تجمع حوامل ليبيا

[ميمونة]

علاش خيرك لاباس انا نزعل القمر

شن حال بسنافرك وشن درتي عشاك

[رغوده2006]

تعرفي احمد الليله مش ناوي يرقد فاتح اعيونه على كبرهم وخلطت عليه رهام معناها للصبح الحى

[رغوده2006]

والله الا باهى
درت شربه وضولمه وعجة كرنب وصلاطه

[رغوده2006]

وين طفشتي حتى انت
شكلك خفتي مني هههههههههههههههههههههههه

[ميمونة]

صحتين عليكم

احكيلي شن عمر صغارك ربي يحفضهملك

[رغوده2006]

سلمك يارب
رغد 5 سنين
رهام 3 سنين
احمد 4 شهور

[رغوده2006]

ميمونه علاش اخترتي هالاسم بالذات
وين تشتغلي وين تسكني قصقصه ههههههههههههههههه

[ميمونة]

ياوخيتي سلمهم انتي من صبراته صح

[رغوده2006]

وينك الباين حتى انت صقعانة هههههههههههههه

[رغوده2006]

ايه انا من صبراته وانت

[رغوده2006]

الباين تنعسي هيا تصبحى عالف خير سلامتك

[ميمونة]

انا النت عندي ضعيف بلا تصبحي علي خير وتشرفت بمعرفتك

خلي نخش نرتاح نتلاقو

[عيون زوجي]

السلاااااااااااااام عليكم
كيف حالكم الليله وانا صقعانه هلببببببببببببه وانحس الدفايه كانها ما تخدمش واليوم الضي هرب اعيلينا من قبل المغرب لبعد العشي منطقتنا بس عاليمين ظلااااااااااااام ويسار سيمفارو الفرناج ضي الله غالب زدنا اتجمدنا
متفائله هلا وغلا انا طلعت اليوم بس ما مشيتش للعالميه يا احبيبه
ودرت تورته العصر كملتها درتها كيكة شكولاته وبعد ما دهنت الطبقه الاولى بالشراب غطيتها بكريمة شانتيه مخفوقه مع 2 ملاعق جبنه ورشه باهيه من اللوز المكرمل بالسكر ومدقوق وبعدها طبقه التوفي الرااائعه ولحد الان كل شي تمام
نجي لعجينه اللوز يلي شريتها امس موجودة في كيس شفاف وزنها 1 كجم بس طعمتها حاااااااااااااااشاك قرف سكر واميه فيه فرق بين الفوندان والمرزبان ولما تجيه تفتحيها يابسه زي الرشاده درهتلي كبدي
انا جبت معاي من المانيا كيسين فقط عجينه مرزبان درت بيهم تورته من سنه كانت اتجنن تخيلي بنة اللوز اتهبل كانها طبقه من عبمبر اللوز تتمني الطبقه تكون كبيرررررررررة
بس اليوم خاب املي باهي يلي جربتها قبل سفري هالمرة بنجيب معاي 10 كجم من غادي ولا هالغش
رح انزل الصور عالاب توب شويه تاني وتفضلوا شاركونا

[ميراس]

السلام عليكم ورحمة الله وبركاته كيف حالكم ياحلوين جو روايح وتورتات وسفر وين احني من هدا كله عيون حتي الخوف مرات باهي واللي يخاف اسلم

[ليبياقلبي]

هلا حبايب والله متغششة وتعبانة حتى امس مرقدتيش بكل نوزة تعبتني وكعدت لا الساعة عشرة طلعت لطربلس ميمونة قبل بنخطم عليك نوزة قالولي مرضت روحت مستعجلة مرة تانية
انا مقرياش كلام\حد بس ام اجنادين حبيبة ظز في الناس يقولوا خليها تقعد فيها
تو ربك ماينسى حد

[ميمونة]

هلا ام ناريز نورتي طرابلس

ولاباس علي بنيتك بعيد السوء عليها شن حالها توا

[ميمونة]

عيون نستنا في الصور وينك هربتي بيها انتي وام رفيده

[ميمونة]

والله ماصارت بالعكس انت عالعين والراس

وشفت صور روائحك وعلقت بالعكس عليهم خيرك نسيتي ارجعي للخلف اه مش انتي هههههههههه

[ميمونة]

متفائله تعرفي مش جايني نوم

وخاطري في الطورطه سفهوني

[ام وسونة]

السلام عليكم كيف حالكم والله اليوم كله مشغولة

على وسن مسكينة من البارح اسهال وترجيع ورفعناها

للعيادة الحمدلله وخلاص لكن توا احسن اهي تلعب

وخيه عيون ريحة كالفن كلاين ب 120 ال 100 ملي

وتعرفي ريحتها رووووووووووووعة وطبعا على ذوق زوجي

لانها فعلا لاتقااااااااااااااااوم جربيها وتدعيلي

وخيه متفائلة بالنسبة للريحة الحمرا والسودا نفس الماركة

فالنتينو وصدقيني الزوز يجننوا وخاصة السودا واسعارهم حسب الملي

يعني من 55 الى 95 حتى انتي اكيد حتدعيلي والصنة الاخيرة

البيضا اسمها باكو ربان هده نحبها لاتوا نحب نشريها لانها اول

صنة نفتحها بعد العرس لهدا نحب نشريها باش نعيش الدكريات

ههههههههههه وسعرها 75 وريحة شانيل البودرية طبعا بيرفيوم

مش تواليت اني نحبها لان روائح الشانيل شتوية الحق وتقعد

في الحوايج ورومنسية ان شاء الله افادتكم

[ام وسونة]

وخيه ام اجنادين خليها على ربي والله ماحينساك وصدقيني

ربي اللي يرزق مش حد تاني ومافيش حاجة تستاهل تخليك

تزعلي روحك الفايدة في راجلك والهني بس

وخيه يقين والله انتي الا حاجة مش عادية الحق وابدااااااع

وعندي ليك صورة في عرسك حنزلهالك واكيد حتقوليلي وين القيتيها

شاداتك ميراس واللي وراك عيون وميمونة ههههههههههه

وخيه رغودة كيف حالك ويتربوا في عزك السنافر

ميمونة حبيبة قلبي والله ليك وحشة هلبا مرااااااااااااااااات

ميرااااااااااااااااس كيف حالك والله من غيرك المنتدى مايسوى الحق

وخيه اية وينك والله مشغولة عليك ان شاء الله المانع خير

وخيه ام ناريز لاباس على بنيتك ياغالية

وخيه ساااااااااااااالي اين انتي طمنينا من نهار التورتة معاش

خشيتي

[ام وسونة]

متفائلة موجودة كيف حالك

[ام وسونة]

ايه نستعمل فيها ميس ديورتوا وفي وحدة منزله صورتها

ممكن ماقبل الاخيرة اسمها بيبي دول هاديكا تجنن واخدتها

العام اللي فات من الديوتي فري متع المغرب روووعة

[ام وسونة]

هذه صورة يقين في عرسها وشادتها ميراس واللي

وراها عيون وميمونة تبيت من بعيد هههههههههههه

http://forum.hwaml.com/imgcache2/hwaml.com_1324254788_199.jpg

[ام وسونة]

ههههههههههههه غير شوفوا الصورة هذه

http://forum.hwaml.com/imgcache2/hwaml.com_1324254907_489.jpg

[ام وسونة]

هههههههههههههههههههههههههه احلام اليقظة

http://forum.hwaml.com/imgcache2/hwaml.com_1324255082_390.jpg

[ام وسونة]

حتى قوتشي روعة افتحيها وراجلك حتعجبه وحيحبها

وبالنسبة للروائح مازال هلبا حتى اني راحوا من دماغي

في عيد زواجنا اللي فات جابلي راجلي وحدة بودرية سيت

اسمها فري ريحتها بالورود حتى هي حلوة حاولت نبحت

عليها في النت مالقيتهاش ..

عادي ياحلوة بري جددي شهر العسل متاعك وارفعي معاك

نفس الروائح وديريهم قبل ماتجيبي الفروخ ويبدوا يزاحموا

فيكم هههههههههه زي ماصايرلي وين مانمشي معاي هههههههه

[ام وسونة]

تعرفي من اللي صارلي الشهر اللي فات ماعاد حسبت حاجة

لكن ممكن الاسبوع الجاي وانتي؟؟

[ام وسونة]

هههههههههه هذه اني عبدالواثق

http://forum.hwaml.com/imgcache2/hwaml.com_1324255709_348.jpg

[ام وسونة]

http://forum.hwaml.com/imgcache2/hwaml.com_1324255782_467.jpg

[ام وسونة]

هههههههههههه هذه اللي ماخلتش الحق

http://forum.hwaml.com/imgcache2/hwaml.com_1324255918_288.jpg

[ام وسونة]

الصورة الدي دوخت الملايين

http://www.a15a.net/uploaded/764_1214566470.swf

[يقين]

ام وسونه الله والله مانسحابك هكي حطيت فيك الثقه وعزمتك علي عرسي وخليتك تصوري اخرتها تنشري صورتي فالنت معقوله هكي بس معليشي حتي اني عندي تصلويرك كلهم كان ما نزلهم هني والبادي اضلم

[يقين]

رغوده ربي يخليلك صغيويرتك ويقرحك بيهم
ميمونتي كيف حالك يا حبيبه وحال اماليك وحال باسل ان شالله اموره تمام
فئولتي هادا غير ما ترضيش فيا شي ام وسونه تنزلي في الصور وانت ميته من الضحك

[يقين]

ام نوزه الف لاباس علي بنيتك ان شالله ربي يشفيها وتنوض تلعب كيف قبل وتنقز كي الغزيل اهم حاجه ماتغششيش روحك يا غاليه الصغار اكل يمرضوا ويحوا

[يقين]

عيوني ولك يسلموا هالديات ياااااارب لازم تنزلي الصوره

[يقين]

صباح الخير تجمعنا>>>اليك اشتقت في الامس

[يقين]

ام اجنادين وينك مغطسه يا غاليه خشي هدرزي وغيري جو

[يقين]

مرووووسه شجوك وجو صغارك وبوهم ان شالله تمام

[يقين]

ام وسونه الف لاباس علي الاموره وسن ان شالله ماتشوف شر هادي عين
وهيا مشالله عليها ربي يحفضهالك وتخاويها

[يقين]

نبي منكم طلب صغيرووووون
اني في حملي نكره في طريقه تطيبي ونغير فيها وتوا خاطرني في خبيزه قبل نطيب فيها قبل وبعدين نحشيها
وتوا خاطرني في حشوه جديده منكم ونطيبها بحشوتها في الكوشه
يلا يا حبوبات اوقفوا معاي خير من تطلع في البيبي طريف خبيزه بين عيونه خخخخخخخخ

[يقين]

