يارب ...
تعرفي يا أم سعود خاااااااااااااااطري في بازين بنموت عليه والمشكلة احنى مش أكلتنا المفضلة في حوش أهلي وعزوزتي اللي تطيبلي سورية ومافي حد يديرهولي .. والمشكلة بنموت عليه بطبيخة الفول امممممممممممممممم مرة ذقته عند صاحبتي قاعدة بنته في فمي ...
من منكم يابنات تعطيني طريقتها ( طبيخة الفول للبازين ) ماحلاها بالله عليكم انقذوني وقولولي طريقتها بالتفصيل باش نديرها وندبر من يعجنلي البازين مممممممممممممممممممم
متوحمة عالبازين هههههههههههههههههههه

ميمونة

01-29-2011, 02:54 PM

بشاره يابنات آيه جابت بنيه اليوم الصبح مسكينه بالعملية بس حالها الحمد لله وتسلم عليكم كلكم عقبال أم سعد وليبيا يارب

عاشقة الصحراء

01-29-2011, 03:05 PM

لللللللللللللللللللللللللللللللللللللللللللي زغروته كبيرة لآية ... ربي يهنيها بصغارها يارب ..
لكن مسكينة ماكانتش متوقعة العملية يالله المهم سلامتها وسلامة العروسة الحلوة ..

أم سعد

01-29-2011, 03:19 PM

عاشقة ... يارب يثبت حملك ويسهل ولادتك لالا ماتفكريش من توا مازال الوقت ... وبالنسبة للبازين للأسف والله حتى أنا نمشي لخالتي اديرلي فيه حتى أنا توحمت عليه سبحان الله

آية ,,, ألف ألف مبروك وتتربى في عزك ...

ميمونة ... علاش زعمة جابت بالعملية

عاشقة الصحراء

01-29-2011, 03:29 PM

تسلميلي يا أم سعد وربي يتمم عليك بخير ...
حنين وينك وكيف حالك ؟؟ والله تعرفي كل مانتفرج عالأخبار تخطري عليا سبحان الله مع اللي صاير في مصر حاااااااااااااااااااالة .. انتي في أي منطقة بالضبط ؟؟؟ مع ان المظاهرات بدت في كل مكان .. طمنينا عليك ياحنو وربي يحفظك انتي وراجلك يارب ...

نبي بااااااااااااااااااااااااااااااااااااااازين ووووووووووووووووووووووووه

عاشقة الصحراء

01-29-2011, 03:30 PM

بنغير اسمي من عاشقة الصحراء إلى عاشقة البازين
ههههههههههههههههههههههههههههه

غرام الغالي

01-29-2011, 03:41 PM

ميمونة
ان شاء الله تشرينا بحملك يارب
معراج
منور بيكم اتجمع تسلمييارب
عاشقة الصحراء
مشكورة على الترحيب
اية الف الف مبروك و تتربى البنوتة في عزها
عقبالك يام سعد على خير و سلامة و الخيرة فيما اختار الله
و لو اني انفضل الطبيعي الا ان الكثيرات يقولوا عملية اسهل مبدئيا
بنات حابة نعرف هل اخذتوا لقاح خلا فترة الحمل
محتارة و نبي نعرف هل في لقاحات تؤخذ خلال الحمل؟
مش عارفة هل عندنا بليبيا هالنوع من الوقاية و اخذ لقاحات معينة
من منكم اخذت لقاح خاص بالحمل خلال فترة حملها

غرام الغالي

01-29-2011, 03:44 PM

عاشقة اصحراء
هذا وحم صعب باززززين و بطبيخة فول
اه منك.....
اكيد اطلبي من حد ايدير هولك البازين يبي مجهود و انت ببداية حملك ربي يثبته و يحفظه

عاشقة الصحراء

01-29-2011, 03:55 PM

ههههههههههههههههههههه شفتي ياغرام شن صاير فيا ؟؟؟ خلاص تعرفي بنهبل عليه ..
تسلميلي يارب وربي يثبت حملك حتى انتي وتنوضي بالسلامة .
بالنسبة للقاحات مافيش حاجة للحامل لما تكون أمورها تمام والباقي اي شي يصير لا سمح الله ينعطى تحت إشراف دكتور وبمراقبة وحذر ... ربي يسهللنا ويتمم علينا بخير ومعاش توسوسي عاللقاحات ...

نبي يااااااااااااااااااااااااااااااااازين ههههههههههههههه
هذا توقيعي الجديد

غرام الغالي

01-29-2011, 04:00 PM

ههههههه
ماتخليهش في خاطرك خلي حد ايديرهولك....
اغلبنا انراجعوا في هيادات خاصة و الدكاترة يكونوا مستعجلين و عالسريع صورة و خلاص
و لو انتي تساليه او تستتفسري منه ما يقولك شىء و لهذا خايفة من انه يكون في تلقيح و الدكتور ناسيه
خاصة انه لحد الان ماطلبش تحليل (بول) و انتم بكرامة
و لا طلب تحليل سكر
ركز بس على الكالسيوم و الدم عشان الحديد

عاشقة الصحراء

01-29-2011, 04:26 PM

ياغرام عادي ومعاش توسوسي ... تحليل البول حتى اني ماطلبوشي مني لكن بنديره بروحي وبنرفعلها نتيجته ...

عيون زوجي

01-29-2011, 04:50 PM

السلاااااااااام عليكم ورحمة الله
حنين...خاطري عندك انشاءالله امورك تمام وزوجك طيب وماواصل فيكم شي من هالضجه
ودعواتي للشعب المصري جيرانك بالنصر والسلامه
حنين عارفه انه ماعندكمش نت ولا اتصالات
لو خشيتي وجاكم النت خشي طمنينا اعليكم

عيون زوجي

01-29-2011, 04:52 PM

ايه...يا احبيبه الف الف الحمدلله على سلامتك
والعمليه صح صعبه بس تهون لعيون اسوله
انشاءالله صحتك انتي وابنيتك تمام
وتتربى في عزك
اول ما تروحي خشي طمنينا اعليك
واستقبلي تبريكاتنا
بنديرولك اسبوع لاسوله في التجمع....
تتربى في عزك ودلال بوها
وتكون من قسمك يارب

عيون زوجي

01-29-2011, 04:53 PM

ام معراج سلامات ليك والحمدلله اطمنك اعليك
مايهمش وليد ولا ابنيه المهم تنوضي انتي وياه بالسلامه

عيون زوجي

01-29-2011, 04:54 PM

ام لقمان كيف حالك وشن اخبارك مع انك ما تسأليش اعليا
نسيتيني صح؟؟؟؟؟؟؟؟

عيون زوجي

01-29-2011, 04:57 PM

ام سعد وليبيا قلبي
عقبالكم وشدوا حيلكم وفرحونا
يارب تجيبوا طبيعي وترتاحوا من المقص والتخدير
ونسمعوا عليكم كل خيررررررررررر

عيون زوجي

01-29-2011, 04:58 PM

بوسي وينك وشن غداك؟
وكيف حال روان وشن صار فيك
عرفتي جنس البيبي ولا مازال طمنيني
خاطري نعرف ونطمن اعليك
ونتمنالك تجيبي اوليد

عيون زوجي

01-29-2011, 05:00 PM

ميرنا وميمونه عقبالك يارب تاخدوا مكان ايه
انتم وكل مستنيه ومتمنيه يارب.....
نسرينا ورجاء وام اسيل وحبل الوصل وكل راجيه للحمل يارب...........

عيون زوجي

01-29-2011, 05:02 PM

شكله مافيش حد غيري
انا اخباري كويسه
محمد كل ما ننوى انطهره يمرض
بسلامته الكحه والنخامه والزكمه متعبينه هلبه
نبي اسم دكتور اطفال كويس وممتاز ووين يشد
عييت انعاين فيه بلا فايده الطب قي ليبيا
مش زيرو بس بدي بالماينس(بالسالب)

عيون زوجي

01-29-2011, 05:03 PM

هلا باخواتنا الجدد ومرحبتين بيكم بينا
انا عيون من طرابلس
وام لطفلين هلا بيكم

ام قصى محمد

01-29-2011, 05:04 PM

سلامات عيون شن الاخبار

ام قصى محمد

01-29-2011, 05:05 PM

مبروك على ايه وعقبال ليبيا قلبى وام سعد وانشالله عقبال ميمونه وميرنا

ام قصى محمد

01-29-2011, 05:07 PM

انا الحمد لله وتوا نبى ندير كيكه عشان ماشيه زياره لجده راجلى

عيون زوجي

01-29-2011, 05:07 PM

يابنااااااااااااات نبي نعرف سبب غياب حبايبنا ..
-سورينااااااااااااااااااااام
-ام اسيل
-لولي
-ام ردينه
-ام رفيدة
-حبل الوصل
-صابرة

