تجمع حوامل ليبيا

[سورينام]

اما بالنسبة لأخباري فأني والحمد لله جبت يوم 15 - 8 بعملية قيصرية قبل موعدي باسبوعين جبت وليد سميته فراس

[سورينام]

وقصة ولادتي كالتالي : يوم الاثنين 9-8 كانت عندي مراجعة عند دكتورتي في الطبي وبعد ما دارتلي الجهاز قالتلي بما ان البيبي قاعد فارسي وانتي خشيتي للاسبوع 37 لازم نحددلك موعد للعملية وراه عندك دخول للمستشفى يوم الخميس 12-8 يعني ثاني رمضان تخيلوااا
واني نفطر مع عزوزتي المسكينة عايشة بروحها مع ولد حماتي بس تخيلو فطرت معاها اليوم الاول بس وثاني يوم خليتها متغششة عليا لدرجة لنها تعبت بقلبها ودارولها قسطرة واني راقدة في المستشفى وما ندريش عليها..
قعدت في قسم رعاية الحوامل يوم الخميس والجمعة والمفروض يوم السبت عمليتي لكن شحطوني الله يسامحهم بحجة ان نبض البيبي عندي كويس وعمليتي مش طارئة وبجو ايدخلو في حالات طارئة وعاجلة واني فاتوني ملوحة في الملاحظة بهاذاكا البالطو متاع العمليات وطوبو البول حاشاكم راكب فيا وممنوعة من الاكل والشرب وعالحال هذا يومين

[سورينام]

وراجلي امداير مشكلة برا المستشفى يبي ايطلعني اندير العملية في اي عيادة وهما ما بوش ايطلعوني خايفين من المسؤولية ..
لحد يوم الأحد الساعة 11 في الليل بدت فيا وجيعة جياب من كثر التنرفيز ..
وراجلي المسكين بايت في جردينة الطبي يومين مشغول باله بيني وبين والدته وهو لا سحور لا فطور..
المهم يوم الاحد الساعة 11.30 دخلوني للعمليات بعد حرق اعصاب مش طبيعي ودارولي البنج النصفي واني في فمي دعاء بصوت عالي (يارب .. سبحانك ما أحلمك .. زبخالي ما أعلمك .. وعلى تفريج همي ما أقدرك .. أنت ثقتي ورجائي .. فإجعل حسن ظني فيك جزائي)والله يا بنات ما نحكيلكمش هالدعا قداش اعطاني راحة نفسية وحول مني رهبة العملية والجياب فعلا فعلا (ألا بذكر الله تطمئن القلوب)

[سورينام]

يارب .. سبحانك ما أحلمك .. وبحالي ما أعلمك .. وعلى تفريج همي ما أقدرك .. أنت ثقتي ورجائي .. فإجعل حسن ظني فيك جزائي

[سورينام]

الساعة 11.55 دقيقة ليلا يعني قبل ما ايخش يوم 16-8 طلعو وليدي من بطني بقدرة المولى والحمد لله وسميته فراس لأنه قعد في بطني فارسي وما باش ينقلب
طلعت من المستشفى بعد 3 ايام وعزوزتي طلعت بعدي بيومين والحمد لله درت لمتين في شقتي بعد الولادة بعشرة ايام وحاليا نكتبلكم في هالكليمات وبنيتي سرورة راقدة يميني ووليدي فراس راقد يساري ومليون حمد وشكر لله على كل حاااال ....
ولنا عودة انشاالله

[ميرنا]

الف الحمد الله على سلامتك يا ام روفيدة ويا سورنيام وان شا لله يتربو فى عزكم والعقبة الى عقبة الشلة هاتو وعيون راجالها اية ان شالله تجيبن وتريحن وانشالله ربى يفرج على وعلى ام اسيل وحبل الوصل وميمونة والمعراج ونحملو ونجيبو ونحكولكم على قصة اجيابنا قولنا امييييييييييينo

[ميرنا]

سمااااااااااااااح وينك

الهندية ايش فيه من جديد ايش صار فى الحمل احملتى ولا مازال

ام لقمان ايش اخبارك ياشيختنا نبى اخر موعد لدورتك انتى وساجدة ههههههه

ميمونة وين وين ياصقع نورتى المطبخ فى شهر رمضان ايش تقربلك منال العالم

[ღॐ آية ღॐ]

اللهم امييييييييييييييين

[ღॐ آية ღॐ]

سورينام الحمد لله على سلامتك
وربي يحفضلك عزوزتك
ولله نادر يكون فيه هكي بالله مانوصيكش عليها حطيها في عيونك
والله حبيتها من حبها فيك
ربي يحميها ويحمي زوجك
ووالله اتاثرت بقصتك وعيوني دمعو
اهم شئ انك جبتي على خير والبيبي حاله باهي
اللهم لك الحمد والشكر حمدً كثيراً طيبً مباركً فيه

[ღॐ آية ღॐ]

عقبال كل وحدة حامل تجيب وتنوض بسلامه
وعقبال كل من تتمنى

[ميمونة]

ميمونة وين وين ياصقع نورتى المطبخ فى شهر رمضان ايش تقربلك منال العالم



باهي باهي ياميرنا انا احسن من منال العالم تعالي عندي ونعزمك تاخدي عيوني وتشرفيني

hwaml03

[ميمونة]

سورنيام الف الف مبروك وعقبال ايه وعيون يارب يبشرونا

وعقبال باقي القروب للحمل يااااااااااااارب

[صابرة]

حمدا لله على سلامتك ياسورينام.. والدعاء اللي قلتيه جميل جدا جعلني اشعر بقدرة الله وضعفنا امامه سبحانه
مبارك عليك فراس ربي يحفظهولك

[صابرة]

ميمونة وميرنا وعيون وام اسيل وحبل الوصل وام رفيدة وساجدة واية وام لقمان وراجية ولولي ومعراج وهاتو
ليكم وحشة

[ميمونة]

والله انتي اكتر ومنوره صابره شن حالك وحال اسرتك

[أم سعد]

أنا جديدة

وفاطمة من طرابلس ونتابع عند الدكتورة نادية قدراب

وفي نهاية الشهر الرابع

:)

[ميرنا]

ام سعد نورتى التجمع وانشالله وجهك خير علينا

انتى ام سعد وفاطمة ما شالله ربى يحفظهم لك وحامل ربى يكملك على خير

[ميرنا]

يابنات ارجو المساعدة لى عندها خلفية حتى بكلمة اتقولى اختى حامل فى السابع وصارلها بوشوكة والجنين فى خاطر من الحرارة بداء النبض ينقص وهى منهار ة والدكتورة قالت لها لا تقربى الماء واعطوها مضاد حيوى ولم يتغير عليها شى وعدت دكتورة ثانية قالت لها هذا تسمم وليس بوشوكة وصارلها بوصار باالدم وهى تبكى وحائر ة والله حالها يشغل

[سورينام]

حبيبتي ميرنا .. نتمنى تكوني في احسن حال .. وانشاالله ربي يطمنك على وخيتك وعلى اللي في بطنها .. واني من رأيي انها تستمر عالمضاد لأنه من المعروف انه ما يعطيش مفعوله مباشرة لازم تستمر عليه بانتظام لين تتعافى بإذن الله.. وربي يسمعنا عليها كل خير

[سورينام]

وين الناشطات في التجمع والا لازم تنشط وحدة ويرخو عشرة ... هههههههه

[سورينام]

عيوووووووووووووووووووووون زوجها وعيونيييييييييييييييييييي وينك وينك وينك ...
راهو اسمك نزل في قائمة الغياب ..... وبيبدا تنقيص الدرجات بجديات لأن القراية بدت زي ما تعرفو

[ღॐ آية ღॐ]

ميرنا ربي يشفى اختك والله قلبي معاها
قوليلها تشوف اكتر من دكتور بس بسرعه ولو لزم الامر
تطلع لي تونس انا نوثق في تشخيصهم
ربي يشفيها يااااااااارب وتجيب وتنوض بسلامه
والله حندعيلها من كل قلبي في الصلاة

[ღॐ آية ღॐ]

اهلا بيك ام سعد
نورتي التجمع الدكتورة نادية نعرفها
ونساوين خوتي يراجعو عندها
وولدو عندها
بس انا مشيت لها مرة بس
وغيرت عند الدكتور احمد الزروق
ان شاء الله تجيبي وتنوضي بسلامه

[أم سعد]

حبيباتي

المعلومة وصلتها غلط أنا

أنا اسمي فاطمة ومعرفي أم سعد لأن لو ربي سخرلي بولد بنسميه سعد

أنا بكرة ومتزوجة من 8 شهور



ميرنا ... ربي يشفي أختك أنا ننصحها تمشي للدكتور مفتاح الفرجاني في الأمل

أحسن دكتور نساء

ويلا خلونا نسمعو أخباركم وأموركم مع الحمل

وشن نظامكم في كل شي :)

[سورينام]

السلام عليكم يا عويلة .. وين الناشطات .. عيون وهاتو وميرنا وحبل الوصل وأم أسيل .. والله المنتدى من غيركم ما ليه طعم ولا لون ... عيون انشاالله تكوني جبتي على خير .. طمنيني عنك والله مشغول بالي هلبة .. جبتي والا مازال امفنصة زي ما يقولو .. وميرنا انشاالله اختك حالها باهي

[hatoo]

بناااااااااااات انا جبت الحمدلله بنوته حلووووووووووه وان شاء الله سميتها رتال وربي لم يشيء اني نجيب طبيعي جبت بالعمليه بس الحمدلله انا توا كويسه انا والبنوته

[سورينام]

الف الف مليون مبروك يا هاتو ... ومبروك عليك البنوته الحلوووووة .. وانشاالله تتربى في عزك وعز بوها يا أم رتال .. حلو الاسم لكن شن يعني .... وشن سبب العملية .. احكيلنا قصة ولادتك لما تفضي .. وانشاالله بنيتك من قسمك ....

[ام اسيل]

ام روفيدة وسورينام الف الف الف مبروك عليكم ويتربو في عزكم الشباب
ميرنا الف لاباس على اختك وخليها تشوف الدكتورة فوزية العربي والله ممتازة وطمنينا عليها
حبل الوصل وحشتيني شن اخبارك زايطة في الاعراس ربي يدوم الافراح ان شاء الله
عيون زوجي مستكتة شكلها عملتها يارب ينوضك بالسلامة وتجيبي احلى وليد في الدنيا والمنتدى مكسد من غيرك يانوارتنا
انا كان الكمبيوتر كتاعي خارب وشريت واحد جديد حاجة اسمها المذر بورد وخفت نبيعه فيه صور للعائلة وليا واجد بكل خذيت واحد تاني وخلاص
انا موعد دورتي مازال الشهر هضا اخر شهر بناخذ فيه كلوميد خلاص مليت تو نتريح كم شهر وبعدين ساهل

[ام اسيل]

هاتو ياجويرتي الف الف الف الف مبروك ياماما وتتربي في عزك واحكيلنا قصة الولادة وماتغيبيش علينا

[عيون زوجي]

السلام عليكم ورحمة الله
حبيبتي فعلا ...وتؤمي الغاليه الحبوبه وخيتي الف الف مبروك والف الف الحمدلله على سلامتك ويتربى في عزك ودلال بوه وانشاءالله من قسمك ويكون من الذرية الصالحة يارب
فرحتيني لين خلاص بس قصتك وجعتني وخلتني انسب في الطبي وزوجي جاي معاهم متأثرين بقصتك ويارب تعبك وتعب زوجك يكون في ميزان حسناتكم والف الحمدلله على سلامه ام راجلك الطيوبه
فراااااااااااااااس عاشت الاسامي يا احلى سورينااااااااااااام

[عيون زوجي]

هاتوووووووووووووووووووووو
الحمدلله على سلامتك كنتي مونستني ومفنصة زيني على قولة سورينام جبتي وخليتيني مفنصة بروحي بس فرحانتلك الف مبروك وتتربى في عزك
احكيلنا قصتك بالتفصيل نبوا نعرفوا رتال كيف شرفت عالدنيا بالتفصيل

[عيون زوجي]

هلا بحبيباتي يلي كانوا مشفرااااااات خلال الرمضان وكان غالبهم ومتعبهم ميرنا وام اسيل وميمونه وصابرة وام لقمان هلا بيكم وغلا
انا اخباري احبااااااااااااااط كل يوم نقول اليوم تعبت من الرزن ومازلت نكركر عقبال ما تكركروا زيني العام الجاي يارب
اليوم دكتورتي قالتلي لازم تجيبي خلال هالاسبوع هذا والا ممكن الجنين يتعرض لضعف النبض والحركة ويضطروا للعمليه