هيا تو بالسليمه بنولي نرقد لان الجوا برا جمووووووووووووووووووود ومش حنقدر اندير شي بنرقد بس ههههههههههههه مش قلتلكم اني فاشله

[الاء 2002]

السلام عليكم كيف حالكم اخواتى

[يقين]

الاء وعليكم السلام نهارك سعيد كيف حالك كويسه

[يقين]

الاء وينك طلعتي ولا شني

[الاء 2002]

لامازال قاعدته بس اشتغل عنى شغل هلبه كيف حالك اليوم

[يقين]

فئووووووولتي صباحك مسك وعنبر كيفك اليوم
سلمها يارب عارفاتك ما تقصريش امممممممممم الخبيزه اللي نبيها مش عارفه كيف
عارفه يا فئولتي عندي ماكينه الخبيزه عارفتيها اللي نص دايره ماعرفتش كيف نحط فيها العجينه قوليلي كيف نحط فيها العجينه ونبيها بالتن بس نحطه فيها قبل وبعدين نحطها في الكوشه هكي خاطرني فيه قوليلي كيف عجينتها وكيف نحط العجينه في الماكينه
معليشي حبوبتي تعبتك معااااااااي ان شالله يااااااااااااااااااااارب هالشهر تحملي وتدلعي علينا ونعطوك وصفات اللي خاطرك فيهم

[يقين]

الاء الله يسلمك حالي باهي وان شالله ربي يعاونك

[ميمونة]

يانهار ابيض انا انصدمت بيك عالصبح يايقونه معقوله هكي صورة عرسك تعطيها لاام وسونه تعرفيه ماتقعد عندها شئ والمشكله انا وعيون ومروسه فيها كان يسمعوا بيك بس منزله صورتي صح انا وراك بس كلي يبان عيب عليك ياام وسن

[ميمونة]

متفائله ربي يخليك بس انا نبي منك طلب

نبي كيكه طريقتها بالتفصيل بالحشو وطريقه التزين اوكي ومتاكده منها

[ميمونة]

ام رفيده رحتي بخيطك وينك يابت وين اجابه السؤال ابعتيلي عالخاص طبعا عيون توا بتموت ههههههههه

ماتنسيش تصوري الطورطه

[ميمونة]

الاء منوره صباحك الورد عليك كيف حال اليوم

[الاء 2002]

ميمونة بارك الله فيك الحمد لله وانتى شن ديرى توى
يايقين الله سترك

[ميمونة]

والله يالاء انا توا بنوض انضم وندير دوره في الحوش علي قولت حناي الله يرحمها جت سيرتها عالصبح hwaml7

نتلاقو بعدينhwaml03

[رغوده2006]

السلام عليكم هل من احد

[يقين]

فئولتي بارك الله فيك وصحيتي وخبيزتك رووووووووعه
سامحيني تعبتك وخديت من وقتك ياغاليهhwaml51

[يقين]

ميمونتي ايه ريتيها ام وسونه كيف فضحت بيا لكن اني يوم عرسي طالعه حاجه صح ريتوا حواجبي كيف زارقات فوق هههههه وتحتهم الوان الطيف كلهم

[يقين]

رغوده كيف حالك وحال وليداتك وزوزك ان شالله تمام

[يقين]

اني طايرتلي ومضااااااااااااايقه ومانيش عارفه شن السبب

[يقين]

وينكم العفو

[راية]

السلام عليكم ...كيف حالكم كلكم ان شاءالله اموركم تمام ....اني خلوقي مضايقات وجوي اخي عليه الدورة موعدها اليوم وملخبطتلي مزاجي استغفر الله العظيم

[يقين]

رايه وعليكم السلام حبيبتي ان شالله ربي يرزقك اصبري ووسعي بالك وماتغششيش روحك مابعيد علي ربي شي ان شالله عالشهر ياااااااااااااااااارب تحملي

[ميمونة]

العفو خيركم ياربي حتي انتم

حتي انا جوي مش قوي استغفر الله العظيم

رايه العاطي حي ربي يرزقك بالذريه الصالحه

[ميمونة]

يقونه شفتي بالله عليك او وسونه مش عارفه خيرها لكن قوليلي وين درتي مكياجك يومها ماسالتكش عجبني بصراحه قعدت نتفرج وانا مقهورة ههههههه

[شرقاويه]

خيرات عليكم كلكم نبي نسالكم وياريت متهملوش سؤلى انا حامل في بدايت السابع وقالولي بنوته بس انحس في بطني مش كبير مع اني مليانه

[ميمونة]

متفائله محلي اسمك يجيب التفائل شفتيه في توقيعي

المهم صحيتي وامتي ماتنزليها عادي خودي راحتك

[ميمونة]

شرقوية كيف حالك واكيد البنات يفدوك

[ميمونة]

ســــــــــــــؤال --الل ييعرفه يجاوبني عليه

نبي نسالكم من منكم جربت كريم والا ساس وبودره koleston او كريستان ديور او كريم شانيل ومن يشكرها علي تحربه نبيها للمناسبه

'طبعا ماكس فاكتر ودريم ماتقولوش عليها جربتها حسيتها سمراء تمشي مع الاجانب اكثر البودره متعهم كويسه بس الكريم مامشيتش علي بشرتي سمرتني الحق
جربت فورايفر كويس نبي نغير

انتظر ردودكم

[يقين]

ميمونتي قولي مشاللله راك تعينيني ريتي هالطول وهالعيون المفلوتات اي ايبلى ان شاللله
ميمو اني مكيجه في السوداااااااااااااااااان شن رايك فيه مكياجي

[يقين]

شرقاويه كيف حالك وان شالله ربي يتمم عليك بالخير بالنسبه لكبر البطن ماتخافيش لو كانت صغيرونه زيني بالزبط بطني في السابع والتامن مش باينه بكل في التاسع بانت شوي ماتخافيش ديمه في الحمل الاول تكون البطن مش كبيره لان البطن مش متدده من قبل يعني الحمل التاني تكبر اكتر ومن الخامس تطلع
وماتخافيش ان العيل يكون ضعيف اني فروتي مع صغر بطني جت 3.5 كيلو

[ميمونة]

هههههههه صار في السودان تسالي علي وسيم حاله تمام وقالي يقين معاش اتبعيها هههههههههه تنزل في صورك قريب انفصلنا من وراك انتي وام وسونه
قولي خلي نحجز فيها في العرس قرب وانتي تعرفي جري في جري الحق

[ميمونة]

ماتقولوش سالي وين مغطسه

ايه كيف حالك زعمه النت قاعد يفصل عندك وخيتك مفلسه معاش عبيت رصيد الحق كان هذا اتصلت اطمنت عليك

[hatoo]

اهلين بنات كيف حالكم كلكم , واهلين شرقاويه بالنسبه لبطنك عادي لانك مليانه مش باينه كبيره لانها ماشيه مع بطنك وبعدين بطن البنت تكون عريضه في بنتي كانت نفسك بطني عريضه وانا مليانه فماشيه مع جسمي ومش باينه واجد وبعدين حتي كلام يقونه صح توا في حملي التاني بطني اكبر من حملي الاول ومفيش حاجه تخوف وان شاء الله ربي يسرلك وتولدي علي خير ,وعلي فكره انتي زيي في بدايه السابع انتي امتي موعدك وعرفيني عليك اكتر لاني حتي انا شرقاويه

[hatoo]

اهلين يقونه شنو اخبارك واخبار فروتي والوحم معاك

[ام روفيدة]

السلام عليكم كيف حالكم اليوم
ميمونة يا غالية بعثت لك زوز رسايل على الخاص والله العظيم من هداك اليوم بعد ما سكرتي الياهوا سألت على طول وبعدين بحثت في النت وبعثتلك الاجابة بري شوفي صندوق الرسائل وزيدي تأكدي لأن الرسالة على الخاص مرات ما تطلعش لين اتخشي على صندوق الرسائل
وبالنسبة للتورتة اليوم بإدن الله إنزل الصور لأن امس راجلي امقعمز قدام النت ما باش ايخليني نكتب شيء

[ميمونة]

والله ماوصلش شئ ابعتيهم توا عالخاص متاع المنتدي

انت فاتحه توا الياهو نتلاقو غادي كان هذا

[راية]

يسلمكم يقونة وميمونة بارك الله فيكم بس انتو فهمتوني غلط اني مش مضايقة على خاطر محملتش اني وقت قبل الدورة تعكرلي في مزاجي ونبدا حساسة بزيادة ونزعل من كل شي لين تنزل بسلامتها نتريح نفسيا ويجي التعب الجسدي انتو عارفينه طبعا هو هذا السبب اما موضوع الحمل الحمدلله صح نتمناه بس مش مضايقة كان ربي كتبلي التأخير او حتى حرمني هذا نصيبي وراضية بيه

[ميمونة]

فاهمه عليك يارايه والله مش قصدي بس دعيتلك

حتي انا زيك قبل الدوره نبدا زي المهبوله مش انتي بس

[راية]

يسلمها ياربي اللي تدعيلي ويارب يعطيك كل اللي في بالك ويفرحك يا موووووووووونة

[عيون زوجي]

السلام عليكم ورحمة
ام روفيده....ليك وحشه الله غالب سي السيد متاعك ليه الاولويه حتى اني لو قعمز ماعادش ينوض ومانقدرش انقوله نوض بنهدرز نتحشم على وجهي
متفائله....شنو درتي غداك بالزبط لاني كنتي تسئلي شنو اديري وانا خشيت اماخر اصحيحه..
ميمونه...ما ننصحكش تستعمل ديور شريتها بودرة وكريمه كل وحدة ب 60 دينار واتسمر هلبه بس اتصفي الوجه وما تخليشي امقشر
وشنو جوك وكيف حالك في هالصقع
يقين...ربي يحفظك تو بنزل الصور وليك انتي التورته كلها بنتها اتهبل بس التغليفه مش حلوة بكل لاشكل لا بنه
رايه...امالا اني شنو نحكي لا دورة نزلت ولا مزاج اتصفى حسبنا الله ونعم الوكيل ربي يؤجرنا احني النساوين في كل شي ان شاءالله
شرقاويه...البنات فادوك الحمل الاول ما يبانش هلبه وخصوصا لو الجنين بنت لان بطن الولد تتكور وممكن تبرز القدام
ايه...وينها وشنو قصتها وكيف حال اسوله وايوب وبطل كمال الاجسام ان شاءالله كويسين
ميراس.....الخوف باهي جدا ههههههههههه كيف حالك يا مروسه وحال الوليدات وبوهم
ام وسونه...قداش عندك ريحه في الحوش ياسرك فلستي الراجل
كل وحدة اتخش تكتب شنو ريحتها ليله الدخول انا فيرزاتشي وفي سوريا كنت نستعمل أليتelite وسبيرز بريتني في النهار ولما كنت بنت كانت اسكادا وجوتشي للمناسبات ومن المانيا جبت هلبه لان اسعارهم معقوله غادي بس معظمهم مشوا هدايا يلي تجي تهني وتحمد عالسلامه من العيله نعطيها نتحشم هلبه