عيون زوجي

01-29-2011, 05:08 PM

هلا ام قصي كيف حالك

ام قصى محمد

01-29-2011, 05:10 PM

غرام الغالى انا حابه نعرف ليش اديرى اللقاح وضد ايش والله انا سامعه فى برنامج الدكاتره الى فى mbc4انه مش كويس للحامل تعمل لقاح لانه البيبى يوصله اللقاح عن طريق المشيمه

ام قصى محمد

01-29-2011, 05:11 PM

عيون تأكدى من الدكتور قبل ما تمشى الطهور حاجه مش لعبه هههههههههه

ام قصى محمد

01-29-2011, 05:12 PM

عيون ليش مش عامله صوره ليكى

ميمونة

01-29-2011, 06:15 PM

السلام عليكم

غرام والله ماعندي فكره عن لقاحات خلال الحمل ممكن اخواتنا يفدوك//

عيون تسلمين حبيبتي شن حالك وحال صغارك

ميمونة

01-29-2011, 10:28 PM

أهداء هده القصيده الي عاشقة البازين

ألا هبي بصحنك فاصبحينا **** و إنكان الغذاء بازينا فاعزمينا

مفلفلة بلحم خروف لذيذ **** إذا ما خالطهاالإدام سخينا

ترى الرصين إذا ما أمرت **** عليه لأكمامه لها مشمرينا

أيا هازئا لا يغرنك المنظر **** و إن كنا للشعر مسبسبينا

متى نتربععلى قصعة مع **** قوم يكونو حينها نادمينا

فانا نورد الأيادي بيضا و نخـ **** ـرجهن حمرا بالإدام ممرغدينا

ونبلع اللقمة و نتبعها بأخرى **** و نرفسفوق رفس الرافسينا

ألا ابلغ بني البريوش عنا **** وسكالوبياً و مدمنالبانينا

بأياما لنا غر طوال **** كنا فيها للقصاع ماسحينا

فكم منقصعة نسفناها **** و كنا عليها لليم عاصرين

وكم من قصعة جلسنا إليها **** فكأنها لم تحوي الطعام سنينا

ألا لا يعلم الأقوام يوما **** بأنا للقمة فيقصعة مرجعينا

ترى القصاع وقد رفعت **** كأنا "بفيري" لها غاسلينا

نكون الأولين إذا عزمنا **** و نكون من المعششين إذا نسينا

مخافةأن يفوتنا البازين يوما **** أو نكون في الأعراس غائبينا

ونأكل ما سبكبدقيق شعير **** و يأكل غيرنا مبكبكة و سامادينا

ونأكل إن أكلنا بأيدينا **** و يأكل غيرنا بشوكة و سكينا

إذا بلغ الفطام لنا صبيا أفطر **** بعصيدةو اتبعها في الغذاء بازينا

عيون زوجي

01-29-2011, 11:59 PM

عجبتني القصيدة وسهفتني قصعة البازين يا ميمونه

عيون زوجي

01-30-2011, 12:01 AM

علاج طبيعي للحمل في نفس الشهر

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

علاج طبيعي يخلي الوحدة تحمل بنفس الشهر..باذن الله

يابنات جايبة علاج خطير ومجرب قرأته في احدى المنتديات....وهو التبخر بالشاي...لا تستغربوا...صاحبة الموضوع تقول جات مقابلة في احدى القنوات مع معالج بالطب الشعبي...وسألوه عن علاج للعقم فقال التبخر بالشاي ..يقصد(الشاي الاخضر) والطازج بيكون احسن

تقول..جلست عدة سنوات وانا ما خليت علاج بالكلوميد وبالابر ...واشعة مالها اول ولا آخر ....وبعدين تركت العلاجات كلها لانه الدكتورة تقول الابر ما صارت تسوي معاكي شي كأني بأضرب الابر بالطوفة...

المهم انا عندي ولدين قلت احمد ربي عليهم وخلاص ..لما شفت المقابلة قلت اجرب مني خسرانة وما قلت لاحد خفت اقولهم اتبخر بالشاي يقوموا يضحكون علي...جات الدورة واتبخرت بالشاي..ونزلت مني اشياء فظيعة...واللهم لك الحمد حملت في نفس الشهر...وبعدها صرت احمل من غير علاج واكرمني الله بتوأم...

وبرضوا شفت الردود على العلاج ..ومن ضمن المشاركات وحده جربت مرتين وفي كل مرة تتبخر بنفس الشهر تحمل.

الطريقة
...

جيبي اوراق الشاي وتحطيها على الفحم وتبخري بها....يعني توقفي فوق البخور لين ما بنحرق كل ورق الشاي

استخدميه من خامس يوم بالدورة لمدة3 ايام وتتبخري في نفس الوقت من كل يوم
طبعا ممكن مع نزول الأوساخ تكون هناك آلام
وبعدها تجلسي 3ايام من غير جماع لانه بتطلع منك بلاوي بعد التبخير

بعدين عاد يبدأ الجماع....

والله يرزق الجميع بالذريه الصالحه ويعطي كل محروم
hwaml03hwaml03hwaml03

أم سعد

01-30-2011, 12:09 AM

السلام عليكم

عيون أهلا وسهلا نورتي

بالنسبة لدكتور الأطفال يشكرو في واحد توا رجع من ألمانيا أعتقد لقبه القايد قالو فاتح عيادة في باب بن غشير أعتقد تو ناخدلك المعلومات مت خواتي والا مرت خوي ونقولك عليه

وفي جمعة بن يوسف يشكرو فيه حتى هو

عيون زوجي

01-30-2011, 12:24 AM

[ . . سويسرا. . ]

هى بلد في وسط أوروبا.

تحدها ألمانيا من الشمال، فرنسا من الغرب، إيطاليا من الجنوب، النمسا و ليختنشتاين من الشرق.

تتبع سويسرا سياسة خارجية محايدة يعود تاريخها إلى عام 1515.

تُعد أحد أغنى دول العالم.

ولقد حصلت مدينة زيورخ السويسرية على أفضل مدينة للعيش في العالم لثلاثة أعوام على التوالي

وهذي بعض الصور لهآ

http://forum.hwaml.com/imgcache2/hwaml.com_1296336260_457.jpg (http://forum.sedty.com/)

http://forum.hwaml.com/imgcache2/hwaml.com_1296336259_294.jpg (http://forum.sedty.com/)

http://forum.hwaml.com/imgcache2/hwaml.com_1296336259_532.jpg (http://forum.sedty.com/)

http://forum.hwaml.com/imgcache2/hwaml.com_1296336260_714.jpg (http://forum.sedty.com/)

http://forum.hwaml.com/imgcache2/hwaml.com_1296336259_222.jpg (http://forum.sedty.com/)

http://forum.hwaml.com/imgcache2/hwaml.com_1296336258_767.jpg (http://forum.sedty.com/)

http://forum.hwaml.com/imgcache2/hwaml.com_1296336259_502.jpg (http://forum.sedty.com/)

http://forum.hwaml.com/imgcache2/hwaml.com_1296336251_945.jpg (http://forum.sedty.com/)

http://forum.hwaml.com/imgcache2/hwaml.com_1296336257_771.jpg (http://forum.sedty.com/)

http://forum.hwaml.com/imgcache2/hwaml.com_1296336254_730.jpg (http://forum.sedty.com/)

http://forum.hwaml.com/imgcache2/hwaml.com_1296336258_165.jpg (http://forum.sedty.com/)

http://forum.hwaml.com/imgcache2/hwaml.com_1296336258_938.jpg (http://forum.sedty.com/)

http://forum.hwaml.com/imgcache2/hwaml.com_1296336260_648.jpg (http://forum.sedty.com/)

http://forum.hwaml.com/imgcache2/hwaml.com_1296336261_963.jpg (http://forum.sedty.com/)

http://forum.hwaml.com/imgcache2/hwaml.com_1296336261_161.jpg (http://forum.sedty.com/)

http://forum.hwaml.com/imgcache2/hwaml.com_1296336260_917.jpg (http://forum.sedty.com/)

يارب ترزقنا الفردوس الأعلى ..:eh_s(7):

عيون زوجي

01-30-2011, 12:26 AM

هلا ام سعد نورتي
كيف حالك وحال سعودي وجو الاستعدادات
بديري اسبوع وامتى ووين
وربي ينوضك انتي وسعودي بالسلامه

ام قصى محمد

01-30-2011, 12:42 AM

مرحبا عيون الصور روعه سلمتى ام سعد شن اخبارك انشالله تم ولادتك على خير وتسلمى انتى ووليدك

ليبياقلبي

01-30-2011, 01:13 AM

كيف حالكم وشن اخباركم انا نكتب ودمعتي علا خدي انا الدكتور قررلي عملية غدوة غدوة سبحان الله وضعها البنية تغير بالعرض جت وعلا قد ما حاول الدكتور يغيربي يده مامشه والمية شوبة والمشيمة صارلها تكلس الدكتور قالي لازم نعجل بيها والله خايفة انا كابوس اجهاضي كاعد خايفة موت ربي يسهلي ادعولي بالله عليكم