[عيون زوجي]

دلوني عالحل كيف يجيني الطلق وينفتح رحمي دلوووووووني ربي يفرج هم كل وحدة منكم
الجماع والمشي اوكي بديت فيهم (هههههههه ماعادش فيه حشم بكل) قولولي شن تاني حمام دافي اندير فيه اما اعشاب لا انخاف منهم الحق ما خديت شي الا ماء زمزم مرقي فقط وتوا انفكر ناخد قرفه وزيت خروع شن رايكم

[عيون زوجي]

سامحوني ماخشيتش هالايام ما كانش عندي نت وقعده لاهيه نجهز في روحي
سعدودك يا سورينام جبتي وارتحتي ودرتي لماتك وافتكيتي
انا بأذن الله رح نولد في عيادة 11 يونيو تبع النفط عند الدكتور عياد والدكتورة منيرة
وبندير عقيقه بندبح زوز خرفان واحد بندير بيه عشاء رز او رشدة ولوازمها لاهل زوجي واقاربه والتاني بندير بيه عشاء لاهلي واقاربي في يوم اخر وبندير لمة حار لصاحباتي كان سخر ربي
انا من التعب والرزن ما كملتش قضيه للنفاس كل يوم زوجي يقول هيا نطلعوا ما نقدرش نتمشى ندهش ونفسي ينقطع ومافيش بوادر طلق لحد الان

[عيون زوجي]

ميرنا سلامة اختك وماتخافش بأذن الله وما تاخد شي من راسها يلي يقولوه الدكاترة تاخده بس شرط تكون دكتورة شاطرة ومعروفه مش اي كلام والف الف سلامه اعليها وربي يطمنكم اعليها

[عيون زوجي]

ام اسيل استحشناك خشي كل يوم يا ناخد منك جهازك الجديد نحيلة لوليدي
حبل الوصل طمنينا عليك وعلى اختك

[الحنين الدافي]

السلام عليكم ورحمة الله وبركاته
كيف حالكن يا ليبيات اني من مصراتة بس للا سف حاليا اني خارج الجماهيرية
وحبيت نسالكن للي عنده خبرة كيف تعرفو البيبي وليد والا بنية يا ريت تفيدوني

[ღॐ آية ღॐ]

اهلن بيك اختي الحنين الدافي
بنسبه ليا والله ما نعرف الا بسونار
في حملي الاول قالي الدكتور ولد من بداية الخامس
وحملي هذاحتى الان قعده معرفتش بنت ولا ولد
بس للما جتني المراة ودرتلي الحلوة شافت بطني قالتلي بطنك
مفطحه يعني جايه بلعرض
قالتلي شكلها بنيه
بطن الولد تكون مكركبه
وانا بصراحه ما نؤمنش بهادي الحاجات
ومنتاكدش من جنس الجنين الا لما نجيبه
وانتم بنات شن رائيكم؟؟

[ღॐ آية ღॐ]

هاتو الحمد لله على سلامتك
وان شاء الله تتربا في عزكم البنوته
وعقبالي وعقبال كل الحوامل يجيبو وينوضو بسلامه

[ميرنا]

بناااااااااااات انا جبت الحمدلله بنوته حلووووووووووه وان شاء الله سميتها رتال وربي لم يشيء اني نجيب طبيعي جبت بالعمليه بس الحمدلله انا توا كويسه انا والبنوته

روروروروروروروري hwaml02 الف الف مبروك يا هاتو والحمدالله على سلامتك يا احلى هاتو فى الدنيا hwaml7

[ميرنا]

عيون راجالها لعقبة لك يارب اتجيبى وديرينا زيطة
بس قوليلى نحن معزومين مع الخروف الاول ولا الخروف الثانى ههههههههههه ايش رايك يا ام اسيل تذبحنا خروف ثالث ابروحنا اما بانسبة لى مع اهل رجالها لانها اكيدة عزومةصقع

[ميرنا]

شكرا على سوالكن على اختى هى اليوم اصبحت بااحسن حال البيبى اكويس ورجع نبضه تمام اعطوها ابرة تخفض من الحرارة

[ميرنا]

السلام عليكم ورحمة الله وبركاته
كيف حالكن يا ليبيات اني من مصراتة بس للا سف حاليا اني خارج الجماهيرية
وحبيت نسالكن للي عنده خبرة كيف تعرفو البيبي وليد والا بنية يا ريت تفيدوني
hwaml7 انستى وشرفتى اليبيات يا حنين نبداء انقصقصك قبل ما يجنك باقى لقرب انتى بكرية وفى اى شهر وكم عمرك وانتى فى اى دولة قاعدة ؟

اما بانسبة الى سوالك كيف تعرفى اوليد او بنت بطريقة الشعبية المتعرف عليها عندنا اذا كان بطنك امطنشة فوق مثل الكورة عندصدرك يعنى امعك اوليد واذا كان منفوخة من الكلوة الى الكلوة يعنى بنت
والطريقة لاخرى شن اتحبى اكثر الحاجات المالحة او الحلوة اثناء حملك المالح اوليد والحلو بنت
والطريقة الاخرى قولى لجوزك يرش اشويةملح فى احد من افراشة الصالون بدون ما تعلمى وانتى قعمزى على واحد منها ان كان قعمزتى على الفراش لى فيه الملح معناها اوليد والله اعلم
اما الطرق العلمية الطبية الجدول الصينى الاصلى وان كا ن ما عندكش اعطينى اخر موعد لدورة التى حملتى بها وكم عمرك وانا انقولك وان شالله ربى يجبر خاطرك بلى فى بالك ولو انى عارفة اليبيات شن يبن hwaml19

[عيون زوجي]

helloooooooo
السلام عليكم
ماشاءالله ميرنا اليوم ناشطة وراجعه زي ميرنا قبل الله واحد وربي يعطيك يلي في بالك وانشاءالله لاباس طهور على اخيتك وتنوض بالسلامه والعقبه ليك وراها
ادللي انتي وام اسيل وكل بنااااااات التجمع انوض بالسلامه وليكم الخروف الثالت واكثر ليكم اعيوني فوق منه وانتم اؤمروا
انا قعده انكركر ولله الحمد وتعبت بجديات تعبت نتمنى انجيب ونرتااااااااح

[عيون زوجي]

قولولي شن ناخذ باش ينفتح الرحم معايا ويجيني طلق طبيعي لان دكتورتي قالت الخميس الجاي رح تعطيني طلق صناعي ويارب انجيب طبيعي قبل الخميس بالله ادعولي بالله اعليكم

[عيون زوجي]

سورينااااااام حبيبتي وينك اختفيتي فرااااااس اخذااااك مننا

[عيون زوجي]

على الاخواااااااات التالية اسمائهم وضع صور بيبياتهم في التجمع باش نشوفوا ونباركوا ونزغرتوا ونرموا النحيله هيا:
_ ام روفيدة
_سورينااااام
_هاااتو

[عيون زوجي]

وعلى الاخوااات النوافس ربي يهنيهم بصغارهم ويكرم كل محرومه ويرزقني بولادة سهلة كتابة وزن البيبي عند الولادة وفي اي اسبوع تحديدا تمت الولادة

[عيون زوجي]

hwaml03
حفلة لبناااااااات التجمع الجايباااااااااااااات والف مبروك من جديد ويتربوا البيبياات في دلالكم وعقبال ميرنا وام اسيل وميمونه وحبل الوصل وسمحه واميسر وكل وحدة تستنى في هاليوم دعوة من حامل تعبانه جدا يااااااااااااااارب يرزقكم بالذرية الطيبة
http://lh5.ggpht.com/_mP4tBImzGac/SviXwE6s5GI/AAAAAAAADp8/OAArklL6Nnk/alfaris_net_1245519114_thumb%5B2%5D.jpg?imgmax=800 (http://lh4.ggpht.com/_mP4tBImzGac/SviXg-44y7I/AAAAAAAADp4/gclAhUHPJY8/s1600-h/alfaris_net_1245519114%5B4%5D.jpg)http://lh6.ggpht.com/_mP4tBImzGac/SviYAs1DDbI/AAAAAAAADqE/yWVu75dvI74/babayshower_thumb%5B2%5D.jpg?imgmax=800 (http://lh4.ggpht.com/_mP4tBImzGac/SviX7BAP-GI/AAAAAAAADqA/KuanG8oayh4/s1600-h/babayshower%5B4%5D.jpg)http://lh3.ggpht.com/_mP4tBImzGac/SviYFAXWdBI/AAAAAAAADqM/tP9lbWnGpgY/candytable-main_Full_thumb%5B2%5D.jpg?imgmax=800 (http://lh6.ggpht.com/_mP4tBImzGac/SviYDLExhJI/AAAAAAAADqI/UYxfMTNfsv0/s1600-h/candytable-main_Full%5B4%5D.jpg)http://lh4.ggpht.com/_mP4tBImzGac/SviYLaK-7HI/AAAAAAAADqU/zrm_hLoU7PU/alfaris_net_1245518784_thumb%5B2%5D.jpg?imgmax=800 (http://lh3.ggpht.com/_mP4tBImzGac/SviYHIxKcsI/AAAAAAAADqQ/hQ6ImD227QE/s1600-h/alfaris_net_1245518784%5B4%5D.jpg)http://lh6.ggpht.com/_mP4tBImzGac/SviYQMj5kyI/AAAAAAAADqc/HPyfbAh7kR0/alfaris_net_1245519474_thumb%5B2%5D.jpg?imgmax=800 (http://lh3.ggpht.com/_mP4tBImzGac/SviYNz7fXjI/AAAAAAAADqY/9eYjNvAzZ1w/s1600-h/alfaris_net_1245519474%5B4%5D.jpg)http://lh6.ggpht.com/_mP4tBImzGac/SviVHtOrDkI/AAAAAAAADoE/vUX8vu0QI_A/kapisus2_thumb%5B5%5D.jpg?imgmax=800 (http://lh3.ggpht.com/_mP4tBImzGac/SviVF9zzKAI/AAAAAAAADoA/8C0L-qfnq0s/s1600-h/kapisus2%5B9%5D.jpg)
عقباااااااااااااااااااالي يارب

[سورينام]

السلام عليكم يا عويلة

[سورينام]

عيون انتي موجودة توا والا لا

[سورينام]

يارب انشاءالله ما يجي الخميس لين يكون وليدك بين ايديك يااااااااااااااارب وتكوني في حويشك بين اماليك

[سورينام]

اني من راي معاش تخلطي وتاخدي خوذي تمر وكثري منه وخلاص لانه ملين ومسهل للولادة بعون الله --- وخلي الوليد ايكمل وقته وينزل لن انتي ما كملتيش شهرك فعليا

[عيون زوجي]

سورينااااااااااااام اوخيتي انت قعده ولا؟؟؟؟؟؟؟؟؟؟؟؟ طلعتي خيرنا ما نتلاقوش؟؟؟؟؟؟؟؟؟؟؟؟

[عيون زوجي]

انا موعدي مازال اعليه ايام بس والدكتورة ما تبيش نبض الجنين يضعف او حركته اتقل لان في هالحاله تتحول الحاله للقيصري
ولهذا الخميس الجاي انشاءالله لو ما ولدتش رح تولدني بالوجع الصناعي وانا مقتنعه بكلامها لاني مانبيش عمليه قيصيريه مش ناقصة
وبعدين لينا رب العالمين ارحم مننا على انفسنا اكيد بدعائي ودعائكم رح اولد طبيعي بلا وجع صناعي ولا اي شي تاني

[عيون زوجي]

ماتخافيش انا خوافه مش رح ناخد شي للولادة بأذن الله بس التمر ما انحباش هلبه بس رح ناكله هالايام والمشي حسب الظرف لان زوجي يروح متأخر وتعبان بس انحاول كل يوم نتحرك في حوشي وكل يوم تنظيف وغسيل ونشر وكنس حتى الوضع ما يستاهلش انعاود على خاطر الحركة لان الدكتورة قالت الراس متاع البيبي تحت بس ما انزلش لعنق الرحم

[عيون زوجي]

ما جاوبتينيش قداش وزن فراس بسلامته وقت الولادة وفي اسبوع تحديدا جبتيه 37 او 38

[ღॐ آية ღॐ]

