تجمع حوامل ليبيا

[عاشقة الصحراء]

ميرنا ربي يعوضك خير يااااااااااااااااارب ويصبرك .. حاولي ترقي نفسك ديما وتقري قرآن وتكثري من الاستغفار ..

[poucie]

السلام عبيكم ورحمة الله وبركاته،،،،
ميرنا انشاء الله الف لاباس عليك وربي يعوضك انشاء الله
اختي عاشقة من فضلك نبي نسالك على مواعيد الدكتورة منيرة

[عاشقة الصحراء]

كيف حالك يا بوسي وشن أخبارك ؟؟؟ دكتورة منيرة موجودة كل يوم اثنين الصبح .. بري بكري باش تخشي بكري .. المرة اللي فاتت مشيت التسعة لقيت رقمي 8 يعني كويس كان تمشي التسعة أو التسعة ونص ... تبي تمشي تتابعي عندها ؟؟؟؟

[poucie]

والله مرات بنبدا انتابع عندها لانه ممكن انجيب في الخضراء زي المرة اللي فاتت بصراحة راجلي قالي مكان تعرفيه خير من مكان ما تعرفيشي وفي النهاية كلهم بالفلوس يعني ما تفرقش لذلك اني قلت والله حق على الاقل الخضراء نعرفهم وجايبة فيه من قبل فمرات انقول نتوكل على ربي وانكمل انتابع غادي وخلاص لين انجيب على خير

[عاشقة الصحراء]

بجديات عنده الحق ... والله كنت بنسألك علاش غيرتيه مادام جايبة فيه من قبل وعاجبك .. بصراحة ارتحتله هلبا وخيروني بينه وبين مصحة المختار واخترت الخضرا ... ربي يكتبلك اللي فيه الخير وفعلا مكان تعرفيه أحسن

[poucie]

يالله انشاء الله ربي يكتبلنا اللي فيه الخير

[poucie]

نسرينا - ايه - ام سعد - عيون وينكم غياب هذا كله نوم وإلا بدفيات وشادينها عالوجبات على قولت نسرينا ههههههههههههههه

[عاشقة الصحراء]

حق اليوم الكل غياب .. شكلهم متدفيات والله الجو يبي بطانية وبس ...اني في الشغل هذا علاش مش تحت البطانية ... وانتي يابوسي شن تديري ؟؟؟

[poucie]

حتى اني في الشغل

[ام لقمان]

السلام عليكم ورحمة الله وبركاته
آآآآآآيه لاباس على حبايبك طمنينا عليهن
ميييييييييييييييرنا ربى ايعوضك خير
ولما اتصحى عليك بالزيت المرقى احقنيه فى الرحم راهوا باهى بكل
وانا كيفك اجهضين والعيل شهرين ونصف وما انديرش فى عملية تنظيف والحمد لله
الرحم تمام

[poucie]

يالله يا عويلة انا نستأذن ونتلاقوا في العشية انشاء الله

[عاشقة الصحراء]

كيف حالك يا أم لقمان ؟؟؟ ربي يعوضكم خير انتي وميرنا يااااااااااااااااااارب .. حبيت بس من باب الفضول نعرف هذا الزيت زيت شنو بالضبط ؟؟؟ وكيف تحقنيه في الرحم ؟؟ تمشي لدكتور يعني ولا بروحك ؟؟؟ لو سمحتي فهميني بالتفصيل ...
ربي يخليك

[ام لقمان]

ماشاء الله نشيطات
انى اليوم غايبه لان زوجى عنده شغل مهم وما عنديش وين انخلى الصغار

[عاشقة الصحراء]

كويس جاك الغياب في يوم زي هذا باش تتدفي تحت البطانية هههههههههههههههه
ماجاوبتينيش علي سؤالي ..

[عاشقة الصحراء]

تحذير لكل من تشيل المنطقة الحساسة بالحلاوة
:http://forum.hwaml.com/imgcache2/hwaml.com_1292743483_295.gif (http://forum.hwaml.com/redirector.php?url=%68%74%74%70%3a%2f%2f%77%77%77% 2e%76%62%2e%6d%74%7a%77%6a%61%74%2e%63%6f%6d%2f)مه م لكل البنات والسيدات
السلام عليكم


سمعت قصة حبيت أقولها لكم علشان ماتسوون زيها لاسمح الله المهم كان في وحدة تشيل المنطقة الحساسة بالحلاوة و في يوم من الايام كانت تشيل بالحلاوة و فجأة حست نفسها مو قادرة تتحرك و حاولت ماقدرت بعدين طاحت ولما جا زوجها شافها أخذها عالمستشفى على طول وهناك قالولها إنها انشلت شلل نصفي (بعيد الشر عليكم) بسبب الحلاوة لأن المنطقة الحساسة كلها خلايا عصبية و نتف الشعر بالحلاوة يسبب موت هذة الخلايا العصبية وندمت هذي الحرمة قد شعر راسها وكلفت كل من يسمع قصتها إنه يبلغ الناس وينشرها لأن أغلب الحريم يشيلون بالحلاوة وما يتبعون سنة



((الرسول صلى الله عليه وآله وسلم لمن وصى نتف الابط وحلق العانة ...))


بليييز أنتبهو ولا تستخدمون الحلاوة و أنشروا القصة علشان تكسبون ثواااااب وماتندمون بعديين



تحذيرات من شيل المنطقه الحساسه بالحلاوه .. بحثت بالموضوع وهذا اللى طلع معاى ..


نقل من منتدى ثانى على لسان وحده من البنات شوفوا ايش تقول ؟.
(وحده من صاحباتي حضرت محاضره دينيه لاحدى الداااعيااات المهم ... وكانت من ضمن


الموواضيع التي طرحتها الداعيه... موظوع النظاافة الشخصيه.... فحكت قصه واااقعيييه وتقوول
القصه كانت بأحدى المستشفييات...لزيااارة نزيلات المستشفى.. وكانت هناك


مريضه تعاااني من مرض غريب جداا.... واخذت تحكي لداعيه عن مرضهااا الا وهووو موووت
الخلايااا او الاعصاب الحسيه في المنطقه الحساسه( منطقة العااانه) اتدرووون ايش سبب مووت تلك
الاعصاب والخلاياااا.................... هنااا الطاامه..........




(انها كانت تزيل شعر منطقة العانه بالحلاوه)......بأستمرار
وأمنت المريضه الداااعيه ان تذكر قصتهااا كلما حضرت محاااضره حتى يتعضن النساء من
قصتهااا..............نحن لو نظرنااا لحديث الرسووول كان اتعظنا بس للاسف.....نحن لاهووون.....حيث
ذكررر في حديثه( ( نتف الابط وحلق العااانه ) وماا ذكر الرسووول هذا الكلام



الا ورائه حكمه من ذلك ..... والحكمه انه توجد فطرياات وبكتريااا في الابط لاتزاال الا بنتف الشعر....


وكذلك الحال في منطقة العااانه لاتزال الا بلحلق ) ......
اللهم هل بلغت اللهم فأشهد................... وانا بعد اللهم هل بلغت اللهم فاشهد

[عاشقة الصحراء]

فعلاً يا بنات الكلام هذا أكيد صح لأني سمعت الدوة هذي من قبل وسألت وقريت عليها هلباااااااا وعرفت أن نزع الشعر من المنطقة الحساسة بالحلوة بخليها تبان أكبر ومعاش فيها نضارة وشباب يعني سيدة في الثلاثين تكون منطقتها الحساسة لسيدة في الخمسين .. هذا غير انها منطقة مليانة نهايات عصبية ونزعها يؤثر حتى عالمتعة الجنسية عند المرأة ...
سبحان الله مافيش حاجة في سنة رسول الله عليه الصلاة والسلام إلا فيها فايدة عظيمة

[عيون زوجي]

السلااااااااااام عليكم
وشكرا لدعائكم وربي يكرمكم اجمعين......
ميرنا ربي يعوض اعليك والحمدلله مادام حملتي امورك كويسه وماتخافيش مسئلة وقت
صح الوقت ثمين بس العاطي ربي

[عيون زوجي]

عاشقه الصحراء مش قلتي انك طالبه وين تشتغلي توا وشن شغلك؟؟؟؟؟

[عيون زوجي]

مرات خوي البارح الساعه 4 الفجر جاها وجع طبيعي ومع الساعه ال 9 الصبح جابت اوليد
ربي يهنيها صغيرة مواليد94 هي بروحها بيبي
عقبال الحوامل منكم يجيبوا والتانيات يحملوا يارب
واختي ليها 3ايام تتوجع ومازال الرحم مسكر راسه

[ام لقمان]

اختى عاشقة الصحراء
سامحينى لانى عطلت عليك تعرفى الحكايه اليوميه غدى واصغار
المهم احقنيه بنفسك بواسطة اشرنقه (ابره بلا راس)وهذا الموضوع للى عنده مشكلة مس والا سحر لاسمح الله
المهم سلامى للجميع
وايه لتوا ماخشتش
وعيون حتى هى
ونسرينا فايتتنا

[عيون زوجي]

بوسي يا حبيبه ى ما سئلتيش على الغدي
ههههههههههههههه
انبصر معاك راك تزعلي
انا اليوم مش مدايرة غدي فطرت اماخر والعشى احتمال نتعشى برا
صح صقع بس مضطرة نطلع بنشري لسارة قفطان للمه
ممكن نمشي لسوق الثلاتاء او محل اسراء يلي في قرجي
وانا نبي نشري شبشب عالي مع بعضه مش كعب
ولونه ازرق وين نمشي زعمه نمشي لشارع الاتحاد ولا شنو قولولي
لاني ممكن مش اكيد رح نحني حنه سودانيه في رجليا لحد الركبه زخرفه مش اكثر
وشعري محتارة كيف نديره
رح نوريلكم صورة وانتم شوروا عليا
لانه قصير وصعب التعامل فيه خفيف هلبه وناعم

[ღॐ آية ღॐ]