[عيون زوجي]

http://forum.hwaml.com/imgcache2/hwaml.com_1324310317_750.png (http://forum.hwaml.com/imgcache2/hwaml.com_1324310317_750.png)
http://forum.hwaml.com/imgcache2/hwaml.com_1324310317_569.jpg (http://forum.hwaml.com/imgcache2/hwaml.com_1324310317_569.jpg)
http://forum.hwaml.com/imgcache2/hwaml.com_1324310317_256.jpg (http://forum.hwaml.com/imgcache2/hwaml.com_1324310317_256.jpg)
http://forum.hwaml.com/imgcache2/hwaml.com_1324310317_591.jpg (http://forum.hwaml.com/imgcache2/hwaml.com_1324310317_591.jpg)
http://forum.hwaml.com/imgcache2/hwaml.com_1324310317_315.jpg (http://forum.hwaml.com/imgcache2/hwaml.com_1324310317_315.jpg)
http://forum.hwaml.com/imgcache2/hwaml.com_1324310317_818.jpg (http://forum.hwaml.com/imgcache2/hwaml.com_1324310317_818.jpg)
http://forum.hwaml.com/imgcache2/hwaml.com_1324310317_632.jpg (http://forum.hwaml.com/imgcache2/hwaml.com_1324310317_632.jpg)
http://forum.hwaml.com/imgcache2/hwaml.com_1324310317_452.jpg (http://forum.hwaml.com/imgcache2/hwaml.com_1324310317_452.jpg)

[عيون زوجي]

شنووووووووووووو رأيكم؟
بنمشي نعجن بيتزا ورجعالكم دقيقتين بس

[عيون زوجي]

هاااااااااااتو...كيف حالك وحال رتووووووووووولي؟ وشنو صار في قرايتك؟

[عيون زوجي]

اليوووووووووووووووم انا فرحااااااااااااااانه هلبه ولله الحمد
ورح انقوللكم شنو السبب بعد ما نرجعلكم.............................

[ميمونة]

عيون عاش من شافك حلو الطورطه يممم حرام عليكم سفهتوني والله

غدوة شكلي نشري وحده وخلاص

انا نعرف سبب سعادتك اكيد الحلوة شرفت

[ام روفيدة]

السلام عليكم ورحمة الله وبركاته
كيف حالكم توا؟
عيون يا غالية ما شاء الله تبارك الله على التورتة اتهبببببببل وصحتين وهنيئا لكن شكلي ما نبيش انزل التورتة امتاعي لأن التورتة امتاعك احلىلللللللللللللللللى
وبالنسبة لعجينة اللوز لو تبيني نعطيك الطريقة واخدتها من زوز انجليزيات متخرجات من كلية خاصة بالكيكات والتورتات والتزيين يعني هدا تحصصهم وهني في بريطانيا فاتحين كليات وجامعات خاصات بالحاجات هدي لكن عيبهم إن كلهم اختلاط المهم الطريقة اللي خديتها منهم مضمونة مية في المية وعلى قولتك كإنك تاكلي في طبقة من عبمبر اللوز
بالله عليك قوليلي كيف انزل الصور مع المشاركة لأن درت ادراج صورة لكن ما طلعش شيء

[saly.me.91]

هلا ميراس كيفي حالك اسفةاذا كنتي تقصديني حتى انا بس للاسف حتى انا نمر بظروف.. بالعربي ماكانش عندي رصيد وبجد كنتي في بالي ...بليز ماتزعليش

[ميمونة]

ام رفيده قولي علي الطريقه عجينه اللوز والله خاطري فيها

[ميمونة]

عيوني اكتبي الطريقهhwaml4 بالتفصيل الممل هيا ياهمي انا والله سفهتوني مازال ام رفيدهhwaml03

انا قررت خلاص نشري وحده غدوه طورطه ههههههههههههhwaml16

[ام روفيدة]

حاضر يا ميمونة بإدن الله نعطيك الطريقة امتاع عجينة اللوز لكن قولو لي كيف انزل الصور مع المشاركة هيا

[ميمونة]

شفتي فوق في شئ اسمه مركز التحميل خشي عليه ويجييك اختار ملف من الكمبيوتر اختاري وبعدين ديري تحميل الملفات

واختار المربع التاني متاع المنتديات انسخيه

وتعالي انسخيه في رابط الصوره

[عيون زوجي]

السلام عليكم ورحمة الله
بجديات فرحتوني ما كنتش نحسابه شكلها حلو الحمدلله انسترت قدامكم
ام روفيدة يا غاليه نبي الطريقه حلم حياتي نقرا في اكاديمية طبخ بس على قولتك ماعندناش هني وهما غادي اختلاط ممكن في ليبيا الجديدة يجيبولنا خبرات اجنبيه تفتح مراكز تتدريب واحتراف خاص بالنساء ( وحدة تحلم) المهم نبيها الطريقة
يا ستي يا أم روفيدة شوفي عاليمين في نفس هالصفحه من فوق تلقي (مركز تحميل) اضغطي عليها وتكوني منزله صورك في فايل محدد عالكمبيوتر بمجرد ما تتحمل تعطيك روابط الاولى تحميل صورة فوتيه هذا يصلح للتواقيع والتاني رابط منتديات ديرله نسخ والصقيه في مشاركتك في التجمع وبمجرد انك تتضغطي على ( اضف الرد السريع) تتطلع الصورة
ومركز التحميل كويس ويحمل حوالي 10 صور في مرة وحدة
ميمونه...تفضلي معانا مازال منها في الثلاجه وطعمتها اليوم احلى من البارح
سالي...كيف حالك وروحتي لحوشك ولا شنو؟

[saly.me.91]

ام نوزة ربي يفرج علي شيبانيك ويهدي سركم ياارب

[عيون زوجي]

ميمونه...الدورة ما نزلتش بنصبر ليوم السبت الجاي وبنمشي للدكتورة انشوف السبب
السبب ولله الحمد اليوم حجزنا التذاكر لالمانيا وموعد السفر يوم 3/1/2012 على الخطوط التركية بنقعدوا يوم في تركيا ولما انروحوا من ألمانيا حتى هو بنقعدوا يوم في تركيا صح الجو صقع هلبه بس تغيير الجو مع راجلي وبنتي ولله الحمد بالدنيا كلها ادعولي ربي يسخرلي الحال وتكون رحله سعيدة مافيهاش مشاكل ولا ندم يارب أميييييييييييييييين

[ميمونة]

ربي يسهلك ياعيون والله فرحتلك تمشي وتروحي بالسلامه وماتغيبش علينا خشي طمنينا

[saly.me.91]

يسلمو ايديك ياعيون على الكيك الحلو

[saly.me.91]

السلام عليكم كيف حالكم يابنات..هذا ويت كملت قراية الصفحات اللي فاتوني؟؟..

لالا انا قاعدة فحوش ماما امبكري خطمت ع حوشي جبت شوية ملابس

[saly.me.91]

ان شاءالله تمشي وتجي بالسلامة ياعيون وماتنسيش الهدايا

[ام روفيدة]

السلام عليكم ورحمة الله وبركاته
ميمونة وعيون بارك الله فيكم على التوضيح وهادي التورتة اللي وجعتلكم روسكم بيها هههههههههههههه
المقادير للكيكة الاسفنجية المعتمدة عندي
5 بيضات
200 جرام سكر
300جرام دقيق
ملعقة كبيرة فايليا
ملعقة كبيرة b.p
نصف كوب زيت
الحشوة درتها وحدة لكل الطبقات
4 ظروف كريم
سبع ملاعق سكر بودر
3 ملاعق نوتيلا
150 جرام بندق محمص ومجروش
الطريقة
نضرب البيض مع السكر والفانيلا لمدة سبع دقائق حتى يرتفع مستوى البيض في الخلاط ويصبح مثل الكريمة
http://forum.hwaml.com/imgcache2/hwaml.com_1324316378_735.jpg (http://forum.hwaml.com/imgcache2/hwaml.com_1324316378_735.jpg)وبعدها نضيف الزيت ونخفق وبعدها انغربل الدقيق والبيكنج بودر مع بعض ونضيفهم بالتدريج للخليط بملعقة الطعام والخلاط يضرب وإنتي اضيفي الدقيق حتى يتجانس الخليط وبعدين اتصبيه في الطاجين ودخليه للفرن الساخن على درجة 150 يشتعل من فوق ومن تحت لمدة 35 دقيقة
http://forum.hwaml.com/imgcache2/hwaml.com_1324316378_781.jpg (http://forum.hwaml.com/imgcache2/hwaml.com_1324316378_781.jpg) وبعد ما اطيب خليها في الفرن لمدة عشر دقايق حتى لا تتعرض للهواء البارد وتهبط من الجوانب وتتكثل
وبعد العشر دقايق طلعيها وقصيها على كم طبقة تبي اني قصيتها على اربع طبقات وسقيتها بعصير الجوافة لأن قوامه غليظ فتشربه الكيكة وما اتكونش مبلولة
وبعد ما شربت الكيكة العصير حشيتها بالحشوة المدكورة وغلفتها بالكريمة من برا
http://forum.hwaml.com/imgcache2/hwaml.com_1324316378_443.jpg (http://forum.hwaml.com/imgcache2/hwaml.com_1324316378_443.jpg) وبعدين طرحت عجينة اللوز ورشيت السكر المرحي قبل ما نطرحها باش ما تلصقش في الطاولة ويسهل التعامل معاها
http://forum.hwaml.com/imgcache2/hwaml.com_1324316378_665.jpg (http://forum.hwaml.com/imgcache2/hwaml.com_1324316378_665.jpg)وهدا بعد ما غلفتها بعجينة اللوز
http://forum.hwaml.com/imgcache2/hwaml.com_1324316378_876.jpg (http://forum.hwaml.com/imgcache2/hwaml.com_1324316378_876.jpg) وبعدين خديت شوية من عجينة اللوز ولونتها بالصبغة الحمرا لكن ما كثرتش فطلع اللون زي المشماشي وطرحتها وقصيتها بالفورمة امتاع القلب (مش عارفة شن قصتنا اني وعيون مع القلوب هههههههههه)
ولصقتهم على التورنة من الجنب
http://forum.hwaml.com/imgcache2/hwaml.com_1324316378_715.jpg (http://forum.hwaml.com/imgcache2/hwaml.com_1324316378_715.jpg) وبعدين خدين من عجينة اللوز الملونة وشكلت بيها الوردة وقبل ما انلصقها على الكيكة خدين شوية من ورق الزبدة ودرته على شكل بوق زي القرطاس اللي انحطوا فيه السمينسة كان تتفكروا فيه المهم الفتحة امتاعه اتكون صغيييييرة هلللللللللبة من الاسفل وسخنت شوية من شكلاتة النوتيلا او اي شكلاتة اتحبيها دوبيها وعبي بيها البوق وارسمي بيه فوق الكيكة وهدا اللي درته وبعدين لصقت الوردة في الوسط
http://forum.hwaml.com/imgcache2/hwaml.com_1324316378_373.jpg (http://forum.hwaml.com/imgcache2/hwaml.com_1324316378_373.jpg)[IMG]http://forum.hwaml.com/imgcache2/hwaml.com_1324316378_847.jpg (http://forum.hwaml.com/imgcache2/hwaml.com_1324316378_847.jpg)[url=http://up.hwaml.com/uploads/13243139889.jpg]