ميمونة

01-30-2011, 01:33 AM

ليبيا توكلي علي ربك ربي يسهلها عليك أنا ندعيلك ياقلبي ربي ينوضك بالسلامة

ميراس

01-30-2011, 02:08 AM

تحياتى للجميع والف الف مبروك يااية والله افرحتلك من قلبى وانشالله تتربى فى عزك يارب العقبة للجميع واللى خاطرهم فى الحمل انشالله ربى ايفرج عليهن

أم سعد

01-30-2011, 11:11 AM

السلام عليكم

صباح الخير

عيون ... أنا الحمد لله حالي متوترة شوية وخايفة من الولادة وبس .. وان شاء الله بندير أسبوع في صالة حوش بوي

ليبيا قلبي ... ربي يسهل عليك وتفرحي بعيلك بس طمنينا عنك ... يارب تنوضي بالسلامة

مراحب للجميع

عاشقة الصحراء

01-30-2011, 11:18 AM

صباح الخيرات والليرات ... كيف حال الجميع بدون استثناء ؟؟
ميمو تعرفي هبلتيني بزيادة بالقصيدة ( يعطيهالك ) ههههههههههه مش عادية وحببتني في البازين أكتر حي عليك في رقبتك راهو ... تسلميلي ياغالية ياللي كلك ذوق وبازين امممممممممممممممم .
ليبيا حبيبتي ربي معاك وماتغششيش روحك ادعي واحني ندعولك ربي ينوضك بالسلامة انتي وعيلك ياااااااااااااارب ..
أم سعد عقبالك يارب وانشالله يتربى في عزكم مقدماً ..
أم قصي كيف حالك ؟؟
عيون كيف حالك ؟؟ مع اني زعلت منك سألتي عالكل وماسألتيش عليا واني اللي ديما نسأل عليك باهي باه .. دقيتك ..ههههههههههههه
أم سعد شن تديري ؟؟؟

عاشقة الصحراء

01-30-2011, 11:22 AM

عيون بالنسبة لدكتور أطفال فيه دكتورة روسية ممتازة في عيادة الطيب في الظهرة جنب مصرف ليبيا .. الجهة اللي فيها فنادق ومش بعيدة عالوسام الذهبي أكيد راجلك يعرفها .. برا تلقي مكتور المركز الدولي الطبي التخصصي .. دكتورة وبروفيسورة أطفال ممتااااااااااااااازة وعن تجربة اسمها ( آنا ) بريلها ومش حتندمي انشالله ولاباس علي وليدك .

نسرينا

01-30-2011, 12:27 PM

السلام عليكم ، و صباح الخير

عاشقة الصحراء

01-30-2011, 12:31 PM

وعليكم السلاااااااااااااااااام ... صباااااااااااااااااح الخير ... كيييييييييييف حالك ؟؟؟
شن أخبارك وشن صار في الزكمة انشالله تكوني أحسن يارب

نسرينا

01-30-2011, 12:48 PM

هلا عاشقة

والله لسى الزكمة ،،،

وووووووووتمنيت اني نبشركم ونفرحكم بس للأسف امبارح درت تحليل وما فيش حمل ..
اللهم لا اعتراض ، اللهم اشهدك اني رااااااااضية بقدرك ومشيئتكم .

.

عاشقة الصحراء

01-30-2011, 01:46 PM

عادي حبيبتي نسرينا كل شي في وقته حلو ومافيش حاجة تجي قبل وقتها ... المهم نفسيتك تقعد كويسة ... انتي ماقلتيليش انتي شن عندك بالضبط .. تكيس في المبايض ولا زيادة في هرمون الحليب لأن حسب مافهمت دورتك مش منتظمة وتغيب فترة ؟؟؟؟
ربي يعطيك اللي في بالك يااااااااااااااارب

ام قصى محمد

01-30-2011, 02:30 PM

خيرها فى غيرها مازال ماقسم والله ان صبرتى واحتسبتى لله الاجر انك راح يجزيك الله خير جزاك ودعواتى معاك نسرينا

ام قصى محمد

01-30-2011, 02:32 PM

عشوق حبيبى ايش العلوم؟ هههههههههههه والله انى احبك فى الله لخفه دمك وسعه صدرك انشالله تم امورك على خير

عاشقة الصحراء

01-30-2011, 02:37 PM

تسلميلي يالغلا يأم قصي ؟؟؟ والله اني أحبك بعد وأحبك الله الذي احببتني فيه والله يخليك لحلاوة روحك ووسعة صدرك ... ههههههههههههه يسلملي الخليجي أنا ..
خلينا عالليبي ليبي شن الجو يا أم قصي الحبوبة ؟؟ شن آخر أخبارك ؟؟ وكيف حالك بنياتك ربي يخليهملك ويعوضك ربي بعد الرحمن ... انتي من وين بالضبط في الشرق ؟؟
خاطري نمشي للبيضا وننزل في فندق يكون حلووووووووووووووو ونحس بروحي غيرت جو ملل ملل ملل لكن المشكلة مش حنقدر توا لأن راجلي شغل ..

ام قصى محمد

01-30-2011, 02:53 PM

ومين سمعك انا حتى لما نخطط لطلعه عاديه يخربها الشغل او انه تعبان مش قادر والسفر لا اجازات حتى لما خذا اجازه شهر قصها له المدير ورده لانه محتاجه وانا من درنه تفضلى لافندق لاشى عادى حبيبتى نحطك بعيونى والله مش مجامله

غرام الغالي

01-30-2011, 03:15 PM

السلام عليكم ورحمة الله وبركاته
خيرات بنات كيف الحال
عاشقة الصحراء شخبارك اليوم و ان شاء الله تزوري الشرق حاجة روعة و خاصة شحات انا من عشاقها
ام قصي و محمد هلا و غلا بعرب درنة و الشلال الله عليها محلاها

غرام الغالي

01-30-2011, 03:19 PM

ليبيا قلبي الف سلامة يارب و ما تخافيش ان شاء الله خير
يقولوا انك لو زحفتي زي زحف البيبي يتعدل وضع البيبي و يجي راسه تحت و ربي ايسهل عليك و تطمنينا عليك يارب

ميمونة

01-30-2011, 03:26 PM

ربي يعوضك خير يانسرينا وتبشرينا عن قريب بادن الله

غرام الغالي

01-30-2011, 03:32 PM

ميمونة كيف الحال؟
نسرينا كله باوانه وخليك مع الدعاء و القران و الله كريم

ميمونة

01-30-2011, 03:33 PM

والله الحمد لله شن حالك انتي

غرام الغالي

01-30-2011, 03:38 PM

الله ايخلييك يارب
و ان شاء الله تبشرينا عن قريب

عيون زوجي

01-30-2011, 03:41 PM

ليبيا قلبي...ماتخافيش العمليه بدت شي طبيعي وماينخافش منه كلها ربيع ساعه وتجيبي
وتفتكي من التمزريط والكشف والوجع
ماداما ربي كتبلك عمليه معناها فيها الخير ليك
لانه الخيره فيما اختاره الله
ويارب تخشي بعد 3ايام وتكوني في حوشك ونباركولك على ابنيتك يارب

ميمونة

01-30-2011, 03:42 PM

انا غدوه بنحلل ربي يسهل

تعرفي امس تعبت هلبه صارلي هبوط ودوخه وانا راقده حتي قعمزت قاعده دايخه لين شربت مايه وسكر باش نشطت

عيون زوجي

01-30-2011, 03:43 PM

ام سعد..ربي يسخرلك الحال
الجماعه كلهم عمليااااااات
ربي يسهلها اعليك وماتخافيش
الصناعي جبت بيه زوز صغار زي الطبيعي
وفي النهايه مافيش شي حلووووو يجي بالساهل
ويارب تنوضي بالسلامه وترتاحي

عيون زوجي

01-30-2011, 03:44 PM

ميمونه....يارب تبشرينا بالحمل يارب ويفرح قلبك وترتاحي يارب

غرام الغالي

01-30-2011, 03:46 PM

ميمونة ان شاء الله بشارة خير يارب
عيون زوجي كيف الحال
انا عرفت من الوالدة انهم كانو يطعموا (ياخذوا في تلقيح) في الشهر السابع
و فعلا في برنامج ذا دكتور و من بعض المواقع اللقاحات مش محبذة ابدا

عيون زوجي

01-30-2011, 03:46 PM

عاشقة البازين....انتي نوارة التجمع وسامحيني
سقطتي سهوا......
المهم يا احبيبه احنا مطمنين اعليك وحمك بدي يخف والحمدلله
والشهر الجاي تبشرينا وليد ولا ابنيه
وشن بتسميه
وصحيتي عالمعلومه والعنوان والله يسلمك
احنا زملاء مهنه انتي شبه طبيبه وانا صيدلانيه
هههههههههههههههههههههههههههه

عيون زوجي

01-30-2011, 03:48 PM

غرام الغالي....الله يحفظلك غواليك
انا كويسه عساك انتي والبيبي تمام
بشرينا ولد ولا بنت
وانتي بكريه ولا لا
وقداش عمرك وشن تخدمي
حبيت نتعرف اعليك اكتر يا غاليه