السلام عليكم
كيف حالكم اليوم صبايا
ميرنا ربي يعوضك خير يارب
ام لقمان كيف الحال وشن اخبارك وين كنتي مغطسة؟
عاشقة الصحراء كيف حالك وشن اخبارك ...
الحمد لله قريب تفتكي بكل من الوحام ان شاء الله مع الرابع يطير مرة وحدة
وبنسبة للحلوة مسسسسسسسسسسسستحيل نقعد من غيرها الحمد لله ماضرتنيش
وندير فيها من الي انا بنت حتى في حملي اندير فيها ..
الاسبوع الجاي انكمل ترتيب وضمان حوشي وبنلهى بي عمري بندير حلوة وبنمشي للمزين بنقص شعري وبنخصلة بلاتين ..
ام توة انا موليه زي الشوش باني خخخخخخخخخخخخخخخخ ما بعد الراجل ويقولي حلوة وعسولة
هههههههههههههههههههه

[عاشقة الصحراء]

تسلمي عالرد يا أم لقمان .. وربي يعاونك ويخليلك صغارك ؟؟؟
عيون كيف حالك ؟؟ مبروك علي مرت خوك ويتربى في عزكم انشالله وربي يسهل علي أختك يارب... اني قاعدة طالبة لكن قدمت طلب باش نحول لعمل الأمراض وقرايتي بتبدا شهر ثلاثة يعني توا ماعنديش قراية ونشتغل مع صاحبتي في مكتب للخدمات التعليمية ... يعني نراسلوا في الجامعات اللي برا باش نبعتوا طلبة من ليبيا .. والحمد لله شغل كويس ومريح ونغير في جوي لأن الحوش هاربة منه هروب ومانخشلاش الا الساعة 12 في الليل .. وقت النوم بس ..
بالنسبة للشبشب بري لنادي الاتحاد عندهم حاجات حلوة وبالنسبة لبنتك فيه محل اسمه سندباد بعد ماتفوتي سوق المهاري جنب الشيل حلو وعنده قفاطين بنات حلوة هلبا .. اختي الصغيرة نلبسوا فيها منه وفيه محل مش بعيد عليه اسمه أرض الطفلة حتى هو روعة ..
شعرك كان خفيف رأيي تديريه بالفير ( كيرلي ) باش يتعبى ويعطيه منظر أحلى .

[ღॐ آية ღॐ]

بوسي كيف حالك وربي يتمم حملك على خير
ام سعد ونسرينا وينكم اليوم؟؟؟؟؟؟؟؟؟؟؟؟

[عاشقة الصحراء]

أرض الطفولة مش أرض الطفلة هههههههههه معليشي غلط مطبعي

[عاشقة الصحراء]

ههههههههههههههههههه أكيد حلوة وعسولة ... كيف حالك يا آية العسولة ؟؟؟
فعلا والله صعب الوحدة تستغنى عالحلوة لكن شن بتديري ... انشالله ربي يتمملك على خير وتكملي حوشك وتمشي تتكمي روحك باش الراجل يهبل بزيادة ... لا وبعد الجياب فيه فترة النفاس ههههههههههه ربي يصبره وخلاص ... بالشويا عليه
اني الحمد لله فعلا نحس في روحي قريب نفتك من الوحام والحمد لله وانشالله ربي يتمملي علي خير

[ღॐ آية ღॐ]

عيون الحمد لله على سلامتها
ويارب يكون من مواليد السعادة
وعقبال اختك يارب
عاشقة حتى انا ((نوياهالوووووووووو))
يقولي خلي بعد النفاس نرفعك اتقصي وتميشي وانا ما نبيش نبي توة
باش نغيضة انيهاااااااااااااااااااااهاااااااااااااااااااااااا اا>> شريرة
http://forum.hwaml.com/imgcache2/hwaml.com_1294924515_659.jpg
شن رايكم في هادي انا شعري لونه كستنائي طبيعي بنديرله خصلات بلاتين بس ؟؟؟

[ღॐ آية ღॐ]

والون حيكون شبيه من هدا
http://www.arjwan.com/vb/imgcache/9304.imgcache (http://vb.n3omat.com/14630)

[عيون زوجي]

السلام عليكم
ماشاءالله الصبغه حلوة
وعقبال ماتنوضي بالسلامه يارب
انتي موعدك كان مع مرت خوي ولا لا 5/2
يارب تشوفي اسوله بالصحه والسلامه
كيف حال ايوبك الدلوع
انا سارة نهرب منها في حمودي تتضرب فيه باش في ايدها لعبه ولا ريموت ولا اي شي
ادير في روحها تلعب فيه والنهاية ضربه على وجهه
وماتهونش اعليا انكشخ اعليها انقول صغيرة
وتو حمودي يكبر ويغلبها بالضرب لان الاولاد واعريين
مش زي البنيات ايهبلوا
انا ولله الحمد مش متعبتني بكل
لا تكسر في لعبها ولا تلبز حوايجهها ولا تخش حمام ولا اي دار تانيه من غيري اتبع فيا وين نمشي
وحتى مع صغار العيله هي اعقلهم
تحب ترقص وادربك على دربوكتها
للعلم عمرها ما حضرت عرس لليوم
تو تجيبي اسيل وتحسي الفرق بين نعومه البنيات وشطانه الوليدات بسلامتهم وربي يحفظهم لينا كلهم
ويرزق كل محرومه

[عيون زوجي]

سلفتي اجلت اللمه ليوم السبت
وشفت الطقس عالنت لقيته السبت مشمس وانشاءالله ايجي مشمس
الصغار كرهونا في الشتاء استغفر الله
من اولامس ما طلعتش بصغاري نهائي برا عتبة الحوش
ومن البارح الزوز مزكومين ويعطسوا حاله
مع ان الدفايه في الصاله مفتوحه
والمكيف في الدار التانيه مفتوح
باش تعرفوا الكاتب كاتب والحارم حارم على قولة عزوزتي

[ليبياقلبي]

ميرنا ربي يعوضك خير والحمد لله فاتحة خير الحمل التاتي حيكون قريب بعون الله
ايوتة شن اخبيارك وحلو القصة
عاشقة بالنسبة لي موضوعك متاع راجليك ماعليك الا بالصبر والله في رجالة هكي هلبة بس يتغيروا معا الوقت وانت كيف متزوجة حتى انا راجلي في بداية زواجي كان متمسك بي هلبة امور بس توا الحمد لله في منها انفك شوية وانا عنده قاعددة عادي نطلع وين مانبي نمشي صحابتي عيلتي واحنا ماشاء الله عويلتنا هلبة عادي بس قاعدته الساعة11 نروح الا طبعا مناسبة ولا حاجة نفوت 11 وحتى انا مرات روتين هدا مش عاجبني المهم ربي يهدي سركم وكل انسان يتغير
عيون مبروك علا مرة خوك والحمد لله علا سلامتها والفال لي وخيتك يارب تنوض بخير وسلامة
وسلامي للكل

[عيون زوجي]

وينكم يا نسوينات...
استاحشت سورينام
سوري..حبيبتي كانك تشوفي فينا من الموبايل طلي علينا انشاءالله من كوفي شوب المهم نطمن اعليك وينك
ام اسيل حتى انتي وينك
ام رفيده وين

[ليبياقلبي]

هلا عيون شنو خاشة توا ياحلوة

[ليبياقلبي]

الجو اليوم رومانسي وحلو هلبة

[عيون زوجي]

الفال ليك يا ليبيا قلبي وتنوضي بالسلامه
ماقلتيش شن بتسميها بنيتك على خيرررررر
وليد خوي بيسموه (خالد) على خوي رحمة الله اعليه
واختي قعده مش عارفه شن بتسمي وانا نبيها تسمي همام شن رايكم

[عيون زوجي]

تو بنطلع راجلي اتصل وقالي وتي روحك بنحط ولدي عند عزوزتي وبنمشي نقضي حاجاتي يلي حكيتلكم اعليهم
بنسئلكم...
سلفي امس حكالي انه فيه محل للبضاعه الطليانيه في طريق الشوك حلو ورخيص صح ولا لا
منو فيكم سمعت بيه
لاني مش مصدقه؟؟؟؟؟؟؟؟؟؟
ليبيا حبيبتي نستأذنك بنطلع
ويارب تكوني طيبه وبخير انتي وبنيتك
سلاااااااااماااااااااااااات

[ليبياقلبي]

مشكورة عيون وبالنسبة لي الاسم والله كعادة نشوف الحق مازال وربي يعاونك يارب

[ღॐ آية ღॐ]

عيون اسم همام حلو وانا معاك فيه
وانا موعدي 8/2
مزال شوية
بنسبة للمحل والله ما سمعتش بيه..
وايوب كما زايد حال عسله على الاخر
وبيطير سلامته وكل عملة يديرها اكبر من التانية
الله يهدية..
..ليبيا كيف حالك اليوم وشن صار في الحكة..

[اضوء]

السلام عليكم ورحمة الله وبركاته السلام عليكم يااهل اللمة اتمنى ان تقبلونى معكم صديقة فى التجمع انا من طرابلس متزوجة من تلات سنوات وماعنديش اصغاران شاء ربى يرزق الجميع

[أم سعد]

السلام عليكم

مساء الخيرات

وشكرا لكل من سأل عليا

[أم سعد]

أهلا وسهلا بيك أضوء

نورتي التجمع

[ღॐ آية ღॐ]

اضواء نورتي
ويارب تشوفي الخير على وجه تجمعنا
في القريب العاجل

[ღॐ آية ღॐ]

ام سعد منورة وينك اليوم
وكيف حالك؟

[أم سعد]

أهلين أيوتة

أنا الحمد لله

اليوم حماتي دارولها عملية طلعولها البيبي هذا علاش غطست

ونحس في روحي فاشلة

[ღॐ آية ღॐ]

هادي حماتك الي بيبيها توفى؟؟

[أم سعد]

ايه هيا يا آية

[اضوء]

مشكورة حبيبتى ام سعد وآية علي الترحيب

[اضوء]

الحمد لله علي سلامة حماتك وانشاء الله لابأس يأم سعد

[ليبياقلبي]

سلام ايوتة شو اخبارك وبالنسبة للحكة كعادة وسلامات علا حماتك ام سعد

[Om KHaled]

