تجمع حوامل ليبيا [الأرشيف] - الصفحة 2 - منتديات حوامل النسائية

ام لقمان

05-10-2010, 01:34 AM

السلام عليكم ياخواتى
انشالله احوالكم بخير
حبل الوصل ولا يهمك كل حاجه لها وقت وقبلها ما يصير شىء
سامحينى يا ساجده كتبتلك رد وفصلت عندى النت
اخبارى وصلت العد التنازلى وين ما تجى الليه انقول شكلها جديات
دعواتكم لى ولاخواتى بالسلامه
كان انحصل الولاده تتاخر على شان امتحانات الاولاد
وين نشبح التعب انقول ياريتها اليوم
المهم انشاله كلكم بخير
وتصبحوا على خير

ام لقمان

05-10-2010, 02:13 AM

انسيت ما قلتلكمش ان الطبيب قالى اميه البيبى اشويه ربى يستر ما رال الوقت والحكايه بدت اتخوف
ما تنسونيش من دعواتكم

ميرنا

05-10-2010, 07:58 AM

انى اليوم جتنى الدورةhwaml15 مصدومة مش وقتها بكللل نفسيتى صفر hwaml49اول مرة تقدم على موعدها المفروض تجى يوم 14 الله غالبhwaml79

حبل الوصل نفس ما قلتى الله غالب لى علينا انديروها والباقى على الله وانتى سلم اعويلتك والله لو انا فى مكانك ماتنزلى دمعة وعويلتى قدامى وربى انشالله يعطيك على قصد نيتك الطيبة *

ميرنا

05-10-2010, 08:34 AM

هاتو انشالله بسلمتك وبسلمت اخت راجلك بس اعتقد انك حاتحظريه الان البكرية اتكمل شهرها وتزيد واذا كان جبتى قبل الفرح ما اتخليها اتخش عليك وهى عروس لان نحن عندنا فى الشرق موش اكويس اتخش العروس على النفاس واسالى امك اذاكان موجودة ونصحكى وانتى مثل اختى ما تاخذى دور مرأة الابن المثالية فى الفرح اهم حاجة صحتك وصحت البيبى والاتقعدى تعرضى وانتى جايب يعطنها لك على طول البس محرمتك على راسك والبس توت اوروب دافى الله الله اتعرضى للهواء البارد وديرى روحك مريضة واصله حدك قدام الصبايا لانك لو تصير فيك حاجة وبعيد السواء عليك ولله والله ما يرحمنك يقعدن ايقولن ترفس وتطيار ماهى حاط فى الارض وتعرض وكل اشوى لبس حاجة واحدة ديريها لى ايخش يسلم عليك ويحمدلك على سلمتك سلمى عليه تسليمة حار وافرحى به واعطيه حجمه وقدريه بس من افراشك ماتصبيش واخيرا ربى يرعاك ويحرصك من العين

ميرنا

05-10-2010, 08:51 AM

[quote=ام لقمان;151161]انسيت ما قلتلكمش ان الطبيب قالى اميه البيبى اشويه ربى يستر ما رال الوقت والحكايه بدت اتخوف
ما تنسونيش من دعوا

ام لقمان
ربى يسلمك لعويلتك وانشالله ربى يفرحك بنجاحهم قولى امين
اما بنسبة لمية الجنين انتبيه حاولى ماتغيبى على عين الدكتورة اذا كان ذهبتى الى الدكتورة السبت عدى مرة اخرة يوم الثلاثا يعنى راقبى المية ماتغفليش عليها وربى امعك

ميرنا

05-10-2010, 09:50 AM

ام اسيل ام اسيل ام اسيل
حلفتك بالله ماتاخذى ابرة التفجير نين اتخشى على الدكتورة قبل بس قوليلى انتى ايش خاسر خشى عليها وشوفى الحجم انتى جايتيها يوم الخميس وكان عاشر يوم من الدورة و الحجم 15 واليوم الثلاثاء والله العظيم مافيك حاجة توة تلقيها 20 بس مرات ينفجرن بدون ابرة تفجير وماتلقيهنش لهذا نبيك اتاكدى قبل الابرة البويضة قاعدة او لا

// انخشولك على اسلوب المحاماة بمواجب قرار لجنة قيد التبويض رقم 15 لسنة 2010 والمعتمد من الدكتورة لى تعالج فى ام اسيل ومن امين اللجنة الشعبية العامة لطب ولعدل والامن والتوثيق تحت رقم 15 وعليه حكمت المحكمة على ام اسيل ضرورة التواجد اليوم فى العيادة لمتابعة حجم البويضة قبل الحكم بالاعدام على البويضة رقم 15 وقد حضر شخصيا كل من الطرف الاول ميرنا و حبل الوصل قاعدة تبكى وهاتو اتوتى فى روحها للفرح وام لقمان اتقرى فى اعويلتها وساجدة فى شهرها وباقى الاطراف نوم اصادق على صحة اقولى دون مسؤولية

حبل الوصل

05-10-2010, 10:27 AM

ههههههههههههههه ميرنا نجك لينا وخلاص

ام اسيل

05-10-2010, 11:31 AM

هههههههههههههههههههههههههوالله ياميرنا دمك خفيف واستنادا الاقوالك انا عديت امس لكتورة اخرى خاطي دكتورة يوم السبت وقالتلي عنجك بويضتين وحدة 15 ووحدة 14 يعني وجدة مازادتش وجدة زادت سموطبعا ما قلتلهش كنت عند دكتورة اخرى وقالتلي تعالي الثلاث في الظهر نشوفو اخرى بس انا لما لقيت انها مازادتش عرفت ان الموضوع فيه اني بس اليوم نايضة النفسية تمام حتى العمل ماعديتش قلت خليني مكسدة مع العيالhwaml12

ام اسيل

05-10-2010, 11:34 AM

ميرنا انتي بتدرسي حقوق من ورايا ولا أhwaml02يه

ام اسيل

05-10-2010, 11:44 AM

حبل الوصل ياسبهاوية ياقوية اليوم نبو نبدو بداية جديدة نكد ودموع امس حوليهن على جنب ومن اليوم عدي اشري ميرمية وبرقوش وابدي فيهن مع الدواء وان شاء الله مايصير الا اللي يسر خاطرك وانتي عارفة في موضوع الحمل اهم شي النفسية الحلوة وانا سامعة ان حتى المرأة الي ماتعاني من اي مشاكل نسبة الحمل في كل شهر من 25ال ى30% فااللي صار عادي وطبيعي وزي ماقتلك مرات التوخيرة هذي نعمة من رب العالمين لو حملت ها السهر كان ممكن يسقط مثلا لا قدر اللله واللي من ربي كله كويس هيا عاد اضحكي وخلي جوك حلو والله ايديا تعبن من كثر الكتيبة

حبل الوصل

05-10-2010, 12:03 PM

هههههههههه والله مافيه غيركم يريحنى ويخفف عليا الحمد لله على كل حال ونحاول ناخذ اعشاب لانى قرفتهم بس اليوم نبدا فيهم إن شاءالله نبي نمشي للمراة اللي تعالج مانعرفش انتم شن تسمو فيها اللي تحزمك وبعدين تعطيك أعشاب شن تنصحونى نمشي ولا لا

ام اسيل

05-10-2010, 12:30 PM

انا رايي عدي لدكتور كويس وشوفي شن يقولك بس لازم ثاني يوم الدورة عشان كان فيه علاج يعطيه لكي طبعا مع الاعشاب الي ما تضرش

ميرنا

05-11-2010, 08:56 AM

ام اسيل

05-11-2010, 03:43 PM

ام اسيل
تعرفى ليش البويضة ما كبرتش انتى عندك هرمون الحليب ديرى تحليل لهرمون الحليب واذا كان طبيعى يبقى زيدى جراعة المنشطات
ام اسيل كم اخذتى حبة اكلوميد وهل ركزتى على الكلوميد الاصلى الانجليزى او الفرنسوى حتى وهو غالى اشوية لكن يعطى نتيجة /// اما المصرى ما تقربيه بكل و كأنك تاخذى فى اميه ما فيش فائيدة
انا اخذ فى الكلوميد كل يوم حبة لمدة 9 ايام من اول يوم فى الدورة ومعه نولفادكس *ايظا كل يوم حبة لمدة 9 ايام مع مجفف هرمون الحليب واذا كان سيبت المجفف الحليب التبويض مايكبرش
ميرنا انا درت تحليل الحليب من خمس ايام طلع 27 والكلوميد الي ناخذ فيه توا شفته لقيته فرنساوي فيه عشر حبوب بتسعة جنيه ونص والنص قبل الجنيه وخذيت ثلاث حبات في اليوم منثاني يوم الدورة لمدة سبعة ايام والحبوب متاع التجفيف سيبتهن امس واليوم عديت الدكتورة لقت البويضتين وحدة 18 والاخرى 17 ونص وقالتلي كويس وعطتني الابرة وقالت خشى للفراش الاربععاء والخميس وانشاالله خير وانتي خذيتي ابرة ولا لا انشاء الله ها الشهر انا وياك وحبل الوصل كلنا توامة
و

ام لقمان

05-11-2010, 04:47 PM

السلام عليكم ورحمة الله وبركاته
كيف حالكم اليوم؟
وينك ياساجده شورك عملتيها من ورانا
كيف حالك ياميرنا؟
شكرا على المعلومات
ماتنسونى من الدعاء

ام اسيل

05-11-2010, 06:57 PM

ميرنا شنو النولفادوكس معطوشي ليا

ام اسيل

05-11-2010, 07:00 PM

ام لقمان
وين ها الغيبة ان شاء الله صحتك كويسة وما قلتينش الي عندك وليد ولابنية وشن اخبار السكر

ام اسيل

05-11-2010, 07:04 PM

حبل الوصل كيف حالك اليوم ابديتي في الاعشاب؟؟؟انا اليوم خذيت ابرة تفجيرية ادعولي

أحلام

05-11-2010, 07:25 PM

السلام عليكم
انا احلام من ليبيا من طرابلس واسكن بمصراته
حامل بنهاية الشهر الرابع اتابع عند الدكتورة نرجس
:)

تقبلوني معكم

ام اسيل

05-11-2010, 08:03 PM

اهلاااااااااااااااااا يااحلام نورتينا وانا عرب مصراته يعزو عليا لانهم خوالي اولا وعندي معاهم ذكريات حلوة وتوا قوليلنا كم لكي متزوجة بكرية ولا عندك عويلة وقالولك وليد ولا بنية hwaml7

ميرنا

05-11-2010, 09:04 PM

ام اسيل
روروروروروروروروروروى hwaml02
الف مبروك والله العظيم وما تشوفى فى فرحتلك كيف خيتى واعز وربى ايكمل عليك ان شاء الله وتحملى بتوم ابنية ووليد وبعدها ركبى لولب وفكين ياخيتى
والله الشهر لى يعدى ايعدى من عمرنا بس ما قلتيلى الدكتورة قالتلك الجماع من الامام ام من الخلف

ميرنا

05-11-2010, 09:18 PM

نولفادكس او nolvadex 10ملجم نوع من المنشطات لزيادة حجم البويضة يؤخذ مع الكلوميد
ام اسيل عليش وقفتى المجفف استمرى عليه الى يوم موعد الدورة اذا كان ماجتش وقفى لان اذاكان ارتفاع الحليب يمنع الحمل

ميرنا

05-11-2010, 09:27 PM

السلام عليكم
انا احلام من ليبيا من طرابلس واسكن بمصراته
حامل بنهاية الشهر الرابع اتابع عند الدكتورة نرجس
:)

تقبلوني معكم

مرحبتين بعرب مصراته آنستينا يااحلام وان شالله وجهك خير علينا وانشالله خشيتى علينا بالفرج hwaml7

ام اسيل

05-11-2010, 10:01 PM

خيتي ميرنا نجك ليا والله حتى انا نحس في روحي نعرفك من زماااااااااااااااااااااان بالنسبة للجماع ما قالتلي شي اصلا هي كانت محوتك تطلع في الكلام والمجفف هي قالتلي سيبيه النسبة كويسة والله ياميرنا انا مانبي نحط امل واجد الي كاتبةليا ربي انا راضية بيه وان شاء خير وووحم ليا ولكي ياعسل

حبل الوصل

05-11-2010, 10:04 PM

مرحبا أحلام نورتى التجمع وربي يسهل عليك

حبل الوصل

05-11-2010, 10:09 PM

حبل الوصل كيف حالك اليوم ابديتي في الاعشاب؟؟؟انا اليوم خذيت ابرة تفجيرية ادعولي
والله ماخذيت شي ماعندى نية في شي hwaml8ربي يسهلك وتحملي يااااااااااااارب وتجينا الشهر الجاي تعيطي تقولى الوحم تعبنىhwaml7

ام لقمان

05-12-2010, 03:26 AM

السلام عليكم
خواتى اليوم النفسيه عندى بشكل
طول الشهور الماضيه كنت صابره وراضيه اما اليوم تضايقت جدا
يعنى لمتى بنقعد راقده؟
الحكايه امتحانات الاداره مش عاجبها والناس الى تصيرله حاجه يبيك اتواصليه وخلى الحوش والعويله
الحق اليوم تضايقت واجد وارتفع سكرى بزياده
انحس فى روحى فى سجن وما عاجبنى شىء
ادعولى ايسهل على ربى ونجيب ونرتاح من هالصبر
شهرى خش ليه نهارين كانهم عامين
الايام الماضيه بديت انتحرك ومعاش انحس بالوقت نين طلعتنا حكاية الميه الى نقصت وانى لازم نرتاح
وتوا استودعكم الله وانشالله نسمع عنكم الاخبار الساره