عيون زوجي

01-30-2011, 03:50 PM

ام قصي محمد...كلك ذوق
انتي الوحيدة يلي تعلق على مشاركتي وتجامل فيا
مشكورة يا برنسيسه
ويارب يعوضك بتوم قصي ومحمد يااااااااااارب

عيون زوجي

01-30-2011, 03:51 PM

نسرينا...قدر الله وماشاء فعل
وصرف الله عنك ماكان اعظم
ويارب يعوضك وتعبي الحوش 10صغار
ماشاءالله حوشك كبيرررر يستاهل 10 صغار
امييييييييييين قولوا حتى انتم امييييييييييين

عيون زوجي

01-30-2011, 03:55 PM

ميرنا؟...يالغاليه
عارفه انك اطلي اعلينا وتشوفي في اخبارنا
كيف حالك وكيف امورك مع زوجك واهله
يارب العالميم ومن كل قلبي يارب يرزقك ويفرحك يارب
امس كنت في عيادة الاخوة نعاين في محمد
فيه زوز نساوين جنبي مجربات ويشكروا في مركز الشركة الليبيه الاردنيه قدام عيادة الاخوة في النوفليين
الزوز قعدوا سنوااااااااااات وبعدين زرعوا وجابوا
ويارب يفرحك بعيل يارب

ميمونة

01-30-2011, 03:55 PM

امين ياربhwaml12

عيون زوجي

01-30-2011, 03:56 PM

ميمونه...احكيلنا واعلاش ايه جابت بالعمليه شن صارلها
امورها كانت تمام وفيها وجع

ميمونة

01-30-2011, 03:57 PM

لا والله مافهمتش منها بالضبط لانها كانت تعبانه اليوم نكلمها ونفهم منها بادن الله

غرام الغالي

01-30-2011, 04:01 PM

عيون زوجي
انا بكرية
الدكتور ماباش اياكد ولد و الا بنت مع اني متشوقة نبدا تسوق و قال الشهر الجايان شاء الله
البيبي خجلان و محاط المشيمة بين رجليه
قداش تعقدت و احبطت و تو لعند 22 من شهر 2 ان شاء الله نترقب
عمري 34 سنة و متزوجة من 5 سنوات و الله سخرلي السنة و الحمد لله
حاليا ربة بيت و انا خريجة هندسة

عيون زوجي

01-30-2011, 04:19 PM

غرام الغالي...ربي يفرح قلبك ماشاءالله
فرحه بعد 5سنوات اكيد البيبي رح يطلع دلوووع حاله صح
كيف حملتي بعلاج شعبي ولا طبي

عيون زوجي

01-30-2011, 04:20 PM

ميمونه...كلميها وقوليلها خشي حتى 5دقايق نطمنوا اعليك
قوليلها اكتيلنا انا حالي باهي واسول كويسه

عيون زوجي

01-30-2011, 04:22 PM

حطيتلكم صورة سارة وعمرها 7 شهور في المانيا في حفل فرنسي/ الماني بعيدهم الحب لانه مش عيدنا صح

عيون زوجي

01-30-2011, 04:46 PM

وينكم..............

عاشقة الصحراء

01-30-2011, 04:47 PM

ياااااااااااااااااااااربي يخليك يا أم قصي والله عارفة مش مجاملة وعارفة أهل الشرق كرماء تسلميلي يااااااااااااااارب وانشالله بإذن الله لو تسخرتلي جيه للشرق والله حندورك باش نتعرف عليك لو مافيهاش ثقل .... حبيبتي انتي ...
غرام الحلوة كيف حالك وربي يسخرلك ويتمم حملك على خير ياااااااااارب وتفرحي بيه ادعيلي نمشي لشحات والبيضا ودرنة والابيار خاااااااااااااااطري هلبا مع ان السفر والحركة هلبا توا مش محبذة لكن المهم نغير جوي والله فااااااااااااااادة تعرفي طرابلس عرفتها حته حته مافيها شي جديد نفس الشوارع ونفس كل شي ...
عيون الحلوة الحبوبة معليشي سامحتك هههههههههههههه ربي يشفيلك وليدك وتطهريه وتفتكي .. قوليلي انتي مواليد كم ؟؟؟ اني عندي دبلوم صيدلة من معهد خاص خديته في السنة اللي فاتت لما وقفت من الطب .... بالله لا طبيبة ولا غيره الحلم انكسر وذهب مع الريح .. انشالله توا قرايتي في علم الأمراض بتبدا شهر 3 ومتحمسة ومستعجلة عالقراية نحس في روحي من غير فايدة قاعدة هكي وبالنسبة للصيدلة ماحبيتش خدمة الصيدليات يعني شهادة وخديتها وخلاص ...

عيون زوجي

01-30-2011, 04:48 PM

مع السلامه توا...
للعلم غيرت صورة ساره لصورة محمد وعمره9 ايام
ربي يحفظهملي ويحفظلكم صغاركم
ويرزق كل محرومه الذريه الصالحه

عاشقة الصحراء

01-30-2011, 04:49 PM

ماشااااااااااااااااااااالله على بنيتك وربي يخليهالك وتفرحي بيها عروسة ... قداش عمرها توا ؟؟؟

عاشقة الصحراء

01-30-2011, 04:56 PM

عيون حبيبتي بالنسبة للأسماء ماكنتش مقررة لكن حلمت في بداية حملي اني جبت وليد حلو حلو حلو لدرجة الناس في المستشفى كلهم جو يشوفوا فيه وحلمت انه مولود قبل وقته وعطتهولي الدكتورة خودي أحمد ... الكل قالولي مادام حلمتي بالإسم سمي زي ماشفتي وانشالله ربي يجيبه أو يجيبها على خير المهم الخلقة التامة ونقعد على قيد الحياة ههههههههههههه
كاااااااااااااااان بنت واني خاطري في بنت حنسميها ( جنى ) مع ان الكل معترضين لكن الاسم نحبه واني اللي بنجيب مش هما هههههههههههههه نسميها حتى بقرة عادي ههههههههههه .

ميرنا

01-30-2011, 06:42 PM

نسرينا ربى عوضك ويامه عند الله من خير لكن عليش الدورة ما نزلتش

ميرنا

01-30-2011, 06:48 PM

عيون راجالها شكرا على منادتك لى وسوال عنى وانا امعكن فى كل خطوة

عاشقة الصحراء ربى يفرحك ابشوفته وتسميه احمد اسم حلو وخفيف

ميرنا

01-30-2011, 06:54 PM

عيون راجالها بنتك سمحة زى بوها

ام لقمان

01-30-2011, 08:35 PM

اهلين ميرنااشرقت لانوارانقول ليش المنتدى امنور اليوم

ام لقمان

01-30-2011, 09:21 PM

اشرقت الانوار ميرنا

عيون زوجي

01-30-2011, 10:14 PM

ميرنا...الله يجبر بخاطرك
من رقتك وذوقك لازم تردي وتجامليني
ربي ما يحرمك من كل يلي تتمنيه يارب
ويرزقك بدل العيل زوز
ويكونوا شبهك من شبه بوهم
لانك احلى من راجلك انا متاكده
بجد بجد بجد حبيتك من قلبي
وحبيتك في الله من غير ما نشوفك
الدنيا صغيره يارب يقدرنا ونتلاقوا
لو مش في الدنيا يارب تكون في الجنان والفردوس الاعلى

عيون زوجي

01-30-2011, 10:21 PM

عاشقة البازين....الصيدله مهنه حلوة وراقيه
انا بكالوريوس صيدله اشتغلت عامين بين المستشفى والبرايفت
لو كنتى منتهى الذوق والرقي في التعامل الناس رح تتعامل معك بالمثل
وياما جوني عرووض زواج في البرايفت
ههههههههههههههههههههه
والقلب معلق بابو العيال الحالي
الوحدة مننا لما تكون بنت عيله ومتعلمه ودكتورة
واسلوبها حلو
هذا يلي يتمناه كل ليبي
بس انا تعرفت بزوجي في اخر سنه
قبل التخرج
وخطبني بعد التخرج بسنه
وتزوجت بعد التخرج ب سنوات
اه اه يا عاشقه قلبتي عليا المواجع
ايام الخطبه والدلع
توا ربة بيت كوجينه وغدي وغسل وصغار وسهر وشمالات
نطلع مرات بعبايه للعيادة بلا كوي ولا نندري شن فيها
من خلعتي عالبيبي والخضه والرعب
ربي يستر ما نطلعوا بلا حوايج اصلا
ههههههههههههههه
الحمدلله بس هادي السعاده
البيت الدافي والزوج الحنون والاطفال
هم السعاده الحقيقيه
الشهادات والعمل والجري وراء المادة مش هي السعاده

عيون زوجي

01-30-2011, 10:23 PM

ام لقمان....كيف حالك ووينك تخشي دقيقه وتهربي
كيف حال الصغار وحملتي توا ولا مازال شويه