السلام عليكم ورحمة الله وبركاته



* اقرأوا هذا الدعاء*
*أن شاء الله الله بيسر أموركم كلها *
*لا إله إلا الله الحليم الكريم*
*لا اله إلا الله العلى العظيم*
*لا اله إلا الله رب السماوات السبع و رب العرش العظيم*
*اللهم إنا نسألك زيادة في الدين*
*وبركة في العمر*
*وصحة في الجسد*
*وسعة في الرزق*
*وتوبة قبل الموت*
*وشهادة عند الموت*
*ومغفرة بعد الموت*
*وعفوا عند الحساب*
*وأمانا من العذاب*
*ونصيبا من الجنة*
*وارزقنا النظر إلى وجهك الكريم*
*اللهم ارحم موتانا وموتى المسلمين واشفي مرضانا ومرضى المسلمين*
*اللهم اغفر للمسلمين والمسلمات والمؤمنين والمؤمنات الأحياء منهم والأموات*
*اللهم ارزقني قبل الموت توبة وعند الموت شهادة وبعد الموت جنة*
*اللهم ارزقني حسن الخاتمة*
*اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*
*اللهم إني أعوذ بك من فتن الدنيا*
*اللهم أني أعوذ بك من فتن الدنيا*
*اللهم أني أعوذ بك من فتن الدنيا*
*اللهم قوي إيماننا ووحد كلمتنا وانصرنا على أعدائك أعداء الدين*
*اللهم شتت شملهم واجعل الدائرة عليهم*
*اللهم انصر إخواننا المسلمين في كل مكان*
*اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك*
سبحان الله وبحمده سبحان الله العظيم عدد خلقه ورضى نفسه وزنة عرشه ومداد كلماته
*وبارك اللهم على سيدنا محمد صلى الله عليه وسلم*

[ღॐ آية ღॐ]

السلام عليكم
جمعة مباركة على الجميع..

[اضوء]

السلام علىكم يوم سعيد للجمىع مع الجو الممطرالحلو

[اضوء]

انى اسفة جدااااااااا لانى لم ااسئل بالاسماءعليكم لانى اول مرة ادخل المنتدى امس واتمنى ان اكون صدىقة للجميع

[ليبياقلبي]

اهلا اضواء شنو مافيش حد في التجمع

[عاشقة الصحراء]

صباح الخير عالجميع ... كيف حالكم اليوم ؟؟؟
آية الحلوة تعرفي القصة تهبل واللون فظيع عجبتني هلبا ... مسكييييييييييييييييين راجلك ههههه
ليبيا كيف حالك وشن أخبارك ؟
أم السعد كيف حالك والحمد لله على سلامة حماتك وانشالله ربي يعوضها خير ياااارب
عيون كيفك ؟؟؟ قوليلنا شن شريتي ؟؟
نسرينا وينك مغيبة انتي وميمونة وحبل الوصل وبوسي ؟؟؟ انشالله المانع خير ياااااااااارب
أضوء أهلا وسهلا بيك شرفتينا في التجمع وانشالله وجهنا حلو عليك وتحكيلنا على مغامراتك مع الوحام .

[نسرينا]

صبااااااااااح النوار والمسرات

كيف الاحوال

ألف شكر لكل من سألت عليا و استفقدتني

اني بخير والحمد لله


عيووون / حمد لله على سلامة مرت خوك ويتربى في عزكم ويأخذ طول عمره عمه يارب العالمين
وعقبال اوخيتك ربي يسهلها و ييسر ولادتها على خير يارب hwaml10
آية / شنو ؟؟؟ مااااااااااااااااااااازاااااااااااااااااااااال ؟ ؟ hwaml4
أم سعد / لا باس عليك وربي يعوض حماتك خير ان شاء الله
ميمونة / شنو صار معاك ؟؟؟
بوسي / كيف الاخبار وكيف حال روان .hwaml16 وشنو ولد والا بنت ؟؟
عاشقة / وين وصلنا في الوحم ؟؟؟ خشينا عالكسكي والمسقي والا قاعدين في الفتوش الكبه ههههههههه hwaml02

[أم سعد]

السلام عليكم

مساء الخيرات

شكرا لكل من سأل عني .. وحماتي الحمد لله حالها توا كويس وطلعت من المستشفى

[حنين88]

اهلين يابنات ونهاركم سعيد
ميرنا ربي يعوضك خير وحمدلله على سلامتك
عيون مبروك على مرت خوك والعقبة لخويتك يارب يسهل ولادتها وتقوم بالسلامة
اية خلاص قربت الحكاية رببي يسهل عليك والقصة والصبغة حلوة حلوة لكن عادي تصبغي وانتي حامل ؟؟؟
ام سعد حتى انتي قريب ولا
ليبيا قلبي كيف اخبارك وشن الامور
عاشقة باهي الوحم بدي يخف سعدودك اني قاعدا نتعدب والحمد لله
بوسي ربي يسهل عليك يارب وتولدي بالسلامة
سورينام وينك وينك استاحشتك
نسرينا الحبوبة شن اخبارك وشن جو الخدمة
تعرفو خاطري في فطيرة انننننننننننااااااااااااااااهاهاهاهاها

[حنين88]

ونبي كبة بالدجاج زي اللي في باب الحارة كبيرة تهبل

[عاشقة الصحراء]

هااااااااااااااااااااااااااااااااي ... نسرينا الحلوة شن جوك ؟؟ باهي اللي شفناك شن جو الخدمة ؟؟
والله الوحام قاعد شويا .. مازال ماخشيناش عالمسقي امممممممممممممممممم يوم الخميس غصبت علي روحي ولفيت وشاح علي وجهي وخشيت درت رشدة مبكبكة من كتر ماسهفني الجو صقع ومطر وجو رشدة ... تخيلي في هذاك المطر راجلي في العيادة خديت السيارة ومشيت شريتها من الكوشة جو مششششششششششششششش عادي ... يعني هذا حدي لتوا .. مازال الفتات بيهبلني ومازال ماكليتاش حاااااااااااااااااااااااااااالة نحلم بيه حتى الحلم ...
أم السعد حمد لله على سلامة حماتك وانشالله ربي يسهللك يارب ..
حنين كيف حالك وين هالغيبة ؟؟؟ شن جو الوحام معاك ؟؟؟ اني الحمد لله بدي يخف شويا ..
بالنسبة للكبة بالدجاج مش حلوة هلبا ... اني عزوزتي سورية وماشالله طبعا في الكبة بأنواعها جربتها مرة بالدجاج حسيتها صامتة ... عندك المشوية أحلى حاجة والكبة بلبن ... تهببببببببببببببببببببببل .
ياريتني نعرف مكانك والله كنت حسبتك في كبة وجبتها لعندك ..
يانسرينا بنهبل عالماكلة الليبية الوطنية الخنفشارية الحارة اممممممممممممم كرهت الماكلة البيضا

[ليبياقلبي]

يسعد مساكم خبوبات
عاشقة اشيه ضايقة الكبة السورية نيالك والله وحنو شن اخبارك وام اسعد شكلا ةلدك بتسميه اسعد
نسرينا وووووووووووووووبن سوالك عليا وشن صار بدياي في سورة البقرة
ووووووووووووووووووووووووووايوتة وينها

[حنين88]

ايه ياعاشقة الصحراء حتى اني لما انطيب الغدي انسكر في خشمي مانحبش صنة التطييب
ياريتني بحداكم بالله اني في مصر ياحنة الصبر وخلاص واني توا في نص الرابع ومازال ماطارش الوحم الصبر والحمد لله على كل حال

ليبيا خشيتي شهرك ولا ..

[عاشقة الصحراء]

كيف حالك يا ليبيا وشن أخبارك ؟؟؟ كيف حال البيبي وشن تجهيزاتك للولادة ... ربي يتمملك علي خير يااااااااااااااااااااارب ..
حنين والله قلبي معاك ووووووووووو ه بعيدة ... شن تديري في مصر وقداش بتقعدي فيها ؟؟؟
مابعدك حملتي وانتي بعيدة علي أمك تعرفي اني الوحام جاني على كره راجلي وحبيت أمي زيادة مانرتاحش لين نشوفها ياسبحان الله ... ربي يخليهم فوق روسنا يارب .
كان اني في مكانك راهو هبلت والله .. ربي يرجعك بالسلامة ويسهل عليك الوحام ..

[عاشقة الصحراء]

ليبيا اي كليت الكبة بأنواعها وفيه أكلات تانية سورية باهية وفيه اللي ماحبيتاش .. بس بصفة عامة ماشالله عندهم تنوع مش عادي في الأكل يعني ياكلو في كل شي وبالذات الخضرة بطريقة غير عادية ... لكن وحامي جاني علي ماكلتنا الليبية الحمراء الناشطة الحارة هههههههههههههههه قالولي من كتر ماتاكلي في الحار ولدك بيطلع أصلع وأحممممممممممممممر وواعر وحزار ههههههه
يقبرني الحزار ( يطلع لبوه )

[عاشقة الصحراء]

يابنات هذا جزء من قصيدة الجمهرة لحامد زيد ( شاعر مش عاااااااااااااااادي ) نحب أشعاره وحبيت نشارككم بيها يمكن تحبوها :
لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما أقدره

عوّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر أنسان تعلم من كثر ماأخطأ وصاب
انا أخر لسان يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليا من جاتك الغلطه من الناس القراب
الصاحب اللي ماكسبت محبته ماتخسره

[ليبياقلبي]

هلا عاشقة شن اخبارك وشن مدايرة
حنو لالالا شهري مازال السبت الجاي نخشه علا خير
ووووووووووووووووووووووووووين ايوتة شكلهاجابت

[ليبياقلبي]

ايوتة ووووووووووووووووووووينها والله اشتقتلها

[ليبياقلبي]

عاشقة الببيبي بخير الحمدلله واهو تجهيزاتي غدوة ماشية لطربلس بنتم حاجاتن للحوش
خديت صالون من المتجدد حلو راقي

[ليبياقلبي]

لانا غيرت هلبة حاجات في حوشي حتى البساطات غيرتهم بس حاجات البيبي اهلي مازال ماخدوهم والله متشوقة ليهم

[ليبياقلبي]

شنو مافيش حد

[ليبياقلبي]

شكلها ايوتة عملتها ربي يسهل عليها يارب

[ليبياقلبي]