ميرنا

05-12-2010, 07:17 AM

هاتو وصابرة وماسر وهنودة وساجدة بيارق وفاتينا حبل الوصل ام اسيل وام لقمان واحلام
تعالن وكل وحدة اتشوف راجالها
احسبى مجموع عدد اسمك مع اسمه
الناتج لى يطلع زيدى عليه (7)
و تسقطى المجموع 9 9
فأن بقى واحد فهو شخص واطئ ولا خير فيه
فأن بقى 2 فهو شخص طيب لاخوف منه
فأن بقى 3 فهو اوله وطئ واخره رديئ وياتى بعد الضيق الفرج
فأن بقى 4 فهو فيه قوة وتوفيق
فأن بقى 5 فهو بيت لجمع والبنين
فأن بقى 6 اوله طيب واخره هم وغم
فأن بقى 7 فهو بيت الفراش والسعد وهو غنى الطالب فى مقصده
فأن بقى 8 فهو بيت اللهو والمتعة
فأن بقى 9 فهو بيت الرحيل والنزاع والفرار

والله اعلم

ميرنا

05-12-2010, 07:42 AM

ام لقمان
ماتخافى ليش مزعوجة حاولى ماتخلى تفكيرك فى الامتحانات ولى فى بطنك
اطلعى منه الجو هذا وخليها على الله اهم حاجة صحتك بيش تقدرى تسعدى لى حذاك والعبى واضحكى وفرحى بيش اعويلتك ايشوفوك سعيدة اتريح نفسيتهم وعدى بكره لدكتورة شوفى الميه بيش تطمنى

ميرنا

05-12-2010, 08:05 AM

والله ماخذيت شي ماعندى نية في شي hwaml8ربي يسهلك وتحملي يااااااااااااارب وتجينا الشهر الجاي تعيطي تقولى الوحم تعبنىhwaml7

حبل الوصل
الله يربحك الله يربحك وينما كنتى ان ما جربتى طريقة الشاى

عرفتك النية منسده ولكن هذه الطريقة سهلة خوذى الشاى وحطيه على المبخرة 5 يوم الدورة وتكرارى العملية لمدة 3 ايام بدون جماع وبعد 3 ايام لازم يصير جماع
بالك توة تصدف امعك جربى مانك خاسره شى والله لو العويل ينشرو بالفلوس رانا دران جمعيات وشرينهم وفتكينا من هذه القصة ونحن من حاش تسلحى الفيلو وهن فى جرتك ها ايش صار عندك احملتى ولا مازال نين اتخشى فى دوامه وهن فى جرتك الله اتعطيهن ادعوا ايوه

ميرنا

05-12-2010, 08:16 AM

ام اسيل

مانوصيكش اه ماتعقبى جهدا عطيه على راس ها سبوع

ميرنا

05-12-2010, 08:26 AM

احلام

دكتورتك نرجس البيان انها دكتورة اكويس انا مرة قالتلى دكتورتى اذا كان تبى تزرعى اندزك لدكتورة نرجس فى مصراته
وايضا الدكتور محمد المحيشى درت عنده عملية منظار رحمى بس ما جيتش فى مصراته جيته فى طرابلس وانتى احملتى على طول لم اجوزتى وهل عندك اعويلة

حبل الوصل

05-12-2010, 12:49 PM

فأن بقى 7 فهو بيت الفراش والسعد وهو غنى الطالب فى مقصده
هذا اللي طلعلي ياميرنا

حبل الوصل

05-12-2010, 12:56 PM

حبل الوصل
الله يربحك الله يربحك وينما كنتى ان ما جربتى طريقة الشاى

عرفتك النية منسده ولكن هذه الطريقة سهلة خوذى الشاى وحطيه على المبخرة 5 يوم الدورة وتكرارى العملية لمدة 3 ايام بدون جماع وبعد 3 ايام لازم يصير جماع

بالك توة تصدف امعك جربى مانك خاسره شى والله لو العويل ينشرو بالفلوس رانا دران جمعيات وشرينهم وفتكينا من هذه القصة ونحن من حاش تسلحى الفيلو وهن فى جرتك ها ايش صار عندك احملتى ولا مازال نين اتخشى فى دوامه وهن فى جرتك الله اتعطيهن ادعوا ايوه

ان شاءالله تو نجربها على شانك يالغالية والله نحس فيكم قعدتو زى خواتى

حبل الوصل

05-12-2010, 01:01 PM

أم أسيل وينك اليوم استاحشناك

ام اسيل

05-12-2010, 01:35 PM

ام اسيل

مانوصيكش اه ماتعقبى جهدا عطيه على راس ها سبوع

ههههههههههههههههههه ماتحقيش فيا اليوم ماخشيتش واجد وواخذة اجازة اخرى نعطي فيه على راسه هههههههههه نجك ليا والله تهبلي ربي يرزقك يا حناطة التجمع

ام اسيل

05-12-2010, 01:54 PM

ام اسيل

05-12-2010, 01:59 PM

حيل الوصل شكرا على السؤال والله حتى انا نحس فيكم زي خواتي وعشان خاطرنا ماتقصريش في حق روحك ها الشهر واسمعي كلام ميرنا وان شاء الله ربي يوفقك

صابرة

05-12-2010, 03:24 PM

السلام عليكم
كيف حالكم يابنات
ومرحبا بأختنا أحلام ....وقوليلنا بكره ولا عندك صغار من قبل ومتى موعد الولادة

أم لقمان ربي ينوضك بالسلامة وانتي والبيبي ويسهل عليك ويفرج عليك ضيقتك..حتى انا زيك نفسيتي تاعبة لأبعد الحدود

حبل الوصل فرحينا بخبر حملك بعد الدورة هذه وقولي يارب انتي وميرنا

وينك يا ماسر ...ماتكونش جابت

منورين المنتدى يابنات ام اسيل وميرنا وهاتو وحبل الوصل وام لقمان..... والباقي وينهم

ميرنا

05-12-2010, 11:51 PM

انا وياه تسعة نزيدو عليهن سبعة المجموع 16 كيف نقصوا منا 99 ولا يمكن قصدك تسعة
عموما كان نقصو تسعة يطلعي سبعة

ام اسيل 16 كم فيها 9
طبعا 9 واحدة شوفى العدد الباقى كم الباقى 7
تعالى عند رقم 7 واقرى نصيبك

ام اسيل

05-12-2010, 11:56 PM

ميرنا شكله قشرة راسي غليضة والله مافهمت احسبيلي انت وقوليلي وخلاص

ام اسيل

05-12-2010, 11:59 PM

اه اه فهمت فهمت اوكي رقمي 7بيت السعد والفراش صح

ام اسيل

05-13-2010, 12:00 AM

ميرنا شن تشتغلي؟؟؟؟

ام اسيل

05-13-2010, 12:02 AM

تعرفو يابنات اليوم في بنغازي حمو ماعمري ماشفته اسمالله عا الحامل ههههههه

حبل الوصل

05-13-2010, 01:34 AM

حتى في سبها جو عجاج ونوو غير طبيعي يصلخ الوجه استغفر الله والله مشيت لبيت اماليا روحت حالة من النو الله يلطف علينا هالصيف

ام لقمان

05-13-2010, 03:09 AM

السلام عليكم ورحمة الله وبركاته
كيف حالكم ياحبابنا؟
انشاله كلكم بخير
وينك ياساجده؟
وشن اخبارك يا صابره يعنى عليش انتى متضايقه؟
اما ميرنا الله يتمم عليها ويبارك فيها اتغيرنا فى الجو ربى يعطيها كل خير
شكله الجو اماثر علينا وهالعجاج والسخونه زايده المشكله
طبعا ما ننصحكمش دائما خليكم مع نصائح ميرنا فانها الافضل
ربى ينولكم مافى بالكم

أحلام

05-13-2010, 02:22 PM

مرحبا من جديد

الله يسلمك على الترحيب الحااااااااااااااااار
وتوة بنجاوب على التحقيقات خخخخخ

متزوجة من 3 سنوات إلا شهر
حملت بعد عام وسبع شهور وبعدها اجهضت بالشهر الرابع
وبعدها حملت بعد عام والله يتمم لي وعلى كل الحوامل على خير وسلامة
بكرية .. ومازال ماشفتش جنس الجنين
أخر مرة مسيت كنت ببداية الرابع وماقدرتش نسأل
قلت خليه لين يبان كويس

وإللي من الله حياه الله

وبثثثثثثثثثثثثثثثثثث

ميرنا

05-13-2010, 03:52 PM

خير يا بنات
والله قولن لى جو اليوم جو عصبان عندى راجل اقريب يخلينى بلا عقل و ما نحكيلكن عل العجاج

ميرنا

05-13-2010, 04:11 PM

ميرنا شن تشتغلي؟؟؟؟

مدرسة ولكن احتيطى عام وقاعدة فى الحوش وراجلى هو لى وقع على
ونسكن فى شقة فوق اعربى بس منيش امعهم انجيهم مرات فى العشية وكلا يوم الجمعة راسمى الغداء عندهم وسالفتى وحدة شقتها اتصدر فى واحدة فوق منى وكلهن باعويلتن وانا نتفرج

ميرنا

05-13-2010, 04:45 PM

يابنات نعطيكن طريقة جولطىhwaml40 السوق بس ما تعطنش الطريقة مغير للى غالية عليكن خلنكن مميزات فى العائلة وليس مكر ( اكيد اتقولن عليك المكارة ) ههههه

المقادير : حليب جهينة ( 2 كوب)
السكر العادى وليس لناعم ( 5 ملاعق ) اوحسب مضاقك
علبة قشطة ( علبة واحدة )
كريمة شنتيه (2 ) يعنى ظرفين
لون الطعام لون لى تحبيه احمر او ازرق اواصفر ونكهة روح التوت اوجوز الهند او اى روح متوفر عندك

الطريقةhwaml40

تاخذى الباكوين كريمة الشنتيه وتضعيهم فى المظرب وتحطى عليهن 4ملاعق حليب وتضربى نين تصبح كريمة ولم ترفعى المشبكة امتع المضرب الكريم ادير السن فى جرتك
وبعدها تضعى القشطة وتضربيهن مع الكريمة ثم السكر ةالنكهة وبعدها الحليب والحليب افضل يكون امجمد اشوى واضربى لدرجة انك لو ميلتى الخلاط ماتنكب امعك الكريمة وبعدها قسمى الخليط فى صونيتين اوثلاث على حسب الون الى عندكhwaml40 صونية ديرى الكريمة التى فيها حمرة واحدة بيض نفس ماهى وحدة خضرة وحطيهن فى الثلاجة وبعد ما جمدن وزعيهن على حسب جوك خوذى كوب وحطى ملعقة من الصحن الابيض وملعقة من الصحن الكريمة الحمر وملعقة من الخضرة وهكذا وتزيين شورك رشى فوقه شوكالاتة مبشورة اوجوز هند

hwaml40hwaml40

أحلام

05-13-2010, 05:41 PM

مشكوووووووورة ياميرنا على الجيلاطي جونااااااااااااان

hatoo

05-14-2010, 12:57 AM

اهلين بسرعه مازالت ماقريت شنو صاير في التجمع لاني مستعجله ونورتي يا احلام التجمع

ميرنا

05-14-2010, 07:32 AM

هاتو

ان شالله خيييييييييييييييير وتجمع قلبنه دار مقعد

حبل الوصل

05-14-2010, 02:23 PM

السلام عليكم كيف حالكم اليوم جمعة مباركة عليكم جميعا
ميرنا شكرا على الجيلاطى تسلم ايدياتك
أم أسيل ليك وحشة وينك

ساجدة

05-14-2010, 03:50 PM

خيييييييييييييييييييير عليكمhwaml7......جمعة مباركة ان شاء الله .....والله وحشني التجمع وتهدريز امتاع التجمع والله انحس في روحي وسط هلي وفي بلاديhwaml93 ... وحشتيني يا ميرنا العسل...وكيف حالكن كلكن يااحلي صاحبات تجمع(ام لقمان_ام اسيل_حبل الوصل_هنوده_هاتو)وصابرة ان شاء الله علي خير وسلامة يارب ادعيلنا امعاك_وينك ياماسر زعما عملتيها وجبتي hwaml21ربي ايفرج عليك__

ساجدة

05-14-2010, 03:52 PM

وانستينا يااحلام ونورتي التجمع....