عيون زوجي

01-30-2011, 10:25 PM

الصوره حاليا لمحمد مش لبنتي
بنتي توا عمرها سنه سنه و 8شهور
ومحمد هادي صورته لما عمره 9 ايام وتوا عمره 4 شهور

عيون زوجي

01-30-2011, 10:26 PM

منو من السيدات والهوانم موجود توا
ولا كلكم مهناش

عيون زوجي

01-30-2011, 10:30 PM

اجمل صور اطفال - اجمل الصور

http://forum.hwaml.com/imgcache2/hwaml.com_1296415843_394.jpg

http://forum.hwaml.com/imgcache2/hwaml.com_1296415848_438.gifتم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 658 * 370 و حجم 28KB.http://forum.hwaml.com/imgcache2/hwaml.com_1296415845_415.jpg

http://forum.hwaml.com/imgcache2/hwaml.com_1296415848_438.gifتم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 658 * 438 و حجم 68KB.http://forum.hwaml.com/imgcache2/hwaml.com_1296415847_874.jpg

http://forum.hwaml.com/imgcache2/hwaml.com_1296415848_438.gifتم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 658 * 439.http://forum.hwaml.com/imgcache2/hwaml.com_1296415844_105.jpg

http://forum.hwaml.com/imgcache2/hwaml.com_1296415848_438.gifتم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 658 * 438 و حجم 51KB.http://forum.hwaml.com/imgcache2/hwaml.com_1296415845_123.jpg

http://forum.hwaml.com/imgcache2/hwaml.com_1296415848_438.gifتم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 658 * 438 و حجم 65KB.http://forum.hwaml.com/imgcache2/hwaml.com_1296415847_684.jpg

http://forum.hwaml.com/imgcache2/hwaml.com_1296415844_108.jpg

http://forum.hwaml.com/imgcache2/hwaml.com_1296415843_863.jpg

http://forum.hwaml.com/imgcache2/hwaml.com_1296415844_514.jpg

http://forum.hwaml.com/imgcache2/hwaml.com_1296415848_438.gifتم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 460 و حجم 31KB.http://forum.hwaml.com/imgcache2/hwaml.com_1296415845_319.jpg

http://forum.hwaml.com/imgcache2/hwaml.com_1296415846_349.png

عيون زوجي

01-30-2011, 10:42 PM

زعلت منكم مافيش حد علق على صورة بنتي
مع انها خليتها بس 5 دقايق
وصورة حمودي خليتها 5ساعات
شكرا عاشقه البازين وميرنا نشوفوهم عندكم
غيرتها وريحتكم
هههههههههههههههههههههههههههههههه
خفتوا صح............

أم سعد

01-31-2011, 12:12 AM

السلام عليكم

مساء الخير

سلامي للجميع

نسرينا ... ربي يعوضك خير

ليبيا قلبي ... نقولو مبروك على البنوتة .. هيا طمنينا ...

عيون زوجي ... عاودي حطي صور صغارك ماشفتهمش

أم قصي ..ميمونة .. ميرنا .. كيف حالكم

أنا اليوم تعبت شوية ومشيت للدكتورة وحددتلي يوم الخميس موعد عمليتتي

دعواتكم

ام لقمان

01-31-2011, 12:31 AM

كيف حالك ياعيون
وعندك حق انخش ونطلع فيسع اتقول بتلحقوا عليا
والله مانى ناسيتك بس ديما انتفاعل مع الاخير بس
واما عن اعويلتك حلوين وربى يخليهملك
وحلوين واشبح لمن طالعين..............
انى ما قلت شىء
ونبى انقولك على الحبوب اوليدك بالكى عنده نقص فى الكالسيوم راهوا ايخلى الطفل بلغمى
وهذا عن تجربه وطبعا اطبائنا عير معترفين ولكن الرئتين ليعملا يحتاجان الى نسبه من الكلس
يعنى كان عنده نقص انتبهيله من توا
وكيف حال ابنيتك هى ودربوكتها؟

ام لقمان

01-31-2011, 12:37 AM

لاباس عليك يا ام سعد
وربى ايسلمك انتى والبيبى
وعادى بالعمليه شن بيصير المهم انك تسلمى
ربنا امعاك

ليبياقلبي

01-31-2011, 12:49 AM

السلام عليكم ورحمة الله وبركاته
انا اخت ليبيا قلبي
ليبيا قلبي ولدت اليوم بالعملية الساعة 12 الا ربع ظهرا
جابت بنوته ماشاء الله عليها ربي يحفطها وتتربي في عز امها وبوها
سلااااااااام

ام لقمان

01-31-2011, 01:01 AM

باهى باهى ربى ايبشرك بالخير
امانه اتسلمينا عليها
ويارب ابنيتها من الصالحات

ليبياقلبي

01-31-2011, 01:04 AM

وبالنسبة لي ليبيا فاقت مع الساعة 2 ومتاعبتها الكحاحة وتتألم من طوبو البول حشاكم اللي مدايرنهولها بس بالنسبة للبنج قالت محستش بي شئ مش نفس بنج الرمي وهادي اهم الاخبااااااار بالنسبة لليوم
سلااااااااااامااااااااااات ياااااااااااغااااااااااااااليااااااااااااااات

ميراس

01-31-2011, 02:07 AM

الحمد لله عالسلامة ياليبيا قلبى والف الف مبروك عالبنوتة وتتربى فى عزكم يارب وعقبالنا يارب

ام قصى محمد

01-31-2011, 02:38 AM

زغروته ليبيا على البنوته وانشالله تتربى فى عزكم وتكون من الذريه الصالحه مرحبتين ميرنا وينك من يوم الى سجلت ماشفتشلك مشاركه انا من درنه زيك ام لقمان منوره ياالغاليه عيون وين الصور الصقع قطعتينا ههههههه عاشقه امتى ما تحبى شرفى انا حاطه ايميلى لو تحبى راسلينى مرحبتين فيك وانا من نفسى نجى لطرابلس وكنا ناوينها فى العطله بس مرضت ورميت انشالله فى الصيف ونطلب منك لائحه بالفنادق عشان لما نسافر نرتب امورنا ميراس اهلا ياحبوبه ميمونه كنك يابنتى خير شن اخبار الدوره رانى والله على اعصابى طمنينى

ميمونة

01-31-2011, 08:54 AM

الحمد لله علي سلامتك ليبيا قلبي وسلامة البيبي_
عقبالك أم سعد تبشرينا بوليدك يارب

ميمونة

01-31-2011, 09:00 AM

سلمك نشاده أم لقمان وأم قصي مازال بجد ماحللتش
عيون_ماشفتش صورك بس يتربوا في عزكم أكيدة زي أمهم حلوات

poucie

01-31-2011, 11:44 AM

السلام عليكم يا غالياااااااااااااااااااااات شخباركم والله ليكم وحشة
عاشقة شن الاخبار انشاء الله اتكوني كوسية وشن صار في الوحم انحس فيه طار منك انشاء الله تجيبي على خير وسلامة.
ليبيا قلبي حمد الله على السلامة والف الف مبروك البنوتة انشاء الله تتربي في عزك وعز اوبيها وعقبال لما تخاويها يا رب وانشاء الله اتكون من قسمك .
ايه حتى انتي الف الف مبروك وحمد الله على سلامتك وانشاء الله تتربى في عزك وعز اوبيها وانشاء الله اتكون من قسمك يا رب.
عيوووووووون عاودي حطينلنه صور سارة ومحمد لانه شوقتيني انشوفهم حي عليك راه في قبتك يقعدو في خاطري ههههههههههههه
نسرينا عسى ان تكرهو شيئ وهو خير لكم وانشاء الله ربي يعوضك في القريب العاجل.
ام سعد انشاء الله اتجيبي على خير وعادي حتى كان عملية انشاء الله ربي يسخرلك الحال اهو كلنا جبنا بالعملية والحمد الله اصلا بدت موضة الدكاترة تواء هههههههههههههه.