سوريناممممممممممممممممممممم
ععععععععععععععععيون
ممممممممممممميرنا
نسرينا
ميمونة
ام اسعد
حبل الوصل
بوسي
معراج
راجية
عاشقة
تيمو
لولي
حنو
وووووووووووووووووووينكم

[عاشقة الصحراء]

صباااااااااااح الخير ... كيف الحال ..
حنين إزيك النهار ده ؟؟؟ خلي بالك على نفسك ياحبيبتي وطمنينا عليكي ههههههههههههه
ليبيا قلبي كيفك وشو أخبارك ؟؟ انشالله تكوني منيحة يارب انتي والبوبو ...هههههههه
ليبيا مبروك عليك الصالون وفعلا المتجدد حاجاته روعة وراقية ( تبيديه بالهني انشالله )
قلتي بنمشي لطرابلس ؟؟؟ انتي وين تسكني ؟؟؟
آية .. نسرين .. عيون .. حبل .. ميمونة .. أم السعد..أضوء ..والكل وينكم وكيف حالكم ؟؟
المنتدى هادي جدا

[حنين88]

اهلين ياعاشقة ازيك انتي انا الحمد لله كويسة

اني نقعد اربعة سنين في مصر والله مانحكيلك عداب بعيد على امي واخواتي لكن شن بنديرو الصبر وخلاص

ليبيا مبروك ماشريتي احبيبة

[عاشقة الصحراء]

هلا وغلا ياحنين ... انا بخير والحمد لله ... اوووووووووف أربعة سنين هلباااااااااااااا باهي لما بتجيبي حتجي لليبيا ولا بتقعدي غادي ؟؟؟ ربي يهون عليك الغربة ...
انتي تقري في مصر يعني ولا راجلك هو اللي يقرا ؟؟؟

[حبل الوصل]

السلام عليكم الف شكر للي سالو عليا انى كنت متغيبة لان عموري تعبوه اللوزات
واهلين بالاخت اضواء نورتى
حنين وعاشقة شن حالكم وربي يهون عليكم

[عاشقة الصحراء]

كيف حالك ياوصل ؟؟ وانشالله لا باس على وليدك يارب ..

[نسرينا]

خيرااااااااااااااااااات عالحلواااااااااااااااااااااااات

.

[نسرينا]

الف لا بأس عليك ميرنا وربي يعوضك خير والحمل الجاي ثابت وسليم للشهر التاسع بعون الله قبل ما راجلك يفكر ويقرر يتزوج .

ولا باس على وليدك يا وصل .

ام سعد / كيف الاحوال
ليبيا قلبي / هاااااا سألت عليك ههههههههههههه
حنين و عاشقة / يا حوامل التجمع شنو الاخبار ؟؟
تيمو ليبيا / خير ان شاء الله

.

[ميراس]

سلام يابنات كيف حالكم

[ميمونة]

صباح الخير
شن حالكم
عاشقة شن صار في وحمك

[ميمونة]

ليبيا شن حالك وأما شهر تجيبي إنشاءالله
حنين وميراس منوريين

[حبل الوصل]

الله لايوريكم باس
نسرينا شن صار عندك
اهلين ميراس شن اخر اخبارك

[ميمونة]

نسرينا شن حالك وشن صار في التحليل بشرينا _
حبل الوصل لاباس علي وليدك

[حبل الوصل]

اهلين ميمونة الله لايوريك باس شن حالك وامتى موعد دورتك

[أم سعد]

السلام عليكم

كيف حالكم؟؟؟

[عاشقة الصحراء]

سلااااااااااااااااام نسرينا خيرك بديتي تغيبي هالفترة ... شن جوك وشن أخبارك؟؟؟
ميمونة كيف حالك ؟؟ انا بخير والحمد لله الوحام أحسن بكتير لكن قاعدة مانطيبش ونحس في روحي علي طول كسوووووووووووووولة ... امتى دورتك حبيبتي .
ربي يفرحنا بيكم انتي ونسرينا عن قريب ياااااااااااااااارب
ميراس كيف حالك ؟؟؟
بنات نبي تساعدوني في حاجة مهمة جدا ... بداية الشهر الجاي عيد ميلاد راجلي واحترت شن بنهديله .. وماتقولوش ساعة أو برفان عنده هلبا .. نبي حاجة مميزة وخارجة عن المألوف .. بالله عليكم اعطوني أفكار وساعدوني بهالموضوع ...
آية وينك انشالله خير غيبتك ... وانشالله تكوني لحقتي تقصي شعرك وتصبغيه قبل الولادة وماتكونش نية راجلك هي الغالبة هههههههههههههه

[ميمونة]

دورتي الجاية الأحد الجاي إنشاءالله خير يارب اللي كاتبه ربي إنشوفه

[ساره القطعانى]

السلام عليكم
كيف حالكن يا بنات ان شاء الله بخير
انا درت تحليل البروجستيرون يوم 21 الدوره وطلع 9.93 شنو يعنى؟

طمنونى بارك الله فيكم

[ليبياقلبي]

اختي ميمونة يارب ماتجيك الدورة ولا تشوفيها انا نجيب في 2 بعون الله
عاشقة انا نسكن في الخمس بس ديما ناخد في حاجتي من طربلس وهدا وين روحت الساعة1ونص والله دهورت لين تعبت خديت عفاسات وخديت ساهرة لصالون وطاولة وماعين وجو هكي وبالنسبة للهدية شن رايك في كرواطة
حنو حبيبة انت كم ليك توا في مصر
نسرينا شن اخبارك
حبل الوصل الف سلامة علا وليدك
ام اسعد شنو قربتي ولا لسه
شكلها ايوتة ولدت ياناس

[ميرنا]

نهاركم سعيد يا بنات

[أم سعد]

السلام عليكم

صباح الأنوار

كيف حال الجميع

واللي مغطس وينه

واللي سأل عليا مشكور

ليبيا مازلت ماخشيت لشهري

[عاشقة الصحراء]

صباح الخيرات عالجميع ... كيف حالكم كلكم ؟؟
اليوم مشيت للدكتورة لأن ليا من يوم الجمعة ضهري يوجع فيا موت وامبارح مارقدتش من الوجع ..
المهم مشيتلها ودارتلي جهاز وشف البيبي ماحلاه يتحرك وينط شويا لكن قالتلي مادام عندك كل هالوجع خودي ابرتين تثبيت ونحس في روحي محبطة ولا خايفة مش عارفة كيف ..ربي يسهل وخلاص . ادعولي يابنات نحس في نفسيتي زفت

[عاشقة الصحراء]

ليبيا مبارك عليك اللي خديتيه وانشالله بالصحة عليك يارب ..
ام السعد ربي يسهللك انشالله شهرك قرب ..
ميمونة انشالله يااااااااااارب ماتجيك الدورة وتفرحينا بيك ...
نسرينا شن أخبارك وشن صار فيك ؟؟
حبل الوصل شن أخبارك ؟؟
اضوء وينك ؟؟
آاااااااااااااااااااية العسولة اختفاء تام .. شكله مفروض نمشوا لعيادة الفردوس يابنات ونعتصموا قدامها لين نشوفوا آية وبنتها علي خير انشالله هههههههههههه
حنين ازيك يابت ؟؟؟ انشالله يكون الوحام خف عليك شويا

[عاشقة الصحراء]

ليبيا حبيبتي القرواطة عنده هلبا وبعدين مايلبسش فيهم .. فكرت نغيرله دبلته وناخدله وحدة جديدة وحلوة وناخدله فانيليا وشال ... والله ماني عارفة بالله عليكم ساعدوني بأفكاركم أصلا بعد مارجعت من المستشفى نحس في روحي معاش عندي قابلية نفكر في شي .. أبرد حاجة الوسواس

[poucie]

السلام عبيكم خير يا مدامات شخباركم اليوم؟؟؟؟
عاشقة ما تخافيش تعرفي حتى اني حملي الاول نأخد في حبوب الثثبيت وحتى في حملي هذا خديتهم ما تخافيش منهم وانشاء الله ربي يقدرلك الخير ويتمم حملك على خير
نسرينا ووووينك وشن صار فيك ها بشري

[poucie]

عاشقة بالنسبة للهدية علاش ما تأخديلاش فانيليا قنينة اني راجلي عيد ميلاده حتى هو قريب وناوية انشاء الله بناخدله وحدة لانه عيد ميلاده اللي فات خديتله dvd خاص بيه الوحدة ماعاد تعرف شن نشري الرجلاه حاجاتهم محدودة مش زي النساوين

[حنين88]

هاي بناويت

ليبيا قلبي ليا ستة اشهور توا في مصر

عاشقة ربي يطمن قلبك حبيبتي

[حنين88]

هلا وغلا ياحنين ... انا بخير والحمد لله ... اوووووووووف أربعة سنين هلباااااااااااااا باهي لما بتجيبي حتجي لليبيا ولا بتقعدي غادي ؟؟؟ ربي يهون عليك الغربة ...
انتي تقري في مصر يعني ولا راجلك هو اللي يقرا ؟؟؟

والله مانعرف وين بنجيب لكن اكيد اهني وين بنمشيhwaml7

وراجلي يخدم اهني اني توا بطالة ربت بيت وخلاص hwaml5

وصل الف لاباس على وليدك

بنات بنسألكم زعمة عادي نمشي للحمام البخاري توا ولا مش كويس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ميمونة]

عاشقه كيف حالك لاباس عليك خلي نفسك طبيعة وفكك من الوسواس أعوذ بالله منه

[عاشقة الصحراء]

تسلميلي يابوسي وربي يطمن قلبك يااااااااارب .. بنسألك انتي خديتي حبوب بس ؟ يعني مش إبر ؟؟ وقبل ماتاخديهم صار معاك وجع ظهر حتى انتي ؟؟؟ بالله احكيلي بالضبط شن صار معاك وشن حسيتي بعد ماخديتيهم ...
بالنسبة للهدية على قولتك حاجتهم الرجالة متعبة ومافيش تنوع .. شكلي بناخدله صندوق لوح حلو نحطله فيه فانيليا قنينة وشال وطاقية لأنه يلبس في طواقي .. ودبلة جديدة .. ونرش فوقهم ورد مجفف ونديرلهم شوية حركات .. عندك محل الهرم يدير في لفات مش عادية للهدايا .شن رايك ؟
حنو الحلوة ... ربي يخليك حبيبتي وانشالله ربي يسخرلك ويكون معاك يارب
وبالنسبة لحمام البخاري ماتمشيش وانتي حامل خطر عالبيبي لأن مافيش اكسجين .. دوشي في الحوش احسنلك ههههههههههه معليشي نتحملوا علي خاطر البيبيات توا والله بنموت على صبغة وميش لكن مانقدرش لين نجيب أو في الشهر الأخير ...
ربي يثبتهم ويسهل ولادتهم يارب