ساجدة

05-14-2010, 03:57 PM

يابنات اليوم الجمعة شن رايكن كل يوم نلتموا عند وحدة في العشية ونشربو القهوة عندها....لكن بعد انجيب نبي اتديرولي لمة

حبل الوصل

05-14-2010, 05:36 PM

فكرة حلوة ربي يقومك بالسلامة ونديرولك احلى لمة

ميرنا

05-14-2010, 06:53 PM

ايش اخبارك يا ساجودة وايش خبار ابنيتك انشالله بخير وايش داير فيكم العجاج والحمو فى ابريطانيا ههههههه
ساجودة انشالله بعد ما تجيبى ناخوذ تاكسى ونجوك بس ابشرط نبوك اديرينا عصيدة بسمن ورب على فكرة عندكم رب ولا انوصو ماسر اتجيب امعها وام اسيل قالت شورى المعصدة وحبل الوصل قالت فى جيبت ساجدة اموعدتها نبى انعصدلها انا فى لمة وبلنسبة لام لقمان قالت شورى الشاى وتيلها لعدلة امفارشها اتقعمز عليها اديرنا فى لمتك شاى بنعناع هاتو قالت شورى العوايز وبلنسبة لحلام قالت انا وساجدة ما بينش سلف ما عمرهش جاتنى واما الصابرة قالت كان لقيت لبسة توة انجى بس ياساجدة فى لمة كان عندك حاجة اتخافى عليها اتكسر ارفعيها راهم عويل ام اسيل وام لقمان مانحكيلك بكل شطنة حاجة غريبة والله امهاتم هوادى منيش عارف لمن طلعين

حبل الوصل

05-14-2010, 09:22 PM

هههههههههههههه احلى ميرنا والله نجك لينا يالغالية انا عليا الحلويات متع الشاهى ياساجدة اتفقنا

عيون زوجي

05-14-2010, 10:41 PM

السلام عليكم
انا عيون من طرابلس/ليبيا
هذا حملي التاني ربي يتممه على خيرررررررر
عندي بنت ربي يحفظها عمرها سنة وتوا حامل في اخر اسبوع في الخامس
حاليا مقيمه في المانيا مع زوجي تبعا لظروف العمل بس رح ارجع اولد في ليبيا بأذن الله لاني راجعه بأذن الله قبل رمضان
ياريت تعزموني عاللمة

عيون زوجي

05-14-2010, 10:42 PM

عرفوني بحالكم يا كروشات ليبيا لاني مو قادرة اتصفح 32 صفحه
الموجودات يعرفوني بحالهم ويقبلوني اخت عزيزة ليهم

حبل الوصل

05-14-2010, 11:00 PM

مرحبتين ياعيون منورة التجمع والله وربي يتمملك حملك على خير

ام اسيل

05-14-2010, 11:22 PM

ام اسيل

05-14-2010, 11:39 PM

ام اسيل

05-14-2010, 11:41 PM

حبل الوصل نجك لي يانشادة ياقريعتي طمنيني على اخبارك ان شاء الله بديتي في الاعشاب يارب توامة وتسمي طارق واسامة

عيون زوجي

05-14-2010, 11:46 PM

مشكورة ياحبل الوصل
بس انا حابة اعرف انتم من وين وفي اي شهر وبكربات ولا لا

ام اسيل

05-14-2010, 11:46 PM

مرحبتين يا عيون نورتي التجمع قولينا انت من اي مدينة وعندك وليد ولا بنية ان شاء الله تولدي بالسلامة وردي بالك من الطيارة في الاشهر الاخيرة يقولو صعبة شوية حاولي تستشيري دكتور قبل السفر

عيون زوجي

05-14-2010, 11:56 PM

هلا ام اسيل انا عرفت بحالي من البداية انا عندي بنت عمرها سنه ربي يخليهالي وحامل في اخر اسبوع في الخامس واخر زيارة لي للطبيبة كانت من شهر ونص تقريبا وقالت ان الجنين وليد ويارب يكون وليد باش نرتاح من الحمل مدة باهية ويكون عندي بنيه ووليد
انتي في اي شهر ومن وين بالزبط وشن عندك من صغار
للعلم في بنتي السنة يلي فاتت جبت في كلينكة النفط في 11يونيو/طرابلس

عيون زوجي

05-15-2010, 12:00 AM

hwaml83hwaml87hwaml87hwaml87

عيون زوجي

05-15-2010, 12:02 AM

حابه اسئل البنات يلي من طرابلس منو احسن دكتور او دكتورة نساء ممكن اتابع عنده وانا مطمنة علما بان حملي طبيعي ولله الحمد لكن الوحدة لازم اتابع عند اخصائي ثقة تحسبا لاي طارئ

ام اسيل

05-15-2010, 12:03 AM

حبيبتي انا من بنغازي وعندي بنية عمرها 8سنين ووليد عمره 5 سنين ومن ثلاث شهور مات الوليد الي في بطني في نهاية الرابع بعيد السو عليك يمكن من السكر وتوا واخذة كلوميد ونرجا في رحمة ربي يانطلع حامل ياتجيني الدورة ونشتغل مديرة مدرسة خاصة وليا قريب عشر سنين متزوجة وزوجي عصبي لكن حنين وعيالي شواطين كيف ما قالت ميرنا وكاني ناسية حاجة توا نقولها لكي مرة اخرى

عيون زوجي

05-15-2010, 12:04 AM

وينكم شكلكم رقدتوا من توا مازال الوقت والدنيا صيف خليكم شوية على خاطري انا اليوم قعده ضيفه ونبي من يرحب بيا ويهلل

عيون زوجي

05-15-2010, 12:16 AM

اوكي
بنمشي نرقد على حالي وانا زعلانه منكم ليا ساعه استنى ردودكم ومافيش حد عدل اعليا وانا اليوم اول مرة اخش تجمعكم واسجل في المنتدى اصلا على خاطركم بس
مش مهم لو تبوا ترضوني تلقوني غدوة انشاءالله
بنتي رقدت وهادي فرصتي انحط راسي ونرتاح وادعولي ما اتعبنيش الحموضة الليله
تصبحوا على خيرررررررررررر

حبل الوصل

05-15-2010, 12:52 AM

كله ولا زعلك عيون نشوفوك مرة ثانية في التجمع وانى من سبها متزوجة ليا 7 سنين وعندى بنت تو في شهر سبعة تخش ل 7 سنين ووليد عمره 5 سنين وتوة مش حامل لانه كان عندى هرمون الحليب وتعالجت منه ونستنى نحمل عن قريب قولى آمين
أم اسيل انا خذيت ميرامية وحلبة خلطة من الدكتور جابر القحطانى وناخذ في الاناناس وربي يقدم اللي فيه الخير وتو راجلى في طرابلس وانا عند اماليا

حبل الوصل

05-15-2010, 12:55 AM

خير يابنات والله وحشتني قعد التجمع ادمان كان ماخشيتش نفسيتي تتعب امس كنت عند هلي واليوم جمعة عند هل راجلي لكن مانحكيلكمش عل الحمو وووووووااااااااااااااااااووووووووو مش طبيعي hwaml15

حتى انا زيك كان ماخشيتش نحس فيه حاجة ناقصتنى وانى بالعكس الخميس مع هل راجلى والجمعة مع اماليا ههههههه وبالنسبة للحمو مااعتقدش فيه حد زينا في الحمو الله يستر في رمضان شنو بيصير فينا

ام اسيل

05-15-2010, 01:02 AM

حي علينا ياحبل الوصل راجلك امتا امروح نبوه ضروري الايام الجاية والاشن فايدة الاناناس والمبرامية ههههههههههه قوليله روح بسرعة بلا منا الشغل الي بره سبها

حبل الوصل

05-15-2010, 01:30 AM

ههههههههه لا ان شاءالله مايطول لانه عندنا مزرعة في طرابلس يبي يبيعها ويرد قالي 3 ايام ويرجع ربي يجيبه بالسلامة

ميرنا

05-15-2010, 09:39 AM

مرحبتين باعرب المانيا hwaml7 مرحبتين باعيون راجلها انستينا

ربى يتمم حملك على خير وتجيبى اوليد يوانس خيته شن قالولك امعك اوليد ولا ابنية
على فكرة قريتى اشروط دخول تجمع حوامل ليبيا
كان جبتى اوليد ام اسيل هى لى تختار الاسم راهى شاطرة فى اختيار الاسماء هيمو وما هيمو
وكان جبتى ابنية شور حبل الوصل هى لى تسميها وماتخافيش اسميها حلوة , حبل , خيط , كرينتو , سلك , كو ضى , وانتى تختارى
ههههههههههههههه معليش اه هذه الضيافة متعتنا بدل القهوة hwaml02

ميرنا

05-15-2010, 10:31 AM

ورقة من السجل المدانى
حوامل الشهر التاسع ( ماسر , ساجدة , الصابرة ,ام لقمان )
حوامل الشهر السادس ( هاتو )
حوامل الشهر الخامس (عيون زوجى )
حوامل الشهر الرابع ( احلام )
وحوامل الشهر الجاى ( ام اسيل , حبل الوصل , ميرنا )

طربلس ( ماسر , صابرة , بيارق )

سبها( حبل الوصل )

زليتن ( ام لقمان )

مصراتة ( احلام )

بنغازى ( ام اسيل , هاتو , هنودة )

درنة (ميرنا )

ابريطانيا ( ساجدة )

المانيا (عيون زوجى )
hwaml13

عيون زوجي

05-15-2010, 12:07 PM

السلااااااااااام عليكم
يا هلا بيكم
هلا بام اسيل وربي يخليلك صغارك ويعوضك خير في حملك ويرزقك بالحمل الشهر الجاي على قولة ميرنا ويخليلك راجلك ودوم حنين اعليك
حبل الوصل هلا وغلا وربي يرد راجلك من طرابلس بالسلامه هو والفليسات متاع المزرعه ويصير الحمل من اول ما يروح امين
هلا والله ميرنا الله يانسك انا عندي ابنيه وتوا الدكتورة قالت اوليد قولي يارب وعقبالك يارب مع اني ما عرفتش الا انك من درنه هلا بعرب درنه

عيون زوجي

05-15-2010, 12:08 PM

شن الجوووو عندك اليوم صقع ولا نوووووو

عيون زوجي

05-15-2010, 12:23 PM

وينكم يا بنات ولا موعد الكوجينه خلاص ما عادش فيه تهدريز لين ايطيب الغدي
انا اليوم ولله الحمد مرتاحه زوجي متغدي برا وانا مكسدة مع ابنيتي وخايفه اعليها لا خشة ولا طلعه لان الجوووووووو صقع هلبة ومغيم المطر جاية بعدين
نبي نسئلكم عن الاوزان مني يلي وزنها زاد هلبه مع الحمل

عيون زوجي

05-15-2010, 12:24 PM

الله غالب مافيش حد

عيون زوجي

05-15-2010, 12:47 PM

ياريت نعرف بس مواعيدكم امتى باش نتلاقوا مع بعض ونهدرزوا

حبل الوصل

05-15-2010, 12:57 PM

هلا عيون صحة ليكم حنى الجو نووو مانحكيلكش بكل
وربي يخليلك بنيتك ويرزقك بولد يطلعلك عيونك زى ولدى لانه الاولاد اصعب من البنات وانى مكسدة زيك الراجل مش قاعد وانا في حوش اماليا يعنى مفيش شغل والصغار برا البيت مع جدودهم

ام اسيل

05-15-2010, 01:03 PM

صباح الخير ياحلوات اليوم عندي عطلة وخذيته نووووم واليوم الجو حلو خير من امس عقبة لجو سبها ههههههههه بالنسبة للوزن انا اصلاوزني زايد يستر الله بعد نحمل شن يبي يصير حانقعد قنبلة انشاء الله عموما الايام هذينا بديت نخفف في الاكل وقاعدة نفكر ندير رجيم يمكن مش اكيدة وياعيون شكلك نشيطة مش كيفنا تنبلات هههههه وامتا مروحة ليبيا بالسلامة

ام اسيل

05-15-2010, 01:15 PM

اليوم حطيتلكم صورة سولي ام بطينة بيش تقولولي شن رايكم فيها اهم شي الي عندعا عريس يكون طويل وعيونه زرق ايوه باهي ماتزعلوش حتى كان عيونه سود ماشي اهم شي جيبه مليان (نبي نبدا في حركات العزايز من توا)

ام اسيل

05-15-2010, 05:07 PM

هذه الغناوي مهداة الى حبل الوصل بمناسبة سفر زوجها ربي يرجعه ليها بالسلامة عاجلا غير اجل وقبل موعد التبويض
(عندي عين علي غاليها لاترقد لا النوم يجيها)
(يا القلم اكتب عا الورقة يا القلم وقوللهم عليهم ننشد ونسلم )hwaml16

عيون زوجي

05-15-2010, 05:58 PM

السلاااااااااام عليكم
حبل الوصل الله يوصل حبل الوصال ويرد زوجك زي ما قالت ام اسيل قبل ايام الاباضة باش تولي حمولة الشهر الجاي انشاءالله
ونبوا زردة بيع الحوازة مش تاكليها بروحك
اما الولد نبيه ولد لكن هادي والله ندعي في صلاتي يجيني هادي لان بنتي بسلامتها تعبتني بلا نوم لا ليل ولا نهار وهي تعيط لين خشت 6شهور ويارب يطلعلي عاقل
ام اسيل بنيتك زي العسل ربي يخليها وعقبال يوم فرحتها وتشوفيها عروس يارب وعقبال ما تحملي وماعندكش سبله راجلك وجنب راسك

عيون زوجي

05-15-2010, 06:02 PM

انا مروحه بأذن الله قبل رمضان وبالكثيرنص رمضان يعني يا الشهر السابع يا بداية الثامن للحمل ويارب يسخرلنا الحال
والطيارات بدت اتخوف ربي يستر اعلينا ويردنا سالمين