[saly.me.91]

شن اخبارك ياميمونة
ويقونة حبيبتي استاحشتك انتي ونونو ليكم وحشة
وكيف حالك يام وسونة وام ناريز واية وام اجنادين وام رفيدة وتمورة ورغودة وراية وميراس وهاجر وهاتو والاء
ان شاء الله مانسيتش حد

[ام روفيدة]

,وهدي من الداخل واول طرف لميمونة وعيون غير راكم تتعاركوا بس اقسموه بالنص ههههههههههه
http://forum.hwaml.com/imgcache2/hwaml.com_1324316661_227.jpg (http://forum.hwaml.com/imgcache2/hwaml.com_1324316661_227.jpg)
http://forum.hwaml.com/imgcache2/hwaml.com_1324316661_257.jpg (http://forum.hwaml.com/imgcache2/hwaml.com_1324316661_257.jpg)
http://forum.hwaml.com/imgcache2/hwaml.com_1324316661_825.jpg (http://forum.hwaml.com/imgcache2/hwaml.com_1324316661_825.jpg)

[saly.me.91]

ام رفيدة يسلمو ايديك ع الكيكة حلوة ماشاء الله
بس ماتنسيش تعطينا طريقة عجينة اللوز... مش تنسينا بلييييييييير

وانتي في اي مدينة في بريطانيا

[ميمونة]

سلمها ياربي صحيتي ام رفيده والله تفاصيل دقيقه وكتبتها الحق انجربها ونصورهالكم اكيد

بس طلعت حلوة يسلم ايديك

[عيون زوجي]

ماشاءالله يا ام روفيده لاقوة الا بالله كيكتك اتجنن وخاصة الاصل منها الكيكه الاسفنجيه طالعه معاك اتجنن منفوشه وهشه والشكل احلى من التورته متاعي القاسم المشترك الوحيد ( شكل القلوووب ههههههههه)
بس اكيد بالشكل والبنه انتي احلى خلي نخنب منك مقادير الكيكه الاسفنجيه لانها روعه بالصحه اعليك
والطرف يلي اعطيتهولي خذاته ميمونه كله اتسبلت وقالتلي بري كولي من التورته متاعك لو عندك اطريف فاضل ابعثيه عالخاص باش ما يشوفه حد ههههههههههههه
تسلم الايادي يا شيف الحلو ...

[ام روفيدة]

ام رفيدة يسلمو ايديك ع الكيكة حلوة ماشاء الله
بس ماتنسيش تعطينا طريقة عجينة اللوز... مش تنسينا بلييييييييير

وانتي في اي مدينة في بريطانيا

اني نسكن في ضاحية من ضواحي مدينة مانشستر اسما باري وتحديدا في رادكليف عندك حد في بريطانيا؟

[saly.me.91]

عندي خوي مقيم غادي بس توا قاعد هنا

[ام روفيدة]

سلمها ياربي صحيتي ام رفيده والله تفاصيل دقيقه وكتبتها الحق انجربها ونصورهالكم اكيد

بس طلعت حلوة يسلم ايديك
سلمك يا ميونة عيونك الحلوين لا اكثر ونستنو في التورتة ما تنسيش يا غالية

[hatoo]

هاااااااااااتو...كيف حالك وحال رتووووووووووولي؟ وشنو صار في قرايتك؟
الحمدلله تمام ورتولي الحمدلله بخير رايحه بسلامتها مجرمه و حركه بكل وبالنسبه للقرايه اندور في نظام سنه عشان ننتسب لانو زي ماانتي عارفه في 3 موعدي يعني مش حنقدر نحضر يعني نبي علي اخر السنه نمتحن وخلاص ومازال البحث جاري ممكن ننقل في جامعه الابيارانجليزي نظام سنه ومبروك السفره وان شاء الله تنبسطوا في المانيا ويعطيك الصحه علي التورته السمحه قولوللنا طريقه عجينه اللوز انتي وام روفيده

[ميمونة]

هههههههههه عيون ياسرك الطورطه اللي في ثلاجتك

ام رفيده وين طريقه عجينه اللوز

[ام روفيدة]

عندي خوي مقيم غادي بس توا قاعد هنا

اها باهي إدا خوك متزوج يمكن نعرف زوجته لكن أني راهوا ما عنديش خلطة بالليبين هلبة اهني عندي وحدة بس ليبية صاحبتي والباقي نتلاقى اني وياهم في المسجد في الاعياد وصاحباتي الاغلبية انجليزيات وزوز باكستانيات بس لكن الليبين اهني ياودي صعبين هلبة ومشاكل الله لاايوريك فلهدا امسكرة عليهم الباب وكافية خيري وشري وحدة بس ليبية لقيتها زي اختي ومساعدتني وواقفة معاي في كل شيء الله يحفظها لعويلتها لكن خوك يمكن زوجي يعرفه لأن اصحابه هللللللبة اهني.

[عيون زوجي]

ميمونه....نستنوا في صورة التورته من ايدياتك الحلوات
هاتو....ربي يعاونك من رايي توقفي قيد هالسنه انحسه صعب التوفيق زوز اصغار وخاصة ولادة وبيبي اجديد بس انتي وقدراتك وربي يهنيك

[hatoo]

والله ماني عارفه معش نبي نعطل روحي لكن الظروف مرات تخليني نوقف السنه هذي برضو وان شاء الله خير

[ام روفيدة]

ماشاءالله يا ام روفيده لاقوة الا بالله كيكتك اتجنن وخاصة الاصل منها الكيكه الاسفنجيه طالعه معاك اتجنن منفوشه وهشه والشكل احلى من التورته متاعي القاسم المشترك الوحيد ( شكل القلوووب ههههههههه)
بس اكيد بالشكل والبنه انتي احلى خلي نخنب منك مقادير الكيكه الاسفنجيه لانها روعه بالصحه اعليك
والطرف يلي اعطيتهولي خذاته ميمونه كله اتسبلت وقالتلي بري كولي من التورته متاعك لو عندك اطريف فاضل ابعثيه عالخاص باش ما يشوفه حد ههههههههههههه
تسلم الايادي يا شيف الحلو ...
عيون يا احبيبة عيونك الحلوين لا أكثر والله بالعكس عندي التورتة امتاعك احلى وسلمك ياحنة وتمشوا وتجوا بالسلامة وراك تنسي دعاء السفر يا غالية وما تنسيش باش تخطمي عليا وياريتك جبتي حمودي وخليتيه عندي ومشيتي لألمانيا خلي ايونس حزومي شوية هههههههه(وحدة تحلم وخيالها واااسع ههههههههههه)

[saly.me.91]

بالك يعرف زوجك حد اسمه ابو الوليد هدا صاحب خوي وخوي اسمه علي

[أم أجنادين 80]

مساء الخيرات

[عيون زوجي]

أم روفيدة ...نتخايل فيك زي صاحبتي في ألمانيا هي ليبيه مقيمه من 11 سنه في ألمانيا وأتزوجت بطريقه غريبه زوجها مقيم غادي قبلها ب 8سنوات وعلاقته بالنظام السابق مش كويسه ومايقدرش ايروح وطلب من عمته تخطبله من طرابلس وكانت صاحبتها عرضت عليها الموضوع ووافقت رغم غرابه الفكرة( النصيب شئ عمياني) وماشافتاش نهائي الا بعد الفاتحه وسفرها ليه لألمانيا شوفوا النصيب
وطلع راجل كويس وماشاءالله اعليه وجابت منه 3 اولاد وبنت وتعلمت اللغه في فترة قياسيه رغم صعوبه الالمانيه ورزالتها مثال:
- واحد = اينس
-2 = اتسفاي
- 3 =دغاي
- 4 = فيا
محلاها الانكليزيه مثلا انا عيون بنقول اش بين عيون ما ابسلها
المهم اخذت الحيطة من كثر قصص مشاكل الليبيات وقرمتهم وحسدهم حتى في اخر الدنيا وسحبت روحها منهم وكانت حياتها اطفالها وزوجها اتخيلوا في هالفترة كلها زارت ليبيا بس 3 مرات وتخيلوا في بلد الكفر امربيه اصغارها بلا تلفزيون شاريتلهم بلايستيشن وهي تختار اللعب وفي اوقات معينه والعطل
اطفال متربيين ماشاءالله احكتلي موقف ايضحك اصغارها في المانيا مدارسهم مافيهاش لغه عربي وهي تتحاور معاهم باللغه الفصحه ولما جت لليبيا اصغار البلاد قعدوا يضحكوا على ولادها ولابسينهم لانهم يقولوا : وين حذائي؟ قعدوا يتسهوكوا ويقولولهم اسمه شلاااكه
الصغار يحسابوها حق قالت حتى في المانيا يسكروا في دماغهم ومايقولوش لا حذاء ولا كندرة هههههههههه مصريين انها شلاكه هههه
انسانه ملتزمه وطيبه وشاده روحها اتهبل شهادة فيها لله ولدها الصغير من سنتين ابتلاه الله بسرطان في الدم وكان عمره 7سنوات ولما اتعرفنا كانت فرحانه لان ولدها بأذن الله كمل علاجه والسرطان اختفى والوليد ايهبل ابيض وشعره ملوي وطويل ايجنن
السنه يلي فاتت اتصلت بيها نطمن عليها انصدمت انها كانت في ليبيا من اسبوع وسئلتها واعلاش قالت ادفنت ولدي البراء في طرابلس تصدقوا كنت اني نبكي وصوتي خانقاته العبرة وهي تتكلم بهدوء وايمان شئ عجيب ما يتصوراش عقل احكتلي القصه ان ولدها فجاءة جاته حرارة ولما عايناتها طلع انه السرطان رجع وكل يوم يتوقف جهاز في جسمه في العنايه وهي كانت حامل ومقيمه مع ولدها في المستشفى هي وزوجها وولدها يتأوه من الألم
وفي ليله جوهم الدكاترة في الليل قالولهم ولدكم مازال قدامه ساعات ويموت اتخيلوا الموقف شئ اصعب من الوصف حاليا قلبي مقبوض وانا نكتب
قالت انها قعدت اتبوس فيه وتمسح على وجهه وشعره وهو مسبول لين فارقت روحه الحياه الساعه 2في الليل انا لله وانا اليه راجعون
بعدها بيومين رجعت بيه لطرابلس ودفناته وهي صابرة صبر تعجز عنه الجبال ماشاءالله اعليها
وربي ارزقها بعده بولد تاني ولما كان ولدها تعبان قبل وفاته سئلاته شنو يبي يسمي لو جاه ولد وقاليله الاسم وهي سماته بعد وفاته سبحان الله انسانه ماشاءالله ربي يعوضها كل خير
وصحبتي ليها كانت حقيقيه للعلم عمري ما زرت بيتها تلاقينا فترة 7 شهور ممكن 4 مرات وزوجها جانا 3 مرات والباقي تليفون ممكن كل يوم
اذكرتها على سيرتك ربي يبارك فيها وفيك يا ام روفيدة ويعوضك ربي خير من هالغربه والبعد عن الاهل
ويطيحك ديمه في ناس احسن منك ويطيحنا كلنا في الاحسن منا يارب