[عاشقة الصحراء]

تسلميلي ياميمونة ... انشالله خير وخلاص أعوذ بالله من الشيطان الرجيم ... شن أخبارك وشن تديري ؟؟ انتي تشتغلي ولا في الحوش ؟؟ وكم عمرك ؟؟ وقداش ليك متزوجة ؟؟؟
وحدة قصقاااااااااااااااااااااااصة هههههههههههههههه

[عاشقة الصحراء]

ميرنا كيف حالك وشن أخبارك ؟؟؟طمنينا عليك

[poucie]

عاشقة فكرتك حتى انتي حلوة صح محل الهرم اللي في بن عاشور لفاته حلوى اني اغلب الاحيان انلف عنده لاكن اني منرائي تاخديله الفانيلا والشال والطاقية وبس والدبلة خليها في عيد زواجكم انشاء الله اني هذا رائي والخيار ليك
بالنسبة لحبوب الثتبيث اني خديتهم هما بس ما خديتش الابر بس قعدت نأخذ فيهم من بداية الحمل لاعند انخش الرابع وبعدين انوقف عليهم اني خديتهم لانه قبل ما نحمل بروان حملت ورميت بس كان بداية حمل تقريباً شهر ونص هذا باش كل ما نحمل يوصفولي فيهم لانه سبب الاجهاض كان مش معروف فيوصفولي فيهم من باب الاحتياط اما بالنسبة لوجع الضهر اني من لما نحمل وضهري يبدا في حالة لين انجيب والله حتة نوم الليل ما نرقدة انتي ردي بالك على روحك وحافضي وانشاء الله خير

[poucie]

حنين اني من رائي ما تمشيش للحمام البخاري لانه يقولو انه مش كويس في بداية الحمل لاكن من لما اتخشي شهرك عادي تقدري تمشي لانه ايساعد على الولادة وانشاء الله خير يا رب

[ميمونة]

حنين لازمك الحمام البخاري أصبري بعد ماتولدي بالسلامة
عاشقه شن رأيك في ساعة عجبتي ساعه نأخدها لراجلي تهبل
أم سعد شن حالك
آيه غياب زعمة جابت أسيل يارب

[ميمونة]

أنا متزوجة سنة وشهرين ليا مواليد 85 نشتغل في التدريس

[عاشقة الصحراء]

بوسي صحيتي عالرد وربي يوفقك ويريح بالك ياااااااااااااااارب .. خلاص بناخد برأيك وعلى قولتك الدبلة نخليها لعيد زواجنا أحلى بالذات ان في عرسنا مابدلناش الدبل قدام الناس .. اني توترت لما هو خش والمصورة مستعجلة تبي تروح خشينا الداخل نصوروا وطلع بيا علي طول ( مستعجل هههههههههههههه ) انشالله في عيد زواجنا ناخدله دبلة ... تسلمي ياذوق
ميمو قوليلي الساعة اللي شفتيها بقداش ووين شفتيها .. اني سلفي يشتغل في محل بن نصير اللي في بن عاشور... يمكن نمشي عنده نشوف .. نحس في روحي بناخدله ساعة ونحطها مع الفانيليا والشال والطاقية ...علي فكرة حتى اني مواليد شهر 12 سنة 85 ... ربي يعطيك اللي في بالك ياااااااااارب

[ميمونة]

آيه تسلم عليكم فردا فرداوقاعدةماجابتش تستني في وحده تعبي بدالها عقبالنا

[ميمونة]

عاشقه أنا شهر2 أكبر منك بعشرة شهور
بالنسبة لساعة في ميزاران 85 جنية

[عاشقة الصحراء]

الله يسلمها يارب ... وانشالله هي تولد بخير وتحملي انتي ونسرينا وكل وحدة تتمنى .. بالنسبة للساعة كويسة ب85 لأن محل بن نصير اقل شي 125 .. باهي اما محل بالضبط وشن اسمه اللي في ميزران ...وربي يطول في عمرك يا نديدتي ههههههههههههههههه

[اضوء]

ميمونة حبيبتى حابة أسئلك لو مافيهاش أحرج شن سبب تاخرحملك قصدى شن يقولك الدكتور

[عاشقة الصحراء]

كيف حالك يا أضوء ؟؟؟ انشالله تكوني بخير ..
انتي حامل انشالله ولا مازال ؟؟؟

[عاشقة الصحراء]

هذي قصة شفتها وحبيت نحطها باش يستفيدوا منها حبيباتي اللي يستنوا في الحمل ويااااااااااااارب يصير معاهم زي صاحبة القصة :
بخمس ايات حملت في نفس الشهر بعد انتظار9سنوات

علاج نافع باذن الله مجرب لقريبه مني داومت عليه فوهبها الله الحمل وكثرة لديها الذريه وساكتب لكم قصتها على عجاله حتى تستأنسو بقصتها .

قريبه لي تزوجت وانجبت طفله ثم بعد ذلك توقف الحمل عندها لمدة 9 سنوات وخلال هذه الفتره لم تدع طبيبا الا زارته ولا شيخا الا ذهبت اليه ..

ولا طبيب او طبيبة اعشاب الا واستعانت به , حتى استنزفوا كل اموالهم وذات مره رقاها شيخ فصرعت وتخبطت لكن لم ياذن الله في الشفاء ..

ووعد الشيخ انه سيعود لرقيتها كل فتره , لكن بسبب انشغال الشيخ مع رجال الدعوه لم يصتطع رقيتها مره اخرى مما سبب لها الما كثيرا وبكاءا ونحيبا , كل ذلك اشعرني بالغضب لان القلوب لا يجب ان تتعلق بالمخلوق بل وجب لها التعلق برب المخلوق ,

فاحضرت لها ايات لتقرأها دبر كل صلاة بل وتقراها كلما استطاعت ذلك وبالذات قبل صلاة الفجر مع قيام الليل وهذه الايات وردت في كتاب الفرج بعد الشده للقاضي التنوخي

قال فيهن الحسن البصري رحمه الله : عجبت لمكروب غفل عن خمس وقد عرف لمن قالهن , وقال : من لزم قراءة هذه الايات في الشدائد فرج الله عنه بمنه وفضله تعالى .


والخمس ايات هن :

1)  وَلَنَبْلُوَنّكُمْ بِشَيْءٍ مّنَ الْخَوفْ وَالْجُوعِ وَنَقْصٍ مّنَ الأمَوَالِ وَالأنفُسِ وَالثّمَرَاتِ وَبَشّرِ الصّابِرِينَ * الّذِينَ إِذَآ أَصَابَتْهُم مّصِيبَةٌ قَالُواْ إِنّا للّهِ وَإِنّـآ إِلَيْهِ رَاجِعونَ * أُولَـَئِكَ عَلَيْهِمْ صَلَوَاتٌ مّن رّبّهِمْ وَرَحْمَةٌ وَأُولَـَئِكَ هُمُ الْمُهْتَدُونَ [البقرة:155-157]


2)  فَسَتَذْكُرُونَ مَآ أَقُولُ لَكُـمْ وَأُفَوّضُ أَمْرِيَ إِلَى اللّهِ إِنّ اللّهَ بَصِيرٌ بِالْعِبَادِ * فَوقَاهُ اللّهُ سَيّئَاتِ مَا مَكَـرُواْ وَحَاقَ بِآلِ فِرْعَوْنَ سُوَءُ الْعَذَابِ[غافر:44ـ 46]


3)  وَذَا النّونِ إِذ ذّهَبَ مُغَاضِباً فَظَنّ أَن لّن نّقْدِرَ عَلَيْهِ فَنَادَىَ فِي الظّلُمَاتِ أَن لاّ إِلَـَهَ إِلاّ أَنتَ سُبْحَانَكَ إِنّي كُنتُ مِنَ الظّالِمِينَ* فَاسْتَجَبْنَا لَهُ وَنَجّيْنَاهُ مِنَ الْغَمّ وَكَذَلِكَ نُنجِـي الْمُؤْمِنِينَ [الأنبياء :86 ـ 87 ]

4)  الّذِينَ قَالَ لَهُمُ النّاسُ إِنّ النّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ * فَانْقَلَبُواْ بِنِعْمَةٍ مّنَ اللّهِ وَفَضْلٍ لّمْ يَمْسَسْهُمْ سُوَءٌ وَاتّبَعُواْ رِضْوَانَ اللّهِ وَاللّهُ ذُو فَضْلٍ عَظِيم [آل عمران:173ـ174]


5)  وَأَيّوبَ إِذْ نَادَىَ رَبّهُ أَنّي مَسّنِيَ الضّرّ وَأَنتَ أَرْحَمُ الرّاحِمِينَ * فَاسْتَجَبْنَا لَهُ فَكَشَفْنَا مَا بِهِ مِن ضُرّ وَآتَيْنَاهُ أَهْلَهُ وَمِثْلَهُمْ مّعَهُمْ رَحْمَةً مّنْ عِندِنَا وَذِكْرَىَ لِلْعَابِدِينَ [الأنبياء:83 ـ84]


كانت قريبتي تقرأ هذه الايات باستمرار بعد كل صلاة وفي وقت فراغها وتبكي وهي تقرأها

وسبحان الله الرحمن , بعد شهر واحد فقط رات في منامها ان رجلا يحمل طفلا واعطاها اياه وهي تقول له لمن هذا الطفل ؟؟؟ فقال لها هو لك واسمه محمد او من اسماء محمد صلى الله عليه وسلم , فكانت تنظر اليه وهي سعيده به كثيرا , ثم استيقظت من نومها وبدأت تبكي بكاء شديد وتقول يا ليتني لم

استيقظ من نومي , وسرعان ما شعرت بدوار فاخذها زوجها الى المشفى فقال له الطبيب مبارك زوجتك حاااااااااااامل ,

وسبحان الله انجبت طفل واتبعته ب3 اطفال وهي الان لديها ذريه بعد ان فقدت الامل في الحمل , لكن سبحان الله الرحمن الرحيم .
اختنا التزمي بها وادعي الله بها وان شاء الله سيفرج الله عنك .
ولا بأس لو اضفت لها (وزكريا اذ نادى ربه رب لا تذرني فردا وانت خير الوارثين @ فاستجبنا له ووهبنا له يحيى واصلحنا له زوجه انهم كانوا يسارعون في الخيرات ويدعوننا رغبا ورهبا وكانوا لنا خاشعين).