عيون زوجي حبيبتي لو ماتحبيش التمر كولي رب
وهو المفروض الرطب مش التمر
لان الرطب يحتوي على مادة لزجه تسهل الولادة

[راجيه فرج ربها]

السلام عليكم ورحمة الله وبركاتهhwaml7hwaml7hwaml7
أخواتي .. حبيباتي كل عام وانتم بالف خير بمناسبة شهر رمضان المبارك وبمناسبة عيد الفطر وبمناسبة كل المناسبات اللي فاتت وما كنتش موجودة معاكم
وعتبانه عليكم واجد ولا وحده سالت عني والله قالت هالمراه حيه والله ميته يالا معليش مسامحتكم نهني الجايبات وعقبال خواتي الباقيات وان شاء يسهل عليك ربي يالي مازلتم ماحملتم والي مازال ماجبتم

فقط توكلنا على الله فهو حسبنا ونعم الوكيل

[ღॐ آية ღॐ]

راجيه نورتي التجمع واهلا بيك من جديد
انا من طرابلس انتي من اي منطقة

[ميرنا]

يامرحبتين بيك ياراجية والله العظيم ديمه فى بالى ونادم على انى ما خذيتش منك رقمك الخاص بيش نسال عليك والله فرحتينى بخشتك الحمد الله انك طيبه ومبسوطة انتى وعويلتك قوليلى ايش اخبارك وشن داير صحتك وكيف حال اسرتك كلها اوليدك وبنياتك وايش صار فى الحمل مازلتى تبي تحملى

[راجيه فرج ربها]

مراحب بيكن كلكن الله يسلمك ياايوتا انا من سرت وتشرفيني كان زرتيني وبيك مراحب يامرينا انا بفضل الله في احسن حال والله الحمد الله لتو ماحصلش حمل رغم اني توخيت ايام التبويض طوال الاشهر الماضيه وربي يفرج علينا كلنا لكن سبحان الله املي في الله كبير وحاسه اني بيتحقق حلمي قريب لله الحمد فضني في الله كبيران يتحقق مناي الحمد الله على هالنعم وانت ان شاء الله خير مره مره ندخل ونتبع في اخبارك ربي كريم وواسعات افضاله له حكمه في كل شي فمع الله لاتموت الامنيات لااله الا الله

[حبل الوصل]

كل عام وانتم بخير ينعاد عليكم بالصحه والسلامة
كيفكم بنات استاحشتكم
الف الف مبروك لهاتو وسورينام وام روفيدة والحمد لله على السلامة
انى كنت لاهية بعد الفرح كان عندنا افراح بس صارت حالة وفاة عندنا وتمن الافراح بالسكيتى بنت عمنا توفت في حادث صغيرة ليها عام متزوجة وحامل في شهرها ومجهزة روحها بتولد وبعدها كانو معانا عرب من سلوق يعنى جرى في جرى تو نحس في روحى مغسولة في غسالة من التعب
ميرنا لاباس على اختك اجر وعافية يارب شن حالها توة هيا والجنين
عيون ربي يقومك بالسلامة وتولدى بدون طلق صناعى وبدون تعب يااارب بس ماتنسينيش ياعيون ادعيلي سلم وخيتى

[ميمونة]

السلام عليكم كيف حالكم ياليبيات

الف مبرووووووووووووووووك هاتو البنوته تتربي في عزكم

عيون شن صار فيك جبتي والا مازال يارب يسهلهك

ميرنا لاباس علي وخيتك وشن حالها توا وشن صار فيك

ام سعد تشرفنا بيك

[ميمونة]

حبل الوصل كيف حالك وعظم الله اجركم والله وجعتني

انا لله وان اليه راجعون

[ღॐ آية ღॐ]

راجيه انستينا الف اهلا باهل سرت
خاطري نزورها والله
وانا شاء الله تحملي في القريب العاجل
اللهم امين

[ღॐ آية ღॐ]

حبل الوصال عضم الله اجركم
ربي يتقبلها بواسع رحمته
ويصبركم

[ميمونة]

ايه ياسرك وخشب ارقدي

ههههههههههههههههههه

[ღॐ آية ღॐ]

منخشش لين تخشي انتي ترقدي قداميhwaml02
طاير عليا النوم hwaml4
وربي يجيبه

[أم سعد]

مساء الخيرات

مبروك على كل من ولدت

وعقبال اللي مازالو

وربي يسخر للي مازال ماحملوش

:)

[عيون زوجي]

السلام عليكم ورحمة الله وبركاااااااااااته
هلا اختي راجية لو ترجعي ممكن 20صفحه رح تلاقيني سائلة اعليك اكثر من مرة بس فقدت الامل وقلت اوخيتنا راجيه مطنشتنا وماتبيش صحبتنا
يا ستي حقك اعلينا وكل سنة وانتي جايبة عيل جديد
ميرنا حبيبتي ديمة نلقى عندك في الحلول امس مشيت للعيادة كنت طامعه تقولي الرحم مفتوح ولو نص سانتي

[عيون زوجي]

السلام عليكم ورحمة الله وبركاااااااااااته
هلا اختي راجية لو ترجعي ممكن 20صفحه رح تلاقيني سائلة اعليك اكثر من مرة بس فقدت الامل وقلت اوخيتنا راجيه مطنشتنا وماتبيش صحبتنا
يا ستي حقك اعلينا وكل سنة وانتي جايبة عيل جديد
ميرنا حبيبتي ديمة نلقى عندك في الحلول امس مشيت للعيادة كنت طامعه تقولي الرحم مفتوح ولو نص سانتي بس طلع مسكر وراس الجنين ماخشش لعنق الرحم
شن اندير ؟؟؟؟؟؟؟؟؟؟؟؟؟؟

[عيون زوجي]

ميمونه واية شكرا لسؤالكم
حبل الوصل استحشناااااااااااك هلبه هلبة
وعظم الله اجركم في بنت عمك وجعتني لين خلاص حطيت روحي مكانها ربي يغفرلها يارب منو كان معاها والا هي كانت تسوق

[عيون زوجي]

ادعووووووووووووولي انجيب اليوم وانصحوني كيف الحل لولدي العنايدي يلي ما يبيش ايشرف ومش رح ننساكم من دعواااتي بأذن الله

[عيون زوجي]

بنسألكم يا بناااااااات طبعا السؤااال للكل وشويه مخصوص لبنااااات طرابلس وين العيادات يلي ادير في ابرة الظهر وتكون عيادة مشكورة ووحدة منكم او من قريباتكم مجربتها ...................

[ღॐ آية ღॐ]

عيون زوجي هدا رابط لموضوع بلمنتدى
يساعد في الولادة
http://forum.hwaml.com/t15626.html (http://forum.hwaml.com/t15626.html)
وبنسبه للعيادات والله ما عندي معلومه تقصدي البنج عند الولادة الطبيعية صح؟

[ღॐ آية ღॐ]

ربي يسهل عليك وتولدي الليلة يااااااااااااااارب
ولادة سهلة ميسرة قولي امييييييييييييين

[معراج]

الحمد لله على سلامتك هاااتوو تتربى في عزك وعز بوها

[عيون زوجي]

ربي يسهل عليك وتولدي الليلة يااااااااااااااارب
ولادة سهلة ميسرة قولي امييييييييييييين
بارك الله فيك يا ايه وجزاك الله عني الف خير وعقبال ما تولدي بالسلامه بس ما عرفتش لتوا انتي حامل ببنوته حلوة ولا اوليد عندك اوليد اسمه ايوب صح
hwaml7hwaml7hwaml7

[عيون زوجي]

كيف حالك يا معرااج وشن اخبارك..........

[ღॐ آية ღॐ]

صح من قالك

[ღॐ آية ღॐ]

امس مشيت درت جهاز
قالتلي الدكتورة انتي حامل بي















































ولد
وان شاء الله بس نولد على خير بنسموه ألياس على وزن اسمي
واسم وخيهhwaml7

[ღॐ آية ღॐ]

وانتي عيون ؟؟

[عيون زوجي]

يارب ايخليلك ايوب وتشوفي الياس على خير يارب يا اينااااااااااااااس

[عيون زوجي]

انا عندي بنوته اسمها سارة عمرها سنه و4شهور وحاليا انشاءالله اوليد ورح انسميه محمد لو ربي راد

[سورينام]

ما جاوبتينيش قداش وزن فراس بسلامته وقت الولادة وفي اسبوع تحديدا جبتيه 37 او 38
عيون انشاالله تكوني جايبة الليلة ..آميييييييييييييين .. ولازم تكثري من التمر .. غصبي على روحك معليشي المهم ما ايدورولكش قيصرية .. انشاالله ما تشوفيها ا وخيتي عذاب عذاب ........
وزن فراس وقت الولادة 3.200ك - وجي في الاسبوع 37

[سورينام]

اني غذوة ماشية بفراس للدكتور .. العويلة شاكين ان عنده نسبة صفير حاشاكم لان وجهه فيه شوية اصفر .. نبي نمشي نطمن ونشوف قداش وزنه حاليا لأن عمره فات الشهر

[سورينام]

ويوم الجمعة انشاالله بنربعن .. يعني النفاس وكمل وبنبدو صفحة جديدةhwaml8

[ღॐ آية ღॐ]

سورينام بعيد الشر عليه ورب يطمنكم
وان شاء الله بصحه عليك وطول العمر
عقبالينا نجيبو ونوضو بسلامه
اللهم امييييييييين

[ღॐ آية ღॐ]

الوجع الصناعي ربي ما يوريه لحد
والله متعب اعطوني تلات يباري في جيابي
والله شفت الموت
شكلى بنبدء في الرطب من توه>>خوافه

[عيون زوجي]

سلامة فراس الف سلامه ولو حتى صفير ماتخافيش منه معظم الصغار يجيهم عند الولادة
ولاباس طهور
وتربعني على خير وسلامة وبطول العمر ياربد
بوسيلي سرورة وفرااااااااااس ولازم اتحطيلنا صورة فرااااااس حتى ولو من النقاااال اوكي سورينام

[سورينام]

والله يا آية الجياب بجميع اشكاله ايخوف وكله الم لا يوصف انشاالله اجرنا عند المولى .. أني في جيابي الأول كملت شهري وجبت تالث يوم في العاشر وخشيت صالة الولادة على اساس طبيعي لأني بكرة وأموري كلها تمام الراس نازل والرحم مفتوح 5 سانتي وشفت الموت واني نعيط لين وصل الرحم الى 7 سانتي وبعدها قررولي عملية لأن حجم البيبي أكبر من اتساع الحوض وجبت بنتي وزنها 4 كيلو ماشاالله وفرحت وقلت هاني رقدت ونضت لقيت بنتي جنبي خير من الطبيعي لين جي تاني يوم للعملية وقالولي نوضي اليوم لازم تتحركي .. وياويلي على هاذيكا النوضة .. تخيلو نقول لأمي أني خلاص وليت معاقة ومعاش نقدر نتحرك من شدة الألم وما تحركت الا بستين شعفة ...وتوا في ولدي رجعتلي نفس المعاناة ... ولكن ديما نقول الحمد لله على النعمة اللي الملايين يتمنو فيها .. الحمد لك يارب مل السموات وملء الأرض ومل ما بينهما ومل ما شئت من شيئ بعد

[سورينام]

انشاءالله نحطلك صورة فراس وصورة حتى سارة بالك خاطرك فيهم وتجيبي الليلة انشاالله .. ههههههه

[حبل الوصل]

ميمونه واية شكرا لسؤالكم
حبل الوصل استحشناااااااااااك هلبه هلبة
وعظم الله اجركم في بنت عمك وجعتني لين خلاص حطيت روحي مكانها ربي يغفرلها يارب منو كان معاها والا هي كانت تسوق
ان شاءالله ماتستاجعى على غالى بنت عمى كانت ماشية لبيتها بتجيب دبش ولادتها وبتقعد عند امها ودارت حادث في الطريق وراجلها اللي يسوق وهو مفيه شى راجلها برانى مش من القبيلة

[ღॐ آية ღॐ]

عيون ربي يحفضلك بنتك
ويارب تشوفي محمد على ايديك
وتنوضي بسلامه

[أم ردينة]

اني من مدينة غريان ونراجع في مصحة دار الشفاء بالعزيزية عند الدكتوره هاله عبد الواحد واني في الاسبوع الاخير في الشهر السابع والباين انه ولد بالجهاز وعندي بنيه عمرها عامين واربعة شهور ومتزوجة منذ ثلاث سنوات ....لكن في اختلاف في الحمل بشكل كبير بين حملي الاول والاخير

[سورينام]

مرحبا بيك يا أم ردينة ... آنستي وشرفتي تجمعنا .. وانشاالله ربي يحفضلك بنيتك وتشوفي وليدك بين ايديك كامل الخلق والخليقة .. قوليلنا شن ناوية تسمي وليدك .. وقوليلي أهم حاجة شن مانع الحمل اللي كنتي تستعملي فيه بعد بنتك..