ميرنا

01-31-2011, 11:46 AM

اهلين ميرنااشرقت لانوارانقول ليش المنتدى امنور اليوم

نجك لى يا ام لقمان امنور بوجودك يا حكيمتنا ايش اخبار نوافذ طبية انا معش خشيت لمنتدى النوافذ طبية لان لم اجد حل لحالتى

ميرنا

01-31-2011, 11:49 AM

خير يا احلى بوسى فى الدنيا

ميرنا

01-31-2011, 11:52 AM

اية الف الف مبروك وتتربى فى عزك ان شالله

poucie

01-31-2011, 11:54 AM

ميرنااااااا شخبارك والله ليك وحشة يا هرابة باهي باه همي هنا عليك

ميرنا

01-31-2011, 12:30 PM

امتى يارب تبركلى يابوسى ونقوللكن جبت بنت وديرة لمة فى صالة زايد ونتن معزومة على لمة ونشرط عليكن اتجيبن كل وحدة منكن حلويات وموالح اعيون راجالها انتى غالى عليك لوكال جيبى سطل كعك وحبل الوصل جيبى امعك مقروض و ام اسيل انتى رقدت ريح هاتى اى حاجة من حوشك موش اعيالك ههههههههه اية انتى منيش ليمة عليك عذرك امعك ميمونة تعالى لبسة العربى بدلتك الكبيرة حلوة عليك وهاتى عصير فروالة الطبيعى لى شربنه فى لمة سورنيام وانتى ياام قصى تعالى يوم عصيدة الحفرة وراكى تنسى الكيكة ديريها نفس الكيكة لى شلتيها الجدك خاطرى فيها نسرينا هاتى امعك الخلوط وراكى تنسى لسواك ولوبان ام السعد شورك خلوط العيال وكثرى المصاصات ميراس انتى نبيك فى الكوجينة انتى حرة وغالى عليك الحاجة السمحة عاشقة الصحراء انتى نبيك على العدالة شاهيك سمح غرام الغالى تعرفى اتعصدى انتى شورك العصيدة واذا كان ماتعرفيش خوذى ابروفات من توة معراج انتى شورك الموالح نبى 11 نوع بس والباقى شور ليبيا قلبى ام لقمان انتى توة تآذآنى فى اذان بنتى اما الصابره وام روفيدة ولولى منيش ليمة عليهن اما لايمان قالو زاقب فى شقة مهيش قاعدة قولن امين يابنات

poucie

01-31-2011, 12:35 PM

هههههههههههههههه امين يا ميرنا الله يطعمك ولا يحرمك يا رب العالمين

عاشقة الصحراء

01-31-2011, 02:05 PM

الللللللللللللللللله ياميرنا والله العظيم من وسط قلبي ندعيلك ربي يفرحك بضناك عن قريب ياااااااااااارب .. وليك مني نتعلم شاهي العالة من توا على خاطرك ياسمحة ...

عاشقة الصحراء

01-31-2011, 02:27 PM

تسلميلي يا ميرنا يااااااااااااارب تفرحي قريب .
أم قصي حبيبتي تسلميلي يارب وحتى انتي لما تجي لطرابلس تفضلي ياغالية نحطك فوق راسي ..
ام لقمان كيف حالك وشن أخبارك ووين هالغيبة كلها ؟؟؟ اني الحمد لله الوحم طار ( ماطيرته طار بروحه) ههههههههههههه
ميمو كيف حالك ؟؟
عيون الحلوة الحبوبة كيف حالك اليوم ؟؟ صغارك ماشالله عليهم حلوين وربي يخليهم لك يارب بالنسبة للخدمة في الصيدلية حلوة معاك لكن فلوسها شويا هلبا يعني تعودت عالخدمة في القطاعات الثانية أولا أريح وثانيا تحسي انك راضية عالمرتب بالذات لما تكون لغتك الانجليزية قوية تكون أمورك تمااااااااااااااااام .. ربي يخليلك راجلك يااااااااااارب وبعدين كل مرحلة تاخد وقتها وتفوت يعني بتقعدي ديما زي أيام الخطوبة مستحيل لكن الواحد يعيش عالذكريات حتى هي حاجة حلوة والشطارة انك تخلي راجلك ديما يشوفك زي قبل زي توا وهذي ضريبة الاولاد ياقمر ... المهم خديتي اللي تحبيه وربي جمعكم بالحلال .. تعرفي كانت امنيتي نعيش قصة حب عنيفة قبل الزواج .. الحمد لله أموري تيسرت بسرعة بسرعة تعرفت على راجلي في شهر 1 وقرينا الفاتحة شهر5 وتزوجنا شهر7 ولله الحمد ههههههههههههههههه
ليبياااااااااااااااااااااااا لللللللللللللللللللللللللللي زغروتة من وسط خاطري ألف ألف ألف مبروك وتتربى في عزكم يااااااااااارب وتفرحي بيها والحمد لله على سلامتك ياقمر ..
أم سعد عقبالك حبيبتي

عاشقة الصحراء

01-31-2011, 02:28 PM

بوسي الحلوة كيف حالك وشن الجديد وشن أخبارك ؟؟؟ علاش الغيبة هذي كلها انشالله خير

غرام الغالي

01-31-2011, 03:10 PM

ميرنا
و لا ايهمك من التعصيد شوري
ربي يستجيب لدعائك و يرزقك و هو خير الرازقين

غرام الغالي

01-31-2011, 03:12 PM

ليبيا قلبي
لولولولولولو
الف الحمد لله على السلامة و تتربى في عزها و ان شاء الله من البنات الصالحات

غرام الغالي

01-31-2011, 03:17 PM

ام سعد
ان شاء الله على خير و سلامة
و ان شاء الله الخيرة فيما اختار الله و تبشرينا بسلامتك زي اية و عيون ليبيا

غرام الغالي

01-31-2011, 03:19 PM

عاشقة الصحراء
ان شاء الله تزوري الشرق و احلى الاماكن فيهو تشوفي الجبل

غرام الغالي

01-31-2011, 03:23 PM

عيون زوجي
كيف الحال
من 6 شهور بعد الزواج و انا نلف مع زوجي من الدكاترة للطب الشعبي ما سيبت شىء
و عدو سنين عمري بين علاج و علاج و ووووو ما نحبش نذكر و تو يوم نحكي قصتي لانها غريبة
الدكاترة يئسوا و ما عرفوش السبب بالزبط شن و قالوا خلاص انتوا علاجكم برا ليبيا
و عندها اتجهت للطبيب الشافي المعافي القادر الرحيم و خاصة بشهر رمضان و الحمد لله و الشكر له رزقني لانه وحده الرزاق و كل شىء باوانه
الحمد لله

عاشقة الصحراء

01-31-2011, 03:32 PM

غرام كيف حالك وشن أخبارك ؟؟؟؟
ربي يتمملك على خير يارب وتفرحي بولدك ولا بنيتك يااااااااااااااارب وادعيلي نزور الشرق عن قريب .

غرام الغالي

01-31-2011, 03:56 PM

عاشقة الصحراء
خليها بعد الولادة خير
الطريق و المطبات و تعب الجلوس الطويل ممكن مش كويس
انا السنة انحرمت من المشى لشحات و كنا تقريبا كل سنة لازم نزوروها و ننصحك بمنتج شحات السياحي روعة و نظافة

ام لقمان

01-31-2011, 04:53 PM

ميرنا
مانقولوا كان يارب هوا العاطى بس وانشالله انديرولك الى نفسك فيه واكثر
وما اتوهيش اوخيتى راهوا قسمك قاعد حتى كان تاخر

ليبياقلبي

01-31-2011, 05:34 PM

السلام عليكم ورحمة الله وبركاته
مشكوررررررااااااات ياغاليات وبارك الله فيكم
وليبيا تسلم عليكم
وعقبال مانسمعوا بي خلاص الحوامل
وعقبال كل محرررررروووووم يارب

الايمان

01-31-2011, 06:29 PM

يا غرام الغالي ان شاء الله ربي يتمملك علي خير انا قريتلك في احد المواضيع تسألي على هرمون الاسترادول يا ريت تحكيلي عليه
ايه الف الحمد لله على السلامة وعقبال الباقي

عيون زوجي

01-31-2011, 07:27 PM

ليبيا قلبي....الف الف الف مبروك ديرتيها يا خوافه يا حراجه وافتكيتي
انشاءالله تتربى في عزك ومن قسمك وتشوفيها عروسه
ويلا بلا دلع طوبو البول مافيشي شي حتى سارة بنتي ايديروله فيه لتحليل البول
نوضي بالك هياااااااااااا

عيون زوجي

01-31-2011, 07:30 PM

ميرنا....يارب ومن كل قلبي تجيبي ويرتاح قليبك وتتهني على راجلك
وبدل السبوع ديري زوز وبدل سطل الكعك
انجيبلك بكلاوة العسل الطبيعي والروزاطة والعبمبر اوكي

عيون زوجي

01-31-2011, 07:32 PM

ام سعد...العمليه عدوى وانتشرت بين حوامل التجمع
ماتخافيش يا اوخيتي
ايه جابت وافتكت
وحتى الخوافه ليبيا دارتها
ولهذا ماديري في بالك شي الا انك رح ترتاحي من تعب ال 9 شهور
وتشوفي سعودي كيف شكله ولمن يشبه
وتبشرينا
ما اديريش زي ايه ما خشتش طمنتنا اعليها
خليك زي ليبيا قلبي دزت اختها وطمنتنا
ويارب نسمعوا عليك كل خيرررررررر

عيون زوجي

01-31-2011, 09:09 PM

ام قصي...كيف حالك اليوم
ام لقمان...مستاحشينك لما تخشي اكتبيلنا اخبارك باش نطمنوا اعليك وبعدين اهربي لقضيتك وصغارك
ميراس...كيف حالك وشن اخر اخبار العلاج
ميمونه...وينك اليوم؟؟؟
غرام الغالي...كيف حالك يا حلوة

عيون زوجي

01-31-2011, 09:11 PM

زهــــور

01-31-2011, 09:15 PM

ليبيا قلبي طمنيني عليك اختك زهور .