[اضوء]

بخير والحمد لله وأنتى كيف حالك بالنسبة ليا أنى مش حامل ليا 3سنوات متزوجة ورحت لى هلبه من الدكاترة ونفس الكلام لايوجد سبب يمنع الحمل

[عاشقة الصحراء]

ربي يرزقك بالحمل الثابت ياااااااااارب .. باهي مادام مافيش مانع للحمل زوجك حاول يدير تحاليل ويشوف الوضع من ناحيته ؟؟؟

[اضوء]

أنى وزوجى درنا تحاليل كاملة فى فرنسا لأنى اول ماتزوجت سافرت راجلى حضرالدكتورا فى فرنسا وطلعت كلها كويسة

[ليبياقلبي]

ميمونة شن اخبارك مفمتيش منك كيف بتعبي وحدة بدالهاوين المحل في ميزران شن اسمه
عاشقة والله ماتخافي منه التيت انا حملت بيه وخديت زرابيط وحبوب متاع التبيت ومعظم الحوامل يحملوا بيه توا ماتخافيش منه
حنو ابتعدي عليه الحمام مش كويس توا ليك
اضواء ربي يرزقك يارب

[ليبياقلبي]

اضواء انت وين تسكني شوفي دكتوور محمد المحيشي كويس والله وهلبة حملوا علا ايديه

[ميمونة]

ليبيا ياقلبي قصدي آيه تجيب وتعبي مكانها وحدة تانية وتبشرنا بحملها

[ميمونة]

أضواء مافي سبب طبي
عاشقة نأخد المكان من راجلي ونقولك

[اضوء]

عاشقة أسفة جدااااااااا أخدنى الحديث ولم أسئلك عن حالك أنشاء الله لأبأس وأيتمم الله حملك عالخيريارب

[ليبياقلبي]

ميمونة الله ايوتة بتجيب في المصحة

[اضوء]

مافيش دكتور ولا دولة مامشتلهاش ومن ضمنهم محمدأمحيشى ولكن ربى مازال ماسخرش

[اضوء]

أنشاء الله ربى ايسهل عليها وتنوض بصحة وسلامة هىا والبيبى

[ليبياقلبي]

باهي ربي يسخرلك الخير يارب

[ليبياقلبي]

انت منين اضواء

[ليبياقلبي]

,,,,,,,,,,,,,,,,وووووووووووووووووينك اضواء

[اضوء]

أنى من طرابلس

[اضوء]

وأنت حابة أتعرف عليك وأى توضيح عنى أتفضلى من عيونى

[ميمونة]

ليبا مازال موعدها آيه لها 10أيام في شهرها ربي يسهل لها ولما تولد بالسلامه نبشركم

[ليبياقلبي]

اوكي ميمونة بس ليش معاش دخلت وقوللي عن مكان المحل متاع الساعة

[أم سعد]

السلام عليكم

صباح الخيرات

[ميمونة]

صباح الخير ليبيا قلبي وعاشقه المحل نهاية شارع ميزارن قبل السمافرو عاليمين وهو حجاص بالاكسسورات

[نسرينا]

السلام عليكم


.

[أم سعد]

أهلين نسرينا

كيف حالك؟؟

وشن أخبارك؟؟

[poucie]

السلام عليكم خير يا جماعة الخير شخباركم ؟
*ام سعد مبروك خشوشك لشهرك وانشاء الله اتجيبي على خير وسلامة وتقري عينك بشوقة سعودي انشاء الله
*نسرينا وينك مغطسة قوليلي انتي هي اللي بائنة هههههه قولي شن صار فيك بشرينا انشاء الله ربي يطعمك ولا يحرمك يا ربي

[نسرينا]

مراحب

اني بخير الحمد لله مستبردة شوي صداع و لوز ، حتى العمل خديت اذن وروحت على طول ...

اليوم شنو ؟؟؟ الثلاثاء ،،،، الايام تفووووت بشكل يرعش ...

ولتوا ما صار شيء واختى اللي بنوصيها تجيبلي الاختبا ر ،، عندهم عطلة ..

والله مش عارفة ؟؟

.

بوسي ... شن غداك ؟؟؟؟ *_ ^

[تيمو ليبيا]

السلام عليكم سنه حلوه عليكم يارب سمعت معلومه من دكتور وحبيت انقولهالكم في ايام التبويض الجماع يكون يوم ايه ويوم لا واحسن وقت الضهر والله اعلم انشالله تحملو في قريب يارب وسنة خير عليكم ام سعد حمدلله خشيتي شهرك كله ايامات وتشوفي وليدك بحداك وحتي ليبيا يارب تنوضو بسلامه

[ღॐ آية ღॐ]

السلام عليكم
كيف الحال والله مستاحشتكم فرداً فرداً
وشكرا لكل من سئلت عليا
انا بخير والحمد لله مشغولة بترتيب الحوش والضمان ..
الف مبروك ام سعد خشيتي شهرك وعقبال ما تجيبي وتنوضي بسلامة
سلام للجميع.

[ام قصى محمد]

السلام عليكم بنات بلادى انا من درنه ام لبنتين والجمعه الفائته رميت ولد في الشهر الخامس

[ام قصى محمد]

انا حابه نفيد ونستفيد

[ام قصى محمد]

وين شكلي بروحى

[ام قصى محمد]

تصبحوا علي خير

[الايمان]

اهل بام قصي محمد نورتي
اضواء انا حاسة بيك ليش مافكرتي في التلقيح او الزرع وهل درتي اشعة بالصبغة او منظار
اية وام سعد امانة تدعولنا لما تجيبن
عيون ونسرينا وليبيا وعاشقة كيفكم؟

[الايمان]

ام اسيل غياااااااااااااااااااااااااااااااااااابك طال
ميرنا حبيبتي كيف حالك

[ميمونة]

صباح الخيرات
هلا أم قصي ربي يعوضك خير
الأيمان كيف حالك

[نسرينا]

صباااااااااااااااااااااااح الخير

منو موجوووووووووووووووووووووووووود


.؟؟؟

[أم سعد]

صباح الأنوار

أنا موجوووووووووووووودة

[أم سعد]

أنا نكتب في ردود وتريح

شكرا لكل من باركلي على دخول شهري

وعقبال الكل ياااااااااارب

[نسرينا]

هلا

مبارك عليك التاسع وعقبا لما تحطيه بين ايدك يااااااااااااااااااااااااااارب

تعالي نقولك

.

[أم سعد]

الله يبارك فيك

قوووووووووووووووووولي

[ميرنا]

مافيش دكتور ولا دولة مامشتلهاش ومن ضمنهم محمدأمحيشى ولكن ربى مازال ماسخرش


اختى اضواء ربى كريم مازلتى صغيرة وان شالله يرزقك بس قولى لى محمد المحيشى شن قالك وماهى تحاليلك لى دارهن لك

[ميرنا]

ام السعد ربى يتمم لك على خير وتشيليه بين يديك

[ميرنا]

اختى ام قصى انستى وشرفتى التجمع وان شالله ربى يعوضك بخير منه بس قوليلى ليش اجهاضتى هل عرفتى السبب ؟

[نسرينا]

هههههههههه

اني درت اختبار الحمل

امممممم طلعلي الخط الغامق وطلع خط ثاني بس خفييييييييييييييييييييييييييييييييييييييف جدا جدا جدا يعني بالتركيز وفي الضي باش تقدري تشوفيه ...

اني والله ماقلت لحد حتى راجلي ما قلتلاش لان حسيت الخط خفيف هلبة
مع العلم ، كل الاختبارات اللي اندير فيها قبل ما يطلعش الخط الخفيف هذا ابدا ابدا المربع يكون ابيض ما فيشي شيء بكل ، والصدفة اني كنت مخليه اخر اختبار درته لما جيت قارنتهم الاول ما لقيتش فيه شيء والثاني لقيت الخط .

توا سألت حماتي " لانها تشتغل معاي " يعني هدرزنا من فوق لفوق حكتلي لما حملت قالتي الخط خفيف على الاخر لين طلعت في الضي برا باش قدرت نشوفه ....

مش عارفة شنو زعما حمل او لا

اني قلت نستنى كم يوم واندير اختبار اخر لو طلع نفس الخط او ادكن شوية اندير تحليل دم ..

.

هههههههههههههههه

تعرفي مصدومة ومش مصدقة

والله لو شفتيني كيف ركبت عالكرسي ولصقت في الثريا تقعدي تضحكي

.
.

[أم سعد]

شكرا ميرنا

وعقبااااالك ياااااااااااااااارب

[ميرنا]

نسور ايش اخبارك ان شالله ربى يفرحك هذا الشهر ويعطيك على قيس نيتك الطيبة يا نسرينا يا فرفوشة التجمع

[أم سعد]

هههههههههههههههههههههههههههههههههههههههههههههههههه هههههههههه

ألف ألف ألف مبرووووووووووووووووووووووووووووووووووووووووووووك

حتى أنا في حملي هكي صارلي واحد داكن والثاني خفييييييييييييييييييييييييييييييف بكل

والله فرحتلك من قلبي وبري جري تأكدي وديري تحليل دم

خللي الفرحة اتم وفرحي راجلك وعيلتك

يارب تتأكدي ويثبت حملك ويرزقك عيل كيف ماتتمني

:)

[ميرنا]

صحيح طالما طلع الخط الثانى هذا دليل على وجود فى الجسم هرمون الحمل باذان الله باذان الله حامل يا نسرين

[أم سعد]

عقباااالك ياميرنا وعقبال كل من تستنى

[ميرنا]

حبيبتى انتى لك كم يوم غايب عليك الدورة

[ميرنا]

عقباااالك ياميرنا وعقبال كل من تستنى

آآآآآآآآآآآآممين

[ميرنا]

نسرين والله والله فرحتلك من وسط قلبى

[ميرنا]

نسرين خلا ص اطلعى من الحمام

[ميرنا]

نسرين وين رحتى

[نسرينا]

والله رعشتوني

زعما بجد

باهي شنو معناها الخط خفيف هلبة

حيييي مش مصدقة

والله نرعش باللي فيا

.