[أم أجنادين 80]

شن اخبارك يابنات
يقونه , متفائلة , ميمونة , عيون زوجي شكرا لدعمكم ليا حبيباتي
وكيف حالكم يام وسونة ليبيا قلبي واية وام اجنادين وام رفيدة وتمورة ورغودة وراية وميراس وسالي وهاتو والاء
عيون ان شاء الله سفرة ميمونه وتستمتعوا بيها وتروحي تحكيلنا
غيري جوك وادهوري لكن ماتنسيناش في جاكيت ولا لبسه من تركيا
أم روفيدة ماشاء الله عليك وصحتين التورته

[أم أجنادين 80]

ادخلوا للموضوعي هدا يابنات
http://forum.hwaml.com/t87075.html

[عيون زوجي]

بارك الله فيكم على دعواتكم الحلوة ليا بخصوص السفرة وعقبال عندكم تسافروا وين ما تتمنوا ويارب العالمين يكتبلنا اجمعين نسافروا حجه يارب
متفائله.....انا بنقعد يوم واحد في اسطنبول وين تنصحيني نمشي وشنو نشري منها بالزبط نبي نصيحه منك لانك مجربه وفالحه ماشاءالله اعليك
لان سفرتي يوم 3/1 نوصل الساعه 9 في الليل لاسطنبول وانبات في فندق وتاني يوم رحلتي الساعه 12 الظهر لالمانيا يعني مش رح نطلع من الفندق نهائي بس في الرجعه بنروح من المانيا يوم 29/1 وبنوصل لاسطنبول وبنقعد فيها نص يوم 29 ويوم30 بالكامل ورحلتي لليبيا يوم 31
يعني نهار ونص قولي يوم شتوي كامل يادوبك مكان واحد ندهور فيه من الصبح لليل دليني وين وشنو ناخذ ووين محلات ملابس قريبه من المطار واسعارها معقوله

[عيون زوجي]

http://forum.hwaml.com/imgcache2/hwaml.com_1324322962_173.jpg

[ميمونة]

دجاج محشى بالارز
•*ღ• Hamida •ღ*•

المقادير

6 صدور دجاج مقطعة إلى نصفين كاملين.
البصل مربعات.
مربعات من الجزر.
البقدونس.
من البهارات العربية المشكلة.
كوب من الأرز الأسمر. الزيت.
خليط مكون من 500 مل من الماء و500 مل من مرق الدجاج.الملح والفلفل الأسود حسب الرغبة

طريقة التحضير
=========
ضعي المقلاة على النار وأضيفي زيت الزيتون، واقلي البصل حتى يصبح لونه ذهبيا وأضيفي الأرز والبهارات المشكلة،...واقلي على نار هادئة لمدة 10 دقائق واستمري بالتحريك ثم أضيفي الجزر والبازيلاء على الأرز ومرق الدجاج وأضيفي الملح والفلفل الأسود حسب الرغبة،وغطي الخليط واتركيه لمدة 15 دقيقة

بعد ذلك يرفع من على النار وتحشى بهذا الخليط صدور الدجاج وتلف رول وتوضع فى صينية وتوضع فى الفرن الى تمام النضج
ثم تقطع رولات الدجاج حلقات وتقدم
وصحتين وعافيه

عجبتني ودارتها اختي طلعت مش عاديه جربوها


http://forum.hwaml.com/imgcache2/hwaml.com_1324323897_941.jpg (http://forum.hwaml.com/imgcache2/hwaml.com_1324323897_941.jpg)

[ميمونة]

متفائله مبارك مادرتي

ههههههههه

هذا حسابي بالفيس

Memy Mohammed

[أم أجنادين 80]

هههههههههه
سكرولي موضوعي آآآآآآآآآآآآآآآآآآآآآآآآآآآآآآآآه
هيا بنديروا عليهم ثورة

[ميمونة]

علاش ياودي سكروه يعطيهالهمhwaml03

ماهو خاص بالليبيات شوره بسhwaml11

[أم أجنادين 80]

مش عارفة ليش
بس شفت زيه مش لليبيات ومقتصر علي عضوات بس

[ميمونة]

ههههههههه يلا عادي انسخيها هنا ههههههههههه

[شرقاويه]

خيرات عالجميع الموجودين والي مش موجودين وانشالله سنة 2012 حلوه عليكم \انحب نشكر الي رد علي سؤلي \ بالنسبه لسؤلك ياهاتو انا من بنغازي وانتابع في عيادة ابن سينا عند دكتور زكريا لنغي وانتمني انتعرف عليك اكثر

[أم أجنادين 80]

يابنات عم امي توفي رحمه الله الخميس الماضي ان شاء الله يكون مثواه الجنه
وحوش عمي عندهم بنت قريبتهم من بعيد شوية عرسها الاربعاء هذه
مش عارفة نمشي ونحني ولا مش لائقة في حقي وحق اهلي

[أم أجنادين 80]

وامي قالتلي امشي عادي انتي صغيره وماتتقيديش الامور هذه
بس في نفس الوقت حوش عمي يهتموا لما حد يتوفي من اقاربهم يعتموا
ومايدخلوش مناسبة لفتره
شن اندير منعرفش

[saly.me.91]

بسم الله الرحمن الرحيم



الســـلام عليكم ورحمة الله وبركاته


إليكم هذه الشجره التي تتكون من


اوراق نضره


وساق باسقه


وجذور قويمه



المطلوب من كل ليبيه مشاركة في تجمعنا

حتي نتعرف علي كل المشاركات


وضع اسمها على هذه الشجره



(تجمع حوامل ليبيا)
(.........) (..........)
(..........) (...... ...) (......... ...)
(......... ...) (.............)(...........)(............)
(............)(............)(.............)(...... . . .. ...)(...........)(........)
(......... ...) (................)(.......................)(...... ...........)(......... ...)
(......... ...) (......................)(....................)(... .........)(.................)(......... ...)
(............) (.........)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(..........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)
(......... ...)(......... ...)(......... ...)(......... ...) (......... ...)
(................ )(..............................)


قومي بنسخ الشجره التي قامت بوضعها أحد البنات وكتبت اسمها بداخلها


وألصقيها اثناء ردك وقومي بكتابة اسمك بالمكان الذي تريدين وضعه فيه


بدون اضافة او ازالة اي نقاط اخرى غير التي اخترتها


لكي تكون جميع الاسماء السابقه موجوده




وجدت هذه الفكرة في موقع فأحببت نقلها
لكي نسجل أسمائنا

وعلي كل مشاركة جديدة ان تسجل بها

[ميمونة]

عظم الله اجركم

وانا من رأئ مافيش داعي للحنه اصلا العرس بعيد

وانت اكيده خودي الامر اللي ترتاح ليه

[راية]

ام اجنادين عظم الله اجركم وان شاءالله ربي يرحمه ...مادام امك قالتلك امشي معناها عادي نعرف البنات يمشو يعني حتى المتزوجات لكن الكبار زي امك وخواتها ميمشوش

عيووون وام روفيدة ماشاااااءالله عليكم على الكيكات يهبلووووو بس اني زعلاااااااانة منكم لاني من بكري خاطري في حاجة حلوة ناكلها وشفت تورتاتكم يسفهووووو بجديات شكلهم روعة

عيووون ان شاءالله تمشي وتجي بالسلامة اني كان نمشي لالمانيا احتمال نتجمد لاني منتحملش الصقعععع ....وان شاءالله لاباس عليك ودورتك تنزل الله يعينا وخلاص

متفاااائلة يسلمك نشادة يا حلوة كيف حالك وشن امورك ان شاءالله تمام ومبروك عليك الفيس تنتنتي فيه بالهني يا حنة

سالي كيف حالك وحال الكتاكيت ان شاءالله امورك كويسة

رغوووودة ويقووونة وميموووو وشرقاوية واية وميراس وتمورة ومن تاني ان شاءالله ما نسيت حد يارب تكونو كلكم مستانسين

[saly.me.91]

(تجمع حوامل ليبيا)
(.........) (..........)
(..........) (...... ...) (......... ...)
(......... ...) (.............)(...........)(............)
(............)(............)(.............)(...... . . .. ...)(...........)(........)
(......... ...) (................)(.......................)(...... ...........)(......... ...)
(......... ...) (......................)(....................)(... .........)(.................)(......... ...)
(............) (.........)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(..........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)
(......... ...)(.saly.me.91.)(...hatoo. ...)(...ميمونة ...) (......... ...)
(...عيون زوجي... )(...........ام أجنادين80......)