[سورينام]

عيوني .. وينك .. انشاالله تكوني في حموة الطلق يارب ..

[سورينام]

والله نتخايل فيك وانتي ترقصي فوق سرير الولادة ... وتقولي شعفة شعفة يا ودادة .. هههههههههههه .. جت عالقافية

[سورينام]

مييييييرنا .. وين مغطسة ... حتى لو ما تسأليش عليا .. أني ديما نفقد فيك .. وعلى فكرة أني زعلانة منك هلبة هلبة (واجد واجد ) على قولتكن

[سورينام]

عاد زغرتي لكل الجايبات ألا انا .... مشكورة واجد ..ومردودلك قريب انشاالله لما تحملي نقولك مبروك صامطة وخلاص ..

[سورينام]

أني عارفة ما ليا غير وخيتي وعيوني (عيون زوجها)اللي نطلب من ربي العالي زي مافرج كربي يهون عليها ويسهل ولادتها ويفرحها بوليدها بين ايديها يااارب بالصحة ليها وليه

[سورينام]

عيون آهو حطيتلك صورة سرورتي (الصورة الرمزية اللي تحت الاسم).. هذي صورتها امس واني ماشية لحوشنا

[عيون زوجي]

ماشااااااااااااااء الله لا قوة الا بالله اكيد هادي سرورتك سرورة الامورة صح تبارك الرحمن اعليها تتربى في عز بوها ودلالك هي واوخيها الحبوب الزغنطوط فراااااااس

[سورينام]

ما زال صورة فراس .. قاعدة في الكاميرا تو ننقلها بعد شوي للكمبيوتر ونزلها انشاالله

[عيون زوجي]

لا طلق ولا هم يحزنون مافيش اي بوادر نهائي اليوم اخر يوم في التاسع والمفروض غدوة موعدي بس مافيش اي بادرة

[عيون زوجي]

سورينااااااااااام.....حبيبتي انتي الغاليه وتوءمي الغالي

[عيون زوجي]

هلا باهل غريااااااااااان يقولوا عنكم انكم حلوااات وصاعباااات نار صح ولا لا هههههههههههههههه

[عيون زوجي]

سورينااااااااااام صوري سارة الحلوة مع فراس ونزليها وقوليلي كيف نزلت معاك انا اتعب نفسي واحملها واندير سيف وفي الاخر ما يطلع شي؟؟؟؟؟؟؟؟؟؟؟؟؟

[عيون زوجي]

رح نحاول توا اني انزلها باش الساراااااااات الزوز يشوفوا بعض

[سورينام]

ما تخمميش في شي يا عيون والله أمتى ما كاتبله ربي تو ينزل .. وسبحان الله الوحدة مننا تصبر 9 شهور كاملة ولما توصل في الأيام الأخيرة ينفد صبرها وتبدا خلاص تبي تجيب بأي طريقة ....

[عيون زوجي]

بنسالك سورينام شن قدمتي في لمتك احكيلي بالتفصيل ممكن انغش منك مع اني ناوية اندير عقيقه رز مسقي وفواكه ومكسرات مع الشاهي وطبعا الشكلاطة والروزاطة والعبمبر والبقلاوة مش مدايرة حلويات ولا حار شن رايك...

[سورينام]

بالنسبة للمة يا عيون درت لمتين والحق ما قسمتهمش اماليا وإماليه بالعكس درتها مخلطة الأولى لميت اللي المقربين هلبة يعني سلفاتي وحماتي وخالاته ونساوين اعمامي وطبعا خالاتي ما جونيش لأن حناي اللي توفت قاعدة ما ربعنتش .. وقالولي تو نجوك بعد مدة (يعنى مازال عندي لمة صغيرة (لميمة))واللمة التانية لميت فيها بناويت عمه وعماته وبناويت اخواله وخالاته والجيران والصاحبات واقاربي الدرجة التانية ..

[عيون زوجي]

قعدتي في لمتك ولا درتي حار........

[ღॐ آية ღॐ]

أم ردينه
نورتي التجمع واهلا باهل غريان
كيف الجو عندكم
غريان حلوة تجنن والطبيعه فيها خيااااااااال
عرفينا عليك اكتر
انا من طرابلس مواليد87
وهدا حملي التاني وقالولي بلجهاز ولد
وانا عندي ولد عمره سنه ونص
حامل بشهر الخامس
او خلاص

[سورينام]

خلي نكملك باقي الموضوع يا عيون ...(والا زعمة انتي في كلينكا توا .. يارب تكوني عاملتيها وترتاحي)المهم ما كملتش باقي السيرة لأن خشت عليا جارتي اللي قدامي هيا وبناويتها وشربنا قهيوة وهدرزنا ونسيت الكمبيوتر وسريبه ...باقي السيرة يا حنة كالتالي:
ذبحت خروفين حتى أني درت العقيقة صدقت منه شوي والباقي طيبت بيه في اللمات .. واللمتين درتلهم نفس البرنامج مع بعض التغييرات البسيطة :
في البداية قدمت عصير وشكلاطة ( العصيركوكتيل طبيعي (فراولة وتفاح)جابتهولي وحدة تخدم مع اختي في مدرسة خاصة وتخدم في صالة الياسمينة في بوسليم وقالتلي انهم يخدمو فيه للصالة بس لكن اني طلعتهولك على خاطر اختك اللي ضاقته عندنا وانضربت فيه والحق الكل عجبهم وقعدو يسألو فيا من وين من وين.. وبعدين قدمت كبتشينو وشاهي خفيف مع كنافة بالقشطة طبعا درت الشاهي لان فيه ناس ما يشربوش الكابتشينو بالذات العزايز(وما فيش ما اكتر منهم في العيلة) الكنافة درتها في اللمة الاولى وفي الثانية درت كيكة موس فراولة تهبل وطبعا الزوز خذيتهم من بيت الجود هذا موجود في طريق المطار وانتي خاشة من السريع فتحة بوسليم عنده كيكات وحاجات تهبل وبجميع الاسعار حتى تورتاتي في عيد زواجي وفي عيد ميلاد سرورة منه حاجات روووووووووووووووووعة......
وبعدين قدمت العشاء( رشدة كسكاس +فليفل محشي+طاجين توست )ورغم ان كلهم قالولي الحال رمضان وما حد بياكل كله بيقعد ملوح.. بالعكس والله لحسوه لحس وما خلو حاجة ماشاءالله..
طبعا مع العشا لوازمه (مسير ومخلل وزيتون ومشروب وفواكه)
وبعدها خلاااااااااااااااااااااااااااااص أصلا وهما يتعشو بدت التليفونات ترن واللي هاذي بتروح انتم عارفين برنامج الليبيات العشا ويجيبها الباب
اللي تجي طالعة نعطيها كيسة مكسرات شكلها زي العربة راكب فيها وليد شاد الكيس في يدة وزدت حاجة من عندي ممكن تعجبك يا عيون .. طبعت وريقات صغيرات ملونات بالكمبيوتر وكتبت في كل وحدة فيهم عبارة (انا جيت ونورت البيت)وتحتها اسم ولدي وتاريخ مبلاده وربطت الوريقة في طرف العربة متاع المكسرات .. انشاالله تعجبك
وبسسسسسسسسسسسسسسسسسسس

[سورينام]

أظن يا عيون مافيش تفاصيل زي هالتفصيل (الممل)

[أم ردينة]

شكرا آية علي الترحيب .. وانشالله تحلي عويناتك علي خير يارب .. وبالنسبة للجو في غريان كويس ومنعش والهواء تحسيه نظيف لان معندناش الرطوبة اللي في طرابلس وخاصه في الصيف لكن في الشتاء طرابلس احلى لان غريان في الشتي صقع يقتل سحنتي ههههه.. المهم تشرفت بالتعرف عليكواني مواليد 80 ومتزوجه ليا ثلاث سنوات وعندي بنت عمرها عامين وثلاثة شهور وتوه قتلي الدكتوره ولد والله اعلم اللي يجيبه ربي باهي المهم سليم وصحيح..

[ميرنا]

ههههههههه سورنيام عليش زعلنة منى واجد واجد اتعلمى فى كلام الشراقة
وانا انحبك هلبة هلبة حتى وانتى زعلنة والله العظيم توة كنت نقرا فى لمة امتعك ونقول ما شالله عليك لمة سمحة لو كان انجيب اندير كيفها وبعدها رديت نقراء فى صفحات الاخرى لقيتك كاتبة انك زعلنة واجد واجد يمة ضحكت hwaml02

[ميرنا]

ياام فراس والله العظيم ما تزعلى منى
ايش لى يرضيك احكيلى ايش لى يرضيك حرام عليك العقل سلمت بيديك احكيلى ايش لى يرضيك
ايش تبى بعد ما غنيتلك حتى ابو فراس ما دارة لك ها لعز هههههه
تعالى يا اعيون راجالها تعالى شوفى صحبتك كيف ايرضو فيها ههههههههههههسورنيام اوخيتى والله ماتزعليش منى وادعيلى ربى يفرج على ونبقى كيفكن انتى واعيون راجالها

[ميرنا]

ام ردينة مرحبتين بيك وباهل غريان

[عيون زوجي]

هلا وغلا بميرنا الامورة ويارب من كل قلبي تحملي وتتهني وماتشوفي حرمان ولا ضرة يارب اميييييييييييييين

[عيون زوجي]

سورينااااااااااااام.....حبيبتي الله يباركلك في فراس واخت فراس وفي زوجك وعجبوني لماتك وبطول عمرك يارب يا احلى اخت
عجبتني فكرة العصير الطبيعي لاني عييت من روزاطة اللوز وروزاطة البندق والفستق مش حلويين بكل
شكلي بنغير على العصير الطبيعي شن رايك في عصير هافانا بنت حماتي دارت بيه لمتها لما انا في المانيا وتشكر فيه كان عاجبك قوليلي وكان هذا دليني بالتفصيل على مكان صاحبة اختك ونغش منك عادي احنا تؤم

[عيون زوجي]

سورينااااااااااااااااام ادعيلي انجيب عييت اليوم موعدي وانصحيني والكلام للكل لميرنا وايه وكل البنات يلي رح يخشوا ويقروا كلامكم شن رايكم نمشي الخميس ونطلب ايديرولي وجع صناعي وخلاص الثقل فشلني ومعاه قلة النوم والحموضة وخايفة ايقل نبضه او اي شي لا قدر الله

[عيون زوجي]

البارح مرات عمي جنينها توقف نبضها ومات وهي في شهرها ربي يصبرها وجعتني والدكاترة اليوم رح يطلعوا البيبي بالعمليه وما عرفوش سبب توقف النبض ووفاة الجنين المفاجئ

[معراج]

شوفي اختي عيوون )انتى ادرى بوضعك لو عارفه ان تاخير الولاده يضر الجنين فتوكلي على الله واعملى الطلق الصناعي والافضل انك تصلى صلاة الاستخاره وربى يلي فيه الخير يجيبه ليك وينوضك الله بلسلامه وتفرحى بشوفت جنينك سليم معافى ان شاء الله

[ميمونة]

السلام عليكم كيف حالكم

عيون انا مع اختي معراج وعندها الحق اهم شئ استخيري الله وربي يسهل عليك يارب

[سورينام]

يرنا العسسسسسسسسسسسسسسوووولة والله انا نحبك فوق ما تتصوري .. انتي اللي خليتيني نشترك في التجمع من خفة دمك وصبرك على الدنيا رغم اللي تعاني فيه ......... ويا حبيبتي العتب على قد المحبة .. ومشكورة واجد عالاغنية والله عندك حق حتى ابوفراس ماغناهالي (يا حسرة راحت ايام الغناوي).. وانشاالله يا ميرنا ببركة هالايام الفضيلة من شوال نسمعو بحملك قريب غير بعيد يااااااااااااااااااااااااااارب

[سورينام]

عيوني الغالية ..مازال تلقطي في الأجر ما شاالله .. انتي عارفة ان كل التعب اللي تحسي فيه اجره عظيم عند ربي وكل ما صبرتي كل ما زاد اجرك انشاالله .. واني من رأي انك اتبعي كلام الدكتورة بحذافيره لأن هيا اعلم بحالتك يعني لو قالولك الخميس وجع صناعي خلاص وافقي لو قالو لا لا.. هما ادري بنبض البيبي وحالته .... وزي ما قتلك راح الكثير وما بقى الا القليل .. شوفيني اني واللي مر عليا لا توريه لكافر ومع هذا صبرت لحد ما فرجها ربي والحمد لله .. حتى انتي تو تجيبي وتنوضي بالسلامة وتحكبلنا قصة ولادتك السهلة انشاءالله .. المهم على طول بعد ما تجيبي طمنينا حتى بكلمتين .