عيون زوجي

05-15-2010, 06:03 PM

تصدقوا يا بنات الجنه بلا ناس ماتنداس
الجوووو هنا رهيب والمناظر فظيعه ومانحكيلكمش عالحرية والامان تقدري تتطلعي بعيلك بروحك تتدهوري وتشري قضيتك وتركبي قطار لان كل شي امان والطرق كلها اتهبل والناس لطيفه والمحلات اتجنن بس انحس في الكساد بلا اهل ولا اقارب رجعه لليبيا خير من كل شي هنا

ام اسيل

05-15-2010, 07:15 PM

عزيزتي عيون كانك تحلمي بوليد هادي فهذه امنية مستحيلة التحقيق على الاقل حسب خبرتي البسيطة انا ولدي كان هادي لين سكر السنة وبعدها عينك ما تشوف الا النور
وشكرا عا الدعوة الحلوة وراجلي احداي وان شاء الله انديروا المستورة

ام لقمان

05-15-2010, 07:44 PM

السلام عليكم ورحمة الله وبركاته
كيف حالكم ياخواتى
ومرحبتين بعيون وسامحينا لانى ما خشيتش امس والسبب انى ولله الحمد واكلتها
والبارح صارلى ضيق فى التنفس
المهم انعرفك على نفسى انا ام لقمان من زليتن ليبيا وانا فى بداية شهرى التاسع وموعدى
10-6 وهاليومين تاعبه اشوى طلب منى الطبيب ما انتحركش علشان امية العيل ناقصه ونراجى فى موعدى يوم الثلاثاء
ومتزوجه ليا 13 سنه ولدى الصغير عمره7 سنوات
دعواتك ربى يسهل عليا وعلى الجميع
سجوده امتى موعدك بالضبط؟
وين غبتى نحسابك درتيها
اما على اللمه انتم اولى بيها والله اتوسعوا فى خاطرى اكثر من القريبين وخاصه بعد هالحبسه

حبل الوصل

05-15-2010, 07:49 PM

شكرا ام اسيل وعيون وربي يخليلك بنتك وتفرحى فيها ويااااااارب هالشهر تكونى حامل
وينك ميرنا

عيون زوجي

05-15-2010, 09:27 PM

السلام عليكم
هلا ام لقمان انشاءالله تنوضي بالسلامة وماتخافيش حتى انا في بنتي نقصت امية الجنين لانها بدت تنزل معاي في اخر اسبوع من الثامن واضطروا يعطوني وجع صناعي اول يوم في التاسعوتقريبا كان اخر يوم في الثامن

عيون زوجي

05-15-2010, 09:31 PM

ام اسيل شدي حيلك اختي اتاخر حملها بعد ولدها حوالي 5سنوات ونصحوها بالاناناس لانه يساعد على تنشيط البويضات عليك بيه والميراميه ملعقة ميرامية في كاس اميه مغلي خليها ترتاح واشربيها عالريق مدة 20يوم ووقفي منها شهرين هادي خبرتي من اختي وخوذي 7حبات الحبة السوداء مع ملعقة عسل كل يوم وربي يرزقك بالعيل السليم

ساجدة

05-15-2010, 10:08 PM

خيرات يا عرب ليبيا....شن قصتكن كل ما انخش تطلعن وكل ما نطلع اتخشن ديرولي حل hwaml79 انا جهازي عاطل ومره مره نسرق في الجهاز من راجلي hwaml90 وندخل التجمع يعني ما انحصلش فلجهاز وربي عالم بحالي مريضة وعندي برد وكحة وزكمه وماناقص خير البلاد هنا مايعرفو الحمو بكل مطر مطر مطر hwaml75وصقع صقع صقع hwaml61

ساجدة

05-15-2010, 10:17 PM

سجودة سجودة وينك ياحبيبتي طولتي الغيبة والله وحشتينا نحسابوك جبتي
حلفتك بالله اول ماتجيك لية الجياب خشي التجمع وقوليينا عشان ندعولك وانت في اي شهر توا وياميرنا بالنسبة للعصيدة انا راني ما تعرفش نعصد ندير في العصيدة في الخلاط هههههههه خلو علي الموالح شاطرة فيهن وعلي شطانة العيال انا ولدي مش شيطان غير يقول للجن انزل ولا نرقالك قريب يهبلني

تسلمي يا خيتي وحتي انا ان شاء الله هدا اللي عابيه عليه تبي اتجيني الليه وقاعدة بروحي لاهلي ولاوسط بلادي اكيد ندخل التجمع وانعيط فيه وانتن تحملن العياط

ساجدة

05-15-2010, 10:27 PM

ام لقمان سامحيني يا حبيبتي معش رديت عليك لكن والله ماعندي جهاز ....انا ان شاءالله موعدي يوم 25-6 لكن مش عارفة وليد والاابنية هنا مايديروش في الصورة الافي الثالث والخامس بس ...وفي الخامس قالولي الكرعين امسكرات ما عرفوش...والله مش مهم اهم حاجة نبقي بخير وخاصة قاعده بروحي في هالغربة لا ام ولا اخت ما امعاي حد امفيت الله -سبحانه وتعالي-خير من كل شئ

عيون زوجي

05-15-2010, 10:41 PM

السلام عليكم
ماشاءالله ام لقمان وساجدة عن قريب تفتكوا من هالثقل والتعب عقبالي يارب ماانخش التاسع بالصحه والسلامه
وعقبال الولادة على خيرررررر وبالسلامه انشاءالله

ساجدة

05-15-2010, 11:25 PM

مششششششششششششششششششششكورة اختي عيون زوجها ومرحبتين واهلين وسهلين نورتيناhwaml7............

ام اسيل

05-15-2010, 11:34 PM

اهلييييييييييييييييين سجودة هلا والله حيا الله اي والله بعيد السو عليك ياخيتنا والله شاغلة بالي الغربة صعبة ولكن هانت عدى الواجد ومازال الشوية وانت شكلك تبي تجيبي غادي نحسابك توا تجي عا الجياب يس متخافيش انا مرات خالي تجيب غادي قالت تجيها ممرضة كل يوم بعد الجياب تساعدها ردي بالك من روحك وادفي كويس واشربي حاجات ساخنة وان شاء الله لاباس

ساجدة

05-15-2010, 11:36 PM

اسمعن يا صبايا لازم لازم اتديرن حلhwaml4hwaml4...... عشان انتلاقو مع بعضا في التجمع شن رأيكن انحددوا وقت معين انتلاقو فيه خير من لعبة القطوس والفار هذي اللي نلعبوا فيها......

ام اسيل

05-15-2010, 11:39 PM

تعرفي يا ساجدة عندي سلفتي توا حامل مسافرة لبريطانيا في شهر 7 عشان تجيب غادي قالت الجياب في ليبيا خطر مع انها تبلط في عيالها بلط حتى خياطة ما يخيطو فيها اهو كل راس وعليه حكمة

ساجدة

05-15-2010, 11:47 PM

تسلميلي يا خيتي ام اسيل....ان شاء الله انانبي انجيب هنا في بريطانيا عشان راجلي مازال يقرا وبعدين معش نقدر نركب الطيارة وما نقدرش نمشي وانسيبه....وزي ماقلتي هنا في وحدة اتجيك كل يوم بعد الولادة اسمها (المد وايف)يعني في اهتمام لكن والله ماكيف قعدة امك يلاك وهلك حاجة لكن اهو حتي هي اسمها جابت في بريطانيا

ام اسيل

05-15-2010, 11:52 PM

باهي يابنات تصبحن على خير نبي نرقد العيال ونرقد بكرة شغل

حبل الوصل

05-16-2010, 12:15 AM

خسارة مفيش حد وأم أسيل بترقد انا تو كيف روحت من بيت خالتى وطايحة عالنت نبي نكسد لكن شكله مفيش حد

حبل الوصل

05-16-2010, 12:23 AM

hwaml90hwaml90hwaml90hwaml90hwaml90hwaml90hwaml90 هذا من الكساد

عيون زوجي

05-16-2010, 12:25 AM

اهلين حبل الوصل احكيلي شن اخر الاخبار يلي هدرزتوا فيها في حوش خالتك كان تبيني نسايرك ولا انخش نرقد زي ام اسيل
ساجدة قداش عندك صغار من قبل هالحمل

ميرنا

05-16-2010, 10:57 AM

خير يابنات اليوم جتنى الدورة الله غالب

عاد العمر دون دلال الراس شب والعين انعمت

حبل الوصل

05-16-2010, 11:41 AM

الله غالب حبيبتى الله يعوض عليك ويرزقك بالحمل عاجلا غير اجلا

ام اسيل

05-16-2010, 01:19 PM

ميرنا الي من ربي كله كويس شن رايك تشوفي الدكتور علي الرابطي والله يشكرو فيه وبعدين انتي قلتي من كم يوم ان عندك تبويض كويس كنها نزلت بدري كل توخيرة فيها خيرة انا عارفة نفسيتك تعبانة لكن حطي في راسك الي كاتبه لكي ربي حايصير امغير زايد وانشالله مرزوقة ياربي حلفتك بالله ما تزعلي

عيون زوجي

05-16-2010, 02:47 PM

ميرنا انتي عندك اولاد من قبل ولا لاء
وقدر الله وماشاء فعل الشهر الجاي انشاءالله يصير حمل عليك بالاستغفار ليل ونهار هو الرزاق والوهااااب
معوضه يا اختي

حبل الوصل

05-16-2010, 03:39 PM

عيون شن اخبارك اليوم ان شاءالله تمام

عيون زوجي

05-16-2010, 04:38 PM

هلا بحبل الوصل انا حاشااااك تعبانه من الحموضه وخاصة درت غدايا كسكسي تعبتني اكتر
انتي شن اخبارك وحال صغيورتك

ميمــو بينــك

05-16-2010, 05:35 PM

http://forum.hwaml.com/t17501-2.html#post161270 (http://forum.hwaml.com/t17501-2.html#post161270)

تجمــــع للــي يجهــزوا للبيــبي
حيااااكـم افيدينا واستفيدي ^_^

عيون زوجي

05-16-2010, 05:59 PM

التجهيز للبيبي يبدا من الشهر السابع افضل
بالنسبالي مازال شهر

ميرنا

05-16-2010, 06:46 PM

ميرنا انتي عندك اولاد من قبل ولا لاء
وقدر الله وماشاء فعل الشهر الجاي انشاءالله يصير حمل عليك بالاستغفار ليل ونهار هو الرزاق والوهااااب
معوضه يا اختي

اختى اعيون
انا كسرت روحى اباروحى عندما اجوزت كانت رقيقة وما قعدت شهر عند راجلى نين احملت وسقمت وقعدت عطية لرويحتى وكل يوم انزيد سمحة منيش عارف كيف صار فى طول وعرض وابيض وشعرى كان نتوفة اصبح اتقول حرير وطول ونعدى24ساعة فى الكوفير وها لحنة اتحول حنة انركب الاخرة وراجلى خايف على ما خلنى نحضر ولا مناسبة وعندما خشيت الشهر التاسع من حاملى نحضرلك فرح ولد جارنا واول مناسبة نحضرها فى الشارع ويريتنى امغير جيت وقعمزت الا ماشية جاية على الحمام مرة نسقم فى اشعرى ومرة مكياجى ومانى جيب من هالدنيا علم يادنيا مافيك الانا وتجينى عمتى يبنيتى اقرى سورة على روحك وصبيتى اتقولى اقرى الموعوذات ولا ماعدلت ثانى يوم الفرح انجيب اوليد يلتف عليه حبل السرة وتوفية ومنها بدات ماساتى وبعدها انجبت بنت فى راسها ماء وعاشت 4شهور وتوفيت وبعدها اصبحت كل ما احمل اجهض وصلت الى 4 اجهضات واخر شى عملته درت عملية منظار عند محمد المحيشى ولى الان 7شهور داير العملية ولم احمل وعادت هذك السمحة وتوة اتحقينى نضحك ونلعب انغطى فى قهرتى على راجلى لى اكويس وعربى لكويسين وين مانسمعهم يبو يخطبولة انموت من حسرتى على روحى ايقولو لى كيفك مانلقوش لاكان الله غالب ولدنا نبوله اعيال سامحين و انا يتيم وما عندى وين نمشى الله يكون فى عونى وانا بينى وبين نفسى انقول بالك توة نحمل الشهر هذا ولله شكلها جيتنى جيتنى ربى يعطينى بس الصبر والعزم مانبى شى اكثر من هاك

ام اسيل

05-16-2010, 07:39 PM

[COLOR="DarkSlateGray"]حبيبتي ميرنا كلامك كله حسرة والله النفسية هذي مش كويسة للحمل وانت حملت من قبل ومازلت صغيرة وعندك كم فرصة اه حاجة النفسية وشوفي دكتور كويس (وقل لن يصيبكم الا ما كتب الله لكم) وان شاء حمل قريب يارب غير انتي اسعي وربي معاك ان شاء الله[OLOR]

عيون زوجي

05-16-2010, 09:20 PM

ميرنا حبيبتي والله قلبي اتعصر على قصتك العين حق يقولوا تتدخل الجمل الى القدر والرجل الى القبر
وماتخافيش ربي كبير وهو الرزاق والحنان والعاطي
انا في غربه ودعاء الغريب بأذن الله مستجاب رح ندعيلك وانتي من جهتك ما تقصريش استغفري الله ليل ونهار وقيمي الليل ولو بركعتين بعد العشاء
وخليك واقفه لروحك وخليك سمحه والصغار سيوره ايجوا وحلويين زيك
وديري ودن من طين وودن من عجين لكلام الناس وما تستلميش للياس ولا لكلام الحساااد
خلي قلبك متعلق بالله وتوكلي اعليه وراجلك اعطيه الوجه الحلو يلي تقدري بيه تشديه ليك طول العمر ويارب ما يفرقكم ويرزقك بالذرية الصالحه