[ميرنا]

نسرين شن اتكلمى فى راجالك ؟


نسرين قوليلى شن ريحة البول عندك حاشكم وهل عندك طعمة فى فمك زى المعدن وشن ريحة الاكل عندك وهل فى اسمرار فى الرقبة وشن مزاجك وهل فى افرازات قوية و البول فى الم فى الصبح ومتقطع هل هذه الاعراض مريتى بها

[أم سعد]

نسرين خلا ص اطلعى من الحمام
هههههههههههههههههههههههه
ههههههههههههههههههههههههه
ههههههههههههههههههههههههههه

[ميرنا]

صدقين الخط ميطلعش الا وفى حمل باذان الله

[نسرينا]

اني ما نبيش نتعشم

الخط الخفيف هذا ما ارتحتلاش هههههههههههههههههه

اخر دورة ليا يوم 8 - 11

[نسرينا]

بالنسبة للبول حااااااااااااااااااشاك ريحته بكل

بس ما عنديش اعراض ثانية ، وهذا اللي خلاني نشك .....

بس للعمل في حملي الاول ، شبه ما عنديش اعراض لا دوخة ولا ترجيع ولا غثيان ولا شيء ابدا

.

[أم سعد]

نسرينا ... ريحينا وبري ديري تحليل دم خيرلك

ميرنا .. الأعراض اللي قلتي عليها تختلف من وحدةى للثانية انا ماحسيت بشي بكل

بالعكس حسيت بأعراض الدورة لكن طلعت حامل

[نسرينا]

قاااااااااااااااااعدة يا ميرنا

امغير معرفتش شنو نكتب والله نرعش كللني

.

[أم سعد]

هههههههههههههههههههههههههههههههههههههههههههههههههه هههههههههههههههههه

بالعكس ارتاحيله الخط

[نسرينا]

عارفاتك يا ام سعد من بكري بتقوليلي ديري تحليل دم ههههههههه

لكن مازال نبي نتأكد قبل خلللي نستنى ايام و نعاود اندير اختبار

.

[نسرينا]

ان شاء الله ربي يسمع منكم

وربي يفرح قلوبنا كلنا ويطعمنا ولا يحرمنا ، ويسهل للجميع ياااااااااااارب

يارب يكون حمل يااااااااااارب

.

[ميمونة]

الف مبروك نسرينا والله فرحتلك من صماصيم قلبي ربي يثبةه وينبته

[ميرنا]

ايوه انا قاعدة انا لاعرض لى قلتلك عليهم صارن معى شهر لى فات ولقيت نفسى حامل وبعدها اجهضت ( وبعيد السو ء عليكن)

[أم سعد]

ايه عارفه بالك واااااسع ماشااااااااااااااااء الله

[poucie]

نسريناااااااااا وررررررررررررررررررررررررررررري هادي زغروطة من وسط قلبي وربي شاهد عليا يا حبيبة اتطمني ع الاخر مدام طلعلك الخط الثاني فهذا يعني انك حامل حتى لو كان خفيف لعلمك اني في حملي هذا لما درت الاختبار طلعلي حتى اني خط خفيف يادوب ايبان فنحي الوسواس من بالك وبري ديري تحليل دم اليوووووووم لانك ما تنسيش انك رامية من قبل وسبب الاجهاض ما كانش معروف فلازم تاخدي حبوب تثبيث وربي يثيتلك حملك لاكن خلاص إاأكدي انك حااااامل يا حبيبة والعقبة لوخيتي ميرنا يا رب

[ميرنا]

ميمونة يا عمرى انتى ان شالله ياتى دورك حتى انتى وتحملى فى هذا الشهر

[نسرينا]

ياااااااااااااااااااااااااااااااااااااااااارب
ربي يسمع منك ويكون حمل يارب
شكرا ليكم للعلم والله انتم اول من سمع ...
مش عارفة نقول العقبة ليكم والا شنو
نبي نتأكد ومش عارفة ،،، نخاف يطلع غلط ، لان الخط حرقلي دمي هههههههه من كثر ماهو خفيف
ميمونة وميرنا ان شاء الله يارب يارب يطعمكم ولا يحرمكم .. واني معاكم

[نسرينا]

قصدكم

بجد اني حامل ؟؟؟

خلاص حامل يعني

؟؟؟

[ميرنا]

بوسى امين يارب بس انا والله تعودت على قلة الحمل وعطب النهار بس انتمن من الله العالى القدير ان ايفرح اقلوب ها البنات الصغيرات لى مازالن يجارن ويجبر خواطرهن وبخاصتنا البنات لى معنا فى التجمع انحس بيهم ما ذاقن اطعمة الزواج على طول اركب فيهن تفكير فى الحمل وهن مازالن اصغار شوفى ميمونة و نسرين والايمان واضواء واغيرهن ربى ان شالله يجبر خواطرهن ويفرحن طول عمرهن الا انا بعد 39 سنة شن طعمتهم

[أم سعد]

بإذن الله حاااامل

[ميرنا]

قصدكم

بجد اني حامل ؟؟؟

خلاص حامل يعني

؟؟؟

تفالى خير تجيديه باذان الله حامل يا فرفواشة

[نسرينا]

لا يا ميرنا

وانتي اصلا شنو كبرك اللي في سنك قاعدين حتى ما تزجوش

وربي كريم ربي كريم

[نسرينا]

ههههههههههههههههههههه

هذا هو بس ما زال نتاكد لما نمشي لهديكا نفسها متع المعمل وتقولي حامل هههههه

.

[ميمونة]

تسلمين يا ميرنا إنشاء الله أنا وأنت يارب ومن يتمني الحمل

[poucie]

ليش يا ميرنا اتقولي هكي ربي رحمته واسعة راه خلي ايمانك بالله قوي اصلا انتي شن عمرك فيه هلبة اكبر منك وما تزوجوش اني وحدة قريبتي اتزوجت وهي اكبر منك وربي طعمها الذرية فليش انتي اتقولي هكي انشاء الله ربي يفرح قلبك يا رب ويطعمك ولا يحرمك انه على كل شئي قدير

[نسرينا]

أمين يارب العالمين

بوووسي / شن بدير غداك اليوم ؟؟؟ههههههههههههه

[ميرنا]

نسرين ما عتقد انك تقدرى اديرى غداء اليوم ههههههههه ما شية جاية على الحمام ربى يهنيك ويسعدك

[ميرنا]

توة نبى انعدى اندير اغداء اسمحولى

[نسرينا]

هههههههههههههههههههه

تسلمي يا ميرنا

ربي يسخرلك الحال ويفرح قلبك ويرزقك بحمل تام 9 شهور وتؤام ياااااااااااااااااااااااااااااااااااارب


.

[poucie]

أمين يارب العالمين

بوووسي / شن بدير غداك اليوم ؟؟؟ههههههههههههه

هههههههههههه باهي باه يا نسرينا اصلا العدوة تواء حتنتقلك تواء اتشوفي ههههههه

[نسرينا]

ههههههههههههههههههههههههههههههههههه

بجد والله كل ما نفكر في الغدي تخطري عليا هههههههههههه

.

[ღॐ آية ღॐ]

نسرينا بسم الله مشاء الله وتبارك الله
هدا حمل اكيد حبيبتي حتى انا في حملي هدا درت اختبارو طلع الخط التاني خفيف
الف مليوووووووووووون مبروك
والعقبة للحبوبة ميمونة وكل متمنية في القريب العاجل يارب...
ديري تحليل دم باش تعرفي نسبة الحمل
وربي يتبته يارب ..

[ღॐ آية ღॐ]

نسرينا شدي الدور
ووتي روحك للوحم والدوخة
انشاء الله تجي تهدرزينا كيف امدايرة معه ويارب
يجيك الوحم خفيف ..

[نسرينا]

تعاااااالي يآيه

راهو الخط خفيف هلللللللللللللللللبه يا دوبك يا دوبك يبان ....

[نسرينا]

مش نستنى شوية ونعاود الاختبار أفضل ؟؟؟

[نسرينا]

ولوكان عالوحم ، في حملي الاول ما توحت علي شيء ولا دوخة ولا ترجيع عاااادي ، غير راجلي بس ...

.

[اضوء]

السلام عليكم الف مبرووووووووووووووك نسرينا وأنشاء الله حمل يارب ميرنا حبيبتى لايأس من رحمة الله عندى سلفتى مواليد70 متزوجة ليها هلبة دارت عملية زرع جابت تؤام بنات ليها ولادة 4شهور والعقبال الجميع لى يستنو بحمل طبيعى سليم ومعافة اما بالنسبة لسؤالك عن الدكتور محمد أمحيشى دارلى تحاليل كاملة وطلعت نفس النتيجة لكن أنشاء الله أنفكر فى الحقن المجهرى

[نسرينا]

شكرا يا أضواء

ويارب يكون فعلا حمل ، وما تكون تهانيكم وفرحتكم وفرحتي عالفاضي ...

عقبالك يارب ، بس قوليلي بما ان كل التحالييل سليمة ، انتي جربتي الحجامة ؟؟؟؟

.

[ميمونة]

نبو الزرده مش تهربي بيها
مش قتلكم آيه وأم سعد يجيبوا واثنين يحملو

[نسرينا]

هههههههههههههههههههه

يلا يعني وتي روحك ، اني الجاية ان شاء الله

.

[نسرينا]

غير نتأكد ويطلع حمل قبل وبعدين ما نختلفوش

.