[سورينام]

بالنسبة لعصير هافانا بصراحة حلو حلو اني ذقته في لمة صاحبتي والحق كنت نبي انديره هو خاطري فيه .. لكن اختي هيا اللي اصرت عالطبيعي .. وزيادة جاني هدية منها فقلنا يلا القرش اللي يقعد يقعد (ههههههههههههه)

[سورينام]

يا ميرنا قوليلنا وين ام اسيل وحبل الوصل مغطسات ... بالك عاملينها من ورانا وداسين المفاجأة لين ايجونا نوافس

[ღॐ آية ღॐ]

عيون زوجي زي ما قالو الاخوات
توكلي على ربي واهم شئ صلي صلاة الاستخارة
وتبعي كلام دكتورتك
ويارب ما تستحقيش وجع صناعي يااااااااااااارب اتجيبي الليلة
اللهم امين
وتنوضي انتي وضناك بعافيه وسلامه
وضروري تخشي اطمنين ولو بكلامة انا جبت والحمد لله
والله نستنى امتى نطمن عليك
وبالي عندك وندعيلك
ربي يسهل عليك وخيتي

[ღॐ آية ღॐ]

شكرا آية علي الترحيب .. وانشالله تحلي عويناتك علي خير يارب .. وبالنسبة للجو في غريان كويس ومنعش والهواء تحسيه نظيف لان معندناش الرطوبة اللي في طرابلس وخاصه في الصيف لكن في الشتاء طرابلس احلى لان غريان في الشتي صقع يقتل سحنتي ههههه.. المهم تشرفت بالتعرف عليكواني مواليد 80 ومتزوجه ليا ثلاث سنوات وعندي بنت عمرها عامين وثلاثة شهور وتوه قتلي الدكتوره ولد والله اعلم اللي يجيبه ربي باهي المهم سليم وصحيح..
تشرفت بمعرفتك
وربي يحفضلك بنوتك وتجيبي وليدك على خير
ناس غريان طيبين
كنت خالي غريانيه
ومشاء الله عليها زين وفلاحه
واكيد الغريانيات كلهم هكي
ربي يحفضك ..

[أم ردينة]

شكرا يا ميرنا علي الترحيب وانشالله معرفة خير

[أم ردينة]

اهلا بعيون زوجها وربي يحفظهولك انشالله ...بناويت غريان حلوات لا لكن صاعبات صح هههههههه .. نبصر عليك هكي يقولو منعرفش صح ولا لا؟ بعدين الحلو والشين في كل مكان

[hatoo]

اهليييييييييين

[عيون زوجي]

ميمونه ومعراج وايه وسورينام واوخيتنا الجديدة ام ردينه ربي يباركلي في صحبتكم وما تعتازوني في ضيق انشاءالله دوم فرحانات يارب وشكرا لسؤالكم انتم زي اوخياتي لو انتم ما سئلتوش وما نصحتوووووش منو بينصحني صح؟؟؟
ميرنا نبوك تخشي كل يوم زي قبل تفرفشي التجمع وتحليه
ايه ...وعد انشاءالله لو ولدت بمجرد مانروح انطمنكم على طول وعقبال ما نستنوا ولادتك على خير امتى موعد ولادتك بالزبط
سورينام حبوبه التجمع وين صورة فراس هيا خاطري انشوفه باش انجيب هيا.......هههههههه
هاتو هلا وغلا كيف حالك ووينك نبوا التفاصيل اكتبيلنا ضروري جدا

[عيون زوجي]

حبل الوصل وام اسيل وينكم مشفراااااااااات مهناش ولا خشة ولا طلعه ولا كلمة
والتانيات يلي خطوا مرة وحدة وينكم نبوكم معانا منورات زي قيل يلي هم:
-هنديه
-سمحه
-اميسر
-راجية
-ام لقمان
-صابرة
-ساجدة
-ام روفيدة

[عيون زوجي]

اماااااااااااااانة في ارقابكم كلكم الحاضر يعلم الغايب
ادعولي انجيب الليله ولا غدوة بالله اعليكم انجيب طبيعي لا طلق صناعي ولا قيصري
بالله اعليكم ويارب يجزيكم بالخير والعافيه والجنه يارب.............................................. .................................................. .................................................. .......................................

[عيون زوجي]

سورينام..نبي انزل صورة سارة ما عرفتش تتحمل مدة وبعدين تعطيني ان الحجم كبير الابعاد دليني كيف اندير

[عيون زوجي]

hwaml90hwaml90hwaml90hwaml90hwaml90hwaml90
hwaml90hwaml90hwaml90

[راجيه فرج ربها]

السلام عليكم ورحمة الله وبركاته

غالياتي العزيزات اتمنى لكمليله سعيده حافله بدكر الله
اختي عيون توكلي على الله وابدي برنامج الاستغفار من تصحي لعند ترقدي وانت في فمك لاستغفار في كل مكان في المطبخ وكل حته وتو تشوفي النتائج الباهره ان شاء الله اما التاخير ان في بنتي دخلت على العاشر باسبوعين دكتوري يقول عمليه وامتاع الاتر ساون كونه صديق العائله يقول الوضع سليم مازال تتحملي فانت كان السونار يقولك الوضع سليم فما تخافي وانسي روحك عطي روحك فرصة هالاسبوع وبعدين توكلي على الله وشوفي الخيره وين وهالايام استخيري في كل مشيه للدكتور وربي يسرلك وان شاء الله ندعيلك هالليله بادن الله
باقي الحبايب لكم مني كل الامنيات بالفرج القريب الدائم

[ღॐ آية ღॐ]

عيون زوجي انا الدكتور قالي في الاول بتولدي يوم 18/2
وبعدين قالي بتولدي في 8/2
والله اعلم

[ميمونة]

السلام عليكم

[ღॐ آية ღॐ]

عيون
ان شاء الله تجيبي الليلة وتكون ولادتك طبيعيه
وسهلة وميسرة وتفرحي بحمودي
راك تنسي قولي لدكتورة
تعطيهولك من الي تجيبي على طول تمسح خده وتقربه لصدرك وبوسيه
ضرورررررررررررررررررري
ونصيحه ارفعي معك رطب وحنكوه بيه هدي وصية الرسول
عليه الصلاة والسلام
يعني ادهنو بيه شفايفه

[ღॐ آية ღॐ]

هلا ميمونه
وعليكم السلام
نورتي

[ميمونة]

شن حالك ايه وحال ايوب والبيبي

كيف طلع البازين ماتقوليش يهبل

ههههههههههههههههههههههه


صحتين

[ღॐ آية ღॐ]

الله يسلمك الحمد لله
والله في نعمه
البزين طلع يهبل ياريتك تغديتي معانا
مره تانيه نديرلك عزومه
غر انتي ادليلي وقولي شن خاطرك

[عيون زوجي]

راجية........الحمدلله على سلامتك وين كنتي مغطسة طمنينا عنك واحكيلنا على اخيارك بالتفصيل وصحيتي عالنصيحة انشاءالله انرطب لساني بالذكر والاستغفار والباقي على ربي
اية موعدك مع مرات خوي 8/2/2011 انشاءالله تنوضي بالسلامه وتشوفي الياس على خير ويباركلك فيه وفي خوه وزوجك
ميمونه...شن صار معاك مع الدكتور الزروق شن اخر اخبار العلاج هيا فرحينا معاك وقوليلنا انك حامل
ويارب انتي يا ميمونه وميرنا وكل البناااااات يلي يستنوا في رحمة الله انشاءالله ربي يسخرلكم الحال وتشدوا صغاركم في ايديكم قبل الرمضااان الجاي يارب

[عيون زوجي]

وينكم شكلكم مافيش حد الله غالب تصبحوا على الف خيرررر
انا الليلة مش باين اولد لانه مافيش بادرة طلق نهائي
انشاءالله الفجر ولا الصبح ايجيني الطلق ونولد يارب وشكرا لدعوااتكم الحلوة ووقفتكم معاي يالغالياااااااات................

[أم ردينة]

مساء الخير يا عيون : شنو قاعدة تفنصي؟؟ ههههه انشالله تجيبي علي خير يارب والله حسيت روحي متخولطه كأني اني اللي بنجيب . وعموما راهو مش شرط تجيبي في نفس الموعد بالزبط مرات حتى بعه باسبوع او اكثر توكلي علي ربك وانشالله تنوضيلنا بالسلامه..

[أم ردينة]

هادي بنتك يا سورينام ؟ مشالله عليها تهبل قداش عمرها ؟ ربي يحفظها ويخليلها مامتها يا رب

[أم ردينة]

يا مدمات حد يساعدني يقولي علي وصفة للنوم خلاص معادش نقدر نتحمل ..اني بنهاية الشهر السابع وعندي أرق فظيع وقلة نوم نقعد لن بعد الفجر واني نتقلب يمين ويسار والحركه بحسابها زي ما عارفين لكن مفيش فايده نقول باهي توه الصبح نرقد انوض من الساعه سبعه وكأني راقده ليا عشر ساعات . ونقول لروحي توه نرقد في القايله لاكن كمان مفيش فايده وحاولت ناخد منوم مده اسبوع بعدين خفت قلت بالك يضرو البيبي والدكتوره قتلي شي طبيعي لكن اني معادش اقدرت نتحمل نبي نرقد على الاقل خمسش ساعات على بعضها... والله مرات لن نقعد نبكي.. ويارب يكون في عونا . الامومه شي مش سهل بكل..
في القايله زي الناس

[ميرنا]

هههههههههههههههههههههه اعيون راجالها لديكى اقل من دقيقة

[ميرنا]

ام ردينة حتى انا صارت امعى نقعد واعية نتقلاب يمين ويسار فى الفراش وبعدها انقول اكيد ها لمسيكين لى راقد فى جنبي قلقته انوض ونعدى للمطبخ ونقعد ناكل مرات الساعة 4فى الصباح يوعه يلقنى فى المطبخ ناكل ينصدم اوكل وقل نوم نين جبت ووزنى زائد قعدت مثل البطاح

[ميرنا]

سورنيام الو _ الو _ الو امعك اعيون راجالها طالبة مساعدتك ولديها اقل من دقيقة

[ميرنا]

ميمونة هههههههههههه يا اسامة السيد ريحة البازين وصلت عندى فى درنة

[ميرنا]

ميمونة كل يوم عند امك وراجل قاعد لمسيكين ابروحه والله اوخييى واجعنى حاله ايش رايك خاليك بلمره عند امك ونجوزه واحدة اصغيره من موليد2000 تمسك حوشة ودير بالها عليه ههههههههههههههههhwaml77

[حبل الوصل]

صباح الخير كيف حالكم اليوم

[حبل الوصل]

ميرنـــــــــــا نورتى
ربي يسهل عليك ياعيون وتولدى اليوم ياغالية

[ميرنا]

يامرحبتين بالحبايب

[ميرنا]

ايش اخبارك واخبار عمورى واخلاص بدو فى المدرسة انشالله كل سنة وهم طيبين

[حبل الوصل]

وانتى طيبة ياخيتى بدو اخلاص اول سنة مدرسة وعمورى روضة يارب يفرحنا بيك ياميرنا

[حبل الوصل]

ميرنا هذى إخلاص اللي في الصورة شفتيها

[ميرنا]

يا ميرنا قوليلنا وين ام اسيل وحبل الوصل مغطسات ... بالك عاملينها من ورانا وداسين المفاجأة لين ايجونا نوافس