عيون زوجي

05-16-2010, 10:53 PM

وينكم يا بناااااااااات
مافيش مرة نتلاقوا مع بعض كلنا

ام اسيل

05-16-2010, 11:06 PM

خير ياعيون صحتين عاالكسكسو كويس والله لقيتيه في المانيا واية حاجة فيها سميد تدير حموضة افطني انتي في اي مدينة في المانيا

ام اسيل

05-16-2010, 11:07 PM

حبل الوصل وينك التجمع من غيرك مكسد شكله راجلكم جا ياعرب سبها

حبل الوصل

05-17-2010, 12:24 AM

لا مازال ماجا كل يوم يقول بكرة انتم كيفكم ياوخياتى استاحشتكم انى مكنتش في البيت تو كيف رديت وماعنديش نت كويس ميرنا ربي يكون في عونك ويرزقك بالذرية الصالحة انتى احمدى ربك انه فيه امل تجيبي لانك جبتى قبل وان شاءالله اللى ماتو واللى رميتيهم خزين آخرة يشفعولك يوم القيامة تعرفي عندى بنت عمى متزوجة ليها 10سنين اواكثر وماعندهاش صغار وماحملتش ولامرة وراجلها بيتزوج لكن نحس فيها نفسيتها تمام ومهتمة من روحها بالعكس الله يرزقك بالذرية عن قريب والله ندعيلك من كل قلبي لانى والله حبيتكم وبالاخص انتى وأم أسيل نحس فيكم زى خواتى

عيون زوجي

05-17-2010, 12:34 AM

هلا ام اسيل وحبل الوصل كيف حالكم توا
انا في مدينه اسمها بون في المانيا والكسكسي موجود في المحلات العربيه بس غالي ممكن الكيلو التونسي ب5دينار ليبي لكن امي ربي يخليهالي بعتتلي كل الحاجات الليبية يلي نبيها من اسبوعين عن طريق الشحن

حبل الوصل

05-17-2010, 12:41 AM

هلا عيون ربي يخليلك امك تعرفى انى مانحبش الكسكسي بكل حاشا نعمة ربي والحمد لله حتى راجلى مايحباش لكن الصغار يموتو عليه

حبل الوصل

05-17-2010, 12:50 AM

تصبحوا على خير النت مش كويس اليوم

ام لقمان

05-17-2010, 04:18 AM

السلام عليكم اختى ميرنا بعد ما قريت قصتك ننصحك بالرقيه دورى حد فاهم ايساعدك وصدقينى انشالله خير دعواتى ليك من قلبى

ام لقمان

05-17-2010, 04:45 AM

سلامى للجميع ودعواتى ليكن
انا انراجى فى الفجر ياريت نتفقوا ندعوا كل يوم لوحده منا تتلاقى الدعوات لنفس الشخص
ورحمة ربى واسعه
ونقترح نبدوا بميرنا ندعولها بعد كل صلاة
وبعدين ديروا طابور
شنى رايكم؟

عيون زوجي

05-17-2010, 10:20 AM

صباااااااااااااح الخيراااااااااااااااات

عيون زوجي

05-17-2010, 02:35 PM

من الصبح لتوا ما خش حد شن هالكسل يلا انشطوووووووووا
في الليل ما الاقيكم ولا حتى في النهاااااااااار

ام اسيل

05-17-2010, 07:46 PM

ام اسيل

05-17-2010, 08:06 PM

قصة حياتي اليوم
اليوم نضت موخر الساعة تسعة (طبعا مديرة محد يقدر يكلمني ههههه)توا نخصم علي روحي عشرة دينار ماتزعلوش الحق حق .لكن سبب التخير اني امس مارقدتش اكويس يابنات تصيرلي حالة غريبة في الليل مرا نحما لدرجة نقعد مش طايقة دبشي ومرة نسقع لين نتغطا ببطانية خطرت عليا الهبات الساخنة الي تجي للوحدة الي كيف منقطعة عليها الدورة اصلا كانت تجي لامي والله الحالة هذي لها ثلاثة ايام زعمة الدورة تبي تنقطع عليا ولاشنو ياخياتي انظني مازلت صغيرة عمري 32 سنة والله ماني عارفة .المهم روحت من المدرسة وانا مروحة قايليلي علي سوق قلت نعدي نشوفه وعديت من طريق جديدة اول مرة نمشي منها وانا ماشية في امان الله نلقى عرم سيارات هادات عليا ويديرولي في الضوايا ويبيبو وانا ياساتر نقول هضوما كنهم اخيرا فهمت اني ماشية في الطريق بالعكس لكن والله ربي ستر قريب رحت فيها وتعجنت .وبعد ها الفجعة روحت على طول وما قلتها لراجلي بكل بعدها يفتحلي اسطوانة الغشم الي لها اول ومالهاش اخر وطيبت الغداء درت مكرونة بالباشمل وكاليلوني بالخضرة ودجاج مقلي يعني فشيت غلي في التطييب ودقيتها دقة باهية ودزيت البنت لعمتها والعيل عدا للنادي يدرب عا الخيل وانا رقدت هضا وين نضت . وتوتا توتا خلصت الحدوتة حلوة ولا منتوتةhwaml02

حبل الوصل

05-17-2010, 08:41 PM

خير ياخياتي . ميرنا اليوم ما خشتش شكله النفسية متلخبطة النبي خشي التجمع وطمنينا عليك ياحبيبتي . ام لقمان لاباس عليك والله شكلها الجيبة قربت ربي ينوضك بالسلامة . عيون نشيطة التجمع والله عندك حق نحنا كسلانات لكن الشغل الله غالب . حبيبيتي وخيتي الي من غير منشوفها حبيتها وخشت خاطري من جوة (حبل الوصل) احلى سبهاوية على وجه الارض كيف حالك اليوم وحال الصغار ردي بالك منهم ومعش تضربي الوليد . اه من قالي انك ضربتيه ؟ العصفورة ههههههه اصلي انا اليوم ضاربة ولدي وبعدين والله وجعني لكن شيطان الله غالب قهرني
خيرات واجدات عليك ياأحلى وخية والله القلوب عند بعضها كيف عرفتى إنى ضاربة الولد والله صدقتى لكنه على قولتك شيطان لكن بعد نضربه يوجعنى اليوم كنت في العيادة رافعة البنت لدكتور الاسنان وانى معدتى توجع فيا عاينت وروحت وتوة نستنى في الراجل اهو جاي في الطريق ربي يجيبه بالسلامة وبالنسبة للهبات اللي تجيك حتى انى مرة جتنى وخفت زيك لكن ماعتقدش انه هذا السبب

ام اسيل

05-17-2010, 08:44 PM

ههههههههه والله ياحبل الوصل الصورة الي حطيتبها كنت امس نبي نحطها وخزنتها عا الكمبيوتر وبعدين قلت نحط صورة التوامة بيش نتفاول لروحي توارد خواطر

حبل الوصل

05-17-2010, 08:47 PM

ميرنااااااااااااااااااااااااااااا وينننننننننننننننننننننننننننننك استاحشناك يانوارة التجمعhwaml96hwaml84hwaml88

حبل الوصل

05-17-2010, 08:50 PM

سبحان الله واللي انتى حاطتها كنت نبي نحطها بعدين قلت يلا نغيرها هههههههههه

ام اسيل

05-17-2010, 08:52 PM

حبل الوصل ان شاءراجلك يروح بالسلامة قوليلي امتا موعد التبويض وتبي تعدي لدكتورة بيش تاخذي يبرة ولا تبي تخليها على الله ونبي نسألك على اعراض ابرة التفجير تدير في زعمة كبد ولا انا الي نتوهم

حبل الوصل

05-17-2010, 08:59 PM

انى اليوم يكون تاسع يوم من الدورة وبكرة إن شاءالله بنمشي للدكتورة وبخصوص الابرة ماحسيت بعدها الابوجع في الحزام بشكل غريب اول مرة نحسه

ام اسيل

05-17-2010, 09:16 PM

يالا ان ان شاء الله خير وتفرحي راجلك وعويلتك بوليد ولابنة اكيدة عرب سبها يقولو عليك بنكيك (دلوعة) جايبةغير 2 اثنين وخلاص تحساب روحها في امريكا قاعدة . اصله هضا الكلام الي يقولو فيه عليا لكن انا منعدلش وديمة نقول اصلة راجلي قالي انت سادتني الحمد لله يارب يرزقني انا ويالك وميرنا ها الشهر يارب بجاه النبي وتوا باي اصلي نبي ننزل لحوش عمي من يوم الجمعة ماشفتهم وانتي عدي وتي روحك اراجلك تدلعيه اليوم عاد مانوصيكش باي يابنات كان ركبت من لوطة بدري توا نحل وكان هضا بكرة

عيون زوجي

05-17-2010, 10:05 PM

عيون زوجي

05-17-2010, 10:11 PM

حبل الوصل يا حلوة لازم توا توتي روحيتك وتوقفي لعمرك ونعطيك نصيحة حلوة ومجربه
قبل كل شي تاخدي شاور اسخون يعني اميه يا ذوب متحملتيها وخلي الحمام كله بخار واغسلي من شامبو وبلسم معطرين ريحتهم حلوة
ونشفي نص تنشيف يعني قعده شبه مبلوله حطي زيت اطفال جونسون ادهني جسمك كامل وبعدين رشي بودرة معطرة على كل الجسم واطلعي وانتي ملفوفه بالروب كويس اهم شي تقعدي دافيه تكوني موتيه البخارة بخري ببخور كويس تكوني شارتيه غالي للامور الخاصة والبسي طول وحطي ريحة
تقعد ريحتك اتجنن وتخبل راجلك والجسم الدافي يزيد الرغبه الجنسيه ويحليها
ماتنسيش الحلوة واللازم منه
وادعيلي لما تتم الامور كانك عروس

عيون زوجي

05-17-2010, 10:13 PM

ميرنا خلي ايمانك كبير وتوكلك على الله كبير وما اديري شي في بالك النفسيه التعبانه ماتحققش المراد
ام لقمان هلا بيك مع اني قعده ما تعرفتش بيك
ساجدة ربي يقومك بالسلامة ويعينك عالغربه زيني

عيون زوجي

05-17-2010, 10:14 PM

تشووووووووووووووس
باي بالالماني

عيون زوجي

05-18-2010, 12:41 AM

تصبحوووووووووووون على خيررررررر

عيون زوجي

05-18-2010, 10:39 AM

صبااااااااااااح الخيررررررررررر
لا حس ولا خبر
انا كنت مشتركة في منتدى سعودي وكنت لما ارجع تاني يوم الاقي مابين 5 الى 10صفحات مشاركات وما احكليكم على مشاركاااات النهار بي هنا اغيب بالساعت ما الاقي صفحه زايدة
يلا شدوا الهمه يا بنات وخلينا نفضفض مع بعض ونشاور بعض لاش هالبخل والكسل في المشاركات

عيون زوجي

05-18-2010, 01:10 PM

hwaml15
hwaml4
hwaml5
hwaml16

حبل الوصل

05-18-2010, 05:11 PM

كيف حالكم اليوم انى عندى موعد مع الدكتور نبي نشوف كان فيه تبويض ولا مافيش ادعولي يابنات

خولة

05-18-2010, 05:44 PM

يا مرحبا ببنات بلادي ...أن شالله ربي يوفق الكل و يعطيكن اللي في بالكن ..أمين ..بس دعواتكن أن يتم حملي علي خير ..