[saly.me.91]

شكله الليلة مافي حد نمشي نرقد خيرلي

[راية]

يا حلواااااااااات موعد دورتي اليوم ومجتش قولو ان شاءالله متجيش الا بعد 9 شهور او تجي غدوة وتفكني من جو الآماااااال

[saly.me.91]

ان شاء الله ربي ينولك مافي بالك ياراية

[ليبياقلبي]

شن الجو شن اخباركم

[ليبياقلبي]

لا عيون سالت ولاحد الله غالب

[ليبياقلبي]

سالي حبيبة مشكورة عالسوال

[ام وسونة]

السلام عليكم كيف حالكم اليوم

عيون تسلم ايديك وضروري تبعتيلي الطريقة عالخاص كنهدا نزعل

وقوليلي الحاجات الخاصة بالتورتات من وين نشريهم

وياااااااااااارب تمشي وترجعي بالسلامة واستمتعي بقدر الامكان

وديري في بالك انه في ليبيا ماعندك وين تدهوري حتى سوق

الثلاتاء صكروه هههههههههههههههه

ام روفيد تسلم ايديك حتى انتي وياريت تبعتيلي الطريقة عالخاص

متفائلة كيف حالك وطلبت منك نعتة محل العالمية ومارديتيش عليا

ام اجنادين عظم الله اجركم اني من وجهة نظري مش حلوة تخشي

الفرح توا لكن انتي تعرفي الصح

سالي باهي اللي خشيتي وطمنتينا عليك الحمدلله انك كويسة

يقين ههههههههه شوفتي الصورة متعاك رووووووووووووعة

ميمونة شن اخر اخبارك سامحيني على الصورة ههههههههه

راية يارب ماتجيك الدورة الابعد 9 شهور وتفرحي بالحمل يارب

ام ناريز كيف حالك وحال سنفورتك اليوم

ميراس وييييييييييييييييينك مغيبه ولاقاعدة تقيسي في غلاك

رغودة راهو سجلتك غياب ومخصوم منك ههههههه

ايه ان شاء الله المانع خير حاولت اليوم نتصل بيك بس

الخط زي الزفت اليوم طمنينا عليك

[ليبياقلبي]

مبروك السفرة عيون وربي يسخرلك الحال احسن حال بس قوللي انتم دارسة ولا شغل ولاتغيير جو والله سفهتني حلو السفر توا في الشتاء بالدات تركيا وووووووووووواو يارب نلحقلك قولبلي نبي طريقة الكيكتن لي نزليتهم متاع الكل=راميل والشكولاء وعجينة اللوز

[ليبياقلبي]

ام اجنادين عظم الله اجركم وحتى انا من راي ميمونة فوتيها الحنة علاش تحني

[ليبياقلبي]

هلا ام وسونة حالها والله باهي الحمد لله بس كعاد التهاب ادنها والله 3 ايام ماركدت تعرفي امس حتى هو باتت في حوش اماليا تعرفي راكدة وخايفة نوزة تنوضني نبي نرتاح حتى ساعتين تعرفي تنوض 3وةنص تبكي كعدت نبكي معاها كان نقولك الموقف يضحك ويبكي جوني خواتي يضجكوا عليا قتلهم منهارة تلاتة ايام مرقدتش هلبة بس بعدها خديتها اختي الدكتورة وعطيتها قطرة ومضاد والله الفضل لربي وليها ربي يحط ايدنتها في الجنة انت الف لاباس علا وسونة كيف حالها توا

[ام وسونة]

تستحق مليون لايك برأيي

استقبل مسيحي الإمام علي -عليه السلآم- في بيته
.....
فاحضر له العنب فاكله الإمام
ثم احضر له النبيذ (شراب)
... فقال الإمام : حرام

فقال االمسيحي : عجبا لكم ايها المسلمون تحلون هذا وتحرمون هذا مع ان هذا من هذا
فقال الإمام : ألك زوجة؟
فقال المسيحي:نعم
فقال الإمام ائتني بها .......... فاحضرها
ثم قال له : ألك بنت ؟
قال: المسيحي: نعم
فقال الإمام ائتني بها ......... فاحضرها

فقال له اما ترى ان الله احل لك هذه وحرم عليك هذه مع ان هذه من هذه

فقال المسيحي: اشهد ان لا اله الا الله وان محمد رسول الله:::

[ليبياقلبي]

يقونة وجعتني منك هلبة انت مش سالة علا نوزة سالة عالكل الا انا باهي باه
ميمونة يااغلى من الغلا شن الجو
راية والاء شن اخباركم
شرقاياوية عادي بطنك معا جسمك ماشية
مروسة شن اخبارك يامتاع اللمقالب

[ام وسونة]

عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري و مسلم .

[ام وسونة]

من مبكري نسمعوا في صوت انفجارات لين الحوش يهز

لما سالنا قالوا هذا الناتو يخوف في الزنتان اللي في المطار

[ميمونة]

هلا شن الجو ام ناريز انت الغلا والله شن حال بنوتك اليوم

ام وسونه ماتلكمنيش انا زعلانه منك هذه اخرتها تنزلي الصوره متاعي مع يقين شن درتلك انا

[ღॐ آية ღॐ]

السلام عليكم
حبايب ئلبي كيفكم
والله استاحشتكم بس والله مشغولة في الدراسة
خاشة دورت انجلش مكثفة hwaml7.....
راكم تصدقو دورة على النت بس hwaml5
والله مستواي تحسن ولله الحمدhwaml02
المهم عيون كيفك وكيف سرورة وحمودي وان شاء الله تسافري المانيا وتجي بسلامة حبيبتي:
ام اجنادين عظم الله اجركم
ليبيا قلبي ان شاء الله الف لابائس على عسولتك
اهم شي تسكريلها ودنها بي قطنة ام وسونة شن اخبار وسونة الدلوعة
ام رفيدة مشاء الله عليك التورتة تهبل وعيون ربي يعطيك صحيحتك
متفائلة وراية ويقين منورات وشكرا على نشدتكم سلمكم نشدات ...
ميمو حبيبة ئلبي ازيك!!
والله نحبكم كلكم في لله ...وحتى او كان غطست راني نسال عليكم hwaml13...

[عيون زوجي]

السلام عليكم
ام ناريز الف سلامه على نوزة وربي يشفيها
ام وسونه حاضر انتي تؤمري وادللي
رايه نعالي نديرلك وحدة تانيه ليك انتي بس ويارب تكوني حامل
ومنو موجوده توااااااااااااا؟؟؟؟؟؟؟؟؟؟؟؟

[عيون زوجي]

ماشاءالله ايه ربي يعينك في قرايتك وعلمينا مش زي ام اجنادين مكرت فينا
وكيف حال اسوله وايوب ووين تخلي فيهم لما تمشي؟

[ميمونة]

هلا ايوته شن حالك توا صحيتي عالبسبوسه علاش متعبه روحك وحسبتيني بس طلعت مش عاديه يسلم ايديك تعرفي كلهم عجبتهم

[ميمونة]

يانهار ابيض وعيون هنا نورتي شن حالك وحال الطورطه كملتيها وارتحتي

[ღॐ آية ღॐ]

اسولة على رجليا
وايوب يكون بجنبي لان الدورات عن طريق الانترنت
يعني في حوشي ههههههههههههههه
بس ان شاء الله بعدين بناخد دورات في المعهد الي يقري فية
زوزي بنمشي بروحي وهما يقعدو مع ابوهم..

[ميمونة]

يابت قالتلي ناخد فيها الدوره من النت خيرك عيون دايخه من الطورطه شكلك

[ام وسونة]

اني جييييييييييييييييييت

تسلميلي ياعيون ايوتة الحمدلله على السلامة

[ღॐ آية ღॐ]

صحة وهنى ميمو المره الجاية بندير بكلاوة
وبنحسبكم اندير فيها وتجي زي العسل.

[عيون زوجي]

حاشاك دايخه من الظلام الحوش كله مطفي والعيال وبوهم راقدين وانا نكلم فيكم بالخنبه هههههههههههه
التورته قاعد منها اتفضلي انديرلك معاها طويسه شاهي اخضر بالنعناع
ايه ناشطة ماشتءالله ونازله فيها دورات

[ღॐ آية ღॐ]

هلا هلا ام وسونة
ربي يحفضها وسن يارب مشاء الله عليها..

[ميمونة]

خلاص غدوة نتفق انا البنات ونجوك هههههههههههه

توا نوريك العزومه كيف شكلها

[ام وسونة]

اللـهـم اجـعـل ابـواب الـجـنـة تـفـتـح لـنـا
وقـلـوب الـنـاس تـرتـاح لـنـا
وكـل حـسـنـة تـتـضـاعـف لـنـا
وكـل خـير فـي الـدنـيـا يـوهـب لـنـا
وكـل نـعـيـم فـي الـجـنـة يـعـطـى لـنــا
وفـى كـل خـطـوة الـمـلائـكـة تـدعـو لـنـا
وفـي كـل صـلاة عـلى الـنـبـي يـغـفـر الله لـنـا..!!

[عيون زوجي]

شنووووووووو قصة البسبوسه؟؟؟؟؟؟؟؟؟؟
ام وسونه وصلاتك بسبوسه ايه؟ ووسن رقدت ولا قعده اتهيج؟

[ميمونة]

الله يسلمك نقولك حاجه تعالي يوم تاني انديرو طورطه انا وياك شن رايك

[ام وسونة]

قـــــــصة وعـــــبرة

كان ياما كان
كان فيه بنت عيلة وناس..وكانت هي الصغيرة في هلبة خوت و هلبة خوات..
وكلهم اتزوجوا..وقعدت هي وامها العزوزة وبوها الشيباني تبات

وكان عندها خوها يسكن لاصق فيهم..ويخدم هلبة ومايقعدش في الحوش الا ساعات

كان خوها هو اللي مربيها..وهو اللي متكفل بيها..ومهتم بقرايتها وحوايجها والحاجة اللي تبيها على طول تجيها
..
البنية كانت هبلة..وفي الحياة ماعندهاش خبرة..
لما خشت للكللية انقلب حالها البنية..وشافت دنيا غير الدنيا
واتلمت على بنات لا دين ولا اخلاق ولاحسن نية
..
ضحكوا على لبسها وهبعو بيها وقالولها من اللي مازال في وقتنا تلبس في جلابية..
وقالولها خيرك ديمة صفرا؟ لو قعدتي هكي مش حتديري تمرة..
من بيجيك ومن الاعمي اللي بيعدل عليك؟ خليك هكي وحتقعدي في رقبة اماليك
..
والبنت حارت ..والافكار بيها دارت..
وقالت زيي زي البنات..قداش بنعيش مرة..ساد اللي من عمري فات
بدت لما تمشي للكلية..تمكيج وتنحي الجلابية..ولما تروح تلبسها وتغسل وجهها بالمية

وفاتت فترة..وفي مرة
..
خوها واقف هو وراجل..في جيهة بعيدة على كليتها..
كانت طالعة هي وصاحباتها تهيج وفايتة قرايتها.
لبستها عار وتتسهوك هي والبنات وكمشة ولاد يجروا في جرتها

خوها ما اشبحش لجيهتها..الراجل شافلها وقال..خزي على ربايتها..اللي تلبس هكي وين اماليها؟ بنتهم تدور ومايندروش عليها؟

الخو اتلفت وشاف ولقاها اخته....والدنيا لفت بيه..وخبلها في الشارع وعطاها طريحة والناس قعدوا يحزوا فيه
..
والبنية قريب ماتت من الحشمة..وحلفت وقالت والله شعفة..
والحمدلله ربي هداها..وعرفت ان اللي تديره ولاماليها ما تقدرش تقوله..اكيد عيب وغلط وفيه حاجة مش مقبولة....


http://forum.hwaml.com/imgcache2/hwaml.com_1324339310_736.jpg (http://www.facebook.com/photo.php?fbid=220364048040140&set=a.194245780651967.48920.194239943985884&type=1&ref=nf)

[ميمونة]

خشت فيها القصقصه ماله زيك تدوي علي الطورطه وخلاص وزعميتها تعزم

ربي يحفضك ياايوته مايدور فيا حد غيرك

[ام وسونة]

لاوصلتني تورتة لابسبوسة

وسونة وبباها راقد واني نهيج بروحي

[عيون زوجي]

شنو القصه اديروا في تست لفعاليه القصقصه عندي ولا شنووووووو

[ام وسونة]

طبعا ماحكيتلكمش عالناس اللي جو يخطبوا في بنت اختي

اليوم؟؟؟؟؟؟؟؟؟؟؟؟

[عيون زوجي]

ههههههههههههههههههه تفضلوا مازال منها بايته هههههههههه تفضلوا الباب مفتوح والنعته ساهله ههههههههههههههه
ام وسن انقلبتي اعليا هههههههههههههههههههه

[ميمونة]

ههههههههههه الله غالب ام وسن لومي عليهم انا مادرت شئ

[ميمونة]

لا درت بسبوسه ولا طورطه هههههههههههههههه

[ام وسونة]

الــــزمـــزامـــات

هم فريق من النساء المغنيات..يجيبو فيهم في المحاضر والنجمات ومرات في الحفلات..وفي السوابيع واللمات وجابوهم حتي في حجاجات..ويقولو عليهم فنانات..