[ميمونة]

حتي أنا لا
نحس في روحي مش حامل هالشهر بالك في الشهورا الجايه

[ام قصى محمد]

مرحبا من موجود؟

[ام قصى محمد]

اختي ميمونه اسفه بس شن المشكله ممكن نساعدك والله اعلم

[اضوء]

والله يانسرينا قلت لراجلى نبى نحجم لكن مانيش عارفة من يجحم نبى واحدة مشكورة أصلى خوفة بالله كان عارفة حد أنت ولا البنات قولولى جزأكم الله كل خير

[ام قصى محمد]

انا نحب قرا ونطالع وعندي خبرة تقول دكتوره

[ام قصى محمد]

مرحبا اختى اضواء

[ميمونة]

هلا أم قصي مافي مشكلة ليا سنة وشهرين متزوجه ربي ماسخرش

[ام قصى محمد]

بنسبه للحجامه انا نعرف وحده بس فى طبرق ممتازه انشالله

[ليبياقلبي]

اول شي اختي نسرينا الف الف مبروك وان شاء الله حامل بعون الله مدام طلعلك هافت هلبة صارلهم هكي خلاص تو بتخشي تبشرينا بعون الله امشي ديري تحليل وفرحي زوجك وعيلتك ياحلوة
ميرنا انا الوحيدة لي ديما نسال فيك والوحيدة لي مترديش عليها مرة قلت ممكن مضايقة بس حسيتك توا تردي علا الكل الا انا هل يوجد سبب اكتر من مرة سالتك علا دكتور محمد شن قالك وين عايتني عنده وين
ميمونة مكتبتيش بكل اسم ليبيا شنو شورني بنجيب في العاشر ههههههه قلتي اية وام اسعد واحنا نفس الشهور ياساتر وخلاص
بوسي شن اخبار الحمل معاك
اضواء الحقن هلبة نجح معاهم وانت بعون الله مدام تحاليك كويسة يمشي معاك انا نعرف وحدة زيك دارلها تحاليل هي وراجلها عنده وطلع مافيش شي زرعت وجابت توام 2ولاد وربي يسهلك يارب
ايوتة قاعدة تقاومي ههههههههه كم ليك في شهرك

[اضوء]

أهلين أختى أم قصى محمد

[ليبياقلبي]

ام قصي محمد الحمد لله علا سلامتك وربي يعوضك يارب
شن مدرتوش غداء

[ليبياقلبي]

اهلا اضواء انت وين عايتني عنده دكتور محمد مصراتة ولا طربلس انا نتابع عنده في لميس

[اضوء]

بعيدة هلبة طبرق أنى من طرابلس وكان نلقى واحدة هنا أفضل لأن كيف ما تعرفى الحجامة جلسات بش مرة واحدة

[ام قصى محمد]

اختى ميمونه كله رزق انا نعرف وحده كملت السنتين من غير حمل وكل دكتور يقوللها شكل فى الاخير قررت تزرع ومشت لمصر وخلاص بس البويضه ماقبلتش التلقيح رجعوا يبكوا والحاله حاله بس ربى عالم الشهر الى بعده على طول حملت طبيعى وهى توا فى السابع عقبالك

[ميمونة]

ليبيا نحسابك في الثامن بجد خلاص يعني 3 حوامل جدد هالشهر قولوا امين

[اضوء]

أنى كنت نتابع عنده فى المسرة فى طرابلس

[ليبياقلبي]

اه في المسرة اضواء الحجامة جلسات والله انا في طربلس مانعرف الحق معرفتي خاصة في الخمس
ميمونة انا السبت نخش شهري علا خير شن مدايرة غداك

[ام قصى محمد]

انا توا فى حاله حزن لانى خلاص وصلت للخامس من دون مشاكل لاول مره فى العاده كل حمل لعند النهايه علي اعصابى وبعدها نمرض ويطلع البيبى ميت وقررت انه ينزل طبيعى ونقعد ثلاثه ايام بيش نزل وطلع وليد

[ام قصى محمد]

اضواء ضرورى تحجمى فى طرابلس

[ليبياقلبي]

باهي جربي الزرع كويس ومضمون

[ليبياقلبي]

ام قصي انت الحمد لله عندك وعادي ما اخد منك الا ليعطيك وحتى انا في حملي الاول هكي في التالت قلبه وقف ميت ليه5في بطني بس الحمد لله بعدها ربي عوضني بحمل تاني ولسه حامل بالعكس افرحي هذا ابتلاء من ربي معناها ربي يحبك

[ღॐ آية ღॐ]

السلام عليكم
ام قصي ربي يعوضك خير
ويرزقك في القريب العاجل
ليبيا شن اخبارك وان شاء الله تخشي لتاسع على خير
انا اليوم ليا 12 يوم بزبط في شهري
من كتر الحركة والضمان بطني نزلت ويجوني وجعات لاكن متباعدات
قالتلي ماما ارتاحي لان احتمال يكون هدا دليل ولادة
انا نبي نكمل لنهاية التاسع او على الاقل لين نكمل ترتيبي مازالي الحلوة والمزين والحنة
يعني الاسبوع الجاي بنتفرغ لي عمري
وطبعا بنشري دباير العصيدة والجغوم والحلويات و ...الخ الخ
يارب فوتلي عقاب هدا الاسبوع والاسبوع الجاي يارب
ادعولي بنات...

[أم سعد]

آية ... كيف حالك؟؟

تعرفي حتى أنا يجيني وجع بعيد على بعضه ... ونفس الشي قالاته أمي ليا

يستر الله ...

ليبيا .. إن شاء الله تخشي شهرك على خير

[ام قصى محمد]

انا من يوم الي مرضت يعنى من الثلاثاء الماضى من10 ايام ماحطيت طنجرة فىالاول مشيت لاهلى لعند مانزلت وبعدين مره عميمتى ومره سلفتى ومره اختى ومر مرت خوي واليوم عميمتي

[ميمونة]

ليبيا ربي يكمل عليكم بالخير أنت وآيه وأم سعد

[ღॐ آية ღॐ]

ام سعد اكيد انتي ناشطة زيني>>>تشكر في عمرهآ هههههههhwaml7
لاكن حاولي ترتاحي لان مش باهي تولدي في بداية التاسع على الاقل خودي اسبوعين فيه
لان الولادة قبل الاسبوع 37 تكون مبكرة ويمكن يحتاج الطفل للحضانة
ابعد الله علينا سوهآ..
لازم ترتاحي انا قلتلك ردي بالك على عمرك ويارب خير ليه وليك.

[ام قصى محمد]

ايه هذى الاوجاع اسمه ليه التخليص يعنى رحمك يهئ للولاده وانشالله يخلصك ربى على خير

[ღॐ آية ღॐ]

ميمونة ربي يسلمك
وعقبالك..

[ام قصى محمد]

اختى ليبيا قلبى انا مش زعلانه لانه هذا اختبار لصبرى وايماني وانا احتسبته لله وانشالله نلقه انا وزوجى شفيع وسميته عبد الرحمن

[ليبياقلبي]

ايوتة خلي بالك علا روحك والله حتى انا امس ضميت حاجات في حوشي معا انه اماليا جوني بس جاني وجع وخفت ربي يسهل علينا ام اسعد انت في اي اسبوع انا الاسبوع جاي نخش37
ميمونة شن مدايرة غداك

[ليبياقلبي]

يالا انا بنطلع توا سلام

[عيون زوجي]

السلااام عليكم
شن اخباركم يا نسويناااااااااات...
نسرينا ..الف الف مبروك ما سمعنا
ولازم اديري تحليل دم باش تتاكدي
ويارب يفرح قلبك ويكمل حملك على خيرررررر
عقبالك يا ميرنا والله سبحانه وتعالى يقول
انا عند ظن عبدي بي
خلي ظنك بالله خير وهو الرازق والعاطي
ويارب تحملي وتجيبي على خيررر
وبري ديري زرع شن تستني

[عيون زوجي]

ام سعد مبروك اعليك التاسع
ويارب تجيبي بالسلامه انتي وايه وليبيا
وبعدين نفرحوا بالباقي
بوسي وحنين ومعراج وعاشقه

[عيون زوجي]

اختي جابت يوم الجمعه بالعمليه
تعذبت بالطبيعي والطلق والرحم مافتحش اكتر من 1.5سم
والحمدلله جابت اوليد حلووو
عقبال عندكم سماته عبدالرحمن
ومرت خوي قبلها بيوم ونص طبيعي
مع انها مواليد94 ربي سهلها اعليك
ماحستش الم كبيررر بكل وجابت طبيعي بلا عداب
ماشااااااااءالله اعليهم
وعقبالكم يارب

[عيون زوجي]

اضواء وام قصي مرحبتين بيكم بينا

[عيون زوجي]

انا جعانه ما درتش غدي
بنتصل براجلي ايجيب غدي من برا وخلاص
لانه هو يتغدي برا ويروح مع ال 5 العشيه

[عيون زوجي]

سورينام حبيبتي وينك تعالي طمنيني اعليك
ولا زعمه فيه حد خش اعليكم في شقتكم
في ظل هالفوضى والدوشة يلي صارت

[عيون زوجي]

ام اسيل شكلك زرعتي في عيادة الامل صح
يارب ايكون شكي في محله وتفرحينا

[عيون زوجي]

بنسئلكم مرت خوي مدايرة اسبوع
الاسبوع الجاااااااااي
والحاجه الحلوة يلي بتقدمها مع الشاهي
قلتلها اني بنجيبهالها هديه
ومحتارة شن ناخدلها اقترحوا اعليا
بالله اعليكم
مانبيش كيكه ولا حلوات حوش
ولا كنافه بالقشطه
شن الحل وشن ناخد ومن وين
نبي تفاعلكم وردودكم يلي زي البلسم
هيا افيدوني..........

[أم سعد]

أهلين عيون نورتي

والله يبارك فيك ... ومبروك على أختك ومرت خوك

[ميمونة]

هلا عيون مبارك علي وخيتك
أنا مدايره غداي بازين ياليبيا

[عيون زوجي]

نستأذنكم رح انخش في الليل
ونبي نسمع بشارة خير من نسرينا
ونلقاكم كلكم
مافيش مرة خشيت ولقيت وحده منكم تهدرز معاي
يارب نتلاقوا على خيررررررر

[عيون زوجي]

هلا بالغاليات
ام سعد وميمونه
مبروك مرة تانيه على شهرك ويارب تنوضي بالسلامه
وعقبالك يا ميمونه الحلوة
للعلم مانعرفش اندير بازين لاني ماناكلش فيه