سورنيام هذه حبل الوصل نورت شاشة التجمع وشكلها عملتها مثل ما قلتى هيا نسالوهاhwaml7

[ميرنا]

ميرنا هذى إخلاص اللي في الصورة شفتيها

ايوه شفتها ربى يحفظها لك ويفرحك بيها وهى دكتورة وعمورى مهندس

[حبل الوصل]

لا ياريت بس كنت مشغولة شوى وانى اليوم 5 يوم من الدورة

[ميرنا]

حبل الوصل وين كنتى مغطسة اكتبيلى اخر موعد لدورة بالارقام والحروف هههههههههههههه

[ميرنا]

بالنسبة لى مشيت لدكتورة ايمان بوطلاق لى فى بنغازى قالت لى زيدى خوذي دوستنكس حبتين اخرة وتعالى لم اتجيك الدورة ومعاك تحليل الحليب

[حبل الوصل]

انى امس كنت عند الدكتورة وقالتلى هرمون الحليب نسبته كويسة يعنى مش مرتفع وعطتنى كلوميد وابرة تفجير نبدا في الكلوميد من اليوم بس قالتلي لما تاخدى الكلوميد مافيش جماع لعند ماناخد ابرة التفجير دورتى جت يوم 18/9

[حبل الوصل]

عيون وين انتى ولا في المستشفى ربي يسهل عليك والله ندعيلك من قلبي ربي يسهل ولادتك
شن حال سرورة
ام اسيل وينك الك وحشة ياقلبي وشن حال اسيل وهيمو شكلك مغطسة في المدرسة ربي يكون في العون

[ღॐ آية ღॐ]

راجية........الحمدلله على سلامتك وين كنتي مغطسة طمنينا عنك واحكيلنا على اخيارك بالتفصيل وصحيتي عالنصيحة انشاءالله انرطب لساني بالذكر والاستغفار والباقي على ربي
اية موعدك مع مرات خوي 8/2/2011 انشاءالله تنوضي بالسلامه وتشوفي الياس على خير ويباركلك فيه وفي خوه وزوجك
ميمونه...شن صار معاك مع الدكتور الزروق شن اخر اخبار العلاج هيا فرحينا معاك وقوليلنا انك حامل
ويارب انتي يا ميمونه وميرنا وكل البناااااات يلي يستنوا في رحمة الله انشاءالله ربي يسخرلكم الحال وتشدوا صغاركم في ايديكم قبل الرمضااان الجاي يارب

تسلمي على الدعوات الحلوة عيون بس راك تنسي تدعيلنا اثناء الولادة
انا اسمي اية ادعيلي باسمي
وبالله عليك سلميلي على مرت خوك هلبا هلباااااااااااااااات
وقوليلها معانا وحدة موعد ولادتها زي موعد ولادتكhttp://forum.hwaml.com/images/icons/icon10.gif
والله فرحت اول مره نلقى وحدة موعدها زيني
مهبوله>>>ترقص من الفرحهhwaml7
ربي يسهل عليك يااااااااااااااااارب

[أم ردينة]

شنو صار فيك يا عيون ؟؟ يا ميرنا اني لا نوم لا ماكله حتى الدكتوره قتلي حجم البيبي صغير..واني نفكر ان نعطي الشيشه اي المرضعة للبيبي شنو رايكم لان بنتي رضعتها عامين وشهر لكن شردتني..

[ღॐ آية ღॐ]

حبيبتي ام ردينه حرام عليك تحرمي البيبي من حليبك
وسعي بالك معه ورضعيه على قد ما تقدري وفكيك من الشيشه
والله لو تعرفي فوائد الرضاعه الطبيعيه تقولي نصبر ونتحمل
نصيحه مني متفكريش ترضعي رضاعه صناعيه
والام الي تحرم طفلها من الرضاعه الطبيعيه وهي قادره عليها
يلحقها اثم لان هدا من ابسط حقوق الطفل
وبعدين والله الطفل الي يرضع من امه يطلع حنين ويحبها هلبا وهدي حقيقه علميه

[ღॐ آية ღॐ]

ننصحك اقري فوائد الرضاعه الطبيعيه رح تغيري رائيك
ديري بحت في قوقل وان شاء الله مش رح يهون عليك تحرميه منها

[عيون زوجي]

ماااااااااااااشااااااااااااءالله الحبايب كلهم منورين
ميرنا وحبل الوصل وايه وام ردينه ربي يباركلكم في يومكم ويسهل اموركم يارب
انا لا في المستشفى لاشي عندي ارق ليلي حتى انا نرقد مع ال4 او 5 وحتى الاستلقاء صعب مدايرة ورايا 3وسائد تحت راسي ووحدة تحت ظهري ربي يفرجها اعليها وعليكم
ميرنا ...قوليلي شن ناكل باش ينفتح عالرحم ونجيب هيا انتي دكتورة التجمع ولا راجلك فاتحلك الصيدليه عالفاضي
حبل الوصل ماشاءالله اصغارك ايجننوا ربي يحفظهم ويرزقك باخ او اخت ليهم وتشوفيهم زي ما تبيهم
ايه...حبيبتي الحنونه انشاءالله لو قعد في راسي شوية فكر وقت الطلق مش رح ننساكم بأذن الله

[عيون زوجي]

ام ردينه اشربي حليب سخون لانه مهدئ ممكن ايريحك اشوي وريحي روحك من الادوية المهدئة لانها اتخوف لانها تشتغل عالجهاز العصبي

[عيون زوجي]

ايه...مرات خوي مواليد1993 ماتندري اعليها منين زارقة تنهض في الرزين وتجري في الدروج وتتطلع ومش محافظة بكل مسكينة جاها نزيف مدة بس توا امورها تمام ولله الحمد وحتى هي اوليد زيك بس هي رح تسميه بأذن الله خالد على اسم المرحوم خوي
وعقبال ما تنوضي انتي وهي بالسلامه يارب

[عيون زوجي]

سورينااااااااااام....الحبوبه وينك اليوم شغلتيني اعليك استاحشتك هيا رقدي فراس وخلي سارة مع العابها وخشي
احكيلي شن مدايرة سارة مع فراس انا خايفة من بنتي على البيبي لانها بسلامتها تتضرب بمرضعتها في وجوهنا حاله ماتخافش

[ღॐ آية ღॐ]

مشاء الله تبارك الرحمن صغيرونه
لاكن بالله ديرو بالكم وانصحوها
اكيد في حاجات متعرفهاش وانتي مشاء الله خبرة متحرميهاش من خبرتك
نوريها وان شاء الله اجرك حاصل
وبنسبه لي بنتك ربي يخليهالك قعده اهدى من ولدي ولدي ربي يهديه اي شيء في ايده يحدفه
علينا انا وابوه والله حتى انا خايفه على البيبي
ربي يستر ان شاء الله
بس تجيبي ديري عشرة عيون
وخلي البيبي ديمه في سريه
اكيد سرورة رح تنغر منه
ديرو بالكم هلبا مش شويه

[ღॐ آية ღॐ]

عيون
ربي يرحم وخيك ويسكنه فسيح جناته
تعيشي وتترحمي ان شاء الله,,

[تيمو ليبيا]

مساء الخير عليكم اني مشتركه جديده اسمي اعتماد من طرابلس بس توا قعده في ماليزيا راجلي يقرا وحامل في التاسع في الاسبوع 37 بكريه ليا 9 شهور متزوجه وعجبنب منتدي هلبه استفدت منه الحق ومنكم انتو اكيد وليا شرف اني انكون عضوا معاكم

[ღॐ آية ღॐ]

اهلا بيك اختي اعتماد
ان شاء الله نفيدوك واعتبرينا وخياتك
واي شيء تبيه احنى حاضرين
وربي يسهل عليك ولادتك
اللهم امين
اختك اية من طرابلس

[ميمونة]

هلا اعتماد تشرفنا بيك

انا من طرابلس عمري 24

[ميمونة]

عيون تسلمين عالدعاء والله مازال مامشيت للدكتور الزروق قلت انشوف هالشهر بالك يارب نطلع حامل وكان هدا ماعندي حل الا سريب الدكاتره وخلاص

[عيون زوجي]

اهليين بالحلوات هلا ايه تعيشي وتترحمي وما تفقدي غالي يارب
ربي يخليلك ايوب بس حتى انتي لازم تحطي صورته ونشوفوه انا بنحط صورة بنتي بس كل مرة تعطيني الملف خاطئ مع اني حملتها على مركز التحميل الله غالب رح نزيد نحاول
واي طلب نطلبه نفدوه طول مرات خاطري فيه هو بالدات ولما تنفدوه يجيني الوجع ونرتاح
ميمونه ..شكلك هالايام راحة من الاعراس والصدرة صح مسكته الحكايه
اختي اعتماد هلا بيك بينا انا عيون من طرابلس عندي بنت عمرها سنة و4شهور وتوا نستنى في ولادتي وموعدي وفات وانشاءالله خير
حلوة ماليزيا صح احكيلنا عن جوك غادي وقداش ليكم مسافرين وشن تخصصه زوجك
الله غالب القصقصة مفتاح التعارف صح؟

[ميمونة]

هههههههههههههههههه

والله صدقتي عيون والله مسكته اهو قرب مناسبه عيد زواجي ونسكر سنة

والله بني ندير افكار للمناسبه ياريت الاخوات تساعدني

اختكم قاعده جديده علي هالمناسبات

[عيون زوجي]

نصيحه عيد الزواج يكون بينك وبين زوجك احلى بالف مرة من لم الناس
تقدري تشري تورته وتقسميها نصين ترفعي نص لاهل زوجك ونص لاهلك
بس الاحلى انك تمشي للكوافير كانك ماشية عرس وما تشريش قفطان لا لا اشري روب احمر حلو مغري وقصير واطلبي منك يوفرلك النواقصويطلع ما يجيش الا لما تكلميه



اطفئ الاضواء ولو عندك سبوت لايتس اوكي خليهم وديري كيكة وحاجات حلوة مع شموع وبقية الجو تعرفيه واشرطي انك تتعشي برا او يجيبلك عشاء من المطعم وما تنسيش الهدية انا اول عيد زواج شريت موبايل ب375دينار يعني حاجة حلوة وقنينه
وكل سنه وانتم حبايب يارب وعام داير ولدكم معاكم

[تيمو ليبيا]

تسلمي ايه كلك دوق اكيد زي وخياتي واكتر وميمونه العمر كله يارب وعيد زواج سعيد وربي يخليكم ل بعض وعيوني تسلمي ياحبوبه والهي ماليزيا حلوه هلبه لاكن عندي ليبيا بدنيا لان ماليا فيها ولينا توا 8 شهور وراجلي تخصصه دكتور في علم الاجنه وحشيشته قراي عكسي تماما وانشالله تولدي علي خير ومتفكريش فيه موضوع هلبه اني ليا 5 ايام في تاسع وبنهبل كان نلقا انجيب لاكن حمدالله كله اجر عند ربي مشالله عندك بنوته ربي يحفظهالك ويلحق وخيها ويحفظه يارب

[ميمونة]

تسلي ياعيون علي الافكار الحلوه بس ياريت نبي هدية تكون غير الموبايل لاني هديته في عيد ميلاده

[ميمونة]

تسلمين تيمو مبروك حملك حتي انتي قريب تسكري السنة العمر كله يارب

انقلي النصائح من عيون علي الاحتفال سنة زواجك

ههههههههههه

[ميمونة]

الأكرمين اللهم إني أستغفرك من كل سيئة ارتكبتها في بياض النهار وسواد الليل في ملأ وخلاء وسر وعلانية .. وأنت ناظر إلي اللهم إني أستغفرك من كل فريضة أوجبتها علي في آناء الليل والنهار.. تركتها خطأ أو عمدا أونسيانا أو جهلا... وأستغفرك من كل سنة من سنن سيد المرسلين وخاتم النبيين سيدنا محمد صلى الله عليه و آله وسلم.. تركتها غفلة أو سهوا أو نسيانا أو تهاونا أو جهلا أو قلة مبالاة بها .. أستغفر الله العظيم .. وأتوب إليه .. مما يكره الله قولا وفعلا ..