يتميزوا بالتلعليع والصوت العالي وفي الغالب يكونوا قيبوعات..
يستعملو في البندير والدربوكة وحاليا حتي في الآلات ..
يكونوا مجموعة ولما تحجزوهم يجوكم مش كاملات..
اغلب الرجالة يقولو عليهم دوشة وفلوس في الفاضي ماشيات..
والنساوين يسكروا في راسهم عليهم ويقولو هما يقيمو في المناسبات..

شروطهم :

معاملة خمسة نجوم..سفرة خاصة ومقومة من كل اللي يتقدم في المناسبة
فلوسهم قبل مايغنو يوصلوهم وزيادة عليهم الرمو.

اسعارهم:

اللي سعدهم طايح ومايعرفهم حد اسعارهم تبدا من 500 وحسب المناسبة
واللي مشهورة والناس كلهم يبوها هاديا باقل من 1600 ماترضاش ويوصلو حتي ل3000

كانت معكم مراسلتنا ( مطروشة من الصوت العالي) من امام سبيكرات صالة الهناء


http://forum.hwaml.com/imgcache2/hwaml.com_1324339754_935.jpg (http://www.facebook.com/photo.php?fbid=219122538164291&set=a.194245780651967.48920.194239943985884&type=1&ref=nf)

[عيون زوجي]

طبعا ماحكيتلكمش عالناس اللي جو يخطبوا في بنت اختي

اليوم؟؟؟؟؟؟؟؟؟؟؟؟
ان شاءالله بالبركه hwaml7وعقبال وسونهhwaml03
هادي نفس البنت متاع القانون

[ام وسونة]

هههههههههههههه مادخلنيش فيكم مافيش من عزمني

[ميمونة]

طيب احكيلنا ياام وسن شن تستني

ايه وين هربتي والا النت فصل

[ميمونة]

تعرفو جعت ياهمي شن اندير هههههههههههه مانبيش ناكل

هالدوفستون فاتحين الشهيه

[عيون زوجي]

http://forum.hwaml.com/imgcache2/hwaml.com_1324340151_950.jpg (http://forum.hwaml.com/imgcache2/hwaml.com_1324340151_950.jpg)
تفضلوا كلوا وما تقولوش ما تعزمش .......

[ام وسونة]

ايه هي نفسها طبعا شافوها ماتوا فيها والله مش شكرانية

وكلام الحق ينقال عجبتهم لدرجة قالوا انهم موافقين علي

تبوه وطبعا هو خش شافها الرؤية الشرعية وكان خوي معاهم

واني بنموت ونشوفه الحمدلله شوفته ههههههههههههه كنهدا كيف

بنرقد من التقصقبص الليلة هههههههه المهم اكيد عيون حتسالني

شن ضيفتوهم اولا عصير وشكولاتة جالكسي وبعدها شاهي ونسكافيه

عمايل ايديا ودرت كيكة بالشكلاتة وصوص التوفي ودرت خبيزة خضرة

وبعدها اعطينا فروتة وبالك ههههههههههههه

[عيون زوجي]

ميمونه...انا عشاي بيتزا قاعد منها طريفات نبعثلك عالخاص ومدي ايديك ما عنديش موزاريللا درت شيدر بس مع الطن والزيتون

[ام وسونة]

عيون ابعتيلي الطريقة ضروري ومعاها طريقة

عجينة اللوز والكراميل مادخلنيش فيك والطريقة متع

التورتة بالتفصيل الممل

[عيون زوجي]

ان شاء الله ربي يهنيها امين

[ميمونة]

سلمها ياربي ام سروره ربي يحفضك توا تبعتي فيها عالخاص ماكان من الاول عالعموم صحيتي

[ام وسونة]

هذه صور من عيدميلاد بنت خوي

http://forum.hwaml.com/imgcache2/hwaml.com_1324340686_206.jpg

http://forum.hwaml.com/imgcache2/hwaml.com_1324340686_193.jpg

[ام وسونة]

هذه وسونة في الجنان


http://forum.hwaml.com/imgcache2/hwaml.com_1324340896_698.jpg

[ميمونة]

ربي يحفضهالكم ياام وسن

ومبارك علي بنيت اختك ربي يهنيها

[ام وسونة]

تسلمي ميمونتي عقبالك وعقبال وخياتك

[ميمونة]

ربي يحفضلك بنيتك يارب وتشوفيها عروسه

[عيون زوجي]

انا درت كيكة الشكولاته خذيتها من النت والحشوة كانت صوص التوفي ( كوب ونص سكر عالنار لما يتكرملوا انضيف كوب قشطة مع ملعه زبدة ونحركهم ونطفي النار)
وضربت كريم شانتيه ظرف واحد مع 2 ملاعق كبار جبن كريمي
واللوز كان ني حطيت السكر عالنار ولما اتكرمل حطيت اللوز وحركتها وكنت مجهزة ورق قصدير مدهون بالزيت حطيت اعليه اللوز لما طاب ولما يبرد انكسرها لاحجام اصغيرة
والعجينه واتيه وادره الكبد من محل المرغني يلي كتبت نعته لمتفائله
وبس ايوه وادهنتها بالشراب بس عجبتني فكرة ام روفيدة متاع عصير الجوافه وعجينه اللوز طريقتها عند اختنا ام روفيده

[ام وسونة]

هذا البازين اللي درته يوم الجمعة اللي فاتت

http://forum.hwaml.com/imgcache2/hwaml.com_1324341061_789.jpg

http://forum.hwaml.com/imgcache2/hwaml.com_1324341060_598.jpg

[ميمونة]

الحل الوحيد للقضاء علي البرد


[Ihttp://forum.hwaml.com/imgcache2/hwaml.com_1324341136_601.jpg (http://forum.hwaml.com/imgcache2/hwaml.com_1324341136_601.jpg)[/IMG]

[ميمونة]

صحه البازين ياام وسونه انا مانعرفش نديره لليوم

[ام وسونة]

قصدك عجينة اللوز واتية اخديتيها ياريت تزيد تنعتيني عليه

وكيف تحطيها عالتورتة عارفة كترت عليك وسؤال اخر شن هي

جبن كريمي ووين نلقاها

[عيون زوجي]

ماشاءالله على وسوووووووووونه
وبطول العمر لبنت خوك
ومأكول الهنا للبازين وقته توا في هالصقع

[ام وسونة]

تسلمي ياحلوة ياعيون تصدقي لازم تبعتيلي رقمك

حابه نتعرف عليك اكتر شن رايك؟؟؟؟

[ام وسونة]

باااااااااااهي جاوبيني على سؤالي ممكن ياعيون بخصوص

التورتة ياهمييييييييييييي

[عيون زوجي]

جبن كريمي يعني جبنه كاسات يلي تتاكل بالملعقه زي جبنه بوك
زمان كان فيه في سوق الثلاثاء جبنه ماسكربوني علبه ب 8 دينار جبنه خاصة بالحلويات طعمتها اتجنن توا مافيش
والمحل انتي طالعه من شارع الاتحاد باتجاه باب بن غشير اتفوتي السيمافرو اول شارع فرعي عاليمين اتخشي معاه تمشي طول تلقي مقابلك محل مولينكس جنبه لاصق فيه محل اصغير اسمه المرغني منظره زي العطار من بعيد هههههههههه لانه حايس

[عيون زوجي]

من عيوني انتي تؤمري ياام وسونه تو نبعثه عالخاص في نهايه هدرزتنا

[ام وسونة]

ايه عرفته الشارع اللي في نفس الجهه في محل

ارض الطفولة للاحدية صح وفي جنبه محل يبيع في مستلزمات

الافراح والمطاعم

[عيون زوجي]

ايه
ميمونه
وينكم.؟

[ام وسونة]

بكى رسول اللّه صلى اللّه عليه وسلم يوماً
.♥.
.♥.
.♥.
.♥.
... ... ... ... ... ... ... ... ... ... .♥.

فقالـوا : ما يبكيك يارسول اللّه ؟
.♥.
قـال: إشتقت لأحبابي
.♥.

قالـوا : أولسنا أحبابك يارسول اللـّہ ؟
.♥.
قـآل : لا ..... أنتم أصحابي
أما أحبابي فقوم يأتون من بعدي يؤمنون بي ولم يـروني

.♥. • || اللهم || •.♥.
اجعلنـا ممن اشتاق لهم نبينـا محمّد صلى اللّه عليـه وسلم وبلغنـا شفاعته
.♥. • ||آمين || •.♥

[ام وسونة]

مايؤمر عليك ظالم ياحلوة

[ميمونة]

نسئتنا فيك يعيون

[عيون زوجي]

تقريبا مش مركزة فيهم بس فيه محل اطفال صح

[عيون زوجي]

انتي ميمي ولا ميمو

[ام وسونة]

http://forum.hwaml.com/imgcache2/hwaml.com_1324342597_978.jpg

هذه مرة درتها لراجلي عالحائط متع الفيس بوك لما شافها

جاته السبهلله قالي والله صحة ليك جريئة ههههههه

[ام وسونة]

وهادو الخراصات بنموت فيهم غير كان نلقاهم

http://forum.hwaml.com/imgcache2/hwaml.com_1324342705_824.jpg

[ميمونة]

Memy Mohammed

وصوره كتاب مفتوح مذكره من الاخير

[ميمونة]

تصبحوا علي خير خلاص بنرقد نتلاقو علي الخير

[ام وسونة]

هذا وين ركزت في توقيعك ميمو ونعم بالله

الَهِـيْ }~.[♥].
إِنِيْ سَعِيْدَة بِكُلِ مَآْ كَتَبْتَهُ مِنْ أَجْلِيْ
حَتَىْ تِلْكَ الْمَشَآْكِلِ الْتِيْ كَسَرَتْنِيْ !
فالحمد لله كثيرا--
أَعْلَمُ أَنَ [ لَكَ ] حِكْمَــةُ مِنْهَآْ. .
… بِالْرَغْمِ مِنْ أَنَهَآْ آَلَمَتْنِيْ كَثِيْرَآً. .