ميراس

01-31-2011, 09:40 PM

ياميرنا حاضر بس انت لحلحى روحك انا على البازين مش العصيدة بما انى ورفلية والبازين شغلتنا ياحلوة

ميراس

01-31-2011, 09:43 PM

والله ياعيون قاعدة نجرى ومافيش فائدة حاليا انشالله ربى ايفرج

ميراس

01-31-2011, 09:44 PM

ايش مافيش حد خاش

ميراس

01-31-2011, 09:59 PM

انا اليوم سجلت بصالة رياضة المراة علشان اخفف من وزنى وروحت ميتة من التعب واعطتنى نظام غدائى صارم لكن انشالله نقدر عليه لكن والله صالة مش عادية والمدربة حاجة من الاخير طبعا الصالة فى انجيلا جنب المطعم التركى

ميراس

01-31-2011, 10:04 PM

وووووووووووووووووووووووووووووووووووووووووووووووووو ووينكم ياعضوات

الايمان

02-01-2011, 12:15 AM

ميرنا

02-01-2011, 12:55 AM

الف مبروك يا ليبيا انتي واية وعقبال ام سعد
ميرنا ربي يفرحك انتي وميراس ونسرينا وميمونة وانا ربي يجبر بخاطرنا وام قصي وكل مشتاقة
انا كل يوم انخش نطمن عليكن يعني متوفرة
نابي نبدا في خقن مجهري ادعلي يا بنات ونبي معلومات مفيدة

الايمان خطوة موافقة باذان الله بس هل الدكتورة لى قالتلك اعملى حقن مجهرى اما انتى لى قرارتى الحقن المجهرى

عيون زوجي

02-01-2011, 01:45 AM

ميراس...ربي يفرح قلبك انشاءالله
وماشاءالله على الاهتمام بالنفس والصحه
حتى انا خاطري نخش نادي بس ماعنديش وقت نهائي
صغاري بروحهم نادي
في اسبوع مرت خوي الاسبوع الفات
يلي يشوفني يقول ناقصه على قبل
مع اني ما نقصت شي بس الجري وراء بنتي
وتعبي مع ولدي حاله
لكن مشواري للرشاقه مازال شوي
شدي همتك ولو حققتي نتيجه
رح اخطو خطاك وناخد منك برنامجك

عيون زوجي

02-01-2011, 01:48 AM

الايمان...وينك استحشنااااااااك
كيف حالك واحسن شي درتيه
توكلي على الخالق وابدي
وطمنينا كل فتره والتانيه
مشيتي لاخت الدكتورة ايمان بوطلاق صح
طمنينا يا احبيبه

ام لقمان

02-01-2011, 01:48 AM

عيون زوجي

02-01-2011, 01:49 AM

سورينام...ام اسيل...لولي
طمنونا بالله اعليكم
وين هالغطسه..............

ام لقمان

02-01-2011, 01:56 AM

اعيون شكلها السهره صباحى؟
شن اخبار السموح المراض؟

عيون زوجي

02-01-2011, 01:57 AM

السلام عليكم
كيف حالكم جميعا
وشن اخبارك ياعيون؟
انا اخبارى حوسه فى حوسه
كبرت العروسه اشويه دارها السكر وكبر معاها
وماتلاقينى الانبى نرقد كانى امحصله لدغه من دبابة اتسيتسى
وانت بسلامتك تسالى على الحمل
من مزال يغلط ويديرها؟
طبعا اعيون عادى اديرها وادير ما اكتر
المهم انا ياغاليه امرأة عاملة يعنى وقتى بالثانيه والحق مش مقتنعه بالعمل لكن الضروف تحكم
غالبا انخش بالليل لما الامن يستتب فى الحوش
انشوف فيكم واخباركم وندعيلكم من كل قلبى لانى ياما جربت
انخش عالنت نكتب فىبعض المنتديات ونقرا اراء الغير
وهدىاخبار ام لقمان
والى اللقاء فى موعد اخبارى مقبل
تريحتى يا قصقاقه
ابصاره وانشالله مانفقدك

بارك الله فيك...
طمنتيني اعليك
بس بجد ماكنتش نعرف حكاية السكر نهائي
لاباس طهور انشاءالله
انتي ماحكتيش عليها قبل هكي
او انا ما شفتش كلامك من قبل
سامحيني مرات ماكنتيش تحبي تحكي وانا اصريت
بس والله من حبي مش من قصقصتي
ههههههههههه مش زعلانه منك
نحبك في الله
وربي يعينك في عملك
ويغنيك اعليه ويرزقك من وسعه يارب
زدت تعلقت باخبارك اكثر
ولما تخشي طمنيني
لو ماتحبيش التفاصيل وتحبي تكون ليك خصوصياتك انتي حرة
اكتبي انك بخير وخلاص
لاني نحكي في كل شي
بس لكل شخص ظروف غير
وعلى قد ما يحساب الواحد انه تعبان وظروفه ملخبطة
يلقى الناس اكثر منه
ومن هانت اعليه الدنيا بمشاكلها تهون كل الدنيا ليه
والحمدلله ان لينا رب كريم وانه نحن مسلمون

عيون زوجي

02-01-2011, 02:00 AM

اعيون شكلها السهره صباحى؟
شن اخبار السموح المراض؟

عاينته اولامس وتوا عالدواء انشاءالله خير
وكلمت راجلي عالكالسيوم قال السبت ناخدوه المختبر انديروله تحليل
والنوم طار بسلامتهم كلهم رقدوا
وقعدت متنحه عالتلفزيون نتفرج
ماتخافيش حتى الراجل راقدhwaml7 وراه عمل من 6.30 الصبح

ام لقمان

02-01-2011, 02:15 AM

قالك ويسموا فيا حكيمتنا
ماشاء الله
اعيون حكاية السكر كنت نحكى فيها قبل اتخشى التجمع يعنى فى حملى
واكيد انتى مش عارفه انى ماحصلت بنيتى جنان الا بعد علاج بالاعشاب من طبيب اردنى الله يجزيه كل الخيروهوا صاحب منتدى نوافذ طبيه
والحمد لله
ربى ايخليلى اعويلتى ويسلمهم
ويخليكم ليا
ولعلمك اغلب الليالى انخش ونطمن عليكن ومرات النت اديرها ومانقدرش انعلق
وعارفاتك ام السموحه صاحبة الدربوكه ضرابة خوها ربى ايسلمهلك
وبارك الله فيك على كلماتك
ممكن ماتلقينيش انعلق واجد مش حبا فى الخصوصيه ولاهوعقل
لكنى ماعاش انعدل واجد عالحكى فى الفتره الاخيره
شكلى بنكبر
ولكن امام اهتمامك باخبارى استحيت على وجهى وكتبت قصة حياتى
وانشالله انحاول انى انكون معكم فى قلب الحدث

ام لقمان

02-01-2011, 02:20 AM

توا خلينى بنسالك ياعيون على مرض اوليدك
هوا التهاب رئوى والا ربوا؟
على خاطر الالتهاب حله اتقوى المناعه وتغلفيه بالزيت
اوخليهمرقى بيش الخير يكمل

ام لقمان

02-01-2011, 02:27 AM

اعيون هذا رابط موضوع ممكن تستفيدى من
هhttp://forum.hawahome.com/t163084.html
وربى يشفى اوليدك ويجيبلك النوم
قولى دعاء النوم توا ترقدى

ام لقمان

02-01-2011, 02:31 AM

توا تصبحى على خير
حتى انى عندى عمل بدرى
وماتنسوناش من دعواتكم الطيبات

poucie

02-01-2011, 09:39 AM

بوسي بوسي...وينك يا امورة
حاضر رح نحط صور صغاري بس حتى انا نبي نشوف روان الامورة باش نقدر نتخيل شكل مامتها صح
انا حامله هم البيبي اكثر منك
بشري ولد ولا بنت
يارب اولييييييييييد
انا نبيه ولد شن دخلك انتي......