امين يارب العالمين

[حبل الوصل]

مرحبتين بيك يااعتماد وربي يسهل حملك وولادتك ويقر عينك بشوفة عيلك يااارب نورتى التجمع

[حبل الوصل]

يابنات شكلى انى اللي سارقة منكم النوم تعرفو نرقد بشكل غير طبيعى ديما فيا النوم زى الوحمانة مع انه عليا الدورة نرقد في 15 ساعة واكثر ومازال نبقى نعسانة

[حبل الوصل]

نــــــداء عــــاجل:-
كل من يجد ام اسيل اويعرف عنها شيئا يتوجه لاقرب مركز للتبليغ
وسوف نضع جائزة قيمتها 1000 دينار لمن يعرف عنها اي شيء

المبلغ:- حبل الوصلhwaml13

[تيمو ليبيا]

الله يخليك حبل الوصل ومشالله عليهم صغويرتك ربي يحفظهملك وميمونه ايه بلهي سنه جرت جري انشالله بناخد بنصيحة عيون حلوه فكره اصلا اني بلهي لا ماليا لاماليه هكي ولا هكي بروحنا ههههههههه

[ميمونة]

ههههههههههههههههههههه

والله احسن تيمو انبصر بس والله صعبه الغربه يارب ترجعي بالسلامه

[ღॐ آية ღॐ]

عيون حاضر حنحط صورت ايوب
اليوم ان شاء الله
ما تقعدش في خاطرك
ربي يسهل علينا وعليك

[ميمونة]

ايه خير والله شن حالك

[ღॐ آية ღॐ]

الحمد لله وانتي اخبارك؟

[ميمونة]

اني قاعده نحساب روحي بنروح قالي بعد المغرب انجيك اهو قاعده في حوش بوي

[تيمو ليبيا]

لا ميمونه بلعكس خودي راحتك حبيبتي والهي صعبه هلبه الغربه وتعبت فيها وهو الحق كويس هلبه معاي ومنبيش انكد عليه مره مره معليشي غصبن عني شني بندير وال مهون عليا امي وبوي جاين انشالله 10_10 بيحضرو ولادتي وحمدالله مرتاحه لاكن دهاب شيره حشاك

[أم سعد]

آية حتى أنا موعدي في شهر 2 لكن أنا بعدك

21-2-2011

ربي يتمم على خير

[سورينام]

السلام عليكم....
ههههههههههههههه .. والله يا ميرنا هاذي عيون شكلها معبية كرت جديد مش عندها اقل من دقيقة ..بيني وبينك حتى راجلها شاكي منها قال قلقتني .. كل ليلة واني شادها طواري وما فيش فايدة ... اني شايفة ان الحل الوحيد نمشولها اني واياك ونبركو عليها ..وحدة من اليمين ووحدة من اليسار لين يطلع العزري ونريحوها وخلاص...

[سورينام]

عيووووووني ... اني ما فهمتش كيف صورة سرورة ما بتش تتحمل .. اني حملتها بسهولة خشيت لصفحتي الخاصة واخترت تنسيق الملف الشخصي وبعدين تعديل الصورة الرمزية وحملتها من جهازي وبعدين درتلها حفظ التغييرات وطلعتلي

[سورينام]

انشاءالله نحاول انزل صورة فراس اليوم .. لان الوصلة متاع تليفوني ما بتش تخدم على جهازي

[سورينام]

وانشاءالله انزلها من هني وانتي تنزلي حمودي من بطنك آآآآآآآآآآآآآآآآآآآآآآميييييييييييييييييييين

[سورينام]

كثري من الاستغفار وقراءة سورة الزلزلة

[سورينام]

والله شن بنحكيلك على سارة كيف دارت لما جانا فراس ..
في الاول قريب ماتت لما شافتني شاداته ونرضع فيه واني امدايرة روحي عادي وما نبيش ندرقه عليها ونقوللها تعالي سرورة شوفي الببو متاعك وهيا توخر وتعيط وتقوللي ( ته ته ته ) وتأشر عالارض مش عارفة ممكن معناها حطيه والله موقف مؤثر ووجعتني بنيتي لين خلاص حسيتها صغيرة وجي من اخد مكانها لكن الله غالب .. على طول اعطيته لأمي وشديت بنيتي وقعدت نبكي اني واياها لين المقعمزين معانا كلهم دمعو من الموقف

[سورينام]

لكن بالشوية بالشوية تأقلمت مع الموضع وبدت لما تسمعه ايعيط اتجيني وتقوللي (ماما .. ببو ببو ) وتشدني من وتلرفعني لسريره .. ونصيحة مني يا عيون .. ماتبعديش بنتك على خوها .. قصدي ماتعطيهاش مثلا لامك بحجة انك تعبانة وتعاني في خوها .. الافضل انك تعوديها على وجوده من الاول .. وابو حمودي يعاونك شوية عاد .. لان عنادهم زي التواما سلامتهم

[عيون زوجي]

سورينام حبوبتنا واعيونا استاحشتك........
لازم تخشي كل يوم باش نطمن
فراس كان شكله زي سرورة خلاص حلو وايهبل من غير ما نشوفه
ونقولك حاجة عييت من الانتظار تعالي انتي وميرنا وابركوا مش مقايلة لا
ربي يخليهم الزوز وتشوفيهم زي ما تبيهم يارب انا امي ما نقدرش نعطيها بنتي لانها تعاني في عيلة زوز عزارة وبوي وزوز كناين يتوحموا مرضى تجري بيهم من عيادة لعيادة واطيبلهم تقولوا بناتها مش كناينها
وعزوزتي كبيرة هلبة ومريضة وماعنديش حموات صبايا
يعني لازم سارة تتعود على خوها باش تريحني

[عيون زوجي]

خيرني من دون النسون يا سورينااااام موعدي وفات لا وجع ولا بادرة امل انه ولادة اصلا تعبت طبقت كل النصايح قرفه وجماع ومشي ورطب وكثرة حركة في الحوش وحمام دافي ظهري انهد بلا فايدة
غدوة موعدي في العيادة ونشوف الدكتورة شن تقول لو قالت وجع صناعي رح نتوكل على ربي وخلاص والامر لله من قبل ومن بعد
والحمدلله حمدا كثيرا طيبا مباركا فيه.............

[عيون زوجي]

واخيرا نزلت صورة سارة وهي متنكرة بشكل قطة
هادي في سوق الثلات في واحد يرسم في وجه الاطفال ورسم وجه القطة لسارة

[عيون زوجي]

تصبحون على خير
وانا اصبح بأذن الله على ولادة سهلة ميسرة بأذن الله............................

[سورينام]

تبااارك الرحمن على سرورتك يا عيون والله ماشا الله عليها ربي يحفظها .. تعرفي تبان اصغر من بنتي رغم انهم تقريبا انداد .. سرورتي 3-5-2009
ووجه القطة زايد محليها السنفورة .. في شبه تاني بيناتنا (بنتي وبنتك صلوعاااااااات)

[سورينام]

والله يا عيون لا تقولي من دون النسون ولا شي الحمد لله على كل حال .. وبعدين فيه نسبة كبيرة يفوت معدهم وما يجيبوش فيه .. لان الولادة زي الحمل كلها تساخير من عند ربي وساعة نزول وليدك مازال ما اذنش بيها المولى ..عندي صاحبتي فات موعدها 13 يوم وفي الاخير حددولها موعد بيعطوها وجع صناعي جابت طبيعي قبل ما توصل فيه وكنة خالي جابت بعدي وهيا موعدها قبلي تخيلي فات موعدها ب 19 يوم وما سمعتش كلام الدكتورة اللي عاطيتها موعد وجع صناعي وقالت لا تو نجيب طبيعي في الأخير نقص نبض البيبي واضطرو للعملية بعيد عنك باش جابت وليدها

[أم ردينة]

ياآيه يا حبيبتي انتي مفهمتنيش اني نبي نعطي للبيبي الشيشه مع الرضاعه الطبيعه قصدي كاعامل مساعد فقط يعني عند الضروره زي عرس ولا لمه ولا اي طلعه باهي معقوله كل طلعه نقعد نخمم كيف بنديرلا ففكرت نعطي الشيشه مش نبطل الرضاعه الطبيعيه نهائي لالا بالعكس اني اكثر انسانه مقتنعة بيها بدليل اني رضعت بنتي عامين لكن والله شردتني ومتعلقة بيا هلبه ولازم نرفعها معاي لاي مكان وانتي عارفه الباقي وشكرا علي النصيحه ..

[سورينام]

ربي يخلي اميمتك ليكم ولعويلتها ولكناينها .. والله النساوين اللي يعانو في كناينهم هكي قلال وانشا الله غير الكناين باهيات معاها
وربي يقويك انتي ينوضك بالسلامة لعويلتك .. لازماتك طاقة كبيرة ياعيون باش تقدري تعاني زوز صغار وراجل اساليني اني .. معاش لاقية وقت نحط حاجة في بطني وما ناكل الا لما يرقدو سلامتهم

[سورينام]

تصبحو على خييييييييييييير .. وما فيش خير من صبح نسمعو فيه بعيون جابت آآآآآآآآآآآآآآآآآآآآمييييييييييييييييييييييييييين

[أم ردينة]

وانتي من أهل الخير يا سورينام وانشالله ربي يسهل علي عيون وتجيب وترتاح يا رب

[أم ردينة]

واني مازال مش جايبني نوم يا حليلي عييت غير امتى يفوتو شهرين بس

[أم ردينة]

سعدودك يا حبل الوصل سلفيني شوية نبي ثلاث او اربعة ساعات علي بعضهم بس.. واهلا باعتماد نورتي حتى زيك عضو جديد وانشالله معرفة خير ..أم ردينة من غريان

[تيمو ليبيا]

اهلين بيك ام ردينه وبجوده انتي عايشه في غريان ولا في طرابلس وبنسبه ل نوم اني من خشيت السابع واني منعرفاشي ورمضان نقعد انقوبع ل 8 صبح وارهاق بس من خشيت التاسع حمدالله وليت نرقد انشالله حتي انتي ترتاحي وترقدي واله مافي احلا من نوووووووووووووووم

[حبل الوصل]

عيون ماشاءالله عليها بنتك ربي يصون وان شاءالله تفرحى بيها وتشوفيها عروسة

[ღॐ آية ღॐ]

ياآيه يا حبيبتي انتي مفهمتنيش اني نبي نعطي للبيبي الشيشه مع الرضاعه الطبيعه قصدي كاعامل مساعد فقط يعني عند الضروره زي عرس ولا لمه ولا اي طلعه باهي معقوله كل طلعه نقعد نخمم كيف بنديرلا ففكرت نعطي الشيشه مش نبطل الرضاعه الطبيعيه نهائي لالا بالعكس اني اكثر انسانه مقتنعة بيها بدليل اني رضعت بنتي عامين لكن والله شردتني ومتعلقة بيا هلبه ولازم نرفعها معاي لاي مكان وانتي عارفه الباقي وشكرا علي النصيحه ..