إِلَلا أَنَنِيْ أَنْتَظِرُ الْسَعَـآْدَةْ الَتِيْ سَتُخَلِفْهَآْ
وَ [ مُتَفَاْئِلْة ] بِقَوْلِكَ إِنَ بَعْدِ آلْعُسْرِ يُسْرَاْ

[ام وسونة]

وانتي من اهله ميمونتي

شكله عيون رقدت خلي نمشي حتى اني نرقد

تصبحوا على الف خير واحلام سعيدة

[الاء 2002]

صباح الخير على الحلوات التى يسئلن عليا كيف حالكم عيون يسلموا ايديك على الكيكة الرائعة وام رفيدة الله يعطيك الصحة ياريت عندنا وقت نعمل مثلها .
ام اجنادين حبيتى عظم الله اجركم ولكن الحزن ثلاث ايام فقط
رغووووووووة توين شديرى
اخواتى من منكم تعرف طريقة البسبوسة عن طريق العجن

[يقين]

صباح الخيييييييير للكل
الاء كيف حالك وحال زوزك ان شالله تمام
امنوووووووووووووزه صباح الخير عليك ونهارك سعيد والله يا حبيبه الا سالت عليك وعلي بنيتك وانتي تفوتي في الصفحات الاولات وتقري في الاخير بس
شوفي حبيبتي لو تولي لالالالالالالالالالالالالالاوره تلاقي اني كل صبح انخش لازم نسال عليك وعلي نوزه معقوله اني مانسالش علي نوزه

[رغوده2006]

http://forum.hwaml.com/imgcache2/hwaml.com_1324209344_283.gif

(تجمع حوامل ليبيا)
(.........) (..........)
(..........) (...... ...) (......... ...)
(......... ...) (.............)(...........)(............)
(............)(............)(.............)(رغوده2 006(...........)(........)
(......... ...) (................)(.......................)(...... ...........)(......... ...)
(......... ...) (......................)(....................)(... .........)(.................)(......... ...)
(............) (.........)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(..........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)
(......... ...)(......... ...)(......... ...)(......... ...) (......... ...)
(................ )(..............................)
http://forum.hwaml.com/imgcache2/hwaml.com_1324209344_854.gif

[يقين]

ام نوزه الف لاباس علي بنيتك ان شالله ربي يشفيها وتنوض تلعب كيف قبل وتنقز كي الغزيل اهم حاجه ماتغششيش روحك يا غاليه الصغار اكل يمرضوا ويحوا
هادي مشاركتي امس لما سالت عليك وعلي نوزه الساعه 9 الصبح ههههههه تقول يحققوا معاي لكن والله مايهون عليا زعلك هي هادا باش نوضحلك

[الاء 2002]

يقين كيف حالك

[يقين]

رغوووووووووده صباح الخير كيف حالك وحال صغيويرتك

[يقين]

الاء الله يسلمك يا احبيبه كيف حالك انتي

[saly.me.91]

صباح الخيــــــــــــــــــــــــــــــــــــــــــــــ ــــــــر
يقيــــــــــــــــــن وينك امس فاتحة الياهو من الصبح لليــــــــــــــــــــــل وانراجي فيك بس انتي مافتحتيش...؟ استاحشتك

[saly.me.91]

الاء صباح الخير كيف حالك وحال الاء وايلاف انتي من وين بالزبط وقداش عمرك

[يقين]

عيووووووووووون التورطه تهبببببببببببببببببل مشاء الله تبارك الرحمن عليك مش عاديه يسلموا دياتك
ام روفيده تبارك الرحمن علي التورطه تهبللللللللل يمي يم نصها ليا اني باهي
ميمونه ههههههههههه الناس تنزل في الكيكات والتورطات وعجاين اللوز وانتي منزله دجاج محشي خخخخخخخخخخ اه لو كان انشدك انت ودجاجاتك هههههههههههه

[يقين]

اهلين بسوسو صباح الورد كيف حالك والله الياهو معاد فتحته امس قعدت نحوس في الحوش والعشي لين روح قوزي حتي اني استاحشتك

[يقين]

ايوته نورتي التجمع المنور وكيف حالك وحال وليداتك استاحشناك واستاحشنا ترييشك ليك زمان مهديه اللعب شكلك عقلتي معاش بتريشي

[يقين]

فئولتي صحيتي عالطريقه اليوم ان شالله بنديرها لان البارح درت كيكه حاره واليوم دور الخبيزه

[الاء 2002]

الحمد لله اما وبنياتى انا من الزاوية وعمرى 33 سنة واعمل فى شركة نفطية

[saly.me.91]

بالجودة بيك وانا من طرابلس وعمري 20 وتوا هذا اول حمل ليا

[يقين]

رايه ان شالله تطلعي حااااااااااااااااااااااااااامل وتفرحينا

[saly.me.91]

يقين؟؟؟؟ علاش اندير في صورة للتوقيع وماتبيش تطلع؟؟؟؟ اهئ اهئ اهئ

[يقين]

عيون ان شالله طريقكم خضرا ومقتوحه قدامكم وموفقين وان شالله تتهنوا وتستمتعوا بالسفر وان شالله تمشوا وتجوا سالمين

[يقين]

سوسو اني نعطيك طريقه اسهل طبعا تحت مكان التوقيع بتطلعلك صوره ديري عليها كلك يطلعولك خيارات ديري كوبي وبعدين تعالي لمربع التوقيع وديري بست تتنتسخ وديري حفظ التوقيع وخلاص بعدها اختاري الرئيسيه وخشيلنا اهني نشبحوا توقيعك

[يقين]

ام اجنادين عظم الله اجركم ان شالله متواه الجنه

[يقين]

هااااااااااتو كيف حالك حبوبه وان شالله ربي ينوضك بالسلامه واتمي قرايتي كله ساهل

[saly.me.91]

كيف اندييييييييييييير

[يقين]

سالي اهو طلع معقوله ماشفتيشي اهو اني نشبح فيه

[يقين]

الاء ربي يخليلك صغيويرتك وتفرحي بيهم انت توا حامل ولالا

[يقين]

ام وسونه كيف حالك يا حبوبتي وحال بنيتك وزوزك تبي الحق صورتي روعه بس الاروع صورتك اللي حتنزل عن قريب

[saly.me.91]

اتي وينه مانشبحش فيه...خخخخخخخخخخ

[يقين]

ميمو معقوله بسوله يقول عليا هكي الله غالب مش مني الصور ام وسونه غدرت بيا وهوا ربي يسامحه وخلاص واقفه معاه ونجيب في الطلبات وحاجات العرس وهوا يشحن فيك عليا
بالنسبه للمزينه السودانيه تو نبعتلك ايميلها عالخاص طبعا هيا راااااااااااقيه جدا تتعامل بالايميلات بس باش تعرفي الصقع بس

[يقين]

هههههههه سالي محسستيني كاني ضاربني ضغط عاليhwaml4 نشبح فلي مش موجود خخخخخخ تي اهوا نشبح فيه فيه توأم ولا مقعمزين بحدا بعضهم

[رغوده2006]

صباح القايله
هذا وين فضيت شويه اه ياميمتي دهشت والخدمه قاعده اكداس والزكمه زايدتني مع الصداع والصيام ياربييييييييييييييييييييييييي
المهم كيف حالكم وحده وحده

[يقين]

شني ما قالولكش شني البيبيز

[saly.me.91]

هذه صورة واحد من خوتي اللي توفوا في رمضان الله http://forum.hwaml.com/imgcache2/hwaml.com_1324375792_179.jpg (http://forum.hwaml.com/imgcache2/hwaml.com_1324375792_179.jpg)يرحمه

[يقين]

رغوده لاباس عليك وسلامتك من الاه وتقبل الله صيامك خير الصلوعا ما يجي يعاونك خخخخخ

[رغوده2006]

يقونه كيف حالك وحال فروتي وزوزك وشنو الجو في مصر
سالي وينك ماتسأليش بكل باهي ليك باهي كيف حالك وحال فلاليسك انشاءالله ربي يحفظهم هم وامهم ياااااااااااااااااااااااااااااااااااااااارب

[يقين]

سالي لاحول ولا قوه الابالله انا ولله وانا اليه راجعون ربي يرحمه ويجعل مثواه الجنه
والله قطعتيلي قلبي يا ريتك مانزلتي الصوره

[يقين]

سالي ممكن سؤال معليشي سامحيني نبي نسالك شن سبب وفاته

[saly.me.91]

لالا قتلي بالك الموعد الجاي يبانو

رغووودة والله سألت عليك امس.. وحتى انتي ماتسأليش عليا بكل بكل انا اللي زعلانة منك

والف لاباس عليك وصيامك مقبول ان شاء الله

[يقين]

رغوده الحمد لله بخير ونعمه وانتي شخبار صغيويرتك

[يقين]

سالي ان شالله عالخير واللي تتمنيه ربي ينولهولك

[رغوده2006]

سالي
انالله وانا اليه راجعون ربي يرحمه
قصدك قداش واحد توفى ماتصدمينيش

[saly.me.91]

عندي خوي اللي قتلكم كان ف بريطانيا كان في جبهة الجبل وبعد تحرير طرابلس اتصل بخوته قاللهم تعالو باش بيتلاقى معاهم ليه قريب سنة ماشافهمش وهما ماشيين ومعهم ولد عمي وطالعين من طريق عين زارة وقفو جيهة مخزن السلاح دورة طوقوهم الكتايب ورموهم بالرصاص والتوار سمعو الرصاص وقعدو يرمو فيهم حتى هما لاحول ولاقوة الا بالله خوي هذا مات وقتي وولد عمي مش عارف من سعفه وخوي التاني مات 2 يوم واحنى هذا كله مانندروش عليهم لعند يوم الموسم مع انهم ميتين من ليلة 27 لاننا كنا في نالوت وخوتي نتصلو بيهم يقولولنا لا مازال ماتروحوش..شوي لما روحنا امي قعدت تسأل وين حاتم ومحمد..اللي فالصورة شوي قاللها حاتم مصاب في رجلة ومحمد كويس وعند نساباته و2 يوم جت مرت عمي الصبح تعيط نحسابو حاتم مات قالت لالا محمد..وقعدنا نحسابو حاتم مفقود بعد عشرة ايام يمكن من التدوير فالمستشفيات والثلاجات لقو وحدين لما شافو صورته قالو حني دفناه بيدينا وقبل مايموت قال انا عندي زوز بنات و2 يوم ورو خوتي صورته وهوا ميت


الله المستعان وخلاص