ههههههههههههههه يعطيك الهني وايحضرلك الخير يا عيون صحيتي يا حنة تعرفي بالنسبة للبيبي يوم الاحد انشاء الله عندي مراجعة وانشاء الله المرة هادي اتقولي شنو بيني وبينك حتى اني متشوقة نعرف شنو لاكن الله غالب وفي النهاية اوليد والا بنية كله ضناي المهم الخلقة الكاملة وانوض بالسلامة انشاء الله بالنسبة لصورة روان حااااااااضر من عيوني يا عيون

عيون زوجي

02-01-2011, 02:32 PM

اعيون هذا رابط موضوع ممكن تستفيدى من
هhttp://forum.hawahome.com/t163084.html (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%68%61%77%61%68%6f%6d%65%2e%63%6f%6d%2f%74 %31%36%33%30%38%34%2e%68%74%6d%6c)
وربى يشفى اوليدك ويجيبلك النوم
قولى دعاء النوم توا ترقدى
سامحيني يا ام لقمان طلعت من غير أذن
تم عليا الشحن وماقدرتش نتحرك لان محمد نومه خفيف وخفت اندير صوت وينوض
صحيتي عالرابط مفيد جدا
ويارب يشفيك ويحفظك ويعفيك من هالسكر
وانا دوم مستنيه اخبارك للاطمئنان مش اكثر
ويارب يخليلك جنان وخوتهاhwaml7

poucie

02-01-2011, 02:35 PM

اهلا عيون هادو صغيويرتك ماشاء الله عليهم ربي يحفضهملك انشاء الله

عيون زوجي

02-01-2011, 02:35 PM

بوسي....حطيتلك صورة الصغار
لتجيك في خاطرك ووين بنلقوا بعض ساعة الولادة
حي اعليك انتي عاد بتحصلي في العياط وخلاص
المهم الاحد طمنيني وبشريني اوكي
ونستنى منك صورة روان
نستأذنكم بندير شوربه عدس خديت طريقتها من النت عجبتني
مادام الراجل مهناش بنديرها
لو حلوة بنخليله منها
لو لا
لا من شاف ولا من دري
ههههههههههههههههه
سلامي لكل الحبايب

عيون زوجي

02-01-2011, 02:36 PM

الله يسلمك يا بوسي ويخليلك روان واوخيها يلي في بطنك

poucie

02-01-2011, 02:37 PM

صحيتي عيون وياخد بخاطرك انشاء الله يوم الاحد انقولك بإذن الله وصحة شربة العدس

غرام الغالي

02-01-2011, 03:22 PM

سلام كيف حالكم بنوايت التجمع الكل
اموري الحمد لله و الحرقة في الليليل تحرم فيا من النوم و لله الحمد
ايمان
انت من بنغازي و انا منها و ان شاء اله ربي يرزقك
هرمون الاسترادول يطلبوا فيه قبل عملية التلقيح المجهري عادة و لو اني مش مذكرة امتى سالت عليه
لكنه هرمون مهم للدلالة على نضج البويضات و سلامتها و له حد معين حسب معايرة المعمل للاجهزة
عيون زوجي
صورة اصغارك الله ايخلهم يارب

ميمونة

02-01-2011, 03:29 PM

السلام عليكم

كيف حالكم

انا اخر اخباري حللت نسبة هرمون طلع ضعيف جدا جدا 1.77

وقالي ارجعي بعد 10 ايام وحللي من جديد لو مانزلتش الدوره

كان مازادش الهرمون بينزلولي الدوره او ممكن نستحق تنظيف لو فيه كيس بندير جهاز وربي يستر

ادعولي والله محتاجه دعوائكم

غرام الغالي

02-01-2011, 03:38 PM

ميمونة
كله بامر الله و ان شاء الله خير يارب

غرام الغالي

02-01-2011, 03:46 PM

عاشقة الصحراء
وينك اليوم
ام اسيل
حابة تعرف انت من بنغازي
ام لقمان
ان شاء الله امورك تمام

عاشقة الصحراء

02-01-2011, 04:28 PM

السلام عليكم ياحلوين .. شن الأخبار ؟؟؟
عيون كيف حالك اليوم وربي يخليلك صغارك يارب وصحتين على شوربة العدس ..
ميمونة كيف حالك حبيبتي ؟؟؟ انشالله خير وندعيلك من كل قلبي يعطيك ربي اللي في بالك ..
أم قصي الحبوبة كيف حالك اليوم وين ك؟؟؟
غرام الغالية شن جوك وشن أخبارك وصحيتي على سؤالك عليا ...
اليوم جوي مش تمام نهائيا ونحس في روحي فاااااااااااااااادة وليا 4 ايام نومي مش كويس وخاشة بعضها عندي اليوم ههههههههههههه ...
نسرينا وييييييييييييييييييييينك ؟؟؟
ميرنا شن أخبارك ؟؟؟

عيون زوجي

02-01-2011, 04:28 PM

ميمونه...ربي يعوض اعليك ما تزعليش
خليها على الله
غرام الغالي..سلامتك
حتى انا في حملي مرتين طول الحمل نعاني من الحموضه
ومانفعش معاها شي
بس فيه حوامل ماشي معاهم شروبو قافيسكون

ميراس

02-01-2011, 04:31 PM

السلام عليكم ياحلوين

عيون زوجي

02-01-2011, 04:31 PM

عاشقة البازين...كيف حالك ولاباس اعليك
من شنو جوك متعكرررررررررر

ميراس

02-01-2011, 04:31 PM

فى حدا ولا مكسدة

عيون زوجي

02-01-2011, 04:31 PM

ميراس...كيف حال الناشطة الرياضيه

عيون زوجي

02-01-2011, 04:33 PM

نحن هنا...
بس احتمال تغطيتنا تتشفر
حسب الجو عندي
وليدي بسلامته يلعب جنبي وفي اي لحظة يعيط

ميراس

02-01-2011, 04:33 PM

كيف حالك ياعيون

عاشقة الصحراء

02-01-2011, 04:34 PM

عيون صحيتي تسألي عالكل ونسيتي تسألي عليا ... باهي باهي دقيتك ههههههههههههه

ميراس

02-01-2011, 04:35 PM

امليحة بس اتوقعت روحى انوض امكسرة بس الحمد لله

عاشقة الصحراء

02-01-2011, 04:36 PM

سامحتك ياعيون لأني توا شفت مشاركتك هههههههههههههههههههه
والله ماني عارفة نحس في روحي مليت هلبا من الروتين خاطري نمشي لأي تركينة ولو يومين ويمكن من قلة النوم نحس في روحي متوترة على طول ...

عاشقة الصحراء

02-01-2011, 04:37 PM

ميراس شن أخبارك ؟؟؟

ميراس

02-01-2011, 04:38 PM

كيف حالك ياعاشقة انت منين وليش عاشقة البازين

عاشقة الصحراء

02-01-2011, 04:42 PM

الحمد لله ياميراس تشرفت بيك .. انا من طرابلس بس أصلي تارقية من الجنوب ...
والله ياستي قصتي مع البازين قصة جايتني عليه وخاطري فيه بنموت ومافي حد يعرف يديره زي ماخاطري فيه ( بطبيخة الفول ) احني في حوش اهلي مش هلبا نديروا فيه .. وعزوزتي سورية وينها ووين البازين .. وطلبت من البنات يقولولي طريقة الطبيخة امتع الفول لأني مانعرفهاش وذقتها مرة عند ناس وطبعاً للأسف البنات يا إما طنشوني أو مش فالحات وولا وحدة تعرفها ...
وقاعدة طبعا لتوا مأساتي مستمرة ونحلم بيه حتى في الحلم ههههههههههههه
بالك انتي تعرفي طريقتها ياميراس قوليلي ههههههههه

مع تحيات عاشقة البازين

عيون زوجي

02-01-2011, 04:44 PM

تعالي عندي يا عاشقه البازين انا مكسده زيك
بالك نفكروا في حل
بعيد عن الرجاله نمشوا بروحنا لاي مكان ونغيروا جو
على شرط تشدي معاي الصغار
نعطيك سارة لانها اعقل وهاديه اوكي
نستنى فيك
لاني مكسدة وحاسه بالدبريشن اكتر منك

عيون زوجي

02-01-2011, 04:46 PM

عليك وعلى ميرااااااااس هي ورفليه وضربت على صدره ادير بازين لميرنا

عاشقة الصحراء

02-01-2011, 04:50 PM

والله ماعندي مشكلة ياعيون ... ناخد السيارة ونجيك ...
تعرفي خاطري نمشي للحفرة وناكل حوت ومكرونة حلوين اممممممممممممممممم يديروا فيها حاجة مش عادية ..
ومن عيوني نشدهالك وكان فددونا بالعياط نشربوهم اكتفيد باش يرقدوا ههههههههههههه ( ياما درتها في اعراس بنات عمي ههههههههه ) يرقدوا زي الملايكة ونهيجوا احني ونغيروا جو ... وكان مشي حالنا نديروا كل يومين طلعة ... مع اني والله فادة ومالة من طرابلس وحفظتها بالشارع واحني الحمد لله من النوع اللي نطلعوا لكن الواحد يبي التغيير ..
تعرفي بعدين نمشوا نجربوا المطعم الصيني بنمووووووووووووووووت باش نمشيله ومافي حد يحب يغامر ويمشي معاي قالولي مانبوش ناكلو ديدان ...ههههههههه اني نبي نمشي باش نعيش الجو الصيني بس ومش على خاطر الماكلة يعني كان مشيت بنطلب طبق خضار مستحيل ناكل عندهم لحم ... هيا حبيبتي جهزي روحك الساعة 5 نكون عندك مش تعطلي راهو ايوا من توا كلاكس واحد نلقاك جنبي هههههههههههههه