فهمت عليك حبيبتي توة
لاكن انا في ولدي قعدو عويلت زوجي ينقو عليا
ولدك ما زادش اعطيه الشيشه رضعه وحده بس
في البدايه كنت مسكرة راسي نبي نعطيه صدري بس
وهو سلامته كان ديمه يعيط ويقولولي حليبك ميشبعش فيه
وهدا كان مسببلي احراج
اعطيته الشيشه على اساس انديرله رضعه يرضعها
وانا في حوش شابنيه باش يسكتو وهو ميعيطش عندهم
او قلت عند الضرورة برضو
لاكن للاسف خدي على الشيشه ومعاش بي ياخد صدري لان الحليب بشيشه يتدفق بسرعه وفتحة الشيشه اوسع واريح ليه
وللاسف حليبي من قلت رضاعتة بدي ينقص لين فطم عمره بروحه
هدا في سبع شهور.. وتوة بنسبه ليا حلفت والله بأدن لله ماني عاطيه حليب
صناعي وربي يعيني انرضع عامين كاملين لو كان نبطل معاش نمشيلهم
وبنسبه لي الطلعه انا كنت لما نطلع انخلي فيه لي ماما انديرله في رضعة كمون
اوفليه هدا طبعا بعد ما ربعن وحتى مرات ماما اديرله في منقوع التمر وهدا كويس بعد تلات شهور رضعه وحده في اليوم ..
والله نحس فيك زي وخيتي وحبيت نفيدك بتجربتي لان توة والله نحس في تانيب الضمير اتجاه ولدي لانه ما كملش حتى عام رضاعه طبيعيه..ولما نقرى فوائد الرضاعه توة نزيد نصر على موقفي
وانتي ان شاء الله تولدي وتنوضي بسلامه وتجيبي وترضعي طبيعي عاميييين
كاملين ومتستحقيش لشيشه اللهم امين

[تيمو ليبيا]

مساء الورد طبعا احني عندنا ليل توا ساعه 8 ونص فرق بينا 6 ساعات بلهي عليكم نبي اسم بنوته حلو بوها ايقولي كيف قريب اتجي ول توا مسمينهاش والاسم ال نقوله عليه ميعجباش شورو عليا واعطوني اسماء

[ღॐ آية ღॐ]

عيون مشاء الله على سرورة تبارك الرحمن
ربي يخليهالك وتشوفي وخيها في القريب العاجل

[عيون زوجي]

السلاااااااام عليكم
شن اخباركم يا حلوااااااااااات
اليوم مشيت للمصحه والدكتور دارلي التراساوند وتخطيط نبض للبيبي وقال ان اموري كلها تمام رح يزيدني اخر ايام لو جبت طبيعي اوكي وكان هذا يوم الاتنين انشاءالله دخول ووجع صناعي وربي يسخر يلي فيه الخير ليا ولجنيني
سورينااااااام ابنيتك اتجنن وشعرها اطول من بنتي انا بنتي حلقتها قبل رمضان باسبوعين صلعه بالماكينة باش يزيد شعرها ماكنتش نحساب روحي بنروح ليبيا في رمضان وهادي تالت مرة حلقتها لما عمرها 7شهور ولما عمرها 9شهور وهادي باذن الله اخر حلاقه وانشاءالله يطول ويزيد شعر السارتين يارب
خواتي وحمواتي قالولي مقوى قلبك تحلقي لبنتك بكرتك قلتلهم مصلحتها الله غالب لان شعرها خفيف جدا وما يطولش

[ღॐ آية ღॐ]

معليش قعدة صغيرة
والحلاقه تقوي الشعر
ان شاء الله بس تكبر يولي غزير ويطول
بادن لله
ربي يحفضهالك وتفرحي بيها

[ღॐ آية ღॐ]

هادي صورة ولدي ايوب
مع لعبتها المفضله التي تدعى >>بوتهhttp://forum.hwaml.com/images/icons/icon10.gif
مانعرفش علاش مسميها بوته
مايسيبش فيها بكل
ملازماته في كل طلعه

[أم ردينة]

اهلين ايه والله حبيتك وحتى اني ارتحلكمن اسمك لان عندي صحبتي هلبه هلبه اسمها آيه نحبها فحبيتك في البدايه من اسمك وبعدين عجبيتي باهي باهي فكينا توه من المجاملات .. المهم أول حاجه قوليلي كيف هو منقوع التمر أول مرة نسمع بيه . كيف طريقته .. واني بنتي لما كانت صغيره حتى الفليه والميه تبع غريب والحاجات هادي كلها بالكاشيك لانها رافضه الشيشه تماما عارفه مصلحتها ... وانشالله يا ربي تنوضي بالسلامه وترضعي طبيعي صح يقولو لما البيبي يضوق الشيشه يسيب الصدر تلقائيا . وبالنسبه لامي بعيده عليا شويه وكنت لما نقول لزوجي نبي نحط بنتي في حوش اماليا يقولي علاش نمشو بعيد ونسيب اماليا تحتي لاني ساكنه فوق حوش عزوزتي لكن منعرفش علاش منرتاحش لما نخلي بنتي عندهم معانهم مهتمين بيها جدا . وغزوزتي صغيره في العمر مدرسه لكن هكي منعرفش علاش الا اذا كان مشوار قصير جدا

[ღॐ آية ღॐ]

اهلا بيك والله نفس الاحساس وانا رتحتلك
ربي يخليلك صاحبتك مدام اسمها آية اكيد سموحه زيني ههههههههه
وعندك الحق والله شكلك طبعك زيني
مانتهناش عليه غير عند امي
وبصراحه كل طلعاتي كانت سريعه على خاطره
بنسبه لي منقوع التمر او الرطب الموجود
تاخدي تلات تمرات تغسليهم كويس وتنزعي منهم النوة
تنقعيهم في ماء مغلي وتصبيه عليهم وهو سخون يقعدو لحد ما يبرد
او يصير دافئ تصفيه وتصبي الماء متعه في الشيشه
قالتلي عليها وحدة سعوديه وبصراحه مشبعه وكان يرقد بعدها
وفيها فوائد ..

[عيون زوجي]

ماشااااااااااااااء الله لا قوة الا بالله على ايوبك الحلووووو الامور ايهبل ربي يحفظه ويقر عينك بيه وبخوه انتي وزوجك يارب يا ايه
شكلي انا وسورينااام بنحسنوا علاقتنا اكثر بيك احنا عندنا بنيات انداد وزي بعض وانتي عندك العزري وانديروا تنافس شريف ونخلوا صاحب الشان ايوب هو الحكم بس مش توا لا
من توا انا وسورينام نهيئوا المتنافسات وانشاءالله يارب علاقتنا كلنا ادوم دوم مش يوم وموعدنا بعد 15سنه انشاءالله ههههههههههههههههههههههههه
شن رايك يا سورينام والا حاطة عينك على مكان تاني قولي انا وراك وين ما تحطي عينك ههههههههههههههههههه
تخيلي يا سورينام بناتنا يكبروا صاحبات ويقروا مع بعض الدنيا صغيرة ويارب يجمعنا في ساعه مباركة مع احبتنا

[عيون زوجي]

ام ردينه...شن نوع الاسم يلي يفضله زوجك قصدي اسم بسيط وعصري او من السيرة والتاريخ او شنو..........

[أم ردينة]

أهلا يا تيمو ليبيا ..اي اني ساكنه في غريان ..وانشالله معرفة خير وبالنسبة للاسماء كيف تبيهم اسماء قديمه ولا جديده وها الجديده اني مخشتليش راس نحب الاسم القديم أحلى زي مثلا لما حملت توه قلت كان بنت نبي نسميها رحمة كلهم قالولي اخي مش حلو شلافطي لاكن اني نحب الاسماء النوعيه هادي رحمه . رحاب هبه ساره فرح ابرار مريم جود ياسمين لوجين آيه بتول شذى هالة هند نسيبة مها ملك ملاك أحلام سندس بثينه ريان خوله خولود نورا نور الهدى ندى وفي هلبه كان تبي نزيد نكتبلك ..واني نبي نسمي ولدي انشالله عبادة شنو رايكم فيه

[عيون زوجي]

hwaml7hwaml7hwaml7

[ღॐ آية ღॐ]

الله يسلمك
بنسبه ليا انا موافقه وين نلقى كناين سمحات زي بنياتكم
والله الاتنين سموحات ربي يحفضهملكم
بس توافق سورينام بعدين نخلو القرار لي ولدي

[تيمو ليبيا]

والهي يا ام ردينه نبي اسم خفيف ومفيشي حروف هلبه اني نبي رفيف مش علي خاطر مسلسل بلعكس الاسم هادم من رسوم زمان اسمه انسه صفاء وعاجبني لاكن راجلي مش مقتنع بيه هلبه وحتي هو يبي رحمه لاكن اني حسيته رزين شويه وهلبه اسامي من ال قلتيهم عندنا في العيله وبارك الله فيك علي الاهتمام ياحلوه ولدك شني بتسميه عابد والهي اني اول ولد بيجيني انشالله بنسميه عبدالرحمن علي اسم بابا واكيد احسن الاسماء ما عبد وحمد وعيون اني اعتماد حبيبتي ههههههه شكلك دايخه من البيبي ربي معاك انشالله

[أم ردينة]

لالا الاسماء العصرية اني وياها متفقين منحبوهاش .. يعني اسماء قديمه عربيه

[أم ردينة]

حلو رفيف لكن شوفي معناه قبل نحب نعرف معنى الاسم قبل ما نسميه وهو خفيف وحلو .. وولدي بنسميه عبادة مش عابد واسم عبد الرحمن حلو زي اسم خوي

[أم ردينة]

مشالله تبارك الله علي وليدك ياآيه يهبل راهو حتى اني عندي بنت راك تنسي هههههه .. بالنسبة للوصفه التمر في اي عمر نعطيها ؟ قصدك التمر منغليشي مع الميه نغلي المية الاول بعدين نحط فيه التمر شويه ولا؟؟

[سورينام]

السلام عليكم ورحمة الله وبركاته
يومكم سعيد ومساءكم مبارك انشاءالله

[سورينام]

عيوووووووووون .. مادام الموضوع فيه عريس .. خلي الصحبة على جنب ...واني بما اني جبت ولدي قبلك .. معناها لازم نسقد بنتي قبلك... (شن علاقة الموضوعين ببعض مش عارفة)

[سورينام]

آية أني موافقة خلاص ... قوولي لولدك يوتي روحه ويتفضل ..اني عجبني ايوب بصراحة ههههههههههه انشاالله غير ما يطلعش اصغر من سروراتنا يا عيون .. وكانه اكبر منهم نعطوهمله الزوز وخلاص

[سورينام]

عيوون .. انشاءالله تجيبي قبل الاثنين .. عندي احساس انك بنتجيبي يوم الاحد في الليل زي ولادتي بفراس وانشاءالله طبيعي

[سورينام]

بالنسبة لحلاقة شعر البنت يا عيوون .. والله نحس فيه مافي فايدة منه .. لأن اني لما جبت سرورة كان شعرها خفيف هلبة وبالذات من قدام .. سمعت كلام الناس وحلقتها وهيا عمرها 3 شهور والله حتى بوها قاللي مقوى قلبك تقربي موس الحلاقة لبنيتك وما تخافيش تنوشيها ... والحق مافي فايدة من حلاقتها لانه لما طلع .. طلع زي ما كان لازاد ولا نقص .. وعطل في النمو واهي قاعدة لتوا عمرها عام و5شهور تقريبا وهيا زي الولد لا توكة ولاربطة .. والله كان نقولك عبيت الدنيا بالتوكات كل ما نشري لبسة نشريلها عليها توكات .. والشعر ايجيبه ربي .. حتى اللي طلع جانا ناااااااعم ومسبسب ما تقعد فيه توكة ولا هم يحزنون

[سورينام]

أم أسيل .. شن مانعك من الدخول للمنتدى .. والله استاحشناك واستاحشنا طلتك .. انشاالله المانع خير

[سورينام]

هاااااااااااااتو.. وام رفيدة .. شن مدايرين فيكم مواليدكم الجدد .. خشو خلي نتشاركو في التجربة ونستفيدو من بعض

[سورينام]

أم ردينة حتى اني زيك نبي نعطي لولدي الشيشة لكن فيه صعوبات .. هو توا كيف ربعن واني نرضع فيه طبيعي ويشبع الحمد لله .. لكن لازم ايجي وقت الواحد بيضطر للشيشة .. والدنيا فيها كل شي وما نندرو على ربي شن مقدرلنا .. في بنتي خليتها لبعد الاربعين ترضع طبيعي وجيت بندخل الشيشة في برنامجها ما قبلتهاش على ما درت .. خليتها ترضع مني لحد ما ربي سخرلي بالحمل بخوها رغم اني مدايرة مانع طبيعي زعميتك .. ولما حملت خلاص ماعاش فيها لازم نفطمها تخيلي وهيا عمرها 7 شهور بس وعلى مادرت ما بت تاخد الشيشة .. وعذبتني .. بعدها بديت نخلطلها في الحليب مع العصير بيش قبلاته وبالشوية بالشوية خليتها حليب من غير عصير والحمد لله اهي لتوا مستمرة عالشيشة .. لكن ولدي رضعها مش مارضعهاش .. بس بعد الرضعة يقعد شوي ويرجعها كلها .. والله ماني عارفة كيف ندير ؟ زعمة نغيرله نوع الحليب ؟؟

[عيون زوجي]

السلاااااااااام عليكم
كيف حالكم توا يا احلى ليبياااااااات
انا هادي وصلتي من ميدان فروسية بوسته وتعبت من المشي وانشاءالله يجيب نتيجه
سوريناااااااام..بنسئلك وين تقعمزي في سارة في السيارة بعد ولادة فرااس لان بنتي ديمة في حجري ومش عارفه كيف بندير معاها نفكر نشري كرسي سيارة وخايفة انها ما تتقبلاش لانها كبرت على العوج مع انها في المانيا تركب في السيارة في الكرسي متاعها ويسموه ماكسي كوزي بس هنا مش عارفه دليني