ام اسيل

05-18-2010, 08:45 PM

خيرات ياحلوات : اليوم ميرنا زعلانة وما خشت بكل وعيون زعلانة من الكسل متاعنا وعندها حق والله ياعيون تقول عطو التجمع متاعنا عين كان كله نشاط ومرح لكن الي صارله صارله لكن معوضة توا غير نحملو انا وميرنا وحبل الوصل ونوركم النشاط ثلاث شهور نوم ههههههههه

ام اسيل

05-18-2010, 08:49 PM

يامراحب بخولة نورتينا اهلا بيك اخت عزيزة بينا وتوا لازم تقرير مفصل للتعريف بيك اولا كم لكي متزوجة ؟وبكرية ولا لا ومن اي مدينة وشن تشتغلي وكان فيه معلومة من عندك قوليها عادي انا شخصيا نحب القصقصة

ام اسيل

05-18-2010, 08:52 PM

ااوخيتي حبل الوصل انا اليوم مش حا نرقد لين نطمن شن صار معاك ان شاء الله 2ولا 3 يارب ونشوفك وانت حايسة في الصغار يارب يرزقك الذرية الصالحة يارب

ام اسيل

05-18-2010, 08:59 PM

يابنات انا والله مازلت تعبانة الهبات الساخنة الي قلتلكم عليهن مازالن يجني وظهري من لوطة واجعني وخايفة ناخذ حتى مسكن قلت مرات نقعد حامل ياربي مش عارفة بس يجي امتى اخر الشهر بيش نعرف روحي حامل ولا لا يارب يارب والله خاطري في بيبي والمشكلة مش قادرة نحكي لحد نبي نبين روحي عادي حتى لراجلي والله ما عندي لمن نفضفض الا ليكم ادعولي انا وكل مشتاقة يارب تعرفو نحس باعراض غريبة ونرد نقول بالش وهم ياهبلة ياريت الايام يمرن بسرعة

ام اسيل

05-18-2010, 09:03 PM

السلام عليكم
ماشاءالله لما غبت خشيتوا جري باهي باهي متفقين اعليا انتم الزوز
ام اسيل خيرك مع الوليد ربي يخليه وسعي بالك
وشهيتيني بالمكرونه بالبيشاميل وانا حامل وين نلقاك وقت الولادة كان جت في بالي وقعدت انعيط ونقول نبيها من ايد ام اسيل دبري راسك وتيها وحطيها في الفريز وكان جتني في الوجع انخش النت نعطيك عنوان العيادة وانتي ابعتيها

وراس خيتي كان جاخاطرك فيها وقت الجياب نطيبها ونجيك انا وياها في الطيارة طرابلس ساعة في الطيارة اتفقنا باهي غير انت روحي بالسلامة والباقي ساهل

حبل الوصل

05-18-2010, 11:23 PM

اهلين بوخيتنا خولة مرحبتين بيك نورتينا ونستنو في التقرير
أم أسيل انى تو كيف روحت من الدكتورة قالتلى البويضة صغيرة واااااجد تعرفي انخنقت وماعرفت كيف ندير وراجلى اول ماجيته قعد يقصقص مالقيت مانقوله كان يستنى انى نبشره ببويضة ولااثنين والله تو نكتبلكم ونبكى والله متمنيتك يالاي بيش نحكيلك لانى ارتحتلك ونحس في حالتى زي حالتك

حبل الوصل

05-19-2010, 12:13 AM

ياااااااااااااااااااااااااااااااارب إن شاءالله وخيتى أم أسيل تكون حامل هالشهر ياااااااااااااااااااااااااااارب

ميرنا

05-19-2010, 07:48 AM

مرحبتين يابنات
نبدو بام اسيل ايش ها لبشاير الحلوة والله فرحتينى ان شاء الله حامل ياااارب بس مانوصيك امشى بشوية وما ترفعيش حاجة ثقيل حتى اعويلتك ماترفعيهمش وامنعى الجماع وما تكثريش الحمامات بلماء الساخن لان عندك اعراض حمل والله اعلم الم الظهر وزعم الكبد ويارب ان شاءالله توم

حبل الوصل الدكتورة ما قالتلكش كم الحجم وهل انتى عندك هرمون الحليب لانه هوالوحيد الذى يخلى البويضة تطلع وماتكبرش وانا انقولك ردى على الدكتورة بعد ثالاث ايام وشوفى كبرت البويضة ولا لاء طبعا انتى ماخذتيش اكلوميد لهذا اكيد بويضتك مع الكلوميد يصبحن اكويسات

الحبيبة عيون راجلها ايش اخبارك واخبار النونو والله سهفتين على المانيا جيت الراجلى وقلت له عليك ماحلات فى المانيا عندى صاحبتى تحكيلنا عليها اشوى واقالى اه صدقت بكره اوعى بدرى وانمشولها ما فطنت لكلامه خذيت مخده وخبطته بها نمشولها اه

ميرنا

05-19-2010, 08:17 AM

خولة
انستى وشرفتى تجمع اللمة وشاهى ولوز
اختى ربى يتمم حملك على خير وما تخافى بس انا انصحك تذهبى الى دكتورة ثانية وتشوفى هل علاج تجلط الدم اسبرين فقط او فى علاج اخر والدكتورة الاولى نسيت منكثرة الزحمه لانى انا اجهض والدكتورة محمد المحيشى اخبرنى ان احتمال الاجهض بسبب تجلط الدم فى المشيمة وعندما احمل مرة ثانية اخذا الاتي :
اسبرين اطفال و ابرة الائبرين او الاهيبرين كل يوم ابرة تحت الجلد الى الشعر التاسع ومثبت حمل البوس

اختى خولة اكيد حتى انتى هذا علاجك

ميرنا

05-19-2010, 08:23 AM

صابرة

ماسر

ساجدة

وييييييييييييييييييين ايش صار فى العصيدة

ميرنا

05-19-2010, 08:32 AM

ام لقمان

الله يجعل حياتك مثل البلسم ويفرحك بلى فى خاطرك يااااااااااارب

حبل الوصل

05-19-2010, 09:44 AM

اهلين ومرحبتين ميرنا ويييين هالغيبة والله استاحشناك وااااااجد
بالنسبه للبويضة حجمها 9 الى 10
وماعندى نية نمشي وين
راجلى يقول الشهر الجاى نطلعو برة وخلاص
نبي نسألكم عندى حساسية من تحت شنو افضل
علاج والله حكة غريبة وماهواش وقتها بالله عليكم
اللى تعرف علاج سريع ليها نبيه اليوم ضروري ياوخياتى

ميرنا

05-19-2010, 10:37 AM

حبل الوصل
عليكى بالفلاجيل 500 جرام حباتان كل يوم لمدة 10 ايام والاستنجاء بالماء الساخن والشيح عشبة الشيح تعرفيها ولا
اما التبويض انتى لم تاخذى اكلوميد وهذا تبويضك اكويس والحجم فى اليوم العاشر من الدورة 9/ 10 معناه فى اليوم الرابع عشر 14 من الدورة اكيد حايزيد الحجم ويبقى مناسب ماتقلقيش واطمانى

حبل الوصل

05-19-2010, 10:50 AM

مشكورة ميرنا والله طمنتينى وريحتى بالى الله ينولك مرادك إن شاءالله

ام اسيل

05-19-2010, 04:59 PM

خيتي ام الوصل ياحبيبتي ماتزعلي بكل اولا انت عندك شوية اهمال لان من قبل عندك الحليب مرتفع لازم تديري تحليل بيش يعدلولك جرعة الدواء وبعدين لازم تاخذي كلوميد يساعد في التبويض عموما شكله دكتورتك مش شاطرة واجد وفكرة برة هذي مالهاش لزمة لان مافيك شي انا نقول غير غيري الدكتورة تو تلقي روحك ها الشهر ولا الي بعده حامل لإذن الله وقولي قالتها ام اسيل وبالنسبة للحكة ديري زي ما قالتك ميرنا ولا اسألي الصيدلية لان مش وقتها بكل انت عارفة توا وقت شنو ههههههههههه وبعدين اتا نعرفك قوية ليش البكا اولا عنك عويلة ربي يخليهم لكي وثانبا الي كاتبه ربي يصير ماتزعلي بكل وانا قتلك ها الشهر هضا ولا الي بعده حامل باذن الله غير ديري الي قتلك عليه

ام اسيل

05-19-2010, 05:12 PM

ميييييييييرنااااااااااااااااا تي وين ها الغيبة اليوم نحس في نفسيك كويسة نبوك ديمة في احسن حالة حناطة التجمع والنبي ياخيتي نبيك ما تنبلي عا الدكاترة بكل وغير عدي لعلي الرابطي والله يشكرو فيه .والله انت وحبل الوصل كان ما حملتن ها الشهرين خوذن مني الي تبوها راني مرابطة .والله انت وحبل الوصل خشيتن خاطري من جوة وديمة نفكر فيكن وشاغلاتني يارب ارزقنا نحنا الثلاثة مع بعضنا لكت بشرط اللمة نديروها في يوم واحد مع بعضنا والشرط في بنغازي مع ان المسافة بعيدة عا السبهاويه لكن لازم تجي .لمة وحدة وكل وحدة تدير حاجة اتفقتاhwaml7

حبل الوصل

05-19-2010, 05:13 PM

ربي يخليكم لي يااحلى خوات في الدنيا مش عارفة بلاكم كيف ندير

ام اسيل

05-19-2010, 05:19 PM

يخلينا ربي لبعضنا ويرزقنا ان شاء الله ياحبيبتي واسمهي الكلام وعدي لدكتورة كويسة اليوم 13 تشوف البويضة بيش كانهي كويسة تعطيك ابرة تفجير عشان خاطري وديري تحليل الحليب وشوفي قصة ها الحكة راهي تتطور لا قدر الله لان المنطقة حساسة

حبل الوصل

05-19-2010, 05:20 PM

إن شاءالله يسمع منك ربي والله حتى لوماحملت هالشهر ولقيتك انتى ولاميرنا حوامل والله والله والله بنفرحلكم من كل قلبي

حبل الوصل

05-19-2010, 05:31 PM

تعرفي أنى راجلى كاين يدرس في بنغازي وديما يقول نبي نمشي ندير زيارة لاصحابي في بنغازى وانى نقوله لازم ترفعنى لكن توة بنأكد عليه أنه يمشي

حبل الوصل

05-19-2010, 05:32 PM

هيا باي نتلاقو نمشي نوتى روحي لانى معزومة عالعشاء اليوم سلامات بوسيلى صغارك

ام اسيل

05-19-2010, 05:35 PM

والله ياحبل الوصل كان تجي ندهورك في بنغازي حتة حتة على قولة المصرية وانا عندي سيارة وحشيشتي اللج (الدوارة ) من مكان لمكان والله خليك عند كلامك وتعالي

حبل الوصل

05-19-2010, 05:35 PM

عيون وينك شكلك حالفة ملنتلاقو مع بعض شن حالك وحال بنيتك وكيف دايرة مع الحمل

ام اسيل

05-19-2010, 06:08 PM

والله عيون شكلها زعلانة منا غير خشي توا نراضوك نبي ناخذو تاكسي انا وحبل الوصل وميرنا ونعدولك في المانيا وكانك زعلانة نرضوك يا اوخيتنا والله المنتدى مكسد من غيرك اصلك انشط وحدة فينا

ميرنا

05-19-2010, 06:25 PM

ام اسيل ايش اخبارك واخبار اسيل وهيمو
توة غير راجلى جايكم فى بنغازى وبيت عندكم ماشى اجيب فى اثاث للمعارض لى فى درنة

ميرنا

05-19-2010, 06:35 PM

اختى ام اسيل لى اقريب سنة شرية طاجين البيتزا الكهربائى ولم انطيب فيه اليتزا متجيش سمحة فاخطيت عليه بكل واليوم طلعت ودرت فيه ابراك طلع يجنن واحدات قالن انديروه فيه لقلى الدحى انتى عندك فكرة عليه

على فكرة انتى خريجت قانون ليش تركتى المحكمة وتقرى فى المدرسة وانتى من دفعة كم قصدى تخرجتى فى سنة كم

ام اسيل

05-19-2010, 06:42 PM

ميرنا اولا ردي بالك من راجلك ولا تعالي معاه احسن حي عليك بنات بنغازي اسماح ههههه
hwaml77

ام اسيل

05-19-2010, 06:44 PM

وتعرفي انا الطجين هضا مرات ندير فيه في كفتة اللحم تطلع تجنن ولا مكمور اووووووووووو مش طبيعي

ام اسيل

05-19-2010, 06:53 PM

وتوا نحكيلك قصتي انا لما خشيت سنة رابعة قانون تعرفت على راجلي وطبعا اول ما تخرجت سنة 2000 تزوجت على طول وراجلي في الاول كان يغير عليا مابش يخليني نشتغل وبعدها حملت على طول ولما جبت قعدت لاهية باسيل ولما كبرت قتله نبي نشتغل قعد يمشي فيا ويقولي ساهل وبعدها لقيت روحي حامل بهيمو شوي قالي توا غير جيبي وبعدها ساهل وبعد جبت وطق عمرة سنة قتله نبي نشتغل ودورت شغل حكومي ما حصلتش شوية خشيت نحضر في دراسات عليا في الجامعة وتوا قريب نكمل غير قعدت متنبلة في الاخير وماما فاتحة مدرسة ثانوية وقالتلي شن رايك نديرو مدرسة ابتدائي واعدادي قتلها باهي وفتحت المدرسة ليا توا ثلاث سنين والمدرسة الحمد لله ناجحة والشغل قيها مش متعب واجد لاني حاطة مساعد نشيط وراجلي طبعا قعد يرضى بالامر الواقع بشوية بشوية والمحاماة الخاصة مفكرتش فيها بكل لانها متعبة لوحدة متزوجة مش نقعد مديرة في مدرستي احسن من نقعد تحت امرة حد وامتى مانبي نروح وامتا مانبي نغيب محد يقدر يكلمني

ميرنا

05-19-2010, 07:17 PM

والله يام اسيل اما راجلى ما عرفت وين نجرى بيه مرات انقوله نبى نهرب بيك تمشى امعى يقولى هية وانا نفسك يقرى امعى وتخرجنا مع بعض وما فكيت من بنات بنغازى واحد يعرف واحد ولم تخرجنا يوم لى خطبنى فيه ثانى يوم خذات الحكومة ماعد ردات لى لا بعد 8سنوات ما اطلقوه نين نشف ريقى وانا نرجاء ولم طلع 2003 اجوزنا ثانى اسبوع من طلعته ونحن قرينا فى جامعة قاريونس وقعدنا فى داخلى الجامعة قاريونس وليس البركة

ميرنا

05-19-2010, 07:25 PM

ام اسيل مانكش ماشتهية الحاجات المالحة مثلا الزيتون

صابرة

05-19-2010, 10:28 PM

كيف حالكم يابنات
ومرحبا بخولة وعيون زوجها
نحس في روحي فاشلة ونكر في روحي كران
موعدي يوم 29 والولد قالتلي نازل وممكن تولدي ابكر من موعدك
ياعيون انا من طرابلس ونراجع عند الدكتورة اعتماد المسلاتي..ما شاء الله خبرة وعندها وسعة بال في الاجابة على التليفونات متع الحوامل اللي يطلبو استشارتها وترد على تليفونها حتى الساعة 3 في اليل مافيش مشكلة وتجي تولدك في اي وقت ليل ولا صبح

ادعولي

ام اسيل

05-19-2010, 10:59 PM

[COLOR="DarkSlateGray"خير ياصابرة والله لك وحشة ان شاء الله تجيبي على خير وسلامة وردي بالك من روحك ها الفترة[/COLOR]

صابرة

05-19-2010, 11:10 PM

بارك الله فيك يوخيتي ام اسيل والله حتى انتم ليكم وحشة

ميرنا

05-19-2010, 11:49 PM

اوووووووووووووووووو الصابرة ايش اخبارك ربي يتمم حملك على خير وسلامة
الصابرة اوليدك حايكون اول وليد فى تجمعنا وانشالله وجه خير علينا بس يا لصابرة لم تدخلى للمستشفى اتجيبى ادعيلى انا وام اسيل وحبل الوصل بالله عليك ماتنسيناء من الدعاء وانشالله ربى يفرحك ويفتح عليك

ميرنا

05-20-2010, 12:01 AM

ام اسيل توة غير خشيت كنت عند عمتى انضيع فى الوقت الراجل فى بنغازى والحوش كاسد منى عرف ايش ايكمل هذه اليلة ياخيتى عطهم ادعوة ما بلاهم امعيشة قبل لا يمشى كان يبى جو قالتله بعد ماتجى بكرى دزيتل رسالة وكتبتله رايفت عليك فرد على قالى تستهلى زريتك واجد قعدتى تدلعى اجعنك ما تردى ههههههههههههه

ام اسيل

05-20-2010, 12:15 AM

والله ياميرنا عندك حق حتى انا نقوله نبي نبات عند هلي نغير جو وهو يقعد مش راضي واول ما نمشي يوحشني واول ما تجي الساعة 12 نكلمه نقوله روح بيا يجني وهو منتصر ويضحك والله بكل الاخطاء الي فيهم مانقدرو نعيشو بلاهم .
لكن ما قتليش بعد قتلك انا كل حاجة شن قريتي في بنغازي وامتا تخرجتي

ميرنا

05-20-2010, 12:39 AM

اختى الغالية قريت فى كلية الاداب قسم الجغرافيا وتخرجت سنة 1995 وحتى راجلى تخرج امعى نفس القسم

حبل الوصل

05-20-2010, 01:16 AM

هذا كله درتوه من ورايا باهى باهىhwaml32

حبل الوصل

05-20-2010, 11:39 AM

صبح الخيرر اليوم ماشية لبيت هل راجلى الغذاء غادى نمشي نجهز روحى ونجهز الصغار حبيت نهدرز معاكم لكن مفيش حد

ام اسيل

05-20-2010, 02:22 PM

وانا ماشية لحوش هلي اليوم خميس اللمة غادي باي

ام اسيل

05-20-2010, 02:25 PM

اليوم ميرنا راجلها مروح ماخشت بكل بشوية عالراجل راك تقطعيه

ميرنا

05-20-2010, 04:15 PM

اهلين ام اسيل والله من الشغل ماعد حصلنه جاء الساعة واحد وتغده وتوة عاده اخر جاى بابور قمح للميناء بس من الميناء امتع درنة الى مصنع الدقيق فى الفتائح اقريب اقل شى يبت فى الحوش غديت واعطيت شاهى وخيتك ازقبت عليه ويرن التليفون عد يجرى وقالى فى لليل فى لليل من درعنها شنو لى فى الليل هههههههههه وهذى قصة خيتك ميرنا

hatoo

05-20-2010, 09:49 PM

اهلين بنات شنو الجو ان شاء الله تمام

ميرنا

05-21-2010, 10:53 AM

ايش اخبارك وين هالغيبة وايش اخبار النونو

ميرنا

05-21-2010, 11:14 AM

حبل الوصل ايش اخبارك وايش اخبار اعيالك ما قلتنش شن اسماهم

الهندية

05-21-2010, 12:30 PM

عزيزتى انا من درنة لكن عايشة فى طرابلس ...
نعاين عند الدكتور سعاد شعبيب فى مستشفى الخضراء وانجبت طفلة عمرها تو شهرين و10 ايام بالزبط وبصراحة دكتورتى ممتازة خصوصا انى فى حملى اجهضت
دكتورة نعيمة ممتازة لان مرت خالى تعاين عندها فى درنة ...
حلو الموضوع ندعيلك ربى يرزقك ميرنا يارب العالمين

الهندية

05-21-2010, 12:31 PM

اناسميت بنتى جورى ربى يحفضها

hatoo

05-21-2010, 04:25 PM

الحمدلله تمام انتو شنو اخباركم والله رافيت عليكم انا توا خاشه من عند هلي انا النت فاصل عندي ومعش درته

ميرنا

05-21-2010, 05:36 PM

الهندية مرحبتين بيك وانستينا وان شاء الله وجهك خير علينا يارب

ميرنا

05-21-2010, 05:52 PM

اليوم الغداء عند عمتى وتوة غير خشيت ديرين يوم الجمعة الغداء عند عمتى انا وسالفتى وجدوال لى تاجى بكرى هىلى اتسوى الغداء ولاخرات يغسلن العوايز
وانا دائما انتاخر فى الجاية لهذا ديمة جايت اصدافى العوايز بس لم انخش للكواجين اندير فى جوى فيها نلقاء روحى انا نغسل وصبيتى ايسهرن فى
طبعا سالفتى لابد ايشاركن فى الحديث لى فى الكواجينا يجن هن لاثنين ويبقنا سهرى ولى تمسح الغاز ولى تكنس ولى تمسح فى العوايز نين انكمل ها ركن اتقولن عليك الخبيثة ولكن نوع من السياسة ههههههههههههه

ميرنا

05-21-2010, 06:30 PM

ام اسيل وحبل الوصل وينكككككككككككككككم

ام لقمان و ااااااااااا صابرة وااااااا ساجدة وااااا احلام واااااااااااا عيون راجلها واااااا خولة
عندكن كيف صار الضى طافى

صابرة

05-21-2010, 08:27 PM

مرحبا بالهندية وربي يحفظلك بنيتك
وياميرنا انتم في القلب مش حننساكم من الدعاء بإذن الله انت وحبل الوصل وأم اسيل

حبل الوصل

05-22-2010, 01:43 AM

أهلين ميرنا وكيف حاللكم جميعا وشن حال الصغار وينك ياأم أسيل ولابدى الوحم
اسامى اصغاري
البنت هى الكبيرة إسمها إخلاص والولد أسمه عمر على جده من باته

حبل الوصل

05-22-2010, 01:45 AM

خيره التجمع مكسد وييييييييييييييينكم

ميرنا

05-22-2010, 08:11 AM

عاشت الاسامى ياحبل الوصل وربى يحفظهم للك واتشوفيهم عراسن

ميرنا

05-22-2010, 08:29 AM

الهندية الدرناوية الطرابلسية
ايش اخبارك الملا انتى كيف جايب لك شهرين قولىلى جبتى طبيعى او بلعملية وين يسكنو اهلك فى درنة ولك كم سنة متزوجة فى طرابلس

ميرنا

05-22-2010, 08:45 AM

باهى لى خشيتى لتجمع يا الهندية علشن اتونسينى مانحكيلك بكل البنغازيات وخاصة ام اسيل وسبهاويات ومنهن حبل الوصل وطربلسيات منهن الصابرة ام اكريشة وزليتنيات وبذات ام لقمان شيختنا //دايمة ما عندهنش حاجة الاميرنا احملى احملى وانا ناخذ فى منع حمل منبيش اعيال وراجلى يشجع فى حتى هو مايبيهمش ههههههههههههههه

ام اسيل

05-22-2010, 03:29 PM

خير يابنات انا اليوم درت تحليل وطلع سالب مع ان عندي زعمة كبد غير عادية والله حصلت كسفة وتوا قاعدة نرجا في الدورة المفروض موعدها بعد اربع ايام

ميرنا

05-22-2010, 04:06 PM

حبيبتى ام اسيل مازال بدرى نحن فى ليبيا دون ثانى يوم بعد موعد الدورة مايبانش التحليل ومرات المختبر ما ينفعش بعد 5 ايام من موعد الدورة صدقينى ياخيتى المختبرات لى عندنا موش كيف الدول الاخرة والله العظيم الدكتورة دائما اتقولى عندما اتديرى تحليل حولى بعد موعد الدورة 4 ايام موش قبل موعد الدورة وانشالله يارب تطلعى حامل وتفرحى وتفرحين وبعدين انتى ضربتى ابرة تفجير واى وحدة تضرب ابرة التفجير اتجيها الدورة بعد الابرة 16 يوم وانتى هلبتى لمدة المطلوبة لابرة التفجير ولهذا انقولك باذان الله حامل الا اذا كان ارتفع هرمون الحليب وهو لى ياخر الدورة وانشالله اتبشرينا ياااااااااااارب بالحمل اعاجلا غير اجلا

ام اسيل

05-22-2010, 04:24 PM

ياميرنا انا ضربت الابرة يوم 12 _5 يعني ليا عشرة ايام ضاربتها وانا سمعت بعد تسعة ايام من موعد ضرب الابرة تبان نتيجة التحليل

ميرنا

05-22-2010, 04:31 PM

والله العظيم والله العظيم بعد اسبوعين امسكرات اتجى الدورة من ابرة التفجير يعنى انتى مازال بدرى واسالى البنات فى المنتدى توة يردن عليك صدقينى

ام اسيل

05-22-2010, 04:38 PM

يعني التحليل الي اليوم مش مزبوط ؟؟؟؟؟؟؟؟؟تعرفي انا اليوم علشيت حللت اصلا راجلي حلم بالعيل الي مات في بطني قالي حلمت اني ماسكه ونقول اهو حي ما ماتش والله لين قعدت نبكي لكن المشكلة عندي لية في بطني ووجع في ظهري كيف متاع الدورة بالزبط

ميرنا

05-22-2010, 04:39 PM

يام اسيل والتحليل ما يبان الابعد موعد الدورة صح فى مصر وفى تونس والسعودية ايبان عندهم قبل موعد الدورة اما فى ليبيا مستحيل فى وحدة اتقولك انا درت تحليل قبل الدورة وطلعت حامل

ام اسيل

05-22-2010, 04:51 PM

بس المعمل الي درت عنه التحليل معمل مشهور بدقته اسمه البرج في شارع دبي كان تعرفيه

ميرنا

05-22-2010, 05:03 PM

ماتخفيش العيل لى مات حى عند ربى وانشالله يلقيكم انتى وابوه ويخششكم لجنة هو من طيور الجنة والله والله الناس حاسدينى على انى فى الاخرة عندى من يلقينى يام اسيل حتى الاخرة تبى وانا ويك الحمدالله عندنا من يخششنا لجنة انشاء الله // وراجلى يفسر فى الاحلام توة لم يجيه نحكيله على حلم راجالك لانه يجوه من كل مكان لىتفسير الاحلام // واما عن التحليل ارجى نين ايجى موعد الدورة وديرى تحليل والله البنات فى المنتدى ايقولنا عندنا جهاز تعرفى به الحمل وجهاز تعرفى به التبويض راجلى عند صيدلية ويجيب فى الادواية من بنغازى ومن اطرابلس وطبرق ودايمة انقوله دورالى على هذه الاجهازة جهاز الحمل بس الذى وجدهو وموش نفس الاجهزة لى عند السعوديا ت لى فى المنتدى نحن شريط من الورق وتحطيه فى البول اكرامك الله وبعد عشرة ايام من الدورة وهم عندهم جهز من الزجاج وفيه اشارات للحمل وجهز التبويض عندهم خمس اشرط فى باكو ولم تبداى فى ايام اتبويض تاخذى كل يوم شريط وتشوفى اقوى يوم للاباضة عكسنا نحن دون ما عديتى لدكتورة ودفعتى محة كبدك وبيش تعرفى نحن الطب متاخر جدا فى السعودية فى مستشفى كلهم من المانيا قالو لهم بدل ما اتعدو اللمانيا هذا مستشفى كامل طاقم المانى كله عطهم ربى ونحن لى امفتحه عندنا هى لى تقرا من النت

ام اسيل

05-22-2010, 05:10 PM

والله عندك حق لكن عطيني عقلك شن يصبرني لعند موعد الدورة والله مليت من المراجاة وسلفاتي الاثنين حوامل خاطري نفرح راجلي كيف خوته

حبل الوصل

05-22-2010, 05:16 PM

اهلين بأم أسيل وميرنا
نحكيلكم عن مشواري اليوم
عديت للدكتورة وقالتلى مافيش بويضة فيه تجمع وعلى حسب قولها تقول من آثار التبويض يعنى ان البويضة انفجرت وان شاءالله خير

ميرنا

05-22-2010, 05:34 PM

حبل الوصل ماشالله طالما انفجرت يعنى تبويضك اكويس والمبيض يقوم بعمله على اكمل وجه
بس انشالله غير جماعتى فى هاليومين

ميرنا

05-22-2010, 05:41 PM

خاطرى انفرح راجلى ياام اسيل حطيتى يدك عل جرح

ام اسيل

05-22-2010, 05:52 PM

حبل الوصل ماشالله طالما انفجرت يعنى تبويضك اكويس والمبيض يقوم بعمله على اكمل وجه
بس انشالله غير جماعتى فى هاليومين

ياميرنا مش غير بعدك راجلها كان في طرابلس ما ننحكليكش عطاته علي راسه لين بطلت مش فاطنتيلها لها يومين ما خشتش التجمع مش فاضية هههههههه ان شاء الله ياحبل الوصل يرزقك ويعطيك يارب

ام اسيل

05-22-2010, 05:54 PM

انا يا بنات ماشية لمة نعدي نوتي روحي توا نلقاكم في الليل اليوم خلينا نكسدو مش ترقدن بدري

ميرنا

05-22-2010, 06:06 PM

انا يا بنات ماشية لمة نعدي نوتي روحي توا نلقاكم في الليل اليوم خلينا نكسدو مش ترقدن بدري

باهى طمنتينى على حبل الوصل صحة ياحبل الوصل

ام اسيل انتى ماشية لمة وانا اليوم على الدروج نبى انعدى انسيقهم مع السلام يابنات وان كان افضيت انتلقو فى الليل

ام اسيل

05-22-2010, 10:32 PM

حبل الوصل كيف حالك ان شاء ربي يعطيك ما في بالك وقوليلي من دكتورتك ليبية ولا لا

ام اسيل

05-22-2010, 11:12 PM

انا خشيت زي الهبلة بروحي لا لقيت سبهاوية ولا درناوية ولا بنغازية ولا طرابلسية كساااااااااااااااااااااااااااااااد شكلي نعدي نرقد وخلاص .. . حبل الوصل اول ما خشيت لقيتك ضاوية لكن شكلك سكرتي والله قبل خاطري نهدرز معاك لينا كم يوم ما تلاقينا

حبل الوصل

05-23-2010, 02:34 AM

اهلين أم أسيل حتى انى والله خاطرى نحكى معاك لكن كيف ندير الراجل عازم الناس ماكملت الحوسة الاتوة وعلى قولتك مش فاضية حتى الراجل معادش خليته يطلع وان شاءالله هالشهر نفرحه بالحمل

ام لقمان

05-23-2010, 09:16 AM

السلام عليكم ورحمة الله وبركاته
كيف حالكم ؟
انشالله اكويسين كلكم
يمن يراجن فى الولاده ومن يراجن فى الحمل احسن شىء تنسوا هلموضوعين
بيش ايصير منهن
وياريت اتقولنا كل وحده شن اتابع فى التلفزيون وكانهى قرت كتاب جديد حتى هوا تحكيلنا عليه بيش نستفيدوا من الوقت وننسوا هالموضوعين حتى اشويه
والمواقع الى تدخلها غير هالموقع
يعنى حتى موضوع الطبخ نتبادل فيه الخبرات والتربيه المهم شىء انغيروا بيه الجو ونستفيد
مييييييييييييييييييييييييييييييييييييييرنا شكلك نايضه بكرى ماشالله عليك
الوحيده القيتك فى التجمع
تحياتى للجميعhwaml7

ميرنا

05-23-2010, 10:57 AM

مرحب يام لقمان وين هالغيبة ان شالله اخبارك اكويس انا راجلى يوعة بكرى من الساعة 6 عنده شحنة وكل يوم ماشى للميناء وطبعا لابد نوعة امعه وانا دائما متواجد فى منتدى فن الطهى مع الشيف عادل مانحكيلك بكل دايمة قاعد فى الكوجينا وزنى 75 بطة اقريب انفلس بالراجل

ميرنا

05-23-2010, 11:10 AM

ام اسيل
اليكى تفسير الحلم ( من راى جنين له ميت وكأنه حى فأنه يصلح الله أمره وشأنه ويأتى له بعد العسر يسر من حيث لا يحتسب فقولى له ابشر )

حبل الوصل

05-23-2010, 05:54 PM

hwaml15وينكم خيركم مكسدين

حبل الوصل

05-23-2010, 06:09 PM

حبل الوصل كيف حالك ان شاء ربي يعطيك ما في بالك وقوليلي من دكتورتك ليبية ولا لا
إن شاءالله ربي يعطينى انى وياك ونحملو مع بعض يارب ودكتورتى ليبية اسمها أشجانhwaml10

الهندية

05-23-2010, 08:08 PM

ايش اخبارك الملا انتى كيف جايب لك شهرين قولىلى جبتى طبيعى او بلعملية وين يسكنو اهلك فى درنة ولك كم سنة متزوجة فى طرابلس

عزيزتى ميرنا حكايتك يهبلوا يابنت وانى فرحانه انى لقيت وين نرتاح ونفس شويا على روحى متزوجة من عايمن وجبت بالعملية القيصيرية لأن وضع الجنين كان فارسى وتعبت هلبا طول فترة الحمل..انا من درنة وكنت غادى عند جدودى نشتغل معلمة ..
ونصيبى تزوجت هنا ...الحمدلله زوجى طيب وحنون لكن ياخسارة هلا مش مرايحنى ..عشان انى برانية ممكن ...
تعرفى هو يحب الاطفال وتو موش مصدق أن اب بس انا نبى ندر مانع لأنى مش حاسة بالاستقرار فى حياتى وديما عندى شعور بالخوف ...
انا منبش لو صارلى طلاق لقدر الله عيالى يعيشوا مشردين

حبل الوصل

05-24-2010, 12:51 AM

اهلين بالهندية وان شاءالله ربي يفرج عليك وتعيشي متهنية

ام لقمان

05-24-2010, 07:10 AM

السلام عليكم ورحمة الله وبركاته
كيفكم يا احبابنا؟
اهلا بيك هنديه معنا ومنورتينا
واسمحيلى ان اعلق على كلامك واسال
هل زوجك يحسسك بانك غريبه؟
اذا قلت نعم اقول لك انت بذكائك اجعليه يراك اقرب من كل قريب
وان قلت لا اقول (( الى معاه القمر مايشبحش فى النجوم))
يعنى اغلب الاهل لديهم مواقف من الكنه فمديريش بالك المهم يكون هوا راضى بس
وبعدين هذه معركتك ويجب ان تنتصرى فيها بالحكمه والحكمة فقط وصدقينى المرأة لاتعجز فلا تتركى نفسك للاوهام اغرسى جدورك فى بيتك وفى حيات زوجك فهذا حقك
واستعينى بالله ولا تعجزى
تحياتى لك وتتربى الامورة فى عزك وعز ابوها مع اخوتها واخواتها بعون الله وخلهم ايقولوا اولاد البرانيه
دعواتك لنا

ام لقمان

05-24-2010, 07:20 AM

ميرنا
شكله لافى فطور لاحا جه اليوم الراجل كلاها ومشى على لحم بطنه

ميرنا

05-24-2010, 08:53 AM

صباح الخير يابنات hwaml91
خشيت دهشة كانت اندور فى التجمع وين طائر دورات فى الصفحة الاولى ملقيتش ولا الصفحة الثانية ولا الثالث استخدمت المحرك( اثريت قدام عينك يافقيه ) مثبت فى الصفحة الاولى hwaml39

ميرنا

05-24-2010, 09:05 AM

ام لقمان هههههههههههههههة والله نعامل فيه على اساس انه وليدى ومرات نسال فيه انقول انا ماما ياخيتى الله اتعطيه الخير غالى على

حبل الوصل

05-24-2010, 09:57 AM

صباح الخير كيف حالكم اليوم

ميرنا

05-24-2010, 10:22 AM

صباح النور وايش اخبارك

انا امس مشيت لدكتورة وقالتلى عندك الاتهابات ولبست قفزات وداخلت يدها طلع مع الافرازات دم والله ياحبل الوصل اقريب متت منى عارف هلبخت ايسما

ميرنا

05-24-2010, 10:30 AM

حبل الوصل قالو ام اسيل عندها زعم الكبد كثر عليها وشكلة حتى نحن زعمنا كبدها الها يومين ما خشتش على التجمع شكل الوحم جاى علينا

حبل الوصل

05-24-2010, 11:01 AM

ههههههههههه والله حتى انى فاقدتها شكلها تتوحم البنت وبالنسبة للالتهابات حتى انى لما مشيت للدكتورة قالتلى عندك فطريات والله تعبنا ربي يسهل علينا

ميرنا

05-24-2010, 11:18 AM

الهندية
على خاطر ابنيتك وراجلك تحملى ديرى وذان طرشة و واذان فيها ورشة وان كان تحبى راجلك امسكى فيه بيديك وكرعيك وما تخربيش على روحك طالما انتى فى شقة ابروحك وعندك ابنية زى القمر ورجالك اكويس حرام عليك تسمعى فى كلام صباية كيفك كيفنا اتخليهن ايخربن عليك المفروض انتى انسانة متعلمة واعية انخلى حياتى جنة انا وبنتى وراجلى وما نخليهم يشعرو انى متناكدة او زعلانة او نقصتنى حاجة بلعكس نهتم ابروحى نلبس وانمكيج ونجهز الطعام السمح ونفتلك سفرتى ونهتم ابحوشى ونخليه جنة وبنيتى ونهتم ابراجلى مانقص عليه شى حتى ولو شفتيه صفا مع اهله بشويش بشويش تلقيه امعك اندير اعدلة شاهى ونقعمز عليه وانخليه احذاى ونحط راس عليه فخذاتى وندغبش له فى اشعره والله ماعد يجيب من اهله علم حتى لو كان عيطوله يشعر بالحن انا اعدلتى ما اتحرك من على الارض تخيلى فطور الصبح والغداء والعشية والعشاء الانى حسيت راجلى ينسجم معى بهذه الطريقة ويحكيلى كل لى فى صدره والله مرت يقولى كلمة ماتستحقش الضحك وتلقينى نضحك كله علشن ماحد يسمع شى الا الضحك ولعب فى شقتى وبعدين قصة المانع ما انصحك به الانك مرات اديرى مانع وتسببي الروحك ماعش تحملى خليك طبيعية خيرلك ومنها تعرفى روحك امتى تحملى والله العيال ايميلو الرجل الامهم دايرى اعويلة خلى راجالك يلتها فيهم وربى امعك

الهندية

05-24-2010, 12:18 PM

متحملة بس انتى مش مجربة لما تقعد فى ناس تبى تخربلك بيتك والله ياميرنا لما حملت قعدوا يشوفوا فقيا زى الشيطان وقالوا لراجلى خلى مرتك دس بطنها (كيف الحامل دس بطنها )
هو هذا اللى ندير فيه بالزبط وديما فاتحة المسجل ومداير برامج التلفزيون اللى يحبها راجل
نتفرج أنا وياه عليها وندير الصفرة زى ماقلتى بالزبط ...
بس هو عنده القرحة وتنوض عليه لما خواته يديروله مشاكل شقتى بروحى صاح لكن مش قادرة نستقبل هلى ولانستقبل ناسى ولاشى ..كانها سجن 5 نجوم بس ماعلينا عاية حياتى كانى مش فوقهم بس مش عاجبهم ياميرنا ,,,الله على عرب درنة وعشرتهم السمحا شن جاب لجاب

ميرنا عندى سلفتى اطلقت بس عدت من غير عيال وانا زى مقتلك خايفة ندير عيال ...ونمشى بيهم راهو اصعب حاجة فى الدنيا بس الحمدلله بنوتى تو عندى بالدنيا معبيتلى وقتى ,,,غير مرة نسمع فى عياطتهم واهانتهم يسمعوا فيا بالعانى وانا وذنى تمشى تسمع الكلام غصبا عنى بلنعود نفسى انى نعيش طبيعية وكأنهم مش موجودين مليت بالحق ...

الهندية

05-24-2010, 12:30 PM

أم لقمان أنانحضر فى برنامج كلام من القلب الساعة 1 فة قناة الحياة برنامج حلو واجتماعى
اخر كتاب كيف تجعلين طفلك موهوب لدكتور ايمن عادل صادق
المسلسلات منحبنهش الحق

ام اسيل

05-24-2010, 01:51 PM

خير يابنات انا والله مشغولة ها الايام في نتيجة المدرسة لكن اول ما نروح للحوش نقعد غير نصنت في روحي شكله من كثر ما خاطري في الحمل حسيت روحي نتوحم موعد الورة بعد بكرة وميرنا طمنتني وقالت اني درت التحليل بدري انا خايفة الدورة تطول ونفرح وبعدين تنزل وتكسفني الله يستر المشكلة ان راجلي بعد حلمته هذك قعد متاكد اني حامل وخايف عليا حتى الغدا ما يبيني نديره وانا
خايفة نقوله عا التحليل الي درته قلت خليه عايش في السعادة كم يوم .

ميرنا عايني بسرعة عالالتهابات لانهن لا قدر الله مرات ياخرن الحمل يس علاجهن بسيط وسريع .وجربتي طاجين البيزا زي ما قتلك ؟كان تبي عندي طريقة دجاج محشي غير عادية

حبل الوصل :وحشتيييييييني كيف حال عويتك وطلعت نتيجة البنت ولامازال كن طلعت الاولى نبو حفلة

ام لقمان :حكيمة التجمع ان شاء الله ربي يقومك بالسلامة ويعطيك صحيحتك وما تنسيناش بالدعاء مرة مرة
هندية :وسعي بالك ديمة اول سنتين زواج فيهن مشاكل وبعدين الامور تتعدل